Jump to content

Magdalena

სოციალური მედიისა და ქონთენთის მენეჯერი
  • Posts

    4098
  • Joined

  • Last visited

  • Days Won

    176

Everything posted by Magdalena

  1. აშშ-ის აერონავტიკისა და კოსმოსური სივრცის კვლევის სააგენტო (NASA) და კოსმოსური კომპანია SpaceX გეგმავენ ხომალდ Dragon-ის მეშვეობით საერთაშორისო კოსმოსური სადგურის ეკიპაჟისთვის ტვირთის გაგზავნას 7 ივნისს. ამის შესახებ წერს საინფორმაციო სააგენტო TAC NASA-ს ინფორმაციაზე დაყრდნობით. ფოტოს წყარო: SpaceX „ეს იქნება 25-ე კომერციული მისია, რომელიც ტვირთის მიწოდებას გაახორციელებს სკს-სთვის NASA-ს და SpaceX-ის კონტრაქტის ფარგლებში. რაკეტა Falcon 9-ს გაშვება კანავერალის კოსმოსური საფრენი პლატფორმიდან დაგეგმილია 7 ივნისისთვის. საერთაშორისო კოსმოსურ სადგურთან მიერთება ჩანიშნულია 8 ივნისს“ - ნათქვამია კოსმოსური სააგენტოს შეტყობინებაში. არსებული მონაცემებით ხომალდი Dragon ორბიტალურ სადგურს მიაწვდის დაახლოებით 3 ტონა ტვირთს, მათ შორის საკვებ მარაგს, აღჭურვილობას და მასალებს სხვადასხვა ექსპერიმენტისთვის. სკს-თან დაკავშირების შემდეგ ხომალდი კოსმოსში დარჩება დაახლოებით ერთი თვის განმავლობაში, რის შემდეგ იგი დედამიწაზე დაბრუნდება და ატლანტის ოკეანეში, ფლორიდის სანაპიროზე დაეშვება. წყაროს ცნობით მომავალი მისიის ფარგლებში NASA გეგმავს ორბიტალურ სადგურზე დედამიწის ზედაპირზე მტვრის ქარიშხლების მონიტორინგისთვის განკუთვნილი აღჭურვილობის წაღებას, რომელიც განთავსდება სადგურის კორპუსის გარე მხარეს. ამასთან ერთად ასტრონავტების ხელში მოხვდება ნიადაგის მიკროორგანიზმები, რათა შეისწავლონ მათი ქცევა უწონობაში. ხომალდი ასევე მიაწვდის მასალებს და აღჭურვილობას იმუნური სისტემის დაბერების საფუძვლიანი პროცესების შესასწავლად და ა.შ. https://tinyurl.com/2p8p7xkc
  2. Bitcoin-ის ფასის ქვედა ზღვარის ტესტირება მოხდება 8 ათას აშშ დოლარიან დონეზე, ტექნიკური ანალიზის ასეთ დასკვნამდე მივიდა ოქროს მომხრე და პირველი კრიპტოვალუტის კრიტიკოსი პიტერ შიფი. „როგორ შეიძლება ვინმე დარჩეს Bitcoin-ის ლონგზე? ახლა, როდესაც ზედა საზღვარი გარღვეულია, დიდია გადაადგილების ალბათობა ქვედა საყრდენი ხაზისკენ. სქემაში ასევე ნაჩვენებია ორი მნიშვნელოვანი ნიმუში: "ორმაგი ზედა" და "თავი და მხრები". საშინელი კომბინაციაა. ეს არის გზა ღრმად ქვედა მიმართულებით“, - წერს შიფი. კომენტარებში ერთ-ერთმა მომხმარებელმა აღნიშნა, რომ პირველი კრიპტოვალუტის კოტირებები იმეორებს ტრაექტორიას, რომელიც წინ უძღოდა სერიოზულ დაცემას 2013 წლის ბოლოს. „რყევასავით გამოიყურება, ვეთანხმები”, - განაცხადა მან. კიდევ ერთმა კომენტატორმა თქვა, რომ Bitcoin-ის ფასი დაეცა ბოლოში რამდენიმე თვის განმავლობაში მიმდინარე აღმავალი ეტაპის წინ. 8 მაისს შიფმა გამოთქვა პროგნოზი, რომ ციფრული ოქროს ფასი შეიძლება ჩამოვიდეს 10 ათას აშშ დოლარზე დაბლა, თუ კურსი მკვეთრად გაარღვევს 30 ათას აშშ დოლარიან დონეს. ინვესტორის მიერ შექმნილი გამოკითხვის მონაწილეთა 80%-ზე მეტი თანხმდება, რომ კოტირებები არ დარჩება ამ ნიშნულზე ზემოთ. 11 მაისს ფასმა ვერ მიაღწია 30 ათას აშშ დოლარს. ხანმოკლე ვარდნის შემდეგ კურსი დაუბრუნდა ნიშნულს. Bitcoin-ის „შიშისა და სიხარბის“ ინდექსი უკიდურეს მნიშვნელობებზეა, რაც აქტივის გაყიდვის სიგნალს იძლევა. წყარო: Alternative. ამ ფონზე CoinShares-ის ანალიტიკოსებმა აღნიშნეს კრიპტოფონდებში თანხების ყოველკვირეული რეკორდული შემოდინება წლის დასაწყისიდან. ექსპერტების აზრით ინსტიტუციური ინვესტორები ცდილობენ ისარგებლონ ბაზრის ვარდნით. შეგახსენებთ, რომ Galaxy Digital-ის დამფუძნებელმა მაიკ ნოვოგრაცმა არ გამორიცხა Bitcoin-ის ფასის შემდგომი შემცირება 30 000 აშშ დოლარს ქვევით. https://tinyurl.com/mrxkjb7z
  3. ახლახანს დაანონსდა ხელოვნური ინტელექტის ამაჩქარებელ Intel Habana-ს მეორე თაობა, თუმცა ამ ჩიპების პირველ თაობაზე დამყარებული პირველი სერიოზული ხელოვნური ინტელექტის მქონე სუპერკომპიუტერი Voyager მხოლოდ ახლა აიწყო საბოლოოდ და მზად არის ექსპლუატაციისთვის. 2021 წელს კალიფორნიის უნივერსიტეტის სუპერკომპიუტერულმა ცენტრმა აირჩია Habana Labs-ის ამაჩქარებლები, რომლებიც მაშინ Intel-ის მიერ იყო შეძენილი მის ექსპერიმენტულ სუპერკომპიუტერ Voyager-ისთვის. სუპერკომპიუტერი Voyager. წყარო: SDSC Voyager მოიცავს Supermicro X12-ის 42 ნოუდს, თითოეული მათგანი აღჭურვილია მესამე თაობის წყვილი ჩვეულებრივი პროცესორით Intel Xeon Scalable და პირველი თაობის რვა Habana Gaudi ამაჩქარებლით. თითოეულ ამაჩქარებელს აქვს 32 გბ HBM მეხსიერება რვა ინფერენს-ამაჩქარებლით Habana Goya HL-100. რადგანაც სისტემა გათვლილია სუპერდიდ ხელოვნური ინტელექტის მოდელებზე, ძირითადი ინტერკონექტის სახით გამოიყენება 400GbE-ფაბრიკა RDMA-ით: თითოეულ სერვერს აქვს ექვსი ასეთი პორტი, დაკავშირებისთვის კი გამოიყენება არამბლოკავი კომუტატორები Arista. პროექტ Voyager-ის ფაზები. წყარო: Intel საკმაოდ სერიოზული მახასიათებლების მიუხედავად Voyager-ისგან რეკორდებს არ უნდა ველოდოთ. მუშაობის პირველი სამი წლის განმავლობაში კომპიუტერს ელოდება სატესტო ფაზა, რომლის დროსაც მასზე წვდომას მიიღებენ მეცნიერებისა და მკვლევარების რჩეული გუნდები, მთელი ინფორმაცია კი გულმოდგინედ შეგროვდება და მოხდება შესწავლა. შემდეგი ფაზა გაგრძელდება ორი წელი და ამ პერიოდში Voyager-ზე წვდომა გახდება ბევრად თავისუფალი. ამ დროისთვის SDSC იმედოვნებს, რომ მოაგვარებს ყველა ხარვეზს, მოახდენს პროგრამული უზრუნველყოფის ადაპტირებას და შეიმუშავებს სუპერკომპიუტერთან მუშაობის ყველაზე ოპტიმალურ მეთოდებს. https://tinyurl.com/y3mxk86r
