Magdalena Posted March 9, 2022 Share Posted March 9, 2022 გერმანული მანქანათმშენებელი კომპანია Volkswagen ააშენებს 2 მლრდ ევროს ღირებულების ქარხანას მთავარ საწარმოსთან ახლოს ვოლფსბურგში. ახალი პლატფორმა გამოყენებული იქნება სამომავლო ფლაგმანურ ელექტრომობილ Trinity-ს წარმოებისთვის. ქარხნის მშენებლობა დაიწყება 2023 წელს, პირველი ელექტრომობილები კი კონვეირზე 2026 წლისთვის გავა. ფოტოს წყარო: Electrek არსებული ცნობების თანახმად Volkswagen-ის ფლაგმანური ელექტრომობილის შემუშავების პროექტი პროგრამა Audi Artemis-ის ანალოგიურია, რომლის ფარგლებში იგეგმება მაღალეფექტური ავტომობილების სერიის შექმნა ელექტრო ძრავზე. Trinity-ს შესახებ ამჟამად ცოტა რამ არის ცნობილი. Volkswagen-მა განაცხადა მხოლოდ ის, რომ ფლაგმანური ელექტრომობილი გამორჩეული იქნება „დამუხტვის გაცილებით მცირე დროით და 700 კმ-ზე მეტი გავლის მარაგით“. ამჯერად კი ავტომწარმოებელმა აღნიშნა, რომ Trinity გამოვა ახალი ქარხნიდან, რომლის მშენებლობა მომავალ წელს დაიწყება. „Volkswagen-მა მიაღწია კიდევ ერთ ეტაპს ტრანსფორმაციის გზაზე: ახალი კომპლექსი ელექტრომობილ Trinity-ს წარმოებისთვის, რომლის ინვესტიცია 2 მლრდ ევროს შეადგენს და აშენდება მთავარ ქარხანასთან ახლოს ვოლფსბურგში. კონცერნის სამეთვალყურეო საბჭომ მიიღო შესაბამისი გადაწყვეტილება. ახალი ქარხანა გადამწყვეტი კომპონენტია Volkswagen-ის მთავარი საწარმოს მოდერნიზაციის უდიდეს პროგრამაში“ - ნათქვამია კომპანიის შეტყობინებაში. გერმანულმა ავტომწარმოებელმა აგრეთვე განაცხადა, რომ გეგმავს გაზარდოს წარმოების სიჩქარე და ეფექტურობა. კომპანიის მიზანია ერთი ელექტრომობილის აწყობა 10 საათზე ნაკლებ დროში განხორციელდეს. ამჟამად კომპანიის ერთი ელექტრომობილის წარმოებას დაახლოებით 30 საათი სჭირდება. https://tinyurl.com/yc7u74b7 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.