Magdalena Posted March 9, 2023 Share Posted March 9, 2023 კვარტლის ბოლო თვე Tesla-სთვის ტრადიციულად ელექტრომობილების წარმოების აჩქარებით ხასიათდება, რადგან კომპანია დაინტერესებულია ანგარიშის გამოქვეყნებისას მოახდინოს მიწოდების მოცულობის ზრდის დემონსტრირება. Tesla-ს ძირითადი შემოსავალი უზრუნველყოფილია მასობრივი Model 3-ისა და Model Y-ის რეალიზაციით, თუმცა მიმდინარე კვირაში კომპანიამ ფასები შეამცირა უფრო ძვირადღირებულ Model S-სა (‒5000$) და Model X-ზე (‒10000$). ფოტოს წყარო: Tesla როგორც Bloomberg აღნიშნავს, ეს ნიშნავს ორივე მოდელის შემთხვევაში ფასის საწყის კომპლექტაციაზე დაბრუნებას 100 ათას აშშ დოლარს ქვევით. ამ კლასის ყველაზე ხელმისაწვდომი ელექტრომობილი ამჟამად არის Model S-ის სრული წამყვანი ორძრავიანი ვერსია 89990 აშშ დოლარად, რომლის მიღება აშშ-ის მოქალაქეებს შეკვეთის შემდეგ მიმდინარე თვეშივე შეეძლებათ. სამძრავიანი ვარიანტი Tesla Model S Plaid შეფასებულია 109990 აშშ დოლარად, მისი მოდიფიკაციისთვისაც არ იქნება ლოდინი საჭირო. ეს ორივე მოდელი ამ დრომდე 5 ათასი აშშ დოლარით მეტი ღირდა. ქროსოვერ Tesla Model X-ის ფასი შემცირდა 10 ათასი აშშ დოლარით, ამჟამად მისი საბაზისო, ორძრავიანი სრული წამყვანი ვერსია 99990 აშშ დოლარად იყიდება. მისი მოლოდინის ვადა ოდნავ დიდია Model S-ის შემთხვევასთან შედარებით, მანქანის მიღება შესაძლებელია საუკეთესო შემთხვევაში მარტში ან უარეს შემთხვევაში - მაისში. Tesla Model X Plaid შეფასებულია 109990 აშშ დოლარად, მისი მიღება შესაძლებელია მარტში ან აპრილში. ორივე მოდიფიკაცია ამ დრომდე 10 ათასი აშშ დოლარით ძვირად იყიდებოდა. ეს არის მიმდინარე წელს Model S-ისა და Model X-ის ფასების უკვე მეორე შემცირება. https://tinyurl.com/f45h8nfk Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.