  4. Bentley - საუკუნოვანი ბრიტანული საავტომობილო ბრენდი, რომელიც მსოფლიოში ცნობილია ხარისხითა და ლუქს კლასის მანქანებით, ელექტრომობილების ბაზარზე შემოდის ყველაზე სწრაფი სამომხმარებლო ელექტრომობილის წარდგენით. ლუქს კლასის ავტომობილების მწარმოებელი Bentley. Wuka/iStock ადრე Bentley-მ განაცხადა ელექტრიფიკაციის სტრატეგია "Beyond100"-ის შესახებ, რომელიც ითვალისწინებს 2030 წლისთვის სრულიად ელექტრო ავტომობილებზე გადასვლას ხუთი ახალი BEV-ის მეშვეობით, რომლებიც ყოველწლიურად გამოვა 2025 წლიდან. Bentley-ს გენერალურმა დირექტორმა ადრიან ჰოლმარკმა განაცხადა, რომ კომპანიის პირველი ელექტრომობილი, რომლის გამოსვლა 2025 წელსაა დაგეგმილი, შეძლებს 1400 ცხენის ძალა სიმძლავრის (1044 კვტ) განვითარებას და 0-60 მილი/სთ (0-100 კმ/სთ) სიჩქარის განვითარებას სულ რაღაც 1.5 წამში. თუ ეს სიმართლეა, ახალი Bentley უკან ჩამოიტოვებს Lucid Air Dream Edition Performance-სა (1 111 ცხენის ძალა) და Tesla Model S Plaid-ს (1 020 ცხენის ძალა) დრაგ-რეისინგში. ეს მოდელები ერთ-ერთი ყველაზე სწრაფი სამომხმარებლო ელექტრომობილებია, რომელთაც ორ წამზე ნაკლებ დროში შეუძლიათ ზემოთხსენებული სიჩქარის განვითარება. Automotive News Europe-ისთვის მიცემულ ინტერვიუში ჰოლმარკმა ისაუბრა კომპანიის პირველი ლუქს-ელექტრომობილის ზოგიერთი თამამი მახასიათებლისა და ფასების შესახებ. მისი თქმით, კომპანიას სურს ბაზარზე შესვლა მიუხედავად იმისა, რომ ჯერ არ წარმოუდგენია არც ერთი სრულიად ელექტრო ავტომობილი. ახალი BEV აიწყობა Porsche-სა და Audi-ს მიერ შემუშავებულ პრემიუმ-კლასის ელექტრო პლატფორმაზე (PPE), ეს კომპანიები არიან VW Group-ის ქვედანაყოფები და Bentley-ს მფლობელები 1998 წლიდან. PPE უზრუნველყოფს Bentley-ს ბატარეების ტექნოლოგიით, ელექტრომობილების წამყვანი სისტემებისა და სალონის წყობის ტექნოლოგიებით, აგრეთვე ავტონომიური და დაკავშირებადი ავტომობილების პოტენციალით. Bentley-ს პირველი ელექტრომობილი წარმოებული იქნება ინგლისში, კომპანიის ქარხანაში. Bentley EXP 100 GT-ს კონცეფცია ჰოლმარკმა ისაუბრა სამომავლო ელექტრომობილის „ბრუტალურ აჩქარებაზე“ და განაცხადა, რომ ეს არ იქნება მთავარი განსაკუთრებული მახასიათებელი, ამის ნაცვლად ეს იქნება „გადასწრება ძალისხმევის გარეშე“. მან განაცხადა: დიდ ბრიტანეთში ადამიანების უმეტესობას მოსწონს აჩქარება 30-დან 70 მილი/სთ-მდე (50-113 კმ/სთ), გერმანიაში - 30-დან 150 მილი/სთ-მდე (50-240 კმ/სთ). ახლა ჩვენ გაგვაჩნია 650 ცხენის ძალა GT Speed-ში, BEV-ის შემთხვევაში კი სიმძლავრე ორჯერ მეტი იქნება. თუმცა, თუ განვიხილავთ აჩქარებას 0-დან 60 მილი/სთ-მდე, ეფექტი მცირდება. პრობლემა ის არის, რომ ეს არაკომფორტულია. 2.4 წამში 60 მილი/სთ სიჩქარის (100 კმ/სთ) განვითარება მფლობელისთვის ათჯერ უფრო სასიამოვნოა. ამაზე მეტის შემდეგ მას უბრალოდ გულისრევის შეგრძნება გაუჩნდება“. ეს არის ნამდვილი გადაჭარბებული სიჩქარე. მაგრამ სანერვიულო არაფერია. ჰოლმარკის თქმით ექსტრემალური აჩქარების არჩევანი მომხმარებლის გადასაწყვეტი იქნება - ავტომობილის შეძენისას მომხმარებელს შეეძლება აირჩიოს 0-დან 100 კმ/სთ-მდე აჩქარების ვარიანტი 1.5 ან 2.7. წამში. კომპანიამ არ გაიზიარა დამატებითი ტექნიკური მახასიათებლები, მაგრამ განაცხადა, რომ დიზაინი დაფუძნებული იქნება Continental GT კუპეზე, Flying Spur სედანსა და Bentayga SUV-ზე. რაც შეეხება უსიამოვნო ამბებს, ჰოლმარკმა აღნიშნა, რომ ავტომობილის მინიმუმ ერთი ვარიანტი ეღირება 262 000 აშშ დოლარზე მეტი (250 000 ევრო). https://tinyurl.com/mryn754u
  5. ტექნოლოგიის ცუდად გაგება გახდა ყველაზე პოპულარული მიზეზი, რის გამოც მომხმარებლებმა უარი თქვეს ციფრულ აქტივებში ინვესტირებაზე. ამას მოწმობს Coupon Follow-ის მიერ ჩატარებული გამოკითხვის მონაცემები. კვლევაში მონაწილეობდა აშშ-ის 18 წელზე უფროსი ასაკის 1172 მაცხოვრებელი, რომლებსაც არასდროს ჰქონიათ ინვესტიცია განხორციელებული კრიპტოვალუტაში. გამოკითხულთა 42%-მა არ იყიდა კრიპტოვალუტა, რადგან „არ ესმით მისი ფასეულობა“. 39% შეშფოთებულია არასტაბილურობით. 35% კრიპტოვალუტებს სკამად მიიჩნევს - ყველაზე ხშირად ეს მიზეზი დაასახელეს ბეიბი-ბუმერის თაობის წარმომადგენლებმა (44%). კიდევ 24-მა პროცენტმა განაცხადა, რომ ისინი არ იყვნენ საკმარისად კომპეტენტური აქტივის შესაძენად. წყარო: Coupon Follow. გამოკითხულთა 18-მა პროცენტმა თქვა, რომ რაღაც მომენტში ჩამოტვირთა კრიპტოვალუტის გაცვლის აპლიკაციები ტელეფონებში, მაგრამ არასოდეს გამოუყენებიათ. ზოგს აკლდა ცოდნა, ზოგს ეშინოდა არასტაბილური ფასების, ზოგს აწუხებდა პროგრამული უზრუნველყოფის უსაფრთხოება. წყარო: Coupon Follow. ამერიკელების მხოლოდ 6-მა პროცენტმა, რომლებიც ამჟამად არ ფლობენ კრიპტოვალუტას, თქვა, რომ მზად არიან იყიდონ იგი უახლოეს მომავალში. მეტი ინფორმაცია კრიპტოვალუტებში ინვესტიციის უპირატესობების შესახებ დაეხმარება რესპოდენტთა სკეპტიციზმის შეცვლას. ასე ფიქრობს 18%. 16% გადაწყვეტდა შეძენას, უფრო მაღალი შემოსავალი რომ ჰქონოდათ - უმეტესად ასეთი პასუხი გასცეს მილენიალებმა. Z თაობის წარმომადგენლები, თავის მხრივ, დაინტერესებულნი არიან უფლებადამცველი სტრუქტურების მიერ სახელმწიფო რეგულირებით და ბაზრის კონტროლით. წყარო: Coupon Follow. შეძენის შემთხვევაში რესპონდენტთა უმრავლესობისთვის პირველი მონეტები იქნება Bitcoin, Ethereum ან USD Coin. წყარო: Coupon Follow. https://tinyurl.com/r74jad67
