Magdalena

Google-ის დომინირება შეირყა, მისი წილი გლობალურ საძიებო ბაზარზე ათწლეულის განმავლობაში პირველად 90%-ზე დაბლა ჩამოვიდა გერმანულ ვებ-პლატფორმა Tuta.com-ის მონაცემებით Google-ის წილი გლობალურ საძიებო ბაზარზე 2025 წლის მარტის ბოლოსთვის 90%-ზე დაბლა დაეცა. ბოლოს მსგავსი რამ ათი წლის წინ დაფიქსირდა და ახლა ეფექტი შესაძლოა გრძელვადიანი აღმოჩნდეს. ფოტოს წყარო: Mitchell Luo / unsplash.com Statcounter-ის მონაცემებით 2025 წლის მარტში Google-ის წილი გლობალურ საძიებო ტრაფიკში 89.71%-ს შეადგენდა, ამ მაჩვენებელმა კლება 2024 წლის ოქტომბერში დაიწყო. ბოლოს ინტერნეტ გიგანტმა ასეთი კლება 2015 წელს განიცადა. Google-ის კლება პერსონალური კომპიუტერების სეგმენტში კიდევ უფრო მნიშვნელოვანი აღმოჩნდა: 2023 წლის მაისში მან მაქსიმალური მნიშვნელობა - 87.65% დააფიქსირა, რის შემდეგაც კლება დაიწყო და 2025 წლის მარტში კომპანიის წილმა 79.10%-იანი ანტირეკორდი დაამყარა. ევროპის რეგიონში Google-ის მაჩვენებლები კიდევ უფრო უარესია: 87.08% 2023 წლის მაისში და 77.78% - 2025 წლის მარტში. Google-ის მოქმედების მასშტაბის გათვალისწინებით სტატისტიკაში თითოეული პროცენტული პუნქტი 50 მილიონზე მეტ მომხმარებელს შეესაბამება და კომპანიის მიერ საძიებო ბაზარზე ბაზრის წილის დაკარგვა მსოფლიოს მასშტაბით ათობით მილიონი ადამიანის მიერ მის სერვისებზე უარის თქმის ეკვივალენტურია. არსებობს აღქმა, რომ კონფიდენციალურობა ინტერნეტის მომხმარებლებისთვის სულ უფრო მნიშვნელოვანი ხდება - გერმანულმა საძიებო სისტემა Ecosia-მ 2024 წლის ბოლოდან აუდიტორიის 250%-იანი ზრდა დააფიქსირა. გასულ წელს აშშ-ის ფედერალურმა სასამართლომ Google ოფიციალურად აღიარა, როგორც მონოპოლისტი საძიებო სისტემების ინდუსტრიაში. კომპანიის ქმედებები, რომლის მიხედვით კომპანია თავის პარტნიორებს, მათ შორის Apple-სა და Mozilla-ს, ფულს უხდიდა თავიანთ პროდუქტებში Google-ის ნაგულისხმევ საძიებო სისტემად ასარჩევად, უკანონოდ იქნა მიჩნეული. ევროპული ხელისუფლება ასევე უკმაყოფილოა ამერიკული ტექნოლოგიური გიგანტების, Apple-ის და Meta-ს, საქმიანობით: მათ ჯარიმის სახით შესაბამისად 500 მლნ და 200 მლნ ევრო დაეკისრათ რეგიონში მოქმედი ციფრული ბაზრების შესახებ კანონის მოთხოვნების შეუსრულებლობის გამო; არსებობს ვერსია, რომ შემდეგ რიგში Google და სოციალური ქსელი X დგანან. https://tinyurl.com/yc2y6kee

Mastercard Circle-სა და Paxos-თან პარტნიორობით აფართოებს Stablecoin-ით გადახდების მხარდაჭერას Mastercard (NYSE: MA) საკუთარ ქსელში 150 მილიონ ტრეიდერს საშუალებას მისცემს გადახდები მიიღონ Stablecoin-ებით მყიდველის გადახდის მეთოდის მიუხედავად. ინიციატივა ხორციელდება გადახდების დამუშავების კომპანია Nuvei-სთან და Stablecoin-ების ემიტენტებთან, Circle-სა და Paxos-თან პარტნიორობით. გარდა ამისა, საგადახდო გიგანტმა წამყვან კრიპტო ბირჟა OKX-თან დაიწყო პარტნიორობა, რათა შექმნას კრიპტო-მხარდაჭერის მქონე საბანკო ბარათი, რომელიც სრულად დაუჭერს მხარს Stablecoin-ებს და შექმნის უწყვეტ ეკოსისტემას. OKX-თან პარტნიორობის მიზანია კრიპტოვალუტების მომხმარებლებისთვის „მათ თანხებზე მარტივი წვდომის“ უზრუნველყოფა და Stablecoin-ების ყოველდღიურ ტრანზაქციებში ინტეგრირება. ბანკი Citi მიიჩნევს, რომ მზარდი მარეგულირებელი მხარდაჭერისა და ფინანსური ინსტიტუტების მიერ მათი მიღების კომბინაციამ საფუძველი ჩაუყარა Stablecoin-ების ბაზარს, რომელიც 2030 წლისთვის 3.7 ტრლნ აშშ დოლარამდე გაიზრდება. https://tinyurl.com/ydc7r8bm

Meta-მ გამოუშვა ხელოვნური ინტელექტის დამოუკიდებელი აპლიკაცია, რომელიც კონკურენციას გაუწევს ChatGPT-ს და ხელოვნურ ინტელექტზე დაფუძნებულ სხვა ბოტებს Meta-ს ხელოვნური ინტელექტის WhatsApp-ში, Instagram-ში, Facebook-სა და Messenger-ში ინტეგრირების შემდეგ კომპანიამ ღონისძიება LlamaCon-ზე დამოუკიდებელი აპლიკაცია წარადგინა, რომელიც სხვა ხელოვნური ინტელექტის ჩატ-ბოტების მსგავსია. Meta-მ გამოიყენა თავისი მთავარი კონკურენტული უპირატესობა: მომხმარებელთა პროფილების დიდი რაოდენობა, რომლებიც შეიქმნა Facebook-სა და Instagram-ზე მრავალი წლის განმავლობაში გამოქვეყნებული მონაცემების საფუძველზე. ფოტოს წყარო: freepik.com Meta-ს წარმომადგენლის თქმით კომპანიის ახალი ხელოვნური ინტელექტის ასისტენტი მსგავსი აპლიკაციებისგან იმით განსხვავდება, რომ მას შეუძლია „გამოიყენოს ინფორმაცია, რომელიც თქვენ უკვე აირჩიეთ Meta-ს პროდუქტებში გასაზიარებლად“. ამ ეტაპზე, ამ ტიპის პერსონალიზაცია ხელმისაწვდომი იქნება შეერთებული შტატებისა და კანადის მაცხოვრებლებისთვის, თუმცა საბოლოოდ შესაძლოა მთელ მსოფლიოში გავრცელდეს. კომპანია მიიჩნევს, რომ ხელოვნური ინტელექტის ასისტენტის მიერ პერსონალიზებული ინფორმაციის გამოყენებას აქვს უფრო მეტი უპირატესობა, ვიდრე ნაკლოვანება - მომხმარებელს შეუძლია მას მიაწოდოს ინფორმაცია საკუთარ თავზე, რომელსაც ხელოვნური ინტელექტი დაიმახსოვრებს და მომავალში გაითვალისწინებს. მაგალითად, უპირატესობების, ფობიების ან თანდაყოლილი დაავადებების შესახებ მონაცემების საფუძველზე ხელოვნური ინტელექტის ასისტენტი დაგეგმავს ქორწილს, შვებულებას, ექიმთან ვიზიტს, რესტორანში ვიზიტს ან დაკრძალვას. Meta-ს AI აპლიკაცია ასევე მოიცავს Discover-ის არხს, სადაც მომხმარებელს შეუძლია გამოიყენოს AI, რათა გაუზიაროს მას AI-სთან ურთიერთქმედების ყველა დეტალი - Meta-ს მაკეტში მომხმარებელი სთხოვს AI-ს, აღწეროს იგი სამი ემოჯით, რომლებსაც შემდეგ მეგობრებს გაუგზავნის. დამამშვიდებელია, რომ მომხმარებლის ურთიერთქმედება ხელოვნურ ინტელექტთან მხოლოდ მისი ნებართვით ქვეყნდება. ფოტოს წყარო: techcrunch.com Discover-ის არხის გამოყენებამ შესაძლოა კიდევ უფრო გაამწვავოს გენერაციული ხელოვნური ინტელექტის გარშემო არსებული მასობრივი ფსიქოზი, სადაც ადამიანები ცდილობენ თავი ბარბის თოჯინებს ან Ghibli-ს პერსონაჟებს დაამსგავსონ. https://tinyurl.com/5b5u3846

