Magdalena

კომპანია NVIDIA-მ დაადასტურა, რომ მონაწილეობას მიიღებს გამოფენა Computex 2022-ზე. გრაფიკული პროცესორების მწარმოებლები თავიანთი ანგარიშით 23 მაისს გამოვლენ. მიმდინარე წელს ღონისძიება ჩატარდება ჰიბრიდულ ფორმატში საგამოფენო ცენტრ Taipei Nangang Exhibition Hall-ში 23-დან 27 მაისამდე პერიოდში. გარდა ამისა ორგანიზებული იქნება ინტერნეტ-პროგრამა Computex DigitalGo - იგი 6 ივნისამდე გაგრძელდება. ფოტოს წყარო: NVIDIA NVIDIA-დან ღონისძიებაში მონაწილეობას მიიღებს 6 მომხსენებელი, რომლებიც გააზიარებენ უახლეს ინფორმაციას სხვადასხვა სფეროში განვითარებული მოვლენების შესახებ, დაწყებული ხელოვნური ინტელექტიდან დამთავრებული რობოტექნიკით. თუმცა გეიმერებმა ყურადღება უნდა გაამახვილონ უფროს ვიცე-პრეზიდენტ ჯეფ ფიშერის დაგეგმილ კონფერენციაზე, რომელიც ზედამხედველობს GeForce-ის გეიმინგ ბიზნესს. შეგახსენებთ, რომ ადრე ფიშერმა მონაწილეობა მიიღო გამოფენა CES 2022-ში, სადაც NVIDIA-მ დააანონსა ფლაგმანური გეიმინგ გრაფიკული ამაჩქარებელი GeForce RTX 3090 Ti. NVIDIA ზემოთხსენებულ გამოფენაზე ისაუბრებს გეიმერებისთვის განკუთვნილ უახლეს პროდუქტებსა და ტექნოლოგიებზე. ღონისძიების აღწერაში კომპანია მიუთითებს, რომ „წარმოგვიდგენს, როგორ უწყობს ხელს ხელოვნური ინტელექტის ტექნოლოგიები მონაცემთა დამუშავების კორპორატიულ ცენტრებს მუშაობაში, აგრეთვე გააზიარებს ინფორმაციას გეიმერებისა და კონტენტის შემქმნელებისთვის განკუთვნილი უახლესი პროდუქტებისა და ტექნოლოგიების შესახებ. შეტყობინების მეორე ნაწილი არ ნიშნავს იმას, რომ კომპანიამ შესაძლოა ისაუბროს ახალი თაობის გრაფიკა Ada Lovelace-ზე, რომელმაც მიმდინარე წელს უნდა ჩაანაცვლოს ამაჩქარებლების აქტუალური სერია Ampere. 23 მაისს Computex 2022 ასევე უმასპინძლებს AMD-ის აღმასრულებელ დირექტორ ლიზა სუს. სიტყვით გამოსვლის ფარგლებში იგი, სავარაუდოდ, გააზიარებს ინფორმაციას Ryzen-ის ახალი თაობის პროცესორების და, შესაძლოა, მომავალი RDNA 3 გრაფიკული არქიტექტურის შესახებ. თუმცა ნაკლებად სავარაუდოა, რომ კომპანიამ ამ დღეს წარადგინოს ახალი პროდუქტები. https://tinyurl.com/yczbtmkm

11 მაისს მორიგი გადაანგარიშების შედეგად პირველი კრიპტოვალუტის მაინინგის სირთულე გაიზარდა 4.89%-ით და მიაღწია რეკორდულ მაქსიმალურ 31.25 T-ს. წყარო: BTC.com. 2022 წლის დასაწყისიდან ინდიკატორი უარყოფითად მხოლოდ სამჯერ იქნა კორექტირებული. მაქსიმალურმა კლებამ შეადგინა 1.49%. წინა გადათვლის შემდეგ საშუალო ჰეშრეითმა მიაღწია 223.7 EH/s-ს. Glassnode-ის მიხედვით Bitcoin-ის ქსელის გამოთვლითი სიმძლავრის შვიდდღიანი მოძრავი საშუალო მაჩვენებელი არის 222.2 EH/s. მაქსიმალური 227.2 EH/s დაფიქსირდა 5 მაისს. 2022 წელს ჰეშრეითი გაიზარდა დაახლოებით 32%-ით. წყარო: Glassnode. ადრე Arcane Research-ის ანალიტიკოსებმა აღნიშნეს მაინინგის მომგებიანობაზე ზეწოლის არსებობა Bitcoin-ის ფასის შემცირებისა და ჰეშრეითის ზრდის გამო. მათი კვლევის დროს პირველი კრიპტოვალუტა იყიდებოდა დაახლოებით 40 000 აშშ დოლარად. 10 მაისს ციფრული ოქროს ფასი 30 000 აშშ დოლარს ქვევით ჩამოვიდა. BTC/USD-ის საათობრივი გრაფიკი ბირჟა Coinbase-ზე. წყარო: TradingView. აპრილში მაინერების მთლიანმა შემოსავალმა შეადგინა 1.15 მლრდ აშშ დოლარი - 4%-ით ნაკლები წინა თვესთან შედარებით. https://tinyurl.com/45fsnz79

კომპანია Samsung-მა ცოტა ხნის წინ გამოაქვეყნა ტექნიკური დოკუმენტი, რომელშიც გადმოცემულია მომავალი თაობის 6G სტანდარტის ქსელთან დაკავშირებული გეგმები. დოკუმენტის სახელწოდებაა „ სპექტრი 6G: საზღვრების გაფართოება“. Samsung-ის აღმასრულებელმა ვიცე-პრეზიდენტმა და პერსპექტიული კომუნიკაციების კვლევის ცენტრის ხელმძღვანელმა Seong-Jin Cho-მ განაცხადა: „ჩვენ დიდი ხანია დავიწყეთ 6G სტანდარტის გაგება, შემუშავება და სტანდარტიზება. მზად ვართ საკუთარ თავზე ავიღოთ ინიციატივა და გავაზიაროთ აღმოჩენები, რათა გავავრცელოთ ჩვენი ხედვები და მივიღოთ ახალი გამოცდილება ცხოვრების ყველა ასპექტთან მიმართებაში. ზოგადად, კომპანია მუშაობს ახალი თაობის სტანდარტის ბაზარზე შემოტანაზე“. 6G-სთვის საჭირო იქნება ულტრა ფართო გამტარუნარიანობის სპექტრი, რომელიც მერყეობს "ასობით მჰც-დან ათობით გჰც-მდე". ეს შესაძლებელს გახდის შეიქმნას მაღალი ხარისხის მობილური ჰოლოგრამები და ყოვლისმომცველი გაფართოებული რეალობა (XR). კომპანია ორიენტირებულია დაფარვის გაუმჯობესებაზე. ამ მიზნით განიხილება ყველა ხელმისაწვდომი დიაპაზონი - დაბალი 1 გჰც-მდე დიაპაზონით დაწყებული, საშუალო 1-დან 24 გჰც-მდე და მაღალი 24-დან 300 გჰც-თ დამთავრებული. Samsung ამტკიცებს, რომ 6G-ს სიჩქარემ შესაძლოა მაღწიოს 1 ტბ/წმ-ს, რაც ორმოცდაათჯერ აღემატება 5G ქსელის 20 გბ/წმ სიჩქარეს. 2021 წლის ივნისში ჩატარებულ ტესტებში კომპანიამ შეძლო 6 გბ/წმ მონაცემთა გადაცემის სიჩქარის მიღწევა 15 მეტრის დაშორებაზე შენობაში. 30 მეტრ მანძილზე სიჩქარემ შეადგინა 12 გბ/წმ. 120 მეტრი დისტანციისას სიჩქარემ მიაღწია 2.3 გბ/წმ-ს. https://tinyurl.com/yckzzeut

