Magdalena

Euro Pacific Capital-ის პრეზიდენტმა და Bitcoin-ის კრიტიკოსმა პიტერ შიფმა განაცხადა, რომ „არაფერია ისეთი დაბალხარისხიანი, როგორც კრიპტოვალუტები“. „ბოლო დრომდე უაღრესად სპეკულაციური აქტივების აღმასვლა გამორიცხავდა Bitcoin-ს. ახლა, როცა იგი საბოლოოდ შეუერთდა „წვეულებას“, ეს ალბათ მალე დასრულდება“, - წერს შიფი. როგორც წესი, ასეთი აღმასვლები მთავრდება მაშინ, როდესაც „ყველაზე დაბალი ხარისხის ნივთები“, როგორიცაა ციფრული აქტივები, საბოლოოდ შეუერთდება მათ, განაცხადა შიფმა. მარტში Euro Pacific Capital-ის პრეზიდენტმა საზოგადოებას მოუწოდა პირველი კრიპტოვალუტის გაყიდვისა და ოქროს ყიდვისკენ Silvergate Bank-ის პრობლემების ფონზე. მაისში შიფმა დააანონსა Bitcoin-ზე დამყარებული არაურთიერთჩანაცვლებადი ტოკენების საკუთარი კოლექცია. შეგახსენებთ, რომ 23 ივნისს პირველი კრიპტოვალუტის ფასმა 31 ათას აშშ დოლარს გადააჭარბა, ციფრული აქტივების ბაზრის კაპიტალიზაციამ 1.2 ტრილიონი აშშ დოლარიანი ზღვარი გადალახა. https://tinyurl.com/yeybuufh

კომპანია Intel-მა მოულოდნელად გამოაცხადა, რომ შეწყვეტს Arc A770 Limited Edition დესკტოპ გრაფიკული ბარათის მიწოდებას 16 გბ მეხსიერებით. ეს ეხება მხოლოდ ამ გრაფიკული ამაჩქარებლის ეტალონურ ვერსიას. სხვა სიტყვებით რომ ვთქვათ, კომპანიის პარტნიორებს კვლავ შეეძლებათ Intel Arc A770-ის თავიანთი ვერსიების დამზადება და მიწოდება 16 გბ მეხსიერებით. ფოტოს წყარო: VideoCardz Intel-თან ერთად 16 გბ მეხსიერების მქონე Arc A770 მოდელს აწარმოებს მხოლოდ ორი კომპანია: Acer უშვებს Arc A770 Predator BiFrost-ს, ხოლო Gunnir უშვებს შავ და თეთრ Arc A770 Photon ვიდეო ბარათს. ფოტოს წყარო: Intel Intel-მა პარტნიორებს Arc A770 Limited Edition 16 გბ-ის მიწოდების შეწყვეტის შესახებ შეატყობინა მაშინ, როდესაც გადაწყვეტილება უკვე ძალაში იყო შესული - 20 ივნისიდან მიწოდება შეწყვეტილია. ეს ძალზე უჩვეულოა, რადგან Intel, როგორც წესი, თავისი პროდუქციის წარმოებისა და მიწოდების დასრულების შესახებ აცხადებს ამ გადაწყვეტილების ძალაში შესვლამდე რამდენიმე თვით ადრე. აღსანიშნავია, რომ მიწოდების შეწყვეტის გადაწყვეტილება ეხება მხოლოდ ეტალონურ Arc A770 მოდელებს და არა - ეტალონურ Arc A750 Limited Edition ვერსიას, რომელიც კვლავ რჩება ბაზარზე აქტუალური თაობის ერთ-ერთ ყველაზე ხელმისაწვდომ ვიდეო ბარათად. https://tinyurl.com/24z92uau

როდესაც კონფერენცია WWDC 2023-ზე Apple-მა წარადგინა შერეული რეალობის ჰედსეტი Vision Pro, დეველოპერებს დაპირდა, რომ გამოუშვებდა პროგრამული ინსტრუმენტების საიმედო ნაკრებს შესაბამისი სოფტის შექმნისთვის. Apple-მა ამჯერად გამოაქვეყნა პრეს-რელიზი და განაცხადა, რომ Vision Pro-ს პროგრამული უზრუნველყოფის შემუშავებისთვის განკუთვნილი ინსტრუმენტები უკვე ხელმისაწვდომია - საუბარი ეხება პაკეტ visionOS SDK-ს. ფოტოს წყარო: 9to5mac როგორც კომპანია აცხადებს, დეველოპერები შეძლებენ შექმნან პრინციპულად ახალი კლასის „სივრცითი“ კომპიუტერული აპლიკაციები, რომლებშიც შესაძლებელია Vision Pro-ს ტექნოლოგიების სრული უპირატესობის გამოყენება და შეძლებენ ციფრული კონტენტის კომბინირებას რეალური სამყაროს სურათთან, რათა უზრუნველყოფილი იყოს შთამბეჭდავი ახალი გამოცდილება. visionOS SDK საშუალებას აძლევს დეველოპერებს გამოიყენონ Vision Pro-სა და visionOS ოპერაციული სისტემის ძლიერი და უნიკალური შესაძლებლობები, რათა შექმნან მომხმარებლის ახალი გამოცდილება დიზაინით დაწყებული - გართობით დამთავრებული. Apple-ის ცნობით visionOS SDK-ის გამოყენებით დეველოპერებს შეეძლებათ ურთიერთქმედება საკუთარ აპლიკაციებთან ახალ visionOS სიმულატორის გამოყენებით. ახალი გამოცდილება დამყარდება იმავე სტრუქტურულ საფუძვლებზე, რომლებიც უკვე ცნობილია Apple-ის სხვა პლატფორმებიდან, მათ შორისაა ვიზუალიზაციის გამაძლიერებელი ტექნოლოგიები, როგორიცაა Xcode, SwiftUI, RealityKit, ARKit და TestFlight. Apple-მა ასევე განაცხადა, რომ მომდევნო თვეში კომპანია აპირებს დეველოპერების ლაბორატორიების გახსნას კუპერტინოში, ლონდონში, მიუნხენში, შანხაიში, სინგაპურსა და ტოკიოში. ეს ლაბორატორიები უზრუნველყოფენ დეველოპერებს Vision Pro-სთან პრაქტიკულ ურთიერთქმედებას მათი აპლიკაციების შესამოწმებლად, ხოლო Apple-ის ექსპერტები უზრუნველყოფენ ადგილზე ინფორმაციის მხარდაჭერას. გარდა ამისა, მომავალ თვეში Apple დაიწყებს განაცხადების მიღებას დეველოპერებისგან, რომელთაც სურთ მიიღონ Vision Pro-ს პროგრამული უზრუნველყოფის დეველოპერებისთვის აუცილებელი აპარატული ნაკრები. იმ დროისთვის visionOS SDK, განახლებული Xcode, Simulator და Reality Composer Pro უკვე ხელმისაწვდომი იქნება პროგრამა Developer Program-ის მონაწილეებისთვის Apple-ის ვებ-გვერდზე. https://tinyurl.com/3yz9dybw

კრიპტოვალუტების აკრძალვა შესაძლოა არ იყოს საუკეთესო გზა მათთან დაკავშირებული რისკების შესამცირებლად. ეს დასკვნა სსფ-ის სპეციალისტებმა გააკეთეს. 2023 წლის თებერვალში ორგანიზაციის ხელმძღვანელმა კრისტალინა გეორგიევამ არ გამორიცხა ციფრული აქტივების აკრძალვა, როდესაც ფინანსური სტაბილურობის უფრო მაღალი რისკები გამოჩნდა. მისი თქმით კრიპტოვალუტების რეგულირება უფრო მისაღები ვარიანტი იყო. ბოლო ნაშრომში საერთაშორისო სავალუტო ფონდის ანალიტიკოსები რეკომენდაციას უწევენ ქვეყნებს - ფოკუსირება მოახდინონ აქტივების ამ კლასზე მოთხოვნის გამომწვევი ფაქტორების აღმოფხვრაზე, ასევე ციფრული გადახდის საჭიროებების დაკმაყოფილებაზე. ასევე ექსპერტების შემოტავაზებაა გამჭვირვალობის გაზრდა ეროვნულ სტატისტიკაში კრიპტო ტრანზაქციების ჩართვის გზით. ექსპერტების თქმით ციფრული აქტივების აკრძალვა შესაძლოა „გრძელვადიან პერსპექტივაში არაეფექტური იყოს“, რაც ხელს შეუშლის ქვეყნებს მათთან დაკავშირებული სარგებლის მიღებაში. "სწორი დიზაინის პირობებში CBDC-ებს შეუძლიათ გააუმჯობესონ გადახდის სისტემების გამოყენებადობა, გამძლეობა და ეფექტურობა და გაზარდონ ფინანსურ სერვისებზე წვდომა", - ნათქვამია სტატიაში. შეგახსენებთ, რომ საერთაშორისო სავალუტო ფონდი მუშაობს ეროვნულ ციფრულ ვალუტებთან ტრანსსასაზღვრო ტრანზაქციების პლატფორმაზე. მაისში ორგანიზაციამ გამოაქვეყნა ანგარიში აფრიკის პირველ CBDC-ზე, ნიგერიულ eNaira-ზე. დაწესებულებამ დადებითად შეაფასა ქვეყნის ხელისუფლების მიერ გაწეული სამუშაო. https://tinyurl.com/ymrzuudz

