მომავალი დასაკეცი iPhone წარმოდგენილი იქნება FaceID-ის გარეშე, მაგრამ ეღირება 2000 აშშ დოლარზე მეტი

[Magdalena]

ინდუსტრიის წამყვანმა ანალიტიკოსმა Ming-Chi Kuo-მ განაცხადა, რომ Apple გეგმავს წარმოადგინოს თავისი პირველი დასაკეცი iPhone წიგნის მსგავსი დიზაინით და პრემიუმ ფასით 2026 წლის ბოლოს ან 2027 წლის დასაწყისში. სმარტფონის მთავარ დისპლეს ექნება დაახლოებით 7.8 დუიმი დიაგონალი დაკეცვის ხილვადი ნაწილის გარეშე და გარე 5.5-დუიმიანი ეკრანი. 

 

ფოტოს წყარო: macrumors.com 

დაკეცვისას მოწყობილობის სისქე იქნება 9-დან 9.5 მმ-მდე, ხოლო გაშლისას - 4.5-დან 4.8 მმ-მდე. კორპუსი დამზადებული იქნება ტიტანის შენადნობისგან, საკიდი კი - უჟანგავი ფოლადის და ასევე ტიტანის შენადნობის კომბინაციით. კამერა შედგება ორი ლინზისგან - უკანა და ერთი წინა კამერისგან, რომლებიც ხელმისაწვდომი იქნება როგორც დაკეცილ, ასევე გაშლილ მგომარეობაში, წერს MacRumors Kuo-ს მონაცემებზე დაყრდნობით. 

საინტერესოა, რომ Apple, შიდა სივრცის დაზოგვის მიზნით, აშკარად უარს იტყვის Face ID სისტემაზე Touch ID-ის სასარგებლოდ, რომელიც ჩაშენებული იქნება გვერდით ღილაკში. კომპანია დასაკეც iPhone-ს წარმოგვიდგენს, როგორც „სრულფასოვან AI მოწყობილობას“, რომელიც უფრო დიდი ეკრანის წყალობით და ხელოვნური ინტელექტის (AI) გამოყენებით მომხმარებელს უფრო ეფექტურ მრავალამოცანიანი მუშაობის საშუალებას მისცემს. 

რაც შეეხება სამიზნე აუდიტორიას და ფასს, Kuo-მ აღნიშნა, რომ სმარტფონი გამიზნული იქნება Apple-ის ერთგულ ფანებზე, რომლებიც აღიქვამენ კომპანიის ინოვაციურ მოწყობილობებს, როგორც „აუცილებელად შესაძენს“, თუ მათი ხარისხი, რა თქმა უნდა, აკმაყოფილებს მოლოდინს. დასაკეცი iPhone-ის ფასი სავარაუდოდ არა მხოლოდ 2000 აშშ დოლარს გადააჭარბებს, არამედ შესაძლებელია 2500 აშშ დოლარსაც აღემატებოდეს. 

Apple აპირებს მოწყობილობის ტექნიკური მახასიათებლების დამტკიცებას მიმდინარე წლის მეორე კვარტალში, ხოლო პროექტის ოფიციალურად გაშვებას - მესამე კვარტალში. მასობრივი წარმოება დაგეგმილია 2026 წლის ბოლოს ან 2027 წლის დასაწყისში. გარდა ამისა, კომპანია უკვე განიხილავს დასაკეცი iPhone-ის მეორე თაობის გამოშვების შესაძლებლობას პირველი მოდელის გამოშვებიდან ერთი წლის შემდეგ. 

https://tinyurl.com/28xc99m9