Magdalena

კრიპტო-ინვესტორები იმედგაცრუებულნი არიან აშშ-ს Bitcoin-ის რეზერვის შექმნის პროცესში პროგრესის ნაკლებობით, მაშინ როცა დონალდ ტრამპის შენიშვნები სავაჭრო ტარიფების შესახებ შეშფოთებას იწვევს. ამ დასკვნამდე მივიდნენ ინდუსტრიის ექსპერტები. SkyBridge Capital-ის ხელმძღვანელმა ენტონი სკარამუჩიმ აღნიშნა, რომ ტრამპის არაპროგნოზირებადი ქცევა ბაზარზე მოკლევადიან „ტურბულენტობას“ გამოიწვევს, მაგრამ გრძელვადიან პერსპექტივაში Bitcoin და ზოგადად კრიპტოვალუტები „გამარჯვებულები“ აღმოჩნდებიან. ტრეიდერის და Fidenza Macro-ს ავტორ გეო ჩენის თქმით, ბაზრის მონაწილეები თავიდან აიცილებენ რისკებს „სავაჭრო ომების“ განვითარების მოლოდინში. ბევრმა კრიპტო აქტივმა შეიძლება დაკარგოს ფასის 50%-მდე იანვრის მაჩვენებლებთან შედარებით, მაგრამ მოგვიანებით მოჰყვება აღდგენა. „საბოლოოდ [სავაჭრო გადასახადები] შემცირდება (მაგრამ არა ნულამდე) - ბაზარი „გადახარშავს“ მათ და აღდგება (როგორც ეს მოხდა 2018 წელს). კრიპტოვალუტა გამოჯანმრთელდება, რადგან ჩვენ ჯერ არ ვიმყოფებით ხარული ციკლის დასასრულში, ”- აღნიშნა ჩენმა. QCP-ის ანალიტიკოსებმა აღნიშნეს, რომ „კრიპტო მეფე“ დევიდ საქსის ბოლო პრესკონფერენციამ ბაზრის მონაწილეები იმედგაცრუებული დატოვა. ექსპერტები კრიპტოვალუტის კანონმდებლობის განვითარებას და Bitcoin-ის რეზერვის ფორმირების პერსპექტივას აშშ-ში გრძელვადიან დადებით ფაქტორებს უწოდებდნენ. თუმცა, მათ ასევე მიუთითეს ციფრული ოქროს მოკლევადიან გამოწვევებზე: „Bitcoin ინარჩუნებს სიმტკიცეს, მაგრამ გეოპოლიტიკური რისკები და კრიპტო-სპეციფიკური კატალიზატორების ნაკლებობა ბაზრებს მყიფეს ხდის. ამ კვირის დასაწყისში განხორციელებული დიდი ლიკვიდაციების გათვალისწინებით ველით მუდმივ ცვალებადობას. რისკების მართვა - გადამწყვეტ ფაქტორს წარმოადგენს“. Bitwise-ის პორტფელების მენეჯერი ჯეფ პარკი თვლის, რომ ტრამპის სატარიფო პოლიტიკის მიზანია დოლარის შესუსტება გრძელვადიანი საპროცენტო განაკვეთების გაზრდის გარეშე. მისი აზრით, მსოფლიო ბაზარზე დოლარის მაღალი ღირებულება და მასზე მოთხოვნა „აიძულებს შეერთებულ შტატებს ჰქონდეს მუდმივი სავაჭრო დეფიციტი, რათა მსოფლიოს მიაწოდოს დოლარი“. „ამის გაკეთების ერთ-ერთი გზაა აიძულოთ ქვეყნები შეამცირონ დოლარის რეზერვები და გაახანგრძლივონ სახაზინო ვალის ვადა. ეს თრგუნავს გრძელვადიან საპროცენტო განაკვეთებს, თანაც ამავდროულად მხარს უჭერს აშშ-ის საწარმოო ბაზას, ”- განაცხადა პარკმა. მან აღნიშნა, რომ ეკონომიკის შემდგომი შესუსტება გამოიწვევს აშშ-ის ხელისუფლების მიერ ფულის დამატებითი მასის გამოშვებას, რაც „ყოველთვის კარგი სტიმული იყო“ პირველი კრიპტოვალუტისთვის. შეგახსენებთ, რომ თებერვალში, ანალიტიკოსმა და MN Trading-ის დამფუძნებელმა მაიკლ ვან დე პოპმა ივარაუდა მაღალი ცვალებადობა Bitcoin-ის ბაზარზე და მიუთითა შესაძლო ATH-ზე ერთი თვის განმავლობაში. https://tinyurl.com/2c9ke5ez

Microsoft-ის დეველოპერების ყოველწლიური კონფერენცია Build ჩატარდება სიეტლში 19-დან 22 მაისამდე პერიოდში, განაცხადა კომპანიამ სოციალურ მედია X-ზე: „ჩვენ ვაშენებთ ახალ გზას. შემოგვიერთდით #MSBuild-ზე." მიუხედავად იმისა, რომ Microsoft-ს ჯერ არ დაუკონკრეტებია დეტალები ამ ღონისძიების პროგრამის შესახებ, ეჭვგარეშეა, რომ ის, სავარაუდოდ, გადააჭაბებს Build 2024-ს ხელოვნურ ინტელექტთან დაკავშირებული პროდუქტებისა და სერვისების წარდგენის თვალსაზრისით. ფოტოს წყარო: Microsoft Microsoft Build არის კონფერენცია, რომელიც გამიზნულია პროგრამული უზრუნველყოფის ინჟინრებისა და ვებ დეველოპერებისთვის. საბოლოო ჯამში, Build-ში განხილული ინსტრუმენტები გამოიყენება, რათა ტექნოლოგიები უფრო ფართო აუდიტორიისთვის იყოს ხელმისაწვდომი. „გამოიკვლიეთ უახლესი ინოვაციები კოდისა და აპლიკაციების შემუშავებაში და მიიღეთ იდეები კოლეგებისა და ექსპერტებისგან მთელ მსოფლიოში“, ნათქვამია Build 2025-ის მისასალმებელ გვერდზე. ხელოვნური ინტელექტი იყო მთავარი თემა გასული წლის კონფერენციაზე, რომელიც მოიცავდა ყველაფერს Windows ძიებიდან - Copilot+-ითა და Microsoft Paint-ით დასრულებული. Build 2024-მდე ერთი დღით ადრე Microsoft-მა წარმოადგინა ახალი Surface Pro კომპიუტერი, რომელიც დაფუძნებული იყო Qualcomm Snapdragon X Elite-სა და X Plus ჩიპებზე NPU 45 Tops-ამდე წარმადობით. იგივე შეიძლება მოხდეს წელსაც. თამამად შეიძლება ითქვას, რომ Windows 11, Microsoft 365-ის კომპლექტთან ერთად, მიიღებს მნიშვნელოვან გაუმჯობესებას ხელოვნური ინტელექტის სფეროში - იგი წარმოდგენილი იქნება Build 2025-ზე. კომპანია ასევე გეგმავს ახალი Surface მოდელების გამოშვებას Qualcomm-ის უახლესი ჩიპებით - ესენია X Elite-ის მემკვიდრეები ნეიროქსელის გამოთვლის გაფართოებული მხარდაჭერით. აღსანიშნავია, რომ Microsoft-მა საგრძნობლად შეცვალა მიდგომა ხელოვნური ინტელექტის მიმართ გასული წლის განმავლობაში და განახორციელა ინვესტიციების დივერსიფიკაცია. ახლა, გარდა OpenAI-ის მხარდაჭერისა, Microsoft-მა თავის ინტერესთა წრეში შეიყვანა პოპულარული ჩინური მოდელი DeepSeek, რომლის გამოყენებასაც კომპანია გეგმავს Copilot+ კომპიუტერებსა და Azure ქლაუდში. https://tinyurl.com/5enmd35x

OpenAI-მ გამოაცხადა, რომ მისი AI-ზე მომუშავე საძიებო სისტემა, ChatGPT-ის ნაწილი, აღარ საჭიროებს რეგისტრაციას და ავტორიზაციას. ეს ფუნქცია საშუალებას აძლევს ChatGPT-ს, გასცეს პასუხები ინტერნეტში არსებული ინფორმაციის საფუძველზე და მიაწოდოს წყაროების სია, რომელიც გამოიყენა პასუხის გენერირებისთვის. OpenAI-მ საძიებო სისტემა თავდაპირველად გამოუშვა ChatGPT-ის ფასიანი აბონენტებისთვის გასული წლის ოქტომბერში და ხელმისაწვდომი გახადა ყველა მომხმარებლისთვის დეკემბერში. მაგრამ ახლა, როდესაც ის აღარ საჭიროებს რეგისტრაციას გამოსაყენებლად, საძიებო სისტემა ChatGPT-ში შეძლებს პირდაპირი კონკურენცია გაუწიოს ტრადიციულ საძიებო სისტემებს, როგორიცაა Google და Bing. ამ ორმა უკვე დიდი ხანია დაიწყო AI-ის ინტეგრირება საძიებო სისტემებში. ChatGPT-ის ძიების ბოლო განახლებამ ის უფრო მეტად დაამსგავსა ტრადიციულ საძიებო სისტემას, რომელიც საშუალებას გაძლევთ ნახოთ თითოეული ძიების შედეგის მოკლე აღწერილობები, ასევე რუკები, ადგილობრივი ღირსშესანიშნავი ადგილები და სურათები. უნდა ითქვას, რომ OpenAI არ იქნება პირველი AI-დეველოპერი, რომელიც საკუთარ საძიებო სისტემას უშვებს. Perplexity ასევე საშუალებას გაძლევთ მოძებნოთ ინფორმაცია ინტერნეტში ანგარიშის გარეშე. ცოტა ხნის წინ ამ სისტემას დაემატა სასტუმროების შესახებ ინფორმაციის და მათი რეიტინგების მიწოდების შესაძლებლობა პირდაპირ TripAdvisor-დან. https://tinyurl.com/2dbbb479

