Magdalena

FTX-ის utility ტოკენის (FTT) კრახი გამოწვეულია არა ლიკვიდურობის ნაკლებობით, არამედ ინვესტორების ქმედებებით, რომლებმაც განიცადეს „შიში“ ბაზრის არსებული მდგომარეობის გამო. ამის შესახებ კრიპტო ბირჟის დამფუძნებელმა სემ ბენკმენ-ფრიდმა განაცხადა 16 ნოემბერს ტიფანი ფონგთან ინტერვიუში (გამოქვეყნდა 29 ნოემბერს). ”ვფიქრობ, FTT-ს რეალური ღირებულება ჰქონდა. [...] მრავალი თვალსაზრისით, [ტოკენი] უფრო ლეგალური იყო, ვიდრე ბევრი სხვა ციფრული აქტივი. მას უფრო მეტი ეკონომიკური მხარდაჭერა ჰქონდა, ვიდრე სხვა ტოკენებს. [...] არალიკვიდურობა არ იყო კრახის მიზეზი. ეს არის მოვლენების მასიური კორელაცია ბაზრის მოძრაობების დროს, განსაკუთრებით მაშინ, როდესაც ისინი გამოწვეულია თავად პოზიციის შიშით“, - განაცხადა ბენკმენ-ფრიდმა. კრიზისის წინაშე აღმოჩენილმა ბირჟამ შეაჩერა თანხების გატანა ყველა მომხმარებისთვის. მოგვიანებით კომპანიამ ეს შესაძლებლობა მისცა ბაჰამის კუნძულების მაცხოვრებლებს. FTX-მა ეს ნაბიჯი ახსნა ადგილობრივი მარეგულირებლის მოთხოვნების შესრულების აუცილებლობით. ფონგთან საუბრისას ბენკმენ-ფრიდმა აღნიშნა, რომ ეს ზომები მიღებული არ იყო „ხალხის გაბრაზების“ სურვილით იმ იურისდიქციაში, სადაც პლატფორმაა დარეგისტრირებული. ”მე გავაფრთხილე [ბაჰამის მარეგულირებლები] წინა დღეს, რომ ჩვენ ვაპირებდით ამის გაკეთებას. მათ არ უთქვამთ „დიახ ან არა“. მარეგულირებელი დუმდა და ჩვენ ეს ნაბიჯი გადავდგით. ყველაფერი მოხდა იმიტომ, რომ ეს ძალიან მნიშვნელოვანი იყო ბირჟის მომავლისთვის. […] თქვენ არ გსურთ იმყოფებოდეთ ქვეყანაში, სადაც ბევრი ბოროტი ადამიანია და არ გსურთ თქვენი კომპანია დარეგისტრირდეს ქვეყანაში, სადაც ბევრი ბოროტი ადამიანია. [...] ჩვენ ვცდილობდით მოქალაქეების დამშვიდებას“, - განმარტა მან. ბენკმენ-ფრიდმა FTX International-ის მომხმარებლების კომპენსაციას „უმნიშნელო“ უწოდა. მომხმარებლები, სავარაუდოდ, მიიღებენ 25 ცენტს პლატფორმაზე გაყინული აქტივების ყოველ ერთ დოლარზე. FTX-ის ამერიკელი მომხმარებლები მიიღებენ თანხებს ერთი ერთში. FTX-ის დამფუძნებელმა უარყო Reuters-ის ინფორმაცია იმის შესახებ, რომ მან, თითქოს, ბირჟის სისტემაში გამოიყენა ბექდორი, რომელიც მას საშუალებას აძლევდა გადაეტანა აქტივები Alameda Research-ის ანგარიშებზე. „მე პროგრამირებაც კი არ ვიცი. პირდაპირი მნიშვნელობით, არასდროს გამიხსნია FTX-ის კოდების ბაზა“ - განაცხადა მან. ბენკმენ-ფრიდმა ასევე ისაუბრა ინციდენტის გამოძიებაზე, რომელიც ეხებოდა პლატფორმიდან აქტივების არასანქცირებულ გატანას იმ ღამეს, როდესაც კომპანიამ გადახდისუუნარობის შესახებ შეიტანა განცხადება . „ეჭვმიტანილებიდ რიცხვი რვა ადამიანამდე შევამცირე. მე არ ვიცი რომელი მათგანია, მაგრამ დარწმუნებული ვარ, რომ ეს იყო FTX-ის ყოფილი თანამშრომელი ან ვინმე, ვინც ზიანისმომტანი პროგრამა დააინსტალირა ყოფილი თანამშრომლის მოწყობილობაზე, ”- განაცხადა მან. ბენკმენ-ფრიდმა თქვა, რომ მან ვერ შეძლო მეტის გარკვევა, რადგან წვდომა დაკარგა პლატფორმის სისტემებზე. ინტერვიუს მეორე ნაწილში (საუბარი შედგა 20 ნოემბერს) FTX-ის დამფუძნებელმა განაცხადა, რომ კომპანიის კრახი ერთდროულად რამდენიმე მოვლენის ერთობლიობამ გამოიწვია, რისთვისაც მზად უნდა ყოფილიყო. „ეს იყო კომბინაცია: საგაზაფხულო კრახი, როდესაც აქტივების ღირებულებები დაეცა 50%-ით, ჰიპერკორელირებული სცენარი ამ თვეში - ორი დღის განმავლობაში შესაბამისი აქტივების კოტირებები შემცირდა 50%-ით, „საბანკო პანიკა“ FTX-ში, ხოლო მარჟის პოზიციის ზომა გაცილებით დიდი იყო, ვიდრე ჩანდა“, - განაცხადა მან. ფონგმა ბენკმენ-ფრიდს ჰკითხა Binance-ის ხელმძღვანელის მიერ გამოცხადებული შესაძლებლობის შესახებ, რომლის თანახმად შესაძლოა FTT ღია ბაზარზე გაიყიდოს „ცოტა ხნის წინანდელი გამომჟღავნების“ გამო. „ვფიქრობ, სიტუაცია ბევრად სტაბილური იქნებოდა და ჩვენ მეტი შესაძლებლობა გვექნებოდა ლიკვიდურობის მოძიებისთვის. თუმცა სისტემაში მაინც მეტისმეტად დიდი მარჟა იარსებებდა. ვფიქრობ, რაღაც 50/50-ის მსგავსია“ - უპასუხა მან. შეგახსენებთ, რომ Zhao-მ დაუშვა FTX აქტივების ყიდვის შესაძლებლობა და განაცხადა, რომ ზოგიერთი მათგანის გადარჩენა ჯერ კიდევ შესაძლებელია. https://tinyurl.com/bdebz8wd

ელექტრონიკის საერთაშორისო გამოფენა CES 2023-ზე, რომელიც იანვრის დასაწყისში გაიმართება, სხვა სიახლეებთან ერთად მოსალოდნელია მობილური პროცესორების, Intel Raptor Lake-ისა და AMD Ryzen 7000-ის ანონსი, აგრეთვე NVIDIA GeForce RTX 40-სერიისა და AMD Radeon RX 7000S ვიდეო ბარათების წარდგენა. მიუხედავად იმისა, რომ ღონისძიებამდე თვეზე მეტი რჩება, ინტერნეტში უკვე გამოჩნდა პირველი გეიმინგ ლეპტოპების ფოტოები, რომლებიც ამ მაკომპლექტებლებითაა აღჭურვილი. ფოტოს წყარო: AMD ერთ-ერთი პირველი ლეპტოპი, რომელიც შემოგვთავაზებს GeForce RTX 40 სერიის დისკრეტულ გრაფიკას, არის ASUS ROG Zephyrus M16 (GU604V). ახალ ლეპტოპში, დიდი ალბათობით, ასევე წარმოდგენილი იქნება Raptor Lake-H პროცესორები, ვინაიდან Zephyrus M სერიის ლეპტოპები მხოლოდ Intel-ის ჩიპებს იყენებენ. ამ დროისთვის განახლებული მოდელი სერტიფიცირებულია სამხრეთ კორეის მარეგულირებლის მიერ. სამწუხაროდ, ლეპტოპის უფრო ზუსტი მახასიათებლების გაგება შეუძლებელია. მისი კომპონენტების სია ფოტოზე დაფარულია. ფოტოს წყარო: Korea Energy Agency გამოქვეყნებულ ფოტოზე ჩანს, რომ ROG Zephyrus M16 (GU604V) გარეგნულად დიდად არ შეცვლილა ASUS-ის მიერ 2022 წლის დასაწყისში გამოშვებულ Zephyrus M16 ვარიანტთან შედარებით. მხოლოდ განახლებული ვებ-კამერის მოდული იპყრობს თვალს, თუმცა მისი მახასიათებლები ჯერ კიდევ უცნობია. ASUS ROG Zephyrus G14 პროცესორით AMD Ryzen 7000HS. ფოტოს წყარო: Korea Energy Agency 14-დუიმიანი ლეპტოპი ASUS ROG Zephyrus G14 14 სერიული ნომრით GA402N(C), რომლის ფოტოც ასევე გამოჩნდა სამხრეთ კორეის მარეგულირებლის მონაცემთა ბაზაში, შემოგვთავაზებს AMD-ის პლატფორმას. ამ მოდელის გამოქვეყნებული ფოტო დამატებით ინფორმაციას შეიცავს. განახლებული ROG Zephyrus G14-ის ყველა მახასიათებლის დანახვა შეუძლებელია გამოსახულების ხარისხის გამო, მაგრამ გარკვეული დეტალები უკვე ცნობილია. მაშ ასე, აღწერაში მითითებულია პროცესორი Ryzen 7 77XX საბაზისო 3.2 გჰც სიხშირით და BGA სოკეტით. ჩიპის მაქსიმალური სიხშირე მითითებული არ არის. ROG Zephyrus G14 ლეპტოპები, როგორც წესი, აღჭურვილია AMD Ryzen HS სერიის პროცესორებით, რომელთა ნომინალური ენერგომოხმარება 35 ვატია. დიდი ალბათობით, გამონაკლისი ალბათ არც განახლებული მოდელი იქნება. ვინაიდან 2022 წლის ROG Zephyrus G14 მოდელში გამოიყენება Radeon RX 6000S გრაფიკულ ბარათები, თამამად შეგვიძლია ვივარაუდოთ, რომ განახლებული მოდელი მიიღებს Radeon RX 7000S გრაფიკას. https://tinyurl.com/3pncmka5

