Magdalena

FTX-მა, რომელიც გაკოტრების პროცესს გადის, სასამართლოში საქმე აღძრა ორგანიზაციაში შემავალი რამდენიმე ერთეულის გაყიდვის შესახებ, რომელთა შორისაა LedgerX (FTX US Derivatives), FTX Japan, FTX Europe და Embed Business. „ამ კომპანიებს აქვთ გადახდისუნარიანი ბალანსი, დამოუკიდებელი მენეჯმენტი და ღირებული ფრენშიზები“, - ნათქვამია დოკუმენტში. ორგანიზაციების უმეტესობა დიდწილად მშობელი კომპანიისგან დამოუკიდებლად მოქმედებდა. მათი აქტივები Bitcoin-ბირჟისგან სეგრეგირებულია. აშშ-ის კონგრესში სიტყვით გამოსვლისას აღმასრულებელმა დირექტორმა ჯონ რეი III-მ განაცხადა, რომ FTX US-საც კი არ გააჩნდა სრული დამოუკიდებლობა. ინიციატივის განხორციელება პრიორიტეტულია, რადგან ბევრ ამ იურიდიულ პირს შეუჩერდა ლიცენზია. რაც უფრო დიდხანს გაგრძელდება ეს ვითარება, მით მეტია აქტივების ღირებულების შემცირებისა და მუშაობის ნებართვის მუდმივი გაუქმების რისკი. განცხადებაში ნათქვამია, რომ FTX-მა მიიღო 100-ზე მეტი განაცხადი პოტენციური მყიდველებისგან. თუ პროცედურა დამტკიცდება, ბირჟა მზად იქნება ხელახლა განიხილოს ისინი აუქციონებში მონაწილეობისთვის 2023 წლის თებერვლიდან მარტამდე სასამართლოს შემდგომი დამტკიცებით მოსმენების დროს. შეგახსენებთ, რომ Bloomberg-ის ჟურნალისტებმა Genesis Digital Assets-ს FTX-თან დაკავშირებულ მარკეტმეიკერ Alameda Research-ის ყველაზე დიდი ინვესტიცია უწოდეს. მანამდე სააგენტომ გამოაცხადა LedgerX-ის მიმართ სულ მცირე 10 კომპანიის ინტერესის არსებობა. მათ შორისაა Blockchain.com, Gemini და Bitpanda. https://tinyurl.com/bddp73fd

კომპანია Galax-მა წარადგინა ოთხქულერიანი ვიდეო ბარათები RTX 4090 და RTX 4080 Serious Gaming თეთრ ფერში - ადრე კომპანიამ უკვე დააანონსა იგივე, შავი ფერის მოდელები. გაგრილების შთამბეჭდავი სისტემისა და მასიური რადიატორის წყალობით ორივე ბარათი იკავებს გაფართოების ოთხ სლოტს, მათი სიგრძე 353 მმ-ს შეადგენს. ვიდეო ბარათების დამატებით განსაკუთრებულ მახასიათებლებში აღინიშნება BIOS-ის ორი ვერსია - „უხმაურო“ და „მაღალი წარმადობა“, თუმცა მათ შორის განსხვავება არ არის იმდენად მნიშვნელოვანი, რამდენადაც ზოგიერთი სხვა კომპანიის პროდუქციის შემთხვევაში. როგორც კომპანია მიუთითებს, ვიდეო ბარათების ქვედა ნაწილში განთავსებული ოთხი ქულერი ოფციონალურია - მომხმარებელს შეუძლია ისინი არ დააყენოს. ბარათების მიწოდების ნაკრებში შედის 12+4-პინიან კონექტორზე გადამყვანი და თეთრი კრონშტეინი მოწყობილობის დამაგრებისთვის - RTX 4090-სა და RTX 4080-ს სოლიდური წონა აქვს, ამიტომ დროთა განმავლობაში შესაძლოა მასამ გამოიწვიოს დედა დაფის დეფორმაცია ან PCI-Express სლოტის დაზიანება, თუ დატვირთვის ნაწილი არ მოიხსნება. დამატებით ქულერსა და სადგამს აქვს წითელი ARGB განათება. https://tinyurl.com/48metzyv

ჩინურმა კომპანია Oppo-მ წარადგინა დასაკეცი დისპლეების მქონე სმარტფონები Find N2 და Find N2 Flip. პირველი მათგანი - ეს არის დიდი ფორმატის მოწყობილობა 5.54-დუიმიანი დამატებითი და 7.1-დუიმიანი ძირითადი ეკრანით. მეორე მათგანს აქვს 3.2-დუიმიანი გარე და 6.8-დუიმიანი შიდა მთავარი ეკრანი. ფოტოს წყარო: gsmarena.com Oppo Find N2 წინა თაობის მოდელთან შედარებით თხელია: 14.6 მმ დახურულ და 7.4 მმ გახსნილ მდგომარეობაში (წინამორბედის ზომებია 15.9 და 8.0 მმ, შესაბამისად). „ვეგანური ტყავის“ მქონე მოდელის წონა შეადგენს 233 გრამს, მატირებული თეთრისა და პიტნისფერი მწვანე მოდელის წონაა 237 გრამი - მათ მინის უკანა პანელი აქვთ. ფოტოს წყარო: gsmarena.com გაუმჯობესდა სახსარ Flexion-ის კონსტრუქცია: დეტალების რიცხვი შემცირდა 138-დან ასამდე, გამოყენებულ იქნა ნახშირბადის ბოჭკო და მაღალი ხარისხის შენადნობი. სმარტფონი გახდა უფრო მსუბუქი, დაკეცვის ზომა 67%-ით შემცირდა. სახსარი უზრუნველყოფს ეკრანის დახრილობას 45°-დან 125°-მდე ნებისმიერ პოზიციაში. შიდა 5.54-დუიმიანი დისპლეის გაფართოებაა 1080 × 2120 პიქსელი, იგი წინამორბედთან შედარებით უფრო განიერია - გვერდების შეფარდებაა 17.7:9 – 18:9-ს ნაცვლად, წინა მხარე კი შევიწროებულია ჩარჩოს შემცირების გამო. ეკრანი დაცულია მინით Gorilla Glass Victus, მხარდაჭერილია 1350 კდ/მ² და 120 ჰერცი კადრის განახლების სიხშირე. ფოტოს წყარო: gsmarena.com შიდა დისპლეი 7.1 დუიმია, გვერდების შეფარდებაა 9.6:9, გაფართოება - 1920 × 1792 პიქსელი. გამოყენებულია LTPO პანელი, რომელზეც მხარდაჭერილია კადრის განახლების სიხშირის დინამიური ცვლილება 1-დან 120 ჰერცამდე. მაქსიმალური სიკაშკაშე შეადგენს 1550 კდ/მ²-ს, სენსორული პანელი ორივე ეკრანზე მუშაობს 480 ჰერც სიხშირეზე. შიდა ეკრანის კითხვადობა გაიზარდა არეკვლის საწინააღმდეგო საფარის ხარჯზე. ორივე დისპლეიზე მხარდაჭერილია HDR10+ და აქვთ ფერის სენსორები გამოსახულების გარე პირობების მიხედვით რეგულირებისთვის. ფოტოს წყარო: gsmarena.com Oppo Find N2-ს აქვს სამი უკანა და ორი სელფი კამერა. ძირითად მოდულში მოცემულია 50-მეგაპიქსელიანი 1/1.56-დუიმიანი დიაფრაგმის მქონე სენსორი Sony IMX890 და 24-მილიმეტრიანი ობიექტივი გამოსახულების ოპტიკური სტაბილიზაციით. სუპერფართოკუთხიან კამერას აქვს 48-მეგაპიქსელიანი 1/2- დუიმიანი სენსორი IMX581 14-მილიმეტრიანი ობიექტივითა და f/2.2 დიაფრაგმით. ხელმისაწვდომია ტელეობიექტივი 47 მმ ფოკუსური დაშორებით და RGBW ფილტრისა და f/2.0 დიაფრაგმის მქონე 32-მეგაპიქსელიანი 1/2.74-დუიმიანი IMX709 სენსორით. და ბოლოს, მოცემულია ორი იდენტური 32-მეგაპიქსელიანი სელფი-კამერა. ფოტოს წყარო: gsmarena.com კამერების მონაცემების დამუშავებაზე პასუხისმგებელია ჩიპი MariSilicon X, რომელიც Oppo-მ შეიმუშავა Hasselblad-თან ერთად - მასში გამოყენებულია ხელოვნური ინტელექტის ალგორითმები. კომპანია მომხმარებლებს Oppo Find N2-ის განსაკუთრებული კონსტრუქციის გამოყენებას ასევე სთავაზობს გადაღებისადმი შემოქმედებითი მიდგომისთვის: შესაძლებელია მოულოდნელი რაკურსების არჩევა ან შტატივის შეცვლა ნაწილობრივ დაკეცილი პოზიციით. 67-ვატიანი დამტენი უზრუნველყოფს სრულ დამუხტვას 42 წუთში, ხოლო 37%-მდე მუხტის მიღწევა შესაძლებელია მხოლოდ 10 წუთში. ბატარეის მოცულობაა 4520 მა/სთ, უსადენო დამუხტვის მოდული ხელმისაწვდომი არ არის. ფოტოს წყარო: gsmarena.com Oppo Find N2 მუშაობს პლატფორმა Snapdragon 8+ Gen 1-ზე, აქვს 12 ან 16 გბ ოპერატიული მეხსიერება და 256 ან 512 გბ UFS 3.1 ფლეშ-მეხსიერება შესაბამისად. სმარტფონი მუშაობს Android 13-ზე ColorOS 13 ინტერფეისით. კომპანია დუმს გაჯეტის ჩინეთის ფარგლებს გარეთ გაყიდვის გეგმებზე: ცნობილია, რომ 12/256 GB კონფიგურაციის მოდელის ფასი იქნება 8000 იუანი (1145 აშშ დოლარი) და 16/512 გბ-ისა - 9000 იუანი (1290 აშშ დოლარი). ფოტოს წყარო: wccftech.com Oppo Find N2 Flip-ს რაც შეეხება, Samsung Galaxy Z Flip 4-ისა და Moto RAZR 2022-ის ფონზე იგი გვთავაზობს უფრო დიდ, 3.62-დუიმიან გარე დისპლეის (382 × 720 პიქსელი). იგი გამოიყენება სელფისთვის, შეტყობინებების წაკითხვისა და ზოგიერთი პარამეტრის ცვლილებისთვის. შიდა 6.8-დუიმიანი AMOLED პანელის გაფართოებაა 1080 × 2520 პიქსელი და LTPO მატრიცა კადრის განახლების სიხშირის 1-დან 120 ჰერცამდე განახლების შესაძლებლობით. მხარდაჭერილია HDR10+, 97%-იანი DCI-P3, სიკაშკაშის მაჩვენებელია 1600 კდ/მ². კამერების გარე ბლოკში მოცემულია 50-მეგაპიქსელიანი ძირითადი კამერა 1/1.56-დუიმიანი Sony IMX890 სენსორით და სუპერფართოკუთხიანი 8-მეგაპიქსელიანი, 112° ხედვის კუთხის მქონე IMX355 სენსორით. შიდა მხარეს განთავსებულია 32-მეგაპიქსელიანი სელფი-კამერა. გამოსახულების დამუშავებისთვის ამ შემთხვევაშიც გამოიყენება ჩიპი MariSilicon X. ფოტოს წყარო: wccftech.com სმარტფონი მუშაობს Dimensity 9000+ პლატფორმაზე და შემოთავაზებულია სამ კონფიგურაციად: 8/256, 12/256 და 16/512 გბ (LPDDR5/UFS 3.1). ბატარეის მოცულობა შეადგენს 4300 მა/სთ-ს, დამუხტვის სიმძლავრეა 44 ვატი - 34%-იანი დამუხტვა მიიღწევა 10 წუთში, 100%-ზე კი - თითქმის 1 საათში. გარე დისპლეი დაცულია Gorilla Glass 5 მინით. Oppo Find N2 Flip-ის წონაა 191 გრამი, სისქე - 16 მმ დაკეცილ მდგომარეობაში. Oppo-მ განაცხადა, რომ Find N2 Flip მოდელი გამოვა საერთაშორისო ბაზარზე, მაგრამ ჯერჯერობით მხოლოდ ჩინეთის ფასებია ცნობილი: 6000 იუანი (860$) 8/256 გბ კონფიგურაციისთვის, 6400 იუანი (917$) 12/256 გბ და 7000 იუანი (1100$) - 16/512 გბ მოდელის შემთხვევაში. https://tinyurl.com/fwrtb4ve

