Magdalena

Capriole Investments-ის დამფუძნებელი ჩარლზ ედვარდსი „სირთულის ხაზის“ ინდიკატორის მონაცემებზე დაყრდნობით მივიდა დასკვნამდე, რომ Bitcoin-ის მაინერების კაპიტულაციის პერიოდი გავიდა. მისი თქმით, ეს არის "დიდი შესყიდვის სიგნალი". მისი დაკვირვებით, კაპიტულაციის ბოლო ფაზა ისტორიაში ხანგრძლივობით მესამეა (71 დღე). იგი უფრო ხანგრძლივია, ვიდრე 2021 წელს, თუმცა ორი დღით მოკლე - 2018 წლის მაჩვენებელთან შედარებით. „ისტორიულად, Bitcoin-ის მაინერების კაპიტულაცია აფიქსირებდა ფასების მნიშვნელოვნად დაბალ დონეს და იყო შესანიშნავი შესყიდვის სიგნალი“, - განაცხადა ედვარდსმა. წერის მომენტისთვის პირველი კრიპტოვალუტა 21330 აშშ დოლარის ფარგლებში იყიდება. ბოლო შვიდი დღის განმავლობაში ციფრული ოქროს ფასი 12.7%-ით შემცირდა CoinGecko-ს თანახმად. https://tinyurl.com/55twxknx

ბევრი ვიდეო დაფის ფასი დიდი ხანია შემცირდა სარეკომენდაციომდე, თუმცა ჯერ კიდევ 2020 წელს წარმოდგენილი ძირითადი მოდელები, მათ შორის Radeon RX 6800XT და RX 6800, ასევე GeForce RTX 3060 Ti, RTX 3070 და RTX 3080 10 გბ - ამ დრომდე სარეკომენდაციო ფასზე ძვირად იყიდებოდა. ამჟამად მათი ფასებიც მცირდება. პორტალ 3DCenter-მა მოამზადა Radeon RX 6000 და GeForce RTX 30-სერიის ვიდეო დაფების ფასების უახლესი სტატისტიკა გერმანიისა და ავსტრიის მაღაზიებიდან. ფოტოს წყარო: VideoCardz საცალო მოვაჭრეებს არ სურდათ ზემოთ ჩამოთვლილი მოდელების ფასების სარეკომენდაციო ფასს ქვემოთ დაწევა, რადგან ეს ვიდეო დაფები ისედაც მაღალი მოთხოვნით სარგებლობდა. 3DCenter სქემის მიხედვით ამ დაფების ფასები ამჟამად დაახლოებით 3%-ით დაბალია სარეკომენდაციო ფასთან შედარებით. ფოტოს წყარო: 3DCenter Radeon RX 6800 XT-ის მინიმალური ფასი ამჟამად 759 ევროს შეადგენს, Radeon RX 6800 მოდელის ყიდვა შესაძლებელია 639 ევროდან. ტექნიკურად, ეს ფასები ჯერ კიდევ მაღალია სარეკომენდაციოზე დოლართან მიმართებაში ევროს მიმდინარე კურსის, აგრეთვე ავსტრიასა და გერმანიაში არსებული 19%-იანი დღგ-ის გათვალისწინებით. ფოტოს წყარო: VideoCardz NVIDIA-ს ბოლო თაობის ძირითადი მოდელების ფასები ოდნავ მაღალია. მაგალითად, GeForce RTX 3080 10 გბ ამჟამად 779 ევროდ იყიდება, GeForce RTX 3070 – 579 ევროდ. ორივე მათგანი ოდნავ მაღალია სარეკომენდაციო ღირებულებაზე. NVIDIA-ს ერთადერთი დაფა ამაჩქარებლების ამ სიიდან, რომელიც შემოთავაზებულია სარეკომენდაციო ფასად (გაცვლითი კურსის და დღგ-ს ჩათვლით) არის GeForce RTX 3060 Ti. მისი ღირებულება 474 ევროს შეადგენს. ფოტოს წყარო: VideoCardz 2022 წელს გამოშვებული უფრო უახლესი გრაფიკული დაფები - Radeon RX 6500 XT, Radeon RX 6400, Radeon RX 6650 XT, Radeon RX 6700, Radeon RX 6750 XT და Radeon RX 6950 XT, ასევე NVIDIA GeForce RTX 3050 და GeForce RTX 3090 Ti, ასე სწრაფად არ იაფდება. თუმცა ეს ტენდენცია მალე უნდა შეიცვალოს, რადგან ფლაგმანურ მოდელებს ამაჩქარებლების ახალი სერიები ჩაანაცვლებს, ხოლო უმცროსი მოდელები სწრაფად გაიაფდება ახალ გრაფიკულ არქიტექტურაზე დამყარებული ანალოგების გამოშვების გამო. https://tinyurl.com/yc26em4x

სტუდია Porsche Design-მა და ბრენდმა Agon by AOC-მა დააანონსეს მონიტორი PD27S, რომელიც შემუშავებულია გეიმინგ კომპიუტერებისთვის. ახალ მონიტორს აქვს ბრტყელი IPS მატრიცა და სერტიფიკატი DisplayHDR 400. ფოტოს წყარო: Porsche Design პანელი 27-დუიმიანია და აქვს QHD გაფართოება - 2560 × 1440 პიქსელი. უზრუნველყოფილია 95%-იანი DCI-P3 და 99%-იანი sRGB ფერთა გამები. მონიტორის ეკრანის კადრის განახლების სიხშირეა 165 ჰერცი 170 ჰერცამდე გაზრდის შესაძლებლობით. რეაქციის დრო (GtG) 1 მილიწამს უდრის. Adaptive-Sync ტექნოლოგია ხელს უწყობს გეიმინგ პროცესის დინამიურობის დონის ამაღლებას კადრების დამახინჯების მოგვარების ხარჯზე. აღინიშნება, რომ ახალი მონიტორის დიზაინი შთაგონებულია სპორტული ავტომობილებით. ჰაერის მიმღების იმიტაციის მქონე გვერდითა ნაწილებში ბადისებური ჩანართების უკან ჩამალულია 5-ვატიანი დინამიკები. სადგამი საშუალებას იძლევა დარეგულირდეს ეკრანის დახრის კუთხე და ბრუნვადობა, ასევე მაგიდის ზედაპირიდან სიმაღლე 150 მილიმეტრის ფარგლებში. გარდა ამისა, შესაძლებელია დისპლეი ალბომის ორიენტაციითან გადავიდეს პორტრეტის რეჟიმში. მოწყობილობას აქვს ორი HDMI 2.0 კონექტორი, ორი DisplayPort, ჰაბი ოთხი USB 3.2 პორტით, სტანდარტული აუდიოკონექტორი ყურსასმენისა და მიკროფონისთვის. მონიტორის ფასი დაახლოებით 500 ევროს შეადგენს. https://tinyurl.com/5cvdh9wm

22 აგვისტოს მდგომარეობით Bitcoin-ის ქსელში ტრანზაქციის საშუალო საკომისიოს ღირებულება 0.825 აშშ დოლარი იყო. ინდექსი დოლარზე დაბლა პირველად 2020 წლის ივლისის შემდეგ დაეცა. წყარო: Blockchain.com. ქსელის ჰეშრეითი ივლისის შუა პერიოდში მიღწეული მაქსიმალური 231.4 EH/s-დან 206 EH/s-ამდე შემცირდა. წყარო: Blockchain.com. მაინინგის სირთულის დაცემა დაიწყო მაისიდან, როდესაც მან მიაღწია რეკორდულ 31.25 Т მაჩვენებელს. ინდიკატორი აღდგენისკენ გადავიდა აგვისტოს დასაწყისში, წერის დროს მისი მაჩვენებელია 28.35 Т. პირველი კრიპტოვალუტის ფასის კოლაფსმა გამოიწვია მაინერების შემოსავლების ვარდნა ივნისში 26%-ით, ხოლო ივლისში - კიდევ 9%-ით. ამ ფონზე Bitcoin Lightning Network მიკროგადახდების ქსელის სიმძლავრე, რომელიც შექმნილია საკომისიოების შესამცირებლად, ზრდას განაგრძობდა. ზაფხულის პირველ თვეში მაჩვენებელი 2.2%-ით, მომდევნო თვეში კი 10%-ით გაიზარდა და 4419 BTC-ს მიაღწია. Ethereum ქსელში საშუალო საბაზისო საკომისიო წერის მომენტში იყო 0.39$. წყარო: Etherscan. მეორე კრიპტოვალუტის მაინერების შემოსავალი, რომელშიც საკომისიოების წილი ტრადიციულად მნიშვნელოვანი ნაწილია, ზაფხულში უფრო მეტად დაეცა, ვიდრე Bitcoin-ის მაინერების შემოსავალი. ივნისის შედეგების მიხედვით ზარალმა 52% შეადგინა, ივლისში კი კიდევ -4%. შეგახსენებთ, რომ Bitcoin-ის მაინინგის საბჭომ გამოთვალა, რომ მაინინგის ენერგოეფექტურობა წელიწადში 46%-ით გაიზარდა. ორგანიზაცია აერთიანებს მაინერებს, რომელთა საერთო ჰეშრეითი ქსელის 50%-ზე მეტია. https://tinyurl.com/3mb67x8w

