Magdalena

ცენტრალური ბანკების ციფრული ვალუტები (CBDC) შეძლებენ ჩაანაცვლონ მრავალი არსებული Stablecoin, მაგრამ არა Bitcoin და სხვა კრიპტოვალუტა. ეს აზრი გამოთქვა Binance-ის დამფუძნებელმა და აღმასრულებელმა დირექტორმა Changpeng Zhao-მ. ზოგადად, CBDC-ის გამოჩენა სარგებელს მოუტანს კრიპტოინდუსტრიას, თუმცა მისი აზრით, გარკვეული პირობებით. „დღეს ცენტრალური ბანკები და მთავრობები მასებს ინფორმაციას აწვდიან ბლოკჩეინ-ტექნოლოგიისა და კრიპტოვალუტების შესახებ. და იცით რა, თქვენ არ შეგიძლიათ გაიგოთ ბლოკჩეინის შესახებ Bitcoin-ის შესწავლის გარეშე. შემდეგ თქვენ გაეცნობით ფულის მნიშვნელოვან ფუნდამენტურ თვისებებს: დეფიციტს, ტრანზაქციების განხორციელების თავისუფლებას და დაბალ საკომისიოებს“, - განაცხადა Zhao-მ. ხელისუფლებებს შეუძლიათ სწრაფად აიძულონ მერჩანტები - მიიღონ CBDC, რაც ხელს შეუწყობს ციფრული საფულეების დანერგვას და ბევრს წაახალისებს კრიპტოვალუტების გამოყენებაში, განაცხადა მან. ასევე, ფიატის ციფრული ფორმის გაჩენამ შეიძლება გაზარდოს ფულის ნაკადი კრიპტო ბირჟებზე, განაცხადა Zhao-მ. ამავე დროს მან ხაზგასმით აღნიშნა, რომ CBDC განსხვავდება Bitcoin-ისა და ზოგიერთი სხვა კრიპტოვალუტისგან ფუნდამენტურ დონეზე. Zhao დარწმუნებულია, რომ ცენტრალური ბანკების ციფრული ვალუტების უმეტესობა ინფლაციური იქნება გარკვეულ ტრანზაქციებზე შეზღუდვებითა და გამოყენებისას მაღალი საკომისიოებით. მან დაუშვა, რომ ზოგიერთ ცენტრალურ ბანკს შეუძლია CBDC-ების გამოშვება შეზღუდული ემისიებით, უფასო ტრანზაქციებითა და დაბალი საკომისიოებით. ეს შეამცირებს Bitcoin-ზე მოთხოვნას ამ ქვეყანაში, მაგრამ არ შეავიწროვებს კრიპტოვალუტას - ის დარჩება ღირებულების დაგროვების სასურველ საშუალებად. Zhao-მ გაიხსენა, რომ ახლაც ციფრული ოქროს მფლობელების გარკვეული პროცენტი მას ვალუტის ალტერნატივად არ მიიჩნევს. „ასე რომ, ალბათ, საერთოდ არ ღირს Bitcoin-ისა და CBDC-ის შედარება“, - დაასკვნა Binance-ის ხელმძღვანელმა. https://tinyurl.com/mr9dwapy

Meta Platforms-მა (ყოფილი Facebook) შეიძინა კომპანია ImagineOptix - შერეული და ვირტუალური რეალობის სისტემებისთვის განკუთვნილი ოპტიკური ტექნოლოგიების შემქმნელი, რომელიც მოწოდებულია გადალახოს დისპლეების ოპტიკური და ოპტიკურ-ელექტრონული ნაკლოვანებები. კომპანიის შესყიდვის შესახებ ცნობები თავდაპირველად აღმოაჩინა ექსპერტმა Karl Guttag-მა, მოგვიანებით კი გარიგების ფაქტი Meta-მ დაადასტურა. ფოტოს წყარო: Activedia/pixabay.com გარიგების ღირებულება ჯერჯერობით უცნობია. პორტალ Crunchbase-ის მონაცემებით კომპანია ImagineOptix-მა ვენჩურული კაპიტალის სახით მოიზიდა 20 მლნ აშშ დოლარი ბიზნესის გაყიდვამდე ცოტა ხნით ადრე. მარტში 5 მლნ აშშ დოლარის მოზიდვის შემდეგ კომპანიის ერთ-ერთმა ხელმძღვანელმა Erin Clark-მა განაცხადა, რომ კომპანია კიდევ 4 მლნ აშშ დოლარის მოზიდვას აპირებდა. Meta-ს მხრიდან ImagineOptix-ის შეძენით დაინტერესების მიზეზები აშკარაა, რადგან ტექნოლოგიური გიგანტი თავად ავითარებს და აწარმოებს ვირტუალური რეალობის მოწყობილობებს. ImagineOptix-ის ტექნოლოგიების გამოყენება VR ბიზნესში გულისხმობს OLED დისპლეების, ინტეგრირებული ინფრაწითელი და ხილული გამოსხივების სენსორების, ასევე კომპაქტური ოპტიკური სისტემების გაუმჯობესებას ფართო ხედვით, ფოკუსირებისა და თვალის მოძრაობის კვლევის სისტემებით. 2004 წელს დაარსებული ImagineOptix აწარმოებს თხელ, მსუბუქ და ეფექტურ ოპტიკას, რომელიც უზრუნველყოფს რეალისტურ შეგრძნებებს AR და VR გარემოში. ოპტიკა დამზადებულია ხაზობრივი ფოტოპოლიმერიზაციის უახლესი ტექნოლოგიით (LCP), რაც ოპტიმალურია მოსახერხებელი სამომხმარებლო მოწყობილობების შექმნისთვის. ასეთი LCP ოპტიკის გამოყენება უზრუნველყოფს ენერგიის მინიმალურ მოხმარებას და საშუალებას იძლევა შექმნას გადაწყვეტილებები, რომლებიც მიუწვდომელია სხვა ტექნოლოგიებისთვის. კერძოდ, LCP მხარს უჭერს ფართოკუთხიანი, მაღალი ხარისხის ტალღების და რთული ასფერული ლინზების შექმნას. ამავდროულად, კომპანიას აქვს საკუთარი ქარხანა განვითარების ხელშესაწყობად და მასობრივი წარმოებისთვის მოსამზადებლად. ImagineOptix არ არის Meta-ს პირველი შენაძენი VR ტექნოლოგიების ბაზარზე და, ალბათ, არც უკანასკნელი იქნება. ტექნოლოგიურმა გიგანტმა ადრე შეიძინა Downpour Interactive, Ready at Dawn, Sanzaru Games, Beat Games და BigBox VR. https://tinyurl.com/2p9kskf2

კრპტო დერივატივების ბირჟა BitMEX-მა გამოაცხადა საკუთარ ტოკენ BMEX-ის გამოშვების შესახებ და დააანონსა ეირდროპი. პლატფორმაზე მოქმედ და მომავალ ტრეიდერებს შეუძლიათ აქტივი მიიღონ სავაჭრო კომისიებზე ფასდაკლების სახით. BMEX ტოკენებით ასევე დააჯილდოებს ახალ მომხმარებლებს KYC პროცედურებით დარეგისტრირებისთვის. ტოკენების მიღების კიდევ ერთი გზაა რეფერალური პროგრამა. ბირჟა მომხმარებლებს BMEX-ს დაურიცხავს და 2022 წლის 1 თებერვალს ჩაატარებს პირველ ეარდროპს - მათ ანგარიშებზე მონეტებს გაანაწილებს. აქტივის მფლობელები მიიღებენ მთელ რიგ უპირატესობებს, მათ შორისაა: BitMEX Earn-ზე დეპოზიტების უფრო მაღალი მომგებიანობა; შეღავათიანი პირობებით ადრეული წვდომა ახალ პროდუქტებზე; უფასო წვდომა BitMEX Academy-ს სასწავლო კურსებზე. BMEX-ის საერთო ემისია იქნება 450 მილიონი მონეტა. მიიჩნევა, რომ ტოკენების დიდი ნაწილი მომხმარებლების დაჯილდოებასა და ეკოსისტემის განვითარებაზე დაიხარჯება. ამისთვის ბირჟა მარაგში იტოვებს ემისიის 45%-ს. BMEX-ით ვაჭრობისა და გატანის შესაძლებლობა გაჩნდება დაახლოებით 2022 წლის მეორე კვარტლის დასაწყისში, როდესაც ამოქმედდება სპოტ-პლატფორმა BitMEX Spot. ბირჟა აპირებს ყოველ კვარტალში ტოკენების გამოსყიდვას და დაწვას. შეგახსენებთ, რომ ადრე BitMEX-მა მოაგვარა სამოქალაქო დავა CFTC-სადა FinCEN-თან და დათანხმდა 100 მილიონი აშშ დოლარის ოდენობის ჯარიმის გადახდას. ბირჟის დამფუძნებლების - არტურ ჰეიესის, ბენ დელოს, სამუელ რიდის და განვითარების ყოფილ ხელმძღვანელ გრეგ დუაიერის წინააღმდეგ სისხლის სამართლის ბრალდება ძალაში რჩება - სასამართლომ წინასწარი მოსმენა 2022 წლის მარტისთვის დანიშნა. https://tinyurl.com/2tuauy5d

