Magdalena

ტაივანურმა MediaTek-მა წარადგინა სხვადასხვა სახის ჩიპი, რომლებიც განკუთვნილია ინტერნეტ-ნივთებისთვის, ქრომბუკებისა და სმარტ- ტელევიზორებისთვის. ჩიპები მოწყობილობებში 2023 წელს გამოჩნდება. ფოტოს წყარო: mediatek.com 5G-მოდემი MediaTek T800 განკუთვნილია გაჯეტებისთვის, რომლებიც არ მიეკუთვნება სმარტფონებს - იგი გამოიყენება ინტერნეტ-ნივთებში. მოდემში მხარდაჭერილია დიაპაზონების ფართო ასორტიმენტი, მათ შორი მილიმეტრული და sub 6 გჰც. შემავალ არხზე მაქსიმალური თეორიული სიჩქარე 7.9 გბ/წმ-ს შეადგენს, გამომავალზე - 4.2 გბ/წმ-ს, რაც თანამედროვე ქსელების ფაქტობრივ სიჩქარეს აღემატება. მოდემით მხარდაჭერილია ორი SIM-ბარათის ერთდროულად გამოყენება. T800 იწარმოება 4-ნანომეტრიანი ტექნოპროცესით, რაც უზრუნველყოფს საბოლოო მოწყობილობის ავტონომიური მუშაობის დროის ზრდას. MediaTek Kompanio 520 და 528 ჩიპსეტები განკუთვნილია საბაზისო დონის ქრომბუკებისთვის. მათში გამოყენებულია რვაბირთვიანი პროცესორები: ორი ბირთვი Cortex-A76 და 6 ბირთვი Cortex-A55. A55 ბირთვები ორივე შემთხვევაში მუშაობს 2.0 გჰც სიხშირეზე, Kompanio 520-ში არსებული A76-ის სიხშირე ასევე 2.0 გჰც-ია, Kompanio 528-ში კი ისინი აჩქარებულია 2.2 გჰც-მდე - სხვა განსხვავება ჩიპსეტებს შორის არ არსებობს. გრაფიკაზე პასუხისმგებელია ქვესისტემა Arm Mali G52 MC2 2EE, აგრეთვე ორბირთვიანი APU ბლოკი ხელოვნური ინტელექტის ალგორითმებთან მუშაობისთვის. მხარდაჭერილია LPDDR4x მეხსიერება და eMMC 5.1 ტიპის SSD. ჩიპსეტებს ასევე გააჩნია 32 მეგაპიქსელამდე გაფართოების კამერების მხარდაჭერა, ასევე VP9 დეკოდირების და H.265 კოდირების აპარატული უზრუნველყოფა და ვიდეოკავშირის წამში 60 კადრამდე მხარდაჭერა. ამ ჩიპსეტებზე დამყარებული ქრომბუკები იმუშავებენ საკუთარი Full HD+ დისპლეებსა და დაკავშირებული დამატებითი მონიტორის Full HD გაფართოებაზე. და ბოლოს, პლატფორმა Pentonic 1000 განკუთვნილია 4K გაფართოების და 144 ჰერცი კადრის განახლების სიხშირის მქონე ტელევიზორებისთვის. მხარდაჭერილია Wi-Fi 6/6E, Dolby Vision IQ Precision Detail-ით (ნათელი და ბნელი სივრცეების გაზრდილი დეტალიზაცია) და ეკრანის რვა ნაკადად გაყოფის შესაძლებლობა, ასევე მოცემულია მძლავრი ხელოვნური ინტელექტის მქონე პროცესორი. ცენტრალური პროცესორის სახით წარმოდგენილია ოთხბირთვიანი Arm Cortex-A73 სიხშირით 2.0 გჰც, გრაფიკის დამუშავებას კი უზრუნველყოფს Arm Mali-G57 MC2. MediaTek აცხადებს, რომ ახალ პლატფორმებზე აგებული მოწყობილობები გაყიდვაში 2023 წელს გამოვა. https://tinyurl.com/4ddzsswz

კრიპტობირჟა FTX-მა, რომელსაც 8 მლრდ აშშ დოლარის ოდენობის ფინანსური ხვრელი გაუჩნდა, გაბანკროტების პროცედურა დაიწყო. კომპანიის გენერალურმა დირექტორმა Sam Bankman-Fried-მა, რომელმაც ცოტა ხნის წინ აღიარა ბრალეულობა კომპანიის დაშლაში და მისი გადარჩენა სცადა, თანამდებობა დატოვა. ამის შესახებ კრიპტო ბირჟამ Twitter-ის ოფიციალურ გვერდზე განაცხადა. ცნობილია, რომ FTX-მა გაბანკროტებისგან დაცვის განაცხადი გააკეთა აშშ-ის გაბანკროტების კოდექსის მე-11 თავის შესაბამისად, რაც იმას ნიშნავს, რომ ბირჟა გააგრძელებს საქმიანობას, თუმცა ახალი ხელმძღვანელით. პროცედურა გულისხმობს კომპანიის რეორგანიზაციას და ვალების რესტრუქტურიზაციას, რაც იმედს იძლევა, რომ ამ პროცესში კომპანია შეძლებს ყველა პრობლემის გადაჭრას და მწყობრში დაბრუნებას. თავის დროზე მე-11 სტატიით გაბანკროტების პროცედურა გაიარეს ისეთმა გიგანტებმა, როგორებიცაა Apple და General Motors. თუმცა ამავდროულად გაკოტრების პროცედურამ შეიძლება გავლენა იქონიოს მომხმარებლებზე: ჯერ ერთი, რადგან კომპანია ახლა არ დაიხურება, ნიშნავს იმას, რომ მომხმარებლები ვერ მიიღებენ ანგარიშებზე ჩარჩენილ აქტივებს და მეორეც - რესურსების დაბრუნებისას პრიორიტეტი ინვესტორებს მიენიჭება. ბენკმენ-ფრიდი აღმასრულებელი დირექტორის თანამდებობაზე John J. Ray III-მ ჩაანაცვლა, თუმცა ყოფილი ხელმძღვანელი კომპანიაში დარჩება, რათა გარდამავალ პერიოდში დაეხმაროს. მე-11 თავის მიხედვით გაკოტრების ამოქმედება FTX-ის გუნდს შესაძლებლობას მისცემს შეაფასონ სიტუაცია და განავითარონ პროცესი დაინტერესებული მხარეებისთვის მიყენებული ზიანის მაქსიმალურად გამოსწორების მიზნით, აღნიშნა ახალმა აღმასრულებელმა. „FTX ჯგუფს აქვს ღირებული აქტივები, რომელთა ეფექტურად მართვა შესაძლებელია მხოლოდ ორგანიზებული თანამშრომლობითი პროცესის მეშვეობით. მინდა დავარწმუნო ყველა თანამშრომელი, მომხმარებელი, კრედიტორი, კონტრაქტორი, აქციონერი, ინვესტორი, სამთავრობო ორგანო და სხვა დაინტერესებული მხარეები, რომ ჩვენ განვახორციელებთ ამ სამუშაოს გულმოდგინებით, ზედმიწევნით და გამჭვირვალობის დაცვით“, - განაცხადა რეიმ. მან დაამატა, რომ დაინტერესებულ მხარეებს უნდა ესმოდეთ, რომ ყველაფერი სწრაფად ვითარდება, ახალმა გუნდმა ახლახანს დაიწყო მუშაობა და უახლოეს დღეებში უნდა განიხილოს დოკუმენტები დამატებითი ინფორმაციისთვის. გარდა ამისა, Bankman-Fried-ის მფლობელობაში არსებულმა კომპანია Alameda Research-მა, რომელმაც, ფაქტობრივად, პრობლემები შეუქმნა FTX-ს, ასევე მიმართა გაკოტრებისგან დაცვის პროცედურას. https://tinyurl.com/3fjw9npa

კომპანია Galax აცხადებს, რომ მის მიერ წარმოებულმა GeForce RTX 4090 HOF ამაჩქარებელმა დაამყარა ოცი მსოფლიო რეკორდი წარმადობაში სხვადასხვა ტესტში, რომელთა შორის იყო 3DMark, Unigine Superposition და Catzilla. ფოტოს წყარო: Benchlife Galax-ის GeForce RTX 4090 HOF უნიკალური ვიდეო ბარათია. ეს გახლავთ ამ დროისთვის GeForce RTX 40-სერიის ფლაგმანის ერთადერთი ვერსია, რომელსაც ორი 12+4-პინიანი 12VHPWR კვების კონექტორი აქვს და პოტენციურად შეუძლია ვიდეო ბარათისთვის 1200 ვატი სიმძლავრის მიწოდება. ამაჩქარებელი შექმნილია ერთი მიზნით - დაამყაროს ახალი მსოფლიო რეკორდები კომპიუტერის კომპონენტების ენთუაზიასტების მიერ. ფოტოს წყარო: Galax OC Team წარმადობის ზემოთხსენებული პირველი ოცი რეკორდი დაამყარა Galax OC Team-ის ოვერქლოქერების გუნდმა Tobias Bergström-ის ხელმძღვანელობით, რომელიც ცნობილია ფსევდონიმით - Rauf. ფოტოს წყარო: Galax OC Team ცხადია, ექსპერიმენტებისთვის გამოიყენებოდა ქასთომიზებული vBIOS, აგრეთვე ვიდეო ბარათის ექსტრემალური გაგრილება თხევადი აზოტით. რეკორდების ჩამონათვალი ამგვარად გამოიყურება: 3DMark Port Royal — 31 622 ქულა; 3DMark Time Spy — 41 926 ქულა; 3DMark Time Spy Graphics Score — 44 293 ქულა; 3DMark Time Spy Extreme Graphics Score — 23 229 ქულა; 3DMark 11 Extreme — შედეგი X59575 3DMark 11 Performance — 94 414 ქულა (LOD); 3DMark Fire Strike — 74 725 ქულა; 3DMark Fire Strike Extreme — 50 941 ქულა; 3DMark Fire Strike Ultra — 30 612 ქულა; GPUPI_32B — შედეგი 49,049; GPUPI_1B — შედეგი 0,917 Superposition 1080P Extreme — 29 044 ქულა; Superposition 8K — 17 896 ქულა; Catzilla 1080 — 136 920 ქულა; Catzilla 1440P — 80 417 ქულა; Catzilla 4K — 35 156 ქულა; Catzilla 576P — 19 352 ქულა; Catzilla 720 — 178 780 ქულა; Unigine Basic — შედეგი 16 802,93; Unigine Extreme — შედეგი 16 175,56. ამ დროისთვის GeForce RTX 4090 HOF-ს კონკურენტები უბრალოდ არ ჰყავს. ვიდეო ბარათების არცერთ მწარმოებელს ჯერ არ გამოუშვა და არც კი გამოუქვეყნებია GeForce RTX 4090-ის ვერსია 1000 ვატი და მეტი სიმძლავრის მიღების შესაძლებლობით. https://tinyurl.com/mrypcfyz

