Magdalena

აშშ-ის აერონავტიკისა და კოსმოსური კვლევის ეროვნულმა ადმინისტრაციამ (NASA) წარადგინა მარსის გრძელვადიანი რობოტიზებული კვლევის სტრატეგიის პროექტი. სააგენტოს შემოთავაზებულ გეგმაში ხაზგასმულია შედარებით დაბალფასიანი მისიები და პოტენციური პარტნიორობა კერძო კომპანიებთან. ფოტოს წყარო: NASA მარსის კვლევის პროგრამის დირექტორმა Eric Ianson-მა წარმოადგინა სტრატეგიის ძირითადი დებულებები, რომელთა მიხედვით მოიაზრება მარსის მისიების რეალიზება სტაბილური სიხშირით. „გვსურს ორი ათწლეულით წინ გავიხედოთ, რათა გავიგოთ, რისი გაკეთება შეგვიძლია იმისთვის, რომ მივიღოთ ისეთივე შთამბეჭდავი შედეგები, როგორიცაა მარსის გრუნტის ნიმუშების ჩამოტანა. ჩვენი შემოთავაზებაა ამის შესრულება ნაკლები დანახარჯებით და მისიების განხორციელების უფრო მაღალი სიხშირით“ - განმარტა იანსენმა. NASA-ს ახალი სტრატეგიის სახელწოდებაა „მარსის ერთობლივი კვლევა“. იგი გულისხმობს მარსის მისიების რეგულარული სერიების ორგანიზებას. სტრატეგიის რეალიზაცია დაიწყება მას შემდეგ, რაც მიმდინარე ათწლეულის ბოლოს დედამიწაზე ჩამოიტანენ მარსის გრუნტის ნიმუშებს NASA-ს მიერ მარსის კვლევის ამჟამინდელი პროგრამის ფარგლებში. ამჟამად NASA გეგმავს მარსის შესასწავლად მხოლოდ ერთი რობოტიზებული პროგრამის რეალიზაციას. საუბარი ეხება პლანეტის მაგნიტოსფეროს შესწავლის პროექტს, რომლის სახელწოდებაა Escape and Plasma Acceleration and Dynamics Explorers და დაგეგმილია 2024 წლის ბოლოსთვის. „ისტორიულად, ჩვენ გვქონდა აღმავლობა და ვარდნა მარსის პროგრამაში. როდესაც ვსაუბრობთ მდგრად განვითარებაზე, ეს არის ზუსტად ის, რაც შეიძლება მუდმივად დარჩეს დროის განმავლობაში. ჩვენ გვინდა ვეცადოთ, რომ მისიების დაწყება რეგულარული ტემპით შევინარჩუნოთ“, - განაცხადა იანსონმა. მან განმარტა, რომ მისი სიტყვები ნიშნავს NASA-ს განზრახვას - განახორციელოს შედარებით იაფი მარსული მისიები დაახლოებით ორ წელიწადში ერთხელ. მოსალოდნელია, რომ თითოეული ასეთი მისიის ღირებულება 100-დან 300 მლნ აშშ დოლარამდე იქნება. დამატებით სააგენტო მხარს დაუჭერს საშუალო დონის მისიების რეალიზებას, როგორიც იქნება, მაგალითად, 1 მლრდ აშშ დოლარის ღირებულების რობოტიზებული მოდულის გაშვება პროგრამა Mars Life Explorer-ის ფარგლებში. ასევე მხარდაჭერილი იქნება ნაკლებად მასშტაბური პროექტები, რომელთა რეალიზაცია მოხდება საერთაშორისო პარტნიორებსა და კერძო კომპანიებთან ერთად. NASA გააგრძელებს ნიშნების ძიებას იმის შესახებ, რომ სიცოცხლე არსებობდა მარსზე შორეულ წარსულში, ასევე შეისწავლის პლანეტის კლიმატსა და გეოლოგიას ასტრონავტების მონაწილეობის სამომავლო პილოტირებული მისიების განხორციელების მიზნით. NASA-ს სტრატეგიის კიდევ ერთი ელემენტია იმ ორბიტალური აპარატების მოძველებული ინფრასტრუქტურის განახლება, რომლებიც უზრუნველყოფენ კავშირსა და მარსის ზედაპირის გადაღებებს. სააგენტო მარსზე ახალი თანამგზავრის გაშვებას მონაცემების გადასაცემად და გადაღებებისთვის მომდევნო ათწლეულის პირველ ნახევარში გეგმავს. სააგენტოში მიაჩნიათ, რომ სატელიტური ინფრასტრუქტურის განახლების ფარგლებში მუშაობა უზრუნველყოფს ახალ შესაძლებლობებს კერძო კომპანიებთან თანამშრომლობისთვის. https://tinyurl.com/bx6xma53

2022 წლის მაისის შემდეგ Bitcoin-ის მოგების რეალიზაციის ყველაზე დიდი ტალღის ფონზე მონეტების უმეტესობა ნაკლებად აქტიურია. სპეკულანტთა დიდი ნაწილი მზად არის შეინარჩუნოს ისინი უფრო ხანგრძლივი პერიოდის განმავლობაში, გაარკვიეს Glassnode-ის ანალიტიკოსებმა. წინა კვირების აღმასვლის ფონზე ინვესტორებმა გაზარდეს Bitcoin-ების ნაკადი ცენტრალიზებული პლატფორმის ანგარიშებზე 4180 BTC-მდე (14D-EMA) - ეს არის მაქსიმუმი 2022 წლის მაისში Terra-ს ეკოსისტემის დაშლის შემდეგ. ტენდენციამ დაადასტურა მოგების ფიქსაცია. ანალიტიკოსები იხსენებენ, რომ წინა ციკლის მსგავსი ან უფრო დიდი წმინდა შემოდინების წინა შემთხვევები ბაზრის კორექტირებას უკავშირდებოდა. წყარო: Glassnode გასულ კვირას ბირჟებზე გაგზავნილი 31000 BTC-დან 92.5% ეკუთვნოდა სპეკულანტებს (მათთან დაკავშირებული მონეტების 65% მოგებაშია), ხოლო 7.5% - ჰოდლერებს (80%). წყარო: Glassnode დღეში რეალიზებული მოგების მოცულობამ 320 მლნ აშშ დოლარს მიაღწია, ბოლოს ასეთი მაღალი ღირებულება Terra-ს კრახამდე ცოტა ხნით ადრე დაფიქსირდა. მაჩვენებელი კვლავ დაბალია ხარული ბაზრისთვის სახასიათო ღირებულებაზე. დაფიქსირებული დანაკარგების დინამიკა ნელდება 2022 წლის ივლისიდან. ეს კომბინაცია ადასტურებს წინა დაკვირვებებს დაცემის ფაზის შემდეგ გარდამავალი ბაზრის სტრუქტურის ფორმირების შესახებ, აღნიშნეს სპეციალისტებმა. Bottom of Form წყარო: Glassnode Liveliness ინდიკატორმა (ჰოდლერების ქცევის დინამიურობა) შეინარჩუნა მოძრაობის დაღმავალი ვექტორი, რაც მიუთითებს Bitcoin-ების შენახვის სურვილსა და აქტივისადმი ნდობაზე. წყარო: Glassnode Average Coin Dormancy ინდიკატორმა მოკლევადიან ინვესტორებთან მიმართებაში დააფიქსირა დახარჯული მონეტის „საშუალო ასაკის“ გაორმაგება FTX-ის კრახიდან მიმდინარე 21 დღემდე. „სპეკულანტები მზად არიან დაიცადონ უფრო დიდი პერიოდის განმავლობაში, რაც მიუთითებს მათი ნდობის ხარისხზე ბაზრის გაბატონებული ტენდენციის მიმართ“, - დაასკვნეს ანალიტიკოსებმა. წყარო: Glassnode 2023 წლის მარტში ანალიტიკური კომპანია Messari-ის დამფუძნებელმა და აღმასრულებელმა დირექტორმა რაიან სელკისმა ივარაუდა Bitcoin-ის ფასის 100 000 აშშ დოლარამდე ზრდა 12 თვის განმავლობაში. მან პირველ კრიპტოვალუტას აშშ-ის ეკონომიკაში არსებული პრობლემების ფონზე უსაფრთხო ინვესტიცია უწოდა. CNBC-ის გამოკითხვის მიხედვით მსგავს აზრს გამოხატავს ინდუსტრიის ბევრი ექსპერტი. https://tinyurl.com/5n72dwbe

კომპანია Puget Systems-მა დესკტოპ პროცესორების მორიგი სტატისტიკური ანგარიში გამოაქვეყნა. ინფორმაცია აღებულია 2021-2022 წლების შეკვეთებიდან. გასულ წელს ამ კომპანიის შეკვეთებში Intel-ის პროცესორები ლიდერობდა, რაც ძალთა ბალანსის ცვლილებას ნიშნავს 2021 წელთან შედარებით. სამაგიეროდ AMD-ის პოზიცია უცვლელი დარჩა სამუშაო სადგურების ბაზარზე. Threadripper PRO-ს ყიდულობდნენ ოცჯერ უფრო ხშირად Intel Xeon პროცესორებთან შედარებით. Nvidia RTX ვიდეო ბარათების წილი ოდნავ გაიზარდა, SSD-ებს შორის კი NVMe ინტერფეისის მქონე მოდელები დომინირებს. რაც შეეხება ოპერაციულ სისტემას, გამოსვლიდან თითქმის ერთი წლის შემდეგ Windows 11-მა გაუსწრო Windows 10-ს. ბირთვების გაზრდილი რაოდენობის მქონე, მე-12 თაობის Alder Lake პროცესორების გამოსვლის შედეგად დამკვეთებს კვლავ დაუბრუნდათ ინტერესი Intel-ის ჩიპების მიმართ. გასულ წელს Intel-ის წილზე მოდიოდა Puget Systems-ის 70%, AMD-ს წილი კი შეადგენდა დარჩენილ 30%-ს. გასული წლის ბოლოს წარდგენილ იქნა ახალი თაობა, თუმცა მისი სტატისტიკა შემდეგ ანგარიშში შევა. სამუშაო სადგურების ბაზარზე დომინირებს Threadripper და Threadripper Pro. 2021 წელს მომხმარებლები უპირატესობას ანიჭებდნენ AMD Ryzen Threadripper პროცესორებს. მიმდინარე წელს Intel-მა წარადგინა სამუშაო სადგურების Sapphire Rapids სერიის პროცესორები Xeon W-3400 და Xeon W-2400, ხოლო AMD გამოუშვებს Threadripper-ის ახალ თაობას წლის ბოლომდე, რამაც შესაძლოა შეცვალოს ძალთა ბალანსი, წერს wccftech. https://tinyurl.com/mucfpxx8

