Magdalena

კომპანია ASUS-მა Noctua-სთან თანამშრომლობის ფარგლებში წარადგინა ვიდეო ბარათი GeForce RTX 4080 Noctua OC Edition. მისი განსაკუთრებულობა გაგრილების სისტემაში მდგომარეობს, რომლის შემადგენლობაში გამოყენებულია ორი საფირმო 120-მილიმეტრიანი ქულერი Noctua NF-A12x25 PWM. კომპანია ახალ ვიდეო ბარათს უწოდებს ჰაერით გაგრილების მქონე GeForce RTX 4080-ის ყველაზე უხმაურო ვერსიას ბაზარზე. ფოტოს წყარო: ASUS კომპანიას არ გაუზიარებია ვიდეო ბარათის სრული ტექნიკური მახასიათებლები, კერძოდ, არ მიუთითა 9728 CUDA ბირთვის მქონე AD103 გრაფიკული პროცესორის სიხშირე, რომელიც ბარათს უდევს საფუძვლად. თუმცა ASUS-მა დაადასტურა, რომ ვიდეო ბარათს აქვს ორმაგი BIOS სისტემა უხმაურო და მაღალი წარმადობის სამუშაო რეჟიმებით. GeForce RTX 4080 Noctua OC Edition 4.3-სლოტიანია. ASUS-ის თქმით, ამაჩქარებლის გაგრილების სისტემა, რომლის შემადგენლობაში სხვა დანარჩენთან ერთად შედის ამაორთქლებელი კამერა, იმდენად ეფექტურია, რომ გრაფიკული პროცესორის მაქსიმალური ტემპერატურა 61.7 გრადუს ცელსიუსს არ აღემატება მაქსიმალური დატვირთვისას. ამასთან თავად გაგრილების სისტემა ძალიან ჩუმია. მის შემადგენლობაში შემავალ Noctua NF-A12x25 PWM ქულერებს სრული გაჩერების ფუნქცია აქვთ გრაფიკულ ქვესისტემაზე სერიოზული დატვირთვის არარსებობის შემთხვევაში. კომპანიას ჯერ არ გამოუცხადებია GeForce RTX 4080 Noctua OC Edition-ის გაყიდვაში გამოსვლის თარიღი. https://tinyurl.com/2z8hf7kz

ვენჩურული კაპიტალის კომპანია Union Square Ventures-ის თანადამფუძნებელმა ფრედ უილსონმა ინვესტორები გააფრთხილა მომავალი თაობის ინტერნეტთან დაკავშირებულ პროექტებში ინვესტირების სერიოზული პოტენციური რისკების შესახებ. „მიუხედავად იმისა, რომ Web3-ს აქვს დამაჯერებელი ღირებულებები, დარწმუნებული არ ვარ, რომ ჯერ კიდევ უსაფრთხოა „ამ მდინარეში“ დაბრუნება, თუ არ გაქვთ მყარი ნერვები და არ ხართ ორიენტირებული ძალიან დიდ ჰორიზონტზე“, დაწერა უილსონმა თავის ბლოგში. მან დაამატა, რომ გასული წელი იყო "უმრავლესობისთვის მტკივნეული და ბევრისთვის დამღუპველი". „ჩვენი ოჯახის კაპიტალი ძალიან დაზარალდა. Union Square Ventures-ის მიერ მართული აქტივების საბალანსო ღირებულება განახევრდა“, - აღნიშნა ანტრეპრენერმა. მისი თქმით, Web3 სექტორი კვლავ ძალიან დაუცველია უფრო ფართო ტექნოლოგიების სექტორთან შედარებით. „არსებობს გადახდისუუნარო სტრუქტურები, რომლებიც არ არის რესტრუქტურიზებული. არის ფონდები, რომლებიც იმდენად ზარალშია, რომ შესაძლებელია მათი ლიკვიდაცია. ეს აქტივობები მუდმივ ზეწოლას მოახდენს Web3 ტოკენებზე მინიმუმ 2023 წლის პირველი კვარტლის განმავლობაში“, - განაცხადა უილსონმა. ინვესტორი პრობლემებს და ბევრ ტრადიციულ სტარტაპს ელის. მისი აზრით, ტექნოლოგიური სექტორი 2015 წლის მოდელის „ახალ ნორმას“ დაუბრუნდება. იმ დროს სერიის A რაუნდებში მოზიდული თანხები 15-25 მლნ აშშ დოლარის ფარგლებში იყო. თუმცა, შემდეგი თაობის ინტერნეტთან დაკავშირებული სტარტაპები კარგი ტოკენომიკით და ძლიერი ღირებულების წინადადებით მიიპყრობს ინვესტორების ყურადღებას, განაცხადა უილსონმა. „პირადად მე უფრო ოპტიმისტურად ვარ განწყობილი Ethereum-ის მიმართ, რადგან მას აქვს საუკეთესო ეკონომიკური მოდელი Web3 აქტივებს შორის“, - გაიზიარა თავისი მოსაზრება მან. Union Square Ventures-მა (USV) ინვესტიცია ჩადო ცნობილ პლატფორმებში, როგორებიცაა Twitter, Coinbase და Etsy. 2021 წლის დასაწყისში USV-მა გამოაცხადა თავისი განზრახვა ჩაედო დაახლოებით 75 მლნ აშშ დოლარის ინვესტიცია კრიპტო სტარტაპებში. ამ განცხადებიდან მალევე კომპანიამ ჩაატარა სტარტაპ Matter Labs-ის დაფინანსების რაუნდი, რომელიც ავითარებს Ethereum-ის მეორე დონის გადაწყვეტილება zkSync-ს. 2022 წლის დასაწყისში უილსონის კომპანიამ შეაგროვა 625 მლნ აშშ დოლარი ორ ფონდში, რომლებიც ორიენტირებულია Web3-სა და ტრადიციული ბაზრის ტექნოლოგიურ გადაწყვეტილებებზე. https://tinyurl.com/bdhacv8k

კომპანია Intel-მა წარადგინა მე-13 თაობის Core მობილური პროცესორები. ახალი პროდუქტების დებიუტი შედგა ოთხ სერიაში: გეიმინგ ლეპტოპებისთვის განკუთვნილი ყველაზე მძლავრი ჩიპები წარმოდგენილია სერიაში Raptor Lake-HX, ასევე გეიმინგ ლეპტოპებისთვის განკუთვნილი, შედარებით ნაკლებად ძლიერი ჩიპები - Raptor Lake-H სერიაში, თხელი ლეპტოპებისთვის განკუთვნილი მაღალი წარმადობის ჩიპები - Raptor Lake-P სერიაში და ყველაზე სუსტი ჩიპები თხელი ლეპტოპებისთვის - Raptor Lake-U სერიაში. დესკტოპ Raptor Lake პროცესორების მსგავსად მობილურ ვერსიებსაც ჰიბრიდული არქიტექტურა აქვთ: მათში გაერთიანებულია მძლავრი P-ბირთვები Raptor Cove და ენერეგოეფექტური E-ბირთვები Gracemont. ყველაზე მაღალი წარმადობის მოდელებში მოცემულია რვა P-ბირთვი და 16-მდე E-ბირთვი, ასევე შესაბამისად 32-მდე ნაკადი. ახალ პლატფორმას აქვს 16-მდე PCIe 5.0 ხაზისა და 128 გბ DDR5-5600 (ასევე DDR4-3200) ოპერატიული მეხსიერების მხარდაჭერა. Raptor Lake-HX სერიაში წარმოდგენილია მე-13 თაობის Core ჩიპები, რომლებიც ადაპტირებულია ლეპტოპებში გამოყენებაზე, რაც მიღწეულ იქნა TDP-ის 55 ვატამდე შემცირების შედეგად (დესკტოპ მოდელების TDP-ის დონე 125 ვატია), მაქსიმალური ენერგომოხმარებაა 157 ვატამდე (253 ვატი დესკტოპ მოდელებში), შედეგად შემცირებულია სამუშაო სიხშირეები. სერიაში შემავალი პროცესორების ბირთვების რაოდენობაა 10-დან 24-მდე. P-ბირთვების მაქსიმალური ტაქტის სიხშირე აღწევს 5.6 გჰც-ს Turbo-რეჟიმში. ინტეგრირებულ გრაფიკას გააჩნია 32-მდე ბლოკი (EU) და 1.65 ჰერცამდე სიხშირე. მესამე დონის ქეშ-მეხსიერების მოცულობა აღწევს 36 მბ-ს. Intel აცხადებს, რომ ახალი Core-HX პროცესორები თამაშებში 12%-ით სწრაფია წინა თაობის Alder Lake-HX-თან შედარებით, თუმცა რატომღაც ადარებენ Core i9-12900HX-სა და Core i9-13950HX-ს, რომლებიც არც თუ ისე ექვივალენტურია. ასევე გამოცხადებულია მნიშვნელოვანი ზრდა პროფესიონალურ აპლიკაციებში, განსაკუთრებით რენდერინგში. ახალი პროცესორები კიდევ უფრო მეტად აღემატება Zen 3+ არქიტექტურაზე დამყარებულ კონკურენტ Ryzen 6000 პროცესორებს - AMD-ს ჯერ არ წარუდგენია Zen 4 არქიტექტურის მქონე მობილური Ryzen 7000. Raptor Lake-H, Raptor Lake-P და Raptor Lake-U პროცესორები აგებულია მობილურ კრისტალებზე. მათ აქვთ 14-მდე ბირთვი, 24 მბ-მდე მესამე დონის ქეში და ინტეგრირებული გრაფიკა Intel Iris Xe, რომელიც მოიცავს 96-მდე EU-ს და მუშაობს 1.5 გჰც-მდე სიხშირეზე. ბევრ მოდელს აქვს უფრო სწრაფი ოპერატიული მეხსიერების მხარდაჭერა - LPDDR5X-6400 სტანდარტამდე. Raptor Lake-H ჩიპებში მოცემულია 8-დან (ოთხ-ოთხი P- და E-ბირთვი) 14-მდე ბირთვი (6 P-ბირთვი და 8 E-ბირთვი). ტაქტის სიხშირეები აღწევს 5.4 გჰც-ს. TDP დონეა 45 ვატი, ხოლო ენერგიის მაქსიმალური მოხმარება - 95 ვატი Core i5 მოდელების და 115 ვატი - Core i7 და Core i9 მოდელების შემთხვევაში. წარმადობის ზრდა წინა თაობის Core-H ჩიპებთან 10-11%-ს შეადგენს. Raptor Lake-P სერიაში შევიდა მხოლოდ ოთხი მოდელი, რომელთაგან სამს აქვს 12 ბირთვი (4+8), ერთს კი - 14 ბირთვი (6+8). მაქსიმალური ტაქტის სიხშირე შეადგენს 5.2 გჰც-ს, TDP-ის სტანდარტული დონე - 28 ვატს. მაქსიმალური ენერგომოხმარება 64 ვატს არ აღემატება. და ბოლოს, Raptor Lake-U-ში მოცემულია 5-დან 10 ბირთვი, რომელთაგან მხოლოდ 1 ან ორია მაღალი წარმადობის, დანარჩენები კი - ენერგოეფექტური. ასეა თუ ისე, მათ შემთხვევაში სიხშირეები შთამბეჭდავია - 5.2 გჰც-მდე. TDP-ის დონე შეადგენს 15 ვატს, მაქსიმალური ენერგომოხმარება - 55 ვატს. Intel Core 13 თაობის ყველა მობილურ პროცესორზე მხარდაჭერილია Wi-Fi 6E, Bluetooth LE Audio და Thunderbolt 4 - ბოლო მათგანს აქვს DisplayPort 2.1 მხარდაჭერა. Intel-ის თქმით 2023 წელს მოსალოდნელია 250-ზე მეტი ლეპტოპის გამოშვება ახალი პროცესორებით, ასევე 60-ზე მეტი მოდელის გამოსვლა მძლავრი Raptor Lake-HX სერიის ჩიპებით. ყველა მობილურ Raptor Lake-ს აქვს ტექნოლოგია Endurance gaming-ის მხარდაჭერა ბატარეის მუშაობის გასახანგრძლივებლად FPS-ის შემცირების ხარჯზე, ასევე ზოგიერთი ჩიპი ფლობს დისკრეტულ ხელოვნური ინტელექტის ამაჩქარებელ Movidius VPU-ს ხმაურის შემცირებისა და ვებ-კამერის გამოსახულების გაუმჯობესებისთვის. https://tinyurl.com/bdezndse