  6. AMD-მ CDNA არქიტექტურაზე დამყარებული გამოთვლითი გრაფიკული პროცესორი Instinct MI100 თავდაპირველად წარადგინა 2020 წელს, როგორც Nvidia A100-ის კონკურენტი მაღალი წარმადობის გამოთვლებში (HPC). მოგვიანებით გამოვიდა მოდელები Instinct MI200 და MI250X არქიტექტურა CDNA 2-ის ბაზაზე. ამჯერად გამოჩნდა ინფორმაცია სამომავლო Instinct MI300-ის შესახებ, რომელიც CDNA 3 არქიტექტურაზე იქნება დამყარებული. ინფორმაცია გავრცელდა AdoredTV-სგან, რომელმაც მიიღო სლაიდი Instinct MI300-ის აღწერილობით. სლაიდის თანახმად Instinct MI300 რეალურად წარმოადგენს APU-ს ZEN 4 არქიტექტურის პროცესორით, რომელიც იმუშავებს გრაფიკულ პროცესორსა და საერთო HBM მეხსიერებასთან ერთად. ინსაიდერმა @Komachi_Ensaka-მ პირველად განაცხადა MI200-სთვის განკუთვნილი APU-ს შესახებ 2019 წელს, რომელსაც მოჰყვა @ExecuFix-ის თვითი 2021 წლის სექტემბერში, რომელიც მიუთითებდა MI300-ის მხარდაჭერის მქონე ახალ SF5 სოკეტზე. ასეა თუ ისე, 2015 წელს AMD-მ განიხილა მეგაეგზაფლოპს APU-ის კონცეფცია 32 ბირთვით, გრაფიკული პროცესორითა და DRAM მეხსიერებით და 2017 წელს გამოაქვეყნა სტატია „ ეგზაფლოპს-გამოთვლებისთვის განკუთვნილი APU-ის დაპროექტება და ანალიზი“. ახლახანს გამოჩენილი სლაიდი თანხმობაში მოდის ზემოთ მოყვანილ ინფორმაციასთან. მოსალოდნელია, რომ Zen 4-ისა და CDNA 3-ის ბაზაზე APU-ის შემუშავება დასრულდება მაისის ბოლოს, პირველი ნიმუში კი ლაბორატორიებში მესამე კვარტალში გამოჩნდება. ეს იქნება ყველაზე დიდი ეგზაფლოპს-APU x86 მაღალი წარმადობის გამოთვლებისა და მონაცემთა დამუშავების ცენტრებისთვის. მიუხედავად იმისა, რომ ეს ინფორმაცია დიდი ალბათობით სიმართლეს შეესაბამება, უცნობია, აწარმოებს თუ არა AMD ყველა CDNA 3 ამაჩქარებელს APU-ის სახით თუ გამოუშვებს ცალ-ცალკე GPU-სა და APU-ს. https://tinyurl.com/du4sxt2n
  7. კომპანია Acer-მა წარადგინა განახლებული ლეპტოპი-ტრანსფორმერი Spin 5 (SP514-51N), რომელიც წარმოდგენილი იქნება Intel Alder Lake პროცესორებით და 2.5K დისპლეით. მოწყობილობის საცალო გაყიდვა დაიწყება ივლისში და მისი ფასი იწყება 1350 აშშ დოლარიდან. ფოტოს წყარო: Acer ლეპტოპს ექნება 14-დუიმიანი დისპლეი 2560 × 1600 პიქსელი გაფართოებით და გვერდების შეფარდებით 16:10. სპეციალური კონსტრუქციის წყალობით ეკრანი ბრუნვადია 360 გრადუსით, რის შედეგად შესაძლებელია მოწყობილობის სხვადასხვა რეჟიმში, მათ შორის პლანშეტის სახით გამოყენება. დისპლეი იკავებს ლეპტოპის ზედა ნაწილის 88%-ს. ეკრანზე მუშაობისთვის შესაძლებელია Acer Active სტილუსის გამოყენება (მხარდაჭერილია დაჭერის 4096 დონე). განახლებული Spin 5 გამოვა Intel Alder Lake (მე-12 თაობის) პროცესორებით, მაგრამ რომელ მოდელებზეა საუბარი - ჯერჯერობით უცნობია. მხარდაჭერილია 16 გბ-მდე LPDDR5 ოპერატიული მეხსიერება და 1 ტბ-მდე PCIe Gen4 SSD. უსადენო კავშირის უზრუნველსაყოფად გამოიყენება Killer Wi-Fi 6E AX1675i მოდული. კონსტრუქციაში შედის ორი Thunderbolt 4 ინტერფეისი, ასევე სრული ზომის HDMI, ორი USB Type-A პორტი და microSD ბარათის სლოტი. Acer Spin 5-ის კორპუსის სისქე 16.9 მილიმეტრია, წონა 1.3 კგ. ლეპტოპის გაყიდვა დაიწყება ივლისში, საბაზისო კონფიგურაციის ფასი 1350 აშშ დოლარს შეადგენს. https://tinyurl.com/ycxbdzbf
  8. კრიპტო მილიარდერმა, კრიპტო ბირჟა FTX-ის დამფუძნებელმა და გენერალურმა დირექტორმა სემ ბენკმან-ფრიდმა გამოხატა აზრი, რომ Bitcoin-ს, როგორც ანგარიშსწორების საშუალებას, მომავალი არ აქვს. მილიარდერმა გააკრიტიკა Bitcoin-ის ტრანზაქციის შემოწმების სისტემა ეკოლოგიაზე მაღალი დატვირთვისა და არაეფეტურობის გამო. იგი მიიჩნევს, რომ ქსელს არ შეუძლია წამში მილიონი ტრანზაქციის დამუშავება. ამასთან, იგი აცხადებს, რომ მომხმარებლებს შეუძლიათ Bitcoin-ების გადატანა მეორე დონის გადახდის პროტოკოლებზე, როგორიცაა Lightning. proof-of-stake ალგორითმის მქონე ქსელებს ამ პრობლემების გადაჭრა შეუძლიათ. თუმცა, წილის დამადასტურებელ ალგორითმზე Bitcoin-ის გადატანა რთული ამოცანა იქნება. Ethereum-ის დეველოპერები უკვე რამდენიმე წელია გეგმავენ ასეთ გადასვლას და ვადები მუდმივად ჭიანურდება. მიუხედავად იმისა, რომ ბენკმან-ფრიდს არ სჯერა Bitcoin-ის, როგორც საგადახდო ვალუტის, იგი მასში ხედავს ოქროს მსგავსად აქტივის, სასაქონლო და დაგროვების საშუალების პოტენციალს. გასულ კვირას კრიპტო ბაზარმა დიდი ვარდნა განიცადა Stablecoin Terra-ს კრახის შემდეგ. Bitcoin-ის ფასი ოდნავ გაიზარდა მინიმალური ღირებულებიდან, მაგრამ ღირს ორჯერ ნაკლები ნოემბრის მაჩვენებელთან შედარებით, წერს Techspot. https://tinyurl.com/2d7w497r
  9. კომპანია Samsung-ს კვლავ სჯერა დრეკადი სმარტფონების ნათელი მომავლის და უახლოეს თვეებში გეგმავს წარადგინოს ახალი მოდელები Galaxy Z Fold 4 და Galaxy Z Flip 4. ამ მოვლენის მოლოდინში უფრო და უფრო მეტი ინფორმაცია გამოჩნდა ამ მოწყობილობების შესახებ. მაგალითად, ცნობილი გახდა, რომ Samsung-მა ამ სმარტფონებისთვის კომპონენტების მასობრივი წარმოება დაიწყო. მიმდინარე წელს Samsung აპირებს მაღაზიების თაროებზე გაიტანოს ახალი თაობის დრეკადი სმარტფონების 10 მილიონზე მეტი ეგზემპლარი. Galaxy Z Flip 3-თან შედარებით მოდელ Galaxy Z Fold 3-ის პოპულარობის გათვალისწინებით ახალი Galaxy Z Fold 4-ის წარმოების მოცულობამ შესაძლოა შეადგინოს ამ ორი მოწყობილობის დაახლოებით 70%. თუ გეგმების რეალიზაცია წლის ბოლომდე მოხდება, ეს იქნება მნიშვნელოვანი მოვლენა - გამოშვებული სმარტფონების 1% პირველად იქნება შედგენილი დრეკადი სმარტფონებით. მიუხედავად იმისა, რომ დრეკადი სმარტფონები კვლავ უფრო ძვირია, ვიდრე ჩვეულებრივი სმარტფონები, მოსალოდნელია, რომ მათი ფასი შემცირდება უახლოეს წლებში შეთავაზების მოცულობის გაზრდის გამო. ეს უფრო მეტ მყიდველს მიიზიდავს მათკენ და დრეკადი სმარტფონების წილის ზრდა გაგრძელდება, წერს Gizmochina. https://tinyurl.com/37zkpt89
