Magdalena

კრიპტო ბირჟამ Binance-მა გამოაცხადა მაინინგ-პულის ამოქმედების შესახებ, რომელიც მიზნად ისახავს Litecoin-ისა და Dogecoin-ის მაინინგს. პულში გამოიყენება PPS (Pay Per Share) მოდელი Litecoin-თან მიმართებაში. ამგვარი სქემის თანახმად მონაწილე იღებს ფიქსირებულ თანხას ყოველი გაგზავნილი „წილისთვის“. „წილი“ - ეს არის ჰეში, რომელიც თითოეულილ მაინერის მუშაობაზე თვალყურის დევნებისთვის გამოიყენება. Dogecoin-თან მიმართებაში შემოთავაზებულიი მეთოდი PPLNS (Pay Per Last N Shares). ჯილდო ანაზღაურდება ისეთ შემთხვევაში, როდესაც პული წარმატებით მოიპოვებს ბლოკს. მისი მოცულობა, მორგებული ოპერატორის საკომისიოზე, ნაწილდება მაინერების მიერ გაგზავნილი „წილების“ თანაფარდობის მიხედვით პულის ფარგლებში მათ მთლიან ინდიკატორთან. BTC.com-ის თანახმად სტატიის წერის მომენტისთვის Binance Pool არ შედის Litecoin-ის ჰეშრეითის ტოპ 10 პულში. Bitcoin-ის ქსელში გამოთვლითი სიმძლავრის ოდენობის თვალსაზრისით სტრუქტურა იკავებს მეექვსე ხაზს 12.2 EH/წმ მაჩვენებლით. წყარო: BTC.com შეგახსენებთ, Binance Pool-მა მხარი დაუჭირა Taproot-ის 14 ნოემბრის მოახლოებულ განახლებას Bitcoin-ის ქსელში. https://tinyurl.com/9y3afsw9

ჩინური კომპანია Xiaomi მიმდინარე წელს ახალი თაობის მინიმუმ ორ ფლაგმანურ სმარტფონს წარადგენს. ერთ-ერთი მათგანია კომპაქტური Xiaomi 12 mini. ამჟამად სმარტფონის შესახებ თითქმის ყველაფერი ცნობილი. სამომავლო სმარტფონი აგებული იქნება 7-ნანომეტრიან მობილურ პროცესორ Qualcomm Snapdragon 870-ზე, რომლის შემადგენლობაში შედის ბირთვები მაქსიმალური 3.2 გჰც სიხშირით და გრაფიკა - Adreno 650. მეხსიერების მხრივ საბაზისო მოდიფიკაციას ექნება 8 გბ LPDDR5 ტიპის ოპერატიული მეხსიერება და 128 გბ მოცულობის UFS 3.1 ფლეშ-მეხსიერება. კომპაქტური ფლაგმანი აგრეთვე წარმოდგენილი იქნება 256 გბ მეხსიერების მქონე ორ მოდიფიკაციად. Xiaomi 12 mini-ში წარმოდგენილი იქნება ოთხმოდულიანი ძირითადი კამერა, რომელშიც შედის Samsung-ის სენსორის ბაზაზე აგებული 108-მეგაპიქსელიანი სენსორი. დანარჩენი სამი მოდულის ტექნიკური მახასიათებლები ჯერ არ დაზუსტებულა. ასევე უცნობია სელფი კამერის პარამეტრებიც. სმარტფონის ერთ-ერთი განსხვავებული მახასიათებელი იქნება დისპლეი. მოდელის დასახელებიდან გამომდინარე ლოგიკურია ვარაუდი, რომ მას მცირე ზომის ეკრანი ექნება. მაგალითად, iPhone 13 mini-ს დიაგონალი 5.4 დუიმს შეადგენს, ASUS ZenFone 8-ს დიაგონალი, რომელიც თავდაპირველად ფიგურირებდა, როგორც ZenFone 8 mini – 5.9 დუიმია. Xiaomi-ს მინი-ვერსიის დისპლეის ზომა კი 6.28 დუიმს შეადგენს. რა ტიპის მატრიცა იქნება გამოყენებული Xiaomi 12 mini-ში, ჯერჯერობით არ დაკონკრეტებულა, მაგრამ ცნობილია სხვა ძირითადი მახასიათებლები. კერძოდ, ეკრანის კადრის განახლების სიხშირეა 120 ჰერცი, სიკაშკაშის მაქსიმალური მაჩვენებელი - 1500 ნიტი, მხარდაჭერილია Dolby Vision და HDR10+. სმარტფონს ექნება ბრტყელი პანელი გადახრილი გვერდების გარეშე და ფრონტალური კამერისთვის განკუთვნილი ჭრილი ზედა ნაწილში. კომპლექტში არსებული ბატარეის მოცულობა 4200 მა/სთ-ს შეადგენს. კომპაქტურ სმარტფონს აქვს 67-ვატიანი სადენიანი და 50-ვატიანი უსადენო დამუხტვის მხარდაჭერა. მოწყობილობა დაცული იქნება წყლისა და მტვრისგან IP68 სტანდარტის შესაბამისად. ჯერჯერობით მსგავსი მახასიათებელი აქვს Xiaomi-ს მხოლოდ ორ სმარტფონს - Mi 11 Pro-სა და Mi 11 Ultra-ს. Xiaomi 12 mini-ს ექნება სტერეოდინამიკები Dolby Atmos-ის მხარდაჭერით, Wi-Fi 5.8 გჰც სიხშირით და Bluetooth 5.2. სმარტფონის წონაა 176 გრამი, კორპუსის სისქე - 7.96 მმ. მოწყობილება გაყიდვაში გამოვა ოპერაციულ სისტემა Android 11-ითა და საფირმო MIUI 12.5-ით, მომხმარებელს დიდხანს არ მოუწევს ლოდინი Android 12-სა და MIUI 13-სთვის. 8/128 გბ ვერსიის ფასია 565 აშშ დოლარი, 8/256 გბ ვერსიისა - 610 აშშ დოლარი. 12 /256 გბ მოდიფიკაციის ღირებულება კი 675 აშშ დოლარი იქნება. სმარტფონის პრეზენტაცია 21 დეკემბერს შედგება. https://tinyurl.com/3nh9b6zu

კომპანია Tesla-მ დაიწყო ელექტრომობილების დამტენი სადგურების ქსელის, Supercharge-ის აღჭურვა თანამგზავრულ ინტერნეტ SpaceX Starlink-ის ტერმინალებით. ინტერნეტის ანტენები უკვე გამოჩნდა ზოგიერთ სადგურზე ფლორიდაში. შეგახსენებთ, რომ Tesla-ს და SpaceX-ს ილონ მასკი აერთიანებთ, რომელმაც ეს ორივე კომპანია დააფუძნა. ფოტოს წყარო: Blomst/pixabay.com მიუხედავად იმისა, რომ თავად Tesla ჯერჯერობით დუმს, შეიძლება ვივარაუდოთ, რომ ტერმინალები შეიძლება გამოყენებულ იქნას სხვადასხვა მიზნებისთვის, მაგალითად, დამუხტვის სტატუსის უსადენოდ შესამოწმებლად და საბანკო გადახდების განსახორციელებლად. სიახლის წყალობით შესაძლებელი გახდება სადგურების უფრო სწრაფი მუშაობის ორგანიზება დასახლებული ზონებიდან მოშორებულ ლოკაციებზე. გაფართოებული ფუნქციონალურობა მნიშვნელოვანია, რადგან კომპანია აპირებს დაამატოს სხვა ბრენდის ელექტრომობილების დამუხტვის მხარდაჭერა და გაასამმაგოს დამტენი სადგურების რაოდენობა. ფოტოს წყარო: Reddit.com უნდა აღინიშნოს, ექსპერტების უმეტესობა დარწმუნებულია, რომ არცერთ სადგურს არ დასჭირდება ასეთი გამტარობა უმარტივესი ოპერაციების ორგანიზებისთვის - "მედიანური" კავშირის სიჩქარე Starlink-ის გამოყენებით აშშ-ში 97 მბ/წმ-ს შეადგენს. დიდი ალბათობით, კომპანია აპირებს მომხმარებელს მიაწოდოს დამატებითი სერვისები - მაგალითად, Wi-Fi-თ უზრუნველყოს სადგურის ვიზიტორები. როგორც წესი, ელექტრომობილის მფლობელს დამტენ სადგურზე საკმარისი დროის გატარება უწევს იმისთვის, რომ შეძლოს სატელევიზიო შოუს რამდენიმე მოკლე ეპიზოდის ყურება. ხელმისაწვდომი Wi-Fi-ს პირობებში სადგურზე დროის გაყვანა ბევრად კომფორტული გახდება დამატებით გიგაბაიტებში ფულის გადახდისა და საერთოდ სმარტფონის გამოყენების გარეშე. ამის ნცვლად ელექტრომობილების მფლობელები მანქანის მედიასისტემას გამოიყენებენ. https://tinyurl.com/tzds4ts7