კომპანია Dell-მა ოფიციალურად წარადგინა მსოფლიოში პირველი გეიმინგ მონიტორი 500 ჰერცი კადრის განახლების სიხშირის მხარდაჭერით. 24.5-დუიმიან მოდელ Alienware AW2524H-ს საფუძვლად უდევს Fast IPS მატრიცა გაფართოებით 1920 × 1080 პიქსელი. ფოტოს წყარო: Dell მონიტორის პიქსელების რეაგირების დროა 0.5 მილიწამი (GtG), სიკაშკაშე - 400 კდ/მ2, კონტრასტულობა - 1000:1, მხარდაჭერილია 99%-იანი sRGB ფერთა გამა. მონიტორს აქვს HDR მხარდაჭერა და სერტიფიცირებულია VESA DisplayHDR 400 სტანდარტის შესაბამისად. Alienware AW2524H-ის საბაზისო კადრის განახლების სიხშირე DisplayPort-ის მეშვეობით 480 ჰერცს შეადგენს. თუმცა რეჟიმ Overdrive-ში შესაძლებელია 500 ჰერცამდე აჩქარება. HDMI ინტერფეისის მეშვეობით მონიტორზე მხარდაჭერილია გამოსახულების გამოტანა 240 ჰერცამდე სიხშირით. მოწყობილობას ასევე გააჩნია გამოსახულების სინქრონიზაციის ტექნოლოგია NVIDIA G-Sync-ისა და TUV ComfortView Plus-ის მხარდაჭერა, რაც მიუთითებს იმაზე, რომ მონიტორი იცავს მომხმარებლის თვალებს მავნე ლურჯი გამოსხივებისგან. Alienware AW2524H მოდელზე ხელმისაწვდომია ორი HDMI 2.1, ერთი DisplayPort 1.4, სამი USB 3.2 Gen1 სიჩქარით 5 გბ/წმ (ერთ-ერთ მათგანს აქვს NVIDIA Reflex Latency Analyzer-ის მხარდაჭერა), ორი USB 3.2 Gen1, ერთი კომბინირებული 3.5-მილიმეტრიანი აუდიოკონექტორი და ერთი ხაზობრივი შემავალი პორტი. მონიტორს აქვს რეგულირებადი სამზონიანი განათება AlienFX Lighting, ყურსასმენის საკიდი და ერგონომიური სადგამი, რომლის მეშვეობით შესაძლებელია ეკრანის სიმაღლის რეგულირება მაგიდიდან 110 მმ-მდე, აგრეთვე ეკრანის მოტრიალება და დახრა. მონიტორის ღირებულება კომპანიას არ გამოუცხადებია, თუმცა პირობა დადო, რომ Alienware AW2524H-ს მიმდინარე წლის პირველი კვარტლის განმავლობაში გამოუშვებს. https://tinyurl.com/yr497p3k

2009 წლის 3 იანვარს ადამიანმა ან ადამიანთა ჯგუფმა, ფსევდონიმით სატოში ნაკამოტო, აამოქმედა Bitcoin-ის მთავარი ქსელი და მოიპოვა Genesis-ბლოკი 50 BTC-ით. მის ჰეშში მოცემული იყო The Times-ის ბრიტანული გამოცემის სტატიის სათაური „Chancellor on brink of second bailout for banks“. ქსელის გაშვებამდე ცოტა ხნით ადრე, 2008 წლის 31 ოქტომბერს გამოქვეყნდა Bitcoin-ის white paper. პირველი ტრანზაქცია განხორციელდა 2009 წლის 12 იანვარს - სატოში ნაკამოტომ ჰელი ფინის 10 BTC გაუგზავნა. სამი დღით ადრე გამოქვეყნდა Bitcoin-ის პროგრამული უზრუნველყოფის ვერსია 0.1. ნაკამოტოს ვინაობა და Bitcoin-ის შექმნის მოტივები კვლავ საიდუმლოდ რჩება, რომლის ამოხსნასაც ცდილობენ კრიპტო საზოგადოებაში და მის ფარგლებს გარეთ. Bitcoin-ის შექმნის ერთ-ერთი სავარაუდო მიზეზი იყო გლობალური ფინანსური კრიზისი, რომელიც იფეთქა 2007-2008 წლებში, რასაც თან ახლდა უმსხვილესი საინვესტიციო ბანკების დაშლა, წარმოების ფართო ვარდნა, ნედლეულზე მოთხოვნისა და ფასების დაცემა, უმუშევრობის ზრდა და ხელისუფლების აქტიური ჩარევა ეკონომიკაში. 2021 წლის ნოემბერში პირველმა კრიპტოვალუტამ ახალ მაქსიმუმს მიაღწია 69 ათასი აშშ დოლარის დონეზე. წერის მომენტისთვის ციფრული ოქრო იყიდება დაახლოებით 16.740 აშშ დოლარად, ATH-ზე 75.8%-ით ქვემოთ. ბაზრის ფლაგმანი კრიპტოვალუტის კაპიტალიზაცია 321.8 მლრდ აშშ დოლარს შეადგენს. https://tinyurl.com/3xjt5wwt

არაოფიციალური ხმები Intel-ის მიერ პროცესორების აქტუალურ სერიაზე ფასების გაზრდის შესახებ გასული წლის ზაფხულიდან ვრცელდებოდა და რეგულარულად მტკიცდებოდა კომპანიის ოფიციალური წარმომადგენლების მინიშნებებით. ამჟამად კი Tom’s Hardware Guide-ის თანამშრომლებმა აღმოაჩინეს ცვლილებების ოფიციალური დადასტურება Intel-ის ვებ-გვერდზე. ფოტოს წყარო: Intel კომპანიამ დიდი ხანია გამოაქვეყნა ფასების ჩამონათვალი ღია წვდომით, როგორც ეს აქამდე ხდებოდა, თუმცა მონაცემთა ბაზაში პროცესორების ყველა მოდელზე მახასიათებლებთან ერთად კომპანია იძულებულია მიუთითოს ოფიციალური საფასო დიაპაზონი. დესკტოპ Alder Lake პროცესორების შემთხვევაში ფასი გაიზარდა 12-დან 59 აშშ დოლარამდე, მოდელის შესაბამისად. წინა მაჩვენებელთან შედარებით ფასის მატებამ ზუსტად 10% შეადგინა. ფაქტობრივად, Alder Lake პროცესორები ამჟამად 10%-ით ძვირია უფრო ახალ Raptor Lake-თან შედარებით. სავარაუდოდ, ასეთი არასამართლიანი ფასები გასწორდება ბოლო თაობის პროცესორებზე ფასების მატებით. კომპანია დიდ ხარჯებს განიცდის საწარმოო სიმძლავრეების გაფართოებისა და ახალი ტექნოლოგიების ათვისების დაჩქარებისთვის. ინფლაციის პირობებში ფასების აწევა იძულებითი და გარდაუვალი მოვლენაა. https://tinyurl.com/yc4pndvs