Intel-მა წარადგინა Alder Lake-HX - მობილური პროცესორები, რომლებიც განკუთვნილია მძლავრი სამუშაო სადგურის კლასის ლეპტოპებისთვის. ამასთან, სერიის ფლაგმანი Core i9-12950HX გახდა პირველი მობილური 16-ბირთვიანი CPU (რვა მაღალი წარმადობისა და რვა ენერგოეფექტური ბირთვით), რომელსაც შეუძლია იმუშაოს 5.0 გჰც-მდე სიხშირეზე. Intel მიიჩნევს, რომ ასეთი მძლავრი პროცესორები საინტერესო იქნება არა მხოლოდ პროფესიონალების, არამედ გეიმერებისთვისაც. როგორც განაცხადა Intel-ის სამომხმარებლო გამოთვლითი განყოფილების მობილური პროდუქტების მარკეტინგის უფროსმა დირექტორმა Daniel Rogers-მა, მიუხედავად იმისა, რომ საუკეთესო გეიმინგ პროცესორი არის Core i9-12900HK, ახალი HX სერიაც გამოსადეგია გეიმინგ ლეპტოპებისთვის. მე-12 თაობის Core HX სერიაში შევიდა შვიდი მოდელი 8-დან 16-მდე ბირთვების ფორმულებით 8P+8E, 6P+8E, 4P+8E და 4P+4E. ყველა მათგანს საკმაოდ მაღალი სიხშირეები გააჩნია. მაღალი წარმადობის ბირთვები ტურბორეჟიმში შესაძლებელია აჩქარდეს 4.4-5.0 გჰც-მდე მოდელის შესაბამისად, ენერგოეფექტური ბირთვების სიხშირის დიაპაზონი კი არის 3.1-3.6 გჰც. ამასთან, სერიის ყველა CPU-ს აქვს 55-ვატიანი სითბური პაკეტი და ტურბორეჟიმში მაქსიმალური ენერგომოხმარება - 157 ვატი. როგორც Intel-ის წარმომადგენლებმა განმარტეს, Alder Lake-HX სერია აერთიანებს პროცესორებს, რომლებიც დაპროექტებულია დესკტოპის ნახევრადგამტარი კრისტალების საფუძველზე. ფაქტობრივად ესენია იგივე დესკტოპ Alder Lake, თუმცა ოპტიმიზებულია ენერგოეფექტურობაზე და გადატანილია BGA-პაკეტში. ამიტომ ასეთ პროცესორებს გააჩნია 16 PCIe 5.0 არხი გრაფიკულ დაფასთან მიერთებისთვის და 4 PCIe 4.0 არხი NVMe SSD-სთვის. ეს ფაქტი ცალკე აღნიშვნას იმსახურებს, რადგან Core i9-12900HK მოდელის მსგავს მობილურ პროცესორებში არ არის მხარდაჭერილი PCIe 5.0 სალტე. ამასთან, Alder Lake-HX პროცესორებში არ არის წარმოდგენილი ინტეგრირებული კონტროლერი Thunderbolt 4. Alder Lake-HX-ზე დმყარებულ სისტემებს შეუძლია მუშაობა DDR5/LPDDR5 (სიხშირე 4800/5200 მჰც) და DDR4/LPDDR4 (სიხშირე 3200/4267 მჰც) სტანდარტების მეხსიერებებთან. მეხსიერების მოცულობა აღწევს 128 გბ-ს. მხარდაჭერილია ECC. მე-12 თაობის ყველა Core HX მოდელი განბლოკილია ოვერქლოქინგისთვის (გარკვეული შეზღუდვებით), აგრეთვე შესაძლებელია მასთან დაკავშირებული მეხსიერების აჩქარება. ოფიციალური მონაცემების თანახმად Core i9-12900HX სამუშაო აპლიკაციებში წარმადობით აღემატება Core i9-12900HK-ს, i9-11980HK-სა და Ryzen R9-6900HX-ს, თუმცა უპირატესობის კონკრეტული მასშტაბები არ სახელდება. გარდა ამისა, Intel-მა მოიყვანა Core i9-12900HX-ის ტესტირების შედეგები გრაფიკულ დაფა GeForce RTX 3080-ითა და DDR5-4800 მეხსიერებით, რის შედეგად ფიქსირდება FPS-ის სამნიშნა მაჩვენებელი პოპულარულ თამაშებში. მე-12 თაობის Core HX სერიის პროცესორების ბაზაზე დამყარებულ მობილურ სამუშაო სადგურებს უახლოეს პერიოდში გამოუშვებენ Dell, HP, Lenovo და სხვა კომპანიები. https://tinyurl.com/438epktn

MicroStrategy არ გეგმავს თავისი კრიპტოვალუტის რეზერვების ლიკვიდაციას. იმისთვის, რომ კომპანიას ამოეწუროს ციფრული აქტივები სესხების უზრუნველსაყოფად, Bitcoin-ის ფასი 3562 აშშ დოლარზე დაბლა უნდა დაეცეს, განაცხადა გენერალურმა დირექტორმა მაიკლ სეილორმა. „MicroStrategy-მ აიღო 205 მლნ აშშ დოლარის ვადიანი სესხი და უნდა უზრუნველყოს 410 მლნ აშშ დოლარი გირაოს უზრუნველყოფისთვის. კომპანიას აქვს 115 109 BTC, რომელთა ჩადებაც შესაძლებელია. თუ Bitcoin-ის ფასი 3562 აშშ დოლარს ქვევით ჩამოვა, შეგვიძლია სხვა გირაო განვათავსოთ“ - განაცხადა მან. მანამდე კომპანიამ 2022 წლის პირველი კვარტლის ფინანსური შედეგები გამოაქვეყნა. საანგარიშგებო პერიოდისთვის მან გამოიმუშავა 119.3 მლნ აშშ დოლარი 298 მლნ აშშ დოლარის დანახარჯით, ეს უკანასკნელი კი მოიცავს 170.1 მლნ აშშ დოლარს, რაც გამოწვეულია მისი ციფრული აქტივების უარყოფითი გადაფასების შედეგად. MicroStrategy-ს ბალანსზე აქვს 129 218 BTC - სტატიის წერის მომენტში არსებული კურსის თანახმად 4 მლრდ აშშ დოლარზე მეტი. ამასთან 115 109 BTC ინახება MacroStrategy-ს ქვეგანყოფილების რეზერვებში. კომპანია 95643 BTC-ს „დაუხარჯავად“ მიიჩნევს. MicroStrategy-ს კრიპტოვალუტების ბალანსი. წყარო: MicroStrategy 9 მაისს კრიპტო ბაზრის ვარდნის ფონზე MicroStrategy-ს აქციების ფასი 25%-ზე მეტით შემცირდა. 10 მაისს Nasdaq-ზე პრემარკეტის მიმდინარეობისას ფასიანმა ქაღალდებმა დაიბრუნა დაკარგულის ნაწილი, თუმცა მთავარი სესიის გახსნის შემდეგ კოტირებებმა კვლავ შემცირება დაიწყო. სტატიის წერის მომენტში აქციების ფასი დაახლოებით 216 აშშ დოლარია. MSTR/USD-ის საათობრივი გრაფიკი Nasdaq-ზე. წყარო: TradingView. გასულ თვეში სეილორმა Bitcoin-ის ყიდვას წარმატებული პოლიტიკა უწოდა. https://tinyurl.com/mwbednf

თანამედროვე სერვერების მეხსიერებისადმი მოთხოვნები მუდმივად იზრდება. მეტასამყაროს, ხელოვნური ინტელექტის განვითარებისთვის საჭიროა მოცულობისა და სიჩქარის მნიშვნელოვანი ზრდა, ასევე შეყოვნების შემცირება. მხოლოდ ტრადიციული DDR მოდულების გამოყენება ზღუდავს მასშტაბირების შესაძლებლობებს, საჭიროა ახალი მიდგომა. კომპანია Samsung Electronics-ს აქვს გადაწყვეტილება - Compute Express Link-ის (CXL) სტანდარტის ოპერატიული მეხსიერება, რომელიც საშუალებას იძლევა სერვერი აღიჭურვოს ათ ტერაბაიტზე მეტი ოპერატიული მეხსიერებით, რომელიც წამში რამდენიმე ტერაბაიტის გატარუნარიანია. Samsung Electronics-მა განაცხადა, რომ შეიმუშავა ინდუსტრიაში პირველი CXL სტანდარტის ოპერატიული მეხსიერება 512 გბ-მდე მოცულობით. გასულ წელს დაანონსდა პროტოტიპი, მთელი ეს დრო მიმდინარეობდა მისი გაუმჯობესება კორპორატიული სექტორის კომპანიებსა და მწარმოებლებთან თანამშრომლობის შედეგად. თავდაპირველ პროდუქტთან შედარებით შესაძლებელი გახდა მოცულობის ოთხჯერ გაზრდა, ხოლო შეყოვნების ხუთჯერ შემცირება. Samsung CXL მეხსიერებისთვის გამოიყენება სპეციალური ინტეგრირებული სქემა და კონტროლერი, მხარდაჭერილია PCIe Gen5 ინტერფეისი, მოწყობილობა დამზადებულია EDSFF (E3.S) ფორმ-ფაქტორში. CXL მეხსიერება პროცესორის მიერ აღიქმება, როგორც ძირითადი. Samsung დაიწყებს ნიმუშების მიწოდებას პარტნიორებისთვის დაიწყებს მიმდინარე წლის მესამე კვარტალში ერთობლივი ტესტირებისა და კომერციალიზაციისთვის მოსამზადებლად, რათა გამოუშვას მომავალი თაობის სასერვერო პლატფორმები ახალი PCIe ინტერფეისის მხარდაჭერით. https://tinyurl.com/msh9bn45