კომპანია HP-მ წარადგინა ბრენდ Omen-ის ცხრა გეიმინგ მონიტორი. ახალი მოწყობილობების ეკრანის დიაგონალის ზომებია 24-დან 34 დუიმამდე, მხარდაჭერილია გაფართოება 1080p-დან (1920 × 1080 პიქსელი) 4K-მდე (3840 × 2160 პიქსელი). მონიტორების ფასების დიაპაზონია 200-დან 580 აშშ დოლარამდე. ფოტოს წყარო: HP Omen 24 და Omen 27 მოდელები საწყის სეგმენტს მიეკუთვნება. მათ აქვთ IPS ეკრანები 1080p გაფართოებით, 165 ჰერცი კადრის განახლების სიხშირე და მატრიცის რეაგირების დრო 1 მილიწამი. ორივე მონიტორზე მოცემულია ორ-ორი HDMI 2.0 და DisplayPort 1.4. 24-დუიმიანი ვერსიის ფასი შეადგენს 200 აშშ დოლარს, 27-დუიმიანი მოდელი შეფასებულია 250 აშშ დოლარად. Omen 27qs მოდელ Omen 27q-ს აქვს IPS მატრიცა QHD (2560 × 1440 პიქსელი) გაფართოებით და 165 ჰერცი კადრის განახლების სიხშირით, ხოლო მოდელ Omen 27s-ის გაფართოებაა 1080p, თუმცა მას გააჩნია IPS-მატრიცა 240 ჰერცი კადრის განახლების სიხშირით. ორივე მათგანის ეკრანის სიკაშკაშე 400 კდ/მ2-ს შეადგენს, ორივე მათგანზე ხელმისაწვდომია ორი USB-A კონექტორი. მონიტორის დამატებითი მახასიათებელია RGB განათება. მოდელ Omen 27qs-ის გაფართოებაა QHD, კადრის განახლების სიხშირე - 240 ჰერცი, აქვს RGB განათება და დამატებითი USB პორტები. Omen 27q, Omen 27s და Omen qs მოდელების ფასებია 300, 350 და 429 აშშ დოლარი, შესაბამისად. Omen 27k მოდელ Omen 27k-ს აქვს IPS-მატრიცა 4K გაფართოებით, 144 ჰერცი კადრის განახლების სიხშირე და 1 მილიწამი რეაგირების დრო. მონიტორზე ხელმისაწვდომია ერთი HDMI 2.1, ერთი USB Type-C, ორი USB Type-A, აგრეთვე ინტეგრირებული KVM-გადამრთველი. 120-ჰერციანი რეჟიმის მხარდაჭერის წყალობით მონიტორი სრულიად თავსებადია Sony PlayStation 5, Microsoft Xbox Series X და Series S გეიმინგ კონსოლებთან. დამატებით აღსანიშნავია RGB განათება. Omen 27k-ს ფასი 580 აშშ დოლარს შეადგენს. Omen 32q (მარცხნივ) და Omen 32c (მარჯვნივ) მოდელ Omen 32c-ში გამოყენებულია რკალისებრი VA-მატრიცა 1500R სიმრუდის რადიუსით. დისპლეიზე მხარდაჭერილია QHD გაფართოება, 165 ჰერცი კადრის განახლების სიხშირე და 1 მილიწამი მატრიცის რეაგირების დრო. ეს მოდელი შეფასებულია 380 აშშ დოლარად. Omen 32q ვერსიას აქვს ბრტყელი IPS მატრიცა უფრო მკაფიო ფერების გადმოცემით. დანარჩენი მახასიათებლები წინა მოდელის ანალოგიურია, გარდა ფასისა - Omen 32q მოდელი შეფასებულია 400 აშშ დოლარად. Omen 34c Omen 34c მოდელს აქვს სუპერფართოფორმატიანი VA პანელი გვერდების შეფარდებით 21:9. მხარდაჭერილია გაფართოება 3440 × 1440 პიქსელი, 165 ჰერცი კადრის განახლების სიხშირე და რეაგირების დრო 1 მწ. მონიტორის ფასი 480 აშშ დოლარია. https://tinyurl.com/mvdz7tvn

ევროპარლამენტის ეკონომიკურ საკითხთა და საშინაო საქმეთა კომიტეტებმა დაამტკიცეს კანონპროექტის ტექსტი, რომელიც აფართოებს AML მოთხოვნებს DAO, NFT და DeFi პლატფორმებზე TradFi-ს ანალოგიურად - წერს The Block. დოკუმენტის დებულებები გავრცელდება კრიპტო კომპანიებზე, თუ ისინი „კონტროლდებიან პირდაპირ ან ირიბად სმარტ-კონტრაქტების ან ხმის მიცემის პროტოკოლების მეშვეობით იდენტიფიცირებადი ფიზიკური და იურიდიული პირების მიერ“. კანონპროექტმა პარლამენტში პლენარული კენჭისყრა უნდა გაიაროს, სანამ საკანონმდებლო ორგანოს, ევროსაბჭოსა და ევროკომისიას შორის შეთანხმების შემდეგ ეტაპზე გადავა. „კრიპტო პლატფორმებს მოეთხოვებათ ჩაატარონ სათანადო გულმოდგინე შემოწმება ყველა მომხმარებელზე და შეატყობინონ საეჭვო ტრანზაქციების შესახებ ხელისუფლებას“, განმარტა მწვანეთა პარტიის წევრმა დემიენ კარემმა. მიიჩნევა, რომ პროცედურა სავალდებულო იქნება 1000 ევროზე მეტი (1080 აშშ დოლარი) ღირებულების ტრანზაქციის შემთხვევაში. გაძლიერებული ზომები გათვალისწინებულია ევროკავშირის ფარგლებს გარეთ CASP-ებთან საკორესპონდენტო ურთიერთობებისა და არაკასტოდიალური საფულეების გამოყენებით გადახდებისთვის. ზემოთაღნიშნული ლიმიტი ამ უკანასკნელზეც გავრცელდება, თუ მფლობელი არ გაივლის იდენტიფიკაციის პროცედურას და ოპერაციები განხორციელდება კომერციული მიზნით. შეიძლება აიკრძალოს არალიცენზირებულ ორგანიზაციებთან ურთიერთობა. ევროკომისია სამი წლის განმავლობაში შეაფასებს კომერციული გადახდების წესის შესწორების მიზანშეწონილობას, რათა იგი შესაბამისობაში მოიყვანოს რეგულაციებთან, მათ შორის ციფრული საიდენტიფიკაციო სისტემა TC-ისა და AMLA-ს მოთხოვნებთან. ანონიმური კრიპტო-ანგარიშები აიკრძალება. მსგავსი სტატუსის მიღება შეუძლიათ კერძო საფულეებსა და მიქსერებს, თუკი ასეთ გადაწყვეტილებას მიიღებს ევროკომისია. „ჩვენ აბსოლუტურად არ ვუშლით ხელს კრიპტოტრანზაქციებს. აკრძალვა აქტუალურია მხოლოდ მაშინ, როდესაც იდენტიფიკაცია შეუძლებელია“, - განუმარტა კარემმა CoinDesk-ს. დეპუტატმა გამოაცხადა მიზანი - შეექმნას ბარიერი ბანკების მიერ სხვა სექტორებში შეკავებული „ბინძური ფულის“ ნაკადს. 2022 წლის ოქტომბერში ევროკავშირის საბჭოს წევრებმა ხელი მოაწერეს კრიპტოვალუტების რეგულირების კანონპროექტ MiCA-ს შემდგომი განხილვის გარეშე. იგი მოიცავს წესებს, რომლებიც ვრცელდება არაუზრუნველყოფილი კრიპტო აქტივების, Stablecoin-ების, სავაჭრო და კასტოდიალური პლატფორმების ემიტენტებზე. 2023 წლის დასაწყისში ევროპარლამენტმა დოკუმენტის საბოლოო კენჭისყრა აპრილში გადაიტანა. Binance-ის აღმასრულებელმა დირექტორმა Changpeng Zhao-მ MiCA-ს უწოდა „ფანტასტიკური“, მაგრამ „ცოტა მკაცრი“ Stablecoin-ებთან მიმართებაში. მანამდე Circle-მა კრიპტოვალუტების მიმართ ბანკების ინტერესის ზრდის პროგნოზი გააკეთა MiCA-ს მიღების შემდეგ. https://tinyurl.com/3yjze22w

კომპანია Intel-მა წარადგინა მინი-კომპიუტერები Intel NUC 13 Pro (Arena Canyon). კომპაქტურ სისტემებში მოცემულია Intel Raptor Lake სერიის მობილური პროცესორები 14-ბირთვიანი 5.2 გჰც Core i7-1370P მოდელის ჩათვლით. არჩევანისთვის ასევე ხელმისაწვდომია მოდელები როგორც ჩვეულებრივი პროცესორებით, ისე Core vPro ჩიპებით, რომლებიც ხასიათდება გამომძალველი პროგრამებისგან დაცვის გაუმჯობესებით. ფოტოს წყარო: Intel Intel NUC 13 Pro-ს შემადგენლობაში დისკრეტული ვიდეო ბარათები გათვალისწინებული არ არის. გრაფიკის დამუშავებაზე პასუხისმგებელია ცენტრალურ პროცესორში ჩაშენებული გრაფიკული ბირთვი Intel Iris Xe, რომელსაც აქვს 96-მდე ბლოკი და 1.5 გჰც-მდე სიხშირე CPU-ის მოდელის შესაბამისად. მინი-კომპიუტერებში მხარდაჭერილია 64 გბ-მდე ორარხიანი DDR4-3200 ოპერატიული მეხსიერების დაყენება, აქვთ ერთი სლოტი M.2 PCIe 4.0 x4 NVMe SSD სლოტისთვის, შესაძლებელია 2.5-დუიმიანი SSD-ის ან HDD-ის დაკავშირება, აგრეთვე აქვს კონექტორი Intel Wi-Fi 6E და Bluetooth 5.3 უსადენო მოდულებისთვის. ახალ კომპიუტერებში ასევე წარმოდგენილია 2.5 გბ ქსელის ადაპტერი, ორი HDMI, ორი ინტერფეისი Thunderbolt 4 (USB Type-C), სამი USB 3.2 და ერთი USB 2.0. Intel NUC 13 Pro-ს ზოგიერთ კონფიგურაციას აქვს დისკრეტული კრიპტოგრაფიული მოდულები TPM 2.0. Intel NUC 13 Pro გამოვა მაღალი და დაბალი კორპუსებით. პირველი მათგანის ზომაა 117 × 112 × 54 მმ, მეორესი - 117 × 112 × 37 მმ. პირველი ვარიანტი დაახლოებით 0.7-ლიტრიანია, მეორე - 0.5 ლიტრზე ნაკლები. პატარა კორპუსის მქონე მოდელებზე არ არის მხარდაჭერილი 2.5-დუიმიანი SSD-ის დაყენება. Intel NUC 13 Pro გაყიდვაში გამოვა სრულად დაკომპლექტებული სისტემის სახით, ასევე barebone-ფორმატში ოპერატიული მეხსიერების, SSD-ისა და ოპერაციული სისტემის გარეშე, აგრეთვე ხელმისაწვდომი იქნება ვარიანტი მხოლოდ დედა დაფითა და CPU-ით, ასევე სხვა მაკომპლექტებლებით სამომავლო აწყობისთვის. მინი-კომპიუტერების ფასის დიაპაზონია 340-დან 1080 აშშ დოლარამდე კონფიგურაციის შესაბამისად. ზოგიერთი სისტემა ხელმისაწვდომი იქნება საცალო მოვაჭრეებსა და სისტემის ინტეგრატორებთან მიმდინარე თვის ბოლომდე, ხოლო კონფიგურაციის უმეტესობა ხელმისაწვდომი გახდება ივნისისთვის. https://tinyurl.com/3beef89h