ბოლოდროინდელი ბაზრის კლების ფონზე, ყოველდღიურმა ვაჭრობის მოცულობამ აშშ-ის სპოტ Ethereum ETF-ებში მიაღწია რეკორდულ 1.5 მლრდ აშშ დოლარს. Ethereum ETF ვაჭრობის მოცულობა. წყარო: The Block. წინა მაქსიმუმი 19 დეკემბერს დაფიქსირდა - 1.22 მლრდ აშშ დოლარი. ბრუნვის თვალსაზრისით ლიდერი იყო BlackRock-ის ETHA 736 მლნ აშშ დოლარით. მეორე ადგილი დაიკავა Grayscale-ის ETHE-მ 415 მლნ აშშ დოლარით, ხოლო Fidelity-ის FETH-ზე მოდოდა 155 მლნ აშშ დოლარი. წმინდა შემოდინებამ აშშ-ს ETH ETF-ებში 3 თებერვალს შეადგინა 83.54 მლნ აშშ დოლარი, რაც ყველაზე მაღალია 16 იანვრის შემდეგ. პირველ ადგილზეა FETH 49.75 მილიონით; მეორე ადგილზე - ETHE – 15.85 მლნ აშშ დოლარით, ETH-ში შევიდა 12.75 მილიონი, ხოლო CETH-მა მიიღო 5.19 მლნ აშშ დოლარი. თანხის ჯამური შემოდინება აშშ-ის სპოტ Ethereum ETF-ებში. წყარო: SoSoValue. იმავე დღეს დაფიქსირდა 234.54 მლნ აშშ დოლარის გადინება ამერიკულ სპოტ Bitcoin ფონდებიდან, საიდანაც 177 მლნ აშშ დოლარი მოდიოდა Fidelity-ს კუთვნილ FBTC-ზე. CME-ს ანგარიშის მიხედვით, იანვარში კრიპტო ფიუჩერსების საშუალო დღიური ვაჭრობის მოცულობა იყო 198000, რაც 180%-ით მეტია 2024 წლის ანალოგიურ პერიოდთან შედარებით. ბირჟის სპეციალისტების თქმით ძირითადი წვლილი შეიტანა მიკროკონტრაქტებმა BTC-სა და ETH-ზე, რომლებმაც დააფიქსირეს ბრუნვის ზრდა, 255% და 223%-ით, შესაბამისად. შეგახსენებთ, რომ თებერვალში, Bitwise-ის მთავარმა საინვესტიციო დირექტორმა მეთ ჰოუგანმა ივარაუდა, რომ პირველი კრიპტოვალუტაზე დაფუძნებული Spot ETF გამოიმუშავებს 50 მლრდ აშშ დოლარის შემოდინებას 2025 წელს. https://tinyurl.com/2k6p7tfp

ჩინურმა სტარტაპ DeepSeek-მა გამოიწვია რიგი ქვეყნების მარეგულირებლებისა და სამთავრობო უწყებების უკმაყოფილება და აღშფოთება. მისი AI მოდელები აიკრძალა ეთიკის, კონფიდენციალურობისა და უსაფრთხოების შესახებ შეშფოთების გამო. იტალია იტალია იყო ერთ-ერთი პირველი ქვეყანა, რომელმაც შეზღუდა DeepSeek მონაცემთა დაცვის ორგანოს მიერ ჩატარებული გამოძიების შემდეგ. სააგენტომ ჩინურ კომპანიას მომხმარებელთა პირადი ინფორმაციის შენახვის ადგილისა და მეთოდის შესახებ ინფორმაციის მიწოდება სთხოვა. საპასუხოდ, სტარტაპმა ხაზგასმით აღნიშნა, რომ მისი აპლიკაცია არ ექვემდებარება ევროკავშირის კანონმდებლობის იურისდიქციას. მარეგულირებელმა ორგანომ DeepSeek წაშალა ქვეყანაში Apple-ისა და Google-ის აპლიკაციების მაღაზიებიდან. ტაივანი ტაივანის ციფრული ტექნოლოგიების სამინისტრომ განაცხადა, რომ DeepSeek „საფრთხეს წარმოადგენს ეროვნული ინფორმაციის უსაფრთხოებისთვის“. სამთავრობო უწყებებს ეკრძალებათ კომპანიის AI მოდელების გამოყენება. ნათქვამია, რომ საჯარო სექტორისა და კრიტიკული ინფრასტრუქტურის მუშაკებს ემუქრებათ „სასაზღვრო ინფორმაციის გადაცემის და გაჟონვის საფრთხე“. აკრძალვა ეხება სახელმწიფო უწყებების, სკოლებისა და ბიზნესის თანამშრომლებს. აშშ-ის კონგრესი აშშ-ს კონგრესის ოფისებმა მიიღეს შეტყობინება DeepSeek AI ტექნოლოგიის გამოყენების აკრძალვის შესახებ. „თავდამსხმელები უკვე იყენებენ DeepSeek-ს მავნე პროგრამების გასავრცელებლად და მოწყობილობების დასაინფიცირებლად. რისკების შესამცირებლად წარმომადგენელთა პალატამ მიიღო უსაფრთხოების ზომები, რომლებიც ზღუდავს DeepSeek […]-ის მუშაობას“, - ნათქვამია დოკუმენტში. თანამშრომლებს ეკრძალებათ ჩინური კომპანიის აპლიკაციების დაყენება კომპანიის სმარტფონებზე, კომპიუტერებსა და პლანშეტებზე. ტეხასი ტეხასმა აკრძალა DeepSeek და სხვა ჩინური კომპანიების პროგრამული უზრუნველყოფის გამოყენება შტატის მოწყობილობებზე. „ტეხასი არ დაუშვებს ჩინეთის კომუნისტურმა პარტიამ შეაღწიოს ჩვენი შტატის კრიტიკულ ინფრასტრუქტურაში ხელოვნური ინტელექტისა და სოციალური მედიის აპლიკაციების მეშვეობით მონაცემთა მოპოვებისთვის. ჩვენ გავაგრძელებთ ჩვენი შტატის დაცვას მტრული უცხოელი აპირებისგან“, - ნათქვამია განცხადებაში. აშშ-ის სამხედრო საზღვაო ფლოტი აშშ-ს საზღვაო ფლოტმა აცნობა თავის წევრებს DeepSeek ტექნოლოგიაზე უარის თქმის აუცილებლობის შესახებ. მიზეზად უსაფრთხოების პოტენციური და ეთიკური შეშფოთება დასახელდა. ხელოვნური ინტელექტის გამოყენება ოფიციალური და პირადი მიზნებისთვის აკრძალულია. პენტაგონი პენტაგონმა შეზღუდა ჩინური კომპანიის ტექნოლოგიებზე წვდომა, მაგრამ დატოვა ნეიროქსელების გამოყენების შესაძლებლობა ავტორიზებულ პლატფორმა Ask Sage-ის მეშვეობით, რომელიც მუშაობს ავტონომიურად და არ ურთიერთქმედებს უშუალოდ ჩინურ სერვერებთან. NASA სხვა სააგენტოების შემდეგ NASA-მაც აკრძალა DeepSeek ინსტრუმენტების გამოყენება. ორგანიზაცია შეშფოთებულია კომპანიის სერვერების შეერთებული შტატების ფარგლებს გარეთ მდებარეობით, რაც ეროვნული უსაფრთხოების რისკებს ქმნის. ავსტრალია ჩინური აპლიკაცია აკრძალულია ყველა სამთავრობო პირის მოწყობილობაზე. მათ დაავალეს ჩატ-ბოტის წაშლა „ავსტრალიისთვის მიუღებელი რისკის გამო“. გარდა ამისა, DeepSeek აკრძალულია ასობით კორპორაციის მიერ მთელ მსოფლიოში. უმთავრესი შეშფოთებაა ჩინეთის მთავრობაში მონაცემების შესაძლო გაჟონვის რისკი. შეგახსენებთ, რომ იანვარში Wiz Research-ის მკვლევარებმა აღმოაჩინეს DeepSeek-ის ღია მონაცემთა ბაზა ინტერნეტით, რომელიც შეიცავდა ჩათის ისტორიას, პირად გასაღებებს, backend-დეტალებს და სხვა კონფიდენციალურ ინფორმაციას. https://tinyurl.com/3p2aeemt

Tesla-ს ბოლო კვარტალურ კონფერენციაზე გამოცხადდა, რომ კომპანიის უპილოტო ტაქსები ივნისში დაიწყებენ მომხმარებლების ტრანსპორტირება ოსტინში, ტეხასის შტატში, სადაც კომპანიის ახალი მთავარი ოფისია. უახლესი ვიდეოს მიხედვით თუ ვიმსჯელებთ, ავტომობილების მწარმოებელი ემზადება არა მხოლოდ ტაქსით მგზავრობის ავტომატიზაციისთვის, არამედ ტაქსის ინტერიერის მოვლისთვისაც. ფოტოს წყარო: Tesla, YouTube კომპანიის კორპორატიულმა YouTube-არხმა გამოაქვეყნა ვიდეო პროვოკაციული სათაურით "This Robot Sucks", რომელიც აჩვენებს ავტომწარმოებლის მიდგომას უპილოტო ტაქსების ინტერიერის რეგულარული მოვლის პრობლემის გადაჭრის შესახებ. როგორც ჩანს, კომპანია აპირებს ასეთი მანქანების მომსახურებას მანიპულატორების გამოყენებით, რომლებსაც შეუძლიათ არა მხოლოდ მანქანის შიგნით არსებული ზედაპირების მტვერსასრუტით დამუშავება, არამედ პირდაპირი მნიშვნელობით ისინი მანქანიდან გაიტანენ საგნებს პნევმატური მეთოდით. ყოველ შემთხვევაში, ვიდეოში გამოსახულმა რობოტმა მანქანიდან ზუსტად ასეთი სახით ამოიღო სავარძელზე დავიწყებული ნივთების ჩანთა. სადემონსტრაციო ვიდეო შეგიძლიათ ნახოთ ბმულზე: https://tinyurl.com/ych6yyhr მანიპულატორის ჩანაცვლებადი ნაწილები საშუალებას მისცემს ასეთ რობოტებს იზრუნონ პანელებსა და ცენტრალურ დისპლეიზე - მანიპულატორს შეუძლია მისი ავტომატურად გაწმენდა. არსებითად, Tesla-ს უპილოტო ტაქსებისთვის მხოლოდ რობოტიზებული ავტოსამრეცხაოების უზრუნველყოფა სჭირდება, ხოლო ტაქსის პარკის მომსახურებისთვის ადამიანური პერსონალის საჭიროება აღარ იქნება. კომპანიამ ადრე ექსპერიმენტი ჩაატარა გველის მსგავსი მანიპულატორის შექმნაზე, რომელიც ავტომატურად აკავშირებდა დამტენ სადენს ელექტრომობილის კორპუსზე არსებულ შესაბამის ბუდესთან. გარდა ამისა, მოგვიანებით ერთ-ერთ პრეზენტაციაზე გამოჩნდა ილუსტრაცია, რომელიც მიუთითებს ელექტრო სატრანსპორტო საშუალების უსადენო დამუხტვის შესაძლებლობაზე პარკირების ადგილის ბაზაში ჩაშენებული მიკროსქემის მეშვეობით. საინეტერესოა ის, რომ Cybertruck პიკაპის ბორტ ქსელის დიზაინი მოიცავს ორ კონექტორს უსადენო დატენვის მიკროსქემასთან დასაკავშირებლად. შესაბამისად, Tesla მზად არის ამა თუ იმ ხარისხით ყველა ეს იდეა პრაქტიკაში განახორციელოს. https://tinyurl.com/5axp67rm

