Magdalena

Google იქნება კიდევ ერთი მსხვილი კომპანია, რომელიც უარს იტყვის სმარტფონების კომპლექტში დამტენის შეტანაზე. საძიებო გიგანტმა განაცხადა, რომ Pixel 5A იქნება სერიის ბოლო მოწყობილობა, რომელსაც დამტენი მოყვება. ამრიგად, Pixel 6 და 6 Pro, რომელთა გამოსვლა შემოდგომისთვისაა დაგეგმილი, მოკლებული იქნება დამტენ მოწყობილობებს. theverge.com Google აცხადებს, რომ მომხმარებლების უმეტესობას უკვე აქვს კვების ბლოკი USB Type-C კონექტორით, ამიტომ კომპანია აუცილებლად არ მიიჩნევს ჩართოს ახალი დამტენი სმარტფონების კომპლექტში. Apple-მა და Samsung-მაც მსგავსი არგუმენტი მოიყვანეს, როდესაც განაცხადეს დამტენის მიწოდებიდან ამოღების შესახებ. გარდა ამისა, ამგვარი გადაწყვეტილება მართლდება ეკოლოგიის მხრივაც, რაც სავსებით სარწმუნოა - დამტენი მოწყობილობების წარმოებისთვის საჭირო რესურსების დაზოგვა დიდ როლს თამაშობს. theverge.com შეგახსენებთ, რომ პირველი კომპანია, რომელმაც სმარტფონების კომპლექტიდან დამტენი მოწყობილობის ამოღებაზე თქვა უარი, იყო Apple. მის გადაწყვეტილებას კონკურენტები კრიტიკულად და ცინიზმით შეხვდნენ, თუმცა, როგორც ჩანს, ბევრი მათგანი მიჰყვება მის მაგალითს. https://bit.ly/3j1TTex

კორპორაცია Samsung Electronics მონაწილეობას მიიღებს კორეის ბანკის პროექტში ეროვნული ციფრული ვალუტის (CBDC) საპილოტე პლატფორმის შესაქმნელად, აცხადებს The Korea Times. კორეის ბანკმა CBDC-ის ტესტირება მიმდინარე წლის 28 ივლისს დაიწყო ტექნოლოგიურ გიგანტ Kakao-ს ბლოკჩეინ-განყოფილება Ground X-თან ერთად. „Samsung Electronics-მა გადაწყვიტა მონაწილეობის მიღება CBDC-ის საპილოტე პროექტში კორეის ბანკის ზედამხედველობის ქვეშ, რომლის ფარგლებში დაინტერესებული მხარეები ივლევენ ციფრული ვალუტის პრაქტიკულ ასპექტებს საცდელ გარემოში,” - განაცხადა კომპანიის წარმომადგენელმა. მისი თქმით, კონსორციუმი Kakao და Samsung-ის ორი ტექნოლოგიური ფილიალი აამოქმედებენ საპილოტე პროგრამას, რომელიც მიმართული იქნება „ქვეყნებს შორის ფულადი გადარიცხვებისა და გადახდების ტესტირებისკენ. პროექტის მიზანია CBDC-ის გამოშვება და გავრცელება, აგრეთვე მონიტორინგი, თუ როგორ მუშაობს ეს ყველაფერი ვირტუალურ გარემოში“. Samsung აგრეთვე გეგმავს შეისწავლოს ციფრული ვონის ფუნქციონალურობა საკუთარ Galaxy ხაზის სმარტფონებში. „შესაძლებელია თუ არა მობილური ტელეფონის საშუალებით ციფრული ვალუტით გადახდა ინტერნეტის გარეშე, ან CBDC-ში ფულის გაგზავნა სხვა სმარტფონსა და დაკავშირებულ საბანკო ანგარიშებზე - ესენია ორი მთავარი პუნქტი, რომლებზეც ყურადღებას ამახვილებს Samsung", - განმარტა კორპორაციის წარმომადგენელმა. პროგრამაში მონაწილეობას მიიღებს Samsung SDS-ის IT განყოფილებაც. მისი ფილიალი Escor გააკონტროლებს CBDC-თან დაკავშირებული ექსპერიმენტების პროცედურებს. 2020 წლის ოქტომბერში კონსორციუმის შემადგენლობაში მყოფმა Samsung SDS-მა ცენტრალურ ბანკში განაცხადი შეიტანა ციფრული ვონის ტესტირების შესახებ. ციფრული ვალუტის ამოქმედებისათვის ტექნოლოგიური პარტნიორის შერჩევა კორეის ბანკმა მაისში დაიწყო. მიღებული სამი განაცხადიდან მარეგულირებელმა აირჩია Ground X, რომლის ბლოკჩეინ-პლატფორმა Klaytn გახდება საფუძველი CBDC სტრუქტურისთვის. https://bit.ly/2VWW0ac

კომპანია ASUS-მა ოფიციალურად წარადგინა მძლავრი სმარტფონები მობილური თამაშების მოყვარულებისთვის - ROG Phone 5s და ROG Phone 5s Pro. ახალი სმარტფონები ჩაანაცვლებენ ROG Phone 5-ს, რომლის დებიუტი მიმდინარე წლის აპრილში შედგა. ფოტოების წყარო: GSMArena დაანონსებულ მოწყობილობებსა და მათ წინამორბედს შორის მთავარი განსხვავებაა აპარატული პლატფორმა. პროცესორ Qualcomm Snapdragon 888-ის ნაცვლად ამჯერად გამოყენებულია ჩიპი Snapdragon 888 Plus. შესაბამისად, ტაქტის მაქსიმალური სიხშირე 2.84-დან 3.0 გჰც-მდე გაიზარდა. გარდა ამისა, 20%-ით გაიზარდა ბლოკ AI Engine-ის წარმადობა, რომელიც პასუხისმგებელია ხელოვნური ინტელექტის ალგორითმებზე. ROG Phone 5s და ROG Phone 5s Pro სმარტფონებს აქვთ 6.78-დუიმიანი AMOLED დისპლეი გაფართოებით 2448×1080 პიქსელი, კადრის განახლების სიხშირით - 144 ჰერცი. სენსორული ფენის სიხშირეა 360 ჰერცი, მატრიცის რეაქციის დრო - 1 მილიწამი. ROG Phone 5s Pro ვერსიას გააჩნია უკანა დისპლეი ROG Vision PMOLED. ROG Phone 5s მოდელი დაკომპლექტებულია 8, 12 ან 16 გბ ოპერატიული და 128/256 შიდა მეხსიერებით. ROG Phone 5s Pro ვარიანტის ოპერატიული მეხსიერების მოცულობაა 18 გბ, ფლეშ-მეხსიერება - 512 გბ. მთავარ კამერაში გაერთიანებულია 64, 13 და 5 მეგაპიქსელი გაფართოების მქონე სენსორები, ფრონტალურ ნაწილში განთავსებულია 24-მეგაპიქსელიანი კამერა. კვებას უზრუნველყოფს 6000 მა/სთ მოცულობის ბატარეა 65-ვატიანი სწრაფი დამუხტვის მხარდაჭერით. მოწყობილობაში დაყენებულია ოპერაციული სისტემა Android 11 საფირმო ZenUI 8/ROG UI-სთან ერთად. https://bit.ly/3xSCPvk

კვარტალური ანგარიშისადმი მიძღვნილ ღონისძიებაზე AMD-ის ხელმძღვანელობამ განაცხადა, რომ CDNA 2 არქიტექტურაზე დამყარებული გამოთვლითი ამაჩქარებლების პირველი ნიმუშები უკვე გაეგზავნა დამკვეთებს. ინვესტორებისადმი განკუთვნილ პრეზენტაციაში მკაფიოდაა ნათქვამი, რომ CDNA 2 თაობის ამაჩქარებლების წარდგენა მიმდინარე წლის ბოლოს შედგება. ფოტოს წყარო: AMD შეგახსენებთ, რომ CDNA არის გეიმინგ-არქიტექტურა RDNA-ს ევოლუციური განშტოება. ეს უკანასკნელი მალე მესამე თაობას შეიცვლის, CDNA მას ამ ნუმერაციაში ერთი ნაბიჯით ჩამორჩება. ამრიგად, CDNA 2-ში წარმოდგენილი უნდა იყოს AMD-ს ყველა მოწინავე არქიტექტურული ცვლილება, რომლებიც შემოთავაზებულია სერვერული ამაჩქარებლებისა და სუპერკომპიუტერების სეგმენტებში. მოარული ხმების დონეზე, Instinct MI200 ამაჩქარებლებს უნდა ჰქონდეს ორკრისტალიანი სტრუქტურა და მათში გამოყენებული იქნება HBM2E ტიპის მეხსიერება ჯამში 128 გბ მოცულობით. ეს ამაჩქარებლები დრაივერებში, როგორც მიღებულია, ფიგურირებენ პირობითი დასახელებით - Aldebaran. არაოფიციალური ცნობებით, ორ ჩიპლეტს, რომლებიც უფრო მოწინავე ტექნოლოგიითაა წარმოებული, ვიდრე ამჟამინდელი 7-ნანომეტრიანი ტექნოპროცესი, შეუძლიათ ჯამში 16384 ნაკადური პროცესორის დატევა. სავსებით შესაძლებელია, რომ ამ ამაჩქარებლებისთვის 6-ნანომეტრიანი კომპონენტები კომპანია TSMC-მ გამოუშვას. კონტარქტორის არჩევის მხრივ AMD-ს განსაკუთრებული ალტერნატივა არ გააჩნია, ტექნოპროცესის კონკრეტული აღწერა კი ოფიციალურ დოკუმენტებში არ ფიგურირებს. https://bit.ly/2VZwmlx