მასკმა გამოაცხადა, რომ მალე გამოვა მოაზროვნე Grok 3.5, რომელიც ინტერნეტის გარეშე „ნულიდან დააგენერირებს პასუხებს“ ილონ მასკმა განაცხადა, რომ xAI-ის ხელოვნური ინტელექტის ჩატ-ბოტი Grok უახლოეს მომავალში განახლდება Grok 3.5-მდე. ის ამჟამად ბეტა ტესტირების პროცესშია და ფართო საზოგადოებისთვის ხელმისაწვდომი არ არის. თუმცა, SuperGrok-ის აბონენტებს მასზე ადრეული წვდომა მომავალ კვირას მიეცემათ. ფოტოს წყარო: Grok მომავალი განახლების ერთ-ერთი მთავარი მახასიათებელი, რომლის გამოშვების თარიღი ოფიციალურად ჯერ არ არის დადასტურებული, იქნება Grok 3.5-ის შესაძლებლობა - გასცეს უნიკალური პასუხები ტექნიკურ კითხვებზე. კერძოდ, მასკმა აღნიშნა Grok-ის ახალი ვერსიის უნარი, გარკვეული ხარისხის სიზუსტით დაამუშაოს ისეთი რთული სამეცნიერო და ტექნიკური თემები, როგორიცაა ელექტროქიმია და სარაკეტო ძრავები. Grok 3.5 სხვა ჩატ-ბოტებისგან იმით განსხვავდება, თუ როგორ წარმოქმნის პასუხებს დასმულ კითხვებზე. მიუხედავად იმისა, რომ ხელოვნური ინტელექტის მქონე ბევრი ჩატ-ბოტი ინტერნეტს ასკანირებს და გარე წყაროებიდან მიღებული ინფორმაციის საფუძველზე აგროვებს პასუხებს, Grok 3.5 „პასუხებს ნულიდან შექმნის“ „მსჯელობის“ მოდელის გამოყენებით. ეს ნიშნავს, რომ გენერირებული პასუხები შეიძლება იყოს პოტენციურად უნიკალური და არ იყოს ნასესხები ინტერნეტში არსებული მასალებიდან. გარკვეულწილად მსგავსი მიდგომა დანერგილია DeepSeek R1 AI მოდელში, რომელიც ასევე მსჯელობის მექანიზმს იყენებს. ეს ჩატ-ბოტთან ურთიერთობისას უფრო დინამიურ გამოცდილებას უზრუნველყოფს, ამცირებს პასუხებში პლაგიატის რისკს და საშუალებას იძლევა უფრო რთულ კითხვებზე გაიცეს პასუხი. თუმცა, „მსჯელობის უნარის მქონე ხელოვნური ინტელექტის“ ტექნოლოგიას თავისი ფასი აქვს: ის მნიშვნელოვნად მეტ გამოთვლით რესურსს მოითხოვს. ალბათ სწორედ ამიტომ ეძებს xAI დამატებით გზებს თავისი გამოთვლითი სიმძლავრის გასაზრდელად და ამ მიზნით ათობით მილიარდი დოლარის მოზიდვა სურს. https://tinyurl.com/54m7p3p4

Grayscale: სტეიკინგის აკრძალვის გამო ETH სპოტ ფონდებმა 61 მლნ აშშ დოლარი დაკარგეს საინვესტიციო კომპანია Grayscale მოუწოდებს აშშ-ის ფასიანი ქაღალდებისა და ბირჟების კომისიას (SEC) დაუშვას ინვესტორების სახელით შეძენილი Ethereum (ETH) კრიპტოვალუტის სტეიკინგი ყველაზე დიდი Altcoin-ის საბირჟო ფონდებში, რომლის საბაზრო კაპიტალიზაცია 218.7 მლრდ აშშ დოლარია. ამ მიზნით Grayscale-ის წარმომადგენლები ვაშინგტონში SEC-ის კრიპტოვალუტის სამუშაო ჯგუფის წევრებს შეხვდნენ. კერძოდ, Grayscale-მა მოითხოვა Grayscale Ethereum Trust Spot ETF-ისა (ETHE) და Grayscale Ethereum Mini Trust ETF-ის (ETH) უკვე დამტკიცებული 19b-4 განაცხადების შესწორების ნებართვა, რომელთა მართვაშიც შესაბამისად 2.07 მლრდ და 858.76 მლნ აშშ დოლარის ოდენობის აქტივები იმყოფება. 19b-4 განაცხადის ფორმის შევსება სავალდებულო ნაბიჯია შეერთებულ შტატებში საფონდო ბირჟაზე სავაჭრო პროდუქტის გასაშვებად. იგი გაიცემა საბირჟო პროდუქტის ემიტენტი კომპანიისა და იმ საფონდო ბირჟის ერთობლივი ძალისხმევით, სადაც განთავსდება. Grayscale-ის კრიპტო ფონდები ნიუ-იორკის საფონდო ბირჟაზეა წარმოდგენილი. კომპანიამ ხაზი გაუსვა სტეიკინგის სარგებელს და აღნიშნა, რომ ფონდების მონაწილეობა ამ საქმიანობაში გააძლიერებს Ethereum-ის ქსელის უსაფრთხოებას და დამატებით მოგებას მოუტანს აქციონერებს. https://tinyurl.com/4zdepc56

Apple ამზადებს სმარტ სათვალეს Apple Intelligence-ით, მაგრამ შერეული რეალობის გარეშე Bloomberg-ის ჟურნალისტ მარკ გურმანის უახლესი ინფორმაციით Apple აქტიურად მუშაობს სმარტ სათვალეზე, კოდური სახელწოდებით N50. მოწყობილობა გარემოს გასაანალიზებლად ხელოვნურ ინტელექტ Apple Intelligence-ს გამოიყენებს, თუმცა შერეული რეალობის გარეშე. ფოტოს წყარო: 9to5mac.com 9to5Mac-ის ცნობით, კომპანიამ Ray-Ban-თან თანამშრომლობით წარმოდგენილი Meta-ს სათვალის ანალოგის შექმნის მიზანი დაისახა. მოდელს ექნება ინტეგრირებული მიკროფონები, დინამიკები და ხელოვნური ინტელექტის ასისტენტი, თუმცა კონფიდენციალურობის დაცვის გამო, სავარაუდოდ, არ ექნება კამერა. მიუხედავად იმისა, რომ მოწყობილობა ჯერ მზად არ არის, გურმანის თქმით, იდეა იმაში მდგომარეობს, რომ Apple Intelligence-მა, პერსონალურმა ხელოვნურმა ინტელექტმა, გაჯეტთან პირდაპირი ურთიერთქმედება მოახდინოს. Apple თავდაპირველად შერეულ რეალობის მხარდადჭერის მქონე სათვალის გამოშვებას გეგმავდა, თუმცა მისი მასობრივი გამოშვება რამდენიმე წლით გადაიდო. სამაგიეროდ, კომპანიამ ყურადღება უფრო მარტივ გადაწყვეტაზე გაამახვილა - სმარტ სათვალეზე, რომელიც შეძლებს გარემოს შესახებ მონაცემების შეგროვებას და მომხმარებლისთვის ინფორმაციის მიწოდებას. გურმანმა ასევე დაადასტურა, რომ Apple აგრძელებს ინტეგრირებული კამერების მქონე AirPods-ების შემუშავებას. ორივე მოწყობილობის გამოშვება, სავარაუდოდ, დაახლოებით 2027 წლისთვის იგეგმება. ყურსასმენებში არსებული კამერები ფუნქცია Visual Intelligence-ისთვის იქნება გამოყენებული, თუმცა დეტალები ჯერ არ არის ცნობილი. გაურკვეველია, დაუშვებს თუ არა Apple სმატ სათვალით ფოტოების გადაღების შესაძლებლობას. ადრე აღინიშნა, რომ კომპანიამ შესაძლოა ეს ფუნქცია კონფიდენციალურობასთან დაკავშირებული შესაძლო პრობლემების გამო უარყოს, თუმცა საბოლოო გადაწყვეტილება ჯერ არ არის მიღებული. თუ Apple-ის გეგმები განხორციელდება, მისი სმარტ სათვალე შეძლებს კონკურენცია გაუწიოს პოპულარულ Ray-Ban Meta-ს. https://tinyurl.com/2fvrb7a6

Asus-მა დაადასტურა Ryzen Threadripper 9000 პროცესორების არსებობა Asus-მა დაადასტურა AMD Ryzen Threadripper 9000 (Shimada Peak) პროცესორების არსებობა. მწარმოებელმა ჩიპები თავის ვებ-გვერდზე PRO WS TRX50 Sage დედა დაფის გვერდზე ახსენა და განაცხადა, რომ მას მომავალი პროცესორების მხარდაჭერა გააჩნია. ფოტოს წყარო: Asus ის ფაქტი, რომ AMD Ryzen Threadripper 9000 პროცესორების გამოშვებას აპირებს, მხოლოდ არაოფიციალურად არის ცნობილი. მაგალითად, Gigabyte-მა ადრე მიანიშნა მათ არსებობაზე და განაცხადა, რომ ამ ჩიპებს ექნებოდა TRX50 ჩიპსეტის მქონე დედა დაფების მხარდაჭერა. Zen 5-ზე დაფუძნებული Ryzen Threadripper 9000, სავარაუდოდ, ჩაანაცვლებს Zen 4-ზე დაფუძნებულ Ryzen Threadripper 7000 მოდელებს და მასში შენარჩუნებული იქნება იგივე შეფუთვა და თავსებადობა, რაც წინა პლატფორმას ჰქონდა. Asus-ის მონაცემებით, Ryzen Threadripper 9000 სერიაში 96-მდე ბირთვის მქონე პროცესორები იქნება წარმოდგენილი. მოსალოდნელია, რომ Ryzen Threadripper 9000 შესაძლოა მაისში Computex 2025-ზე დაანონსდეს. AMD-მ ადრე განაცხადა, რომ ღონისძიებაზე ახალ გეიმინგ და მაღალი წარმადობის გადაწყვეტილებებს წარადგენდა, თუმცა დეტალები არ დაუკონკრეტებია. Ryzen Threadripper სერიის პროცესორები განკუთვნილია სამუშაო სადგურებისთვის. თუმცა, Asus-ის ცნობით, გამოვა Ryzen Threadripper 9000 სერიის ორი ხაზი - Pro და არა-Pro. ეს უკანასკნელი განკუთვნილია ენთუზიასტებისთვის. https://tinyurl.com/msspck9m