მსოფლიოს უდიდეს ცენტრალიზებულ კრიპტო ბირჟა (CEX) Binance-ის საგადახდო პლატფორმა Binance Pay-ს გუნდმა გამოაცხადა პარტნიორობის დაწყება Web3 გადახდების გადაწყვეტილებების წამყვან ევროპულ პროვაიდერ xMoney-სთან. ინტეგრაციის წყალობით ევროპაში xMoney-ს ქსელის 20000-ზე მეტი წევრი ბიზნესი შეძლებს პირდაპირ მიიღოს კრიპტოვალუტა, როგორც გადახდის საშუალება. xMoney უკვე ადაპტირებულია ევროკავშირის კრიპტოაქტივების ბაზრის აქტის (MiCA) შესაბამისად ფუნქციონირებისთვის, რომელიც ცოტა ხნის წინ სრულ ძალაში შევიდა. Binance Pay არის კრიპტოვალუტებით გადახდის ფუნქცია Binance-ის აპლიკაციაში. იგი მომხმარებლებს და სავაჭრო ობიექტებს საშუალებას აძლევს მყისიერად გაგზავნონ და მიიღონ კრიპტო გადახდები მთელ მსოფლიოში გადასახადის გარეშე, მხარდაჭერილია 300-ზე მეტი კრიპტოვალუტა P2P-გადახდებისა და 90-ზე მეტი - სავაჭრო გადახდებისთვის. https://tinyurl.com/5d67td8v

ადრე გავრცელდა ინფორმაცია, რომ Apple აპირებდა უსადენო ყურსასმენ PowerBeats Pro-ს ახალი ვერსიის გამოშვებას 2025 წელს. ამჟამად Bloomberg-ის ჟურნალისტი მარკ გურმანი აცხადებს, რომ PowerBeats Pro 2 ოფიციალურად 11 თებერვალს იქნება წარმოდგენილი და მისი საცალო ფასი 250 აშშ დოლარი იქნება. ფოტოს წყარო: macrumors.com PowerBeats Pro გვევლინება, როგორც AirPods Pro-ს უფრო სპორტული და ფიტნესზე ორიენტირებული ალტერნატივა. ყურსასმენების დიზაინში შედის რეგულირებადი ფიქსატორები ყურზე უფრო კომფორტული და საიმედო მორგებისთვის. გურმანის თქმით, ახალი PowerBeats Pro 2 წარმოდგენილია Apple-ის საფირმო H2 ჩიპით, რომელიც ასევე გამოიყენება AirPods Pro 2-ში. ეს ნიშნავს იმას, რომ PowerBeats Pro 2-ში მნიშვნელოვნად გაუმჯობესდება ხმის ჩახშობის აქტიური ფუნქცია 2019 წელს გამოშვებულ ორიგინალ მოდელთან შედარებით. ადრე გავრცელდა ინფორმაცია, რომ PowerBeats Pro 2 მიიღებს გულისცემის მონიტორინგის მხარდაჭერას ვარჯიშის დროს. iOS 18-ის პროგრამული კოდი ასევე მიუთითებს ყურსასმენების სხვადასხვა სავარჯიშო მოწყობილობასთან დაკავშირების შესაძლებლობაზე, როგორიცაა სარბენი ბილიკი. ეს საშუალებას მოგცემთ გაზომოთ თქვენი გულისცემა ვარჯიშის დროს და შეგროვებული მონაცემები ხელმისაწვდომი იქნება აპლიკაციაში “ჯანმრთელობა” და თქვენი iPhone-ის სხვა მხარდაჭერილ სერვისებში. გურმანის თქმით, PowerBeats Pro 2 ყურსასმენი ხელმისაწვდომი იქნება ფერების ახალი ვარიანტების სახით, მათ შორის ღია ნარინჯისფერში. ასევე მოსალოდნელია, რომ დეველოპერებმა გააუმჯობესეს გადაცემული ხმის ხარისხი, გაზარდეს მოწყობილობის ბატარეის მუშაობის ხანგრძლივობა, ოპტიმიზებულია cross-platform-თავსებადობა Android ფუნქციებთან, აგრეთვე ხელმისაწვდომი იქნება დამტენი ქეისი USB Type-C ინტერფეისით. https://tinyurl.com/5n6pe4y4

OpenAI-მ გამოაცხადა AI-ბოტ ChatGPT-ის ახალი ფუნქციის შესახებ, რომელიც საშუალებას მისცემს ალგორითმს ჩაატაროს „ღრმა კვლევა“ მომხმარებლის მოთხოვნის საფუძველზე. საუბარია კვლევის ინსტრუმენტ Deep research-ზე, რომლის საფუძველს წარმოადგენდა დიდი ენის მოდელი OpenAI o3, რომელიც ჯერ არ გამოსულა ფართო მასებისთვის. ფოტოს წყარო: OpenAI ახალი ფუნქციის აღწერაში ნათქვამია, რომ მას შეუძლია ავტონომიურად იმუშაოს, „დაგეგმოს და განახორციელოს მრავალსაფეხურიანი ტრაექტორია თქვენთვის საჭირო მონაცემების მოსაძებნად, საჭიროების შემთხვევაში უკან დაბრუნდეს და რეაგირება მოახდინოს ინფორმაციაზე ონლაინ რეჟიმში“. მარტივად რომ ვთქვათ, Deep Research არა მხოლოდ ეძებს პასუხს მომხმარებლის მიერ დასმულ კითხვაზე, არამედ აანალიზებს და აჯამებს მონაცემებს სხვადასხვა წყაროდან, რითაც ქმნის დეტალურ ანგარიშს მოცემულ თემაზე. Deep Research-ის მუშაობის პროცესის მოკლე აღწერა ნაჩვენებია ეკრანის მარჯვენა მხარეს, ციტატებთან და სხვა საცნობარო ინფორმაციასთან ერთად. მომხმარებლებს შეუძლიათ გამოიყენონ ახალი ფუნქცია ტექსტური მოთხოვნის შეყვანით, ასევე სურათის ან დამატებითი ფაილების ატვირთვით, როგორიცაა PDF დოკუმენტები ან ცხრილები. ეს მისცემს ალგორითმს მეტ კონტექსტს, რის შემდეგაც მას დასჭირდება 5-დან 30 წუთამდე, რათა მოამზადოს დეტალური ანგარიში შესრულებული სამუშაოს შედეგებზე. სამომავლოდ, ჩატ-ბოტს შეეძლება პასუხებში სურათების და დიაგრამების დამატება. OpenAI აღნიშნავს, რომ ღრმა კვლევის ფუნქციას შეიძლება ჰქონდეს ჰალუცინაციები, რაც ნიშნავს არარსებული ფაქტების გამოგონებას. გარდა ამისა, ალგორითმს უჭირს ავტორიტეტული წყაროებიდან ინფორმაციის გარჩევა ჭორებისა და აშკარად ყალბი მონაცემებისგან. ამის მიუხედავად, OpenAI დარწმუნებულია მისი განვითარების პერსპექტივაში და აღნიშნავს, რომ ღრმა კვლევას შეუძლია ანალიტიკოსის დონეზე ფუნქციონირება. რაც შეეხება ახალი ფუნქციის ხელმისაწვდომობას, მომხმარებლები, რომლებიც იხდიან თვეში 200 აშშ დოლარს გამოწერისთვის, შეძლებენ თვეში 100-მდე შეკითხვის გაშვებას ChatGPT-ის ღრმა კვლევის ხელსაწყოს გამოსაყენებლად. მათ კი, ვინც თვეში 20 აშშ დოლარს იხდის, კომპანია "შეზღუდულ წვდომას" ანიჭებს. https://tinyurl.com/9c6b75e5

იუტა შეიძლება გახდეს აშშ-ის პირველი შტატი, რომელიც დაამტკიცებს კანონპროექტს სტრატეგიული რეზერვის შექმნის შესახებ პირველ კრიპტოვალუტაში (SBR). ასეთი პროგნოზი გააკეთა Satoshi Action Fund-ის აღმასრულებელმა დირექტორმა, დენის პორტერმა. ექსპერტმა შეფასება კანონპროექტების მიღების უფრო მოკლე ვადით - 45 დღით ახსნა. „სხვა შტატებს არ აქვთ ასეთი „სწრაფი“ კალენდარი, პოლიტიკური იმპულსი და ნება“, - თქვა მან. არიზონას SBR კანონპროექტი იყო პირველი შტატებს შორის, რომელმაც გაიარა კომიტეტის მოსმენები. დოკუმენტი კენჭისყრაზე სენატში უახლოეს მომავალში წარდგება. ამ გეგმაში მეორე იყო იუტას კონგრესის ზედა პალატა - კანონპროექტმა ასევე დატოვა კომიტეტი. ილინოისმა, ოჰაიომ, მასაჩუსეტსმა, ნიუ ჰემფშირმა, ჩრდილოეთ დაკოტამ, ოკლაჰომამ, პენსილვანიამ, ტეხასმა და ვაიომინგმაც წარადგინეს დოკუმენტები ციფრული ოქროს რეზერვის შესაქმნელად. ალაბამას, ფლორიდის, კენტუკისა და სამხრეთ დაკოტას წარმომადგენლები ამ დრომდე შემოიფარგლებოდნენ SBR იდეის საჯაროდ მხარდაჭერით. პორტერმა განაცხადა, რომ იუტას პალატის ეკონომიკური განვითარების კომიტეტის მიერ ბოლო რამდენიმე წლის განმავლობაში მიღებული ყველა კანონპროექტი ხელმოწერილია. Satoshi Action Fund-ის აღმასრულებელ დირექტორთან საუბარში სენატორმა სინტია ლამისმა ისაუბრა ფედერალურ დონეზე SBR-ის შექმნის ინიციატივის პროგრესის შესახებ. სენატში ორპარტიული მხარდაჭერის მოსაპოვებლად მინიმუმ 60 ხმა იქნება საჭირო, აღნიშნა მან. VanEck-ის გამოთვლებით Bitcoin-ის სტრატეგიული რეზერვის შექმნა აშშ-ს 2050 წლისთვის ეროვნული ვალის 35%-ით შემცირებაში დაეხმარება. Fidelity Digital Assets-ის ანალიტიკოსები თვლიან, რომ 2025 წელს ეროვნულ დონეზე პირველი კრიპტოვალუტის მიღება ციფრული აქტივის მძლავრი მამოძრავებელი იმპულსი იქნება. https://tinyurl.com/y25t67uu