ნოემბრის პირველ ნახევარში NVIDIA-მ გამოუშვა ვიდეო ბარათი GeForce RTX 4080, თუმცა მან პოპულარობა ვერ მოიპოვა და ფლაგმანურ GeForce RTX 4090-თან შედარებით გაცილებით ცუდად იყიდება. ცხადია, NVIDIA-ს გათვლა ჰქონდა სარეკომენდაციო ფასზე, რომელიც აშშ-ში 1199 აშშ დოლარს შეადგენს, ევროპაში კი - 1469 ევროს (RTX 4080 Founders Edition). მაგრამ ბაზარი ყველაფერს თავის ადგილზე აყენებს და GeForce RTX 4080-ის ყიდვა უკვე შესაძლებელია სარეკომენდაციო ფასზე იაფად. გერმანიაში ვიდეო ბარათი Gainward GeForce RTX 4080 Phantom იყიდება 1449 ევროდ, ცოტა ხნის წინ იგი 1539 ევროდ იყო შემოთავაზებული, აცხადებს PCGamesHardware. ფასების აგრეგატორმა Geizhals.de-მ გააზიარა კიდევ ერთი GeForce RTX 4080, რომელიც სარეკომენდაციო ფასზე ნაკლებად იყიდება - Palit GeForce RTX 4080 GameRock – 1463 ევროდ. ამავდროულად, ბევრი არაეტალონური GeForce RTX 4080 იყიდება სარეკომენდაციოზე ბევრად მაღალ ფასებად. გერმანიაში, მაგალითად, შეგიძლიათ იპოვოთ ბევრი შეთავაზება დაახლოებით 1800 და 2000 ევროდაც კი. კიდევ უფრო გაიაფებული GeForce RTX 4080 გამოჩნდა პოლონურ მაღაზიებში. მაგალითად, ადგილობრივი რითეილერი X-kom მომხმარებლებს სთავაზობს Inno3D GeForce RTX 4080 X3 დაფას 6799 ზლოტად (დაახლოებით 1454 ევრო), ხოლო ამ ქვეყანაში ვიდეო ბარათის სარეკომენდაციო ფასი შეადგენს 7099 ზლოტს (1518 ევრო). ზოგადად, მაინც გასაკვირია, რომ ახალი თაობის ვიდეო ბარათი დებიუტიდან ერთ თვეზე ნაკლები დროის შემდეგ შემოთავაზებულია სარეკომენდაციოზე დაბალ ფასად. ადრე, ასეთი პერიოდის განმავლობაში დეფიციტთან გამკლავებისთვის დროც არ იყო, რომ აღარაფერი ვთქვათ ფასის შემცირებაზე. ასე რომ, GeForce RTX 4080-ის გამოშვებით რაღაც აშკარად არასწორად წარიმართა NVIDIA-სთვის. https://tinyurl.com/3ra836pp

FTX-ის კოლაფსის მიუხედავად ცენტრალიზებული პლატფორმების დომინირება მათ დეცენტრალიზებულ ანალოგებზე გაგრძელდება. ამ დასკვნამდე მივიდნენ JPMorgan-ის ანალიტიკოსები, წერს CoinDesk. დასაბუთებად ექსპერტებმა მიუთითეს DEX-ის ფუნქციონირების მნიშვნელოვან დამოკიდებულებაზე CEX-ზე. მათი აზრით დიდი დრო დასჭირდება, სანამ ფასის განსაზღვრა ცენტრალიზებულიდა დეცეტრალიზებულ ბირჟებზე გადავა. ბანკის სტრატეგებმა აღნიშნეს, რომ ტრანზაქციის დამუშავების დაბალი სიჩქარე, აქტივების გაერთიანების ტექნოლოგია და შეკვეთების თვალთვალის ფუნქციები, სავარაუდოდ, შეზღუდავს ინსტიტუციური მომხმარებლების მონაწილეობას. მათ დაასახელეს stop-ორდერების ნაკლებობა, ბლოკჩეინ-ორაკულების გამოყენება, დაუცველობა ჰაკერების, ექსპლოიტების მიმართ, ზედმეტი გირაოს საჭიროება და ავტომატური ლიკვიდაციის კასკადთან დაკავშირებული სისტემური რისკები, როგორც დამატებითი ბარიერები ფართო პოპულარიზაციისთვის. „DeFi პროტოკოლებში ტრანზაქციების რისკი/შემოსავლების ბალანსი უფრო რთული შესაფასებელია“, - წერენ ექსპერტები. FTX-ის კოლაფსი და მომხმარებელთა შემდგომი გადაადგილება დეცენტრალიზებულ ბირჟებზე ბევრმა განიხილა, როგორც ცენტრალიზებული შუამავლების მიმართ ნდობის დაკარგვა და „დემოკრატიულ ფინანსებზე“ გრძელვადიანი გადასვლის დასაწყისი. ინდექსების ვაჭრობის მოცულობის ბოლოდროინდელი ზრდის აღიარებისას JPMorgan-მა ეჭვქვეშ დააყენა ტენდენციის მდგრადობა. „მიუხედავად იმისა, რომ ბოლო კვირებში შეიმჩნევა DEX-ის წილის გარკვეული მატება მთლიან კრიპტო სავაჭრო აქტივობაში, ეს, სავარაუდოდ, ასახავს ფასების კოლაფსს და ავტომატურ ლიკვიდაციას, რომელიც მოჰყვა FTX-ის კოლაფსს“, - განმარტავენ სტრატეგები. Glassnode-ის თანახმად ნოემბერში Bitcoin-ების ყოველთვიური გადინების ტემპმა ბირჟებიდან ცივ საფულეებში მიაღწია 106 000 BTC-ს. FTX-თა დაკავშირებული მოვლენების ფონზე აპარატული საფულეების მწარმოებლებმა რეკორდული გაყიდვების შესახებ განაცხადეს. https://tinyurl.com/5n6kjfmy

კიდევ ერთი წელი იწურება და ჟურნალმა Time-მა გამოაქვეყნა მოსაზრება ვიდეო თამაშების ტოპ ათეულის შესახებ. ბევრი, ჩვეულებრივ, არ ეთანხმება ასეთ შეფასებებს უმეტესწილად, რადგან ყველას განსხვავებული გემოვნება აქვს. მე-10 ადგილზეა თამაში Teenage Mutant Ninja Turtles: Shredder's Revenge გვერდითი ხედით, პიქსელური ანიმაციით და მულტსერიალი მსახიობების გახმოვანებით. თამაში ხელმისაწვდომია უმეტეს ძირითად პლატფორმებზე, ხოლო Limited Run ამზადებს საკოლექციო გამოცემას მომავალი წლის დასაწყისისთვის. Lego Star Wars: The Skywalker Saga და Resident Evil Village: Shadows of Rose რეიტინგში მე-9 და მე-8 ადგილს იკავებს. Lego და Star Wars პოპულარული ბრენდებია, ხოლო Resident Evil-ისთვის ახლახანს წარდგენილი DLC ამატებს კონტენტს უკვე შესანიშნავ თამაშს. Sifu არის მეშვიდე თამაში საბრძოლო ხელოვნების შესახებ, რომელსაც წინ უძღოდა The Last of Us Part 1. პირველი გამოვიდა თებერვალში PS4-ზე, PS5-სა და Windows-ზე, შემდეგ კი Switch-ზე. The Last of Us არის 2013 წლის ორიგინალი თამაშის რიმეიკი. კატების სიმულატორი Stray მეხუთეა. ამ თამაშში უნდა გამოიყენოთ არსებული უნარები, რათა გადარჩეთ გარემოში, ამოხსნათ თავსატეხები და გამოიცნოთ გამოცანები. Elden Ring მეოთხე ადგილზეა. ერთ თვეზე ნაკლებ დროში გაიყიდა მისი 12 მილიონზე მეტი ეგზემპლარი, ოქტომბრისთვის კი - 17.5 მილიონზე მეტი. მესამე ადგილზეა The Quarry -ინტერაქტიული საშინელებათა დრამა, რომელიც გამოვიდა წლის შუა პერიოდში. Horizon: Forbidden West და God of War: Ragnarok იმყოფებიან შესაბამისად მეორე და პირველ ადგილზე. Horizon Forbidden West-ს ამჟამად აქვს Metacritic-ის 88 ქულა, ხოლო God of War: Ragnarok-ს - 94 ქულა, წერს Techspot. 10. TMNT: Shredder's Revenge 9. Lego Star Wars: The Skywalker Saga 8. Resident Evil Village: Shadows of Rose 7. Sifu 6. The Last of Us Part 1 5. Stray 4. Elden Ring 3. The Quarry 2. Horizon Forbidden West 1. God of War: Ragnarok https://tinyurl.com/2y594r5p

