Magdalena Posted February 2, 2022 Share Posted February 2, 2022 კომპანია Counterpoint Technology Market Research-მა შეაფასა სმარტფონების ევროპის ბაზარზე ძალთა გადანაწილება გასული წლის ბოლო კვარტლის შეჯამებით. ინდუსტრიამ არაერთგვაროვანი შედეგები დააფიქსირა. ანალიტიკოსები აღნიშნავენ, რომ ევროპის ბაზარმა ეტაპობრივად აღდგენა დაიწყო კორონავირუსის პანდემიის დარტყმის შემდეგ. თუმცა გაყიდვებზე ნეგატიურ გავლენას ახდენს ელექტრონული კომპონენტების დეფიციტი. ამის გამო 2021 წლის ბოლო კვარტალში დაფიქსირდა მიწოდების მოცულობის 1%-იანი კლება წლიურ ჭრილში. რეალიზებული მოწყობილობების რაოდენობის მხრივ ლიდერი გახდა სამხრეთკორეული გიგანტი Samsung 33%-იანი წილით. მას მცირედით ჩამორჩება Apple – 32%-ით. სამეულს ხურავს Xiaomi, რომელმაც სმარტფონების ევროპული ბაზრის 15% დაიკავა. რეიტინგში ასევე შევიდნენ Oppo, Realme და Vivo, რომელთა წილობრივმა მაჩვენებლებმა შეადგინა შესაბამისად 7 %, 2 % და 2 %. ფოტოს წყარო: Counterpoint Technology Market Research წლიურ გაყიდვებს თუ განვიხილავთ, ეს მაჩვენებლები 8%-ით გაიზარდა. თუმცა უნდა აღინიშნოს, რომ 2020 წელს დაფიქსირდა 14%-იანი ვარდნა. ამიტომ ინდუსტრია ჯერ კიდევ ვერ დაუბრუნდა იმ მაჩვენებლებს, რომლებიც პანდემიის დაწყებამდე ფიქსირდებოდა. წლიური შეჯამებით პირველ ადგილას კვლავ Samsung-ია. შემდეგ მოდის Apple და Xiaomi 26 % და 20 %-ით, შესაბამისად. ჩინური კომპანიები, Oppo, Realme და Vivo იკავებენ შემდეგ ადგილებს 8 %, 2 % და 1 % შედეგებით. წყარო: Counterpoint Technology Market Research https://tinyurl.com/2p96ncpz Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.