Magdalena Posted November 18, 2023 Share Posted November 18, 2023 კომპანია Samsung ემზადება Galaxy Book 4 სერიის ლეპტოპების გამოშვებისთვის, რომლებშიც წარმოდგენილი იქნება Raptor Lake Refresh ან Meteor Lake პროცესორები, ასევე დისკრეტული Intel Arc ან NVIDIA GeForce RTX 40 სერიის გრაფიკული ამაჩქარებლები. ამის შესახებ აცხადებს პორტალი WindowsReport, რომელმაც მომავალი ახალი პროდუქტების სრული მახასიათებლები გამოაქვეყნა. ფოტოს წყარო: WindowsReport შეგახსენებთ, რომ მე-14 თაობის Core ჩიპების ფარგლებში Intel გამოუშვებს Core Ultra (Meteor Lake) სერიის მობილურ პროცესორებს, ასევე Core 100-ს (Raptor Lake Refresh). ცნობილია, რომ Samsung პროცესორების ორივე სერიას გამოიყენებს Galaxy Book 4 ლეპტოპებში. ეს მსუბუქი (წონა 1.26-დან 1.86 კგ-მდე) ლეპტოპები წარმოდგენილი იქნება ენერგოეფექტური Core-U ჩიპებით. Galaxy Book 4 სერიის ლეპტოპებში შევა ხუთი მოდელი: 15.6-დუიმიანი ტრადიციული Galaxy Book 4 და Galaxy Book 4 360, 16-დუიმიანი Galaxy Book 4 Pro 360 და Galaxy Book 4 Ultra და 14-დუიმიანი Galaxy Book 4 Pro. ყველა მათგანს, გარდა საბაზისო Galaxy Book 4 მოდელისა, AMOLED სენსორული ეკრანები ექნება. IPS დისპლეის მქონე Galaxy Book 4 და AMOLED დისპლეის მქონე Galaxy Book 4 360 მოდელებზე მხარდაჭერილია Full HD გაფრთოება, ხოლო დანარჩენი მოდელების დისპლეებზე 2880 × 1800 პიქსელი გაფართოება. მოდელები წარწერით "360" იქნება ჰიბრიდული - მათი დისპლეი შეიძლება გაიშალოს 360 გრადუსით, რაც ლეპტოპს პლანშეტად აქცევს. Galaxy Book 4 და Galaxy Book 4 360 აღჭურვილი იქნება 5.0 გჰც-მდე სიხშირის მქონე Intel Core 5 120U (Raptor Lake Refresh) პროცესორებით და 12 მბ Smart Cache-ით. სამწუხაროდ, ბირთვების რაოდენობა მოსალოდნელ ჩიპებში ჯერ კიდევ უცნობია. ამ სერიის ლეპტოპების დანარჩენი მოდელები მიიღებენ Meteor Lake ჩიპებს. ამრიგად, Galaxy Book 4 Pro 360 და Galaxy Book 4 Pro მოდელებს ექნება Core Ultra 7 155U პროცესორები 4.8 გჰც-მდე სიხშირით და 24 მბ Smart Cache მეხსიერებით. ფლაგმანურ მოდელ Galaxy Book 4 Ultra-ში წარმოდგენილი იქნება Core Ultra 9 185H-ს 5.1 გჰც-მდე სიხშირით და 24 მბ L3 ქეშით. უფროს მოდელში ასევე მოცემული იქნება დისკრეტული გრაფიკული ბარათების არჩევანი Intel Arc და GeForce RTX 4070 8 გბ GDDR6 მეხსიერებით. ლეპტოპებში ხელმისაწვდომი იქნება 256 გბ-დან 1 ტბ-მდე მოცულობის მყარი დისკები. ზოგიერთ მოდელს ექნება ორი M.2 სლოტი მეორე SSD-ის ჩასაყენებლად. საბაზისო მოდელ Galaxy Book 4-ს ექნება 8 გბ ენერგოეფექტური ოპერატიული მეხსიერება LPDDR4X, დანარჩენებს - უფრო სწრაფი LPDDR5 და LPDDR5X 8-დან 32 გბ-მდე მოცულობით. Galaxy Book 4 სერიის ლეპტოპების უმეტესობას ექნება Wi-Fi 6E-ს და Bluetooth 5.3-ის მხარდაჭერა, აგრეთვე ორი ინტერფეისი Thunderbolt 4 (Type-C). სრულ მახასიათებლებს შეგიძლიათ ქვემოთ მოცემულ ცხრილში გაეცნოთ. მოსალოდნელია, რომ Galaxy Book 4 სერიის ლეპტოპები გაყიდვაში 14 დეკემბრიდან - Meteor Lake პროცესორების გამოშვებიდან - მალევე გამოვა. https://tinyurl.com/yeypeswu Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.