Magdalena Posted January 9 Share Posted January 9 კომპანია Samsung-მა წარადგინა კომპაქტური ლეპტოპი Galaxy Book 3 Go 5G. გასული წლის დასაწყისში გამოსული Galaxy Book 2 Go ვერსიისგან ახალი მოდელი განსხვავდება 5G ქსელთან მუშაობის შესაძლებლობით. ფოტოს წყარო: Samsung Samsung Galaxy Book 3 Go 5G-ს აქვს 14-დუიმიანი IPS-დისპლეი არეკვლის საწინააღმდეგო საფარით და FHD გაფართოებით, ასევე აქვს ვებ-კამერა და ორი დინამიკი თითო 1.5 ვატი სიმძლავრით და Dolby Atmos ტექნოლოგიის მხარდაჭერით. ლეპტოპის სისქე მხოლოდ 15.5 მილიმეტრია, წონა - 1.43 კგ. მოწყობილობას საფუძვლად უდევს ერთკრისტალიანი პლატფორმა Snapdragon 7c+ Gen 3. პროცესორი წარმოებულია 6-ნანომეტრიანი ტექნოპროცესით, აქვს რვა ბირთვი (მრავალნაკადიანი რეჟიმის მხარდაჭერის გარეშე) 2.4 გჰც-მდე სიხშირით, აგრეთვე გრაფიკული ბირთვი Adreno 642L. ლეპტოპს აქვს 4 გბ ოპერატიული მეხსიერება და 128 გბ მოცულობის მყარი დისკი. ავტონომიურ რეჟიმში ლეპტოპი მუშაობს 42.3 ვტ/სთ ბატარეაზე. მიწოდების ნაკრებში შედის 45 ვატი სიმძლავრის დამტენი ბლოკი. 30-წუთიანი დამუხტვა უზრუნველყოფს ლეპტოპის რვასაათიან ავტონომიურ მუშაობას. მოწყობილობა მუშაობს ოპერაციულ სისტემა Windows 11-ზე. მწარმოებელმა აგრეთვე გაითვალისწინა Samsung Galaxy ეკოსისტემის რამდენიმე პროგრამის წინასწარ დაყენება, რომელთა შორისაა Quick Share, Second Screen, Buds Auto Switch და Multi Control. Samsung Galaxy Book 3 Go 5G-ზე მხარდაჭერილია Wi-Fi 6E და Bluetooth 5.1, ორი USB Type-C პორტი, SD ბარათის სლოტი და 3.5-მილიმეტრიანი აუდიოკონექტორი. Samsung Galaxy Book 3 Go 5G დაახლოებით 430 აშშ დოლარადაა შეფასებული. გაყიდვაში გამოვა მისი მხოლოდ ნაცრისფერი ვარიანტი. http://tinyurl.com/55mdtr7c Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.