Magdalena Posted March 7, 2023 Share Posted March 7, 2023 იანვარში Steam-ის სტატისტიკაში შედგა GeForce RTX 4090 ვიდეო ბარათის დებიუტი. თებერვლის შეჯამებით გეიმინგ პლატფორმის სტატისტიკაში მოხვდა RTX 40 სერიის კიდევ ორი გრაფიკული ამაჩქარებელი - GeForce RTX 4080 და RTX 4070 Ti. თვის დინამიკაში პირველი მათგანი მოხვდა პლატფორმის მომხმარებლების 0.20%-ში, მეორე - 0.18%-ში. შესაბამისად, ამაჩქარებლებმა დაიკავეს მეექვსე და მერვე ადგილები აუდიტორიის ზრდის რეიტინგში. ფოტოს წყარო: TechSpot მომხმარებლებს შორის ყველაზე მეტად გაიზარდა GeForce RTX 30 სერიის მოდელების წილი. ყველაზე დიდი ზრდა დააფიქსირა GeForce RTX 3060 მოდელმა. მას მოსდევს მობილური ვერსია GeForce RTX 3060 Ti. მეხუთე ადგილზეა დესკტოპ ვარიანტი GeForce RTX 3060 Ti. მომხმარებლების ზრდა ასევე დაფიქსირდა მოდელებში - GeForce RTX 3070, RTX 3050 და RTX 3070 Ti. მფლობელების ზრდის დინამიკაში მესამე ადგილზეა ძველი თაობის ვიდეო ბარათი GeForce RTX 2060. ვიდეო ბარათების მფლობელების ზრდის დინამიკა თებერვალში თუ ვისაუბრებთ პლატფორმა Steam-ის ყველაზე პოპულარულ ვიდეო ბარათებზე, პირველ ადგილს კვლავ GeForce GTX 1650 იკავებს, რომელმაც გასული წლის ნოემბერში ამ პოზიციაზე GeForce GTX 1060 მოდელი ჩაანაცვლა. Radeon RX 7000 ვიდეო ბარათები რეიტინგში კვლავ არ ჩანს. ეს მოდელები გაყიდვაში გამოვიდა NVIDIA Ada Lovelace (GeForce RTX 40-სერია) ბარათების გაყიდვის დაწყების შემდეგ. Radeon გრაფიკულ ამაჩქარებლებს შორის მხოლოდ Radeon RX 6600 XT-მ დააფიქსირა აუდიტორიის ზრდის დადებითი ტენდენცია, მისი მომხმარებლების ბაზა Steam-ზე თებერვალში 0.01%-ით გაიზარდა. ყველაზე პოპულარული ვიდეო ბარათები Steam-ზე თებერვლის შეჯამებით პროცესორების სეგმენტს რაც შეეხება, აქ კვლავ Intel-ის ჩიპები დომინირებს. მიუხედავად იმისა, რომ მათი მომხმარებელთა წილი თებერვალში 0.04%-ით შემცირდა, პლატფორმის მომხმარებლების 67.17% ამ კომპანიის პროცესორებს იყენებს. AMD-ის პროცესორებით სარგებლობს Steam-ის მომხმარებლების 32.8%. ოპერაციული სისტემა Windows 11-ის მომხმარებელთა წილი Steam-ზე გასულ თვეში 1.73%-ით გაიზარდა და ახლა 32.06%-ს შეადგენს. Windows 10 თებერვალში მომხმარებელთა 64.68%-მა დაიტოვა (1.41%-ით კლება). ახალი ოპერაციული სისტემის მზარდი პოპულარობის ტენდენცია შეინიშნება არა მხოლოდ Steam-ზე, არამედ მთელ მსოფლიოში. იანვარში მისი ბაზრის წილი 18.1%-მდე გაიზარდა. თავის მხრივ, Windows 10-ის მომხმარებელთა წილი დეკემბრის 82.4%-იანი მაჩვენებლიდან იანვარში 68.8%-მდე შემცირდა. Oculus Quest 2 დარჩა ყველაზე პოპულარულ ვირტუალური რეალობის მოწყობილობად თებერვალში. მას იყენებს Steam-ის მომხმარებლების 44.65%. მეორე ადგილზეა Valve Index (17%), მესამეზე - Oculus Rift S (11.96%). https://tinyurl.com/4bnmr4yx Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.