ამერიკის კოსმოსურმა სააგენტო NASA-მ განაცხადა, რომ პლატფორმა Launch Pad 39A-დან, რომელიც კენედის სახელობის კოსმოსურ ცენტრში მდებარეობს, წარმატებით გაფრინდა რაკეტა Falcon 9 კომპანია SpaceXის სატვირთო ხომალდ Dragon-თან ერთად. ფოტოს წყარო: NASA მოწყობილობა გაუშვეს საერთაშორისო კოსმოსური სადგურის (ISS) პროგრამის ფარგლებში. ორბიტალურ კომპლექსთან შეერთება 22 დეკემბერს იგეგმება - იგი ავტომატურ რეჟიმში განხორციელდება NASA-ს ასტრონავტების კონტროლით. ხომალდი Dragon საერთაშორისო კოსმოსურ სადგურზე მიიტანს ყველა სახის სამ ტონამდე ტვირთს. კერძოდ, ესენია მასალები სხვადასხვა სამეცნიერო ექსპერიმენტებისთვის, კვების პროდუქტები, აღჭურვილობა და სხვა. უნდა აღინიშნოს, რომ ტვირთის ტრანსპორტირების მიზნით ამჟამინდელი გაშვება იყო რიგით 24-ე კომერციული ფრენა NASA-სა და SpaceX-ის კონტრაქტის ფარგლებში. გაშვების შემდეგ რაკეტის პირველი მრავალჯერადი საფეხური დაეშვა მცურავ პლატფორმაზე. სატვირთო კოსმოსური ხომალდი ორბიტალურ კომპლექსში დაახლოებით ერთი თვის განმავლობაში დარჩება. შემდეგ ის დაბრუნდება დედამიწაზე და დაეშვება ფლორიდის სანაპიროზე. ხომალდის ბორტზე დაიტვირთება ექსპერიმენტების შედეგები, სხვადასხვა მასალა და ა.შ. https://tinyurl.com/42ddh6ms

ტაივანურ გამომცემლობა Taiwanese Commercial Times-ის ახალი მასალის თანახმად Apple გეგმავს საფირმო კომპიუტერებისთვის განკუთვნილ ახალი თაობის ერთკრისტალიანი პლატფორმების გამოშვებას წელიწადნახევარში ერთხელ. შეგახსენებთ, რომ iPhone-ისა და Apple Watch-ისთვის განკუთვნილი ჩიპების განახლებას კომპანია წელიწადში ერთხელ ახორციელებს. სტატიაში, რომელიც ინდუსტრიულ წყაროებს ეყრდნობა, ნათქვამია, რომ მომავალი თაობის ჩიპები - Apple M2, 2022 წლის მეორე ნახევარში გამოვა. ეს პროცესორები მუშავდება კოდური დასახელებით - Staten. M2 Pro და M2 Max ჩიპების გამოსვლა მოსალოდნელია 2023 წლის მეორე ნახევარში. ცნობილია, რომ M2 სერიის პროცესორები წარმოებული იქნება 4-ნანომეტრიანი ტექნოპროცესით, M3 ჩიპსეტები კი, რომელთა გამოსვლა 2024 წლის დასაწყისშია მოსალოდნელი, დამყარებული იქნება TSMC-ის 3-ნანომეტრიან ტექნოლოგიაზე. შეგახსენებთ, რომ Apple-მა თავისი პირველი, კომპიუტერებისთვის განკუთვნილი ჩიპსეტი M1 წარადგინა 2020 წლის ნოემბერში. წელიწადზე ნაკლებ დროში სერია გაფართოვდა M1 Pro და M1 Max მოდელებით, რომელთა დებიუტი შედგა ბოლო თაობის MacBook Pro-ში. მიიჩნევა, რომ M2 ჩიპზე დამყარებული პირველი კომპიუტერი იქნება მომავალი თაობის MacBook Air, რომელიც, გავრცელებული ხმების თანახმად, წარდგენილი იქნება მომდევნო წლის მეორე ნახევარში. აქტუალური პლატფორმა M1-ს მქონე ბოლო კომპიუტერი კი შესაძლოა იყოს 27-დუიმიანი iMac, რომლის გამოშვება მოსალოდნელია 2022 წლის გაზაფხულზე. სავარაუდოდ, ეს იქნება მაღალი წარმადობის მოდელი, რომელიც მომხმარებლებს შესთავაზებს M1 Pro და M1 Max ჩიპებს, ისევე როგორც ახალ 14- და 16 დუიმიან MacBook Pro-ებში. https://tinyurl.com/nhhs4w5x

2022 წელს ინვესტორების ინტერესი არსებული კრიპტოპროექტების მიმართ გაგრძელდება, ხოლო ბირჟების ოპერატორები და მონაცემთა პროვაიდერები ყველაზე მეტ სარგებელს მიიღებენ. ასეთი პროგნოზი გააკეთა The Block-ის კვლევის ვიცე-პრეზიდენტმა ლარი ჩერმაკმა. „თუ უკვე არსებობს დაფუძნებული ბირჟა ან მონაცემების გაცვლის ბიზნესი და უბრალოდ ცოტა ფულია საჭირო ზრდისთვის, ამგვარ ორგანიზაციებს პრობლემა არასდროს ექნებათ“ - განაცხადა ანალიტიკოსმა. მისი აზრით, მომავალ წელს ყურადღების ცენტრში მოექცევა მეორე დონის პროტოკოლები, რომლებიც უზრუნველყოფენ უფრო სწრაფ და იაფ ტრანზაქციებს ბლოკჩეინზე. ამის გარანტი გახდება დეცენტრალიზებული აპლიკაციების არსებობა, რომლებიც L2 გადაწყვეტილებებისთვის შეიქმნა. NFT-ის მიმართ ინტერესის შემცირების მიუხედავად ჩერმაკი თვლის, რომ ბაზარი გააგრძელებს ზრდას და უფრო გააზრებული გახდება მომდევნო ეტაპზე. „ დიდი ალბათობით, ზოგი პროფილური NFT არ ისარგებლებს დიდი მოთხოვნით მომავალ წელს. თუმცა უფრო კრეატიული და თამაშში არსებული აქტივების მხრივ... ვფიქრობ, რაღაცას ვნახავთ, ”- განაცხადა მან. The Block-ის კვლევითი ბიზნესის განვითარებასთან დაკავშირებით ჩერმაკმა აღნიშნა, რომ Tesla-ს მიერ Bitcoin-ის შეძენა გახდა მომხმარებლების ინტერესის კატალიზატორი. ამ თემით ბევრი ისეთი ტრადიციული კომპანია დაინტერესდა, რომელთაც არ ჰქონდათ ინვესტიცია ჩადებული კრიპტოვალუტაში. „ჩვენ უნდა ვიცოდეთ რა არის Bitcoin. ჩვენ უნდა გავიგოთ მეტი, თუ როგორ მუშაობს ეს ეკოსისტემა, გავიცნოთ DeFi და L2, ″ - გამოკვეთა ჩერმაკმა მათი მოტივები. შეგახსენებთ, რომ პირველი კრიპტოვალუტის შეძენის შემდეგ Tesla-მ თავისი აქტივების ნაწილი გაყიდა. კომპანიამ ასევე შეაჩერა ელექტრომობილების Bitcoin-ში გაყიდვები. მოგვიანებით Tesla-ს აღმასრულებელმა დირექტორმა ილონ მასკმა დააანონსა კორპორატიული მერჩის Dogecoin-ზე გაყიდვა. Bloomberg-ის სტრატეგი მაიკ მაკგლოუნი კრიპტოვალუტების მასობრივ მიღებას 2022 წლისთვის პროგნოზირებს. https://tinyurl.com/4hwcnze4