HP-მ წარმოადგინა განახლებული Omen და Victus სერიის გეიმინგ ლეპტოპები, რომლებიც აღჭურვილია Intel Raptor Lake ან AMD Ryzen 7000 პროცესორებით, ასევე NVIDIA GeForce RTX 40 სერიის გრაფიკული ბარათებით. ფოტოს წყარო: HP მოდელ HP Omen Transcend 16-ში მოცემულია Intel-ის პროცესორები 24-ბირთვიანი Core i9-13900HX ჩიპის ჩათვლით, რომლის სიხშირე 5.4 გჰც-ია. ლეპტოპში ასევე წარმოდგენილია ვიდეო ბარათი GeForce RTX 4070, 32 გბ-მდე DDR5-5600 ოპერატიული მეხსიერება და 2 ტბ მოცულობის NVMe SSD. Omen Transcend 16-ის ეკრანს აქვს Mini-LED განათება, გვერდების შეფარდებაა 16:10, მხარდაჭერილია გაფართოება 2560 × 1600 პიქსელი, 240 ჰერცი კადრის განახლების სიხშირე და 7 მილიწამი მატრიცის რეაგირების დრო. დისპლეის მაქსიმალური სიკაშკაშე 1180 კდ/მ2-ს შეადგენს. ლეპტოპის ბატარეის მოცულობაა 97 ვტ/სთ. მოდელ Omen 16-ში მოცემულია რვაბირთვიანი AMD Ryzen 9 7940HS სიხშირით 5.2 გჰც-მდე, ვიდეო ბარათი GeForce RTX 4080, აგრეთვე 32 გბ ოპერატიული და 2 ტბ მუდმივი მეხსიერება. ლეპტოპს აქვს QHD გაფართოების მხარდაჭერის მქონე დისპლეი 3 მილიწამი რეაგირების დროით. Omen Transcend 16-სა და Omen 16-ს აქვთ RGB კლავიატურა და ვებ-კამერა 1080p გაფართოების მხარდაჭერით. HP Omen Trascend 16-ის საწყისი ფასია 1699.99 აშშ დოლარი, Omen 16-ისა კი - 1299.99 აშშ დოლარი. ლეპტოპები გაყიდვაში მიმდინარე გაზაფხულზე გამოვა. Victus სერიის ლეპტოპები გათვლილია შედარებით შეზღუდული ბიუჯეტის მქონე მომხმარებლებისთვის, თუმცა HP-მ ძალისხმევა არ დაიშურა, რომ ლეპტოპები გარეგნულად იაფფასიანად არ გამოიყურებოდეს. ამ ლეპტოპებში წარმოდგენილი იქნება 16-ბირთვიანი Intel Core i7-13700HX სიხშირით 5 გჰც-მდე ან 8-ბირთვიანი AMD Ryzen 7 7840HS სიხშირით 5.1 გჰც-მდე. გრაფიკული ქვესისტემის სახით წარმოდგენილია GeForce RTX 4070. Victus სერიის ლეპტოპები აღჭურვილია ერთზონიანი RGB კლავიატურებით. ლეპტოპები გაყიდვაში მიმდინარე გაზაფხულზე გამოვა 1049.99 აშშ დოლარიდან. https://tinyurl.com/ycb68dz2

აშშ-ის ბირჟების სავაჭრო კომისიამ (CFTC) სარჩელი შეიტანა კრიპტო ბირჟა Binance-ისა და მის აღმასრულებელ დირექტორ Changpeng Zhao-ს წინააღმდეგ. საჩივარი შეტანილია შტატ ილინოისის ჩრდილოეთ ოლქის სასამართლოში. სააგენტოს აზრით პლატფორმამ დაარღვია დერივატივებით ვაჭრობის წესები და მუშაობდა შესაბამისი რეგისტრაციის გარეშე. საჩივრის თანახმად Binance: 2019 წლის ივლისიდან სთავაზობდა დერივატივებით ვაჭრობას აშშ-ის მოქალაქეებს და მისი შესაბამისობის პროგრამა არაეფექტური აღმოჩნდა; აშშ-ის მოქალაქე VIP-მომხმარებლებს ინფორმაციას აწვდიდა აქტივობის კონტროლისგან თავის არიდების საუკეთესო მეთოდების შესახებ; მალავდა „რეალურ მოცულობასა და ოპერაციებს“. კომისიის პრესრელიზში პლატფორმის ქმედებებს უწოდეს „აშშ-ის კანონმდებლობისთვის მიზანმიმართული თავის არიდება“, მის მიერ გამოცხადებულ წესების დაცვას კი - „ფიქცია“. „წლებია Binance-მა იცოდა, რომ არღვევდა CFTC-ის წესებს, აქტიურად მუშაობდა ფულადი რესურსების მოძრაობის შესანარჩუნებლად და მოთხოვნილი წესების თავიდან ასაცილებლად. ეს უნდა იყოს გაფრთხილება ყველასთვის ციფრული აქტივების სამყაროში - CFTC არ მოითმენს აშშ-ის კანონისთვის მიზანმიმართულ გვერდის ავლას, ”- განაცხადა კომისიის ხელმძღვანელმა Rostin Behnam-მა. მარეგულირებელი ასევე ამტკიცებს, რომ Binance-მა იცოდა, რომ მისი მომხმარებლები სანქციების ქვეშ მყოფი პირები იყვნენ. სააგენტოს ცნობით, ერთ-ერთმა თანამშრომელმა, სავარაუდოდ, მიიღო დავალება - დაეწერა ანგარიში, რომელშიც საუბრობდა შესაბამისობის მკაცრ აუდიტზე. სარჩელში CFTC-მა Bitcoin-ის, Ethereum-ისა და Litecoin-ის კლასიფიცირება „საქონლად“ მოახდინა. 2022 წლის ოქტომბერში Behnam-მა გამოხატა დარწმუნებულობა, რომ ორი უმსხვილესი კრიპტოვალუტა მისი სააგენტოს იურისდიქციის ქვეშ ხვდება. ამასთან, 2023 წლის თებერვალში SEC-ის ხელმძღვანელმა გერი გენსლერმა მიანიშნა Bitcoin-ის გარდა ნებისმიერი ციფრული აქტივის ფასიან ქაღალდად აღიარებაზე. მარტში Voyager Digital-ის გაკოტრების სხდომაზე სააგენტოს უფროსმა ადვოკატმა უილიამ აპტეგროუვმა განაცხადა, რომ Binance.US მართავდა არარეგისტრირებული ფასიანი ქაღალდების ბირჟას. Zhao სიახლეს Twitter-ზე ციფრი „4“-ის დაწერით გამოეხმაურა. მის ჩამონათვალში ეს ნიშნავს „FUD-ის იგნორირებასა და ყალბ სიახლეს“. Cinneamhain Ventures-ის პარტნიორმა Adam Cochran-მა CFTC-ის სარჩელს Binance-ისთვის საბედისწერო დარტყმის მიყენების მცდელობა უწოდა. მისი აზრით, ხელისუფლებას „წარმატების დიდი შანსი აქვს“. Cochran-მა მიუთითა, რომ სააგენტოს განცხადებით იგი ფლობს Zhao-ს საუბრების ჩანაწერებსა და სხვა დოკუმენტაციებს, აგრეთვე 300-ზე მეტ ანგარიშს, რომლებიც პირდაპირ ან ირიბად ეხება მას. „CFTC-ს აქვს ვრცელი მიმოწერები და ინსაიდერული დოკუმენტები, რომლებიც მოწმობს, რომ Zhao-მ იცოდა აშშ-ის მომხმარებლების შესახებ და მიიღო ზომები შიდა დოკუმენტებში ინფორმაციის დასაფარად“, - წერს Cochran. კომისია კომპანიისა და მისი აღმასრულებელი დირექტორისთვის ჯარიმებისა და აკრძალვების დაწესებას აპირებს. Cinneamhain Ventures-ის პარტნიორის აზრით ეს ნიშნავს დიდ პრობლემებს Binance-ისა და მისი სამომავლო ბიზნესისთვის, ასევე მილიარდობით ჯარიმას. „თუ [მოპასუხეები] ვერ მოახერხებენ აშშ-ის სასამართლოებთან ურთიერთობას და ამ პროცესში საკუთარი თავის დაცვას, სავარაუდოა, რომ CFTC ცალსახად მოიგებს. თუკი ისინი მაინც გამოჩნდებიან და მიიღებენ მონაწილეობას, ძიების პროცესი ღიას გახდის მათ ყველა დოკუმენტს საერთაშორისო დონეზე აშშ-ის მარეგულირებლებისთვის“ - ვარაუდობს Cochran. მან Binance-ის ერთადერთ გზად დავის მოგვარება დაასახელა. თუმცა დაუშვა, რომ ასეთ შემთხვევაშიც კი კომისია დიდი ჯარიმების დაწესებას მოითხოვს. მიუხედავად ამისა, ასეთი ვარიანტი Zhao-ს საშუალებას მისცემს "თავიდან აირიდოს ბრალის აღიარება", - დაასკვნა ექსპერტმა. CoinGecko-ს ცნობით Bitcoin ახალ ამბავს 4.3%-იანი ვარდნით გამოეხმაურა ბოლო 24 საათის განმავლობაში. BTC/USDT-ის საათობრივი გრაფიკი ბირჟა Binance-ზე. წყარო: TradingView BNB ტოკენის ფასი შემცირდა 3.9%-ით და სტატიის წერის მომენტში 320 აშშ დოლარზე იაფად იყიდება. BNB/USDT-ის საათობრივი გრაფიკი ბირჟა Binance-ზე. წყარო: TradingView კრიპტოვალუტებთან დაკავშირებულმა აქციების ფასმა ასევე განიცადა მკვეთრი ვარდნა. წერის მომენტში Coinbase-ის ფასიანი ქაღალდების ღირებულება შემცირდა 9.3%-ით, MicroStrategy-ს - 7.4%-ით, Marathon Digital-ის - 9.7%-ით, Riot Blockchain-ის - 11.1%-ით, Hut 8 Mining-ისა - 8.2%-ით. The Block-ის მონაცემებით საჩივრის გახმაურების მომენტიდან მომხმარებლებმა Binance-იდან 169 მლნ აშშ დოლარი გაიტანეს 46 მლნ აშშ დოლარის დეპოზიტის საპირისპიროდ. 2022 წელს Reuters-მა დაწერა, რომ Binance-მა არაერთხელ დამალა ინფორმაცია მარეგულირებლებისგან, უგულებელყოფდა KYC პროცედურებს და ეწინააღმდეგებოდა შესაბამისობის დეპარტამენტის რეკომენდაციებს. მოგვიანებით სააგენტოს წყაროებმა განაცხადეს აშშ-ის იუსტიციის სამინისტროში არსებულ უთანხმოებაზე ბირჟის მენეჯმენტის ბრალდებებთან დაკავშირებით. შემდეგ ამ უკანასკნელის წარმომადგენლებმა გაიმეორეს თეზისი სამართალდამცავებთან მუშაობის ვალდებულებასთან დაკავშირებით. 2023 წლის მარტის დასაწყისში აშშ-ის სენატის საბანკო კომიტეტის წარმომადგენლებმა გაუგზავნეს წერილი Binance-ს და ითხოვდნენ დეტალებს KYC/AML პოლიტიკის შესახებ. მათ პლატფორმა კრიმინალებთან კავშირში დაადანაშაულეს და მას "არალეგალური ფინანსური საქმიანობის კერა" უწოდეს. Zhao-მ ბრალდება უარყო, კომპანიამ კი სენატორებს პასუხი წარუდგინა, თუმცა იგი თითქმის არ შეხებია ფინანსურ ასპექტს. იმავე თვეში CNBC-მა სავაჭრო პლატფორმის მიერ კონტროლირებადი ჩინურენოვანი ჩატის ბმულზე დაყრდნობით განაცხადა, რომ Binance -ის ზოგიერთი თანამშრომელი და მოხალისე ჩინეთისა და ზოგიერთი სხვა ქვეყნის მომხმარებლებს კონსულტაციას უწევდა KYC-შემოწმებებისგან თავის არიდებისთვის. თებერვალში კომპანიის სტრატეგიების მთავარმა დირექტორმა პატრიკ ჰილმანმა გამოაცხადა Binance-ის მზადყოფნა - გადაიხადოს ჯარიმები აშშ-ის ხელისუფლების მხრიდან არსებული პრეტენზიების მოგვარების მიზნით. https://tinyurl.com/4drv55sv