კომპანია ASUS-მა წარადგინა განახლებული ლეპტოპები Vivobook S14 და Vivobook S15 OLED. ახალი მოწყობილობები წარმოდგენილია პროცესორებით Intel Core i7-12700H, Core i5-12500H და AMD Ryzen 7 6800H. Intel-ის ჩიპებში გამოყენებულია ინტეგრირებული ამაჩქარებელი Iris Xe, AMD-ის პროცესორებში კი წარმოდგენილია უფრო მძლავრი გრაფიკა Radeon 680M. ყველა მოდელს აქვს 16 გბ-მდე ოპერატიული მეხსიერება და 1 ტბ SSD. ფოტოს წყარო: ASUS ASUS Vivobook S14 OLED წარმოდგენილია 14.5-დუიმიანი OLED ეკრანით, რომლის გაფართოებაა 2.8K (2880 × 1800 პიქსელი), გვერდების შეფარდებაა 16:10, კადრის განახლების სიხშირე - 90 ჰერცი. მოდელ Vivobook S15-ის ერთ მოდიფიკაციას აქვს OLED ეკრანი 2880 × 1620 პიქსელი გაფართოებით და გვერდების შეფარდებით 16:9, მეორე მოდიფიკაციას კი - FHD დისპლეი (1920 × 1080 პიქსელი). ორივე შემთხვევაში კადრის განახლების სიხშირე შეადგენს 120 ჰერცს. Vivobook S14 და S15 ლეპტოპების OLED ეკრანების დანარჩენი მახასიათებლები იდენტურია, მათ შორისაა 100%-იანი DCI-P3 ფერთა გამა და მაქსიმალური სიკაშკაშე 600 კდ/მ2. გამოყენებული პროცესორების მიხედვით ლეპტოპებზე ხელმისაწვდომი იქნება ორი Thunderbolt 4.0 პორტი (Intel-ის ჩიპებში) ან USB 4.0 (AMD). უსადენო დაკავშირებისთვის გამოიყენება Wi-Fi 6E და Bluetooth 5.2 მოდულები. FHD-პანელის მოდელების პარალელურად ახალ ლეპტოპებს აქვს 70 ვტ/სთ მოცულობის ბატარეა სწრაფი 90-ვატიანი დამუხტვის მხარდაჭერით. ASUS Vivobook S14-ისა და S15 OLED-ის გაყიდვა დაიწყება მიმდინარე წლის მეორე კვარტალში. https://tinyurl.com/yyp2n2yb

Bitcoin მოქმედებს, როგორც კარგი დაზღვევა ინფლაციისგან, მაგრამ არა - როგორც ოქროს სრულფასოვანი ალტერნატივა. ეს აზრი გამოთქვა მილიარდერმა რეი დალიომ Economic Times-თან ინტერვიუში. Bridgewater Associates-ის დამფუძნებელმა აღიარა პირველი კრიპტოვალუტის მსგავსება შეზღუდული მიწოდების მქონე მთავარ ძვირფას ლითონთან, მაგრამ აღნიშნა დაბრკოლებები ბანკების სარეზერვო აქტივად მისი ტრანსფორმაციის მხრივ. „შესაძლებელია ტრანზაქციების გამორკვევა. შესაძლებელია მათი კონტროლირება, გაცვლა და არაკანონიერად ქცევა“ - განაცხადა დალიომ განმარტებების გარეშე. მილიარდერმა Bitcoin-ის კაპიტალიზაცია ასევე შეადარა Microsoft-ის კაპიტალიზაციას და დაასკვნა, რომ პირველი კრიპტოვალუტა ოქროსთან შედარებით „ნაკლებად შესაფერისია“ კაპიტალის დაზოგვისთვის. მიუხედავად სკეპტიციზმისა, დალიომ აღნიშნა ციფრული აქტივებით პორტფელის დივერსიფიკაციის აუცილებლობა და გამოხატა ოპტიმიზმი ინდუსტრიის პერსპექტივების შესახებ მომდევნო ათი წლის განმავლობაში. „ამჟამად ვიმყოფებით ისეთ გარემოში, სადაც არსებობს კონფისკაციის ნებისმიერი ფორმის რისკები. ოქრო ამ ამოცანას უკეთ უმკლავდება. ციფრული აქტივები ჯერჯერობით არ არის კარგი კონკურენტი, თუმცა ისინი აგრძელებენ განვითარებას“ - აღნიშნა მან. მილიარდერის მოწოდებაა პორტფელში ოქროსა და კრიპტოვალუტების დამატება ინფლაციისგან დაზღვევის მიზნით. შეგახსენებთ, რომ თებერვალში დალიომ გაფრთხილება გასცა ზოგიერთ ქვეყანაში ციფრული აქტივების შესაძლო აკრძალვის შესახებ. მანამდე მან განაცხადა, რომ მარეგულირებლები „მოკლავენ“ Bitcoin-ს მისი მასიური წარმატების შემთხვევაში. https://tinyurl.com/2p8puzbf

ბოლო რამდენიმე წლის განმავლობაში არაერთხელ გვსმენია AMD-ის გეგმების შესახებ - გამოუშვას სუპერ სწრაფი APU ინტეგრირებული გრაფიკით, რომელსაც შეუძლია საშუალო დონის დისკრეტული გრაფიკული დაფების წარმადობის უზრუნველყოფა. აღსანიშნავია, რომ ამ მიმართულებით არის გარკვეული პროგრესი. პირველ რიგში, AMD-ს აქვს მეგაპოპულარული Ryzen 7 5700G, რომელიც გამოირჩევა შთამბეჭდავი გრაფიკული კომპონენტებით. ასევე გაყიდვაშია სერია Ryzen 6000 Rembrandt, რომელშიც ინტეგრირებული გრაფიკული ჩიპი კიდევ უფრო შთამბეჭდავი გახდა. ყველაფერი კარგად იქნებოდა, რომ არა ის ფაქტი, რომ ეს უკანასკნელი განკუთვნილია მხოლოდ ლეპტოპებისთვის და დეფიციტშია, რადგანაც ლიზა სუს თავისი პრიორიტეტები გააჩნია. ამჟამად AMD გახლეჩილია გეიმინგ კონსოლებისთვის განკუთვნილი ჩიპებისა და სასერვერო პროცესორების წარმოებას შორის, ლეპტოპებისთვის ადგილი არ არის, თუმცა ჰორიზონტზე ახალი სერია Ryzen 7000 მოჩანს. ინსაიდერები ირწმუნებიან, რომ 5-ნანომეტრიან ტექნოპროცესზე დამყარებული დესკტოპ პროცესორები გაყიდვაში სექტემბრიდან გამოჩნდება. ისინი დაფუძნებული იქნება Zen 4 არქიტექტურაზე და შეძლებენ შემოგვთავაზონ არა მხოლოდ IPC-ის ორნიშნა ზრდა, არამედ DDR5 სტანდარტის ოპერატიულ მეხსიერებაზე გადასვლაც. 2020 წელს მიიჩნეოდა, რომ ეს პროცესორები 2021 წლის შემოდგომაზე გამოვიდოდა, მაგრამ ნახევრადგამტარი პროდუქციის დეფიციტმა და Apple-ის სიხარბემ განაპირობა, რომ AMD-ს აღარაფერი დარჩა პერსპექტიული დესკტოპ პროცესორების გამოშვების გადავადების გარდა. სწორედ ამით აიხსნება Intel-ის მოულოდნელი ნახტომი, როდესაც მე-12 თაობა მოულოდნელად არა მარტო წინ გაიჭრა, არამედ პირველმა შემოგვთავაზა DDR5 სტანდარტი PCIe 5.0-თან ერთად. ჯამში AMD-ის გეგმები ახალ არქიტექტურასთან დაკავშირებით შთამბეჭდავად გამოიყურება. სასერვერო EPYC-ისა და მაღალი წარმადობის Threadripper-ის გარდა ვიხილავთ დესკტოპ სერიას Ryzen 7000 Raphael, აგრეთვე მაღალი წარმადობის მობილურ ჩიპებს Dragon Range და ულტრაბუკებისთვის განკუთვნილ სერიას - Phoenix. AMD კვლავ გვპირდება ისტორიაში საუკეთესო გეიმინგ პროცესორებს, მაგრამ ეს არის მობილური ჩიპების სერია, რომელიც ნამდვილად რევოლუციური უნდა იყოს. ინსაიდერები აცხადებენ, რომ მობილური პროცესორები Phoenix შემოგვთავაზებენ ინტეგრირებულ გრაფიკას, რომელიც შეძლებს უზრუნველყოს დისკრეტულ ვიდეო დაფა GeForce RTX 3060-ის დონის წარმადობა. ასეთ შემთხვევაში უნდა გვესმოდეს განსხვავება დესკტოპ GeForce RTX 3060-სა და მის მობილურ ვერსიას შორის, რომლის TDPის დონე 60 ვატია. ჯერჯერობით Ryzen 7000U Phoenix სერიის შესახებ არსებული ოფიციალური ინფორმაცია ძალიან მწირია, თუმცა ინსაიდერები მიიჩნევენ, რომ AMD აპირებს ფასის საკმაოდ დაბალ ნიშნულზე შენარჩუნებას. სავარაუდოდ, სუპერსწრაფი გრაფიკის მქონე სწრაფი, ენერგოეფექტური ჩიპის ფასი 1200 აშშ დოლარამდე იქნება. ჯერჯერობით ეს ყველაფერი არაოფიციალურია, რადგან სერიის გამოსვლამდე კიდევ დიდი დროა დარჩენილი. მიიჩნევა, რომ Ryzen 7000U Phoenix-ის ანონსი შედგება საერთაშორისო გამოფენა CES 2023-ზე. იგი ტრადიციულად გაიმართება იანვარში, მის ფარგლებში ვიხილავთ ბევრ სიახლეს, რომელთა შესახებ ინფორმაციას ინსაიდერები ფლობენ. სხვათა შორის, თუ გეგმავთ ლეპტოპის ყიდვას 2023 წელს, მაშინ ღირს უკეთ დააკვირდეთ Dragon Range სერიას. ინსაიდერები დარწმუნებულები არიან, რომ პროცესორებს ექნება 16 ბირთვამდე და დამზადდება ჩიპლეტების ტექნოლოგიის გამოყენებით, რაც შესაძლებელს გახდის წარმადობის უზარმაზარ ნახტომს ამჟამინდელ გადაწყვეტილებებთან შედარებით. https://tinyurl.com/5a2v6vee