ბირჟა Binance-ის ხელმძღვანელმა Changpeng Zhao-მ კოლეგები გააფრთხილა, რომ კრიპტოზამთარი ჯერ არ დასრულებულა და მომავალი თვეები არ იქნება ადვილი. ამის შესახებ Bloomberg იტყობინება. თანამშრომლებისთვის განკუთვნილ შეტყობინებაში ნათქვამია: ”მომავალი რამდენიმე თვის განმავლობაში ტურბულენტობის მოლოდინით ჩვენ გადავლახავთ ამ რთულ პერიოდს და გავძლიერდებით მისი გადალახვით“. Zhao-ს თქმით კრიპტო ინდუსტრია ახლა „ისტორიულ მომენტს“ განიცდის. ამავდროულად, Binance-ის ფინანსური სიძლიერე საკმარისია „ნებისმიერი კრიპტოზამთრის გადასატანად“. მან დაამატა, რომ FTX-ის კოლაფსმა „უამრავი დამატებითი მიმოხილვა და რთული კითხვები“ განაპირობა მისი კომპანიის მიმართ. შეგახსენებთ, რომ Binance-დან Stablecoin-ების წმინდა გადინებამ დღეში 3 მლრდ აშშ დოლარს მიაღწია. ადრე WSJ-ის მიერ გამოკითხულმა ექსპერტებმა განაცხადეს გამაფრთხილებელი სიგნალების შესახებ Mazars-ის ანგარიშში Binance-ის Bitcoin-ის რეზერვების შესახებ. https://tinyurl.com/5eyh3szf

მეხსიერებაში გამოთვლის კონცეფციას (in-memory computing) მთელი რიგი უპირატესობები აქვს HPC-სისტემების აწყობისას და კომპანია Samsung-მა ამ სფეროში მნიშვნელოვანი ნაბიჯი გადადგა. პრაქტიკაში პირველად სამხრეთკორეულმა გიგანტმა ექსპერიმენტალურ სუპერკომპიტერში ერთად განათავსა თავისი in-memory ჩიპები და AMD Instinct ამაჩქარებლები. Samsung-ის განცხადების თანახმად ამგვარი უერთიერთშეთავსება წარმადობის მნიშვნელოვან ზრდას უზრუნველყოფს „მძიმე“ ხელოვნური ინტელექტის მოდელების სწავლებისას. ამასთანავე უმჯობესდება ენერგოეფექტურობის მაჩვენებლები. ახალ სისტემაში მოცემულია 96 ამაჩქარებელი AMD Instinct MI100, რომელთაგან თითოეულს აქვს საფირმო HBM-PIM მეხსიერება processing-in-memory ფუნქციით. სისტემის შემადგენლობაში შედის 12 გამომთვლელი ნოუდი თითოეული 8 ამაჩქარებლით. ექვსი ნოუდი დაკავშირებულია InfiniBand კომუტატორებით. გამოყენებულია 16 ლინკი 200 გბ/წმ სიჩქარით. ფოტოების წყარო: Samsung Samsung-ის კლასტერს ვერ ვუწოდებთ რეკორდსმენს, თუმცა მისი შედეგები მეტად იმედისმომცემია: Google-ის მიერ შემუშავებულ ენის მოდელ Text-to-Test Transfer Transformer-ის (T5) სწავლებისას გამომთვლელი მეხსიერების გამოყენებამ სწავლების დრო 2.5-ჯერ შეამცირა, მოხმარებული ენერგია კი - 2.7-ჯერ. ტექნოლოგია ეკოლოგიურად სუფთაა: Samsung-ის განცხადებით HBM-PIM მეხსიერების მქონე ამგვარ კლასტერს შეუძლია წელიწადში 2100 გვტ/სთ-მდე ენერგიის დაზოგვა, რაც ნახშირბადის კვალის თვალსაზრისით ნიშნავს ემისიების შემცირებას იმავე პერიოდში 960 ათასი ტონით. იმავე რაოდენობის ნახშირორჟანგის ათვისებას 10 წელი და 16 მილიონი ხე დასჭირდება. კომპანია დარწმუნებულია მეხსიერების გამოთვლითი ტექნოლოგიის წარმატებაში და უკვე მოამზადა მახასიათებლები SYCL-ის მეშვეობით, რათა პროგრამული უზრუნველყოფის დეველოპერებს საშუალება მიეცეთ ისარგებლონ HBM-PIM-ით. Samsung ასევე აქტიურად მუშაობს PNM-ის მსგავს (processing-near-memory) კონცეფციაზე, რომელიც გამოყენებული იქნება CXL მეხსიერების მოდულებში. მოწყობილობა Samsung HBM-PIM Samsung დიდი ხანია მუშაობს PIM და PNM ტექნოლოგიების დანერგვაზე და გასულ წელს Hot Chips 33 კონფერენციაზეც გამოაცხადა, რომ აპირებს ყველა ტიპის მეხსიერების აღჭურვას გამოთვლითი ამაჩქარებლებით - არა მხოლოდ HBM2 / 3-ს, არამედ DDR4. / 5-საც. ამავდროულად, პირველად იქნა დემონსტრირებული HBM-PIM-ის სამუშაო ნიმუში, რომელშიც თითოეულ ჩიპს ჰქონდა ამაჩქარებელი 1.2 Tflops FP16-წარმადობით. ამრიგად, PIM ტექნოლოგიის მქონე პირველმა HPC სისტემამ სრულად დაამტკიცა მეხსიერებაში გამოთვლების კონცეფციის ქმედითუნარიანობა. Samsung აპირებს PIM და PNM ტექნოლოგიების აქტიურად განვითარებას როგორც IT-ინდუსტრიაში, ისე აკადემიურ სფეროში, სუპერკომპიუტერებისა და კლასტერული სისტემების რესურსების მთავარ მომხმარებელში. https://tinyurl.com/2p9nk5nd

მანქანათმშენებელი კომპანიები ცნობილნი არიან ხელსაყრელი ღირებულების საფირმო აქსესუარების რეალიზაციით და Tesla-ც არ არის გამონაკლისი. როგორც უკვე ვიცით, კომპანიამ გამოაცხადა Stream-ის კატალოგიდან თამაშების ხელმისაწვდომობა Model S-ისა და Model X-ის განახლებული ვერსიების მფლობელებისთვის. Tesla-მ ასევე დაიწყო შეკვეთების მიღება ბრენდირებულ 1 ტბ მყარ დისკზე, რომლის ღირებულება ოფიციალურ ონლაინ მაღაზიაში 350 აშშ დოლარს შეადგენს. ფოტოს წყარო: Tesla ჯერჯერობით შესაძლებელია მხოლოდ წინასწარი შეკვეთის გაკეთება, აქსესუარის მიწოდება კი თებერვლიდან დაიწყება. კომპანია აღნიშნავს, რომ მისი მოწყობილობა გათვლილია სატრანსპორტო საშუალებაში გამოყენებაზე, ამიტომ უპრობლემოდ უძლებს რადიკალურ ტემპერატურებს, ვიბრაციებსა და დარტყმებს. აუცილებელია მისი მოთავსება სპეციალურ ყუთში. ნაკრებში გათვალისწინებულია USB Type-A (Female) და Type-C (Male) ბორტის მულტიმედია სისტემასთან დაკავშირებისთვის. მყარ დისკზე შესაძლებელია არა მხოლოდ თამაშების, არამედ ბორტის კამერის ჩანაწერების შენახვა, რომლებიც შენახვის რეჟიმში იწერენ ყველაფერს როგორც მანქანის ირგვლივ, ისე სალონში. ამგვარი ჩანაწერები შესაძლოა დიდი მოცულობის იყოს, ამიტომ მყარი დისკის მოცულობა 1 ტერაბაიტს აღწევს. ადრე ავტომობილების მფლობელები Tesla-ს ბორტ-სისტემას გარე მწარმოებლების მყარ დისკებს უკავშირებდნენ, ამჯერად შესაძლებელი გახდა ბრენდირებული მოწყობილობის შეძენა. თუმცა, გარე მწარმოებლის მყარი დისკის შეძენა 100 აშშ დოლარადაა შესაძლებელი, საფირმო კი სამნახევარჯერ ძვირი ღირს. Tesla აღნიშნავს, რომ მისი მყარი დისკი მომხმარებელს სთავაზობს ექსპლუატაციის გაზრდილ რესურსს, მონაცემთა ჩაწერისა და წაკითხვის სიჩქარე კი თამაშებზეა ოპტიმიზებული. Model X და Model S რესტაილინგ ელექტრომობილების მფლობელებს იგი საშუალებას მისცემს შეინახონ Steam Deck-თან თავსებადი თამაშები, რადგანაც ბორტის გასართობი სისტემის მეხსიერების მოცულობა მხოლოდ 16 გბ-ით შემოიფარგლება. კომპანიის ვებ-გვერდზე აღნიშნულია, რომ Tesla-ს მყარი დისკი თავსებადია ბრენდის ყველა ელექტრომობილთან. https://tinyurl.com/27zenma2