ჩატარდა Microsoft-სა და აშშ-ის სავაჭრო ფედერალურ კომისიას (FTC) შორის სასამართლო პროცესის პირველი დღე IT გიგანტის მიერ Activision Blizzard-ის უპრეცედენტო 69 მლრდ აშშ დოლარად შეძენის შესახებ. მოსმენის დროს გამოქვეყნებულ დოკუმენტებში Microsoft-მა განაცხადა, რომ Xbox-მა ოფიციალურად „წააგო კონსოლების ომი“. ფოტოს წყარო: Albie Patacsil/unsplash.com Microsoft-ის მიერ შეტანილი დოკუმენტის ერთ-ერთი ნაწილის მიხედვით 2001 წლიდან, როდესაც კომპანია გეიმინგ კონსოლების ბაზარზე ორიგინალი Xbox-ით შემოვიდა, იგი ჩამორჩებოდა Sony-სა და Nintendo-ს და მას შემდეგ რეგულარულად კარგავს პოზიციებს. გაყიდვების მოცულობით Xbox მესამე ადგილზეა PlayStation-სა და Nintendo-ს შემდეგ. კერძოდ, 2021 წელს Xbox-ზე მოდიოდა გაყიდვების მხოლოდ 16%, დანარჩენი განაწილდა Sony-სა და Nintendo-ს პროდუქტებს შორის, თუმცა ზუსტი ციფრები საზოგადოებისთვის არ ზიარდება. რაც შეეხება კონსოლების გაყიდვიდან მიღებული შემოსავლისა და მოხმარებაში არსებული კონსოლების წილს - ბოლო შემთხვევაში Xbox-ზე მოდის 21%. როგორც Microsoft ამტკიცებს, კომპანია ფსონს საკუთარ სტრატეგიაზე დებს - უპირატესობას ანიჭებს თამაშების და არა კონსოლების გაყიდვას. იგი ფაქტობრივად ზარალზე ყიდის კონსოლებს და ამ ზარალს თამაშებითა და გეიმინგ აქსესუარებით აკომპენსირებს. ყველა არგუმენტი Microsoft-ის თავდაცვის სტრატეგიის ნაწილია FTC-ის წინააღმდეგ, რომელიც აპირებს მინიმუმ შეაჩეროს Microsoft-ის მიერ Activision-ის შესყიდვის პროცესი წინასწარი შეთანხმების მიღებით, რასაც კომპანია სასამართლოში ებრძვის. თუ აკრძალვა ძალაში შევა, ეს ხელს შეუშლის გარიგების დახურვას მტკიცებულებათა მოსმენის დაწყებამდე ( 2 აგვისტო), თუმცა გარიგების პირობებით იგი რეალურად ჯერ კიდევ 18 ივლისს უნდა დახურულიყო. ამის გამო მხარეებს შესაძლოა ხელახლა მოლაპარაკება მოუწიოთ შესყიდვის პირობებზე. FTC აპირებს შეაჩეროს შერწყმა და განმარტებისთვის მოჰყავს პროტესტი, რომ იგი Microsoft-ს საშუალებას მისცემს დომინირებდეს ბაზარზე პოპულარული ფრენჩაიზ Call of Duty-ს შეთავაზებით ექსკლუზიურად Xbox-სა და PC-ზე. ამ შესაძლებლობის ალბათობაზე ასევე ჩიოდა Sony, თუმცა Microsoft-მა უარყო ეს შესაძლებლობა. თავის მხრივ კომპანია ჩიოდა, რომ კონსოლების ბაზრის მცირე წილმა აუცილებელი გახადა Activision-ის ყიდვა, რათა IT გიგანტის გეიმინგ ბიზნესი გახდეს უფრო წარმატებული კონკურენტების სრულფასოვანი მოწინაღმდეგე. https://tinyurl.com/4v8xbw5t

კომპანია Boston Dynamics-ს, როდესაც მან ოთხფეხა რობო-ძაღლ Spot-ის გაყიდვა დაიწყო, ერთი პირობა ჰქონდა - არ გამოეყენებინათ იგი იარაღად. თუმცა ცოტა ხნის წინ წარადგინეს რობოტი Thermonator, რომელიც Spot-ზე პატარაა და მწარმოებელი კომპანია არ ახდენს მის პოზიციონირებას, როგორც იარაღს მიუხედავად იმისა, რომ რობოტი აღჭურვილია 9 მეტრის რადიუსში მოქმედი ცეცხლმფრქვევით. ფოტოს წყარო: Throwflame რობოტი Thermonator შექმნა ამერიკულმა კომპანია Throwflame-მა, იგი სპეციალიზებულია კომპაქტური და სრულად ელექტრო ცეცხლმფრქვევების გაყიდვაში, რომლებიც ღია ალის ნაცვლად იყენებენ ღილაკებით პლაზმურ აალებას. ვინაიდან Boston Dynamics-ის Spot რობოტების რეგულაციები კრძალავს რობოტის გამოყენებას ასეთი მიზნებისთვის, Throwflame-მა თანამშრომლობის წინადადებით მიმართა ჩინურ კომპანია Unitree-ს. Thermonator დამყარებულია ოთხფეხა რობოტ Unitree Go1-ზე. იგი გაცილებით პატარა და კომპაქტურია Boston Dynamics-ის Spot-თან შედარებით, მაგრამ ასევე აღჭურვილია მრავალი კამერითა და სენსორით, რაც მას ავტონომიურობის გარკვეულ დონეს ანიჭებს. რობოტის მართვა ასევე შესაძლებელია უსადენო კონტროლერით. Thermonator-ს ზურგზე დამაგრებული აქვს ცეცხმლტყორცნ ARC Flamethrower-ის სპეციალური მოდიფიკაცია, რომლის შემადგენლობაში შედის ბენზინ-დიზელის ნარევის ავზი. ყველაზე დიდი ბატარეის გამოყენებისას რობოტს 45 წუთის განმავლობაში შეუძლია მუშაობა. რობოტ Unitree Go1-ს სტანდარტული მოდიფიკაციის წონა დაახლოებით 12 კგ-ს შეადგენს, ზომა - 0.588 × 0.22 × 0.29 მეტრს. ცეცხლმფრქვევის დამატებისას წონა თითქმის 27 კგ-მდე იზრდება, რაც, ცხადია, ამცირებს მისი ავტონომიური მუშაობის დროს. Thermonator ჯერჯერობით გაყიდვაში ხელმისაწვდომი არ არის. დაინტერესებულ პირებს შეუძლიათ განაცხადი დატოვონ კომპანიის ვებ-გვერდზე, კომპანია კი მათ აცნობებს, როდესაც რობოტი გაყიდვაში გამოვა. მწარმოებელი რობოტის მიწოდების დაწყებას მიმდინარე წლის მესამე კვარტლიდან გეგმავს. Thermonator-ის ფასი ჯერ არ გამოცხადებულა. რობოტ Unitree Go1-ის სტანდარტული მოდიფიკაციის ფასი 2700-3500 აშშ დოლარია. 1000 აშშ დოლარი დაემატება მიწოდების თანხა, ცეცხლმფრქვევ ARC Flamethrower-ისთვის კი - კიდევ 699-დან 899 აშშ დოლარამდე ვერსიის შესაბამისად. სადემონსტრაციო ვიდეო შეგიძლიათ იხილოთ ბმულზე: https://tinyurl.com/24vkedzd https://tinyurl.com/2s4ebab9

აშშ-ის 2024 წლის საპრეზიდენტო არჩევნები შეიძლება გარდამტეხი მომენტი იყოს კრიპტო ინდუსტრიისა და მისი სამართლებრივი სტატუსისთვის. ეს მოსაზრება გამოთქვა Bitcoin-ბირჟა Coinbase-ის ხელმძღვანელმა ბრაიან არმსტრონგმა. ნიუ-იორკში გამართულ კონფერენციაზე ტოპ-მენეჯერმა აღნიშნა ციფრული აქტივების მარეგულირებელი სიცხადის გამოჩენის შესაძლებლობა აშშ-ს ფასიანი ქაღალდებისა და ბირჟების კომისიის (SEC) ბოლო პროცესის გამო სავაჭრო პლატფორმის წინააღმდეგ. ”ამჟამად პოლიტიკურად არაპოპულარულია კრიპტოვალუტების წინააღმდეგ გამოსვლა და ჩვენ პოტენციურად ვიხილავთ აქ ცვლილებებს, იქნება ეს ადმინისტრაციაში, პარტიებსა თუ SEC-ის თავმჯდომარეში,” - განმარტა მან. Coinbase-ის ხელმძღვანელის თქმით სასამართლოს შეუძლია განმარტოს საკითხი - მიეკუთვნება თუ არა კრიპტოვალუტები აქტივების გარკვეულ კლასს. ივნისში SEC-მა შეიტანა სარჩელი Binance-ისა და Coinbase-ის წინააღმდეგ. ამ უკანასკნელმა უარი თქვა ბიზნეს-მოდელის შეცვლაზე კომისიასთან დავის გამო. Coinbase-ის გენერალურმა იურიდიულმა მრჩეველმა პოლ გრევალმა უპასუხა მარეგულირებლის წინადადებას ბირჟის განმარტების DEX-ზე გაფართოების შესახებ. სპეციალისტმა განაცხადა, რომ სააგენტოს შესაძლებლობები „არ მოიცავს [დეცენტრალიზებული პლატფორმების] აკრძალვის უფლებას კონგრესისგან მკაფიო ავტორიზაციის არარსებობის შემთხვევაში“. Block-ის ხელმძღვანელმა ჯეკ დორსიმ მხარდაჭერა გამოუცხადა აშშ-ის პრეზიდენტობის კანდიდატ რობერტ ფრენსის კენედის უმცროსს, რომელიც ციფრული აქტივების მომხრეა. აპრილში პრეზიდენტობის კანდიდატმა განაცხადა, რომ Bitcoin და სხვა ციფრული აქტივები ტრადიციული ფინანსური სისტემის ალტერნატივას წარმოადგენს. https://tinyurl.com/36ja4x53