ჩინური კომპანია DeepSeek სწრაფად იკავებს პოზიციებს ხელოვნური ინტელექტის ბაზარზე და გახდა მეორე ყველაზე პოპულარული ჩატ-ბოტი მსოფლიოში. ერთი კვირის განმავლობაში პლატფორმის ტრაფიკი გაიზარდა 614%-ით, გადაუსწრო Gemini-ს და Character AI-ს, მისი ვიზიტორების რაოდენობამ მიაღწია 49 მილიონს ყოველდღიურად, ტრაფიკის მონიტორინგის სერვის Similarweb-ის მიხედვით. ფოტოს წყარო: Copilot DeepSeek-ის წარმატება განსაკუთრებით შესამჩნევია მისი წინა მაჩვენებლების გათვალისწინებით. ერთი თვის წინ საიტს დღეში მხოლოდ 300 000 ვიზიტორი ჰყავდა, მაგრამ იანვრის ბოლოს აუდიტორია 33.4 მილიონ მომხმარებელამდე გაიზარდა, წერს PCMag. მატებამ არა მხოლოდ შეარყია ტექნოლოგიური ბაზარი, არამედ გამოიწვია ინვესტორების შფოთვის ტალღა, რამაც განაპირობა ამერიკული ტექნოლოგიური აქციების შემცირებაც კი. Nvidia-ს აქციების ფასი განსაკუთრებით მძიმედ დაზარალდა - შემცირდა 17.8%-ით. Similarweb-ის თანახმად პლატფორმის გლობალური ტრაფიკი კვლავ მაღალია, თუმცა DeepSeek კვლავ ფეხდაფეხ მისდევს ბაზრის ლიდერ ChatGPT-ს, რომელსაც 130 მილიონზე მეტ ვიზიტორი ჰყავს დღეში. ფოტოს წყარო: Similarweb როგორც ექსპერტები აღნიშნავენ, DeepSeek-ის წარმატების მთავარი მამოძრავებელი იყო ღია კოდის V3 მოდელის გაშვება, რომელმაც მიიპყრო დეველოპერებისა და კომპანიების ყურადღება მთელ მსოფლიოში. V3-ის სწავლება 5.5 მლნ აშშ დოლარი დაჯდა, რაც მნიშვნელოვნად ნაკლებია მსგავს ამერიკულ გადაწყვეტილებებთან შედარებით. ამავდროულად, მისი შესაძლებლობები ChatGPT-ის ფუნქციონალურობის მსგავსია, მაგრამ მნიშვნელოვანი განსხვავებით: შესაძლებელია მოდელის თავისუფლად ჩამოტვირთვა და გაშვება ადგილობრივ სერვერებზე. ეს მიმზიდველს ხდის ორგანიზაციებისთვის, რომლებიც ცდილობენ დანერგონ AI ტექნოლოგიები ქლაუდ სერვისებზე დაყრდნობის გარეშე. ფოტოს წყარო: Similarweb მიუხედავად მისი შთამბეჭდავი მიღწევებისა, DeepSeek ჩამორჩება Microsoft-ის საძიებო სისტემა Bing-ს, რომელიც იყენებს OpenAI-ზე მომუშავე Copilot AI ასისტენტს. თუმცა, ანალიტიკოსები აღნიშნავენ, რომ პლატფორმის წარმატება შეერთებულ შტატებშიც აშკარაა. „აშშ-ში DeepSeek-მა პიკს მიაღწია 4.9 მილიონი დღიური ვიზიტით 28 იანვარს და შემდეგ დასტაბილურდა 2.4 მილიონ ვიზიტამდე, რაც 813.3%-ით მეტია წინა კვირასთან შედარებით“, - აცხადებს Similarweb. თუმცა, DeepSeek-ის მომავალი შეიძლება ნაკლებად ოპტიმისტური იყოს კონკურენციის გაზრდის გამო. მაგალითად, OpenAI-მ ახლახანს წარადგინა ახალი ფუნქცია Deep Research, რომელიც საშუალებას გაძლევთ შექმნათ დეტალური კვლევის ანგარიშები ასობით წყაროს მონაცემებზე დაყრდნობით. გარდა ამისა, პლატფორმა სულ უფრო ხშირად ექვემდებარება კრიტიკას კონფიდენციალურობისა და ცენზურის პოლიტიკის გამო, რამაც შეიძლება გავლენა მოახდინოს მომხმარებლის ლოიალობაზე. თუმცა, მიმდინარე მაჩვენებლები მოწმობს, რომ DeepSeek რჩება ერთ-ერთ ყველაზე პერსპექტიულ მონაწილედ სწრაფად განვითარებად AI-ინდუსტრიაში. https://tinyurl.com/4dxy7x4r

სემ ოლტმენმა და ლეგენდარულმა დიზაინერმა ჯონი აივმა დაიწყეს ხელოვნური ინტელექტის მოწყობილობის შემუშავება, რომელიც შეძლებს მთლიანად შეცვალოს მომხმარებლების ურთიერთობა ტექნოლოგიასთან. ტრადიციული სმარტფონებისგან განსხვავებით ახალი მოწყობილობა საჭიროებს მინიმალური ტექსტის შეყვანას და უფრო მეტად ორიენტირებულია ხმოვან კონტროლზე. ფოტოს წყარო: OpenAI განვითარება, რომელიც მიზნად ისახავს რადიკალურად შეცვალოს ადამიანების კომპიუტერებთან ურთიერთობის გზა, განხორციელდება რამდენიმე ჯერ-ჯერობით დასახელებულ კომპანიასთან პარტნიორობით, აცხადებს Android Authority. ოლტმენმა განაცხადა, რომ ხელოვნური ინტელექტი მოითხოვს „ფუნდამენტურ ცვლილებას კომპიუტერებთან ურთიერთობისას“ და რომ მომავალში „ხმა გახდება მომხმარებლის ინტერფეისი“. ახალი მოწყობილობა იქნება ხმაზე ორიენტირებული და გვპირდება, რომ უფრო ინტუიციური და მოსახერხებელი ინსტრუმენტი იქნება ყოველდღიური გამოყენებისთვის. აღსანიშნავია, რომ მსგავსი იდეები უკვე განხორციელდა სხვა პროექტებშიც. მაგალითად, Humane AI Pin-მა და Rabbit R1-მა წარმოადგინეს ხმის კონტროლი დამატებით ფუნქციებთან ერთად, როგორიცაა პროექტორი ან კომპაქტური ეკრანი. თუმცა, ეს მოწყობილობები არ გავრცელდა ფართოდ. მიუხედავად იმისა, რომ არსებობს ხელოვნური ინტელექტის მრავალი გაჯეტი სხვადასხვა ფორმატში, უსადენო ყურსასმენებიდან დაწყებული სამკაულებით დამთავრებული, როგორიცაა საკიდები და ყელსაბამები, OpenAI-ის ახალი მოწყობილობა შეიძლება იყოს სრულიად უნიკალური კონფიგურაციით. ექსპერტების აზრით, ეს განასხვავებს მას დღევანდელ ბაზარზე არსებული ყველა მოწყობილობისგან. გარდა ამისა, ოლტმენმა აღნიშნა, რომ კომპანია ავითარებს საკუთარ მიკროჩიპებს, რომლებიც ოპტიმიზაციას გაუწევს ამ გაჯეტის მუშაობას და ავტონომიურობას. რაც შეეხება ვადებს, აღნიშნულია, რომ პროტოტიპის განვითარებასაც კი რამდენიმე წელი დასჭირდება, ამიტომ კომერციულ გამოშვებაზე ლაპარაკს ჯერ აზრი არ აქვს. საინტერესოა, რომ ოლტმენისა და აივის თანამშრომლობა უფრო ადრე დაიწყო. გასულ წელს, The New York Times-თან ინტერვიუში, ჯონი აივმა პირადად დაადასტურა თავისი მონაწილეობა ახალი AI მოწყობილობის შემუშავებაში და აღნიშნა, რომ ის სმარტფონს არ ჰგავს. ეს დეტალები მხოლოდ ინტერესს ზრდის პროექტის მიმართ, თუმცა კონკრეტული დეტალები დიზაინისა და მახასიათებლების შესახებ ჯერ არ არის გამჟღავნებული. ამასობაში სმარტ სათვალე სულ უფრო პოპულარული ხდება. ბოლო CES 2025 გამოფენაზე წარმოდგენილი იყო ChatGPT ტექნოლოგიების მხარდაჭერის მქონე ახალი მოდელები. ამ კატეგორიის ყველაზე წარმატებულ პროდუქტად რჩება Meta-ს Ray-Ban ხაზი, რომელიც იყენებს საკუთარ AI მოდელებს და უკვე გაყიდულია მილიონზე მეტი სათვალე. https://tinyurl.com/4m4xxa73

