Magdalena

მასაჩუსეტსის ტექნოლოგიური ინსტიტუტის მეცნიერებმა წარმოადგინეს ყველაზე ამაზრზენი ტექნოლოგიური მიღწევების რეიტინგი: ელექტრო-სიგარეტები: ამერიკული ელექტრო-სიგარეტების მწარმოებლის, Juul-ის პროდუქციამ 2018 წლისთვის სწრაფად მოიპოვა პოპულარობა. ელექტროსიგარეტებმა გააღვიძეს მოწევის სურვილი ახალგაზრდებში - აღნიშნავენ მეცნიერები. გარდა ამისა, მოდური დიზაინისა და ხელმისაწვდომი ფასის გამო პროდუქცია აქტიურად გაყიდვადია. წელიწადის განმავლობაში, მხოლოდ ამერიკის მასშტაბით, ელექტრო-სიგარეტების მომხმარებელთა რიცხვი ორჯერ გაიზარდა. ადამიანების გენეტიკური მოდიფიკაცია: 2018 წელს სამეცნიერო სამყაროს ერთ-ერთი მთავარი პერსონაჟი გახდა ჩინელი მეცნიერი ხე ცზიანკუი, მიუხედავად მის თავზე დამტყდარი კრიტიკისა. წლის ბოლო პერიოდში მან განაცხადა, რომ შექმნა გენეტიკურად მოდიფიცირებული ბავშვები, ორმელთაც გააჩნდათ იმუნიტეტი შიდსისადმი. დღესდღეობით კი პრაქტიკულად მსოფლიოს ყველა ქვეყანა აპირებს გააძლიეროს CRISPR-სფეროს რეგულაციები, რაც ნეგატიურად აისახება სამომავლო სიახლეებზე და, ზოგადად, მეცნიერებაზე. Google-ის მაძიებლის - Dragonfly-ს შექმნა ჩინეთისთვის 2018 წლის შუა პერიოდში ცნობილი გახდა, რომ Google-მა შექმნა Dragonfly - ახალი საძიებო სისტემა ჩინეთისთვის, რომელიც სახელისუფლებო ცენზურას ექვემდებარება. ამან მასიური პროტესტი გამოიწვია კომპანიის თანამშრომლებს შორის, ჯამში კი კომპანიის ხელმძღვანელმა სუნდარ პიჩაიმ განაცხადა პროექტის დახურვის შესახებ. ნებაყოფლობითი ევთანაზია სამეცნიერო მიზნებისთვის Nectome-ისგან: სტარტაპმა Nectome-მა წარადგინა ტექნოლოგია, როლის მეშვეობითაც შესაძლებელია ცოცხალი ტვინის გაყინვა, რათა სამომავლოდ მოხდეს მისი აღდგენა და შესაძლოა, ტვინის მფლობელის გაცოცხლება. ამ იდეის მთავარი განსაკუთრებულობა ის არის, რომ ამის გაკეთება საჭიროა იმ დროს, როდესაც ადამიანი ჯერ კიდევ ცოცხალია. ეს ნიშნავს, რომ ადამიანს შეუძლია ნებაყოფლობით მოისურვოს სიკვდილი, რათა მომავალში მკვდრეთით აღადგინონ. https://hightech.fm/2018/12/30/mit-biggest

გეოლოგებმა აღმოსავლეთ ანტარქტიდაში აღმოაჩინეს სითბოს ფარული წყარო. სავარაუდოდ, ეს არის რომელიღაც რადიოაქტიური მინერალი, რომელიც ნელ-ნელა ადნობს ყინულს მიმდებარე რეგიონში. მკვლევარებმა სითბოს წყაროს მიაგნეს თვითმფრინავის რადიოლოკაციური მაჩვენებლებით, როდესაც რეგიონის თავზე დაფრინავდნენ. რადიოლოკატორმა ჩააღწია ყინულში 3 კილომეტრის სიღრმეზე და აღმოაჩინა ძლიერი რადიოაქტიური გამოსხივება. შემდგომმა კვლევებმა აჩვენა, რომ აღმოსავლეთ ანტარქტიდაში ყინულის დნობა მიმდინარეობს ქვემოდან ზევით. თბილი წყალი მიედინება ყინულისქვეშა ტბებში, რაც შემდგომში აჩქარებს ზედაპირული მყინვარების დნობას - აღნიშნავს ScienceAlert. „დნობის პროცესი, რომელსაც ჩვენი მკვლევარები აკვირდებიან, ათასობით ან მეტი წელია რაც მიმდინარეობს და იგი პირდაპირ ზეგავლენას არ ახდენს ყინულის საფარის ცვლილებაზე. თუმცა სამომავლოდ, ბუნებრივ დნობას დამატებული თბილი წყალი უფრო მეტად მგრძნობიარეს გახდის რეგიონს კლიმატის ცვლილების კუთხით“. - აცხადებს ტომ ჯორდანი, ანტარქტიდის ბრიტანულ მკვლევართა გუნდის წევრი. ამ აღმოჩენამდე ადრეულ პერიოდში არიზონას უნივერსისტეტის ოკეანოლოგებმა გამოთვალეს, თუ რა გავლენას მოახდენს ანტარქტიდის მყინვარების დნობა გლობალურ კლიმატზე. თუკი მეცნიერთა დასკვნები და გამოთვლები სწორია, მიმდინარე ტენდენციის მიხედვით მსოფლიო ოკეანის დონე 2100 წლისთვის 101 სანტიმეტრით გაიზრდება და არა 76,2-ით, როგორც ამ დრომდე ითვლებოდა. https://hightech.fm/2018/11/21/hidden-warm

როგორც ცნობილია, რობოტს ექნება გარდაცვლილი ადამიანის სახის 3D ნიღაბი და გამოსცემს იმავე ხმას, რასაც კონკრეტული ადამიანი. რობოტის საშუალებით „გარდაცვლილ ადამიანთან კონტაქტი მომხმარებლებს შეეძლებათ 49 დღის განმავლობაში, რაც წარმოადგენს დაკრძალვის შემდგომ სამგლოვიარო პერიოდს იაპონური წესის მიხედვით. ამგვარი რობოტის კონცეფცია წარმოადგინა კომპანია Digital Shaman-მა. კომპანიის წარმომადგენლები პირველ რიგში ინტერვიუს ჩაწერენ მსურველებთან, შემდეგ კი მოხდება ამ ჩანაწერის გამოყენება რობოტის ფუნქციონირებისას. აგრეთვე, მონაცემები შეგროვდება ადამიანის ფიზიკური მახასითებლების შესახებაც. მას შემდეგ, როდესაც მომხმარებელი გარდაიცვლება, მისი ოჯახის წევრებს შეეძლებათ რობოტის პროგრამის ამოქმედება, რომელიც იმიტირებს პიროვნებას, საუბარს და ჟესტებს - ხელებისა და თავის მოძრაობას: იმ მოძრაობებს, რასაც ადამიანი ინტერვიუს დროს ახორციელებდა. რობოტის შემქმნელია ეცუკი იჩიჰარა - იგი ამბობს, რომ ამგვარი რობოტის შექმნის იდეა მას ბებიის გარდაცვალების შემდეგ დაებადა. „მე მკაფიოდ მახსოვს დაკრძალვიდან გარკვეული დეტალები. რიტუალი შოკისმომგვრელი იყო“. იაპონელები ცდილობენ შექმნან ალტერნატიული საშუალებები ახლობლებთან საკონტაქტოდ. „ვფიქრობ, რომ ეს არის ერთგვარი შეტყობინება და გამომშვიდობება. მომხმარებლებს შეეძლებათ ჩაწერონ ნებისმიერი სახის საუბარი და შეტყობინება, რასაც თავად მოისურვებენ. შემდეგ კი ამ საუბარს რობოტი გააჟღერებს“ - განაცხადა იჩიხარამ. რობოტის ავტორი გეგმავს, რომ სამომავლოდ ეს რობოტი ფართო საზოგადოებას წარუდგინოს. „ვთვლი, რომ ეს მეტად დაეხმარება ადამიანებს“ - აღნიშნავს იგი. https://hightech.fm/2018/12/31/relatives