კომპანია Gigabyte-მა წარადგინა უზარმაზარი 55-დუიმიანი გეიმინგ მონიტორი S55U, რომელსაც აქვს ოპერაციული სისტემა Android და ციფრულ ხმოვან დამხმარე Google ასისტენტის მხარდაჭერა. ფოტოს წყარო: Hermitage Akihabara Gigabyte S55U-ს საფუძვლად უდევს 4K გაფართოების VA მატრიცა კვანტური პიქსელების განათებისა და 132 ზონის ადგილობრივი ჩაბნელების ტექნოლოგიის მხარდაჭერით. ეკრანის სიკაშკაშის ტიპური მაჩვენებელია 500 კდ/მ2, მაქსიმალური კი - 1500 კდ/მ2, კონტრასტულობაა 5000:1. მხარდაჭერილია 1.07 მილიარდი ფერი, კადრის განახლების სიხშირეა 120 ჰერცი, რეაქციის მინიმალური დრო - 2 მილიწამი (საშუალოდ 5 მწ), აგრეთვე მხარდაჭერილია ტექნოლოგია AMD FreeSync Premium. კომპანია მიუთითებს, რომ მონიტორი ფლობს 96%-იან DCI-P3 და 140-%-იან sRGB ფერთა გამას. მონიტორის აღჭურვილობაში შედის ორ-ორი პორტი HDMI 2.1 და HDMI 2.0, თითო შემავალ-გამავალი USB 3.2 Gen 1, ერთი USB 2.0, აგრეთვე ერთი 3.5-მილიმეტრიანი აუდიოკონექტორი. მონიტორს ასევე აქვს ორი სტერეოდინამიკი, სიმძლავრით თითოეული 10 ვატი, გააჩნია LAN კონექტორი, აგრეთვე Wi-Fi 5 და Bluetooth უსადენო კავშირების მხარდაჭერა. გარდა ამისა, მოწყობილობას აქვს 400 × 300 მმ ზომის VESA სამაგრი. Gigabyte S55U-ის ზომა შეადგენს 1232 × 309 × 749 მმ-ს, წონა - 18.1 კგ-ს. ახალი მონიტორის ფასისა და გაყიდვაში გამოსვლის თარიღის შესახებ კომპანიას ჯერჯერობით არ გამოუცხადებია. https://tinyurl.com/4raerbjp

კორპორაცია Meta მალე აამოქმედებს საპილოტე პროექტს არაურთიერთჩანაცვლებადი ტოკენების (NFT) ინტეგრირებისთვის სოციალურ ქსელ Instagram-ში. ამის შესახებ წერს CoinDesk საკუთარ წყაროებზე დაყრდნობით. რესურსის თანახმად Meta, სავარაუდოდ, გეგმავს Instagram-ზე დაამატოს NFT-ების მხარდაჭერა, რომლებიც გამოშვებულია Ethereum-ზე, Polygon-ზე, Solana-სა და Flow-ზე, თუმცა უცნობია იმუშავებს თუ არა პლატფორმა ყველა ამ ქსელთან პირველ ეტაპზე. საპილოტე პროექტში მონაწილეობას მიიღებს აშშ-ის მომხმარებლების შეზღუდული ჯგუფი. ჟურნალისტებმა ასევე აღნიშნეს, რომ Meta აპირებს Instagram-ის ინტეგრირებას პოპულარულ ციფრულ საფულეებთან, როგორიცაა MetaMask. განცხადების თანახმად პლატფორმა არ დააკისრებს მომხმარებლებს NFT-ების განთავსებისა და გაცვლის საფასურს. 2022 წლის იანვარში Financial Times-მა განაცხადა, რომ კორპორაცია გეგმავს NFT-ების ინტეგრირებას Facebook-სა და Instagram-ში და ასევე მუშაობს პლატფორმის პროტოტიპზე, რომელიც ამ ციფრული აქტივების გამოშვების საშუალებას მისცემს. შეგახსენებთ, რომ მარტში კორპორაციის ხელმძღვანელმა მარკ ცუკერბერგმა განაცხადა, რომ NFT-ების შექმნის ფუნქცია შესაძლოა გამოჩნდეს Instagram-ზე „უახლოეს თვეებში“. https://tinyurl.com/35fbr9ef

10 მაისს გაიმართება ღონისძიება VISON და მის ფარგლებში კომპანია Intel წარადგენს პროცესორების მორიგ სერიას კოდური დასახელებით Alder Lake-HX. ეს სერია იქნება პირველი მობილური ხაზი, რომელშიც 16-ბირთვიანი პროცესორები შევა. პროცესორების განახლებულ სერიაში შესულ პროცესორებს ექნება BGA პაკეტი. ერთ-ერთი გამოქვეყნებული სლაიდი ამტკიცებს, რომ BGA-ს ზომა ისეთივე იქნება, როგორიც არის დესკტოპ კომპიუტერებისთვის განკუთვნილი LGA (45 x 37.5 მმ), განსხვავებული იქნება მხოლოდ სიმაღლე, რომელიც შემცირდა 4.4-დან 2 მილიმეტრამდე. Alder Lake-HX ჩიპები იქნება ენთუზიასტებისთვის განკუთვნილი ახალი ტიპის პროცესორები სიმძლავრით 55 ვატი და ისინი წარმოდგენილი იქნება მაღალი წარმადობის გეიმინგ სისტემებსა და სამუშაო სადგურებში. ახალ პროცესორებში გაზრდილი იქნება ბირთვების რაოდენობა, სიმძლავრე და PCIe არხების რაოდენობა. PCI Express-ზე საუბრისას უნდა აღინიშნოს, რომ Alder Lake-HX იქნება პირველი მობილური პლატფორმა უახლესი PCIe Gen5 ინტერფეისის მხარდაჭერით. გარდა ამისა, მომხმარებლები მიიღებენ ჯამში 48 PCIe არხს (Gen5 x16 + Gen4 x20 + Gen3 x 12), რაც აღემატება Alder Lake-H-ს (Gen4 x16 + Gen3 x12). Alder Lake-HX-ის კიდევ ერთი სიახლეა აჩქარების გაუმჯობესებული შესაძლებლობა. პლატფორმას აქვს XMP 3.0 პროფილის მქონე DDR5-ისა და ფუნქცია Dynamic Memory Boost-ის მხარდაჭერა. გარდა ამისა, მხარდაჭერილია ენერგოეფექტური ბირთვების აჩქარება, ასევე განახლებული Intel Speed Optimizer და Extreme Tuning Utility. მნიშვნელოვანია აღინიშნოს, რომ Intel-ის მტკიცებით ყველა HX მოდელზე მხარდაჭერილი იქნება აჩქარების შესაძლებლობა. როგორც ამ დრომდე ითქვა, პროცესორებს ექნება 16-მდე ბირთვი 5 გჰც-მდე სიხშირით. ყველა HX პროცესორს ექნება იდენტური საბაზისო სიმძლავრე 55 ვატი და მაქსიმალური - 157 ვატამდე, რაც 42 ვატით მეტია Alder Lake-H სერიის პროცესორებთან შედარებით. გარდა ამისა, რადგანაც ახალი მოდელები დესკტოპ პერსონალური კომპიუტერების ჩიპებზეა დამყარებული, გრაფიკული პროცესორის ბირთვები შემცირდა 32-მდე ან 16-მდე მოდიფიკაციის შესაბამისად. თუმცა ეს ფაქტი არ არის შემაშფოთებელი, რადგან ამ პროცესორების მქონე ყველა გეიმინგ ლეპტოპს მძლავრი ვიდეო დაფა ექნება. https://tinyurl.com/t5nw4sxs