ვებ-გვერდ Videocardz-მა მოიპოვა ცნობები სავაჭრო დაწესებულებების თაროებზე კოდური დასახლება Chagal-ის მქონე AMD Threadripper 5000 PRO პროცესორების გამოსვლის თარიღის შესახებ. ინსაიდერ Disclosuzen-მა ადრე უკვე წარადგინა ზუსტი ცნობები AMD-ს პროდუქტების შესახებ. ამჟამად იგი ამტკიცებს, რომ პროცესორები გაყიდვაში მომავალი წლის 8 მარტიდან გამოვა. მოსალოდნელია ხუთი მოდელის გამოსვლა. ცნობილია მათი სახელწოდებები, მაგრამ არა - ზუსტი მახასიათებლები. უცნობია, იქნება თუ არა PRO მოდელები ახალი თაობის Threadrippper ჩიპებს შორის. სხვა ვარიანტების შესახებ ინფორმაცია ჯერ არ არის ხელმისაწვდომი. დედა დაფების მწარმოებელი პარტნიორი კომპანიები მიიჩნევენ, რომ Threadripper Zen3 ჩიპები ძალიან გვიან გამოვა. მათ გამოჩენას წელიწადზე მეტია ელოდებიან. ამგვარი შეფერხების მიზეზი შესაძლოა იყოს Zen3+ 6-ნანომეტრიან ჩიპლეტებზე გადასვლა. ამავე მიზეზით სამომავლოდ Vermeer-X პროცესორები შესაძლოა გარდაიქმნას Ryzen 6000-ად, ისევე, როგორც Rembrandt. უცნობია, ნიშნავს თუ არა ეს Threadripper 5000 PRO-ს წარმოებას Zen3 არქიტექტურაზე. დამატებითი ინფორმაცია შესაძლოა ხელმისაწვდომი გახდეს რამდენიმე კვირის შემდეგ გამოფენა CES 2022-ზე. https://tinyurl.com/2s3r2shz

კომპანია LG-მ სამომხმარებლო ელექტრონიკის გამოფენა CES 2022-მდე წინასწარ დააანონსა პორტატული კომპიუტერი UltraGear 17G90Q, რომელიც განკუთვნილია გეიმერებისთვის. ფოტოს წყარო: LG ლეპტოპს აქვს 17-3-დუიმიანი WQXGA ფორმატის დისპლეი გაფართოებით 2560 × 1600 პიქსელი. გამოყენებულია IPS მატრიცა კადრის განახლების სიხშირით 300 ჰერცი და რეაქციის დროით - 1 მილიწამი. მოწყობილობას საფუძვლად უდევს Tiger Lake H სერიის მე-11 თაობის Intel Core პროცესორი. გრაფიკული ქვესისტემის სახით წარმოდგენილია ამაჩქარებელი NVIDIA GeForce RTX 3080 Max-Q. ლეპტოპი დაკომპლექტებულია სწრაფი SSD-ით, წარმოდგენილია სრული ზომის კლავიატურა განათებით, აგრეთვე 3D DTS:X Ultra აუდიოსისტემა სტერეოდინამიკებით. კვებას უზრუნველყოფს 93 ვტ/სთ მოცულობის ბატარეა. ლეპტოპის წონა დაახლოებით 2.7 კილოგრამია. მოწყობილობაში წარმოდგენილია გაგრილების ეფექტური სისტემა აორთქლების კამერით. მოწყობილობამ უკვე მიიღო ჯილდო CES 2022 Innovation Award. ბაზარზე მოდელი UltraGear 17G90Q გამოვა მომავალი წლის იანვარში, ფასი ჯერჯერობით უცნობია. https://tinyurl.com/2p8jcb4s

MicroStrategy-ის ხელმძღვანელმა მაიკლ სეილორმა ინვესტორებთან საუბრისას განაცხადა, რომ კომპანია განიხილავს Bitcoin-ში არსებულ აქტივებზე დამატებითი შემოსავლის მიღების შესაძლებლობას - ამის შესახებ გვაცნობებს Bloomberg. „შესაძლებელია აიღოთ Bitcoin-ით უზრუნველყოფილი გრძელვადიანი სესხი ხელსაყრელი პირობებით, ან გასცეთ სესხი Bitcoin-ში კონტრაგენტის ნდობის გამოყენებით. ეს მიდგომა შემოსავლის მიღების კარგი წყარო შეიძლება იყოს“ - განაცხადა მან. სეილორის თქმით MicroStrategy-ს ჯერ არ მიუღია საბოლოო გადაწყვეტილება ამ საკითხთან დაკავშირებით. პოტენციურ მსესხებლებად მან ბანკები და მსხვილი ტექნოლოგიური კომპანიები დაასახელა. სეილორი დარწმუნებული არ არის ბაზრის მზადყოფნაში იმისთვის, რომ გამოვიდეს Bitcoin-ით უზრუნველყოფილი ობლიგაციები, თუმცა სამომავლოდ ამგვარი შესაძლებლობა დაუშვა. მისი თქმით, კომპანია გააგრძელებს ფასიანი და სასესხო კორპორატიული ქაღალდების გამოშვებას. 9 დეკემბერს MicroStrategy-მ დამატებით შეიძინა დაახლოებით 82.4 მილიონი აშშ დოლარის ღირებულების 1434 BTC. ამჟამად კომპანია ფლობს 122 477 BTC-ს, რაზეც დაახლოებით 3.66 მლრდ აშშ დოლარი დახარჯა. ციფრულ ვალუტაში MicroStrategy-ის რეზერვების მოცულობა დაახლოებით 5.75 მლრდ აშშ დოლარს შეადგენს. სეილორმა Bitcoin-ს უწოდა „გლობალური სარეზერვო აქტივი“ და დაუშვა, რომ კომპანია კრიპტოვალუტას „სამუდამოდ“ შეინახავს. https://tinyurl.com/yc6hffz5

Bernstein-ის ანალიტიკოსების პროგნოზებზე დაყრდნობით ამჟამად ნახევრადგამტარი კომპონენტების ხელმისაწვდომობასთან დაკავშირებული ვითარება საავტომობილო ინდუსტრიაში გაუმჯობესებას იწყებს. ეს ცვლილება შესამჩნევია General Motors-ის საწარმოო პლატფორმებზეც კი აშშ-ში, რადგან ყველაზე მეტად სწორედ ამერიკული ავტოგიგანტები განიცდიდნენ ჩიპების დეფიციტს ნახევრადგამტარი კომპონენტების ძირითადი საწარმოო ცენტრებიდან დაშორების გამო. GM-ის ქარხნებში უკვე დაიწყო დამატებითი სამუშაო ცვლების დანერგვა, რაც წარმოუდგენელი იქნებოდა ჩიპების მწვავე დეფიციტის არსებობის შემთხვევაში. ფოტოს წყარო: TSMC პროგნოზის ავტორების თქმით, 2022 წელს ჩიპებზე მოთხოვნა კვლავ გადააჭარბებს მიწოდებას და ეს ძირითადად გამოწვეული იქნება მომხმარებლების სურვილით - შეიქმნას კომპონენტების ჭარბი მარაგი კრიზისის მწვავე ფაზაში წარმოქმნილი პრობლემების შემდეგ. საფონდო ბირჟებზე მომავალი წლის ტენდენციებზე თუ ვისაუბრებთ, Bernstein-ის სპეციალისტები მეტასამყაროს შექმნის იდეას მიიჩნევენ NVIDIA-სა და სხვა ისეთი კომპანიების აქციების ღირებულების ზრდის ერთ-ერთ მამოძრავებელ ძალად, რომელთაც ამ ეკოსისტემის განვითარების შედეგად სარგებლის მიღება შეუძლიათ. https://tinyurl.com/k3v4zuaf