კომპანია MSI-მ დააანონსა პორტატული გეიმინგ კომპიუტერი Bravo 15 B5E, რომელშიც გამოყენებულია AMD-ის აპარატული პლატფორმა და ოპერაციული სისტემა Windows 11 Home. ლეპტოპს აქვს 15.6-დუიმიანი Full HD ფორმატის დისპლეი 1920 × 1080 პიქსელი გაფართოებით და 144 ჰერცი კადრის განახლების სიხშირით. ფოტოს წყარო: MSI მაქსიმალურ კონფიგურაციაში შედის პროცესორი Ryzen 7 5800H, რომელიც შეიცავს რვა ბირთვს ინსტრუქციების 16-მდე ნაკადის დამუშავების შესაძლებლობით. საბაზისო სიხშირე შეადგენს 3.2 გჰც-ს, მაქსიმალური - 4.4 გჰც-ს. DDR4-3200 სტანდარტის ოპერატიული მეხსიერების მოცულობა 64 გბ-ს აღწევს. გამოყენებულია გაგრილების ეფექტური სისტემა Cooler Boost. გრაფიკის დამუშავებაზე პასუხისმგებელია ვიდეო დაფა AMD Radeon RX 6500M 4 გბ GDDR6 მეხსიერებით. ლეპტოპს აქვს SSD M.2 NVMe PCIe 3.0, ორი 2-2-ვატიანი სტერეოდინამიკი, 720p ვებ-კამერა, Bluetooth 5.2 და Gigabit Ethernet ადაპტერები, წითელი განათების მქონე კლავიატურა. გარდა ამისა, ხელმისაწვდომია Wi-Fi 6E კონტროლერი სამი სხვადასხვა - 2,4, 5 და 6 გჰც სიხშირის მხარდაჭერით. კომპიუტერს აქვს ორი პორტი USB 3.2 Gen1 Type-A, USB 3.2 Gen1 Type-C კონექტორი, USB 2.0 პორტი, HDMI ინტერფეისი, RJ45 ჰაბი ქსელის კაბელისთვის და 3.5-მილიმეტრიანი სტანდარტული აუდიოკონექტორი. ლეპტოპის ზომაა 359 × 259 × 24.95 მმ, წონა - 2.35 კგ. განთავსებულია 53.5 ვტ/სთ მოცულობის ბატარეა. https://tinyurl.com/ywce4tr9

როგორც კი გაჩნდა შემაშფოთებელი ამბები კონკურენტ კომპანია Synchron-ის აქტივებით ილონ მასკის დაინტერესის შესახებ, მილიარდერის პირად Twitter-ის გვერდზე გამოჩნდა შეტყობინება, რომ ოქტომბრის ბოლო დღეს მოხდება Neuralink ნეიროინტერფეისის განვითარების პროგრესის შესახებ სიახლეების გაზიარება. ფოტოს წყარო: Neuralink ილონ მასკის განცხადების კონტექსტიდან თუ ვიმსჯელებთ, 31 ოქტომბერს ის არა მხოლოდ Neuralink-ის წარმატებაზე ისაუბრებს, არამედ ერთგვარ დემონსტრაციასაც გამართავს. ადრე მსგავს შემთხვევებში ნაჩვენები იყო იმპლანტების ტვინში იმპლანტაციის შედეგები, რომლებიც ღორებსა და მაიმუნებს კომპიუტერთან ურთიერთობის საშუალებას აძლევდა. მასკი ორი წლის წინ გეგმავდა ადამიანში ასეთი იმპლანტის ჩანერგვის პირველ ექსპერიმენტს, მაგრამ აშშ-ის მარეგულირებელ ორგანოებს ჯერ არ გაუციათ შესაბამისი ნებართვა ადამიანებზე ექსპერიმენტის ჩასატარებლად შეერთებული შტატების ტერიტორიაზე. შეგახსენებთ, რომ Neuralink-ის მიერ შემუშავებული ტექნოლოგია გულისხმობს პაციენტის თავის ქალას გახსნას და ელექტროდების ჩანერგვას თავის ტვინის ქერქში. არაოფიციალური მონაცემებით Neuralink-ის სპეციალისტების მიერ ცხოველებზე განხორციელებული ყველა ექსპერიმენტი არ იყო წარმატებული და ცხოველთა უფლებების დამცველმა აქტივისტებმა ამის შესახებ პრესაში აურზაური წამოჭრეს. ზოგადად მიიჩნევა, რომ ასეთი ინტერფეისების შემუშავება საშუალებას იძლევა დაიბრუნონ მოძრაობის უნარი ისეთმა ადამიანებმა, რომლებმაც ტრავმის ან რაიმე სახის დაავადების გამო დაკარგეს კიდურების დამოუკიდებლად კონტროლის შესაძლებლობა. კონკურენტმა კომპანია Synchron-მა მიიღო აშშ-ის მარეგულირებელი ორგანოს ნებართვა ადამიანებზე ექსპერიმენტის ჩასატარებლად, მაგრამ კისრის ფუძეში არტერიის მეშვეობით იმპლანტის ჩასმის მისი მეთოდები უფრო უსაფრთხოა. ეს ვითარება იწვევს შეშფოთებას და პერსონალის გადინებას Neuralink-დან, ამიტომ ილონ მასკის დაპირებები კომპანიის წარმატების გაზიარების მიზნით მიზნად ისახავს საზოგადოების ნდობის აღდგენას. https://tinyurl.com/y5w88k6t

აშშ-ის წარმომადგენელთა პალატის ენერგეტიკისა და კომერციის კომიტეტის წევრებმა ოთხ მაინინგ კომპანიას გაუგზავნეს მოთხოვნა გარემოზე მათი საქმიანობის გავლენის შესახებ. აშშ-ის წარმომადგენელთა პალატის ენერგეტიკისა და ვაჭრობის კომიტეტის წევრებმა ოთხ მაინინგ-კომპანიას გაუგზავნეს მოთხოვნა გარემოზე მათი საქმიანობის გავლენის მონაცემების მიწოდების შესახებ. ეს კომპანიებია Core Scientific, Riot Blockchain, Marathon Digital და Stronghold Digital. ყველა მათგანს აქვს საჯარო სტატუსი. „ბლოკჩეინის ტექნოლოგიას აქვს უზარმაზარი პერსპექტივები, რასაც შეუძლია ჩვენი პერსონალური ინფორმაცია გახადოს უფრო უსაფრთხო და ეკონომიკა - უფრო ეფექტური. თუმცა ენერგიის მოხმარებამ და პროგრამულმა უზრუნველყოფამ, რომელიც საჭიროა [Proof-of-Work] კრიპტოვალუტების მხარდასაჭერად, ზოგიერთ შემთხვევაში შეიძლება გამოიწვიოს სერიოზული გარე შედეგები მავნე გამონაბოლქვისა და ჭარბი ნარჩენების სახით“, - აცხადებენ წერილის ავტორები. ავტორები მაინერებისგან მოითხოვდნენ ეცნობებინათ, თუ როგორ ამსუბუქებს თითოეული მათგანი გარემოზე უარყოფით გავლენას. კომპანიებმა ასევე უნდა მიუთითონ ის ნაბიჯები, რომლებსაც დგამენ ენერგოსისტემაზე ზემოქმედების შესამცირებლად. 2021 წლის დეკემბერში ამერიკელმა სენატორმა ელიზაბეტ უორენმა სთხოვა მაინინგ-კომპანია Greenridge Generation-ს - მიეწოდებინა დეტალური აქტივობის მონაცემები. მისი აზრით, Bitcoin-ის მაინინგში ელექტროენერგიის მოხმარება "შედარებულია დანიის, ჩილეს, არგენტინისა და ვაშინგტონის შტატის მაჩვენებლებთან". კომპანია ადრეც შეეჯახა ბრალდებებს გარემოზე უარყოფითი ზემოქმედების შესახებ. 2022 წელს ნიუ-იორკის უზენაესმა სასამართლომ უარყო გარემოსდამცველების პრეტენზიები Greenidge-ის წინააღმდეგ. შეგახსენებთ, რომ 2022 წლის აპრილში ნიუ-იორკის შტატის საკანონმდებლო ორგანოს ქვედა პალატამ მხარი დაუჭირა ნახშირბადის წყაროებიდან გამომუშავებული ელექტროენერგიის მოპოვების მორატორიუმს. მოგვიანებით კანონპროექტმა ადგილობრივი სენატის მხარდაჭერა მიიღო. ვიტალიკ ბუტერინი, Castle Island Ventures-ის გენერალური პარტნიორი ნიკ კარტერი და საზოგადოების სხვა წევრები დოკუმენტს აკრიტიკებენ. https://tinyurl.com/yc5a78br