2023 წლის პირველი დღეები Tesla-სთვის ჭეშმარიტების მომენტად იქცა, რადგან გასული წლის მეოთხე კვარტლის სტატისტიკას უნდა განესაზღვრა, შეძლო თუ ვერა ელექტრომობილების უმსხვილესმა მწარმოებელმა 2022 წელს წარმოების მოცულობის გეგმის მიხედვით გაზრდა. რეალურად მოცულობა 47%-ით გაიზარდა, რაც ოდნავ ჩამორჩება დაგეგმილ 50%-ს, მიწოდება კი გაიზარდა მხოლოდ 40%-ით. ფოტოს წყარო: Tesla მეოთხე კვარტალში Tesla-ს ოფიციალური განცხადების მიხედვით კომპანიამ 439.701 ელექტრომობილი გამოუშვა და მომხმარებელს 405.278 მანქანა გაუგზავნა. ეს ყველაფერი საშუალებას გვაძლევს ვისაუბროთ კვარტალური ჩანაწერის განახლებაზე, მაგრამ შედეგი დიდად არ შეესაბამება კომპანიისთვის დასახულ შიდა მიზნებს. თუმცა Tesla-ს წარმოებისა და ლოჯისტიკური პროცესებისთვის გასული წელი ძალიან რთული იყო, ამიტომ ასეთ პირობებში შედეგი ღირსეულად ითვლება. ანალიტიკოსები მეტს იმედოვნებდნენ, ამიტომ ასეთი ანგარიშგება ხელს არ შეუწყობს Tesla-ს აქციების ფასის გაზრდას. მოდელების სტატისტიკა ტრადიციულად მოყვანილია დამრგვალებული ფორმით. ფლაგმანური Model S და Model X მეოთხე კვარტალში წარმოებულ იქნა 20613 ეგზემპლარად, მომხმარებლებს მიეწოდა 17147 ერთეული. ყველაზე პოპულარულმა Model 3-მა და Model Y-მა ტრადიციულად შეადგინეს ასორტიმენტის დაახლოებით 95%. გამოვიდა მათი 419088 ერთეული, მიწოდებულ იქნა 388 131 ერთეული. წლის ჯამში Tesla-მ გამოუშვა 71177 Model S და Model X ელექტრომობილი, მათგან მიწოდებულ იქნა 66705 ეგზემპლარი. Model 3 და Model Y წარმოებულ იქნა 1298434 ერთეული, წლის ბოლომდე კი მიწოდებულ იქნა მხოლოდ 1247146 ერთეული. საერთო ჯამში მოხდა 1369611 ერთეულის წარმოება და 1313851 ერთეულის მიწოდება. სამომავლოდ კომპანია შეეცდება შეამციროს განსხვავება ამ ორ მნიშვნელობას შორის კვარტალში წარმოების პროცესისა და ლოგისტიკის ოპტიმიზაციის გზით, მაგრამ ჯერჯერობით ხარვეზი შესამჩნევი რჩება. მიმდინარე წლის 1 მარტს Tesla უმასპინძლებს ინვესტორებისთვის განკუთვნილ ღონისძიებას. https://tinyurl.com/bdh4wthz

კრიპტო ბირჟები Kraken და BitMEX ლიდერობდნენ Proof-of-Reserves (PoR) რეიტინგში, ხოლო Binance-მა ბოლო ადგილი დაიკავა არასრული დაფარვის გამო. ანალოგიურ დასკვნამდე მივიდა Castle Island Ventures-ის გენერალური პარტნიორი ნიკ კარტერი. პლატფორმების რანჟირებისას სპეციალისტმა განიხილა ისეთი პარამეტრები, როგორიცაა არსებული აქტივების კრიპტოგრაფიული დადასტურება, მომხმარებლისთვის ხელმისაწვდომობა ინფორმაციის გაცვლის ვალდებულებებისა და მათი გამჟღავნების ხასიათის შესახებ, ასევე მესამე მხარის აუდიტორის ჩართულობა. დამატებითი კრიტერიუმები იყო PoR-ის გამოყენება სხვა ციფრულ აქტივებთან მიმართებაში Bitcoin-ის პარალელურად და პროცედურის რეგულარულობა. წყარო: ნიკ კარტერი კარტერის თქმით Kraken მომხმარებლებს უზრუნველყოფს „დარწმუნებულობის კარგი დონით“ ფარული ვალდებულებების გარეშე. მან ასევე დადებითად შეაფასა პლატფორმის მიერ PoR-ის ჩატარება ნახევარი წლის საფუძველზე. BitMEX მოხვდა რეიტინგის სათავეში მიუხედავად აუდიტორის არყოფნისა. ექსპერტმა იგი პირველ ადგილზე მოათავსა უკიდურესად გამჭვირვალე მოდელის გამო, რომელიც აჩვენებდა როგორც Bitcoin-ების არსებობას, ასევე მრავალი ხელმოწერის ხარჯზე მონეტების დახარჯვის შესაძლებლობას. BitMEX-ის მომხმარებლების ვალდებულებები და ნაშთები წარმოდგენილი იყო სრული Merkle-ის ხის სახით. „სხვა სიტყვებით, არ არსებობს პრობლემა გამონაკლისების ან უარყოფითი ნაშთების სახით. ნებისმიერს შეუძლია სრულად განიხილოს ვალდებულებების ნაკრები“, - დაწერა კარტერმა. ქულების ყველაზე ნაკლები რაოდენობა Castle Island Ventures-ის გენერალურმა პარტნიორმა Binance-ს მიანიჭა. მან გადაწყვეტილება ახსნა იმით, რომ პლატფორმის აღმასრულებელ დირექტორ Changpeng Zhao-ს „ჯერ არ მიუღია საკუთარი გამოწვევა“. „პირველი ანგარიში არ იძლევა სანდო გარანტიებს. ეს ეხება მხოლოდ Bitcoin-ს, რომელიც მათი (Binance-ის) სამომხმარებლო ჰოლდინგის მხოლოდ 16.5%-ს შეადგენს“, - განმარტა კარტერმა. სპეციალისტმა ხაზგასმით აღნიშნა, რომ PoR არ ამხელს ვალდებულებების სრულ ფარგლებს, რაც ართულებს მესამე მხარის პროცედურის გადამოწმებას. შეგახსენებთ, რომ Bitstamp US-ისაღმასრულებელმა დირექტორმა ბობი ზაგოტამ დაუშვა, რომ რეზერვების დამადასტურებელი პროცედურა აღადგენს საცალო ინვესტორების ნდობას სავაჭრო პლატფორმების მიმართ. მანამდე SEC-მა მოუწოდა ინვესტორებს, არ ენდონ Bitcoin-ბირჟების აუდიტს. https://tinyurl.com/57ncjjmt

ახლახანს გერმანელმა სპეციალისტმა რომან ჰარტუნგმა, რომელიც ასევე ცნობილია ფსევდონიმით der8auer, თავის YouTube არხზე ერთ-ერთი ვიდეო მიუძღვნა AMD Radeon RX 7900 XTX ვიდეო ბარათის გრაფიკული პროცესორის მაღალი ტემპერატურის პრობლემას. ეტალონური ვიდეო ბარათების ზოგიერთი მფლობელი განიცდის მაღალი ტემპერატურის პრობლემას - Junction Temperature-ის (TJ) მაჩვენებელი სწრაფად აღწევს 110°C-ს. მაგრამ მხოლოდ ეს ტემპერატურა არ არის პრობლემის მაჩვენებელი - მაჩვენებელს წარმოადგენს ტემპერატურების განსხვავება GPU-ის საშუალო და მაქსიმალურ TJ-ს შორის, რაც 50 K-ს აღწევს. სპეციალისტმა ერთ-ერთ ვიდეო ბარათზე პრობლემის მოგვარება მოახერხა, გაგრილების სისტემის ხელახლა აწყობისა და თერმოპასტის გამოცვლის შემდეგ ტემპერატურა ნორმალურ მაჩვენებელს დაბრუნდა, თუმცა ახალ ვიდეოში სპეციალისტი ამტკიცებს, რომ არც თერმოპასტა და გაგრილების სისტემის დაჭერის ძალა არ წარმოადგენს მაღალი TJ ტემპერატურის მიზეზებს. ჰარტუნგმა 48 საჩივარი მიიღო ეტალონური გრაფიკული ბარათების მფლობელებისგან და ზოგიერთი მათგანი კვლევისთვის შეიძინა, რის შედეგად მან გამოთქვა ვარაუდი ორთქლის კამერასთან დაკავშირებული პრობლემების შესახებ. ვიდეო ბარათებით ექსპერიმენტებს შორის შედიოდა: ჰორიზონტალური და ვერტიკალური დამაგრება; ქულერის გამაგრება, რათა გამორიცხულიყო მისი წონის გავლენა კონსტრუქციაზე; ვიდეო ბარათის აწყობა სიმყარის გამაძლიერებელი ფირფიტისა და VRM გაგრილების გარეშე, დამატებითი დამჭერების გამოყენება და სამაგრების დამოკლება ქულერის GPU-ზე მიმაგრების გაძლიერების მიზნით. ტემპერატურის პროფილი ვიდეო ბარათის პოზიციის ვერტიკალურიდან ჰორიზონტალურზე შეცვლისას და პირიქით. წყარო: der8auer, YouTube შედარებამ აჩვენა, რომ ჰორიზონტალურ მდგომარეობაში ვიდეო ბარათი უფრო სწრაფად ცხელდება ვიდრე ვერტიკალურში, სულ რაღაც 1 წუთში TJ ტემპერატურამ 110°C-ს მიაღწია. გამაგრილებლის დამატებითი მხარდაჭერა და მიმაგრების სიმყარის გაზრდამ არაფერზე იმოქმედა. ამ პროცესში სპეციალისტმა გადაწყვიტა შეემოწმებინა, რა მოხდებოდა, თუ ვიდეო ბარათის პოზიცია შეიცვლებოდა დატვირთვისას: ვიდეო ბარათის პოზიციის ვერტიკალურიდან ჰორიზონტალურზე შეცვლის შემდეგ ტემპერატურამ მკვეთრი მატება დაიწყო და სწრაფად მიაღწია მაქსიმუმს. რაც კიდევ უფრო საინტერესოა - ვერტიკალურ მდგომარეობაში დაბრუნებამ არ იმოქმედა ტემპერატურაზე. ამან სპეციალისტი მიიყვანა აზრამდე, რომ პრობლემა შეიძლება იმალებოდეს თერმულ კამერაში, რომელშიც, რატომღაც, დარღვეულია ნაკადების მოძრაობა. https://tinyurl.com/2p83jk6j

