Magdalena

მომავალ თვეში Microsoft გამართავს ღონისძიებას, რომელშიც გამოავლენს თავის ხედვას "ხელოვნური ინტელექტის მქონე კომპიუტერების" კონცეფციის შესახებ. როგორც ჩანს, პროგრამული გიგანტი დარწმუნებულია Windows-on-Arm ლეპტოპების ახალი ხაზის წარმატებაში და თვლის, რომ ისინი Apple-ის M3-ზე მომუშავე MacBook Air-ზე უკეთესი იქნება როგორც პროცესორის წარმადობაში, ისე ხელოვნურ ინტელექტთან დაკავშირებულ ამოცანებში, წერს The Verge.  

ფოტოს წყარო: Microsoft 

ცხადია, რომ Microsoft დიდ იმედებს ამყარებს ახალ Qualcomm Snapdragon X Elite Arm პროცესორებზე, რომლებმაც უნდა უზრუნველყონ ის წარმადობა, რომელიც საჭიროა Windows-on-Arm პროგრამული პლატფორმის ბაზარზე უფრო აგრესიული განვითარებისთვის. კომპანია დიდ ფსონს დებს ამ ჩიპებზე, რომლებიც წელს გამოჩნდება სხვადასხვა მწარმოებლის ლეპტოპებში, ასევე Surface-ის უახლეს მოწყობილობებში. 

წყაროს ცნობით, Microsoft იმდენად დარწმუნებულია Qualcomm-ის ახალ ჩიპებში, რომ გეგმავს დემონსტრაციების სერიის ჩატარებას, რომელიც აჩვენებს, თუ რამდენად სწრაფია ახალი Windows ლეპტოპები MacBook Air M3-თან შედარებით პროცესორის წარმადობის და სიჩქარის თვალსაზრისით ხელოვნურ ინტელექტთან დაკავშირებულ ამოცანები და თუნდაც აპლიკაციის ემულაციაში. წყარომ Microsoft-ის შიდა დოკუმენტებზე დაყრდნობით განაცხადა, რომ Windows-ზე დამყარებული „ხელოვნურ ინტელექტზე მომუშავე კომპიუტერები“ შეძლებენ „აპლიკაციის უფრო სწრაფ ემულაციას, ვიდრე Rosetta 2“, -  Apple-ის კომპიუტერებში გამოყენებული ემულატორი. 

წყაროს ცნობით, Microsoft ასევე გეგმავს Surface Pro 10-ისა და Surface Laptop 6-ის სამომხმარებლო ვერსიების წარდგენას Snapdragon X Elite პროცესორებით Intel Core Ultra-ს ნაცვლად. Microsoft-მა უკვე დააანონსა აღნიშნული მოწყობილობების ბიზნეს ვერსიები - სამომხმარებლო მოდელებისგან განსხვავებით მათში Core Ultra ჩიპებია წარმოდგენილი. 

ეგრეთ წოდებულ „ხელოვნური ინტელექტის მქონე პერსონალურ კომპიუტერებს“ წვდომა ექნება Windows-ის ხელოვნური ინტელექტის ახალ ფუნქციებზე, როგორიცაა AI Explorer, რომელიც მომხმარებლებს საშუალებას მისცემს „ამოიღონ ყველაფერი, რაც ოდესმე უნახავთ ან გაუკეთებიათ თავიანთ მოწყობილობაში“. ეს ინსტრუმენტი ჰგავს Timeline-ს, რომელიც გამოჩნდა Windows 10-ში და საბოლოოდ წაშალეს დეველოპერებმა. AI Explorer იყენებს ხელოვნური ინტელექტის თანაპროცესორს, რათა დაეხმაროს მომხმარებლებს დაიმახსოვრონ რაზე მუშაობდნენ ადრე და რა მოქმედებები შეასრულეს სხვადასხვა აპლიკაციაში. 

ფოტოს წყარო: Qualcomm 

Microsoft ასევე ცდილობს გააუმჯობესოს ვიდეო ნაკადი Arm კომპიუტერებზე, რომლებიც მუშაობენ Windows-ზე ხელოვნური ინტელექტის ახალი ფუნქციით. „ხელოვნურ ინტელექტზე მომუშავე კომპიუტერები“ მიიღებენ Windows Studio-ს ფონის დაბინდვის ეფექტების მხარდაჭერას, სურათების უფასოდ გენერირების უნარს და ბევრ სხვას. 