Coinshares: Bitcoin-ის ჰეშრეითი ივლისისთვის უპრეცედენტო დონეს მიაღწევს ციფრული აქტივების საინვესტიციო ფირმა Coinshares-ის ახალი ანგარიშის თანახმად Bitcoin-ის ქსელის ჰეშის სიმძლავრე მიმდინარე წლის ივლისისთვის უპრეცედენტო დონეს, 1 ZH/s-ს მიაუახლოვდება. 2024 წლის ბოლოსთვის Bitcoin-ის ქსელის ჰეშრეითი წამში 778 EH/s-ს შეადგენდა, რაც ოდნავ მეტია Coinshares-ის წინა პროგნოზ 765 EH/s-თან შედარებით. ეს ოპტიმიზმი განპირობებულია Bitcoin-ის ფასის ზრდის ტემპით წლის განმავლობაში, რამაც მაინერები წაახალისა, უფრო სწრაფად აამოქმედონ თავიანთი აღჭურვილობა. Coinshares-ი 2025 წლის ბოლოსთვის ჰეშის სიმძლავრის 1.28 ZH/s-მდე გაზრდას ვარაუდობს, ხოლო 2027 წლის დასაწყისისთვის ახალი რეკორდი - 2.0 ZH/s დამყარდება. წამში 1 ზეტაჰეშის (ZH/s) დონის მიღწევა მნიშვნელოვანია, რადგან ეს ქსელის უსაფრთხოებისა და მდგრადობის გაზრდაზე მიუთითებს და კიდევ უფრო ამცირებს 51%-იანი შეტევის განხორციელების ისედაც ილუზორულ პერსპექტივებს. რაც შეეხება მაინერების მომგებიანობის ისეთ მნიშვნელოვან ინდიკატორს, როგორიცაა ჰეშის ფასი, Coinshares-მა აღნიშნა მისი უმნიშვნელო მიმდინარე აღდგენა, ამავდროულად კი ეტაპობრივი სტრუქტურული კლება ივარაუდა. მოსალოდნელია, რომ Bitcoin-ის 2028 წლის განახევრების ციკლის განმავლობაში ჰეშის ფასები, სავარაუდოდ, დღეში 35-დან 50 აშშ დოლარამდე დიაპაზონში დარჩება (PH/დღე). ჰეშის საშუალო ფასი, სავარაუდოდ, 2026 წლის პირველი კვარტლისთვის 40 აშშ დოლარზე დაბლა დაეცემა. ეს კლება განპირობებულია მაინინგ აღჭურვილობის ეფექტურობის ზრდით ახალი და მძლავრი მანქანების გამოჩენის გამო. https://tinyurl.com/y87dct6e

Amazon Kuiper-ის საკომუნიკაციო თანამგზავრების პირველი პარტია წარმატებით გაუშვეს თვის დასაწყისიდან Amazon, აეროკოსმოსურ კომპანია ULA-ს დახმარებით, ცდილობდა დედამიწის ორბიტაზე Kuiper-ის 27 საკომუნიკაციო თანამგზავრისგან შემდგარი პირველი ჯგუფის გაშვებას, თუმცა სხვადასხვა ფაქტორმა არაერთხელ შეაფერხა მათი პროგრესი. ამჟამად დაგეგმილი გაშვება მაინც შედგა, რაც პროექტ Kuiper-ის განხორციელების მნიშვნელოვან ეტაპს აღნიშნავს. ფოტოს წყარო: Amazon Amazon-ის თანამგზავრების ისტორიული გაშვება მოხდა ფლორიდაში, კანავერალის საჰაერო ძალების ბაზაზე მდებარე სასტარტო მოედნიდან. ყველა სისტემა ნორმალურად მუშაობდა და ამინდიც ხელსაყრელი იყო რაკეტა Atlas V-ის წარმატებით გასაშვებად, რომლის ბორტზეც Kuiper-ის 27 საკომუნიკაციო თანამგზავრი იყო განთავსებული. დედამიწის ზედაპირიდან დაახლოებით 450 კმ სიმაღლეზე, მოსალოდნელია, რომ თანამგზავრები რაკეტას გამოეყოფა, რის შემდეგაც Amazon-ს შეეძლება დედამიწასთან ახლოს მდებარე სივრცეში მანევრირების უნარის გამოცდა და კომპანიის სახმელეთო ინფრასტრუქტურასთან კომუნიკაციის უზრუნველყოფა. Amazon-ის გეგმების შესახებ, რომელიც დედამიწის ახლო ორბიტაზე საკომუნიკაციო თანამგზავრების თანავარსკვლავედის ფორმირებას გულისხმობს, პირველად ექვსი წლის წინ გახდა ცნობილი. ის ილონ მასკის Starlink-ის ინფრასტრუქტურასთან პირდაპირი კონკურენციისთვის იყო განკუთვნილი. ეს უკანასკნელი ამჟამად დომინირებს ამ ბაზრის სეგმენტში და დედამიწის ახლომდებარე ორბიტაზე დაახლოებით 8 ათასი თანამგზავრი ჰყავს. ლიცენზირების ორგანოების მოთხოვნების შესაბამისად Amazon-ს მომავალი წლის ზაფხულისთვის კოსმოსში მინიმუმ 1618 თანამგზავრი უნდა ჰყავდეს, ამიტომ კომპანიას საკმაოდ სწრაფი ტემპით მოუწევს დაწყებული საქმიანობის გაგრძელება. საკუთარი მიწოდების საშუალებების გარდა Amazon-ი ეყრდნობა ULA-ს, ასევე კონკურენტ SpaceX-ს, ევროპულ აეროკოსმოსურ კომპანია Arianspace-ს და Amazon-ის დამფუძნებელ ჯეფ ბეზოსის კუთვნილ სტარტაპ Blue Origin-ს. ამჟამად კომპანიას 80-ზე მეტი გაშვება აქვს დაჯავშნილი და თანამგზავრული კომუნიკაციების ინფრასტრუქტურის შესაქმნელად მინიმუმ 10 მლრდ აშშ დოლარის დახარჯვას გეგმავს. წელს კომპანია გეგმავს სერვისის გამოშვებას კომერციული მომხმარებლებისთვის, რომლებსაც თანამგზავრული ინტერნეტი სჭირდებათ. https://tinyurl.com/ywm2nrv7

OpenAI-მ ChatGPT-ის ძიებას Google-ის მსგავსი შოპინგის ფუნქცია დაუმატა, თუმცა რეკლამების გარეშე OpenAI-მ ChatGPT-ის საძიებო სისტემის მნიშვნელოვანი განახლება გამოაცხადა. ახლა მომხმარებლებს შეეძლებათ პროდუქტების მოძიება და პერსონალიზებული რეკომენდაციების მიღება პირდაპირ ჩატში. ახალი ფუნქცია საშუალებას გაძლევთ იპოვოთ პროდუქტები, ნახოთ სურათები, წაიკითხოთ მიმოხილვები და გადახვიდეთ მაღაზიების ბმულებზე. ფოტოს წყარო: OpenAI OpenAI-ის თქმით, მომხმარებლებს შეუძლიათ დასვან „ჰიპერსპეციფიკური კითხვები ბუნებრივ ენაზე“ და მიიღონ უაღრესად რელევანტური, პერსონალიზებული შედეგები. კომპანია ამ ცვლილებას ისეთი ტრადიციული საძიებო სისტემების, როგორიცაა Google, უფრო მოსახერხებელი ალტერნატივის შექმნისკენ გადადგმულ ნაბიჯად მიიჩნევს. TechCrunch-ის მონაცემებით ამჟამად ტესტირების პროცესშია ისეთი კატეგორიები, როგორებიცაა მოდა, სილამაზე, სახლის ნივთები და ელექტრონიკა. განახლება ახლა ხელმისაწვდომია ChatGPT-ის ყველა მომხმარებლისთვის, როგორც Pro, ასევე Plus აბონენტებისთვის, ასევე უფასო მომხმარებლებისთვის, მათ შორის სისტემაში არაავტორიზებული პირებისთვის. საინტერესოა, რომ ძიების შედეგებში რეკლამა არ იქნება წარმოდგენილი და, როგორც OpenAI ხაზს უსვამს, ეს მნიშვნელოვნად განასხვავებს სერვისს ტრადიციული ძიებისგან. რეკომენდაციები დამოუკიდებლად გენერირდება პარტნიორების სტრუქტურირებული მონაცემების საფუძველზე, თუმცა კომპანია შესყიდვებზე საკომისიოს არ იღებს. „ჩვენ არ ვყიდით პრიორიტეტულ განთავსებას და თავს არ გახვევთ რეკლამას“ - ხაზგასმით აღნიშნავს OpenAI. გენერალურმა დირექტორმა სემ ოლტმენმა ადრეც გამოხატა დამოკიდებულება ChatGPT-ზე რეკლამირების წინააღმდეგ, თუმცა ცნობილ მედია ანალიტიკოს ბენ ტომპსონთან ცოტა ხნის წინ მიცემულ ინტერვიუში შეარბილა თავისი პოზიცია. მან დაუშვა რეკლამირების შესაძლებლობა, სადაც OpenAI მიიღებდა შვილობილი კომპანიების საკომისიოს შესყიდვებისთვის, მაგრამ არ გაყიდიდა პრიორიტეტს ძიების შედეგებში, რადგან, ოლტმენის სიტყვებით, კომპანიას სურს „შეინარჩუნოს ბალანსი სარგებელსა და მონეტიზაციას შორის“. OpenAI უახლოეს მომავალში ასევე გეგმავს მეხსიერების ფუნქციის ინტეგრირებას პროდუქტის ძიებაში Pro და Plus აბონენტებისთვის. ეს ფუნქცია გააანალიზებს წინა საუბრებს და მოგაწვდით უფრო პერსონალიზებულ რეკომენდაციებს. თუმცა, ევროკავშირის, დიდი ბრიტანეთის, შვეიცარიის, ნორვეგიის, ისლანდიისა და ლიხტენშტეინის მომხმარებლები მარეგულირებელი შეზღუდვების გამო ვერ შეძლებენ ამ ფუნქციის გამოყენებას. ChatGPT ასევე გთავაზობთ მინიშნებებს აკრეფისას, Google Search-ის ავტომატური შემავსებლის მსგავსად. გარდა ამისა, OpenAI-მ აამოქმედა WhatsApp-ში ძებნა, რომლის საშუალებით შეგიძლიათ ჩატ-ბოტთან შეკითხვების გაგზავნა და მყისიერი პასუხების მიღება. ძიება დაფუძნებულია სტანდარტულ ხელოვნური ინტელექტის მოდელ GPT-4o-ზე. OpenAI-ის მონაცემებით ChatGPT-ის ძიების პოპულარობა სწრაფად იზრდება. გასულ კვირას მომხმარებლებმა მილიარდზე მეტი ძებნა განახორციელეს, რაც ადასტურებს Google-თან კონკურენციის გამძაფრებას, განსაკუთრებით კი ონლაინ შოპინგის სფეროში. https://tinyurl.com/4a4wd6fc