Samsung-მა ჯერ კიდევ აგვისტოში დააანონსა ახალი Galaxy Home სმარტ სპიკერი Bixby-ს მხარდაჭერით. ესაა პრემიუმ კლასის მოწყობილობა, რომელმაც იდეაში კონკურეცია უნდა გაუწიოს Apple-ის HomePod-ს და Amazon-ის Echo Plus-ს. მაშინ, როდესაც აღნიშნული მოწყობილობა ჯერაც არაა გამოშვებული და სავარაუდო თარიღიც არაა ცნობილი, Samsung-ი გეგმავს გამოუშვას მეორე Bixby სპიკერი შავი შეფერილობით. SamMobile-ის თანახმად, როგორც ანონიმური წყაროები იყტობინებიან, იგი იქნება უფრო მეტად ხელმისაწვდომი იმ მომხმარებლებისთვის, ვინც დაბალბიუჯეტურ სეგმენტს ანიჭებს უპირატესობას. მეორე Bixby სპიკერის მოდელი იქნება SM-V310, მაშინ როდესაც დაანონსებული Galaxy Home-ის მოდელია SM-V510, რაც ნიშნავს იმას, რომ Bixby მოდელი ფუნქციონალური თვალსაზრისით იქნება შედარებით უფრო სუსტი, მიუხედავად იმისა, რომ მისი ზუსტი სპეციფიკაციები არ არის ცნობილი. როგორც ცნობილია, Galaxy Home-ის მოდელს ექნება 6 ინტეგრირებული დინამიკი, ბასი და 8 მიკროფონი. Samsung-ს აგვისტოს შემდეგ ბევრი არაფერი უთქვამს Galaxy Home-ზე, თუმცა სავარაუდოდ 2019 წლის CES კონფერენციაზე, სადაც ის მიიღებს მონაწილეობას, მეტ ინფორმაციას მიაწვდის მომხმარებელს. https://www.theverge.com/circuitbreaker/2018/12/29/18160606/samsung-bixby-smart-speaker-galaxy-home-budget-version

კონტინენტშორისმა ბირჟამ The Intercontinental Exchange-მა (ICE) ოფიციალურ მოხსენებაში განაცხადა ფიუჩერსული საკონტრაქტო პლატფორმის, Bakkt Bitcoin-ის (USD) განახლებული მონაცემების შესახებ. ICE-ის დოკუმენტში ნათქვამია, რომ „ICE Futures US, Inc.-მა გაიარა კონსულტაცია ფიუჩერსების სავაჭრო კომისიასთან (CFTC-სთან), და მოსალოდნელია, რომ 2019 წლის დასაწყისში წარმოდგენილი იქნება Bakkt Bitcoin-ის სავაჭრო, clearing-კონტრაქტის განახლებული გრაფიკი“. დოკუმენტში ასევე მეორდება, რომ კომპანია ამ დრომდე ორიენტირებული იყო - bakkt-ი 2019 წლის 24 იანვარს აემოქმედებინა, მაგრამ ეს თარიღი „შეიცვლება CFTC-ის ვადებისა და პროცესის შესაბამისად“. განცხადებაში აღწერილია Bakkt-ის ფიუჩერსული კონტრაქტების განსაკუთრებული მახასიათებელი: „ყოველდღიური ფიუჩერს-კონტრაქტი Bakkt Bitcoin (USD) - ეს არის გათვლილი და Bitcoin-ებზე მიბმული კონტრაქტი - Bitcoin-ებზე, რომლებიც ინახება Bakkt Warehouse-ში. ვაჭრობა აშშ დოლარებში განხორციელდება“. როგორც Cointelegraph-ი იტყობინება, Bakkt-მა დაასრულა დაფინანსების პირველი ეტაპი და მოაგროვა 182,5 მილიონი დოლარი 12 პარტნიორისა და ინვესტორებისგან. აგვისტოს დასაწყისში ICE-მ განაცხადა, რომ აპირებდა შეექმნა „ღია და რეგულირებადი გლობალური ეკოსისტემა ციფრული აქტივებისთვის“ Microsoft-ის cloud-ინფრასტრუქტურის ბაზაზე. Galaxy Digital-ი - ეს არის Bakkt-ის დამფინანსებელი, სპონსორი კრიპტოსაინვესტიციო კომპანია. მისმა დამფუძნებელმა Bakkt-ის მოსალოდნელ ამოქმედებას უწოდა სფეროში ერთ-ერთი მნიშვნელოვანი მიღწევა, რომელიც შეძლებს კრიპტო-ბაზრებზე დაღმავალი ტენდენციების დახმარებას. https://cointelegraph.com/news/launch-timeline-for-bakkts-bitcoin-futures-to-be-clarified-early-2019-ice

AT & T ოპერატორმა სულ ცოტა ხანია, რაც აამოქმედა 5G ქსელის სატესტო ვერსია აშშ-ის 12 ქალაქში და მოსახლეობას 90-დღიანი უფასო მოხმარების საშუალება მისცა. Reddit-ზე გამოქვეყნებული შეტყობინებების თანახმად, მომხმარებლები, რომლებმაც ტესტირებაში მონაწილეობა მიიღეს, აცხადებენ, რომ ახალი ქსელის სიჩქარე აღფრთოვანებას ვერ იწვევს. ინდიანაპოლისში მცხოვრებმა ერთ-ერთმა მომხმარებელმა აღმოაჩინა, რომ ქსელის საშუალო სიჩქარე შეადგენს 194,88 მბიტი/წმ.(24,36 მბ/წმ), რაც საკმაოდ კარგად გამოიყურება. მან ეს მაჩვენებელი შეადარა LTE Advanced-ის ეკვივალენტი ქსელის სიჩქარეს, რომელიც რეალურად 4G-ის წარმოადგენს და აღმოჩნდა, რომ ფაქტობრივი განსხვავება არც ისე დიდია. მან მიაღწია ჩამოტვირთვის საშუალო სიჩქარეს - 187,44 მბიტი/წმ (23,43 მბ/წმ) 5G ქსელში. თუმცა ატვირთვის სიჩქარის მხრივ კი AT & T 5G + ქსელის სიჩქარე ორჯერ მეტია. უნდა აღინიშნოს, რომ ახალი ქსელი ჯერ მხოლოდ ტესტირების პროცესში იმყოფება და ხელმისაწვდომია აშშ-ის მხოლოდ 12 ქალაქში. https://overclockers.ru/blog/garik2013/show/23051/pervye-pokazateli-skorosti-5g

