AMD-მ გამოუშვა Ryzen 7 8700F და Ryzen 5 8400F - პროცესორები ინტეგრირებული გრაფიკის გარეშე განკუთვნილია Core i5-თან კონკურენციისთვის

[Magdalena]

დაიწყო Ryzen 7 8700F და Ryzen 5 8400F Hawk Point სერიის პროცესორების გაყიდვები. ადრე გამოშვებული Ryzen 8000G მოდელებისგან განსხვავებით, რომლებშიც შემოთავაზებულია ინტეგრირებული RDNA 3 გრაფიკის 16-მდე ბლოკი, F სერიის ჩიპებს გამორთული აქვს ინტეგრირებული გრაფიკა. სავარაუდოდ, ახალი პროდუქტები ემყარება კრისტალებს, რომლებიც არ იყო შესაფერისი Ryzen 8000G-ისთვის iGPU-ში არსებული დეფექტების გამო. 

 

ფოტოს წყარო: AMD 

უფროს მოდელ Ryzen 7 8700F-ს აქვს რვა Zen 4 ბირთვი 16 ვირტუალური ნაკადის მხარდაჭერით. პროცესორის საბაზისო სიხშირეა 4.1 გჰც და ავტომატურად ჩქარდება 5.0 გჰც-მდე, რაც 100 მჰც-ით დაბალია Ryzen 7 8700G-სთან შედარებით. ამავდროულად, ახალ ჩიპს აქვს იმავე მოცულობის L2 და L3 ქეში მეხსიერება, როგორიც ჩვეულებრივ- Ryzen 7 8700G-ს - 8 და 16 მბ, შესაბამისად. Ryzen 7 8700F-შიც შენარჩუნებულია XDNA არქიტექტურის Ryzen AI ძრავი (NPU) 16 TOPS (ტრილიონი ოპერაცია წამში) წარმადობით, რაც აჩქარებს ხელოვნური ინტელექტის ალგორითმების მუშაობას. 

 

Ryzen 5 8400F არის ექვსბირთვიანი პროცესორი 12 ვირტუალური ნაკადი მხარდაჭერით და მუშაობს 4.2-დან 4.7 გჰც-მდე სიხშირის დიაპაზონში. ეს ჩიპი იყენებს ორ სრული ზომის Zen 4 ბირთვს და ოთხ პატარა Zen 4c ბირთვს. Ryzen 5 8600G-ის მსგავსად მასაც აქვს 6 მბ L2 ქეში და 16 მბ L3 ქეში. ამ პროცესორს არ გააჩნია არც ინტეგრირებული გრაფიკა, არც NPU. 

 

ორივე ჩიპის TDP-ის დონეა 65 ვატი. ორივე მათგანი წარმოდგენილი იქნება საფირმო ქულერ Wraith Stealth-თან ერთად. Ryzen 7 8700F-ის ფასი 269.99 აშშ დოლარია, უმცროსი Ryzen 5 8400F-ის - 169.99 აშშ დოლარი. 

 

AMD Ryzen 7 8700F-ს წარმოდგენს Intel Core i5-14400F-ის კონკურენტად (200 აშშ დოლარი). შიდა ტესტების მიხედვით მისი ჩიპი 24%-მდე უფრო სწრაფია გემინინგში Intel-ის პროცესორთან შედარებით. ხოლო Ryzen 5 8400F-ს კომპანია უპირისპირებს Core i5-13400F-ს (185 აშშ დოლარი) - AMD-ის ახალი პროდუქტი 14%-მდე უფრო სწრაფია. 

https://tinyurl.com/45svydze