კომპანია Lenovo-მ გააფართოვა პორტატული კომპიუტერების ასორტიმენტი და დააანონსა მოდელი Yoga Slim 7 Pro 16-დუიმიანი დისპლეით. მოწყობილობას საფუძვლად დაედო AMD-ის აპარატული პლატფორმა. ფოტოს წყარო: Lenovo ლეპტოპს აქვს პროცესორი Ryzen 5 6600HS Creator Edition ან Ryzen 7 6800HS Creator Edition. პირველ მათგანს აქვს ექვსი ბირთვი სიხშირით 4.5 გჰც-მდე, მეორეს - რვა ბირთვი სიხშირით 4.7 გჰც-მდე. ორივე შემთხვევაში მხარდაჭერილია მრავალნაკადიანი ტექნოლოგია. ეკრანს აქვს 2.5K გაფართოება, კადრის განახლების სიხშირეა 165 ჰერცი, მაქსიმალური სიკაშკაშე - 500 კდ/მ2, მხარდაჭერილია Dolby Vision. ლეპტოპი დაკომპლექტებული იქნება გრაფიკული ამაჩქარებლით NVIDIA GeForce RTX 3050 ან RTX 3050 Ti. LPDDR5 სტანდარტის ოპერატიული მეხსიერების მოცულობა შეადგენს 16 ან 32 გბ-ს, PCIe 4.0 ინტერფეისის მქონე SSD-ის მოცულობა - 512 გბ-ს ან 1 ტბ-ს. ხელმისაწვდომია პორტები USB 3.2 Gen 1 Type-A და USB 3.2 Type-C, HDMI 2.0, SD-ბარათის წამკითხველი და სტანდარტული 3.5-მილიმეტრიანი აუდიოკონექტორი. ლეპტოპი გაყიდვაში გამოვა ივნისში და მისი ფასი იქნება დაახლოებით 1500 აშშ დოლარი. https://tinyurl.com/y4cn4k4b

Googleის ქლაუდ განყოფილება აყალიბებს გუნდს, რომელიც შექმნის სერვისებს ბლოკჩეინ-აპლიკაციებზე ორიენტირებული დეველოპერებისთვის. ამის შესახებ წერს CNBC Google Cloud-ის ვიცე-პრეზიდენტ ამიტა ზავერის განცხადებაზე დაყრდნობით. „მიუხედავად იმისა, რომ მსოფლიო Web 3.0-ის ათვისებას ჯერ ახლა იწყებს, ეს ბაზარი უკვე აფიქსირებს უზარმაზარ პოტენციალს. ბევრი მომხმარებელი გვთხოვს გავზარდოთ კრიპტოვალუტებთან დაკავშირებული სექტორისა და ტექნოლოგიების მხარდაჭერა“ - დაწერა მან თანამშრომლებისთვის განკუთვნილ წერილში. ზავერის თქმით Google გეგმავს კორპორატიულ მომხმარებლებს შესთავაზოს ბექენდ-სერვისები, რომლებიც მათ წვდომას მისცემენ განაწილებული რეესტრის ტექნოლოგაზე. ამასთან, კომპანიას არ სურს „პირდაპირ გახდეს კრიპტოვალუტების ტალღის ნაწილი“. მან განმარტა, რომ Google შეიმუშავებს სისტემას, რომელიც გაამარტივებს ბლოკჩეინის ნოუდების შექმნისა და გაშვების პროცესს ტრანზაქციების ვალიდაციისა და რეგისტრაციისთვის. ზავერიმ დაამატა, რომ ინსტრუმენტი შეიძლება გამოყენებულ იქნას მესამე მხარის გამომთვლელ გარემოში, როგორიცაა მაგალითად Amazon Web Services. 2022 წლის იანვარში Google-მა დაიქირავა PayPal-ის ყოფილი აღმასრულებელი დირექტორი არნოლდ გოლდბერგი გადახდების განყოფილების ხელახალი ამოქმედებისთვის. დანიშვნა ემთხვევა კომპანიის უფრო ფართო სტრატეგიას - გაერთიანდეს მთელ რიგი ფინანსური, მათ შორის კრიპტოვალუტებზე ორიენტირებული სერვისები. https://tinyurl.com/2p8ux5c7

პორტალ VideoCardz-მა გააზიარა Radeon RX 6650 XT და Radeon RX 6750 XT ვიდეო დაფების ფოტოები, რომელთა გამოშვებას აპირებენ კომპანიები MSI, Sapphire, XFX და ASRock. ფოტოს წყარო: VideoCardz როგორც ჩანს, კომპანიებიდან არავინ გეგმავს ეტალონური ვერსიის Radeon RX 6x50XT ამაჩქარებლების წარმოებას. რეფერენსული მოდელების რეალიზაციით დაკავდება უშუალოდ თავად AMD, რომელიც Radeon RX 6750 XT და Radeon RX 6950 XT მოდელების გაყიდვას საკუთარი ოფიციალური ონლაინ-მაღაზიიდან გეგმავს. Radeon RX 6650 XT მოდელს კი ნაკლებად გაუმართლა: როგორც ჩანს, დაფას არ გააჩნია ეტალონური დიზაინი და გავრცელდება მხოლოდ AMD-ის პარტნიორების მიერ. კომპანია Sapphire ამზადებს Radeon RX 6750 XT მოდელს Nitro და Pulse შესრულებით. ახალ დაფას აქტუალური Radeon RX 6700 XT-ს მსგავსი გარეგნული დიზაინი ექნება. დაფებს შორის არანაირი ვიზუალური განსხვავება არ შეინიშნება, აღნიშნავს VideoCardz. კომპანია MSI გამოუშვებს Radeon RX 6750 XT-სა და Radeon RX 6650 XT-ს რამდენიმე მოდელს Gaming Trio შესრულებით, აგრეთვე გამოვა Mech 2x. დაფებს ექნება როგორც სამქულერიანი, ასევე ორქულერიანი გაგრილების სისტემები. ASRock გამოუშვებს ორ მოდელს Challenger შესრულებით. გარდა ამისა, მოდელი Radeon RX 6750 XT გამოვა Phantom Gaming შესრულებით. კომპანია XFX გეგმავს რამდენიმე ვერსიის წარმოებას შესრულებით Speedster Quick, Merc და SWFT. ამასთან Radeon RX 6650 XT გამოვა სამ ვერსიაში: SWFT 210, MERC 308 და QICK 308. ახალი Radeon RX 6950 XT-ს, 6750 XT-სა და 6650 XT-ს გეიმინგ ტესტებმა აჩვენა, რომ თამაშებში ისინი ოდნავ სწრაფია აქტუალურ მოდელებთან შედარებით. https://tinyurl.com/7cevypsd

