Magdalena Posted January 24, 2019 Share Posted January 24, 2019 Google-ის ქვეგანყოფილებამ, Jigsaw-მ გამოაქვეყნა ტესტი, რომლითაც მოწმდება მომხმარებლის უნარი - გამოავლინოს ფიშინგური ელექტრონული წერილები. ტესტი წარმოგიდგენთ წერილების სერიას, რათა გაარკვიოს, შეგიძლიათ თუ არა ამოიცნოთ რეალური ფიშინგის ნიშნები. „ფიშინგი კიბერშეტევის ყველაზე გავრცელებული ფორმაა“ - წერს Jigsaw თავის ბლოგში. „დღეს გაგზავნილ წერილთა 1 პროცენტი ფიშინგის მცდელობას წარმოადგენს“. როგორც ცნობილია, ტესტი დაფუძნებულია Jigsaw-ს გამოცდილებასა და სწავლებაზე, რომელშიც მონაწილეობა მიიღო „10 ათასმა ჟურნალისტმა, აქტივისტმა და პოლიტიკურმა ლიდერმა“. საერთო ჯამში, წარმოდგენილია რვა ნიმუში, რომელთა საშუალებითაც Google ახდენს ტესტირებას. მათი ნაწილი ჩვეულებრივი წერილებია, ნაწილი კი ფიშინგური თაღლითობის შემცველი. ზოგიერთი ნიმუში დაფუძნებულია რეალურ მოვლენებზე, ისეთებზე, როგორიც იყო ფიშინგის მასობრივი მცდელობა, რომელმაც 2017 წელს Google Doc-ის მომხმარებლები დააზარალა. ზოგი კი იმ წერილის მსგავსია, როგორსაც რუსი ჰაკერები გზავნიდნენ 2016 წელს ჰილარი კლინტონის საარჩევნო კამპანიის მსვლელობისას. თითოეული ელექტრონული წერილის შემდგომ Google მომხმარებლებს უხსნის, თუ როგორ უნდა ამოიცნონ საგანგაშო ნიშნები. კიბერდამნაშავეები ხშირად ცდილობენ გაგზავნონ ელექტრონული წერილები URL-მისამართებით, რომლებიც შეიცავს კომპანიების სახელწოდებებს, მაგალითად Google ან Dropbox. მაგრამ არის შემთხვევებიც, როდესაც წერილობითი გზავნილები უფრო დამაბნეველია. Jigsaw - ეს არის Google-ის ექსპერიმენტული პროექტი, რომელიც მიზნად ისახავს ტექნიკურ სივრცეში ვრცელი გეოპოლიტიკური პრობლემების მოგვარებას მიკროსაიტებისა და პროგრამული პროექტების საშუალებით. ამ დრომდე ჯგუფმა უკვე შექმნა ტროლების აღმომჩენი პროგრამული უზრუნველყოფა - ინსტრუმენტი ღია კოდით, რათა დაეხმაროს მედია-ორგანიზაციებს - გაფილტრონ არანორმატიული ლექსიკა. https://www.theverge.com/2019/1/22/18193107/google-phishing-emails-quiz-jigsaw-cyberattack 1 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.