Nicolas Thomas, Unsplash ინტერნეტში გამოჩნდა პროცესორ Intel Cannon Lake-Y-ის „სპეციალური ნიმუშის“ ინჟინრული დაფის ფოტო და ეს ნიმუში ინტერესს იწვევს იმით, რომ შედგება სამი კრისტალისგან და არა ორისგან, როგორც ამ სერიის სხვა სერიული პროცესორები - წერს VideoCardz. ფოტო გამოაქვეყნა იშვიათი სიახლეებით ცნობილმა კოლექციონერმა მეტსახელით YuuKi_AnS. ამ დროისთვის სპეციალისტს არ შეუძლია ზუსტად განსაზღვროს პროცესორის ტიპი, მაგრამ წებოვანი ლენტისა და წებოს არსებობის მიხედვით იგი ვარაუდობს, რომ პროცესორი გამოყენებულ იქნა ტესტებში სითბოს გამოყოფის დონის დასადგენად. ფოტოს წყარო: @yuuki_ans და VideoCardz როგორც Wccftech აღნიშნავს, Cannon Lake სერია გამოვიდა 2018 წელს, იგი წარმოდგენილი იყო მხოლოდ ორი პროცესორით: Core i3-8121U და M3-8114Y. მოდელები დამყარებულია 10-ნანომეტრიან ტექნოპროცესზე, აქვთ 2 ბირთვი Palm Cove Hyper-Threading-ის მხარდაჭერით და ეს პროცესორები გამოყენებულ იქნა კომპაქტურ NUC Crimson Canyon კომპიუტერებში, აგრეთვე დაბალი სიმძლავრის ლეპტოპებში. მიიჩნევა, რომ ზემოთხსენებულ ჩიპში მოცემული მესამე კრისტალი McIVR (Multi-chip Integrated Voltage Regulator) ძაბვის მარეგულირებელია, თუმცა სერიული წარმოებისთვის არჩეულ იქნა ვარიანტი FIVR (Fully Integrated Voltage Regulator) მარეგულირებლით, რომელიც ინტეგრირებულია ორიდან ერთ-ერთ კრისტალში. https://tinyurl.com/ft565dju

საბაზისო დონის ვიდეო დაფა Intel Arc A380 არ შედის საუკეთესო გრაფიკული ამაჩქარებლების რიცხვში, თუმცა ყველაფერი გააჩნია მაღალი წარმადობის თამაშ Crysis-ში აუცილებელი პირობების უზრუნველსაყოფად, რომელიც წარსულში ვიდეო თამაშების ოქროს სტანდარტად მიიჩნეოდა. ფოტოს წყარო: Gunnir YouTube-არხ PCGH Benchmark & Analysis-ის ავტორმა ახლახანს შეაფასა Gunnir Arc A380 ამაჩქარებლის შესაძლებლობები Crysis-ში. გაითვალისწინეთ, რომ საუბარია 15 წლის წინანდელ თამაშზე და არა Crysis Remastered-ზე, რომელიც დაახლოებით ორი წლის წინ გამოვიდა. Intel-ის დაბალბიუჯეტურმა გრაფიკულმა ამაჩქარებელმა შესანიშნავად შეასრულა დაკისრებული ამოცანები და მაღალი წარმადობა დააფიქსირა. ბლოგერმა შუთერის ორიგინალი ვერსია გაუშვა მაქსიმალურ პარამეტრებზე 1080p გაფართოებითა და ოთხმაგი MSAA-ს პირობებში. თამაშის პროცესში კადრების სიხშირე არ ჩამოსულა 60 კადრი/წამში სიხშირის ქვემოთ, მაქსიმუმს კი მიაღწია 80 კადრი/წამში მაჩვენებელს. აღსანიშნავია, რომ Crysis-ის ორიგინალ ვერსიაში გამოიყენება DirectX 10, Arc A380 კი არ გამოირჩევა DirectX 12-ზე ძველ API-ებთან მუშაობის კარგი ოპტიმიზაციით. ამ დროისთვის Intel-მა Arc A380 გრაფიკული დაფების გაყიდვები დაიწყო ჩინეთში, მაგრამ მალე სხვა რეგიონებშიც გამოჩნდება. მაგალითად, ASRock Arc A380 Challenger ITX მოდელი ოფიციალურად იქნა წარდგენილი მიმდინარე წლის ივლისში და მისი შეძენა შესაძლებელია ამერიკულ საცალო სავაჭრო პლატფორმა Newegg-ზე დაახლოებით 140 აშშ დოლარად. https://tinyurl.com/v4fwcj73

Bitcoin-ის მომპოვებელმა უმსხვილესმა კომპანიებმა გასულ კვარტალში 1 მლრდ-ზე მეტი ზარალი განიცადეს. ამაში დიდიწილად დამნაშავეა კრიპტოვალუტების კურსის ვარდნა. ზოგი კომპანია კრიპტოვალუტების მარაგს თავიდან იშორებს და ყიდიან მაინინგ მოწყობილობებს. ზოგიერთი კი ბიზნესში დარჩენის სურვილით კრედიტს იღებს ხარჯების დასაფარად. Bloomberg წერს, რომ აშშ-ის საფონდო ბაზარზე მოვაჭრე ბაზარზე სამმა მთავარმა მომპოვებელმა კომპანიამ 1 მლრდ აშშ დოლარზე მეტი ზარალი ნახა. Bitcoin-ის კურსი კვარტლის განმავლობაში თითქმის 60%-ით შემცირდა - 45 ათასიდან 20 ათას აშშ დოლარამდე. სხვა კრიპტოვალუტები კიდევ უფრო მეტად გაიაფდა. ვიდეო დაფებით მოპოვებადი Ethereum-ის ფასი ორი მესამედით შემცირდა. Core Scientific-მა, Marathon Digital Holdings-მა და Riot Blockchain-მა განაცხადეს 862 მლნ, 192 მლნ და 366 მლნ აშშ დოლარის წმინდა ზარალის შესახებ. ასევე დაზარალდნენ სხვა კომპანიები, მათ შორის Bitfarms და Greenidge Generation Holdings. მაინერები უფრო მეტ Bitcoin-ს ყიდიან, ვიდრე ამჟამად მოიპოვებენ. ივნისში მოხდა მიმდინარე წლისთვის Bitcoin-ების ყველაზე მსხვილი გაყიდვა. ძირითადმა საჯარო მაინერებმა გაყიდეს 14600 Bitcoin, ამავე დროის მოპოვებულ იქნა 3900 Bitcoin. ივნისში Core Scientific-მა გაყიდა აქტივების 80% ოპერაციული ხარჯების დასაფარად და ფინანსირების გაფართოების მიზნით. Bitfarms-მა გაყიდა თავისი კრიპტოვალუტების დაახლოებით ნახევარი. ეს ტენდენცია შესაძლოა მესამე კვარტალშიც შენარჩუნდეს. ივლისი გაყიდვების მოცულობის მხრივ მეორე თვე იყო, რადგან 6200 Bitcoin გაიყიდა. კომპანიები ასევე ყიდიან მაინინგის მოწყობილობებს და იღებენ სესხებს. Marathon Digital-მა აიღო 100 მლნ აშშ დოლარის სწრაფი სესხი და გაყიდა მაინინგ მოწყობილობები 58 მლნ აშშ დოლარად. Core Scientific აპირებს 100 მლნ აშშ დოლარის ჩვეულებრივი აქციების შეძენას კერძო საინვესტიციო კომპანიებისგან. Coinbase-მა, აშშ-ში ვაჭრობის მოცულობით უმსხვილესმა კრიპტო ბირჟამ, იზარალა დაახლოებით 1.1 მლრდ აშშ დოლარი. ივნისში მან ათასზე მეტი თანამშრომელი გაათავისუფლა და მისი აღმასრულებელი დირექტორი პროგნოზირებს გრძელ კრიპტოზამთარს, წერს Techspot. https://tinyurl.com/bdhbyrnm