Activision Blizzard-ის შეძენის გარიგებასთან დაკავშირებულ სასამართლო დოკუმენტებში Microsoft-მა ახსენა შემდეგი თაობის Xbox კონსოლების, ასევე კონკურენტი Sony PlayStation 6-ის სავარაუდო გამოშვების თარიღი 2028 წელს. ინფორმაცია გამოჩნდა 77-გვერდიან დოკუმენტში, რომელიც შეტანილია აშშ-ის სასამართლოში IT გიგანტის მიერ Activision Blizzard-ის შეძენის იდეის დასაცავად - აშშ-ის ფედერალური სავაჭრო კომისია და სხვა მარეგულირებლები ცდილობენ მის დაბლოკვას. IGN-ის თანახმად, რომელმაც ყურადღებით განიხილა საქმის მასალები, შემდეგი თაობის კონსოლის მონაცემები გაჩნდა Sony-სთან 10-წლიანი შეთანხმების შესახებ Activision-ის Call of Duty ფრენჩაიზის თამაშების PlayStation კონსოლებისთვის გამოშვებასთან დაკავშირებული მოლაპარაკებების კონტექსტში. Microsoft-მა ამ თამაშების ვერსიების გამოშვება PlayStation-ისთვის შესთავაზა 10 წლის ვადით იმ იმედით, რომ Sony უარს იტყვის Activision-ის შეძენაზე და დაამატა, რომ ასეთი პირობები ნებისმიერ შემთხვევაში „გადაფარავს“ შემდეგი თაობის კონსოლების გაყიდვის თარიღის დაწყებას. ამრიგად, Call of Duty ასევე გამოვა შემდეგი თაობის PlayStation კონსოლებისთვისაც, თუ ასეთი კონსოლი გამოვა კონტრაქტის ვადის მოქმედების განმავლობაში. პროგნოზის მიხედვით Microsoft-ს ახალი Xbox-ისა და PlayStation 6-ის პრემიერამდე კიდევ ხუთი წელი მოუწევს ლოდინი. რა თქმა უნდა, სიტუაცია შეიძლება შეიცვალოს, მაგრამ პრემიერა 2028 წელს პირველად არ იქნა ნახსენები. ნოემბერში Sony-მ თავად ახსენა ახალი PlayStations გაერთიანებული სამეფოს მარეგულირებლებისთვის გადაცემული დოკუმენტებში, ასევე Microsoft-Activision-ის გარიგებასთან დაკავშირებით და ამტკიცებდა, რომ Microsoft-მა შესთავაზა Activision თამაშების მხარდაჭერის გაგრძელება PlayStation-ზე 2027 წლამდე. კომპანიამ დაამატა, რომ იმ დროისთვის, როდესაც ის ახალ კონსოლებს წარადგენს, მას აღარ ექნება წვდომა Call of Duty-სა და სხვა პოპულარულ ფრენჩაიზებზე, რაც მას უკიდურესად დაუცველს გახდის და დაკარგავს კონკურენტუნარიანობას. ეს ირიბად მიუთითებს იმაზე, რომ Sony ნამდვილად გეგმავს ახალი კონსოლების გამოშვებას 2028 წელს ან უფრო გვიან. https://tinyurl.com/ycyerw6m

პროგრამული უზრუნველყოფის შემქმნელებმა ყველაზე აქტიურად გამოიყენეს გენერაციული ხელოვნური ინტელექტის სისტემები, მაგრამ ასეთი სისტემები ასევე გამოყენებული იქნება ინჟინერიის სხვა სფეროებში. მაგალითად, Toyota Motor Corporation უკვე ატარებს ექსპერიმენტებს ხელოვნური ინტელექტის გამოყენებით, რათა ოპტიმიზაცია მოახდინოს თავისი მანქანების დიზაინის შემუშავების ადრეულ ეტაპზე. ფოტოს წყარო: Toyota Motor კალიფორნიაში დაფუძნებული Toyota Research Institute უკვე ატარებს ექსპერიმენტებს გენერაციული ხელოვნური ინტელექტის სისტემების გამოყენებით, რათა განისაზღვროს ავტომობილის დიზაინის კონცეფციები შემუშავების ადრეულ ეტაპზე. ტექსტური შეკითხვის გამოყენებით, რომელიც აღწერს მომავალი მანქანის ზოგად კონტურებსა და წყობას, ინჟინერებს შეუძლიათ აიძულონ ხელოვნური ინტელექტის სისტემა - შესთავაზოს დიზაინის რამდენიმე ვარიანტი ერთდროულად, რაც ითვალისწინებს თანდაყოლილ ტექნიკურ შეზღუდვებს, როგორიცაა წევის კოეფიციენტი, საბურავის ბაზის სიგრძე და საბარგულის სიმაღლე. ხელოვნური ინტელექტის სისტემას შეუძლია გამოიყენოს დიზაინერის მიერ ხელით შექმნილი ავტომობილის პროფილის საწყისი ესკიზი, რათა მოძებნოს ვარიაციები დიზაინში ძირითადი პარამეტრების თანდაყოლილი მოთხოვნების გათვალისწინებით. გამოსახულების სტილისტური მთლიანობის შენარჩუნებისას კომპიუტერი გთავაზობთ რამდენიმე სილუეტის ვარიანტს, რომლებიც ოპტიმიზირებულია სხვადასხვა ხარისხით იმავე აეროდინამიკის თვალსაზრისით. ვინაიდან ეს უკანასკნელი კრიტერიუმი ძლიერად მოქმედებს ელექტრო მანქანების ეფექტურობაზე, ასეთი დამხმარე ხელსაწყოები განსაკუთრებით აქტუალური გახდება უახლოეს მომავალში. საბოლოო დიზაინის ძიება ამ შემთხვევაში საგრძნობლად დაჩქარებულია, რაც ამცირებს ახალი მოდელების შემუშავების დროს. https://tinyurl.com/nhkkex58

გამოსასყიდი პროგრამების ოპერატორები, მავნე პროგრამის შემქმნელები და სხვა თავდამსხმელები აქტივობას დარქნეტიდან Telegram-ის არხებზე აგრძელებენ. ამის შესახებ წერს Bleeping Computer DRPS-პლატფორმა Flare-ის ანგარიშზე დაყრდნობით. ექსპერტებმა აღნიშნეს, რომ კიბერკრიმინალები სულ უფრო და უფრო ნაკლებად იყენებენ საიტებს Tor-ის ქსელში მათი ნელი სიჩქარის, ასევე სამართალდამცავი ორგანოების ყურადღების გაზრდის გამო. გარდა ამისა, ტრადიციული ბაზრები მოქმედებს როგორც საკლირინგო პალატა, რომელიც ინარჩუნებს ტრანზაქციებს 14 დღის განმავლობაში თაღლითობის თავიდან ასაცილებლად. „სავაჭრო პლატფორმების მფლობელებს შეუძლიათ მილიონობით დოლარის შენახვა კრიპტოვალუტაში და, შესაბამისად, არსებობს exit-სკამების თაღლითობის რისკი“, - განაცხადეს Flare-ში. Telegram-ს, პირიქით, აქვს მრავალი უპირატესობა კიბერკრიმინალებისთვის, მათ შორის მუშაობის სიჩქარე, ინფორმაციის მოძიების სიმარტივე და მომხმარებლების ფართო ბაზა. მესინჯერი უზრუნველყოფს ანონიმურობის აუცილებელ დონეს, რადგან იგი არ აკონტროლებს IP მისამართებს და უზრუნველყოფს პრივატული ჩატების შექმნის შესაძლებლობას. როგორც წესი, კიბერკრიმინალებთან დაკავშირებული Telegram-ის არხები სპეციალიზებულია ერთი კონკრეტული ტიპის საქმიანობაში, დარქნეტ სავაჭრო პლატფორმებისგან განსხვავებით. ამასთან, მათი ნაწილი მუშაობს პრემიალური პრინციპით, ყიდის ყოველთვიურ წვდომას მათში განთავსებულ ინფორმაციაზე 200-400 აშშ დოლარად Monero-ში. მესინჯერი ასევე საშუალებას აძლევს ჰაკერებს გაერთიანდნენ, რათა მოაწყონ ერთობლივი თავდასხმები ნებისმიერ კომპანიაზე ან მნიშვნელოვან ინფრასტრუქტურაზე. შეგახსენებთ, რომ 2022 წლის მეორე კვარტალში Positive Technologies-ის ექსპერტებმა აღნიშნეს Telegram-ში კრიმინალური კიბერ სერვისების ბაზარზე ორმაგი ზრდა. https://tinyurl.com/y6bpnpek