Qualcomm ასევე დარწმუნებულია თავის ახალ Arm პროცესორებში. ცოტა ხნის წინ კომპანიამ გამოაქვეყნა ტესტის შედეგები, რომლებიც აფიქსირებს Snapdragon X Elite პროცესორების უპირატესობას Apple M2 და Core Ultra 7 ჩიპებთან შედარებით მრავალი მახასიათებლის მხრივ. Qualcomm ამტკიცებს, რომ ბევრი თამაში კარგად იმუშავებს ახალ Arm ლეპტოპებზე, ამიტომ არ არის გამორიცხული ბაზარზე გამოჩნდეს გეიმინგ მოწყობილობები X Elite ჩიპებით. 

Microsoft გამართავს "AI PC" პრეზენტაციას 20 მაისს, დეველოპერთა ყოველწლიური კონფერენცია Build-ის წინა დღეს. აღმასრულებელი დირექტორი სატია ნადელა ისაუბრებს კომპანიის "ხელოვნური ინტელექტის ხედვაზე აპარატულ და პროგრამულ უზრუნველყოფაში", რომელიც გზას გაუხსნის Windows-ის ახალი ვერსიის გამოშვებას Arm-ზე და ინვესტირებას ხელოვნური ინტელექტის ფუნქციებში Windows 11-ისთვის. წყაროს მიხედვით Microsoft-ის ხედვა მოიცავს სლოგანს „Copilot ყველა მომხმარებლისთვის“ - ეს მინიშნებაა Microsoft-ის გრძელვადიან კონცეფციაზე „კომპიუტერი ყველა სახლში“, რომელიც წარსულში გამოიყენებოდა Windows-ის პოპულარიზაციისთვის. კომპანია ელოდება, რომ 2026 წლის ბოლოსთვის Windows-ის ახალი მოწყობილობების 50%-ში გამოყენებული იქნება ხელოვნური ინტელექტის მქონე თანაპროცესორით აღჭურვილი პროცესორები. 

https://tinyurl.com/5ufszu2n 

აშშ-ის ფასიანი ქაღალდებისა და ბირჟების კომისია (SEC) საბოლოოდ დაამტკიცებს სპოტ ETF-ებს, რომელიც დამყარებულია კაპიტალიზაცის სიდიდით მეორე კრიპტოვალუტაზე. ამის შესახებ JPMorgan-ის ანალიტიკოსმა Nikolaos Panigirtzoglou-მ The Block-თან განაცხადა. 

”თუ მაისში არ დამტკიცდება ETH-ETF-ები, ასეთ შემთხვევაში ვვარაუდობთ, რომ შედგება სასამართლო პროცესი. დიდი ალბათობით, SEC საბოლოოდ წააგებს მას (როგორც გასულ წელს Grayscale და Ripple-ის შემთხვევებში მოხდა). ეს ნიშნავს იმას, რომ SEC საბოლოოდ დაამტკიცებს სპოტ ETH-ETF-ებს (მაგრამ არა - ამა წლის მაისზე ადრე),” - განაცხადა მან. 

თებერვალში JPMorgan-ის ანალიტიკოსებმა Ethereum ETF-ების დარეგისტრირების ალბათობა 50%-ით შეაფასეს. იგივე შანსებს ინარჩუნებს Panigirtzoglou მაისისთვის. 

მარტში Bloomberg-ის ანალიტიკოსმა Eric Balchunas-მა 70%-დან 35%-მდე გაანახევრა ETH-ETF-ის მაისში დამტკიცების ალბათობა. იმავე თვეში მარკეტ მეიკერ GSR-ის სპეციალისტებმა შანსები 20%-ად შეაფასეს. 

აპრილში SEC-მა Grayscale-ის, Fidelity-ს და Bitwise-ისგან საჯარო კომენტარები მოითხოვა საბირჟო ფონდების ვაჭრობის პოტენციურ თანხებზე, რომელიც ემყარება სიდიდით მეორე კრიპტოვალუტას.  

კრიპტო საფულე MetaMask-ის მფლობელმა კომპანია ConsenSys-მა წერილი გაუგზავნა კომისიას და მოითხოვა სპოტ Ethereum-ETF-ების დამტკიცება. 

https://tinyurl.com/339su76e 

SpaceX-მა X-ზე გამოაქვეყნა პრეზენტაციის ჩანაწერი, რომელიც ცოტა ხნის წინ გაიმართა კომპანიის ბაზა Starbase-ზე ბოკა ჩიკაში, ტეხასის შტატში. პრეზენტაცია წარმოადგინა SpaceX-ის ხელმძღვანელმა ილონ მასკმა, რომელმაც სიტყვით გამოსვლისას ისაუბრა კოსმოსურ ხომალდ Starship-ის მოახლოებულ სატესტო ფრენებსა და სამომავლოდ მარსზე ავტონომიური ადამიანური კოლონიის მოწყობის გეგმებზე. 