შეერთებული შტატების კონგრესის გაერთიანებული ეკონომიკური კომიტეტი (JEC) გამართავს მოსმენას ხელისუფლების როლის შესახებ ციფრულ აქტივებთან დაკავშირებით. ამის შესახებ JEC-ის ვებ-გვერდზეა ნათქვამი. სხდომა თემაზე „კრიპტოვალუტების დემისტიფიკაცია: ციფრული აქტივები და ხელისუფლების როლი“ 17 ნოემბრისთვის არის დაგეგმილი. მასზე სიტყვით გამოვლენ CFTC-ის ყოფილი ხელმძღვანელი ტიმოთი მასადი, ანალიტიკურ ცენტრ Open Market Institute-ის ფინანსური პოლიტიკის დირექტორი ალექსის გოლდშტეინი, Coin Center-ის კვლევის განყოფილების დირექტორი პიტერ ვან ვალკენბურგი და პენსილვანიის უნივერსიტეტის სამართლისა და ბიზნეს-ეთიკის პროფესორი კევინ ვერბახი. კომიტეტის თავმჯდომარეა დემოკრატი შტატ ვირჯინიადან დონ ბეიერი - ივლისში მან წარმომადგენელთა პალატაში განხილვისთვის შეიტანა კანონპროექტი ინდუსტრიის რეგულირების მიზნით „ყოვლისმომცველი ნორმატიული ბაზის“ შექმნის შესახებ. JEC-ის შემადგენლობაში აგრეთვე შედის რობ პორტმანი, რომელიც მხარს უჭერდა გარკვეული ტიპის კრიპტო ბიზნესის ინფრასტრუქტურის გეგმიდან გამორიცხვას და ტედ კრუზი. 10 აგვისტოს სენატმა მხარი დაუჭირა ორპარტიულ 1 ტრილიონ აშშ დოლარიან გეგმას გზების, ხიდების, აეროპორტების, სკოლებისა და სხვა ობიექტების მშენებლობისთვის. დოკუმენტი გულისხმობს დამატებითი დაფინანსების მოზიდვას გადასახადების სახით კრიპტოვალუტებით განხორციელებული ოპერაციებიდან 28 მილიარდი აშშ დოლარის ოდენობით. კრიპტო-ქომიუნითიმ გააკრიტიკა კანონპროექტი „ბროკერის“ გაფართოებული განმარტების გამო, რომელიც კრიპტო ინდუსტრიის მონაწილეებს მოიცავს. ის ავალდებულებს მაინერებს, ნოუდების ოპერატორებს, საფულეების დეველოპერებს, ლიკვიდობის პროვაიდერებს DeFi პროტოკოლებში და სხვა არაკასტოდიალურ მონაწილეებს - საგადასახადო ორგანოებს მომხმარებლის ტრანზაქციების შესახებ მოახსენონ. მოგვიანებით საზოგადოების წევრებმა შეშფოთება გამოხატეს ინფრასტრუქტურის გეგმის კიდევ ერთი შესწორების გამო, რომელიც ავალდებულებს 10 ათას აშშ დოლარზე მეტი ღირებულების ციფრული აქტივების მიმღებებს - გადაამოწმონ გამგზავნის პირადი ინფორმაცია. ოქტომბერში აშშ-ის წარმომადგენელთა პალატამ მხარი დაუჭირა კრიპტო ინდუსტრიის წარმომადგენლების სასარგებლოდ ცვლილებების შეტანის გარეშე კანონპროექტის მიღებას. ნოემბერში აშშ-ის ფინანსთა სამინისტრომ გამოაქვეყნა ანგარიში Stablecoin-ებთან დაკავშირებული რისკების შესახებ. სამი სენატორი - შეროდ ბრაუნი, პეტ ტუმი და სინტია ლამისი - არ დაეთანხმა დოკუმენტს. https://tinyurl.com/2df9vtep

NVIDIA აგრძელებს ციფრული ორეულების პლატფორმა Omniverse-ის შესაძლებლობების განვითარებას მასშტაბური ობიექტების, საწარმოების შემგროვებელი ხაზების, ქარხნების, რთული ენერგეტიკული ობიექტებისა და მთლიანი ქალაქების მოდელირებისთვის. თუმცა ეს ყველაფერი ვერ შეედრება ახალ პროეტს: NVIDIA ქმნის ყველაზე მასშტაბურ მოდელს, ჩვენი პლანეტის ციფრულ ასლს. „ყველა ტექნოლოგია, რაც ამ დრომდე შეგვიქმნია, საჭიროა იმისთვის, რომ შესაძლებელი გახდეს დედამიწა-2-ის რეალიზაცია. ვერაფერს წარმოვიდგენ ამაზე უფრო დიდს და გამოყენებისთვის უფრო მნიშვნელოვანს“ - განაცხადა ჯენსენ ჰუანგმა კონფერენცია GTC 2021-ზე. დედამიწის ციფრული ასლი საჭიროა კაცობრიობის ერთ-ერთ მთავარ პრობლემასთან - გლობალური კლიმატის ცვლილებასთან საბრძოლველად. მომავალი ათწლეულების განმავლობაში კლიმატის ცვლილების ზუსტი პროგნოზირებისთვის და დაძლევისა და ადაპტაციის ეფექტური სტრატეგიების შემუშავებისთვის საჭიროა კლიმატის მოდელები პლანეტარული მასშტაბით და მეტრიკული სიზუსტით წყლის ციკლის სიმულაციისთვის. ეს კი მოითხოვს მილიონჯერ და მილიარდჯერ მეტ გამომთვლელ წარმადობას იმასთან შედარებით, რაც ამჟამადაა ხელმისაწვდომი. მურის კანონის თანახმად ამას ათწლეულები დაჭირდება. თუმცა NVIDIA შეძლებს წარმადობის მილიონჯერ გაზრდას ახლავე, გრაფიკული პროცესორების, ნეირონული ქსელების, ღრმა მანქანური სწავლების, სუპერკომპიუტერებისა და ხელოვნური ინტელექტის გაერთიანების შედეგად დიდი მოცულობის მონაცემთა დასამუშავებლად. კლიმატის ცვლილების მოდელირებისთვის NVIDIA აწყობს ხელოვნური ინტელექტის მქონე სუპერკომპიუტერს, სახელად Earth-2 ან Е-2, იგი სიმძლავრით მეორე იქნება Cambridge-1-ის შემდეგ, რომელიც უკვე გამოიყენება ჯანდაცვის სფეროში. ჯენსენ ჰუანგმა განაცხადა, რომ Earth-2 მთლიანად NVIDIA-ს მიერ დაფინანსდება. სუპერკომპიუტერის არქიტექტურა და განთავსების საკითხი ჯერჯერობით საიდუმლოდ რჩება. აღსანიშნავია, რომ Earth-2 უნდა იყოს ყველაზე ენერგოეფექტური სუპერკომპიუტერი მათ შორის, რაც ამ დრომდე შექმნილა. შესაძლოა მისი წარდგენა მოხდეს მომდევნო GTC 2022 კონფერენციაზე ახალ გამომთვლელ ამაჩქარებლებთან ერთად. https://tinyurl.com/an68xw55

ინტერნეტ-წყაროების ინფორმაციით ჩრილოეთ ამერიკულმა კომპანიებმა მიმდინარე წლის პირველი ცხრა თვის განმავლობაში ექსპლუატაციაში შეიყვანეს რობოტების რეკორდული რაოდენობა. ამას ხელი შეუწყო ბიზნესის სურვილმა - გაიზარდოს საწარმოო შესაძლებლობები მუშახელის დეფიციტის წინააღმდეგ ბრძოლის ფონზე. წყარო: CNN ინდუსტრიულ ჯგუფ Association for Advancing Automation-ის მონაცემებით ქარხნებმა და სხვა საწარმოო მომხმარებლებმა შეუკვეთეს 29 ათასზე მეტი რობოტი, რაც 37%-ით მეტია გასული წლის ანალოგიურ პერიოდთან შედარებით. საერთო ჯამში კომპანიებმა ამ მიზნისთვის დახარჯეს 1.48 მლრდ აშშ დოლარი, რამაც გადააჭარბა 2017 წლის ანალოგიურ ცხრა თვეში დაფიქსირებულ წინა რეკორდულ ღირებულებას, სანამ COVID-19-ის პანდემია უარყოფითად იმოქმედებდა ეკონომიკაზე. რობოტიზებული ტექნიკის სწრაფი დანერგვა არის უფრო ფართო ინვესტიციების ზრდის ნაწილი, იგი გამოწვეულია ისეთი კომპანიების მიერ, რომლებიც ცდილობენ შეინარჩუნონ მოთხოვნა, რამაც ზოგიერთ შემთხვევაში გამოიწვია ძირითადი პროდუქტის დეფიციტი. ბევრი კომპანია ასევე ცდილობდა დაებრუნებინა მუშები, რომლებიც დაითხოვეს პანდემიის დროს და განიხილავდნენ რობოტებს, როგორც ცოცხალი ძალის ალტერნატივას. ”კომპანიები უბრალოდ ვერ პოულობენ საჭირო ადამიანებს, რის გამოც ისინი ისწრაფვიან ავტომატიზაციისკენ,” - განაცხადა Jeff Burnstein-მა, Association for Advancing Automation-ის ხელმძღვანელმა. ასევე აღინიშნება, რომ რობოტები აგრძელებენ ადამიანის საქმიანობის ბევრ სფეროში შეღწევას. საავტომობილო კომპანიები დიდი ხანია ლიდერობენ სამრეწველო რობოტიზებული ხაზების გამოყენებაში. თუმცა 2020 წელს ბიზნესის სხვა წარმომადგენლების ჯამურმა გაყიდვებმა პირველად გადააჭარბა საავტომობილო ინდუსტრიის რობოტების რაოდენობას. მიმდინარე წლის მონაცემებით პირველ ცხრა თვეში ჩრდილოეთ ამერიკაში მანქანათმშენებელმა კომპანიებმა გააფორმეს 12544 შეკვეთა რობოტიზებული აღჭურვილობის შესაძენად, ხოლო სხვა ინდუსტრიებში ასეთი შეკვეთების რაოდენობა იყო 16355, რაც 53%-ით მეტია წინა წლის მაჩვენებელთან შედარებით. „ეს არ ნიშნავს, რომ მანქანათმშენებლობა შენელდა, იგი ზრდას აგრძელებს. თუმცა სხვა საწარმოო სფეროები - მეტალურგიიდან კვების პროდუქტების წარმოებამდე - კიდევ უფრო სწრაფად იზრდება“ - მიიჩნევს Jeff Burnstein. https://tinyurl.com/2bdchywc