Acer-მა წარადგინა ტრანსფორმერი ლეპტოპი ConceptD 3 Ezel, რომლის ფასი 1700 აშშ დოლარია. ლეპტოპი გასულ წელს გამოსული მოდელის განახლებას წარმოადგენს. მას აქვს მინიმალისტური სტილი და საფირმო მოძრავი სახსარი, რომელიც საშუალებას იძლევა ეკრანი 360 გრადუსით შემოტრიალდეს. ფოტოს წყარო: Acer მოწყობილობა განკუთვნილია გრაფიკული დიზაინერებისა და ილუსტრატორებისთვის, ამიტომ იგი აღჭურვილია აქტიური სტილუსით. ConceptD 3 Ezel-ს 14-დუიმიანი IPS ეკრანი აქვს Full HD გაფართოებით. დისპლეი უზრუნველყოფილია Adobe RGB ფერთა გამის სრული დაფარვით, მხარდაჭერილია სენსორული მართვა. აპარატული პლატფორმის სახით გამოყენებულია პროცესორი Intel Core i7-11800H, ხელმისაწვდომია დისკრეტული ვიდეო დაფა NVIDIA GeForce RTX 3050 Ti. ლეპტოპს გააჩნია DDR4 სტანდარტის 16 გბ ოპერატიული მეხსიერება და PCIe ინტერფეისით დაკავშირებული 1-ტერაბაიტიანი SSD. ლეპტოპზე ხელმისაწვდომია ორი პორტი USB 3.2 Type-A, SD ბარათის წამკითხველი, კომბინირებული აუდიოკონექტორი, აგრეთვე HDMI 2.0, Thunderbolt 4 და Mini DisplayPort 1.4. Acer ConceptD 3 Ezel ხელმისაწვდომია მხოლოდ თეთრი ფერის კორპუსით. მისი გაყიდვა ჩინეთში უკვე დაიწყო, ჯერჯერობით უცნობია როდის გამოჩნდება სხვა რეგიონებში. https://tinyurl.com/43tftfeu

კომპანია ConsenSys-მა Mastercard-თან თანამშრომლობის შედეგად შეიმუშავა გადაწყვეტილება ConsenSys Rollups, რომელიც Ethereum-ის ქსელის მასშტაბირებისთვისაა განკუთვნილი. ახალი ტექნოლოგიის მიზანია გაიზარდოს ტრანზაქციების სიჩქარე, აგრეთვე კაპიტალიზაციის სიდიდით მეორე კრიპტოვალუტის და Quorum-ის ბაზაზე არსებული permissioned-სისტემის ჯამური ეფექტურობა. „ConsenSys Rollups არის ინოვაციური მოდულური პროგრამული უზრუნველყოფა ბლოკჩეინზე არსებული permissioned-აპლიკაციებისთვის, იგი ორიენტირებულია მასშტაბირების უზრუნველყოფასა და კონფიდენციალურობის შესაძლებლობებზე. მისი დაკავშირება შესაძლებელია ნებისმიერ სისტემასთან, რომელიც თავსებადია Ethereum-ის ვირტუალურ მანქანასთან“ - ნათქვამია პროექტის ბლოგში. ახალ გადაწყვეტილებაში მოქმედებს ნულოვანი გამჟღავნების დამტკიცების ტექნოლოგია. დეველოპერებმა აღნიშნეს, რომ ConsenSys Rollups-ის გამოყენების შედეგად ბლოკჩეინ-სისტემები შეძლებენ წამში 10 ათასამდე ტრანზაქციის დამუშავებას. მათი თქმით, ასეთი მაღალი წარმადობა გზას უხსნის გამოყენების ახალ შესაძლებლობებს ისეთ სფეროებში, როგორიცაა CBDC, დეცენტრალიზებული ბირჟები, მიკროგადახდები და კონფიდენციალური ტრანზაქციები. შეგახსენებთ, რომ ნოემბერში ConsenSys-მა დახურა 200 მლნ აშშ დოლარიანი დაფინანსების რაუნდი, ინვესტორებმა კომპანია 3.2 მლრდ აშშ დოლარად შეაფასეს. https://tinyurl.com/2jkc67t7

ახალი დრაივერების გამოსვლა ხშირად ავლენს ცნობებს სამომავლო პროდუქტებთან დაკავშირებით. მაგალითად, მიმდინარე კვირაში Intel-მა გამოუშვა დრაივერების ახალი ნაკრები მე-11 თაობის NUC-სისტემებისთვის, რომელშიც უკვე ჩამოთვლილია მოსალოდნელი მე-3 თაობის გრაფიკული პროცესორები, აგრეთვე პროცესორები, რომლებიც 2025 წლამდე პერიოდში უნდა გამოვიდეს. გარდა იმისა, რომ ჩამონათვალში შედის Intel-ის მრავალი უკვე ხელმისაწვდომი პროცესორი, ასევე ინტეგრირებული და ავტონომიური გრაფიკული პროცესორები, ახალი დრაივერის iigd_ext.inf ფაილში ნახსენებია ბევრი გამოუცემელი პროდუქტი, მათ შორის: დისკრეტული გრაფიკული პროცესორები Arc Alchemist 'DG2' (სულ 32) ორი გრაფიკული პროცესორი DG კოდური სახელწოდებით "Elasti", იგი დამყარებულია არქიტექტურა Battlemage-ზე, რომელიც, როგორც ითვლება, DG3 სერიას ეკუთვნის (უნდა გამოვიდეს 2023 წელს). მობილური პროცესორები Alder Lake (გამოშვება დაგეგმილია 2022 წლის დასაწყისში) პროცესორები Raptor Lake (მოსალოდნელია 2022 წელს)  პროცესორები Meteor Lake (მოსალოდნელია 2023 წელს) Arrow Lake (მოსალოდნელია სავარაუდოდ 2024 წელს) პროცესორები Lunar Lake (მოსალოდნელია, რომ ბაზარზე გამოვა 2025 წელს) კოდური სახელების აღმოჩენა, რომლებიც უკვე საკმაოდ კარგად არის ცნობილი, საკმარისი დადასტურებაა იმისა, რომ ეს პროდუქტები მართლაც შემუშავების პროცესშია. იმავდროულად, ახლა შეგვიძლია ვივარაუდოთ, რომ Intel-ის მომავალ პროცესორებს ექნებათ გრაფიკული პროცესორები, რომლებიც დაფუძნებულია Alchemist (DG2) ან Battlemage (DG3) არქიტექტურაზე, და არა Xe-LP-ზე (DG1), რომელსაც Intel იყენებს როგორც Tiger Lake-ის, ასევე Alder Lake-ის შემთხვევაში. კიდევ უფრო საინტერესოა ის, რომ დრაივერში ასევე მოხსენიებულია გრაფიკული პროცესორების სამომავლო სერიები - Intel Arc A380, Arc A350, Arc A370M, Arc A350M და Iris Xe A200M. ჯერჯერობით ამ სერიების შესახებ დადასტურებული ინფორმაცია არ არსებობს. თუმცა, შეიძლება ვივარაუდოთ, რომ Arc A380 და Arc A350 სერიები არის დისკრეტული გრაფიკული პროცესორები დესკტოპ კომპიუტერებისთვის, ხოლო Arc A370M და Arc A350M სერიები - ლეპტოპებისთვის განკუთვნილი დისკრეტული GPU-ები. მის საპირისპიროდ, Iris Xe A200M არის ან საწყისი დონის დისკრეტული გრაფიკული ჩიპი (ნაკლებად სავარაუდოა) ან უფრო დიდი ალბათობით Intel-ის შემდეგი თაობის ინტეგრირებული გრაფიკული სერია. იმის გათვალისწინებით, რომ Intel-ის Arc Alchemist ჩიპების ხაზი სავარაუდოდ შედგება ორი ASIC-ისგან, სახელები A380 / A370M და A350 / A350M საკმაოდ კარგად წარმოადგენენ ამას. საუბარი ეხება დრაივერ Intel Graphics DCH-ს, რომელიც მე-11 თაობის 30.0.101.9999 ვერსიის Intel NUC Kit-ისთვისაა განკუთვნილი, და გამოქვეყნებულია 14 დეკემბერს. @Komachi_Ensaka, რომელმაც აღმოაჩინა დრაივერი, ვარაუდობს, რომ ვერსიის ნომერი 9999 მიუთითებს, რომ ეს არის სატესტო დრაივერი, თუმცა დრაივერის ბეტა ვერსიის შენახვა ოფიციალურ ვებ-გვერდზე რამდენიმე დღის განმავლობაში უცნაურია. https://tinyurl.com/n7yke77w