კომპანია Apple-მა პირველად 22 წლის გამავლობაში არ წარადგინა არც ერთი ახალი Mac კომპიუტერი წლის მეოთხე კვარტალში. ეს ფაქტი დაკავშირებულია იმასთან, რომ ახალი MacBook Pro-სა და Mac Pro-ს გამოშვება, რაც შემოდგომაზე უნდა მომხდარიყო, 2023 წლისთვის იქნა გადატანილი. ფოტოს წყარო: macrumors.com ისტორიულად, Apple ერთ ახალ Mac კომპიუტერს მაინც უშვებდა ყოველი წლის ბოლო კვარტალში. ეს ტრადიცია დაიწყო 2001 წელს, როდესაც ბაზარზე გამოვიდა iBook G3. ბაზარზე გამოსული ბოლო Mac კომპიუტერი იყო 2022 წლის ივლისში წარდგენილი ლეპტოპი MacBook Air საფირმო Apple M2 ჩიპით. MacBook Air-ის გამოშვების შემდგომი პერიოდი შეიძლება იყოს ყველაზე გრძელვადიანი Apple-ის ახალი კომპიუტერების ანონსებს შორის. ვრცელდებოდა ხმები, რომ Apple ახალ 14-და 16-დუიმიან MacBook Pro-ებს წლის ბოლომდე წარადგენდა, თუმცა ეს არ მოხდა. ინსაიდერების მონაცემებით, რომლებიც მიწოდების ჯაჭვთან დაკავშირებულ წყაროებს ეყრდნობიან, ახალი MacBook Pro მოდელების ფართო საზოგადოებისთვის წარდგენა მიმდინარე წლის მარტზე ადრე არ შედგება. ეს ინფორმაცია ასევე დაადასტურა Bloomberg-ის ჟურნალისტმა მარკ გურმანმა, რომელიც ადრე წერდა, რომ ახალი Mac კომპიუტერები გამოჩნდება 2023 წლის პირველ კვარტალში. MacBook Pro ლეპტოპების შემთხვევაში თავდაპირველი მოლოდინების შეფერხება შეიძლება იყოს ექვს თვემდე პერიოდი. მოსალოდნელია, რომ Apple-ის ახალი ლეპტოპები დამყარებული იქნება საფირმო M2 პროცესორებზე, ასევე მიიღებენ სხვა აპარატულ გაუმჯობესებას. https://tinyurl.com/3b8v85mp

2022 წელს კრიპტო ბირჟა Binance-ის მომხმარებელთა ბაზამ 120 მილიონ ადამიანს გადააჭარბა და მისი გუნდი 7500 თანამშრომლამდე გაიზარდა. ამის შესახებ კომპანიის ხელმძღვანელმა Changpeng Zhao-მ ღია წერილში ისაუბრა. მისი თქმით, პლატფორმა განსაკუთრებულ ყურადღებას უთმობს მარეგულირებელ მოთხოვნებთან შესაბამისობაში ყოფნას. წლის ბოლოს Binance-მა ოპერაციების წარმოების ლიცენზია მიიღო 14 ქვეყანაში, მათ შორის ყაზახეთში, იტალიასა და საფრანგეთში. კომპანიის შესაბამისობის გუნდი 500-დან 750 ადამიანამდე გაიზარდა. 12 თვის განმავლობაში ბირჟამ სამართალდამცავი ორგანოების 47000-ზე მეტი მოთხოვნა დაამუშავა. Zhao-მ აღნიშნა, რომ პლატფორმის სტრატეგია საშუალებას აძლევს მას აქტიურად გააფართოოს ბიზნესი დათვური ციკლის ფონზეც კი. ეს ასევე ეხება ვენჩურული ინვესტიციების სფეროს - 2022 წელს Binance Labs-მა 500 მლნ აშშ დოლარზე მეტი ინვესტიცია ჩადო სხვადასხვა Web3-პროექტში. კომპანიის ხელმძღვანელმა აღნიშნა, რომ ინიციატივა Binance Charity-ის ფარგლებში მან 20 მლნ აშშ დოლარზე მეტი შესწირა არაკომერციულ ორგანიზაციებს. მან ასევე ხაზგასმით აღნიშნა, რომ რთული წლის მიუხედავად კრიპტო ინდუსტრიამ მიაღწია მნიშვნელოვან პროგრესს ისეთ ასპექტებში, როგორიცაა ციფრული აქტივებით გადახდების შესაბამისობა და საცალო ანგარიშსწორების დანერგვა. Zhao-ს თქმით FTX-ის დაშლის შემდეგ ინდუსტრიას „დიდი დრო“ დასჭირდება. Binance-ის ხელმძღვანელმა განაცხადა, რომ სექტორში მოქმედმა კომპანიებმა ყურადღება უნდა გაამახვილონ მომხმარებლების დაცვაზე, ტექნოლოგიების ყოველდღიურ ცხოვრებაში დანერგვასა და ინოვაციური პროდუქტების განვითარებაზე. შეგახსენებთ, რომ Binance გახდა 2022 წელს გაჩენილი კრიზისის ერთ-ერთი მთავარი ბენეფიციარი. სემ ბენკმენ-ფრიდის ბიზნესიმპერიის დაშლის ფონზე ბირჟამ მნიშვნელოვნად გააძლიერა პოზიციები. https://tinyurl.com/2tndnyah

სინთეტიკურ ტესტ Geekbench-ის მონაცემთა ბაზაში გამოჩნდა ინფორმაცია უცნობი კომპანიის წარმოების უცნობ ლეპტოპ X370SNx-ზე. მას გააჩნია 24-ბირთვიანი პროცესორი Intel Core i9-13900HX და ფლაგმანური მობილური ვიდეო ბარათი GeForce RTX 4090. ფოტოს წყარო: VideoCardz შედეგად ცნობილი გახდა სამომავლო მობილური გრაფიკული ამაჩქარებლის ტექნიკური მახასიათებლები, რომლებიც ძალიან ჰგავს დესკტოპ GeForce RTX 4080 მოდელის მახასიათებლებს. მაგალითად, ორივე ბარათში გამოყენებულია გრაფიკული პროცესორი AD103 - 76 ნაკადური მულტიპროცესორით, რომელთა შემადგენლობაში 9728 CUDA ბირთვია. მობილურ GeForce RTX 4090-ს ისევე, როგორც დესკტოპ ვერსიის GeForce RTX 4080-ს, 16 გბ ვიდეომეხსიერება აქვს, თუმცა დესკტოპ ბარათისგან განსხვავებით მობილურ ამაჩქარებელში გამოყენებულია GDDR6 სტანდარტის მეხსიერება და არა უფრო სწრაფი GDDR6X. ფოტოს წყარო: Geekbench მობილური GeForce RTX 4090-ის გრაფიკული პროცესორი მუშაობს 2040 მჰც-მდე სიხშირეზე. ეს მახასიათებლები ვიდეო ბარათს საშუალებას აძლევს ერთჯერადი სიზუსტის ოპერაციებში დააფიქსიროს 38.9 Tflops წარმადობა. ფოტოს წყარო: VideoCardz OpenCL გრაფიკულ ტესტში მობილური GeForce RTX 4090 სიჩქარით აღემატება დესკტოპ GeForce RTX 3090-ს. იგი ასევე 54%-ით უფრო სწრაფია ფლაგმანურ მობილურ GeForce RTX 3080 Ti-სთან შედარებით. თუმცა დესკტოპ GeForce RTX 4090-ს მობილური ვერსია 40%-ით ჩამორჩება. ფოტოს წყარო: VideoCardz GeForce RTX 4070 Ti დესკტოპ მოდელისა და GeForce RTX 40 სერიის მობილური ამაჩქარებლების წარდგენა უახლოეს დღეებში შედგება. https://tinyurl.com/yc6pauct