ბოლო წლებში კაცობრიობამ მოახერხა ფულის გადახდისა და მიღების ციფრულ მეთოდებზე გადასვლა. ერთი მხრივ ეს არის მეტად პოზიტიური და ინოვაციური მოვლენა, რომელიც ბევრი ქვეყნის მოსახლეობის ფინანსური განვითარების დონის ამაღლებას მოწმობს. მაგრამ სიახლემ გამოიწვია მთელი რიგი უსიამოვნო შედეგები: თაღლითებს შეუძლიათ ფულის დისტანციურად მოპარვა, ხოლო უნაღდო გადახდის მეთოდი ამცირებს კონტროლს პირად ფინანსებზე, რის შედეგად ადამიანები ახორციელებენ ნაჩქარევ დანახარჯებს, რაც შესაძლოა სამომავლოდ ინანონ. კრიპტო ბირჟები, რომლებიც გახდნენ ნებაყოფლობითი შუამავლები ციფრული ფულის მფლობელებს შორის, დასახელებულია ციფრული ინოვაციის ერთ-ერთ მამოძრავებელ ფაქტორად. ვინაიდან მსგავსი სტრუქტურებიდან უდიდესია Binance, იგი ხშირად ერევა უსიამოვნო და კონფლიქტურ სიტუაციებში. ამჟამად სწორედ ასეთი შემთხვევაა, რაც იმას მოწმობს, რომ ბირჟა თავისუფალია რაც უნდა მოიმოქმედოს და ამაზე პასუხისმგებელი მომხმარებლები იქნებიან. მაშ ასე, Binance-მა შეცდომით განახორციელა განმეორებითი გადარიცხვების მთელი სერია უცნობ ანგარიშებზე. დავუშვათ, 2019 წლის თებერვლიდან 2020 წლის თებერვლამდე მომხმარებელმა თავისი ექაუნთიდან ბირჟაზე Dogecoin გადარიცხა ნაცნობი პიროვნების მისამართზე. და აი, Binance-მა კვლავ განახორციელა გადარიცხვის დუბლირება. კარგია, თუ მომხმარებელს ემახსოვრება ვის და რამდენი გაუგზავნა, ხოლო თუკი ესენი იყვნენ გადამცვლელები, რომლებიც დიდი ხანია გაუჩინარდნენ უცნობი მიმართულებით, მაშინ ყველაფერი ძალიან ცუდადაა. საქმე ის არის, რომ Binance-ის წარმომადგენლები თანხის დაბრუნებას მოითხოვენ მათგან, ვინც ადრე მსგავსი გადარიცხვები გააკეთა. მარტივად რომ ითქვას, თუკი 2019 წელს 1 მონეტა 0.0026 $ ღირდა, დღეს კი - 0.26 $, ანუ ასჯერ უფრო ძვირი - ის მომხმარებლები, რომელთა ხარჯზეც მოხდა ტრანზაქციების დუბლირება, მინუსში აღმოჩნდნენ. ერთ-ერთი დაზარალებული წერს, 2019 წელს 30 ათას მონეტაზე მიიღო 78 აშშ დოლარი, დღეს კი ბირჟისთვის 7 ათას აშშ დოლარზე მეტის გადახდა უწევს. თანაც მას ჰქონდა ორი მსგავსი გადარიცხვა, შედეგად მისი ვალი 15 ათას აშშ დოლარამდე გაიზარდა. Binance-ზე საფულე დაბლოკილია და ასე დარჩება მანამ, სანამ მომხმარებელი არ გადაიხდის 15 ათას აშშ დოლარს. დაზარალებულის თქმით მას 12700 დოლარი წაართვეს და ტექნიკური მხარდაჭერის სერვისთან საუბარს აზრი არ აქვს, რადგან კომპრომისის გაგონებაც კი არ სურთ. ინსაიდერები ამბობენ, რომ დაზარალებული ბევრია და ისინი იძულებულნი არიან დამოუკიდებლად ებრძოლონ Binance-ის მხრიდან არსებულ უკანონობას. სავარაუდოდ, მათ საბოლოოდ დაკარგეს წვდომა ფულზე და ვეღარასოდეს იხილავენ მას. უნდა აღინიშნოს, რომ Binance-ს არ აქვს ოფისი, ამიტომ პასუხისმგებლობა ვერავის ეკისრება. ბოლო დროს მომხმარებლებისგან სხვადასხვა მიზეზით თანხის ამოღების არაერთი შემთხვევა დაფიქსირდა და ყველა შემთხვევას თან სდევს Binance-ის მხრიდან გულგრილი დამოკიდებულება. კომპანია დარწმუნებულია საკუთარ დაუსჯელობაში და აგრძელებს ფულის ამოღებას რიგითი მომხმარებლებისგან. სხვათა შორის, Dogecoin-ის დეველოპერები წერენ, რომ მათ Binance შესაძლო პრობლემის შესახებ გააფრთხილეს ერთ წელზე მეტი ხნის წინ, ისაუბრეს იმაზე, თუ როგორ შეუძლია ბირჟას თავიდან აიცილოს ასეთი სცენარი. როგორც ხედავთ, მათ არავინ მოუსმინა და შეცდომის საფასურის გადახდა რიგით მომხმარებლებს მოუწევთ. https://tinyurl.com/kfcvs2y9

Google Pixel 6-მა და Pixel 6 Pro-მ მიიღეს განახლება, რის შედეგად დაემატა გულისცემის რიტმისა და სუნთქვის თვალყურის დევნების ფუნქცია. ამჟამად ეს ფუნქცია ექსკლუზიურია Pixel სერიის სმარტფონებისთვის. ფუნქციები პირველად წარმოდგენილ იქნა Pixel-ის ხაზში მიმდინარე წელს, თუმცა გამოშვებისას ხელმისაწვდომი არ იყო აპლიკაცია Google Fit-ში Pixel 6-ისა და Pixel 6 Pro-ს შემთხვევაში.  Pixel 6-ის ზოგიერთმა მფლობელმა განაცხადა, რომ გულისცემის და სუნთქვის თვალყურის ფუნქცია ჯერ კიდევ მიუწვდომელია მათ სმარტფონებში. სავარაუდოდ, ახალი ფუნქციები ადეულ წვდომაშია ზოგიერთი მომხმარებლისთვის. ისინი განთავსებულია Google Fit აპლიკაციაში და საჭიროა მისი განახლება, რათა შეამოწმოთ, არის თუ არა თქვენთვის ხელმისაწვდომი ახალი ფუნქციები. Google-მა განაცხადა, რომ მომავალში გულისცემის და სუნთქვის თვალყურის დევნება სხვა Android-სმარტფონებშიც გამოჩნდება. თუ თქვენ ფლობთ Google Pixel 3-ს ან უფრო ახალ Google-სმარტფონს, წვდომას მიიღებთ ამ ფუნქციებზე უახლოეს მომავალში. Pixel-ის ახალი ფუნქციების ნახვა შეგიძლიათ Google Fit აპლიკაციაში. პირველი ჩანართი, სახელწოდებით „მთავარი“, შემოგთავაზებთ შეამოწმოთ, ფლობთ თუ არა თავსებად მოწყობილობას. უმეტესობა სმარტ-საათების და ფიტნეს-ტრეკერებისგან განსხვავებით Pixel 6-ს და Pixel 6 Pro-ს არ გააჩნიათ სპეციალური პულსის მზომი ან სუნთქვის სენსორი, ამიტომ აპლიკაცია იყენებს სმარტფონის კამერებსა და ფლეშ-განათებას. გულისცემის რითმის გასაზომად Google უკანა კამერას იყენებს. იგი მოგთხოვთ დაჯდეთ კარგად განათებულ ადგილას და დაადოთ თითი უკანა კამერის ზედაპირს. შემდეგ საჭიროა დაახლოებით 30 წამის განმავლობაში გაუნძრევლად ჯდომა, სანამ იგი მონაცემებს მიიღებს. ეს ფუნქცია მუშაობს Mobvoi TicWatch Pro 3 Ultra GPS-ის გულისცემის რითმის სენსორის ანალოგიურად. სუნთქვაზე თვალყურის დევნებისთვის გამოიყენება სელფი კამერა. შესამოწმებლად აპლიკაცია მოგთხოვთ სმარტფონი განათავსოთ ისე, რომ კარგად ჩანდეს სახე და სხეულის ზედა ნაწილი. განხორციელებული ყველა საჭირო მანიპულაციის შემდეგ აპლიკაცია მოგაწვდით თქვენს სუნთქვასთან დაკავშირებულ შედეგებს. https://tinyurl.com/mxma8d2z

Huawei-მ 17 ნოემბრისთვის დაგეგმა ღონისძიება, რომელზეც წარადგენს მთელ რიგ ახალ პროდუქტებს, მათ შორის იქნება სმარტ-საათი Watch GT Runner. ახლახანს კომპანიამ განაცხადა, რომ ღონისძიებაზე ასევე წარმოდგენილი იქნება ახალი თაობის პორტატული კომპიუტერი „ორი ერთში“ MateBook E. ფოტოს წყარო: Huawei რაც შეეხება ფორმ-ფაქტორს, მოწყობილობა წარმოადგენს პლანშეტს მიერთებადი კლავიატურით, რაც მას ლეპტოპად აქცევს. სერია MateBook E არ განახლებულა 2019 წლიდან. სერიის ბოლო წარმომადგენელი აგებულია ჩიპსეტ Snapdragon 850-ის ბაზაზე, რომელიც წარმოადგენს Snapdragon 845 ჩიპის ვერსიას პლანშეტებისთვის. Huawei-ს მიერ გამოქვეყნებული თიზერის მიხედვით მომავალი თაობის კომპიუტერი იმუშავებს ოპერაციულ სისტემა Windows 11-ზე. ფოტოდან აგრეთვე ჩანს მეტად წვრილი ჩარჩოთი შემოსაზღვრული დისპლეი. მოწყობილობას ექნება დაქტილოსკოპიური სკანერი მომხმარებლების იდენტიფიკაციისთვის და აქტიურ სტილუს M Pencil-ის მხარდაჭერა. კომპიუტერის ტექნიკური მახასიათებლები და საორიენტაციო ფასი ჯერჯერობით უცნობია. https://tinyurl.com/2vrsnnvf