ჩინურმა კომპანია Huawei-მ წარადგინა სმარტფონ P50 Pocket-ის ოფიციალური ფოტოები, ინტერნეტ-წყაროებმა კი ამ მოწყობილობის ტექნიკური მახასიათებლები გაასაჯაროვეს. ახალი მოწყობილობა იქნება Huawei-ს პირველი სმარტფონი დრეკადი ეკრანით, მისი ფორმატი კლასიკური დასაკეცი სმარტფონის დიზაინს შეესაბამება. ცნობილია, რომ ეკრანის ზომა დიაგონალზე 6.85 დუიმს შეადგენს. გარე მხარეს წარმოდგენილი იქნება დამატებითი მრგვალი ეკრანი, რომლის ზომა 1 დუიმია. ამ პანელზე აისახება შეტყობინებები და სხვადასხვა ინფორმაცია. გარდა ამისა, მომხმარებლებს შეეძლებათ ეს დისპლეი გამოიყენონ, როგორც ვიდეომძებნელი სელფების გადაღებისას. ცნობილია მრგვალი ფორმის მრავალმოდულიანი კამერის მახასიათებლებიც. მის შემადგენლობაში შევა 50-მეგაპიქსელიანი ძირითადი სენსორი, 13-მეგაპიქსელიანი სენსორი და 8-მეგაპიქსელიანი კომპონენტი. მხარდაჭერილია სამმაგი ოპტიკური ზუმი. მოსალოდნელია, რომ სმარტფონში წარმოდგენილი იქნება პროცესორი Qualcomm Snapdragon 888 და 66-ვატიანი სწრაფი დამუხტვის მხარდაჭერის მქონე ბატარეა. ფოტოებზე გამოსახულია ოქროსფერი Huawei P50 Pocket, თუმცა ბაზარზე სხვა მოდიფიკაციებიც გამოვა. სმარტფონის პრეზენტაცია 23 დეკემბერს შედგება. https://tinyurl.com/mr3f99p5

კრიპტო ბირჟა Kraken-ის ხელმძღვანელმა ჯეს პაუელმა დაუშვა ახალი კრიპტოზამთრის დაწყების ალბათობა. Bloomberg-თან საუბარში მან აღნიშნა, რომ Bitcoin შეიძლება დაეცეს 40 ათას აშშ დოლარს ქვემოთ და ეს მოვლენა უნდა იქნას მიღებული, როგორც „შეძენის შესაძლებლობა“. პაუელის თქმით, პირველი კრიპტოვალუტის ბაზარი ციკლურად ვითარდება, ამასთან ამ ფაზების საწყის წერტილებს ჯილდოს განახევრება (ჰალვინგი) წარმოადგენს. მაინერების ჯილდოს წინა განახევრება მოხდა 2020 წლის მაისში, მომდევნო კი მოსალოდნელია 2024 წლის მარტში. კრიპტოზამთრის შესაძლო მოახლოების მიუხედავად Kraken-ის ხელმძღვანელი თვლის, რომ ციფრული ოქროს ფასი სწრაფად აღდგება, რადგან ინვესტორები დაიწყებენ აქტივების ყიდვას. „ვფიქრობ, ბევრი ადამიანი 40 ათას აშშ დოლარს ქვემოთ არსებულ ფასებს განიხილავს, როგორც ყიდვის შესაძლებლობას. პირადად მე ვიყიდე, როცა რამდენიმე თვის წინ თითქმის 30 ათას აშშ დოლარამდე ჩამოვედით. ბევრი ადამიანი უბრალოდ ელოდება ბაზარზე ყველაზე დაბალი ფასების დაბრუნებას, ”- განაცხადა მან. აგვისტოში პაუელმა თქვა, რომ 2021 წელს Bitcoin-ის ფასმა შეიძლება გადააჭარბოს 100 ათას აშშ დოლარს. მისი თქმით, ნაკლებად სავარაუდოა, რომ ეს პროგნოზი დეკემბერში შესრულდეს, მაგრამ ხაზგასმით აღნიშნა, რომ გრძელვადიან პერსპექტივაში ფასის ეს დონე საკმაოდ მიღწევადად გამოიყურება. „ძნელი სათქმელია, სად წავა Bitcoin-ის კურსი. როდესაც ვუყურებ ტრენდის ხაზს დიდ ვადებში, ის უბრალოდ თანმიმდევრულად იზრდება. მე ყოველთვის ვეუბნები იმ ადამიანებს, რომლებიც ფიქრობენ ციფრული ოქროს ყიდვაზე, განიხილონ იგი, როგორც ინვესტიცია ხუთი ან მეტი წლის განმავლობაში, ”- განაცხადა პაუელმა. SkyBridge Capital-ის დამფუძნებელ ენტონი სკარამუჩის აზრით ინვესტორებმა უნდა ისარგებლონ ციფრული აქტივების ბაზარზე უახლესი კორექტირებით, რათა გაზარდონ თავიანთი პოზიციები. https://tinyurl.com/yp5xt3jt

ჩინური კომპანია OPPO ახალი თაობის ფლაგმანურ სმარტფონ Find X-ს 2022 წლის დასაწყისში წარადგენს. შევა თუ არა ხაზში Neo და Lite მოდელები - ჯერ არ არის დაზუსტებული, მაგრამ დანამდვილებით ცნობილია, რომ მასში სტანდარტულ OPPO Find X 4-თან ერთად წარმოდგენილი იქნება Pro ვერსია. სტანდარტული ვარიანტის ტექნიკური მახასიათებლები უკვე ხელმისაწვდომია ინტერნეტში. 4-ნანომეტრიანი ერთკრისტალიანი სისტემა Dimensity 9000 იქნება მომავალი ფლაგმანის სილიკონის „გული“. მობილური პროცესორი იმუშავებს 8 GB ან 12 GB LPDDR5 ოპერატიულ მეხსიერებასთან ტანდემში. UFS 3.1 მუდმივი მეხსიერების მოცულობა შეადგენს 256 ან 512 გბ-ს. OPPO Find X4-ის კვების ქვესისტემის სახით წარმოდგენილი იქნება 5000 მა/სთ მოცულობის ბატარეა, რომელსაც გააჩნია როგორც სადენიანი, ასევე უსადენო დამუხტვის მხარდაჭერა. დამუხტვის სიმძლავრეა 80 და 50 ვატი, შესაბამისად. სმარტფონს ექნება სამმოდულიანი ძირითადი კამერა მიკროსკოპის გარეშე, რომელიც ამჟამინდელი თაობის მოდელებშია წარმოდგენილია. მოცემულ მასალაში გამოყენებულია OPPO Find X3 და Find X3 Pro მოდელების ფოტომასალა, რადგან მომავალი თაობის სმარტფონების რენდერები ამ ეტაპზე არ არსებობს. მთავარი და ულტრაფართოკუთხიანი კამერების გაფართოება 50 მეგაპიქსელია. სენსორების შესახებ ცნობები ჯერჯერობით არ არსებობს. მესამე კომპონენტი იქნება 13-მეგაპიქსელიანი ტელეობიექტივი ხარისხის კარგვის გარეშე ოპტიკური ზუმის შესაძლებლობით. მომხმარებლები შეძლებენ ვიდეოს გადაღებას 4K ULTRA HD ფორმატში კადრების 60 FPS სიხშირით. OPPO Find X4-ში აგრეთვე ვიხილავთ 120-ჰერციან LTPO AMOLED პანელს, რომლის ზომაა 6.78 დუიმი, გაფართოება კი - Wide Quad HD+. სხვა მახასიათებლებიდან აღსანიშნავია Wi-Fi 5.8 გჰც სიხშირით, Bluetooth 5.2 და თანდაყოლილი Android 12 ოპერაციული სისტემის სახით, რომელსაც დაემატება პროგრამული უზრუნველყოფა ColorOS 12. სმარტფონების ფასი ჯერჯერობით უცნობია. https://tinyurl.com/2p9dpv5u