  10. OnePlus-ს ჯერ არ დაუანონსებია სმარტფონი Nord 2T, მაგრამ სულ უფრო მეტი ინფორმაცია ჩნდება მის შესახებ. ამ მოდელის ანონსი დაგეგმილია 19 მაისისთვის. ამჯერად ცნობილი გახდა, რომ მოწყობილობა იმუშავებს პროცესორზე MediaTek Dimensity 1300. სისტემა ჩიპ Dimensity 1300-ზე წარდგენილი იქნება რამდენიმე კვირის წინ. თუკი იგი OnePlus Nord 2T სმარტფონის შემადგენლობაში შევა, იგი გახდება პირველი სმარტფონი ხსენებული პროცესორით. Dimensity 1300-ს აქვს გარკვეული გაუმჯობესებები შედარებით ძველ Dimensity 1200-თან შედარებით. ორივე მათგანში გამოყენებულია 6-ნანომეტრიანი ტექნოპროცესი. ახალ ჩიპს აქვს ოთხი ბირთვი Cortex A-78, ოთხი ბირთვი A55 და გრაფიკული პროცესორი Mali-G77 MC9. წარმოებას ახორციელებს TSMC-ის ქარხანა. ამ დრომდე უკვე ვრცელდებოდა ცნობა, რომ Nord 2T-ს ექნება 80 ვატი სიმძლავრის SuperVOOC დამუხტვა, ბატარეის მოცულობა კი შეადგენს 4500 მა/სთ-ს. დეველოპერები ამტკიცებენ, რომ სრული დამუხტვისთვის მხოლოდ 15 წუთია საჭირო. ჯერჯერობით უცნობი რჩება კამერების და სხვა კომპონენტების მახასიათებლები. სავარაუდოდ, ძირითადი კამერა იქნება 50 მეგაპიქსელი გაფართოებით და ფლაგმანური დონის შესაძლებლობებით. ასევე წარმოდგენილი იქნება სუპერფართოკუთხიანი 8-მეგაპიქსელიანი კამერა, 2-მეგაპიქსელიანი მაკრო სენსორი, ასევე 32-მეგაპიქსელიანი ფრონტალური კამერა. სავარაუდოდ, მოწყობილობას ექნება 6.43-დუიმიანი FHD+ ეკრანი 90 ჰერცი კადრის განახლების სიხშირით. სმარტფონის ფასი და გაყიდვის დაწყების თარიღი ანონსის დროს გამოცხადდება. https://tinyurl.com/48xyjt82
  11. ბესტსელერის „მდიდარი მამა, ღარიბი მამა“ ავტორმა და ანტრეპრენერმა რობერტ კიოსაკიმ Bitcoin-ის ფასის ვარდნას „დიდებული სიახლე“ უწოდა და ივარაუდა კრიპტოვალუტის ფასის შემცირება 17 ათას აშშ დოლარამდე. „როგორც ადრე ვთქვი, ველოდები Bitcoin-ის ფასის 20 ათას აშშ დოლარამდე. შემდეგ იქნება ტესტი, რომელიც შესაძლოა დაფიქსირდეს 17 ათასი აშშ დოლარის დონეზე. როგორც კი ეს მოხდება - დიდ ფსონს ვაპირებ. კრიზისები საუკეთესო დროა გამდიდრებისთვის“ - განაცხადა მან. ადრე ანტრეპრენერმა განმარტა, თუ რატომ არის დარწმუნებული ციფრული ოქროს გრძელვადიან წარმატებაში: „Bitcoin გაიმარჯვებს, რადგან ამერიკას სამი მარიონეტი უდგას სათავეში“. მათში იგი გულისხმობდა აშშ-ის პრეზიდენტ ჯო ბაიდენს, ფინანსთა მინისტრ ჯანეტ იელენსა და ფედერეალური სარეზერვო სისტემის ხელმძღვანელ ჯერომ პაუელს. 2020 წელს კიოსაკიმ განაცხადა, რომ Bitcoin-ის ფასი სამ წელიწადში 75000 აშშ დოლარს მიაღწევდა, რადგან ფედერალური ბანკის არაკომპეტენტურობა „კლავს აშშ-ის ეკონომიკას“. კრიპტოვალუტა ხსენებულ ნიშნულს 2021 წლის ნოემბერში მიუახლოვდა და დააფიქსირა ისტორიული მაქსიმუმი 69 ათასი აშშ დოლარის დონეზე. 13 მაისს Bitcoin-ის ფასი მკვეთრი ვარდნის შემდეგ აღდგა 30 000 აშშ დოლარამდე. მანამდე ოქროს ცნობილმა მხარდამჭერმა და პირველი კრიპტოვალუტის კრიტიკოსმა პიტერ შიფმა „მეტად სავარაუდო“ უწოდა კოტირებების 10 ათას აშშ დოლარამდე შემცირების ალბათობას. შეგახსენებთ, რომ იანვარში Bloomberg Intelligence-ის საბირჟო პროდუქტების უფროსი სტრატეგი მაიკ მაკგლოუნი პროგნოზირებდა Bitcoin-ის ფასის 100 ათას აშშ დოლარამდე ზრდას 2022 წელს. Fintech-ექსპერტებმა, რომლებმაც მონაწილეობა მიიღეს Finder-ის გამოკითხვაში, დაასკვნეს, რომ წლის ბოლომდე კრიპტოვალუტის ფასი 65 ათას აშშ დოლარს მიაღწევს. https://tinyurl.com/4raxc8ay
  12. კომპანია Qualcomm კარგად არის ცნობილი ენთუზიასტებისთვის, რომლებიც მობილური გაჯეტებით ინტერესდებიან - მისი ჩიპები განთავსებულია ყველა სეგმენტის სმარტფონებში, დაბალბიუჯეტურიდან დაწყებული - ტოპ ვერსიებით დამთავრებული. გულშემატკივრები დიდი ხანია ელოდნენ ინფორმაციას ახალ ფლაგმანურ SoC Snapdragon 8 Gen 1+-ის შესახებ და კომპანიამ საბოლოოდ დაადასტურა: ჩიპის პრეზენტაცია პარასკევს, 20 მაისს გაიმართება. ასევე წარმოდგენილი იქნება საშუალო დონის ერთკრისტალიანი სისტემა Snapdragon 7 Gen 1. Snapdragon 8 Gen 1+ ჩიპს, თუკი ინსაიდერების ინფორმაციას დავუჯერებთ, ექნება უფრო მძლავრი გრაფიკული პროცესორი, ვიდრე საბაზისო Gen 1 ვერსიას, აგრეთვე ახალი ჩიპი დამზადდება მსოფლიოში არსებული ერთ-ერთი მოწინავე ტექნოლოგიით - ტაივანური კომპანია TSMC-ის 4-ნანომეტრიანი ტექნოპროცესით. წარმოებისადმი ამგვარმა მიდგომამ უნდა გადაჭრას Qualcomm-ის ბოლო ფლაგმანური ჩიპების პრობლემები, როგორებიცაა Snapdragon 888 ჩიპის ძლიერად გაცხელება და შედეგად წარმადობის კარგვა ხანგრძლივ სტრეს-ტესტებში, ბენჩმარკებსა და თამაშებში. ამჟამად არსებული ცნობების თანახმად Snapdragon 8 Gen 1+ ჩიპის ბირთვების ფორმულა არ განსხვავდება Snapdragon 8 Gen 1-ის სტრუქტურისგან - წარმოდგენილი იქნება მთავარი მაღალი წარმადობის ბირთვი Cortex-X2 ტაქტის სიხშირით 3 გჰც (შესაძლოა ოდნავ მაღალი), სამი დამხმარე მაღალი წარმადობის ბირთვი Cortex-A710 და ოთხი ენერგოეფექტური Cortex-A510 ბირთვი. https://tinyurl.com/2z65skr6