სააგენტო Reuters-მა ინფორმაცია მიიღო თანამშრომლების შეკრებაზე Meta-ს ხელმძღვანელობის გამოსვლის შინაარსის შესახებ. ხელმძღვანელობამ დარჩენილ თანამშრომლებს განუმარტა, რატომ გამოაკლდა კომპანიას 11 ათასი პირი და აღინიშნა, რომ გათავისუფლებული თანამშრომლების 54% იკავებდა ადმინისტრაციულ თანამდებობებს, დანარჩენი კი ტექნიკური პროფილით მუშაობდნენ. ფოტოს წყარო: Reuters ქვეგანყოფილება Reality Labs-ის ხელმძღვანელი და კომპანიის ტექნიკური დირექტორი Andrew Bosworth იძულებული გახდა გამოეცხადებინა სმარტ დისპლეი Portal-ის გამოშვების შეწყვეტის შესახებ, რომლებსაც ბოლო პერიოდში სთავაზობდნენ მხოლოდ კორპორატიულ მომხმარებლებს, ხოლო მათ უნდა გამოეყენებინათ ორგანიზაციის ვიდეოკონფერენციებისთვის. Meta-ს ხელმძღვანელობა იძულებული გახდა ეღიარებინა, რომ ამგვარი დისპლეების წარმოებაზე დახარჯულ რესურსებსა და დროს ვერ ანაზღაურებდა შემოსავალი. კომპანია ასევე მუშაობდა სმარტ-საათების შექმნაზე, თუმცა ეს პროექტი დაიხურება და გათავისუფლებული პერსონალი შეუერთდება მათ, ვინც მუშაობს შერეული რეალობის მოწყობილობების განვითარებაზე. ფაქტობრივად, Reality Labs-ის პერსონალის ნახევარი სწორედ ამ მიმართულებით მუშაობს. უახლოეს მომავალში არ იგეგმება ამ განყოფილების პერსონალის გაზრდა, თუმცა მარკ ცუკერბერგი ბოლო თვეებში რესურსებს არ იშურებს მეტასამყაროს კონცეფციის პოპულარიზაციისთვის, რომელთანაც შესაძლოა დაკავშირებული იყოს დამატებითი რეალობის ჰედსეტი. https://tinyurl.com/25x6t3z3

10 ნოემბრის ღამეს Bitcoin-ის ფასი ჩამოვიდა 15600 აშშ დოლარს ქვემოთ (ბირჟა Binance-ზე). Ethereum-ის ფასმა 1100 აშშ დოლარიანი დონე გადალახა. გასული დღის განმავლობაში წამყვანი კრიპტოვალუტების ფასი 9.5%-ით და 9.7%-ით შემცირდა, შესაბამისად. წერის მომენტისთვის ციფრული ოქრო დაახლოებით 16.750 აშშ დოლარად იყიდება, ხოლო Ethereum - 1184 აშშ დოლარად. BTC/USDT-ის განახლებული გრაფიკი ბირჟა Binance. წყარო: TradingView. ETH/USDT-ის საათობრივი გრაფიკი ბირჟა Binance-ზე. წყარო: TradingView. CoinGecko-ს მონაცემებით კრიპტო ბაზრის მთლიანი კაპიტალიზაცია შემცირდა თითქმის 9%-ით, დაახლოებით 874 მლრდ აშშ დოლარამდე. ყველაზე დიდი ციფრული აქტივებიდან ყველაზე ცუდი დინამიკა BNB Coin-მა დააფიქსირა (-12,1% დღე-ღამეში) წყარო: CoinGecko. Solana-ს (SOL) ფასი დაეცა 22%-ით (-48% კვირაში) - აქტივმა დატოვა ტოპ ათეული კაპიტალიზაციის მიხედვით. ეს გამოწვეულია SOL, SRM და სხვა ეკოსისტემის ტოკენების მაღალი კონცენტრაციით Alameda Research-ის ხელში, რომელიც დაკავშირებულია პრობლემურ FTX ბირჟასთან. Huobi Research-ის თანახმად არსებობს SOL-ის „ლიკვიდაციის მაღალი რისკი“, რაც ლენდინგ პროტოკოლებშია. ანალიტიკოსებმა აღნიშნეს, რომ ეს გამოიწვევს "ფასის მნიშვნელოვან ვარდნას". SOL-ის მდგრადობასთან დაკავშირებით შეშფოთების ფონზე Solana-ს ვალიდატორებს აქტიურად გამოაქვთ კრიპტოვალუტა სტეიკინგიდან. Solana Compass-ის თანახმად 370-ე ეპოქის ბოლოს 31 მილიონზე მეტი მონეტა (~ 490 მლნ აშშ დოლარი წერის მომენტისთვის) შევა ბაზარზე. ბაზრის კრახმა გამოიწვია ლიკვიდაციის მასიური ტალღა. Coinglass-ის თანახმად, ბოლო 24 საათის განმავლობაში 694 მლნ აშშ დოლარის ღირებულების პოზიციები იძულებით დაიხურა, აქედან თითქმის 60 მლნ დოლარი SOL-შია. JPMorgan თვლის, რომ „marginal call cascade“-მა შეიძლება გამოიწვიოს Bitcoin-ის კოტირების შემცირება 13000 აშშ დოლარამდე. JPMorgan-ის სტრატეგი Nikolaos Panigirtzoglou ხაზს უსვამს, რომ FTX-ისა და Alameda Research-ის პრობლემებით გამოწვეული ეს პროცესი უკვე დაწყებულია. ა6 ნოემბერს, Binance-ის ხელმძღვანელმა, Changpeng Zhao-მ გამოაცხადა ბირჟის სურვილი, თავი დაეღწია utility ტოკენის FTX-ისგან (FTT). აქტივები, BUSD-თან ერთად, საერთო ჯამში ~2.1 მილიარდი აშშ დოლარი, იყო კომპანიის მიერ პლატფორმის პორტფელის ინვესტიციიდან გასვლის შედეგი. FTX-ის ფინანსური მდგრადობის შესახებ შეშფოთების ფონზე FTT-ის ფასი დაეცა. 8 ნოემბერს სემ ბანკმენ-ფრიდმა და Changpeng Zhao-მ გამოაცხადეს სტრატეგიული პარტნიორობის დაწყება. იგი გამიზნული იყო ლიკვიდურობის კრიზისის გადასაჭრელად და გულისხმობდა FTX-ის შესაძლო შთანთქმას. 9 ნოემბერს ცნობილი გახდა, რომ Binance-მა უარი თქვა პრობლემური კონკურენტის შეძენაზე. შეგახსენებთ, Coin Metrics ვარაუდობს, რომ FTX-ის კრახის შესაძლო მიზეზი შეიძლება იყოს „დიდი ფინანსური დახმარება“, რომელიც ბირჟამ მიაწოდა Alameda Research-ს 2022 წლის მეორე კვარტალში. https://tinyurl.com/4yf3jurn

GeForce RTX 4080 ვიდეო ბარათის გრაფიკული პროცესორის აჩქარება მხოლოდ 10 ვატი სიმძლავრის ლიმიტის გაზრდით წარმადობას 9%-მდე ზრდის. ამას მოწმობს უახლესი ცნობები, რომელთაც პორტალი VideoCardz ეყრდნობა. გარდა ამისა ქსელში გამოჩნდა მონაცემები ახალი ვიდეო ბარათის გეიმინგ წარმადობის შესახებ. ფოტოს წყარო: VideoCardz GeForce RTX 4080 ვიდეო ბარათი შემოწმდა 3DMark-ის სინთეტიკურ ტესტებში სამ რეჟიმში: GPU-ის სტანდარტული სიხშირეებითა და ენერგომოხმარებით, ენერგომოხმარების გაზრდილი ლიმიტით, აგრეთვე გაზრდილი სიხშირეებითა და მაქსიმალური ენერგომოხმარებით. GeForce RTX 4080-ის შედარება აჩქარების გარეშე (მარცხნივ), გაზრდილი ენერგომოხმარებით (ცენტრში) და მექანიკური აჩქარებით (მარჯვნივ) 3DMark Time Spy Extreme-ში 3DMark Time Spy Extreme სცენარში ვიდეო ბარათის წარმადობა გაიზარდა 9%-მდე, ხოლო 3DMark Port Royal-ში - 7%-მდე. GeForce RTX 4080-ის შედეგები 3DMark Speed Way-სა და 3DMark Port Royal-ში მექანიკური აჩქარების შემდეგ ინტერნეტში ასევე გამოჩნდა GeForce RTX 4080-ის პირველი დამოუკიდებელი გეიმინგ ტესტები. შეგახსენებთ, რომ თავად NVIDIA-მ ადრე გააზიარა ვიდეო ბარათის გეიმინგ წარმადობის ლაბორატორიული ტესტის შედეგები. GeForce RTX 4080 დაფა Cyberpunk 2077-ში ჩართული რეითრეისინგით 4K და 1440p გაფართოების პირობებში. ფოტოს წყარო: MEGAsizeGPU ახალი მონაცემები GeForce RTX 4080-ის წარმადობის შესახებ გააზიარა ჩინურ ფორუმ Chiphell-ის ერთ-ერთმა მომხმარებელმა. ტესტი ჩატარდა თამაშებში - Forza Horizon 5, Call of Duty: Modern Warfare 2, Cyberpunk 2077, Borderlands 3 და Shadow of the Tomb Raider. ტესტირებისთვის გამოყენებულ იქნა კომპიუტერი პროცესორ Ryzen 7 7600X-ის ბაზაზე. GeForce RTX 4080 თამაშ Forza Horizon 5-ში GeForce RTX 4080 თამაშში Call of Duty: Modern Warfare 2 GeForce RTX 4080 თამაშში Borderlands 3 GeForce RTX 4080 თამაშში Shadow of the Tomb Raider იმავე ფორუმზე სხვა მომხმარებელმა განათავსა ფლაგმანური GeForce RTX 4090 გრაფიკული ბარათის წარმადობის მონაცემები კომპიუტერის შემადგენლობაში, რომელიც დამყარებული იყო Intel Core i9-12900F პროცესორზე. პლატფორმის განსხვავებების გათვალისწინებით შესაძლებელი ხდება ორივე ამაჩქარებლის შედარება იმავე თამაშებში. GeForce RTX 4090 აღემატება GeForce RTX 4080-ს 7,9-დან 38.8 პროცენტამდე: Forza Horizon 5 — 147 FPS - 127 FPS-ის წინააღმდეგ (+15,7 %); Shadow of the Tomb Raider — 179 FPS - 129 FPS-ის წინააღმდეგ (+38,8 %); Red Dead Redemption 2 — 129 FPS - 99 FPS-ის წინააღმდეგ (+30,3 %); Cyberpunk 2077 — 111 FPS - 83 FPS-ის წინააღმდეგ (+33,7 %); Call of Duty: Modern Warfare 2 — 137 FPS -127 FPS-ის წინააღმდეგ (+7,9%). GeForce RTX 4080 გრაფიკული ბარათი გაყიდვაში 16 ნოემბერს გამოვა. ბარათს აქვს AD103 GPU 9728 CUDA ბირთვი და 16 გბ GDDR6X მეხსიერებით. https://tinyurl.com/46u5d2n9

