Magdalena Posted November 15, 2023 Share Posted November 15, 2023 კომპანია AMD-მ წარადგინა კიდევ ერთი პროფესიონალური ვიდეო ბარათი Radeon Pro W7000 სერიაში - მოდელი Radeon Pro W7700, რომელმაც უნდა შეავსოს წარმადობის უფსკრული Radeon Pro W7600 და Radeon Pro W7800 მოდელებს შორის. ფოტოს წყარო: AMD Radeon Pro W7700-ს საფუძვლად გამოყენებულია Navi 32 გრაფიკული პროცესორის შემცირებული ვერსია 48 ბლოკით (3072 ნაკადური პროცესორით) რეითრეისინგის 48 ბლოკით, 64 მბ Infinity Cache მეხსიერებით. მხარდაჭერილია PCIe 4.0 x16 ინტერფეისი. ვიდეო ბარათს აქვს 16 გბ GDDR6 მეხსიერება კონტაქტზე 18 გბ/წმ სიჩქარით და 256-ბიტიანი მეხსიერების სალტეს მხარდაჭერით, რომელიც უზრუნველყოფს 576 გბ/წმ თეორიულ სიჩქარეს. Radeon Pro W7700-ის გამომთვლელი წარმადობა 28.27 Tflop-ია, GPU-ის სიხშირე - დაახლოებით 2.3 გჰც. კომპანიის განცხადებით ახალი ბარათის ენეგომოხმარება 190 ვატს შეადგენს და აქვს ერთი 8-პინიანი დამატებითი კვების კონექტორი. Radeon Pro W7700-ის გაგრილების სისტემაში გამოყენებულია ტანგენციალური ტიპის ქულერი ამავე სერიის დანარჩენი პროფესიონალური გრაფიკული ამაჩქარებლების მსგავსად. ბარათის სიგრძეა 267 მმ და პერსონალური კომპიუტერის კორპუსში გაფართოების ორ სლოტს იკავებს. ვიდეო ბარათზე ხელმისაწვდომია ოთხი DisplayPort 2.1. Radeon Pro W7700-ის ფასი 999 აშშ დოლარია. მისი ფასი 400 აშშ დოლარით აღემატება Radeon Pro W7600 მოდელის ფასს და 1500 აშშ დოლარით იაფია Radeon Pro W7800 მოდელთან შედარებით. ფასების მნიშვნელოვანი სხვაობების გათვალისწინებით AMD-მ შესაძლოა პერსპექტივაში გამოუშვას კიდევ ერთი, შედარებით ძვირადღირებული მოდელი მოდიფიცირებულ გრაფიკულ პროცესორ Navi 32-ის ბაზაზე დიდი რაოდენობით აქტიური ბლოკებით. https://tinyurl.com/bdx25ts7 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.