  13. ჯერ კიდევ გასულ წელს ამერიკელი და ევროპელი ოფიციალური პირები ერთმანეთს შეხვდნენ პიტსბურგში, რათა განეხილათ თანამშრომლობა ნახევრადგამტარი კომპონენტების დეფიციტის წინააღმდეგ ბრძოლის სფეროში, რაც იმ დროისთვის მკვეთრად იგრძნობოდა საავტომობილო სეგმენტში. მიმდინარე კვირაში მოლაპარაკების მხარეები მზად არიან ჩამოაყალიბონ მიდგომა ინფორმაციის გაცვლისა და სუბსიდიების კოორდინაციისთვის ნახევარგამტარი ინდუსტრიის მხარდასაჭერად. ფოტოს წყარო: TSMC Reuters-ის ცნობით შესაბამის განცხადებებს ვაჭრობისა და ტექნოლოგიების საბჭოს (TTC) წარმომადგენლები გააკეთებენ, რომელშიც შედიან ოფიციალური პირები როგორც აშშ-დან, ასევე ევროპიდან. ორი რეგიონის ხელისუფლებას სურს კოორდინაცია გაუწიოს ნახევრადგამტარი ინდუსტრიის განვითარების ხელშეწყობას, რათა თავიდან იქნას აცილებული თანხების არაეფექტური ხარჯვა, ასევე აღმოიფხვრას „სუბსიდიებისთვის შეჯიბრი“ მათი მიღების მსურველ კომპანიებს შორის. ზემოთხსენებული სამთავრობოთაშორისი ორგანო კოორდინაციას გაუწევს აშშ-ისა და ევროკავშირის ხელისუფლების ქმედებებს სხვა სფეროებში, დაწყებული ჩინეთისა და რუსეთის წინააღმდეგ - დამთავრებული ამ იურისდიქციებში მსხვილი კორპორაციების საქმიანობის რეგულირების წესების დადგენით. შეგახსენებთ, რომ შეერთებულმა შტატებმა და ევროკავშირმა შეიმუშავეს (ან აპირებენ შეიმუშავონ) ცალკეული პროგრამები ჩიპების ადგილობრივი წარმოების განვითარების სუბსიდირების მიზნით. ამერიკის ხელისუფლება აპირებს 52 მლრდ აშშ დოლარის გამოყოფას შესაბამისი საჭიროებისთვის, ევროკავშირის ხელისუფლებამ კი მსგავსი მიზნებისთვის 43 მლრდ ევრო გამოყო. https://tinyurl.com/4dm2a67z
  14. კომპანია Circle-მა გამოაქვეყნა ინფორმაცია ცენტრალიზებულ Stablecoin USDC-ის რეზერვებისა და გამოშვების დინამიკის შესახებ. გამოცემის თანახმად ბოლო შვიდი დღის განმავლობაში 8.4 მილიარდი USDC გამოიცა, ხოლო 6.7 მილიარდი - გამოისყიდა. მიმოქცევაში ჯამში 50.6 მილიარდი მონეტაა. ცენტრალიზებულ Stablecoin-ის უზრუნველყოფის სტრუქტურა 13 მაისის მდგომარეობით ასეთია: 22.9% ანუ 11.6 მლრდ აშშ დოლარი - ნაღდი ფული; 77.1% ანუ 39 მლრდ აშშ დოლარი - აშშ-ის სახაზინო ობლიგაციები, რომელთა გამოსყიდვის ვადა არ აღემატება სამ თვეს. „USDC-ის რეზერვები ინახება აშშ-ის წამყვან ფინანსურ ინსტიტუტებში, მათ შორის BlackRock-სა და Bank of New York Mellon-ში“, - ნათქვამია ბლოგში. Circle გადის ყოველწლიურ აუდიტს, რომლის ფარგლებში ასევე მოწმდება Stablecoin-ის უზრუნველყოფა. კომპანია SEC-ს აწვდის ანგარიშებს და ემზადება ნიუ-იორკის საფონდო ბირჟაზე ლისტინგისთვის. USDC მეორე ადგილს იკავებს CoinGecko-ს Stablecoin-ების რეიტინგში. წყარო: CoinGecko. აქტივი მნიშვნელოვნად აღემატება Binance USD-ს (BUSD) კაპიტალიზაციის მხრივ, თუმცა ოდნავ ჩამოუვარდება მას ვაჭრობის მოცულობით. შეგახსენებთ, რომ Tether-მა USDT-ის უზრუნველყოფის უმეტესი ნაწილი გადაიტანა აშშ-ის სახელმწიფო ობლიგაციებში, რითაც შეამცირა პოზიციები კომერციულ ფასიან ქაღალდებში. https://tinyurl.com/s9957ku5
  15. Bank of America-ს ექსპერტები აცხადებენ, რომ AMD-მ მიმდინარე წლის პირველი კვარტალი დაასრულა კომპიუტერის პროცესორების ბაზრის 20%-იანი წილით ფულადი თვალსაზრისით და 22%-ით - ერთეულების მიწოდების თვალსაზრისით. მობილური სეგმენტის კომერციულ ნაწილსა და მაღალი ფასის სეგმენტში წილის გაზრდით AMD-მ მოახერხა თავისი პროცესორების საშუალო სარეალიზაციო ღირებულების გაზრდა. ფოტოს წყარო: AMD ამავდროულად, პროგნოზის ავტორები იუწყებიან, რომ სერვერების სეგმენტში AMD ზედიზედ 12 კვარტალია რეალურად ზრდის თავის წილს პროცესორების ბაზარზე. თუ ვივარაუდებთ, რომ კომპიუტერების და სერვერების ბაზარი 2024 წლამდე წელიწადში საშუალოდ 6%-ით გაიზრდება, მაშინ AMD-ს აქვს შანსი, რომ პერიოდის ბოლომდე 26%-იანი წილი დაიკავოს როგორც ფულადი, ასევე რაოდენობრივი თვალსაზრისით. ეს იქნება მნიშვნელოვანი გაუმჯობესება 2021 წელს არსებულ დონესთან შედარებით, ვინაიდან იმ დროისთვის კომპანიის ფულადი წილი არ აღემატებოდა 15%-ს, ხოლო რაოდენობრივი წილი - 19%-ს. https://tinyurl.com/y877zwjb
  16. ჯეფ ბეზოსის კუთვნილმა კომპანია Blue Origin-მა განაცხადა, რომ ტურისტების შემდეგი ჯგუფი კოსმოსში New Shepard-ით პარასკევს, 20 მაისს გაემგზავრება. ხომალდის ეკიპაჟი ექვსი წევრისგან შედგება: ხუთი კაცისა და ერთი ქალისგან. ეს იქნება New Shepard-ის მეხუთე ტურისტული ფრენა ჯამში და რიგით მეორე - მიმდინარე წელს. Blue Origin-ის კონკურენტი Virgin Galactic ამ წელს ტურისტებს კოსმოსში არ წაიყვანს, რის შედეგად ბაზარი ბეზოსის ხელში მოხვდა. ფოტოს წყარო: Blue Origin სუბორბიტალურ ფრენაში მისია NS-21-ის ფარგლებში მრავალჯერად ავტომატურ კაფსულა News Shepard-ში მოხვდებიან Evan Dick, Katya Echazarreta, Hamish Harding, Victor Correa Hespanha, Jaison Robinson და Victor Vescovo. ევან დიკისთვის ეს იქნება მეორე ფრენა New Shepard-ით (და ტურისტის პირველი განმეორებითი ფრენა კომპანიისთვის), ხოლო კატია ეჩაზარეტა იქნება პირველი მექსიკელი, რომელიც კოსმოსში გაფრინდება. Blue Origin არ ასაჯაროვებს New Shepard-ით ათწუთიანი ფრენისთვის ბილეთის ფასს. Virgin Galactic-ის კოსმოსური თვითმფრინავის ბილეთი 450 000 აშშ დოლარი ღირს, თითოეულმა კომპანიამ უკვე განახორციელა ტურისტების ოთხი კომერციული გაშვება, თუმცა წელს Blue Origin გახდა ბაზრის მონოპოლიური მფლობელი. ტურისტების შემდეგი გაშვება კოსმოსში Virgin Galactic-ის მიერ განხორციელდება არა უადრეს 2023 წლის პირველი კვარტლისა, ხოლო Blue Origin წელს უკვე ფრენას ამზადებს. ფოტოს წყარო: Blue Origin კარგია თუ ცუდი - კოსმოსში ფრენა შეძლებული ადამიანებისთვის ატრაქციონად იქცა. ეჭვგარეშეა, რომ კოსმოსური ტურიზმის რენტაბელურობა დაფარავს არა მხოლოდ სტრატოსფეროზე ოდნავ მაღლა ფრენის ხარჯებს, არამედ ორბიტალური ფრენების დანახარჯებსაც. საინტერესოა, განხორციელდება თუ არა ფრენები მარსისკენ, რომ აღარაფერი ვთქვათ შორეულ პლანეტებზე?! https://tinyurl.com/mrm6ew3z