იაპონია ამართლებს მაღალტექნოლოგიური ქვეყნის სტატუსს, რომელშიც შეუძლიათ ანიმესა და რობოტების არა მხოლოდ ხატვა, არამედ მათი დამზადება საყოფაცხოვრებო მიზნებისთვის. მანგა, რა თქმა უნდა, საინტერესოა ისევე, როგორც მისი გმირები, მაგრამ ის, რითიც ნამდვილად გვაკვირვებს ამომავალი მზის ქვეყანას, არის მისი მაღალგანვითარებული რობოტექნიკა. გასაკვირი უკვე აღარ არის უცნაური კატა რობოტები, მაგრამ მაღაზიათა ქსელისთვის განკუთვნილი რობოტი-გამყიდველები ნამდვილად პატივისცემად იწვევენ ქვეყნის შრომისმოყვარე მოსახლეობის მიმართ. აგვისტოში მაღაზიათა ქსელ FamilyMart-ში ადამიანი გამყიდველების ნაცვლად გამოჩნდებიან უცნაური სახელის მქონე რობოტები - "TX SCARA". ეს რობოტები შეასრულებენ კონტროლიორ-პროვიზორის საქმეს, განახორციელებენ თაროებზე არსებული პროდუქციის აღრიცხვასა და ჩაწერას. ტვინის მაგივრად ამ მანქანებს ექნებათ ხელოვნური ინტელექტი, ნამდვილი ტერმინატორის მსგავსად ხელმისაწვდომია „სათადარიგო დენის წყაროც“: საჭიროების შემთხვევაში მანქანების დისტანციურად მართვა შესაძლებელია ოპერატორების მიერ. დეველოპერების თქმით რობოტების შესაძლებლობები ისეთია, რომ მაღაზიაში ადამიანის შრომის თითქმის 99% აღარ იქნება საჭირო. მიზეზები, რამაც გამოიწვია ასეთი თამამი ნაბიჯის გადადგმა, ცხადი არ არის. გამოდის, რომ იაპონიაში უბრალოდ არ არის საკმარისი "მომსახურე პერსონალი". ასევე უნდა აღინიშნოს, რომ რობოტების „გონიერებამდე“ მიყვანაში იაპონელ ინჟინრებს Microsoft-ისა და Nvidia-ს ინჟინრები დაეხმარნენ ოღონდ არა "უფასოდ" - იაპონელების საპასუხო ნაბიჯი იქნება ვალდებულება - განათავსონ თავიანთი რობოტი გამყიდველები უკვე ამერიკულ საცალო ქსელში - 100 000 რობოტის ოდენობით. https://tinyurl.com/35y7b36b

კომპანია Intel-მა მაღალი წარმადობის მობილური პროცესორები Alder Lake-HX მიმდინარე წლის მაისში გამოუშვა. თუმცა ინტერნეტში უკვე გამოჩნდა პირველა ცნობები მათი ერთ-ერთი მემკვიდრის შესახებ - ესენია სამომავლო მაღალი წარმადობის სერია Raptor Lake-HX-ის მობილური პროცესორები. ვებ-გვერდ BAPCo CrossMark-ის მონაცემთა ბაზაში აღმოჩენილია ინფორმაცია 14-ბირთვიანი, 20-ნაკადიანი Core i5-13600HX-ის შესახებ. ფოტოს წყარო: Intel ტესტის მონაცემებში მითითებული იყო, რომ ჩიპი შემოწმდა დესკტოპ პლატფორმის შემადგენლობაში, მაგრამ ფაქტობრივად HX-სერიის პროცესორები დესკტოპ-ჩიპებია, თუმცა მობილური შეფუთვით. მობილური Alder Lake-HX სერიაში შედის 16-ბირთვიანი პროცესორები 8 მაღალი წარმადობის და 8 ენერგოეფექტური ბირთვით ისევე, როგორც Alder Lake-S-ის დესკტოპ ვარიანტებში. ფოტოს წყარო: BAPCo 14-ბირთვიანი 20-ნაკადიანი Core i5-13600HX მოდელით ივარაუდება, რომ Intel-ი Raptor Lake-HX-ის საშუალო რგოლის წარმომადგენლებში ორჯერ გაზრდის მაღალი წარმადობის ბირთვების რაოდენობას. სამწუხაროდ, ბირთვების ტაქტის სიხშირისა და ენერგომოხმარების შესახებ ინფორმაცია ჯერ მიუწვდომელია. სავსებით სარწმუნოა, რომ Intel გააგრძელებს ახალი თაობის HX სერიის მოდელების გამოშვებას 55 ვატი TDP-ის ფარგლებში, რაც საშუალებას მისცემს მიმდინარე Alder Lake-HX-ზე დამყარებული ლეპტოპების შეუფერხებლად გადასვლას ახალ პლატფორმაზე. წარმადობას რაც შეეხება, Core i5-13600HX ნიმუშის მაჩვენებელი უფრო დაბალია Core i7-12700H-თან (TDP 45 ვტ) შედარებით, რომელსაც ბირთვების ანალოგიური კონფიგურაცია აქვს DDR4-3200 სტანდარტის 32 გბ ოპერატიული მეხსიერების მქონე სისტემის შემადგენლობაში. თუმცა ეს ფაქტი იმით აიხსნება, რომ საუბარი ეხება მეტად ადრეულ ინჟინრულ ნიმუშს. ფოტოს წყარო: BAPCo და მაინც, ცოტა გასაკვირია, რომ მე-13 თაობის Intel Core მობილური HX სერიის აქტიური ტესტირების ეტაპი დაიწყო მათი წინამორბედების გამოშვებიდან ოთხ თვეზე ნაკლებ დროში. https://tinyurl.com/4z3yeawn

ევროკავშირის ხელისუფლება შექმნის ახალ მარეგულირებელ ორგანო AMLA-ს, რომელსაც დაევალება კრიპტო ბიზნესის უშუალო ზედამხედველობა. ამის შესახებ ნათქვამია ევროკავშირის მეექვსე ფულის გათეთრების საწინააღმდეგო დირექტივაში (AMLD6), წერს The Block. ევროკომისიამ შესაბამისი კანონპროექტი 2022 წლის 20 ივლისს წარადგინა. მანამდე თავისი ვერსია გამოაქვეყნა ევროსაბჭომ. ევროპარლამენტი AMLD6-ს აგვისტოს არდადეგების შემდეგ განიხილავს. როგორც კი ეს უკანასკნელი დაამტკიცებს კანონპროექტის თავის ვერსიას, სამივე ორგანო შევა ე.წ. ტრილოგიში მისი დებულებების დასასრულებლად. გამოცემა თვლის, რომ AMLA-ს შექმნა, რომელიც ცენტრალურ ადგილს იკავებს AMLD6-ში, ყველაზე ნაკლებ წინააღმდეგობას გამოიწვევს. განხორციელებას, მათ შორის პერსონალის დაკომპლექტებას, წლები დასჭირდება. ევროსაბჭოსა და ევროკომისიის ვერსიებში ფულის გათეთრების საწინააღმდეგო ორგანო პირდაპირ გააკონტროლებს მინიმუმ „მაღალი რისკის“ კრიპტო ფირმებს. „ევროკავშირის დონეზე არსებულ ორგანოს ექნება უფლება განახორციელოს უშუალო ზედამხედველობა გარკვეულ ფინანსურ ინსტიტუტებზე და არაპირდაპირი ზედამხედველობა/კოორდინაცია გაუწიოს სხვა მსგავს ორგანიზაციებს. ის ასევე შეასრულებს დამაკავშირებელ როლს არაფინანსური სექტორის რეგულირებაში“, - განმარტავს The Block. ხსენებული ორგანოს გაჩენა ევროკავშირისთვის დიდი წინგადადგმული ნაბიჯი იქნება, ნათქვამია გამოცემაში. წინა AMLD-ები, განსაკუთრებით 2015 და 2018 წლების მეოთხე და მეხუთე ორგანოები, ადგენდნენ სტანდარტებს წევრი ქვეყნებისთვის გარკვეული მონაცემების შეგროვებისა და მოხსენებისთვის, როგორიცაა კორპორაციების ბენეფიციარული საკუთრება. ფორმირებული რეესტრები განსხვავებული რეგულაციების კარგი მაგალითია. იმ ქვეყნებს შორისაც კი, რომლებიც უზრუნველყოფენ კორპორატიულ ინფორმაციაზე უფასო წვდომას, მონაცემები მნიშვნელოვნად განსხვავდება. ასეთი გაუმჭვირვალობა საშუალებას აძლევდა Binance-ს რამდენიმე წლის განმავლობაში პოტენციური მომხმარებლებისთვის ეცნობებინა მალტის მარეგულირებლების მიერ კრიპტოვალუტის სერვისების მიწოდების დამტკიცების შესახებ. AMLD5-მა დაადგინა, რომ წევრმა ქვეყნებმა კრიპტო ბირჟები უნდა განიხილონ, როგორც ფინანსური ინსტიტუტები. გადაწყვეტილების მირება დაუტოვეს წევრ სახელმწიფოებს. ზოგადი ანგარიშგების მოთხოვნები არ გახდა საფუძველი ერთიანი მარეგულირებლის შექმნისთვის. შეგახსენებთ, რომ ივლისის დასაწყისში ევროკავშირის საბჭო და ევროპარლამენტი წინასწარ შეთანხმდნენ კრიპტოვალუტების რეგულირების კანონპროექტ MiCA-ს დებულებებზე. იგი აღწერს წესებს, რომლებიც ვრცელდება არაუზრუნველყოფილი კრიპტო აქტივების, Stablecoin-ების, სავაჭრო და სამეურვეო პლატფორმების ემიტენტებზე. მოგვიანებით ევროპის მწვანეთა პარტიის წევრებმა და სოციალისტებმა წამოაყენეს შეთავაზება AML/CFT პროცედურების სტანდარტების გაფართოების შესახებ დეცენტრალიზებულ ორგანიზაციებზე, DeFi საიტებსა და NFT პლატფორმებზე. https://tinyurl.com/yne3ybtj

