Magdalena Posted January 29, 2022 Share Posted January 29, 2022 კომპანია NVIDIA-ს ძალისხმევამ - შეეზღუდა გეიმინგ ვიდეო დაფების ჰეშრეითი, ხელი ვერ შეუშლა მაინერებს, გაეგრძელებინათ მათი მეშვეობით კრიპტოვალუტების მოპოვება - აცხადებს PCMag. 2021 წლის თებერვლიდან NVIDIA-მ გამოუშვა RTX 3000 ვიდეო დაფების განახლებული Lite Hash Rate (LHR) ხაზი, რომელშიც ორჯერ შეამცირა მოწყობილობის სიმძლავრე Ethereum-ის მოპოვებისას. კომპანიამ ამრიგად დაგეგმა GPU-ების ორიენტირება გეიმერების მოთხოვნებისკენ. თუმცა, ქლაუდ-მაინინგისთვის განკუთვილ პლატფორმა NiceHash-ის განცხადების თანახმად, მსგავს შეზღუდვებს მაინერები არ შეუჩერებია. ახალი პროგრამული უზრუნველყოფის უსარგებლობა ასევე დაადასტურა დამოუკიდებელმა მაინერმა, რომელიც იყენებს ჩვეულებრივი და LHR ვიდეო დაფების კომბინაციას Ethereum-ის მოსაპოვებლად. იგი ამტკიცებს, რომ მოწყობილობების ნაწილებზე შეზღუდვის შემთხვევაშიც კი ყოველთვიურად გამოიმუშავებს დაახლოებით 4500 აშშ დოლარს Ethereum-ში. როგორც ექსპერტები განმარტავენ, NVIDIA-ს წარუმატებლობის მთავარი მიზეზი არის ის, რომ GPU-ის განბლოკვა მათ 74%-ით უფრო ეფექტურს ხდის საბაზო მოდელებთან შედარებით. მაინერები ვიდეო დაფებს ასევე იყენებენ სხვა კრიპტოვალუტების მოსაპოვებლად. „არსებობს Ethereum-ზე უკეთესი მონეტა, თუ თქვენი მიზანია ყოველთვიური გატანა და არა შენახვა", - თქვა ერთ-ერთმა მაინერმა. ექსპერტები ვარაუდობენ, რომ ენთუზიასტები გააგრძელებენ ფოკუსირებას ალტერნატიული მონეტების მაინინგზე, თუ გავითვალისწინებთ Ethereum-ის დაგეგმილ გადასვლას Proof-of-Work ალგორითმიდან Proof-of-Stake-ზე. გრაფიკული დაფების სხვა მწარმოებლებმა, მათ შორის AMD-მ და Intel-მა განაცხადეს, რომ არ შეეცდებიან შეზღუდონ კრიპტოვალუტის მაინინგის შესაძლებლობა თავიანთ ძირითადი პროდუქციის სერიებში. შეგახსენებთ, რომ მარტში მაინერებმა მოახერხეს Nvidia GeForce RTX 3060 ვიდეო დაფის ჰეშრეითის შეზღუდვებისთვის გვერდის ავლა ექსპერიმენტული დრაივერის გამოყენებით. კომპანიამ დაადასტურა ხარვეზის არსებობა და პროგრამული უზრუნველყოფა ვებ-გვერდიდან ამოიღო. აგვისტოში მაინერებმა ისწავლეს, როგორ დაებრუნებინათ RTX 30 სერიის ვიდეო დაფებისთვის 70%-მდე პირვანდელი წარმადობა. ოქტომბერში T-Rex მაინერის შემქმნელებმა გვერდი აუარეს ვიდეო დაფების LHR-ბლოკირებას ერთდროულად ორი ციფრული მონეტის მოპოვების გზით. 2021 წლის დეკემბერში NVIDIA-ს ფინანსურმა ფინანსურმა დირექტორმა კოლეტ კრესმა განაცხადა, რომ მათი ჰეშრეით-შეზღუდული გრაფიკული დაფები ყველაზე ეფექტურად აგვარებს გეიმერებისთვის მოწყობილობების ხელმისაწვდომობის საკითხს. მაინერების მოთხოვნილების დასაკმაყოფილებლად NVIDIA-მ შეიმუშავა CMP (Cryptocurrency Mining Processor) ჩიპების ხაზი. სერიის უმცროსი მოდელი CMP 30HX მარტში წარადგინეს. მისი ჰეშრეითი 26 MH/s-ს შეადგენს. ოქტომბერში გაყიდვაში გამოვიდა CMP 170HX სერიის ძველი ვიდეო დაფა. ადაპტერი უზრუნველყოფს 164 MH/s-მდე წარმადობას Ethereum-ის მაინინგის დროს. უახლესი ცნობების თანახმად ივლის-სექტემბერში CMP-ვიდეო დაფების გაყიდვების მოცულობა 60%-ით შემციდა წინა კვარტალთან შედარებით - 266 მლნ-დან 105 მლნ აშშ დოლარამდე. https://tinyurl.com/4bm3u9cs Quote Link to comment Share on other sites More sharing options...
George Posted January 29, 2022 Share Posted January 29, 2022 მოკლეთ რასაც აწერია LHR უმრავლესობა მოდელებზე (გამონაკლისია მარტო ჯერ 3080 12გბ ვერსია ეხლახან რაც გამოვიდა) დაგერ ჰაშიმოტოს ალგოზე 70-75% ფარგლებში აქვს ლიმიტის ანლოკი ბოლო მაინერებზე, ამიტომ რაც აქვს სტოკზე მაგაზე 70-75% მეტს ჰეშავს მაგ მაინერებით, მაგალითათ 3080Ti დებს უკვე 90მჰ/სეკ-მდე და მაგ კარტას არავინ აიღებს თუ სერიოზული ჰეშრეიტი უნდა, ან ყველაზე ცუდ შემთხვევაში 3090 იყიდიან რომელიც თერმობალიშების გამოცვლის შემდეგ 115მჰ/სეკ-მდე ჰეშავს ეთერეუმზე და მაგ 170HX ბევრათ ძვირი არც ჯდება მგონი შედარებით იაფათ თუ ჩაავლებ 1 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.