აშშ-ის ფასიანი ქაღალდებისა და ბირჟების (SEC ) ახალმა ხელმძღვანელმა კრიპტოვალუტების რეგულირების ახალი წესების მხარდაჭერა გამოხატა აშშ-ის ფასიანი ქაღალდებისა და ბირჟების კომისიის (SEC) ახლადდანიშნულმა თავმჯდომარე პოლ ატკინსმა სააგენტოს კრიპტოვალუტების მარეგულირებელი ნორმატიულ-სამართლებრივი ბაზის ყოვლისმომცველი გადახედვისკენ მოუწოდა. მისი თქმით, მოძველებული წესები და სააგენტოების მკაცრი პოლიტიკა წლების განმავლობაში ახშობდა ინოვაციებს. SEC-ის კრიპტოვალუტებთან სამუშაო ჯგუფის მესამე მრგვალ მაგიდაზე გამოსვლისას ატკინსმა განაცხადა, რომ ამჟამინდელ მარეგულირებელ გარემოს „ყურადღება სჭირდება“. „სამწუხაროდ, ბოლო რამდენიმე წლის განმავლობაში ინოვაციებს ხელს უშლიდა ბაზრისა და მარეგულირებელი ორგანოების გაურკვევლობა, რომელიც, სამწუხაროდ, SEC-მა შექმნა“, - თქვა მან. ატკინსმა ასევე გააკრიტიკა წინამორბედ გერი გენსლერის ქმედებები, რომლის ხელმძღვანელობითაც სააგენტომ აგრესიული მიდგომა - „რეგულირება აღსრულების გზით“ - გამოიყენა. ამ პერიოდში სააგენტომ სარჩელი შეიტანა მსხვილი კრიპტო კომპანიების, მათ შორის Coinbase-ის (NASDAQ:COIN) და Binance-ის წინააღმდეგ. თავმჯდომარემ განაცხადა, რომ სააგენტოს 34-ე ხელმძღვანელის თანამდებობაზე ყოფნისას მისი მთავარი პრიორიტეტები კაპიტალის ფორმირების ხელშეწყობა, სამართლიანი და მოწესრიგებული ბაზრების შენარჩუნება და ინვესტორების დაცვა იქნება. გარდა ამისა, ის ყველაფერს გააკეთებს იმისათვის, რომ შეერთებული შტატები დარჩეს „საუკეთესო და უსაფრთხო ადგილად ინვესტიციებისა და ბიზნესისთვის“. https://tinyurl.com/3d86c9cw

Intel წელს გამოუშვებს თავის ყველაზე მძლავრ Panther Lake პროცესორებს, ხოლო უფრო იაფი ვერსიები მომავალ წელს გამოვა კვარტალურ კონფერენციაზე Intel-ის წარმომადგენლებმა განაცხადეს, რომ მისი Panther Lake პროცესორების ძირითადი ნაწილი, რომლებიც Intel-ის 18A ტექნოლოგიაზეა დაფუძნებული, წარმოებაში მომავალ წელს ჩაეშვება. წლის ბოლომდე კი ახალი ჩიპების მეტად შეზღუდული ასორტიმენტი გამოვა. ფოტოს წყარო: Intel, 2023 მსგავსად შეგვიძლია ვიმსჯელოთ Intel-ის პროდუქტების განყოფილების ხელმძღვანელ Michelle Johnston Holthaus-ის სიტყვებიდან: „Panther Lake ნამდვილად ემთხვევა Meteor Lake-ისა და Lunar Lake-ის ბაზარზე გამოშვების წესს, რომლის მიხედვით მომხმარებლები ჯერ ყველაზე მძლავრ პროდუქტს იღებენ, შემდეგ კი პირველ კვარტალში გამოდის დამატებითი მოდელები, რაც საშუალებას მოგვცემს კომერციული ბაზრისთვის ჩამოვაყალიბოთ ხაზი “. მან ასევე აღნიშნა, რომ Panther Lake კონკურენტული თვალსაზრისით ძალიან კარგად გამოიყურება და მომხმარებლები მის მიმართ საკმაოდ დიდ ინტერესს იჩენენ. მანამდე, გენერალურმა დირექტორმა Lip-Bu Tan-მა ასევე აღნიშნა, რომ Panther Lake-ის რამდენიმე პროცესორი წლის ბოლომდე გამოვა, ხოლო ყველა დანარჩენი 2026 წელს გამოჩნდება: „პირველ მოდელებს წლის ბოლომდე გამოვუშვებთ, ხოლო დამატებით მოდელებს - მომავალ წელს. ამიტომ, ამ ეტაპზე ამაზე ვართ ორიენტირებულნი“. სასერვერო სეგმენტში, როგორც Michelle Johnston Holthaus-მა განმარტა, 2026 წლის პირველ ნახევარში გამოვა Clearwater Forest სერიის პროცესორები. ეს უკანასკნელი უნიკალური შეფუთვის ტექნოლოგიის გამოყენებას გულისხმობს, ამიტომ ისინი გარკვეული შეყოვნებით გამოვა სამომხმარებლო Panther Lake პროცესორებთან შედარებით. Clearwater Forest პროცესორებში გამოყენებული იქნება ე.წ. E-ტიპის ბირთვები, რომლებიც ხასიათდება შემცირებული ენერგომოხმარებით, მაგრამ არქიტექტურულად ისინი Granite Rapids-ის წარმომადგენლები არიან. როგორც Intel-ის წარმომადგენელმა შეაჯამა, Panther Lake და Clearwater Forest პროცესორების გამოშვების დაგეგმილი თარიღებიდან გადახრები არ არის. https://tinyurl.com/46w54jsn

Google-ის AI ასისტენტი Gemini გამოჩნდება მანქანებში, სმარტ საათებსა და ყურსასმენებში ბოლო რამდენიმე წლის განმავლობაში Google აქტიურად ახდენს Gemini AI ჩატ-ბოტის ინტეგრირებას თავის პროდუქტებში: Gmail, Android, Google Drive და სხვა სერვისებში. წლის ბოლომდე ჩატ-ბოტის მოქმედების არეალი გაფართოვდება სმარტ საათებისთვის განკუთვნილ Wear OS-ზე, მანქანებისთვის განკუთვნილ Android Auto-სა და უსადენო ყურსასმენებზე. ფოტოს წყარო: blog.google კომპანიის კვარტალური ფინანსური შედეგების გამოქვეყნების შემდეგ გამართულ ბრიფინგზე Alphabet-ის გენერალურმა დირექტორმა სუნდარ პიჩაიმ განაცხადა, რომ Gemini მალე ახალ მოწყობილობებზეც გამოვა: „მობილურ მოწყობილობებზე Google ასისტენტს Gemini-მდე განვაახლებთ, ხოლო წლის ბოლოს განახლდება პლანშეტები, მანქანები და ისეთი მოწყობილობები, რომლებიც სმარტფონს უკავშირდება, როგორიცაა ყურსასმენები და საათები“. წლევანდელი დეველოპერების კონფერენცია Google I/O 20-21 მაისს არის დაგეგმილი, სადაც კომპანიამ შესაძლოა მეტი ინფორმაცია გააზიაოს Gemini-ს გაფართოების გეგმების შესახებ. Google Gemini უკვე ნაგულისხმევი ასისტენტია Android მოწყობილობების უმეტესობაზე, თუმცა ის ჯერ არ არის ხელმისაწვდომი პლანშეტებზე, Wear OS საათებზე, Google-ის სმარტ დინამიკებსა და ეკრანებზე. კომპანიის გეგმები დადასტურდა ზოგიერთი აპლიკაციის ბეტა ვერსიების ანალიზით. მაგალითად, Google-ის აპლიკაციაში აღმოჩენილია კოდის ფრაგმენტები, რომლებიც მიუთითებს, რომ Gemini Wear OS-ში თან სატარებელი მოწყობილობის ასისტენტის სახით გამოვა - სავარაუდოდ, არსებული Google Assistant აპლიკაციის განახლების სახით. კომპანია თავდაპირველად მხოლოდ აპლიკაციას განაახლებს, შემდეგ კი Wear OS 6-ის გამოშვებით ინტეგრაციას გააძლიერებს. Android Automotive-სთვის განკუთვნილი Google Assistant-ის უახლესმა გამოშვებამ გამოავლინა ისეთი დეტალები, რომლებიც მიუთითებს, რომ Google გულმოდგინედ მუშაობს Gemini-ს საავტომობილო პლატფორმაში დანერგვაზე. კომპანია ავითარებს ხელოვნური ინტელექტის მოდელებს, რომლებიც მორგებულია მაღალი ზრდის პოტენციალის მქონე ახალ სფეროებში, მათ შორის რობოტექნიკაში მუშაობაზე, აღნიშნა პიჩაიმ. https://tinyurl.com/2rz89wxs