წარმოების პრობლემებისა და Foxconn-ის ჩინეთის ქარხანაში არეულობის ფონზე, რომელიც უშვებს iPhone 14 Pro-სა და Pro Max-ს, აშშ-ში შესაბამისი სმარტფონების მიწოდების დრო 37 დღემდე გაიზარდა, რაც ბევრად აღემატება iPhone 13 Pro-ს შარშანდელი მიწოდების ვადას. უფრო მეტიც, Counterpoint Research-ის თანახმად iPhone 14 Pro-ს პრემიერის დროსაც კი სმარტფონების მიწოდება ბევრად უფრო სწრაფად ხდებოდა. ექსპერტების აზრით iPhone 14 Pro-სა და Pro Max-ის მიწოდების დრო "მნიშვნელოვნად" გაიზარდა ყველა ბაზარზე. Changzhou-ში არსებული ქარხანა, რომლის საწარმოო პროცესი ზარალდება COVID-19-ითა და რეგიონში არსებული შესაბამისი კარანტინით, ასევე მუშების ნაწილის მიერ მოწყობილი არეულობებით, მოიცავს 200 ათას თანამშრომელს. არსებული მონაცემებით ერთ საწარმოში არსებულმა პრობლემებმა შეიძლება ძალიან უარყოფითი გავლენა იქონიოს როგორც Foxconn-ის, ასევე Apple-ის მუშაობაზე. Wedbush Securities-ის ექსპერტების აზრით iPhone-ის წარმოება მიმდინარე კვარტალში შეიძლება შემცირდეს 5%-ით ან თუნდაც 10%-ით, რაც დამოკიდებულია ქარხანაში არსებულ სიტუაციაზე ბოლო კვირებში. ფოტოს წყარო: Counterpoint Research მოსალოდნელია, რომ მხოლოდ ერთ წელიწადში წარმოების შეფერხების გამო Apple-ს ექნება დაახლოებით 6 მილიონი iPhone Pro-სა და Pro Max-ის დანაკლისი. Foxconn-ი ელის, რომ 2023 წლის დასაწყისში გაზრდილი მიწოდებით არსებული პრობლემების კომპენსირებას მოახდენს, მაგრამ არ არის ცნობილი, მოისურვებენ თუ არა მომხმარებლები ახალი სმარტფონების დიდი მოცულობით შეძენას სადღესასწაულო სეზონის დასრულების შემდეგ. მიმდინარე წელს iPhone Pro მოდელებს განსაკუთრებული მნიშვნელობა ენიჭება Apple-ისთვის იმის გამო, რომ დაბალი მოთხოვნაა კლასიკურ iPhone 14 მოდელზე. Counterpoint-მა დაადგინა, რომ Apple-ის სტანდარტული მოდელების მიწოდების დრო მცირეა - სამ დღეზე ნაკლები. დაბალი მოთხოვნის გამო კომპანიას მოუწია შეცვალოს თავისი გეგმები ჩვეულებრივი სმარტფონების წარმოების მხრივ. https://tinyurl.com/3sx5s4mp

აშშ-ის წარმომადგენელთა პალატის წევრმა ტომ ემერმა FOX Business-თან კომენტარში გააკრიტიკა SEC-ის ხელმძღვანელი გერი გენსლერი და FTX-ის ყოფილი აღმასრულებელი დირექტორი სემ ბენკმენ-ფრიდი Bitcoin ბირჟის კრიზისის ფონზე. „FTX-ის კოლაფსი არ არის კრიპტო მარცხი. ეს არის ცენტრალიზებული ფინანსების, გერი გენსლერისა და სემ ბენკმენ-ფრიდის წარუმატებლობა. საქმე დეცენტრალიზაციაშია“, - განმარტა ემერმა. კონგრესმენმა ახსენა ჭორები გენსლერისა და ბენკმენ-ფრიდის საუბრის შესახებ 2022 წლის მარტში FTX-ის სპეციალური მარეგულირებელი მოპყრობის მინიჭების შესაძლებლობის შესახებ. მან ასევე SEC-ის მოვალეობა უწოდა ისეთი წარუმატებელი კრიპტო პროექტების გაკონტროლება, როგორებიცაა Celsius Network, Terra და Voyager Digital. „ჩვენ უნდა ჩავწვდეთ ამ საკითხს და გავიგოთ, რატომ არ შეასრულეს გერი გენსლერმა და SEC-მა თავიანთი სამუშაო. [...] უნდა გავიგოთ, როგორ მივიდა საქმე ხალხის დანაზოგის დაკარგვამდე“ - განაცხადა ემერმა. ივლისში კონგრესმენმა დაადანაშაულა აშშ-ის ფასიანი ქაღალდებისა და ბირჟების კომისია ციფრული აქტივების ინდუსტრიის მიმართ „არაეთიკურ“ ქცევაში. შეგახსენებთ, რომ აგვისტოში მილიარდერმა მარკ კიუბანმა გენსლერი გააკრიტიკა Bitcoin-ბიზნესმენებისა და ინვესტორებისთვის ბუნდოვანი წესების გამო. https://tinyurl.com/2y2zfn4a

გარკვეული დროის წინ ინტერნეტში გაჩნდა ინფორმაცია, რომ NVIDIA აპირებს შეაჩეროს 2060 და RTX 2060 Super გრაფიკული ამაჩქარებლების წარმოება. ITHome რესურსის მიხედვით კომპანია ასევე შეწყვეტს GTX 1660 და GTX 1660 Super-ის წარმოებას - კომპანიას მიაჩნია, რომ მათი ანალოგები RTX 3000 სერიიდან საკმარისი იქნება. დიდი ალბათობით, საუბარია NVIDIA GeForce RTX 3050 და RTX 3060 ვიდეო ბარათებზე, რომლებიც ბოლო თვეებში საგრძნობლად გაიაფდა. დამკვირვებლებისა და ექსპერტების აზრით კომპანიის გადაწყვეტილება საკმაოდ გონივრულად და გამართლებულად გამოიყურება - ვიდეო ბარათების დეფიციტი წარსულს ჩაბარდა და RTX 3000 და RTX 4000 სერიები საკმარისი იქნება სრულფასოვანი გეიმინგ ასორტიმენტის შესაქმნელად საწყის, საშუალო და მაღალი ფასების სეგმენტებში. 3000 სერიის მოდელების უპირატესობებს შორის შეიძლება აღინიშნოს მინიმუმ 8 გბ ვიდეო მეხსიერების მოცულობა უმცროსი მოდელების შემთხვევაში, ასევე უფრო თანამედროვე მიკროარქიტექტურა და თხელი ტექნოპროცესი. RTX 3050 და RTX 3060, დიდი ალბათობით, კიდევ დიდი ხნის განმავლობაში გამოვა - RTX 4050 და RTX 4060 ბარათების გამოსვლის თარიღები უცნობია. ამასთან, ეს ვიდეო ბარათები გაცილებით ძვირადღირებული იქნება წინამორბედებთან შედარებით, ყოველ შემთხვევაში, თუ ვიმსჯელებთ RTX 4080-ის მაგალითზე, რომელზეც NVIDIA-მ დააწესა სარეკომენდაციო ფასი 1199 აშშ დოლარი იმ დროს, როდესაც RTX 3080 დაფის ფასი 699 აშშ დოლარია. https://tinyurl.com/y6sf6f25

კანადურმა რითეილერმა PC-Canada-მ გაასაჯაროვა ცნობები Intel-ის ათი დაგეგმილი პროცესორის შესახებ, რომლებიც გააფართოვებს Raptor Lake-ს სერიას. მათი უმეტესობა არის Core i9, Core i7 და Core i5 მოდელები „K” ინდექსის გარეშე და აქვთ TDP-ის ნომინალური მაჩვენებელი 65 ვატი. თუმცა ჩამონათვალში ასევე ფიგურირებს ფლაგმანური მოდელი Core i9-13900KS. ფოტოს წყარო: Intel სავაჭრო დაწესებულებამ მიუთითა მოსალოდნელი ახალი პროდუქტების ღირებულება. თუ მას აშშ დოლარში გადავიყვანთ, მაშინ ფასები ასე გამოიყურება: Core i9-13900KS: 24 ბირთვი, 32 ნაკადი, 6.0 გჰც — 725$; Core i9-13900: 24 ბირთვი, 32 ნაკადი, 2.0–5.6 გჰც — 615$; Core i9-13900F: 24 ბირთვი, 32 ნაკადი, 2.0–5.6 გჰც — 585$; Core i7-13700: 16 ბირთვი, 24 ნაკადი, 2.1–5.2 გჰც — 415$; Core i7-13700F: 16 ბირთვი, 24 ნაკადი, 2.1–5.2 გჰც — 390$; Core i5-13500: 14 ბირთვი, 20 ნაკადი, 2.5–4.8 გჰც — 258$; Core i5-13400: 10 ბირთვი, 16 ნაკადი, 2.5–4.6 გჰც — 245$; Core i5-13400F: 10 ბირთვი, 16 ნაკადი, 2.5–4.6 გჰც — 218$; Core i3-13100: 4 ბირთვი, 8 ნაკადი, 3.4–4.5 გჰც — 155$; Core i3-13100F: 4 ბირთვი, 8 ნაკადი, 3.4–4.5 გჰც — 125$. ყველა ახალი პროცესორის დებიუტი მომავალი წლის იანვარში უნდა შედგეს. ისინი კონკურენციას გაუწევენ Ryzen 7000 პროცესორებს და, როგორც ჩანს, Intel-ს გარკვეული პერიოდის განმავლობაში მნიშვნელოვანი უპირატესობა ექნება კონკურენტთან შედარებით მოდელების რაოდენობისა და, შესაბამისად, უფრო მოქნილი ფასების წყალობით. ფოტოს წყარო: PC-Canada რაც შეეხება Core i9-13900KS-ს, ეს 24-ბირთვიანი, 32-ნაკადიანი პროცესორი შეძლებს ავტომატურ აჩქარებას მრავალ ბირთვზე 6.0 გჰც-მდე. კანადური საცალო ვაჭრობის მიერ გამოქვეყნებული ფასებიდან გამომდინარე ახალი ჩიპი იქნება დაახლოებით მესამედით უფრო ძვირი იმავე მაღაზიაში შემოთავაზებულ Core i9-13900K მოდელთან შედარებით. Intel Raptor Lake სერიის დანარჩენი პროცესორების ოფიციალური პრემიერა მოსალოდნელია ელექტრონიკის საერთაშორისო გამოფენა CES 2023-ზე იანვრის დასაწყისში. მათი დებიუტი შედგება Intel B760 ჩიპსეტზე დამყარებულ დედა დაფებთან ერთად. ძველი მოდელების მსგავსად ისინი ასევე თავსებადია Alder Lake პროცესორებისთვის განკუთვნილ Intel 600 სერიის დედა დაფებთან. https://tinyurl.com/5zhawct4