  17. მსოფლიოს ერთ-ერთმა უდიდესმა ავიაკომპანია Emirates Airlines-მა გამოაცხადა Bitcoin-ში გადახდების მიღებისა და NFT კოლექციის გამოშვების შესახებ. პრესკონფერენციაზე ავიაკომპანიის მთავარმა ოპერაციულმა დირექტორმა აღნიშნა Emirates Airlines-ის ინტერესის არსებობა ბლოკჩეინის გამოყენებით თვითმფრინავების აღრიცხვისთვის, ასევე დაინტერესება მეტასამყაროს ტექნოლოგიით. „მეტასამყაროები სწავლების, ბილეთების გაყიდვის ტრადიციულ ოპერაციებს გადაიტანენ ციფრულ სამყაროში, რაც მათ უფრო ინტერაქტიულს გახდის“ - განაცხადა მან. ახალი პროექტების შემუშავებისთვის ავიაკომპანია დაიქირავებს სპეციალიზებულ თანამშრომლებს. შეგახსენებთ, რომ 2021 წლის ოქტომბერში სალვადორის ავიაკომპანია Volaris-მა დაამატა Bitcoin-ით გადახდის შესაძლებლობა. https://tinyurl.com/2hn735es
  18. ჩიპების სამხრეთკორეული მწარმოებლები ტაივანურ კომპანიებთან ერთად ფლობენ ელექტრონიკის საკონტრაქტო წარმოების ბაზრის თითქის 2/3-ს. კორპორაცია Samsung-მა განაცხადა, რომ ზაფხულიდან კომპანიის საწარმოო ობიექტებში კომპიუტერული და მობილური ელექტრონიკის წარმოების ღირებულება მინიმუმ 30%-ით გაძვირდება. ამასთან, ჟურნალისტები, რომლებიც თვალს ადევნებენ მსოფლიო ელექტრონიკისა და ნახევარგამტარების თემას, ამტკიცებენ, რომ კომპანიის დამკვეთთა ნახევარზე მეტი ფასის მატებას უკვე დათანხმდა. დანარჩენებთან მოლაპარაკებები ჯერ კიდევ მიმდინარეობს, Samsung კი ძალიან პრინციპულადაა განწყობილი - თუ დამკვეთები მეტს არ გადაიხდიან, კონტრაქტები გაუქმდება. პრინციპში, სამხრეთ კორეელების ეს გადაწყვეტილება სავსებით საფუძვლიანია. Samsung-ისთვის გასული ფინანსური წელი საკმაოდ მშვიდი აღმოჩნდა, ნახევრადგამტარი პროდუქციის დეფიციტის ფონზეც კი კომპანიამ შეძლო ფასების შენარჩუნება და მისი მთავარი მომხმარებლები მეტად კმაყოფილი იყვნენ ამით. მაგრამ ახლა კომპანიის მენეჯერები ბიზნესისთვის სერიოზულ საფრთხეს ხედავენ ვალუტების ქცევაში, ასევე რისკად მიიჩნევა, თუ როგორ ვითარდება გეოპოლიტიკური სიტუაცია მსოფლიოში. აღინიშნება, რომ ნახევარგამტარების წარმოებისთვის ძირითადი მასალების ღირებულება წლის დასაწყისიდან უკვე 30%-ით გაიზარდა. გარე კონტრაქტებით წარმოებული ელექტრონიკის ფასების ზრდა კომპანიას საშუალებას მისცემს დარჩეს მნიშვნელოვან ფინანსურ პლუსში თუნდაც გლობალური პრობლემების ფონზე. შედეგად, არავისთვის წარმოადგენს საიდუმლოს, რომ ფასის მატება საბოლოო მომხმარებლებს დააწვება მხრებზე. მალე გაძვირდება სმარტფონები, საავტომობილო ელექტრონიკა, თითქმის ყველა სამომხმარებლო ელექტრონიკის ჩიპი, ისევე როგორც საავტომობილო ჩიპებისა და მოწყობილობების მთელი ხაზი. https://tinyurl.com/2p88tja2
  19. ცნობილ ექსპერტ Ming-Chi Kuo-ს პროგნოზი, რომ 2023 წლისთვის Apple გეგმავს სმარტფონებში Lightning პორტის გამოყენებაზე უარის თქმას და USB-C-ს გამოყენებას, მხარდაჭერილია Bloomberg-ის სტატიაში, რომელიც საკუთარ წყაროებზე დაყრდნობით იუწყება, რომ ასეთი iPhone-ების პროტოტიპები უკვე იტესტება. ფოტოს წყარო: Apple ითვლება, რომ Apple-ისთვის ინტერფეისის ასეთი რთული მიგრაციის მთავარი მოტივი იქნება ევროპის ხელისუფლების მიერ შემუშავებული კანონპროექტი, რომელიც აიძულებს რეგიონში გაყიდული ელექტრონული მოწყობილობების ყველა მომწოდებელს გამოიყენონ USB-C კონექტორი ბატარეის დასატენად. ეს საშუალებას მისცემს ერთ დამტენს, გაუძლოს მრავალი სმარტფონის სასიცოცხლო ციკლებს, რაც შეამცირებს ელექტრონული ინდუსტრიის ნარჩენების გარემოზე ზემოქმედების მასშტაბს. ამავდროულად Apple აცნობიერებს, რომ Lightning პორტის მქონე აქსესუარების მფლობელებს მომავალში მოუწევთ USB-C პორტთან დაკავშირება, ამიტომ ამზადებს შესაბამის საფირმო გადამყვანს. შეგახსენებთ, 2007-დან 2011 წლამდე Apple-ის სმარტფონებში გამოიყენებოდა iPod-ის მსგავსი 30-პინიანი კონექტორი და მხოლოდ iPhone 5-ის გამოშვებით გადაერთო მოწყობილობები ყველასთვის ნაცნობ Lightning-ზე. იმ დროს საფირმო ადაპტერი 29 აშშ დოლარი ღირდა. წყაროს ინფორმაციით მიმდინარე წელს iPhone-ის ყველა მოდელში შენარჩუნდება Lightning კონექტორი, 2023 წელი კი ინტერფეისის ცვლილების საორიენტაციო თარიღად მიიჩნევა. შეგახსენებთ, რომ iPad და Mac უკვე გადავიდა USB-C პორტის გამოყენებაზე, სმარტფონები კი რჩება კომპანიის ერთადერთ, თუმცა მრავალარიცხოვან მოწყობილობებად, რომლებშიც Lightning გამოიყენება. კომპანია ცდილობდა შეექმნა iPhone-ის ვერსიები ყოველგვარი ფიზიკური პორტის გარეშე, რომლებიც უსადენოდ დაიტენებოდა, მაგრამ აღმოჩნდა, რომ დამუხტვის სიჩქარე შემცირდა ისევე, როგორც ინფორმაციის გადაცემის სიჩქარე მოწყობილობების სინქრონიზაციისას. კავშირის ამ ვარიანტის გამოყენება ასევე პრობლემურია ავტომობილებში. გასულ წელს Apple-მა უარყოფითად შეაფასა მოწყობილობების ერთიან პორტზე გადასვლის აუცილებლობა, სხვადასხვა რეგიონისთვის სხვადასხვა კონექტორის მქონე iPhone-ების ვერსიების შექმნა კიდევ უფრო ნაკლებად შეესაბამება კომპანიისა და მომხმარებლების ინტერესებს. თუ ევროპელი კანონმდებლები შეუვალნი დარჩებიან, Apple სავარაუდოდ იძულებული იქნება შესაბამისი პორტი დანერგოს მომდევნო თაობის ყველა სმარტფონში. https://tinyurl.com/55mhd4n9
  20. მომავალ წელს გლობალური მარეგულირებლები შექმნიან ერთობლივ ორგანოს კრიპტო ინდუსტრიის რეგულაციების დანერგვის უკეთ კოორდინაციისთვის, განაცხადა IOSCO-ს თავმჯდომარე ეშლი ალდერმა. ამის შესახებ Reuters-ი იტყობინება. Bitcoin-ის მსგავსი ციფრული ვალუტების ბუმი გახდა ერთ-ერთი რამ სამი სფეროდან, რომლებზეც ხელისუფლება ახლა ყურადღებას ამახვილებს COVID-19-სა და კლიმატის ცვლილებასთან ერთად, აღნიშნა მან. „თუ გადავხედავთ იმ რისკებს, რომელთა მოგვარებაც საჭიროა, ისინი უამრავია. ინსტიტუციურ დისკუსიებში სერიოზული შეშფოთებაა [კრიპტოვალუტებთან დაკავშირებით]“, - თქვა ალდერმა. მისი აზრით მარეგულირებლები ჩამორჩებიან ციფრულ აქტივებთან დაკავშირებული სამი ძირითადი რისკის განხილვაში: კიბერუსაფრთხოების საფრთხეები, ოპერაციული მდგრადობის ნაკლებობა და ინდუსტრიაში გამჭვირვალობის სიმცირე. აუცილებელია კრიპტოვალუტების შემთხვევაშიც ფინანსური ბაზრებისთვის მოქმედი რეგულირების ანალოგის არსებობა, ჯერჯერობით მსგავსი არაფერი არსებობს. მიიჩნევს IOSCO-ს ხელმძღვანელი. „მაგრამ მე ვფიქრობ, არსებობს მნიშვნელობის გაგება და ეს დღის წესრიგი გახდა. ამიტომ მსგავსი გადაწყვეტილების რეალიზაციას დაახლოებით მომავალი წლისთვის ველოდები“ - განაცხადა ალდერმა. მანამდე კრიპტოვალუტების გლობალური რეგულირების კოორდინაციის შესახებ მოწოდება გასცა ევროპის ცენტრალური ბანკის სამმართველოს წევრმა ფაბიო პანეტამ. https://tinyurl.com/4vvvm9ak