იანვრის ბოლო დღეს,აქტივების მმართველმა კომპანია 21Shares-მა განცხადებით მიმართა აშშ-ის ფასიანი ქაღალდებისა და ბირჟების კომისიას (SEC), რათა ამოქმედდეს საბირჟო ვაჭრობის ფონდი Polkadot-ის (DOT) საფუძველზე. ეს არ არის პირველი DOT-ფონდი, რომელიც დამტკიცებას ელოდება აშშ-ის მარეგულირებელი ორგანოსგან. Tuttle Capital-მა ასევე შეიტანა განაცხადი ათ კრიპტო ETF-ზე ახლახანს, მათ შორისაა განაცხადი ფონდზე Polkadot-ის საფუძველზე. განაცხადის თანახმად 21Shares გეგმავს Polkadot ETF-ის ლისტინგს ბირჟა Cboe BZX-ზე. ფონდი ასევე იქნება პასიური ინვესტიცია, რომელიც მოიცავს მხოლოდ Altcoin-ის ფასის თვალყურის დევნებას და არა აქტივის სპეკულაციურ ვაჭრობას. ეს ნიშნავს იმას, რომ კომპანია არ იყიდის DOT-ს დაბალ ფასად, რათა შემდეგ უფრო მაღალ ფასად გაყიდოს. 21Shares-მა განაცხადა, რომ იგი პარტნიორობას გაუწევს Coinbase (NASDAQ:COIN) Custody Trust Company-ს, რომლის ამოცანაა ETF-ისთვის განკუთვნილი აქტივების შენახვა მისი დამტკიცების შემთხვევაში. საინტერესოა, რომ Polkadot-ის ფასი ზრდით არ გამოეხმაურა პოტენციური ETF გაშვების სიახლეებს. DOT-ს, მე-18 უმსხვილესი კრიპტოვალუტას საბაზრო კაპიტალით, ბოლო დროს დიდი წარმატება არ მოაქვს მფლობელებისთვის. CoinMarketCap-ის მონაცემებით Altcoin-ის ფასი ბოლო 12 თვის განმავლობაში შემცირდა 5.16%-ით, ხოლო იანვარში -10.48%-ით. თუმცა, მიმდიანრე კვირაში Polkadot-ისღირებულებამ ოდნავ ზრდა დაიწყო. ბოლო შვიდი დღის განმავლობაში იგი გაიზარდა 0.74%-ით, ხოლო დღე-ღამეში - 0.4%-ით. 1 თებერვლის საღამოს მონაცემებით ტოკენი 6.35 აშშ დოლარად იყიდებოდა. https://tinyurl.com/5j7dkdwf

Nvidia ახდენს ახალი GeForce RTX 50 სერიის ვიდეო ბარათების პოზიციონირებას არა მხოლოდ როგორც შესანიშნავ გადაწყვეტილებებად გეიმინგისთვის, არამედ მისი თქმით ესენია მძლავრი ამაჩქარებლები ხელოვნურ ინტელექტთან მუშაობისთვის. კომპანია არ ჩამორჩა ჩინურ DeepSeek AI მოდელის ირგვლივ ატეხილ აჟიოტაჟს და გამოაცხადა, რომ მის ახალ ვიდეო ბარათებს შეუძლია „DeepSeek ენის მოდელების გაშვება უფრო სწრაფად, ვიდრე ნებისმიერ კომპიუტერს ბაზარზე“. ფოტოს წყარო: Nvidia გასულ კვირაში Nvidia-მ განიცადა ყველაზე დიდი ერთდღიანი საბაზრო კაპიტალის ვარდნა აშშ-ის ნებისმიერ კომპანიას შორის ისტორიაში. ბევრი ამას მიაწერს ჩინურ სტარტაპ DeepSeek-ის R1 AI მოდელის პოპულარობის სწრაფ ზრდას. ეს ალგორითმი წარმადობით OpenAI-ს GPT-4o--ის მსგავსია, მაგრამ მისი სწავლება მოხდა მნიშვნელოვნად დაბალ ფასად და ნაკლებად მოწინავე აპარატურის გამოყენებით. DeepSeek-ის ალგორითმების სწავლება ხორციელდება Nvidia H800 გრაფიკული ამაჩქარებლების გამოყენებით, ხოლო ამერიკელ დეველოპერებს აქვთ წვდომა უფრო მძლავრ H100-სა და H200-ზე, რომლებსაც აქტიურად იყენებენ კომპანიები, როგორიცაა OpenAI, xAI და სხვა. თუმცა, ჩინური სტარტაპის წარმატება ადასტურებს, რომ Nvidia-ს ყველაზე მოწინავე ამაჩქარებლებზე წვდომა ყოველთვის არ არის საჭირო ხელოვნური ინტელექტის სფეროში მაღალი შედეგების მისაღწევად. ამასთან, თავის პუბლიკაციაში Nvidia აღნიშნავს, რომ მისი ახალი GeForce RTX 50 სერიის ვიდეო ბარათები საუკეთესო ვარიანტია DeepSeek AI მოდელების გასაშვებად, რაც უზრუნველყოფს მაქსიმალურ წარმადობას. საინტერესოა, რომ AMD-მ ახლახანს განაცხადა, რომ მისი Radeon RX 7900 XT უფრო სწრაფია GeForce RTX 4090-თან შედარებით, თუმცა Nvidia-ს მონაცემები საპირისპიროს მეტყველებს. აღსანიშნავია, რომ სხვა ტექნოლოგიური კომპანიებიც ცდილობენ გამოიყენონ DeepSeek-ის პოპულარობის უეცარი ზრდა. მსჯელობის უნარის მქონე AI მოდელი R1 ახლა ხელმისაწვდომია AWS ქლაუდსა და Microsoft Azure პლატფორმაზე. პარალელურად, Microsoft და OpenAI იკვლევენ ალბათობას, რომ DeepSeek-მა გამოიყენა OpenAI-ს მონაცემები თავისი ხელოვნური ინტელექტის მოდელების მოსამზადებლად, როგორც ეს ადრე მედიაში ვრცელდებოდა. Nvidia-მ ასევე წარმოადგინა DeepSeek მოქმედებაში ხელოვნური ინტელექტის მარტივი გაშვებისთვის განკუთვნილ თავის NIM მიკროსერვისების კომპლექტში. https://tinyurl.com/3rwd9xvd

კომპანია Apple და Sony თანამშრომლობენ, რათა დაამატონ PlayStation VR2 კონტროლერების მხარდაჭერა შერეული რეალობის ჰედსეტ Vision Pro-ს მიმდინარე წლის ბოლოსთვის. ამის შესახებ Bloomberg-ის ჟურნალისტმა მარკ გურმანმა Power On-ის ბოლო ნომრის მეშვეობით განაცხადა. გასული წლის დეკემბერში გაირკვა, რომ Apple და Sony უკვე შეთანხმდნენ თანამშრომლობაზე 2024 წლის დასაწყისში, რათა უზრუნველყონ PlayStation VR2 კონტროლერების თავსებადობა Vision Pro-სთან. Sony ამ ამოცანის განხორციელებაზე უკვე რამდენიმე თვეა მუშაობს. Apple ასევე აწარმოებს მოლაპარაკებებს გარე მხარის დეველოპერებთან, რათა ინტეგრირდეს კონტროლერის მხარდაჭერა Vision Pro-სთან დაკავშირებულ პროექტებში. გურმანმა ადრე აღნიშნა, რომ Vision Pro-ზე უკვე მხარდაჭერილია PS5 და Xbox კონტროლერები, მაგრამ ისინი არ არიან შესაფერისი VR-სთვის, რადგან მათ სჭირდებათ თავისუფლების ექვსი ხარისხი (6DOF) VR თამაშების ზუსტად გასაკონტროლებლად. ფოტოს წყარო: Sony მარკ გურმანის თქმით, „ყველაფერი მიუთითებს იმაზე, რომ პროექტი ჯერ კიდევ დამუშავების პროცესშია“ და სავარაუდოდ, ამა წლის ბოლოს visionOS 3-ის განახლების ნაწილი იქნება, PlayStation VR2 კონტროლერების მხარდაჭერა გააფართოვებს Vision Pro-ს შესაძლებლობებს, რაც ჰედსეტს უფრო მეტად მიმზიდველად აქცევს გეიმერებისთვის და გაზრდის ოპერაციულ სისტემაში კონტროლის სიზუსტეს. 9to5Mac-ის თანახმად, ამ თანამშრომლობამ უნდა გააუმჯობესოს გეიმინგ გამოცდილება Apple Vision Pro-ზე, მაგრამ ჯერ არ არის ცნობილი, გამოიწვევს თუ არა ეს მოვლენა თამაშების ბიბლიოთეკის მნიშვნელოვან გაფართოებას და ჰედსეტის გაყიდვების ზრდას. https://tinyurl.com/3nzx882x

ევროპის ცენტრალური ბანკის მიერ საპროცენტო განაკვეთის შესახებ მიღებულ გადაწყვეტილებას პოლიტიკის განახლებაზე მეტი მნიშვნელობა ჰქონდა. ECB-ის პრეზიდენტმა კრისტინ ლაგარდმა განაცხადა, რომ Bitcoin არ განიხილება ევროზონის ცენტრალური ბანკის რეზერვებში. ECB-ის ბოლო, განაკვეთის 25 საბაზისო პუნტქით შემცირების შემდეგ ოფიციალურ პრეს-კონფერენციაზე ლაგარდმა გამოხატა პოლიტიკოსების ერთსულოვანი შეშფოთება ლიკვიდურობის, უსაფრთხოებისა და მარეგულირებელი ზედამხედველობის შესახებ, რაც, მისი აზრით, განაპირობებს Bitcoin-ის სარეზერვო აქტივად დისკვალიფიცირებს. საპროცენტო განაკვეთის შემცირებამ, მეხუთედ 2024 წლის ივნისის შემდეგ, შეამცირა ECB-ის სადეპოზიტო განაკვეთის განაკვეთი 2.75%-მდე. ლაგარდის კომენტარები ხაზს უსვამს ECB-ის პოზიციას ლიკვიდურობისა და სარეზერვო უსაფრთხოების საჭიროების შესახებ. მან ხაზგასმით აღნიშნა, რომ რეზერვები არ უნდა იყოს დაკავშირებული ფულის გათეთრების ან სხვა კრიმინალური აქტივობის რაიმე ეჭვთან, რაც არის კონსენსუსი, რომელსაც იზიარებს მმართველი საბჭო და, სავარაუდოდ, გენერალური საბჭოც. ლაგარდმა ადრე ისაუბრა Bitcoin-თან დაკავშირებულ რისკებზე. 2021 წლის იანვარში მან კრიპტოვალუტას უწოდა "უაღრესად სპეკულაციური" და მხარი დაუჭირა მკაცრი გლობალური რეგულირების დაცვას ფინანსური დანაშაულის რისკების შესამცირებლად. კონფერენცია Reuters Next-ზე მან მიუთითა Bitcoin-თან დაკავშირებულ „ზოგიერთ სასაცილო ბიზნესზე და რამდენიმე საინტერესო და აშკარად განსასჯელ ფულის გათეთრებაზე“. ECB-ის პოზიციის მიუხედავად Bitcoin-ის ფასი გაიზარდა. კრიპტოვალუტას დაემატა +3% ღირებულება, ანგარიშის მოხსენების დროს პირველი კრიტპოვალუტის ფასი დაახლოებით 105 ათასი აშშ დოლარი იყო. ფასის ეს მოძრაობა მიუთითებს ციფრული აქტივების მუდმივ ცვალებადობასა და სპეკულაციურ ხასიათზე - მახასიათებელზე, რომელსაც ცენტრალური ბანკები, როგორიცაა ECB, შეუფერებლად მიიჩნევენ თავიანთი მარაგებისთვის. https://tinyurl.com/3zfnd72t