ფოტოს წყარო: SpaceX 

მასკის თქმით, Starship-სისტემის მეოთხე სატესტო ფრენა იგეგმება "დაახლოებით ერთ თვეში". ეს შეესაბამება SpaceX-ის პრეზიდენტ გვინ შოთველის განცხადებას, რომელმაც გასულ თვეში აღნიშნა, რომ Starship-ის შემდეგი ფრენა მაისის დასაწყისშია დაგეგმილი და დამოკიდებული იქნება იმაზე, შეძლებს თუ არა კომპანია ახალი გაშვების ნებართვის მიღებას აშშ-ის ფედერალური ავიაციის ადმინისტრაციისგან (FAA). 

თუ კომპანია შეძლებს მოცემული გრაფიკის დაცვას, მეოთხე სატესტო ფრენა განხორციელდება წინა გაშვებიდან ორ თვეზე ნაკლებ დროში. მოახლოებული ტესტის მთავარი მიზანია Starship-ის ზედა საფეხურმა შეძლოს ატმოსფეროში შესვლისას „მაღალი სიცხის რეჟიმის“ გავლა და ოკეანეში „კონტროლირებადი წესით დაშვება“. შეგახსენებთ, რომ Starship სისტემის მესამე ფრენისას ხომალდი ატმოსფეროში შესვლიდან რამდენიმე წუთში დაიკარგა. 

მასკმა ასევე განაცხადა, რომ Starship-ის შემდეგი ფრენა დაკავშირებული იქნება Super Heavy გამშვები რაკეტის დაშვების ტექნოლოგიის ტესტირებასთან. მეოთხე სატესტო გაშვების ფარგლებში SpaceX შეეცდება გამწევი რაკეტის დაშვებას მექსიკის ყურეში „ვირტუალურ კოშკზე“. ეს იქნება გიგანტური რაკეტის კონტროლირებადი დაშვების პრაქტიკისკენ გადადგმული შემდეგი ნაბიჯი. 

მასკმა აღნიშნა, რომ თუ გამწევი რაკეტა წარმატებით დაეშვება "ვირტუალურ კოშკზე" მეოთხე სატესტო ფრენის დროს, შემდეგ ჯერზე SpaceX შეეცდება განახორციელოს ამაჩქარებლის რეალური დაშვება, რომლისთვისაც გამოიყენებენ " Mechazilla"-ს მანიპულატორებს - ეს არის სპეციალური დამჭერი კოშკი რაკეტებისთვის. „იმის ალბათობა, რომ ამ წელს ჩვენ შევძლებთ გამშვები რაკეტის დაჭერას Mechazilla-ს მანიპულატორების გამოყენებით, არის 80%-დან 90%-მდე,“ - თქვა მასკმა. მან ასევე აღნიშნა, რომ Starship-ის აღდგენას ხელახლა გამოყენებამდე უფრო მეტი დრო დასჭირდება და კომპანია აპირებს განახორციელოს მისი მინიმუმ ორი წარმატებული კონტროლირებადი ჩაშვება ოკეანეში, სანამ შეეცდება მის Starbase-ში დასმას. მასკის თქმით, SpaceX შეძლებს Starship-ის ხელახლა გამოყენებას ერთ-ერთი კოსმოსური ფრენისას მომავალ წელს. 

პარალელურად, კომპანია მუშაობს წარმოების გაფართოებაზე, რათა ხელი შეუწყოს მომავალში გაშვების უფრო მკაცრი გრაფიკის დაცვას. Starship-ის რაკეტების წარმოების ახალ ობიექტთან ერთად კომპანია აშენებს მეორე გამშვებ კოშკს Starbase-ში და ელის, რომ კიდევ ერთი გამშვები კოშკი კეიპ კანავერალში, ფლორიდაში, მომავალი წლის შუა რიცხვებისთვის შევა ექსპლუატაციაში. SpaceX ასევე გეგმავს ექვსი Super Heavy ამაჩქარებლის წარმოებას მიმდინარე წლის განმავლობაში. „აქ ვაწარმოებთ საგამოცდო-კონსტრუქციულ გაშვებებს, გავტესტავთ რამე ახალს, ავაგებთ რაკეტებს და მაშინ, სავარაუდოდ, ოპერაციული გაშვებების დიდი ნაწილი კონცხიდან - კეიპ კანავერალიდან განხორციელდება“ - განაცხადა მასკმა. 