ბრენდ Redmi-მ სოციალურ ქსელ Weibo-ზე გამოაქვეყნა Redmi Note 12 Turbo Harry Potter Edition-ის ლიმიტირებული ვერსიის ფოტოები. სმარტფონი განკუთვნილია ჰარი პოტერის შესახებ არსებული წიგნებისა და ფილმების თაყვანისმცემლებისთვის და იგი გაყიდვაში მიმდინარე თვის ბოლოს გამოვა. მოდელი Redmi Note 12 Turbo Harry Potter მოცემული იქნება გაფორმებულ ყუთში, რომელზეც მოცემული იქნება ჯადოქრობის სკოლა ჰოგვართსის ლოგოტიპი. სპეციალური გამოშვების მყიდველებისთვის შეფუთვაში მოცემული იქნება ჯადოსნური ჯოხი, ჯადოქრის მანტია, ჰოგვართსის სკოლის სხვადასხვა ფაკულტეტის შარფები და დროშები, აგრეთვე ჰარი პოტერის სამყაროსადმი მიძღვნილი სუვენირები. არსებული ცნობებით, Redmi Note 12 Turbo-ს ექნება ჩიპი Qualcomm Snapdragon 7+ Gen2 გრაფიკულ პროცესორ Adreno-სთან ერთად, აგრეთვე 12 გბ LPDDR5 ოპერატიული და 256 გბ UFS 3.1 ფლეშ-მეხსიერება, რომლის გაფართოება შესაძლებელია მეხსიერების ბარათის მეშვეობით. კომპონენტების გაგრილებისთვის გამოიყენება გაგრილების სისტემა ამაორთქლებელი კამერით. 6.67-დუიმიანი AMOLED-დისპლეის გაფართოებაა FHD+, კადრის განახლების სიხშირე შეადგენს 120 ჰერცს. ეკრანის ზედა ნაწილში მოცემულია ჭრილი 16-მეგაპიქსელიანი სელფი-კამერისთვის. უკანა მხარეს მოცემულია ძირითადი კამერის 65-მეგაპიქსელიანი მოდული, ასევე 8- და 2-მეგაპიქსელიანი სენსორები. მხარდაჭერილია გამოსახულების ოპტიკური სტაბილიზაცია (OIS) და ტექნოლოგია Xiaomi Imaging Engine 2.0. 5000 მა/სთ მოცულობის ბატარეას აქვს 67-ვატიანი სწრაფი დამუხტვის მხარდაჭერა. სმარტფონი იმუშავებს Android 13-ის ბაზაზე პროგრამულ უზრუნველყოფა MIUI 14-თან ერთად. Redmi Note 12 Turbo-ს გლობალური ვერსია სახელწოდებით Poco F5 ინდოეთში 5 აპრილს იქნება წარმოდგენილი. https://tinyurl.com/43m9w5xw

პორტალ GamesRadar-მა ყურადღება გაამახვილა მოვლენაზე, რომ გასულ კვირას გამართულ ცერემონია Game Developers Choice Awards-ზე ფენტეზის ჟანრის როლურმა ექშენმა ღია სამყაროთი - Elden Ring-მა ისტორიული მიღწევა დააფიქსირა. ფოტოს წყარო: Bandai Namco საუბარია წლის საუკეთესო თამაშად აღიარებაზე (ამ შემთხვევაში 2022 წ.) ოთხი წამყვანი გეიმინგ პრემიით, ესენია: ზემოთხსენებული Game Developers Choice Awards, The Game Awards, Golden Joystick Awards და DICE Awards. როგორც GamesRadar-ის ჟურნალისტებმა აღნიშნეს, Elden Ring-ის მიღწევას ისტორიულად აქცევს ის ფაქტი, რომ ამ დრომდე მსგავსი მიღწევები დაფიქსირებული ჰქონდა მხოლოდ ორ სხვა თამაშს - The Elder Scrolls V: Skyrim-სა და The Legend of Zelda: Breath of the Wild-ს. ადრე Elden Ring უკვე გახდა ინდუსტრიაში ყველაზე ტიტულოვანი თამაში და უკან მოიტოვა The Last of Us Part II და The Witcher 3: Wild Hunt - FromSoftware-ის უახლესმა ქმნილებამ მოიგო „წლის თამაშის“ 430-ზე მეტი ჯილდო. Elden Ring-ის დებიუტი შედგა 2022 წლის 25 თებერვალს PC-ზე (Steam), ასევე PS4, PS5, Xbox One, Xbox Series X და S კონსოლებზე. პირველმა წლიურმა გაყიდვებმა გადააჭარბა 20 მილიონ ეგზემპლარს, ბოლო პატჩის მეშვეობით კი პროექტს დაემატა რეითრეისინგის მხარდაჭერა. https://tinyurl.com/365nfywa

SEC-ის მარეგულირებელმა პოლიტიკამ ციფრული აქტივების შესახებ უარყოფითად იმოქმედოს შეერთებული შტატების ფინანსურ მდგომარეობაზე, განაცხადა ბრაიან არმსტრონგმა, Bitcoin-ბირჟა Coinbase-ის აღმასრულებელმა დირექტორმა. მისი აზრით, ისეთ ქვეყნებს, როგორებიცაა დიდი ბრიტანეთი, ბრაზილია და სინგაპური, შტატები "სერიოზულად ჩამორჩება". 23 მარტს SEC-მა კომპანიას გაუგზავნა შეტყობინება. რომ იწყება კვლევა მის პლატფორმაზე ლისტინგსა და მის პროდუქტებთან - Coinbase Prime-თან, Coinbase Wallet-სა და სტეიკინგ-სერვის Coinbase Earn-თან მიმართებაში. „ჩვენ არ უნდა დავექვემდებაროთ ასეთ იძულებით რეგულაციას. გარკვეული გაგებით, ჩვენ მოხარული ვართ მივმართოთ სასამართლოს, თუ ეს ხელს შეუწყობს პრეცედენტული სამართლის განვითარებას ინდუსტრიისთვის“, - განაცხადა Coinbase-ის ხელმძღვანელმა. არმსტრონგმა ასევე მოუწოდა ამერიკელ მომხმარებლებს, უპირატესობა მიანიჭონ პოლიტიკოსებს, რომლებიც მხარს უჭერენ კრიპტოვალუტებს. ”ჩვენ ვაპირებთ ავირჩიოთ კანდიდატები, რომლებიც მხარს უჭერენ ციფრულ აქტივებს, რათა დავრწმუნდეთ, რომ ჩვენი წარმატება გარანტირებულია,” - თქვა მან. SEC-ის გამოძიების ფონზე Coinbase-ის აქციების ფასი ბოლო დღის განმავლობაში 14%-ით დაეცა. ამჟამინდელი ფასი 66.30 აშშ დოლარია. წყარო: TradingView KWB-ის ანალიტიკოსებმა The Block-თან კომენტარში განაცხადეს, რომ ბირჟის შემოსავალი შეიძლება სერიოზულად შემცირდეს, თუ მას მოუწევს ლისტინგიდან ნებისმიერი მონეტის ამოღება SEC-ის მოთხოვნის საფუძველზე. ექსპერტების აზრით Coinbase-ზე ციფრული აქტივების დაახლოებით 11% შეიძლება კლასიფიცირდეს, როგორც ფასიანი ქაღალდები მაღალი ალბათობით, კიდევ 45% - ექვემდებარება საშუალო რისკს. ანალიტიკოსებმა ასევე აღნიშნეს, რომ ბირჟაზე სტეიკინგზე იძულებითი უარის თქმა მნიშვნელოვან პრობლემებს არ შექმნის. მათი გათვლებით, ამ სერვისს კომპანიას მთლიანი მოგების დაახლოებით 3-4% მოაქვს. შეგახსენებთ, რომ 12 თებერვალს არმსტრონგმა გამოაცხადა მზადყოფნა - სასამართლოში დაიცვას ბირჟის სტეიკინგის პროგრამა. მარტის დასაწყისში Coinbase-მა აამოქმედა საჯარო კამპანია ციფრული აქტივების პოპულარიზაციისა და მხარდაჭერის მიზნით პოლიტიკოსებსა და მარეგულირებლებს შორის. https://tinyurl.com/5dpsnjvy

Apple-მა ცოტა ხნის წინ გამოუშვა რელიზისწინა iOS 16.4 ვერსია, რომელშიც მითითებულია ახალი უსადენო ყურსასმენი AirPods კოდური დასახელებით A3048 და მისი ახალი ქეისი (მოდელი A2968). როგორც TF Securities-ის ცნობილმა ანალიტიკოსმა Ming-Chi Kuo-მ განაცხადა, საუბარი შესაძლოა ეხებოდეს ყურსასმენ AirPods Pro 2 ვერსიას, რომლის ქეისი USB-C პორტით იქნება წარმოდგენილი - აქტუალურ მოდელს, რომლის დებიუტი გასულ წელს შედგა, საფირმო Lightning კონექტორი აქვს. ახალი ყურსასმენის მასობრივი მიწოდების დაწყება მოსალოდნელია 2023 წლის მეორე ან მესამე კვარტლიდან. ფოტოს წყარო: GSMArena.com USB-C-ს მქონე AirPods Pro 2 ვერსიის სხვა დეტალები ანალიტიკოსს არ გაუზიარებია, ამიტომ ჯერ გაურკვეველია არის თუ არა ეს იგივე AirPods Pro 2, რომელსაც მოყვება USB-C დამტენი ქეისი, თუ არის სრულიად ახალი მოდელი აპარატულ ნაწილში დამატებითი გაუმჯობესებებით. ადრე გავრცელდა ინფორმაცია, რომ მიმდინარე წელს Apple-მა უნდა გამოუშვას iPhone 15 სერიის სმარტფონები, რომლებშიც საბოლოოდ იტყვის უარს Lightning კონექტორზე და გამოიყენებს USB-C პორტს. Kuo-ს თქმით, Apple ამჟამად არ გეგმავს AirPods 2-ისა და AirPods 3-ის გამოშვებას USB-C პორტით, ამიტომ შეგვიძლია ვივარაუდოთ, რომ AirPods Pro 2 შესაძლოა იყოს Apple-ის პირველი TWS ყურსასმენი, რომელსაც Lightning-ის ნაცვლად USB-C კონექტორი ექნება. https://tinyurl.com/yc4rhz9r