2019 წელს უფრო მეტ სიახლეს მიიღებს საზოგადოება, ვიდრე ეს ხდებოდა 2018-ში. რა მიმართულებით უნდა ველოდოთ განსაკუთრებულ და ღირსშესანიშნავ ცვლილებებს სამომხმარებლო ტექნოლოგიებში: 5G აშშ-სა და სხვა რამოდენიმე ქვეყანაში 2019 წლის გაზაფხულისთვის უკვე ხელმისაწვდომი იქნება 5G მხარდაჭერის მქონე სმარტფონები. ამავე დროს, ან შესაძლოა უფრო ადრეც კი გამოჩნდეს 5G ქსელის მოდემები. მცირე ხნის წინ გამართულ ტექნოლოგიურ სამიტზე კომპანია Samsung-მა მოახდინა 5G სმარტფონის პროტოტიპის დემონსტრირება, AT&T-მ და Verizon-მა კი გამოუშვეს ახალი თაობის სატესტო ქსელები. ამ ორ ამერიკულ ოპერატორს, რომლებიც მცირე ხნის წინ გაერთიანდნენ T-Mobile-სა და Sprint-თან - შორს მიმავალი გეგმები აქვთ 5G ქსელთან დაკავშირებით. მომავალი თაობის ფიჭური ქსელები მომხმარებელს ჰპირდება არა მხოლოდ საგრძნობლად გაზრდილ სიჩქარეს, არამედ ქსელის მინიმალურ შეფერხებებს, რასაც გადამწყვეტი მნიშვნელობა ექნება მთელ რიგ ტექნოლოგიათა განვითარებისთვის: ავტონომიური ავტომობილების სფერო, cloud-თამაშები, ქირურგია და ა.შ. თუმცა, 2019 წელს განსაკუთრებულ გარღვევებს არ უნდა ველოდოთ: ქსელის სრულფასოვანი ამოქმედება მსოფლიოს განვითარებულ ქვეყნებშიც კი ვერ მოხდება 2020 წელზე ადრე. 2019 წელს მსოფლიოში დაახლოებით 25 ქსელური ოპერატორი გაავრცელებს 5G მომსახურებას, წლის ბოლოსთვის კი დაახლოებით 1 მილიონი სმარტფონი იქნება ახალი თაობის ქსელში ჩართული. შედარებისთვის: 2019 წლისთვის ბაზარზე მიწოდებული იქნება 1,5 მილიარდი სმარტფონი, რაც 1500-ჯერ მეტია. დრეკადი ეკრანის მქონე მოწყობილობები ეს ტექნოლოგია საკმაო ხანია რაც დაანონსდა, თუმცა რეალური მოწყობილობა ბაზარზე ჯერ არ მოხვედრილა. 2019 წელს იგეგმება დრეკადი დისპლეების მქონე მთელი რიგი მოწყობილობების გამოსვლა - სულ მცირე, Samsung, LG, Huawei, Motorola აპირებენ მსგავსი მოწყობილობების გამოშვებას. ჯერ კიდევ ოქტომბერში სტარტაპმა Royole-მ წარადგინა FlexPai, რომელიც მსოფლიოში პირველ კომერციულ დასაკეც სმარტფონად ითვლება. იგი 1300 დოლარზე მეტი ღირს და ჯერჯერობით განკუთვნილია მხოლოდ ანტრეპრენერებისთვის. კომპანია Samsung-მაც მოახდინა თავისი სამომავლო დრეკადი დისპლეის მქონე სმარტფონის პროტოტიპის დემონსტრირება. Google-მა კი განაცხადა, რომ ამ ფორმატის სმარტფონებს ექნებათ Android-ის მხარდაჭერა. ჯერჯერობით უცნობია, რამდენად არსებითია ამგვარი სმარტფონების დადებითი მხარეები, რომლებიც გადაფარავს მათ ღირებულებასა და მოუხერხებლობას. 2019 წელი ასევე ითვლება უჩარჩოო დისპლეებისა და კამერებისთვის განკუთვნილი ჭრილების მინიმიზაციის წლად. კომპანია Apple აამოქმედებს საკუთარ სატელევიზიო სტრიმინგ-სერვისს, რომელიც Netflix-ისა და Amazon Prime-ის კონკურენტი გახდება და წარმოდგენილი იქნება ექსკლუზიური კონტენტით. როგორც მოსალოდნელია, იგი ამოქმედდება 2019 წლის მეორე ნახევრიდან. სერვისი ხელმისაწვდომი იქნება iPhone-ზე, iPad-ზე, Mac-სა და Apple TV-ზე, რაც შეეხება Android-სა და Windows-ს - მათ ექნებათ თუ არა Apple-ის სტრიმინგ-სერვისის მხარდაჭერა - უცნობია. აგრეთვე, კომპანია Disney-მაც განაცხადა, რომ 2019 წელს წარადგენს საკუთარ ფასიან სტიმინგ-სერვისს - Disney Plus-ს, რომელზე მუშაობაც აქტიურად მიმდინარეობს. ახალი გეიმინგ-კონსოლები კომპიუტერული თამაშების მოყვარულნი ელიან Microsoft Xbox-ისა და Sony PlayStation-ის შემდგომი თაობის კონსოლებს, თუმცა რამოდენიმე მათგანი შესაძლოა 2020 წლამდე ვერ გამოვიდეს. Nintendo-ს ფანებს კი შეეძლებათ შეიძინონ განახლებული ჰიბრიდული კონსოლი Nintendo Switch. ცნობების თანახმად, Nintendo-ს ახალი კონსოლის გამოსვლა ზაფხულისთვისაა მოსალოდნელი. მას ექნება გაუმჯობესებული დისპლეი, მაღალი წარმადობა და ავტონომიური მუშაობის უფრო დიდი დრო. 2019 წელს 8K ტელევიზორების მასიური დანერგვა სავარაუდოდ ვერ მოხდება LG და Samsung-ი უკვე სთავაზობენ საზოგადოებას გიგანტურ ტელევიზორებს 8K გაფართოებით, თუმცა გამორიცხულია მათი მასიურად გამოშვება მომდევნო წელს. სამაგიეროდ, 4K მონიტორები და ტელევიზორები უფრო ხელმისაწვდომი გახდება მომხმარებელთათვის. თანამედროვე ხელოვნური ინტელექტი ხელოვნური ინტელექტის გავლენა ახლაც კი მეტად შესამჩნევია, 2019 წლიდან კი მასზე აქცენტი კიდევ უფრო გამახვილდება და ამ ტექნოლოგიის მქონე სერვისები კიდევ უფრო თვალსაჩინო და ფართო მოხმარების საგნად იქცევა. კომპანია Ericsson-ის მიერ ჩატარებული გამოკითხვის შედეგად აღმოჩნდა, რომ რესპოდენტთა 57%-ს სურს, მათმა სმარტფონმა ამოიცნოს ავად ყოფნის სიმპტომები მანამდე, სანამ თავად მიხვდებიან. კიდევ 47 %-ს სურს, რომ ვირტუალურმა დამხმარემ გადაწყვიტოს - როდის უნდა მიმართოს მომხმარებელმა ექიმს, სტომატოლოგს ან სტილისტს. რაღა თქმა უნდა, 2019 წელი ბევრ სხვა სიახლესაც მოიტანს, მათ შორის ისეთებსაც, რასაც საზოგადოება არ ელის. ვიმედოვნებთ, რომ კარგი სიახლეები ნეგატიურზე მეტი იქნება. https://3dnews.ru/980448

ჰარვარდის უნივერსიტეტის ინჟინრებმა შეიმუშავეს თუთია-იონური ბატარეების წარმოების ახალი საშუალება. იგი ხელს უწყობს რთული ფორმების შექმნას და მოსახერხებელია მისი გამოყენება სხვადასხვა ტიპის თან სატარებელ მოწყობილობებში - წერს ACS Nano. ამ დროისთვის ყველაზე გავრცელებულ ლითიუმ-იონურ ბატარეებში დადებითად დამუხტული ლითიუმის კათიონები - Li2+ გამოიყენება კონტურით ელექტრული მუხტის გასატარებლად. ამგვარ ბატარეებს მთელი რიგი ნაკლოვანებები აქვთ - ლითიუმის მარაგი შეზღუდულია და ძვირი, ბატარეები კი ზოგჯერ შესაძლოა აალდეს მოკლე ჩართვის შედეგად. ამიტომ მეცნიერები ეძებენ ახალ მასალებს ბატარეების წარმოებისთვის, რომლებიც ჩაანაცვლებენ ლითიუმ-იონურ ბატარეებს. თუთია-იონური ბატარეა, რომელიც ჰარვარდის მკვლევარებმა შექმნეს, შედგება თუთიის კათოდისა და ანოდისგან, მინაბოჭკოვანი სეპარატორისა და პოლიმიიდის კონტაქტებისგან. ბატარეის კორპუსი დამზადებულია პლასტმასისგან, თავად ბატარეას კი შეუძლია გამოუმუშავოს ძაბვა 0,7-დან 1,7 ვოლტამდე. მეცნიერებმა ბატარეის გამოცდა ჩაატარეს სიბნელის დეტექტორზე. ფოტოელემენტის საშუალებით მოწყობილობა განსაზღვრავს განათების დონეს და რთავს LED-განათებას, როდესაც შენობაში არასაკმარისი სინათლეა. გამოცდა წარმატებულად ჩაითვალა. https://hightech.fm/2018/12/29/zinc-ion-battery https://pubs.acs.org/doi/10.1021/acsnano.8b02744

ჩინეთის ათ სკოლაში დაიწყეს მოსწავლეებისთვის „ჭკვიანი“ უნიფორმების გადაცემა - ტანსაცმელში დაყენებულია GPS-ტრეკერები, რომლებითაც შესაძლებელია მოზარდების ადგილმდებარეობის დადგენა რეალურ დროში. როგორც მოსალოდნელია, ამგვარი ზომები გაზრდის აკადემიური მოსწრების მაჩვენებელს - წერს The Verge. სასკოლო ფორმის მხრებზე დამონტაჟებულია სენსორები, რომლებიც აფიქსირებს მოსწავლეების სკოლაში შესვლა-გამოსვლას, აგრეთვე თვალყურს ადევნებს მათ ქცევებს. თითოეულ მოსწავლეს გადაეცემა ტანსაცმლის ინდივიდუალური კომპლექტი, სკოლის შესასვლელთან არსებული სახის ამომცნობი სისტემა კი ამოწმებს - აცვია თუ არა მოსწავლეს საკუთარი ფორმა. „ჭკვიანი“ უნიფორმა შექმნა ჩინურმა კომპანია Guizhou Guanyu-მ. მისმა წარმომადგენელმა განაცხადა, რომ ტანსაცმელში ჩამონტაჟებული სენსორები უძლებს 150 გრადუსამდე ტემპერატურას და დაახლოებით 500-ჯერ გარეცხვას. როგორც მწარმოებელი კომპანია ამტკიცებს, უნიფორმას აგრეთვე შეუძლია განსაზღვროს შემთხვევა, თუკი მოსწავლეს გაკვეთილზე ჩაეძინება ან დაავიწყდება სკოლის კაფეტერიაში საფასურის გადახდა. გარკვეული დროის წინ ჩინეთის სახელისუფლებო ორგანოებმა გამოაქვეყნეს შავი სია, რომელშიც შედიოდნენ ის მომხმარებლები, ვინც აკრიტიკებდა ხელისუფლებას სოციალურ ქსელებში ან შეურაცხყოფას აყენებდა სხვა პირებს. ამის შემდეგ თითოეული მომხმარებელი სოციალურ ქსელში მიიღებს სოციალურ რეიტინგს. ყველა ჩინურ საიტს აქვს ვალდებულება, რომ ნულოვანი ტოლერანტობა და დათმობა გამოიჩინოს კანონის ან უფლებადამრღვევის წინაშე. გარდა ამისა, მალე მომხმარებლები ვალდებულნი გახდებიან, სისტემაში დაარეგისტრირონ თავიანთი საპასპორტე მონაცემები. https://hightech.fm/2018/12/29/smart-school https://www.theverge.com/2018/12/28/18159042/chinese-schools-smart-uniforms-track-student-location