ტაივანური კომპანია ASUS და გაგრილების ავსტრიული მწარმოებელი Noctua გამოსაშვებად ამზადებენ თანამშრომლობის ახალ შედეგს, ეს იქნება გრაფიკული ამაჩქარებელი ASUS GeForce RTX 3080 10GB Noctua Edition. მისი განსაკუთრებული მახასიათებელია გაგრილების სისტემა, რომლის შემადგენლობაში შედის ავსტრიული ბრენდის ორი მოზრდილი, 120-მილიმეტრიანი ქულერი. ფოტოს წყარო: VideoCardz ადრე კომპანიებმა ერთობლივად გამოუშვეს ASUS GeForce RTX 3070 Noctua Edition, იგი გამოირჩეოდა უჩვეულო გაგრილების სისტემით, რომელიც წარმოდგენილი იყო ორი ეფექტური, თანაც ძალიან ჩუმი 120-მილიმეტრიანი ქულერით NF-A12x25. მოგვიანებით Noctua-მ დაადასტურა, რომ ASUS-თან თანამშრომლობა გაგრძელდებოდა და უახლოეს მომავალში ბაზარზე ერთობლივად შემუშავებული გრაფიკული დაფების ახალი მოდელები გამოჩნდებოდა. როგორც ჩანს, ეს მომავალი ძალიან მალე დადგება. პორტალ VideoCardz-მა გააზიარა უფრო ძლიერი ASUS GeForce RTX 3080 10 GB Noctua Edition-ის სურათები. საინტერესოა, რომ მწარმოებლებმა გადაწყვიტეს აირჩიონ მოდელი, რომელიც ბორტზე მხოლოდ 10 გბ ვიდეო მეხსიერებას ატარებს, თუმცა ბაზარზე არსებობს 12 გბ მეხსიერების მქონე ვერსიაც. ASUS GeForce RTX 3080 10GB Noctua Edition-ს ექნება ამავე შესრულების GeForce RTX 3070 მოდელის დიზაინი. GeForce RTX 3080 Noctua-ს ზომა გაფართოების ოთხ სლოტს შეადგენს. მასში, როგორც ჩანს, გამოყენებულია ისეთივე ქულერები, როგორიც უმცროს ვერსიაში, თუმცა რადიატორი უფრო მასიური აქვს უფრო მაღალი წარმადობის GPU-ის შესაბამისად. ვიდეო დაფის ტექნიკური მახასიათებლები ამჟამად უცნობია. ფოტოებზე ჩანს, რომ ამაჩქარებელს აქვს ორი 8-პინიანი კვების კონექტორი და გარე ინტერფეისების არასტანდარტული ნაკრები: სამი DisplayPort 1.4 და ორი HDMI 2.1. დიდი ალბათობით, დაფას საფუძვლად უდევს ASUS GeForce RTX 3080 TUF მოდელის PCB. VideoCardz-ის მონაცემებით ASUS GeForce RTX 3080 10GB Noctua Edition-ის ფასი 1150 ევროს შეადგენს, რაც 250 ევროთი აღემატება ამავე შესრულების GeForce RTX 3070 მოდელს. ხელმისაწვდომობის შესახებ ინფორმაცია ჯერჯერობით უცნობია. https://tinyurl.com/4vtbavcr

ნორვეგიულმა კომპანია Opera-მ კრიპტობრაუზერში დაამატა BNB Chain-ის ბლოკჩეინის მხარდაჭერა, გახსნა წვდომა აქტივებსა და ქსელის ეკოსისტემის დეცენტრალიზებულ აპლიკაციებზე. Opera-ს გუნდმა აღნიშნა, რომ BNB Chain არის სმარტ-კონტრაქტების უმსხვილესი პლატფორმა ყოველდღიური აქტიური მომხმარებლების რიცხვის თვალსაზრისით - მათი რაოდენობა 4 მილიონია. კვირის განმავლობაში განხორციელებული ტრანზაქციების რაოდენობა საშუალოდ 36 მილიონია, ქსელის DeFi პროექტებში დაბლოკილი თანხების ღირებულება კი 13 მლრდ აშშ დოლარს აღემატება. „BNB Chain-ში ტრანზაქციებსა და თანხებზე წვდომის პარალელურად Opera გზას გიხსნით dapp-ებისკენ პოპულარული DEX-ების ჩათვლით, როგორებიცაა PancakeSwap, 1inch და BiSwap, აგრეთვე ისეთი ინოვაციური პროდუქტები, როგორებიცაა DRIP Venus, Tranchess, Treehouse, ApeSwap და AutoShark Finance“ - ნათქვამია განცხადებაში. ქსელის ეკოსისტემა მოიცავს GameFi აპლიკაციებს (StarSharks, Thetan Arena, StarNift, SecondLive) და პროდუქტებს NFT სეგმენტისთვის (Galaxy, NFTrade, Galler), აღნიშნა კომპანიამ. BNB Chain ინტეგრირებულია ბრაუზერის როგორც დესკტოპ, ისე მობილურ ვერსიაში. მარტში Opera Crypto Browser-ზე დაემატა შემდეგი აქტივების მხარდაჭერა: Bitcoin, Solana, Polygon, Celo, Nervos Network, StarkEx, IXO და Ronin sidechain. შეგახსენებთ, რომ დეველოპერებმა Web 3.0-ზე ორიენტირებული „კრიპტობრაუზერი“ 2022 წლის იანვარში წარადგინეს. https://tinyurl.com/yfht3fdc

Qualcomm-მა წარადგინა პლატფორმა Wi-Fi 7 Networking Pro-ს მესამე თაობა, რომელიც კომპანიის თქმით იქნება ყველაზე მასშტაბური კომერციული Wi-Fi 7 გადაწყვეტილება მსოფლიოში. პლატფორმა მოიცავს ახალ Wi-Fi 7 ჩიპებს, რომლებიც ორიენტირებულია კორპორატიული წვდომის წერტილებზე, ქსელურ სისტემებსა და პრემიუმ დონის სამომხმარებლო მარშრუტიზატორებზე. ფოტოს წყარო: trecebits.com ახალი ჩიპები ხელმისაწვდომია სამ- და ოთხდიაპაზონიან კონფიგურაციებში და უზრუნველყოფენ უსადენო ქსელთან კავშირს 2.4 გჰც, 5 გჰც და 6 გჰც დიაპაზონში, აგრეთვე მხარდაჭერილია 320-მეგაჰერციანი არხი, რის ხარჯზე მიიღწევა Wi-Fi 6-თან შედარებით სიჩქარის ორმაგი ზრდა. რეალიზებულია 6-დან 16-მდე ნაკადის მხარდაჭერა ერთდროულად მაქსიმალური 33 გბ/წმ სიჩქარით. Multi-Link ტექნოლოგიების არსებობა საშუალებას იძლევა დინამიურად გაერთიანდეს მომხმარებლის ტრაფიკი ან გადაიკვეთოს სიხშირეების დიაპაზონი, რათა თავიდან იქნას აცილებული ხარვეზები და შემცირდეს შეყოვნება ქსელის გადატვირთულობისას. პლატფორმა Wi-Fi 7 Networking Pro საშუალებას იძლევა კორპორატიული წვდომის წერტილებმა და მაღალი წარმადობის მარშრუტიზატორებმა იმუშაონ მაქსიმალურად ეფექტურად 6 გჰც დიაპაზონში, მათ შორის დიდ დისტანციასა და შენობის გარეთ სივრცეში. ისევე, როგორც წინა ჯერზე, მესამე თაობის Wi-Fi 7 ჩიპები განკუთვნილია ბაზარზე უსადენო კავშირის მოწყობილობების ფართო სპექტრის სწრაფად გატანისთვის. ფოტოს წყარო: Qualcomm Wi-Fi 7 სტანდარტის საბოლოო ვერსია ჯერ არ არის სერტიფიცირებული. მიუხედავად იმისა, რომ მისი ძირითადი მახასიათებლები ცნობილია, სტანდარტის საბოლოო ვერსიის გამოსვლა მოსალოდნელია 2024 წელს. ეს ნიშნავს, რომ Wi-Fi 7-ის მხარდაჭერის მქონე მოწყობილობის შეძენა კიდევ რამდენიმე წლის განმავლობაში შეუძლებელი იქნება. https://tinyurl.com/ytrpxppr