2021 წლის ბოლოს ბერლინის მიმდებარედ არსებულმა Tesla-ს ქარხანამ დაიწყო Model Y მოდელის აწყობა, მაგრამ მომხმარებლებმა ადგილობრივი წარმოების მანქანების მიღება მხოლოდ 2022 წლის აპრილიდან დაიწყეს. ამჟამად, თითქმის ერთი წლის შემდეგ, Tesla-ს გერმანული საწარმო ყოველკვირეულად 5 ათას ელექტრომობილს უშვებს, რაც წლიური 250 ათასი ერთეულის წარმოების შესაძლებლობას იძლევა. ფოტოს წყარო: Tesla, Twitter ამ მნიშვნელოვანი ეტაპის მიღწევის შესახებ კომპანიამ გასულ კვირას განაცხადა Twitter-ის მეშვეობით. თავდაპირველად იგეგმებოდა, რომ ამ მოცულობაზე Tesla 2022 წლის ბოლოსთვის გავიდოდა, მაგრამ კომპონენტების მიწოდების ხარვეზებმა მითითებულ ვადაში მიღწევას ხელი შეუშალა. კომპანიას გერმანიაში ყოველწლიურად 500 ათასი ელექტრომობილის წარმოების ნებართვა გააჩნია, ამიტომ Tesla-ს შეუძლია ამ პლატფორმაზე გაზარდოს Model Y-ის წარმოების მოცულობა, ან ასორტიმენტში დაამატოს კიდევ ერთი მოდელი. უახლოეს დროში ეს შეიძლება იყოს Tesla Model 3 თუ გავითვალისწინებთ Tesla-ს განზრახვას - დაიწყოს ელექტრომობილების აწყობა ახალ, უფრო იაფ პლატფორმაზე მექსიკაში მშენებარე საწარმოში. არ არის გამორიცხული, რომ მოხდეს მოდელების ასორტიმენტის უნიფიკაცია ჩრდილოამერიკულ პლატფორმასთან. მიღწეულ შედეგზე Tesla არ შეჩერდება, რადგან ცოტა ხნის წინ მან განაცხადი შეიტანა გერმანიაში წარმოებული ელექტრომობილების წელიწადში 1 მილიონ ერთეულამდე გაზრდის ნებართვასთან დაკავშირებით. ამისთვის მას მოუწევს ქარხნების მიერ დასაკავებელი ტერიტორიების გაფართოება და დამატებით ყველა სამშენებლო პროექტის შეთანხმება ადგილობრივ ხელისუფლებასა და გარემოსდაცვით ორგანიზაციებთან. როგორც მშენებლობის პირველი ეტაპების პრაქტიკამ აჩვენა, გერმანიაში ეს პროცესები დიდი სირთულეებით მიმდინარეობს. https://tinyurl.com/59nkxyz6

TradFi-ში არსებულმა არასტაბილურმა სიტუაციამ ზოგიერთი Bitcoin-ბირჟისთვის შექმნა ბაზრის წილის გაზრდის შესაძლებლობის პირობები კრიპტო კომპანიებისა და ინვესტორებისთვის საბანკო სერვისების შეთავაზების ხარჯზე. ასეთ დასკვნებამდე მივიდნენ JPMorgan-ის ანალიტიკოსები. ექსპერტებმა აღნიშნეს Stablecoin-ების ვაჭრობის მოცულობის ზრდა, რადგან იგი უფრო მეტად გამოიყენებოდა ფინანსური ღირებულების გადაადგილებისთვის. ბოლო მოვლენების გათვალისწინებით Tether-მა მოახერხა თავისი პოზიციის გამყარება, აღნიშნეს მათ. ანალიტიკოსებმა განაცხადეს, რომ fintech კომპანიები და ოფშორული ბანკები ასევე ცდილობენ შეავსონ ის სიცარიელე, რომელიც წარმოიქმნა Silvergate Bank-ის, SVB-ისა და SBNY-ის დაშლის შემდეგ. გარკვეული თვალსაზრისით კრიზისმა დააზარალა ის კრიპტოკომპანიები, რომელთაც დივერსიფიცირებული პარტნიორები ჰყავთ TradFi-სა და ზოგიერთ ბირჟაზე. JPMorgan-მა ხაზგასმით აღნიშნა, რომ გრძელვადიან პერსპექტივაში სასიცოცხლოდ მნიშვნელოვანია ეკოსისტემისთვის დაკარგული საბანკო ქსელების ჩანაცვლება. ეს აუცილებელია ბაზრის მონაწილეებს შორის ფიატის ეფექტური და უსაფრთხო გადაცემისთვის, „ამავდროულად, Stablecoin-ების სტაბილურობის უზრუნველსაყოფად“. შეერთებული შტატების გამკაცრებულმა მარეგულირებელმა პოზიციამ შესაძლოა კრიპტო ბაზრის მონაწილეებს ევროპისა და აზიის საბანკო ქსელებისკენ უბიძგოს, დაასკვნეს ექსპერტებმა. შეგახსენებთ, Moody's-ის ანალიტიკოსებმა აღნიშნეს, რომ აშშ დოლარიდან USDC-ის ბოლოდროინდელმა გამოყოფამ შეიძლება შეაფერხოს Stablecoin-ების განვითარება და განაპირობოს უფრო მკაცრი რეგულაციები. მანამდე ამ Stablecoin-ის თანაგამომცემლების - Circle-სა და Coinbase-ის წარმომადგენლებმა განაცხადეს, რომ საბანკო სექტორში არსებულმა პრობლემებმა კრიპტოვალუტების ბაზარზე გაურკვევლობა გამოიწვია. https://tinyurl.com/2frtrrtm

სააგენტო Bloomberg-ის ინფორმაციით გასულ კვირას Apple-ის უმაღლესი რანგის ასზე მეტ ხელმძღვანელ პირს სპეციალურ შეკრებაზე უჩვენეს შერეული რეალობის ჰედსეტის პროტოტიპი, რომლის დებიუტი მიმდინარე წლის ივნისში უნდა შედგეს. მოწყობილობა პირველად იქნა წარდგენილი ასეთ ფართო წრეში, თუმცა მასზე მომუშავე სპეციალისტებს იგი მანამდეც ჰქონდათ ნანახი. ჰედსეტი Meta/Oculus. ფოტოს წყარო: Bloomberg რაც ყველაზე მნიშვნელოვანია, მოწყობილობის დემონსტრირება შედგა გარკვეული აპლიკაციის მოქმედების მაგალითზე. შედეგად არ მცირდება ის სირთულეები, რომელთან შეჯახებაც მოუწევს ბაზარზე Apple-ის ახალ მოწყობილობას, თუმცა ამჟამინდელი დემონსტრაციის შედეგად მტკიცდება, რომ ჰედსეტი მზადდება ივნისის ანონსისთვის. წყაროს ინფორმაციით Apple-ის ჰედსეტი ბაზარზე წლის ბოლომდე გამოვა და მისი ფასი იქნება 3 ათასი აშშ დოლარი, ხოლო ბაზარზე გამოსვლიდან პირველი 12 თვის განმავლობაში კომპანიის მოლოდინია მილიონი ეგზემპლარის გაყიდვა. მომდევნო ორი წლის განმავლობაში Apple გამოუშვებს ჰედსეტის უფრო იაფ ვერსიას, ასევე უფრო მაღალი წარმადობის მქონე მოდელს. ორივე მათგანი გაყიდვაში 2025 წლის ბოლომდე უნდა გამოვიდეს. ბევრი რამ იქნება დამოკიდებული ახალი ტიპის მოწყობილობის აპლიკაციებსა და პროგრამული უზრუნველყოფის დეველოპერების მხარდაჭერაზე. https://tinyurl.com/wc9hzafb

კომპანია Lenovo-მ წარადგინა ორი რკალისებრი გეიმინგ მონიტორი - 34-დუიმიანი მოდელი Legion Y34wz-30 და 45-დუიმიანი Legion R45w-30. ორივე მათგანს აქვს USB-ჰაბი, KVM -გადამრთველები და ეკრანის ორად გაყოფის შესაძლებლობა. ფოტოს წყარო: Lenovo მოდელ Lenovo Legion R45w-30-ის გვერდების შეფარდებაა 32:9. მონიტორს აქვს UltraWide QHD (5120 × 1440 პიქსელი) გაფართოება, გამოყენებულია 10-ბიტიანი მატრიცა 165 ჰერცი კადრის განახლების სიხშირით, რომლის აჩქარება შესაძლებელია 170 ჰერცამდე. Legion R45w-30 მოდელის სიკაშკაშის მაჩვენებელია 500 კდ/მ2, აქვს 120%-იანი sRGB და 115%-იანი DCI-P3 ფერთა გამების მხარდაჭერა, ასევე ფერის გადმოცემის სიზუსტის Delta E <2 მაჩვენებელი. მხარდაჭერილია გამოსახულების სინქრონიზაციის ტექნოლოგია AMD FreeSync Premium Pro. Lenovo Legion R45w-30-ზე ხელმისაწვდომია USB-ჰაბი 75-ვატიანი USB Type-C კონექტორით, აგრეთვე 2.5-გბ ქსელის ადაპტერი, HDMI 2.1 და DisplayPort 1.4. გეიმინგ მონიტორი Lenovo Legion R45w-30 გაყიდვაში გამოვა ოქტომბერში და მისი ფასი იქნება 999.99 აშშ დოლარი. Legion Y34wz-30 მოდელის გვერდების შეფარდებაა 21:9, გაფართოება WQHD (3440 × 1440 პიქსელი) და აქვს Mini-LED განათება, ასევე DisplayHDR 1000 სერტიფიკაციის მხარდაჭერა. 34-დუიმიანი მოდელის ფერთა გადმოცემა 45-დუიმიანი ვერსიის ანალოგიურია. უმცროს მოდელსაც აქვს 120%-იანი sRGB და 115%-იანი DCI-P3 ფერთა გამები. კადრის განახლების სიხშირეა 180 ჰერცი (აჩქარებისას). მატრიცის რეაგირების დრო შეადგენს 1 მილიწამს (MPRT). მონიტორს აქვს USB-ჰაბი 145 ვატი სიმძლავრით. Legion Y34wz-30 მოდელიც ოქტომბერში გამოვა და შეფასებული იქნება 1199.99 აშშ დოლარად. https://tinyurl.com/2awprnbc