კრიპტო ბირჟა Binance-მა თავის ბლოგზე გამოაცხადა, რომ 1 მლრდ აშშ დოლარი ჩადო კრიპტოვალუტეის ინდუსტრიის აღდგენის ფონდში, რომლის თანხები გამოყენებული იქნება ბაზრის იმ მონაწილეების მხარდასაჭერად, რომლებიც სირთულეებს აწყდებიან კრიპტო ბირჟა FTX-ის დაშლის შემდეგ. ბირჟამ აღნიშნა, რომ ეს თანხა მომავალში შეიძლება გაიზარდოს 2 მილიარდამდე, „თუ საჭირო გახდება“. ამ ინიციატივას შეუერთდა რამდენიმე კრიპტო საინვესტიციო კომპანია, მათ შორის Jump Crypto, Polygon Ventures და Animoca Brands, რომლებმაც საერთო ჯამში 50 მლნ აშშ დოლარი გამოყვეს. Binance-ის გეენრალურმა დირექტორმა Changpeng Zhao-მ მომხმარებლებს გაუზიარა საჯარო საფულის მისამართი 1 მლრდ აშშ დოლარის ბალანსით Binance-ის საკუთარ BUSD stablecoin-ში. ”ჩვენ ამას ვაკეთებთ გამჭვირვალედ,” - თქვა მან. Changpeng Zhao-მ ერთ კვირაზე მეტი ხნის წინ დადო პირობა, რომ შექმნიდა ფონდი კრიპტოვალუტის ინდუსტრიის აღსადგენად - მას შემდეგ, რაც FTX-ის გაკოტრების შემდგომ პანიკის ტალღაში Binance-ის მომხმარებლებმა 6 დღეში კრიპტო ანგარიშებიდან 2.6 მლრდ აშშ დოლარზე მეტი გაიტანეს. Binance-მა განაცხადა, რომ ეს პროგრამა გაგრძელდება დაახლოებით ექვსი თვის განმავლობაში. ინვესტორების განაცხადები დამატებითი სახსრების შესატანად მხოლოდ მისასალმებელია. კრიპტო ბირჟამ აღნიშნა, რომ ფონდის მხარდასაჭერად 150-მდე კომპანიამ უკვე მიმართა. https://tinyurl.com/3wv9wm3u

Microsoft და Sony არ გეგმავენ შემდეგი თაობის კონსოლების გამოშვებას მინიმუმ 2028 წლამდე. ამის შესახებ იტყობინება რესურსი Video Games Chronicle ორივე კომპანიის მიერ გაერთიანებული სამეფოს კონკურენციისა და ბაზრის ორგანოსთვის (CMA) მიწოდებული დოკუმენტების საფუძველზე, რომელიც იძიებს Microsoft-ის მიერ ვიდეო თამაშების დეველოპერ Activision Blizzard-ის შეძენას. ფოტოს წყარო: Video Games Chronicle CMA-მ გამოთქვა შეშფოთება იმის შესახებ, თუ როგორ იმოქმედებს მომავალი გარიგება PlayStation-ის კონკურენტუნარიანობაზე იმის გათვალისწინებით, რომ Blizzard-ის შერწყმა Microsoft-ს მიანიჭებს Call of Duty თამაშების სერიის მფლობელობას. ”ეს გავლენა სავარაუდოდ საგრძნობი იქნება განსაკუთრებით შემდეგი თაობის კონსოლების გამოშვებისას, როდესაც მოთამაშეები მიიღებენ გადაწყვეტილებას შემდეგი კონსოლის ყიდვასთან დაკავშირებით,” - განაცხადა მარეგულირებელმა. CMA-ს შეშფოთების შესამსუბუქებლად Microsoft-მა განაცხადა, რომ კონსოლების შემდეგი თაობის გამოშვებამდე მრავალი წელი გავა და რომ პრეტენზიები გარიგების გავლენის შესახებ საბაზრო კონკურენციაზე ძალიან საკამათოა. მიუხედავად იმისა, რომ არ გამორიცხავს შესაძლებლობას, რომ გეიმერებმა ვენდორები შეიცვალონ შემდეგი თაობის კონსოლის ყიდვისას, Microsoft-მა განმარტა, რომ „ეს მოვლენა [კონსოლის ახალი გამოშვება] ხდება დაახლოებით ყოველ რვა წელიწადში ერთხელ“. იმის გათვალისწინებით, რომ Sony-მ და Microsoft-მა თავიანთი ამჟამინდელი თაობის კონსოლები, PlayStation 5 და Xbox Series X/S 2020 წლის ნოემბერში გამოუშვეს, შემდეგი თაობის Xbox (თუ Microsoft არ ცრუობს) გამოვა 2028 წელს. "კონსოლის შემდეგი თაობის გამოშვება არ არის მოსალოდნელი 2028 წლის შემოდგომამდე," დაადასტურა Microsoft-მა. Sony ამტკიცებს, რომ არსებობს ძალიან რეალური საფრთხე იმისა, რომ Call of Duty ექსკლუზიური იქნება Xbox-ისთვის, მაშინ როცა Microsoft აცხადებს, რომ მას ამის მცირე ბიზნეს სტიმული აქვს. გაერთიანებული სამეფოს მარეგულირებლის განცხადებაში Sony-მ გამოაცხადა Microsoft-ის წინადადება, რომ Call of Duty ხელმისაწვდომი იყოს PlayStation პლატფორმაზე მხოლოდ 2027 წლამდე, რამაც შეიძლება გავლენა იქონიოს შემდეგი თაობის კონსოლის პოპულარობაზე, რომელიც დაახლოებით ამ დროს გამოვა. იაპონური კომპანიის თქმით, Call of Duty-სა და სხვა Activision თამაშებზე წვდომის დაკარგვამ შეიძლება დააზარალოს PlayStation-ის ახალი ვერსიის კონკურენტუნარიანობა. აღინიშნება, რომ Microsoft-მა CMA-სთვის განკუთვნილ დოკუმენტში გამოაცხადა Sony-ს მიერ შემოთავაზებული ათწლიანი კონტრაქტის შესახებ Call of Duty-ისთან დაკავშირებით. https://tinyurl.com/3dkafk5p

Twitter-ის ახალმა მფლობელმა და ხელმძღვანელმა ილონ მასკმა დაუშვა, რომ იძულებული იქნება შექმნას და გამოუშვას საკუთარი სმარტფონი, თუ Apple და Google გადაწყვეტენ სოციალური ქსელის აპლიკაციის ამოღებას App Store-დან და Play Store-დან, შესაბამისად. ეს განცხადება ბიზნესმემა თავის Twitter-ის ანგარიშზე გააკეთა ჟურნალისტ Liz Wheeler-ის პუბლიკაციის შემდეგ - მან განაცხადა, რომ ადამიანს, რომელიც „მარსისთვის რაკეტებს აწყობს“, App Store-დან და Google Play-დან Twitter-ის ამოღების შემთხვევაში, არ გაუჭირდება საკუთარი სმარტფონის გამოშვება. ამასთან, მისი აზრით, „ნახევარი ქვეყანა სიხარულით იტყვის უარს ჯაშუშობისკენ მიდრეკილ iPhone-ებსა და Android-ებზე“. ფოტოს წყარო: twitter.com/elonmusk მასკმა არ გამორიცხა ასეთი ვარიანტი, თუმცა ის უკიდურეს ზომად მიიჩნია. „იმედი მაქვს, რა თქმა უნდა, საქმე აქამდე არ მივა, მაგრამ დიახ, თუ სხვა არჩევანი არ იქნება, ალტერნატიულ ტელეფონს შევქმნი“ - დაწერა Twitter-ის ხელმძღვანელმა. მას შემდეგ, რაც ოქტომბრის ბოლოს Twitter-ის ერთადერთი მფლობელი გახდა და სოციალურ ქსელს სათავეში ჩაუდგა, ილონ მასკმა მნიშვნელოვნად შეამცირა თანამშრომლების რაოდენობა - შემცირება შეეხო როგორც მენეჯერებს, ასევე ჩვეულებრივ მომუშავეებს. საქმე ბრიუსელში კომპანიის ოფისის დახურვამდეც კი მოვიდა და რეკლამის განმთავსებლებმა დაიწყეს უარის თქმა პლატფორმასთან თანამშრომლობაზე. ითვლება, რომ კონტენტის მოდერაციის პოლიტიკის შეცვლა გამოიწვევს კონფლიქტს Google-თან და Apple-თან - აპლიკაციების მაღაზიის მფლობელებმა შეიძლება ჩათვალონ, რომ Twitter და მისი მომხმარებელები არღვევენ მათ წესებს. https://tinyurl.com/2ma4xmrt