შეერთებული შტატების ფინანსთა სამინისტრო განმარტავს კრიპტო კომპანიების საგადასახადო ანგარიშგების მოთხოვნებს, რომლებიც ინფრასტრუქტურული კანონპროექტის ნაწილი გახდა. ეს მდგომარეობა შეეხება მხოლოდ იმ სუბიექტებს, რომელთაც სახაზინო ჩათვლის ბროკერებად. ინფორმაციას აზიარებს Bloomberg ფინანასთა სამინისტროს ოფიციალური პირის შეტყობინებაზე დაყრდნობით. წყაროს თანახმად, სახელმძღვანელო დოკუმენტი, რომელიც შესაძლოა მომავალ კვირას გამოქვეყნდეს, გამიზნულია ინდუსტრიის მონაწილეების დასამშვიდებლად. მაინერები, აღჭურვილობის მწარმოებლები და პროგრამული უზრუნველყოფის შემქმნელები არ ექვემდებარებიან საგადასახადო ანგარიშგების ახალ მოთხოვნებს, თუ ისინი არ არიან ბროკერები. ფინანსთა სამინისტროს ხელმძღვანელობა გამონაკლისს არ დაუშვებს იმის საფუძველზე, თუ როგორ ახდენს ესა თუ ის კომპანია საკუთარი თავის პოზიციონირებას. ამის ნაცვლად ფოკუსირდება იმაზე, რამდენად კვალიფიცირდება სუბიექტი ბროკერად საგადასახადო კოდექსთან მიმართებაში. ორპარტიული კანონპროექტი, რომელიც მიზნად ისახავს შეერთებული შტატების ინფრასტრუქტურის განახლებას, ციფრული აქტივების ინდუსტრიის მონაწილეთათვის ანგარიშგების ახალ მოთხოვნებს აწესებს. იგი ასევე აფართოებს საგადასახადო კოდექსში „ბროკერის“ განმარტებას. ექსპერტების აზრით, მაინერებსა და ბლოკჩეინში ნოუდების ოპერატორებს, საფულეების დევლოპერებს, DeFi-პროტოკოლებში ლიკვიდურობის მომწოდებლებსა და სხვა კასტოდიალურ მონაწილეებს შესაძლოა მოეთხოვოთ საგადასახადო სამსახურისთვის ანგარიშის ჩაბარება თავიანთი მომხმარებლების საქმიანობის შესახებ. Bloomberg-ის თანამოსაუბრემ ხაზი გაუსვა, რომ ინდუსტრიის მონაწილეთა ზოგიერთი შეშფოთება გამართლებულია, მაგრამ ლობირების დიდ ნაწილი "მიზნად ისახავს ფინანსთა სამინისტროს უფლებამოსილების შეზღუდვას ლეგალური საგადასახადო ინფორმაციის შეგროვებისათვის". მან აღნიშნა, რომ ფინანსთა სამინისტრო არ აპირებს იმ კომპანიების დევნას, რომლებიც დე-ფაქტო ვერ აწვდიან მონაცემებს ტრანზაქციების შესახებ. პირები, რომელთაც სურთ კანონპროექტის ფორმულირების გადახედვას წარმომადგენელთა პალატაში, ნაკლებად მიაღწევენ წარმატებას, რადგან ცვლილებები კრიპტოვალუტების შესახებ მთელ დოკუმენტს შემდგომი გადასინჯვებისათვის გახდის ღიას. ამიტომ ხაზინის ხელმძღვანელობას გადამწყვეტი მნიშვნელობა ექნება. https://bit.ly/3gpudXx

სიახლე, რომელიც ამ სტატიას დაედო საფუძვლად, ვებ-გვერდ DigiTimes-ზე გასულ კვირაში გამოჩნდა, მაგრამ მხოლოდ Hardware Times-ის წარმომადგენლებმა შეძლეს ბარიერის ქვეშ გაეყვანათ მკითხველები, რომლებიც დროს არ ხარჯავდნენ ხელმოწერებზე. ეს საშუალებას იძლევა გამოაშკარავდეს ახალი გარემოებები, რომლებიც განხილულია პირველწყაროს ვებ-გვერდებზე. უპირველეს ყოვლისა, DigiTimes-მა განაცხადა, რომ TSMC-ს არ გააჩნია თავისუფალი კვოტები 3-ნანომეტრიან პროდუქციაზე 2022 წლის მეორე კვარტლისთვის არც ერთი დამკვეთისთვის, გარდა Apple-ისა. მეორე, ამ დრომდე გავრცელებული ხმების საპირისპიროდ აღმოჩნდა, რომ Intel თავის 3-ნანომეტრიან შეკვეთებს TSMC-ისგან 2023 წელზე ადრე ვერ მიიღებს. ამავე მდგომარეობას გაიზიარებენ სხვა მომხმარებლებიც, მათ შორის AMD, NVIDIA, MediaTek და Qualcomm. რეალურად, მეორეული წყარო ამტკიცებს, რომ 2023 წელს TSMC-ის 3-ნანომეტრიანი ასორტიმენტის მხოლოდ გაფართოება დაიწყება, ასე რომ დაზუსტებით არ უნდა ჩაითვალოს, რომ ხსენებულ პროდუქციას AMD ან NVIDIA 2023 წელსვე მიიღებენ. Apple-ს თუ დავუბრუნდებით, მისი პირველი 3-ნანომეტრიანი კომპონენტები იქნება პროცესორები iPhone-ისთვის, MacBook სერია კი მსგავს პროცესორებს iPhone-ების შემდეგ მიიღებს. სამაგიეროდ, 5-ნანომეტრიანი ტექნოპროცესის შემთხვევაში შესაშური სიზუსტე ჩნდება: წყაროები ამტკიცებენ, რომ ამ ტექნოპროცესზე დამყარებული, AMD-სა და NVIDIA-ს პროდუქცია 2022 წლის მეორე ნახევარში გამოვა, მათ კი კომპანიონობას Qualcomm-ისა და MediaTek-ის 5-ნანომეტრიანი პროდუქცია გაუწევს. https://bit.ly/3AMC2ho