Gigabyte გამოუშვებს GeForce RTX 4070 Ti გრაფიკული ბარათის ხუთ ვერსიას. ახალი ბარათები გამოვა ტაივანური კომპანიის Aero, Eagle, Gaming და Aorus სერიებში. ამ ვერსიების ამაჩქარებლის ფოტოები გააზიარა პორტალმა VideoCardz. ფოტოს წყარო: VideoCardz Aorus სერიის ფარგლებში კომპანია გამოუშვებს GeForce RTX 4070 Ti-ს ორ ვერსიას - Master და Elite. ორივე მათგანს აქვს გაგრილების მასიური სამსლოტიანი სისტემა და იდენტური დიზაიანი. თუმცა Master მოდელს გააჩნია გრაფიკული პროცესორის შედარებით მაღალი ქარხნული აჩქარება, ასევე ინტეგრირებული თხევადკრისტალური დისპლეი, რომელზეც აისახება ინფორმაცია ვიდეო ბარათის მდგომარეობის შესახებ და სხვადასხვა ანიმირებული გამოსახულება. GeForce RTX 4070 Ti დამყარებულია 7680 CUDA ბირთვის მქონე გრაფიკულ პროცესორ AD104-ზე. თავდაპირველად ვიდეო ბარათი უნდა გამოსულიყო სახელწოდებით GeForce RTX 4080 12 გბ. თუმცა NVIDIA-მ უარი თქვა ამ გადაწყვეტილებაზე და სახელი შეუცვალა ბარათს, ამავე დროს შეამცირა მისი კლასი. Gigabyte-ის წარმოების GeForce RTX 4070 Ti-ს ყველა ვერსიას აქვს სამქულერიანი გაგრილების სისტემა. ყველა მოდელში კომპანიამ კოსმეტიკური ცვლილებები შეიტანა გაგრილების სისტემის გარსაცმში, ასევე უარი თქვა Vision სერიაზე და იგი Aero სერიით ჩაანაცვლა. არაოფიციალური ცნობებით GeForce RTX 4070 Ti-ს სარეკომენდაციო ფასი 799 აშშ დოლარი იქნება, თუმცა ასეთი ფასი Gigabyte-ის ვიდეო ბარათების შემთხვევაში შეიძლება სამართლიანი იყოს მხოლოდ Eagle მოდელებთან მიმართებაში, რომელთაც ქარხნული აჩქარება არ აქვთ. დანარჩენ ვარიანტებს მწარმოებელი კომპანია, სავარაუდოდ, უფრო ძვირად შეაფასებს. https://tinyurl.com/2p8h5udy

მორიგი გადაანგარიშების შედეგად პირველი კრიპტოვალუტის მაინინგის სირთულე გაიზარდა 3.27%-ით, 35.36 T-მდე. წყარო: BTC.com. მაჩვენებელი გაიზარდა მნიშვნელოვანი კორექტირების შემდეგ 7.32%-ით. საშუალო ჰეშრეითი ამ პერიოდის განმავლობაში შეადგენდა 253.7 EH/s-ს. Glassnode-ის მიხედვით 7-დღიანი მოძრავი საშუალო დაახლოებით 243 EH/s-ია, რაც დაახლოებით 12%-ით დაბალია ნოემბრის დასაწყისში დაფიქსირებულ მაჩვენებელთან შედარებით. წყარო: Glassnode. Hashprice 0.06 TH/s აშშ დოლარი დღეში რჩება მინიმალურ დონესთან ახლოს. წლის დასაწყისში მაჩვენებლის ღირებულება დაახლოებით 0.25 აშშ დოლარი იყო. წყარო: Hashrate Index. შეგახსენებთ, რომ ნოემბერში Bitcoin-ის მაინერების ჯამური შემოსავალი წინა თვესთან შედარებით 20%-ით შემცირდა. https://tinyurl.com/3rscue4y

ახალი თაობის ვიდეო ბარათ Titan-ის პარალელურად ინტერნეტში გამოჩნდა ლეპტოპებისთვის განკუთვნილი RTX 40 ბარათების მონაცემები ფლაგმანური RTX 4090-ის ჩათვლით. დასახელდა GPU-ის ტაქტის სიხშირებეი და სიმძლავრის შეზღუდვა. სავარაუდოდ, RTX 4090-ის ენერგომოხმარება 175 ვატს აღწევს RTX 3080 Ti-ს მსგავსად. ეს ვიდეო ბარათი წარდგენილი იქნება ორ ვერსიად TGP-ის მაქსიმალური მაჩვენებლებით - 150 და 175 ვატი. მისი სიხშირე არწევს 2.04 გჰც-ს მაქსიმალურ კონფიგურაციაში, რაც თითქმის 0.5 გჰც-ით აღემატება წინა თაობის ფლაგმანს. RTX 4090: 150+25 ვტ ≈ 175 ვტ RTX 4080: 150+25 ვტ ≈ 175 ვტ RTX 4070: 115+25 ვტ ≈ 140 ვტ RTX 4060: 115+25 ვტ ≈ 140 ვტ RTX 4050: 115+25 ვტ ≈ 140 ვტ RTX 4080 გაცილებით ნელი იქნება. AD104 ჩიპზე დამყარებული მობილური ვიდეო ბარათის მაქსიმალური სიმძლავრეა 175 ვატი (150 ვტ + 25 ვტ Dynamic Boost). ნომინალური და გაზრდილი სიხშირეები შეადგენს 1.86 და 2.28 გჰც-ს, შესაბამისად. RTX 4070-სა და RTX 4060-ს მსგავსი მეხსიერება და TGP აქვთ: 8 გბ GDDR6 მეხსიერება და მაქსიმალური TGP – 140 ვატი (115 + 25 ვტ). RTX 4070-ის სიხშირეა 2.175 გჰც-მდე, RTX 4060-ის სიხშირე უცნობია. RTX 4060-სა და RTX 4050-ს ექნება 85-დან 115 ვატამდე TGP. სიხშირე 2.37 გჰც-ს აღწევს. ყველა ამ ვიდეო ბარათის წარდგენა შედგება გამოფენა CES 2023-ზე, წერს Videocardz. https://tinyurl.com/2mbdcyaz

კომპანია ASUS-ის ოვერქლოქერმა Jon Sandström-მა დაამყარა ცენტრალური პროცესორის სიხშირის ახალი აბსოლუტური რეკორდი. ენთუზიასტმა შეძლო ფლაგმანური პროცესორი Intel Core i9-13900K აემუშავებინა 9008.82 მჰც სიხშირეზე. ფოტოს წყარო: HWBOT საინტერესოა, რომ ორი თვით ადრე იმავე ენთუზიასტმა იგივე პროცესორი 8812.15 მჰც-მდე ააჩქარა, რითაც დაამყარა CPU-ის რვაწლიანი აბსოლუტური სიხშირის რეკორდი, რომელიც დამყარებული იყო 2014 წელს გამოსული AMD FX 8370 პროცესორით. ახალი ექსპერიმენტისთვის გამოყენებული იყო ფლაგმანური დედა დაფა ASUS Z790 ROG Apex გაძლიერებული VRM კვების ქვესისტემით, აგრეთვე ბევრი თხევადი აზოტი. მისი წყალობით ჩიპის სამუშაო ტემპერატურა -250.2 °C-მდე შემცირდა. ფოტოს წყარო: HWBOT Core i9-13900K-ს აჩქარება მოხდა რვიდან მხოლოდ ერთ P-ბირთვზე. ჩიპის დანარჩენი დიდი და მცირე ბირთვები გათიშული იყო. ზემოთ მოცემულ ვიდეოში დეტალურად ჩანს, როგორც ჩატარდა აჩქარების ექსპერიმენტი: https://tinyurl.com/5n72eav4 ASUS-ის თანახმად მათი Z790 ROG Apex დედა ბარათით ამ დროისთვის 14 სხვადასხვა მსოფლიო რეკორდია დამყარებული. https://tinyurl.com/4w5bvarv

უმსხვილესმა ამერიკულმა კრიპტო პლატფორმა Coinbase-მა და ბირჟა Binance-მა მნიშვნელოვნად გააძლიერეს პოზიციები სემ ბენკმენ-ფრიდის ბიზნეს-იმპერიის დაშლის შემდეგ. ქვემოთ მოცემული გრაფიკი გვიჩვენებს იმ ბირჟების წილობრივ დინამიკას, რომლებზეც მხარდაჭერილია ფიატური ვალუტით ვაჭრობა: წყარო: CryptoCompare, The Block. Coinbase-ის მაჩვენებელი სექტემბრის შემდეგ თითქმის გაორმაგდა - 22.8%-დან 40%-მდე. იმ ბირჟებს შორის, რომლებზეც მხარდაჭერილია მხოლოდ კრიპტოაქტივებით ვაჭრობა, Binance-ის წილი ანალოგიურ პერიოდში 82.7%-დან 87%-მდე გაიზარდა. Bottom of Form წყარო: CryptoCompare, The Block. OKX-ის მაჩვენებელი 8.88%-დან 6%-მდე შემცირდა. Huobi-ს, Gate.io-სა და Kucoin-ის წილები 5%-ზე ნაკლებია. შეგახსენებთ, რომ 14 დეკემბერს Binance-დან Stablecoin-ების დღიურმა გადინებამ 3 მლრდ აშშ დოლარს მიაღწია. მანამდე ცოტა ხნით ადრე ბირჟამ შეაჩერა რამდენიმე აქტივის გატანის შესაძლებლობა და შეზღუდა ზოგიერთი მომხმარებლის ანგარიშები „გარკვეულ სავაჭრო წყვილებში ფასების ანომალური მოძრაობის გამო“. მანამდე Coinbase-ის ხელმძღვანელმა ბრაიან არმსტრონგმა გამორიცხა FTX-ის დაშლის გავლენა ამერიკულ სავაჭრო პლატფორმაზე. მან ხაზგასმით აღნიშნა, რომ კრიზისი, რომელიც შეემთხვა სემ ბენკმენ-ფრიდის ბიზნეს-იმპერიას, იყო „სარისკო ბიზნეს პრაქტიკისა“ და „მომხმარებლების ფულის მითვისების“ შედეგი. https://tinyurl.com/52s5wcdh