Commercial Times-ის ინფორმაციით TSMC მომავალი თვიდან დაიწყებს 3-ნანომეტრიანი (N3) ჩიპების მასობრივ წარმოებას. TSMC-ის მომხმარებლებისთვის N3 ტექნოპროცესის საფუძველზე დამზადებული პირველი პროდუქციის მიწოდება მოსალოდნელია მომავალი წლის დასაწყისში. ფოტოს წყარო: TSMC როგორც წესი, TSMC ახალი ტექნოპროცესის გამოყენებით ჩიპების მასობრივ წარმოებას გაზაფხულზე იწყებს, რათა მოასწროს საკმარისი რაოდენობის ჩიპების გამოშვება Apple-ის ახალი iPhone-ების გამოშვებამდე, რომელთა რელიზი სექტემბერში იმართება. თუმცა N3 ნოუდების შემუშავებას ჩვეულებრივზე მეტი დრო დასჭირდა. სწორედ ამიტომ Apple სამომავლო სმარტფონებში სხვა ტექნოპროცესს გამოიყენებს. მიუხედავად ამისა, სწორედ Apple იქნება TSMC-ის პირველი დამკვეთი, ვინც მიიღებს 3-ნანომეტრიანი ტექნოლოგიით დამზადებულ ჩიპებს. N3 ტექნოლოგია 5-ნანომეტრიან (N5) ტექნოპროცესთან შედარებით უზრუნველყოფს სიხშირის 10-15%-ით მატებას ენერგომოხმარების ანალოგიურ პირობებში და კრისტალების ენერგომოხმარების 25-30%-ით შემცირებას სიხშირის შენარჩუნებისთან. აგრეთვე, ახალი საწარმოო ნორმები საშუალებას იძლევა გაიზარდოს ტრანზისტორების განლაგების სიმჭიდროვე დაახლოებით 1.6-ჯერ. N3 ნოუდის ერთ-ერთი მთავარი განსაკუთრებული მახასიათებელია FinFlex ტექნოლოგია, რომლის მეშვეობით გაიზრდება კომპანიის ჩიპების მიმზიდველობა მომხმარებლისთვის. ტექნოლოგიის არსი მდგომარეობს იმაში, რომ მწარმოებელი შესაძლებლობას იძლევა გამოყენებულ იქნას FinFET-ტრანზისტორების სხვადასხვა სახეები ერთი ნახევრადგამტარი კრისტალის ფარგლებში. ტექნოლოგია სარგებელს მოუტანს ისეთ რთულ პროდუქტებს, როგორებიცაა ცენტრალური და გრაფიკული პროცესორები. ამიტომ კომპანიები - Apple, AMD, Intel და NVIDIA შეძლებენ გამოუშვან უფრო მაღალი წარმადობის პროდუქტები გარკვეული გამოთვლითი ამოცანებისთვის. სამომავლოდ TSMC დაიწყებს N3E, N3P და N3S ტექნოპროცესების გამოყენებას. პირველი მათგანი წარმოადგენს N3-ის ოპტიმიზაციას, ბოლო ორი - N3E-ს ოპტიმიზაციას გამოყენების სხვადასხვა ტიპებისთვის. N3P ორიენტირებულია მაღალი წარმადობის ჩიპებზე, N3S - ტრანზისტორების გაზრდილი სიმჭიდროვის მქონე ენერგოეფექტურ ჩიპებზე. ორივე ტექნოპროცესი დაგეგმილია 2024 წლისთვის, N3E კი 2023 წელს გამოჩნდება. https://tinyurl.com/864txfxm

კომპანია Apple 7 სექტემბერს ჩაატარებს ღონისძიებას, რომელზეც წარადგენს iPhone 14 სერიის სმარტფონებს - ამტკიცებს გამომცემლობა Bloomberg მოცემულ საკითში გაცნობიერებულ ანონიმურ წყაროებზე დაყრდნობით. შენიშვნის ავტორი Mark Gurman მიუთითებს, რომ ღონისძიება შეიძლება გადაიდოს, მაგრამ იმის გათვალისწინებით, რომ კომპანია, როგორც წესი, პრეზენტაციებს სექტემბრის პირველ ნახევარში ატარებს - გადავადება ნაკლებად მოსალოდნელია. ფოტოს წყარო: 9to5Mac ვინაიდან მსოფლიოში ჯერ არ დასრულებულა COVID-19-ის პანდემია, Apple-ის ახალი მოწყობილობების პრეზენტაცია ონლაინ-ტრანსლაციის ფარგლებში გაიმართება, წერს გურმანი. ღონისძიებაზე მოსალოდნელია iPhone 14, iPhone 14 Max, iPhone 14 Pro და iPhone 14 Pro Max სმარტფონების ანონსი. Pro მოდელებში სავარაუდოდ წარმოდგენილი იქნება მნიშვნელოვანი ცვლილებები წინა სერიის მოდელებთან შედარებით. ამ დრომდე ვრცელდებოდა ცნობები, რომ კომპანია უარს იტყვის მათში ე.წ. „წინამოს“ გამოყენებაზე და ფრონტალურ კამერას ეკრანის ჭრილში გადაიტანს. თავად ეკრანს ექნება ფუნქცია Always-on Display, iPhone 14 Pro და 14 Pro Max მოდელებს საფუძვლად დაედება ახალი თაობის A-სერიის პროცესორები. სტანდარტულ iPhone 14-ში შენარჩუნებული იქნება ძველი დიზაინი „წინამოთი“ და, შესაძლოა, აქტუალური ჩიპი Apple A15 Bionic. ბოლო წლებია Apple სმარტფონებს პრეზენტაციიდან მოკლე დროშივე უშვებს. გურმანის თქმით კომპანიამ მიმართა თავისი მაღაზიების თანამშრომლებს და განუცხადა, რომ ახალი პროდუქტების რელიზისთვის დაახლოებით 16 სექტემბრისთვის მოემზადონ. მოსალოდნელია, რომ ღონისძიებაზე Apple ასევე დააანონსებს ახალ სმარტ-საათებს Apple Watch, რომელთა შორის იქნება მოწყობილობის პრემიალური დაცული ვერსია და განახლებულია მოდელი Apple Watch SE. გარდა ამისა, არაოფიციალური ცნობების თანახმად Apple ამზადებს ახალი თაობის უსადენო ყურსასმენ AirPods Pro-ს, რომელსაც ექნება Lossless audio-ს მხარდაჭერა, აგრეთვე საბაზისო დონის ახალ პლანშეტ iPad-ს ყურსასმენის კონექტორის გარეშე და სხვა მოწყობილობებს. https://tinyurl.com/3w6na7b8