კომპანია Lenovo-მ წარადგინა ახალი თაობის ჰიბრიდული პორტატული კომპიუტერი Yoga 7, რომელსაც აქვს 14-დუიმიანი სენსორული დისპლეი. მოწყობილობა აღჭურვილია AMD-ის პროცესორით, პროგრამული პლატფორმის სახით კი გამოყენებულია ოპერაციული სისტემა Windows 11. ფოტოს წყარო: Lenovo ლეპტოპი დაკომპლექტებული იქნება 2880 × 1800 პიქსელი გაფართოების მქონე 2.8K OLED დისპლეით ან 2240 × 1400 პიქსელი გაფართოების 2.2K LCD ეკრანით. მხარდაჭერილია სენსორული მართვა. ლეპტოპის ზედა ნაწილის მოტრიალება შესაძლებელია 360 გრადუსით, რათა ლეპტოპი პლანშეტად გადაიქცეს. მოდიფიკაციის შესაბამისად მოწყობილობაში გამოყენებული იქნება პროცესორი Ryzen 7 6800U ან Ryzen 5 6600U. ოპერატიული მეხსიერების მოცულობაა 8-დან 32 გბ-მდე, SSD-ის - 256 გბ-დან 1 ტბ-მდე. აღჭურვილობაში შედის Wi-Fi 6E და Bluetooth 5.2 უსადენო კავშირების ადაპტერები, 2-მეგაპიქსელიანი ვებ-კამერა და აუდიოსისტემა ოთხი დინამიკით. გათვალისწინებულია microSD სლოტი. ლეპტოპის ზომაა 316.66 × 220.25 × 17.35 მმ, წონა - 1.43 კგ. ხელმისაწვდომია ინტერფეისები USB Type-C, HDMI 2.1, USB 3.2 Gen 1 Type-A, 3.5-მილიმეტრიანი კომბინირებული აუდიოკონექტორი. ლეპტოპი ხელმისაწვდომია ორ ფერში - Storm Grey და Stone Blue. https://tinyurl.com/mssx89ut

ბენტლის უნივერსიტეტმა (Bentley University, BU) Bitcoin-ბირჟა Coinbase-თან თანამშრომლობის შედეგად დაამატა კრიპტოვალუტებით სწავლის საფასურის გადახდის შესაძლებლობა. ამის შესახებ ნათქვამია საგანმანათლებლო დაწესებულების ვებ-გვერდზე. „ბენტლის უნივერსიტეტი მოწინავეა ისეთი ბიზნეს-ლიდერების მომზადებაში, რომლებიც ფლობენ ისეთ უნარებსა და ცოდნას, რაც აუცილებელია წარმატების მისაღწევად ცვლად მსოფლიო ეკონომიკაში. ჩვენ ვამაყობთ, რომ ვიყენებთ ტექნოლოგიას, რომელსაც სწავლობენ ჩვენი სტუდენტები“ - აღნიშნა BU-ის პრეზიდენტმა ლაბრენტ კრაიტმა. სტუდენტები და მათი ოჯახები შეძლებენ სწავლის საფასური გადაიხადონ Bitcoin-ით, Ethereum-ით ან USD Coin-ით (USDC). უნივერსიტეტი ასევე გეგმავს შემოწირულობებს ამავე აქტივებში. შეტყობინების თანახმად სტუდენტების ინტერესმა ასევე შეუწყო ხელი კრიპტო ფინანსების ახალი კურსის შექმნას. იგი შემოდგომაზე ამოქმედდება და ფოკუსირებული იქნება ბლოკჩეინ-აპლიკაციებსა და DeFi სექტორზე. მსგავსი გადაწყვეტილება მიიღო ძვირადღირებული ფიტნეს კლუბების ქსელმა Equinox. კომპანია თანამშრომლობს პროცესინგ სერვის BitPay-თან, რის შედეგად ნიუ-იორკის სპორტული დარბაზის მომხმარებლებს შეუძლიათ გადაიხადონ წლიური აბონიმენტების ღირებულება Bitcoin-ით, Ethereum-ით, Bitcoin Cash-ით, Dogecoin-ით, Litecoin-ით, Shiba Inu-თი, WBTC-ითა და ხუთი stablecoin-ით: BUSD, DAI, GUSD, USDP და USDC. ადრე ქლაუდ პლატფორმა Wix-მა, ამერიკულმა ონლაინ საცალო სავაჭრო ორგანიზაცია Shop.com-მა და სხვა უამრავმა კომპანიამ დაიწყო კრიპტოვალუტების მიღება BitPay-ის მეშვეობით. Visa-ს გამოკითხვის თანახმად 2022 წელს ცხრა ქვეყანაში მცირე სავაჭრო ორგანიზაციების თითქმის მეოთხედი გეგმავს ციფრული ვალუტების მიღებას გადახდის ფორმად. https://tinyurl.com/3zted9jv

გამოჩნდა AMD-ის განახლებული ვიდეო დაფების პირველი ტესტები 3Dmark-ზე. დაფებში წარმადობის კარგი ზრდა ფიქსირდება. AMD უახლოეს დროში გაანახლებს Radeon RX 6000 ვიდეო დაფების სერიას უფრო მაღალი ტაქტის სიხშირის მქონე მოდელებით. ცნობილი გახდა ეტალონური მოდელების მახასიათებლები. როგორ აისახება ეს წარმადობაზე და შეძლებს თუ ვერა სერიის ფლაგმანი NVIDIA GeForce RTX 3090 Ti-სთვის კონკურენციის გაწევას? რესურს Wccftech-მა გამოაქვეყნა ახალი მოდელების 3Dmark ტესტები, ვიდეო დაფები საკმაოდ კარგად წარმოაჩენენ თავს. Wccftech-ის სპეციალისტებმა შეადგინეს შედეგების საკმაოდ დიდი არჩევანი 3DMark Fire Strike-ში, Time Spy-სა და Port Royal-ში, გადავხედოთ ზოგიერთ მათგანს. Fire Strike-ში AMD RDNA 2-ის ყველა გრაფიკული დაფა აფიქსირებს შთამბეჭდავ წარმადობას, მაგრამ ეს ტესტი უკვე საკმაოდ ძველია. Ultra რეჟიმში RX 6950 XT გრაფიკის ქულა იყო 15159, რაც მეტია GeForce RTX 3090 Ti-ზე. 3Dmark-ის მონაცემთა ბაზაში NVIDIA-ს ფლაგმანის შედეგების ყველაზე დიდი რაოდენობა არ აღემატება 15000 ქულას, ამით თავის მოწონება შეუძლიათ მხოლოდ OC მოდელებს, რომლებიც პირველ ორ ადგილს იკავებენ საერთო რეიტინგში. შედარებისთვის, შეგიძლიათ ნახოთ რესურს eTeknix-ის ბოლო ტესტი, GIGABYTE GAMING OC ვარიანტმა 14233 ქულა დააგროვა. წყარო: Wccftech, eTeknix და Guru3D Port Royal-ში RX 6950 XT-ის გრაფიკულმა ქულამ შეადგინა 10824, ამავე, უფრო თანამედროვე სცენარში RTX 3090 Ti უფრო სწრაფია. eTeknix-ის ანალოგიურ ტესტში მოდელი აგროვებს 14789 ქულას. Time Spy-ში RX 6950 XT ვიდეო დაფა აგროვებს 22209 ქულას და შეუძლია კონკურენციის გაწევა RTX 3090 Ti-სთვის, Guru3D-ს ტესტში MSI SUPRIM X-ის შედეგმა შეადგინა 19698 ქულა, ხოლო Wccftech-ის მონაცემებით ძლიერად აჩქარებული RTX 3090 Ti აგროვებს 22408 ქულას. RX 6750 XT და RX 6650 XT მოდელებმა დააფიქსირეს საბაზისო ვერსიებთან შედარებით წარმადობის შესანიშნავი ზრდა 3DMark Time Spy-ში. პირველი მათგანი გახდა 7%-ით უფრო სწრაფი, წარმატებით მოიტოვა უკან RTX 3070 და მიუახლოვდა ამ ვიდეო დაფის Ti ვერსიას. RX 6650 XT მოდელი კი გახდა 17%-ით უფრო სწრაფი და მყარად გაიმაგრა პოზიცია საბაზისო ვერსიასა და RX 6700 XT-ს შორის. https://tinyurl.com/45mc42j3

ინტერნეტ-წყაროებმა გამოაქვეყნეს ახალი ინფორმაცია Google-ის სმარტფონის შესახებ, რომელსაც დასაკეცი დისპლეი ექნება. როგორც მოსალოდნელია, მოწყობილობა კომერციულ ბაზარზე გამოვა კოდური სახელით - Pixel Notepad. ფოტოს წყარო: pixabay.com / Pexels მოწყობილობის მახასიათებლების არაოფიციალური ინფორმაციის წყაროა ავტორიტეტული ინსაიდერი Ross Young, რომელიც ზუსტი პროგნოზებით არის ცნობილი. სმარტფონი Pixel Notepad „წიგნის ფორმატში“ იქნება წარმოდგენილი - Samsung Galaxy Z Fold-ის მსგავად. ცნობილია, რომ გაჯეტს ექნება დრეკადი ეკრანი, რომელიც მზადებაში არსებული Galaxy Z Fold 4-ის ზომის იქნება: Pixel Notepad-ის ძირითადი ეკრანის ზომა შეადგენს დაახლოებით 7.6 დუიმს. კორპუსის გარე მხარეს განთავსებული იქნება დამხმარე 5.8-დუიმიანი ეკრანი. მოწყობილობას სავარაუდოდ ექნება პროცესორი Tensor, 8-მეგაპიქსელიანი სელფი-კამერა, აგრეთვე ძირითადი კამერები, რომლებშიც შევა 12.2-მეგაპიქსელიანი IMX363 სენსორი და 12-მეგაპიქსელიანი IMX386 მოდული. Pixel Notepad-ის ოფიციალური პრეზენტაცია შესაძლოა მიმდინარე წლის შემოდგომაზე გაიმართოს. მისი ფასი დაახლოებით 1400 აშშ დოლარი იქნება. https://tinyurl.com/33u55cme