სენატორებმა ელიზაბეტ უორენმა და როჯერ უეინ მარშალმა წარადგინეს კანონპროექტი კრიპტოვალუტების გამოყენებით ფულის გათეთრების საწინააღმდეგო ზომების გამკაცრების შესახებ. დოკუმენტის თანახმად KYC პროცედურები ვრცელდება საფულეების პროვაიდერებზე, მაინერების ვალიდატორებსა და ქსელის სხვა მონაწილეებზე. ფინანსურ ინსტიტუტებს ეკრძალებათ ურთიერთქმედება ტრანზაქციების მიქშირების სერვისებთან. „კრიპტო ინდუსტრიამ უნდა დაიცვას საღი აზრის მქონე წესები ბანკების, ბროკერების ან Western Union-ის მსგავსად. ეს საკანონმდებლო ინიციატივა უზრუნველყოფს იმავე სტანდარტების გამოყენებას მსგავს ფინანსურ ტრანზაქციებზე“, - განაცხადა უორენმა. სენატორებმა ფინანსთა სამინისტროს შესთავაზეს გამოიძიოს კრიპტოვალუტებთან დაკავშირებული კომპანიები ისევე, როგორც მარეგულირებლები მოქმედებენ საბანკო ინსტიტუტებთან მიმართებაში. გარდა ამისა, მოსალოდნელია SEC-ისა და CFTC-ის უფლებამოსილების გაფართოება. „2001 წლის 11 სექტემბრის ტერაქტის შემდეგ ჩვენმა ხელისუფლებამ გაატარა მნიშვნელოვანი რეფორმები, რომლებიც ბანკებს დაეხმარა აშშ-ის ფინანსური სისტემისგან ბოროტმოქმედების მოცილებაში. კრიპტო ბირჟებზე მსგავსი წესების გამოყენება თავიდან აგვარიდებს ციფრული აქტივების გამოყენებას უკანონო აქტივობებში კანონმორჩილი მოქალაქეებისთვის შეზღუდვების შექმნის გარეშე“, - წერს The Block პრეს-რელიზზე დაყრდნობით. სენატორები ასევე მოითხოვენ, რომ FinCEN -მა დაასრულოს იმ ნორმებზე მუშაობა, რომლებიც ბანკებსა და საგადახდო კომპანიებს ავალდებულებს ანგარიშები გადასცენ მარეგულირებლებს და არაკასტოდიალურ საფულეებთან დაკავშირებული კონტრაგენტების და ტრანზაქციების, აგრეთვე სუბსანქცირებული იურისდიქციების მისამართების აღრიცხვა აწარმოონ. ინფორმაციის გამჟღავნების მოთხოვნები დაინერგება ოფშორული ციფრული აქტივების ტრანზაქციებზე, რომელთა მოცულობაა 10 ათასი აშშ დოლარი ან მეტი. ასევე შემოთავაზებულია კრიპტო ბანკომატების ოპერატორების იდენტიფიცირება და ფედერალური ორგანოებისთვის დამონტაჟებული მოწყობილობების ადგილმდებარეობისა და რაოდენობის შესახებ ინფორმაციის მიწოდება. აეგახსენებთ, რომ ნოემბერში ელიზაბეტ უორენმა მოითხოვა კრიპტოვალუტების რეგულირების გაძლიერება და პარალელები გაავლო FTX-სა და Lehman Brothers-ს შორის. ადრე სენატის საბანკო კომიტეტის წევრმა კრიპტოვალუტები შეადარა აშშ-ის იპოთეკურ კრიზისს. ივლისში მან მოუწოდა კონგრესს და SEC-ს, უფრო მკაცრი პოზიცია დაეჭირათ ინდუსტრიის მიმართ Celsius Network-თან და უამრავ სხვა კომპანიასთან დაკავშირებული პრობლემების გამო.  https://tinyurl.com/mpmw9nn5

დაიწყო AMD Radeon RX 7900 სერიის ვიდეო ბარათების გაყიდვები და გამოვიდა ახალი ბარათების პირველი საჯარო დრაივერი Adrenalin Edition 22.12.1. როგორც პრეზენტაციებიდან და პირველი მიმოხილვებიდანაა ცნობილი, RDNA 3 არქიტექტურა გვთავაზობს მედიაკონტენტის დამუშავების ორმაგ ბლოკს არამხოლოდ AV1 დეკოდირების, არამედ კოდირების მხარდაჭერით 8K@60FPS რეჟიმამდე. სხვა ფორმატებს შორის დამატებით აღსანიშნავია H.264 მხარდაჭერა ორი მიმართულების კადრებით - B-frames. ეს და სხვა მახასიათებლები აფართოებენ ვიდეო ბარათების გამოყენების შესაძლებლობებს კონტენტის შემქმნელებისა და სტრიმერებისთვის, - განაცხადა AMD-მ. ვიდეო ჩაწერისა და სტრიმინგის პარამეტრების ჩანართი Adrenalin Edition-ში. წყარო: AMD Community საზოგადოებისთვის განკუთვნილ შეტყობინებაში AMD საუბრობს ვიდეო ბარათების პროგრამულ უზრუნველყოფა Adrenalin Edition-ის მართვის პანელში არსებულ ახალ შესაძლებლობებსა და ფუნქციებზე, რომლებიც განკუთვნილია ვიდეოსა და ტექსტის ხარისხის გაუმჯობესებისთვის, კერძოდ ხელმისაწვდომია: გაუმჯობესებული გაფილტვრა (Enhanced Filtering) და კადრების წინასწარი ანალიზის ტექნოლოგია კოდირებამდე მიაღწევს ოპტიმალურ ხარისხს კადრების გაჭედვის გარეშე. მანქანურ სწავლებაზე დამყარებული ადაპტაციური ტექნოლოგია გამოიყენება თამაშის ინტერფეისისა და ტექსტის გადაცემის ხარისხის გასაუმჯობესებლად დაბალი ბიტრეიტით გადაცემის დროს (გაფართოება 1080p და ნაკლები). კომპანია გვახსენებს, რომ ადრე წარდგენილი ხმის ჩახშობის ტექნოლოგია AMD Noise Suppression, რომელიც მუშაობს შემავალი და გამომავალი მოწყობილობებისთვის, შეიძლება გამოყენებულ იქნას აუდიოს ხარისხის გასაუმჯობესებლად. უამრავ კვლევებზე დაყრდნობით კომპანია აღნიშნავს, რომ AMD Noise Suppression-ს აქვს 4-ჯერ ნაკლები გავლენა თამაშის წარმადობაზე კონკურენტებთან შედარებით, თუმცა მაინც აფიქსირებს საერთო ხარისხის უფრო მაღალ დონეს. ენკოდერ AMD AV1-ის მხარდაჭერა RX 7000  სერიაში დაემატა პოპულარულ აპლიკაცია OBS Studio 29.0-ის ბეტა-ვერსიაში, ფინალური ვერსიის გამოსვლა მოსალოდნელია დეკემბერში მოგვიანებით. https://tinyurl.com/2p9tj8es

ევროკავშირში მეორედ გადადეს ლითიუმის ტოქსიკურ ნივთიერებად აღიარება, საკითხის განხილვა მომავალი წლისთვის იქნა გადატანილი. ევროკავშირის ქვეყნების ხელისუფლებები იმყოფებიან გარემოს დაცვისა და ბიზნესის წარმოების მნიშვნელობების ინტერესებს შორის. ლითიუმის გამკაცრებული გაყიდვები აიძულებს ბიზნესს უფრო ფრთხილად მოეკიდონ ლითიუმს, რაც გაზრდის ხარჯებს და ევროპული წარმოების ბატარეები ბევრად უფრო ძვირი იქნება, ვიდრე ჩინური, კორეული და თუნდაც ამერიკული ლითიუმის ბატარეები. ფოტოს წყარო: Northvolt მთელ მსოფლიოში მოქმედი მწარმოებელი კომპანიები ამჟამად მოხიბლული არიან ინფლაციის შემცირების შესახებ კანონით, რომელიც მიმდინარე წლის ზაფხულში აშშ-ში გაფორმდა. ამ დოკუმენტში რჩება საკამათო და ბოლომდე გაუგებარი ადგილები, მაგრამ ზოგადად იგი იცავს აშშ-ის წარმოებას ყველა საკვანძო პოზიციაზე - რესურსების მოპოვებიდან მაღალი ინტენსივობის ინდუსტრიებამდე. შეღავათებსა და სუბსიდიებს მიიღებენ ისინი, ვინც ან წარმოებას დაიწყებს შეერთებულ შტატებში, ან ჩაერთვება ოფიციალურ მომწოდებელთა რიცხვში. აშშ-ის სტრატეგიულმა მოკავშირეებმა რეაგირება უნდა მოახდინონ საკითხზე, წინააღმდეგ შემთხვევაში ისინი დარჩებიან უდიდესი წარმოების, ენერგიისა და ფინანსური რესურსების გარეშე. „იმ დროს, როდესაც სხვა ქვეყნები, როგორიცაა აშშ, აღებენ კარს, ხსნიან ბარიერებს და იყენებენ გადასახადის გადამხდელთა ფულს, რათა სტრატეგიულად მოიზიდონ და ააშენონ ბატარეების მიწოდების ჯაჭვები, ევროპა ბარიერებს უწესებს ამ ბაზრის კომპანიებს, ”- განაცხადა რიჩარდ ტეილორმა, Green Lithium Refining Ltd.-ის დამფუძნებელმა დირექტორმა. ”თუ ევროპაში პირობები არ იქნება მიმზიდველი, კომპანიები არ შეეცდებიან [წარმოების იქ] დამყარებას.” ევროპაში არსებობს დოკუმენტი, რომელიც ნაწილობრივ ასტიმულირებს წარმოების შექმნას იშვიათი მიწიერი ნედლეულის გამოყენებით - ეს არის კანონი კრიტიკული ნედლეულის შესახებ. ლითიუმის, როგორც ტოქსიკური ნივთიერების კლასიფიკაცია გამოიყვანს მას ამ კანონის მოქმედებიდან და არამიმზიდველს გახდის ინვესტიციებისა და წარმოების განვითარებისთვის. უფრო მეტიც, თუნდაც ყველაზე ეკოლოგიურად სუფთა ზონაში - გადამუშავების სფეროში, ნაკლებად სავარაუდოა, რომ ხელი შეეწყოს ლითიუმის ბატარეების უსაფრთხო უტილიზაციის პრაქტიკას ევროკავშირში. შვედური კომპანია Northvolt AB შეიძლება გახდეს ევროპელი ინვესტორების განწყობის მაჩვენებელი ლითიუმის ბატარეების წარმოებასა და დამუშავებაში. კომპანიამ ელექტრომობილებისთვის განკუთვნილი აკუმულატორების წარმოება მიმდინარე წლის მაისში დაიწყო. იგი გეგმავს კიდევ რამდენიმე ქარხნის აშენებას და 2026 წლისთვის აკუმულატორების წარმოების 60 გვტ/სთ-მდე მიღწევას წელიწადში, რაც 1 მილიონი ელექტრომობილისთვის სამყოფი ბატარეების ეკვივალენტია. გარდა ამისა, Northvolt აშენებს ობიექტებს გამოყენებული ლითიუმის ბატარეების გადამუშავებისთვის იმ იმედით, რომ ღირებული ნედლეული დაუბრუნდება სამუშაო პროცესს. თუ ლითიუმი ევროკავშირში ტოქსიკურად იქნა აღიარებული, კომპანიას მოუწევს ბევრი რამ შეცვალოს ბიზნესში და წარმოქმნილი გაურკვევლობა ქმნის დაგეგმილი ინვესტიციების შეფერხების ან თუნდაც მათ გაუქმების რისკებს. https://tinyurl.com/y46u655v

