eolsori Posted February 4, 2018 Share Posted February 4, 2018 ლინუქსის და კონკრეტულად უბუნტუს შესახებ ამავე კატეგორიაში საკმაოდ ვრცელი და საინტერესო თემები არსებობს, მაგრამ ამ თემის ცალკე შექმნა საჭიროდ ჩავთვალე რამდენიმე მიზეზის გამო: 1) გვინდა ლინუქსის დაყენება, მაგრამ ფიზიკურად არ გვაქვს USB flash drive ან ცარიელი CD/DVD დისკი. 2) გვაქვს USB flash drive ან ცარიელი დისკები, მაგრამ ჩაწერა არ გამოგვდის ტექნიკური თუ სისტემური მიზეზით 3) გვაქვს USB flash drive ან ცარიელი დისკები, მაგრამ საინსტალაციოს შექმნა არ გვინდა, გვეზარება ან დისკი თუ ფლეშკა გვენანება ( ეს უკანასკნელი მე პირადად ხშირი გამოყენების შედეგად გამოუსადეგარი გამიხდა ) ლინუქსის ერთ-ერთი ყველაზე პოპულარული და მარტივი დისტრიბუტივის Ubuntu-ს ინსტალაცია არავითარ პრობლემას და განსაკუთრებულ სიძნელეს არ წარმოადგენს რიგითი მომხმარებლისთვის. ასევე მარტივია უბუნტუს დაყენება ჩამტვირთავი მოწყობილობის გარეშე პირდაპირ ვინდოუსიდან. ამისთვის გვჭირდება: ა) პროგრამა UNetbootin ბ) Ubuntu-ს საინსტალაციო ISO ფაილი გ) დრო, სურვილი და მონდომება მას შემდეგ, რაც გადმოვწერთ ჩვენთვის სასურველი ვერსიის საინსტალაციო ფაილს და პროგრამა UNetbootin-ს, რომელიც ზომით საკმაოდ მცირეა, ხოლო გამოყენების მხრივ მარტივი და პრაქტიკული, უბრალოდ ადმინისტრატორის უფლებით გავუშვებთ ( ინსტალაცია არ სჭირდება ) Distribution-ის ნაცვლად ვირჩევთ Diskimage ავირჩევთ გადმოწერილ ISO ფაილს Type-ში USB flash drive -ის ნაცვლად ვირჩევთ Hard Disk Drive: ვუთითებთ C დისკს ( სადაც ვინდი აყენია ) და ბოლოს OK. Unetbootin საინსტალაციო ISO ფაილს ჩაწერს C დისკზე ( დააყენებს, როგორც ჩვეულებრივ პროგრამას ) რასაც 1 წუთზე მეტი არ სჭირდება ხოლმე ( დრო დამოკიდებულია ISO ფაილის ზომაზე ) როდესაც ჩაწერა დასრულდება გადავტვირთავთ სისტემას და ბუთ მენიუში გვექნება არჩევანის საშუალება Windows 7, 8, 10 -თან ერთად გაჩნდება Unetbootin. არჩევის შემდეგ ვაჭერთ TAB-ს და მენიუდან ვირჩევთ Install Ubuntu დანარჩენი ინსტალაციის პროცესი სტანდარტულია და იგივეა, რაც ამ თემაშია აღწერილი როდესაც უბუნტუს დაყენებას მოვრჩებით და ლინუქსში ძრომიალი მოგვწყინდება ვინდზე ჩატვირთვის შემდეგ უბუნტუს საინტალაციო მარტივად შეგვიძლია წავშალოთ ( შემდეგ გადატვირთვაზე ხელახლა დაყენება რომ არ შემოგვთავაზოს ან ბუთ მენიუში არ გამოგვეჩხიროს თვალში ) დაყენებული პროგრამებიდან, ამისთვის საკმარისია უბრალოდ My Computer ან This PC-ში შევიდეთ, შემდეგ Uninstall or change a program და ჩამონათვალში Unetbootin ვიპოვოთ შემდეგ კი Uninstall ყურადღება! * აღნიშნული მეთოდი დატესტილი მაქვს მხოლოდ უბუნტუზე, მაგრამ წესით ჩვეულებრივად უნდა იმუშაოს ლინუქს მინტზე, შესაძლოა დებიანზეც და რამდენიმე სხვა დისტროზე. უკლებლივ ყველაზე არ მუშაობს. * უბუნტუს ინსტალაციის პროცესში C დისკის დაფორმატება არ მიუთითოთ. წინააღმდეგ შემთხვევაში არსებული სისტემაც წაგეშლებათ და უბუნტუს საინსტალაციოც. 1 Quote Link to comment Share on other sites More sharing options...
მათე Posted February 4, 2018 Share Posted February 4, 2018 მშვენიერი თემაა, ძალიან ბევრს გამოადგება. მადლობა. ესეც ერთ-ერთი გზა ubuntu-ს დასაყენებლად windows-დან WUBI. Ubuntu-ში მისი მხარდაჭერა შეწყდა თუმცა WUBI-ს პროექტი მაინც არსებობს და ამ ლინკზე იხილავთ თუ როგორ გამოიყენოთ ის ubuntu-ს დასაყენებლად. https://www.lifewire.com/wubi-linux-installation-program-2201175 კარგია საცდელად, თუმცა WUBI-ს გზით სისტემის დაყენებას და მის ყოველდღიურად გამოყენებას არ გირჩევდით. Quote Link to comment Share on other sites More sharing options...
eolsori Posted February 5, 2018 Author Share Posted February 5, 2018 @მათე მადლობა! 8 hours ago, მათე said: WUBI-ს გზით სისტემის დაყენებას და მის ყოველდღიურად გამოყენებას არ გირჩევდით. WUBI მე არ გამომიყენებია, მაგრამ გამიგია ნელიაო, თუმცა ექპერიმენტის სახით ცდა ალბათ ღირს. ზემოთ აღწერილი მეთოდი კი რამდენჯერმე დამიტესტავს და სრულყოფილად აყენებს სისტემას და არც შემდგომ აქვს პრობლემები. ერთადერთი ნაკლი ის აქვს, რომ რომელიმე სისტემა უნდა ეყენოს. სულერთია რომელი, რადგან UNetbootin ვინდზეც მუშაობს, მაკზეც და ლინუქსზეც. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.