Microsoft-მა გამოუშვა განახლებული Surface Laptop (7th Edition) და პლანშეტი Surface Pro (11th Edition) ბიზნესისთვის. ადრე გავრცელებული ცნობების საწინააღმდეგოდ, ორივე მოწყობილობაში შენარჩუნებულია ზომები. პლანშეტი შემოთავაზებულია 13-დუიმიანი ეკრანით, ხოლო ახალი Surface Laptop, როგორც ადრე, გამოდის 13.8- და 15-დუიმიანი დისპლეის მქონე ვერსიებში. ყველა მოწყობილობას აქვს უახლესი Intel Core Ultra 200 (Lunar Lake) პროცესორები. ფოტოს წყარო: Microsoft Microsoft-მა განაცხადა, რომ მიმდინარე წელს მოგვიანებით გამოუშვებს Surface Laptop-ის 5G ვერსიას, რომელიც დაფუძნებული იქნება Intel Lunar Lake-ზე. კომპანიამ ასევე წარადგინა ახალი დოკ-სადგური Surface USB4 Hub, რომელიც შექმნილია ლეპტოპის სტილში. ახალი პროდუქტი ამ უკანასკნელს USB4 კონექტორის საშუალებით უერთდება. Surface USB4 Hub ღირს 199.99 აშშ დოლარი. მისი მიწოდება 18 თებერვალს დაიწყება. Surface Laptop-ის (7th Edition) და Surface Pro-ს (11th Edition) ფასები იწყება 1.499 აშშ დოლარიდან. ისინი გაყიდვაში ასევე 18 თებერვლიდან გამოვა. ახალი Surface Laptop (7th Edition) for Business-ისა და Surface Pro (11th Edition) for Business-ისთვის Intel Lunar Lake პლატფორმაზე ხელმისაწვდომია პროცესორები Core Ultra 5 236V (16გბ LPDDR5X, Arc Graphics 130V) და Core Ultra 5 238V (32გბ LPDDR5X, Arc Graphics Graphics 130V). ამ ჩიპებს აქვთ ინტეგრირებული AI ამაჩქარებელი (NPU) 40 TOPS (ტრილიონი ოპერაცია წამში) წარმადობით. უფროს მოდიფიკაციას აქვს Core Ultra 7 266V (16 გბ LPDDR5X, Arc Graphics 140V) და Core Ultra 7 268V (32 გბ LPDDR5X, Arc Graphics 140V) ჩიპები 48 TOPS NPU ნეიროძრავებით. ამრიგად, ყველა ვერსია აკმაყოფილებს Copilot+PC-ის მოთხოვნებს. მიუხედავად იმისა, რომ Intel Core Ultra 200V პროცესორებზე დაფუძნებული ახალი პროდუქტები კვალიფიცირდება, როგორც Copilot+PC, მათი შესაძლებლობები ჩამორჩება შარშან გამოშვებულ Qualcomm Snapdragon X-ზე დაფუძნებულ მოდელებს, ასევე სხვა მწარმოებლების ლეპტოპებს, რომლებიც დაფუძნებულია AMD Ryzen AI 300-ზე. Qualcomm Snapdragon X საშუალებას გაძლევთ გამოიყენოთ, ან თუნდაც შეამოწმოთ Microsoft-ის ყველა ახალი AI ფუნქცია, მათ შორის საკამათო Recall, ასევე გენერაციული ფუნქციები Windows-აპლიკაციებში კონტენტის შესაქმნელად და რედაქტირებისთვის, როგორიცაა Paint და Photos. Recall ხელმისაწვდომი გახდა Snapdragon-ჩიპების მქონე კომპიუტერებზე 2024 წლის 22 ნოემბერს. თავის მხრივ, AMD და Intel-ზე დაფუძნებულ Copilot+PC სისტემებს მოგვიანებით შეეხო განახლება, რომლის შედეგად დაემატა Recall-ის მხარდაჭერა და Click-To-Do ფუნქცია დეკემბერში. Microsoft-ის მიერ დაანონსებული დანარჩენი AI-ფუნქციები მიუწვდომელია x86 სისტემებისთვის. ამის ნაცვლად, ლოკალური NPU-ის არსებობის უპირატესობების შესაფასებლად, Microsoft უფრო მეტად ყურადღებას ამახვილებს ახალ Microsoft 365 Copilot AI ფუნქციებზე, ვიდრე თავად Windows-ის ფუნქციებზე. მაგალითად, Microsoft 365 Copilot-ით მომხმარებლებს შეუძლიათ ხელოვნურ ინტელექტს უკარნახონ ან შექმნან ტექსტი Surface Pro-ზე, ხოლო Copilot გააანალიზებს და გაშიფრავს შენიშვნებს. Microsoft-ის თქმით, ახალი Surface Laptop 26%-ით უფრო სწრაფია მრავალი დავალების შესრულებისას და აქვს ორჯერ მეტი გრაფიკული შესაძლებლობა Surface Laptop 5-თან შედარებით, რომელიც გამოვიდა 2022 წელს და წარმოდგენილი იყო მე-12 თაობის Intel Core პროცესორებით. ამავდროულად, ახალი ლეპტოპის ბატარეის მუშაობის ხანგრძლივობა 22 საათამდეა ლოკალური დისკიდან ვიდეოს ჩართვისას და 14 საათამდე - ვებ ბრაუზერებთან მუშაობისას. ახალი Surface Pro (11th Edition) ბიზნეს პლანშეტი, რომელიც დაფუძნებულია Intel Lunar Lake-ზე, წარმოდგენილია ეკრანის ორი ვარიანტით: IPS ან OLED. OLED ვერსიას აქვს გაუმჯობესებული ფერების რეპროდუქცია და HDR მხარდაჭერა, რაც IPS ვერსიას არ გააჩნია. 13-დუიმიანი პლანშეტის ეკრანის გაფართოებაა 2880 × 1920 პიქსელი, აქვს სიკაშკაშის მაჩვენებელი 600 კდ/მ² (900 კდ/მ² HDR რეჟიმში) და დამცავი საფარი Gorilla Glass 6. მუდმივი მეხსიერების მხრივ პლანშეტს აქვს NVMe PCIe 4.0 დისკი 256 გბ, 512 გბ ან 1 ტბ მოცულობით. მოწყობილობის ბატარეის მუშაობის ხანგრძლივობა 14 საათამდეა. პლანშეტზე ასევე წარმოდგენილია ვებ-კამერა 1440p გაფართოებით, 10-მეგაპიქსელიანი კამერა უკანა პანელზე, ასევე წყვილი Thunderbolt 4 (USB4) პორტი, Bluetooth 5.4-ის და Wi-Fi 7-ის მხარდაჭერა. პლანშეტს არ აქვს 3.5 მმ კონექტორი - კომპანიამ მასზე უარი ჯერ კიდევ Surface Pro 9-ში თქვა. Microsoft ასევე მიუთითებს უსაფრთხოების ინტეგრირებულ თანაპროცესორ Pluton-ის არსებობაზე, რომელიც მუშაობს TPM-თან (Trusted Platform Module) ტანდემში. Pluton არ წარმოადგენს სიახლეს - ეს ჩიპი გამოიყენება, მაგალითად, Xbox Series X და Series S გეიმინგ კონსოლების უსაფრთხოების არქიტექტურაში. ორივე, 13.8- და 15-დუიმიანი Surface ლეპტოპი წარმოდგენილია 3.5 მმ აუდიო კონექტორით, წყვილი Thunderbolt 4 პორტით და ერთი USB Type-A-თი (10 გბ/წმ). მათ ასევე აქვთ 1080p ვებ-კამერები და Wi-Fi 7-ის მხარდაჭერა Bluetooth 5.4-თან ერთად. Surface Laptop-ის მახასიათებლები Intel Lunar Lake-ით ლეპტოპის უმცროსი ვერსია წარმოდგენილია 2304 × 1536 პიქსელი გაფართოების ეკრანით, ხოლო 15-დუიმიანი ვერსია გთავაზობთ დისპლეს 2496 × 1664 პიქსელით. ორივეს აქვს 1300:1 კონტრასტის თანაფარდობა, Dolby Vision IQ-ის მხარდაჭერა და Gorilla Glass 5 დაცვა. Surface USB4 Hub დოკ სადგურს აქვს 65-ვატიანი დამუხტვის მხარდაჭერა, ორი Thunderbolt 4 (USB4) პორტი ორი 4K@60 დისპლეის მხარდაჭერით, ასევე HDMI 2.1, ერთი USB Type-A (10Gbps) და Gigabit LAN. https://tinyurl.com/yjmxsm64

OpenAI-მ გამოაცხადა GPT-4o AI მოდელის განახლების შესახებ, რომელიც არის ჩატ-ბოტ ChatGPT-ის საფუძველი, მისი უფასო ვერსიის ჩათვლით. განახლებამ ნეიროქსელი „ყველა კუთხით უფრო ჭკვიანად“ აქცია, ასევე „უფრო აქტუალური ინფორმაციით დატვირთა“ და ასწავლა მას „[მომხმარებლების მიერ] ატვირთული სურათების უფრო სიღრმისეული გაგება და ანალიზი“. ფოტოს წყარო: OpenAI GPT-4o AI მოდელის უახლესი განახლების მთავარი მახასიათებელია ის, რომ მასზე დაფუძნებული ჩატ-ბოტი ChatGPT ახლა უკეთ ახერხებს STEM-დისციპლინის ამოცანებთან გამკლავებას, ანუ მას უკეთ ესმის მეცნიერება, ტექნოლოგია, ინჟინერია, მათემატიკა და პროგრამირება. ეს კარგი ამბავია მათთვის, ვინც დახმარებისთვის ChatGPT-ს ეყრდნობა ისეთი ამოცანების გადაჭრისთვის, როგორიცაა კოდირების ან კროს-დომენებს შორის პრობლემები. მოხდა GPT-4o AI მოდელის სწავლება უახლესი ინფორმაციის გამოყენებით, ამიტომ მასზე დაფუძნებულ ჩატ-ბოტებს ახლა შეუძლიათ 2024 წლის ივნისამდე არსებული მონაცემების გამოყენება. რაც იმას ნიშნავს, რომ ChatGPT შეძლებს მეტი კონტექსტის მიწოდებას მომხმარებლებისთვის უახლესი ტენდენციებისა და მოვლენების შესახებ. სურათების გენერირებისა და რედაქტირების ფუნქციების თვალსაზრისით ChatGPT-ს ახლა უკეთ ესმის და აანალიზებს მომხმარებლის მიერ ატვირთულ სურათებს. მაგალითად, ჩატ-ბოტს შეუძლია უკეთესი რჩევები გასცეს გამოსახულების რედაქტირების შესახებ და უკეთ გააანალიზოს რთული გრაფიკები და დიაგრამები. და ბოლოს, ChatGPT უფრო მეტი ენთუზიაზმით გამოიყენებს სხვადასხვა emojis-ს თავის პასუხებში - განსაკუთრებით მაშინ, როდესაც მომხმარებლის შეკითხვებში ასევე გამოიყენება emoji-ები. https://tinyurl.com/2bphuprk