არსებობს მრავალი მოწყობილობა PCIe გაფართოების ბარათების ფორმ-ფაქტორით, მაგალითად, მარშრუტიზატორები. მაგრამ NVIDIA AX800 ამ კონცეფციას ახალ დონეზე აიყვანს - მის შემთხვევაში გაფართოების დაფა არის სრულფასოვანი მაღალი წარმადობის სერვერი. დაფა შეიცავს BlueField-3 DPU-ს, რომელიც აღჭურვილია 16 Arm-A78 Cortex ბირთვით, 32 გბ ოპერატიული მეხსიერებით, ასევე 80 გბ A100 ამაჩქარებლით. ახალი დაფა არის A100X ბარათის მემკვიდრე, მაგრამ ბევრად უფრო ეფექტური DPU-ით. ფოტოს წყარო: NVIDIA მოწყობილობაში ასევე მოცემულია 40 გბ მოცულობის SSD-პული, ორი 200GBE პორტი (QSFP56). ბარათი დამზადებულია FHFL ფორმ-ფაქტორში, აქვს პასიური გაგრილება და სითბური პაკეტი მაქსიმუმ 350 ვატი. დამატებით დისტანციური მართვისთვის გათვალისწინებულია 1GbE პორტი BMC ASPEED AST2600-ისთვის, ასე რომ საუბარი ეხება რეალურად სრულფასოვან სერვერს. PCB-ზე მოცემულია NVLink-ის კონექტორები - ამ გადაწყვეტილებას შეუძლია იმუშავოს არა ცალკეულად, არამედ მაღალი სიმჭიდროვის მრავალპროცესორიანი სერვერის შემადგენლობაში. NVIDIA AX800 საშუალებას იძლევა აიწყოს სრულად აჩქარებადი 5G vRAN სტეკი. NVIDIA ახალ მოწყობილობას წარმოგვიდგენს, როგორც გადაწყვეტილებას 5G vRAN სისტემებისთვის, თუმცა მისი გამოყენება ასევე შესაძლებელია პერიფერიული მოწყობილობების მაღალი სიმჭიდროვის სისტემებში ხელოვნური ინტელექტის ამოცანების შესრულებისთვის. პროგრამული პლატფორმის სახით შემოთავაზებულია Aerial 5G vRAN. დაფა აჩქარებს 5G-ის L1/L2 ტრაფიკს და შეუძლია უზრუნველყოს 36.56 და 4.794 გბ/წმ-მდე დაღმავალი და აღმავალი სიჩქარეები (4T4R). პლატფორმაზე მხარდაჭერილია მასშტაბირება 2T2R-დან 64T64R-მდე (massive MIMO). ხოლო MIG მხარდაჭერა უზრუნველყოფს ხელოვნური ინტელექტისა და 5G დატვირთვების მოქნილი გადანაწილების საშუალებას. https://tinyurl.com/fjurhv7h

Microsoft-მა დეტალურად აღწერა საკუთარი კვანტური კომპიუტერის აწყობის გეგმები ტოპოლოგიური კუბიტების გამოყენებით - ეს არის გადაწყვეტილება, რომელზეც კომპანია რამდენიმე წელია მუშაობს. სამოქმედო გეგმის მიხედვით ჯერ კიდევ ბევრი შუალედური ეტაპია დასაძლევი, მაგრამ, როგორც Microsoft-ის კვანტური განვითარების ვიცე-პრეზიდენტმა Krysta Svore-მ განაცხადა, სუპერკომპიუტერის შექმნას, რომელიც წამში მილიონი კვანტური ოპერაციის შესრულებას შეძლებს, ათ წელზე ნაკლები დასჭირდება. ფოტოს წყარო: efes / pixabay.com გასულ წელს Microsoft-მა გამოაცხადა მნიშვნელოვანი გარღვევა, როდესაც მისმა დეველოპერებმა იპოვეს გზა Majorana fermions-ზე დამყარებული კუბიტების შესაქმნელად - ისინი უკიდურესად სტაბილურია, მაგრამ ძალიან რთული მოსაპოვებელი. ამ მიმართულებით კორპორაცია თავიდანვე დებს ფსონს, პირველი ხელშესახები წარმატებებიდან ერთი წლის შემდეგ Microsoft-ის ინჟინრებმა გამოაქვეყნეს სტატია რეცენზირებად ჟურნალში, სადაც განაცხადეს, რომ გადალახეს პირველი ეტაპი კვანტური სუპერკომპიუტერის შექმნის გზაზე. მკვლევარებმა გაცილებით მეტი მონაცემი მოგვაწოდეს, ვიდრე ერთი წლის წინ, როდესაც პირველად ისაუბრეს თავიანთ სამუშაოზე. დღესდღეობით Microsoft-ს აქვს საშუალო მასშტაბის კვანტური მანქანები - ისინი ჯერ კიდევ არ არიან საკმარისად სანდო, რომ რაიმე პრაქტიკული გააკეთონ, ამიტომ შემდეგი ნაბიჯი იქნება გამოთვლების სიზუსტის უზრუნველყოფა. მკვლევარები გეგმავენ ააწყონ სისტემა, რომელსაც შეუძლია შეასრულოს მილიონი საიმედო კვანტური ოპერაცია წამში, ტრილიონ ოპერაციაში მხოლოდ ერთი ხარვეზით. 10 მიკრონზე ნაკლები ზომის თითოეულ კუბიტს აპარატული დაცვა ექნება. ამის შემდეგ შემუშავდება მათი ჩახლართული კონტროლის მექანიზმი. კომპანიას დაეხმარება მისი ახალი პლატფორმა Azure Quantum Elements, რომელიც დააჩქარებს სამეცნიერო მუშაობას მაღალი ხარისხის ტრადიციული გამოთვლის, ხელოვნური ინტელექტის ალგორითმებისა და კვანტური გამოთვლის კომბინაციებით. მეცნიერებისა და სტუდენტებისთვის ახალი დამხმარე ინსტრუმენტი ასევე იქნება Copilot AI მოდელი Azure Quantum-ისთვის, რომელიც შექმნილია კვანტური გამოთვლებისა და სიმულაციებისთვის. https://tinyurl.com/pa2xdwnf

ფედერალური სარეზერვო სისტემა სავარაუდოდ გაზრდის საპროცენტო განაკვეთებს უახლოეს თვეებში, მაგრამ ამას უფრო ნელი ტემპით გააკეთებს, ვიდრე ადრე, განაცხადა სააგენტოს ხელმძღვანელმა ჯერომ პაუელმა, წერს The Wall Street Journal. 14 ივნისს 2022 წლის მარტის შემდეგ პირველად ცენტრალურმა ბანკმა შეინარჩუნა ძირითადი განაკვეთის დიაპაზონი წლიურ 5-5.25% დონეზე. „იმის გათვალისწინებით, თუ რამდენად შორს წავედით, აზრი შეიძლება ჰქონდეს პარამეტრის გაზრდას, მაგრამ უფრო ზომიერი ტემპით“, - განაცხადა პაუელმა. Fed-ის ხელმძღვანელმა უახლესი გადაწყვეტილება შეადარა მძღოლს, რომელიც გზატკეცილიდან გასვლის შემდეგ მოძრაობს უფრო დაბალი სიჩქარით, რათა არ გაცდეს საბოლოო დანიშნულების ადგილს. გამოცემაში აღნიშნულია, რომ წელს ინფლაცია და ეკონომიკური აქტივობა ისე არ შენელდა, როგორც ბევრი ოფიციალური პირი ელოდა. შედეგად გაიზარდა გაურკვევლობა იმის შესახებ, თუ რამდენად გაამკაცრებდა ფედერალური სარეზერვო სისტემა მონეტარულ პოლიტიკას. ოფიციალური პირები ხედავენ რისკს, რომ განაკვეთების ზრდა საბანკო სექტორში ბოლოდროინდელ სტრესებთან ერთად გამოიწვევს მშპ-ს ზრდის მოსალოდნელზე მკვეთრ შენელებას, აღნიშნეს WSJ-ში. ისინი ცდილობენ დააბალანსონ ეს რისკით, რომ ეკონომიკა მოსალოდნელზე ძლიერი იქნება და ინფლაცია ძალიან მაღალი დარჩება, რაც შემდგომ გამკაცრებას მოითხოვს. Fed-ის განაკვეთის პროგნოზი წელს კიდევ ორი ზრდის საშუალებას იძლევა. პაუელმა მას უწოდა "კარგი იმ პირობით, რომ ეკონომიკა იმოქმედებს ისე, როგორც მოსალოდნელია". ”კომიტეტი მიიღებს გადაწყვეტილებებს შეხვედრის გზით, შემოსული მონაცემების მთლიანობიდან გამომდინარე,” - განმარტა პაუელმა. ფიუჩერსების ბაზრის მიხედვით ივლისში ძირითადი განაკვეთების ზრდის ალბათობა 71.9%-ია. ერთი თვის წინ ბაზარმა იგი 32.9%-ად შეაფასა. ფედერალური სარეზერვო სისტემი პოზიციაზე გავლენა იქონია Silicon Valley Bank-ის კოლაფსმა, რამაც გამოიწვია ეჭვები რიგი რეგიონული ბანკების სტაბილურობაზე. მარტის სხდომის ოქმში კომიტეტის ზოგიერთმა წევრმა გამოთქვა ეჭვი პოლიტიკის შემდგომი გამკაცრების მიზანშეწონილობის შესახებ. ბანკის წარუმატებლობამ შეიძლება გაართულოს ფედერალური რეზერვების მდგომარეობა, დაასკვნა WSJ-მა. შეგახსენებთ, Nansen-ის ანალიტიკოსებმა აღნიშნეს, რომ Bitcoin-ის ხარული ბაზრის განახლება მოითხოვს მარეგულირებელ სიცხადეს შეერთებულ შტატებში და ძირითადი ინფლაციის სტაბილურ შემცირებას. ადრე CoinShares-ის ანალიტიკოსებმა მიუთითეს კრიპტოვალუტების ბაზარზე ინვესტორების სიფრთხილეზე ფედერალური სარეზერვო სისტემის მონეტარული პოლიტიკის გამკაცრების ციკლის დასრულების საკითხში დარწმუნების ნაკლებობის გამო. https://tinyurl.com/kvjvvxnw