Nasdaq-მა აშშ-ის ხელისუფლებას კრიპტოვალუტების კლასიფიკაციის საკუთარი ვერსია შესთავაზა Nasdaq-ის ანალიტიკოსების შემოთავაზებაა კრიპტოვალუტები სამ დიდ კატეგორიად დაიყოს: ფასიანი ქაღალდები – ფასიანი ქაღალდების სახით განსაზღვრული ფინანსური ინსტრუმენტების ტოკენიზებული ვერსიები. ციფრული აქტივები - საქონელი - შეესაბამება აშშ-ის კანონმდებლობაში საქონლის განმარტებას. სხვა ციფრული აქტივები - ინსტრუმენტები, რომლებიც არ შედის წინა კატეგორიებში და არ წარმოადგენს არც ფასიან ქაღალდებს და არც საქონელს. Nasdaq-ის ექსპერტების თქმით ფასიანი ქაღალდებისა და საინვესტიციო კონტრაქტების ტოკენიზებული ვერსიები SEC-ის იურისდიქციის ქვეშ უნდა იყოს მოქცეულიი, ხოლო საქონელი - აშშ-ის სასაქონლო ფიუჩერსებით ვაჭრობის კომისიის (CFTC) გავლენის ქვეშ. „ციფრული აქტივების კლასიფიკაცია, როგორც ფასიანი ქაღალდების, საქონლის ან არცერთ მათგანის, წლების განმავლობაში აბნევდა მარეგულირებლებს, კანონმდებლებსა და სასამართლოებს. მკაფიო კლასიფიკაცია გადამწყვეტია. ის განსაზღვრავს, შედის თუ არა ასეთი აქტივები SEC-ის, CFTC-ის, ორივეს, თუ არცერთი სააგენტოს იურისდიქციაში“, - განმარტა Nasdaq-მა. საფონდო ბირჟის ანალიტიკოსების აზრით კრიპტო ინდუსტრიის განვითარების უზრუნველსაყოფად ფასიანი ქაღალდები და მათი ტოკენიზებული ვერსიები ერთსა და იმავე სავაჭრო წესებს უნდა ექვემდებარებოდეს. მანამდე აშშ-ის ფედერალურმა სარეზერვო სისტემამ (FRS) გააუქმა მოთხოვნები, რომლებიც ადრე ზღუდავდა ბანკების მონაწილეობას კრიპტოვალუტებითა და Stablecoin-ებით განხორციელებულ ოპერაციებში. https://tinyurl.com/p44642sy

Google-მა Find My Device 4-ჯერ უფრო სწრაფი გახადა და მალე UWB-ს დააკავშირებს Google-მა განაცხადა, რომ Find My Device ქსელი ახლა მოწყობილობებს 4-ჯერ უფრო სწრაფად პოულობს და რომ UWB ტექნოლოგიის მხარდაჭერა, რომელიც უზრუნველყოფს მოწყობილობის მდებარეობიის მაღალი სიზუსტით განსაზღვრას, „ძალიან მალე“ გახდება ხელმისაწვდომი. თუმცა, ქსელი ტრეკერის ამოცნობის სიჩქარის თვალსაზრისით კვლავ ჩამორჩება Apple-ის Find My ეკოსისტემას. ფოტოს წყარო: google.com როდესაც Google-ის დაკარგული მოწყობილობების თვალთვალის სისტემა პირველად გამოვიდა, მომხმარებლები ძიების ნელლ პროცესზე ჩიოდნენ. თუმცა, წლის დასაწყისიდან კომპანიამ არაერთი გაუმჯობესება განახორციელა და ახლა მომსახურება გაცილებით სწრაფი გახდა. როგორც 9to5Google აღნიშნავს, ქსელის დაჩქარება შესაძლებელი გახდა ალგორითმის გაუმჯობესებისა და ტექნიკური ოპტიმიზაციის წყალობით. კერძოდ, შეიცვალა Bluetooth-ის სკანირების სიხშირე და ხანგრძლივობა, რამაც გაამარტივა მოწყობილობებსა და ტრეკერებს შორის ურთიერთქმედება. გარდა ამისა, თუ მომხმარებელი შეცვლის კონფიდენციალურობის პარამეტრებს ისე, რომ ქსელმა შეძლოს მუშაობა „ნებისმიერ ადგილას“, ეს ასევე დადებითად იმოქმედებს სიჩქარეზე. გაუმჯობესებების მიუხედავად, Find My Device-ი ჯერ კიდევ არ არის ისეთი ძლიერი ნივთების პოვნაში, როგორც Apple-ის Find My. ექსპერტების აზრით ეს იმიტომ ხდება, რომ Google-მა თავდაპირველად სისტემა უფრო კონფიდენციალური, მაგრამ ნაკლებად ფუნქციონალური გახადა სიჩქარისა და ეფექტურობის ხარჯზე. სერვისის ფუნქციონირებისთვის მნიშვნელოვანი ნაბიჯი იქნება UWB-ის (Ultra-Wideband - ულტრაფართოზოლოვანი) დანერგვა - ეს არის ტექნოლოგია, რომელიც უზრუნველყოფს ადგილმდებარეობის უფრო ზუსტ განსაზღვრას. ჯერჯერობით, UWB მხარდაჭერის მქონე ერთადერთი ტრეკერი Motorola-ს Moto Tag-ია, რომელიც ტესტებში ზოგჯერ AirTag-ზე სწრაფიც კია, ზოგჯერ კი ნელი. Google-მა პირობა დადო, რომ UWB-ის დანერგვის დეტალებს უახლოეს მომავალში გააზიარებს და შესაბამისი განცხადება შესაძლოა კონფერენცია Google I/O-ზე გაკეთდეს, რომელიც 20 და 21 მაისისთვის არის დაგეგმილი. https://tinyurl.com/3wfrdssb

საერთაშორისო კოსმოსურ სადგურზე ხელოვნური ინტელექტი დაინერგა - ის ასტრონავტებს რჩევებით დაეხმარება Meta-მ და Booz Allen-მა საერთაშორისო კოსმოსური სადგურისთვის ხელოვნური ინტელექტის სისტემა Space Llama-ს ერთობლივი შემუშავების შესახებ განაცხადეს. სისტემა ოპტიმიზებულია შედარებით სუსტ აპარატურაზე მუშაობისთვის. ეს არის Llama 3.2-ის მოდიფიცირებული დიდი ენის მოდელი. საერთაშორისო კოსმოსურ სადგურზე იგი ასტრონავტებს რთული სამეცნიერო ექსპერიმენტების ჩატარებაში დაეხმარება და ასევე სადგურის სენსორებიდან და ინსტრუმენტებიდან მიღებული ნედლი მონაცემების საწყის დამუშავებას უზრუნველყოფს. HPE Spaceborne Computer-2 საერთაშორისო კოსმოსური სადგურის ბორტზე. წყარო: NASA 2024 წლის იანვარში საერთაშორისო კოსმოსურ სადგურზე კომპანია HPE-ს ახალი x86 სერვერები გაგზავნეს: Edgeline EL4000 ერთი გრაფიკული პროცესორით და HPE DL360 Gen10. მონაცემთა დაგროვების მიზნით პლატფორმას დაემატა 130 ტერაბაიტიანი დისკი Kioxia SSD. მოგვიანებით, აგვისტოში, Booz Allen Hamilton-მა გამოაცხადა, რომ მათ გამოუშვეს ამ აპარატურაზე დაფუძნებული დიდი ენის მოდელი — ხელოვნური ინტელექტი, რომელიც ადამიანებთან კომუნიკაციისთვის მონაცემების ბუნებრივ ენას აღიქვამდა. ბორტზე არსებული ხელოვნური ინტელექტის მთავარი ამოცანაა ასტრონავტებისთვის რეკომენდაციების მიწოდება დედამიწასთან მონაცემთა მუდმივი გაცვლის საჭიროების გარეშე. გარდა ამისა, Space Llama ახორციელებს ბორტზე არსებული სენსორებიდან მონაცემების პირველად დამუშავებას და დედამიწაზე აგზავნის მზა ანალიტიკას ორიგინალი დაუმუშავებელი ნაკადების ნაცვლად. ეს საშუალებას იძლევა მნიშვნელოვნად დაიზოგოს ტრაფიკი, რომელიც ყოველთვის შეზღუდულია საერთაშორისო კოსმოსურ სადგურზე. როგორც Meta და Booz Allen აცხადებენ, Space Llama AI შექმნილია სადგურზე არსებულ სამეცნიერო ლაბორატორიაში - ISS National Laboratory (საერთაშორისო კოსმოსური სადგურის ეროვნული ლაბორატორია) ექსპერიმენტების მხარდასაჭერად. Meta განმარტავს, რომ ასტრონავტებს Space Llama შეუძლიათ გამოიყენონ ტექნიკური საცნობარო დოკუმენტებიდან მონაცემების ამოსაღებად. გარდა ამისა, სისტემაში Llama 3.2-ის დანერგვა საშუალებას იძლევა მოხდეს მულტიმოდალური ფაილების დამუშავება ინტეგრირებული კომპიუტერული ხედვის ფუნქციების წყალობით. ხელოვნურ ინტელექტს მუშაობისთვის დედამიწიდან ინსტრუქციები არ სჭირდება, რაც იმას ნიშნავს, რომ მას შეუძლია გამოთვლების შესრულება ქსელის შეზღუდული სიჩქარის პირობებშიც კი. „ეს ინიციატივა შექმნილია საერთაშორისო კოსმოსური სადგურის ეროვნული ლაბორატორიის მკვლევარების მხარდასაჭერად სამეცნიერო პროექტების ფართო სპექტრში და წარმოადგენს მნიშვნელოვან ნაბიჯს მთვარისა და მარსის შესწავლის, თანამედროვე თანამგზავრებისა და დრონების შესაძლებლობების დანერგვისა და ახალი თაობის ავტონომიური სისტემების შექმნის მიმართულებით“, - განმარტეს Meta-ს თანამშრომლებმა. https://tinyurl.com/45htkw7h

კრიპტო ბირჟებზე Bitcoin-ის მარაგები 2018 წლის ნოემბრის დონემდე შემცირდა Fidelity Digital Assets-ის მონაცემებით, კრიპტოვალუტის ბირჟებზე Bitcoin-ის მარაგები ბოლო ექვს წელზე მეტი ხნის განმავლობაში ყველაზე დაბალ ნიშნულამდე დაეცა, რადგან საჯარო კომპანიები აშშ-ის საპრეზიდენტო არჩევნების შემდეგ ფლაგმანური აქტივის დაგროვების მასშტაბებს ზრდიან. „ჩვენ ვხედავთ Bitcoin-ის მიწოდების შემცირებას ბირჟებზე საჯარო კომპანიების მიერ განხორციელებული შესყიდვების გამო და ველით, რომ ეს პროცესი უახლოეს მომავალში დაჩქარდება“, - განაცხადეს Fidelity-ის ანალიტიკოსებმა. ბირჟებზე Bitcoin-ების რაოდენობა დაახლოებით 2.6 მილიონ Bitcoin-ამდე შემცირდა, რაც 2018 წლის ნოემბრის შემდეგ ყველაზე დაბალი მაჩვენებელია. ამ თვიდან მოყოლებული, სავაჭრო პლატფორმებიდან 425 ათასზე მეტი Bitcoin იქნა გატანილი, რაც ხშირად გრძელვადიანი ინვესტიციის ნიშნად აღიქმება და არა მოკლევადიანი ვაჭრობის. Fidelity-ს განცხადებით, ამ პერიოდში კომპანიებმა თითქმის 350 ათასი BTC შეიძინეს. ყველაზე დიდი ინვესტიცია კომპანია Strategy-მ განახორციელა. ნოემბრიდან მოყოლებული, მაიკლ სეილორის კომპანიამ 285.980 BTC შეიძინა, ანუ შეძენილი აქტივების 81%. აშშ-ის ფარგლებს გარეთ აზიური საჯარო კომპანიებიც აქტიურად ახორციელებენ ინვესტიციებს Bitcoin-ში - Metaplanet-ს ამჟამად 5 ათასი BTC აქვს და აღმასრულებელმა დირექტორმა საიმონ გეროვიჩმა განაცხადა, რომ ხელმძღვანელობის მიზანია წელს Bitcoin-ის ბალანსის გაორმაგება. https://tinyurl.com/3ff78wxc