2018 წელს ყველაზე კარგად გამოიკვეთა ხელოვნური ინტელექტის ნაკლოვანებები, რადგან ბოლო პერიოდში განსაკუთრებით აქტიურად მოხდა ტექნოლოგიის დანერგვა უამრავ სერვისსა და მოწყობილობაში. მკვლევარები, კომპანიები და საზოგადოება სულ უფრო ხშირად ხვდება ხელოვნური ინტელექტის შეზღუდულობის შემთხვევებს და მათგან გამოწვეულ ნეგატიურ შედეგებს. ხშირად ისმება კითხვა: როგორ გამოიყენება ეს ტექნოლოგია და რისთვისაა იგი სასარგებლო? ნეგატიური შემთხვევების ჩამონათვალი ვრცელია: მიმდინარე წელს დაფიქსირდა ფატალური შემთხვევებიც, რაც მოჰყვა თვითმართვადი ავტომობილების გამოყენებას; Cambridge Analytica-სთან დაკავშირებული სკანდალი; ბრალდება, რომ Facebook-მა ხელი შეუწყო მიანმარის (ბირმა) გენოციდს; ფაქტი, რომ Google-ი დაეხმარა პენტაგონს დრონებით თვალთვალში და ა.შ. მკვლევართა ჯგუფმა - AI Now-მ 2018 წელი დაახასიათა, როგორც „სკანდალების კასკადის წელი“. თუმცა უნდა აღინიშნოს, რომ საბოლოო ჯამში სკანდალი უკეთესია, ვიდრე ბოროტება, რომელიც შეუმჩნეველია. ხარვეზების აღმოჩენა კი განაპირობებს მათ აღმოფხვრაზე მუშაობას და ტექნოლოგიის გაუმჯობესებას. მაგალითად ავიღოთ სახის ამომცნობი სისტემა. ეს არის 2018 წლის ერთ-ერთი ყველაზე დინამიურად განვითარებადი და წარმატებული ტექნოლოგია, რომლის მეშვეობითაც პოლიციას შეუძლია ამოიცნოს დამნაშავე ამა თუ იმ ადგილას. თუმცა ამ ტექნოლოგიასაც აქვს ნაკლოვანებები. სკანდალების პარალელურად, 2018 წელს იყო პოზიტიური მოვლენებიც მანქანური სწავლებისა და ხელოვნური ინტელექტის გამოყენების სფეროში. იყო მიღწევები ასტრონომიაში, როდესაც ხელოვნურმა ინტელექტმა აღმოაჩინა ახალი კრატერები მთვარეზე და ახალი ეგზოპლანეტები. წარმატებები იქნა მიღწეული მტკიცე ფოლადისა და პლასტმასის წარმოებაშიც. აგრეთვე ჯანდაცვაში, სადაც უამრავი მაგალითი დაფიქსირდა, რომ ხელოვნურმა ინტელექტმა წარმატებით შეძლო აღმოეჩინა და დაესვა ავადმყოფობის დიაგნოზი ადამიანზე სწრაფად. Google-ისა და Amazon-ის ახალი ინსტრუმენტებიც (plug-and-play machine learning) შთამბეჭდავი და სასარგებლო აღმოჩნდა. მიღწეული წარმატებები აბალანსებს ხელოვნური ინტელექტის ნაკლოვანებებს და გვიჩვენებს, რომ იგი მეტად რთული სფეროა. თუკი წლის გამოცდილებას გადავხედავთ, მისგან მიღებული გაკვეთილი ამგვარია: ხელოვნური ინტელექტი არ არის ჯადოსნური რამ. ეს არის პროცესი: რაღაც უნდა შევისწავლოთ, დავამუშავოთ, განვიხილოთ და თუკი პროცესი სწორად იმუშავებს - მივიღოთ. https://www.theverge.com/2018/12/30/18137429/2018-tech-recap-artificial-intelligence-robot-machine-learning-facial-recognition

2018 წელი ხმაურიანი აღმოჩნდა კრიპტოვალუტებისთვის, თუმცა მათი ენთუზიაზმი არასდროს ყოფილა ასეთი დიდი, ვინც დაკავებულია ციფრულ ფასიან ქაღალდებთან მუშაობით, ბლოკჩეინ-ტექნოლოგიითა და DLT ტექნოლოგიიის გამოყენებით (distributed ledger technology). ციფრული ფასიანი ქაღალდები უკვე აღარ იმყოფება თეორიული კონცეფციის დონეზე, არამედ იგი უკვე ბლოკჩეინის ძირითადი და რეალური აპლიკაციაა. განვითარებადი ტექნოლოგია, რომელიც მზადაა ფუნდამენტალურად შეცვალოს გლობალური კაპიტალის ბაზარი, ჯერ მხოლოდ ახლა იწყებს საქმიანობას. საოცარია, რომ ჯერ კიდევ რამოდენიმე ათეული წლის წინ ნიუ-იორკის საფონდო ბირჟა იხურებოდა ყოველ ოთხშაბათს, რათა გარიგებები და ფინანსური პროცედურები განხორციელებულიყო კურიერების მიერ, რომლებიც ველოსიპედებით გადაადგილდებოდნენ უოლ-სტრიტზე და ფიზიკურად გადაჰქონდათ სააქციო სერტიფიკატები: აქციები ხელიდან ხელში გადადიოდა. ამან ვითარება მიიყვანა კრიზისამდე 1960-1968 წლებში, როდესაც სავაჭრო აქციების მოცულობა სამჯერ გაიზარდა და დღეში 15-მილიონიანი მაჩვენებელი შეადგინა. კრიზისის კვალად, 1973 წელს დაარსდა სადეპოზიტო trust-კომპანია (DTCC) და ფასიანი ქაღალდების ეროვნული კორპორაცია (NSCC), რომელიც 1999 წელს შეურთდა DTCC კომპანიას. ამ დროიდან შეიძლება ითქვას, რომ უოლ-სტრიტზე ციფრული ერა დაიწყო. თუმცა სექტორმა ვერ შეძლო სრულყოფილად ციფრულ პროცესზე მუშაობა. ფასიანი ქაღალდებით ელექტრონული ვაჭრობა იაფი და უპრობლემო გახდა, მაგრამ იგივე წარმატება ვერ იქნა მიღწეული გამჭვირვალობასა და უსაფრთხოებაში. ბლოკჩეინზე დაფუძნებული ციფრული ფასიანი ქაღალდების საშუალებით კი გადაიჭრა ეს პრობლემები - უზრუნველყოფილი გახდა რისკების მართვა, ნდობა, ლიკვიდურობა და დივიდენდების უწყვეტი გავრცელება. დაშვებულია ტოკენების საშუალებით აქციების ინდივიდუალური ფლობა, შესაძლებელია ივაჭროთ დამოუკიდებლად. ხელშეწყობილია გამჭვირვალობის დონის ზრდა და ბოლოს - შესაძლებელია სმარტ-კონტრაქტებისა და სტაბილური მონეტებით სარგებლობა ეფექტურობის ამაღლებისთვის. მიუხედავად ყველა იმ პრობლემისა, რომლებიც ICO-ებმა შეუქმნეს ინვესტორებსა და მარეგულირებელ ორგანოებს, ფაქტი ფაქტად რჩება: მათ დაამტკიცეს, რომ ბლოკჩეინი, მონეტები და ტოკენები ფენომენალურ სისტემას წარმოადგენს. 2017 წლის შუა პერიოდში კარგად გამოჩნდა ბლოკჩეინ-ტექნოლოგიის პოტენციალი ფასიანი ქაღალდების ციფრულად გარდაქმნაში. ამ ტექნოლოგიის გამოყენება შესაძლებელია შესყიდვების პროცესის ავტომატიზაციისა და გამჭვირვალობისთვის, აქციების ფლობისა და ინვესტორებს შორის ფასიანი ქაღალდების გაცვლისათვის. 2017 წლის ბოლოს სამმა ფონდმა წარმატებით შეძლო რესურსების შეგროვება და ტოკენების გამოშვება, რომლებიც წარმოადგენდნენ ციფრულ ფასიან ქაღალდებს. სწორედ ეს ადრეული მცდელობები იყო ციფრული ფასიანი ქაღალდების შექმნის პროცესი - დაცული იყო ფასიან ქაღალდებთან დაკავშირებული წესები და ვითარებები. 2019 წელი უნდა გახდეს ციფრული ფასიანი ქაღალდების ლიკვიდურობის გაზრდის წელიწადი. ამის განხორციელება შესაძლებელია ისეთი რეგულირებადი სავაჭრო პლატფორმებით, როგორიცაა Open Finance, რომელიც ამოქმედდა მიმდინარე წელს. დღესდღეობით არის უამრავი კომპანია, რომელთაც სურთ აქტივების ტოკენიზაცია. მას შემდეგ, რაც მარეგულირებელი ორგანოების მიერ დადგინდება სახელმძღვანელო პრონციპები და წესები - თუ როგორ უნდა განხორციელდეს ტრანზაქციები, ინვესტორთა ნდობის დონე გაიზრდება. ციფრული უსაფრთხოების ინდუსტრიული საზოგადოების ჩამოყალიბება უფრო მეტი ძალისხმევით დაიწყება 2019 წლიდან. პირველი სპეციალიზირებული ასოციაციები და კონფერენციები, მაგალითად როგორიცაა the Security Token Academy, დაიწყებენ აქტიურ მუშაობას ინდუსტრიის სტიმულირებისთვის. 2019 წლისთვის გადამწყვეტი მიმართულება იქნება ტრადიციული ფინანსური ბაზრებისა და ინვესტორების ინფორმირება ციფრული ფასიანი ქაღალდების უპირატესობებში, რათა მოხდეს მათი ბაზარზე გასვლის სტიმულირება. ამის შემდეგ კი უკვე ვიხილავთ DSO-ს მიღების ახალ ტალღას. https://www.coindesk.com/2019-the-year-digital-securities-offerings-become-the-new-icos