მიმდინარე კვირაში საერთაშორისო კოსმოსურ სადგურზე ხომალდ Cygnus-ის მეშვეობით 4 ტონა ტვირთი წაიღეს, მათ შორის აღჭურვილობა და მასალები უწონადობის პირობებში სხვადასხვა ექსპერიმენტის ჩასატარებლად. ასტრონავტებმა მიიღეს 3D-პრინტერი, რომელიც გამოყენებული იქნება სხვადასხვა საგნის დასაბეჭდად რეგოლიტითა და სხვა მასალებით. ფოტო: Universe Today ექსპერიმენტი Redwire Regolith Print მნიშვნელოვან როლს ასრულებს მთვარის ამერიკულ პროგრამაში. მისი მიზანია მთვარის რეგოლიტის, როგორც 3D-პრინტერისთვის საჭირო ნედლეულის გამოყენების შემოწმება. ახალი პრინტერი იმუშავებს ManD-თან ერთად - ეს არის საერთაშორისო კოსმოსურ სადგურზე უკვე არსებული 3D-პრინტერი. მის შემადგენლობაში შევა რამდენიმე ექსტრუდერი და საბეჭდი დაზგა, რომლებიც სპეციალურად მთვარის გრუნტის დამუშავებისთვის შემუშავდა. თუ ექსპერტიმენტის პირველი ნაწილი წარმატებული იქნება, ასტრონავტები სამგანზომილებიანი ბეჭდვის შედეგად მიღებული საგნების სიმყარეს შეამოწმებენ ASTM სტანდარტების მიხედვით, რომელიც 3D ბეჭდვის მასალების მახასიათებლების დასადგენად გამოიყენება. მეცნიერები ელიან, რომ რეგოლიტის სამშენებლო მასალად გამოყენების შესაძლებლობა გადამწყვეტ როლს შეასრულებს მთვარის პროგრამაში. 3D-პრინტერი RRP ექსპერიმენტისთვის. ფოტო: Redwire Space თუმცა, 3D პრინტერის ექსპერიმენტი არ არის ერთადერთი, რომელიც ყურადღების ღირსია. აღსანიშნავია ექსპერიმენტი Cardinal Muscle, რომლის ფარგლებში შესწავლილი იქნება კუნთების ფორმირების პროცესი უწონადობის პირობებში. იგი მკვლევარებს დაეხმარება შეიტყონ, რა გავლენას ახდენს მიკროგრავიტაცია კუნთოვანი მასის დაკარგვაზე ასაკთან ერთად. მეცნიერები აპირებენ მიკროგრავიტაციის პირობებში შეამოწმონ ისეთი წამლების შექმნის შესაძლებლობა, რომელთაც შეუძლია სარკოპენიის, ანუ კუნთოვანი მასის ასაკობრივი დაკარგვის, პროცესის შემსუბუქება. ექსპერიმენტი Kentucky Re-Entry Probe Experiment (KREPE) საკმაოდ იაფი მეთოდია თერმული დაცვის სისტემებისთვის (TPS) ფრენის მონაცემების შესაგროვებლად. ამგვარი სისტემები გამოიყენება ყველა კოსმოსურ ხომალდზე, რომლის მისიაა განახორციელოს კონტროლირებადი ხელახალი შესვლა დედამიწის ატმოსფეროში. ამ მიმართულებით მუშაობა მეცნიერებს საშუალებას მისცემს შეაგროვონ მნიშვნელოვანი ინფორმაცია, რაც ხელს შეუწყობს უფრო მოწინავე TPS-ის განვითარებას, რაც ძალზე მნიშვნელოვანია შემდგომი კოსმოსური კვლევებისთვის. სითბური ეკრანები ექსპერიმენტ KREPE-ის ჩატარებისთვის. ფოტო: University of Kentucky კიდევ ერთი ექსპერიმენტი - Flow Boiling and Condensation Experiment (FBCE) - დაკავშირებულია თერმორეგულირებასთან. თერმორეგულირების სისტემები არსებობს ერთფაზიანი და ორფაზიანი. ამჟამად მიკროგრავიტაციის პირობებში თერმორეგულირების ორფაზიანი სისტემის მუშაობის შესახებ ცოტა რამ არის ცნობილი და პროექტმა FBCE-მა ეს ვითარება უნდა შეცვალოს. კოსმოსში აგრეთვე მნიშვნელოვანია ნახშირორჟანგისგან გათავისუფლების ეფექტური სისტემის გამოყენება. Cygnus-მა საერთაშორისო კოსმოსურ სადგურზე წაიღო ახალი ოთხფენიანი CO2 სკრუბერი, იგი სადგურზე ამჟამად არსებული მოწყობილობის გაუმჯობესებული ვერსიაა. მას შეუძლია სადგურს გარეთ CO2 -ის გატანა ან პროცესში წყლის წარმოება, გარდა ამისა, დაგეგმილია დაკვირვება ობზე Physarum polycephalum, რომლის მდგომარეობის ყოველი ცვლილება კამერაზე დაფიქსირდება. https://bit.ly/37IJ22s

Intel-მა ინვესტორებს გაუზიარა, რომ ფლობს კრიპტობირჟა Coinbase-ის აქციების მცირე წილს. ეს ინფორმაცია ცნობილი გახდა მაშინ, როდესაც კომპანიამ შესაბამისი დოკუმენტები მიაწოდა აშშ-ს ფასიანი ქაღალდებისა და ბირჟების კომისიას (SEC). Coinbase-ში Intel-ის წილი მართლაც მცირეა, იგი შეფასებულია დაახლოებით 800 ათას აშშ დოლარად (3014 აქცია). კომპანიას არ დაუკონკრეტებია, როდის შეიძინა ეს აქციები. ეს შესაძლოა მომხდარიყო აპრილში, როდესაც Coinbase ბირჟაზე გავიდა, ან ამ მომენტის შემდეგ ნებისმიერ დროს. როგორც ჩანს, აქციების შესყიდვა სტრატეგიული მიზნებით განხორციელდა. სხვა კომპანიების აქტივების შესყიდვა ტექნოლოგიური კომპანიებისთვის სტრანდარტულ პრაქტიკას წარმოადგენს. ამგვარ ქმედებებს ახორციელებენ ან სტრატეგიული პარტნიორობის უზრუნველყოფის მიზნით, ან ინვესტიციებისთვის - იმედით, რომ აქციების ფასი გაიზრდება. იმის გათვალისწინებით, რომ აქციების წილი მცირეა ორივე კომპანიის მასშტაბებისთვის, ლოგიკურია ვარაუდი, რომ გადაწყვეტილება პირველ ვარიანტს შეესაბამება. ამ ჰიპოთეზას ადასტურებს ის ფაქტი, რომ Intel-მა გაასაჯაროვა ინფორმაცია ჯამში დაახლოებით 170 მლნ აშშ დოლარის ოდენობის ინვესტიციის შესახებ. ამასთან, Coinbase-ის აქციები აღმოჩნდა ყველაზე მცირე პოზიცია, ყველაზე მეტი ფული კი (160 მლნ აშშ დოლარი) ჩადებულია McAfee-ში, რომელიც ადრე Intel-ის ნაწილი იყო. გარდა ამისა, ჩამონათვალში აღმოჩნდა ნახევრადგამტარი აღჭურვილობის მწარმოებელი MaxLinear და კომპანია Shift4, რომელიც ანგარიშსწორების დამუშავებაზეა სპეციალიზებული. 2020 წელს Coinbase-ის მოგების მოცულობამ 21 მლრდ აშშ დოლარი შეადგინა და ამ მაჩვენებელთან 800 ათას აშშ დოლარიანი წილი უმნიშვნელო მაჩვენებელია. ასეა თუ ისე, კრიპტობირჟას ჰყავს მსხვილი ინვესტორები, კერძოდ ARK Invest, რომლის წილი 2 მლრდ აშშ დოლარადაა შეფასებული. https://bit.ly/3srovsU

SpaceX-ის ერთ-ერთი მთავარი მიზანი მიმდინარე წელს არის Starship-ის პირველი ორბიტალური გაშვება. ეს გრანდიოზული მოვლენა უნდა მოხდეს წლის ბოლოსთვის, მაგრამ ილონ მასკის კომენტარებზე დაყრდნობით მხოლოდ რამდენიმე კვირა დარჩა ხომალდის გაშვებისთვის მზადყოფნამდე. SpaceX-ის ხელმძღვანელმა სოციალურ ქსელ Twitter-ში კვლავ გააზიარა რამდენიმე დეტალი. მასკის კომენტარის თანახმად Starship ორბიტალური ფრენისთვის რამდენიმე კვირაში იქნება მზად, შემდეგ კი საჭირო იქნება ნებართვის მოპოვება მარეგულებელი ორგანოების მხრიდან. ნებართვის მიღების პროცესი შესაძლოა საკმაოდ დიდხანს გაგრძელდეს, აგრეთვე, SpaceX-ის ხელმძღვანელს არაფერი უთქვამს დამატებითი ტესტირებების ჩატარების შესახებ, თუმცა ფაქტია ხომალდი მალე მზად იქნება და ეს დიდი მიღწევაა. აგვისტოს დასაწყისში SpaceX-მა დაასრულა სუპერმძიმე ამაჩქარებელ Super Heavy Booster 4-ზე მუშაობა და დაამონტაჟა მასში 29 Raptor ძრავი, აგრეთვე მოამზადა რაკეტა Starship ორბიტალური ფრენისთვის.იგი პირველად აღიჭურვა ექვსი ძრავით, რომელთაგან სამი ვაკუუმურია. Booster 4-თან ერთად მთლიანი კონსტრუქციის სიმაღლე 120 მეტრს შეადგენს. https://bit.ly/3xIToKg