ოქტომბერში Bitcoin-ის კურსის ცვლილებები შეესაბამება მის დინამიკას 2017 წლის მეოთხე კვარტალში. თუ ასე გაგრძელდა, წლის ბოლომდე მისი ფასი მიაღწევს 96355 აშშ დოლარიან დონეს - დარწმუნებულნი არიან კრიპტო ბირჟა Kraken-ის ანალიტიკოსები. „ოქტომბერში Bitcoin-მა დაიწყო 2017 წლის მეოთხე კვარტლის ტრაექტორიის გამეორება 0.88 კორელაციით. ეს პერიოდი ისტორიაში მესამეა ზრდის ტემპის + 220%-იანი მაჩვენებლით. ამ კონტექსტში მიმდინარე წლის ბოლოსთვის პირველი კრიპტოვალუტის ფასი შეიძლება გაიზარდოს 96 355 დოლარამდე“, - აღნიშნეს ექსპერტებმა. BTC/USD-ის ისტორიული დინამიკა წლების მიხედვით. წყარო: Kraken. ექსპერტების გაფრთხილებაა, რომ ნოემბერი, როგორც წესი, ყველაზე მეტად არასტაბილურია და ყველაზე მეტი მოგება მოაქვს თვეების მიხედვით. BTC/USD-ის ცვლილება და დინამიკა თვეების მიხედვით. წყარო: Kraken. ექსპერტებმა აღნიშნეს, რომ შუალედური მწვერვალის ფორმირების სიგნალს ხელს შეუწყობდა ფასი, რომელიც აღწევს Bollinger Bands-ის ზედა ზღვარს (4.5 სტანდარტული გადახრით) და ფარდობითი სიძლიერის ინდექსის (RSI) ზრდა 96%-მდე. ოქტომბრის შეჯამებით ეს პირობები არ შესრულდა. პირველი ინდიკატორი გაიზარდა 112 ათას აშშ დოლარამდე, მეორე კი - მხოლოდ 71.7%-მდე. BTC/USD-ის დინამიკა თვეების მიხედვით, Bollinger-ის ხაზი და RSI. წყარო: Kraken. უნდა აღინიშნოს, რომ Stock-to-Flow მოდელზე დაფუძნებული ინდიკატორი მიუთითებს Bitcoin-ის ფასის ზრდის გაგრძელების პოტენციალზე. https://tinyurl.com/5exk939z

მოვლენების ამგვარი განვითარება ძნელი დასაჯერებელია იმის გათვალისწინებით, რომ ერთ წელზე მეტი ხნის წინ გამოშვებული Nvidia RTX 30 სერიის გრაფიკული დაფების დეფიციტი კვლავ გრძელდება. თუმცა პროგრესი არ შეჩერდება და მომდევნო თაობის RTX დაფები აუცილებლად გამოვა. ამ თემასთან დაკავშირებით PCGamesN-მა გამოაქვეყნა ინსაიდერ kopite7kimi-ს ტვიტი, რომელშიც ნათქვამია, რომ NVIDIA-ს ვიდეო დაფების ახალი თაობა, კონკრეტულად კი RTX 4090, RTX 4080 და RTX 4070 შესაძლოა გამოვიდეს 2022 წლის მესამე კვარტალში. ჯერჯეობით უცნობია, ეს არის ანონსის თარიღი თუ ფაქტობრივი გამოსვლისა. ადრე გავრცელდა ცნობები, რომ NVIDIA Ampere-ს „შთამომავალი“, კოდური დასახელების მქონე Lovelace უნდა გამოვიდეს 2022 წლის ოქტომბერში. მოსალოდნელია, რომ Nvidia Lovelace დაფები აგებული იქნება კომპანია TSMC-ის N5 ტექნოპროცესზე და შემოგვთავაზებს ამჟამად არსებულ RTX 30 სერიის ვიდეო დაფებთან შედარებით ორჯერ მეტ წარმადობას. მეორე ცნობილმა ინსაიდერმა Greymon55-მა ცოტა ხნის წინ განაცხადა, რომ მომდევნო თაობის გრაფიკულ პროცესორებს ექნებათ ორჯერ მეტი ენერგომოხმარების დონე, ვიდრე ახლანდელ დაფებს. ეს თუ სიმართლეა, ბევრ მომხმარებელს დასჭირდება ახალი და ხარისხიანი კვების ბლოკი, რომელიც უზრუნველყოფს ვიდეო დაფის სტაბილურ მუშაობას. https://tinyurl.com/h2n4wxkb

ჩინური კომპანია BOE Display სმარტფონებისთვის განკუთვნილი დისპლეების ცნობილი მწარმოებელია. გასულ წლამდე იგი LG-ს ჩამორჩებოდა LCD დისპლეების მიწოდების მოცულობით, ამჟამად კი პირველ ადგილზეა მსოფლიო რეიტინგში - კომპანია ფოკუსირდა OLED-დისპლეების წარმოებაზე, ასევე იგი ორიენტირებულია LCD-თან შედარებით უფრო პერსპექტიულ ტექნოლოგიებზე. ფოტოს წყარო: boe.com კერძოდ, კომპანია აქტიურად ვითარდება AMOLED-დისპლეების ბაზარზე. პირველად დრეკადი AMOLED-პანელები მან 2017 წელს წარადგინა და მას შემდეგ მასიურად აწარმოებს. ინვესტორებისთვის განკუთვნილი უახლესი ანგარიშის თანახმად მსგავსი დისპლეების მიწოდების მასშტაბი ზრდას განაგრძობს. BOE-ს მონაცემების თანახმად კომპანიამ მიმდინარე წლის პირველი სამი კვარტლის განმავლობაში განახორციელა დაახლოებით 40 მილიონი დრეკადი AMOLED-დისპლეის მიწოდება. ზუსტი რიცხვი უცნობია, თუმცა კომპანიის ინფორმაციის მიხედვით შესამჩნევი ზრდა შეინიშნება გასული წლის ანალოგიურ პერიოდთან შედარებით. BOE მრავალპროფილიანი ჰოლდინგია, რომლისთვისაც დისპლეების წარმოება პრიორიტეტულია, თუმცა არ წარმოადგენს ერთადერთ ამოცანას. პარალელურად კომპანია აწარმოებს და უშვებს სენსორებსა და სმარტ-გადაწყვეტილებებს ინტერნეტ-ნივთებისთვის, სამედიცინო აღჭურვილობას და პროდუქტებს ბევრი სხვა სფეროსთვის. დისპლეების ბაზარზე კომპანია არის სმარტფონების, ლეპტოპების, მონიტორების, ტელევიზორების, ტრანსპორტის, ელექტრონული მანიშნებლების, თან სატარებელი ელექტრონიკის და ნებისმიერი სხვა ისეთი სისტემისთვის მომწოდებელი, რომელსაც ეკრანი გააჩნია. https://tinyurl.com/byv3fhvm

Apple-ის აღმასრულებელმა დირექტორმა ტიმ კუკმა განაცხადა, რომ ის პირადად ფლობს კრიპტოვალუტებს და იყენებს ციფრულ აქტივებს თავისი საინვესტიციო პორტფელის დივერსიფიკაციისთვის. ამის შესახებ მან კონფერენცია DealBook-ზე ისაუბრა. კუკმა აღნიშნა, რომ იგი კრიპტოვალუტებით დაინტერესებული იყო „გარკვეული დრო“ და იკვლევდა ამ თემას. უახლოეს მომავალში Apple არ გეგმავს ციფრულ აქტივებთან დაკავშირებული სერვისების ამოქმედებას ან მათ ინტეგრირებას, როგორც გადახდის შესაძლო ვარიანტს კომპანიის პროდუქტის და მომსახურებისთვის, განაცხადა კუკმა. მან ასევე ხაზი გაუსვა, რომ კორპორაცია არ აპირებს ამ ფინანსურ ინსტრუმენტებში ინვესტირებას. „არ მგონია, რომ ადამიანები Apple-ის აქციებს ყიდულობენ კრიპტოვალუტებზე წვდომის მისაღებად“, - განმარტა კორპორაციის ხელმძღვანელმა. კუკმა აღნიშნა, რომ „არის სხვა საკითხები, რომლებსაც განიხილავს Apple”. რას უნდა ნიშნავდეს ეს სიტყვები, ჯერჯერობით უცნობია. თუმცა მაისში კორპორაციამ გამოაცხადა კრიპტოვალუტების ინდუსტრიაში ხუთწლიანი გამოცდილების მქონე ბიზნესის განვითარების მენეჯერის ვაკანსია, რომელიც უხელმძღვანელებს პარტნიორ პროგრამას „ალტერნატიული გადახდების“ სეგმენტში. მიმდინარე წლის თებერვალში საინვესტიციო ბანკ RBC Capital Markets-ის ანალიტიკოსებმა Apple-ს მოუწოდეს მიჰყოლოდა Tesla-ს მაგალითს და სარგებელი ენახა ციფრული აქტივებისადმი მზარდი ინტერესიდან. https://tinyurl.com/wnejx3jk

