2 000 აშშ დოლარი GeForce RTX 3090-ისთვის – ცნობები NVIDIA Ampere თაობის ვიდეო დაფების შესახებ – გამოსვლის დრო, ტექნიკური მახასიათებლები და სხვა დეტალები

[Magdalena]

NVIDIA-ს მომდევნო თაობის ვიდეო დაფების პრეზენტაცია 1 სექტემბერს შედგება. სავარაუდოდ, ამ დრომდე ხელთ გვექნება მხოლოდ გადაუმოწმებელი, არაოფიციალური ინფორმაცია, რომელსაც რაციონალური სკეპტიციზმით უნდა მივუდგეთ. 

 

ამჯერად შევაჯამებთ აგვისტოს პირველ ნახევარს, რომელიც დატვირთული იყო არაოფიციალური ცნობებით. პირველი საკითხია Ampere არქიტექტურის ვიდეო დაფების ბაზარზე გამოსვლის დრო. ქვემოთ წარმოდგენილია ცხრილი, რომლიც საშუალებას გვაძლევს გავიგოთ როდისთვის უნდა ველოდოთ ფლაგმანურ მოდელებს, სექტემბრის ბოლოს კი გაყიდვაში შესაძლოა გამოვიდეს ნაკლები წარმადობის მქონე GeForce RTX 3070. RTX 3060 დაფის გამოსვლის შესახებ ცნობილი არაფერია. ცხრილში მითითებულია ვიდეო დაფები, რომელთაც ჩაანაცვლებენ ახალი მოდელები. 

 

მორიგი საკითხია ფლაგმანური GeForce RTX 3090 დაფის დეტალები, რომელიც მასობრივ სეგმენტს უზრუნველყოფს 24 გბ GDDR6X მეხსიერებით. დიდი ალბათობით, ამ მოცულობის მეხსიერება ექნება Ampere Titan-ს, რომელიც არასდროს გამოირჩეოდა დემოკრატიული ფასით. რაც შეეხება ფასს, არის მოსაზრება, რომ RTX 3090 შეიძლება 2 ათასი აშშ დოლარი ღირდეს, რაც 500 აშშ დოლარით მეტია მიმდინარე თაობის ფასთან შედარებით. რთულია წარმოდგენა,  რა შეიძლება ღირდეს Ampere Titan: 5 ათასი აშშ დოლარი?  

 

 

მოგვიანებით გავრცელდა იმედის გამაცრუებელი ცნობები, რომ NVIDIA-ს ახალ ფლაგმანს ექნება არაუმეტეს 12 გბ სწრაფი მეხსიერება 20 000 მჰც-ს ზემოთ სიხშირით. ამჯერად კი გადამოწმებული წყაროების ინფომაციის თანახმად, RTX 3080-ის მახასიათებლებია 2.1 გჰც სიხშირე, 10 გბ მეხსიერება 19 000 მჰც სიხშირით. ასეთ შემთხვევაში შეგვიძლია ვივარაუდოთ, რომ ან RTX 3090-ს ექნება 12 გბ მეხსიერება, ან უახლესი ინფორმაცია მცდარია, რადგანაც დაუშვებელია 10 გბ სხვაობა ორ ფლაგმანს შორის. 

 

ასეთ ფონზე Big Navi-ს ფანატებმა გაიხსენეს, რომ ერთ-ერთი გაჟონილი ინფორმაციის თანახმად დაფას 16 გბ სწრაფი მეხსიერება ექნება (ცხადია, 20 000 მჰც და მეტი). რომ აღარაფერი ვთქვათ ჩიპლეტებზე გადასვლაზე, რომლის წყალობით შესაძლოა AMD-მ საბოლოო გამარჯვება მოიპოვოს, რაც სავსებით მოსალოდნელია. მოკლედ, კონკრეტული მახასიათებლები ამ დრომდე უცნობია - ცხადია ის, რომ კონკურენცია სერიოზული იქნება. 

https://bit.ly/31TDu1M 

[George]

ახალი ჭორი გავრცელდა, ფასი 1400$ მარტო, მაგრამ VRAM ლამის 24გბ ძალზე მაღალი გამტარობით, არ გამოვრიცხავ არცერთი არ იყოს სწორი, კიდე უნდა დაველოდოთ უფრო ზუსტი მონაცემები სანამ დაიდება

[Gobro]

RTX 3080 და RTX 3070 მაინტერესებს რა ეღირება. მაგ ორიდან ერთერთის დათრევას ვაპირებ, მაგრამ გააჩნია რა ეღირება

[George]

მეც თუ ავიღე შემდგომში მაინინგისთვის უფრო ალბათ 3070, თან იგრებშიც არ უნდა იყოს ცუდი 2K სათამაშოთ თუ დამჭირდა მოგვიანებით, ფასს რა თქმა უნდა ექნება მნიშვნელობა, მითუმეტეს ხშირათ ჩვენთან უფრო ძვირათ ჩამოაქვთ ხოლმე კარტები ვიდრე ადგილზე ჯდება შტატებში ამაზონ-ნიუეგზე, რატომღაც მგონია მაინც ორი ცალი 3070 აჯობებს მაინინგში ერთ 3090 ფასში რომც არ იყოს დიდი სხვაობა

[Fatal Fighter]

 

ალბათ მართალიც არის რომ ამდ აჯობებს ენერგო ეფექტურობით, მაგრამ ვაღიაროთ, როცა კარტაში 1000$+ იხდი ვის რაში აინტერესებს ეგ მომენტი, თუ რა თქმა უნდა კილოვატზე მეტს არ წვავს

რაღაც მონსტრს უშვებს ენვიდია ნამდვილად და 99% დარწმუნებული ვარ 1400$ სწორი ფასია, რაც საშინლად მაღალია მაგრამ როგორც ჩანს იცის ჯენსენმა რომ ამდ ვერ აჯობებს

[George]

ამდ თუ აჯობა ცოტათი მგონი 3080 მაგრამ რატომღაც მგონია ეგ კარტა იქნება ყველაზე კარგი პერფორმანსი-ვატების მხრივ როგორც ჩეიძლება ტემპების, ვნახოთ აბა, 3080Ti მონსტრობა იქნება ეგეთი მაღალი გამტარობა თუ ექნება 12გბ ეყოფა რა თქმა უნდა, ამდ 16 შეიძლება ვერ დაჩაგროს დიდათ, თან ჩვენ არ ვიცით 100% მაგდენი  რამი ეყენება მაგ მოდელებზე თუ არა ჯერ, ჭორებია 100% ინფო ჯერ არ ჩანს,3080 კი სერიოზული უნდა იყოს 2K 144+ გერციან მონიკებზე სათამაშოთ, შეიძლება რამე უკვე RTX რეჟიმშიც ქნას მაგ ახალზე და საკმაოთ მაღალი ფპს აჩვენოს უკვე

[Fatal Fighter]

ცოტაც მოვითმინოთ და ვნახავთ რა იქნება

გვირგვინი ისევ მწვანეებს დარჩებათ 99% ჩემი აზრით, თუნდაც ეს 3090/3080Ti, რაც სურათები დაიდო ძალიან ბევრი რამ მიანიშნებს რომ არ არის ფეიკი და რა მონსტრობა რამეა რომ შეხედავ

ერთი ნათელია რომ საინტერესო პერიოდი მოდის ტექ სამყაროსთვის