სამომავლო Intel Raptor Lake-H პროცესორებზე დამყარებული IdeaPad Pro 5i 14 და IdeaPad Pro 5i 16 ლეპტოპების პარალელურად კომპანია Lenovo-მ წარადგინა IdeaPad Pro 5 14 და IdeaPad Pro 5 16 მოდელები, რომლებიც ასევე აგებულია AMD Ryzen 7000 სერიის მობილურ პროცესორებზე, რომელთა წარდგენა ჯერ არ შემდგარა. ფოტოს წყარო: Lenovo კომპანიამ ფაქტობრივად პირველად დაადასტურა ოფიციალურად AMD-ის რამდენიმე სამომავლო Zen 4 არქიტექტურის მობილური პროცესორის დასახელება. განახლებულ ლეპტოპ IdeaPad Pro 5 14-ის უმცროს მოდელში წარმოდგენილი იქნება Ryzen 5 7640HS, Ryzen 7 7735HS ან Ryzen 7 7840HS პროცესორების არჩევანი. ამ ჩიპების მახასიათებლები სავარაუდოდ გამოფენა CES 2023-ზე გამოცხადდება AMD-ის ღონისძიების ფარგლებში. ცნობილია, რომ პროცესორების ნაწილს ექნება ახალი თაობის მობილური გრაფიკა Radeon 700M. შეგახსენებთ, რომ Ryzen 6000 სერიის მობილურ პროცესორებში წარმოდგენილია Radeon 600M სერიის ინტეგრირებული გრაფიკა. IdeaPad Pro 5 14-ის მახასიათებლები ჯამში ძალიან ჰგავს Intel Raptor Lake-H-ზე დამყარებული IdeaPad Pro 5i 14-ისას. ძირითადი განსხვავებაა ის, რომ უმცროს მოდელში არ არის დისკრეტული ვიდეო ბარათის არჩევანის შესაძლებლობა. ლეპტოპს აქვს არჩევანის მხრივ დისპლეის ორი ვარიანტი: 14-დუიმიანი IPS ეკრანი გვერდების შეფარდებით 16:10, გაფართოებით 2880 × 1800 პიქსელი, კადრის განახლების სიხშირით 120 ჰერცი და 400 კდ/მ2 სიკაშკაშის მაჩვენებლით. ასევე მეორე ვარიანტი - 14-დუიმიანი IPS პანელი გვერდების შეფარდებით 16:10, გაფართოება - 2240 × 1400 პიქსელი, კადრის განახლების სიხშირე - 60 ჰერცი და სიკაშკაშე - 300 კდ/მ2. ორივე დისპლეის აქვს 100%-იანი sRGB ფერთა გამის მხარდაჭერა. უფროს მოდელ IdeaPad Pro 5 16-ს ზემოთხსენებული ჩიპის გარდა ასევე ექნება Ryzen 5 7535HS პროცესორის მქონე ვარიანტი. 16-დუიმიანი მოდელის გრაფიკაზე პასუხისმგებელია GeForce RTX 3050 6 გბ ან GeForce RTX 4050. ბოლო მათგანი ჯერ არ დაანონსებულა. IdeaPad Pro 5 16 მოდელს ექნება 16-დუიმიანი IPS დისპლეი გვერდების შეფარდებით 16:10, გაფართოება - 2560 × 1600 პიქსელი, კადრის განახლების სიხშირე - 120 ჰერცი, სიკაშკაშე - 350 კდ/მ2 და 100%-იანი sRGB ფერთა გამა. ორივე ლეპტოპს ექნება 16 ან 32 გბ LPDDR5 ან LPDDR5X ოპერატიული მეხსიერება და 512 გბ ან 1 ტბ SSD PCIe-ის მხარდაჭერა. მოწყობილობებზე ხელმისაწვდომია თითო USB 4.0, USB 3.2 Gen1 Type-C (PD+DP) და HDMI 2.1. გარდა ამისა, ლეპტოპებს ექნება ორი USB 3.2 Gen1 Type-A, თითო კომბინირებული 3.5 მმ აუდიოკონექტორი, მხარდაჭერილია Wi-Fi 6/6E და Bluetooth 5.1, მოცემულია ორი 2-2-ვატიანი დინამიკი და 75 ვტ/სთ მოცულობის ბატარეა. ახალი ლეპტოპები გაყიდვაში მომავალი წლის მაისში გამოვა, მათი საწყისი ფასი 1099 ევროს შეადგენს. https://tinyurl.com/yc2vybw5

YouTube-არხ Moore's Law is Dead-მა გამოაქვეყნა სავარაუდო Nvidia Titan ვიდეო ბარათის ფოტო, რომელიც დამყარებული უნდა იყოს Ada არქიტექტურის გრაფიკულ პროცესორ AD102-ზე. წლის დასაწყისში ითქვა, რომ კომპანია მუშაობდა ახალი თაობის Titan-ზე AD102-450 GPU-ით. საუბარი ეხებოდა თავბრუდამხვევ მახასიათებლებსა და შთამბეჭდავ დიზაინზე. ამჟამად გამოჩნდა მზა ვიდეო ბარათის რეალური ფოტოები. ინსაიდერი Kopite7kimi ადრე ამტკიცებდა, რომ AD102-450-A1 GPU-ზე დამყარებულ ამ ბარათს ექნებოდა 142 ნაკადური მულტიპროცესორი 18176 CUDA ბირთვით, ასევე 48 გბ GDDR6X მეხსიერება და 384-ბიტიანი მეხსიერების სალტე. ვიდეო ბარათს უნდა ჰქონდეს 100 TFLOP-ზე მეტი წარმადობა ნომინალურ სიხშირეებზე. სავარაუდოდ გამოყენებულია GDDR6X მეხსიერების მაღალი დონის ჩიპები 24 გბ/წმ სიჩქარით, რომელთა გამშვები სიჩქარე 1.152 ტბ/წმ-ს აღწევს. ეს მაჩვენებელი 14%-ით აღემატება RTX 4090 ბარათის შესაძლებლობას, რომელშიც წარმოდგენილია მეხსიერება 21 გბ/წმ სიჩქარით. ბარათის TDPი-ის დონე 900 ვატია, რაც ორჯერ აღემატება RTX 3090 Ti მოდელისას. სატესტო ბარათს აქვს ორი 16-პინიანი 12VHPWR კონექტორი. ფოტოდან ჩანს RTX 40 სერიის Founders Edition-ის სტილის დიზაინი, თუმცა ორი 16-პინიანი კონექტორით. ბარათს ჩვეული სტილის ვერცხლისფერ-ნაცრისფერი შეფერილობები აქვს, თუმცა ჩანს ოქროსფერი აქცენტები Titan-ის ლოგოს გრავირებით. ბარათს აქვს გამჭოლი დიზაინი ორი ქულერით. სავსებით მოსალოდნელი იყო ამ დონის ვიდეო ბარათზე ორი 16-პინიანი კონექტორის ნახვა. ზოგიერთ RTX 4090 მოდელს უკვე აქვს ორივე მათგანი, მაგალითად GALAX HOF RTX 4090-ს. ამჟამად მიიჩნევა, რომ NVIDIA-ს გაუქმებული აქვს Titan ვიდეო ბარათები. არ არის გამორიცხული, რომ განხილული მოდელი წარდგენილი იქნება, როგორც RTX 4090 Ti, წერს WCCFTech. https://tinyurl.com/4vunsdz7