ინტელექტუალური საკუთრების მსოფლიო ორგანიზაციის მონაცემთა ბაზა PatentScope-ში გამოჩნდა Microsoft-ის დასაკეცი მაუსის პატენტი. ამ პატენტის რეგისტრაციაზე განაცხადი კომპანიამ მიმდინარე წლის მარტში შეიტანა, თუმცა გამოქვეყნდა 4 ნოემბერს. ფოტოს წყარო: Microsoft დოკუმენტში აღწერილი მანიპულატორი ძალიან ჰგავს ამჟამად არსებულ უსადენო მაუს Microsoft Arc-ს, თუმცა შესაძლოა იყოს დაკეცვისას უფრო თხელი და გადასაადგილებლად უფრო მარტივი ამჟამინდელ მოდელთან შედარებით. „წარმოდგენილ მაუსს დეფორმირებული კორპუსი აქვს და მომხმარებელს სთავაზობს ორ კონფიგურაციას გამოსაყენებლად. დაკეცილ მდგომარეობაში მაუსს შეუძლია მიიღოს და გადასცეს შემომავალი სიგნალები კურსორის მართვისთვის. გაშლილი მდგომარეობის შემთხვევაში დეფორმირებადი სხეულის ერთი ნაწილი დეფორმირებული სხეულის მეორე ნაწილზეა გადაფარებული“, - ნათქვამია მოწყობილობის საპატენტო განაცხადში. Microsoft-ის მიერ წარმოდგენილი ილუსტრაციები გვიჩვენებს, თუ რა აქვს კომპანიას მხედველობაში. კომპანია ასევე მიუთითებს მაუსის ერთგვარი „გაფართოებული გარსის“ გამოყენების შესაძლებლობაზე. პატენტის თანახმად მაუსის შემადგენლობაში შედის მოძრაობის სენსორი, რომელიც განსაზღვრავს მანიპულატორის სივრცეში გადაადგილებას. აგრეთვე ნახსენებია გარკვეული შიდა კომპონენტი „ტაქტილური შეყვანის მონაცემების უსადენო გადაცემისა და გამოთვლით მოწყობილობაზე მანიპულატორის გადაადგილებისთვის ". შეგახსენებთ, რომ ამჟამად არსებული Microsoft Arc-ის ზოგიერთ ვერსიას გააჩნია სპეციალური სენსორული პანელი, რომელიც მოქმედებს როგორც ზედა და ქვედა მიმართულებით მბრუნავი გორგოლაჭი. Microsoft-ის განცხადების თანახმად თანამედროვე კომპიუტერის მაუსები ხშირად „ზედმეტად დიდი ზომის და მოუხერხებლებია პორტატულ მოწყობილობებთან სატარებლად და გამოსაყენებლად“. რა თქმა უნდა, ბაზარზე ბევრი ძალიან კომპაქტური გადაწყვეტილებაა, მაგრამ Microsoft-ის თქმით, „ ისინი არ არის ერგონომიული და ხშირად მოუხერხებელია გამოყენებისთვის“. მხოლოდ პატენტის არსებობა არ იძლევა იმის გარანტიას, რომ Microsoft-ის ახალი დასაკეცი მაუსი ოდესმე იხილავს დღის სინათლეს. პორტალი ArsTechnica დაუკავშირდა კომპანიის წარმომადგენლებს, რომლებმაც განაცხადეს, რომ მწარმოებელს კომენტარი არ გაუკეთებია მომავალი პროდუქტების შესახებ. Microsoft Arc მაუსებიც შესაძლებელია დაიკეცოს თაღისებულად ან სიბრტყეზე. ამგვარ კონსტრუქციას კომპანია 2010 წლიდან იყენებს, თუმცა მათი ორად დაკეცვა შეუძლებელია. თუ ისტორიას კიდევ უფრო ღრმად ჩავუღრმავდებით, შეგვიძლია გავიხსენოთ პირველი თაობის Arc, რომელიც 2008 წელს გამოვიდა. ეს მოდელი აღჭურვილი იყო მექანიზმით, რომელიც მანიპულატორს დაკეცვის საშუალებას აძლევდა. https://tinyurl.com/yvkxfwnv

კომპანია NVIDIA-მ წარადგინა პლატფორმა Hyperion 8, რომელშიც გაერთიანებულია კომპიუტერული არქიტექტურა და სენსორების ნაკრები. პლატფორმა განკუთვნილია სრულიად ავტონომიური საავტომობილო სისტემების შექმნისთვის. ტექნოლოგია შემუშავებულია მაღალი დონის ფუნქციონალური უსაფრთხოებისა და კიბერუსაფრთხოების უზრუნველყოფისთვის, მასთან ერთად აგრეთვე გამოიყენება სხვადასხვა კომპანიების, მაგალითად Continental-ის, Hella-ს, Luminar-ის, Sony-სა და Valeo-ს სენსორების ფართო ნაკრები. ფოტოს წყარო: NVIDIA Drive Hyperion 8 მოიცავს 12 კამერას, 9 რადარს, 12 ულტრაბგერით სენსორს და ერთ ლიდარს, რომელიც განთავსებულია წინა პანელზე. პლატფორმაში გამოყენებულია ორი სისტემა კრისტალზე NVIDIA Drive Orin, რომლებიც უზრუნველყოფენ წარმადობის მაღალ დონეს, აგრეთვე საკმარის რესურსებს მე-4 დონის ავტონომიური მართვის სისტემების ფორმირებისთვის. Drive Hyperion 8 არის მოდულური პლატფორმა, რომელიც დეველოპერებს საშუალებას აძლევს გამოიყენონ მხოლოდ მათთვის საჭირო ფუნქციები. მაგალითად, მანქანათმშენებელ კომპანიებს შეუძლიათ პლატფორმა გამოიყენონ ძირითადი გამოთვლების შესასრულებლად, ავტონომიური მართვის სისტემების შესაქმნელად, მანქანის სალონში სხვადასხვა ფუნქციის განსახორციელებლად და სხვა. Drive Hyperion 8-ის დეველოპერებისთვის განკუთვნილ კომპლექტში აგრეთვე შედის Ampere არქიტექტურაზე დამყარებული გრაფიკული პროცესორები, რომლებიც უზრუნველყოფენ საკმარის წარმადობას პროგრამული უზრუნველყოფის ახალი შესაძლებლობების ტესტირებისთვის. „NVIDIA სათავეში ჩაუდგა გამოთვლების თანამედროვე რევოლუციას და იგივე კეთდება ავტონომიური მართვის კუთხით. ჩვენი კომპანიების საერთო მახასიათებლები ის არის, რომ ჩვენი ტექნოლოგიები მსხვილი ავტომწარმოებლებისთვის ხდება დე-ფაქტო გადაწყვეტილებები, რომლებიც უზრუნველყოფს უსაფრთხოებასა და ახალი დონის ავტონომიურობას. ჩვენი ძლიერი მხარეების გამოყენებით ავტომწარმოებლებს აქვთ წვდომა ავტონომიური ავტომობილების განვითარების ყველაზე მოწინავე პლატფორმაზე, ”- განაცხადა ოსტინ რასელმა, Luminar-ის დამფუძნებელმა და აღმასრულებელმა დირექტორმა Drive Hyperion 8-ის შესახებ. https://tinyurl.com/b4fbwc57

აშშ-ის ფინანსთა სამინისტროს შემადგენლობაში არსებულმა ფინანსურ დანაშაულთან ბრძოლის ორგანიზაციამ გამოაქვეყნა რეკომენდაციების განახლებული ვერსია, რომელიც მიზნად ისახავს გამომძალველ ვირუსებთან ბრძოლას. სააგენტომ აღნიშნა, რომ მსგავსი პროგრამების მხრიდან შეტევის დროს თავდამსხმელები უმეტესად ითხოვენ გადახდას კრიპტოვალუტით. დოკუმენტში გამოყენებულია ტერმინი "კონვერტირებადი ვირტუალური ვალუტა". FinCEN-მა განაცხადა, რომ ყველაზე ხშირად კიბერკრიმინალები ითხოვენ გამოსასყიდს Bitcoin-ში და ანონიმურობაზე ორიენტირებულ ისეთ კრიპტოვალუტებში, როგორიცაა Monero. დეპარტამენტის ცნობით თავდამსხმელები მზად არიან შეამცირონ გამოსასყიდის თანხა, თუ მსხვერპლი გადაიხდის ასეთი ვალუტით. ჰაკერები ხშირად იყენებენ შერეულ სერვისებს, რათა კვალი დაფარონ და თანხებს ანაღდებენ ისეთი ბირჟების მეშვეობით, რომლებიც რეგისტრირებულნი არიან სუსტი მარეგულირებელი ზედამხედველობისა და კონტროლის მქონე იურისდიქციებში - ნათქვამია დოკუმენტში. ძირითადი ტენდენციებიდან FinCEN-მა გამოყო ორმაგი გამოძალვის სქემები, რომლებიც მიმართულია კომპანიის თავდაპირველ მსხვერპლზე (მაგალითად პარტნიორებზე ან მომხმარებლებზე), ასევე გამოყო მოდელი „გამოძალვა, როგორც მომსახურება“ (RaaS). სააგენტომ აგრეთვე ჩამოთვალა ინდიკატორები, რომელთა მიხედვით სპეციალისტებს შეუძლიათ გამომძალველ პროგრამასთან დაკავშირებული ტრანზაქციების იდენტიფიცირება. მათ შორისაა - ადრე იდენტიფიცირებულ ჰაკერებთან დაკავშირებული მისამართები, მსხვილი კრიპტო გადარიცხვები ისეთი მომხმარებლების მხრიდან, რომელთაც საერთოდ არ აქვთ ან აქვთ ტრანზაქციების მცირე ისტორია, მაღალი რისკის მქონე ბირჟების გამოყენება და ა.შ. FinCEN-მა ხაზი გაუსვა ფინანსური ინსტიტუტების, მათ შორის კრიპტო ბირჟების მიერ გამოძალვასთან დაკავშირებული ნებისმიერი საეჭვო ტრანზაქციის იდენტიფიკაციისა და მოხსენების მნიშვნელობას. ადრე FinCEN-მა განაცხადა, რომ მიმდინარე წლის პირველი ექვსი თვის განმავლობაში ბირჟებმა და სხვა ორგანიზაციებმა გაუგზავნეს 635-ზე მეტი შეტყობინება საეჭვო ოპერაციების შესახებ, რომლებიც დამშიფვრელი ვირუსების ოპერატორების მხრიდან გამოსასყიდის მოთხოვნას უკავშირდებოდა. ეს შეტყობინებები შეიცავდა ინფორმაციას 590 მლნ აშშ დოლარის ღირებულების ტრანზაქციების შესახებ. https://tinyurl.com/yh8wxbbp