საავტომობილო კომპონენტების მწარმოებელი Toyota Boshoku, რომელიც Toyota Group-ის შემადგენლობაში შედის, პირველად მიიღებს მონაწილეობას ელექტრონიკის გამოფენაზე - CES 2019-ზე, რომელიც 8-11 იანვარს გაიმართება ლას-ვეგასში. კომპანია საზოგადოებას გაუზიარებს თავის ხედვას, თუ როგორი შეიძლება იყოს სამომავლო თვითმართვადი სატრანსპორტო საშუალების ინტერიერი. ავტოპილოტის დანერგვა საშუალებას იძლევა საფუძვლიანად გადაიხედოს ავტომობილების შიდა სივრცის ორგანიზებასთან არსებული მიდგომა. ამგვარი ავტომობილების მფლობელებს შეეძლებათ მგზავრობისას დაკავდნენ სასარგებლო საქმეებით ან უბრალოდ დაისვენონ. Toyota Boshoku ღონისძებაზე წარადგენს ინტერიერის ორ კონცეფციას: AceS (Active Comfort Engaging Space) და MOOX (Mobile და Box). კონცეფცია“ AceS“ ორიენტირებულია ავტომატიზაციის მეოთხე დონის მქონე ავტომობილებზე: ამგვარ სატრანსპორტო საშუალებებს შეუძლიათ გადაადგილდნენ დამოუკიდებლად უმეტეს სიტუაციაში. AceS-კონცეფციას საფუძვლად უდევს სალონში მყოფი თითოეული ადამიანის ემოციური და ფიზიოლოგიური მდგომარეობის ანალიზი. მიღებული ინფორმაციის საფუძველზე შემოთავაზებული იქნება ინდივიდუალური პარამეტრები: ტემპერატურა, განათება, სავარძლების მდგომარეობა და ა.შ. კონცეფცია MOOX კი შეესაბამება მეხუთე დონის ავტომატიზაციის მქონე რობომობილებს: ამგვარ მანქანებს შეუძლიათ იმოძრაონ სრულიად დამოუკიდებლად მთელი მგზავრობის განმავლობაში. ეს კონცეფცია ითვალისწინებს სალონის ტრანსფორმაციას „საბურავებიან სასტუმროდ ან სამუშაო ოფისად“ - იმის მიხედვით, რა სურს მგზავრს. https://3dnews.ru/980419

ბერლინის ტექნიკური უნივერსიტეტის ინჟინრებმა შეიმუშავეს მარტივი მეთოდი, თუ როგორ უნდა აუარონ გვერდი პიროვნების ამოცნობის სისტემას ხელის მტევნის მარტივი გამოსახულებით. სისტემის მოტყუება შესაძლებელი გახდა ცვილისგან დამზადებული ხელისგულის საშუალებით - წერს Motherboard. ხელის მტევანზე არსებული ვენების გამოსახულების გამოყენებით მოქმედი სისტემა გამოიყენება ბანკებში ანგარიშიდან თანხის მოსახსნელად და კარის განბლოკვისთვის სხვადასხვა დაწესებულებაში. მკვლევარებმა დაამტკიცეს, რომ სისტემა არ არის იდეალური და მისი მოტყუება ძალიან ადვილია - სავსებით საკმარისია ცვილისგან შეიქმნას ხელისგულის ანაბეჭდი. მისი დამზადებისთვის მეცნიერებმა ციფრული აპარატით ფოტო გადაუღეს ხელის გულს, ამასთან, მოწყობილობის მატრიციდან მოხსნეს ფილტრი, რომელიც ბლოკავს ინფრაწითელ გამოსხივებას. ამის შემდეგ მათ დაამუშავეს ფოტო, მიიღეს ხელისგულზე არსებული ვენების გამოსახულება და დაბეჭდეს იგი 3D პრინტერზე, დაფარეს ცვილით, რომელიც იმიტირებდა კანს. https://hightech.fm/2018/12/28/hack-recognition

Volkswagen-მა წარადგინა ელექტრომობილებისთვის განკუთვნილი პორტატული დამტენი მოწყობილობა - Power Bank MEB - დამტენი სადგური, რომელსაც კომპანია თავად მიაწვდის იმ ადგილზე, სადაც კლიენტი იმყოფება. მოწყობილობა თავსებადია სხვადასხვა მწარმოებლის 15 ელექტრომობილთან და შეუძლია სრულად დამუხტოს ბატარეა 17 წუთში - გვაცნობებს რესურსი Engadget. დამტენი მოწყობილობა 30 კილოვატიანია და უზრუნველყოფს ერთდროულად ოთხი სატრანსპორტო საშუალების დატენვას. მისი გამოცდა დაიწყება მომდევნო წელს ქალაქ ვოლფსბურგში, 2020 წლიდან კი დამტენი მოწყობილობა ევროპის სხვა ქალაქებშიც გამოჩნდება. „პორტატული დამტენი სადგურები მნიშვნელოვნად წინ გადადგმულ ნაბიჯს წარმოადგენს ელექტრომობილების დამტენი ქსელების ეფექტურობის გაზრდის თვალსაზრისით. დამტენების დადგმა შესაძლებელია ნებისმიერ ადგილას მიუხედავად იმისა, არსებობს თუ არა ამ ადგილას კვების წყარო“ - აცხადებს თომას შმოლი, Volkswagen-ის წარმომადგენელი. https://hightech.fm/2018/12/28/power-bank