გარდა ამისა, SpaceX მუშაობს Raptor-ძრავების გაუმჯობესებაზე, რომლებიც გამოიყენება არა მხოლოდ ამაჩქარებელ Super Heavy-ში, არამედ თავად ხომალდ Starship-შიც. მასკის თქმით, გაუმჯობესებული Raptor 3 ძრავები შეძლებენ 280 მეტრულ ტონა-ძალის წევის გამომუშავებას, ამჟამინდელი თაობის ძრავების მიერ წარმოებული 230-ის ნაცვლად. საბოლოო ჯამში, SpaceX იმედოვნებს, რომ გააუმჯობესებს ძრავებს იმ დონემდე, რომ მათ შეძლონ 300 ტონა-ძალამდე მეტი წევის გამომუშავება. ასეთი ძრავების გამოყენება იგეგმება უფრო მასიურ რაკეტასა და Starship 2-ში, რაც საშუალებას მისცემს მოხერხდეს ორბიტაზე 100 ტონაზე მეტი ტვირთის გატანა. უფრო მეტიც, მთელი სისტემა იქნება ხელახლა სრულად გამოყენებადი. მომავალი Starship 3 შეძლებს კოსმოსში 200 ტონაზე მეტი ტვირთის წაღებას და ასევე იქნება მრავალჯერადი გამოყენების. ამავდროულად, ბიზნესმენს არ დაუკონკრეტებია, როდის გეგმავს კომპანია უფრო მოწინავე Starship-ის ექსპლუატაციის დაწყებას. 

ამის მიუხედავად, ბიზნესმენი დარწმუნებულია, რომ Starship 3-ის გაშვება ეღირება ნაკლები ორიგინალ SpaceX Falcon 1 რაკეტასთან შედარებით, რომელიც დაჯდა დაახლოებით 10 მლნ აშშ დოლარი. ამას ხელს შეუწყობს მთლიანი სისტემის მრავალჯერ გამოყენების შესაძლებლობა. მილიარდერის შეფასებით, მომავალში Starship-ის გაშვების ღირებულება შეიძლება იყოს 2-დან 3 მლნ აშშ დოლარამდე.”ეს წარმოუდგენელი რიცხვებია. არავის ეგონა, რომ ეს შესაძლებელი იქნებოდა, თუმცა ამ მიზნის მისაღწევად ჩვენ არ მოგვიწევს ფიზიკის კანონების დარღვევა“, - განაცხადა მასკმა. 

ბიხნესმენს გვერდი არ აუვლია მარსის კოლონიზაციის თემისთვის. მისი თქმით, წითელ პლანეტაზე ფრენისთვის ორბიტაზე მყოფი Starship-ისთვის საწვავის ექვსჯერ შევსება იქნება საჭირო. ამის მისაღწევად დაგეგმილია კოსმოსური საწვავის შევსების ტექნოლოგიის შემუშავება სპეციალური მოწყობილობის გამოყენებით, რომელიც დედამიწის ორბიტაზე იქნება განთასებული და Starship მას მარსზე გაფრენამდე მიემაგრება. ასევე ითქვა, რომ წითელი პლანეტის ზედაპირზე ხომალდის წარმატებული დაშვებისთვის დასაშვები ადგილები უნდა მოინიშნოს დაბლობებში, რათა უზრუნველყოფილ იქნას საკმარისი ატმოსფერო დაშვების დროს შენელებისთვის. გარდა ამისა, ეს ადგილები უნდა მდებარეობდეს ეკვატორთან ახლოს, რათა მარსზე მოწყობილმა ავტონომიურმა ბაზამ მიიღოს მზის საკმარისი რაოდენობა ენერგიის საჭირო რაოდენობის გამომუშავებისთვის. 

რაც შეეხება უკანა ფრენებს, მასკი მიიჩნევს, რომ ბევრი ადამიანი, ვინც მარსზე გაფრენას გადაწყვეტს, დედამიწაზე არასოდეს დაბრუნდება. თუმცა, SpaceX-ის გრძელვადიანი მიზანია მომავალში ადამიანებს შეეძლოთ პლანეტებს შორის მოგზაურობა. კომპანია ასევე აპირებს გაცილებით მეტი ხომალდის აშენებას გამაძლიერებლებთან შედარებით. ეს იმიტომ ხდება, რომ ხომალდებს, სავარაუდოდ, ხელახლა გამოიყენებენ მარსზე რესურსების მოპოვებისთვის. 

https://tinyurl.com/ybhm6c8d 

ინტერნეტ წყაროების თანახმად Apple მომავალი თვის დასაწყისში გამოუშვებს iPad Pro-სა და iPad Air-ის ახალ მოდელებს. ამ მოსაზრებას იზიარებს Bloomberg-ის ჟურნალისტი მარკ გურმანი, რაც მან ბოლო პუბლიკაციაში განიხილა. 