აშშ-ის შრომის სტატისტიკის ფედერალური ბიუროს (BLS) მიერ ინფლაციის მონაცემების გამოქვეყნების ფონზე პირველი კრიპტოვალუტის კოტირებები გაიზარდა 5%-ით და მიაღწია 18 000 აშშ დოლარს. BTC/USDT-ის საათობრივი გრაფიკი ბირჟა Binance-ზე. წყარო: TradingView წერის მომენტში Bitcoin დაახლოებით 17800 აშშ დოლარად იყიდება, Ethereum – 1300 აშშ დოლარზე მეტად. BLS-ის მონაცემების მიხედვით ნოემბერში აშშ-ში ინფლაცია 0.1%-ით გაიზარდა. წლიურმა CPI-მ მიაღწია 7.1%-ს (7.7% ოქტომბერში) 7.3%-იანი პროგნოზის ნაცვლად. კრიპტო ბაზარი დადებითად გამოეხმაურა BLS-ის მიერ გამოქვეყნებულ მონაცემებს. CoinGecko-ს თანახმად ციფრული აქტივების მთლიანმა კაპიტალიზაციამ მიაღწია უმაღლეს დონეს - 913 მლრდ აშშ დოლარს, ნოემბრის დასაწყისში FTX-ის კრახის შემდეგ. წყარო: CoinGecko მოვლენას ანალოგიურად გამოეხმაურა ამერიკის საფონდო ბირჟაც. ამ დროისთვის ინდექსი Nasdaq Composite გაიზარდა 2.3%-ით, S&P 500 - 1.8%-ით, ხოლო Dow Jones - 1%-ით. შეგახსენებთ, BitMEX-ის ყოფილმა აღმასრულებელმა დირექტორმა არტურ ჰეიესმა განაცხადა, რომ Bitcoin-მა ფსკერს მიაღწია, რადგან თითქმის ყველა „უპასუხისმგებლო ორგანიზაციას“ ამოეწურა გასაყიდი BTC. მანამდე Galaxy Digital-ის დამფუძნებელმა მაიკ ნოვოგრაცმა გაიმეორა თავისი პროგნოზი, რომ პირველი კრიპტოვალუტის ფასი 500 000 აშშ დოლარამდე გაიზრდებოდა. https://tinyurl.com/54ktwfpj

NotebookCheck-ის ინფორმაციით კომპანია MSI გეგმავს Titan GT77 გეიმინგ ლეპტოპის განახლებული და გაუმჯობესებული ვერსიის გამოშვებას - მისი მოდიფიკაციები დამყარებული იქნება CPU Intel Raptor Lake-HX-სა და NVIDIA GeForce RTX 4000 მობილურ ვიდეო ბარათებზე, რომლის ოფიციალური ანონსი მოსალოდნელია იანვრის დასაწყისში დაგეგმილ ღონისძიება CES 2023-ზე. ცნობილია, რომ ახალ Titan GT77-ს ექნება 17.3-დუიმიანი 4K დისპლეი 144 ჰერცი კადრის განახლების სიხშირით და 3 მილიწამი რეაგირების დროით. ეკრანის დამატებით უპირატესობად შეიძლება აღინიშნოს სერტიფიკაცია DisplayHDR1000 და 100%-იანი DCI-P3 ფერთა გამის მხარდაჭერა. შესაბამისად, sRGB 100%-ზე მეტი იქნება. ცნობილია, რომ ლეპტოპის უფროს მოდიფიკაციებში წარმოდგენილი იქნება მობილური პროცესორი Intel Core i9 Raptor Lake. სხვა მნიშვნელოვანი მახასიათებლებიდან აღსანიშნავია გაგრილების მოწინავე სისტემა - მასში მოცემული იქნება ოთხი ქულერი, დიდი რადიატორი და რვა სითბური მილი. CPU-სა და GPU-ის ჯამური TDP-ის დონე 250 ვატს მიაღწევს. ინსაიდერების ცნობით ლეპტოპის ბატარეის მოცულობაა 99 ვტ/სთ, მოწყობილობაში მხარდაჭერილი ექნება Wi-Fi 6E და Bluetooth 5.3, მექანიკური კლავიატურა Cherry MX გადამრთველებით და აუდიო სისტემა Dynaudio, რომელიც წარმოდგენილი იქნება ორი დინამიკითა და საბვუფერით. https://tinyurl.com/3e9tved3

გასული წლის გაზაფხულიდან Tesla-ს ფლაგმანური ელექტრომობილები აღჭურვილია გასართობი ბორტ-სისტემით RDNA 2 არქიტექტურაზე დამყარებულ გრაფიკულ პროცესორ AMD Navi 23-ის ბაზაზე, რაც მათ შესაძლებლობებით გეიმინგ კონსოლების ამჟამინდელ თაობასთან აახლოებს. მიმდინარე კვირაში Tesla-მ დანერგა აპლიკაციების მაღაზია Steam-ის მხარდაჭერა, რაც განახლებული Model X-ისა და Model S-ის მფლობელებს საშუალებას მისცემს წვდომა მიიღონ კატალოგში არსებულ ათასობით თამაშზე. ფოტოს წყარო: Tesla Tesla-ს არხზე მოცემულ სადემონსტრაციო ვიდეოში მაგალითის სახით მოყვანილია Cyberpunk 2077-ის თამაშის შესაძლებლობა უსადენო კონტროლერების გამოყენებით. რადგანაც Model X და Model S ელექტრომობილებს ორი დისპლეი აქვთ, რომელთაგან ერთი განთავსებულია ცენტრალურ კონსოლში უკანა სავარძელზე მჯდომი მგზავრების ფეხებთან, თამაში ორივე რიგში მსხდომებს შეუძლიათ. Steam-ის კატალოგთან მუშაობისთვის Tesla-ს გასართობ სისტემას სჭირდება 16 გბ მეხსიერება და ფუნქცია Premium Connectivity. უკვე მხარდაჭერილი თამაშების ჩამონათვალი ჯერჯერობით არ კონკრეტდება. რეალიზებულია Steam-ის ქლაუდ სერვისთან სინქრონიზაცია, რომელიც მომხმარებელს საშუალებას აძლევს შეინარჩუნოს თამაშში მიღწეული პროგრესი და შემდეგ იმავე მომენტიდან განაგრძოს თამაში სხვა მოწყობილობებიდან. პარალელურად Tesla-ს ბორტ-კომპიუტერებმა მიიღო Apple Music-ისა და ვიდეოკონფერენციის აპლიკაცია Zoom-ის მხარდაჭერა. ყველა ელექტრომობილმა განახლების შედეგად მიიღო კლიმატური მოწყობილობის „ძაღლის რეჟიმის“ მხარდაჭერა, რომელიც მფლობელს საშუალებას აძლევს შინაური ცხოველი მანქანაში დატოვოს მაღაზიაში ვიზიტისას, ცენტრალურ დისპლეიზე აისახება დაწესებული ტემპერატურა და მის დანახვას შეძლებენ გამვლელები. უშუალოდ ავტომანქანის მფლობელი კი შეძლებს მანქანის სალონისთვის თვალყურის დევნებას სალონში არსებული კამერის მეშვეობით. ადრე ამერიკელმა მარეგულირებლემა Tesla-სგან მოითხოვეს გეიმინგ რეჟიმის დაბლოკვა ტრანსპორტის მოძრაობისას, ამიტომ Steam-ის აპლიკაციიდან თამაშების გაშვება შესაძლებელი იქნება მხოლოდ უმოძრაო ელექტრომობილში. თამაშები ამ ბრენდის ელექტრომობილების მფლობელებისთვის ადრეც ხელმისაწვდომი იყო, თუმცა მათი ჩამონათვალი შეზღუდული იყო და ამჟამად Steam-ის ინტეგრაცია გართობის მეტ შესაძლებლობას უზრუნველყოფს. https://tinyurl.com/ycku2c6r

Coinbase-მა Bitcoin-ბირჟის საცალო მომხმარებლებისთვის აამოქმედა Tether-დან (USDT) USD Coin-ზე (USDC) „სანდო და სტაბილური“ კონვერტაციის კამპანია. პლატფორმა გაანულებს კონვერტაციის საკომისიოს. შესაბამისი ფუნქცია ხელმისაწვდომია პლატფორმის როგორც დესკტოპ, ასევე მობილურ ვერსიებში. „ბოლო რამდენიმე კვირის მოვლენებმა გამოცდის წინაშე დააყენა ზოგიერთი Stablecoin. ჩვენ გავხდით ხარისხისკენ სწრაფვის მოწმენი“ - ნათქვამია შეტყობინებაში. Terra-ს ეკოსისტემის და FTX ბირჟის კოლაფსით გამოწვეული ბაზრის ტურბულენტობის ფონზე 12 მაისსა და 10 ნოემბერს დაფიქსირდა აშშ დოლარის მიმართ USDT-ის მიჯაჭვულობის მოკლევადიანი გადახრები. იმ დროს ფასდაკლებამ შესაბამისად 2.3 და 4.4 ცენტს მიაღწია. ბირჟის წარმომადგენლებმა ხაზგასმით აღნიშნეს, რომ სტაბილურობასა და ნდობას ამჟამად უმთავრესი მნიშვნელობა აქვს მომხმარებლებისთვის. ისინი მიიღწევა Stablecoin-ების რეზერვების უზრუნველყოფის ნდობით. USDC 100%-ითაა უზრუნველყოფილი ნაღდი ფულითა და აშშ-ის მოკლევადიანი სახაზინო ობლიგაციებით, რომლებიც აშშ-ის რეგულირებად ფინანსურ დაწესებულებებში ინახება, ნათქვამია შეტყობინებაში. Coinbase, Circle-თან ერთად, ცენტრის კონსორციუმის მეშვეობით არის stablecoin-ის ემიტენტი. 42.8 მლრდ აშშ დოლარის კაპიტალიზაციის მქონე USDC Coin Stablecoin-ების კატეგორიაში მეორე ადგილს იკავებს Tether-ის შემდეგ, რომლის კაპიტალიზაცია 65.7 მლრდ აშშ დოლარს შეადგენს CoinGecko-ს თანახმად. ვაჭრობის დღიური მოცულობა შეადგენს 1.96 და 28 მლრდ აშშ დოლარს, შესაბამისად. ადრე The Wall Street Journal-მა მიუთითა Tether-ის დაკრედიტების მზარდ მოცულობაზე USDT-ში შესაბამისი ინფორმაციის სათანადო გამჟღავნების გარეშე. Stablecoin-ის ემიტენტმა სტატიას "თვალთმაქცობა" უწოდა. აგვისტოში გამოცემამ ანალოგიური სტატია გამოაქვეყნა. მისი ავტორები ამტკიცებდნენ USDT-ის „ტექნიკურ გადახდისუუნარობას“ აქტივების ღირებულების 0.3%-ით შემცირების ფონზე. 19 აგვისტოს მსოფლიოში სიდიდით მეხუთე აუდიტორმა BDO Italia-მ დაადასტურა Stablecoin-ის უზრუნველყოფა. შეგახსენებთ, რომ Bloomberg-ის თანახმად ოქტომბერში აშშ-ის იუსტიციის სამინისტრომ განაახლა გამოძიება Tether-ის აღმასრულებლების მიერ განხორციელებული შესაძლო საბანკო თაღლითობის შესახებ. სექტემბერში USDC-ის, USDP-ისა და TUSD-ის BUSD-ში კონვერტაციის ინიციატივით გამოვიდა BUSD-ის ემიტენტი ბირჟა Binance. პლატფორმის წარმომადგენლებმა ასევე აღნიშნეს, რომ მომავალში შესაძლოა შეცვალონ Stablecoin-ების სია, რომლებიც ექვემდებარება ავტომატურ კონვერტაციას. https://tinyurl.com/24ykkvxb