ციფრული აქტივებით უკანონო საქმიანობასთან დაკავშირებული ტრანზაქციების მოცულობა იანვარ-ივლისში გასული წლის ანალოგიურ პერიოდთან შედარებით 15%-ით შემცირდა. ასეთ მონაცემებს აქვეყნებს Chainalysis. წყარო: Chainalysis. ანალიტიკოსები ამ მოვლენას ციფრულ აქტივებზე ფასების შემცირებას უკავშირებენ. გამოთვლების თანახმად არასაეჭვო კრიპტო ტრანზაქციების მოცულობა იმავე პერიოდში 36%-ით შემცირდა. „თუ ჩავუღრმავდებით დანაშაულის კონკრეტულ ფორმებს, აღმოვაჩენთ, რომ ზოგიერთი ფაქტობრივად გაიზარდა, ზოგი კი უფრო მეტად შემცირდა, ვიდრე მთლიანი ბაზარი“, - ნათქვამია მოხსენებაში. ამგვარად, თაღლითობიდან მიღებული ჯამური შემოსავალი 65%-ით ნაკლები აღმოჩნდა, ვიდრე ერთი წლის წინ და შეადგინა 1.6 მლრდ აშშ დოლარი. ეს მაჩვენებელი ყველაზე დაბალია ბოლო ოთხი წლის განმავლობაში. წყარო: Chainalysis. ექსპერტებმა დაასკვნეს, რომ თაღლითური რეკლამის მიმზიდველობა მცირდება კრიპტო ბაზარზე ვითარების გაუარესების ფონზე. სტატისტიკაზე ასევე იმოქმედა ისეთი დიდი Ponzi სქემების არარსებობამ, როგორებიცაა PlusToken (2 მლრდ აშშ დოლარი 2019 წელს) და Finiko (1.5 მლრდ აშშ დოლარი 2021 წელს). ჰაკერების მიერ მიყენებულმა ზარალმა იანვრიდან ივლისამდე 1.9 მლრდ აშშ დოლარი შეადგინა. შედარებისთვის, გასული წლის ანალოგიურ პერიოდში ეს მაჩვენებელი 1.2 მლრდ აშშ დოლარი იყო. ზრდა გამოწვეულია DeFi პროტოკოლების მზარდი პოპულარობით, რომლებიც ხდებიან ჰაკერების მსხვერპლნი სმარტ-კონტრაქტების აუდიტისადმი არასაკმარისი ყურადღების გამო. წყარო: Chainalysis. „ჩვენ არ ველით, რომ ჰაკერების რაოდენობა შემცირდება ბაზრის მოძრაობის მიხედვით, როგორც ეს ხდება თაღლითობის დროს. სანამ DeFi-ის პროტოკოლების პულებსა და სხვა სერვისებში შენახული აქტივები ღირებულია და დაუცველი, ბოროტმოქმედები შეეცდებიან მათ მოპარვას“, - ასკვნიან ექსპერტები. Chainalysis-მა წლის დასაწყისიდან cross-chain პროტოკოლებზე ჰაკერების მიერ მიყენებული ზარალი 2 მლრდ აშშ დოლარად შეაფასა. https://tinyurl.com/2w7kfk7c

კომპანია Alienware-მა (Dell-ის გეიმინგ განყოფილება) წარადგინა ორი ახალი გეიმინგ მონიტორი: 25-დუიმიანი მოდელი Alienware AW2523HF და 27-დუიმიანი Alienware AW2723DF. ორივე მათგანში გამოყენებულია IPS მატრიცა. ფოტოს წყარო: Dell 25-დუიმიან მოდელს აქვს Full HD გაფართოება, 360 ჰერცი კადრის განახლების სიხშირე, 99%-იანი sRGB ფერთა გამა, მხარდაჭერილია ტექნოლოგიები VESA AdaptiveSync და HDR10. 27-დუიმიან მოდელს აქვს Quad HD ფორმატის გაფართოების მხარდაჭერა, კადრის განახლების სიხშირეა 240 ჰერცი (280 ჰერცამდე აჩქარებისას), 95%-იანი DCI-P3 ფერთა გამა, აგრეთვე VESA DisplayHDR 600 ტექნოლოგიის მხარდაჭერა. უფროს მოდელში ასევე მხარდაჭერილია ტექნოლოგიები NVIDIA G-Sync და AMD FreeSync Premium Pro. უმცროს მოდელში - მხოლოდ AMD FreeSync Premium Pro. ორივე მონიტორს კონექტორების იდენტური ნაკრები აქვს, რომელშიც შედის ორი HDMI 2.0, ერთი USB 3.2 Type-B Gen1, ოთხი USB-A, ერთი DisplayPort 1.4, აგრეთვე 3.5-მილიმეტრიანი აუდიოკონექტორი. მოწყობილობებს აქვს ერგონომიული სადგამები, აგრეთვე ყურსასმენის ჩამოსაკიდებლად განკუთვნილი კაუჭი. 25-დუიმიან მოდელს კომპანია აფასებს 450 აშშ დოლარად და იგი გაყიდვაში 7 სექტემბერს გამოვა. 27-დუიმიანი მოდელის ფასია 650 აშშ დოლარი და 6 ოქტომბრიდან გაიყიდება. https://tinyurl.com/5emfedue

კომპანია Intel-მა დაიწყო მცირე ფორმ-ფაქტორის დესკტოპ კომპიუტერების - NUC 12 Pro-ს გაყიდვა, რომელთა კოდური სახელწოდებაა Wall Street Canyon. მოწყობილობებს საფუძვლად უდევს მე-12 თაობის Core პროცესორები (პლატფორმა Alder Lake-P), ოპერაციულ სისტემად კი გამოყენებულია Windows 11. ფოტოს წყარო: SimplyNUC ხელმისაწვდომია არჩევანი მოდიფიკაციებს შორის, რომლებშიც წარმოდგენილია ჩიპები Core i3-1220P (10 ბირთვი), Core i5-1240P (12 ბირთვი) და Core i7-1260P (12 ბირთვი). ყველა მათგანს აქვს ინტეგრირებული გრაფიკა Intel Iris Xe; დისკრეტული ამაჩქარებლის დაყენების შესაძლებლობა გათვალისწინებული არ არის. ფოტოს წყარო: liliputing.com კომპიუტერებს ექნება 64 გბ-მდე DDR4-3200 ოპერატიული მეხსიერება. აღჭურვილობაში შედის Wi-Fi 6E და Bluetooth 5.2 უსადენო კავშირების ადაპტერები, აგრეთვე ქსელის კონტროლერი 2.5GbE. ხელმისაწვდომია ორი ინტერფეისი HDMI 2.0b და Thunderbolt 4, სამი პორტი USB 3.2 Gen 2 Type-A, USB 2.0 Type-A კონექტორი და 3.5-მილიმეტრიანი აუდიოჰაბი. ფოტოს წყარო: SimplyNUC ნეტტოპების მოდელების ზომებია 117 × 112 × 37 და 117 × 112 × 54 მმ. პირველ მათგანში შესაძლებელია M.2 2280 PCIe 4.0 x4 NVMe ან SATA SSD-ის განთავსება, მეორე შემთხვევაში კი - კიდევ 2.5-დუიმიანი SSD-ის დაყენება. https://tinyurl.com/3shwwb3m