Ray-Ban Stories სმარტ-სათვალემ მიიღო პროგრამული განახლება, რომელიც საშუალებას აძლევს მოწყობილობას გაგზავნოს, მიიღოს და ნახოს შეტყობინებები Facebook Messenger-ზე - ნათქვამია Meta-ს აღმასრულებელ დირექტორ მარკ ცუკერბერგის მიერ გამოქვეყნებულ პოსტში. მან განაცხადა, რომ ეს მხოლოდ მცირე ნაწილია იმისა, რის შეთავაზებასაც შეძლებს მოწყობილობა მომხმარებლებისთვის მომავალში. ფოტოს წყარო: Amanda Lopez / The Verge ცუკერბერგის თქმით, Ray-Ban Stories-ის მფლობელებს შეეძლებათ გამოიყენონ სათვალეში ჩაშენებული მიკროფონები, დინამიკები და ხმოვანი ასისტენტი შეტყობინებების გასაგზავნად, წასაკითხად და აუდიოზარების განსახორციელებლად Facebook Messenger-ის გამოყენებით. მან ასევე პირობა დადო, რომ 2022 წელს მოწყობილობისთვის გამოვა განახლებების სერია, რომლებიც ახალ ფუნქციებს შესძენს მას. Facebook Messenger-ის ინტეგრაციის დამატება სმარტ-სათვალე Ray-Ban Stories-ს ბევრად უფრო სასარგებლო მოწყობილობად აქცევს, ვიდრე გამოშვების დროს იყო. პირველ ეტაპზე სმარტ-სათვალის მფლობელს შეეძლო გადაეღო ფოტო ან ვიდეო, იგი ასევე ფუნქციონირებდა, როგორც უსადენო ყურსასმენი ხმოვანი ასისტენტით. Messenger-თან ინტეგრაციის გარდა სათვალე მიიღებს სხვა, ნაკლებად მნიშვნელოვან გაუმჯობესებას უახლესი პროგრამული განახლების შედეგად. ცუკერბერგმა განაცხადა, რომ მომხმარებლებს შეეძლებათ დაარეგულირონ ხმის სიმძლავრე და აკონტროლონ მუსიკის დაკვრა ჩაშენებულ დინამიკებში ხმოვანი ბრძანებით, თუ რაიმე მიზეზით არ მოსწონთ სათვალეში ჩაშენებული სენსორული პანელის გამოყენება. https://tinyurl.com/378a5rrh

პორტალ Blockchain.com-ის მონაცემების თანახმად Bitcoin-ების უმეტესობა - 90% უკვე ბრუნვაშია. ამასთან ინდუსტრიის ექსპერტები ამტკიცებენ, რომ კრიპტოვალუტის დარჩენილი 10%-ის მაინინგს საუკუნეზე მეტი დრო დასჭირდება. პირველი Bitcoin-ის მოპოვებიდან 12 წელი გავიდა და ღია მიმოქცევაში 18.9 მილიონი მონეტა იმყოფება. ბირჟა CoinDesk-ის პროგნოზით ყველა Bitcoin-ის ბრუნვაში მოქცევა 2140 წლამდე მოსალოდნელი არ არის. Bitcoin-ის halving (განახევრება), რომელიც დაახლოებით ოთხ წელიწადში ერთხელ ხდება, პირველ რიგში ნიშნავს ჯილდოს შემცირებას თითოეული მოპოვებული ბლოკისთვის. განახევრება განაგრძობს მაინინგის პროცესის გართულებას. სხვა სიტყვებით რომ ვთქვათ, მაინერები ახლა იღებენ 6.25 Bitcoin-ს ბლოკჩეინზე დამატებული თითოეული ბლოკისთვის, ხოლო 2024 წელს ჯილდოს ოდენობა განახევრდება. ამავე დროს, უკვე მოპოვებული Bitcoin-ების დაახლოებით 20% (3.7 მილიონი) სხვადასხვა მიზეზის გამო „დაკარგულად“ ითვლება - ეს ნიშნავს, რომ მათი მიღება შეუძლებელია. ბოლო დროს განვითარებული ტენდენციის გაგრძელებით ორშაბათს Bitcoin 5.8%-ით დაეცა, მისი კურსი 48 000 დოლარზე დაბლა ჩამოვიდა, გასულ კვირას კი კურსი შემცირდა 27%-ით. კრიპტოაქტივების ფასის ბოლოდროინდელი კლების მიუხედავად ბირჟის ზოგიერთი ექსპერტი იმედოვნებს, რომ Bitcoin კვლავ გაძვირდება, რადგან ბევრი, მათ შორის მსხვილი მოთამაშეები, კრიპტოვალუტას აფასებენ, როგორც ჰეჯირების საშუალებას ინფლაციის წინააღმდეგ. https://tinyurl.com/2p97r2cf

Intel-ის გენერალური დირექტორი Pat Gelsinger ამჟამად იმყოფება ტაივანში, რათა შეხვდეს TSMC-ის აღმასრულებლებს, ასევე მიწოდების ჯაჭვის სხვა მთავარ წარმომადგენლებს, რათა განიხილონ ნახევრადგამტარი პროდუქტების ბაზრის მიმდინარე სიტუაცია. Intel-ის გენერალური დირექტორი საკმაოდ სკეპტიკურად იყო განწყობილი ტაივანში მოგზაურობის წინ, მაგრამ ახლა DigiTimes აცხადებს, რომ Intel და TSMC შეინარჩუნებენ მჭიდრო პარტნიორობას მინიმუმ 2025 წლამდე - იმ დრომდე, როდესაც მოსალოდნელია ტაივანური კომპანიის მიერ 2-ნანომეტრიანი ტექნოპროცესით წარმოების დაწყება. საბოლოო ჯამში Intel შესაძლოა გახდეს TSMC-ის ერთ-ერთი მთავარი მომხმარებელი 2023 წლისთვის, როდესაც ხელმისაწვდომი გახდება 3-ნანომეტრიანი საწარმოო პროცესი. როგორც DigiTimes აღნიშნავს, Intel-ს ურთიერთგამომრიცხავი შეხედულებები აქვს TSMC-თან თანამშრომლობაზე. ერთი მხრივ Intel ცდილობს წამყვანი პოზიციის დაბრუნებას, მეორე მხრივ ბოლო წლების თანამედროვე ტექნოპროცესების გამოშვების შეფერხება ტექნოლოგიურ გიგანტს აიძულებს დამხარებისთვის მიმართოს მესამე მხარეს, როგორიცაა TSMC. თუკი Intel-ს TSMC-სთან კარგი ურთიერთობის შენარჩუნება სურს, სამომავლოდ მოუწევს ტაივანურ კომპანიას მოგების 50% გადაუხადოს და ამასთან გააგრძელოს ათეულობით მილიარდის ხარჯვა ახალი სიმძლავრეების შენებისთვის. აგრეთვე არსებობს ალბათობა, რომ Intel მიიღებს ჭარბ სიმძლავრეს, რის შემდეგ ჩიპების წარმოებას საკუთარი ძალებით დაიწყებს და ნაკლებად გახდება TSMC-ზე დამოკიდებული. ეს ჭარბი სიმძლავრე აგრეთვე შესაძლოა გამოყენებულ იქნას სხვა კომპანიების ჩიპების წარმოებისთვის, როგორებიცაა Qualcomm ან AWS. TSMC-ის უმსხვილესი მომხმარებელი ამჟამად არის Apple - წარმოების სიმძლავრის თითქმის 26%-ით, შემდეგ მოდის MediaTek 5.8%-ით და AMD 4.39%-ით. Intel 0,84%-იანი მაჩვენებლით მე-11 ადგილზე დაეცა. რა თქმა უნდა, TSMC-ს დასჭირდება თავისი პროდუქციის ხაზების შესაბამისად ადაპტირება, რათა Intel-მა არ გამოდევნოს სხვა მნიშვნელოვანი მომხმარებლები, როგორებიცაა AMD, Qualcomm და ა.შ. DigiTimes ასევე იტყობინება, რომ AMD-მ და Qualcomm-მა შესაძლოა გადასცენ 3-ნანომეტრიანი ჩიპების წარმოება Samsung-ს იმ შემთხვევაში, თუ TSMC ვერ გააფართოვებს წარმოებას საკმარისად სწრაფად. https://tinyurl.com/2p8kjaye