2022 წლის დასაწყისიდან 1 დეკემბრის ჩათვლით ბაზარზე გამოჩნდა 117629 თაღლითური ტოკენი, რომლებიც დაკავშირებულია rug pull სქემებთან. Solidus Labs-ის ექსპერტების თქმით ეს ნიშნავს დაახლოებით 15 სკამ-პროექტის ამოქმედებას ყოველ საათში. „ბოლო ხუთი წლის განმავლობაში rug pull ტიპის მაქინაციები მცირე პრობლემიდან დიდ ეპიდემიაში გადაიზარდა, რომელშიც თაღლითური ტოკენების შემქმნელებმა მილიარდობით აშშ დოლარი მოპარეს მილიონ საცალო ინვესტორს“, აღნიშნეს ექსპერტებმა. თაღლითური ტოკენების ჯამური რაოდენობა წლების მიხედვით. წყარო: Solidus Labs. თაღლითებში ყველაზე დიდი პოპულარობით სარგებლობს BNB Chain: BEP-20 ტოკენების საერთო ემისიის დაახლოებით 12% მოდიოდა სკამ-პროექტებზე. Ethereum-ის მაჩვენებელი 8%-ს შეადგენს. ამ პერიოდის განმავლობაში თითქმის 2 მილიონი ინვესტორი გახდა rug pull სქემების მსხვერპლი, რაც დაახლოებით ინდუსტრიის ოთხი ძირითადი გაკოტრების - FTX-ის, BlockFi-ის, Celsius-ისა და Voyager-ის მსხვერპლთა საერთო რაოდენობის (~2,3 მილიონი ადამიანი) ტოლია. Bottom of Form თაღლითური ტოკენების და კრიპტო კომპანიების ძირითადი გაკოტრების მსხვერპლთა საერთო რაოდენობა. წყარო: Solidus Labs. თაღლითური ტოკენების ყველაზე პოპულარული ტიპი აღმოჩნდა ე.წ. honeypot. ასეთი ტოკენის სმარტ-კონტრაქტში დახურულია მომხმარებლებზე მისი ხელახალი გადაყიდვის შესაძლებლობა. ყველაზე ნათელი მაგალითი იყო Squid Game, რომელშიც ინვესტორებმა 3.3 მლნ აშშ დოლარი დაკარგეს. სკამერები ასევე ხშირად უშვებდნენ ტოკენების დამატებით მოცულობას ან მიმართავდნენ თაღლითობას საკუთრების უფლების გადაცემის გზით. გამოშვებული თაღლითური ტოკენების რაოდენობა თაღლითობის ტიპების მიხედვით. წყარო: Solidus Labs. Solidus Labs-ის ექსპერტების თქმით სკამ-ტოკენის შემქმნელებმა გამოიყენეს 153 სხვადასხვა ცენტრალიზებული კრიპტო პლატფორმა პროექტების დასაფინანსებლად და თანხის გამოსატანად. 2020 წლის სექტემბრიდან ამ ბირჟებზე მათი ტრანზაქციების საერთო მოცულობამ Ethereum-ში 11 მლრდ აშშ დოლარი შეადგინა. ამ თანხიდან თითქმის 4 მლრდ აშშ დოლარი მოდიოდა შეერთებულ შტატებში რეგისტრირებულ პლატფორმებზე. https://tinyurl.com/znket7d9

წლის დასაწყისი ახალი პროდუქტების ანონსით ტრადიციულად ნაყოფიერია გამოფენა CES-ის წყალობით. კომპიუტერული კომპონენტების სამმა მთავარმა მწარმოებელმა, AMD-მ, Intel-მა და NVIDIA-მ დაადასტურეს, რომ მონაწილეობას მიღებენ მომავალ CES 2023 ელექტრონიკის გამოფენაზე ამა თუ იმ ფორმატში. ფოტოს წყარო: VideoCardz NVIDIA-მ მოამზადა "სპეციალური შეტყობინება" CES 2023-ისთვის. კომპანია არ აპირებს პირდაპირი ტრანსლაციის ორგანიზებას ან გამოფენაში უშუალო მონაწილეობის მიღებას. ამის ნაცვლად მწარმოებელი გამოაქვეყნებს წინასწარ ჩაწერილ ვიდეო შეტყობინებას სოციალურ ქსელებში. CES 2022-ზე NVIDIA-ს ხელმძღვანელი Jensen Huang არ გამოცხადდა. NVIDIA არ ამბობს, ვინ გააკეთებს "სპეციალურ შეტყობინებას" მომავალ CES-ზე, მაგრამ დიდი ალბათობით ჰუანგი მასში მონაწილეობას არ მიიღებს. ფოტოს წყარო: NVIDIA NVIDIA სავარაუდოდ გამოუშვებს ორ პროდუქტს, GeForce RTX 40 სერიის მობილურ გრაფიკული ბარათებს მძლავრი გეიმინგ ლეპტოპებისთვის და GeForce RTX 4070 Ti დესკტოპ გრაფიკულ ამაჩქარებელს. გავრცელებული ინფორმაციით GeForce RTX 4070 Ti-ს გაყიდვები 5 იანვარს, ანუ ანონსიდან სულ რაღაც ორი დღის შემდეგ დაიწყება. ფოტოს წყარო: AMD AMD-ის პრეზენტაციას CES 2023-ზე ჩაატარებს აღმასრულებელი დირექტორი Lisa Su. კომპანია სავარაუდოდ დააანონსებს საბაზისო დონის Ryzen 7000 სერიის დესკტოპ პროცესორებს, Ryzen 7000 მობილურ პროცესორებსა და შესაძლოა RDNA 3 არქიტექტურის მქონე მობილურ გრაფიკულ ბარათებს. NVIDIA-ს გამოსვლისგან განსხვავებით AMD აპირებს მონაწილეობა მიიღოს უშუალოდ CES 2023-ში და თავის ღონისძიებას ასევე გადასცემს პირდაპირ ეთერში. ფოტოს წყარო: Intel Intel-მა არ დაადასტურა ელექტრონიკის მომავალ გამოფენაზე პრეს-კონფერენციის ან პირდაპირი ტრანსლაციის გამართვის გეგმა. თუმცა კომპანია ახალ პროდუქტებს წარადგენს დახურულ ღონისძიებაზე. Intel-ის მოსალოდნელ ანონსებში შედის საბაზისო დონის Raptor Lake დესკტოპ პროცესორები, მე-13 თაობის Core მობილური პროცესორების HX, HK და H სერიები. გარდა ამისა, კომპანიამ უნდა განაცხადოს ფლაგმანურ დესკტოპ პროცესორ Core i9-13900KS-ის ფასისა და გამოსვლის თარიღის შესახებ, რომელიც წარმოდგენილი იქნება 6 გჰც-მდე ავტომატური აჩქარების შესაძლებლობით. https://tinyurl.com/uhxhy4y2

კომპანია SpaceX-მა ახალი მიღწევის შესახებ განაცხადა - Starlink-ის თანამგზავრული ინტერნეტ სერვისის აქტიურ აბონენტთა რაოდენობამ 1 მილიონს გადააჭარბა. ჯერ კიდევ მიმდინარე წლის მაისში კომპანიის განცხადებით მომხმარებელთა რაოდენობა დაახლოებით 400 ათასი ადამიანი იყო. ფოტოს წყარო: Starlink Quilty-ის თანამგზავრული და კოსმოსური სექტორის უფროს ანალიტიკოს Caleb Henry-ს აზრით ასეთი ტემპებით Starlink-ს სულ რამდენიმე თვე დასჭირდება, რათა გადაუსწროს ბაზრის ლიდერ Hughes-ს, რომელსაც დაახლოებით 1 მლნ 200 ათასი მომხმარებელი ჰყავს, და გახდეს მსოფლიოში თანამგზავრული ინტერნეტის უმსხვილესი პროვაიდერი. მიმდინარე წლის სექტემბერში SpaceX-ის აღმასრულებელმა დირექტორმა ილონ მასკმა განაცხადა, რომ კომპანიის მიერ Starlink-თან დასაკავშირებლად გამოშვებული სამომხმარებლო ტერმინალების რაოდენობამ სერვისის ამოქმედებიდან ორი წლის შემდეგ გადააჭარბა 1 მილიონ ერთეულს. მომხმარებელთა ბაზის ზრდასთან ერთად თანამგზავრულ ქსელში ინტერნეტის წვდომის სიჩქარე შემცირდა, მაგრამ მოსალოდნელია, რომ ვითარება უკეთესობისკენ შეიცვლება მეტი თანამგზავრის გაშვების შემდეგ. უნდა აღინიშნოს, რომ SpaceX თანამგზავრებს ორბიტაზე დაჩქარებული ტემპით გაუშვებს. გასულ კვირას მასკმა მიულოცა SpaceX-ის გუნდს მიღწეული რეკორდი - სამი ორბიტალური გაშვება 36 საათში, რომლის დროსაც 110 თანამგზავრი გაუშვეს ორბიტაზე, მათ შორის Starlink-ის 108 კოსმოსური აპარატი. მიმდინარე თვეში SpaceX-მა მიმართა აშშ-ის კომუნიკაციების ფედერალურ კომისიას (FCC) მეორე თაობის Starlink-ის თანამგზავრების ფიჭური საკომუნიკაციო აღჭურვილობით აღჭურვის შესახებ. მანამდე, FCC-მ SpaceX-ს ნებართვა მისცა გაეშვა 7500-მდე შემდეგი თაობის Starlink v2.0 თანამგზავრი თანამგზავრული ინტერნეტ სერვისისთვის. https://tinyurl.com/yj7zmwkx