სენატორის განცხადებით, აშშ-ის ფასიანი ქაღალდების და ბირჟების კომისია (SEC) აჭარბებს თავის უფლებამოსილებას, რადგან ფასიანი ქაღალდების შესახებ კანონები, რომლებიც ათწლეულების განმავლობაში მოქმედებდა, არ შეიძლება ყოველთვის იქნას გამოყენებული კრიპტოვალუტებზე. ლამისი თვლის, რომ კანონმდებლებმა უნდა შექმნან ცალკეული მარეგულირებელი სახელმძღვანელო ციფრული აქტივებისთვის. „აშშ-ში ჯერ კიდევ არსებობს სასამართლო პროცესები, რომლებიც SEC-მა შეიტანა კრიპტო კომპანიების წინააღმდეგ ფასიანი ქაღალდების კანონების ზედმეტად გულმოდგინე ინტერპრეტაციისთვის. აუცილებელია, რომ მეორე ოლქის სააპელაციო სასამართლომ, ქვეყნის წამყვანმა ფასიანი ქაღალდების სასამართლომ, შეაფასოს და დაბლოკოს SEC-ის მიერ კონგრესის საკანონმდებლო უფლებამოსილებების ხელყოფა. სასამართლომ უნდა განსაზღვროს სტანდარტი, როდესაც ციფრული აქტივები ფასიანი ქაღალდებად უნდა კლასიფიცირდეს“, - განაცხადა ლამისმა. SEC-მა უჩივლა Coinbase-ს (NASDAQ:COIN) 2023 წელს და ამტკიცებდა, რომ პლატფორმა არ იყო რეგისტრირებული აშშ-ში, როგორც ბროკერი, ბირჟა და საკლირინგო პალატა. Coinbase-ის აღმასრულებლები ეჭვქვეშ აყენებენ ბრალდებებს და ამტკიცებენ, რომ ფასიანი ქაღალდების ტრადიციული რეგულაციები არ ვრცელდება კრიპტოვალუტით ვაჭრობაზე. 2025 წლის 7 იანვარს მოსამართლე კეტრინ ფაილამ ბრძანა საქმის შეჩერება, სანამ მეორე ოლქის სააპელაციო სასამართლო არ განიხილავს საქმეს. მისმა გადაწყვეტილებამ შეიძლება შექმნას სამართლებრივი პრეცედენტი SEC-ის სხვა საქმეებისთვის, რომლებიც აღძრულია კრიპტო კომპანიების წინააღმდეგ, მათ შორისაა საქმე Ripple-ის წინააღმდეგ. იანვარში აშშ-ს სენატის საბანკო კომიტეტმა სინტია ლამისი დანიშნა ციფრული აქტივების ახალი ქვეკომიტეტის თავმჯდომარედ - ეს გაყოფილება მიზნად ისახავს ფინანსურ ინსტიტუტებსა და კრიპტო ინდუსტრიას შორის თანამშრომლობის ხელშეწყობას. https://tinyurl.com/5n7jxwf8

Nvidia-მ გამოაქვეყნა დოკუმენტი, რომელიც ასახავს დეტალებს Blackwell-ის არქიტექტურის შესახებ. იგი შეიცავს ინფორმაციას ახალი ტექნოლოგიებისა და წინა თაობის Ada Lovelace არქიტექტურის გაუმჯობესების შესახებ, ასევე დეტალურ ტექნიკურ მახასიათებლებს შემდეგი თაობის გეიმინგ ვიდეო ბარათების შესახებ. ეს ინფორმაცია შეიცავს დეტალებს GeForce RTX 5070 და RTX 5070 Ti მოდელების შესახებ, რომლებიც ადრე არ გახმაურებულა. ფოტოს წყარო: VideoCardz Nvidia-მ დაადასტურა, რომ GeForce RTX 5070 Ti დაფუძნებულია GB203 GPU-ზე. თუმცა, ეს გასაკვირი არ არის, რადგან აქამდე წარმოდგენილ ყველა ქასთომ RTX 5070 Ti მოდელს აქვს იგივე სქემები, როგორც იმავე ჩიპზე აგებულ უფროს RTX 5080, მაგრამ CUDA ბირთვების უფრო დიდი რაოდენობით. GeForce RTX 5070 Ti-ს აქვს ნაკლები ენერგომოხმარების მოთხოვნები და შემცირებული ტაქსტის სიხშირე, მაგრამ შენარჩუნებულია მეხსიერების იგივე კონფიგურაცია 16 გბ GDDR7. გრაფიკულ პროცესორ Nvidia GB203-ის (GeForce RTX 5070 Ti) მახასიათებლები: GeForce RTX 5070 Ti-ს შემადგენლობაში არსებულ GPU-ს აქვს 8960 CUDA ბირთვი, 70 RT ბირთვი და რასტერიზაციის 96 ბლოკი (ROP). L2 ქეშ-მეხსიერების მოცულობა უცვლელია - 48 მბ. ჩიპის ფართობია 378 მმ2 - შედარებისთვის, RTX 4070 Ti-ში წარმოდგენილი AD104-ის ფართობია 294.5 მმ2. ახალ GPU-ს აქვს 45.6 მილიარდი ტრანზისტორი, რაც 9.8 მილიარდით მეტია AD104 ჩიპთან შედარებით. გრაფიკულ პროცესორ Nvidia GB205-ის (GeForce RTX 5070) მახასიათებლები: გრაფიკული პროცესორი GB205, რომელიც სტანდარტული GeForce RTX 5070-ის საფუძველია, შეიცავს 31.1 მილიარდ ტრანზისტორს, რაც 4.7 მილიარდით ნაკლებია GeForce RTX 4070-ის AD104-თან შედარებით. ახალ ჩიპს აქვს 263 მმ2 ფართობი, რაც ასევე ნაკლებია AD104-თან შედარებით (294,5 მმ2). ახალი GPU შეიცავს 6144 CUDA ბირთვს, 48 RT ბირთვს და რასტრული დამუშავების 80 ერთეულს (ROP). GB205-ის L2 ქეშის მოცულობა გაიზარდა 48 მბ-მდე (AD104-ს ჰქონდა 36 მბ). RTX 5070 Ti მოდელის ჩიპის Boost სიხშირეა 2452 მჰც, ხოლო RTX 5070 მოდელს აქვს Boost სიხშირე 2512 მჰც. სავარაუდოა, რომ Nvidia-ს პარტნიორები წარადგენენ ამ ვიდეო ბარათების თავიანთ ვერსიებს GPU-ების დამატებითი ქარხნული აჩქარებით. ბოლო ინფორმაციით , RTX 5070 Ti გაყიდვაში 20 თებერვალს გამოვა. Nvidia-ს ჯერ არ შეურჩევია RTX 5070-ის გამოშვების თარიღი. https://tinyurl.com/4xehdymu

Apple-მა გამოუშვა iOS 18.3-ის და iPadOS 18.3-ის სტაბილური ვერსიები. განახლება მხარდაჭერილ მოწყობილობებზე უზრუნველყოფს ხელოვნური ინტელექტის მქონე ფუნქციებს, რაც წინ გადადგმული ნაბიჯია Apple Intelligence ინსტრუმენტების ხელმისაწვდომობის გაფართოებისკენ. ფოტოს წყარო: gsmarena.com უპირველეს ყოვლისა, აღსანიშნავია Visual Intelligence ფუნქციის დანერგვა iPhone 16 სერიის სმარტფონებში. ეს ინსტრუმენტი მომხმარებლებს საშუალებას მისცემს დაამატონ მოვლენები აპლიკაცია Calendar-ში მონაცემების პოსტერებიდან, ფლაერებიდან დასკანერების მეშვეობით და ა.შ. გარდა ამისა, ვიზუალური ინტელექტის გამოყენება შესაძლებელია მცენარეების ან ცხოველების ვიზუალურად ამოცნობისთვის. iOS 18.3-ში ასევე რეალიზებულია ახალი ამბების შეჯამების გენერირების მხარდაჭერა. თუმცა, ამ ეტაპზე ის მიუწვდომელია, რადგან Apple-ს მოუწია ფუნქციის შეჩერება იმის გამო, რომ ხშირად აგენერირებდა შეცდომაში შემყვან შეჯამებებს, რომლებიც სიმართლეს არ შეესაბამებოდა. თავად ახალი ამბების ანგარიშები მონიშნულია დახრილი შრიფტით და მათი ჩვენების კონფიგურირება შესაძლებელია სპეციალური მენიუს მეშვეობით, რომელიც ხელმისაწვდომია მოწყობილობის ბლოკირების ეკრანზე. იგი ასევე საშუალებას მოგცემთ სწრაფად გამორთოთ ფუნქცია ნებისმიერი აპლიკაციისთვის, საჭიროების შემთხვევაში. დეველოპერებმა ასევე დაუბრუნეს კალკულატორის აპლიკაციას ბოლო ოპერაციის გამეორების შესაძლებლობა ტოლობის ღილაკზე დაჭერით. ასევე დაფიქსირდა შეცდომა, რომლის დროსაც ეკრანის კლავიატურა შეიძლება გაქრეს Siri-ს ტექსტური რეჟიმის გამოძახებისას. გამოსწორდა შეცდომა, რომლის დროსაც Apple Music-ში აუდიოს გაშვება გრძელდებოდა ბოლომდე, მაშინაც კი, თუ აპლიკაცია დახურული იყო. https://tinyurl.com/fp9h7cdp