უკვე დიდი ხანია კომპანია Google ცდილობს მომხმარებლები დაარწმუნოს შეიძინონ არა მხოლოდ დიდი რაოდენობით Chromebook-ები, არამედ ამ კლასის უფრო ძვირადღირებული მოდელები მაღალი წარმადობის კომპონენტებით. არ არის გამორიცხული, რომ მალე ასეთი მოწყობილობები გამოვიდეს სავაჭრო ნიშნით Chromebook X. ფოტოს წყარო: dawnfu/pixabay.com 2022 წელს კომპანია თანამშრომლობდა კომპიუტერების მწარმოებლებთან, რომელთა შორისაა Lenovo, Acer და ASUS, მაღალი წარმადობის Chromebook-ების წარმოებისთვის, რომლებიც თავსებადი იქნებოდა ისეთ სტრიმინგ-სერვისებთან, როგორებიცაა Microsoft Xbox Cloud Gaming და NVIDIA GeForce Now. პორტალი 9to5Google აცხადებს, რომ Google ამჟამად ამზადებს Chromebook X-ს, როგორც Chromebook-ის ცალკეულ ქვესერიას. ადრე ასეთ მოდელებს ეწოდებოდა Plus და Premium. არ არის გამორიცხული, რომ დასახელება პრემიერამდე შეიცვალოს. მოხსენებაში ნათქვამია, რომ Chromebook X უნდა აკმაყოფილებდეს გარკვეულ მოთხოვნებს. კერძოდ, მათ უნდა ჰქონდეს განსაზღვრული პროცესორები AMD Zen 2+ და Zen 3 არქიტექტურის მქონე მოდელების ჩათვლით (უნდა აღინიშნოს, რომ წყაროს აღწერაში სავარაუდოდ შეცდომაა, რადგან Zen 2+ არქიტექტურა არ არსებობს), აგრეთვე მე-12 თაობის Intel Core ჩიპები. მომავალში შესაძლოა გამოყენებული იქნას ახალი პროცესორები. ახალი სერიის დამატებითი მოთხოვნები იქნება გაზრდილი ოპერატიული მეხსიერება (ჩვეულებრივ, Chromebook-ებში ოპერატიული მეხსიერების მოცულობა მცირეა) და მაღალი ხარისხის ვებ-კამერები ვიდეო კონფერენციებისთვის. გამორიცხული არ არის, რომ Chromebook X-მა მიიღოს პროგრამული ფუნქციები, რომლებიც არ არის ხელმისაწვდომი ჩვეულებრივ Chromebook-ებში. მაგალითად, ზოგიერთი პროგრამული უზრუნველყოფა მხარს დაუჭერს აპლიკაციებში სუბტიტრების შექმნას რეალურ დროში კომუნიკაციისთვის, შესაძლებელი იქნება ფონის დაბინდვა ვიდეო კონფერენციების დროს, უზრუნველყოფილი იქნება ფაილებზე წვდომა Google Drive-დან ოფლაინ-რეჟიმში, ასევე გამოჩნდება სხვა შესაძლებლობები. გავრცელებული ინფორმაციით Chromebook X-ის ბრენდის პირველი Chrome OS ლეპტოპები გამოჩნდება 2023 წლის ბოლომდე, სავარაუდოდ შემოდგომა-ზამთრის არდადეგების სეზონზე. ამავე დროს, მიიჩნევა, რომ თავად Google არ გამოუშვებს ამ სერიის მოდელებს, ყოველ შემთხვევაში, ჯერჯერობით. ამას გააკეთებენ Lenovo, ASUS და კომპანიის სხვა პარტნიორები. მოგეხსენებათ, Chromebook-ების სამიზნე აუდიტორია შედარებით იაფი ბიუჯეტის მქონე მომხმარებლები არიან, ასე რომ უცნობია, როგორ განახორციელებს გაუმჯობესებული ფუნქციების მქონე Google Chromebook X-ის პოპულარიზაციას, რაც ნამდვილად დაჯდება ჩვეულებრივზე მეტი. https://tinyurl.com/yx7yrnk4

როგორც გასულ შემოდგომაზე Microsoft Gaming-ის აღმასრულებელმა დირექტორმა ფილ სპენსერმა მიანიშნა, Xbox-ის კონსოლებისა და Game Pass-ის გამოწერები გაძვირდება - ფასების კორექტირება მოხდება უახლოეს თვეებში. ფოტოს წყარო: Steam როგორც ცნობილი გახდა, 1 აგვისტოდან უმეტეს ქვეყანაში (აშშ-ის, იაპონიის, ჩილეს, ბრაზილიისა და კოლუმბიის გარდა) Xbox Series X-ის ფასები PS5-ის დონემდე გაიზრდება (მისი ღირებულება გაიზარდა 2022 წლის აგვისტოში. ). ევროპის ქვეყნებში Xbox Series X 1 აგვისტოდან 550 ევრო ეღირება (ღირდა 500), დიდ ბრიტანეთში - 480 ფუნტი (450), კანადაში - 650 კანადური დოლარი (600), ავსტრალიაში - 800 ავსტრალიური დოლარი (იყო 750). „ჩვენ წლების განმავლობაში ვიცავდით და ვარეგულირებდით ფასებს კონსოლებზე, რათა ასახულიყო კონკურენტული პირობები თითოეულ ბაზარზე“, - განაცხადა Kari Perez-მა, Xbox-ის საერთაშორისო კომუნიკაციების ხელმძღვანელმა. Xbox Series S-ს ფასის კორექტირება არ შეეხება (ფოტოს წყარო: BBC) Game Pass-ის ყოველთვიური გამოწერები Xbox Game Pass Ultimate-სა და Xbox Game Pass-ზე (არა PC Game Pass-ზე) გაიზრდება 13 აგვისტოდან (გერმანიის შემთხვევაში -13 სექტემბრიდან) აქტიური აბონენტებისთვის, ხოლო 6 ივლისიდან - ახალი მომხმარებლებისთვის. აშშ-ში Xbox Game Pass Ultimate-ის ფასი თვეში 15-დან 17 აშშ დოლარამდე გაიზრდება, ხოლო Xbox Game Pass - 10-დან 11 აშშ დოლარამდე. The Verge-მა ასევე შეადგინა Game Pass ფასების ცვლილებების შემაჯამებელი ცხრილი ქვეყნების მიხედვით (იხილეთ სურათი ქვემოთ). კორექტირება ( სერვისის ისტორიაში პირველად) არ შეეხება მხოლოდ ნორვეგიას, ჩილეს, დანიას, შვეიცარიას და საუდის არაბეთს მხოლოდ კონსოლის Game Pass-ის შემთხვევაში. ცვლილებები არ არის დაკავშირებული Activision Blizzard-ის შეძენის გარიგებასთან. https://tinyurl.com/yvumrydk

21 ივნისს პირველი კრიპტოვალუტის კოტირებებმა გარკვეულ მომენტში 29 ათას აშშ დოლარიან დონეს გადააჭარბა. ციფრული აქტივების ბაზრის ჯამური კაპიტალიზაცია მიუახლოვდა 1.2 ტრილიონ აშშ დოლარს. წერის მომენტისთვის Bitcoin 28 940 აშშ დოლარად იყიდება, CoinGecko-ს ცნობით გასული დღე-ღამის განმავლობაში აქტივი 8%-ით გაძვირდა. BTC/USDT-ის საათობრივი გრაფიკი ბირჟა Binance-ზე. წყარო: TradingView Bitcoin-ის კვალად კაპიტალიზაციის მიხედვით ტოპ-10-ში შემავალი ყველა აქტივი იყო „მწვანე ზონაში“. ყველაზე მეტად გაიზარდა Cardano-ს (+8.7%) და Solana-ს (+5.8%) ღირებულება დღის განმავლობაში. წყარო: CoinGecko. The Block Research-ის ანალიტიკოსი კევინ პენგი Bitcoin-ის ფასის ზრდას ოპტიმიზმს მიაწერს, რადგან აქტივების მმართველმა BlackRock-მა შეიტანა განაცხადი Bitcoin ETF-ის ამოქმედებისთვის. პირველი კრიპტოვალუტის დომინირების ინდექსი 51%-ს მიუახლოვდა. შეგახსენებთ, რომ 10 ივნისს Bitcoin-ის ფასი 26 000 აშშ დოლარზე დაბლა ჩამოვიდა, 14 ივნისს ციფრული ოქროს ფასმა დაიწყო აღდგენა მას შემდეგ, რაც ფედერალურმა სარეზერო სისტემამ შეინარჩუნა ძირითადი განაკვეთი. მანამდე MicroStrategy-ის დამფუძნებელმა მაიკლ სეილორმა ივარაუდა Bitcoin-ის ფასის მრავალჯერადი ზრდა რეგულაციის გამო. მისი აზრით, SEC-ის ქმედებები საფუძველს უყრის მომდევნო ზრდის ფაზებს. CFTC-ის ყოფილმა თავმჯდომარე ტიმოთი მასადმა განაცხადა, რომ ციფრული აქტივების მომავალი დამოკიდებულია SEC-ის სარჩელის შედეგზე კრიპტოვალუტის ბირჟების Binance-ისა და Coinbase-ის წინააღმდეგ. https://tinyurl.com/5brfj3wz

