Samsung-მა წარადგინა Flex In & Out Flip - სმარტფონის კონცეპტი, რომელიც ორმხრივად იკეცება

[Magdalena]

Samsung-მა CES 2024-ზე წარადგინა Flex In & Out Flip კონცეფციის სმარტფონი დრეკადი დისპლეით, რომელიც იკეცება როგორც შიგნით, ასევე გარეთ. გასულ წელს გამოშვებული Galaxy Z Flip5-ისგან განსხვავებით კონცეპტის 6.7-დუიმიანი დისპლეის გამოყენება შეიძლება დახურულ მდგომარეობაშიც. 

 

ფოტოს წყარო: cnet.com 

Samsung-ის სტენდის მნახველებს უფლებას არ აძლევდნენ თავად დაეკეცათ მოწყობილობა, თუმცა დეტალურად უჩვენებდნენ მის მუშაობას. როდესაც Flex In & Out Flip გარე მიმართულებითაა დაკეცილი, ერთი ნახევარი მეორეზე მოკლეა და არ ფარავს კამერას. შედარებით გრძელი მხარე საკმარისად დიდია იმისთვის, რომ გამოჩნდეს სმარტფონის მენიუს რამდენიმე პიქტოგრამა, მედიაფაილების ელემენტები, ბატარეის დამუხტვის დრო და დონე. ეკრანზე ჩანდა სადემონსტრაციო ვიდეო და არა მოწყობილობის რეალური ინტერფეისი, თუმცა ეს საკმარისი იყო გასაგებად, თუ როგორ არის სამომხმარებლო სივრცე ადაპტირებული კორპუსის მდგომარეობასთან. 

 

ადრე Samsung-მა საზოგადოებას უჩვენა დასაკეცი Galaxy Z Fold სმარტფონის კონცეპტი ეკრანის ორივე მიმართულებით დაკეცვის შესაძლებლობით, ახლა კი მსგავსი კონცეფცია Flip ფორმატშია დანერგილი. გაყიდვაში არსებულ Samsung Galaxy Z Flip5 მოდელს აქვს საკმაოდ დიდი გარე ეკრანი წინამორბედთან შედარებით, მასზე ბევრად უფრო მოსახერხებელია ზოგიერთი აპლიკაციის გამოყენება და შეტყობინებების წაკითხვა. მაგრამ ეს მაინც ცალკე დისპლეია და საჭიროა დააკონფიგურიროთ იგი ცალკე და აირჩიოთ რომელი აპლიკაციები იქნება მასზე ხელმისაწვდომი.  

 

Samsung-მა აღნიშნა, რომ უკვე გამოცადა შემდეგი თაობის დასაკეცი დისპლეი ექსტრემალურ -20-დან +60 ° C-მდე ტემპერატურაზე და კალათბურთის ბურთის მოხვედრის შემთხვევაში. CES 2024-ზე კომპანიამ ასევე წარმოადგინა სხვა საინტერესო პროექტები, მათ შორის Flex Liple სმარტფონის კონცეპტი ეკრანით, რომელიც იკეცება ზედა კიდესთან; დასაკეცი Rollable Flex, რომლის დისპლეი ხუთჯერ იზრდება გაშლისას და მაღალი გაფართოების ეკრანები შერეული რეალობის ჰედსეტებისთვის. 

http://tinyurl.com/44fxsz7r