სამხრეთკორეული ტექნოლოგიური გიგანტი Samsung იყო ერთ-ერთი პირველი, ვინც გამოიყენა ხელოვნური ინტელექტი მიკროსქემების შესაქმნელად. ამისთვის კომპანია იყენებს Synopsys-სის ახალ პროგრამულ უზრუნველყოფას, ჩიპების დაპროექტებისთვის საჭირო პროგრამული უზრუნველყოფის წამყვანი დეველოპერის ქმნილებას, რომლის ტექნოლოგიები ინდუსტრიაში ფართოდ გამოიყენება. Samsung-მა შექმნა ხელოვნური ინტელექტის მიერ შექმნილი რეალური კომერციული პროცესორის პირველი ნიმუში. სხვა ტექნოლოგიური გიგანტები, მათ შორის Google და NVIDIA, ადრე განიხილავდნენ ხელოვნური ინტელექტის მეშვეობით მიკროსქემების შექმნის შესაძლებლობებს. თუმცა Synopsys-ის ინსტრუმენტი, სახელად DSO.ai ყველაზე პერსპექტიულად გამოიყურება Synopsys-ის გამოცდილებისა და იმ ფაქტის გათვალისწინებით, რომ იგი ათეულობით ჩიპმეიკერთან თანამშრომლობს. საწარმოო ექსპერტების აზრით ეს ინსტრუმეტი დააჩქარებს ჩიპების შემუშავებასა და შემოგვთავაზებს ახალ იდეებს მიკროსქემების კონსტრუქციის მხრივ. Synopsys-ს კიდევ ერთი ღირებული აქტივი აქვს ხელოვნური ინტელექტის რესურსით მიკროსქემების შექმნისთვის. საუბარია მოწინავე ნახევრადგამტარი მოწყობილობების შემუშავების მრავალწლიან გამოცდილებაზე, რომელთა გამოყენება შესაძლებელია ხელოვნური ინტელექტის ალგორითმების სწავლებისთვის. Samsung-ის წარმომადგენელმა დაადასტურა, რომ კომპანია იყენებს ხელოვნური ინტელექტით აღჭურვილ Synopsys-ის პროგრამულ უზრუნველყოფას საფირმო Exynos ჩიპსეტების შესაქმნელად. თუმცა, კომპანიას არ განუმარტავს, ხდება თუ არა ხელოვნური ინტელექტის მიერ შემუშავებული ჩიპების მასობრივი წარმოება და თუ ასეა, რომელ პროდუქტებში გამოიყენება ისინი. არსებობს კიდევ ერთი მაგალითი. Google-ის ივნისში გამოქვეყნებულ დოკუმენტში აღწერილია ხელოვნური ინტელექტის გამოყენება Tensor-ჩიპებში ბლოკების ოპტიმალური განთავსების ძიებისთვის. ეს ჩიპები Samsung-თან ერთად შეიქმნა, მათი დებიუტი Pixel 6 სმარტფონებში უახლოეს დროში შედგება. თუმცა Google-ის წარმომადგენლები ჯერჯერობით არ აკონკრეტებენ, დაეხმარა თუ არა ხელოვნური ინტელექტი Tensor-ის შექმნაში. Samsung-ის გარდა ხელოვნური ინტელექტით ჩიპების შექმნით დკავებულნი არიან NVIDIA და IBM. Linley Group-ის უფროსი ანალიტიკოსი მაიკ დემლერი (Mike Demler), რომელიც ზედამხედველობს მიკროსქემების შექმნისთვის საჭირო პროგრამული უზრუნველყოფის განვითარებას, აცხადებს, რომ ხელოვნური ინტელექტი კარგად უმკლავდება კრისტალზე მილიარდობით ტრანზისტორის განთავსების ოპტიმიზაციას. იგი მიიჩნევს, მალე ხელოვნური ინტელექტი ჩიპების შექმნისთვის საჭირო ინსტრუმენტების ნაკრების სტანდარტული ნაწილი გახდება. დემლერი ამბობს, რომ ამჟამად ხელოვნური ინტელექტის გამოყენება ძვირი ჯდება, რადგან ალგორითმის სწავლებისთვის საჭიროა უამრავი ნედლი მონაცემი. მაგრამ იგი ელის, რომ ხელოვნური ინტელექტის გამოყენება გაცილებით ხელმისაწვდომი გახდება, რადგან მანქანური სწავლების მოდელები უფრო ეფექტური გახდება. თუმცა დემლერმა აღნიშნა, რომ მიკროსქემების დაპროექტებასთან დაკავშირებული ბევრი პროცესის ავტომატიზაცია შეუძლებელია, ასე რომ ჩიპმეიკერებს კვლავ დასჭირდებათ გამოცდილი ინჟინრები. Synopsys-ის, Google-ის, NVIDIA-სა და IBM-ის მიერ გამოყენებული მიდგომა იყენებს მანქანური სწავლების მეთოდს, რომელსაც ეწოდება გაძლიერებული სწავლება. იგი გულისხმობს ალგორითმის სწვალებას „ჯილდოს“ ან „დასჯის“ მეშვეობით, რაც ეფექტური მიდგომა აღმოჩნდა ადამიანის მიერ მკაცრად ფორმალიზებული განსჯის აღსაწერად. ამ მეთოდს შეუძლია ავტომატურად შექმნას ციფრული ჩიპის დიზაინის საფუძველი, მათ შორის კომპონენტების განთავსება და მათი დაკავშირება სილიკონის ჩიპზე. ალგორითმის გამოყენებას შეუძლია დააჩქაროს დიზაინის შექმნის პროცესი და ინჟინრებს საშუალება მისცეს უფრო ეფექტურად მოახდინონ ექსპერიმენტირება სქემებში. ნახევარგამტარი ჩიპები და ინსტრუმენტები, რომლებიც გამოიყენება მათი დაპროექტებისა და დამზადებისთვის, სულ უფრო ღირებული აქტივები ხდება. მაგალითად, აშშ-ს ხელისუფლებამ ჩინეთის ტექნოლოგიური სექტორის წინააღმდეგ სანქციების გამკაცრების მიზნით გადაწყვიტა ჩიპების შემუშავების პროგრამული უზრუნველყოფის დამატება ექსპორტის კონტროლის სიაში. https://bit.ly/3CPAt4h

სმარტფონების მწარმოებელი ჩინური ბრენდი Honor გამოუშვებს პირველ სმარტფონს ციფრული იუანის მხარდაჭერით. ამის შესახებ CoinDesk იუწყება კომპანიის ხელმძღვანელ ჯორჯ ჩჟაოს განცხადებაზე დაყრდნობით. Snapdragon 888-ის ბაზაზე არსებული ახალი Magic 3 მოწყობილობები აღჭურვილია აპარატურული საფულეებით ჩინეთის სახალხო ბანკის ციფრულ ვალუტასთან მუშაობისთვის. ცენტრალური ბანკი დარწმუნებულია, რომ ასეთი საფულეები უზრუნველყოფენ უსაფრთხოების დონის გაზრდას. შეგახსენებთ, რომ ჩინეთის სახალხო რესპუბლიკა აქტიურად მუშაობს ციფრული იუანის განვითარებაზე. გასულ თვეში ჩინეთის ცენტრალურმა ბანკმა გამოაქვეყნა ციფრული ვალუტის პირველი white paper. ივნისში ცნობილი გახდა, რომ პეკინის ხელისუფლება გაანაწილებდა 6 მლნ აშშ დოლარზე მეტს აქტივის ტესტირების ფარგლებში, აგვისტოში კი მათ განახორციელეს მისი სრულიად ინტეგრირება საგადახდო ეკოსისტემაში. https://bit.ly/2VT0Mpp

ინტერნეტის მომხმარებელთა უმეტესობისთვის ცნობილია Boston Dynamics-ის რობოტიზებულ ძაღლ Spot-ის არსებობის შესახებ, რომელიც კომპანიის დაკვეთით მზადდება და ღირს 75 ათას აშშ დოლარზე მეტი. რობოტს ფართო ფუნქციონალი გააჩნია და მისი გამოყენება საყოფაცხოვრებო პირობებშიც შეიძლება, თუმცა მომხმარებელს მისი ღირებულება აფრთხობს. კომპანია Xiaomi-მ დაიწყო საკუთარი რობო-ძაღლის შექმნაზე მუშაობა, რომელიც გარეგნულად Spot-ის მსგავსი იქნება, სახელად კი ეწოდება CyberDog. რობოტი აღიქვამს პატრონის ხმოვან ბრძანებებს და შეუძლია სახის მობრუნება. რობოტის საბაზისო ფუნქციონალი საკმაოდ მოკრძალებულია, იგი უბრალოდ უკან დაყვება მფლობელს, აწვდის თათს და ნახტომს აკეთებს უკუმიმართულებით, თუმცა რობოტში ჩამონტაჟებული მიკროკომპიუტერი Jetson Xavier NX საშუალებას იძლება რობოტი აპლიკაციის მეშვეობით იმართოს. CyberDog-ის სადემონსტრაციო ვიდეო შეგიძლიათ ნახოთ ბმულზე: https://bit.ly/37Cm5Of ზემოთხსენებული მიდგომა ზრდის რობოტის ფუნქციონალს აპლიკაციის მეშვეობით, 128 გბ მოცულობის SSD, HDMI და Type-C პორტები კი ხელს უწყობენ ამაში. Spot-ის ჩინური ანალოგის ფასია 1500 აშშ დოლარი, შედეგად იგი ბაზარზე ყველაზე ხელმისაწვდომ რობოტად ითვლება. https://bit.ly/3m1NO3A