კომპანია Samsung Electronics-მა განაცხადა, რომ შექმნა წარმოებაში პირველი 14-ნანომეტრიანი Low Power Double Data Rate 5X (LPDDR5X) DRAM სტანდარტის 16 გბ მეხსიერების ჩიპები. ფოტოს წყარო: Samsung დაანონსებული პროდუქტები ორიენტირებულია მეხუთე თაობის მობილური ქსელის მხარდაჭერის მქონე მოწყობილობებზე, ხელოვნური ინტელექტის სისტემებზე, სერვერებზე, საავტომობილო პლატფორმებსა და ა.შ. LPDDR5X მეხსიერება უზრუნველყოფს მონაცემთა გადაცემას 8.5 გბ/წმ სიჩქარით. ეს მაჩვენებელი დაახლოებით 1.3-ჯერ მეტია LPDDR5 მეხსიერების სიჩქარეზე, რომლის შედეგია 6.4 გბ/წმ. 14-ნანომეტრიანი საწარმოო ტექნოლოგიის გამოყენების წყალობით მეხსიერების ენერგომოხმარება შემცირდა 20%-ით LPDDR5 სტანდარტის პროდუქტებთან შედარებით. 16 გბ LPDDR5X ჩიპების ბაზაზე შესაძლებელია შეიქმნას ოპერატიული მეხსიერების მოდულები 64 გბ-მდე მოცულობით. მიიჩნევა, რომ ახალი მეხსიერება ხელს შეუწყობს „ციფრული რეალობის“ კონცეფციის განვითარებას, რომელიც ითვალისწინებს ხელოვნური ინტელექტის ტექნოლოგიების, მანქანური სწავლებისა და შერეული რეალობის (AR) დანერგვას ცხოვრების სხვადასხვა სფეროში. https://tinyurl.com/2es5ka44

NVIDIA-მ დააანონსა ტექნოლოგიური პლატფორმა NVIDIA Omniverse Avatar მაღალი წარმადობის ინტერაქტიული ავატარების შექმნისთვის, რომლებიც აღჭურვილი იქნება ხელოვნური ინტელექტით. ამ დამხმარეების გამოყენება შესაძლებელი იქნება პრაქტიკულად ყველა სფეროში, მაგალითად მომხმარებლებთან ურთიერთობისთვის. ამ პლატფორმაში გაერთიანებულია NVIDIA-ს ტექნოლოგიები მეტყველების ხელოვნური ინტელექტის, კომპიუტერული ხედვის, ბუნებრივი ენის გაგების, რეკომენდაციების მექანიზმებისა და მოდელირების სფეროდან. მისი მეშვეობით შექმნილი ავატარები წარმოადგენენ ინტერაქტიულ პერსონაჟებს სამგანზომილებიანი გრაფიკითა და რეითრეისინგით, მათ შეუძლიათ დაინახონ და დაუკავშირდნენ სხვადასხვა თემას და გაიგონ თანამოსაუბრის მიერ გამოხატული აზრი. Omniverse Avatar საშუალებას იძლევა შეიქმნას ხელოვნური ინტელექტის მქონე დამხმარეები პრაქტიკულად ყველა სფეროსთვის. იგი კომპანიებს დაეხმარება უზრუნველყონ მომხმარებლებთან ყოველდღიური კონტაქტი - ეს საკითხები იქნება საბანკო ოპერაციები, პირადი შეხვედრების დანიშვნა, მაგიდის დაჯავშნა რესტორანში და ა.შ. „Omniverse Avatar-ში გაერთიანებულია NVIDIA-ს ძირითადი გრაფიკა, მოდელირებისა და ხელოვნური ინტელექტის ტექნოლოგიები და საშუალებას იძლევა შეიქმნას რეალურ დროში ყველაზე რთული აპლიკაციები იმასთან შედარებით, რაც აქამდე შექმნილა“ - განაცხადა NVIDIA-ს გენერალურმა დირექტორმა ჯენსენ ჰუანგმა (Jensen Huang). Omniverse Avatar იყენებს მეტყველების ხელოვნური ინტელექტის, კომპიუტერული ხედვის, ბუნებრივი ენის გაგების, რეკომენდაციების მექანიზმების, სახის ანიმაციისა და გრაფიკის ელემენტებს, რომლებიც წარმოდგენილია შემდეგი ტექნოლოგიებით: საუბრის ამოცნობა დაფუძნებულია NVIDIA Riva-ზე, მრავალენოვანი მეტყველების ამოცნობის პროგრამული უზრუნველყოფის კომპლექტზე. Riva აგრეთვე გამოიყენება ადამიანური საუბრის პასუხების გენერირებისთვის ტექსტის საუბრად გარდაქმნის შესაძლებლობის მეშვეობით. ბუნებრივი ენის აღქმა და გაგება დაფუძნებულია ბუნებრივი ენის გენერაციის მოდელ NVIDIA Megatron 530B-ზე, რომელსაც შეუძლია ამოიცნოს, გაიგოს და დააგენერიროს ადამიანის ენა. Megatron 530B - ეს არის წინასწარ განსწავლული მოდელი, რომელსაც მინიმალური სწავლების ან მის გარეშეც კი შეუძლია შეადგინოს სრული წინადადებები, უპასუხოს კითხვებს, შეაჯამოს გრძელი რთული ისტორიები, თარგმნოს სხვადასხვა ენაზე და დაამუშავოს კონტენტი ბევრ იმ სფეროში, რომლებისთვისაც იგი სპეციალურად არ იქნა შემუშავებული. ავატარის სარეკომენდაციო მექანიზმი წარმოდგენილია NVIDIA Merlin-ის მიერ. ეს არის სამუშაო ჩარჩო, რომელიც საშუალებას აძლევს საწარმოებს შექმნან ღრმა სწავლების ისეთი სარეკომენდაციო სისტემები, რომლებსაც შეუძლიათ დიდი მოცულობის მონაცემების მართვა; აღქმის შესაძლებლობები მხარდაჭერილია NVIDIA Metropolis-ის მიერ - ეს გახლავთ ვიდეოანალიტიკისთვის განკუთვნილი კომპიუტერული ხედვის სამუშაო ჩარჩო; ავატარის ანიმაცია დამყარებულია NVIDIA Video2Face და Audio2Face ტექნოლოგიებზე, სახის 2D და 3D ანიმირებასა და რენდერინგზე ხელოვნური ინტელექტის საფუძვლით. ეს ტექნოლოგიები გაერთიანებულია აპლიკაციაში და მუშავდება რეალურ დროში NVIDIA Unified Compute Framework-ის გამოყენებით. მასშტაბირებადი რეგულირებადი მიკროსერვისების სახით წარმოდგენილი ეს შესაძლებლობები შესაძლოა უსარფთხოდ იქნას ამოქმედებული, მართული და ორგანიზებული რამდენიმე ადგილზე NVIDIA Fleet Command-ის მეშვეობით. https://tinyurl.com/aywzrdd5

8 ნოემბერს კაპიტალიზაციის სიდიდით მეორე კრიპტოვალუტის კოტირებებმა განაახლა ისტორიული მაქსიმუმი 4700 აშშ დოლარიან ნიშნულს ზემოთ. CoinGecko-ს თანახმად ბოლო 24 საათის განმავლობაში აქტივის ფასი 4.3%-ით გაიზარდა. სტატიის წერის მომენტში Ethereum იყიდებოდა 4757 აშშ დოლარის დონეზე. კაპიტალიზაციამ მიაღწია 563.6 მლრდ აშშ დოლარს. ETH/USD-ის საათობრივი გრაფიკი ბირჟა Bitstamp-ზე. წყარო: TradingView. ბოლო 24 საათის განმავლობაში Bitcoin-ის ფასი გაიზარდა 6.2%-ით და იყიდება დაახლოებით 65970 აშშ დოლარად. BTC-ის დომინირების ინდექსია 41.3%, ETH-ის - 18,7%. კრიპტოვალუტების ბაზრის საერთო კაპიტალიზაციამ 3 ტრილიონ აშშ დოლარს გადააჭარბა. ტოპ-10 აქტივიდან ბოლო 24 საათის განმავლობაში მხოლოდ ორის ფასი შემცირდა, ესენია Binance Coin (-3.1%) და Solana (-4.1%). წყარო: CoinGecko. 3 ნოემბერს Ethereum-ის კურსმა მიაღწია 4639 აშშ დოლარიან ნიშნულს. ოქტომბრის შეჯამებით, ETH-მა Bitcoin-ს გაუსწრო ფასის ზრდის ტემპით 42.9%-იანი მაჩვენებლით 39.9%-ის წინააღმდეგ, შესაბამისად. საინვესტიციო ბანკი Goldman Sachs უშვებს ალბათობას, რომ მიმდინარე წლის ბოლომდე კაპიტალიზაციის სიდიდით მეორე კრიპტოვალუტის ფასი 8 ათას აშშ დოლარს მიაღწევს. https://tinyurl.com/axsuur7d