  21. კომპანია ASUS ელის დესკტოპ კომპიუტერების, აგრეთვე კომპიუტერის დამოუკიდებლად ასაწყობი გარკვეული მაკომპლექტებლების მიწოდების მოცულობის ვარდნას მიმდინარე წლის მეორე კვარტალში. ამის შესახებ წერს რესურსი DigiTimes ASUS-ის ერთ-ერთ დირექტორ Hsien-Yuen Hsu-ს განცხადების საფუძველზე. ფოტოს წყარო: ASUS ASUS-ის ტოპ მენეჯერის თქმით მზა კომპიუტერების მიწოდება მეორე კვარტალში პირველთან შედარებით 10%-ით შემცირდება. ამასთან მოსალოდნელია დედა დაფებისა და გრაფიკული ამაჩქარებლების მიწოდების 10-15%-ით შემცირება. ASUS-ის პროგნოზები შეესაბამება Mercury Research-ის ახალ ანგარიშს. სააგენტოს სპეციალისტ Dean McCarron-ის თქმით მიმდინარე წლის პირველ კვარტალში AMD-სა და Intel-ის CPU-ების გაყიდვები საგრძნობლად შემცირდა. დესკტოპ პროცესორების მიწოდება კვარტალში 30%-ით შემცირდა, რაც ყველაზე დიდი კვარტალური ვარდნაა ხსენებული ბაზრის ისტორიაში. ამის მიუხედავად AMD-მ შეძლო პროცესორების ბაზრის წილი 27.7%-მდე გაეზარდა, რაც რეკორდულია ამ კომპანიისთვის. მეორე კვარტალში გაყიდვების შემცირების მთავარი მიზეზი მსოფლიოში არასტაბილური გეოპოლიტიკური ვითარება იქნება, აცხადებს ASUS. გარდა ამისა, მსოფლიო განიცდის ინფლაციის ზრდას, რაც ასევე ანელებს სხვადასხვა ელექტრონიკის გაყიდვებს. რაც შეეხება კორონავირუსის პანდემიას, რომელიც წარსულში იყო გაყიდვების მთავარი მამოძრავებელი და ამავდროულად შემაჩერებელი ფაქტორი ლოჯისტიკაში არსებული პრობლემების გამო, მისი გავლენა გლობალური მიწოდების ჯაჭვზე სუსტდება. DigiTimes-ის ცნობით მაინერების მხრიდან გრაფიკულ დაფებზე მოთხოვნა იკლებს, მაგრამ გეიმერების მხრიდან ამაჩქარებლებზე მოთხოვნა კვლავ მაღალია, რაც ხელს უშლის GPU-ების მიწოდების უფრო სერიოზულ შემცირებას, რაზეც ASUS საუბრობს. 2022 წლის პირველ კვარტალში ტაივანური კომპანიის შემოსავლის დაახლოებით 66% მოდიოდა დესკტოპ კომპიუტერებისა და ლეპტოპების გაყიდვებზე. კომპიუტერის კომპონენტები კომპანიის შემოსავლის დაახლოებით 33%-ს შეადგენდა, სმარტფონების გაყიდვები კი - მხოლოდ 1%-ს. ASUS გააგრძელებს ახალი პროდუქტების გამოშვებას 2022 წლის განმავლობაში, რათა შეინარჩუნოს მოგება. კომპანიამ ასევე თქვა, რომ ჩიპების უმეტესობა, რომლებიც ადრე დეფიციტური იყო, ახლა უკვე ხელმისაწვდომია. თუმცა, კომპანია კვლავ ხედავს პრობლემებს ელექტროენერგიის მართვის ინტეგრირებული სქემების (PMICs) და ზოგიერთი სხვა კომპონენტის მიწოდებასთან დაკავშირებით ჩინეთში ახალი ლოქდაუნის ფონზე. გარდა ამისა, ASUS მიუთითებს ლოჯისტიკის საფასურის ზრდაზე. https://tinyurl.com/243ec8zh
  22. კომპანია NVIDIA-მ დაადასტურა, რომ მონაწილეობას მიიღებს გამოფენა Computex 2022-ზე. გრაფიკული პროცესორების მწარმოებლები თავიანთი ანგარიშით 23 მაისს გამოვლენ. მიმდინარე წელს ღონისძიება ჩატარდება ჰიბრიდულ ფორმატში საგამოფენო ცენტრ Taipei Nangang Exhibition Hall-ში 23-დან 27 მაისამდე პერიოდში. გარდა ამისა ორგანიზებული იქნება ინტერნეტ-პროგრამა Computex DigitalGo - იგი 6 ივნისამდე გაგრძელდება. ფოტოს წყარო: NVIDIA NVIDIA-დან ღონისძიებაში მონაწილეობას მიიღებს 6 მომხსენებელი, რომლებიც გააზიარებენ უახლეს ინფორმაციას სხვადასხვა სფეროში განვითარებული მოვლენების შესახებ, დაწყებული ხელოვნური ინტელექტიდან დამთავრებული რობოტექნიკით. თუმცა გეიმერებმა ყურადღება უნდა გაამახვილონ უფროს ვიცე-პრეზიდენტ ჯეფ ფიშერის დაგეგმილ კონფერენციაზე, რომელიც ზედამხედველობს GeForce-ის გეიმინგ ბიზნესს. შეგახსენებთ, რომ ადრე ფიშერმა მონაწილეობა მიიღო გამოფენა CES 2022-ში, სადაც NVIDIA-მ დააანონსა ფლაგმანური გეიმინგ გრაფიკული ამაჩქარებელი GeForce RTX 3090 Ti. NVIDIA ზემოთხსენებულ გამოფენაზე ისაუბრებს გეიმერებისთვის განკუთვნილ უახლეს პროდუქტებსა და ტექნოლოგიებზე. ღონისძიების აღწერაში კომპანია მიუთითებს, რომ „წარმოგვიდგენს, როგორ უწყობს ხელს ხელოვნური ინტელექტის ტექნოლოგიები მონაცემთა დამუშავების კორპორატიულ ცენტრებს მუშაობაში, აგრეთვე გააზიარებს ინფორმაციას გეიმერებისა და კონტენტის შემქმნელებისთვის განკუთვნილი უახლესი პროდუქტებისა და ტექნოლოგიების შესახებ. შეტყობინების მეორე ნაწილი არ ნიშნავს იმას, რომ კომპანიამ შესაძლოა ისაუბროს ახალი თაობის გრაფიკა Ada Lovelace-ზე, რომელმაც მიმდინარე წელს უნდა ჩაანაცვლოს ამაჩქარებლების აქტუალური სერია Ampere. 23 მაისს Computex 2022 ასევე უმასპინძლებს AMD-ის აღმასრულებელ დირექტორ ლიზა სუს. სიტყვით გამოსვლის ფარგლებში იგი, სავარაუდოდ, გააზიარებს ინფორმაციას Ryzen-ის ახალი თაობის პროცესორების და, შესაძლოა, მომავალი RDNA 3 გრაფიკული არქიტექტურის შესახებ. თუმცა ნაკლებად სავარაუდოა, რომ კომპანიამ ამ დღეს წარადგინოს ახალი პროდუქტები. https://tinyurl.com/yczbtmkm