ციფრული აქტივები არ აკმაყოფილებს გამოყენების მითითებულ სცენარებსა და რისკებს უქმნის ინვესტორებს და ზოგადად ფინანსურ სტაბილურობას. ამ დასკვნას შეიცავს კონგრესისთვის განკუთვნილი, შეერთებული შტატების პრეზიდენტის ყოველწლიური ეკონომიკური ანგარიში. ეკონომიკის მრჩეველთა საბჭოს მიერ შედგენილი დოკუმენტი გამოქვეყნდა ერთი წლის შემდეგ იმ დროიდან, როდესაც ქვეყნის ამჟამინდელმა მეთაურმა ჯო ბაიდენმა გამოსცა აღმასრულებელი ბრძანება კრიპტოვალუტების რეგულირებაში ფედერალური სააგენტოების კოორდინაციის შესახებ. პირველად 1950 წლის შემდეგ მოხსენება მოიცავს განყოფილებას ამ აქტივების კლასთან დაკავშირებით. მასში ნათქვამია, რომ კრიპტოვალუტები პოზიციონირებს, როგორც ინტელექტუალური საკუთრების და ფინანსური ღირებულების გავრცელების ინსტრუმენტი, უკეთესი გადახდის მექანიზმი, ფინანსურ სერვისებზე წვდომის გაფართოებისა და ფინანსური შუამავლების აღმოფხვრის საშუალება. დღეისათვის „ციფრულ აქტივებს ჯერ არ მოუტანიათ რომელიმე ეს სარგებელი“. „კრიპტოვალუტები […] არ არის ფიატის […] ეფექტური ალტერნატივა, მათი ინოვაციები ძირითადად მიზნად ისახავს ხელოვნური დეფიციტის შექმნას ფასების მხარდასაჭერად. ბევრ მათგანს არ აქვს ფუნდამენტური ღირებულება. ეს აჩენს კითხვებს რეგულირების როლის შესახებ მომხმარებლების, ინვესტორების და დანარჩენი ფინანსური სისტემის დაცვის მიმართულებით ციფრული აქტივებისგან გამოწვეული პანიკის, კრახებისა და თაღლითებისგან“ - ნათქვამია დოკუმენტში. ანგარიშში მითითებულია „მიმდინარე ინვესტიციები ფინანსურ ინფრასტრუქტურაში, რამაც შეიძლება სარგებელი მოუტანოს მომხმარებლებს და ბიზნესს“. 2023 წელს მოსალოდნელია საგადახდო სისტემის დებიუტი ფედერალური საერეზერვო სისტემისგან, სახელწოდებით FedNow, რომელშიც არ იქნება გამოყენებული ბლოკჩეინი. ამ ტექნოლოგიის ზოგიერთი სარგებელი "შეიძლება მიღწეულ იქნას მომავალში". კერძოდ, ნიუ-იორკის ფედერალური სარეზერვო სისტემა სწავლობს საბითუმო CBDC-ების თავსებადობას ტრანსსასაზღვო ტრანზაქციებში, აღნიშნეს ეკონომისტებმა. ეროვნული ციფრული ვალუტის გამოშვება არ არის გამორიცხული, მაგრამ კითხვის ნიშნის ქვეშ დგას კრედიტების ხელმისაწვდომობის შემცირების რისკებისა და ბანკების წარუმატებლობის გამო. მტკიცება, რომ კრიპტოვალუტები წარმოადგენს დაგროვების ეფექტურ საშუალებას და საგადახდო რესუსს - ვერ უძლებს კრიტიკას, დარწმუნებულნი არიან ანგარიშის ავტორები. „ისევე როგორც ფულს, ინსტრუმენტს უნდა ჰქონდეს სტაბილური ღირებულება და ფასის შეზღუდული არასტაბილურობა“, - განმარტებულია დოკუმენტში. ანალოგიური კითხვები ჩნდება Stablecoin-ებთან მიმართებაში, რომელთა მფლობელები შესაძლოა აღმოჩნდნენ ისეთ სიტუაციაში, სადაც არ არსებობს „პოზიციიდან გამოსვლის კონტრაგენტები“. მსგავსი აქტივები ჯერჯერობით „მეტად სარისკოა“ იმისთვის, რომ საგადახდო საშუალებად ჩაითვალოს. დოკუმენტში ასევე აღნიშნულია, რომ ინდუსტრიის მონაწილეები არ იცავენ ფასიანი ქაღალდების კანონებს და კრიპტო სავაჭრო პლატფორმების სხვადასხვა აქტივობების კონცენტრაციას, რაც აკრძალულია TradFi-ში. ანგარიშში ასევე გამოხატულია სკეპტიციზმი მაინინგთან დაკავშირებით, რომელიც ზრდის ენერგეტიკული კრიზისების რისკებს და ატარებს ან საერთოდ გამორიცხავს „თანამდევ უპირატესობას“. თეთრი სახლის კრიტიკა შეეხო DeFi-საც - dapp-ები „ქმნიან სერიოზულ რისკებს ინვესტორებისა და ფინანსური სისტემისთვის შესაბამისი ნორმატიული აქტების დაცვის გარეშე ლევერიჯის გამოყენებისა და საზედამხედველო ფუნქციების შესრულების გამო“. დასკვნაში აღნიშნულია მოწოდება სააგენტოებისთვის, რომ „გამოიყენონ ცივილიზაციიდან მიღებული გაკვეთილები და […] დაეყრდნონ ეკონომიკურ პრინციპებს ციფრული აქტივების რეგულირებისას“. Paradigm-ის თანადამფუძნებელმა ფრედ ერსამმა აღნიშნა, რომ ეკონომიკური ანგარიშის 15% შედგება cryptoFUD-ისგან. Blockchain Association-ის აღმასრულებელმა დირექტორმა კრისტინ სმიტმა ანგარიშს „იმედის გამაცრუებელი“ უწოდა და აღნიშნა თეთრი სახლის მხრიდან „სულ უფრო მეტი აუტანლობის არსებობა“ მზარდი კრიპტოინდუსტრიის მიმართ. მან რისკები დაინახა აშშ-სთვის გლობალური ტექნოლოგიური რევოლუციისთვის ბარიერების შექმნაში. იანვრის ბოლოს თეთრმა სახლმა აშშ-ის კონგრესს მოუწოდა „გააძლიეროს ძალისხმევა“ ციფრული აქტივების ბაზრის ზედამხედველობასთან დაკავშირებით. თებერვალში, Fed-მა, FDIC-მა და OCC-მ ბანკები გააფრთხილეს კრიპტო ფირმებთან დაკავშირებული ლიკვიდობის რისკების შესახებ. SEC-ის ხელმძღვანელმა გენსლერმა 2023 წელს კრიპტოვალუტების რეგულირებას პრიორიტეტი უწოდა. მოგვიანებით სააგენტომ მომხმარებლებს შესთავაზა კვალიფიციური მეურვეების როლის გაფართოება და გაძლიერება ციფრულ აქტივებთან მიმართებაში. მანამდე გენსლერმა კრიპტოვალუტების ბაზარს ცენტრალიზებული უწოდა. მან პლატფორმებს მოუწოდა მიიმართონ SEC-ს ამა თუ იმ აქტივის საინვესტიციო კონტრაქტად აღიარებისთვის. მან ასევე გაფრთხილება გამოთქვა, რომ შესაძლოა დაიწყოს არარეგისტრირებული Bitcoin-ბირჟების დევნა. https://tinyurl.com/5f84z47j

NVIDIA-მ გამოაცხადა მსოფლიოში პირველი, კვანტური გამოთვლითი ინტერფეისის მქონე GPU-ზე დაფუძნებული სისტემის გამოშვების შესახებ. სისტემა DGX Quantum უზრუნველყოფს ჰიბრიდულ კვანტურ-კლასიკურ გამოთვლებს ღია კოდის მქონე პროგრამულ პლატფორმა CUDA Quantum-ის საფუძველზე. ფაქტობრივად, კომპანიამ წარადგინა მარტივი და ადვილად გამოსაყენებელი აპარატურულ-პროგრამული ინტერფეისი, რომელიც აერთიანებს კლასიკურ და კვანტურ კომპიუტერებს. კუბიტებთან მუშაობა უფრო ადვილი გახდება. ფოტოს წყარო: NVIDIA კუბიტების მართვის ბლოკი წარმოადგინა ისრაელში მოქმედმა ახალმა კომპანია Quantum Machines-მა. ფოტოზე მისი ამოცნობა მარტივია კოაქსალური კონექტორების ორი რიგით. პირობითად, ბლოკი შესაძლებელია წარმოდგენილი იყოს კუბიტების კონტროლერის სახით. იდეალურ შემთხვევაში იგი უნდა დამონტაჟდეს კუბიტების მქონე ერთ ბლოკში, რომელშიც იგი იმუშავებს GPU-ამაჩქარებლიდან მიღებული ბრძანებების მიხედვით, თუმცა ამის განხორციელება ჯერჯერობით შეუძლებელია - ელექტრონიკა უბრალოდ ვერ უძლებს კრიოგენულ ტემპერატურას. მართვის ბლოკ Quantum Machines OPX+-ის მთავარი ღირსებაა მისი უნივერსალურობა. ბლოკი ახდენს სიგნალების სტრუქტურის ადაპტირებას მუშაობისთვის (წაკითხვა, ჩაწერა, კალიბრაცია) კუბიტების მეტად ფართო სპექტრით - კრიოგენულიდან დაწყებული - კრისტალების დეფექტებით, იონური ხაფანგებით და ა.შ. დამთავრებული. გამოსავალი ნამდვილად უნივერსალურია და სპეციალისტებს საშუალებას მისცემს თავიდან აიცილონ პრობლემები ჰიბრიდული კომპიუტერების შექმნის პროცესში. NVIDIA-ს მხრიდან სისტემა DGX Quantum-ში ჩადებულია უახლესი Grace Hopper გადაწყვეტილება Arm პროცესორისა და H100 გამოთვლითი ამაჩქარებლის კომბინაციის სახით. Quantum Machines OPX+-თან ერთად პლატფორმა უზრუნველყოფს ჰიბრიდული, დიდი მოცულობის რესურსების მქონე ალგორითმების გაშვებას და მცირე შეყოვნებასა და მაღალ წარმადობას ისეთ შემთხვევებში, რომლებშიც კლასიკური სისტემები არაეფექტურია. სისტემის უმნიშვნელოვანეს ნაწილს წარმოადგენს პროგრამული პლატფორმა CUDA Quantum. იგი მომხმარებლებს საშუალებას მისცემს გაერკვიონ ჰიბრიდულ და კვანტურ ალგორითმებში ისე, რომ არ დასჭირდეთ გამოცდილება კვანტურ მექანიკაში. ცნობილია, რომ პლატფორმის გამოყენებას უკვე აპირებენ კომპანიები Anyon Systems, Atom Computing, IonQ, ORCA Computing, Oxford Quantum Circuits და QuEra, კვანტური პროგრამული უზრუნველყოფის დეველოპერი კომპანიები Agnostiq და QMware, აგრეთვე მოწინავე ინდუსტრიული მეცნიერებისა და ტექნოლოგიების ეროვნული ინსტიტუტის, IT მეცნიერების ცენტრის (CSC) და კომპიუტერული აპლიკაციების ეროვნული სააგენტოს (NCSA) სუპერკომპიუტერული ცენტრები. „ჩვენ მივდივართ კვანტური გამოთვლის ახალი ეპოქისკენ, რომელიც უფრო მეტი მკვლევრისთვისაა ხელმისაწვდომი, ვიდრე ოდესმე“, - განაცხადა Quantum Machines-ის თანადამფუძნებელმა და აღმასრულებელმა დირექტორმა Itamar Sivan-მა. "ჩვენი თანამშრომლობა NVIDIA-სთან DGX Quantum სისტემის მიმართულებით საშუალებას მისცემს ახალი თაობის ინოვატორებს - გადაჭრან მსოფლიოს ზოგიერთი უდიდესი პრობლემა." https://tinyurl.com/vx2yavsr