TrendForce-ის ანალიტიკოსებმა დაადგინეს, რომ ნახევრადგამტარი კომპონენტების ათმა უმსხვილესმა მწარმოებელმა პირველ კვარტალში შეძლეს ჯამური შემოსავლის 0.1%-ით გაზრდა 33.86 მლრდ აშშ დოლარამდე. ინდუსტრიისთვის დამახასიათებელი მოთხოვნის სეზონური კლების შედეგად კომპანიები ვერ გათავისუფლდნენ სასაწყობე ჭარბი მარაგებისგან და მოთხოვნა დაბალ დონეზე შენარჩუნდა. ამასთან, NVIDIA-ს შემოსავალი გაიზარდა 13.5%-ით და მიუახლოვდა Broadcom-ს, რომელიც რეიტინგში მეორე პოზიციას იკავებს. ფოტოს წყარო: NVIDIA გეიმინგ სეგმენტში 20%-ით და სერვერების სეგმენტში 10%-ით შემოსავლის ზრდამ NVIDIA-ს საშუალება მისცა წილი გაემყარებინა მსოფლიო ლიდერების ათეულში 17.5-დან 19.9%-მდე, ხოლო Broadcom-ის წილი 0.6%-ით შემცირდა 20.4%-მდე შემოსავლების 2.7%-ით თანმიმდევრული შემცირების გამო. TrendForce-ის თანახმად კომპანიის შემოსავალი შემცირდა სასერვერო შენახვის სისტემებზე მოთხოვნის კლებისა და უსადენო კომპონენტების სეგმენტის სეზონური კლების გამო. ნახევრადგამტარი კომპონენტების უმსხვილეს მწარმოებლებს შორის შემოსავლის სიდიდით ლიდერად რჩება Qualcomm, რომელმაც პირველი კვარტალი 7.942 მლრდ აშშ დოლარიანი შემოსავლით დაასრულა: დააფიქსირა 0.6%-იანი ზრდა და გაიმყარა 23.5%-იანი წილი. სმარტფონების მიმართულებით Qualcomm-ის შემოსავალი პირველ კვარტალში გაიზარდა 6.1%-ით. შედარებისთვის, კონკურენტი MediaTek-ის შემოსავალი სმარტფონების მიმართულებიდან 20%-ით შემცირდა, ენერგეტიკული ელექტრონიკის სეგმენტში - 13%-ით, რამაც გამოიწვია კომპანიის ჯამური შემოსავლის 8.8%-ით შემცირება და ლიდერების ათეულში მისი წილის ვარდნა 10.9-დან 9.3%-მდე. ფოტოს წყარო: TrendForce კომპანია AMD-მ კვარტალი დაასრულა რეიტინგში მეოთხე ადგილით, თუმცა მისი შემოსავალი შემცირდა 21.8%-ით მონაცემთა დამუშავების ცენტრების სეგმენტში და 18.2%-ით - სამომხმარებლო სექტორში. ჩასაშენებელი და გეიმინგ გადაწყვეტილებების სეგმენტში შემოსავლის ზრდამ ვერ დააკომპენსირა ხსენებული ტრენდი სრულად, შედეგად AMD-ის ჯამური შემოსავალი პირველ კვარტალში შემცირდა 4.4%-ით 5.35 მლრდ აშშ დოლარამდე. კომპანიის საბაზრო წილი შემცირდა 16.5-დან 15.8%-მდე. მეორე კვარტალში პროდუქციის სასაწყობე მარაგები უფრო ჯანსაღ პირობებში უნდა იყოს გასული წლის მეორე კვარტალთან შედარებით, მიიჩნევენ TrendForce-ის ექსპერტები. ხელოვნური ინტელექტის სისტემების კომპონენტებზე მძლავრმა მოთხოვნამ ანალიტიკოსების აზრით, შესაძლოა, მიმდინარე წლის მეორე კვარტალშივე შეუწყოს ხელი NVIDIA-ს მიერ პირველი ადგილის დაკავებას ჩიპების მწარმოებლების ათეულში შემოსავლების მხრივ. თანამდევი პროდუქციის მომწოდებლებიც სარგებელს ნახავენ ამ ტენდენციიდან. არსობრივად, სწორედ NVIDIA გახდა ლიდერი შემოსავლების ზრდის ტემპის თვალსაზრისით პირველ კვარტალში მსოფლიოში ჩიპების ათ უმსხვილეს მწარმოებელს შორის. https://tinyurl.com/cxy4t2yf

ჩატ-ბოტ ChatGPT-ის 100 ათასზე მეტი მომხმარებლის მონაცემები სავაჭრო დარქნეტ პლატფორმებზე აღმოჩნდა, ნათქვამია კიბერუსაფრთხოების სფეროს საერთაშორისო კომპანია Group-IB-ს ანგარიშში. მონაცემების გაჟონვა დაფიქსირდა 2022 წლის ივნისიდან მიმდინარე წლის მაისამდე პერიოდში. ფოტოს წყარო: The Hacker News სპეციალისტები აღნიშნავენ, რომ დარქნეტში მონაცემების ყველაზე მნიშნვნელოვანი ატვირთვა შეინიშნა მიმდინარე წლის მაისში. „ხელმისაწვდომი ჩანაწერების რაოდენობამ, რომლებიც შეიცავს ChatGPT-ის გატეხილ ანგარიშებს, პიკს (26802 ჩანაწერს) მიაღწია 2023 წლის მაისში. გასული წლის განმავლობაში გასაყიდად ChatGPT-ის ექაუნთების მონაცემების ყველაზე მაღალი კონცენტრაცია დაფიქსირდა აზია-წყნარი ოკეანის რეგიონში, ”- ნათქვამია კომპანიის ანგარიშში. ქვეყნების თვალსაზრისით ChatGPT-ის მომხმარებელთა ინფორმაციის გაჟონვის ყველაზე მეტი მაჩვენებელი დაკვირვებულ პერიოდში დაფიქსირდა ინდოეთიდან (12632 ჩანაწერი), პაკისტანიდან (9217 ჩანაწერი) და ბრაზილიიდან (6531 ჩანაწერი). დარქნეტში ასევე გამოჩნდა ჩატ-ბოტის მომხმარებლების მონაცემები ვიეტნამიდან, ეგვიპტიდან, შეერთებული შტატებიდან, საფრანგეთიდან, მაროკოდან, ინდონეზიიდან და ბანგლადეშიდან. ფოტოს წყარო: Group-IB Group-IB-ის სპეციალისტები აღნიშნავენ, რომ ლოგები, რომლებიც შეიცავს მომხმარებლების შესახებ მაკომპრომეტირებელ ინფორმაციას, აქტიურად იყიდება დარქნეტ სავაჭრო პლატფორმებზე. სხვა საკითხებთან ერთად ეს მონაცემები შეიცავს ინფორმაციას კომპრომეტირებული მომხმარებლების დომენებისა და IP მისამართების შესახებ. ანალიზმა აჩვენა, რომ ყველაზე მეტი ჩანაწერი (78348 ერთეული) მოპარულ იქნა ზიანისმომტან პროგამა Raccon-ის მეშვეობით, რომელიც ხელმისაწვდომი იყო Malware as a Service-ის სახით. მას მოსდევს ჯაშუშური პროგრამული უზრუნველყოფა Windows-ისთვის და ინფორმაციის მოპარვის რესურსი Vidar. მისი მეშვეობით მოპარულ იქნა ChatGPT-ის 12984 ექაუნთის ჩანაწერი. მესამე ადგილზეა (6773 მოპარული ჩანაწერი) ტროიანი RedLine, რომელიც იპარავს cookie ფაილებს, მომხმარებლების სახელებსა და პაროლებს, ვებ-ბრაუზერში შენახული საკრედიტო ბარათის მონაცემებს, აგრეთვე დავირუსებული მოწყობილობის ფაილებს და FTP მონაცემებს. უნდა გვესმოდეს, რომ ეს არ არის მხოლოდ პირადი ინფორმაციის ქურდობა. ChatGPT-ის ანგარიშში მოიპოვება როგორც პირადი, ასევე პროფესიული კონტენტი კომპანიის სავაჭრო საიდუმლოებებიდან, რომლებიც არ უნდა იყოს იქ, ასევე პირადი დღიურები. „მაგალითად, კომპანიების თანამშრომლებს შეუძლიათ შეიყვანონ საიდუმლო ინფორმაცია ჩატ-ბოტის საძიებო მოთხოვნაში ან გამოიყენონ ბოტი პროგრამის კოდის ოპტიმიზაციისთვის. იმის გათვალისწინებით, რომ ChatGPT-ის ნაგულისხმევი კონფიგურაცია ინახავს ყველა მოთხოვნას, ამ მონაცემების გაჟონვამ შესაძლოა თავდამსხმელს წვდომას მისცეს ღირებულ ინფორმაციაზე“, - ნათქვამია Group-IB-ის კომენტარში. https://tinyurl.com/4hyj9x34