Alphabet Corporation-მა დააარსა კომპანია Isomorphic Labs, რომლის მიზანია გამოიყენოს ხელოვნური ინტელექტი ახალი ფარმაცევტული საშუალებების აღმოსაჩენად. გავრცელებული ინფორმაციით ახალი პროექტი გამოიყენებს ლონდონში არსებულ, Alphabet-ის კუთვნილ ლაბორატორია DeepMind-ის მიღწევებს, რომლის ხელოვნური ინტელექტი დაუჯერებელი სიზუსტით ახდენს ცილების ფორმის პროგნოზირებას ალგორითმ AlphaFold2-ის მეშვეობით. „ჩემთვის მეტად სასიამოვნოა გაცნობოთ ახალი კომპანია Isomorphic Labs-ის შექმნის შესახებ - ეს არის ინდუსტრიული საწარმო, რომლის მისიაა გადახედოს ხელოვნური ინტელექტის მიერ მედიკამენტების აღმოჩენის მთელ პროცესს და საბოლოოდ მოახდინოს ზოგიერთი ძირითადი ცხოვრებისეული პროცესის მოდელირება და აღქმა“, - განაცხადა Isomorphic Labs-ისა და DeepMind-ის დამფუძნებელმა და აღმასრულებელმა დირექტორმა დემის ჰასაბისმა. კომპანიის წარმომადგენელმა The Verge-ს განუცხადა, რომ Isomorphic Labs და DeepMind დარჩებიან ცალ-ცალკე კომპანიებად მიუხედავად რამდენიმე მსგავსი მეთოდის გამოყენებისა. გარდა ამისა, Isomorphic Labs-მა შეიძლება არ შეიმუშაოს საკუთარი მედიკამენტები, მაგრამ თავის მოდელებს გაყიდის ფარმაცევტულ კომპანიებთან პარტნიორობის ფარგლებში. ბრიტანელი ანტრეპრენერი და მეცნიერი ხელოვნური ინტელექტის სფეროში დემის ჰასაბისი Isomorphic Labs არ არის პირველი კომპანია, რომელიც ცდილობს ხელოვნური ინტელექტის გამოყენებას სამედიცინო აღმოჩენებში. Nvidia თანამშრომლობს AstraZeneca-სთან, Schrödinger-სა და ფლორიდის უნივერსიტეტთან, რათა ხელოვნური ინტელექტი გამოიყენოს მედიკამენტების კვლევაში. Pfizer თანამშრომლობს IBM's Watson-თან სიმსივნის საწინააღმდეგო პრეპარატების შემუშავებაზე. და ბოლოს, UBC Microsoft-თან თანამშრომლობით ასევე ცდილობს გამოიყენოს ქლაუდ-გამოთვლები ახალი წამლების შექმნაში. თავის ბლოგში ჰასაბისმა აღნიშნა, რომ DeepMind უკვე ათი წელია მოწინავეა თანამედროვე ხელოვნური ინტელექტის განვითარების მხრივ ძირითადად ისეთი თამაშების წყალობით, როგორიცაა AlphaGo - პროგრამა, რომელმაც თამაშ გო-ში მსოფლიო ჩემპიონი დაამარცხა. ამჟამად ჰასაბისი მიიჩნევს, რომ ეს „ტექნიკა და მეთოდები გახდა საკმაოდ მძლავრი და რთული იმისთვის, რომ გამოყენებულ იქნას რეალური პრობლემების გადასაჭრელად, მათ შორის მეცნიერული აღმოჩენებისთვის“. თუკი მისი იმედები გამართლდება, მედიკამენტების შექმნის კუთხით ახალი რევოლუციური ეპოქის მომსწრენი გავხდებით. https://tinyurl.com/6ktrt2p4

კანადურმა სავაჭრო ობიექტებმა დაიწყეს თავიანთ ქსელებში ჯერ კიდევ დაუანონსებელი, Intel Alder Lake პროცესორების უმცროსი მოდელების დამატება. ინტერნეტ-დეტექტივმა momomo_us-მა ერთ-ერთ მათგანში აღმოაჩინა Core i7-12700F, Core i5-12400F და Core i5-12400 მოდელების ფასები. მითითებულ ჩიპებს არ აქვს განბლოკილი მულტიპლიკატორები, F-ვერსიებს კი ასევე არ გააჩნიათ ინტეგრირებული გრაფიკული ბირთვები. ერთ-ერთი რითეილერის მონაცემებით, Core i7-12700F მოდელის ფასი 445 კანადურ დოლარს შეადგენს (365 აშშ დოლარი). ამრიგად, ეს ჩიპი იქნება დაახლოებით 75 კანადური დოლარით (69 $) იაფი K-ვერსიის პროცესორთან შედარებით, რომელიც გაყიდვაში უკვე გამოვიდა. Core i5-12400F მოდელი შეფასებულია 249 კანადურ დოლარად (200 აშშ დოლარი), Core i5-12400 ვერსია კი - 287 კანადურ დოლარად, ანუ 230 აშშ დოლარად. ორივე მათგანი წინამორბედებთან შედარებით ძვირია, რომელთა ფასია 157 და 187 აშშ დოლარი, შესაბამისად. ფოტოს წყარო: momomo_us გარდა ამისა, გამოჩნდა ინფორმაცია Alder Lake თაობის Core i3 სერიის პირველი წარმომადგენლის შესახებ. მოდელი Core i3-12100F, რომელსაც აქვს ოთხი მაღალი წარმადობის P-ბირთვი 8 ვირტუალური ნაკადის მხარდაჭერით, რითეილერის მიერ შეფასებულია 148 კანადურ დოლარად, რაც დაახლოებით 120 აშშ დოლარია. სავაჭრო ობიექტმა აგრეთვე მიუთითა წარმოდგენილი ჩიპების საბაზისო სიხშირეც, რაც სავსებით სარწმუნოა, რომ მაღალი წარმადობის P-ბირთვებს უკავშირდება. რადგანაც მე-12 თაობის Intel Core პროცესორების უმცროსი მოდელების მახასიათებლები ჯერ ოფიციალურად არ დადასტურებულა, ჯერჯერობით არაოფიციალურ ცნობებს თუ დავეყრდნობით. ქვემოთ წარმოდგენილია ჩიპების სავარაუდო კონფიგურაციები, აგრეთვე უმცროსი მოდელების ტაქტის სიხშირეები 3DCenter.org-ის ვერსიით. ფოტოს წყარო: 3DCenter.org Alder Lake თაობის უმცროსი მოდელების ოფიციალური ანონსი მომდევნო წლის იანვარში შედგება. https://tinyurl.com/24uuwyfv

აშშ-ის წარმომადგენელთა პალატამ მხარი დაუჭირა 1.2 ტრილიონი აშშ დოლარის ღირებულების ინფრასტრუქტურის გეგმის მიღებას კრიპტო ინდუსტრიის წარმომადგენლების სასარგებლოდ შესწორებების გარეშე - აცხადებს CNN. ხმები გაიყო 228 – 2026-ის წინააღმდეგ. დოკუმენტი ხელმოსაწერად გაეგზავნა აშშ-ის პრეზიდენტ ჯო ბაიდენს. Coin Center-ის აღმსარულებელმა დირექტორმა ჯერი ბრიტომ განმარტა, რომ კრიპტო რეგულაციები ძალაში შევა 2024 წლის 1 იანვარს. მისი თქმით, სენატი იმუშავებს მეორე მსხვილ კანონპროექტზე ხარჯების შესახებ, რომელიც შეიძლება შეიცავდეს შესწორებას. ბრიტომ აღნიშნა, რომ ბრძოლა არ დასრულებულა და საზოგადოებას სიტუაციის გამოსწორების "რამდენიმე გზა" აქვს. მან მიუთითა „ბროკერის“ განმარტების ფართო ინტერპრეტაციაზე და აღნიშნა, რომ ფინანსთა სამინისტრო „გადაწყვეტს, ვისთან მიმართებაში გამოიყენოს მოთხოვნები“. ”ჩვენ მონაწილეობას მივიღებთ ამ მარეგულირებელ პროცესში,” - თქვა Coin Center-ის აღმასრულებელმა დირექტორმა. 10 აგვისტოს სენატმა მხარი დაუჭირა ორპარტიულ, 1 ტრილიონ აშშ დოლარიან გეგმას გზების, ხიდების, აეროპორტების, სკოლებისა და სხვა ობიექტების მშენებლობისთვის. დოკუმენტი გულისხმობს კრიპტოვალუტებით განხორციელებული ოპერაციებიდან გადასახადების სახით 28 მილიარდი აშშ დოლარის ოდენობით დამატებითი დაფინანსების მოზიდვას. კრიპტო-საზოგადოებამ კანონპროექტი გააკრიტიკა „ბროკერის“ გაფართოებული განმარტებისთვის, რომელიც მოიცავს კრიპტო ინდუსტრიის მონაწილეებს. ის ავალდებულებს მაინერებს, ნოუდების ოპერატორებს, საფულეების დეველოპერებს, ლიკვიდობის პროვაიდერებს DeFi პროტოკოლებში და სხვა არაკასტოდიალურ მონაწილეებს - საგადასახადო ორგანოებს ანგარიშები ჩააბარონ სამომხმარებლო ტრანზაქციების შესახებ. რამდენიმე სენატორის, რონ უაიდენის, სინტია ლამისისა და პეტ ტუმის მიერ შემოთავაზებული იყო კრიპტოინდუსტრიის მონაწილეების გამორიცხვა ორპარტიული გეგმიდან. მათმა კოლეგა რობ პორტმანმა შეიტანა შესწორება, რომელიც საგადასახადო ანგარიშგებიდან ათავისუფლებდა მხოლოდ მაინერებს, ასევე მაინინგ-აღჭურვილობისა და პროგრამული უზრუნველყოფის გამყიდველებს, PoS-ვალიდატორების სტატუსი გაურკვეველი რჩებოდა. 9 აგვისტოს დემოკრატებმა, რესპუბლიკელებმა და ფინანსთა სამინისტრომ მიაღწიეს კომპრომისს, მაგრამ შესაბამის ცვლილებას ერთსულოვანი მხარდაჭერა არ მიუღია - წინააღმდეგი იყო 87 წლის რიჩარდ შელბი. საზოგადოების შეშფოთებას ადრე იწვევდა ინფრასტრუქტურის გეგმის კიდევ ერთი შესწორება, რომელიც ავალდებულებდა 10 000 აშშ დოლარზე მეტი ღირებულების ციფრული აქტივების მიმღებებს - გადაემოწმებინათ გამგზავნის პირადი ინფორმაცია. https://tinyurl.com/4ksj4xvy