გამოქვეყნდა ახალი AMD Radeon RX 7900 XT და Radeon RX 7900 XTX ვიდეო ბარათების ოფიციალური მიმოხილვები, რომელთა საფუძველზე შეგვიძლია შევაფასოთ რამდენად გაართვა თავი AMD-მ ანონსის დროს დასახულ ამოცანებს. RDNA3-ის შედარება Ada Lovelace-თან ღირს მხოლოდ 4K გაფართოების პირობებში (რეითრეისინგით და მის გარეშე), რადგანაც ისინი ორიენტირებულია კონკრეტულად ბაზრის პრემიალურ სეგმენტზე. როგორც მოსალოდნელი იყო, AMD-ს ორივე ახალი ვიდეო ბარათი კონკურენციით ახლოსაც ვერ მიდის ფლაგმანურ RTX 4090-თან (სარეკომენდაციო ფასი 1600 აშშ დოლარი). თუმცა, რეითრეისინგის გარეშე თამაშების უმეტესობაში AMD-ის ფლაგმანი RX 7900 XTX (სარეკომენდაციო ფასი 1000 აშშ დოლარი) აღემატება RTX 4080-ს (სარეკომენდაციო ფასი 1200 აშშ დოლარი), რაც გეიმერებისთვის აღმოჩენაა. ზოგიერთ თამაშში AMD-ის ჩიპი კონკურენტზე 20%-მდე სწრაფია, თუმცა რეითრეისინგის ჩართვისას სიტუაცია რადიკალურად იცვლება: RX 7900 XTX კონკურენტს წარმადობით საშუალოდ 12-15%-ით ჩამორჩება. AMD-ის ამაჩქარებლების ენერგომოხმარება და გაცხელების დონე ტრადიციულად ოდნავ მაღალია - დაახლოებით 10%-ით. ფასს რაც შეეხება, ფლაგმანური RX 7900 XTX 10%-ით ძვირი და 20%-ით მძლავრია RX 7900 XT-სთან შედარებით. AMD-ის უმცროსი ჩიპი გეიმინგში RTX 3090 Ti-ს დონეზე იმყოფება. ამრიგად, შეჯამების სახით შეიძლება ითქვას - მიუხედავად იმისა, რომ RTX 4080 უკეთესად მუშაობს რეითრეისინგის მხარდაჭერის მქონე თამაშებში, გეიმერების უმეტესობისთვის AMD-ის ბარათი მაინც უფრო მომგებიანია: იგი 200 აშშ დოლარით იაფია და ოდნავ უფრო ძლიერი. https://tinyurl.com/2s4z2tyf

კომპანია HP ემზადება რამდენი ახალ გეიმინგ ლეპტოპ Omen-ის გამოსაშვებად სხვადასხვა კონფიგურაციაში. ახალი ლეპტოპები გამოჩნდა ერთ-ერთი ევროპული საცალო სავაჭრო პლატფორმის მონაცემთა ბაზაში. ეს ლეპტოპები დამყარებულია HX სერიის მე-13 თაობის Intel Core ჩიპებზე, რომელთა წარდგენა ჯერ არ შემდგარა. მოწყობილობებში წარმოდგენილი იქნება GeForce RTX 40 სერიის მობილური ვიდეო ბარათები. საინტერესოა ის, რომ ერთ-ერთ მოდელში მოცემული იქნება მობილური GeForce RTX 4090 16 გბ მეხსიერებით. ფოტოს წყარო: VideoCardz მომავალ წელს კომპანია გამოუშვებს HP Omen ლეპტოპების მინიმუმ ექვს მოდელს, რომლებიც წარმოდგენილი იქნება შემდეგ კონფიგურაციებში: Omen CM2007NQ/CM2005NQ — Core i7-13700HX და GeForce RTX 4060 8 გბ; Omen CM2001NQ — Core i7-13700HX და GeForce RTX 4070 8 გბ; Omen CK2007NQ/CK2004NQ — Core i7-13700HX და GeForce RTX 4080 12 გბ; Omen CK2001NQ — Core i7-13700HX და GeForce RTX 4090 16 გბ. როგორც ვხედავთ, ყველა ახალ ლეპტოპში მოცემული იქნება პროცესორი Core i7-13700HX. უფრო ადრე გავრცელებული ინფორმაციით ცნობილია, რომ ამ ჩიპს ექნება 16 ფიზიკური ბირთვი (8 მაღალი წარმადობის და 8 ენერგოეფექტური, 24 ვირტუალური ნაკადის მხარდაჭერით. პროცესორის დიდი ბირთვები შეძლებს ავტომატურ აჩქარებას 5.0 გჰც-მდე. ფოტოს წყარო: Twitter / @momomo_us ხმების იმის შესახებ, რომ NVIDIA აპირებს GeForce RTX 40-სერიის მობილური ვიდეო ბარათების გამოშვებას, უკვე დიდი ხანია ვრცელდება, თუმცა ამ დრომდე - ყოველგვარი კონკრეტიკის გარეშე. უახლესი არაოფიციალური ინფორმაციით ცნობილი გახდა სამომავლო მობილური ვიდეო ბარათების დასახელებები, აგრეთვე მათი ვიდეომეხსიერების მოცულობა. მოდელ GeForce RTX 4090-ს ექნება 16 გბ მეხსიერება, მობილურ GeForce RTX 4080-ს - 12 გბ, GeForce RTX 4070 და GeForce RTX 4060 მოდელებს - 8 გბ. დიდი ალბათობით, NVIDIA ასევე გამოუშვებს უმცროს მოდელ GeForce RTX 4050-ს. ჯერჯერობით ცნობილი არ არის მომავალი მობილური გრაფიკული ამაჩქარებლების ტექნიკური მახასიათებლები, თუმცა მოსალოდნელია, რომ მობილურ GeForce RTX 4090-ს საფუძვლად დაედება გრაფიკულ პროცესორ AD103-ის custom ვერსია. ვიდეო ბარათების უფროსი მოდელების ენერგომოხმარება სავარაუდოდ 175 ვატი იქნება, თუმცა მაქსიმალური TDP შესაძლოა უფრო მაღალი იყოს ტექნოლოგია Dynamic Boost-ის ხარჯზე, რომელიც კვების რესურსებს ანაწილებს პროცესორსა და ვიდეო ბარათს შორის გაგრილების სისტემისა და წარმადობის გათვალისწინებით. ფოტოს წყარო: VideoCardz უახლესი ინფორმაციით GeForce RTX 40 სერიის მობილური გრაფიკული ბარათების წარდგენა შესაძლოა 3 იანვარს შედგეს. იმავე დღეს Intel-ი სავარაუდოდ წარადგენს Raptor Lake-H/HX მობილურ პროცესორებს. https://tinyurl.com/2s3zzjff

კრიპტო ბირჟა Binance-მა შეაჩერა რამდენიმე აქტივის გატანა და შეზღუდა ზოგიერთი მომხმარებლის ანგარიშები „გარკვეულ სავაჭრო წყვილებში ფასების ანომალიური მოძრაობის გამო“. „ჩვენთვის ცნობილია ფასების ანომალიური მოძრაობის შესახებ Binance-ზე ზოგიერთ სავაჭრო წყვილში, მათ შორის აქტივებში, როგორიცაა SUN, ARDR, OSMO, FUN და GLM. [...] ეს აქტივობა არ არის დაკავშირებული ანგარიშების გატეხვასთან ან API გასაღებების მოპარვასთან; თანხები უსაფრთხოდაა“, - ნათქვამია პლატფორმის განცხადებაში. როგორც ჩანს, საუბარია 10 დეკემბერს განვითარებულ მოვლენებზე. მაგალითად, Cosmo (OSMO) კოტირებები Binance-ზე გარკვეულ მომენტში გაიზარდა 460%-ით, შემდეგ კი დაეცა თითქმის წინა დონემდე. მსგავსი დინამიკა დაფიქსირდა სხვა ხსენებულ აქტივებშიც. GLM/USD-ის საათობრივი გრაფიკი ბირჟა Binance-ზე. წყარო: TradingView OSMO/USD-ის საათობრივი გრაფიკი ბირჟა Binance-ზე. წყარო: TradingView. კრიპტო ბირჟის ხელმძღვანელ Changpeng Zhao-ს თქმით, გამოძიების დროს კომპანიამ დაადგინა, რომ ფასების არანორმალური რყევები დაკავშირებულია „ბაზრის ქცევასთან“. მან დაამატა, რომ Binance-მა დროებით დაბლოკა თანხის გატანის შესაძლებლობა იმ ანგარიშებიდან, რომლებმაც „მიიღეს მოგება“ რელევანტური ტრანზაქციების შედეგად. „ჩვენ ვიცით პლატფორმის მხრიდან მეტისმეტი ჩარევის კონცეფციის, „მეტისმეტი ცენტრალიზებული“ შეტევების შესახებ და ა.შ. არსებობს ბალანსი, რა დოზით უნდა ჩავერიოთ. ზოგჯერ მსგავსი რამ აუცილებელია ტავისუფალ ბაზარზე და ჩვენ ეს უნდა დავასრულოთ“ - განაცხადა მან. შეგახსენებთ, რომ 2022 წლის ნოემბერში Binance-მა ფონდ SAFU-ს მოცულობა 1 მლრდ აშშ დოლარამდე გააფართოვა. https://tinyurl.com/3jyjskyt