NVIDIA-ს თანამშრომლების სამეცნიერო სტატიაში აღმოჩნდა მინიშნებები მაღალი წარმადობის გამოთვლებისა და მანქანური სწავლებებისთვის განკუთვნილი სამომავლო გრაფიკული პროცესორების კონფიგურაციების შესახებ - გვაცნობებს Wccftech. სტატია, სახელწოდებით GPU Domain Specialization via Composable On-Package Architecture, გამოჩნდა ACM-ის ელექტრონულ ბიბლიოთეკაში. სპეციალისტები განიხილავენ უნივერსალური მულტი-ჩიპის არქიტექტურას Composable On-PAckage GPU (COPAGPU), რომელიც საშუალებას იძლევა ეკონომიურად ეფექტურად შეიქმნას გრაფიკული პროცესორის სპეციალიზებული ვერსიები გამოყენების სხვადასხვა სფეროსთვის. სტატიაში განხილული იყო უცნობ გრაფიკულ პროცესორ GPU-N-ის ვარიანტი, რომელიც 134 Streaming Multiprocessor (SM) ბლოკს შეიცავს. ბლოკების ეს რაოდენობა შესაძლებელია მოიცავდეს 8576 CUDA FP32 ბირთვს. GPU-N-ს აგრეთვე აქვს 60 გბ მოცულობის მე-2 დონის ქეშ-მეხსიერება და მუშაობს 1.4 გჰც სიხშირეზე. GPU-N-ის საბაზისო ვარიანტს თან ახლავს HBM2 მეხსიერების ექვსი სტეკი 100 გბ-მდე მოცულობით და 2.68 ტბ/წმ სიჩქარით. მანქანურ სწავლებებზე ორიენტირებული ჩიპის ვარიანტის შემთხვევაში სპეციალისტებმა განიხილეს GPU-ის კონფიგურაცია 1.92 გბ მოცულობის მე-3 დონის ქეშით, 233 გბ-მდე HBM2 მეხსიერებითა და ჯამური სიჩქარით - 6.3 ტბ/წმ. სიჩქარეს რაც შეეხება, სიმულაციის შედეგად მიღებული მონაცემებით GPU-N-ის საბაზისო ვარიანტმა FP16 მატრიცულ ოპერაციებში შესაძლოა მიაღწიოს 779 ტერაფლოპს გამომთვლელ წარმადობას - ეს ორნახევარჯერ მეტია მიმდინარე თაობის NVIDIA A100-ის მაჩვენებელთან შედარებით. წარმადობის ასეთ დონეს ინსაიდერები ელოდნენ გამოთვლების სამომავლო ამაჩქარებლებში NVIDIA Hopper, აღნიშნავს Wccftech. შესაძლოა, სტატიაში აღწერილი კონფიგურაციები NVIDIA-ს ამაჩქარებლების მომდევნო სერიაში ვიხილოთ. https://tinyurl.com/yckud9aa

გერმანულმა შემნახველმა ბანკებმა დაიწყეს კრიპტოვალუტების საფულის პროექტზე მუშაობა, რომლის მიზანია ოპერაციების განხორციელების შესაძლებლობა ციფრული აქტივების გამოყენებით - აცხადებს გამომცემლობა Capital. ცნობების თანახმად კონცეფციაზე მუშაობს IT-სერვისების პროვაიდერ S-Payment-ის გუნდი. საპილოტე პროექტზე ხმის მიცემა 2022 წლის დასაწყისში უნდა განხორციელდეს. გამომცემლობა ამტკიცებს, რომ გეგმა ითვალისწინებს ციფრული აქტივების ყიდვა-გაყიდვის შესაძლებლობას პირდაპირ ანგარიშების მეშვეობით. მომხმარებელს არ მოუწევს დამატებითი გადამოწმების პროცედურების გავლა. ამჟამად გერმანიაში დაახლოებით 370 შემნახველი ბანკია. საერთო ბაზა მოიცავს დაახლოებით 50 მილიონ მომხმარებელს, მართვის ქვეშ არსებული აქტივები შეფასებულია 1.4 ტრილიონ ევროდ (1.58 ტრილიონი აშშ დოლარი). მანამდე გერმანიის ახალი ხელისუფლების პარტიებმა ხელი მოაწერეს კოალიციურ შეთანხმებას, რომელშიც კრიპტოვალუტები და ბლოკჩეინ-ტექნოლოგია მომდევნო ოთხი წლის განმავლობაში ქვეყნის განვითარების მთავარ მიმართულებებს შორისაა მითითებული. 2019 წელს გერმანიის ხელისუფლებამ მიიღო კანონი, რომელიც ბანკებს საშუალებას აძლევს შეიძინონ და გაყიდონ კრიპტოვალუტები. 2020 წლის მარტში ფინანსური ზედამხედველობის ფედერალურმა სამმართველომ მოახდინა ციფრული აქტივების, როგორც ფინანსური აქტივების კლასიფიცირება. 2021 წლის აპრილში ბუნდესტაგმა დაამტკიცა კანონპროექტი, რომელიც ინსტიტუციურ ფონდებს საშუალებას აძლევს განახორციელონ აქტივების 20%-მდე მოცულობის ინვესტიცია კრიპტოვალუტებში. https://tinyurl.com/2yhzc48r

Intel-ის უფროსი ვიცე-პრეზიდენტი Raja Koduri სიტყვით გამოდის სპეციალიზებულ ღონისძიებებზე ისეთ შემთხვევებში, როდესაც კომპანიას სურს განაცხადოს ახალი ინიციატივების ან პროდუქტების შესახებ. როგორც Reuters აცხადებს, მეტასამყაროს შექმნის გლობალური ტენდენციის ფონზე Intel-ის ხელმძღვანელმა საინტერესო მაგალითი მოიყვანა, რაც გულისხმობს ერთ პროგრამულ პლატფორმაზე გაერთიანებული რამდენიმე მოწყობილობის აპარატული რესურსის ერთობლივ გამოყენებას. ფოტოს წყარო: Twitter, Intel რაჯა კოდურის თქმით, მეტასამყარო შესაძლებელს გახდის სხვადასხვა შემადგენლობის კომპიუტერული სისტემების რესურსების გამოყენებას კონკრეტული პრობლემების გადასაჭრელად დროის კონკრეტულ მომენტში. მაგალითად, თუ მომხმარებელს სურს მძლავრი ენერგორესურსის საჭიროების მქონე თამაშის გაშვება სუსტ ლეპტოპზე, პლატფორმა მას საშუალებას მისცემს გამოიყენოს ახლომდებარე გეიმინგ დესკტოპ კომპიუტერის გამოთვლითი რესურსები, თუ ის ამჟამად უშუალოდ არ არის ჩართული. ეს ყველაფერი მოგვაგონებს ქლაუდ გეიმინგს, თუმცა გამოიყენება საბოლოო მომხმარებლების საკუთრებაში არსებული აპარატული რესურსები. Intel გვპირდება, რომ პროგრამული უზრუნველყოფის ეკოსისტემა იმუშავებს კონკურენტების მოწყობილობებთანაც და განვითარდება ღიაობის პრინციპის თანახმად. https://tinyurl.com/ycktchu7