კომპანია Apple-მა დაიწყო კრისტალზე ჩიპების (SoC) ახალი სისტემის შექმნაზე მუშაობა. ახალი SoC მოიცავს 3-ნანომეტრიან ჩიპებს კოდური დასახელებით Ibiza, Lobos და Palma, რომლებიც 2023 წელს გამოვა და ექნებათ ცენტრალური პროცესორის 40-მდე ბირთვი. M1 სერიის SoC-ის მეშვეობით Apple-მა შეძლო შეექმნა საკმაოდ შთამბეჭდავი პროცესორების სერია, რომელიც კონკურენციას უწევს AMD-სა და Intel-ის პროცესორების დიდ უმრავლესობას. Apple-ს აქვს SoC-ის განვითარების სერიოზული სამოქმედო გეგმა, რაშიც შედის 40-ბირთვიანი პროცესორის წარმოება, რომელიც დაახლოებით ორ წელიწადში გამოვა. მომავალ წელს Apple გეგმავს M2 სერიის მე-2 თაობის SoC-ის წარდგენას. ეს პროცესორები წარმოებული იქნება ნოუდების გაუმჯობესებული TSMC N5 ვერსიის გამოყენებით. ეს ტექნოლოგია ამჟამად გამოიყენება M1 სერიის SoC Apple-ის დამზადებისთვის (მაგალითად, N5P, N4, N4P).  ყველაზე თვალშისაცემი გაუმჯობესება განხორციელდება Apple-ის მე-3 თაობის M-სერიის SoC-ში, რადგან იგი წარმოებული იქნება TSMC-ის N3 (3-ნანომეტრიანი) ტექნოპროცესის გამოყენებით. ახალი ტექნოლოგია კომპანიას საშუალებას მისცემს გამოიყენოს მეტი ტრანზისტორი და გაზარდოს ტაქტის სიხშირე წინა M-სერიებთან შედარებით ენერგომოხმარების მატების გარეშე. სამომავლო M3 სერიაში, როგორც ზემოთ ითქვა, შევა პროცესორები კოდური დასახელებებით - Ibiza, Lobos და Palma. თითოეული მათგანი განკუთვნილი იქნება Mac-ის სხვადასხვა სისტემისთვის წარმადობის მოთხოვნის შესაბამისად. ფლაგმანურ ჩიპს ექნება ოთხ კრისტალზე განთავსებული 40-მდე ბირთვი და იგი სავსებით საკმარისი იქნება Mac Pro-სთვის. პირველი Apple SoC M3 ჩიპები გამოვა 2023 წელს, როდესაც TSMC დაიწყებს საკუთარი 3-ნანომეტრიანი ტექნოლოგიით დამზადებული პროდუქტების მიწოდებას. https://tinyurl.com/25bmzj4w

კლიმატის ცვლილების საკითხებისადმი მიძღვნილ კონფერენცია COP 26-ის მსვლელობისას კომპანია Wright Electric-მა დააანონსა ახალი პროექტი - თვითმფრინავი Wright Spirit ასი სამგზავრო ადგილით. იგი აიგება მოდელ BAe 146-ის ბაზაზე და აღჭურვილი იქნება ელექტრო ძრავით. თვითმფრინავი მზად 2026 წლისთვის იქნება. ფოტოს წყარო: weflywright.com “აეროკოსმოსურ ინდუსტრიაში მსოფლიოში უდიდესი ელექტრო ძრავის აგებით ჩვენ შევძლებთ განვახორციელოთ უდიდესი მოდერნიზაცია ნულოვანი გამონაბოლქვის უზრუნველყოფისთვის და ამავე დროს მოვემსახუროთ ყველაზე გადატვირთულ მარშრუტებს“ - განაცხადა კომპანიის ხელმძღვანელმა Jeff Engler-მა. თვითმფრინავი Wright Spirit უზრუნველყოფს საათობრივ ფრენებს და გადაიყვანს ერთ რეისზე ასამდე მგზავრს ისეთ პოპულარულ მარშრუტებზე, როგორიცაა მაგალითად ფრენა ლოს-ანჯელესიდან სან-ფრანცისკომდე. BAe 146-ის ნახშირწყალბადის დანადგარის მთლიანად ელექტრო ალტერნატივით შეცვლა გარკვეულ დროის მოითხოვს. სახმელეთო ტესტების სერიის შემდეგ კომპანია გეგმავს 2023 წლისთვის დაიწყოს თვითმფრინავის ფრენის გამოცდები ერთი ელექტრო ძრავით. 2024 წელს ძრავების რაოდენობა გახდება ორი, 2026 წლისთვის კი მზად იქნება მთლიანად ელექტრო ძრავზე მომუშავე თვითმფრინავი. შორ მანძილზე ფრენების არარსებობის შემთხვევაშიც კი ასეთ მოდელს კომპანიის ხელმძღვანელის თქმით შეუძლია „მნიშვნელოვნად იმოქმედოს მავნე ნივთიერებების გლობალურ ემისიებზე“. თუკი კომპანია დასახულ მიზანს მიაღწევს 2026 წლისთვის, Wright Spirit-ს ყველანაირი შესაძლებელობა გააჩნია იმისთვის, რომ გახდეს ფლაგმანური მოდელი საავიაციო სფეროში ნახშირორჟანგის ნულოვანი გამონაბოლქვის ტექნოლოგიებზე გადასვლის თვალსაზრისით. ინდუსტრიამ საკუთარ თავზე აიღო პასუხისმგებლობა, რომ ამგვარ ტექნოლოგიებზე გადასვლა განახორციელოს 2050 წლისთვის, კომპანია Wright კი 2026 წლიდან ამისთვის მზად იქნება - განაცხადა კომპანიის ხელმძღვანელმა. https://tinyurl.com/hdrbmjx3

აშშ-ის გადასახადების სამმართველოს (IRS) ყოფილი თანამშრომელი Amjad Qaqish შეუერთდა კრიპტო ბირჟა Binance-ის გუნდს. იგი უხელმძღვანელებს საერთაშორისო გუნდ SAR-ს (Suspicious Activity Report). წინა თანამდებობაზე კაკიში მონაწილეობდა ისეთ საქმეებში, რომელბიც უკავშირდებოდა გადასახადებისგან თავის არიდებას, ფულის გათეთრებასა და ტერორიზმის დაფინანსებას, მათ შორის ციფრული აქტივების გამოყენებას. Binance-ში სპეციალისტი ზედამხედველობას გაუწევს გუნდს, რომელიც აკონტროლებს საეჭვო აქტივობებს თაღლითობის თავიდან ასაცილებლად და უკანონო ქმედებებთან საბრძოლველად. ”ჩემი დაინტერესება კრიპტოვალუტებისა და ციფრული აქტივების ინდუსტრიით მრავალი წლის წინ დაიწყო. ბაზრის [განვითარების] სიჩქარე ნიშნავს, რომ არაკეთილსინდისიერი მონაწილეების შეკავება გადამწყვეტია ინდუსტრიის გრძელვადიანი წარმატებისთვის, ”- განაცხადა კაკიშმა. სექტემბრის ბოლოს Binance-მა დაიქირავა IRS-ის ორი ექს-აგენტი: Tigran Gambaryan, რომელიც მუშაობდა Silk Road-ის, Mt. Gox-სა და BTC-სთან დაკავშირებულ საქმეებზე და მეთიუ პრაისი. პირველმა მათგანმა დაიკავა კომპანიის ვიცე-პრეზიდენტის თანამდებობა გლობალური დაზვერვისა და გამოძიების საკითხებში, მეორემ - გამოძიების უფროსი დირექტორის თანამდებობა. მანამდე Europol-ის ყოფილი darknet-სპეციალისტი ნილს ანდრესენ-რეიდი შეუერთდა Binance-ის უსაფრთხოების გუნდს. შეგახსენებთ, რომ მთელი რიგი ქვეყნების, მათ შორის ნიდერლანდების, იტალიის, პოლონეთის, იაპონიის, ტაილანდის, ჰონგ კონგის, სინგაპურის, სამხრეთ აფრიკის და სხვა მრავალი ქვეყნის ფინანსურმა მარეგულირებლებმა კომპანიის საქმიანობასთან დაკავშირებით გაფრთხილებები გაავრცელეს. ამ გაფრთხილებების ფონზე Binance-ის აღმასრულებელმა დირექტორმა Changpeng Zhao-მ გამოაქვეყნა ღია წერილი, რომელშიც ისაუბრა ბირჟის ნორმატიულ-სამართლებრივ შესაბამისობისა და მომხმარებლების დაცვის უზრუნველყოფის შესახებ. აგვისტოში კომპანიამ დაიწყო მომხმარებლების სავალდებული ვერიფიკაცია და მოიწვია აშშ-ის ფინანსთა სამინისტროს ყოფილი მკვლევარი Greg Monaghan ფულის გათეთრებასთან ბრძოლის თანამშრომლის პოზიციაზე. Binance-ს ასევე მონიტორინგს გაუწევს აშშ-ის სწრაფი საბირჟო სავაჭრო კომისია, რომელიც ეჭვობს პლატფორმაზე ინსაიდერული ვაჭრობისა და საბაზრო მანიპულირების არსებობას. https://tinyurl.com/tkkjnj37