ენთუზიასტმა Fritzchens Fritz -მა გააზიარა ერთ-ერთი ჰიბრიდული AMD Ryzen 5000G პროცესორის ინფრაწითელი ფოტოები, რომელსაც მოხსნილი აქვს თბოგამანაწილებელი სახურავი. შეგახსენებთ, ამ სერიაში წარმოდგენილია როგორც მობილური, ისე დესკტოპ სეგმენტის კონფიგურაციები, რომლებიც შეიცავს 8-მდე Zen 3 ბირთვს და ინტეგრირებულ Vega გრაფიკას. ფოტოს წყარო: Fritzchens Fritz თავად AMD-მ ადრე წარადგინა ახალი სერიის APU-ის შიდა სტრუქტურის ოფიციალური სურათები, თუმცა ესენი იყო მხოლოდ მხატვრული წარმოდგენები და არა - რეალური ფოტომასალა. კვლევისთვის Fritzchens Fritz-მა გამოიყენა ჩიპი Ryzen 5 5600G. ამ პროცესორს მხოლოდ 6 ბირთვი აქვს, თუმცა იგი აგებულია იმავე კრისტალზე, რაზეც უფროსი რვაბირთვიანი Ryzen 5 5700G, რომელშიც ორი ბირთვი გამორთულია. როგორც წყარო აღნიშნავს, უფრო დიდი Zen 3 ბირთვების გამო Cezanne APU-ების ფართობი 16%-ით აღემატება ჰიბრიდულ Renoir-ს Zen 2 ბირთვზე და აღწევს 179.9 მმ2-ს. სპეციალისტების ანალიზი აჩვენებს, რომ Cezanne კრისტალის ნაწილი, რომელზეც გამომთვლელი ბირთვებია განთავსებული, 27%-ით დიდია Renoir-თან შედარებით. Renoir-ის კრისტალი დეტალებში Cezanne-ის კრისტალი დეტალებში ენთუზიასტების აზრით AMD-ს შეეძლო მეტი iGPU ბირთვების დამატება ჩიპის შემადგენლობაში, რათა გამოეყენებინა არა რვა, არამედ მეტი PCIe ხაზი. თუმცა როგორც ჩანს, კრისტალის საწარმოო ღირებულება და ენერგომოხმარების დონე კომპანიისთვის უფრო მნიშვნელოვანი აღმოჩნდა. https://bit.ly/3CKoh4B

კრიპტო ბირჟა Coinbase-მა დაამატა კრიპტოვალუტების - IoTeX (IOTX), Orion Protocol (ORN), Tribe (TRIBE) და TerraUSD (UST) მხარდაჭერა Ethereum-ის ქსელის ბაზაზე. მომხმარებლებისთვის აქტივები ხელმისაწვდომია ონლაინ-პლატფორმის ან კომპანიის Android-და iOS-აპლიკაციების მეშვეობით. მონეტებით ვაჭრობა აგრეთვე მხარდაჭერილია Coinbase Pro პლატფორმაზე. Coinbase-ზე ვაჭრობის დაწყების შემდეგ პლატფორმა IoTeX-ის ტოკენის კოტირებები (ტოკენები განკუთვნილია IoT მოწყობილობებისა და დეცენტრალიზებული პროგრამების დასაკავშირებლად) 42%-ით გაიზარდა. IOTX-ის კურსმა გახსნის მომენტიდან 0.116 აშშ დოლარიდან 0.165 აშშ დოლარს მიაღწია, თუმცა მომდევნო ვარდნის პირობებში 0.108-მდე შემცირდა. წყარო: TradingView. პროექტ Orion Protocol-ის მონეტის ფასი, რომელიც განკუთვნილია ცენტრალიზებული და დეცენტრალიზებული ბირჟების ლიკვიდურობის ერთ პლატფორმაზე გაერთიანებისთვის, აგრეთვე გაიზარდა ლისტინგის დაწყებისას. ORN-ის ფასი 9.9 აშშ დოლარიდან 10.48$-მდე გაიზარდა. კორექციის შემდეგ იგი დაახლოებით 9.7 აშშ დოლარად იყიდება. წყარო: TradingView. Tribe (TRIBE) Fei პროტოკოლით მართვადი ტოკენია, რომელიც უშვებს დოლარზე მიბმულ დეცენტრალიზებულ Stablecoin-ს, სახელად FEI. TRIBE-ის ფასი Coinbase-ზე აღწერილ ტრაექტორიას მიჰყვა- გაიზარდა 0.756-დან 0.808 აშშ დოლარამდე, შემდეგ მოხდა კორექცია. სტატიის წერის მომენტში კოტირებები დაახლოებით 0.73 $-ის დონეზეა - გახსნამდე არსებულ ფასზე დაბალი. წყარო: TradingView. დეცენტრალიზებული Stablecoin TerraUSD-ის (UST) ღირებულება ერთი აშშ დოლარის ტოლია. მონეტა არ არის მხარდაჭერილი ფიატური რეზერვებით ან ფასიანი ქაღალდებით, ერთი UST-ის გამოსაშვებად აუცილებელია დაიწვას 1$ ღირებულების Terra (LUNA) სარეზერვო აქტივი. https://bit.ly/3iHmCF1

ჩინურმა კომპანია Honor-მა Magic 3 და Magic 3 Pro მოდელების შემდეგ დააანონსა ფლაგმანური Pro+ ვერსია. იგი აგებულია Pro ვარიანტის ბაზაზე, აქვს კერამიკის კორპუსი, უზარმაზარი კამერა და მისი ფასი 1499 ევროს შეადგენს. Honor Magic 3 Pro+ მოდელსა და Magic 3 Pro-ს შორის მთავარი განსხვავება კამერებშია. Pro+ ვერსიას გააჩნია უზარმაზარი ფართობი, რომელზეც განთავსდა ოთხი ოპტიკური მოდული მოზრდილ ToF სენსორთან ერთად პორტრეტული რეჟიმისთვის, აგრეთვე ფერის ტემპერატურის სენსორი. ძირითადი კამერის სენსორი 50-მეგაპიქსელიანია, ეს არის არა Sony IMX766, არამედ Sony IMX700 - 1/1.28 ოპტიკური ფორმატით 1.22 მკმ პიქსელით. ოპტიკის ფოტოძალა შეადგენს f/1,9-ს, ეკვივალენტური ფოკუსური მანძილი - 23 მილიმეტრს. ხელმისაწვდომია ოპტიკური სტაბილიზაცია. კომპანიამ გადაწყვიტა არ შეეცვალა ტელეფოტოობიექტივი, ასევე მონოქრომული მოდული. ულტრა ფართოკუთხიანი კამერა კი მნიშვნელოვნად გაუმჯობესდა. პირველ რიგში გაფართოება გაიზარდა 13 მეგაპიქსელიდან 64 მეგაპიქსელამდე. მეორე, ხედვის კუთხეა 126 გრადუსი 120 გრადუსის ნაცვლად. მაგრამ ნაკლებია განათება f / 2.4 - f / 2.2-ს ნაცვლად. ხელმისაწვდომია ვიდეოს გადაღება 4K ULTRA HD ფორმატში 60 FPS სიხშირით. Honor Magic 3 Pro+-სა და Magic 3 Pro-ს შორის მეორე განსხვავება დიზაინს ეხება. ფლაგმანურ სმარტფონს დიდი ფართობი აქვს, უკანა პანელზე გაჩნდა ვერტიკალური ზოლები. მოწყობილობა ხელმისაწვდომია შავ და თეთრ ფერში მხოლოდ კერამიკის კორპუსით. მესამე განსხვავება - არ არის წარმოდგენილი მოდიფიკაცია 8 გბ ოპერატიული და 256 გბ შიდა მეხსიერებით. მთავარი ფლაგმანი გაიყიდება 12 გბ ოპერატიული და 512 გბ შიდა მეხსიერების მქონე ვერსიის სახით. იგი იმუშავებს ოპერაციულ სისტემა Android 11-ზე, წარმოდგენილი იქნება Magic UI 5.0 firmware და დაყენებული Google-ის სერვისები. და ბოლო განსხვავება Pro და Pro+ მოდელებს შორის ფასია. Honor Magic 3 Pro+-ს სარეკომენდაციო ფასი 1499 ევროა, სტანდარტული Pro მოდელი კი 1099 ევროდ არის შეფასებული. https://bit.ly/37GkE1k