Intel-მა წარადგინა Xeon Max - პროცესორების სერია, რომელთაც აქვთ მაღალი წარმადობის HBM2e მეხსიერება და კომპანიის თქმით ესენია მსოფლიოში პირველი CPU HBM მეხსიერებით. ამ დრომდე ჩიპები ფიგურირებდა კოდური დასახელებით Sapphire Rapids HBM. პროცესორებში მოცემულია 65-მდე გამომთვლელი ბირთვი 112 ვირტუალური ნაკადის მხარდაჭერით და აქვთ 350 ვატი TDP, პროცესორები განკუთვნილია მაღალი წარმადობის სერვერული სისტემებისთვის. ფოტოს წყარო: Intel Xeon Max პროცესორებში გამოყენებულია EMIB ინტერფეისი, რომელიც ოთხ კრისტალს აერთიანებს გამომთვლელ ბირთვებთან, აგრეთვე 64 GB მაღალსიჩქარიან HBM2e მეხსიერებას, რომელიც დაყოფილია ოთხ კლასტერად - თითოეული 16 გბ მოცულობით. ჯამური სიჩქარეა დაახლოებით 1 ტბ/წმ. ამრიგად, პროცესორის თითო ბირთვზე მოდის 1 გბ-ზე მეტი HBM2e მეხსიერება. Xeon Max-ის ძირითადი მნიშვნელოვანი მახასიათებლებია PCIe 5.0 და CXL 1.1 ინტერფეისების მხარდაჭერა. HBM2e მეხსიერების გამოყენება შესაძლებელია როგორც დამატებითი ქეშის, ასევე დამატებითი ოპერატიული მეხსიერების სახით. გარდა ამისა, შესაძლებელია Xeon Max სერვერი საერთოდ არ აღიჭურვოს ოპერატიული მეხსიერების მოდულებით - სისტემა დაეყრდნობა მხოლოდ HBM-ს. კომპანია აცხადებს, რომ Xeon Max-ის ენერგომოხმარება 68%-ით ნაკლებია AMD Milan-X-თან შედარებით იმავე წარმადობის პირობებში. ახალი AMX ინსტრუქციების მხარდაჭერა Xeon Max-ზე აჩქარებს ხელოვნურ ინტელექტთან დაკავშირებულ ამოცანებს და რვაჯერ აღემატება AVX-512 ინსტრუქციების მაქსიმალურ წარმადობას INT8 და INT32 ოპერაციებში. Intel აცხადებს, რომ Xeon Max ხუთჯერ უფრო სწრაფია ზოგიერთ ოპერაციაში, ვიდრე Intel Xeon 8380 ან AMD EPYC 7773X (Milan-X 3D V-Cache ტექნოლოგიით). პრეზენტაციაზე Xeon Max ასევე შეადარეს AMD EPYC 7763 მოდელს, სადაც Intel-ის სიახლე აფიქსირებს 3.6-ჯერ მაღალ წარმადობას. NVIDIA A100 Server Accelerator-თან შედარებით Xeon Max 1.2-ჯერ უფრო სწრაფია MLPerf DeepCAM ტესტში, რომელიც ეხება სუპერკომპიუტერული სიმულაციების ამაჩქარებელ და გამაძლიერებელ გამოთვლებს. სერვერული პროცესორების Xeon Max სერია ბაზარზე 2023 წლის იანვარში გამოვა. Xeon Max-ის მთავარი კონკურენტები იქნება ახალი AMD EPYC Genoa პროცესორები. არაოფიციალური ცნობებით ეს პროცესორებიც HBM მეხსიერებით იქნება წარმოდგენილი. https://tinyurl.com/4d9je62v

კრიპტოვალუტების რეგულირების კანონპროექტი MiCA სარგებელს მოუტანს ციფრულ აქტივებთან დაკავშირებულ მცირე კომპანიებს. ეს მოსაზრება Cointelegraph-თან ინტერვიუში გამოთქვა Binance-ის ევროპული განყოფილების აღმასრულებელმა ვიცე პრეზიდენტმა მარტინ ბრუნკომ. მისი თქმით, ახლა რეგიონში ინდუსტრიის ზედამხედველობა ფრაგმენტირებულია - ევროკავშირის 27 ქვეყანაში არსებობს სხვადასხვა მარეგულირებელი რეჟიმი. შედეგად ბირჟები იძულებულნი არიან დახარჯონ ბევრი დრო და ფული, რათა უზრუნველყონ სრული შესაბამისობა ყველა იურისდიქციაში. ”ჩვენ რეალურად, მე ვიტყოდი, რომ თითქმის აღფრთოვანებულნი ვართ MiCA-ით, რადგან [კანონპროექტი] ქმნის ერთიან ბაზარს,” - განაცხადა ტოპ მენეჯერმა. რეგულირების მხრივ ამჟამინდელი სიტუაცია ხელს უშლის შედარებით წვრილ მონაწილეებს გაზრდის სურვილში, თვლის ბრუნკო. მისი მოწოდებაა ბაზრის მონაწილეებს არ შეეშინდეთ ახალი წესების, რადგან ისინი გაუადვილებენ ბიზნესის ზრდას და საშუალებას მისცემენ სტარტაპებს ყურადღება გაამახვილონ ზრდაზე და არა მოთხოვნების დაცვაზე. „ბევრი მსხვილი კრიპტო პროექტი ამოქმედდა ევროპის გარეთ. თუ Ethereum-ს ავიღებთ, იგი რეალურად ამოქმედდა ლონდონში, შვეიცარიაში და ბევრ სხვა ადგილას. მას შემდეგ ჩვენ გვქონდა უამრავი სხვადასხვა წარმატებული და გავლენიანი პროექტი ევროპიდან“, - აღნიშნა ბირჟის წარმომადგენელმა ოქტომბერში ევროკავშირის საბჭოს წევრებმა ხელი მოაწერეს ციფრული აქტივების რეგულირების კანონპროექტის ტექსტს შემდგომი განხილვის გარეშე. MiCA მოიცავს წესებს, რომლებიც ვრცელდება არაუზრუნველყოფილი კრიპტო აქტივების, Stablecoin-ების, სავაჭრო და კასტოდიალური პლატფორმების ემიტენტებზე. კრიპტო აქტივების სერვისის პროვაიდერებს მოეთხოვებათ დაიცვან მკაცრი მოთხოვნები, რომლებიც მიზნად ისახავს მომხმარებლების დაცვას, ხოლო სავაჭრო პლატფორმებს მოეთხოვებათ white paper-ის წარდგენა. ევროკავშირის ხელისუფლების ძალისხმევამ კრიპტოვალუტების რეგულირების სფეროში შეაშფოთა CFTC-ის ყოფილი თავმჯდომარე კრისტოფერ ჯანკარლო. მისი თქმით ეს მიდგომა საფრთხეს უქმნის ევროპულ მოდელს და დააზარალებს აშშ-ის ზედამხედველობითი ორგანოების უნარს - ეფექტურად შექმნან საკუთარი წესები. სექტემბერში Binance-ის აღმასრულებელმა დირექტორმა Changpeng Zhao-მ კანონპროექტ MiCA-ს უწოდა „ფანტასტიკური“, მაგრამ „ცოტა მკაცრი“ Stablecoin-ების მიმართ. მისი აზრით დოკუმენტი შეიძლება გახდეს „გლობალური სტანდარტი“ კრიპტოვალუტების რეგულირებაში სხვა იურისდიქციებისთვის. შეგახსენებთ, ნოემბერში ცნობილი გახდა, რომ ევროპარლამენტმა კანონპროექტის საბოლოო კენჭისყრა 2023 წლის თებერვლისთვის გადადო. https://tinyurl.com/wcyfszpb

Intel აცხადებს, რომ ნაკრები NUC 13 Extreme Kit ხელმისაწვდომი იქნება შემდეგი პროცესორებით: Intel Core i5-13600K, Core i7-13700K ან Core i7-13900K, 1179-დან 1549 აშშ დოლარამდე ღირებულებით. Intel NUC 13 Extreme - ეს არის მოდულური დესკტოპ კომპიუტერი, რომელიც ზომით დაახლოებით გეიმინგ კონსოლის ტოლია, თუმცა უზრუნველყოფს გაცილებით მეტ სიმძლავრეს, ვიდრე ამჟამინდელი თაობის ნებისმიერი კონსოლი. ეს კომპიუტერი მაღაზიებში წლის ბოლომდე გამოჩნდება. Intel-მა განაცხადა, რომ NUC 13 Extreme-ს ექნება 24-ბირთვიანი Intel Core i9-13900K-ის მხარდაჭერა და სამსლოტიანი, 12-დუიმიანი დისკრეტული ვიდეო ბარათის ადგილი, აგრეთვე შესაძლებელია 64 გბ DDR5-5600 ოპერატიული მეხსიერებისა და ხუთამდე SSD-ის დაყენება. Intel NUC 13 Extreme „Raptor Canyon“ Intel უკვე ათი წელია ყიდის კომპაქტურ დესკტოპ კომპიუტერებს NUC ბრენდით. ამ ხაზის პირველი კომპიუტერები ძალიან პატარები იყო, შესაძლებელი იყო მათი ცალ ხელში დაჭერა, თუმცა მოდულური კომპიუტერების ფორმატი შეიცვალა სერია „Extreme“-ში, რომელიც ძირითადად განკუთვნილია გეიმერებისთვის და ამჟამად აქვს დიდი ზომის კორპუსი, მაღალი წარმადობის პროცესორებისა და ფლაგმანური დისკრეტული ვიდეო ბარათების მხარდაჭერა. როგორც მოსალოდნელი იყო, NUC 13 Extreme, ასევე ცნობილი, როგორც „Raptor Canyon“, ამჟამად ყველაზე დიდი მოდულური კომპიუტერია. თუმცა ამასთან იგი ყველაზე მძლავრი და უნივერსალურია ხსენებული სერიიდან. კომპიუტერის ზომაა 337 x 318 x 129 მმ და განკუთვნილია 125-ვატიანი მე-13 თაობის Intel Core K პროცესორებთან მუშაობისთვის. PCIe 5.0 x16 კონექტორისა და 313 მმ-მდე სიგრძის სამსლოტიანი ვიდეო ბარათის (12.3 დუიმი) მხარდაჭერის, აგრეთვე 750 ვატი სიმძლავრის კვების ბლოკის წყალობით სისტემის მიერ ასევე მზარდაჭერილია 450 ვატამდე სიმძლავრის ვიდეო ბარათის დაყენება. სხვა NUC Extreme სისტემების მსგავსად მოდელ Raptor Canyon-ს მოდულური კონსტრუქცია აქვს. კორპუსს გააჩნია საბაზისო დაფა, რომელიც განკუთვნილია მოხსნად გამომთვლელ ელემენტ Intel NUC 13 Extreme Compute Element-თან ურთიერთქმედებისთვის, რაც არსობრივად სრულადფუნქციურ კომპიუტერს წარმოადგენს. Intel NUC 13 Extreme Compute Element Compute Element არსობრივად არის დედა დაფა, რომელზეც დაყენებულია პროცესორი. გარდა ამისა, დაფას აქვს ორი SODIMM სლოტი ოპერატიული მეხსიერებისთვის, სამი PCIe Gen 4 M.2 2280 სლოტი NVMe ან SATA-სთვის, ასევე მრავალი პორტი და დაკავშირების ვარიანტი, რომლებიც ჩამოთვლილია ქვემოთ: 1 х HDMI 2.1 2 х Thudnerbolt 4 1 x 10 Gbps Ethernet port 1 x 2.5 Gbps Ethernet port 6 x USB 3.2 Gen 2 Type-A ports 1 х 3.5 მმ მიკროფონის კონექტორი 1 х 3.5 მმ ხაზობრივი შემავალი კონექტორი 1 х 3.5 მმ გამომვალი კონექტორებისთვის Intel Killer AX1690i WiFi 6E და Bluetooth 5.2 კორპუსს და დედა დაფას აქვთ დისკრეტული გრაფიკული ბარათის მხარდაჭერა, ასევე მხარდაჭერილია 3.5-დუიმიანი მყარ დისკი ან SSD და რამდენიმე დამატებითი პორტი კომპიუტერის წინა მხარეს (ორი USB 3.2 Gen 1 Type-A პორტი, ერთი USB 3.2 Gen 2 Type- C პორტი და ყურსასმენის კონექტორი). სისტემას აქვს ორი 120-მილიმეტრიანი ქულერი და RGB კონექტორები 120 შუქდიოდთან დაკავშირებისთვის. Intel აცხადებს, რომ NUC 13 Extreme Kit ნაკრებში ხელმისაწვდომი იქნება შემდეგი პროცესორების არჩევანი: Intel Core i5-13600K (14 ბირთვი, 20 ნაკადი), Core i7-13700K (16 ბირთვი, 24 ნაკადი), ან Core i7-13900K (24 ბირთვი, 32 ნაკადი), ფასით 1179-დან 1549 აშშ დოლარამდე. მომხმარებელს დასჭირდება საკუთარი ვიდეო ბარათი, მეხსიერება, მყარი დისკი და ოპერაციული სისტემა. მომხმარებლებს, რომლებსაც სურთ NUC Extreme Compute Element, შეძლებენ მისი შეძენას 760-დან 1100 აშშ დოლარამდე ფასად. იმის გათვალისწინებით, რომ Intel-ის მოდულური კომპიუტერები ზომაში შეუჩერებლად იმატებს, ჩნდება კითხვა - რატომ უნდა იყიდოს მომხმარებელმა NUC და არა სრული ზომის გეიმინგ სამუშაო სადგური. Intel აცხადებს, რომ Raptor Canyon სისტემები თავდაპირველად ხელმისაწვდომი გახდება ჩინეთში, შემდეგ კი გამოჩნდება სხვა ბაზრებზე მიმდინარე წლის მეოთხე კვარტალსა და 2023 წლის დასაწყისში. https://tinyurl.com/4a5c3wrr