კომპანია MSI-მ წარადგინა ლეპტოპები CreatorPro M16, CreatorPro Z17 HX Studio, CreatorPro Z16 HX Studio და CreatorPro X17 HX. ყველა მათგანში მოცემულია Intel Raptor Lake-H/HX სერიის პროცესორები, აგრეთვე Ada Lovelace არქიტექტურაზე აგებული NVIDIA RTX სერიის პროფესიონალური დისკრეტული ვიდეო ბარათების უახლესი მოდელები. ფოტოს წყარო: MSI ლეპტოპ CreatorPro M16-ში მოცემულია პროცესორები 14-ბირთვიანი, 5 გჰც Intel Core i7-13700H-ის ჩათვლით. CreatorPro Z17 HX Studio და CreatorPro Z16 HX Studio მოდელებში მოცემული იქნება 24-ბირთვიანი Core i9-13950HX სიხშირით 5.5 გჰც, უფროს მოდელ CreatorPro X17 HX-ს კი ექნება 24-ბირთვიანი Core i9-13980HX პროცესორი 5.6 გჰც სიხშირით - ეს გახლავთ Intel-ის ყველაზე მძლავრი მობილური პროცესორი ამჟამად. CreatorPro X17 HX-ში მოცემულია 128 გბ DDR5 ოპერატიული მეხსიერება, აგრეთვე არჩევანის საშუალება ერთ PCIe 5.0 NVMe SSD-სა და ორ PCIe 4.0-ს შორის, დანარჩენ ლეპტოპებს ექნება 64 გბ-მდე ამავე სტანდარტის ოპერატიული მეხსიერება. CreatorPro M16 მოდელს აქვს PCIe 4.0 სტანდარტის ორი SSD, CreatorPro Z17 HX Studio-სა და CreatorPro Z16 HX Studio-ს კი - თითო PCIe 5.0 კონექტორი SSD-ისთვის. გრაფიკული ქვესისტემის სახით CreatorPro M16 ხელმისაწვდომია პროფესიონალური ვიდეო ბარათი NVIDIA RTX 3000 ან NVIDIA RTX 2000 8 გბ მეხსიერებით, ან NVIDIA RTX A1000 6 გბ. CreatorPro Z17 HX Studio და CreatorPro Z16 HX Studio მოდელებში მოცემულია გრაფიკული ამაჩქარებლები NVIDIA RTX 3000 ან NVIDIA RTX 2000, ხოლო მოდელ CreatorPro X17 HX-ში წარმოდგენილი იქნება პროფესიონალური ვიდე ბარათი NVIDIA RTX 3500 12 გბ მეხსიერებით. სხვა მოდელების ფონზე უფროსი CreatorPro X17 HX გამოირჩევა 17.3-დუიმიანი დისპლეით, რომლის გაფართოებაა 3840 × 2160 პიქსელი, აქვს Mini-LED განათება, 144 ჰერცი კადრის განახლების სიხშირე, 100%-იანი DCI-P3 ფერთა გამა და VESA DisplayHDR1000 სერტიფიკაცია. მოდელ CreatorPro Z17 HX Studio-ს აქვს 17-დუიმიანი სენსორული ეკრანი გაფართოებით 2560 × 1600 პიქსელი, 165 ჰერცი კადრის განახლების სიხშირე, 100%-იანი DCI-P3 და MSI Pen2 ელექტრონული ფანქრის მხარდაჭერა. CreatorPro Z16 HX Studio-ს აქვს 16-დუიმიანი ეკრანი გაფართოებით 2560 × 1600 პიქსელი, კადრის განახლების სიხშირე 120 ჰერცი, 100%-იანი DCI-P3 ფერთა გამა, ხოლო CreatorPro M16 მოდელის შემთხვევაში ხელმისაწვდომია ორი ვარიანტი: 16-დუიმიანი ეკრანის მქონე მოდელი 2560 × 1600 ან 1920 × 1080 პიქსელი გაფართოებით. მეორე მათგანის შემთხვევაში მითითებულია 144 ჰერცი კადრის განახლების სიხშირე. MSI CreatorPro M16, CreatorPro Z17 HX Studio, CreatorPro Z16 HX Studio და CreatorPro X17 HX ლეპტოპების დეტალური მახასიათებლები: CreatorPro Z17 HX Studio, CreatorPro Z16 HX Studio და CreatorPro X17 HX მოდელების შემთხვევაში მითითებულია რამდენიმე Thunderbolt 4 (USB Type-C პორტი DisplayPort-ის ალტერნატიული დამუხტვის ფუნქციებით) ინტერფეისის არსებობა. CreatorPro M16 მოდელს აქვს კლავიატურა კლავიშების ერთფერიანი განათებით, დანარჩენ ლეპტოპებში კი წარმოდგენილია SteelSeries კლავიატურა თითოეული კლავიშის ინდივიდუალური RGB განათებით. https://tinyurl.com/yxcatwrw

NFT შეიძლება განიხილებოდეს, როგორც ხელოვნების ნიმუშები და კოლექციონირების საგნები, როგორიცაა მონეტები, ალკოჰოლი და ანტიკვარიატი. მსგავს შესწორებებს მოამზადებენ შიდა შემოსავლების სამსახური (IRS) და აშშ-ის ფინანსთა სამინისტრო ახალ სახელმძღვანელო პრინციპებში. წესების შედეგად აიკრძალება არაურთიერთჩანაცვლებადი ტოკენების დამატება ინდივიდუალური საპენსიო ანგარიშების პორტფელში (IRA). NFT-ების საკოლექციო ნივთებად კლასიფიკაციამ შეიძლება გავლენა მოახდინოს იმაზე, თუ როგორ იბეგრება ისინი მეორად ბაზარზე ყიდვა-გაყიდვისას. აშშ-ის რეზიდენტის შემოსავლიდან გამომდინარე კაპიტალის მოგების გადასახადი მერყეობს 10%-დან 37%-მდე, ხელოვნების ნიმუშებისთვის კი ეს მაჩვენებელი შემოიფარგლება 28%-მდე. „ეს კლასიფიკაცია ნიშნავს იმას, რომ NFT-ში, რომელსაც აქვს სურათი საგადასახადო მიზნებისთვის, საკოლექციო მასალა იქნება JPEG ფაილი და არა თავად ტოკენი“, განუცხადა Decrypt-ს Blockchain Intelligence Group-ის მარეგულირებელი განყოფილების დირექტორმა ტიმოთი კრედლმა. სააგენტოებმა შემოთავაზებულ ცვლილებებზე კომენტარი 19 ივნისამდე მოითხოვეს. კითხვებს შორისაა შემდეგი: „რა ფაქტორები უნდა იქნას გათვალისწინებული, რათა დადგინდეს, არის თუ არა ციფრული ფაილი „ხელოვნების ნაწარმოები“?“. „დიდება მათ [IRS-სა და ფინანსთა სამინისტროს], რომ ითხოვენ საზოგადოებრივ აზრს, რათა მიიღონ ინფორმირებული გადაწყვეტილებები რეგულირების და არა აღსრულების შესახებ!“ - განაცხადა Magic Eden-ის დამფუძნებელმა, ფსევდონიმით Sh0edog. ახალი პრინციპების დამტკიცების მოლოდინში შიდა შემოსავლების სამსახური NFT-ების „თანხმობათა ანალიზით“ იხელმძღვანელებს. მაგალითად, ტოკენი, რომელიც წარმოადგენს ძვირფას ქვას, განიხილება, როგორც კოლექციონირების საგანი. NFT მეტასამყაროში მიწის ნაკვეთის განვითარების უფლების სახით აღიარებული არ არის. კრედლმა დაუშვა, რომ არაურთიერთჩანაცვლებადი ტოკენების ბაზრები არ არის აღიარებული, როგორც „ღირებულების გადაცემის პროვაიდერები“ ახალი წესების მიხედვით, რაც კრიპტო ბირჟებისთვის შესაბამისია. ექსპერტმა აღნიშნა, რომ ხელმძღვანელობას შეუძლია გავლენა მოახდინოს იმაზე, თუ როგორ მოხვდება NFT პლატფორმები AML/KYC წესებში. მომავალში სიტუაცია შეიძლება შეიცვალოს FinCEN-ის შესაბამისი რეკომენდაციების გამოჩენის შედეგად, განაცხადა მან. „ეს შეზღუდავს იმის ალბათობას, რომ მარკეტფლეისებმა უნდა შეასრულონ გარკვეული კანონები და/ან ჰქონდეთ MTL. და პირიქით, გაზრდის NFT-ის გამოყენების რისკს ფულის გათეთრების მიზნით, ვინაიდან კრიპტოვალუტის ასეთ აქტივებად გადაქცევა ძალიან ადვილია“, - დაასკვნა სპეციალისტმა. შეგახსენებთ, რომ აშშ-ის პრეზიდენტმა ჯო ბაიდენმა 2024 ფისკალური წლის ბიუჯეტის პროექტში წარმოადგინა მთელი რიგი ღონისძიებების შემოთავაზება ინდუსტრიიდან შემოსავლების 24 მლრდ აშშ დოლარით გაზრდის მიზნით. 2022 წლის სექტემბერში ცნობილი გახდა, რომ IRS გაუგზავნის მოსაწვევებს დეპარტამენტის წინაშე წარსადგენად იმ მომხმარებლებს, რომლებიც არ აბარებენ ანგარიშებს და არ იხდიან ბეგარას კრიპტო ტრანზაქციებზე. ეს შესაძლებელი გახდება სასამართლოს შესაბამისი ნებართვის შემდეგ. https://tinyurl.com/mr34naw2

კომპანია ASUS-მა იანვარში გამოფენა CES 2023-ზე წარადგინა ROG XG Mobile - დოკ-სადგური ლეპტოპებისთვის, რომლის შემადგენლობაში შედის ფლაგმანური ვიდეო ბარათი GeForce RTX 4090. ახალი მოწყობილობა ცოტა ხნის წინ გამოჩნდა გაყიდვაში ზოგ ქვეყანაში. მაგალითად, იაპონიაში იგი შეფასებულია დაახლოებით 3 ათას აშშ დოლარად, თუმცა სხვა ქვეყნებში მისი ყიდვა გაცილებით იაფადაა შესაძლებელი. ფოტოს წყარო: ASUS დოკ-სადგური ASUS ROG XG Mobile თავსებადია მხოლოდ ASUS-ის ROG Flow სერიის ლეპტოპებთან. მობილურ კომპიუტერს მოწყობილობა უკავშირდება უშუალოდ PCIe ინტერფეისის მქონე კონექტორით, დიდი ალბათობით, ეს იქნება PCIe 4.0 ვერსია. ASUS ROG XG Mobile-ის შემადგენლობაში გამოყენებულია GeForce RTX 4090 ვიდეო ბარათის არა დესკტოპ ვარიანტი, არამედ ამაჩქარებლის მობილური ვერსია. ამ ბარათში მოცემულია გრაფიკული პროცესორი AD103 9728 CUDA ბირთვით ისევე, როგორც GeForce RTX 4080-ის დესკტოპ მოდელში. მობილური GeForce RTX 4090-ის ენერგომოხმარების მაჩვენებელია 150 ვატი, TDP-ის მაქსიმალური დონე კი შეადგენს 175 ვატს (+25 ვატი Dynamic Boost). GPU-ის საბაზისო სიხშირეა 1590 მჰც. Boost-რეჟიმში სიხშირე იზრდება 2040 მჰც-მდე, რაც გაცილებით ნაკლებია ამავე გრაფიკული ჩიპის მქონე დესკტოპ ვარიანტთან შედარებით. ვიდეო ბარათს აქვს 16 გბ GDDR6 მეხსიერება. ASUS ROG XG Mobile ორ ნაწილადაა გაყოფილი. ერთში მოცემულია 330-ვატიანი ინტეგრირებული კვების ბლოკი, მეორეში - თავად ვიდეო ბარათი, აგრეთვე input/output ინტერფეისები. ვიდეო ბარათი გრილდება რადიატორით, რომელშიც მოცემულია ამაორთქლებელი კამერა და ტურბინის ტიპის ქულერი, რომელსაც ცხელი ჰაერი დოკ-სადგურიდან გამოაქვს. ASUS ROG XG Mobile-ში ხელმისაწვდომია შემდეგი კონექტორები: HDMI 2.1, DisplayPort 1.4, USB 3.2 Gen1 (Type-A + Type-C), SD მეხსიერების ბარათის წამკითხველი, ასევე 2.5 გბ ქსელის ადაპტერი და კონექტორი კვების სადენის დასაკავშირებლად. იაპონიაში ASUS ROG XG Mobile-ის ფასია 399800 იენი, ანუ დაახლოებით 3 ათასი აშშ დოლარი დღგ-ს ჩათვლით. კანადაში დოკ-სადგური 2500 კანადურ დოლარად, ანუ 2000 აშშ დოლარად არის შეფასებული. სხვა სიტყვებით რომ ვთქვათ, GeForce RTX 4090 გარე მობილური გრაფიკული ბარათი მინიმუმ 25%-ით უფრო ძვირია GeForce RTX 4090-ის დესკტოპ ვერსიასთან შედარებით, მაგრამ ამავე დროს გააჩნია 800 აშშ დოლარი ღირებულების მქონე დესკტოპ GeForce RTX 4070 Ti-ს მსგავსი წარმადობა. https://tinyurl.com/4an8hfu3