ერიკ ტრამპმა ჟურნალისტებს განუცხადა, რომ ხელისუფლება განიხილავს ნულოვანი კაპიტალის მოგების გადასახადის განაკვეთს შეერთებულ შტატებში რეგისტრირებული კრიპტო პროექტებისთვის. ბიზნესმენის თქმით, უცხოური კრიპტო კომპანიებისთვის საგადასახადო განაკვეთი შესაძლოა 37%-მდე გაიზარდოს. „ნულოვანი გადასახადის განაკვეთი გავრცელდება არა მხოლოდ ახალ კრიპტო სტარტაპებზე, არამედ დამკვიდრებულ, მოქმედ კომპანიებზეც, რომლებიც ფოკუსირებულნი არიან ბლოკჩეინის ტექნოლოგიაზე, კრიპტოვალუტის მაინინგზე, დეცენტრალიზებულ ფინანსებსა (DeFi) და სხვა შესაბამის სერვისებზე“, - განაცხადა უმცროსმა ტრამპმა. ჟურნალ Forbes-ის მიხედვით, ერიკ ტრამპის წინადადების კრიტიკოსები მიიჩნევენ, რომ საგადასახადო გადაწყვეტილებამ შეიძლება დისბალანსი გამოიწვიოს აშშ-ის კრიპტო ბაზარზე და განაპირობოს მნიშვნელოვანი დანაკარგები ხელისუფლების შემოსავლებში. თუმცა, ჟურნალის ექსპერტების აზრით, ასეთი სცენარი შეიძლება ნაკლებად სავარაუდოდ ჩაითვალოს, ვინაიდან ერიკ ტრამპი არჩეული თანამდებობის პირი არ არის და მისი განცხადებები მის პირად აზრს გამოხატავს. პრეზიდენტს არ აქვს უფლება, სურვილისამებრ შეცვალოს საგადასახადო კანონები, მას მოუწევს ცვლილებების გატანა აშშ-ის კონგრესის მეშვეობით. ორივე პალატაში რესპუბლიკური პარტიის მცირე უმრავლესობის პირობებში არ არსებობს გარანტია იმისა, რომ კრიპტო ინდუსტრიაზე ნულოვანი კაპიტალის მოგების გადასახადი საკანონმდებლო მხარდაჭერას მოიპოვებს. https://tinyurl.com/3twhhdz5

ერთ-ერთმა უმსხვილესმა ამერიკულმა საცალო სავაჭრო პლატფორა BestBuy-მ გამოავლინა მომავალი GeForce RTX 5080 ვიდეო ბარათების ფასები, რომელთა გაყიდვები მიმდინარე დღეებში დაიწყება. მაღაზიის ასორტიმენტი ჯერჯერობით მხოლოდ Gigabyte-ის ვერსიებს მოიცავს. მათი საწყისი ფასია 999.99 აშშ დოლარი, თუმცა მოდელების უმეტესობა გაცილებით მეტი ღირს. ფოტოს წყარო: VideoCardz BestBuy არის ერთადერთი საცალო სავაჭრო პლატფორმა აშშ-ში, რომელიც უფლებამოსილია გაყიდოს Nvidia-ს ეტალონური Founders Edition ვიდეო ბარათები, რომლებიიც შემოთავაზებულია საცალო ფასად 999.99 აშშ დოლარი. სხვა მწარმოებლებიც გამოუშვებენ ვიდეო ბარათებს ამ ფასად. როგორც ჩანს, Gigabyte-ს ასორტიმენტში ექნება მხოლოდ ერთი ასეთი ბარათი - GeForce RTX 5080 WindForce OC SFF. Gaming, Aero და Aorus ვარიანტები მინიმუმ 200 აშშ დოლარით მეტი ეღირება. Gigabyte 1.199.99 აშშ დოლარად აფასებს GeForce RTX 5080 Gaming ვერსიას. GeForce RTX 5080 Aero მოდელის ფასი 1249.99 აშშ დოლარია, ხოლო GeForce RTX 5080 Aorus-ის ღირებულება 1299.99 აშშ დოლარიდან 1399.99 აშშ დოლარამდე მერყეობს. Gigabyte-ის GeForce RTX 5080-ის ყველაზე ძვირადღირებული ვერსიაა Xtreme WaterForce თხევადი გაგრილებით. Gigabyte-ის წარმოების GeForce RTX 5080 ვიდეო ბარათების ვერსიები და ფასები: Gigabyte RTX 5080 WindForce OC SFF 16G (GV-N5080WF3OC-16GD) — 999.99$; Gigabyte RTX 5080 Gaming OC 16G (GV-N5080GAMING OC-16GD) — 1199.99$; Gigabyte RTX 5080 Aero SFF OC 16G (GV-N5080AERO OC-16GD) — 1249.99$; Gigabyte RTX 5080 Aorus Master 16G (GV-N5080AORUS M-16GD) — 1299.99$; Gigabyte RTX 5080 Aorus Master Ice 16G (GV-N5080AORUSM ICE-16GD) — 1299.99$; Gigabyte RTX 5080 Xtreme WaterForce WB 16G (GV-N5080AORUSX WB-16GD) — 1349.99$; Gigabyte RTX 5080 Xtreme WaterForce 16G (GV-N5080AORUSX W-16GD) — 1399.99$. უნდა აღინიშნოს, რომ Nvidia-ს არცერთ პარტნიორს ოფიციალურად ჯერ არ გამოუცხადებია RTX 5080 ბარათის საკუთარი ვარიანტების ფასი, სავარაუდოდ, ეს ინფორმაცია გაყიდვების დაწყებისას გახდება ცნობილი. მალე გამოჩნდება RTX 5080 Founders Edition ეტალონური ვერსიის, ასევე 999.99 აშშ დოლარიანი მოდელების პირველი მიმოხილვები. https://tinyurl.com/b95wbpe9

Meta-ს ხელოვნური ინტელექტის მქონე ასისტენტი „დაიმახსოვრებს“ გარკვეულ ინფორმაციას მომხმარებლების შესახებ, როგორიცაა დიეტური კვების უპირატესობები და ინტერესები. ალგორითმი გამოიყენებს ამ გზით შეგროვებულ ინფორმაციას Facebook-ისა და Instagram-ის ანგარიშების მონაცემებთან ერთად, რათა გასცეს უფრო რელევანტური რეკომენდაციები. ფოტოს წყარო: starline / freepik.com Met AI ასისტენტმა მიიღო მეხსიერების ფუნქცია გასული წლის ბოლოს, მაგრამ იმ დროს იგი შეზღუდული იყო. ახლა დეველოპერებმა გამოაცხადეს ამ ინოვაციის უფრო ფართო გავრცელება Facebook-ზე, Messenger-სა და WhatsApp-ზე Android და iOS პლატფორმებისთვის შეერთებულ შტატებსა და კანადაში. მომხმარებლებს შეუძლიათ თავად აირჩიონ Meta AI-ს რა სახის ინფორმაცია მიაწოდონ საკუთარ თავზე, ის ასევე დაიმახსოვრებს ზოგიერთ მონაცემს კონტექსტზე დაყრდნობით. მაგალითად, თუ ალგორითმი წარმოადგენს ხორცის შემცველი კერძის რეცეპტს და მომხმარებელი ამბობს, რომ ის ვეგეტარიანელია, მაშინ ჩატ-ბოტი შემდგომში ამ ფუნქციის გათვალისწინებით დააკორექტირებს პასუხებს. ფოტოს წყარო: Meta AI ამ „მოგონებებთან“ ერთად, Meta AI Facebook-ში, Instagram-სა და Messenger-ში უზრუნველყოფს „პერსონალიზაციის უფრო მაღალ დონეებს“ მომხმარებლების ანგარიშებიდან ინფორმაციის გამოყენებით თითოეულ პლატფორმაზე. ალგორითმი ითვალისწინებს მომხმარებლის ასაკს, სქესს და ინტერესებს, რომლებიც ჩამოყალიბებულია მისი ქმედებებისა და ნანახი კონტენტის საფუძველზე. აღნიშნულია, რომ ამ დროისთვის კომპანია არ წარმოადგენს კონტენტის პერსონალიზაციის ფუნქციაზე უარის თქმის შესაძლებლობას. კომპანიის თქმით, ხელოვნური ინტელექტის ალგორითმი მხოლოდ მომხმარებელთან პირადი საუბრების მონაცემებს იმახსოვრებს, მაგრამ არა ჯგუფური ჩატებისას. საჭიროების შემთხვევაში შეგიძლიათ წაშალოთ ჩატ-ბოტის მოგონებები „ნებისმიერ დროს“. https://tinyurl.com/43ceyx43

QCP Capital-მა განმარტა, რომ ბაზრის ზრდის განწყობა პრაქტიკულად გაქრა და სანამ არ დადასტურდება აშშ-ის სტრატეგიული Bitcoin-ის რეზერვის შექმნის შესახებ ინფორმაცია, აქტივის დინამიკა არ შეიცვლება. „ბაზრის ინდიკატორები მიუთითებენ იმაზე, რომ ტრეიდერები ოპტიმისტურად არიან განწყობილნი გაზაფხულისადმი და ელიან, რომ ამ დროისთვის საბოლოოდ გაირკვევა ვითარება ინდუსტრიის რეგულირებისა და Bitcoin-ის, როგორც სარეზერვო აქტივის მიღებასთან დაკავშირებით შეერთებულ შტატებში“, - განაცხადეს კომპანიის წარმომადგენლებმა. თუ ინვესტორები თეთრი სახლის ადმინისტრაციისგან მარტში არ მიიღებენ პოზიტიურ სიგნალებს კანონმდებლობის გამარტივების შესახებ, პირველი კრიპტოვალუტის ფასის სტაგნაციის პერიოდი შეიძლება რამდენიმე თვით გაგრძელდეს, დაასკვნეს QCP Capital-ის ექსპერტებმა. მანამდე, MN Consultancy-ის დამფუძნებელმა Michaël van de Poppe-მა აღნიშნა, რომ ბაზარი უნდა მოემზადოს პირველი კრიპტოვალუტის გაზრდილი ცვალებადობისთვის - Bitcoin-ის კურსი შეიძლება მერყეობდეს 94000-დან 98000 აშშ დოლარამდე დიაპაზონში. https://tinyurl.com/4k53zdhr