თეთრი სახლი განიხილავს ბრძანებას, რომლის თანახმადაც ამერიკულ უსადენო კავშირების მობილურ ოპერატორებს ეკრძალებათ შეისყიდონ ჩინური კომპანიების მოწყობილობები - ნათქვამია Reuters-ის ახალ შეტყობინებაში. ეს ვითარება პირველ რიგში გავლენას ახდენს Huawei-სა და ZTE-ზე, რომლებიც უმსხვილეს სატელეკომუნიკაციო მწარმოებლებს წარმოადგენენ. რასაკვირველია, აღნიშნული ფაქტი სერიოზულ გავლენას მოახდენს 5G ქსელის ამუშავება-გავრცელებაზე. ამკრძალავი ბრძანება მოუწოდებს ვაჭრობის სამინისტროს - დაბლოკოს ჩინური სატელეკომუნიკაციო აპარატურის შესყიდვები ეროვნული უსაფრთხოების დაცვის მიზნით. აღნიშნული ბრძანება არ საჭიროებს კონგრესის მხრიდან თანხმობას. რამდენადაც ბრძანება ეხება ამერიკული გადამზიდავების მიერ განსახორციელებელ შენაძენებს, იგი პირველ რიგში იმოქმედებს ქსელურ კავშირებზე და არა ტელეფონებზე, რომელთაც ცალკეული პირები შეიძენენ. ანონიმურ წყაროებზე დაყრდნობით სააგენტო Reuters-ი ამტკიცებს, რომ ბრძანება განხილვაში იმყოფება უკვე რვა თვეა. Huawei და ZTE უკვე შეეჯახნენ სირთულეებს ამერიკულ ბაზარზე. ამერიკის ხელისუფლების წარმომადგენლებისთვის ორივე კომპანიის მოწყობილობების გამოყენება აკრძალულ იქნა მიმდინარე წლის დასაწყისში, რაც აიხსნება, როგორც თავდაცვისთვის საჭირო ქმედება. მთელი ზაფხულის განმავლობაში კომპანია ZTE-ს ეკისრებოდა კატასტროფული სანქციები, თუმცა საბოლოოდ ეს სანქციები გადავადდა აქტიური ლობირების წყალობით. კომპანია Huawei-ს პოზიცია ხსენებულ ფაქტთან დაკავშირებით ამგვარია: „Huawei-სთვის 5G ბაზარზე მონაწილეობის აკრძალვა იგივეა, რაც NBA-ის თამაში All-stars-ს გარეშე“ - განაცხადა კომპანიის დროებითმა თავმჯდომარემ Guo Ping-მა. https://www.theverge.com/2018/12/27/18157618/white-house-huawei-zte-5g-rollout-sanctions-china-trump-trade-war

ოვერქლოქინგი შესაძლოა რთულ ამოცანას წარმოადგენდეს ახალბედებისთვის, ავტომატური აჩქარების ფუნქცია - OC Scanner NVIDIA-სგან - საშუალებას იძლევა, გამარტივდეს პროცესი. თავდაპირველად NVIDIA-მ ეს ფუნქცია გამოუშვა თავისი RTX-20 სერიის ვიდეო ბარათებისთვის, MSI-ს პროგრამული უზრუნველყოფის ახალი ბეტა-ვერსია კი - MSI Afterburner (ვერსია4.6.0 Beta 10) ამ ფუნქციას ხელმისაწვდომს ხდის Nvidia Pascal ვიდეო ბარათებისთვისაც. NVIDIA-მ შეიმუშავა Scanner API / DLL პაკეტი, რათა მის პარტნიორებს, მაგალითად, MSI-სა და EVGA-ს, შეძლებოდათ ავტომატური ოვერქლოქინგის ფუნქციის გააქტიურება თავიანთ ვიდეო ბარათებზე. სკანერი ერთი დაჭერით იწყებს პროცედურას, რომელიც აფასებს ვიდეო ბარათის მდგომარეობას სხვადასხვა ძაბვასა და სიხშირეებზე და ამოწმებს მის სტაბილურობას სამუშაო პროცესის მსვლელობისას. Tomshardware-სგან GeForce RTX 2080 Ti ბარათზე ჩატარებულმა ტესტებმა აჩვენა, რომ პროგრამა მუშაობს ისე, როგორც მწარმოებელი აცხადებს, თუმცა, manual-რეჟიმით უკეთესი შედეგები იქნა ნაჩვენები, საბოლოო ჯამში. Pascal-ის სერიის ვიდეო ბარათებზე ავტომატური ოვერქლოქინგის ფუნქციის დამატება კარგ სიახლეს წარმოადგენს და სავსებით მოსალოდნელია, რომ ვიდეო ბარათების სხვა მწარმოებლებიც MSI-ს მსგავსად დაამატებენ სკანერს თავიანთ პროდუქციას. https://www.tomshardware.com/news/scanner-overclock-nvidia-pascal-gpu,38295.html

ელექტრო-საფულეებზე ფიშინგური შეტევის შედეგად მოიპარეს 245 Bitcoin-ი, რომელთა ღირებულებაც დაახლოებით 880 ათასი დოლარის ტოლია. მფლობელების გაფრთხილების მიზნით, კომპანიამ Twitter-ზე განაცხადა: „Electrum-ის მომხმარებლებზე ფიშინგური შეტევა გრძელდება. ჩვენი ოფიციალური საიტია https://electrum.org. არ ჩამოტვირთოთ ელექტრონული საფულე სხვა წყაროებიდან“. კიბერდამნაშავემ მოახდინა შეტევის ორგანიზება შემდეგნაირად: შექმნა ელექტრონული საფულის რამოდენიმე ყალბი სერვერი. ჯამში, როდესაც საფულის მომმხარებლებლები ამ სერვერებს უკავშირდებოდნენ და ცდილობდნენ Bitcoin-ის ტრანსლირებას, ისინი იღებდნენ შეტყობინებას „შეცდომის“ შესახებ. იგი შეიცავდა მალვეარ-ლინკს და მომხმარებლებს ამისამართებდა ზიანისმომტან წყაროსთან, რაც ინიღბებოდა საფულის აფდეითის სახით. ამის შესახებ კომპანიამ განაცხადა თავის Github-გვერდზე. Electrum-ის თქმით, იმისათვის, რომ შეტევა უფრო ეფექტური ყოფილიყო, კიბერდამნაშავეებმა შექმნეს უამრავი სერვერი (sybils), რამაც გაზარდა მომხმარებლების მათთან დაკავშირების ალბათობა. Reddit-ის ერთ-ერთმა მომხმარებელმა გამოაქვეყნა Bitcoin-მისამართი, რომელსაც, მისი თქმით, მალვეარი იყენებდა ყველა იმ საიტის კონსოლიდაციისთვის, საიდანაც მოპარულ იქნა კრიპტოვალუტა. თუკი ეს სიმართლეს შესაბამება, ამ კონკრეტული შეტევისას მოიპარეს სულ 245 Bitcoin-ი. Electrum Wallet-მა პრობლემის შემსუბუქების მიზნით გამოუშვა საფულის ახალი ვერსია 3.3.2 და განაცხადა, რომ „ეს არ არის ძირეული გამოსწორება, თუმცა უფრო სწორი და ეფექტური გამოსწორება მოითხოვს მთლიანი სერვერული ეკოსისტემის მოდერნიზებას“. კრიპტოვალუტებზე თავდასხმის შემთხვევათა რიცხვი სწრაფად იზრდება, კიბერდამნაშავეები იოლ გზას ეძებენ გამდიდრებისთვის. კომპანია CipherTrace-ის ანგარიშის თანახმად, რომელიც ბლოკჩეინის უსაფრთხოებაზე მუშაობს, მიმდინარე წელს დაახლოებით 1 მილიარდი დოლარის ღირებულების კრიპტოვალუტა იქნა მოპარული. კიდევ ერთი ანგარიშის თანახმად, რომელიც McAfee-ს ეკუთვნის, მხოლოდ 2018 წლის მესამე კვარტალში აღმოჩენილ იქნა დაახლოებით 4 მილიონამდე საფრთხის ალბათობა, იმ დროს, როდესაც 2017 და 2016 წლებში ამგვარ შემთხვევათა რიცხვი 500 ათასი იყო. https://www.coindesk.com/electrum-wallet-attack-may-have-stolen-as-much-as-245-bitcoin

აშშ-ის პოზიციის მსგავსად, დიდი ბრიტანეთის თავდაცვის მინისტრმა - Gavin Williamson-მა განაცხადა, რომ არსებობს საფრთხე ჩინური კომპანია Huawei-ს მოწყობილობებთან დაკავშირებით, რომელთა გამოყენებაც იგეგმება დიდ ბრიტანეთში 5G ქსელის გავრცელების შემდეგ. გაზეთ The Times-ში გამოქვეყნებული პუბლიკაციის თანახმად, უილიამსონმა განაცხადა, რომ დიდი ბრიტანეთი მომდევნო ორი წლის მანძილზე აუცილებლად შეისწავლის ეროვნური უსაფრთხოების წინაშე არსებულ ყველა შესაძლო, პოტენციურ საფრთხეს მობილური ქსელების მოდერნიზაციის კუთხით. „სერიოზული, ღრმა ეჭვი და შფოთვა მაქვს იმის გამო, რომ Huawei-მ უნდა უზრუნველყოს 5G ქსელის შექმნა დიდ ბრიტანეთში. ეს ის შემთხვევაა, რომელიც მეტად ყურადღებით და გულმოდგინედ უნდა შევისწავლოთ და გავაანალიზოთ“ - განაცხადა მინისტრმა. – „ჩვენ უნდა ვნახოთ, როგორ იქცევიან ჩვენი პარტნიორები,მაგალითად ავსტრალია და აშშ, რათა უზრუნველვყოთ 5G ქსელის მაქსიმალური უსაფრთხოება. უნდა ვაღიაროთ ის ფაქტი, რომ როგორც მცირე ხნის წინ გაირკვა, ჩინეთის ხელისუფლება ზოგჯერ მტრულად იქცევა“. Huawei მსოფლიოში ერთ-ერთი ყველაზე პოპულარული ბრენდია სმარტფონების ბაზარზე. იგი გაყიდვების მოცულობით ტექნოლოგიური გიგანტის - Apple-ის გაყიდვებს აჭარბებს. დასავლური ხელისუფლებები კი განგაშს ტეხენ Huawei-ს სატელეკომუნიკაციო ბიზნესთან დაკავშირებით და გამოხატავენ შეშფოთებას, რომ ამ კომპანიის დივაისები შესაძლოა გამოყენებულ იქნას ჩინური ხელისუფლების მხრიდან ჯაშუშობაში. https://3dnews.ru/980339

