გამარჯობა ფორუმელებო, წავიკითხე სხვადასვა თემები, მაგრამ ამომწურავი ინფორმაცია მაინც ვერ მივიღე სახლის კინოთეატრების შესახებ, ჩემი აზრით, ურიგო არ იქნება თუ ამ თემაში კარგად განვიხილავთ აუდიო სისტემებს. დარწმუნებული ვარ ბევრს წაადგება.
დავიწყებ იქიდან, რომ ვარ კინომოყვარული და ყოველთვის ვცდილობ ფილმის ყველა ასპექტისგან მივიღო სიამოვნება, მაგრამ დამერწმუნებით რომ თუ აპარატურა არ გიწყობს ხელს დასწრების ეფექტის შექმნა შეუძლებელია. როგორც ვატყობ, დღესდღეობით ყველაზე გავრცელებული და ამავდროულად ეფექტური სისტემა 5.1-ია. გადავქექე ონლაინ მაღაზიები და ძალიან ბევრი მოდელი ვნახე, მაგრამ სულ ამერია თავგზა. მაქვს საშუალო ზომის ოთახი, რომელშიც უნდა განვათავსო სახლის კინოთეატრი, ამიტომ არ მინდა დიდი ზომის დინამიკები, მაგრამ ყველაზე დიდ პრობლემას მაინც დეკოდერი წარმოადგენს. არ ვიცი რომელი უფრო უკეთეს ხარისხს მომცემს, ლეპტოპიდან რომ მივაწოდო ხმა დეკოდერს, თუ ისეთი კინოთეატრი შევარჩიო, რომელსაც თავისი ფლეიერი მოყვება და ექნება Dolby Digital,Dolby ProLogicII-ის მხადაჭერა. თან ისეთი ფლეიერი მინდა, რომ ვინჩესტერზე ჩაწერილი blu ray წაიკითხოს, თორე დისკები ძალიან ძვირი ღირს. ნორმალურად ვერც ის გავარკვიე რა განსხვავებაა dolby-სა და THX-ს შორის. ერთი სიტყვით ვინც გარკვეული ხართ ამ აუდიო სისტემებში იქნებ დამეხმაროთ. რაიმე კონკრეტულ მოდელს თუ მირჩევთ მთლად უკეთესი იქნება. დაახლოებით 400 ლარის ფარგლებში რომ ჩავეტიო...