აშშ-ის ფასიანი ქაღალდებისა და ბირჟების კომისიამ (SEC) 20 დამატებითი თანამდებობები გამოუყო განყოფილებას, რომელიც პასუხისმგებელია კრიპტო ბაზრებზე ინვესტორების დაცვაზე კიბერ საფრთხეებისგან. განყოფილება Crypto Assets and Cyber Unit-ის თანამშრომლების რაოდენობა 50 ადამიანს მიაღწევს. „აშშ-ს აქვს კაპიტალის უდიდესი ბაზრები, რადგან ინვესტორებს სჯერათ მათი, და რაც უფრო ფართოვდება კრიპტო ბაზრებზე წვდომა, სულ უფრო მნიშვნელოვანია მათ დასაცავად მეტი რესურსის გამოყოფა“, - განაცხადა SEC-ის თავმჯდომარე გერი გენსლერმა. პრეს-რელიზის მიხედვით გაფართოებული განყოფილება ყურადღებას გაამახვილებს ფასიანი ქაღალდების კანონდარღვევებზე, რომლებიც უკავშირდება შემდეგ საკითხებს: კრიპტო აქტივების შეთავაზება და გაცვლა; პროდუქტების დაკრედიტება და სტეიკინგი; DeFi პლატფორმები; არაურთიერთჩანაცვლებადი ტოკენები (NFT). სააგენტომ გაიხსენა, რომ 2017 წელს დაარსებიდან დღემდე გუნდმა 80-ზე მეტი სააღსრულებო მოქმედება განახორციელა, რის შედეგადაც ფულადი კომპენსაციის ოდენობამ 2 მლრდ აშშ დოლარს გადააჭარბა. განყოფილება თავდაპირველად ჩამოყალიბდა, როგორც Cyber Unit და არაერთხელ მიიღო ზომები საჯარო კომპანიების წინააღმდეგ, რადგან ვერ შეინარჩუნეს კიბერუსაფრთხოებაზე სათანადო კონტროლი. ზოგიერთმა კომპანიამ სათანადოდ არ გაამჟღავნა ამ სფეროში მომხდარი ინციდენტები და მათთან დაკავშირებული რისკები. ”კრიპტო ბაზრები ბოლო წლებში აფეთქდა და ამ სივრცეში ბოროტად გამოყენების შემთხვევების ძირითადი ტვირთი საცალო ინვესტორებზე მოდის. ამავდროულად, კიბერ საფრთხეები კვლავაც ქმნის ეგზისტენციალურ რისკებს ჩვენი ფინანსური ბაზრებისა და მათი მონაწილეებისთვის“, - განაცხადა აღსრულების დეპარტამენტის დირექტორმა გურბირ გრევალმა. შეგახსენებთ, რომ იანვარში SEC-მა Bitcoin-ბირჟები დაასახელა ერთ-ერთ პრიორიტეტად კრიპტო ინდუსტრიის რეგულირების გამკაცრების ფარგლებში. https://tinyurl.com/yhnuz8vk

RDNA - ეს არის AMD-ის მიერ შემუშავებული გრაფიკული პროცესორის მიკროარქიტექტურისა და არქიტექტურის თანამდევი ინსტრუქციების ნაკრების კოდური დასახელება. RDNA 3-ზე დამყარებული გრაფიკული პროცესორების შესახებ პირველადი ცნობები მეტად ამბიციური იყო: ამტკიცებდნენ, რომ ახალ GPU-ებს ექნებოდა 15360-მდე ნაკადური პროცესორი. მას შემდეგ ტექნოლოგიის შემუშავება გაგრძელდა და გაჩნდა ახალი ინფორმაცია. მისი გათვალისწინებით ინსაიდერებმა დაიწყეს თავიანთი წინა განცხადებების გადახედვა და ახალ მახასიათებლებზე საუბარი. Redfire-ისგან მიღებული ახალი ცნობების თანახმად გრაფიკულ პროცესორ Navi 31-ს ექნება დაახლოებით 6 შეიდერ-ძრავი - თითოეული ორი შეიდერ-მასივით (ჯამში 12x). ამ მასივებიდან თითოეულში მოცემული იქნება ოთხი სამუშაო ჯგუფი 256 ნაკადური პროცესორით - ჯამში წარმოდგენილი იქნება 48 სამუშაო ჯგუფი და 12288 ნაკადური პროცესორი. ეს მაჩვენებელი 12 სამუშაო ჯგუფითა და 3072 ნაკადური პროცესორით ნაკლებია, ვიდრე თავდაპირველ შეტყობინებებში ცხადდებოდა. რაც შეეხება გრაფიკულ პროცესორ Navi 32-ს, ახალი ცნობების თანახმად ექნება ოთხი შეიდერ-ძრავი, რვა შეიდერ-მასივი, 32 სამუშაო ჯგუფი და 8192 ნაკადური პროცესორი. და ბოლო, GPU Navi 33-ს, როგორც ამჟამად არის ცნობილი, ექნება ორი შეიდერ-ძრავი და ოთხი შეიდერ-პროცესორი და ოცის ნაცვლად 16 სამუშაო ჯგუფი. სამუშაო ჯგუფების შემცირება ასევე გამოიწვევს ნაკადური პროცესორების რიცხვის შემცირებას, რაც, როგორც მიიჩნევა, იქნება 4096 (ძველი ცნობებით, 5120 უნდა ყოფილიყო). ახალი ტექნიკური მახასიათებლები ასევე წინააღმდეგობაში მოდის Greymon55-ის შეტყობინებასთან, რომელშიც ინსაიდერი ამტკიცებდა, რომ გრაფიკულ პროცესორ Navi 31-ს შეეძლო 92 TFLOPS წარმადობის უზრუნველყოფა FP32 ოპერაციებში. ამის ნაცვლად, თუკი +3 გჰც სიხშირის შესახებ გავრცელებული ცნობები სიმართლეა, ფლაგმანურ GPU-ში ვიხილავთ დაახლოებით 73 TFLOPS წარმადობას. https://tinyurl.com/wrzfymu9

ინტერნეტ-წყაროების ინფორმაციით კომპანია Samsung ამზადებს მომდევნო თაობის დასაკეც სმარტფონს, რომელსაც დრეკადი დისპლეი ექნება. ახალი სმარტფონი ჩაანაცვლებს მოდელ Galaxy Z Flip 3-ს. ფოტოებზე: Galaxy Z Flip 3 სამომავლო სმარტფონი ამჟამად ფიგურირებს არაოფიციალური დასახელებით Galaxy Z Flip 4 (კოდი SM-F721). მიიჩნევა, რომ Galaxy Z Flip 3-თან შედარებით ახალ სმარტფონში გაიზრდება ბატარეის მოცულობა: იგი იქნება 3400 მა/სთ წინა მოდელის 3300 მა/სთ-სგან განსხვავებით. სმარტფონში სავარაუდოდ წარმოდგენილი იქნება პროცესორი Qualcomm Snapdragon 8 Gen 1 Plus. დიდი ალბათობით, ამ ჩიპს ექნება Snapdragon 8 Gen 1-ის მსგავსი არქიტექტურა: რვა ბირთვი ტაქტის სიხშირით 3.0 გჰც-მდე, მეშვიდე თაობის ხელოვნური ინტელექტის ძრავი Qualcomm AI Engine, ახალი თაობის გრაფიკული ამაჩქარებელი Adreno და მოდემი Snapdragon X65 5G. ამასთან, გაიზრდება გამომთვლელი ბირთვებისა და გრაფიკული ნოუდების მაქსიმალური სიხშირეები. არაოფიციალური ცნობების თანახმად Galaxy Z Flip 4-ს ექნება 6.7-დუიმიანი დრეკადი დისპლეი და 1.9-დუიმიანი დამხმარე გარე ეკრანი. სმარტფონის სხვა მახასიათებლები ჯერ არ ხმაურდება. https://tinyurl.com/2p8rccpx