Ethereum-ის გუნდმა აამოქმედა devnet -ი სადეპოზიტო კონტრაქტიდან ვალიდატორების მიერ თანხის გამოტანის ტესტირების მიზნით. ამის შესახებ განაცხადა მომხმარებელ Geth-ის დეველოპერმა მარიუს ვან დერ ვეიდენმა. The Block-თან საუბრისას ვან დერ ვეიდენმა აღნიშნა, რომ devnet-ის ამოქმედება საშუალებას იძლევა ბლოკჩეინი მომზადდეს თანხის გამოტანის ფუნქციის დანერგვისთვის. მისი ინტეგრირება დაგეგმილია 2023 წლისთვის განახლება Shanghai-ს ფარგლებში. „ეს არის პირველი devnet, რომელიც აქტივების გატანის საშუალებას იძლევა ყველა იმპლემენტაციაზე და ეს არის დიდი წინგადადგმული ნაბიჯი. იგი ასევე დაეხმარება სხვა მომხმარებლების დეველოპერებს - გამოცადონ მისი დანერგვა ქსელში გაწევრიანების გზით,” - განაცხადა მან. ვან დერ ვეიდენის თქმით Geth-ის გუნდის გარდა ტესტირებას შეუერთდნენ Lodestar-ის, Teku-ს, Lighthouse-ის, Nethermind-ისა და Prysm-ის დეველოპერები. 24 ნოემბერს OP Labs-ის ხელმძღვანელმა ლიამ ჰორნმა ასევე განაცხადა, რომ Ethereum-ის ძირითადი განვითარების ჯგუფი განიხილავს EIP-4844 წინადადების ბლოკჩეინში ინტეგრირების შესაძლებლობას. „EIP-4844 დაუმატებს Ethereum-ს მოკლევადიანი მონაცემებისთვის განკუთვნილ ახალ მოსაკრებელ ბაზარს (fee market). Rollup-ები გამოიყენებენ მას მონაცემთა ხელმისაწვდომობის უზრუნველსაყოფად ჩვეულებრივი გაზის მიღების ნაცვლად, ”- დაწერა მან. ჰორნის თქმით წინადადების იმპლემეტაცია ტრანზაქციის საკომისიოებს „დაახლოებით 100-ჯერ“ შეამცირებს. მან ასევე ხაზგასმით აღნიშნა, რომ დეველოპერების ინიციატივა არ ნიშნავს იმას, რომ გაუმჯობესება შევა განახლება Shanghai-ში. შეგახსენებთ, რომ 2022 წლის ნოემბერში ვიტალიკ ბუტერინმა გამოაქვეყნა განახლებული სამოქმედო გეგმა Ethereum-ის განვითარების შესახებ. პროექტის გუნდი აპირებს გადაჭრას "MEV პრობლემები" და სრულად განახორციელოს zk-SNARK ტექნოლოგიის ინტეგრაცია ბლოკჩეინში. https://tinyurl.com/46m2rhm9

Wccftech-ისა და Chi11eddog-ის მონაცემებით გაყიდვების დაწყების პირველ კვირაში გაიყიდა RTX 4090 ვიდეო ბარათის 130 ათასი ერთეული, RTX 4080 კი - 30 ათასი ერთეული. საინფორმაციო მედიის თვალში RTX 4090-ის კომერციული წარმატება გარდაუვალია, რადგან მისი კონკურენტები არ არსებობენ და ბევრი მომხმარებელი მზადაა გადაიხადოს 1000 აშშ დოლარზე მეტი ვიდეო ბარათში. მომხმარებლების რეალური მოთხოვნები ასევე დემონსტრირებს ამ ფაქტს: RTX 4090 ამ პლატფორმაზე გაიყიდა 3.4-ჯერ მეტი, ვიდრე RTX 4080. ცხადია, რომ NVIDIA-ს მცდელობამ - გამოეშვა კიდევ ერთი ვიდეო ბარათი 1000 აშშ დოლარზე მაღალი ღირებულებით - არ გაამართლა. Tom's Hardware-მა აღმოაჩინა, რომ eBay US დღეში საშუალოდ ყიდის მხოლოდ 8 RTX 4080 გრაფიკულ ბარათს, ხოლო 4080 30%-ით აღემატება საცალო ფასს eBay-ზე და აშკარად არ არის ისეთი მიმზიდველი, როგორც RTX 4090. მიუხედავად იმისა, რომ გამოშვებიდან პირველ კვირაში RTX 4090 ვიდეო ბარათის საშუალო ფასი eBay-ზე საცალო ფასს 54%-ით აღემატებოდა, გაყიდვებმა დღეში 64 ერთეულს მიაღწია. 4090-ზე შესაძლოა ფასი შემცირდეს: როგორც ითქმის, "არსებობს სივრცე უკან დახევისთვის". თანაც AMD აპირებს ახალი RX 7000 სერიის გაყიდვების დაწყებას სამ კვირაში. ორივე სამომავლო ვიდეო ბარათი (RX 7900 XTX და RX 7900 TX) 1000 აშშ დოლარზე ნაკლები ეღირება. https://tinyurl.com/yc8cpujw

2019 წლის შემოდგომაზე ელექტრო პიკაპის წარდგენის შემდეგ Tesla-მ არაერთხელ გადადო Cybertruck-ის მასობრივი წარმოების დაწყება, მაგრამ ახლა ილონ მასკი აცხადებს, რომ გაყიდვები 2023 წლის შუა რიცხვებისთვის დაიწყება. ოფიციალური სტატისტიკა გვიჩვენებდა, რომ მხოლოდ პირველ კვირაში Cybertruck-ზე კომპანიამ მიიღო 250 000 წინასწარი შეკვეთა, თუმცა ახლა არაოფიციალური მონაცემები ამ რიცხვის ექვსჯერ გაზრდის შესახებ იუწყება. კომპანიამ დიდი შემოსავალი მიიღო წინასწარი შეკვეთებით. ფოტოს წყარო: Tesla Tesla Cybertruck-ის მიწოდებაზე წინასწარი შეკვეთების რაოდენობის აღრიცხვის სამუშაოები ჩაატარეს პროფილური საზოგადოების დამოუკიდებელმა ენთუზიასტებმა. ამჟამად რესურსი Electrek ამ წყაროზე დაყრდნობით იუწყება, რომ წლის განმავლობაში შეკვეთების რაოდენობა მილიონიდან მილიონნახევრამდე გაიზარდა. ერთადერთი პლატფორმა, სადაც Cybertruck-ის აწყობა მოხდება უახლოეს წლებში, იქნება Tesla-ს ქარხანა ტეხასში. მისი საწარმოო სიმძლავრე Y კროსოვერების წარმოებისთვის გარკვეულ მომავალში საკმარისი იქნება, რომ წელიწადში 250 000 მანქანა გამოვიდეს. ძნელია იმის პროგნოზირება, თუ რამდენად მალე გაიზრდება Cybertruck პიკაპების წარმოების მოცულობა მსგავს დონემდე. გარდა ამისა, ამავე საწარმოში იწარმოება მეორე თაობის Roadster, რობოტიზებული ტაქსი, ასევე ადამიანისმაგვარი რობოტი Optimus. სხვა სიტყვებით რომ ვთქვათ, რთულია პროგნოზირება, რამდენი წელი დასჭირდება Tesla-ს Cybertruck-ზე პოტენციური მოთხოვნის დაკმაყოფილებისთვის, თუნდაც მხოლოდ იმ შემთხვევაში, რომ რამდენიმე ასეული ათასი გადაიზარდოს რეალურ გარიგებად მილიონნახევარი წინასწარი შეკვეთიდან. ამ დროისთვის 100 აშშ დოლარის ოდენობის დაბრუნებადი დეპოზიტი საკმარისია წინასწარი შეკვეთის განსათავსებლად, ასე რომ არ დადგება სერიოზული შედეგები იმ მომხმარებლისთვის, რომელიც განაცხადს გააუქმებს. მეორე მხრივ, წინასწარი შეკვეთის ეტაპმა Tesla-ს საშუალება მისცა მოეპოვებინა 150 მლნ აშშ დოლარი, რაც საკმაოდ სერიოზული თანხაა საბრუნავი კაპიტალის შესავსებად, რომლის ნაწილი შეიძლება დაიხარჯოს Cybertruck-ის მასიური წარმოებისთვის მომზადებაზე. 2019 წელს გამოცხადდა, რომ პიკაპის საწყისი ფასი 40 ათასი აშშ დოლარი იქნებოდა, მაგრამ ამჟამად ცხადია, რომ რეალურად Cybertruck გაცილებით ძვირი იქნება. წარმოების დაწყებისას ნებისმიერი კომპანია დაინტერესებულია უფრო ძვირადღირებული მოდიფიკაციების გამოშვებით, რათა სწრაფად დაფაროს დანახარჯები. Tesla Cybertruck-ის ყველაზე რეალური საწყისი ფასი, თუ გაყიდვები მომავალ წელს დაიწყება, არის მინიმუმ 50 ათასი აშშ დოლარი. კომპანია შეეცდება შეინარჩუნოს 80 ათას აშშ დოლარამდე დიაპაზონი აშშ-ის ბაზარზე პიკაპის ერთი მოდიფიკაციით, რათა მომხმარებლებმა მოითხოვონ 7500 აშშ დოლარის გადასახადის გამოქვითვა სახელმწიფოსგან. https://tinyurl.com/4thmea42

კრიპტო ბირჟა Binance-ის ხელმძღვანელმა Changpeng Zhao-მ დაუშვა FTX-ის აქტივების ყიდვის შესაძლებლობა. Bloomberg-თან ინტერვიუში მან განაცხადა, რომ ზოგიერთი მათგანის გადარჩენა ჯერ კიდევ შესაძლებელია. Zhao-ს თქმით, Binance-მა უარი თქვა FTX-ის ყიდვაზე, რადგან მას არ ჰქონდა სრული წვდომა პრობლემური კონკურენტის ანგარიშზე, მათ შორის მის პლატფორმაზე ვაჭრობის ისტორიაზე. მან აღნიშნა, რომ ბირჟა კომპანიის აქტივებს იკვლევს, რადგან გადახდისუუნარობის შუამდგომლობის შეტანასთან დაკავშირებით მეტი ინფორმაცია გაჩნდა. „მათ ინვესტიცია განახორციელეს სხვადასხვა პროექტში. ზოგი მათგანი კარგია, ზოგიც ცუდი. მაგრამ ვფიქრობ, არის გარკვეული აქტივები, რომელთა გადარჩენაც შესაძლებელია და რომლებიც იწვევს ინტერესს“, - განმარტა მან. ამავდროულად Zhao-მ განაცხადა, რომ ბირჟა შექმნის 1 მლრდ აშშ დოლარის ფონდს სექტორში პრობლემური კომპანიების შესაძენად. მან აღნიშნა, რომ ფონდის ფარგლები შეიძლება გაფართოვდეს, თუ მითითებული თანხა "არ იქნება საკმარისი". ადრე Binance-მა დააანონსა ფონდი, რომლის მიზანია კრიპტო ინდუსტრიის აღდგენა. Zhao-ს თქმით კომპანიამ უკვე გამართა მოლაპარაკებები ბაზრის არაერთ მონაწილესთან. მან ხაზგასმით აღნიშნა, რომ ბირჟის პარტნიორები ამ ინიციატივაში „წვლილს შეიტანენ საკუთარი შეხედულებისამებრ“. Zhao-მ დაადასტურა, რომ ამერიკული ფილიალი, Binance US, წარადგენს ახალ წინადადებას აუქციონში მონაწილეობის მისაღებად გაკოტრებულ კრედიტორ Voyager Digital-ის აქტივების გაყიდვის მიზნით. მან ასევე განაცხადა, რომ Genesis-ის პოტენციური გაკოტრება გავლენას მოახდენს "ზოგიერთ დიდ ინსტიტუციონალურ მოთამაშეზე" და აღნიშნა, რომ კრიპტო ინდუსტრია არ ჩამოიშლება პლატფორმის პრობლემების გამო. შეგახსენებთ, Wall Street Journal-ის ჟურნალისტებმა განაცხადეს, რომ Binance არ განახორციელებს ინვესტირებას Genesis Trading-ში 1 მლრდ აშშ დოლარის გადაუდებელი დაფინანსების ძიების ფონზე. https://tinyurl.com/ynbsbfnt

