Magdalena Posted April 17 Share Posted April 17 კომპანია Asus-მა წარმოადგინა ProArt სერიის ორი პროფესიონალური მონიტორი - ProArt Display PA32KCX და ProArt Display OLED PA32UCDM. ორივე მათგანს აქვს 32-დუიმიანი ეკრანი. მწარმოებელი აცხადებს, რომ ProArt Display PA32KCX არის პირველი პროფესიონალური მონიტორი, რომელზეც მხარდაჭერილია 8K გაფართოება და მინი-LED განათება. ფოტოს წყარო: Asus ProArt Display PA32KCX მონიტორზე მხარდაჭერილია 7680 × 4320 პიქსელი გაფართოება. მას აქვს მინი-LED განათების 4096 ადგილობრივი დაბნელების ზონა და მაქსიმალური სიკაშკაშე 1200 კდ/მ2. მონიტორს გააჩნია HLG და HDR10 გამოსახულების ფორმატების მხარდაჭერა. ProArt Display PA32KCX-ზე მხარდაჭერილია 97%-იანი DCI-P3 ფერთა გამა და DeltaE <1 ფერის სიზუსტე. მონიტორში ჩაშენებულია ელექტრო კოლორიმეტრი ავტომატური კალიბრაციის ფუნქციით პროფესიონალური დონის ფერის გადმოცემის პარამეტრების მხარდაჭერისთვის. ასევე აქვს არეკვლის საწინააღმდეგო საფარი და მხარდაჭერილია Eye Care+ ტექნოლოგია, რაც ამცირებს თვალებზე დატვირთვას. ხელმისაწვდომია HDMI 2.1 და DisplayPort 2.1 პორტები, ასევე USB ჰაბი ორი Thunderbolt 4 (USB Type-C) ინტერფეისით, რომლებზეც მხარდაჭერილია 96 ვატამდე სიმძლავრის გადაცემა გარე დაკავშირებულ მოწყობილობაზე. ProArt Display OLED PA32UCDM მონიტორს აქვს 315-დუიმიანი QD-OLED ეკრანი 4K გაფართოებით, 10-ბიტიანი ფერის სიღრმის მხარდაჭერა, 99% DCI-P3 ფერთა გამის დაფარვა და 1000 კდ/მ2 მაქსიმალური სიკაშკაშე. მონიტორის თითოეული ერთეული წინასწარ იქნება დაკალიბრებული ქარხანულად, DeltaE <1-ის ფერის გადმოცემის დონემდე. მოწყობილობაზე მხარდაჭერილია HDR-10 და HLG ფორმატების ჩვენება. მონიტორზე წარმოდგენილია Thunderbolt 4 პორტი გარე მოწყობილობისთვის 96 ვატამდე სიმძლავრის გადაცემის შესაძლებლობით, ასევე HDMI 2.1 და ინტეგრირებული USB ჰაბი. Asus ორივე მონიტორს წარადგენს 14-დან 17 აპრილამდე პერიოდში გამოფენა NAB Show 2024-ზე, სადაც ასევე წარმოადგენს გრაფიკასთან, ფოტოებსა და ვიდეოებთან პროფესიონალური მუშაობისთვის განკუთვნილ სხვა ახალ მოწყობილობებს. https://tinyurl.com/42w58hh6 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.