ფოტოს წყარო: Apple 

„მათ, ვისაც უფრო კონკრეტული ვადები აინტერესებს, მე მაცნობეს, რომ გამოშვება სავარაუდოდ 6 მაისს მოხდება [...] ამაზე სხვა მონაცემებიც მიუთითებს: Apple-ის საცალო მაღაზიები ემზადებიან ახალი პროდუქტების მარკეტინგული მასალების მისაღებად მიმდინარე კვირის ბოლოს. ეს, როგორც წესი, იმის ნიშანია, რომ ახალი პროდუქტი მალე გამოვა“, - განაცხადა გურმანმა. 

Apple, სავარაუდოდ, რამდენიმე ახალ მოწყობილობას ერთდროულად დააანონსებს. უპირველეს ყოვლისა, საუბარია iPad Pro-ს ორ მოდელზე M3 პროცესორებით, OLED დისპლეით, უფრო თხელი ჩარჩოებით და კორპუსით, ასევე საუბარია დიზაინის სხვა ცვლილებებზე და, შესაძლოა, MagSafe უსადენო დატენვის მხარდაჭერაზე. ასევე გამოვა ორი ახალი iPad Air მოდელი M2 პროცესორით და წინა კამერით, რომელიც განკუთვნილია ლანდშაფტის ორიენტაციისთვის. აღნიშნულია, რომ ერთ-ერთი ახალი პროდუქტი უნდა იყოს პირველი iPad Air, რომლის დიაგონალი 12.9 დუიმი იქნება. 

გარდა ამისა, Apple-მა შესაძლოა გამოუშვას განახლებული Magic Keyboard iPad Pro-სთვის, რომელიც დამზადებულია ალუმინისგან, აქვს უფრო მასიური ტრეკპადი და მრავალი სხვა კონსტრუქციული ფუნქცია. ასევე შესაძლებელია წარმოდგენილი იყოს ახალი Apple Pencil სტილუსი, რომელიც თავსებადია VisionOS-თან - ოპერაციულ სისტემასთან, რომელიც გამოიყენება შერეული რეალობის ჰედსეტ Vision Pro-ში. 

https://tinyurl.com/4snsp5rh 

წყარო: Crypto Koryo. 

შეგახსენებთ, რომ 2023 წლის ბოლოს ბლოკჩეინ სტარტაპებში ინვესტიციებმა 10.7 მლრდ აშშ დოლარი შეადგინა, რაც 68%-ით ნაკლებია წინა წელთან შედარებით. 

https://tinyurl.com/bdhwv2n2 

ილონ მასკმა სოციალურ ქსელ X-ის გვერდის მეშვეობით განაცხადა, რომ მიმდინარე წლის 8 აგვისტოს წარადგენს Tesla-ს რობოტიზებულ ტაქსის, რომელიც უკვე დიდი ხანია მოხსენიებულია კომპანიის გეგმებში. 

ფოტოს წყარო: Electrek, Walter Isaacson 

მისი ლაკონური განცხადება შემოიფარგლებოდა განცხადების თარიღის ხსენებით, თუმცა უნდა გვახსოვდეს, რომ ელექტრ პიკაპ Tesla Cybertruck-მა გაიარა ოთხი წლის გზა დაანონსებიდან მასობრივი წარმოების დაწყებამდე. 2017 წელს წარმოდგენილმა Tesla Semi ელექტრო სატვირთომ ეს გზა ხუთ წელიწადში გაიარა. თუმცა, რობოტიზებული ტაქსის შემთხვევაში მასკი სავარაუდოდ განმარტებას გააკეთებს წარმოების დაწყების სავარაუდო თარიღთან დაკავშირებით ან 8 აგვისტოს ღონისძიებაზე, ან თუნდაც ცოტა ადრე. 