ახალი ფლაგმანური გრაფიკული ამაჩქარებლების - AMD Radeon RX 7900 XTX და RX 7900 XT-ს ანონსმა ჰაერში დატოვა რამდენიმე კითხვა - იმავე დღეს AMD-ის პარტნიორებს შორის მხოლოდ ASUS-მა დააანონსა არარეფერენსული ვერსიების გამოშვება. ამ ვითარებამ განაპირობა აზრი, რომ არარეფერენსული“ მოდელების გამოსვლა შესაძლოა შეფერხებულიყო რამდენიმე კვირით ან 2-3 თვით მაინც. შეშფოთება უსაფუძვლო აღმოჩნდა - ASUS-ის გარდა PowerColor-მა და Sapphire-მა განაცხადეს თავიანთი გეგმების შესახებ - გამოუშვან ახალი გრაფიკული ამაჩქარებლების საკუთარი ვერსიები. ცნობილი გახდა, რომ AMD-ის პარტნიორების მოდიფიკაციები 13 დეკემბერს გამოვა - როგორც ეტალონური, ისე ინსაიდერული მოდელები. შეფერხების შესახებ გაჟღერებული ცნობები, პირველ რიგში, გამოწვეული იყო ინფორმაციის ნაკლებობით - ჯერჯერობით არც ერთ ხსენებულ კომპანიას არ გამოუქვეყნებია სამომავლო ვიდეო ბარათების სრული ტექნიკური მახასიათებლები და ყოვლისმომცველი ფოტოები. RX 7000-ის გამოშვებისთვის მზადება მიმდინარეობს ბევრად საიდუმლოდ, ვიდრე ხდებოდა RTX 4000-ის შემთხვევაში, რომლის გაყიდვების დაწყებამდე რამდენიმე კვირით ადრე ინტერნეტში უკვე განთავსებული იყო ვიდეო დაფის როგორც ფოტოები, ისე საწარმოო ხაზები. როგორც თემატური რესურსები ვარაუდობენ, AMD-მ შესაძლოა ვენდორებს სთხოვა არ წარადგინონ არარეფერენსული მოდელები ვადაზე ადრე - შესაძლოა ანონსების მთელი სერია 13 დეკემბრის სიახლოვეს ვიხილოთ. https://tinyurl.com/ymjnb4hk

ანალიტიკურ სააგენტო Jon Peddie Research-ის (JPR) წყალობით ცნობილი გახდა, რომ მესამე კვარტალში ყველა ტიპის გრაფიკული პროცესორის მიწოდება 25%-ით შემცირდა. სააგენტომ ასევე გააზიარა ცნობები, როგორ შეიცვალა დისკრეტული ვიდეო ბარათების ბაზარი ხსენებულ პერიოდში. მოკლედ რომ ვთქვათ, იგი კიდევ უფრო შემცირდა, AMD-მ კი სერიოზული წილი დაუთმო NVIDIA-ს ამ მიმართულებით. ფოტოს წყარო: WCCFTech დისკრეტული გრაფიკის ბაზარი ძალიან შემცირდა. 2022 წლის მესამე კვარტალში ვიდეო ბარათების მიწოდების მოცულობამ შეადგინა მხოლოდ 14 მილიონი ერთეული, რაც 41.6%-იან კლებას წარმოადგენს გასული წლის ამავე პერიოდთან შედარებით - იმ დროს მიწოდების მოცულობა 24 მილიონ ვიდეო ბარათს შეადგენდა. ერთი კვარტალით ადრე კი ბაზარზე მდგომარეობა ბევრად უკეთესი იყო - 2022 წლის მეორე კვარტალში 19 მილიონი დისკრეტული ვიდეო ბარათი იქნა მიწოდებული. მობილური და დესკტოპ ვიდეო ბარათების მიწოდება თანაბრად გაიყო - თითოეულ სეგმენტში 7 მილიონი ბარათი იქნა მიწოდებული. ადრე დესკტოპ ვიდეო ბარათები დომინირებდა: ერთი კვარტალით ადრე მოხდა 10 მილიონი დესკტოპ ბარათის და 8.6 მილიონი მობილური ვიდეო ბარათის მიწოდება; მიმდინარე წლის მესამე კვარტალში განხორციელდა 13 მილიონი დესკტოპ ვიდეო ბარათის და 11.6 მილიონი მობილური დისკრეტული ვიდეო ბარათის მიწოდება. ამავდროულად NVIDIA-მ მოახერხა სერიოზულად გაეზარდა წილი დისკრეტული გრაფიკის ბაზარზე - მისმა წილმა მესამე კვარტალში 88% შეადგინა, რაც წინა კვარტალზე 8 პროცენტული პუნქტით მეტია. შედეგად AMD-ს დარჩა დისკრეტული გრაფიკის ბაზრის მხოლოდ 8%, მეორე კვარტალში მისი წილი 15% იყო. ხოლო დარჩენილი 4% დაიკავა Intel-მა. დესკტოპ სეგმენტში AMD შედარებით უკეთესადაა - იგი 10%-იან წილს იკავებს. ბაზრის დარჩენილი ცხრა მეათედი განაწილდა NVIDIA-ს შორის 86%-იანი წილით, Intel-ის წილი ამ შემთხვევაშიც 4%-ია. რაც შეეხება მობილურ სეგმენტს, აქ NVIDIA-ს დომინირება კიდევ უფრო ძლიერია - კომპანია ფლობს ბაზრის 90%-ს, ხოლო Intel და AMD თანაბრად ინაწილებენ დარჩენილ 10%-ს. ინტეგრირებული, მობილური და დესკტოპ გრაფიკული პროცესორების ჯამური მიწოდების მოცულობა სწრაფად მცირდება 2021 წლის მეორე კვარტლიდან. მაშინ მკვეთრი ვარდნა მოხდა მესამე კვარტალში, შემდეგ 2022 წელი სტაბილური იყო წლის პირველ მეოთხედში, შემდეგ კი კვლავ აქტიური კლება დაიწყო. ეს ვითარება აშკარად გამოწვეულია მსოფლიოში არსებული ეკონომიკური და გეოპოლიტიკური არასტაბილურობით. ანალიტიკოსები ელიან, რომ მომავალ წელს გრაფიკული პროცესორების გაყიდვები კიდევ უფრო დაეცემა. 2024 წელი იქნება სტაბილურად დაბალი, აღდგენა კი დაიწყება 2025 წლიდან, თუმცა ზრდა უმნიშვნელო იქნება. პერსონალური კომპიუტერების ბაზარზე რთული ვითარებაა: პანდემიის დროს კომპიუტერებზე მოთხოვნა გაიზარდა და ახლა მათი საჭიროება მნიშვნელოვნადაა შემცირებული. გრაფიკული პროცესორების ბაზარზე უშუალო გავლენა იქონია მაინინგმა და უზრუნველყო დისკრეტული გრაფიკის მაღალი გაყიდვა. ამჟამად ბაზარი გადავსებულია მაინერების იაფი, მეორადი ვიდეო ბარათებით, მაღაზიებში საკმარისზე მეტია ახალი ვიდეო ბარათები, თუმცა ზოგიერთის ფასი მეტისმეტად მაღალია. https://tinyurl.com/4vwdwdwn

ორი წამყვანი Stablecoin-ის - USDT-ისა და USDC-ის ჯამური კაპიტალიზაცია Bitcoin-ის კაპიტალიზაციას გადააჭარბებს. ეს პროგნოზი გააკეთა ოქროს მხარდამჭერმა და პირველი კრიპტოვალუტის კრიტიკოსმა პიტერ შიფმა. „აშშ დოლარით მხარდაჭერილი ორი უმსხვილესი Stablecoin-ის ღირებულება ბაზრის 14%-ს შეადგენს. ეს არის სიდიდით მეორე კრიპტოვალუტის, Ethereum-ის ღირებულების 80%“ - განაცხადა Euro Pacific-ის პრეზიდენტმა. მისი აზრით მალე USDT-ისა და USDC-ის კაპიტალიზაცია Bitcoin-ისას გადააჭარბებს. CoinGecko-ს მონაცემებით ციფრული ოქროს კაპიტალიზაცია წერის მომენტისთვის 317.2 მლრდ აშშ დოლარია, ორი Stablecoin-ის ერთობლივი ღირებულება 109.7 მლრდ აშშ დოლარს აღწევს. წყარო: CoinGecko. შიფმა ყურადღება გაამახვილა კრიპტოვალუტების მიწოდების ზრდასა და მათზე მოთხოვნის ვარდნაზე. მისი გათვლებით, გასული წლის განმავლობაში პირველი მაჩვენებელი "დაახლოებით 50%-ით" გაიზარდა. „მაგრამ იმავე პერიოდში ჯამური საბაზრო კაპიტალიზაცია შემცირდა დაახლოებით 73%-ით. Bitcoin-მანია დასრულდა. იყიდეთ ოქრო, ”- განაცხადა შიფმა. Euro Pacific-ის პრეზიდენტმა ასევე ისაუბრა FTX-ის კოლაფსზე და სახელისუფლებო ზედამხედველობაზე. მან ვერ დაინახა მეტი რეგულაციის საჭიროება და ფედერალურ სარეზერვო სისტემას მოუწოდა "შეწყვიტოს სახლმწიფო სტიმულირება, სუბსიდიები, გარანტიები და გადარჩენის ოპერაციები". „ეს შეტყობინება შთაგონებული იყო მათ მიერ, ვინც ითხოვს მეტ სამთავრობო რეგულირებას SBF-ისა და FTX-ის თაღლითობის შესახებ. თავისუფალი ბაზრის კაპიტალიზმის სილამაზე ის არის, რომ იგი თვითრეგულირებადია. რეპუტაციისთვის კონკურენცია და მოგება-ზარალი საუკეთესო მარეგულირებელია“, - განაცხადა შიფმა. შეგახსენებთ, რომ მაისის დასაწყისში შიფმა Bitcoin-ის 10 ათას აშშ დოლარამდე ვარდნა დაუშვა 30 აშშ დოლარიანი დონის მკვეთრი გარღვევის შემთხვევაში. აგვისტოში მან გაიმეორა თავისი პროგნოზი და განაცხადა, რომ ეჭვი ეპარებოდა პირველი კრიპტოვალუტის ფასის ახალ სიმაღლეებზე მიღწევაში. https://tinyurl.com/yck49zzk