უახლოეს წლებში Samsung აპირებს განახორციელოს ფართომასშტაბიანი პროგრამა Galaxy for the Planet. მის ფარგლებში გათვალისწინებულია კომპანიის ყველა მობილურ მოწყობილობაში მეორადი ნედლეულის კომპონენტების გამოყენება, ენერგიის მოხმარების შემცირება, ახალი პროდუქტების წარმოებისა და ძველი მოდელების დამუშავების პრინციპების გადახედვა. samsung.com „Samsung-ს ესმის, რომ ჩვენი ძალისხმევა უნდა შეესაბამებოდეს ჩვენს მასშტაბს, ჩვენს გავლენას და Galaxy-ეკოსისტემის მოცულობას მთელ მსოფლიოში. Galaxy for the Planet ჩვენს გზაზე გადადგმული მნიშვნელოვანი ნაბიჯია უფრო ეკოლოგიური სამყაროსკენ“ - განაცხადა Samsung Electronics-ის მობილური კომუნიკაციების ქვეგანყოფილების ხელმძღვანელმა და პრეზიდენტმა TM Roh-მა. განყოფილების მდგრადი განვითარების კონცეფცია ითვალისწინებს მნიშვნელოვანი წვლილის შეტანას კლიმატის ცვლილების წინააღმდეგ ბრძოლაში იმ რეგიონებში, სადაც კომპანია მუშაობს. განისაზღვრა პირველადი მიზნები 2025 წლისთვის, რათა შემცირდეს გარემოზე უარყოფითი ზემოქმედება. პირველ რიგში, 2025 წლისთვის ყველა ახალ მობილურ პროდუქტში გამოყენებული იქნება გადამუშავებული მასალები. პროგრამა-მაქსიმუმია „ჩაკეტილი ციკლის ეკონომიკის“ მიღწევა. მეორე - 2025 წლისთვის იგეგმება პლასტმასის გამორიცხვა მობილური მოწყობილობების შეფუთვებიდან. ამ მიზნით ზედმეტი ელემენტები და მასალები ჩანაცვლდება ეკოლოგიურად უსაფრთხო მასალებით. იმავე წლისთვის მწარმოებელი კომპანია აპირებს ყველა დამტენის ენერგომოხმარება ლოდინის რეჟიმში 0.005 ვატამდე შეამციროს. ჯერჯერობით შესაბამისი მაჩვენებელი შემცირებულია 0.2 ვატამდე, მაგრამ მიიჩნევა, რომ დაგეგმილი მაჩვენებელი მიღწეული იქნება განსაზღვრულ ვადებში. მაქსიმალური პროგრამაა დამტენების ნულოვანი ენერგომოხმარება ლოდინის რეჟიმში. დაბოლოს, 2025 წლისთვის მობილური ელექტრონიკის წარმოებაში ნარჩენების რაოდენობა უნდა შემცირდეს იმ დონემდე, რომ იგი არ საჭიროებდეს ნაგავსაყრელზე ნარჩენების განთავსებას. გარდა ამისა, Samsung აპირებს გააუმჯობესოს მოწყობილობების სასიცოცხლო ციკლი, გააუმჯობესოს განვითარების პროცესები და განახორციელოს ისეთი პროგრამები, როგორიცაა Galaxy Upcycling და „Trade-in”. ამ მიზნების მისაღწევად უკვე ბევრი რამ კეთდება. Samsung-ის თანახმად კომპანიის პროდუქცია შექმნილია გარემოზე მინიმალური ზემოქმედების გათვალისწინებით, ენერგოეფექტური ნახევარგამტარი ჩიპების, ეკოლოგიურად სუფთა შეფუთვის, ენერგიის დაზოგვის ტექნოლოგიების და გადამუშავების შესაძლებლობების გამოყენებით. კომპანიის უახლესი მიღწევები აღწერილია 2021 წლის მდგრადი განვითარების ანგარიშში. https://bit.ly/3iHgQDg

Ethereum-ის ღირებულების ზრდასთან ერთად შესაძლოა კვლავ გაჩნდეს ვიდეო დაფების ხელმისაწვდომობის პრობლემა, რაც AMD-ის ახალ დაფას უქმნის საფრთხეს. Reddit-ის ინფორმაციის თანახმად AMD Radeon RX 6600 XT კარგ შედეგს აჩვენებს მაინინგში და შესანიშნავ ეფექტურობას გვთავაზობს სხვა მოწყობილობებთან შედარებით. AMD-ის RDNA2 არქიტექტურაზე დამყარებული გრაფიკული პროცესორები, როგორც წესი, მაინინგში არ გამოიყენება NVIDIA-ს Ampere არქიტექტურის მოდელებთან შედარებით მაღალი ფასისა და გაცილებით დაბალი მაინინგ-წარმადობის გამო. RDNA2 გრაფიკულ პროცესორებში წარმადობაზე განსაკუთრებით ნეგატიურად მოქმედებს მეხსიერების ვიწრო სალტეები. თუმცა, როგორც ტესტებიდან ჩანს, ეს პრობლემა არ ეხება გრაფიკულ პროცესორ Navi 23-ზე დამყარებულ ვიდეო დაფებს. Radeon RX 6600 XT დაფა, რომელსაც აქვს 2048 ნაკადური პროცესორი, 8 გბ GDDR6 მეხსიერება 128-ბიტიანი ინტერფეისით, დემონსტრირებს 28 MH/s წარმადობას 93 ვატი სიმძლავრის პირობებში. ამგვარი შედეგები მიიღო Dizzy Mining-მა, რომელმაც გამოიყენა MSI RX 6600 XT Gaming X. მაინინგის სიჩქარის გაზრდის მიზნით მან გრაფიკული პროცესორის მაქსიმალური სიხშირე 1.2 გჰც-მდე შეამცირა და გაზარდა მეხსიერების სამუშაო სიხშირე 2.2 გჰც-მდე. განხორციელებული მანიპულაციების შემდეგ მაინინგის წარმადობა 32 MH/s-მდე გაიზარდა, ენერგომოხმარება კი 55 ვატამდე შემცირდა. https://bit.ly/3yHIDJl

სამხრეთკორეულმა კომპანიამ წარადგინა დასაკეცი სმარტფონი Samsung Galaxy Z Flip 3. მას აქვს კომპაქტური დამატებითი დისპლეი, ორი ძირითადი კამერა, ერთი ფრონტალური კამერა და მთელი რიგი საინტერესო მახასიათებლები. Samsung Galaxy Z Flip 3 სმარტფონს აქვს ძირითადი დისპლეი Foldable Dynamic AMOLED 2X, 120 ჰერცი კადრის განახლების სიხშირით. მატრიცა შეესაბამება HDR10+ სტანდარტს და აქვს მაქსიმალური 1200 ნიტი სიკაშკაშის მაჩვენებელი. დიაგონალი 6.7 დუიმია, გაფართოება - 1080 x 2640 პიქსელი. მეორე დისპლეი განთავსებულია უკანა მხარეს. მასში გამოყენებულია 1.9-დუიმიანი, Super AMOLED ტექნოლოგიით დამზადებული მატრიცა, რომლის გაფართოებაა 260 x 512 პიქსელი და იგი განკუთვნილია შეტყობინებების გამოტანისთვის. უკანა და წინა მხარეს სმარტფონს აქვს დამცავი მინა Gorilla Glass Victus. კორპუსს გააჩნია IPX8 სტანდარტის დაცვა წყლისგან. Samsung Galaxy Z Flip 3-ში გამოყენებულია 5-ნანომეტრიანი ერთკრისტალიანი სისტემა Snapdragon 888 და 8 გბ ოპერატიული მეხსიერება. შიდა მეხსიერების მოცულობაა 128 ან 256 გბ მოდიფიკაციის შესაბამისად. ბატარეის მოცულობაა 3300 მა/სთ, აქვს 25-ვატიანი სადენიანი და 11-ვატიანი უსადენო დამუხტვის მხარდაჭერა. აგრეთვე ხელმისაწვდომია რევერსული დამუხტვა უსადენო გზით, მისი სიმძლავრე 4.5 ვატს შეადგენს. Samsung Galaxy Z Flip 3 მოდელის ძირითადი კამერის მოდულების გაფართოებაა 12+12 მპ. შესაძლებელია ვიდეოს ჩაწერა 4K UHD ფორმატში კადრის 60 FPS სიხშირით. ხელმისაწვდომია ოპტიკური სტაბილიზაცია, არ არის წარმოდგენილი ტელეობიექტივი. 10-მეგაპიქსელიან ფრონტალურ კამერასაც შეუძლია 4K UHD ფორმატის ვიდეოს ჩაწერა, თუმცა 30 FPS სიხშირით. სამხრეთკორეული კომპანია ამ დრომდე არ ათავსებს თითის ანაბეჭდის სკანერს დასაკეცი ეკრანის ქვეშ. ახალ მოწყობილობებში იგი კორპუსის მარჯვენა გვერდზეა განთავსებული. სმარტფონში წარმოდგენილია პროგრამული უზრუნველყოფა One UI 3.5 ოპერაციულ სისტემა Android 11-ს ბაზაზე, აგრეთვე AKG-ს სტერეოდინამიკები, NFC, Bluetooth 5.1 და Wi-Fi 6. სმარტფონს არ აქვს ყურსასმენის პორტი და microSD სლოტი. https://bit.ly/3iFXCyc