დედამიწის მაგნიტური ველი ბოლო 160 წლის განმავლობაში სუსტდება, ყველაზე სუსტი ნაწილი მოდის სამხრეთ-ატლანტიკურ ანომალიურ ტერიტორიაზე, რომელიც ვრცელდება ჩილედან ზიმბაბვემდე. ამ მოვლენამ შესაძლოა გამოწვიოს პოლუსების შეცვლა და კოსმოსური სხივების კონცენტრაციის გაზრდა, რომლებიც დედამიწის ზედაპირამდე აღწევენ. აღნიშნულ საკითხზე კვლევა მიმდინარეობს როჩესტერის უნივერსიტეტის გეოფიზიკოსების მიერ, რასაც თვალყურს ადევნებს ScienceAlert. დედამიწის მაგნიტური ველი იცავს ცოცხალ ორგანიზმებს კოსმოსური გამოსხივებისგან: მაგალითად, იონიზირებული მზის ქარებისგან, რომელსაც მიმართულებას უცვლის. მიმდინარე წლის დასაწყისში მეცნიერებმა დაადგინეს, რომ დედამიწის მაგნიტური ველის სიმტკიცე თანდათან სუსტდება, თანაც ეს პროცესი მიმდინარეობს არათანაბრად. ბოლო 22 წლის განმავლობაში შესუსტდა საშუალოდ 1,7 %-ით, ზოგიერთ რეგიონში კი - მაგალითად, ატლანტის ოკეანის სამხრეთ ნაწილში - 10%-ით. დედამიწის ზოგიერთ არეალში კი მაგნიტური ველის სიმტკიცე პირიქით გაიზარდა საერთო ტენდენციასთან შედარებით. მაგნიტური ველის შესუსტება ძველ დროშიც მიმდინარეობდა - მკვლევარები თვლიან, რომ შესუსტება ხდებოდა 400-სა და450 წელს, 700 და 750, 1225–1550 წლებში ჩვენს ერამდე. როგორც მეცნიერები ვარაუდობენ, ამ მოვლენის მიზეზი შეიძლება იყოს მოძრავი ქანების რეზერვუარის გადაადგილება, რომლებიც მდებარეობს დედამიწის ბირთვსა და მანტიას შორის. ეს ქანები შესაძლოა გავლენას ახდენდნენ რკინის ბალანსზე, რომელიც ახდენს დედამიწის მაგნიტური ველის გენერირებას. „ჩვენ უფრო და უფრო მეტ მტკიცებულებას ვიღებთ იმაზე, რომ აფრიკის კონტინენტის ქვეშ მანტიასა და ბირთვს შორის ხდება რაღაც უცნაური, რასაც შეუძლია გლობალურ მაგნიტურ ველზე გავლენის მოხდენა“ - როჩესტერის უნივერსიტეტი. გარკვეული პერიოდის წინ ტოკიოს უნივერსიტეტის მკვლევარებმა შემთხვევით შექმნეს ისტორიაში უმძლავრესი მართვადი მაგნიტური ველი და საკუთარი ლაბორატორია ააფეთქეს ექსპერიმენტის დროს. https://hightech.fm/2018/12/27/magnet-field-power

(Perovskite: ყვითელი, ყავისფერი ან შავი მინერალი, რომელიც ძირითადად კალციუმის ტიტანატისგან შედგება) ორმა სტარტაპმა აშშ-დან და დიდი ბრიტანეთიდან, დაიწყეს მზის ბატარეების გაყიდვა, რომლებიც დამზადებულია Perovskite-უჯრედების გამოყენების ტექნოლოგიით. ტექნოლოგია საშუალებას იძლევა შემცირდეს მოწყობილობების ღირებულება, გაიზარდოს მათი ენერგოეფექტურობა და, რაც მთავარია, დააჩქარებს განახლებად ენერგიაზე გადასვლას - წერს TechCrunch. ტექნოლოგიის განვითრებაზე მუშაობენ კომპანიები Oxford PV და Swift Solar. მათ მიერ შემუშავებული მზის ბატარეების საფუძველს წარმოადგენს მატერიალი, რომელიც დამზადებულია ორგანული და არაორგანული ნივთიერებებისგან ტყვიის ან კალის ჰალოგენიდის საფუძველზე. ეს მატერიალი ბატარეის შემადგენელ ერთ-ერთ ფენას წარმოადგენს და აქტიურად იზიდავს სინათლეს. „Perovskite- ეს მასალა პირველად გამოიყენეს 2009 წელს იაპონელმა მეცნიერებმა და ჩვენ შთაგონება მოგვცეს, რომ შეგვიძლია მისი გამოყენება მზის პანელებში. ჩვენ შევძელით და მასალა გავხადეთ იაფი - თხელი კრისტალიზებული ფენები დამზადებულია ორი იაფი, მსუბუქად გამდიდრებული ნაზავი მასალისგან. ჯამში მივიღეთ მასალა, რომელიც შესაძლებელია განთავსდეს პანელის ზედაპირზე. ამ მატერიალის წყალობით მზის ბატარეები ორჯერ იაფი იქნება თავიანთ სილიკონის ანალოგებთან შედარებით“ - სემ სტრენკსი, Swift Solar-ის მეცნიერ-კონსულტანტი. https://hightech.fm/2018/12/27/cheap-solar-panels

2019 წლის CES ივენთამდე მცირე ხნით ადრე LG-იმ წარადგინა თავისი უახლესი საუნდბარის ტიპის დინამიკები. ახალი SL10YG, SL9YG დაSL8YG შექმნილია Meridian Audio-სთან თანამშრომლობით და აქვთ როგორც Dolby Atmos-ისა და DTS: X-ის მხარდაჭერა, ასევე - ინტეგრირებული Google Assistant-ის ფუნქციები. ეს კი ნიშნავს იმას, რომ შეგიძლიათ ამ სამი დინამიკიდან ნებისმიერი მართოთ ხმოვანი ბრძანებებით, სთხოვოთ ხმოვან დამხმარეს - აუწიოს ხმას, მოახდინოს იდენტიფიცირება, თუ რომელი სიმღერაა ჩართული ამ მომენტში, ან მოსთხოვოთ კონკრეტული ფლეილისტის გაშვება. დინამიკებში ინტეგრირებული Assistant იმასაც ნიშნავს, რომ შეგიძლიათ დინამიკი გამოიყენოთ როგორც სმარტ-სახლის ცენტრი და მართოთ განათება, ჟალუზების მდგომარება, Wi-Fi-სთან დაკავშირება „დივანიდან ადგომის გარეშე“. დიზაინის მხრივ ახალი დინამიკები საკმაოდ მინიმალისტურია. SL9 მოდელს აქვს ჩაშენებული გიროსკოპი, რომელიც განსაზღვრავს პროდუქტის მდებარეობას (მიმაგრებულია კედელზე ან სწორ ზედაპირზე) და არეგულირებს გამომავალ ხმას. მომხმარებელებს, რომლებსაც სურთ „მეტი ბასი“, შეუძლიათ კომპლექტი შეავსონ LG-ს დინამიკების ნაკრებით. ამ მომენტისთვის ჯერჯერობით არ არსებობს ცნობები დინამიკების ფასებთან დაკავშირებით. LG ახალ დინამიკებს 2019 წლის იანვრის CES-ივენთზე წარადგენს, სადაც დიდი ალბათობით გამოცხადებული იქნება მათი ღირებულებაც. https://www.theverge.com/circuitbreaker/2018/12/27/18157409/lg-soundbar-sl10-sl9-sl8-dolby-atmos-google-asssistant