კომპანია AMD-მ თავის ოფიციალურ ონლაინ მაღაზიაში ფასები შეამცირა Zen 4 არქიტექტურაზე დამყარებულ უახლეს დესკტოპ Ryzen 7000 პროცესორებზე. რამდენიმე დღით ადრე უმსხვილესმა ევროპულმა და ამერიკულმა საცალო რითეილერებმა გამოაცხადეს ჩიპების მნიშვნელოვანი ფასდაკლებით გაყიდვის შესახებ. იმ დროს მიიჩნეოდა, რომ შავი პარასკევის აქციების ფარგლებში ფასების შემცირებაზე იყო საუბარი. როგორც ჩანს, ახლა ჩიპების ფასები პერმანენტულად შემცირდა თავად AMD-ს მიერ. ფოტოს წყარო: VideoCardz ყველაზე მეტად გაიაფდა ფლაგმანური 16-ბირთვიანი მოდელი Ryzen 9 7950X. ამჟამად იგი AMD-ს მიერ შემოთავაზებულია 574 აშშ დოლარად, რაც 125 აშშ დოლარით იაფია საწყის ფასთან (699$) შედარებით. ეს გახლავთ ძალიან მნიშვნელოვანი ფასდაკლება პროცესორზე, რომელიც გაყიდვაში ორ თვეზე ნაკლებია, რაც გამოვიდა. ფოტოს წყარო: AMD მწარმოებელი კომპანიები, როგორც წესი, არ ამცირებენ ფასებს ახალ პროდუქტებზე მათი გამოშვებიდან ასე მალე. როგორც ჩანს, AMD ახალ პროცესორებთან დაკავშირებით მოსალოდნელზე დაბალი მოთხოვნის წინაშე დგას. ეს ალბათ აიხსნება მათი მუშაობისთვის საჭირო, ახალი Socket AM5-ის მქონე დედა დაფების ზედმეტად მაღალი ღირებულებით. პორტალ VideoCardz-ის მონაცემებით AMD-ს ახალ ჩიპებში დეფიციტი არ შეინიშნება. Ryzen 7000 სერიის ოთხივე პროცესორი დიდი რაოდენობითაა ხელმისაწვდომი ყველა მაღაზიაში. როგორც ჩანს, AMD ცდილობს გაზარდოს ინტერესი ახალი პროდუქტების მიმართ მანამ, სანამ Intel გამოუშვებს Raptor Lake მოდელებს დაბლოკილი მულტიპლიკატორით (დასახელებაში "K" სუფიქსის გარეშე). https://tinyurl.com/3zkysa37

უკვე დიდი ხანია ვრცელდება ცნობები Samsung Electronics-ის გეგმის შესახებ - მიაღწიოს ტექნოლოგიურ რევანშს 3-ნანომეტრიან ტექნოპროცესზე გადასვლისას. ამჟამად გამომცემლობა The Korea Economic Daily აცხადებს, რომ მეორე თაობის 3-ნანომეტრიანი ჩიპების წარმოებისთვის მზადება მიმდინარეობს მინიმუმ ხუთ დამკვეთთან, რომელთა შორისაა NVIDIA, Qualcomm, IBM და Baidu. პროფილური პროდუქციის მასობრივი მიწოდება 2024 წელს დაიწყება. ფოტოს წყარო: Samsung Electronics NVIDIA-სთვის კორეული კომპანია სავარაუდოდ დაამზადებს 3-ნანომეტრიან გრაფიკულ პროცესორებს. ცნობილია, რომ Samsung NVIDIA-სთვის უშვებს 8-ნანომეტრიანი გრაფიკული პროცესორების Ampere სერიას, მაგრამ ამ სერიის შთამომავალი თაობა Ada Lovelace გადავიდა კონკურენტ TSMC-ის 4-ნანომეტრიან ტექნოპროცესზე. კორპორაცია IBM აპირებს Samsung-ს ანდოს სასერვერო დანიშნულების ცენტრალური პროცესორების გამოშვება 3-ნანომეტრიანი ტექნოლოგიით, Qualcomm ტრადიციულად ყურადღებას გაამახვილებს შეკვეთებზე მობილური პროცესორების სეგმენტში, ხოლო ჩინური გიგანტი Baidu დაინტერესებულია ქლაუდ კლასის ხელოვნური ინტელექტის სისტემების ამაჩქარებლების წარმოებით 3-ნანომეტრიანი ტექნოლოგიის გამოყენებით. როგორც ცნობილია, 3-ნანომეტრიანი ტექნოლოგიის ფარგლებში Samsung ელის TSMC-ისა და Intel-ის სახით კონკურენტების უკან ჩამოტოვებას, ამასთან გარემომცველი ტრანზისტორების (GAA) გამოყენებაზე გადასვლას. ივნისში კომპანიამ უკვე დაიწყო 3-ნანომეტრიანი პროდუქციის მასობრივი წარმოება ჩინელი მომხმარებლებისთვის, მაგრამ ეს იყო პირველი თაობის ტექნოლოგია, რომელიც გამოიყენებოდა შედარებით მარტივი გადაწყვეტილებების წარმოებისთვის მაინინგის დაჩქარების მიზნით. სტრუქტურულად უფრო რთული კომპონენტების შემთხვევაში Samsung აპირებს მეორე თაობის 3-ნანომეტრიანი ტექნოპროცესის გამოყენებას, რომელიც 2024 წელს იქნება ათვისებული. ათწლეულის შუა პერიოდისთვის კომპანია გეგმავს 2-ნანომეტრიანი პროდუქციის წარმოებას, ხოლო ათწლეულის ბოლოსთვის აპირებს, რომ გახდეს ჩიპების წამყვანი საკონტრაქტო მწარმოებელი. https://tinyurl.com/4vmh8j6k

Bitcoin ბირჟა Binance არ განახორციელებს ინვესტირებას Genesis Trading-ში იმის ფონზე, რომ კრიპტოლენდინგ პლატფორმა 1 მლრდ აშშ დოლარის სასწრაფო დაფინანსების მოძიებას ცდილობს, იტყობინება The Wall Street Journal. უარის მიზეზი იყო ინტერესთა პოტენციური კონფლიქტი Binance-სა და Digital Currency Group-ის (DCG) ბარი სილბერტის შვილობილი კომპანიის ბიზნეს მოდელს შორის, განაცხადა წყარომ. Genesis ასევე ცდილობდა ფინანსურ მხარდაჭერაზე მოლაპარაკებას ალტერნატიული ინვესტიციების მმართველ Apollo Global Management-თან. კრიპტოლენდინგ კომპანიამ 14 ნოემბერს მოითხოვა 1 მლრდ აშშ დოლარის ოდენობის საკრედიტო ხაზზე ექსპრეს წვდომა ლიკვიდურობის ნაკლებობის მოტივით. მოთხოვნა გაიცა FTX-ის კოლაფსის შემდეგ თანხების გატანისა და ახალი სესხების გაცემის შეჩერებამდე. The Block-ის თანახმად Genesis-მა დაფინანსების მიზანი 500 მლნ აშშ დოლარამდე შეამცირა. დამატებითი ფულის მოძიების გარეშე კომპანია პოტენციურად გაკოტრების საფრთხის წინაშე დგას. DCG-ს არ სურს შვილობილი კომპანიის გადარჩენისთვის ვენჩურული პორტფელის ნაწილის გაღება. მშობელი კომპანია ასევე არ აპირებს Grayscale Investments-ის გაყიდვას, რომელიც შემოსავლის მნიშნელოვანი წყაროა. „ჩვენ არ ვგეგმავთ უახლოეს მომავალში გაკოტრების განცხადების გაკეთებას. ჩვენი მიზანია არსებული პრობლემების კონსენსუსის დონეზე გადაჭრა. Genesis აგრძელებს კრედიტორებთან კონსტრუქციულ მოლაპარაკებებს“, - აცხადებენ ლენდინგ კომპანიაში. Genesis-ის საკრედიტო ოპერაციების გაყინვისა და Grayscale-ის მიერ რეზერვების გამჟღავნებაზე უარის ფონზე საზოგადოებაში ეჭვი გაჩნდა თავად DCG-ის სტაბილურობასთან დაკავშირებით. https://tinyurl.com/yxcasmpm

