Magdalena Posted May 10, 2023 Share Posted May 10, 2023 Apple-ის კვარტალური ანგარიში ნაწილობრივ საკამათო აღმოჩნდა, თუმცა ინვესტორები ჯამში წახალისდნენ კომპანიის უნარით - გაეზარდა iPhone-იდან შემოსავალი მეტად რთულ მაკროეკონომიკურ პირობებში. Apple-ის ჯამური შემოსავალი გასულ კვარტალში 54%-ით განპირობებული იყო iPhone-ის რეალიზაციით და ზოგი ექსპერტი მიიჩნევს, რომ სამომავლოდ ეს ფაქტი შესაძლოა კომპანიისთვის პრობლემად იქცეს. ასეა თუ ისე, კომპანიის აქციების ფასი 4.6%-ით გაიზარდა. ფოტოს წყარო: Apple ყოველ შემთხვევაში, ამგვარად თვლიან Goldman Sachs-ის წარმომადგენლები, რომლებიც, ამავდროულად, არ აბრკოლებენ ინვესტორებს Apple-ის ფასიანი ქაღალდების შეძენაში. დასუსტებული ეკონომიკის პირობებში, ექსპერტების აზრით, კომპანია აწყდება მთელ რიგ რისკებს, რამაც შეიძლება კიდევ გამოიწვიოს მისი შემოსავლის შემცირება. ანალიტიკოსების აზრით iPhone-ის გაყიდვები მყარად არის დაკავშირებული იმ მომხმარებლებთან, რომლებიც ამ ბრენდის ძველ სმარტფონებს ახალზე ცვლიან. მაკროეკონომიკური პრობლემები ზრდის სმარტფონების ექსპლუატაციის ციკლს და შემუშავებული კონსტრუქცია და წარმოების ტექნოლოგია საშუალებას აძლევს ამ მოწყობილობებს რამდენიმე წლის განმავლობაში უპრობლემოდ იმუშაონ. გარდა ამისა, თუ Apple მომხმარებლებს ვერ შესთავაზებს რაიმე დამაჯერებელ სიახლეს iPhone-ის ახალ თაობაში, მაშინ მათზე მოთხოვნაც შეიზღუდება. მეორე მხრივ აშშ-ში Apple-ის შემოსავლების უარყოფით დინამიკას თან ახლდა ახალი რეკორდების მიღწევა მზარდი ეკონომიკის მქონე რიგ ბაზრებზე. D.A. Davidson-ის ანალიტიკოსების აზრით Apple-ს დიდი დრო დასჭირდება ინდოეთში შემოსავლის წილის 5-10%-მდე გასაზრდელად. ამ თვალსაზრისით ჩინეთის წარმატების გამეორება ინდოეთში Apple-ისთვის სიცოცხლისუნარიანი სტრატეგიაა, მაგრამ რეალიზაციის თვალსაზრისით - საკმაოდ გრძელვადიანი. Barclays-ის ანალიტიკოსებმა დაამატეს, რომ ბაზრის სხვა მონაწილეების მიერ გაგზავნილი სიგნალები არ იძლევა მოთხოვნის სწრაფი აღდგენის იმედს. ამ წყაროს თანახმად Apple-ის გეგმა iPhone 15-ის სმარტფონების წარმოებასთან დაკავშირებით წლის მეორე ნახევარში არ აღემატება iPhone 14-ის წარმოების პროგნოზირებულ მოცულობას. ამავდროულად, ძველი მოდელების წილი მიწოდების სტრუქტურაში უფრო დაბალი იქნება, რაც სეგმენტის პრემიუმ ნაწილზე მოთხოვნის შემცირებაზე მიუთითებს. მეორე კვარტალში Apple ელოდება დაახლოებით იმდენივე შემოსავალს, რაც პირველ კვარტალში მიიღო. ამასთან მომსახურების სეგმენტშიც კი, რომელშიც მიმდინარე წლის პირველ სამ თვეში რეკორდული შემოსავალი დაფიქსირდა, დადებითი დინამიკის მოლოდინი არ არსებობს. სუსტი მაჩვენებლებია მოსალოდნელი Apple-ის სარეკლამო და მობილურ გეიმინგ აპლიკაციების შემოსავლების მხრივ. მიუხედავად ამისა, აღსანიშნავია, რომ ზოგიერთი ექსპერტის ეჭვებმა უახლოეს მომავალში კომპანიის ფინანსური მაჩვენებლების სტაბილურობასთან დაკავშირებით ხელი არ შეუშალა ახალი სავაჭრო სესიის შემდეგ კომპანიის აქციების ფასის 4.6%-ით გაზრდას. https://tinyurl.com/57prztyz Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.