  23. 11 მაისს მორიგი გადაანგარიშების შედეგად პირველი კრიპტოვალუტის მაინინგის სირთულე გაიზარდა 4.89%-ით და მიაღწია რეკორდულ მაქსიმალურ 31.25 T-ს. წყარო: BTC.com. 2022 წლის დასაწყისიდან ინდიკატორი უარყოფითად მხოლოდ სამჯერ იქნა კორექტირებული. მაქსიმალურმა კლებამ შეადგინა 1.49%. წინა გადათვლის შემდეგ საშუალო ჰეშრეითმა მიაღწია 223.7 EH/s-ს. Glassnode-ის მიხედვით Bitcoin-ის ქსელის გამოთვლითი სიმძლავრის შვიდდღიანი მოძრავი საშუალო მაჩვენებელი არის 222.2 EH/s. მაქსიმალური 227.2 EH/s დაფიქსირდა 5 მაისს. 2022 წელს ჰეშრეითი გაიზარდა დაახლოებით 32%-ით. წყარო: Glassnode. ადრე Arcane Research-ის ანალიტიკოსებმა აღნიშნეს მაინინგის მომგებიანობაზე ზეწოლის არსებობა Bitcoin-ის ფასის შემცირებისა და ჰეშრეითის ზრდის გამო. მათი კვლევის დროს პირველი კრიპტოვალუტა იყიდებოდა დაახლოებით 40 000 აშშ დოლარად. 10 მაისს ციფრული ოქროს ფასი 30 000 აშშ დოლარს ქვევით ჩამოვიდა. BTC/USD-ის საათობრივი გრაფიკი ბირჟა Coinbase-ზე. წყარო: TradingView. აპრილში მაინერების მთლიანმა შემოსავალმა შეადგინა 1.15 მლრდ აშშ დოლარი - 4%-ით ნაკლები წინა თვესთან შედარებით. https://tinyurl.com/45fsnz79
  24. კომპანია Samsung-მა ცოტა ხნის წინ გამოაქვეყნა ტექნიკური დოკუმენტი, რომელშიც გადმოცემულია მომავალი თაობის 6G სტანდარტის ქსელთან დაკავშირებული გეგმები. დოკუმენტის სახელწოდებაა „ სპექტრი 6G: საზღვრების გაფართოება“. Samsung-ის აღმასრულებელმა ვიცე-პრეზიდენტმა და პერსპექტიული კომუნიკაციების კვლევის ცენტრის ხელმძღვანელმა Seong-Jin Cho-მ განაცხადა: „ჩვენ დიდი ხანია დავიწყეთ 6G სტანდარტის გაგება, შემუშავება და სტანდარტიზება. მზად ვართ საკუთარ თავზე ავიღოთ ინიციატივა და გავაზიაროთ აღმოჩენები, რათა გავავრცელოთ ჩვენი ხედვები და მივიღოთ ახალი გამოცდილება ცხოვრების ყველა ასპექტთან მიმართებაში. ზოგადად, კომპანია მუშაობს ახალი თაობის სტანდარტის ბაზარზე შემოტანაზე“. 6G-სთვის საჭირო იქნება ულტრა ფართო გამტარუნარიანობის სპექტრი, რომელიც მერყეობს "ასობით მჰც-დან ათობით გჰც-მდე". ეს შესაძლებელს გახდის შეიქმნას მაღალი ხარისხის მობილური ჰოლოგრამები და ყოვლისმომცველი გაფართოებული რეალობა (XR). კომპანია ორიენტირებულია დაფარვის გაუმჯობესებაზე. ამ მიზნით განიხილება ყველა ხელმისაწვდომი დიაპაზონი - დაბალი 1 გჰც-მდე დიაპაზონით დაწყებული, საშუალო 1-დან 24 გჰც-მდე და მაღალი 24-დან 300 გჰც-თ დამთავრებული. Samsung ამტკიცებს, რომ 6G-ს სიჩქარემ შესაძლოა მაღწიოს 1 ტბ/წმ-ს, რაც ორმოცდაათჯერ აღემატება 5G ქსელის 20 გბ/წმ სიჩქარეს. 2021 წლის ივნისში ჩატარებულ ტესტებში კომპანიამ შეძლო 6 გბ/წმ მონაცემთა გადაცემის სიჩქარის მიღწევა 15 მეტრის დაშორებაზე შენობაში. 30 მეტრ მანძილზე სიჩქარემ შეადგინა 12 გბ/წმ. 120 მეტრი დისტანციისას სიჩქარემ მიაღწია 2.3 გბ/წმ-ს. https://tinyurl.com/yckzzeut
  25. Intel-მა წარადგინა Alder Lake-HX - მობილური პროცესორები, რომლებიც განკუთვნილია მძლავრი სამუშაო სადგურის კლასის ლეპტოპებისთვის. ამასთან, სერიის ფლაგმანი Core i9-12950HX გახდა პირველი მობილური 16-ბირთვიანი CPU (რვა მაღალი წარმადობისა და რვა ენერგოეფექტური ბირთვით), რომელსაც შეუძლია იმუშაოს 5.0 გჰც-მდე სიხშირეზე. Intel მიიჩნევს, რომ ასეთი მძლავრი პროცესორები საინტერესო იქნება არა მხოლოდ პროფესიონალების, არამედ გეიმერებისთვისაც. როგორც განაცხადა Intel-ის სამომხმარებლო გამოთვლითი განყოფილების მობილური პროდუქტების მარკეტინგის უფროსმა დირექტორმა Daniel Rogers-მა, მიუხედავად იმისა, რომ საუკეთესო გეიმინგ პროცესორი არის Core i9-12900HK, ახალი HX სერიაც გამოსადეგია გეიმინგ ლეპტოპებისთვის. მე-12 თაობის Core HX სერიაში შევიდა შვიდი მოდელი 8-დან 16-მდე ბირთვების ფორმულებით 8P+8E, 6P+8E, 4P+8E და 4P+4E. ყველა მათგანს საკმაოდ მაღალი სიხშირეები გააჩნია. მაღალი წარმადობის ბირთვები ტურბორეჟიმში შესაძლებელია აჩქარდეს 4.4-5.0 გჰც-მდე მოდელის შესაბამისად, ენერგოეფექტური ბირთვების სიხშირის დიაპაზონი კი არის 3.1-3.6 გჰც. ამასთან, სერიის ყველა CPU-ს აქვს 55-ვატიანი სითბური პაკეტი და ტურბორეჟიმში მაქსიმალური ენერგომოხმარება - 157 ვატი. როგორც Intel-ის წარმომადგენლებმა განმარტეს, Alder Lake-HX სერია აერთიანებს პროცესორებს, რომლებიც დაპროექტებულია დესკტოპის ნახევრადგამტარი კრისტალების საფუძველზე. ფაქტობრივად ესენია იგივე დესკტოპ Alder Lake, თუმცა ოპტიმიზებულია ენერგოეფექტურობაზე და გადატანილია BGA-პაკეტში. ამიტომ ასეთ პროცესორებს გააჩნია 16 PCIe 5.0 არხი გრაფიკულ დაფასთან მიერთებისთვის და 4 PCIe 4.0 არხი NVMe SSD-სთვის. ეს ფაქტი ცალკე აღნიშვნას იმსახურებს, რადგან Core i9-12900HK მოდელის მსგავს მობილურ პროცესორებში არ არის მხარდაჭერილი PCIe 5.0 სალტე. ამასთან, Alder Lake-HX პროცესორებში არ არის წარმოდგენილი ინტეგრირებული კონტროლერი Thunderbolt 4. Alder Lake-HX-ზე დმყარებულ სისტემებს შეუძლია მუშაობა DDR5/LPDDR5 (სიხშირე 4800/5200 მჰც) და DDR4/LPDDR4 (სიხშირე 3200/4267 მჰც) სტანდარტების მეხსიერებებთან. მეხსიერების მოცულობა აღწევს 128 გბ-ს. მხარდაჭერილია ECC. მე-12 თაობის ყველა Core HX მოდელი განბლოკილია ოვერქლოქინგისთვის (გარკვეული შეზღუდვებით), აგრეთვე შესაძლებელია მასთან დაკავშირებული მეხსიერების აჩქარება. ოფიციალური მონაცემების თანახმად Core i9-12900HX სამუშაო აპლიკაციებში წარმადობით აღემატება Core i9-12900HK-ს, i9-11980HK-სა და Ryzen R9-6900HX-ს, თუმცა უპირატესობის კონკრეტული მასშტაბები არ სახელდება. გარდა ამისა, Intel-მა მოიყვანა Core i9-12900HX-ის ტესტირების შედეგები გრაფიკულ დაფა GeForce RTX 3080-ითა და DDR5-4800 მეხსიერებით, რის შედეგად ფიქსირდება FPS-ის სამნიშნა მაჩვენებელი პოპულარულ თამაშებში. მე-12 თაობის Core HX სერიის პროცესორების ბაზაზე დამყარებულ მობილურ სამუშაო სადგურებს უახლოეს პერიოდში გამოუშვებენ Dell, HP, Lenovo და სხვა კომპანიები. https://tinyurl.com/438epktn
×
×
  • Create New...