Magdalena Posted March 5, 2022 Share Posted March 5, 2022 კომპანია LG-მ წარადგინა 48-დუიმიანი გეიმინგ მონიტორი UltraGear 48GQ900. მასში გამოყენებულია OLED მატრიცა და აქვს HDMI 2.1 სტანდარტის მხარდაჭერა. კომპანია აცხადებს, რომ მონიტორი UltraGear 48GQ900 სრულად თავსებადია Xbox Series X და PlayStation 5 კონსოლებთან და მხარდაჭერილია კადრის ცვლადი განახლების ტექნოლოგია Variable Refresh Rate (VRR) 120 ჰერცამდე სიხშირით. ფოტოს წყარო: LG კომპანიას ყველა დეტალი არ გაუსაჯაროვებია. ცნობილია მხოლოდ ის, რომ მონიტორ LG UltraGear 48GQ900-ს გააჩნია 4K გაფართოების მხარდაჭერა, აგებულია არეკვლის საწინააღმდეგო საფარის მქონე 10-ბიტიან მატრიცაზე და აქვს DisplayHDR სტანდარტის სერტიფიკაცია. HDMI 2.1 კონექტორის გარდა ხელმისაწვდომია DisplayPort. კომპანიის თქმით UltraGear 48GQ900 გაყიდვაში მიმდინარე წლის მეორე ნახევარში გამოვა. კომპანიას მონიტორის ღირებულების შესახებ ინფორმაცია არ მოუწოდებია. მისი ზომისა და OLED მატრიცის გამოყენების გათვალისწინებით მოწყობილობა ნამდვილად არ იქნება ხელმისაწვდომი. LG UltraGear 24GQ50F-B 48-დუიმიანი UltraGear 48GQ900 მოდელის გარდა კომპანიამ ასევე წარადგინა უფრო კომპაქტური მოდელები UltraGear 27GQ50F-B (27 დუიმი) და UltraGear 24GQ50F-B (24 დუიმი). მათი გაფართოებაა Full HD და კადრის განახლების სიხშირე 165 ჰერცამდე. ახალ მონიტორებში მხარდაჭერილია ტექნოლოგია AMD FreeSync Premium. ორივე მოდელში გამოყენებულია VA მატრიცა, კონტრასტულობის დონეა 3000:1, სიკაშკაშის მაქსიმალური მაჩვენებელი - 250 კდ/მ2. LG UltraGear 24GQ50F-B ორივე მონიტორს აქვს ორი HDMI კონექტორი, ერთი DisplayPort და ერთი 3.5-მილიმეტრიანი აუდიოკონექტორი. LG UltraGear 27GQ50F-B და UltraGear 24GQ50F-B მოდელები გაყიდვაში მიმდინარე თვეში გამოვა. მათი ფასიც ჯერჯერობით უცნობია. https://tinyurl.com/4t23x95r Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.