ილონ მასკი Twitter-ის მფლობელი ოქტომბრის ბოლოს გახდა, რაც გულისხმობდა გარიგების საბოლოო დასრულებისთანავე ანგარიშსწორებას, კომპანიის კაპიტალიზაცია 44 მლრდ აშშ დოლარად იყო შეფასებული. 4 ნოემბრიდან 8 ნოემბრამდე პერიოდში მილიარდერმა გაყიდა თავისი კუთვნილი 19.5 მლნ აქცია, ჯამში 3.95 მლრდ აშშ დოლარის ღირებულების. შესაძლებელია ვარაუდი, რომ გამოყოფილი თანხების ნაწილი მოხმარდება Twitter-ის შესყიდვას, თუმცა ამ შემთხვევაში Tesla-ს აქციები საკმაოდ გვიან გაიყიდა. ფოტოს წყარო: Getty Images, Carina Johansen, NTB როგორც Barron's-ი განმარტავს, ოქტომბრის ბოლოსთვის ილონ მასკსა და Twitter-ს შორის გარიგების სტრუქტურა მოიაზრებდა, რომ მას უნდა გაეყიდა 5-დან 10 მლრდ აშშ დოლარამდე ღირებულების აქციები, რათა დაეფარა დარჩენილი ხარჯები, რომლებიც დაკავშირებული იყო Twitter-ის აქტივების შეძენასთან. მასკმა არ გაყიდა Tesla-ს აქციები გარიგების დასრულებამდე უახლოეს პერიოდში, მან გასული კვირის ბოლოს გაყიდა ამ ფასიანი ქაღალდების 38 პაკეტი ჯამში 3.95 მილიარდ აშშ დოლარად, მაგრამ მხოლოდ ნაწილობრივ, რადგან ბოლო სამი დღის განმავლობაში Tesla-ს 319 მილიონმა აქციამ შეიცვალა მფლობელი, ხოლო კომპანიის ხელმძღვანელმა გაყიდა მხოლოდ 19.5 მილიონი ერთეული - მითითებული თანხის არაუმეტეს 6%. აპრილიდან აგვისტომდე პერიოდში მასკმა გაყიდა Tesla-ს 17.6 მილიონი აქცია ჯამში 15 მლრდ აშშ დოლარად. Twitter-ის გარიგების დაფინანსების სტრუქტურა რჩებოდა არასაჯარო, ასე რომ ჯერ კიდევ ძნელია ვიმსჯელოთ, კიდევ გაყიდის თუ არა Tesla-ს აღმასრულებელი დირექტორი კომპანიის აქციებს ხარჯების დაფარვის მიზნით. ახლა იგი ფლობს Tesla-ს დაახლოებით 446 მილიონ აქციას, რაც დაახლოებით 12%-ს შეესაბამება. ამ ემიტენტის აქციების ფასი წლის დასაწყისიდან 45%-ით შემცირდა. https://tinyurl.com/2p9cv7jp

მაინინგ კომპანიებმა დაიწყეს საკუთარი კრიპტო მაინინგ-აღჭურვილობის მასიურად გაყიდვა მნიშვნელოვანი ფასდაკლებით. ეს გამოწვეულია კრიპტო ბაზრის ვარდნასთან დაკავშირებული დანაკარგების დაფარვის აუცილებლობით, წერს The Wall Street Journal. ფოტოს წყარო: André François McKenzie / unsplash.com კრიპტო მაინინგ-კომპანია Luxor Technologies-ის მონაცემებზე დაყრდნობით ჟურნალისტები აცხადებენ, რომ Bitcoin-ის მაინინგ აღჭურვილობის ფასი ახლა საშუალოდ 24 აშშ დოლარია ყოველი 100 Thash წარმადობაზე. ერთი წლის წინ ერთეულის ღირებულება 106 აშშ დოლარი იყო 100 Thash-ზე. კრიპტოვალუტების და, კერძოდ, Bitcoin-ის კურსის ზრდის პერიოდში მაინინგ კომპანიები აქტიურად ყიდულობდნენ აღჭურვილობას და ქირაობდნენ საწყობებს, ხშირად იღებდნენ ასობით მილიონი აშშ დოლარის ღირებულების სესხებს. მას შემდეგ რაც აშშ-ის ფედერალურმა სარეზერვო სისტემამ დაიწყო საპროცენტო განაკვეთების გაზრდა, რისკიანი აქტივები ნაკლებად მიმზიდველი გახდა. მიმდინარე წლის დასაწყისიდან ციფრული ვალუტების კურსებმა მკვეთრი ვარდნა დაიწყო. Bitcoin წლის დასაწყისიდან დაახლოებით 70%-ით გაიაფდა, რის გამოც მაინინგის მიმართ ინტერესი მკვეთრად შემცირდა. შედეგად მაინინგ კომპანიები ზარალს განიცდიდნენ. ბევრისთვის გაკოტრებიდან გამოსავლის ძიების ერთადერთი გზა არის აქტივების „დაყრა“, კერძოდ, აღჭურვილობის გაყიდვა და ნაქირავები შენობების მიტოვება, მიუხედავად იმისა, რომ მათი ხარჯები არ იყო შემოსავლის შესაბამისი. კატასტროფულ ვითარებაზე მეტყველებს მსხვილი მაინინგ კომპანიების ღირებულების მკვეთრი კლება. მსოფლიოში ერთ-ერთ უმსხვილეს მაინინგ კომპანია Core Scientific-ის აქციების ფასი წლის დასაწყისიდან 99%-ით შემცირდა. TeraWulf-მა დაკარგა კაპიტალიზაციის 93% წლის დასაწყისიდან. Stronghold Digital Mining-ის აქციების ფასი 94%-ით დაეცა, ხოლო Riot Blockchain-ისა - 74%-ით. ზოგ შემთხვევაში მაინერები ყიდიან სრულიად ახალ აღჭურვილობას მნიშვნელოვანი ფასდაკლებით. მაგალითად, Argo Blockchain PLC-მა გასულ კვირას გამოაცხადა 3800 მაინინგ-მოწყობილობის გაყიდვის შესახებ, რომელთა გახსნა ვერც კი მოესწრო. აღინიშნა, რომ მაინინგი მაინც შეიძლება იყოს მომგებიანი, მაგრამ, როგორც წესი, მხოლოდ იმ კომპანიებისთვის, რომლებსაც არ აქვთ დიდი ვალი. და სანამ ზოგი მაინინგ აღჭურვილობას ყიდის, სხვები სარგებლობენ შექმნილი სიტუაციით და ყიდულობენ ფასდაკლებით. კრიპტო სერვის Blockchain.com-ის ინფორმაციით ცოტა ხნის წინ Bitcoin-ის ქსელის მთლიანმა ჰეშრეითმა ახალი რეკორდი დაამყარა. ექსპერტები ზრდას უკავშირებენ უფრო მოწინავე, ეფექტურ და, შედეგად, უფრო მომგებიანი აღჭურვილობის ქსელთან დაკავშირებას. https://tinyurl.com/42xd2zer

MediaTek-მა საბოლოოდ გამოუშვა ფლაგმანური პროცესორი Dimensity 9200. ტაივანური კომპანია მას უწოდებს ჩიპსეტს „ფლაგმანური სმარტფონების მომავალი ეპოქისთვის“. ეს არის მსოფლიოში პირველი მობილური პროცესორი, რომელსაც აქვს ARM Cortex X3 ბირთვი. MediaTek-მა პროცესორზე "განათავსა" ARM-ის გრაფიკული პროცესორი Immortalis-G715. გავრცელებული ინფორმაციით მასში მხარადჭერილია რეითრეისინგი, ასევე Wi-Fi 7 Ready უსადენო ქსელი. გარდა ამისა, MediaTek საუბრობს Dimensity 9200-ის ბევრ სხვა ინოვაციაზე, როგორებიცაა 8533 Mbps LPDDR5X RAM და RGBW ISP. ასევე ცნობილია, რომ Dimensity 9200 შემუშავებულია TSMC-ის მეორე თაობის 4-ნანომეტრიანი ტექნოპროცესით (N4P) და დამყარებულია მეორე თაობის ARM Armv9 არქიტექტურაზე. MediaTek-მა Dimensity 9200 შემდეგი CPU ბირთვით დააპროექტა: 1x Cortex-X3 — 3.05 გჰც 3x Cortex-A715 — 2.85 გჰც 4x Cortex-A510 — 1.8 გჰც სავარაუდოდ, MediaTek-ის ახალი პროცესორი უზრუნველყოფს 12%-ით უკეთეს ერთბირთვიან წარმადობას Geekbench 5.0-ში, ვიდრე Dimensity 9000. თუმცა, სხვაობა მცირდება 10%-მდე მრავალბირთვიან წარმადობაში. ამავდროულად, Dimensity 9200 25%-ით ნაკლებ ენერგიას მოიხმარს დატვირთვისას, უზრუნველყოფს 10%-ით უკეთეს გაგრილებას და GPU-ის 32%-მდე გაუმჯობესებულ წარმადობას Manhattan 3.0-ში Dimensity 9000-თან შედარებით, ამასთან დატვირთვისთვის 41%-ით ნაკლებ ენერგიას მოიხმარს. საერთო ჯამში MediaTek ამაყობს, რომ Dimensity 9200-მა AnTuTu v9-ში 1260000 ქულა დააგროვა, რაც ბევრად აღემატება კონკურენტების ამჟამინდელ ფლაგმანებს. MediaTek-ის თქმით Dimensity 9200 მაღაზიებში უნდა გამოვიდეს "2022 წლის ბოლოს". სამწუხაროდ, ჯერჯერობით უცნობია, რომელ სმარტფონებში იქნება წარმოდგენილი Dimensity 9200 და რამდენად უკეთესი იქნება დაანონსებულ Snapdragon 8 Gen 2-თან შედარებით. MediaTek Dimensity 9200 წლის ბოლომდე ფლაგმანურ სმარტფონებში უნდა გამოჩნდეს. (ფოტოს წყარო: MediaTek) https://tinyurl.com/4jnjbzfb