სადღესასწაულო სეზონთან დაკავშირებით, ილონ მასკი დიდ საჩუქარს ჰპირდება Tesla-ს მფლობელებს: ევროპის ზონის 100%-იანი დაფარვა Supercharger-ელექტროდამტენებით მომდევნო წლისთვის. ილონ მასკმა საკუთარი Twitter-ის გვერდზე განათავსა შეტყობინება, რომელიც წარმოადგენს ერთ-ერთი მომხმარებლის შეშფოთებაზე რეაგირებას: Tesla-ს ელექტრომობილის მფლობელი, ირლანდიაში მცხოვრები პირი შეფიქრიანებული იყო საკუთარი ელექტრომობილის დამუხტვასთან დაკავშირებით. გენერალურმა დირექტორმა განაცხადა, რომ ელექტროდამტენი სადგურების ქსელი - Supercharger-ი, რომელსაც შეუძლია 40 წუთში დატენოს ელექტრომობილი დაახლოებით 80%-მდე, გავრცელდება მთელ ევროპაში „ირლანდიიდან კიევამდე, ნორვეგიიდან თურქეთამდე“. დაპირება შეესაბამება მასკის მიერ ნოემბერში გაკეთებულ განცხადებას, რომელიც გულისხმობდა დამტენი სადგურების ქსელის გაფართოებას 90-დან 100%-მდე ყველა აქტიურ ტერიატორიაზე. მიუხედავად იმისა, რომ ეჭვი არ არის - Tesla-ს დამტენი სადგურების ქსელი სწრაფად ფართოვდება ბოლო პერიოდში, უნდა გვახსოვდეს, რომ მასკს ახასიათებს გადამეტებული მასშტაბის დაპირებები გაფართოებასთან დაკავშირებით. როგორც საიტი EV Electrek აღნიშნავს, Tesla-ს გეგმაში ჰქონდა 2018 წლის ბოლოსთვის აქტიური ყოფილიყო 18 ათასი დამტენი სადგური, თუმცა დღესდღეობით რეალური მაჩვენებელი დაპირებულისგან შორსაა: როგორც ცნობილია, ამ მომენტისთვის ქსელი მოიცავს 11 853 დამტენ სადგურს. Twitter-ზე მასკი აგრეთვე აღნიშნავს, რომ დასატენი სადგურები გამოჩნდება აფრიკაშიც 2020 წლისთვის, თუმცა გაურკვეველია, რა რაოდენობით (ამ დროისთვის აფრიკის მასშტაბით არ არსებობს Tesla-ს არც ერთი ელექტრო დამტენი სადგური და უახლოეს დროში არც გამოჩნდება). https://www.theverge.com/2018/12/27/18157381/tesla-supercharger-coverage-europe-100-percent-2020-elon-musk-tweet-promise

უმსხვილესმა ამერიკულმა ჰოლდინგმა, Bank Of Amerika-მ განაცხადი შეიტანა ნაღდი ანგარისშწორების მონაცემთა დამუშავების სისტემის პატენტის მიღებაზე. ბანკი გეგმავს გამოიყენოს ბლოკჩეინ-ტექნოლოგია საბანკო ქვედანაყოფებს შორის ინფორმაციის გადაცემისათვის. Bank Of America-ს თანამშრომლების აზრით, ტექნოლოგიის დახმარებით შესაძლებელი იქნება ნაღდი ანგარიშსწორების მონაცემთა დამუშავების პროცესის სრულყოფა. მათ აქვთ შემოთავაზება - გამოყენებულ იქნას დეცენტრალიზებული ქსელი ინფორმაციის განახლებისა და გადაცემისთვის ბანკის ფილიალებს შორის. პატენტის მიღებასთან დაკავშირებულ განაცხადში მოცემულია: „საოპერაციო ცენტრებში შესაძლებელია ნაღდი გადახდების დამუშავებისთვის განკუთვნილი სისტემების გამოყენება, თუმცა რთულია ამ მოწყობილობების ინტეგრირება ბანკის დეპარტამენტის ტექნიკურ ინფრასტრუქტურაში. იმისათვის, რომ მოხდეს მოწყობილობებისა და კომპიუტერული სისტემების ოპტიმიზაცია, ჩვენ ვირჩევთ ბლოკჩეინ-ტექნოლოგიის გამოყენებას“. ბოლო ორი წლის განმავლობაში Bank Of America-მ შეიტანა 50-ზე მეტი ბლოკჩეინ-პატენტი. ბანკი გეგმავს შეიმუშავოს რამოდენიმე აპლიკაცია ტექნოლოგიის ბაზაზე, რათა სრულყოს საოპერაციო პროცესები. https://bit.news/news/bank-of-america-budet-ispolzovat-blokchejn-dlya-obrabotki-nalichnyh-platezhej

შანხაიში გამოჩნდა 3D პრინტერის საშუალებით დამზადებული მსოფლიოში ყველაზე გრძელი ხიდი. მისი სიგრძე 15,25 მეტრია, სიგანე - 3,8 მეტრი, სიმაღლე - 1,2 მეტრი. იგი წარმოადგენს ჩჟაოჩჟოუში არსებული ხიდის ასლს, რომელიც დაახლოებით 1400 წლის წინაა აშენებული. ხიდის დაპროექტებაზე მუშაობდნენ შანხაიში არსებული ინოვაციური პარკისა და ჩინჰუას უნივერსიტეტის სპეციალისტები. ამჟამად მშენებლები ასრულებენ საბოლოო სამუშაოებს და ხიდი მალე გამოსადეგი იქნება გამოყენებისთვის. მსოფლიოში არსებობს კიდევ ორი ბეტონის ხიდი, რომლებიც 3D პრინტერის საშუალებითაა აგებული. ერთ-ერთი მათგანი მდებარეობს ნიდერლანდებში. მისი სიგრძე 8 მეტრია, სიგანე - 3,5 მ. მეორე ხიდი კი ესპანეთშია (სიგრძე - 12 მ, სიგანე - 1,75 მ.). შანხაიში მალე იმავე ტექნოლოგიით შესრულებული კიდევ ერთი ხიდი გამოჩნდება. ბეტონის ნაცვლად მასში გამოყენებული იქნება საინჟინრო პლასტიკატი, რომელსაც დამატებული ექნება მინის ბოჭკოვანები კონსტრუქციის სიმყარისთვის. ხიდის ასაშენებლად კომპანია Shanghai Mechanized Construction-ს მხოლოდ 35 დღე დასჭირდა. გამოყენებული ტექნოლოგია საშუალებას იძლევა შემცირდეს მშენებლობის ვადები და მინიმუმამდე დავიდეს მასალების დანახარჯი. ხიდის სიმტკიცის გამოცდის შემდეგ მას დააყენებენ ერთ-ერთ ინოვაციურ პარკში. ეს ხიდი იქნება ქვეყანაში ამ ტექნოლოგიით შესრულებული პირველი კონსტრუქცია, რომლითაც ქვეითად მოსიარულეები ისარგებლებენ. https://3dnews.ru/980264

როგორც ცნობილია, 2020 წელს Intel-მა შესაძლოა გამოუშვას დისკრეტული ვიდეო ბარათი და იგი გახდება დისკრეტული გრაფიკის ბაზრის ყველა სფეროს ერთ-ერთი მთავარი ამაჩქარებელი. გეიმერები და კომპიუტერის ენთუზიასტები მოუთმენლად ელიან სამომხმარებლო ვიდეო ბარათების ბაზარზე ახალი მოთამაშის გამოჩენას. მომლოდინეთაგან ზოგიერთი მათგანი თავისი ფანტაზიისამებრ ქმნის ახალი ბარათის გარეგნულ დიზაინს. მაგალითად, 3D-დიზაინერმა Cristiano Siqueira-მ მცირე ხნის წინ წარმოადგინა სამომავლო ვიდეო ბარათის კონცეპტ-არტი. როგორც ავტორი მიიჩნევს, ახალმა ბარათმა შესაძლოა მემკვედრეობით მიიღოს Intel Optane SSD 905P დრაივის გარეგნული დიზაინი. მისი განსაკუთრებულობა გამოიხატება გაგრილების სისტემის გარეკანსა და გვერდით ნაწილებზე განთავსებულ ცისფერ განათებებში. გაგრილებას უზრუნველყოფს ტურბინა, უკანა მხარეს განთავსებულია დამცავი ფიფიტა სიმბოლოთი - X. ნაჩვენები ვიდეო ბარათის კონცეპტმა ინტერნეტ-მომხმარებელთა დიდი ნაწილის მოწონება და დადებითი გამოხმაურებები დაიმსახურა. მათ შორის, Intel-ის გრაფიკული პროცესორების რეკლამაზე პასუხისმგებლმა პირმა, კრის ჰუკმა ბარათის კონცეპტი საკუთარ Twitter-ზე განათავსა. https://overclockers.ru/blog/ddr77/show/22934/koncept-diskretnoj-videokarty-ot-intel