Magdalena Posted May 8, 2023 Share Posted May 8, 2023 ჩეთ-ბოტ ChatGPT-ზე დამყარებულ საძიებო სისტემა Bing-ის გამოშვებიდან თითქმის სამი თვის შემდეგ Microsoft-ი ყველა მომხმარებლისთვის ხელმისაწვდომს ხდის წინასწარ ვერსიას. არსებობს მხოლოდ ერთი შეზღუდვა: აუცილებელია მომხმარებელი შევიდეს Microsoft-ის საკუთარ ექაუნთზე ბრაუზერ Edge-ს მეშვეობით. ეს ნაბიჯი ხაზს უსვამს Microsoft-ის სწრაფვას პროდუქტის განვითარებისკენ მიუხედავად იმისა, რომ მის საფუძვლად მდებარე ხელოვნური ინტელექტის ტექნოლოგიამ შეშფოთება გამოიწვია უზუსტობებისა და ზედმეტი ემოციურობის გამო. Microsoft ასევე ახდენს Bing Chat-ის მოდერნიზებას, ამატებს ბევრ ახალ ფუნქციას და გარე დეველოპერების პლაგინების მხარდაჭერასაც კი. მაგალითად, ჩატიდან გაუსვლელად შეგიძლიათ დაჯავშნოთ მაგიდები რესტორანში OpenTable-ის საშუალებით, ან სთხოვოთ ბოტს, ჩართოს სასურველი ფილმი Apple TV-ის საშუალებით. Microsoft გვპირდება, რომ უფრო მეტ დეტალს გამოავლენს კონფერენცია Build-ზე მიმდინარე თვის ბოლოს. შემდეგი ნაბიჯი იქნება სურათების და ვიდეოების მოძიება პირდაპირ Bing Chat-ში. მალე შესაძლებელი იქნება ობიექტების, ცხოველების, ადგილების და სხვა ფოტოების ან ვიდეოების მოთხოვნა. Microsoft ასევე ავრცელებს Bing Image Creator-ს 100-ზე მეტ ენაზე, რაც უდავოდ გააადვილებს მის გამოყენებას მომხმარებელთა ფართო სპექტრისთვის. Microsoft ასევე ამატებს მეტად მოთხოვნად ფუნქციას Bing Chat-ში: ისტორიას. პირველი: ჩეთის ისტორია ავტომატურად ამოიღება ყველა თქვენი მოწყობილობიდან. მეორე, როდესაც ხსნით ბმულს Bing Chat-ის პასუხიდან Edge-ში, იგი ავტომატურად გადაიტანს ჩატს გვერდითა ზოლში, ასე რომ თქვენ შეგიძლიათ გააგრძელოთ ბოტთან კომუნიკაცია ვებ-გვერდის დათვალიერებისა და კონტექსტური კითხვების დასმისას. Mobile Edge-ს ეს ფუნქცია მალე დაემატება. და მესამე, წინა ჩატის სესიების ისტორია გათვალისწინებული იქნება ბოტის პასუხებში ახალი საუბრის მიმდინარეობისას. Microsoft-ის ვიცე-პრეზიდენტ Yusuf Mehdi-ს განცხადებით, რომელიც ხელოვნური ინტელექტის სფეროს ინიციატივებს კურირებს, ამჟამად Bing-ს ყოველდღიურად 100 მილიონზე მეტი აქტიური მომხმარებელი სტუმრობს. მათი რიცხვი საგრძნობლად გაიზარდა ბოლო რამდენიმე თვის განმავლობაში. Google, რომელიც დიდი ხანია დომინირებს საძიებო სისტემების ბაზარზე, ვერ დაიკვეხნის თავის ხელოვნური ინტელექტის ასისტენტ Bard-ის მსგავსი წარმატებით. „ჩვენ გვჯერა, რომ ეს პროექტი გარდამტეხი მომენტი იქნება ძიების მხრივ და გააძლიერებს დეველოპერების შესაძლებლობებს“, აცხადებს Mehdi. „მოუთმენლად ველით მიმდინარე თვის ბოლოს Microsoft Build-ზე მეტი დეტალის გაზიარებას“. Microsoft-ის Bing-ის ყველა ახალი განცხადება კეთდება Google-ის დეველოპერების ყოველწლიურ კონფერენცია I/O-მდე სულ რაღაც ერთი კვირით ადრე. მოსალოდნელია, რომ მოვისმენთ მეტს Google-ის საძიებო ხელოვნური ინტელექტის შესაძლებლობების შესახებ. https://tinyurl.com/74by4uz6 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.