Tesla-ს აქციებზე დადებითი გავლენა იქონია კომპანიის აღმასრულებელი დირექტორის ამ განცხადებამ. მათი ფასი 3.81%-ით გაიზარდა წინა დღის პროპორციული ვარდნის შემდეგ. ცხადია, ილონ მასკი იძულებული გახდა გაეკეთებინა „ინფორმაციული ინტერვენცია“ Tesla-ს განზრახვასთან დაკავშირებული პუბლიკაციების ფონზე - უარი ეთქვა მასობრივი ელექტრომობილის წარმოებაზე, რომლის ღირებულებაც დაახლოებით 25 ათასი აშშ დოლარი იქნებოდა. მიმდინარე წლის დასაწყისიდან Tesla-ს აქციების ღირებულება მესამედით შემცირდა; პირველი კვარტლის შედეგებმა არ მისცა ინვესტორებს ოპტიმიზმის საფუძველი, ამიტომ კომპანიისთვის რობოტაქსის გამოშვების იდეა უნდა გახდეს ის ეტალონი, რომელსაც ამ მწარმოებლის შესახებ ყველა დადებითი სიახლე დაეყრდნობა. 

Tesla 2019 წლიდან ავითარებს რობოტიზებული ტაქსის გამოშვების იდეას; ეს აღინიშნა Cybertruck-ის გამოცხადების პარალელურად. ასეთი მანქანის დიზაინის მთავარი პირობაა FSD პროგრამული პაკეტის საკმარისი სიმწიფე, რომელიც თეორიულად უზრუნველყოფს ავტომობილის სრულიად ავტონომიურ კონტროლს. თავდაპირველად ითვლებოდა, რომ საბოლოოდ უარყოფილი „ბიუჯეტური ელექტრომობილი“ და Tesla-ს რობოტიზებული ტაქსი ერთ პლატფორმაზე აიწყობოდა. ინვესტორები ასევე ელიან ავტონომიურობის დაპირებული დონის მიღწევას 2019 წლიდან, როდესაც დაიგეგმა „სრული ავტოპილოტის“ შექმნა; მას შემდეგ ეტაპები გადაიდო ყოველი მომდევნო წლის ბოლომდე და არც მიმდინარე წლის შემთხვევა იყო გამონაკლისი. 

აღსანიშნავია, რომ ილონ მასკმა Reuters-ის ინფორმაცია იაფი ელექტრომობილის წარმოების Tesla-ს გეგმების გაუქმების შესახებ სიცრუე უწოდა, თუმცა დეტალური კომენტარი არ გაუკეთებია. ახლა Tesla ცდილობს გაააქტიუროს ელექტრომობილებზე მოთხოვნა მისი შემცირების ფონზე. ჩინეთში მომხმარებელს შესყიდვისას უპროცენტო განვადებას სთავაზობენ, აშშ-ში კი - დიდ ფასდაკლებებს. 

https://tinyurl.com/2ak55dd8 

OpenAI-ის აღმასრულებელმა დირექტორმა სემ ოლტმენმა და Apple-ის ყოფილმა მთავარმა პროდუქტების დიზაინერმა ჯონი აივმა (Jony Ive, სურათზე) გადაწყვიტეს გააერთიანონ ძალები ხელოვნურ ინტელექტზე დამყარებული პერსონალური მოწყობილობის შესაქმნელად და ახლა ეძებენ დაფინანსებას ერთობლივი პროექტისთვის, აცხადებს რესურსი The Information.  

ფოტოს წყარო: macrumors.com 

ხელოვნური ინტელექტის მქონე მომავალი მოწყობილობის შესახებ ცოტა რამ არის ცნობილი, მაგრამ ის სმარტფონის მსგავსი არ იქნება. ოლტმენი ერთ-ერთი ინვესტორია სტარტაპ Humane-ში, რომელმაც შექმნა ხელოვნური ინტელექტის მქონე თან სატარებელი მოწყობილობა ეკრანის გარეშე, Humane AI pin, რომელიც განკუთვნილია სმარტფონის ჩანაცვლებისთვის. სავსებით შესაძლებელია, რომ აივთან ერთად რაიმე მსგავსის შექმნა იგეგმებოდეს. 

ხმები ახალ პროექტზე აივისა და ოლტმენის შესაძლო თანამშრომლობის შესახებ გასულ შემოდგომაზე გაჩნდა. როგორც ირკვევა, ისინი ფაქტობრივად იმ დროს აწარმოებდნენ მოლაპარაკებებს, როდესაც პროექტი ადრეულ ეტაპზე იყო, ამიტომ ოფიციალური განცხადება არ გაკეთებულა. The Information-ის თანახმად, აივის და ოლტმენის ახალი, უსახელო სტარტაპი ამჟამად ეძებს დაფინანსებას თავისი საქმიანობისთვის მსხვილი ვენჩურული კაპიტალისტებისაგან, აივი აპირებს 1 მლრდ აშშ დოლარამდე ინვესტიციების მოზიდვას. შესაძლო ინვესტორებს შორისაა იაპონური კორპორაცია SoftBank, OpenAI-ის მხარდამჭერი ფონდი Thrive Capital, აგრეთვე სტივ ჯობსის ქვრივი ლორენ პაუელი. 

https://tinyurl.com/2x79mtxc 

წყარო: CoinGecko. 