სან-ფრანცისკოში გამართულ კონფერენცია IEDM-ზე IBM-მა და Samsung-მა წარადგინეს ჩიპებში ტრანზისტორების ვერტიკალური განლაგების ახალი დიზაინი. Vertical Transport Field Effect Transistors (VTFET) ტექნოლოგიას შეუძლია მნიშვნელოვნად გააუმჯობესოს წარმადობა ან შეამციროს ჩიპის ენერგომოხმარება შესაბამისი ზომის ტრადიციულ ჩიპებთან შედარებით. თანამედროვე პროცესორებსა და ჩიპსეტებში ტრანზისტორები სილიკონის ფირფიტაზე დატანილია ჰორიზონტალურ სიბრტყეში. VTFET-ების გამოყენებისას პირიქით, ტრანზისტორები განლაგდება ვერტიკალურად. დეველოპერების ინფორმაციით ამგვარ მიდგომას ორი უპირატესობა გააჩნია. პირველი, შესაძლებელია მურის კანონით მიმდინარე ტექნოლოგიებზე დაწესებული მრავალი შეზღუდვისთვის გვერდის ავლა. მეორე, დიზაინის ახალი ვარიანტი უზრუნველყოფს ნაკლებ ენერგოხარჯს ენერგიის უფრო ეფექტური გადამისამართების წყალობით. კომპანიის დეველოპერების შეფასებით შედეგად შესაძლებელი გახდება შეიქმნას ჩიპები, რომლებიც იქნება ორჯერ სწრაფი, ან გამოიყენებენ 85%-ით ნაკლებ ენერგიას FinFET ტექნოლოგიის მიხედვით წარმოებულ ჩიპებთან შედარებით. როგორც IBM და Samsung აცხადებენ, ერთ დღესაც ამგვარი ტექნოპროცესის გამოყენების შედეგად შესაძლებელი გახდება ისეთი სმარტფონების წარმოება, რომლებიც მთელი კვირის განმავლობაში იმუშავებენ დამუხტვის საჭიროების გარეშე და/ან შეასრულებენ დიდი ენერგოხარჯის მქონე ამოცანებს, მათ შორის კრიპტომაინინგს ელექტროენერგიის ნაკლები ხარჯითა და გარემოზე მინიმალური ზიანის მიყენებით. IBM-სა და Samsung-ს არ გამოუცხადებიათ, როდის აპირებენ ახალი დიზაინის კომერციალიზაციას. ისინი არ არიან ერთადერთი კომპანიები, რომლებიც ცდილობენ გადალახონ არსებული შეზღუდვები. ივლისში Intel-მა გამოაცხადა ტრანზისტორების განლაგების ახალი ვარიანტის შექმნის შესახებ, რომელიც საშუალებას მისცემს მას 2024 წლისთვის გასცდეს ნანომასშტაბს და შექმნას ჩიპები Intel 20A ტექნოპროცესის შესაბამისად ახალი ტიპის RibbonFET ტრანზისტორების გამოყენებით. https://tinyurl.com/yckpbtuw

ციფრულმა ევრომ შეიძლება შეარყიოს ევროკავშირის არაწევრი ქვეყნების ფინანსური სტაბილურობა სუსტი ეკონომიკის მქონე ეროვნული ვალუტების შევიწროების შედეგად. ამის შესახებ ისაუბრა ევროპის ცენტრალური ბანკის (ECB) მმართველთა საბჭოს წევრმა ფაბიო პანეტამ. „ციფრული ევრო შეიძლება ისე გავრცელდეს მესამე სამყაროს ქვეყნებში, რომ ადგილობრივი ვალუტები შეავიწროვოს. ეს გამოიწვევს „ევროიზაციას“, რამაც შეიძლება გაართულოს მონეტარული პოლიტიკის რეალიზაცია და გამოიწვიოს ფინანსური არასტაბილურობა“, - განაცხადა პანეტამ. მან ხაზგასმით აღნიშნა, რომ ეს რისკები უფრო მაღალი იქნება განვითარებადი ეკონომიკებისთვის, რადგან მათი ეროვნული ვალუტა ძალიან სუსტია და ისინი დიდად არიან დამოკიდებულნი სავაჭრო და ფინანსურ პარტნიორებზე. პანეტამ ასევე აღნიშნა, რომ ევროკავშირში CBDC-ის ამოქმედებამ „შეიძლება გააძლიეროს შოკების გადაცემა ეკონომიკებს შორის და გაცვლითი კურსის ცვალებადობა“. მისი თქმით, ლიკვიდურობა, დაბალი რისკი და სარგებლის განაკვეთი ინსტრუმენტს მიმზიდველს გახდის საერთაშორისო ინვესტორებისთვის. ამასთან, პანეტამ განაცხადა, რომ ციფრული ევროს ემისია შეამცირებს ევროკავშირის დამოკიდებულებას დოლარზე და გაზრდის რეგიონის ფინანსურ სტაბილურობას. პანეტამ საერთაშორისო გადახდების დოლარიზაციას უწოდა "კოლონიზაცია" და აღნიშნა, რომ "ორი ამერიკული შუამავალი (Visa და MasterCard) ამუშავებს ბარათით გადახდების ორ მესამედს ევროპაში". „CBDC გააძლიერებს ევროს საერთაშორისო როლს ევროპული ავტონომიის გაძლიერებით და დოლარის გლობალური დომინირების შემცირებით“, - თქვა მან. ივნისში პანეტამ განაცხადა, რომ ციფრული ევრო უზრუნველყოფს კონფიდენციალურობის უკეთეს დაცვას, ვიდრე კერძო Stablecoin-ები. https://tinyurl.com/h9h2p5sv

ფინელი მეცნიერების ჯგუფმა მოიფიქრა საინტერესო გამოსავალი სუპერგამტარ კუბიტებზე კვანტური კომპიუტერების ადვილად მასშტაბირების მიზნით. მათ შეძლეს ასეთი სისტემების ძირითადი საკონტროლო ელემენტების კრიოსტატის შიგნით გადატანა და ამავდროულად მათი ზომაში მრავალჯერ შემცირება. გამოგონება შესაძლებელს გახდის უფრო მეტი კუბიტის მოთავსებას ამჟამად არსებულ კრიოგენულ მოცულობაში და მნიშვნელოვნად გაამარტივებს და შეამცირებს კვანტური კომპიუტერის აგების ღირებულებას. ფოტოების წყარო: Aleksandr Kakinen უმეტესად აბსოლუტურ ნულ გრადუსზე გაცივებული სუპერგამტარი კუბიტები იმართება მიკროტალღური გამოსხივების მეშვეობით. გამოსხივება საშუალებას იძლევა შეიცვალოს კუბიტების მდგომარეობა (სისტემის პროგრამირება), აგრეთვე მოხდეს მათი მდგომარეობის წაკითხვა - მიღებულ იქნას გამოთვლის შედეგი. დღესდღეობით ეს ყველაფერი წარმოდგენილია ოთახის ტემპერატურაზე მომუშავე მართვის სისტემებით და სადენებით მაღალი სიხშირის სიგნალების გადასაცემად კრიოსტატის შიგნით. სწორედ ამიტომ კრიოსტატის დაკიდების სისტემა მრავალი ტალღოვანი მილით ჰგავს ილუსტრაციას steampunk-ის სტილში. ფინელებმა შეძლეს შეექმნათ მინიატურული მაღალი სიხშირის გამოსხივების წყარო, რომელსაც შეუძლია იმუშაოს აბსოლუტურ ნულთან ახლოს არსებულ ტემპერატურაზე. დაახლოებით 1 მმ ზომის ელემენტი შეიძლება განთავსდეს კუბიტის უშუალო სიახლოვეს, რომელსაც იგი აკონტროლებს და კითხულობს მის მდგომარეობას. ეს მიდგომა გზას უხსნის კვანტური პლატფორმის მინიატურიზაციას და მის მასშტაბირებას. პროექტზე მუშაობის შესახებ ინფორმაცია გამოქვეყნდა გამომცემლობა Nature Electronics-ის მიერ. სტატიის წინასაბეჭდი ვერსია გათავსებულია arXiv.org-ზე. შემდგომი კვლევა განხორციელდება სუპერგაციებული მიკროტალღური წყაროების მართვის სქემების შექმნის მიმართულებით. შემოთავაზებული სახით წყარო ახდენს მაღალი ხარისხის სიგნალის მკაცრად ერთი მატარებლის გენერირებას, კუბიტების მართვისთვის საჭირო სიგნალი კი აუცილებელია იმპულსურ ფორმაში გადავიდეს. მოკლედ, კვანტური სენსორების ან ტაქტის სიგნალების (კვანტური საათების) ფორმირებისთვის ფინელი მეცნიერების გამოგონება დიდი მიღწევა იქნება და შესაძლებელია დაუყოვნებლივ იქნას მიღებული. https://tinyurl.com/yyabd8kc