Adobe-მ წარადგინა ხელოვნური ინტელექტის აგენტი, რომელიც გასწავლით Photoshop-ის გამოყენებას Adobe-მ ლონდონში, ღონისძიება Adobe Max-ზე Photoshop-ისთვის განკუთვნილი ინტეგრირებული ხელოვნური ინტელექტის აგენტი წარადგინა, რომელიც მომხმარებლებს რთული ამოცანების შესრულებასა და მრავალსაფეხურიანი პროცესების ავტომატიზაციაში დაეხმარება. მომხმარებლებს უბრალოდ შეჰყავთ მოთხოვნა ტექსტურ ველში და აგენტი ან შეასრულებს დავალებას, ან ეტაპობრივად აგიხსნით, თუ რა ქმედებებია საჭირო. ასევე, Firefly-ს ახლა შეუძლია Google-ისა და OpenAI-ის მოდელების გამოყენება. ფოტოს წყარო: Adobe ახალი აგენტი ხელმისაწვდომია განახლებულ „მოქმედებების“ პანელში და მუშაობს ჩატ-ბოტის მსგავსად. Adobe-მ აჩვენა, თუ როგორ იყენებს ხელოვნური ინტელექტი ეფექტებს ტექსტსა და ფონზე, რითაც მომხმარებლებს დროს უზოგავს. კომპანიის თქმით, ხელსაწყოს შეუძლია თითქმის ნებისმიერი დავალების შესრულება, რაც ჩვეულებრივ მექანიკურ ჩარევას მოითხოვს. ამავდროულად, Adobe-მ წარმოადგინა გენერაციულ სერვის Firefly-ის ახალი ვერსია, რომელიც აერთიანებს სურათების, ვიდეოს, აუდიოს და ვექტორული გრაფიკის შექმნის ინსტრუმენტებს. განახლებული ვებ ინტერფეისი უკვე ხელმისაწვდომია, ხოლო Android-ისა და iOS-ისთვის მობილური აპლიკაციები მოგვიანებით გამოვა. Firefly-ს ახლა აქვს გაუმჯობესებული მოდელები - Firefly Image Model 4 და 4 Ultra, რომლებიც 2K (2560 x 1440 პიქსელი) გაფართოების დეტალიზაციას უზრუნველყოფენ. სერვისი ინტეგრირებულია Photoshop-თან, Premiere Pro-სა და Express-თან, რაც მომხმარებელს ეხმარება მუშაობის ყველა ეტაპზე - იდეიდან საბოლოო რენდერამდე. ფოტოს წყარო: Adobe Adobe-მ Firefly-ში პირველად ჩართო გარე მხარის ხელოვნური ინტელექტის მოდელები, მათ შორისაა Google-ის Imagen 3 და Veo 2, ასევე სურათების გენერირების ფუნქცია ChatGPT-ის მეშვეობით. კომპანიამ აღნიშნა, რომ პარტნიორებთან სპეციალური შეთანხმებების წყალობით მომხმარებლის მონაცემები ამ ალგორითმების სწავლებისთვის არ იქნება გამოყენებული. გარდა ამისა, Adobe-ს ყველა საკუთარი ხელოვნური ინტელექტის მოდელი ლეგალურ კონტენტზეა განსწავლული, ამიტომ მათი მონაცემები უსაფრთხოა კომერციული გამოყენებისთვის. ეს განსაკუთრებით მნიშვნელოვანია დიზაინერებისა და ფოტოგრაფებისთვის, რომლებსაც სურთ თავიდან აიცილონ საავტორო უფლებების დარღვევის საკითხები. Photoshop-ისთვის ხელოვნური ინტელექტის აგენტის და Firefly-ის ახალი ვერსიის გამოშვება მომდევნო თვეებში იგეგმება. გამოწერის ზუსტი თარიღი და პირობები ჯერ არ არის მითითებული. https://tinyurl.com/33zexe7z

ევროპის უფლებადამცველებმა Ubisoft გეიმერების მონაცემების უკანონოდ შეგროვებაში დაადანაშაულეს ევროპის ციფრული უფლებების ცენტრმა NOYB (None Of Your Business) ავსტრიის მონაცემთა დაცვის ორგანოებში ოფიციალური საჩივარი შეიტანა ფრანგული გამომცემლისა და დეველოპერის - Ubisoft-ის წინააღმდეგ. ფოტოს წყარო: Steam (RaveN) NOYB-ის განცხადებით Ubisoft არღვევს ევროკავშირის მონაცემთა დაცვის ზოგად რეგულაციას (GDPR), რადგან მომხმარებლებს აიძულებს ონლაინ რეჟიმში გადავიდნენ მაშინაც კი, როდესაც თამაშს არ აქვს მულტიმოთამაშის ფუნქციები. „წარმოიდგინეთ, რომ მისტერ მონოპოლია თქვენს მაგიდასთან ზის და გიყურებთ, როგორ თამაშობთ სამაგიდო თამაშს თქვენს ოჯახსა და მეგობრებთან ერთად. ეს არის ვიდეო თამაშების რეალობა“, - აღნიშნა NOYB-მა. ფოტოს წყარო: NOYB NOYB-ის საჩივარი ეფუძნება ანონიმური მომხმარებლის გამოცდილებას, რომელმაც ოფლაინ რეჟიმში ვერ შეძლო ერთმოთამაშიანი პრეისტორიული მოქმედებითი თამაშის, Far Cry Primal-ის, გაშვება, რომელიც მან Steam-ზე შეიძინა - მას თამაშის დასაწყებად Ubisoft-ის ანგარიშში შესვლა მოუწია. Ubisoft-ის ტექნიკურმა მხარდაჭერამ ეს ფაქტი ახსნა იმით, რომ მომხმარებელს უნდა ჰქონდეს თამაშის ლიცენზია, თუმცა NOYB მიიჩნევს, რომ Far Cry Primal-ის Steam ვერსიის შემთხვევაში Steam-ს თავად შეუძლია ამის მოგვარება. 10 წუთის განმავლობაში თამაშმა გაგზავნა Ubisoft-ის 150 მონაცემთა პაკეტი, რომლებიც შეიცავდა არა მხოლოდ სესიის ინფორმაციას (ფოტოს წყარო: Steam) NOYB Ubisoft-ს GDPR-ის 6(1) მუხლის დარღვევაში ადანაშაულებს, პირველ რიგში, მონაცემების შეგროვებაში და მეორე, მომხმარებლებისთვის ამ მონაცემების შეგროვებაზე უარის თქმის შესაძლებლობის არარსებობაში. კომპანია ავსტრიის ხელისუფლებას სთხოვს, აიძულოს Ubisoft დაიცვას GDPR-ის მოთხოვნები და დააკისროს 92 მილიონ ევრომდე ჯარიმა (Ubisoft-ის გასული წლის ბრუნვის 4%), „მილიონობით დაზარალებული მომხმარებლის გათვალისწინებით“. https://tinyurl.com/4jmkwu2v

Bitcoin შევიდა ტოპ 5 უმსხვილეს აქტივების რიცხვში და გაუსწრო Google-ს, Silver-ს და Amazon-ს Bitcoin-ის საბაზრო კაპიტალიზაცია 1.87 ტრლნ აშშ დოლარამდე გაიზარდა და გადააჭარბა Alphabet-ის (NASDAQ:GOOGL) (Google-ის მშობელი კომპანია) 1.859 ტრლნ აშშ დოლარიან მაჩვენებელს. BTC ახლა ჩამორჩება მხოლოდ ოქროს, Apple-ის (NASDAQ: AAPL), Microsoft-ის (NASDAQ: MSFT) და Nvidia-ს (NASDAQ: NVDA). Bitcoin-სა და აშშ-ის მსხვილი ტექნოლოგიური კომპანიების აქციებს შორის კორელაცია ბოლო წლებში მნიშვნელოვნად შემცირდა. ეს განსაკუთრებით შესამჩნევია აპრილის ბოლოს, როდესაც BTC-ის ფასი 15%-ით გაიზარდა, მიუხედავად იმისა, რომ Nasdaq 100 ინდექსი იმავე პერიოდში 4.50%-ით გაიზარდა. ასეთი დაყოფა თვეების განმავლობაში კრიპტოვალუტის მოყვარულთა იმედგაცრუების შემდეგ მოხდა, რომლებიც აშშ-ის საპრეზიდენტო არჩევნების შემდეგ უფრო მეტ მოგებას ელოდნენ. თუმცა, აპრილში ზრდის გათვალისწინებითაც კი, Bitcoin-ის ფასი კვლავ 16%-ით დაბალია იანვარში დაფიქსირებულ მაქსიმალურ 109 ათას აშშ დოლართან შედარებით, როდესაც ტრამპი ოფიციალურად დაბრუნდა თეთრ სახლში. Alphabet-იც რთულ პერიოდს გადის. კომპანიას რეგულაციების გამკაცრების, ანტიმონოპოლიური შეშფოთებისა და ციფრული რეკლამის შემოსავლების შემცირების გამო სირთულეები ექმნება. ხელოვნურ ინტელექტზე ორიენტირებული კონკურენტების ზრდამ და ზრდის პროგნოზების შემცირებამ ასევე უარყოფითად იმოქმედა Google-ის ბაზარზე დომინირებაზე. https://tinyurl.com/mrynv2xm

