ChatGPT-მ და სხვა ხელოვნური ინტელექტის მქონე ბოტებმა მოთხოვნა გაზარდეს HBM-ის ოპერატიულ მეხსიერებაზე

[Magdalena]

სამხრეთკორეული წყაროები აცხადებენ, რომ წლის დასაწყისიდან HBM მეხსიერებაზე შეკვეთების მოცულობა მკვეთრად გაიზარდა როგორც SK Hynix-ის, ისე Samsung-ის შემთხვევაში. ამან განაპირობა HBM ჩიპებზე ფასების ზრდა - მათი შესყიდვის ფასი ამჟამად ხუთჯერ მეტია მოწინავე ტრადიციულ ოპერატიულ მეხსიერებასთან შედარებით. მოთხოვნის ზრდა გამოწვეულია ხელოვნური ინტელექტის მქონე ჩატ-ბოტების ფეთქებადი პოპულარობით, რომელთაც ყველაზე მეტად სჭირდება მეხსიერების სიჩქარე. და ეს ვითარება მალე შეცვლის კომპიუტერის მეხსიერების მთელ ბაზარს, დარწმუნებულნი არიან ექსპერტები. 

 

HBM მეხსიერების წყობა 

ინდუსტრიის ანონიმურმა წარმომადგენელმა განაცხადა, რომ ახალი ტექნოპროცესების შემუშავება აღარ არის პრიორიტეტი მეხსიერების ჩიპების მწარმოებლებისთვის. კომპანიები ერთმანეთს კონკურენციას გაუწევენ მეხსიერების უფრო სწრაფი ჩიპების გამოშვებაში, რომელთა შორის იქნება მოწყობილობები უშუალოდ მეხსიერებაში პროცესების დამუშავებისთვის. ამ უკანასკნელს მიეკუთვნება HBM-PIM მეხსიერება, რომელიც დანერგა კომპანია Samsung-მა 2021 წლის თებერვალში და კომპანია SK Hynix-მა - 2022 წლის თებერვალში. 

ხელოვნური ინტელექტის პლატფორმების შემუშავება ბევრი კომპანიისთვის პრიორიტეტი ხდება და HBM და HBM-PIM ტიპის მეხსიერების მოდულები დიდ ნახტომს განიცდიან, რასაც რეალურად შეუძლია მეხსიერების ბაზარზე წესების შეცვლა. პლატფორმების დეველოპერებს არ აბრკოლებს ის, რომ HBM მეხსიერება მინიმუმ სამჯერ ძვირია ჩვეულებრივთან შედარებით. მოთხოვნის ზრდამ და მისი სრულად დაკმაყოფილების აშკარა უუნარობამ უკვე გამოიწვია ამ ტიპის მეხსიერების ფასების ზრდა, რაც არ ამსუბუქებს დინამიკას, არამედ პირიქით. ხელოვნური ინტელექტი და მასთან დაკავშირებული სერვისების გაფართოება აშკარად არღვევს სიტუაციას. 

HBM3 ჩიპების ლიდერ მწარმოებელ კომპანია SK Hynix-ს მიჰყვება NVIDIA, Intel და AMD. „HBM3-ის ფასი ხუთჯერ გაიზარდა მაღალი წარმადობის DRAM-თან შედარებით“ - განაცხადა ერთ-ერთმა ინსაიდერმა. 

SK Hynix-მა HBM მეხსიერების გამოშვება პირველმა დაიწყო: მისი წარდგენა მოხდა ჯერ კიდევ 2013 წელს, ხოლო დებიუტი შედგა GPU Fiji-ზე დამყარებულ AMD Radeon R9 Fury ვიდეო ბარათებში 2015 წელს. მას შემდეგ სამხრეთკორეული ჩიპმეიკერი უშვებდა მეორე თაობის HBM-ს (HBM2), ასევე მესამე (HBM2E) და მეოთხე (HBM3) თაობის ჩიპებს და იკავებდა ამ ბაზრის 60-70%-ს. 

HBM მეხსიერების მაღალი წარმადობა უზრუნველყოფილია კრისტალების სტეკებად განლაგებით, ზემოდან ქვემოთ მიმართული კონტაქტებით და ცენტრალურ ან გრაფიკულ პროცესორთან ფაქტობრივად პირდაპირი კავშირით. ვერც ერთი სხვა მეხსიერება ვერ მუშაობს მსგავსი სიჩქარით და ეს არის ყველაზე დიდი დაბრკოლება ინტენსიურ გამოთვლებში. HBM მეხსიერება ამ პრობლემას მეხსიერების სხვა ტიპებზე უკეთ აგვარებს და ამან განსაზღვრა უახლოეს წლებში მისი მომავალი ხელოვნური ინტელექტის განვითარების მიმართულებით. 

https://tinyurl.com/bdh3yejt