გზის გავლის ადეკვატური მარაგის მქონე ელექტრომობილები ჯერჯერობით ძვირ სიამოვნებად რჩება, ამიტომ ბაზარი იზრდება პრემიალური და მასთან ახლოს მყოფი სეგმენტის მოდელების ხარჯზე. ჩინური კომპანია Nio ლოკალურ ბაზარზე ივლისის შეჯამებით მეოთხე ადგილს იკავებს 7931 რეალიზებული ელექტრომობილით. მომდევნო წელს იგი აპირებს კიდევ ორი ახალი მოდელის წარდგენას, აგრეთვე ემზადება ახალი ბრენდით მასიურ სეგმენტზე გასვლისთვის. Nio-მ მიმდინარე კვირაში კიდევ ერთხელ მიიპყრო ყურადღება, რადგანაც მეორე კვარტალში კომპანიამ შეძლო ზარალის თითქმის ორჯერ, 102 მლნ აშშ დოლარამდე შემცირება გასული წლის ანალოგიურ პერიოდთან შედარებით. აპრილიდან ივნისამდე პერიოდში Nio-მ მომხმარებლებს მიაწოდა 21789 ელექტრომობილი, რაც ორჯერ აღემატება გასული წლის ანალოგიური კვარტლის მაჩვენებელს. იანვარში Nio-მ წარადგინა თავისი პირველი სედანი ET7, მანამდე კომპანია სპეციალიზდებოდა ელექტრო ქროსოვერების წარმოებაზე. ახალი სედანის მიწოდება 2022 წელს დაიწყება. როგორც Reuters აღნიშნავს, Nio-ს ხელმძღვანელმა უილიამ ლიმ განაცხადა, რომ მომდევნო წელს კიდევ ორ ახალ მოდელს წარადგენს, თუმცა მათი მახასიათებლების გაზიარებაზე უარი თქვა. კომპანია აპირებს მასობრივ სეგმენტზე გასვლას ახალი სავაჭრო ნიშნით და ამ ბრენდისთვის გუნდი ამჟამად უკვე შექმნილია. Nio ევროპის ბაზარზე შესვლას ნორვეგიიდან აპირებს, სადაც ელექტრომობილები მეტად პოპულარულია, ათწლეულის შუა პერიოდისთვის კი განიხილავს აკუმულატორების შესაცვლელი საფირმო სადგურების რაოდენობის 4 ათასამდე გაზრდას. ამგვარი მიდგომა ბატარეის ხანგრძლივი დამუხტვის ალტერნატივაა - ავტომატური მანიპულატორები შეცვლიან დამჯდარ აკუმულატორს რამდენიმე წუთში, ელქტრომობილის მფლობელი გზის გაგრძელებას ფაქტობრივად დროის დაკარგვის გარეშე შეძლებს. https://bit.ly/3iGTsWN

სამშაბათს, 10 აგვისტოს, აშშ-ის სენატმა წარმომადგენელთა პალატაში გაგზავნა ორპარტიული კანონპროექტი, რომელიც ითვალისწინებს 1 ტრილიონი აშშ დოლარის შეგროვებას ქვეყნის ინფრასტრუქტურის განახლების მიზნით. დოკუმენტი შეიცავს "ბროკერის" კონცეფციის გაფართოებულ განსაზღვრებას. მაგალითად, მაინერებსა და ბლოკჩეინზე მომუშავე ოპერატორებს, საფულეების დეველოპერებს, DeFi პროტოკოლებში ლიკვიდურობის პროვაიდერებს და სხვა კასტოდიალურ მოთამაშეებს შეიძლება მოეთხოვოთ საგადასახადო სამსახურისთვის ანგარიშის ჩაბარება საკუთარი მომხმარებლების საქმიანობის შესახებ. ამ ფორმით კანონპროექტის მოთხოვნები ტექნიკურად შეუძლებელია, რის გამოც დოკუმენტი არაერთხელ გააკრიტიკეს კრიპტოინდუსტრიის წარმომადგენლებმა, მათ შორის ილონ მასკმა და ჯეკ დორსიმ. სენატორების, რონ უაიდენის, სინტია ლამისისა და პეტ ტუმის შემოთავაზებაა დოკუმენტიდან გამოირიცხოს საქმიანობის მითითებული სახეობები და არ გავრცელდეს მათზე ბროკერების მიმართ დაწესებული ნორმები. მათ დაეთანხმა კოლეგა რობ პორტმანი, თუმცა მან წამოაყენა მორიგი შესწორება, რომელიც გამორიცხავდა მხოლოდ იმ მაინერებსა და აღჭურვილობის ან პროგრამული უზრუნველყოფის მომწოდებლებს, რომლებიც ცალკეულ პირებს პრივატული გასაღებების კონტროლის საშუალებას აძლევენ. მისი წინადადების მიღების შემთხვევაში გაურკვეველი რჩება PoS-ვალიდატორების სტატუსი. 9 აგვისტოს დემოკრატებმა, რესპუბლიკელებმა და ფინანსთა სამინისტრომ მიაღწიეს კომპრომისს, მაგრამ შესაბამისმა შესწორებამ ვერ მიიღო ერთსულოვანი მხარდაჭერა - მის წინააღმდეგ გამოვიდა 87 წლის რიჩარდ შელბი. ჟურნალისტ ჯეიკ შერმანის თქმით, რესპუბლიკელმა შელბიმ აღიარა, რომ იგი ეთანხმებოდა შესწორებას, მაგრამ დაბლოკა, რადგან სხვებმა არ განიხილეს მისი წინადადება თავდაცვის ხარჯების შესახებ. ახლა ინდუსტრიის ლობისტები სენატში წარუმატებლობის გამო მიზნად ისახავენ ახალი ცვლილების შეტანას აშშ-ის კონგრესის ქვედა პალატაში. https://bit.ly/3yCkUdC

კომპანია NVIDIA-მ წარადგინა სპეციალიზებული გრაფიკული ამაჩქარებელი RTX A2000, რომელიც განკუთვნილია სამუშაო სადგურების შემადგენლობაში გამოყენებისთვის. ახალი ვიდეო დაფა Ampere არქიტექტურის ყველაზე კომპაქტური მოდელია და შესაძლებელია უპრობლემოდ მოთავსდეს SFF ფორმ-ფაქტორის ყველაზე პატარა კორპუსებშიც კი. ფოტოს წყარო: NVIDIA RTX A2000 მოდელი პირველ რიგში განკუთვნილია პროფესიონალებისთვის, რომელთაც სურთ რეითრეისინგის ტექნოლოგიისა და ხელოვნური ინტელექტის უპირატესობებით სარგებლობა. დაფა უზრუნველყოფს 8 Tflops წარმადობას, გააჩნია 3328 CUDA ბირთვი და 6 გბ GDDR6 ვიდეომეხსიერება შეცდომების კორექციის ფუნქციით (ECC). მეხსიერება დაკავშირებულია 192-ბიტიანი სალტით და უზრუნველყოფს 288 გბ/წმ სიჩქარეს. ამგვარი მახასიათებლების წყალობით ახალი ვიდეო დაფა მეტი წარმადობის მქონეა, ვიდრე მობილური GeForce RTX 3050, ამასთან მხოლოდ 70 ვატ ენერგიას მოიხმარს. RTX A2000 დაფის გამოყენების მთავარი გარემოა სხვადასხვა გრაფიკული რედაქტორები და 3D მოდელირების პროგრამები, როგორიცაა Blender, Autodesk 3DS Max და სხვა. ვიდეო დაფას აქვს მეორე თაობის RT ბირთვი, ასევე მესამე თაობის ტენსორული ბირთვი, რათა დაჩქარდეს ხელოვნურ ინტელექტთან დაკავშირებული ამოცანები. ვიდეო დაფის კომპონენტების გაგრილებაზე პასუხისმგებელია ტანგენციალური ტიპის ქულერი. დაფას აქვს ოთხი DisplayPort 1.4. RTX A2000 მოდელის სიგანე შეადგენს დაახლოებით 7 სმ-ს, სიგრძე - 17 სმ-ს, რაც თითქმის ნახევარია, ვიდრე ფლაგმანური გეიმინგ ამაჩქარებელ GeForce RTX 3090-ს გაბარიტები. RTX A2000  ვიდეო დაფა ASUS-ის, Dell-ის, HP-ს, Lenovo-სა და ბევრი სხვა კომპანიის სამუშაო სადგურებში მიმდინარე წლის ოქტომბრიდან გამოჩნდება. NVIDIA ახალ ვიდეო დაფას დაახლოებით 450 აშშ დოლარად აფასებს. https://bit.ly/3fUe9MZ