Google-მა და Renault Group-მა გადაწყვიტეს გააფართოვონ თავიანთი ოთხწლიანი პარტნიორობა ავტომობილების მოწინავე პროგრამული უზრუნველყოფის პლატფორმის განვითარების პროექტის გამოცხადებით. პროექტი დაფუძნებული იქნება Android Automotive ოპერაციულ სისტემაზე, ხოლო მონაცემების ნაწილი დამუშავდება Google-ის ქლაუდ ინფრასტრუქტურაში. ფოტოს წყარო: Jonny Gios / unsplash.com 2018 წელს Google-მა პარტნიორობა გაუწია Renault-Nissan-Mitsubishi Alliance-ს და თავის სერვისებზე წვდომა მისცა ავტომობილებს. ახალი პროექტი ეხება მხოლოდ ფრანგულ კომპანიას და მის ბრენდებს: Renault, Dacia, Alpine და Mobilize; გარდა ამისა, Google ხდება Renault-ის „რჩეული ქლაუდ პროვაიდერი“ - სხვა მანქანათმშენებელი კომპანიები უმეტესად Amazon Web Services-ს ირჩევენ. პროექტი გულისხმობს ავტომობილის „ციფრული ტყუპის“ ან მაქსიმალურად ზუსტი ვირტუალური ასლის შექმნას. ეს მიდგომა ხელოვნური ინტელექტის ალგორითმებთან ერთად რეალურ დროში გაფართოებული დიაგნოსტიკის საშუალებას იძლევა: მანქანა მფლობელს აცნობებს როდის სჭირდება შეკეთება და ისწავლის გარკვეულ პრობლემებთან დამოუკიდებლად გამკლავებას. გარდა ამისა, სტატისტიკის შეგროვების შემდეგ მანქანას შეეძლება მოერგოს მფლობელს, შეისწავლოს მისი მართვის სტილი, იცოდეს ყველაზე ხშირი მარშრუტები და გამოიყენოს რეალურ დროში ტექნიკური მაჩვენებლები. სხვა ავტომწარმოებლებიც აფართოებენ პროგრამულ შესაძლებლობებს სატრანსპორტო საშუალებებში, საბოლოო ჯამში კი მიზნად ისახავენ პროგრამული უზრუნველყოფის ავტომოდელის შექმნას, რომელშიც მანქანა აღჭურვილია ძირითადი აპარატურით და შესაძლებლობების ძირითადი დიაპაზონი განისაზღვრება პროგრამული უზრუნველყოფით - Tesla აქ ლიდერია. Google ათ წელზე მეტია ცდილობს ფეხის მოკიდებას ავტო ინდუსტრიაში, მაგრამ წინააღმდეგობას უწევენ კომპანიები, რომლებსაც კონკურენციის ეშინიათ. თუმცა ეს ხელს არ უშლის კომპანიას სათითაოდ დადოს შეთანხმებები სფეროს წარმომადგენლებთან: არსებობს პარტნიორული პროექტები კომპანიებთან - Ford, GM, Volvo, Honda და BMW. https://tinyurl.com/7c2vfert

ოქტომბრის შედეგების მიხედვით პირველი კრიპტოვალუტის მაინერების მთლიანმა შემოსავალმა 589.7 მლნ აშშ დოლარი შეადგინა, წინა თვესთან შედარებით მაჩვენებელი 7%-ით გაიზარდა. Bitcoin-მაინერების შემოსავალი თვეების მიხედვით, მლნ აშშ დოლარში. წყარო: ForkLog თუმცა ტრანზაქციების საკომისიოდან შემოსავალი 9 მლნ აშშ დოლარიდან 7 მლნ აშშ დოლარამდე შემცირდა. მათი წილი თვის საერთო მაჩვენებელში 1.63%-დან 1.28%-მდე შემცირდა. შემოსავლების ზრდას თან ახლდა ჰეშრეითის ზომიერი ზრდა (+3.45%), რასაც ხელი შეუწყო ახალი თაობის მაინერების ექსპლუატაციაში გაშვებამ. Bitcoin-ის ჰეშრეითის დინამიკა, EH/s. წყარო: ForkLog. საჯარო მაინერების წილმა Bitcoin-ის ჰეშრეითში 25%-ს მიაღწია. ბოლო გადაანგარიშების შედეგების მიხედვით პირველი კრიპტოვალუტის მაინინგის სირთულე გაიზარდა 3.44%-ით ახალ მაქსიმუმამდე - დაახლოებით 36.84 T. წლის დასაწყისიდან ჰეშრეითთან კორელირებადი მაჩვენებელი 52%-ით გაიზარდა. ბაზრის ვარდნის ფონზე არსებულმა ვითარებამ ბევრი მაინერის შემოსავალი დააზარალა, მათ შორის ისეთი მსხვილი მოთამაშეებიც, როგორიცაა Compute North. Bitcoin-ის მაინინგის სირთულე. წყარო: ForkLog. Hashprice იმყოფება ყველა დროის დაბალ დონეზე - დაახლოებით 0.07$ TH/s-ზე. მზარდი სირთულისა და ფასების სტაგნაციის ფონზე ინდიკატორის შემდგომი ვარდნა მოიცავს მაინერების კაპიტულაციას. ეს მოვლენა, როგორც წესი, წინ უსწრებს კონსოლიდაციას და ტენდენციის შეცვლას. Bitcoin-ის Hashprice-ის მაჩვენებლის დინამიკა. წყარო: ForkLog. Foundry USA-მ ოქტომბერში კიდევ უფრო გაიმყარა ლიდერობა Bitcoin-ის უმსხვილეს პულებს შორის - მისმა წილმა მთლიან ჰეშრეითში 25.9% მიაღწია. AntPool-მა ასევე მნიშვნელოვნად გაზარდა თავისი პოზიციები საბაზრო თვის განმავლობაში - 17.8%-დან 19.2%-მდე. F2Pool-ისა და Binance Pool-ის მაჩვენებლები თითქმის უცვლელია. Poolin-ის წილი 5.3%-დან 2.4%-მდე შემცირდა. Bitcoin-ის მოპოვების უმსხვილესი პულები. წყარო: BTC.com. ოქტომბერში Bitcoin-ის ტრანზაქციის საშუალო საკომისიო არ აღემატებოდა 1 აშშ დოლარს. თვის მეორე ნახევარში მაჩვენებელი გაიზარდა და 1.59 აშშ დოლარს მიაღწია. ეს გამოწვეულია ჯაჭვური აქტივობის გამოღვიძებით პირველი კრიპტოვალუტის ფასის 20 ათას აშშ დოლარზე მეტად ზრდის ფონზე. Ethereum-ის ტრანზაქციის საშუალო საკომისიომ თვის დასაწყისში 4.67 აშშ დოლარს მიაღწია, რაც შეესაბამება აგვისტოს მაჩვენებელს. შემდეგ ინდექსის კლება დაიწყო. Ethereum-ის ქსელის შედარებით დაბალი საკომისიო მიუთითებს ჯერ კიდევ დაბალ აქტივობაზე DeFi-ში და NFT სეგმენტის კლებაზე. BTC- და ETH-ტრანზაქციების საშუალო საკომისიოების დინამიკა. წყარო: ForkLog. ოქტომბერში მაინინგ-კომპანია Marathon Digital Holdings-მა მოიპოვა რეკორდული 615 BTC, რამაც ჰეშრეითი გაზარდა დაახლოებით 84%-ით. მისმა კონკურენტმა CleanSpark-მა შეიძინა 3843 თანამედროვე Antminer S19j Pro მოწყობილობა Bitmain-ისგან 5.9 მლნ აშშ დოლარად. https://tinyurl.com/5yzfc28k

პორტალ PCWorld-ის ჟურნალისტებმა მოახერხეს AMD-ის გეიმინგ პროდუქტებისა და მარკეტინგის მთავარ არქიტექტორთან საუბარი და გაეცნენ ახალ RDNA 3 არქიტექტურაზე დამყარებული Radeon RX 7000 ვიდეო ბარათების რამდენიმე დეტალს. AMD-ის წარმომადგენელმა განმარტა, პრეზენტაციაზე რატომ არ მოხდა ახალი Radeon RX 7900 XTX და RX 7900 XT ბარათების შედარება NVIDIA GeForce RTX 40 სერიის მოდელებთან. ფოტოს წყარო: VideoCardz კომპანიის წარმომადგენლის თქმით AMD-ის ფლაგმანური ამაჩქარებელი Radeon RX 7900 XTX პოზიციონირებს GeForce RTX 4080 მოდელის კონკურენტად, რადგანაც NVIDIA-ს ეს ვიდეო ბარათი გაყიდვაში ჯერ არ გამოუშვია, AMD არ ფლობდა ინფორმაციას ამაჩქარებლის წარმადობის შეახებ, რათა მისთვის საკუთარი შედარების გრაფიკი დაემატებინა. „[Radeon RX 7900 XTX] შემუშავებულია RTX 4080-თან კონკურენციისთვის. ჩვენ არ გვაქვს ინფორმაცია მისი წარმადობის შესახებ. ეს არის მთავარი მიზეზი იმის, რატომ ვერ იხილეთ NVIDIA-სთან ვერანაირი შედარება. 999 აშშ დოლარი ღირებულების ბარათი ვერ იქნება RTX 4090-ის კონკურენტი, რომლის ფასი 60%-ით მეტია. [Radeon RX 7900 XTX]-ის კონკურენტია RTX 4080“ - განაცხადეს AMD-დან. მან ასევე კომენტარი გააკეთა FSR 3.0 გამოსახულების მასშტაბირების ტექნოლოგიის შესახებ განცხადებაზე და აღნიშნა, რომ გადაწყვეტილება FSR-ის ახალი ვერსიის დანერგვის შესახებ არ იყო სპონტანური. მისი თქმით FSR 3.0 მხარდაჭერილი იქნება არა მხოლოდ RDNA 3 არქიტექტურაზე დაფუძნებულ ვიდეო ბარათებში. „ჩვენი გადაწყვეტილება FSR 3.0-ის დაანონსების შესახებ არ წარმოადგენს ერთგვარ საპასუხო რეაქციას ან სურვილს - სწრაფად გამოგვეშვა NVIDIA DLSS 3-ის კონკურენტი. ჩვენ უკვე გარკვეული პერიოდია ვმუშაობთ ამ ტექნოლოგიაზე. რატომ გახდება იგი ხელმისაწვდომი იმაზე გვიან, ვიდრე ბევრი მოელოდა? მთავარია გავიხსენოთ FSR ტექნოლოგიის ძირითადი ფილოსოფია. FSR 1.0 და FSR 2.0 მუშაობს არა მხოლოდ RDNA და RDNA 2 არქიტექტურის ვიდეო ბარათებზე. ისინი მხარდაჭერილია AMD-ის გრაფიკული ამაჩქარებლების ბევრ სხვა თაობაში, ასევე ჩვენი კონკურენტების ვიდეო ბარათებში. ამის რეალიზება გაცილებით რთულია, ვიდრე უბრალოდ FRS 3.0-ის მხარდაჭერის დამატება მხოლოდ RDNA 3 ვიდეო ბარათებში. ჩვენ რეალურად გვსურს, რომ FSR 3.0-მა იმუშაოს სხვა ვიდეო ბარათებზეც“ - განაცხადა AMD-ის წარმომადგენელმა. DLSS 3-ზე მინიშნებით, რომელიც მხოლოდ GeForce RTX 40-სერიის ამაჩქარებლებზეა მხარდაჭერილი, AMD-ის წარმომადგენელმა აღნიშნა, რომ მხოლოდ ერთი არქიტექტურის მხარდაჭერა გაცილებით მარტივია. AMD-მ პირობა დადო, რომ FSR მხარდაჭერილი იქნება გრაფიკული არქიტექტურების უმრავლესობაში, მაგრამ ამის რეალიზებისთვის დროა საჭირო. კომპანია ჯერ დარწმუნებული არ არის, რომ იგი 100%-ით შეასრულებს პირობას, თუმცა ძალისხმევას არ დაიშურებს. https://tinyurl.com/jt6d74f4