PayPal-მა Stablecoin გამოუშვა 2023 წლის აგვისტოში. დოლარზე მიბმული აქტივის ემიტენტი იყო ინფრასტრუქტურული კრიპტო კომპანია Paxos. 

საგადახდო გიგანტის ინიციატივამ კრიპტო საზოგადოების წევრების საკამათო რეაქცია გამოიწვია. ზოგი თვლიდა, რომ PYUSD ხელს შეუწყობდა ციფრული აქტივების მასობრივ მიღებას, სხვები მიუთითებდნენ ცენტრალიზაციის რისკებზე. 

JPMorgan-ის ანალიტიკოსმა Nikolaos Panigirtzoglou-მ განაცხადა, რომ მონეტას შეუძლია Ethereum-ს სარგებელი მოუტანოს ქსელში ჩაკეტილი თანხების მთლიანი ღირებულების გაზრდით. 

Bank of America-ს ექსპერტებმა დაუშვეს PYUSD-ის მიღება უმნიშვნელოვანესი ცენტრალური ბანკის ციფრული ვალუტების კონკურენციისა და ფართოდ გავრცელებული Stablecoin-ების გამო. Nansen-ის ანალიტიკოსებმა დაადასტურეს მომხმარებლის მხრიდან თავდაპირველი დაბალი მოთხოვნა აქტივზე. 

PayPal-ის მიერ Stablecoin-ის გაშვებამ აშშ-ის კონგრესში შეშფოთება გამოიწვია ასეთი აქტივების მარეგულირებელი ჩარჩოს არარსებობის გამო. ნოემბერში ცნობილი გახდა SEC-ის მიერ გამოძიების დაწყების შესახებ PYUSD-ზე. 

https://tinyurl.com/7njdsxwp 

Razer-მა გამოაცხადა განახლებულ გეიმინგ ლეპტოპ Razer Blade 18-ის (2024) გაყიდვების დაწყება. ახალ ლეპტოპში წარმოდგენილია Intel-ის მძლავრი პროცესორი Raptor Lake Refresh სერიიდან და ვარიანტის სახით აქვს 4K გაფართოების და 200 ჰერცი კადრის განახლების სიხშირის მქონე დისპლეი. 

ფოტოს წყარო: Razer 

მოწყობილობა წარმოდგენილია 21.99 მმ სისქის ალუმინის შავი ან ვერცხლისფერი კორპუსით. Razer Blade 18 (2024) დამყარებულია 5.8 გჰც-მდე სიხშირის მქონე 24-ბირთვიან და 32-ნაკადიან Intel Core i9-14900HX-ზე. 

ლეპტოპს ვარიანტების სახით ექნება 32 გბ DDR5-5600 ან 64 გბ DDR5-5200 ოპერატიული მეხსიერება. ასევე, ხელმისაწვდომი იქნება ორი NVMe PCIe 4.0 დისკი თითო 2 ტბ მოცულობით. გრაფიკულ ქვესისტემად შესაძლებელია აირჩიოთ GeForce RTX 4060 ან GeForce RTX 4070 8 გბ GDDR6 მეხსიერებით, GeForce RTX 4080 12 გბ მეხსიერებით ან ფლაგმანური GeForce RTX 4090 16 გბ მეხსიერებით. 

ხელმისაწვდომი ვარიანტების სახით შემოთავაზებულია Razer Blade 18-ის (2024) სამი ტიპის 18-დუიმიანი ეკრანი: 2560 × 1600 პიქსელი გაფართოებით და კადრის განახლების სიხშირით 240 ჰერცი; 2560 × 1600 პიქსელი გაფართოებით, მინი-LED განათებით და განახლების სიხშირით 300 ჰერცი; 4K გაფართოებით (3840 × 2400 პიქსელი) და განახლების სიხშირით 200 ჰერცი. ეს უკანასკნელი პირველად არის შემოთავაზებული ლეპტოპებში. ყველა ეკრანის გვერდების თანაფარდობაა 16:10. 