Google და X შესაძლოა ევროკომისიის შემდეგი სამიზნეები გახდნენ Google-ისა და ილონ მასკის X პლატფორმა შეიძლება იყოს შემდეგი კომპანიები, რომლებიც ევროკომისიის სამიზნე გახდება საჯარიმო სანქციებისთვის აშშ-ის მხრიდან შესაძლო საპასუხო ტარიფების შესახებ არსებული შეშფოთების მიუხედავად. ფოტოს წყარო: ALEXANDRE LALLEMAND / Unsplash ბრიუსელი აგრძელებს ევროკავშირის ციფრული ბაზრების კანონის (Digital Markets Act — DMA) აგრესიულ განხორციელებას - იგი შეიცავს პრაქტიკის ნაკრებს, რომელიც მიზნად ისახავს მომხმარებლებისთვის კონკურენტ ონლაინ სერვისებს შორის გადასვლას, მათ შორისაა სოციალური ქსელები, ბრაუზერები და აპლიკაციების მარკეტები. პირველი, ვინც თავდასხმის ქვეშ მოხვდა, იყვნენ Apple და Meta, რომლებმაც, მარეგულირებლის აზრით, ვერ შეასრულეს DMA-ის მთელი რიგი მოთხოვნები და შემოიღეს ზომები, რომლებიც ზრდის ბიზნეს მომხმარებლებისა და რიგითი მომხმარებლების დამოკიდებულებას მათ პლატფორმებზე. Google და X შეიძლება გახდნენ ევროკომისიის მხრიდან მარეგულირებელი ზეწოლის შემდეგი სამიზნეები. აშშ-ს მხრიდან შესაძლო საპასუხო ტარიფების შესახებ შეშფოთების მიუხედავად ბრიუსელი ინარჩუნებს მკაცრ პოზიციას ციფრული კანონების აღსრულებასთან დაკავშირებით. თუმცა, Google-ის მიმართ გამოძიება ეხება 2021 წლის საქმეს, რომელშიც კომპანია ეჭვმიტანილია საკუთარი სარეკლამო სერვისების უპირატესობის დემონსტრირებაში. თუ ევროკომისია გადაწყვეტს აიძულოს Google-ს გაყიდოს თავისი სარეკლამო ბიზნესის ნაწილი, ეს იქნება ისტორიაში პირველი შემთხვევა, როდესაც ევროკავშირის ანტიმონოპოლიური ორგანო მიიღებს ასეთ მკვეთრ ზომას. კომისიის წყაროები ხაზს უსვამენ, რომ მსგავსი ბრძანება მანამდე არ ყოფილა გაცემული Microsoft-ის წინააღმდეგ გაჭიანურებული ანტიმონოპოლიური საქმის კონტექსტშიც კი. ბიზნესის შესაძლო გაყოფა გახდა დისკუსიის მწვავე თემა მას შემდეგ, რაც აშშ-ის სასამართლომ საბოლოო გადაწყვეტილება მიიღო, რომ Google უკანონოდ დომინირებს ონლაინ სარეკლამო ტექნოლოგიების ორ სეგმენტზე - რეკლამის განთავსების პლატფორმებსა და სარეკლამო ბირჟებზე. ფოტოს წყარო: Masood Aslami / Unsplash გადაწყვეტილებამ შესაძლოა, აშშ-ის ანტიმონოპოლიური სააგენტოების, მათ შორის იუსტიციის სამინისტროს (DOJ) ქმედებების სამართლებრივი საფუძველი შექმნას, რომელიც Google-ის სარეკლამო ბიზნესის იძულებით დაშლას განიხილავს. ევროპის რეგულირების ცენტრის (CERRE) მკვლევრ ზაკ მეიერსის თქმით ეს ხელსაყრელ პირობებს ქმნის ევროკავშირის მიერ კოორდინირებული მოქმედებისთვის. თუ აშშ Google-ზე ზეწოლას გააგრძელებს, შესაძლოა ევროკომისიის ანტიმონოპოლიური სამსახურის ხელმძღვანელს, ტერეზა რიბერას, პოლიტიკური მხარდაჭერა მიენიჭოს, რათა ევროპაში მსგავსი გადაწყვეტილებები მიიღოს. თუმცა, კითხვა კვლავ ღიად რჩება: როგორ იმოქმედებს საერთაშორისო ზეწოლა ევროკავშირის ციფრული მარეგულირებელი კურსის მიხედვით? აშშ-ის პრეზიდენტმა დონალდ ტრამპმა უკვე გააკრიტიკა DMA და მას ამერიკული კორპორაციების წინააღმდეგ ფარული ტარიფი უწოდა. ციფრული ბაზრების შესახებ კანონი (DMA) ტრამპმა თებერვალში გამოცემულ აღმასრულებელ ბრძანებაში ახსენა. რიბერამ, თავის მხრივ, უარყო დათმობების შესაძლებლობა და განაცხადა, რომ ევროკავშირში მოქმედი ყველა კომპანია ვალდებულია დაიცვას ევროპული კანონმდებლობა და პატივი სცეს ევროპულ ღირებულებებს. ევროკავშირის პოლიტიკური მდგრადობა და მარეგულირებელი ავტონომია გამოცდის წინაშე დგას შეერთებული შტატების მხრიდან მზარდი ზეწოლის ფონზე. Google-ისა და X-ის წინააღმდეგ მიმდინარე საქმეების შედეგები DMA-ს დანერგვის ეფექტურობის ლაკმუსის ტესტი იქნება. Google-ის სარეკლამო ბიზნესის შესაძლო გაყოფის შესახებ გადაწყვეტილება არა მხოლოდ სამართლებრივ პრეცედენტს შექმნის, არამედ წარმოადგენს ევროპის მზადყოფნის ინდიკატორსაც - დაიცვას საკუთარი ანტიმონოპოლიური პრიორიტეტები გლობალურ ტექნოლოგიურ ასპარეზზე. https://tinyurl.com/tujb4km8

Google Gemini AI-კონკურენციას აგებს - მომხმარებლები უპირატესობას ChatGPT-ს და Meta AI-ს ანიჭებენ Gemini AI-ს ჰყავს დაახლოებით 350 მილიონი ყოველთვიური მომხმარებელი, რაც მნიშვნელოვნად ნაკლებია OpenAI-ის ChatGPT-სა და Meta AI-სთან შედარებით. ეს მაჩვენებელი გამოცხადდა ახლახანს გამოქვეყნებულ სასამართლო დოკუმენტებში, რომელშიც Google მოპასუხე მხარეა. ფოტოს წყარო: androidauthority.com The Information-ის თანახმად Google-ის წინააღმდეგ მიმდინარე ანტიმონოპოლიური სარჩელის დროს კომპანიამ წარმოადგინა სლაიდი ბოლო სასამართლო სხდომაზე, სადაც დეტალურად იყო აღწერილი მისი Gemini AI ასისტენტის აქტიური მომხმარებლების რაოდენობა. ამ მონაცემების მიხედვით, 2025 წლის მარტის მდგომარეობით, Gemini-ის ყოველთვიურ აქტიურ მომხმარებელთა რაოდენობა მსოფლიოში 350 მილიონ ადამიანს შეადგენდა. Google-ის AI-ს ყოველდღიურად დაახლოებით 35 მილიონი ადამიანი იყენებს. კონკურენტებთან ჩამორჩენის მიუხედავად Google-მა გაზარდა Gemini-ის მომხმარებელთა წილი 2024 წლის ოქტომბრიდან. იმ დროს 9 მილიონი ადამიანი იყენებდა AI ასისტენტს ყოველდღიურად, ხოლო ყოველთვიური აუდიტორია 90 მილიონი ადამიანი იყო. Google-მა ეს ციფრები წარმოადგინა აშშ-ის იუსტიციის სამინისტროს განცხადების კონტექსტში, რომ კომპანიას უნდა აეკრძალოს საძიებო დომინირების გაფართოება ხელოვნური ინტელექტის გამოყენებით. თუმცა, ცხადია, რომ Google ამჟამად აუტსაიდერია ამ სფეროში. მის მაჩვენებლებს OpenAI და Meta მნიშვნელოვნად აღემატება. TechCrunch აცხადებს, რომ Meta AI უახლოვდება 500 მილიონ მომხმარებელს ყოველთვიურად, ხოლო OpenAI-მ ცოტა ხნის წინ განაცხადა, რომ ChatGPT-ს ყოველკვირეულად 400 მილიონზე მეტი გლობალური მომხმარებელი ჰყავს. მიუხედავად იმისა, რომ ამ მონაცემების გამოთვლის მეთოდები განსხვავდება კომპანიებს შორის, ფაქტი რა თქმა უნდა მიუთითებს იმაზე, რომ Google მნიშვნელოვნად ჩამორჩება OpenAI-ს AI ასისტენტის აქტიური მომხმარებლების რაოდენობის მიხედვით. თუმცა, გაურკვეველი რჩება, მოიცავს თუ არა Google-ის მაჩვენებლები Gemini-ის ინტეგრაციას ისეთ პროდუქტებში, როგორიცაა Workspace და Gmail, რომლებსაც აშკარად ბევრად უფრო დიდი სამომხმარებლო ბაზა გააჩნიათ. https://tinyurl.com/ap4sx9k2