პორტალ VideoCardz-ის განკარგულებაში მოხვდა AMD Navi 31 GPU-ის ბლოკ-სქემის სურათი, რომელიც საფუძვლად დაედო ახალი Radeon RX 7900 XTX და RX 7900 XT ვიდეო ბარათებს. ფოტოს წყარო: AMD გრაფიკულ პროცესორ AMD Navi 31-ში გამოყენებულია ჩიპლეტური დიზაინი. მიკროსქემის ცენტრში განთავსებულია 5-ნანომეტრიან ტექნოპროცესზე აგებული დიდი კრისტალი GCD (Graphics Compute Die), რომელიც მოიცავს GPU-ის ყველა გამომთვლელ ბლოკს და სხვა აუცილებელ ელემენტებს. მის გარშემო მოცემულია ქეშ-მეხსიერების ექვსი კრისტალი (MCD). ისინი აგებულია 6-ნანომეტრიანი ტექნოპროცესის გამოყენებით. თითოეული MCD კრისტალის შემადგენლობაში გამოყენებულია ორმაგი 320ბიტიანი მეხსიერების კონტროლერი, რომელიც დაკავშირებულია L3 ქეშ-მეხსიერებასთან. ამ დროისთვის AMD-მ დაადასტურა, რომ სრული ზომის GPU Navi 31-ის შემადგენლობაში მოცემულია 96 მბ L3 (Infinity Cache) ქეშ-მეხსიერება, თუმცა კომპანიას არ დაუკონკრეტებია L0, L1 და L2 ქეშის მოცულობები. ამ ინფორმაციას ცხადყოფს VideoCardz-ის საპრეზენტაციო სლაიდი, რომელიც, როგორც ჩანს, ჟურნალისტებს წარუდგინეს დახურულ კონფერენციაზე. მასზე მითითებულია, რომ L0 ქეშ-მეხსიერების მოცულობაა 3 მბ, რაც თითქმის 2.5-ჯერ მეტია Navi 21-თან შედარებით. L1 ქეშის მოცულობა სამჯერ მეტია და 3 მბ-ის ტოლია. L2 ქეშ-მეხსიერების მოცულობა 50%-ით გაიზარდა და 6 მბ-ს შეადგენს. L3 (Infinity Cache) მეხსიერებას აქვს 96 მბ მოცულობა, რაც 32 მბ-ით ნაკლებია გრაფიკულ პროცესორ Navi 21-ის მოცულობასთან შედარებით. ფოტოს წყარო: VideoCardz / AMD ზემოთ მოცემულ სქემაზე ნაჩვენებია Navi 31 ექვსი შეიდერ-ძრავით, რომელთა შემადგენლობაში გამოყენებულია რვა წყვილი ბლოკი (Compute Units). თავდაპირველად მიიჩნეოდა, რომ Radeon RX 7900 XTX-ს ექნებოდა 12288 ნაკადური პროცესორი, თუმცა, თუ კომპანიის ვებ-გვერდს ვნახავთ, მითითებულია 6144 ნაკადური პროცესორი, ანუ ორჯერ ნაკლები. ეს ფაქტი იმით აიხსნება, რომ RDNA 3 არქიტექტურა ეყრდნობა დიზაინ Dual Issue-ს, რაც ნიშნავს, რომ ერთდროულად სრულდება ორი არითმეტიკული FP32 ბრძანება, რის გამოც შესაძლებელია ჩაითვალოს 12288 FP32 ბლოკის ან ნაკადური პროცესორის არსებობა. ამავე დროს Navi 31-ის ერთჯერადი სიზუსტის (FP32) ოპერაციების წარმადობა გაიზარდა 61 Tflops-მდე, რაც წინა თაობასთან შედარებით გაორმაგებულია. სლაიდზე ასევე მოცემულია, რომ არქიტექტურა RDNA 3 შემუშავებულია 3 გჰც სიხშირეზე ოპერირების შესაძლებლობის გათვალისწინებით. ანალოგიური ინფორმაცია ვრცელდება ჟურნალისტებისგანაც, რომლებიც ახალი ვიდეო ბარათების პრეზენტაციას ესწრებოდნენ და ეს საკითხი AMD-ს წარმომადგენლებთან ერთად კულუარებში განიხილეს. თუმცა უნდა აღინიშნოს, რომ ეტალონური Radeon RX 7900 XTX-ის მაქსიმალური Boost-სიხშირე 2.5 გჰც-ია - ასეა მითითებული AMD-ის ვებ-გვერდზე. ჯერჯერობით უცნობია, როგორ აპირებს (ან აპირებს თუ არა საერთოდ) AMD 3 გჰც სიხშირის მხარდაჭერის რეალიზებას თავის RDNA 3 არქიტექტურის მქონე ვიდეო ბარათებში. ფოტოს წყარო: Twitter / @Locuza_ ზემოთ მოცემულია Navi 31-ის პროცესორის ფაქტობრივი ფოტო და დამატებული აქვს ჩიპის თითოეული ბლოკის ანოტაციები, რომლებიც Twitter-ის ერთ-ერთმა მომხმარებელმა გაასაჯაროვა. https://tinyurl.com/2menk3s7

დაიწყო Stablecoin-ების აქტიური გამოყენება ლენდინგ პროტოკოლების უზრუნველყოფისთვის. ამის შესახებ საუბარია CoinMarketCap-ისა და TokenInsight-ის ანგარიშში. „USDC, USDT და DAI ჯამურად შეადგენს MakerDAO-ს და Compound-ის მოცულობის უზრუნველყოფის 58% და 52%-ს, შესაბამისად. მეორე კვარტალში მაჩვენებლები გაიზარდა 50%- და 40%-იანი მაჩვენებლებიდან“ - აღნიშნეს მკვლევარებმა. წყარო: CoinMarketCap. ექსპერტების აზრით, ლენდინგ პროექტების - MakerDAO-ს, Aave-სა და Compound-ის TVL წლის დასაწყისიდან 59%-ით, 61%-ით და 74%-ით შემცირდა, შესაბამისად. თუმცა, მესამე კვარტალში მაჩვენებლები პრაქტიკულად უცვლელი დარჩა. პლატფორმა Compound-ის წილი მთლიან მაჩვენებელში სამ თვეში 22%-დან 16%-მდე შემცირდა. DeFi ეკოსისტემებს შორის Ethereum კვლავ დომინირებს დიდი წილით. თუმცა Tron-ზე დაფუძნებული აპლიკაციების მთლიანმა TVL-მა სტაბილურად დაიწყო ზრდა Terra-ს დაშლისა და თითქმის იმავე დროს ალგორითმულ stablecoin USDD-ის გაშვების შემდეგ. წყარო: CoinMarketCap. ექსპერტებმა ასევე აღნიშნეს Optimism-ის მეორე დონის გადაწყვეტილებაზე დამყარებილი ეკოსისტემის ზრდა 161.62%-იან მაჩვენებლამდე მესამე კვარტალში. მათი დაკვირვებით პლატფორმამ მნიშვნელოვნად შეამცირა უფსკრული სეგმენტის ლიდერ Arbitrum-თან. შეგახსენებთ, რომ Compound-მა შეაჩერა ZRX, BAT, MKR და YFI ტოკენების მხარდაჭერა მათი დაბალი ლიკვიდობის გამო.  https://tinyurl.com/4mxx6r6e

კომპანია GALAX-ის (KFA2) Hall of Fame სერიის ვიდეო ბარათი GeForce RTX 4090 მოხვდა ენთუზიასტების ხელში, რის შემდეგ რამდენიმე მსოფლიო რეკორდი განახლდა. თხევადი აზოტის ავზი მოთავსდა GPU-ზე და ძაბვა გაიზარდა 1.09 ვატამდე. მწარმოებლის თქმით ამ ვიდეო ბარათის გრაფიკული პროცესორი, ჰაერით გაგრილების დროსაც კი, შეძლებს მიაღწიოს 3.1 გჰც-ზე მაღალ სიხშირეებს. ფოტოს წყარო: HWBot, OGS ზემოთხსენებულ შემთხვევაში გრაფიკული პროცესორის სიხშირე 3.7 გჰც-მდე გაიზარდა, მეხსიერება მუშაობდა 21008 მჰც-ზე, GPUPI v3.3 32B ტესტში განახლდა რეკორდი ცალკეულ ვიდეო ბარათებს შორის, შედეგმა შეადგინა 49.049 წამი. ტესტ 3DMark Port Royal-ში გრაფიკული პროცესორის სიხშირე განისაზღვრა 3.57 გჰც-ზე და ეს საკმარისი აღმოჩნდა იმისთვის, რომ ვიდეო ბარათს რეიტინგში პირველი ადგილი დაეკავებინა 31.096 ქულით. https://tinyurl.com/3e77zk5s