საბაზისო Xiaomi 13-ის გარდა ოფიციალურად იქნა წარდგენილი ახალი თაობის ფლაგმანური სმარტფონი Xiaomi 13 Pro. მასში გამოყენებულია იგივე აპარატული პლატფორმა, რაც საბაზისო მოდელში, თუმცა აქვს უფრო დიდი ეკრანი, მოწინავე კამერა და მხარდაჭერილია უფრო სწრაფი დამუხტვა. Xiaomi 13 Pro-ს აქვს 6.73-დუიმიანი დისპლეი Samsung AMOLED E6 პანელით, გაფართოება 3200 × 1440 პიქსელი და კადრის განახლების დინამიური სიხშირე 1-დან 120 ჰერცამდე. ეს ეკრანი გამოირჩევა სიკაშკაშის მაღალი, 1200 კდ/მ2 მახასიათებლით, მაქსიმალურმა სიკაშკაშემ კი შესაძლოა 1900 კდ/მ2-ს მიაღწიოს. ეკრანზე მხარდაჭერილია ტექნოლოგიები HLG, HDR10+ და Dolby Vision, დაზიანებისგან კი დაცულია Gorilla Glass Victus-ით. სმარტფონი აგებულია უახლეს ერთკრისტალიან პლატფორმა Snapdragon 8 Gen 2-ზე ისევე, როგორც სტანდარტული Xiaomi 13. თუმცა გასაკვირი ის არის, რომ Xiaomi 13 Pro-ს გაგრილებაზე პასუხისმგებელია 3400 მმ2 ფართობის მქონე კამერა, რაც 1200 მმ2-ით ნაკლებია საბაზისო მოდელთან შედარებით. მოდიფიკაციების შესაბამისად სმარტფონს აქვს 8 ან 12 გბ LPDDR5X-8533 ოპერატიული მეხსიერება და 128, 256 ან 512 გბ UFS 4.0 ფლეშ-მეხსიერება სიჩქარით 3.5 გბ/წმ-მდე. ზომის გარდა Pro-ვერსიის განმასხვავებელი მახასიათებელია კამერები. უკანა პანელზე განთავსდა სამი მოდული. მთავარი კამერა აგებულია 50-მეგაპიქსელიან Sony IMX989 სენსორზე, დიაგონალი შეადგენს 1 დუიმს, პიქსელების ზომა - 1.6 მიკრომეტრს - მსგავსი სენსორია გამოყენებული Xiaomi 12S Ultra-ში. უკანაზე პანელზე ასევე მოცემულია Leica-ს ოპტიკა f/1.9 დიაფრაგმითა და Hyper OIS ოპტიკური სტაბილიზაციით. მნიშვნელოვანი განახლება შეეხო ტელეფოტო მოდულს: იგი აგებულია გამოსახულების 50-მეგაპიქსელიან სენსორზე, აქვს ობიექტივი Leica Floating Lens დიაფრაგმით f/2.0 და სამმაგი ოპტიკური ზუმი. საინტერესოა ის, რომ მინიმალური ფოკუსური დაშორება მხოლოდ 10 სმ-ს შეადგენს. მესამე მოდულია ფართოკუთხიანი კამერა, რომელიც ასევე 50-მეგაპიქსელიანია და აქვს 14 მმ ოპტიკა f/2.2 ფოტოძალით. Xiaomi 13 Pro-ს აქვს 4820 მა/სთ მოცულობის ბატარეა, რომელზეც საფირმო ჩიპ Surge G1-ის წყალობით მხარდაჭერილია 120-ვატიანი სწრაფი დამუხტვა და 50-ვატიანი უსადენო დამუხტვა. ბოლო მათგანს ასევე შეუძლია სხვა გაჯეტების დამუხტვა 10 ვატამდე სიმძლავრით. ხელმისაწვდომია Dolby Atmos სტერეოდინამიკები Dolby Head მხარდაჭერით, ასევე ინფრაწითელი მოდული. Xiaomi 13 Pro დამზადებულია ალუმინისა და კერამიკისგან და ხელმისაწვდომია შავ, მწვანე და თეთრ ფერებში. ასევე გამოვა ვერსია ღია ცისფერ ფერში, რომლის უკანა პანელი დამზადებული იქნება „ნანოტყავისგან“ და მტვრისგან დაცული იქნება სპეციალური საფარით. მოწყობილობა მტვრისა და წყლისგან დაცულია IP68 სტანდარტის შესაბამისად. ჯერჯერობით Xiaomi-მ სიახლე მხოლოდ შიდა ჩინეთის ბაზრისთვის წარადგინა, სადაც სმარტფონები გაყიდვაში 14 დეკემბრიდან გამოვა. ჩინეთის ფასები ასე გამოიყურება: Xiaomi 13 Pro 8 გბ ოპერატიული და 128 გბ ფლეშ-მეხსიერებით - 4999 იუანი (დაახლოებით 718$), Xiaomi 13 Pro 8/256 გბ - 5399 იუანი (დაახლოებით $776), Xiaomi 13 Pro 12/256 გბ - 5799 იუანი (დაახლოებით 833$), Xiaomi 13 Pro 12/512 გბ - 6299 იუანი (დაახლოებით 905$). https://tinyurl.com/5n96fff4

კომპანია PowerColor-მა წარადგინა ვიდეო ბარათები Radeon RX 7900 XTX და RX 7900 XT საფირმო შესრულებით Red Devil. ბარათებს აქვთ სამქულერიანი გაგრილების მასიური სისტემა. ფოტოს წყარო: PowerColor წარმოდგენილი ბარათების უნიკალური, თუმცა პრაქტიკული თვალსაზრისით სრულიად უსარგებლო მახასიათებელია უკანა გამაძლიერებელი ფირფიტის უჩვეულო დიზაინის მქონე მოსახსნელი თავსახური. თავად ფირფიტისგან განსხვავებით იგი დამზადებულია არა ლითონის, არამედ პლასტმასისგან, ამიტომ არ გააჩნია რაიმე დამატებითი გაგრილების უნარი, არამედ აქვს მხოლოდ დეკორატიული ფუნქცია და აღჭურვილია RGB განათებით. კომპანიას არ გაუზიარებია Radeon RX 7900 XTX Red Devil და RX 7900 XT Red Devil ვიდეო ბართების დეტალური ტექნიკური მახასიათებლები. მხოლოდ ის აღინიშნა, რომ ბარათებში გამოყენებული 14-ფენიანი ტექსტოლიტისგან დამზადებული PCB ისევე, როგორც ადრე წარმოდგენილ Hellhound დიზაინის Radeon RX 7900 XTX-სა და RX 7900 XT-ში. Red Devil განსხვავდება მხოლოდ 21-ფაზიანი VRM კვების ქვესისტემით. Hellhound მოდელებში იგი 20-ფაზიანია. კომპანიამ ასევე გააძლიერა Red Devil ვიდეო ბარათების დიზაინი ლითონის გვერდითა ფირფიტით, რომელიც დამატებით იცავს ამაჩქარებლებს PCIe სლოტში ჩავარდნისაგან. ორივე ვიდეო ბარათს აქვს სამი 8-პინიანი კონექტორი დამატებითი კვებისთვის და ორმაგი BIOS სისტემის მხარდაჭერა. Red Devil დიზაინის მქონე ვიდეო ბარათების ყველა მოდელის დამახასიათებელი თვისებაა წითელი განათება - მწარმოებელს ამ ტრადიციისგან არ გადაუხვევია. https://tinyurl.com/2vctzh2z

SEC-მა საჯარო კომპანიებს მოსთხოვა ინვესტორებს გაუზიარონ ინფორმაცია ბიზნესის რისკების ან კრიპტოვალუტების ბაზარზე ტურბულენტობის შედეგად გამოწვეული ზიანის შესახებ. სააგენტომ ეს ნაბიჯი ინდუსტრიის მონაწილეთა ბოლოდროინდელი გაკოტრებისგან გამოწვეული შეშფოთებით ახსნა. ფასიანი ქაღალდების შესახებ კანონის შესაბამისად კომპანიებს უნდა ჰქონეთ ვალდებულება ისეთი ინფორმაციის გაზიარების შესახებ, რომელიც პირდაპირ ან ირიბად დაკავშირებულია ბიზნესზე გავლენის მქონე მოვლენებთან“ - ნათქვამია დოკუმენტში. კომპანიებს სთხოვენ უპასუხონ, შეექმნათ თუ არა რაიმე რისკი მათ ბიზნესს „კრიპტო აქტივების დაფარვის ან გატანის შეჩერების გამო“. SEC-მა განმარტა, რომ წერილებში გამოგზავნილი კითხვები არ არის „ამომწურავი“ და რომ კომპანიებმა დამოუკიდებლად უნდა შეაფასონ საკუთარი რისკები და საფრთხეები. შეგახსენებთ, რომ ნოემბერში SEC-მა სხვა მარეგულირებელებთან ერთად დაიწყო გაკოტრებული FTX-ის ურთიერთობის შესწავლა მის ამერიკულ ქვეგანყოფილებასა და Alameda Research-თან. კრიპტო ბირჟის დაშლამ ზარალი მიაყენა გარე კომპანიებს, რომლებიც ურთიერთობდნენ FTX-თან. ზოგიერთ მათგანს მუშაობა მთლიანად ან ნაწილობრივ შეჩერებული აქვს. https://tinyurl.com/452r2m3u

Raptor Lake სერიის დესკტოპ პროცესორების ანონსის ფარგლებში კომპანია Intel-მა დაადასტურა, რომ აპირებს კიდევ ერთი ფლაგმანური პროცესორის გამოშვებას, რომელიც ქარხნულად 6 გჰც-მდე იქნება აჩქარებული. კომპანიას ოფიციალურად არ განუცხადებია ამ მოდელის დასახელება, თუმცა ცხადია, რომ საუბარი ეხებოდა Core i9-13900KS-ს. Intel-ის ჩიპების შესახებ გავრცელებულმა ხმებმა დაადასტურა ეს ვარაუდი და ამასთანავე ცნობილი გახდა სამომავლო CPU-ის სრული მახასიათებლები. ფოტოს წყარო: VideoCardz Core i9-13900KS - ეს გახლავთ 24-ბირთვიანი პროცესორი, რომლის შემადგენლობაში შედის რვა მაღალი წარმადობის P-ბირთვი და 16 ენერგოეფექტური E-ბირთვი. მხარდაჭერილია 32 ნაკადი. ტექნოლოგია Turbo Boost Max 3.0 მის 1-2 ყველაზე მაღალი წარმადობის ბირთვს 5.8 გჰც-მდე ავტომატურად აჩქარების საშუალებას აძლევს. დამატებით 200 მჰც ავტომატურ აჩქარებას აღნიშნულ 6 გჰც-მდე უზრუნველყოფს ტექნოლოგია Thermal Velocity Boost. Core i9-13900KS-ის დიდი ბირთვების საბაზისო ტაქტის სიხშირე ასევე 200 მჰც-ით მეტია ჩვეულებრივ Core i9-13900K-სთან შედარებით და 3.2 გჰც-ს შეადგენს. ამასთან, KS-ვერსიის ენერგოეფექტური ბირთვები კვლავ ამჟამინდელ დიაპაზონში - 2.2-დან 4.3 გჰც-მდე მუშაობენ. ფოტოს წყარო: Twitter / @9550pro Core i9-13900KS-ის ნომინალური ენერგომოხმარება გაიზარდა 125-დან 150 ვატამდე, თუმცა მაქსიმალური მოხმარება არ შეცვლილა და 253 ვატს შეადგენს. ჩიპზე მხარდაჭერილია ოპერატიული მეხსიერების იგივე სტანდარტები, რაც Raptor Lake პროცესორის ყველა სხვა მოდელზე - DDR4-3200 და DDR5-5600. ასევე გაზიარდა Core i9-13900KS-ის წარმადობის მონაცემები Geekbench-ის სინთეტიკურ ტესტში. პროცესორი გაიტესტა სისტემის შემადგენლობაში, რომელშიც მოცემული იყო დედა დაფა ASUS ROG Z790 Maximus Hero და 32 გბ DDR5-7200 სტანდარტის ოპერატიული მეხსიერება. ფოტოს წყარო: Geekbench Geekbench-ის სამი ტესტიდან მიღებული დეტალური ტელემეტრიული მონაცემები მიუთითებს, რომ Core i9-13900KS ავტომატურად აჩქარდა რამდენიმე ბირთვზე 5893 მჰც-მდე, თუმცა მისი საშუალო ტაქტის სიხშირე 5867 მჰც-ს შეადგენდა. ფოტოს წყარო: Geekbench ერთბირთვიანი წარმადობის ტესტში პროცესორმა დააფიქსირა 2319 ქულა, მრავალბირთვიანი წარმადობის ტესტში კი - 26774 ქულა. ამრიგად, მისი ერთბირთვიანი წარმადობა საშუალოდ 10%-ით აღემატება წინამორბედ Core i9-12900KS-ის (Alder Lake) მაჩვენებელს, მრავალბირთვიანი კი 39%-ით. ფოტოს წყარო: Geekbench ფოტოს წყარო: VideoCardz მოსალოდნელია, რომ Core i9-13900KS-ის ოფიციალური წარდგენა შედგება იანვრის დასაწყისში გამოფენა CES 2023-ზე. გაყიდვაში კი მომავალი წლის პირველი კვარტლის განმავლობაში გახდება ხელმისაწვდომი. https://tinyurl.com/46kcrjpk