კორპორაცია Apple-მა უარი თქვა iPhone-ებში ჩინურ კომპანია YMTC-ის ფლეშ-მეხსიერების გამოყენებაზე - ანალიტიკოსები მთავარ მიზეზად ასახელებენ შეერთებული შტატების მიერ ჩინეთის ტექნოლოგიური სექტორის წინააღმდეგ სანქციების ახალი პაკეტის შემოღებას, მაგრამ ზოგიერთი ექსპერტი ასევე მიუთითებს აღნიშნული კომპანიის ჩიპების ტექნიკურ მახასიათებლებზე, რომლებიც ჩამორჩება კონკურენტების პროდუქტებს. სპეციალიზებული მედიის ცნობით Apple Samsung-ის მეხსიერების გამოყენებას აპირებს YMTC მეხსიერების ნაცვლად, რომლის ხარისხი კითხვებს არ იწვევს - პირველ რიგში საუბარია 128- და 176-შრიან ჩიპებზე. ერთადერთი ბაზარი, სადაც Apple-ს ჯერ კიდევ შეუძლია YMTC მეხსიერების გამოყენება, ფაქტობრივად, ჩინეთის ბაზარია. რომ არა აშშ-ს მარეგულირებლების შეზღუდვის ზომები, ექსპერტების პროგნოზით, კომპანიას შეეძლო დაუფლებოდა NAND ფლეშ-მეხსიერების ბაზრის 20%-ს უახლოეს წლებში. ახლა ჩინურ კომპანიას გაუჭირდება მომხმარებლების პოვნა, რაც იმას ნიშნავს, რომ ამჟამინდელი 128-ფენიანი ჩიპებიდან 232-ფენიანებზე გადასვლაც შენელდება. თუმცა YMTC-ის სერვისებზე ასევე დიდი მოთხოვნაა სმარტფონებისა და სხვა მობილური მოწყობილობების ჩინელ მწარმოებლებს შორის, ამიტომ Apple-ის გადაწყვეტილება კომპანიისთვის აშკარად არ იქნება ფატალური. https://tinyurl.com/2s43c6mh

Sony და Honda, რომლებმაც ერთობლივი საწარმო შექმნეს სახელწოდებით Sony Honda Mobility მოწინავე ელექტრომობილების წარმოებისთვის, არ გამორიცხავენ PlayStation 5 გეიმინგ კონსოლის ახალ მანქანებში ინტეგრაციას. სტარტაპის წარმომადგენლის თქმით ეს „ტექნიკურად შესაძლებელია“ და მათ დამატებით უპირატესობას მისცემს ისეთ კომპანიებთან კონკურენციაში, როგორიცაა Tesla. როგორც ცნობილია, შარშან Tesla Model S-სა და X-ის უახლეს ელექტრომობილებში წარმოდგენილი იქნა უფრო დიდი ჰორიზონტალური დისპლეი, ხოლო ბორტ კომპიუტერში - AMD RDNA 2-ზე დამყარებული გრაფიკული პროცესორი. პრეზენტაციაზე კომპანიის ხელმძღვანელმა ილონ მასკმა განაცხადა, რომ ჩიპი "სიტყვასიტყვით PlayStation 5 დონეზეა. თუმცა ამ დრომდე Tesla-ს დაპირებები რესურსზე ინტენსიური თამაშების მხარდაჭერასთან დაკავშირებით, როგორიცაა Cyberpunk 2077, არ განხორციელებულა და მომხმარებლებს შეუძლიათ დაეყრდნონ მხოლოდ ორიგინალურ Sonic the Hedgehog-ს 2D-ში. Sony მანქანებში არა მხოლოდ თამაშების მხარდაჭერას აპირებს. Sony Honda Mobility-ს წარმომადგენლის თქმით საუბარი ეხება „მანქანის, როგორც აპარატული უზრუნველყოფის შემუშავებას, რომელიც უზრუნველყოფს თავსებადობას კომპანიის მიერ შემოთავაზებულ გასართობ და ქსელურ ფუნქციებთან“. სხვა სიტყვებით, იგეგმება მანქანის გარდაქმნა მედიაკონტენტის მოხმარების საშუალებად. გარდა ამისა, Sony Honda Mobility-მ უნდა გადაჭრას მნიშვნელოვანი პრობლემა - გახადოს მანქანები ავტონომიური. „იმისთვის, რომ დატკბეთ მანქანის სივრცით, აუცილებელია იგი გახდეს ისეთი სივრცე, სადაც არ მოგიწევთ მართვა“ - აცხადებენ კომპანიაში. Sony-ს ევალება შექმნას გასართობი სისტემა, პროგრამული უზრუნველყოფა და სენსორები, რომლებიც საჭიროა ავტონომიური მართვისთვის, Honda კი არის მანქანების შესანიშნავი მწარმოებელი და ეს კომპანიები ერთად აპირებენ წარმატებით გაუწიონ კონკურენცია სხვა მოწინავე ტექნოლოგიებს, როგორიცაა Tesla Full Self-Driving. ამ სისტემის ბეტა-ვერსია დღესდღეობით 160 ათასზე მეტ ელექტრომობილში მუშაობს. Tesla-ს არც ისე ცოტა პრობლემა აქვს ავტონომიურ სისტემებთან მიმართებაში ისევე, როგორც მსგავსი ტექნოლოგიების შემქმნელ სხვა კომპანიებს. Vision-S 02 //ფოტოს წყარო: Sony ავტომობილების დისპლეებზე მოცულობითი რესურსის მქონე თამაშების გაშვების შესაძლებლობამდე ჯერ კიდევ საკმაოდ დიდი დროა - Sony და Honda ჩრდილოეთ ამერიკის ბაზარზე მიწოდების დაწყებას 2026 წლის დასაწყისში აპირებენ. ჯერჯერობით დანამდვილებით უცნობია, როგორი იქნება მანქანების იერსახე. გამოფენა CES 2020-ზე Sony-მ წარადგინა კონცეპტი Vision-S 01, CES 2022-ზე კი - ვერსია 02. ვარიანტი Vision-S შეიქმნა მანქანათმშენებელ კომპანია Magna-სთან თანამშრომლობით და აქვს 200 კვტ სიმძლავრის ორი ელექტრო ძრავი, რაც ავტომობილის 100 კმ/სთ-მდე აჩქარების საშუალებას 4.5 წამში იძლევა. Sony-მ მანქანაში ჩააშენა კამერები, ლიდარები, რადარები და დამატებითი ულტრაბგერითი სენსორები, ხოლო თავად სალონში სულ მცირე ცხრა დისპლეია მოცემული. როგორც Sony-მ და Honda-მ დაგეგმეს, ავტომობილების მფლობელებმა უფრო და უფრო მეტი დრო უნდა გაატარონ თავიანთ მანქანებში - მსგავს კონცეფციას მისდევენ სხვა კომპანიები, Tesla-დან დაწყებული - Hyundai-თ დამთავრებული. ჯერჯერობით უცნობია რამდენად განხორციელდება ეს პროექტები, მაგრამ სავარაუდოა, რომ PlayStation 5-ის გამოჩენა მანქანაში შეიძლება სერიოზული უპირატესობა იყოს მყიდველთა დიდი ჯგუფისთვის. https://tinyurl.com/4d877dt3

მორიგი გადაანგარიშების შედეგად პირველი კრიპტოვალუტის მაინინგის სირთულე 0.51%-ით გაიზარდა. ინდიკატორმა წინა უმნიშვნელო კლება დააკომპენსირა და მიაღწია ახალ მაქსიმუმს - 36.95 Т. წყარო: BTC.com. საშუალო ჰეშრეითი მუდმივად აღემატებოდა 260 EH/s-ს დაახლოებით ექვსი კვირის განმავლობაში. Glassnode-ის მიხედვით ქსელის გამოთვლითი სიმძლავრის რეკორდული მაჩვენებელი (7 დღის მოძრავი საშუალო) იყო 272.4 EH/s 1 ნოემბერს. 12 ნოემბერს მაჩვენებელი მაქსიმუმს მიუახლოვდა და 272 EH/s დონეს გადააჭარბა. წყარო: Glassnode. მაინინგ პულების მხრივ Foundry USA (26,73%) თავდაჯერებულად იკავებს ლიდერობას Bitcoin-ის ჰეშრეითში წილის მხრივ. მეორე და მესამე პოზიციებს იკავებენ AntPool (17.51%) და Binance Pool (14.98%). წყარო: BTC.com. ივნისში Arcane Research-ის ანალიტიკოსებმა აღნიშნეს, რომ მაინერების ფულადი ნაკადი 80%-ით შემცირდა მისი 2021 წლის ნოემბრის მაქსიმუმთან შედარებით ორი წლის წინანდელ დონემდე. შემოსავლებზე უარყოფითად იმოქმედა ფასების სტაგნაციამ, ელექტროენერგიის ტარიფების მატებამ და სირთულის მუდმივმა ზრდამ. იმავე თვეში ინდუსტრიის საჯარო კომპანიებმა გაყიდეს მეტი კრიპტოვალუტა, ვიდრე მოიპოვეს. ტენდენცია ივლისში გაგრძელდა და აგვისტოში შეიცვალა. ოქტომბერში Arcane Research-ის ექსპერტებმა შეაფასეს მაინერებისთვის „მტკივნეული ზღვარი“ 18.300 დოლარად BTC-ზე. წერის დროს ციფრული ოქრო 16.090 დოლარად იყიდება (CoinGecko). Glassnode-მა ყურადღება გაამახვილა, რომ Bitcoin-ის მაინერების მთლიანი ბალანსი განახლებულია 10 თვის მინიმუმზე. Hashprice (მაინერების დღიური შემოსავალი დახარჯული გამოთვლითი სიმძლავრის მიხედვით) იმყოფება 56$ PH/s დონეზე. წლის დასაწყისში ეს მაჩვენებელი 247 აშშ დოლარი იყო. წყარო: Hashrate Index. შეგახსენებთ, რომ სექტემბერში, მაინინგის ინფრასტრუქტურული გადაწყვეტილებების მიმწოდებელმა Compute North-მა განაცხადა გაკოტრების შესახებ. ოქტომბერში Nasdaq-ის სიაში შემავალმა Core Scientific-მა განაცხადა გადახდისუუნარობის საფრთხის შესახებ. დაფინანსების ნაკლებობის გამო მაინინგის ოპერაციების შემცირების ან შეწყვეტის რისკების შესახებ იტყობინება Argo Blockchain. https://tinyurl.com/bbtz8fau