კომპანია AMD-მ ფასები შეამცირა Zen 3 არქიტექტურაზე დამყარებულ Ryzen 5000 სერიის დესკტოპ პროცესორებზე თავის ოფიციალურ ონლაინ-მაღაზიაში. პორტალი VideoCardz აღნიშნავს, რომ ზოგიერთი მოდელის ფასი 250 აშშ დოლარამდე ჩამოვიდა. ფოტოს წყარო: VideoCardz გაყიდვების დაწყებისას ფლაგმანური 16-ბირთვიანი Ryzen 9 5950X შემოთავაზებული იყო 799 აშშ დოლარად. ამჟამად მისი ფასი 549 აშშ დოლარს შეადგენს. 12-ბირთვიანი Ryzen 9 5900X გაიაფდა 200 აშშ დოლარით და ახლა მისი ფასი 549-ს ნაცვლად 349 აშშ დოლარია. ფასი შემცირდა გაზრდილი ქეშ-მეხსიერების მქონე Ryzen 7 5800X3D მოდელზეც. AMD მას გვთავაზობს 449-ის ნაცვლად 329 აშშ დოლარად. Ryzen 7 5800X-ის ფასი 449-დან 249 აშშ დოლარამდე შემცირდა, უმცროსი ექვსბირთვიანი Ryzen 5 5600X კი საწყისი 299 აშშ დოლარის ნაცვლად შემოთავაზებულია 159 აშშ დოლარად. ოფიციალურ ონლაინ-მაღაზიაში Ryzen 5000 სერიის პროცესორების შეძენისას AMD მომხმარებლებს ჩუქნის გეიმინგ-კოლექცია Uncharted: Legacy of Thieves Collection-ის ასლს. ფოტოს წყარო: AMD Ryzen 7 5800X3D-ის მითითებული ფასი ამჟამად აშშ-ში ყველაზე დაბალია. რითეილერ MicroCenter-ში იგი ღირს 369 აშშ დოლარი, Amazon-ზე - 349 აშშ დოლარი, Newegg-ში კი - 331 აშშ დოლარი. თუმცა ჩიპი ყველა მაღაზიაში ხელმისაწვდომი არ არის. ფოტოს წყარო: VideoCardz ევროპაშიც შემცირდა Ryzen 7 5800X3D-ს ფასი, აღნიშნავს VideoCardz. გაყიდვის დაწყებისას იგი შემოთავაზებული იყო 499 ევროდ, ამჟამად კი მისი შეძენა 349 ევროდაა შესაძლებელი. https://tinyurl.com/3nxfds62

ოთხშაბათს, 2 ნოემბერს, აშშ-ის ფედერალურმა სარეზერვო სისტემამ (FRS) გაზარდა საბაზისო განაკვეთის დიაპაზონი 75 საბაზისო პუნქტით, 3.75-4%-მდე წელიწადში. ეს გახლავთ საბაზისო განაკვეთის მეექვსე ზრდა წელს და ზედიზედ მეოთხე - 75 პუნქტით. მაჩვენებელი ამჟამად ყველაზე მაღალ დონეზეა 2008 წლის შემდეგ. Bloomberg-ის ცნობით ბოლოს სააგენტო ასე აგრესიულად 1980-იან წლებში მოიქცა. ფედერალური სარეზერვო სისტემის განაკვეთის დინამიკა.წყარო: Macrotrends. მარეგულირებელმა აღნიშნა ინფლაციის გაზრდილი დონე, რომელმაც სექტემბერში წლიური 8.2% შეადგინა. განცხადებაში ასევე ხაზგასმულია, რომ „დამატებითი ზეწოლა“ ეკონომიკურ ვითარებაზე აშშ-ისა და მთელ მსოფლიოში ხდება რუსეთის ფედერაციის ომის გამო უკრაინის წინააღმდეგ. „[FOMC-ს] გადაწყვეტილი აქვს ინფლაცია დააბრუნოს 2%-იან მიზნამდე. [...] კომიტეტი მზად იქნება შეცვალოს თავისი მონეტარული პოლიტიკის პოზიცია, თუ გაჩნდება რისკები, რომლებიც ხელს შეუშლის მიზნების მიღწევას“, - ნათქვამია პრეს-რელიზში. აშშ-ის საფონდო ბაზარი უარყოფითად გამოეხმაურა ფედერალური სარეზერვო სისტემის გადაწყვეტილებას. 2 ნოემბრის სავაჭრო სესიის შედეგად Nasdaq Composite ინდექსი 3.36%-ით შემცირდა, S&P 500 – 2.5%-ით, Dow Jones-ის ინდიკატორი - 1.55%-ით CoinGecko-ს თანახმად აშშ-ში ძირითადი კურსის ზრდამ თითქმის არ იმოქმედა კრიპტო ბაზრის მდგომარეობაზე. ციფრული აქტივების მთლიანი კაპიტალიზაცია 0.5%-ით შემცირდა. ტოპ-10 ციფრული აქტივი ბაზრის კაპიტალიზაციით. წყარო: CoinGecko. მარტში ფედერალურმა სარეზერვო სისტემამ 2018 წლის შემდეგ პირველად გაზარდა ძირითადი განაკვეთი 0.25-0.5%-მდე. კრიპტოვალუტების ლოკალური აღმასვლა აპრილამდე გაგრძელდა - Bitcoin-მა და Ethereum-მა წლიურ მაქსიმუმს მიაღწიეს. მაისში ფედერალურმა სარეზერვო სისტემამ კვლავ გაზარდა განაკვეთები 50 საბაზისო პუნქტით. სიახლის ფონზე Bitcoin-მა გადალახა 40000 აშშ დოლარიანი ზღვარი, მაგრამ იმავე დღეს ჩავიდა 36 ათას აშშ დოლარის დონეზე, რაც გაჭიანურებული კორექტირების დასაწყისი იყო. ივნისში ფედერალურმა სარეზერვო სისტემამ საბაზისო განაკვეთი 75 პუნქტით გაზარდა პირველად 1994 წლის შემდეგ. ინდიკატორმა მიაღწია 1.5-1.75% დონეს, რაზეც Bitcoin-მა რეაგირება მოახდინა მოკლევადიანი ზრდით 22000 აშშ დოლარამდე, შემდეგ კი ჩამოვიდა 18 ათას აშშ დოლარზე დაბლა. მომდევნო თვეში კურსის 2.25-2.5%-მდე ზრდამ განაპირობა კრიპტობაზრის ზრდა. Bitcoin-მა მაშინ 22000 აშშ დოლარიანი ზღვარი გადალახა, Ethereum-მა კი - 1500$. სექტემბერში მარეგულირებელმა განაკვეთი 3-3.25%-მდე გაზარდა. პირველი კრიპტოვალუტის ფასი 19 000 აშშ დოლარს ქვემოთ ჩამოვიდა. https://tinyurl.com/24dphzu5

კომპანია Sony-მ გამოაცხადა, რომ VR-ჰედსეტ PlayStation VR2-ის გაყიდვები მომავალი წლის 22 თებერვალს დაიწყება. თავად გაჯეტის გარდა კომპანია შემოგვთავაზებს მისთვის შექმნილ თამაშ Horizon Call of the Mountain-ს და კონტროლერების დამტენს. ჰედსეტის, კონტროლერების და ყურსასმენისგან შემდგარი მინიმალური ნაკრები ეღირება 550 აშშ დოლარი - უფრო ძვირი, ვიდრე თავად PlayStation 5 კონსოლი. თამაშისა და დამტენისთვის კიდევ 50 აშშ დოლარის გადახდა იქნება საჭირო. მოწყობილობის წინასწარი შეკვეთების მიღება ნოემბრის შუა პერიოდში დაიწყება, იგივე ეხება თამაშებს - Sony პირობას დებს, რომ გამოუშვებს 20 შესაბამის Title-ს. ახალი VR-ჰედსეტის განსაკუთრებულ მახასიათებლებს შორისაა გაუმჯობესებული უკუკავშირი და მზერის მიკვლევის უმაღლესი სიზუსტის სისტემა, გაფართოება 2000x2040 თითოეულ თვალზე ((90/120 ჰერცი), აგრეთვე სენსორების ნაკრები, რომელთა შორისაა კამერები, გიროსკოპი და აქსელერომეტრი. კომპანია ასევე აცხადებს, რომ ჰედსეტის მეორე ვერსია უფრო მინიატურული და მსუბუქია, კონსოლთან მისი დაკავშირებისთვის კი საჭირო იქნება მხოლოდ ერთი USB Type-C. ღილაკებით, ჯოისტიკებით, სენსორული პანელებითა და სენსორებით აღჭურვილი კონტროლერები მოწყობილობას უკავშირდება უსადენო ტექნოლოგია Bluetooth 5.1-ის მეშვეობით - სადენები საჭიროა მხოლოდ დამუხტვისთვის. ექსპერტების პროგნოზით PS VR2 იქნება უფრო ნიშური პროდუქტი, ვიდრე მასიური მოხმარების გაჯეტი - პოტენციური აუდიტორიის დიდ ნაწილს დააფრთხობს ფასი და კონტენტის სიმცირე. https://tinyurl.com/3wuj7uwj

კომპანია Acer გამოუშვებს საბაზისო დონის ვიდეო ბარათ Intel Arc A380 Predator-ს. ახალი ბარათი აღინიშნა Acer-ის საფირმო ონლაინ-მაღაზიაში სავაჭრო პლატფორმა Amazon-ზე. ფოტოს წყარო: Acer ადრე გავრცელდა ინფორმაცია მოდელ Acer Arc A770 Predator BiFrost-ის დამზადების შესახებ გაგრილების უჩვეულო სისტემით, რომლის შემადგენლობაში შედიოდა სხვადასხვა ტიპის ორი ქულერი. უმცროსი მოდელი Arc A380 Predator-იც იქცევს ყურადღებას გაგრილების სისტემით. ვიდეო ბარათს აქვს ტანგენციალური ტიპის ქულერი, რომელიც ცნობილია, როგორც „ტურბინა“. მოდელი Arc A380 დაბალბიუჯეტურია და მეტად სუსტი და ამ სეგმენტში გაგრილების ასეთ სისტემას, როგორც წესი, არავინ იყენებს. Acer Arc A380 Predator ორსლოტიანია. ბარათზე ხელმისაწვდომია ორი კონექტორი DisplayPort და ერთი HDMI. Arc A380-ის საფუძვლად გამოყენებულია გრაფიკული ჩიპი ACM-G11, რომლის შემადგენლობაში შედის 8 Xe ბირთვი. ბარათს აქვს 6 გბ GDDR6 მეხსიერება 96-ბიტიანი მეხსიერების სალტით. ახალ ვიდეო დაფაზე ჯერჯერობით მოცემული არ არის ოფიციალური ფასი, ასევე უცნობია მიწოდების დაწყების თარიღი. მიუხედავად იმისა, რომ ახალი ვიდეო ბარათი ფორმალურად მიეკუთვნება გეიმინგ სერია Predator-ს, თავად Arc A380-ს ვერ ვუწოდებთ გეიმინგ პროდუქტს. მისი წარმადობის დონე GeForce GTX 1630-ის, GeForce GTX 1050 Ti-სა და Radeon RX 6400-ის მსგავსია. Intel-ის ახალი ბარათის აშკარა უპირატესობებს შორის შეიძლება გამოვყოთ მხოლოდ ვიდეოს კოდირებისა და დეკოდირების ფუნქციების მხარდაჭერა, რაც შეიძლება სასარგებლო იყოს მის ყოველდღიური გამოყენებისას ასევე რეითრეისინგის ტექნოლოგიის მხარდაჭერა. https://tinyurl.com/4rb57jfe