ანალიტიკურმა სააგენტო Counterpoint Research-მა შეაჯამა გასული წლის მეოთხე კვარტალი სმარტფონების ბაზარზე. აღმოჩნდა, რომ უპირობო ლიდერი ამჟამად კომპანია Apple-ია, რომელმაც ამ პოზიციაზე მთავარი კონკურენტი - სამხრეთკორეული Samsung ჩაანაცვლა. ფოტოს წყარო: lukgehr/unsplash.com 2022 წლის მეორე და მესამე კვარტალში Apple-ის გლობალური წილი მხოლოდ 16%-ს შეადგენდა, თუმცა მეოთხე კვარტალში 23%-მდე გაიზარდა, ცხადია, iPhone 14 სერიის საშემოდგომო პრემიერის ხარჯზე. ცნობილია, რომ ლიდერების ხუთეულში კვარტალური ზრდა დააფიქსირეს მხოლოდ Apple-მა და Oppo-მ, რომელთა მიწოდების მოცულობა 42% და 4%-ით გაიზარდა, შესაბამისად. პარალელურად, Samsung-ის სმარტფონების მიწოდების მოცულობა ხსენებულ კვარტალში მნიშვნელოვნად შემცირდა და წილმა შეადგინა ბაზრის 15% - წილი შემცირდა 16%-ით წლის ჭრილში და 9%-ით - კვარტალური გამოთვლით 58.3 მილიონ ერთეულამდე. აღსანიშნავია, რომ სტატისტიკა მნიშვნელოვნად განსხვავდება რეგიონების მიხედვით. ჩრდილოეთ ამერიკაში Apple უდავო პირველ ადგილს იკავებს 57%-ით, ევროპაში Samsung ლიდერობს 31%-ით, ახლო აღმოსავლეთსა და აფრიკაში Apple ხუთეულშიც კი არ შედის, ხოლო ლათინურ ამერიკაში კომპანია მეოთხე ადგილს იკავებს. ფოტოს წყარო: Counterpoint Research მთლიანობაში 2022 წელი სმარტფონების ბაზრისთვის წარუმატებელი აღმოჩნდა, რადგან ჯამური მიწოდების მოცულობა 12%-ით, 1.2 მილიარდ ერთეულამდე შემცირდა - ეს გახლავთ ყველაზე დაბალი მაჩვენებელი 2013 წლის შემდეგ. ამასთან, ყველაზე დიდი ვარდნა დაფიქსირდა მეოთხე კვარტალში - მიწოდების მოცულობა შემცირდა 19%-ით 302.6 მილიონ გაჯეტამდე. აღსანიშნავია, რომ Apple-ის წილი სმარტფონების საერთო რიცხვში Android-თან შედარებით ჯერ კიდევ მცირეა, თუმცა პრემიუმ-სეგმენტში კომპანია აბსოლუტური ლიდერია. მთელი 2022 წლის შეჯამებით იგი იკავებს ბაზრის 75%-ს და უსწრებს Samsung-ს - თუმცა კომპანია 2021 წელს ამ ნიშაში 70%-ზე მეტს ფლობდა. https://tinyurl.com/46ucftj2

ბოლო დროს Bitcoin-ის ფასი სტაბილურია დაახლოებით 28 ათას აშშ დოლარიან ნიშნულზე, რაც მიუთითებს ინვესტორების მოთხოვნის ზრდაზე. ეს ვითარება აშშ-ის ფინანსური კრიზისის შედეგად დაზარალებული ტრადიციული საბანკო სისტემების არასტაბილურობის კონტრასტულია. გლობალურ საბანკო სექტორში გარკვეული „ტურბულენტობის“ ფონზე Bitcoin ტრეიდერებისთვის პერსპექტიულ ალტერნატივად იქცა. ექსპერტები ამტკიცებენ, რომ ეს განსაკუთრებით აშკარაა, რადგან პირველი კრიპტოვალუტა ჩამოშორდა აშშ-ის აქციების ბაზრებს და ახლა იქცევა, როგორც არაკორელირებადი აქტივების კლასი. ბოლო რამდენიმე დღის განმავლობაში Bitcoin-ის თავდაჯერებულმა აღმასვლამ მნიშვნელოვნად გააუმჯობესა ტრეიდერების განწყობა, ხოლო შიშისა და სიხარბის ინდექსი კრიპტოვალუტის მფლობელებს შორის 66/100-მდე გაიზარდა. ახლა ბაზარი ელოდება აშშ-ის ფედერალური სარეზერვო ბანკის გადაწყვეტილებას საბაზისო განაკვეთის შემცირების შესახებ, რაც შეიძლება მორიგი მნიშვნელოვანი ბიძგი იყოს კრიპტოვალუტების ზრდისთვის, თუ სიტუაცია წარმატებით დალაგდება. ფინანსური ანალიტიკოსების მონაცემებით ამჟამად Bitcoin გამყარდა გარღვევის დონის ზემოთ (25250 აშშ დოლარი), რაც დადებით ნიშანს წარმოადგენს. 18 მარტს მცირე კორექციის შემდეგაც კი ფასმა გააგრძელა აღმავალი იმპულსის დაფიქსირება მომდევნო დღეს. იმ შემთხვევაში, თუ BTC-ის ფასი დაეცემა მისი ამჟამინდელი დონიდან ან შეხვდება ზედა წინააღმდეგობას, საკვანძო დონე იქნება 25250 აშშ დოლარი. თუ ფასი ამ დონიდან გადაუხვევს, მაშინ 25250 აშშ დოლარიანი ნიშნული წარმატებით გადაილახება. ამდენად, ეს დონე შეასრულებს "ფსკერის" ფუნქციას ფასის შემდეგი გარდაუვალი ვარდნის დროს. https://tinyurl.com/7fnumwbt

რესურს VideoCardz-ის ინფორმაციით კომპანია NVIDIA სავარაუდოდ ამზადებს გრაფიკულ ამაჩქარებელ GeForce RTX 4070-ის ორ ვერსიას - 12+4-პინიანი 12VHPWR და სტანდარტული 8-პინიანი კონექტორით. ამასთან, მეორე ვარიანტს ექნება TGP-ის უფრო დაბალი მაჩვენებელი, თუმცა კომპანიის პარტნიორებმა, როგორებიცაა Palit, ASUS, MSI და GIGABYTE, შესაძლოა გამოუშვან საკუთარი ვერსიები ორი კონექტორით, მაგალითად 8- და 6-პიანიანი კონექტორებით. RTX 4070-ის დეტალური მახასიათებლები ჯერჯერობით არ ხმაურდება, მაგრამ GIGABYTE-ის მიერ გაზიარებული ინფორმაციით ცნობილია, რომ ვიდეო ბარათს 12 გბ მეხსიერება ექნება. მოდელი 12 აპრილს უნდა გამოვიდეს. 12VHPWR კონექტორის რეპუტაცია მნიშვნელოვნად შეილახა მისი დადნობისა და RTX 4090 ბარათების მწყობრიდან გამოსვლის მთელი რიგი შემთხვევების გამო - როგორც აღმოჩნდა, კონექტორის გადახურება და ნაწილობრივი დადნობა უკავშირდებოდა არასწორ გამოყენებას - მომხმარებლები ბოლომდე არ აერთებდნენ შტეკერს. იმის მიუხედავად, რომ მხოლოდ რამდენიმე ათეული ასეთი შემთხვევა იყო ასობით ათას გაყიდულ ვიდეო ბარათს შორის, გეიმერებში მაინც შავ ლაქად დარჩა. გარდა ამისა, მომხმარებელთა უმეტესობას ურჩევნია გამოიყენოს სტანდარტული 6- და 8-პინიანი კონექტორები, რათა არ შეიძინონ ახალი კვების წყარო და არ გამოიყენონ გადამყვანები. https://tinyurl.com/3n7whcy5

კომპანია Agility Robotics-მა წარადგინა ახალი თაობის ორფეხა რობოტი Digit. წინა ვერსიას, რომელიც განკუთვნილი იყო სასაწყობე და სხვა სამუშაოებისთვის, არ ჰქონდა თავი და თვალები, ახალ რობოტზე წარმოდგენილია ეს დეტალები, ამიტომ იგი უფრო მეტად დაემსგავსა ადამიანს. მიიჩნევა, რომ ორი ანიმირებული LED-თვალის არსებობა ადამიანებთან ურთიერთობას გააუმჯობესებს. ფოტოს წყარო: Agility Robotics უთავო Digit წარადგინეს 2020 წელს. აღინიშნებოდა, რომ მას სარგებლობის მოტანა შეუძლია სხვადასხვა სფეროში, ლოჯისტიკიდან დაწყებული საწარმოო ინსპექციით დამთავრებული. შესაძლებელი იყო რობოტის ავატარის სახით გამოყენებაც დანიშნულების ადგილზე დისტანციურად ყოფნისთვის. გარდა ამისა, რობოტს უნდა შეესრულებინა ზოგი დავალება ადამიანის მსგავსად და უნდა დაეკავებინა მისივე მოცულობის ადგილი, ამიტომ გადაწყდა, რომ იგი ყოფილიყო 180 სმ-ზე ოდნავ დაბალი და ორფეხა. თავისა და თვალების დამატება მხოლოდ „კოსმეტიკურ“ პროცედურას არ წარმოადგენს. კომპანიის წარმომადგენელმა ჟურნალისტებს განუცხადა, რომ სენსორებით აღჭურვილი თავი ადამიანებს საშუალებას მისცემს უკეთ აღიქვან Digit-ის მოქმედება, რადგან მისი თვალები მნიშვნელოვანი ინფორმაციის დემონსტრირებას მოახდენს - როგორიცაა მოძრაობის მიმართულების შეცვლა ან ამა თუ სახის საქმიანობით დაკავება. გარდა ამისა, შეიცვალა ხელების კონსტრუქცია, რომლებითაც ახლა უფრო ადვილი იქნება პლასტმასის კონტეინერებთან მუშაობა, რომლებიც ხშირად გამოიყენება საწყობებში. ჯერჯერობით Digit-ის შესაძლებლობები შეზღუდულია - რობოტს შეუძლია სიარული, ჩაჯდომა, კიბეებზე ასვლა და სხვა მარტივი მოქმედებების შესრულება, მისი მთავარი ამოცანაა 16 კგ-მდე წონის ობიექტების აწევა და დადება. ჯერჯერობით უცნობია, რა თანხა დაუჯდება რობოტი მისი შეძენის მსურველ ბიზნესს, მაგრამ Agility Robotics-ის დეველოპერი ხსნის Agility Partner Program-ს, რომელიც პარტნიორებს მისცემს "ექსკლუზიურ შესაძლებლობას - განსაზღვრონ Digit-ის უნარები და შესაძლებლობები" - თავდაპირველად რობოტის შეძენას შეძლებენ მხოლოდ ინიციატივის მონაწილეები. https://tinyurl.com/mskscv4v