ევროკავშირმა დააწესა ზუსტი ვადა, რის შემდეგაც რეგიონში გაყიდული ყველა მობილური მოწყობილობა უნდა იყოს აღჭურვილი ერთიანი დამტენი პორტით - არჩეულ იქნა USB Type-C ინტერფეისი. კომპანიებს ვადა აქვთ 2024 წლის 28 დეკემბრამდე. ფოტოს წყარო: tomekwalecki / pixabay.com ამ თარიღის დაწესება უკავშირდება იმ ფაქტს, რომ ევროკავშირის ხელისუფლებამ ოფიციალურად გამოაქვეყნა შესაბამისი კანონი. ეს იმას ნიშნავს, რომ იგი ძალაში შევა 20 დღეში და ამ მომენტიდან ევროკავშირში შემავალ ქვეყნებს ექნებათ 24 თვე, რათა გადაწყვეტილება ადგილობრივ დონეზე გააფორმონ. ვადა მეტ-ნაკლებად შეესაბამება კანონის მიღებაში ჩართული პოლიტიკოსების ოფიციალურ განცხადებებს, მაგრამ ზუსტი თარიღი უცნობი რჩებოდა, რადგან რეგიონში სამართლებრივი ნორმები, როგორც წესი, რამდენიმე ეტაპად ამოქმედდება. კანონი ვრცელდება მობილურ ტელეფონებზე, პლანშეტებზე, ციფრულ კამერებზე, ყურსასმენებსა და პორტატულ გეიმინგ კონსოლებზე. მსგავსი ზომები გავრცელდება ლეპტოპებზეც, მაგრამ ეს არ მოხდება 2026 წლის აპრილამდე. ნორმა ვრცელდება მხოლოდ სადენიანი დამტენების შემთხვევაში - უსადენო დატენვა შესაძლებელია USB Type-C-ის გარეშე. ამ პორტის გამოყენება მოუწევს Apple-ს, რომელიც ჯერჯერობით iPhone-ებს საფირმო Lightning ინტერფეისით აკომპლექტებს. იურიდიულად კომპანია ახალ სტანდარტზე გადასვლას მხოლოდ 2025 წლის iPhone-ის გამოშვებით შეძლებს, მაგრამ რეალურად Apple-მა შესაძლოა გადაწყვიტოს შეცვლა კიდევ უფრო ადრე - შესაძლოა 2023 წელსაც კი. https://tinyurl.com/2k4ar6sk

ევროკომისია გეგმავს დაავალდებულოს ვირტუალური აქტივების პროვაიდერები (VASP) - მომხმარებლის ანგარიშების შესახებ ინფორმაცია გადასცენ ეროვნულ ფისკალურ სერვისებს. ინიციატივა ხორციელდება ადმინისტრაციული თანამშრომლობის მერვე დირექტივის (DAC8) ფარგლებში. იგი გავრცელდება Stablecoin-ებზე, კრიპტო დერივატივებსა და NFT-ებზე. ევროკომისია სწავლობს მოთხოვნის გავრცელების შესაძლებლობას ევროკავშირის გარეთ ბაზირებულ VASP-ებზე. ”ანონიმურობა ნიშნავს, რომ ციფრული აქტივების ბევრი მფლობელი, რომლებიც მნიშვნელოვან მოგებას იღებენ, ეროვნული საგადასახადო ორგანოების ყურადღების ცენტრში არ ხვდებიან. ეს მიუღებელია“, - განაცხადა ევროკავშირის საგადასახადო კომისარმა პაოლო ჯენტილონიმ. მისი თქმით მიღებული ზომები გააფართოვებს კრიპტოვალუტების რეგულირების კანონპროექტ MiCA-ს ნორმებს. ეს უკანასკნელი საშუალებას აძლევს მომხმარებელს ევროკავშირიდან გახსნას ანგარიშები „უკუ მოზიდვის“ პროცედურის გამოყენებით. მანამდე საინფორმაციო მედიაში გავრცელდა ინფორმაცია ევროკომისიის გეგმების შესახებ კრიპტო კომპანიებისგან 2.4 მლრდ ევროს გადასახადების შეგროვებასთან დაკავშირებით. შეგახსენებთ, რომ ოქტომბერში ევროკავშირის საბჭოს წევრებმა ხელი მოაწერეს კრიპტოვალუტის რეგულირების კანონპროექტ MiCA-ს. დოკუმენტი მოიცავს წესებს, რომლებიც ვრცელდება არაუზრუნველყოფილი კრიპტო აქტივების, Stablecoin-ების, ასევე სავაჭრო და კასტოდიალური პლატფორმების ემიტენტებზე. კანონპროექტის ტექსტი ევროპარლამენტმა ოფიციალურად უნდა დაამტკიცოს. სავარაუდოდ, იგი ევროკავშირის ოფიციალურ ჟურნალში 2023 წლის დასაწყისში გამოქვეყნდება. https://tinyurl.com/44m5acee

რამდენიმე კომპანია ამზადებს GeForce RTX 40 სერიის ვიდეო ბარათებს თეთრ ფერში. Zotac-მა წარადგინა მოდელები GeForce RTX 4090 AMP Extreme AIRO White Edition და RTX 4080 AMP Extreme AIRO White Edition, კომპანია AXGaming-მა - თეთრი GeForce RTX 4080 X3W, Colorful კი ამზადებს GeForce RTX 4090 iGame Lab Edition-ს. ფოტოს წყარო: VideoCardz კომპანია Zotac-ის წარმოების GeForce RTX 4090-სა და RTX 4080 AMP Extreme AIRO White Edition-ს ზუსტად ისეთივე მახასიათებლები აქვს, როგორც ორიგინალ AIRO ვერსიას. განსხვავებულია მხოლოდ დიზაინი. White Edition ვერსიის გაგრილების სისტემის გარეკანი და უკანა გამაძლიერებელი ფირფიტა თეთრი შეფერილობისაა. მოდელ GeForce RTX 4090 AMP Extreme AIRO White Edition-ის გრაფიკული ბირთვის სიხშირეა 2580 მჰც. ამავე წარმოების GeForce RTX 4080-ის GPU AD103-ის სიხშირე 2565 მჰც-ს შეადგენს. შეგახსენებთ, რომ Zotac ასევე აწარმოებს Trinity სერიის უფრო ხელმისაწვდომ მოდელებს, მაგრამ მათ არ აქვთ თეთრი ფერის დიზაინი. კომპანია AXGaming, რომელიც Innovision Multimedia-ის (Inno3D) ქვებრენდია, ცოტა ხნის წინ გამოჩნდა გეიმინგ ვიდეო ბარათების ბაზარზე. კომპანიას ასორტიმენტში უკვე აქვს GeForce RTX 4090 X3W მოდელი თეთრ-ლურჯი დიზაინით. ახლა კომპანიამ წარმოადგინა ვიზუალურად იდენტური GeForce RTX 4080 X3W. ახალი ვიდეო დაფა გამოვიდა ქარხნული აჩქარების მქონე და მის გარეშე არსებულ მოდიფიკაციებში. AXGaming GeForce RTX 4080 X3W (OC) ვიდეო ბარათებს აქვს გაგრილების მასიური სისტემები სამი ქულერით და პერსონალური კომპიუტერის კორპუსში გაფართოების სამ სლოტს იკავებენ. ვიდეო ბარათის OC ვერსიას მცირე ქარხნული აჩქარება აქვს. გრაფიკული პროცესორის სიხშირეა 2535 მჰც - ეტალონური მაჩვენებელი 2508 მჰც-ს შეადგენს. რადგანაც აჩქარება უმნიშვნელოა, ვიდეო ბარათის ენერგომოხმარება ეტალონურისგან არ განსხვავდება და შეადგენს 320 ვატს. ფოტოებზე წარმოდგენილ AXGaming GeForce RTX 4080 X3W (OC) ვიდეო ბარათებზე ჩანს, რამდენად მოკლე PCB არის გამოყენებული მასში. მისი სიგრძე მინიმუმ 40%-ით ნაკლებია გაგრილების სისტემაზე. გამაძლიერებელი ფირფიტის დიდ ფართობზე მოცემული ჭრილები უზრუნველყოფს ვიდეო ბარათის რადიატორიდან ცხელი ჰაერის უკეთ გაბნევას. ფრანგულ გამოცემა Overclocking.com-ის ცნობით Colorful ემზადება თეთრი GeForce RTX 4090 iGame Lab Edition-ის გამოსაშვებად. ამ ამაჩქარებლის შესახებ დეტალური ინფორმაცია ჯერ არ არის ხელმისაწვდომი. ცნობილია მხოლოდ ის, რომ ბარათში გამოყენებულია iGame Vulcan მოდელის თეთრი ფერის გაგრილების სისტემა. ფოტოს წყარო: Overclocking.com ამ დროისთვის უცნობია, რა დონის ენერგომოხმარება ექნება GeForce RTX 4090 iGame Lab Edition მოდელს. ორიგინალურ iGame Vulcan-ს აქვს სწრაფი აჩქარების ღილაკი, რომელსაც გადაყავს vBIOS-ს OC რეჟიმში და ზრდის გრაფიკული ბარათის მაქსიმალურ ენერგომოხმარებას 550 ვატამდე. ხელმისაწვდომი იქნება თუ არა ეს ვარიანტი iGame Lab მოდელის შემთხვევაში, ჯერჯერობით უცნობია. ფოტოს წყარო: Overclocking.com პორტალ VideoCardz-ის მონაცემებით მოდელი GeForce RTX 4090 iGame Lab შემოთავაზებული იქნება ძალიან შეზღუდული ტირაჟით. კომპანია გეგმავს ამ ვიდეო ბარათის მხოლოდ 200 ეგზემპლარის გამოშვებას, თანაც აზიის ბაზრის გარეთ ბარათი არ გაიყიდება. https://tinyurl.com/2p8jcvjv

