Bitcoin პირველად სამ თვეში 25 ათას აშშ დოლარს ქვემოთ ჩამოვიდა

[Magdalena]

ორშაბათს Bitcoin-ის ფასი 25 ათას აშშ დოლარამდე დაეცა პირველად ბოლო სამი თვის განმავლობაში. ეს მოხდა გავრცელებული ხმების ფონზე, რომ სკანდალური ბირჟა FTX გეგმავს ციფრული აქტივების გაყიდვას გაკოტრების პროცესის ფარგლებში, განაცხდა Bloomberg-მა. 

 

Bitcoin-ის ფასი 3.3%-ით, 24958 აშშ დოლარამდე შემცირდა, რაც ყველაზე დაბალი მაჩვენებელია 15 ივნისის შემდეგ. შეგახსენებთ, რომ იმ დროს BlackRock-მა შეიტანა განაცხადი Bitcoin ETF-ის დასარეგისტრირებლად. შედეგად იგი უნდა გამხდარიყო პირველი კომპანია, რომელიც აშშ-ის ბირჟაზე წარადგენდა სავაჭრო ფონდს უშუალოდ Bitcoin-ში ინვესტირებით. აშშ-ის ფასიანი ქაღალდებისა და ბირჟების კომისიამ (SEC) გადადო გადაწყვეტილების მიღება BlackRock-ის განაცხადზე ისევე,  როგორც სხვა კომპანიების მსგავს განაცხადებზე. თუმცა კომისიას მოუწევს განხილვას დაუბრუნდეს სასამართლოს გადაწყვეტილების შემდეგ, რომ SEC-ის უარი - დაემტკიცებინა განაცხადი Grayscale Bitcoin Trust-ის (GBTC) Bitcoin ETF-ად გარდაქმნის შესახებ, უკანონო იყო. 

„ჩვენ ვხედავთ დოლარის გამყარებას ზედიზედ 8 კვირა, რაც Bitcoin-ის ფასზე დაღმავალ ზეწოლას ახდენს“, - განაცხადა CoinShares-ის კვლევის ხელმძღვანელმა James Butterfill-მა. „Bitcoin-ის რეგულაციასთან დაკავშირებით ასევე ნარჩუნდება იმედგაცრუება და ჩვენ გვაქვს სასამართლოს გადაწყვეტილება FTX კრიპტო აქტივების მთელ რიგზე, როგორიცაა Solana, რამაც შეიძლება ჭარბი მიწოდება გამოიწვიოს“. 

Solana-ს კურსი ზედიზედ მეოთხე სავაჭრო სესიაზე იკლებს და ამ დროის განმავლობაში 10%-ით არის შემცირებული. ბაზრის ვარდნას ხელი შეუწყო გაკოტრებული კრიპტო ბირჟა FTX-ისა და მისი შვილობილი კომპანიების აქტივების მოახლოებული გაყიდვის შესახებ გავრცელებულმა ცნობებმა. როგორც ირკვევა, FTX ამჟამად ფლობს თითქმის 1.2 მლრდ აშშ დოლარს SOL-ში - Solana-ს ქსელის საკუთარ ტოკენში, ასევე 560 მლნ აშშ დოლარს Bitcoin-ში და 192 მლნ აშშ დოლარს - Ethereum-ში. 

გასულ თვეში კრიპტო ბირჟამ სასამართლოს მიმართა ციფრული აქტივების გაყიდვის ან გადაცემის ნებართვისთვის. სავსებით შესაძლებელია, რომ სასამართლომ დააკმაყოფილოს კრიპტობირჟის მოთხოვნა. შეგახსენებთ, რომ FTX-ის ადმინისტრაციამ აგვისტოში მოითხოვა სასამართლოს თანხმობა Galaxy Digital-ის ინვესტიციების მენეჯერად დანიშვნაზე, რომელიც აკონტროლებდა ტოკენის რეზერვებს, რაც დაარეგულირებდა კრიპტო ბირჟის გაყიდვებს და შეამცირებდა მათ გავლენას კრიპტოვალუტების ბაზარზე. 

https://tinyurl.com/ywhy69wm 

[George]

ცოტა ხნით იყო ჯერ დაცემული და მერე ისევ 26500$ ავიდა, თუმცა ეხლაც 26200$+ დგას ჯერ, ეთერეუმს უფრო გაუჭირდა მაგ პერიოდში 1540$-მდე დაეცა ეგ კოინი და მერე 1620$ დააბრუნეს ისევე, თითქოს თვის ბოლომდე მინიმუმ ერთი დაცემა კიდე უნდა იყოს, არაა გამორიცხული ამჯერათ 24000$-მდეც კი, სექტემბერი ისტორიულათ ყველაზე ცუდი თვე იყო ბიტკოინისთვის, ან არ იზრდებოდა საერთოდ ან საკმაოთ სერიოზულათ ეცემოდა ხოლმე წინა წლებშიც კურსი, ისე ოქრო კი ჩამოვიდა 1900$ თითქმის, თუმცა ადრეც დაეცა 1880$ მაგრამ მერე ისევ გაიზარდა, დოუ ჯონსია მაინც ყველაზე კარგ ფორმაში ბოლო თვეებია, რახან 35600 დოუს ინდექსი 2020 წლის შემდეგ აღარ ყოფილა ასული