Magdalena Posted October 8, 2020 Share Posted October 8, 2020 პორტალ VideoCerdz-ზე გამოჩნდა ინფორმაცია მომდევნო წლის მარტში Intel Rocket Lake-S პროცესორების გამოსვლის შესახებ, მალევე ცნობილი გახდა მორიგი ინფორმაცია სამომავლო, 500-სერიის ჩიპსეტების შესახებ, რომლებიც განკუთვნილი იქნება Rocket Lake-S არქიტექტურის პროცესორებისთვის: მათი გამოსვლაც მომავალი წლის მარტისთვისაა დაგეგმილი. მიუხედავად იმისა, რომ ეს სერია დაასრულებს LGA1200 სოკეტის მხარდაჭერას, კომპანია Intel-მა დაგეგმა ჩიპსეტების სრული სპექტრის გამოშვება: მათ შორის იქნება სპეციალური ჩიპსეტი W580 სამუშაო სადგურებისთვის, ფლაგმანური Z590 მოდელები, H570 - უკომპრომისო გეიმერებისთვის, აგრეთვე ბიუჯეტური სერიის B560 და H510 ჩიპსეტები იმ მომხმარებლებისთვის, რომელთაც არ სურთ უფროს მოდელებში თანხის გადახდა. გამოქვეყნებული ჩამონათვალის თანახმად, გეიმინგ სერია 500 გამოვა მარტის ბოლოს, რაც მიახლოებით ემთხვევა პროცესორების გამოსვლის თარიღს. რაც შეეხება HEDT-პლატფორმას ენთუზიასტებისთვის, როგორც ჩანს, მისი განახლება არ მოხდება დაახლოებით რვა თვის განმავლობაში. წარმოდგენილი ლაინაფი სრულდება 2021 წლის ივნისში და მის თანახმად ამ დროისთვის არ იგეგმება X299-სერიის შთამომავლის გამოშვება. რაც შეეხება კონკურენტ AMD-ს, HDTecnologia-ს ინფორმაციით, კომპანია ამჟამად არ გეგმავს ახალი ჩიპსეტების გამოშვებას Zen3 არქიტექტურის საფუძველზე არსებული მომავალი სერიის პროცესორებისთვის. თუმცა არის ინფორმაცია, რომ AMD-მ შესაძლოა განაახლოს მხოლოდ ფლაგმანური დონის ჩიპსეტი, ე.ი. X570 შესაძლოა ჩაანაცვლოს X670-მა, თუმცა ეს არ გახლავთ დადასტურებული ინფორმაცია. დღეისათვის ცნობილია ის, რომ პლატფორმის ცვლილება მოხდება მხოლოდ Zen 4 არქიტექტურის პროცესორების გამოსვლისას. მათ ექნებათ ახალი სოკეტი AM5 და უახლესი DDR5 სტანდარტის ოპერატიული მეხსიერების მხარდაჭერა. https://bit.ly/33Dxc8B Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.