პირველი კრიპტოვალუტის, როგორც სარეზერვო აქტივის შეძენა გამართლდა, მომავალში Bitcoin დაადასტურებს თავის სანდოობას. ამის შესახებ MicroStrategy-ის ყოფილმა ხელმძღვანელმა მაიკლ სეილორმა Stansberry Research-თან ინტერვიუში განაცხადა. „სტრატეგიის მიღების შემდეგ ჩვენ ვიცოდით, რომ რეზერვების მსყიდველობითუნარიანობის 20%-ს დავკარგავდით წელიწადში, თუ მათ საბანკო ანგარიშზე შევინახავდით. ჩვენ ჩავჯექით პირველი კრიპტოვალუტის სამაშველო ნავში იმ გაგებით, რომ ოკეანეში ჩაგვაგდებენ, მაგრამ არ დავიხრჩობით და დროთა განმავლობაში დავაფასებთ ამ ნაბიჯს, ”- აღნიშნა სეილორმა. Bitcoin-მაქსიმალისტმა განაცხადა, რომ 250 მლნ აშშ დოლარის პირველი ინვესტიციიდან ორი წლის შემდეგ აქტივმა კონკურენტებს გადააჭარბა. „პირველი კრიპტოვალუტა 101%-ით გაიზარდა, S&P 500 - 23%-ით, Nasdaq - 15%-ით. ობლიგაციების ღირებულება 12%-ით დაეცა, ოქროსი - 15%-ით, ვერცხლის - 18%-ით. ერთადერთი ინსტრუმენტი, რომელმაც საუკეთესო დინამიკა დააფიქსირა, იყო MicroStrategy-ს აქციები (ზრდა 166%)“, - განმარტა მან. სეილორის თქმით კრიპტოვალუტების ცვალებადობა გავლენას მოახდენს მხოლოდ მოკლევადიან ინვესტორებსა და საჯარო კომპანიებზე და რომ Bitcoin ყველასთვის არ არის განკუთვნილი. ისინი, ვინც მონეტა იყიდეს ბოლო სამიდან ექვს თვეში, ზარალში არიან და აწყდებიან ფედერალური ფედერალური პოლიტიკის გამკაცრებისა და Terra-ს დაშლის შედეგებს. „ინვესტიცია უნდა განხორციელდეს მინიმუმ ოთხი წლის ვადით. იდეალურ შემთხვევაში ეს არის ქონების გადაცემა თაობიდან თაობაზე. მეტრიკა, რომელიც ამას ადასტურებს, არის ოთხი წლის მოძრავი საშუალო“, - განმარტა სეილორმა. 2022 წლის 30 ივნისის მდგომარეობით MicroStrategy ფლობს 129698 BTC-ს (დაახლოებით 4 მლრდ აშშ დოლარი წერის მომენტისთვის). შეგახსენებთ, რომ აგვისტოს დასაწყისში სეილორმა კომპანიის აღმასრულებელი დირექტორის თანამდებობა დატოვა და დირექტორთა საბჭოს თავმჯდომარის პოსტი შეინარჩუნა. მანამდე მან არაერთხელ უწოდა პირველ კრიპტოვალუტას ყველაზე საიმედო რამ არასტაბილურ სამყაროში და გლობალური სარეზერვო აქტივი. https://tinyurl.com/4vnu9knw

YouTube არის ყველაზე პოპულარული ვიდეო ჰოსტინგი მსოფლიოში და მას შეუძლია შექმნას შესანიშნავი რეკლამა სტრიმინგ სერვისებისთვის. ჟურნალისტებმა გააზიარეს ინფორმაცია, რომ უახლოეს მომავალში YouTube-ს ექნება ფუნქცია Channel Store - მარკეტი, სადაც გაყიდიან სტრიმინგ სერვისებზე - HBO Max, Apple TV და სხვა პლატფორმებზე გამოწერებს. Wall Street Journal-ის ინფორმაციით ვიდეო ჰოსტინგის დეველოპერები ინოვაციაზე 18 თვეზე მეტია მუშაობენ და ფუნქცია შემოდგომაზე ამოქმედდება ამერიკის შეერთებულ შტატებში. აშშ-ში გამოსვლიდან მალევე ფუნქცია სხვა ქვეყნებში გახდება ხელმისაწვდომი. ამავე Wall Street Journal-ის ცნობით კომპანია მოლაპარაკებებს აწარმოებს Amazon Prime Video, Roku, Apple TV და სხვა სერვისებთან. ასე რომ, YouTube-ის მოყვარულებს შეეძლებათ გამოიწერონ საინტერესო სერვისი ერთი დაწკაპუნებით და ნახონ მისი კონტენტი პირდაპირ ვიდეო ჰოსტინგის აპლიკაციაში, რაც ძალიან მოსახერხებელია განსაკუთრებით მაშინ, როცა შეჩვეული ხართ და გაქვთ Premium გამოწერა. ამრიგად, ახლა შესაძლებელი იქნება კინოინდუსტრიის უახლესი ამბების კომფორტულად ნახვა. მომხმარებელი ნახავს თრეილერს - მოეწონება - შეიძენს გამოწერას - უყურებს ფილმს. ეს ყველაფერი შესაძლებელი გახდა YouTube-ის მთელ მსოფლიოში პოპულარობის წყალობით და თითოეული სერვისის შემთხვევაში თანამშრომლობის პირობები უნიკალურია. https://tinyurl.com/2kdjbrvh

შემოდგომაზე ოქტომბერში Apple დააანონსებს საბაზისო პლანშეტ iPad-ის და მოწინავე iPad Pro-ს განახლებულ ვერსიებს. ბოლო მათგანს ექნება ჩიპი Apple M2 და, შესაძლოა უსადენო დამუხტვა MagSafe-ის მხარდაჭერა. ამის შესახებ წერს რესურსი MacRumors სამხრეთკორეელ ინსაიდერ yeux1122-ის ინფორმაციაზე დაყრდნობით, რომელიც გამირჩევა Apple-ის შესახებ ზუსტი ცნობების გაზიარებით, რომელთა შორისაა ინფორმაცია მეხუთე თაობის iPad Air-ის შესახებ. ინსაიდერის ინფორმაციით ახალ ხელმისაწვდომ iPad-ს, როგორც მოსალოდნელია, მნიშვნელოვნად განსხვავებული გარეგნული დიზაინი ექნება - ბრტყელი კიდეებითა და დისპლეის ირგვლივ უფრო პატარა ჩარჩოთი, ასევე მასში წარმოდგენილი იქნება ჩიპი A14 Bionic, 5G მოდემი და USB Type-C პორტი. იგი განახლებულ iPad Pro-სთან ერთად გამოვა ოქტომბერში, iPhone 14 სერიის სმარტფონების სექტემბრის ანონსის შემდეგ. გასულ კვირას Bloomberg-ის ანალიტიკოსმა Mark Gurman-მა განაცხადა, რომ Apple-მა უკვე დაიწყო iPhone 14 სერიის სმარტფონების და ახალი თაობის Apple Watch Series 8 სმარტ-საათების წარმოება, რომლებიც სექტემბერში გამართულ ღონისძიებაზე იქნება წარმოდგენილი. მისი პროგნოზის თანახმად Apple შემოდგომაზე ჩაატარებს ორ ღონისძიებას - სექტემბერსა და ოქტომბერში, ამასთან მეორე მათგანი მიეძღვნება iPad-ის ახალი მოდელების და Mac კომპიუტერების პრეზენტაციებს. https://tinyurl.com/bdenjc7d

Bitcoin დიდი ალბათობით ახალ მაქსიმუმებს ვერ მიარწევს, უფრო მეტად სავარაუდოა, რომ გააგრძელებს ვარდნას 10 ათას აშშ დოლარამდე და მის ქვემოთ. ამის შესახებ განაცხადა Euro Pacific Capital-ის პრეზიდენტმა პიტერ შიფმა. მისი თქმით, კრიპტოვალუტის ბაზრის ამჟამინდელი ზრდა, მათ შორის ივლისის დასაწყისიდან Ethereum-ის ფასის 70%-იანი ზრდა, არ არის მდგრადი. მან მას "აღმასვლა გულუბრყვილოებისთვის" უწოდა. „ბაზრის ვარდნა კვლავ გაგრძელდება. ვფიქრობ, ხალხმა უნდა გამოიყენოს ფასების ამჟამინდელი აღმასვლა და ბაზარი დატოვონ. ბევრი ჯერ კიდევ მოგებაშია. ზოგმა Bitcoin იყიდა ოთხი, ხუთი, ექვსი წლის წინ და ეს პირები კარგ პლუსში არიან. იგივე ვითარებაა Ethereum-თანაც. ხალხმა უნდა დატოვოს ბაზარი, წინააღმდეგ შემთხვევაში ბაზარი მათ ამ მოგებას წაართმევს“ - განაცხადა ოქროს მომხრემ. შიფმა კიდევ ერთხელ დაადასტურა თავისი მოსაზრება, რომ კრიპტობაზარი bubble-ში იმყოფება მიუხედავად Bitcoin-ის ფასის დაახლოებით 65%-ით ვარდნისა. მოიგებენ ისინი, ვინც მისგან გასვლას მოასწრებს - აღნიშნა ინვესტორმა. მისი თქმით, წელს ბაზრის დაცემა ფართომასშტაბიანი Pump & Dump სქემის შედეგი იყო. „იყვნენ ცნობილი სახეები, როგორიცაა სპორტსმენები ან მსახიობები, რომლებმაც დაიწყეს ამა თუ იმ მონეტის პოპულარიზაცია, მაგალითად, თავიანთი Instagram-ის მიმდევრებისთვის. ეს იყო მასიური რეკლამა, მაგრამ ხალხი ამას ვერ ამჩნევს, ”- თქვა მან. შეგახსენებთ, რომ მაისის დასაწყისში შიფმა ივარაუდა Bitcoin-ის 10 000 აშშ დოლარამდე დაცემა 30 000 დოლარიანი დონის მკვეთრი გარღვევის შემთხვევაში. 11 მაისს მითითებულ ნიშნულს ქვემოთ კოტირებების ვარდნის შემდეგ შიფის პროგნოზი იყო, რომ ფასი 8 ათას აშშ დოლარიან დონეს გატესტავდა. ციფრული ოქრო დაახლოებით 30 ათას აშშ დოლარად იყიდებოდა დაახლოებით ერთი თვის განმავლობაში, სანამ 23 ათას აშშ დოლარზე ჩამოვიდოდა. ამის ფონზე შიფმა განაახლა საკუთარი პროგნოზი Bitcoin-თან დაკავშირებით და ყურადღება გაამახვილა 5 ათას აშშ დოლარიანი მხარდაჭერის დონეზე. https://tinyurl.com/263932vt