SpaceX-ის დამფუძნებელმა ილონ მასკმა NASA-ს დახმარება შესთავაზა მთვარეზე ფრენისთვის საჭირო სკაფანდრის შექმნაში. ამის შესახებ ბიზნესმენმა Twitter-ის მეშვეობით განაცხადა. ამრიგად მოახდინა მან რეაგირება კოსმოსური სააგენტოს ინსპექციის ანგარიშზე, რომელშიც დაფიქსირდა გრაფიკზე ჩამორჩენა, რის გამოც საჭირო გახდება მთვარეზე ასტრონავტების გაშვების გადავადება. წყარო: Inc.Magazine „აუცილებლობის შემთხვევაში SpaceX-ს შეუძლია ამაში დახმარება“ - დაწერა მასკმა. როგორც წყარო აღნიშნავს, SpaceX-ს აქვს გამოცდილება საკუთარი სკაფანდრების შექმნაში, რომლებიც Crew Dragon-ით ფრენებისას გამოიყენება. ამასთან, უპირველეს ყოვლისა, ეს სკაფანდრები განკუთვნილია ექსტრემალური სიტუაციებისთვის - ხომალდში არსებული ხანძრის ან რაკეტის ჰერმეტულობის დარღვევისას. NASA-ს წარმომადგენელმა მონიკა ვიტმა CNBC-სთან საუბრისას აღნიშნა სააგენტოს მოთხოვნა კომერციული აღჭურვილობისა და სკაფანდრების შესყიდვის შესახებ. არ არის დაზუსტებული, აპირებენ მათ გამოყენებას ბორტზე თუ გამოიყენებენ ახალი ნიმუშების შექმნისთვის. NASA-ს ინსპექციამ გამოაქვეყნა ანგარიში, რომელშიც გამოაცხადა მთვარეზე ფრენის გადადების შესახებ. მიზეზი იყო დაფინანსების პრობლემები და სკაფანდრების შექმნის საკითხი. ამის გამო გამგზავრების თარიღი 2024 წლის ნოემბრიდან 2025 წლის გაზაფხულამდე გადაიდო. https://bit.ly/3AurqDS

გერმანულმა საფეხბურთო ბუნდესლიგამ პარტნიორობა დაიწყო საკოლექციო ნივთების მწარმოებელ Topps-თან, რათა გამოუშვას არაურთიერთჩანაცვლებადი ტოკენების (NFT) პირველი კოლექცია 2020-2021 წლების სეზონის საუკეთესო მოთამაშეებით. ბლოკჩეინ Avalanche-ზე არსებულ ნაკრებში აგრეთვე შევა ხსენებული სეზონის ბუნდესლიგის ამომავალი ვარსკვლავები და მნიშვნელოვანი მომენტები. NFT ფორმატის საკოლექციო ბარათები Common-იდან Legendary-მდე 10 აგვისტოდან გაიყიდება. ”თითოეულ სეზონს გააჩნია მომენტები და მოთამაშეები, რომლებიც თვალწარმტაცი და საამაყოა,” - განაცხადა Bundesliga International-ის გენერალურმა დირექტორმა რობერტ კლაინმა. აპრილში Topps-მა გამოუშვა ბეისბოლის მთავარი ლიგის ბარათების პირველი ოფიციალური სერია NFT-ის ფორმატში. ივნისში მიუნხენის ბაიერნის კანადელმა ფეხბურთელმა ალფონსო დევისმა Binance-ის მარკეტფლეისზე წარმოადგინა საკუთარი NFT კოლექცია. https://bit.ly/3fQoU2R

კანადური კომპანია Geometric Energy-ს დირექტორმა სამეულ რიდმა განაცხადა SpaceX-თან ერთობლივი პროექტის დაწყების შესახებ, რომელიც კოსმოსში ახალი სერვისის ამოქმედებას გულისხმობს. საუბარი რეკლამის ჩვენებას ეხება, რომელიც დედამიწიდან ხილული არ იქნება, თუმცა მის ფონზე დედამიწა კარგად გამოჩნდება. რიდს მიაჩნია, რომ ასეთი პიარის შესაძლებლობისთვის მსხვილი ბრენდები დაიწყებენ რეალურ ფინანსურ ბრძოლას და ამიტომ აუქციონი უკვე დაგეგმა. იდეა ის არის, რომ SpaceX-ის ერთ-ერთი თანამგზავრის აღჭურვა მოხდეს დიდი ეკრანით, რომლის წინ მიმაგრდება „სელფის ჯოხის“ ანალოგი - მანიპულატორი კამერით. როდესაც ვინმე რეკლამას დაუკვეთს, მას გამოიტანენ ეკრანზე, თანამგზავრი ზურგით შეტრიალდება პლანეტისკენ და სელფის გადაიღებს. ამის შემდეგ დედამიწაზე არსებულ ჩვეულებრივ ეკრანებზე გამოჩნდება რეკლამა პლანეტის ფონით. ეს იქნება ყველაზე მასშტაბური და ეფექტური ფონი. რეკლამა მუდმივად შეიცვლება. პოზიციები აუქციონის მსვლელობისას განისაზღვრება. განთავსებისთვის საჭიროა ხუთი ტოკენის შეძენა: Gamma პასუხისმგებელია დისპლეის სიკაშკაშეზე; Beta განსაზღვრავს X კოორდინატს; Ро განსაზღვრავს Y კოორდინატს; Xi პასუხისმგებელია დემონსტრაციის დროზე. ეს არის ის, რაც ეხება სადემონსტრაციო გამოსახულების ტექნიკურ მახასიათებლებს, აგრეთვე არის ადგილი რიგისთვის, რომელიც ფსონის სიდიდის მიხედვით განისაზღვრება. რიდი ამას უწოდებს "ყველაზე დემოკრატიულ წვდომას სივრცეში", ვინაიდან კონტენტს არ აქვს შეზღუდვები - დამკვეთს შეუძლია დაარეკლამოს ყველაფერი, რაც მოესურვება. ტოკენებისა და რიგის ადგილის შეძენა შესაძლებელია დოლარში, თუმცა უმჯობესია შეძენა კრიპტოვალუტა Dogecoin-ით. სამუელ რიდმა გამოთქვა იმედი, რომ საბოლოოდ ყველა ფინანსურ ოპერაციას ამ პლატფორმაზე გადაიტანს. SpaceX-ს ჯერ არ გაუკეთებია კომენტარი პროექტის შესახებ. როგორც დასავლური მედია აღნიშნავს, კანადური სტარტაპი აქტიურად თანამშრომლობს ამერიკელ პარტნიორებთან 2018 წლიდან, მაგრამ ჯერჯერობით დიდი წარმატების გარეშე. https://bit.ly/2VKKqyE

დაიწყო Mini LED დისპლეის მქონე უახლესი MacBook Pro-ს მასობრივი წარმოება. Apple-ის საწარმოო პარტნიორების ჯაჭვში არსებული წყაროების მონაცემებით აგვისტოდან ნოემბრამდე მიწოდების მოცულობა იქნება 600 ათასიდან 800 ათასამდე ეგზემპლარი ყოველთვიურად. ცნობილია, რომ Apple აპირებს განაახლოს 14- და 16-დუიმიანი MacBook Pro ლეპტოპები, რომელთა გამოშვების შესახებ ხმები უკვე რამდენიმე თვეა ვრცელდება. უახლესი მონაცემებით ახალი მოწყობილობები გამოვა მიმდინარე წლის ბოლომდე ახალ iPhone-თან, Apple Watch-სა და AirPods-თან ერთად. ცნობილია, რომ ახალი MacBook Pro-ს წარმოება მესამე კვარტლის დასაწყისიდან დაიწყო. ადრე DigiTimes აცხადებდა, რომ ახალი ლეპტოპები გაყიდვაში სექტემბრიდან გამოვა iPhone 13-სა და Apple Watch Series 7-თან ერთად. თეორიულად ეს შესაძლებელია, თუმცა გაცილებით სარწმუნოა, რომ Apple Mini LED ეკრანისა და საკუთარი არქიტექტურის ARM-პროცესორის მქონე MacBook Pro-სთვის მოახდენს ახალი ღონისძიების ორგანიზებას, რომელიც მთლიანად Mac-ს მიეძღვნება. გასულ კვირას Apple-მა ევრაზიის ეკონომიკური კომისიის მონაცემთა ბაზაში შეიტანა ბევრი ახალი პროდუქტი, მათ შორის Mac და Apple Watch. განაცხადი შეიცავს მოდელების მხოლოდ კოდურ ნომრებს, თუმცა სავსებით სარწმუნოა, რომ საუბარი ეხება MacBook Pro-სა და Apple Watch Series 7-ის ახალ ვარიანტებს. ნებისმიერ შემთხვევაში, რა დროისთვისაც უნდა გეგმავდეს Apple პრემიერას, ახალ ლეპტოპებზე მოთხოვნა მეტად მაღალი იქნება. არსებული ცნობების თანახმად, Apple-მა მოახდინა 200 მლნ აშშ დოლარზე მეტის ინვესტირება სამომავლო ლეპტოპებისთვის განკუთვნილი Mini-LED დისპლეების წარმოების გაფართოებაში და ბოლო დროს აქტიურად ეძებს დამატებით კომპანიებს მიწოდების ჯაჭვში ინტეგრაციისათვის. https://bit.ly/3ApWpAU