კრიპტოვალუტების საინვესტიციო პროდუქტებიდან თანხების გადინებამ 10-დან 16 ივნისამდე პერიოდში შეადგინა 5.1 მლნ აშშ დოლარი, ერთი კვირით ადრე ეს მაჩვენებელი 88 მლნ აშშ დოლარი იყო. ეს შეფასება CoinShares-ის ანალიტიკოსებმა გააკეთეს. ფონდებმა დაკარგეს 423 მლნ აშშ დოლარი ბოლო ცხრა კვირის განმავლობაში. წინა ჯერზე ინვესტიციები ასე სწრაფად მცირდებოდა 2022 წლის აპრილიდან ივნისამდე პერიოდში. საანგარიშო კვირის ბოლოს სიტუაცია განიმუხტა მცირე შემოდინებით იმ ინფორმაციის ფონზე, რომ BlackRock-მა SEC-ში შეიტანა განაცხადი სპოტ Bitcoin-ETF-ის ასამოქმედებლად, განაცხადეს სპეციალისტებმა. წყარო: CoinShares. Bitcoin-პროდუქტებიდან გატანილ იქნა 0.5 მლნ აშშ დოლარი (51.6 მლნ აშშ დოლარი ერთი კვირით ადრე). Ethereum-ის ფონდებში დაფიქსირდა 5 მლნ აშშ დოლარის გადინება, წინა საანგარიშო პერიოდში 35.6 მლნ აშშ დოლარი იყო. Altcoin-ებში შერეული დინამიკა დაფიქსირდა. XRP-ზე, Cardano-სა და Polygon-ზე დამყარებულმა პროდუქტებმა მოიზიდეს 1 მლნ, 0.6 მლნ და 0.2 მლნ აშშ დოლარი, შესაბამისად. 0.4 მლნ აშშ დოლარი იქნა გატანილი Tron-სა და Avalanche-ზე დამყარებული ფონდებიდან, ხოლო 1.2 მლნ აშშ დოლარი - აქტივების კალათზე დამყარებული პროდუქტებიდან. წყარო: CoinShares. „მიუხედავად გაუმჯობესებული მარეგულირებელი პირობებისა ჰონგკონგში, წლის დასაწყისიდან არ მომხდარა თანხების საგრძნობი შემოდინება ETP-ებში. ჩინეთის სპეციალურ ადმინისტრაციულ რეგიონში დარეგისტრირებული კომპანიების AUM 39 მლნ დოლარს აღწევს“, - აცხადებენ ექსპერტები. ერთი კვირით ადრე CoinShares-მა აღნიშნა ინვესტორების სიფრთხილე ფედერალური სარეზერვო სისტემის მონეტარული პოლიტიკის გამკაცრების ციკლის დასრულების საკითხში დარწმუნების ნაკლებობის გამო. შეგახსენებთ, რომ 14 ივნისის შემდეგ ფედერალურმა სარეზერვო სისტემამ პირველად 2022 წლის მარტის შემდეგ შეინარჩუნა ძირითადი კურსის დიაპაზონი 5-5.25% წლიურ დონეზე. ბაზარი არ გამორიცხავს მის ზრდას ივლისის სხდომის შემდეგ. მანამდე CFTC-ის ყოფილმა თავმჯდომარე ტიმოთი მასადმა განაცხადა, რომ ციფრული აქტივების მომავალი დამოკიდებულია Binance-ისა და Coinbase-ის წინააღმდეგ SEC-ის დავის შედეგზე. https://tinyurl.com/5n8xmp8k

მომდევნო თვეში სამხრეთ კორეაში გაიმართება ღონისძიება Samsung Galaxy Unpacked 2023. მისი პროგრამა ჯერჯერობით უცნობია, თუმცა პრეს-რენდერების მიხედვით შესაძლებელია ვარაუდი, რომ კომპანია გეგმავს პრეზენტაციის დამსწრეებს და ონლაინ-ტრანსლაციის მაყურებლებს წარუდგინოს არა მხოლოდ დასაკეცი სმარტფონები Galaxy Z Fold 5 და Galaxy Z Flip 5. ფოტოს წყარო: sammobile.com/@evleaks ცნობილ ინსაიდერ ევან ბლასის (@evleaks) მიერ გამოქვეყნებული ფოტოს თანახმად Samsung Galaxy Unpacked-ზე წარმოდგენილი იქნება დასაკეცი სმარტფონები Galaxy Z Fold 5 და Galaxy Z Flip 5, ფლაგმანური პლანშეტი Galaxy Tab S9, სმარტ-საათი Galaxy Watch 6 და უსადენო ყურსასმენი Galaxy Buds 3. მეორე ფოტოზე მოცემულია დასაკეცი Galaxy Z Flip 5, რომელიც აღჭურვილია დიდი გარე დისპლეით და ორი კამერით. წყაროების თანახმად სმარტფონი აგებულია Snapdragon 8 Gen 2 ჩიპზე, აქვს 12-მეგაპიქსელიანი კამერა და სახსრის ახალი მექანიზმი, რომელიც საშუალებას იძლევა სმარტფონი დაიკეცოს პრაქტიკულად დაკეცვის კვალის გარეშე. ტენისა და მტვრისგან დაცვის კუთხით მოწყობილობა აკმაყოფილებს IP57 სტანდარტს. ეჭვგარეშეა, რომ Galaxy Z Fold 5 დასაკეცი სმარტფონის პრეზენტაცია Galaxy Unpacked-ის დამსწრეთა მთავარი ყურადღების ცენტრში მოექცევა. როგორც ჩანს, სმარტფონს აქვს იგივე დიზაინი, როგორიც მის წინამორბედ Galaxy Z Fold 4-ს. ასევე მოსალოდნელია, რომ წარმოდგენილი იქნება წვეთის ფორმის განახლებული სახსარი, რისი წყალობით სმარტფონი დაიკეცება კვალის გარეშე. Galaxy Z Flip 5-ის მსგავსად Galaxy Z Fold 5 აგებული იქნება პროცესორ Snapdragon 8 Gen 2-ზე. აგრეთვე, როგორც მოსალოდნელია, სმარტფონი თავსებადი იქნება ციფრულ ფანქარ S Pen Fold Edition-თან. კიდევ ერთი სიახლეა სმარტ-საათი Galaxy Watch 6 Classic, რომელშიც კომპანია უბრუნდება მბრუნავი ჩარჩოს გამოყენებას. ასევე წარმოდგენილი იქნება სმარტ-საათის ვერსია მბრუნავი ჩარჩოს გარეშე, სახელწოდებით Galaxy Watch 6. მოსალოდნელია, რომ ესენი იქნება პირველი სმარტ-საათები One UI 5 Watch-ით ოპერაციულ სისტემა Google Wear OS-ის ბაზაზე, რომლის წარდგენა გასულ თვეში შედგა. მოწყობილობებს ექნება ჯანმრთელობის მონიტორინგისა და სპორტული აქტივობების ფუნქციების ფართო სპექტრი, რომელთა შორისაა გულის შეკუმშვის სიხშირისა და არტერიული წნევის კვლევა, ძილის ხარისხის და სტრესის დონის კონტროლი, ფიზიკური აქტივობის მონიტორინგი და ბევრი სხვა. ინფორმაცია სხვა მოწყობილობების შესახებ, რომლებიც წარმოდგენილი იქნება ღონისძიებაზე, პრეზენტაციის თარიღის მოახლოებისას გახდება ცნობილი. წყაროების თანახმად Samsung Galaxy Unpacked 2023 გაიმართება 27 ივლისს. ივლისის ბოლოს შესაძლებელი იქნება წარმოდგენილი სიახლეების წინასწარი შეკვეთა, ხოლო მომხმარებლებისთვის მიწოდება - აგვისტოში. https://tinyurl.com/nv6efa5b

TF International Securities-ის ცნობილ ანალიტიკოს Ming-Chi Kuo-ს ახალი ანგარიშის თანახმად iPhone 15 სერიის სმარტფონებს ექნება გაუმჯობესებული UWB-ჩიპი U1 შერეული რეალობის უსადენო ჰედსეტ Vision Pro-სთან უფრო მჭიდრო და საიმედო კავშირის უზრუნველყოფისთვის. „iPhone 15-ში, დიდი ალბათობით, განახლებული იქნება UWB-ის მახასიათებლები, საწარმოო პროცესის მხრივ კი 16-ნანომეტრიანს ჩაანაცვლებს უფრო მოწინავე 7-ნანომეტრიანი, რაც გაზრდის წარმადობას და შეამცირებს ენერგომოხმარებას ახლო ურთიერთქმედებისას“ - აცხადებს ანალიტიკოსი. Twitter-ის პოსტში Kuo-მ აღნიშნა, რომ Apple აქტიურად განაახლებს iPhone-ის აპარატულ მახასიათებლებს ახალი გეგმის რეალიზაციის ფარგლებში - შექმნას Vision Pro-ს კონკურენტუნარიანი ეკოსისტემა. „ეკოსისტემა არის Vision Pro-ს წარმატების ერთ-ერთი მთავარი ფაქტორი, მათ შორის Apple-ის სხვა აპარატურულ პროდუქტებთან ინტეგრაცია. მათთან დაკავშირებული ძირითადი ტექნიკური მახასიათებლებია Wi-Fi და UWB“, განმარტა ანალიტიკოსმა. U1 ჩიპი Apple-ის სმარტფონებში გამოიყენება iPhone 11-იდან მოყოლებული. იგი გამოიყენება Apple AirTag-ში, Apple Watch Series 6 სმარტ-საათში და მის უფრო ახალ ვერსიებში, მეორე თაობის HomePod mini და HomePod დინამიკებში, აგრეთვე უახლესი თაობის AirPods Pro-ს დამტენ ქეისში. Kuo-მ აგრეთვე განაცხადა, რომ Apple-ის პირველი სმარტფონი Wi-Fi 7 ტექნოლოგიის მხარდაჭერით იქნება iPhone 16. „iPhone 16, დიდი ალბათობით, განახლებული იქნება Wi-Fi 7-მდე, რაც ხელს შეუწყობს ერთ ლოკალურ ქსელში მომუშავე, Apple-ის აპარატული პროდუქტების ინტეგრაციას და უზრუნველყოფს უკეთეს ურთიერთქმედებას ეკოსისტემასთან“ - ამტკიცებს ანალიტიკოსი. https://tinyurl.com/bdcvd357