მიმდინარე ზაფხული მრავალფეროვანი აღმოჩნდა Tesla-ს ელექტრომობილების საიუბილეო ეგზემპლარების მხრივ. ილონ მასკმა განაცხადა კალიფორნიულ ქარხანაში აწყობილი ორი მილიონი ელექტრომობილის გამოსვლის შესახებ, შემდეგ აღნიშნა, რომ ყველა მოქმედმა ქარხანამ ჯამურად გადალახა სამმილიონიანი ტირაჟი, ამჟამად კი ცნობილია, რომ შანხაის კონვეირიდან გამოვიდა ადგილობრივი აწყობის მემილიონე ელექტრომობილი. ფოტოს წყარო: Tesla შესაბამისი განცხადება მასკმა ტრადიციულად გასულ კვირადღეს გააკეთა. Tesla-ს ჩინური პლატფორმისთვის, რომელიც დიდი ხანია აშშ-ის ფარგლებს გარეთ ელექტრომობილების მთავარი მომწოდებელი გახდა, ეს არის მნიშვნელოვანი ეტაპი და პროგრესის მაჩვენებელი. ქარხანა აშენდა 2019 წლის დეკემბერში და გასული წელი დაასრულა წელიწადში ტექნიკურად 800 ათასი ელექტრომობილის წარმოებით. მიმდინარე წლის აპრილის ლოქდაუნებმა პროგრესი შეანელა, თუმცა Tesla-მ მოგვიანებით განზრახ დახურა საწარმოო ხაზი წარმადობის გაზრდის მიზნით ხაზის მოდერნიზაციისთვის. მიმდინარე წლის ბოლომდე Tesla-ს ჩინეთის ქარხანა შეძლებს წელიწადში მილიონი ელექტრომობილის გამოშვებას, ასე რომ დიდი დრო აღარ დარჩა ორმილიონიანი აწყობის მომენტამდე. ჯერჯერობით ამ ქარხანაში იწარმოება მხოლოდ Model 3 და Model Y, თუმცა მომდევნო წლიდან შაინხაის კონვეირიდან ახალი მოდელიც გამოვა. კომპანია აპირებს ჩინეთში საწარმოო შესაძლებლობების გაფართოებას, რისთვისაც უკვე წარმოდგენილია შესაბამისი განაცხადი, სადაც აღწერილია Tesla-ს გეგმები მეზობელი მიწის ნაკვეთის ათვისებაზე. ათწლეულის ბოლოსთვის, ბრენდის ყველა საწარმო, რომელთა რაოდენობა თორმეტს მიაღწევს, ყოველწლიურად 20 მილიონი ელექტრომობილის წარმოებას შეძლებს. ათწლეულის ბოლოს ბრენდის ყველა ქარხანა, რომელთა რიცხვი თორმეტს მიაღწევს, შეძლებს ყოველწლიურად 20 მილიონამდე ელექტრომობილის გამოშვებას. https://tinyurl.com/mvx9d3kk

ვიდეო დაფა AMD Radeon RX 6900 XT-ს რამდენიმე ვერსია ამერიკულ საცალო ვაჭრობაში სარეკომენდაციო საცალო ფასზე 30%-ით იაფად გამოჩნდა. ინტერნეტ-მაღაზოა Newegg-ის გვერდებზე მოცემულია Gigabyte-ისა და ASRock-ის მიერ დამზადებული მოდელი 699 აშშ დოლარად - გვაცნობებს Tom’s Hardware. ფასების კლება პირველ რიგში შეეხო ვიდეო დაფის საბაზისო ვერსიას - ასევე დარჩა უფრო ძვირადღირებული ვარიანტებიც - განსაკუთრებით ჰაერით ან თხევადი გაგრილების მქონე მაღალეფექტური მოდელები. ფოტოს წყარო: newegg.com როდესაც მოდელი Radeon RX 6900 XT ოფიციალურად იქნა წარდგენილი, არანაირი იმედი არ არსებობდა, რომ საცალოდ მისი ყიდვა სარეკომენდაციო 999$-ზე ნაკლებად იქნებოდა შესაძლებელი - იმ დროს კრიპტოვალუტების მაინინგის ბუმი გაჩაღდა. ამჟამად სიტუაცია კარდინალურად შეიცვალა - Gigabyte Gaming OC და ASRock Phantom Gaming D ვერსიები 699 აშშ დოლარად იყიდება. ოდნავ ძვირია MSI Gaming – 729$. სამივე ვიდეო დაფას სამი საბაზისო ქულერი აქვს. საინტერესო იყო მიმდინარე წელს RX 6900 XT დაფის ფასის დინამიკაზე დაკვრივება. მაისში ვიდეო დაფის საცალო ვაჭრობაში სარეკომენდაციო ფასად გამოსვლა დადებითად აღიქმებოდა. ივნისში სპეციალური გაყიდვისას პრომო კოდის მეშვეობით შესაძლებელია იყო მისი შეძენა 720 აშშ დოლარად. დღესდღეობით 730$-ად იყიდება სამი სავაჭრო პოზიცია. იაფდება NVIDIA-ს პროდუქციაც - ერთი კვირის წინ EVGA-ს მიერ დამზადებულ ფლაგმანურ GeForce RTX 3090-ს 1000$ დააკლდა. პრემიუმ-მწარმოებლის ასეთი გულუხვობა განპირობებულია GeForce RTX 40 სერიის ანონსისთვის საფუძვლიანად მომზადების სურვილით. https://tinyurl.com/2p8mzfnj

კაპიტალიზაციის სიდიდით მეორე კრიპტოვალუტის კოტირებებმა 2 ათას აშშდოლარიანი დონე გადალახა. ბოლოს Ethereum ამ ნიშნულზე მიმდინარე წლის მაისში იყიდებოდა. ETH/USDT-ის საათობრივი გრაფიკი ბირჟა Binance-ზე. წყარო: TradingView. CoinGecko-ს თანახმად ბოლო 24 საათის განმავლობაში აქტივი გაძვირდა თითქმის 7%-ით, ხოლო კვირის განმავლობაში - 17%-ით. 11 აგვისტოს Ethereum-ის გუნდმა წარმატებით დაასრულა სატესტო ქსელ Goerli-ს გადატანა Proof-of-Stake (PoS) ალგორითმზე. ამავე დღეს დეველოპერებმა განახლება The Merge-ის აქტივაცია 15-16 სექტემბრისთვის გადაიტანეს. პოზიტიური სიახლეების ფონზე Ethereum-ის ფასმა 1900 აშშ დოლარს გადააჭარბა, აქტივის კაპიტალიზაციამ კი - 242 მლრდ აშშ დოლარს. Bitcoin-ი სტატიის წერის დროს 24800 აშშ დოლარად იყიდება. Ethereum-ის ფორკის მხარდამჭერებმა Proof-of-Work (PoW) კონსენსუსის ალგორითმს გარდაუვალი უწოდეს. ისინი აპირებენ EIP-1559 გააუქმონ ტრანზაქციების საკომისიოს ნაწილის დაწვაზე. CoinShares-ის ექსპერტებმა სკეპტიკურად შეაფასეს პოტენციური Ethereum PoW ფორკის პერსპექტივები. კაპიტალიზაციის სიდიდით მეორე კრიპტოვალუტის თანადამფუძნებელმა ვიტალიკ ბუტერინმა განაცხადა, რომ Stablecoin-ების ემიტენტები განსაზღვრავენ ასეთი პროექტების მომავალს. https://tinyurl.com/4tnrawbd