პირველი კრიპტოვალუტის კურსი რჩება 16500-21100 დიაპაზონში, რაც ასახავს მიწოდებისა და მოთხოვნის მყიფე ბალანსს. Glassnode-ის ანალიტიკოსები წერენ, რომ onchain-ინდიკატორები მიუთითებენ დათვურიდან ხარებზე გადასვლის არარსებობაზე და მონეტების გადანაწილების ახალი ტალღის რისკზე. ექსპერტებმა ხაზგასმით აღნიშნეს, რომ ფსკერის ფორმირება 2022 წელს შესაძლოა გაგრძელდეს წარსულში ამ პროცესის ხანგრძლივობიდან გამომდინარე. ამ დროისთვის ციფრული ოქროს ციფრული შეთავაზებები ბოლო სამი თვის განმავლობაში რჩება რეალიზებულ ფასს (21100 აშშ დოლარი) და დაბალანსებულ ფასს შორის (16500 აშშ დოლარი). 2014–2015 და 2018–2019 წლებში ეს პერიოდი, შესაბამისად, 10 და 5.5 თვე გაგრძელდა. წყარო: Glassnode ჰოდლერების კაპიტულაციის პერიოდის ხანგრძლივობა ასევე შეიძლება სასარგებლო იყოს ზრდის ტრაექტორიის შემობრუნების შესაფასებლად. ეს უკანასკნელი ხდება მაშინ, როდესაც ბაზრის ამ კატეგორიის მონაწილეთა მიერ მონეტების შეძენის საშუალო ღირებულება გაყიდვის ფასზე დაბალია. სხვა სიტყვებით რომ ვთქვათ, გრძელვადიანი ინვესტორები იწყებენ "ზარალის განცდას" "საშუალო" ინვესტორთან, განმარტავენ ანალიტიკოსები. ამჟამად ეს პერიოდი სამთვენახევარია გრძელდება. წინა ორ დათვურ ბაზარზე შეადგინა 8 და 17 თვე. წყარო: Glassnode. ახალი მოთხოვნის გამოვლენის ადრეულ ნიშნად შეიძლება ჩაითვალოს ზოგადად „მომგებიანი“ მონეტების წილის გადაჭარბება მსგავსი მეტრიკით, თუმცა ჰოდლერებთან მიმართებაში. ეს ცვლა ჯერ არ მომხდარა. პირველი მაჩვენებელი 56%-ია, მეორე - 60%. მათი მაჩვენებლების გადაკვეთისთვის ექსპერტების შეფასებით საჭირო იქნება „ახალი“ შესყიდვები და 21700 აშშ დოლარიანი ფასის ნიშნის გადალახვა. წყარო: Glassnode. მსგავსი სიგნალი შეიძლება შეფასდეს არა მხოლოდ არარეალიზებული მოგების/ზარალის მიხედვით, არამედ მფლობელების მიერ მონეტების დახარჯვის ფინანსური შედეგის მიხედვით. ამ კოეფიციენტის 90 დღის მოძრავი საშუალო არის 0.57. სხვა სიტყვებით რომ ვთქვათ, ინვესტორებისთვის გრძელდება უპირატესად ზარალის დაფიქსირება. კაპიტალის შემოდინებისა და მოგების მიღების ახალ ტალღას ჯერ არ გადაუჭარბებია გამყიდველების ზარალის მასშტაბებისთვის. მაჩვენებელი დარჩა 1-ზე დაბლა ბოლო 125 დღის განმავლობაში, რაც წინა დათვურ ბაზრებთან შედარებით ( 375 და 263 ) ნაკლებია. წყარო: Glassnode. ოქტომბერში Glassnode-ის ანალიტიკოსებმა განიხილეს Bitcoin-ის ზრდის და ვარდნის სცენარი. მანამდე ტრეიდერმა ტონ ვეისმა ივარაუდა, რომ პირველი კრიპტოვალუტის ფასი 2023 წელს 100 000 აშშ დოლარამდე გაიზრდებოდა მოახლოებული ჰალვინგის ფონზე. https://tinyurl.com/2mez9227

Twitter-ის ერთ-ერთმა მომხმარებელმა გააზიარა კომპანია Galax-ის ფლაგმანურ ვიდეო ბარათ GeForce RTX 4090 HOF-ის თეთრი PCB-ის ფოტო. ეს არის ცნობილ ამაჩქარებლებს შორის პირველი მოდელი ორი 12+4-პინიანი 12VHPWR კვების კონექტორით, რომელსაც შეუძლია ვიდეო ბარათისთვსი 1200 ვატამდე ენერგიის გადაცემა. ფოტოს წყარო: Twitter / @bl4ckdot კომპანია Galax-ის ვიდეო ბარათების სერია Hall of Fame სერიოზულ შევსებას ელის. ვიდეო ბარათი დამყარებულია 16384 CUDA ბირთვის მქონე გრაფიკულ პროცესორ AD102-300-ზე, აქვს 24 გბ GDDR6X მეხსიერება, ასევე ძალიან მძლავრი 32-ფაზიანი VRM კვების ქვესისტემა 28+4 სქემით. მსგავს VRM-ს ამჟამად ვერ შეხვდებით ვერც ერთი სხვა კომპანიის წარმოების GeForce RTX 4090 ვერსიაში. კვების მსგავსი სისტემა გამოიყენებოდა წინა თაობის ფლაგმან Galaxy GeForce RTX 3090 Ti HOF-ში. თუმცა ფაზების რაოდენობა ოთხით ნაკლები იყო (24+4). Galax GeForce RTX 4090 HOF-ის PCB-ის ზედა ნაწილში მოცმეულია ვიდეო დაფის კვების მონიტორინგის წერტილები. გარდა ამისა, ჩანს სადენზე ჩამოკიდებული ღილაკი „აჩქარება“, რომელიც პასუხისმგებელია სპეციალური vBIOS-ის ჩატვირთვისთვის თხევადი აზოტის გამოყენებით ექსტრემალური აჩქარებისთვის. სავარაუდოდ Galax-ს ჯერ არ დაუსრულებია ვიდეო ბარათის შემუშავება და ამაჩქარებელი არ არის გასაყიდად მზად. კომპანია ხშირად უგზავნის ვიდეო ბარათების დაფებს შერჩეულ ენთუზიასტებს ტესტირებისთვის, ამავდროულად ავითარებს ამაჩქარებლების გაგრილების აუცილებელ სტანდარტულ სისტემებს. თუმცა ამ უკანასკნელებს, როგორც წესი, ოვერქლოქერები არ იყენებენ თხევადი აზოტის გამოყენებით ექსტრემალური აჩქარებისთვის. https://tinyurl.com/w6jnfxfb

აეროკოსმოსურმა კომპანია SpaceX-მა 2019 წლის შემდეგ პირველად გაუშვა სუპერმძიმე რაკეტა Falcon Heavy მისია USSF-44-ის ფარგლებში. რაკეტა ორ გასაიდუმლოებულ თანამგზავრთან ერთად ფლორიდაში არსებული კენედის კოსმოსური ცენტრის 39A პლატფორმიდან ადგილობრივი დროით 09:41 საათზე გაუშვეს. ფოტოს წყარო: SpaceX ვინაიდან USSF-44 მისია განხორციელდა აშშ-ის კოსმოსური ძალების ინტერესებიდან გამომდინარე, ზუსტი ინფორმაცია ტვირთის შესახებ საჯარო წყაროებში არ გამოცხადებულა. ცნობილია, რომ Falcon Heavy-ს ბორტზე იმყოფებოდა სასარგებლო ტვირთის ექვსი ერთეული. ყველაზე მნიშვნელოვანია მოწყობილობა USSF-44, რომელიც, დიდი ალბათობით, სამხედრო საკომუნიკაციო თანამგზავრია. ინფორმაცია მის შესახებ გასაიდუმლოებულია, ამიტომ ამ მოწყობილობის ზუსტი დანიშნულება და მახასიათებლები გამოცანად რჩება. დანარჩენები შედარების მცირე ზომისაა და მათი ამოქმედებისთვის გამოიყენება კომპანია Northrop Grumman-ის პლატფორმა Long Duration Propulsive ESPA. მისიის ფარგლებში კოსმოსში გაიგზავნა CubeSat ფორმატის Lockheed Martin’s In-space Upgrade Satellite System-ის (LINUSS-A) ორი მოწყობილობა, რომლებიც აღჭურვილია მზის პანელებით და განკუთვნილია გეოსტაციონარულ და გეოსინქრონულ ორბიტებზე მუშაობისთვის. ამ თანამგზავრების გამოყენება იგეგმება ახალი ტექნოლოგიების შესამოწმებლად, რომლებიც ჯერ კიდევ არ არის მზად უფრო მასიურ თანამგზავრებში ინტეგრაციისთვის. სასარგებლო ტვირთის დანარჩენი ერთეულებია CubeSat ფორმატის USUVL და WL2XOU აპარატები. ცნობილია მხოლოდ, რომ ისინი შექმნილია გეოსტაციონარული და / ან 2.8 ° დახრილობის სუპერსინქრონულ ორბიტაზე მუშაობისთვის. და ბოლო, მინიატურული თანამგზავრი TETRA-1 შექმნილია Boeing-ის შვილობილი კომპანია Millennium Space Systems-ის მიერ. იგი შეიქმნა აშშ-ის კოსმოსური ძალებისთვის და NENRA აპარატების ოთხეულიდან პირველია, რომელიც წარმოებულია სამი სხვადასხვა კომპანიის მიერ. მოწყობილობა TETRA-1 შეამოწმებს ორბიტაზე მანევრირებას, აგრეთვე უზრუნველყოფს სასწავლო სცენარს ახალი და სატესო თანამგზავრული ოპერატორებისთვის. ფოტოს წყარო: Joe Raedle / Getty Images წინა გაშვებების დროს რაკეტა Falcon Heavy-ს გვერდითი ამაჩქარებლები კონტროლირბად დაშვებას ახორციელებდნენ კეიპ კანავერალის კოსმოსურ პლატფორმაზე, ცენტრალური ამაჩქარებელი კი წარმატებით ბრუნდებოდა და ჯდებოდა ატლანტის ოკეანეში არსებულ სპეციალურ მცურავ პლატფორმაზე. მისია USSF-44-ის რეალიზაციისთვის კომპანია იძულებული გახდა უარი ეთქვა შუალედური ამაჩქარებლის კონტროლირებად დაშვებაზე, რათა მაქსიმალურად გაეზარდა საწვავის მარაგი ორბიტაზე თანამგზავრების გაყვანისთვის. ამის ნაცვლად ეს ამაჩქარებელი ზღვაში ჩაეშვა ფლორიდას სანაპიროზე, გვერდითი ამაჩქარებლები კი მსუბუქად დაეშვნენ კოსმოსურ პლატფორმაზე. სავარაუდოდ, ამჟამინდელი გაშვება უკანასკნელი იქნება Falcon Heavy-სთვის მსოფლიოში ყველაზე მძლავრი აქტიური რაკეტების სტატუსით. აშშ-ის აერონავტიკისა და კოსმოსის ეროვნული სააგენტო (NASA) ემზადება ჩაატაროს გიგანტური Space Launch System რაკეტის პირველი ორბიტალური გაშვება მისია Artemis-1-ის ფარგლებში. თუ ყველაფერი გეგმის მიხედვით წარიმართება, მაშინ ამ რაკეტის გაშვება 14 ნოემბერს მოხდება, რის შემდეგაც მას მსოფლიოში ყველაზე ძლიერი რაკეტის სტატუსი გადაეცემა. https://tinyurl.com/3swnjmvx