Nvidia ამზადებს ახალ მობილურ GeForce RTX 3050-ს Ada Lovelace ჩიპზე 64-ბიტიანი სალტეთი და 4 გბ მეხსიერებით

[Magdalena]

Nvidia-მ დაადასტურა GeForce RTX 3050 ვიდეო ბარათის ახალი ვერსიის შემუშავება ლეპტოპებისთვის. ახალი პროდუქტის მთავარი მახასიათებელი იქნება Ada Lovelace არქიტექტურაზე დამყარებული გრაფიკული პროცესორი AD106, რომელიც რომელიც გამოიყენება უფრო მძლავრ RTX 4070-ში. 

 

ფოტოს წყარო: Nvidia 

რესურს Notebookcheck-ის ცნობით ვიდეო ბარათი, სახელწოდებით GeForce RTX 3050 A, წარმოდგენილი იქნება 4 გბ GDDR6 ვიდეო მეხსიერებით და 64-ბიტიანი სალტეთი, ხოლო TDP-ის დონე იქნება 35-დან 50 ვატამდე. CUDA ბირთვების რაოდენობა 1792-ს შეადგენს. 

ექსპერტები აღნიშნავენ, რომ Nvidia-ს ასეთი ნაბიჯი მოგვაგონებს 2021 წლის სიტუაციას, როდესაც კომპანიამ მოულოდნელად წარადგინა GA107 (Ampere) GPU-ზე დაფუძნებული GeForce RTX 2050 მიუხედავად იმისა, რომ ეს მოდელი ეკუთვნოდა Turing-ხაზს. ეს ბარათი გამოიყენებოდა ბევრ დაბალბიუჯეტურ ლეპტოპში, თუმცა მისი წარმადობა უკეთესის სურვილს აჩენდა. ახლა, როგორც ჩანს, Nvidia გეგმავს მსგავს ხრიკს Ada Lovelace GPU-ით წარმოდგენილი GeForce RTX 3050-ით, რომელიც თავდაპირველად Ampere ჩიპზე იყო დაფუძნებული. 

ინფორმაცია RTX 3050-ის ახალი მოდიფიკაციის შესახებ ნაპოვნი იქნა PCI-ID მონაცემთა ბაზაში, ასევე Nvidia-ს უახლეს დრაივერებში. მიუხედავად იმისა, რომ სრული ტექნიკური მახასიათებლები ჯერ არ არის გამჟღავნებული, აშკარაა, რომ ახალი პროდუქტის წარმადობა უფრო დაბალი იქნება GeForce RTX 4070 მობილურ ვერსიასთან შედარებით, რომელიც ასევე იყენებს AD106 GPU-ს. 

აღსანიშნავია, რომ ეს არის GeForce RTX 3050-ის მესამე ვერსია 6 გბ და 4 გბ მეხსიერების ვერსიების შემდეგ, რომლებიც აგებულია GA107 GPU-ზე. AD106-ის არჩევის მიზეზები AD107-ის ნაცვლად, რომელიც უფრო შესაფერისია ამ კლასის ვიდეო ბარათებისთვის, ჯერჯერობით უცნობია. შესაძლებელია, რომ ახალი GeForce RTX 3050 A წარმოდგენილი იყოს CES-ზე Blackwell-ის არქიტექტურაზე დამყარებულ RTX 5000 სერიის მოდელებთან ერთად. თუმცა, ასევე არსებობს შესაძლებლობა, რომ ეს მოდიფიკაცია ექსპერიმენტული იყოს და შესაძლოა ბაზარზე ვერ მოხვდეს. 

მოსალოდნელია, რომ GeForce RTX 3050 A ვერსიის გამოჩენა Nvidia-ს საშუალებას მისცემს გააფართოვოს თავისი შეთავაზება ბიუჯეტის სათამაშო ლეპტოპების სეგმენტში, რაც მწარმოებლებს აძლევს დამატებით შესაძლებლობებს - შექმნან კონკურენტული მოდელები. 

https://tinyurl.com/mw395wcp