SEC-მა და  CFTC-მა შესაძლოა განიხილონ კრიპტოვალუტების აკრძალვის საკითხი, თუმცა ინიციატივის რეალიზაცია მარტივი არ იქნება. ამის შესახებ NBC-ის ეთერში განაცხადა აშშ-ის სენატის საბანკო კომიტეტის თავმჯდომარე შეროდ ბრაუნმა. „ჩვენ [კანონმდებლებს] გვინდა, რომ მათ [მარეგულირებლებმა] გააკეთონ ის, რაც სჭირდებათ […] შესაძლოა აკრძალონ [კრიპტოვალუტები]. მიუხედავად იმისა, რომ ასეთი სცენარი უკიდურესად რთულია, რადგან ციფრული აქტივები ოფშორში წავა და ცოტას შეუძლია წინასწარ განსაზღვროს, რას გამოიწვევს ეს ზომები, ”- განმარტა სენატორმა. ბრაუნმა მხარი დაუჭირა ჯონ ტესტერს, რომელიც ასევე შედის საბანკო კომიტეტში. 12 დეკემბერს კანონმდებელმა განაცხადა, რომ კრიპტოვალუტებმა ვერ გაიარეს შემოწმება და, შესაბამისად, მათი არსებობის საფუძველი არ არსებობს. ბრაუნმა აღიარა, რომ ბოლო 18 თვის განმავლობაში იგი „ასწავლიდა“ სენატორებსა და საზოგადოებას „კრიპტოვალუტების საშიშროების შესახებ“ დაუყონებლივი და აგრესიული ქმედებებისკენ მოუწოდებდა. „მე უკვე მივმართე ხაზინას და მდივანს [ჯანეტ იელენს] და ვთხოვე ქვეყნის მასშტაბით შეფასება ყველა სხვადასხვა მარეგულირებელი ორგანოს მეშვეობით. [….] SEC იყო განსაკუთრებით აგრესიული. ჩვენ ამ და საკანონმდებლო გზით წინსვლა გვჭირდება, თუ საქმე ამაზე მიდგება“, - განმარტა მან. ბრაუნმა მაგალითისთვის მოიყვანა FTX-ის კოლაფსი, როგორც პოზიციის გამართლება და აღნიშნა, რომ ეს მხოლოდ "პრობლემის დიდი ნაწილია". მისი თქმით, კრიპტოვალუტები "საშიშია" და წარმოადგენს "საფრთხეს ეროვნული უსაფრთხოებისთვის". მან მოიხსენია ჩრდილოეთ კორეელი ჰაკერების მიერ ჩადენილი კიბერდანაშაულები, ნარკოტრაფიკი, ადამიანებით ვაჭრობა და ტერორიზმის დაფინანსება. 7 დეკემბერს ბრაუნმა მოიწვია FTX-ის დამფუძნებელი და ყოფილი აღმასრულებელი დირექტორი სემ ბენკმენ-ფრიდი ბირჟის გაკოტრების მიზეზებთან დაკავშირებით ჩვენების მისაცემად, რომელიც მან დააიგნორა. 13 დეკემბერს სენატორი მიესალმა აშშ-ის იუსტიციის სამინისტროსმიერ ტოპ მენეჯერის მიმართ სისხლის სამართლის ბრალდების წარდგენას. „კონგრესის ორივე პალატა გააგრძელებს მუშაობას მომხმარებლებისთვის, ფინანსური სისტემისა და ეროვნული უსაფრთხოებისთვის კრიპტოვალუტებთან დაკავშირებული რისკების იდენტიფიცირების მიზნით“, - დაწერა მან იმ დროს. შეგახსენებთ, რომ ნოემბერში აშშ-ის სენატის საბანკო კომიტეტის წარმომადგენელმა ელიზაბეტ უორენმა კრიპტო რეგულირების გაძლიერების შესახებ გააკეთა მოწოდება და პარალელები გაავლო FTX-სა და Lehman Brothers-ს შორის. ივლისში მან მოუწოდა კონგრესს და SEC-ს, უფრო მკაცრი პოზიცია დაეჭირათ კრიპტო ინდუსტრიის მიმართ Celsius Network-სა და სხვა უამრავ კომპანიასთან დაკავშირებული პრობლემების გამო. https://tinyurl.com/2s44nruh

Dell-მა გააზიარა პროექტ Concept Luna-ს ფარგლებში ბოლო მიღწევა ეკოლოგიურად სუფთა ლეპტოპის შემუშავების კუთხით. პირველი კონცეპტი წარდგენილ იქნა გასულ წელს და იმ დროს გამოცხადდა, რომ პროექტის მიზანი იყო საიმედო ლეპტოპის შექმნა, რომელიც დამზადებული იქნებოდა ეკოლოგიურად სუფთა მასალებისგან, მინიმალური რაოდენობის ხრახნებისა და კომპონენტებისგან, რომელთა შეცვლა განახლებისა და უტილიზაციისას მარტივი იქნებოდა. პროექტზე მუშაობა მიმდინარეობს კომპანია Intel-თან თანამშრომლობით. ფოტოს წყარო: Dell Dell-მა განაცხადა, რომ ბოლო წლის განმავლობაში მისმა გუნდმა „იმუშავა Concept Luna-ს მოდულური კონსტრუქციის გაუმჯობესებაზე, აღმოფხვრეს წებოს გამოყენებისა და სადენების საჭიროება და უზრუნველყვეს ხრახნების მინიმალური რაოდენობა“. ამჟამად კონცეპტის დაშლა შესაძლებელია „სულ რამდენიმე წუთში“, თანაც სპეციალური ინსტრუმენტების გარეშე. ამგვარი რამ მიღწეულ იქნა მოწყობილობის მოდულური კონსტრუქციის წყალობით. შედარებისთვის, Concept Luna-ს პირველი ვერსიის აწყობისთვის საათანხევარი იყო საჭირო. სადემონსტრაციო ვიდეო შეგიძლიათ ნახოთ ბმულზე: https://tinyurl.com/y8mwb53h ვიდეოში ნაჩვენებია, როგორც შლის Dell-ის წარმომადგენელი Concept Luna-ს განსაკუთრებული ძალისხმევის გარეშე. კლავიატურის განბლოკვის შემდეგ მან ამოიღო ორი დინამიკი, ბატარეა, ცენტრალური პროცესორის ქულერი და დედა ბარათი. შესაძლებელია დისპლეის შეცვლაც ცენტრალური პანელის განბლოკვის შემდეგ. კონცეპტში ასევე გათვალისწინებულია პროცესორის მეორე ქულერის განთავსების შესაძლებლობა, რაც მასში უფრო მძლავრი პროცესორის გამოყენების საშუალებას იძლევა. გარდა ამისა, შესაძლებელია Luna სერიის მოწყობილობების აწყობისა და დაშლის ავტომატიზება და ამ პროცესის დროს მოხდება ცალკეული კომპონენტების ტესტირება ჩანაცვლების საჭიროების დასადგენად. ფოტოს წყარო: Owen Grove / The Verge Dell-ს არ დაუსახელებია თარიღი, თუ როდის გამოვა ეს კონცეპტი კომერციული პროდუქტის სახით. ჯერჯერობით ისიც კი უცნობია, გეგმავს თუ არა კომპანია მის გამოშვებას. სავსებით შესაძლებელია, რომ ამ პროექტის ტექნოლოგიები გამოყენებულ იქნას კომპანიის სხვა მოწყობილობებში. აღსანიშნავია, რომ მოდულური ლეპტოპის დიზაინის იდეას ბაზარზე უამრავი მომხრე ყავს. მაგალითად, Framework-მა მიმდინარე წლის შემოდგომაზე გამოუშვა მოდულური Chromebook. https://tinyurl.com/mu39shsx

კომპანია ASUS-მა წარადგინა GeForce RTX 4090 ROG Strix და GeForce RTX 4080 ROG Strix ვიდეო ბარათები თეთრ ფერში. მანამდე კომპანიამ უკვე გამოუშვა GeForce RTX 4090 და RTX 4080 ბარათების ოთხი ვერსია, თუმცა მუქი ფერის გაფორმებით. ფოტოს წყარო: ASUS თეთრ GeForce RTX 4090-სა და RTX 4080 ROG Strix-ს აქვთ ღია ფერის გაგრილების სისტემის საფარი, უკანა გამაძლიერებელი ფირფიტა და დამჭერი ჩარჩო, თუმცა ორივე ვიდეო ბარათის PCB შავი ფერისაა. თეთრი PCB წარმოდგენილი მხოლოდ კომპანია Galax-ის HOF სერიის ვიდეო ბარათებში. ASUS-მა ასევე შეცვალა ზემოთხსენებული ვიდეო ბარათების შეფუთვის დიზაინი, რათა მომხმარებლები შეცდომაში არ შევიდნენ არჩევისას. სტანდარტული შავი GeForce RTX 4090-ისა და RTX 4080 ROG Strix-ის მსგავსად ვიდეო ბარათების თეთრი ვერსიები ხელმისაწვდომი იქნება ორ ვერსიად - ქარხნული აჩქარებითა და მის გარეშე. ამავდროულად, ორივე ვერსია აღჭურვილია BIOS-ის ორმაგი სამუშაო რეჟიმით - სტანდარტული (გეიმინგი) და მაღალი წარმადობის (OC რეჟიმი). ვიდეო ბარათის სამუშაო რეჟიმის არჩევა ხდება საფირმო აპლიკაცია GPU Tweak Utility-ს მეშვეობით. კომპანია აღნიშნავს, რომ აპლიკაცია საშუალებას იძლევა უსაფრთხოდ დამატებით აჩქარდეს ვიდეო ბარათები მწარმოებლის გარანტიის დარღვევის გარეშე. ქარხნული აჩქარების მქონე GeForce RTX 4090 ვერსია დამყარებულია გრაფიკულ პროცესორ AD102-ზე, რომელსაც 16384 CUDA ბირთვი აქვს. ამ ბარათის GPU-ის სიხშირეა 2610 და 2640 მჰც გეიმინგ და ოვერქლოქინგ რეჟიმებში, შესაბამისად. ქარხნული აჩქარების არმქონე მოდელის სიხშირეებია 2520 და 2550 მჰც, შესაბამისად. ქარხნული აჩქარების მქონე GeForce RTX 4080-ს საფუძვლად უდევს გრაფიკული პროცესორი AD103 CUDA ბირთვით. GPU-ის სიხშირეებია 2625 და 2655 მჰც, ქარხნული აჩქარების არმქონე მოდელისა კი - 2505 და 2535 მჰც. ROG Strix სერიის GeForce RTX 4090 და RTX 4080 ვიდეო ბარათები წარმოადგენს ამ ამაჩქარებლების ყველაზე დიდი არარეფერენსული მოდელები. მათი სიგრძეა 357 მმ, პერსონალური კომპიუტერის კორპუსში ბარათები იკავებენ გაფართოების 3.5 სლოტს. https://tinyurl.com/2s3p2xbh