აშშ-ის ფასიანი ქაღალდებისა და ბირჟების კომისიამ (SEC) შეთანხმება დადო Bitcoin-ბირჟა Binance-თან, რათა შეზღუდოს მშობელი პლატფორმის თანამშრომლების წვდომა Binance.US-ის მომხმარებლების აქტივებზე. ამის შესახებ წერს CoinDesk. გადაწყვეტილება სასამართლომ უნდა დაამტკიცოს. როგორც შეთანხმების ნაწილი, Binance.US გააზიარებს დეტალებს თავისი ბიზნეს-ხარჯების შესახებ უახლოეს კვირებში. საერთაშორისო Binance-ის თანამშრომლები დაკარგავენ წვდომას საფულეების პირად გასაღებებსა და ამერიკული განყოფილების სხვა ინსტრუმენტებზე. გარიგება სასამართლოს შესაბამისი განჩინების შემდეგ გაფორმდა. 6 ივნისს SEC-მა შეიტანა შუამდგომლობა Binance.US-ის ციფრული აქტივების გაყინვის შესახებ. 14 ივნისს სასამართლომ დაავალა მარეგულირებელს და ამერიკულ კრიპტო ბირჟას, იპოვონ კომპრომისი, რათა უზრუნველყონ მომხმარებლების აქტივების დაცვა პლატფორმის ფუნქციონირების გაგრძელების შესაძლებლობით. მოსმენის დროს Binance.US-ის წარმომადგენელმა აღნიშნა, რომ კომპანიას უნდა შეეძლოს სტანდარტული ხარჯების დაფინანსება, მაშინ როცა აქტივების გაყინვა შეიძლება „ბანკების მიერ არასწორად იქნას განმარტებული“. პლატფორმა ვალდებულია არ გადასცეს აქტივები და არ განახორციელოს გადახდები კორპორატიული სტრუქტურის რომელიმე სუბიექტისთვის მოსამართლის ბრძანების გარეშე. შეგახსენებთ, რომ 5 ივნისს SEC-მა Binance-სა და Zhao-ს უჩივლა. სააგენტომ მათ 13 ბრალდება წაუყენა, მათ შორის არარეგისტრირებული ფასიანი ქაღალდების გაყიდვა. კომპანიამ უპასუხა განცხადების გამოქვეყნებით, სადაც ნათქვამია, რომ მზად არის თავდაცვისთვის. მოგვიანებით Binance.US-მა გამოაცხადა აშშ დოლარში დეპოზიტების შეჩერება და მომხმარებლებს ურჩია ფიატური ფული 13 ივნისამდე გაეტანათ. https://tinyurl.com/ywmdpd9h

კომპანია Zotac-მა წარადგინა ფლამანური ვიდეო ბარათი GeForce RTX 4090 PGF OC. ბარათს აქვს სრულიად ახალი გაგრილების სისტემა, რომელიც მოგვაგონებს ამავე კომპანიის GeForce RTX 4090 AMP Extreme Airo-ს გამაგრილებლის ვერსიას, თუმცა აქვს განსხვავებული განლაგება და განათება. ფოტოს წყარო: JD.com / Zotac GeForce RTX 4090 PGF OC ერთ-ერთი ყველაზე დიდი ბარათია ბაზარზე წარმოდგენილ GeForce RTX 4090-ის ვერსიებს შორის. მისი სიგრძეა 381 მმ, სიგანე - 74 მმ, სიმაღლე - 154 მმ. ვიდეო ბარათი მასიურ Gigabyte GeForce RTX 4090 AORUS Master-ზე დიდია, ასევე AMP Extreme Airo-ზე 2.5 სანტიმეტრით. Zotac GeForce RTX 4090 PGF OC-ის გაგრილების სისტემაში შედის სამი დიდი, 110-მილიმეტიანი ქულერი, აგრეთვე დიდი რადიატორი და აორთქლების ბლოკი. ვიდეო ბარათს აქვს გაძლიერებული 28-ფაზიანი VRM კვების ქვესისტემა 24+4 სქემით, ასევე ერთი 12+4-პინიანი 12VHPWR კვების კონექტორი. ბარათის მაქსიმალური ენერგომოხმარების მაჩვენებელი 525 ვატია. ვიდეო ბარათი წარმოდგენილია გრაფიკული პროცესორის ქარხნული აჩქარებით. მხარდაჭერილია BIOS-ის ორმაგი სისტემა, აჩქარების რეჟიმში GPU-ის სიხშირე 2652 მჰც-ია. BIOS-ის ჩუმ რეჟიმში გრაფიკული ჩიპი მუშაობს 2580 მჰც-მდე სიხშირეზე. ამრიგად, PGF მოდელის GPU-ის ქარხნული აჩქარება 45 მჰც-ით მეტია AMP Extreme Airo-სთან შედარებით (2580 მჰც). Zotac GeForce RTX 4090 PGF OC გამოშვებულია მხოლოდ ჩინეთის ბაზრისთვის და უკვე იყიდება ონლაინ-პლატფორმა JD.com-ზე დაახლოებით 2500 აშშ დოლარად. https://tinyurl.com/3caux5bs

კონფერენცია VivaTech-ში მონაწილეობის მისაღებად საფრანგეთის დედაქალაქში ვიზიტის დროს ილონ მასკმა განაცხადა, რომ ტვინის იმპლანტების პირველი ტესტირება ადამიანზე მის მიერ დაარსებულ კომპანია Neuralink-ის მიერ წლის ბოლომდე განხორციელდება. ამისთვის მოხალისე შეირჩევა იმ პაციენტებიდან, რომლებსაც აქვთ ოთხივე ან მხოლოდ ორი ქვედა კიდურის მოძრაობის პრობლემა. ფოტოს წყარო: Reuters, Gonzalo Fuentes მოგეხსენებათ, Neuralink ასეთ იმპლანტებს ქმნის იმ ადამიანების პრობლემების გადასაჭრელად, რომლებმაც დაკარგეს კიდურების მოძრაობის უნარი. მასკმა არ დააკონკრეტა, რამდენი მოხალისე იქნება მზად ტესტებში მონაწილეობის მისაღებად და რამდენ ხანს გაგრძელდება ტესტირება. მისი თქმით პირველი ექსპერიმენტი ამ სფეროში შესაძლოა მიმდინარე წლის ბოლომდე ჩატარდეს. გასულ თვეში Neuralink-მა მიიღო შესაბამისი თანხმობა აშშ-ის მარეგულირებლებისგან, რასაც მანამდე დიდი ხნის განმავლობაში ელოდა. ეს ავტორიზაცია გულისხმობს არა მხოლოდ შეერთებული შტატების იურისდიქციის ფარგლებში პაციენტების თავის ქალასა და ცერებრალური ქერქის ოპერაციების დამტკიცებას, არამედ ამ მიზნებისთვის შესაბამისი ქირურგიული რობოტების გამოყენებას. მათ უნდა გაბურღონ პატარა ხვრელი პაციენტის თავის ქალაში, დაამონტაჟონ მასში იმპლანტი და დაუკავშირონ თავის ტვინის ქერქს თხელი იმპლანტირებადი ელექტროდების გამოყენებით. Neuralink უკვე დიდი ხანია ატარებს ტესტებს ცხვრებზე, ღორებსა და მაიმუნებზე და იგი ადამიანის უფლებათა დამცველების ყურადღების ცენტრშიც კი მოხვდა. ადამიანებში იმპლანტების ტესტირების ნებართვის მოპოვების პირველი მცდელობა მოხდა Neuralink-ის მიერ 2022 წლის დასაწყისში, მაგრამ FDA-მ უარი უთხრა სტარტაპს ასეთი შესაძლებლობის განხორციელებაში. ექსპერტები შეშფოთებულნი იყვნენ ბატარეის შეცვლის მიზნით იმპლანტის პერიოდული ამოღების აუცილებლობით, ელექტროდის მიგრაციის ალბათობით თავის ტვინის ქერქში იმპლანტაციის წერტილებში, ასევე მათი ამოღების პროცედურის საშიშროების გამო. https://tinyurl.com/357c22vp

გამომძალველი ვირუსების ოპერატორები სულ უფრო ხშირად იყენებენ მაინინგ პულებს უკანონოდ მიღებული აქტივების გათეთრებისთვის, ანგარიშში აღნიშნეს Chainalysis-ის სპეციალისტებმა. „2018 წლის დასაწყისიდან ჩვენ ვნახეთ გამოსასყიდი პროგრამების საფულეებიდან მაინინგ პლატფორმებზე გაგზავნილი თანხების მნიშვნელოვანი და სტაბილური ზრდა“, - ნათქვამია დოკუმენტში. ექსპერტების აზრით ჰაკერები ამ გზით ცდილობენ აირიდონ სავაჭრო პლატფორმების მიერ გამოყენებული მოთხოვნების შესაბამისობის დაცვის ინსტრუმენტები. პულების წილმა გამოსასყიდი პროგრამების გათეთრების მოცულობაში უკვე გადააჭარბა P2P პლატფორმების მაჩვენებლებს. წყარო: Chainalysis. ეს მოხდა Bitcoin-გამომძალველების მთლიანი შემოსავლის შემცირების ფონზე - 2022 წელს ეს მაჩვენებელი 40.3%-ით შემცირდა. ერთ-ერთი მიზეზი, რის გამოც Chainalysis თვლის, არის თავდასხმების მზარდი სიხშირე, როდესაც მსხვერპლი უარს ამბობს გამოსასყიდის გადახდაზე. ”კრიპტო მაინინგი ინდუსტრიის მნიშვნელოვანი ნაწილია, მაგრამ იგი განსაკუთრებით მიმზიდველია ბოროტმოქმედებისთვის, რადგან შესაძლებლობას აძლევს თანხები მიიღონ ქსელში სრულიად სუფთა წყაროდან”, - აღნიშნეს ექსპერტებმა. პრობლემის გადასაჭრელად მაინინგის სტრუქტურებმა უნდა განახორციელონ საფულის კონტროლი, KYC პროცედურები და გამოიყენონ ბლოკჩეინის ანალიზი აქტივების წარმოშობის გადასამოწმებლად, თვლიან ისინი. შეგახსენებთ, Chainalysis-ის თანახმად 2022 წლის თებერვლის მდგომარეობით კრიმინალის მიერ კონტროლირებად კრიპტო საფულეებში თავმოყრილი იყო 25 მლრდ აშშ დოლარზე მეტი ღირებულების აქტივები. https://tinyurl.com/59d9d3nt