Coinbase იკვლევს საბანკო ლიცენზიის მოპოვების შესაძლებლობას აშშ-ში აშშ-ის წამყვანი ცენტრალიზებული კრიპტო ბირჟა (CEX) Coinbase (NASDAQ:COIN) განიხილავს განაცხადის შეტანას აშშ-ის საბანკო ლიცენზიაზე. მედიისთვის გავრცელებულ განცხადებაში კომპანიის წარმომადგენლებმა განმარტეს, რომ ამ საკითხს აქტიურად სწავლობენ, თუმცა ოფიციალური გადაწყვეტილება ჯერ არ მიუღიათ. მანამდე მედიამ შეიტყო, რომ მსგავსი გეგმები აქვთ stablecoin-ის ემიტენტ Circle-სა და Paxos-ს, ასევე კრიპტო პროვაიდერ BitGo-ს. საბანკო ლიცენზია კრიპტო კომპანიებს საშუალებას მისცემს იმოქმედონ ტრადიციული ფინანსური ინსტიტუტების მსგავსად, მიიღონ დეპოზიტები და გასცენ სესხები. თუმცა, საბანკო ლიცენზიის მქონე კომპანიები ექვემდებარებიან უფრო მკაცრ ანგარიშგებას და ზედამხედველობას. ერთ-ერთი ასეთი ლიცენზიის მქონე კრიპტო კომპანიაა Anchorage Digital. მიუხედავად ლიცენზიისა, კომპანია ექვემდებარებოდა გამოძიებას აშშ-ის შიდა უსაფრთხოების სამინისტროს საგამოძიებო ჯგუფ El Dorado Task Force-ის მიერ. STABLE ჩაატარებს ორწლიან მორატორიუმს Stablecoin-ების გამოშვებაზე დამოუკიდებლად გამოშვებული ციფრული აქტივების უზრუნველყოფით და ასევე მოითხოვს რეზერვების შენარჩუნებას ბიზნეს რესურსებისგან განცალკევებით. GENIUS შექმნის საკანონმდებლო ბაზას stablecoin-ებით გადახდებისთვის და ხელს შეუწყობს აშშ-ის ემიტენტების მოზიდვას დოლარის გლობალური დომინირების გასაძლიერებლად. იგი ასევე გააძლიერებს AML წესებს, სარეზერვო სტანდარტებს, ლიკვიდურობისა და სანქციების შესაბამისობის შემოწმებას. იგი ემიტენტებს ფინანსურ დაწესებულებებად ასახელებს. https://tinyurl.com/5a8zm5yf

Nvidia აცხადებს, რომ DLSS ტექნოლოგიის მხარდაჭერა უკვე ხელმისაწვდომია 769 თამაშსა და აპლიკაციაში Nvidia-მ განაცხადა, რომ Deep Learning Super Sampling-ის (DLSS) მხარდაჭერა ახლა უკვე ხელმისაწვდომია 769 თამაშსა და აპლიკაციაში, რაც ადასტურებს მის უპირატესობას კონკურენტ AMD-ისა და Intel-ის მასშტაბირების ტექნოლოგიებზე. DLSS-ის მხარდაჭერა ახლახანს დაემატა კიდევ ექვს თამაშს, მათ შორისაა Multiplayer Survival Simulator RuneScape: Dragonwilds. ფოტოს წყარო: Nvidia 2018 წელს GeForce RTX 20 სერიის ვიდეო ბარათების დებიუტის შემდეგ DLSS გადაიზარდა მარტივი ხელოვნური ინტელექტის მქონე მასშტაბირების ხელსაწყოდან სხვადასხვა ტექნოლოგიის მთელ კომპლექტში. DLSS 4-ის ამჟამინდელი ვერსია მოიცავს Multi Frame Generation (MFG) კადრების გენერატორს და იყენებს "ტრანსფორმერ" AI მოდელებს, რომლებიც უზრუნველყოფენ უფრო მკვეთრ გამოსახულებებს და უფრო გლუვ კადრების სიხშირეს თამაშებში წინა DLSS-ის ნეირონულ ქსელზე დაფუძნებულ AI მოდელებთან შედარებით. კადრების გენერირების, რეითრეისინგის და ხარისხის გაუმჯობესების AI-ზე დაფუძნებული ტექნოლოგიების უპირატესობები ხელმისაწვდომია RTX 40 და 50 სერიის ვიდეო ბარათების მფლობელებისთვის. ექვს ახალ თამაშს შორის, რომლებიც Nvidia-მ ოფიციალურ ბლოგზე გამოაცხადა, დეველოპერ Storm in a Teacup-ის teel Seed არის პირველი, ვინც მიიღებს DLSS 4 MFG-ის მხარდაჭერას. თამაშებს - RuneScape: Dragonwilds, The Talos Principle: Reawakened და Tempest Rising დაემატა DLSS 3 კადრების გენერატორისა და Super Resolution ტექნოლოგიის მხარდაჭერა. რაც შეეხება ინდი-რელიზებს - Clair Obscur: Expedition 33 და Commandos: Origins-ს დაემატა Super Resolution-ის მხარდაჭერა DLSS 2-ის ფარგლებში. ეს განახლებები დემონსტრირებს, რომ Nvidia-ს მასშტაბირების ტექნოლოგიები ინტეგრირებულია პროექტებში სხვადასხვა დონის დეველოპერების პროექტებში. შედარებისთვის, AMD FidelityFX Super Resolution (FSR) და Intel Xe Super Sampling (XeSS) მასშტაბირების ტექნოლოგიები მხარდაჭერილია შესაბამისად 356 და 161 თამაშში. მიუხედავად იმისა, რომ ახალი FSR 4.0 ვერსიის ინტეგრირება გაადვილებულია თამაშის FSR 3.0-ის მხარდაჭერით, ახალი ვერსია მაინც ეყრდნობა კადრების საბაზისო მასშტაბირებას და საჭიროებს დეველოპერის თანამონაწილეობას. ამ მიზეზით, მაგალითად, Baldur's Gate 3-ს ჯერ კიდევ მხოლოდ FSR 2.2-ის მხარდაჭერა გააჩნია. უახლესი DLSS Override მოდელების მოქანიკურად ჩართვა Nvidia-ს აპლიკაციის მეშვეობით (გრაფიკა → პროგრამული პარამეტრები) თამაშებში, რომლებსაც ჯერ არ აქვთ ახალი DLSS ფუნქციების მხარდაჭერა, ბუნებრივად დამატებით სარგებელს აძლევს Nvidia-ს მომხმარებლებს. FSR 4.0 ასევე საშუალებას იძლევა გამოყენებულ იქნას ფუნქცია Override FSR 3.1 იმ თამაშებში, რომლებსაც აქვთ FSR 3.1-ის მხარდაჭერა, მაგრამ ეს ფუნქცია ამჟამად ხელმისაწვდომია მხოლოდ პროექტების შეზღუდულ რაოდენობაში. https://tinyurl.com/mruw3k2n

OpenAI მზადაა იყიდოს ბრაუზერი Chrome, თუ Google იძულებული გახდება გაყიდოს OpenAI-ის წარმომადგენელმა სასამართლოს განუცხადა, რომ კომპანია დაინტერესებულია ბრაუზერ Chrome-ის შეძენით, თუ Google იძულებული გახდება იგი გაყიდოს. ChatGPT-ის პროდუქტების ხელმძღვანელმა Nick Turley-მ ეს განცხადება Google-ის წინააღმდეგ აშშ-ის ანტიმონოპოლიური საქმის მსვლელობის ფარგლებში გააკეთა. ხელისუფლება მიიჩნევს, რომ Chrome-ის გამოყოფა ხელს შეუწყობს კორპორაციის დომინირების შესუსტებას საძიებო სერვისების ბაზარზე. ფოტოს წყარო: Copilot მოსამართლე Amit Mehta-მ დაადგინა, რომ Google-ს მონოპოლია აქვს ონლაინ ძიების სფეროში და ახლა განიხილება მისი გავლენის შეზღუდვის შესაძლო ზომები. კომპანია გადაწყვეტილების გასაჩივრებას აპირებს, მაგრამ თუ სასამართლო გადაწყვეტს Chrome-ის გაყიდვას, OpenAI მზადაა გახდეს მყიდველი, იუწყება The Verge Reuters-ზე დაყრდნობით. ასევე გაირკვა, რომ OpenAI უკვე დიდი ხანია ცდილობდა Google-თან პარტნიორობას, რათა ChatGPT-ს შეძლებოდა მისი საძიებო ტექნოლოგიის გამოყენება. ნეიროქსელი ამჟამად მონაცემებს იღებს Microsoft Bing საძიებო სისტემიდან, მაგრამ Turley-მ აღნიშნა, რომ კომპანიას აქვს "ხარისხის სერიოზული პრობლემები" საძიებო პროვაიდერთან. „დარწმუნებულნი ვართ, რომ Google-თან თანამშრომლობა დაგვეხმარება ჩვენი პროდუქტის გაუმჯობესებაში“, - ნათქვამია OpenAI-ის სასამართლოში წარდგენილ წერილში. თუმცა, Google-მა უარი თქვა პარტნიორობაზე. ამავდროულად, OpenAI აგრძელებს საკუთარი საძიებო სისტემის შემუშავებას, მაგრამ თავდაპირველი გეგმა, რომლის მიხედვითაც ChatGPT შეძლებს დაეყრდნოს თავის ძიებას უმეტესი მოთხოვნების (დაახლოებით 80%) 2025 წლისთვის, ძალიან ოპტიმისტური აღმოჩნდა. მოსალოდნელია, რომ ეს მიზანი მხოლოდ რამდენიმე წელიწადში იქნება მიღწეული. ექსპერტები თვლიან, რომ OpenAI Chrome-ით დაინტერესებულია არა მხოლოდ ძიების მხრივ, არამედ ეს არის გრძელვადიანი სტრატეგიაც და რომ ბრაუზერის ფლობა კომპანიას მისცემს პირდაპირ წვდომას მომხმარებლებსა და მონაცემებზე, რაც გააძლიერებს მის პოზიციას Google-სა და Microsoft-თან კონკურენციაში. ამავდროულად, მოსამართლემ უნდა გადაწყვიტოს, აიძულებენ თუ არა Google-ს გაყოფას და გახდება თუ არა Chrome დამოუკიდებელი აქტივი. თუ Chrome გაიყიდება, OpenAI წამყვან კონკურენტებს შორის აღმოჩნდება, მაგრამ შესაძლებელია, რომ ბაზრის სხვა მსხვილმა მონაწილეებმაც იბრძოლონ ამისთვის. https://tinyurl.com/38adfjnt