Intel მომავალ კვირას აპირებს ვებინარის გამართვას ინვესტორებისთვის, სადაც ისაუბრებს სხვადასხვა პროდუქციის გამოშვების მიმდინარე გეგმებზე. ეს ინფორმაცია ინტერნეტში ვადაზე ადრე გავრცელდა. კომპანია აპირებს მომავალ წელს წარადგინოს განახლებული სამომხმარებლო Raptor Lake, ჩიპები სამუშაო სადგურებისთვის - Sapphire Rapids-WS, ასევე სპეციალური Sapphire Rapids-SP სამუშაო სადგურებისთვის. ყველა ახალი პროცესორი მომდევნო ხუთი კვარტლის განმავლობაში გამოვა. ფოტოს წყარო: Intel გამოქვეყნებული პრეზენტაციის სლაიდების მიხედვით სამომხმარებლო პროცესორების განახლებული Raptor Lake-S Refresh სერია გამოვა მომავალი წლის მესამე კვარტალში - ერთი წელიც არ იქნება გასული პირველი მე-13 თაობის Intel Core პროცესორების გამოშვებიდან. Intel Raptor Lake-S Refresh. ფოტოს წყარო: Twitter / @9550pro Intel-ის სამომხმარებლო პროცესორების სამომავლო გეგმის თანახმად კომპანია მე-13 თაობის ყველა Core მოდელს განაახლებს TPD-ის 125, 65 და 35 ვატი მაჩვენებლებით. აღსანიშნავია, რომ ამჟამად კომპანიას ჯერ კიდევ არ გამოუშვია Raptor Lake პროცესორები TDP-ის ნომინალურ 125 ვატზე ნაკლები მაჩვენებლით. მათი ანონსი მოსალოდნელია იანვრის დასაწყისში. Intel-ის ჩიპსეტების სამომავლო გეგმა ასევე მნიშვნელოვანია აღინიშნოს, რომ კომპანია არ გეგმავს დედა დაფის ახალი სერიის გამოშვებას განახლებული Raptor Lake-S Refresh პროცესორებისთვის. სხვა სიტყვებით რომ ვთქვათ, ყველა მომავალი განახლებული Raptor Lake მოდელი იმუშავებს Intel 700 სერიის ჩიპსეტების მქონე დედა დაფებზე. ამჟამად ამ სერიის ჩიპსეტებში წარმოდგენილია მხოლოდ უფროსი მოდელი Intel Z790. კომპანია აგრეთვე წარადგენს H770 და B760 ჩიპსეტებს, საბაზისო სეგმენტში კი დარჩება H610. განსაკუთრებული პლატფორმები Sapphire Rapids-WS (Intel Xeon W-3400) სამუშაო სადგურებისთვის განკუთვნილ Sapphire Rapids-WS პლატფორმის ფარგლებში Intel გამოუშვებს პროცესორების ორ სერიას: Xeon W-3400 და Xeon W-2400. პირველ მათგანში წარმოდგენილი იქნება 12-დან 56-მდე ბირთვი 24-დან 112-მდე ვირტუალური ნაკადის მხარდაჭერით და იმუშავებენ 4.8 გჰც სიხშირეზე. ამ პროცესორებს ექნება 30-დან 105 მბ-მდე L3 ქეშ-მეხსიერება და TDP-ის ნომინალური მაჩვენებელი - 220-დან 350 ვატამდე. Intel Xeon W-3400-ის მოდელების ხაზი Intel Xeon W-3400 სერიის პროცესორების ნაწილს ექნება განბლოკილი მულტიპლიკატორი, რაც შესაძლებელს გახდის მათ მექანიკურ აჩქარებას. ჩიპებს ექნება 4 ტბ-მდე რვაარხიანი DDR5-4400 და DDR5-4800 სტანდარტის ოპერატიული მეხსიერების, აგრეთვე 112 PCIe 5.0 ხაზის მხარდაჭერა. განსაკუთრებული პლატფორმები Sapphire Rapids-WS (Intel Xeon W-2400) Xeon W-2400 სერიაში შევა ჩიპები 6-დან 24-მდე ბირთვით, 12-დან 48-მდე ვირტუალური ნაკადის მხარდაჭერით. მათ ექნება 15-დან 45 მბ-მდე L3 ქეშ-მეხსიერება და იმუშავებენ 4.8 გჰც-მდე სიხშირეზე. ამ პროცესორების TDP-ის ნომინალური მაჩვენებელი იქნება 110-დან 225 ვატამდე. Intel Xeon W-3400-ის მოდელების ხაზი Xeon W-2400 სერიის მოდელების ნაწილსაც ექნება განბლოკილი მულტიპლიკატორი. პროცესორებს ექნება 2 ტბ-მდე DDR5-4400 და DDR5-4800 სტანდარტების ოპერატიული მეხსიერებისა და 65 PCIe 5.0 ხაზის მხარდაჭერა. განსაკუთრებული პლატფორმები Sapphire Rapids-SP სამუშაო სადგურებისთვის სასერვერო დონის Sapphire Rapids-SP პროცესორებში წარმოდგენილი იქნება მე-4 თაობის Xeon Scalable სერიები მოდელებით Platinum, Gold, Silver და Bronze. Xeon Scalable Platinum სერიის ჩიპებს ექნება 36-დან 56-მდე გამომთვლელი ბირთვი 72-დან 112-მდე ვირტუალური ნაკადის მხარდაჭერით. ამ ჩიპებში არ იქნება წარმოდგენილი ტექნოლოგია Intel Boost Max 3.0, რომელიც ხელმისაწვდომი იქნება Sapphire Rapids-WS სერიის სამუშაო სადგურებისთვის განკუთვნილ მოდელებში, ამიტომ ჩიპების მაქსიმალური ტაქტის სიხშირე 3.8 გჰც-ს შეადგენს. ამ პლატფორმას ექნება 80 PCIe 5.0 ხაზისა და 4 ტბ-მდე DDR5-4800 ოპერატიული მეხსიერების მხარდაჭერა პროცესორის ერთ კონექტორზე. ჩიპების ნომინალური TDP-ის დონე იქნება 300-დან 350 ვატამდე. Intel Sapphire Rapids-SP სერიის მოდელების ხაზი სამუშაო სადგურებისთვის (Xeon Platinum 8400) Gold მოდელებს ექნება 8-დან 32-მდე ბირთვი 16-დან 64-მდე ვირტუალური ნაკადის მხარდაჭერით და იმუშავებენ 4.1 გჰც-მდე სიხშირეზე. პროცესორებში ხელმისაწვდომი იქნება 22.5-დან 60 მბ-მდე L3 ქეში, TDP-ის დონე კი შეადგენს 185-დან 250 ვატამდე მოდელის შესაბამისად. ოპერატიული მეხსიერების სტანდარტი და მოცულობა, აგრეთვე PCIe 5.0 ხაზების რაოდენობა Platinum მოდელების იდენტური იქნება. Intel Sapphire Rapids-SP სერიის მოდელების ხაზი სამუშაო სადგურებისთვის (Xeon Gold 6400) Silver სერია წარმოდგენილი იქნება ორი მოდელით: 12 და 20 გამომთვლელი ბირთვის მქონე პროცესორებით, რომელთაც ექნება 24 და 40 ნაკადის მხარდაჭერა, შესაბამისად. ორივე ჩიპი იმუშავებს 3.9 გჰც სიხშირეზე. პროცესორებს ექნება 30 და 37.5 მბ L3 ქეში. მათი TDP-ის მაჩვენებელი შეადგენს 150 და 165 ვატს, შესაბამისად. Intel Sapphire Rapids-SP სერიის მოდელების ხაზი სამუშაო სადგურებისთვის (Xeon Silver 4400 და Bronze 3400) Bronze სერია წარმოდგენილი იქნება მხოლოდ ერთი რვაბირთვიანი მოდელით მრავანაკადიანი ტექნოლოგიის მხარდაჭერის გარეშე. პროცესორი იმუშავებს 1.8-1.9 გჰც სიხშირეზე, ექნება 22.5 მბ L3 ქეშ-მეხსიერება და TDP-ის დონე - 125 ვატი. https://tinyurl.com/3sctwwdc

პირველი კრიპტოვალუტის ფასის მაქსიმალური მაჩვენებლიდან 70%-ით ვარდნა დასასრული არ არის და არსებობს კოტირებების კიდევ შემცირების მნიშვნელოვანი რისკი. ასეთი აზრი გამოთქვა Euro Pacific Capital-ის პრეზიდენტმა პიტერ შიფმა. ასე გამოეხმაურა ოქროს მხარდამჭერი Standard Chartered-ის ექსპერტებს. მათი აზრით FTX-ის კოლაფსის გავლენა კვლავ გაგრძელდება კრიპტო ბაზრის განწყობაზე, რაც 2023 წელს გამოიწვევს ციფრული ოქროს ფასის 5 ათას აშშ დოლარამდე შემცირებას. „ასეთი ვარდნის შემდეგ Bitcoin კვლავ გადაჭარბებულად იქნება შეფასებული, ამიტომ 5 ათას აშშ დოლარიანი ნიშნული ფსკერთან ახლოსაც კი არ იქნება“ - დაწერა შიფმა. Twitter-ის მორიგი შეტყობინებით მან ინვესტორებს მოუწოდა „არ დაუშვან შეცდომა“ იმის ფიქრით, რომ პირველი კრიპტოვალუტა შეძლებს 17 ათას აშშ დოლარიანი მინიმუმის ჩამოყალიბებას. „იგი მომდევნო მაქსიმუმს აყალიბებს. ამ დათვური ბაზრის პერიოდში ყოველ ჯერზე, როდესაც Bitcoin იკლებს, იგი ახდენს საკუთარი დანაკარგების კონსოლიდაციას მომდევნო შემცირებამდე“ - განაცხადა შიფმა. Euro Pacific Capital-ის პრეზიდენტმა კომენტარი გააკეთა JPMorgan-ის ხელმძღვანელ ჯეიმი დაიმონის გამოსვლაზე. ტელეარხ CNBC-ის ეთერში მან კრიპტოვალუტები გააკრიტიკა და ტოკენები Pet Rock-ებს შეადარა. (Pet Rock - საკოლექციო სათამაშო. შეიქმნა 1975 წელს. ეს იყო ჩვეულებრივი გლუვი ქვა, შეფუთული იყო მუყაოს კოლოფში სასუნთქი ნახვრეტებით და იყიდებოდა, როგორც შინაური ცხოველი. მთლიანობაში ერთ მილიონზე მეტი შინაური ცხოველის ქვა გაიყიდა თითო ოთხ დოლარად, რის წყალობითაც უჩვეულო სათამაშოს შემქმნელი აღიარეს „მილიონერად და ბრწყინვალე ანტრეპრენერად). შიფის აზრით, დაიმონმა ამ შეფასებას ციფრული აქტივისთვის გადაჭარბებულიც კი უწოდა, რადგან სათამაშო ქვას სარგებელი მაინც აქვს. „თქვენ შეგიძლიათ გამოიყენოთ ეს ქვა, როგორც ქაღალდებზე დასადები წონა, კარის დასამაგრებელი, იარაღი ან აკვარიუმის ფსკერის დეკორაცია. თუ თქვენ გაქვთ სამი მათგანი, შეგიძლიათ ჟონგლიორობა, ”- დაწერა ოქროს მხარდამჭერმა. საპასუხოდ მან კვლავ მიიღო კრიტიკა Twitter-ის მომხმარებლებისგან. ერთ-ერთმა მათგანმა იკითხა, რით განსხვავდება „Pet Rock-ის ღირებულება ოქროს ნაჭრის ღირებულებისგან“. „ქვა ვერ ატარებს ელექტროენერგიას და ვერ გამოიყენება ლამაზი სამკაულების დასამზადებლად. ოქრო ქვებზე ბევრად უფრო სასარგებლო და იშვიათია და, შესაბამისად, უფრო ღირებულიც. მაგრამ ქვები მაინც უფრო სასარგებლო და ღირებულია, ვიდრე Bitcoin“, - განმარტა შიფმა. ამ დრომდე Euro Pacific Capital-ის პრეზიდენტმა არაერთხელ იწინასწარმეტყველა პირველი კრიპტოვალუტის ფასის მნიშვნელოვანი ვარდნა. მაისის დასაწყისში მან ივარაუდა კოტირების შემცირება 10 ათას აშშ დოლარამდე 30 ათას აშშ დოლარიანი დონის მკვეთრი გარღვევის შემთხვევაში. 11 მაისს განსაზღვრული ღირებულების ქვემოთ ფასის ჩამოსვლის შემდეგ მან ივარაუდა, რომ Bitcoin 8 ათას აშშ დოლარიან დონეზე ჩამოვიდოდა. ციფრული ოქრო იყიდებოდა დაახლოებით 30 ათას აშშ დოლარად, სანამ 23 ათას აშშ დოლარამდე ჩამოვიდოდა. ამის ფონზე შიფმა განაახლა პროგნოზი ფასის 5 ათას აშშ დოლარამდე ჩამოსვლასთან დაკავშირებით. შეგახსენებთ, ნოემბერში Euro Pacific Capital-ის პრეზიდენტმა განაცხადა, რომ ორი წამყვანი Stablecoin-ის - USDT-ისა და USDC-ის ჯამური კაპიტალიზაცია გადააჭარბებს პირველი კრიპტოვალუტის კაპიტალიზაციას. https://tinyurl.com/5bvztmpv