Magdalena Posted November 11, 2020 Share Posted November 11, 2020 ვიდეო დაფების მწარმოებლები არ მალავენ, რომ მალე წარადგენენ NVIDIA-ს ვიდეო დაფებს, რომლებიც უფრო ხელმისაწვდომი იქნება GeForce RTX 3070-თან შედარებით. ინფორმირებული წყაროების თანახმად, პარტნიორებისათვის Ampere-სერიის შესაძლებლობები მკაცრად იზღუდება NVIDIA-ს საკუთარი „მადით“. მაგალითად, ახალი თაობის ვიდეო ბარათების შეთავაზება 250 აშშ დოლარად რთული იქნება. წყარო: VideoCardz NVIDIA-ს დამფუძნებლის საყვარელი თეზისი, რომლითაც ვიდეო დაფების საშუალო ფასის ზრდა აიხსნება, არის შეხსენება, რომ თამაშები ხდება სულ უფრო სანახაობრივი და შექმნისას - ხარჯიანი. მიმდინარე წელს ციფრულ გართხობაზე მოთხოვნის ზრდის ტენდენცია შერწყმულია ბევრი რეგიონის სუსტ ეკონომიკასთან, ამიტომ ძვირადღირებული ვიდეო დაფების მწარმოებლები შორს ვერ წავლენ. რესურს Gamers Nexus-მა გამოაქვეყნა ვიდეო დაფების მწარმოებლების ჩივილი NVIDIA-ს საფასო პოლიტიკის მიმართ, რომელიც მათ ფაქტობრივად შანსს არ უტოვებს შემოსავალი მიიღონ 250-300 აშშ დოლარიანი ვიდეო დაფების გამოშვებისას. როდესაც ახალი გრაფიკული პროდუქტი ბაზარზე გამოსვლისთვის ემზადება, NVIDIA პარტნიორებს აძლევს რეკომენდაციას იმ კომპონენტების თვითღირებულების შესახებ, რომლებიც წარმოებისთვის აუცილებელია. GeForce RTX 30 სერიის ერთ-ერთი მოდელის ფასი უნდა იყოს 250-300 აშშ დოლარის დიაპაზონში და კომპანიამ უკვე მიაწოდა პარტნიორებს თავისი რეკომენდაციები, რომლებიც რეალობისგან შორსაა - ამტკიცებენ ვიდეო დაფების მწარმოებლები. მაგალითად, გაგრილების სისტემაზე გამოყოფილი ბიუჯეტია არაუმეტეს 5$ - ამ ფასად შესაძლოა ხელმისაწვდომი იყოს მხოლოდ უბრალო, ალუმინის რადიატორი ქულერით. განათება, სითბური მილები და თავად გაგრილების ეფექტურობა შეგვიძლია დავივიწყოთ. რეალურად, როგორც ვიდეო დაფების მწარმოებელი კომპანიები ამტკიცებენ, GeForce GTX 1650 ტიპის მოდელსაც კი სჭირდება 9-13 აშშ დოლარის ღირებულების გაგრილება, ხოლო GeForce RTX 2060-ის პოტენციურ მემკვიდრეს კი შეუძლია გაცილებით მეტი ბიუჯეტის მოთხოვნა გაგრილების სისტემის არჩევისას. სამწუხაროდ, NVIDIA-ს ამ არგუმენტების მოსმენა არ სურს. ინტერნეტ-წყაროები აღნიშნავენ, რომ ასეთ პირობებში ვიდეო დაფების მწარმოებლები იძულებულნი იქნებიან ან დანებდნენ, ან გამოუშვან ვიდეო ბარათების შეზღუდული პარტია რეკომენდებულ ფასებში, შემდეგ კი ყურადღება გაამახვილონ კომერციულად სიცოცხლისუნარიან საქმიანობებზე, რაც აუცილებლად გაზრდის ფასს სარეკომენდაციო 250-300 აშშ დოლარს ზემოთ. NVIDIA-ს მარკეტინგული პოლიტიკა ასევე დამოკიდებული იქნება კონკურენტულ გარემოზე, ის კი წელს უკვე აღარ არის მშვიდი. https://bit.ly/3pcIlWE Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.