ლეპტოპის კლავიატურას აქვს RGB განათება თითოეულ კლავიშზე. მოცემულია აუდიო სისტემა ექვსი დინამიკით და სამი გამაძლიერებლით, ასევე შემოთავზებულია Wi-Fi 7-ისა და Bluetooth 5.4-ის არჩევითი მხარდაჭერა. ლეპტოპს აქვს 5-მეგაპიქსელიანი ინფრაწითელი კამერა Windows Hello ავტორიზაციის სისტემის მხარდაჭერით, სამი USB 3.2 Gen2 Type-A პორტი, ერთი Thunderbolt 4 (USB 3.2 Gen2 Type-C) 100 ვატამდე ალტერნატიული დამუხტვის ფუნქციით და DisplayPort. 1.4, რომელსაც შეუძლია დააკავშიროს Nvidia-ს გარე გრაფიკული ბარათი, ერთი USB 3.2 Gen2 Type-C 100-ვატიანი დამუხტვის ფუნქციით. ხელმისაწვდომია 2.5-გიგაბიტიანი ქსელის ადაპტერი, HDMI 2.1, UHS-II მეხსიერების ბარათის წამკითხველი და 3.5 მმ აუდიო კონექტორი. 

Razer Blade 18-ის (2024) ზომაა 21.90 × 275.40 × 399.90 მმ, წონა 3.1 კგ. ავტონომიურ რეჟიმში ლეპტოპი იკვებება 91.7 ვტ/სთ მოცულობის ბატარეით. კომპლექტში შედის GaN-დამტენი 280 ან 330 ვატი სიმძლავრით - ლეპტოპის კონფიგურაციის შესაბამისად. 

Razer Blade 18-ის ფასი (2024) იწყება 3099.99 აშშ დოლარიდან ან 3599.99 ევროდან. ახალი პროდუქტი უკვე ხელმისაწვდომია ოფიციალურ ონლაინ მაღაზიაში - Razer.com. ლეპტოპი ასევე მალე იქნება ხელმისაწვდომი ავტორიზებულ გადამყიდველებში. 

https://tinyurl.com/484nkee4 

ჩინური კომპანია UBTech თანამშრომლობს Baidu-სთან, რათა ჰუმანოიდ რობოტს ბუნებრივი მეტყველება და რეალურ დროში მსჯელობის უნარი შეასწავლოს. UBTech-მა წარმატებით გააერთიანა Baidu-ს მულტიმოდალური ხელოვნური ინტელექტის პლატფორმა ERNIE Bot თავის ახალ ინდუსტრიულ ჰუმანოიდ რობოტ Walker S-ში. რობოტი ასრულებს ხმოვან ბრძანებებს, კომენტარს აკეთებს თავის ქმედებებზე, პასუხობს კითხვებს და რჩევებსაც კი იძლევა. 

ფოტოს წყარო: UBTech 

UBTech დაარსდა 2012 წელს შენჟენში და ორი წლის შემდეგ წარმოადგინა საბავშვო სათამაშოს ზომის თავისი პირველი ჰუმანოიდი რობოტი. 2016 წელს ამ რობოტებიდან რამდენიმე ასეულმა ისწავლა ცეკვა, ხოლო 2017 წელს გინესის რეკორდების წიგნში ჩაიწერა ათასზე მეტი რობოტის ცეკვა, რომლებიც უნისონში მოძრაობდნენ რიტმულ ელექტრონულ მუსიკაზე. 

UBTech-მა პირველად აჩვენა თავისი სრული ზომის სერვის-რობოტი Walker CES 2018-ზე. გასული წლის ბოლოს მოდერნიზებული Walker S ავიდა სცენაზე ჰონგკონგში კომპანიის აღმასრულებლებთან ერთად, რათა დაერტყა გონგზე კომპანიის IPO-ზე გასვლის აღსანიშნავად. ახლა რობოტი მზად არის დაუპირისპირდეს თავის მსგავს Figure 01-ს, Eve-სა და Phoenix-ს და მოახდინოს კომუნიკაციის, ლოგიკისა და კოორდინაციის უნარების დემონსტრირება. 

ჩამონტაჟებული სიღრმის სენსორები და ვიდეო კამერები ეხმარება რობოტს აღიქვას მის გარშემო არსებული სამყარო და ნავიგაცია მოახდინოს, თავიდან აიცილოს დაბრკოლებები და ამოიცნოს სამგანზომილებიანი ობიექტები. ხელოვნური ინტელექტის ინტეგრაციამ რობოტს საშუალება მისცა ისაუბროს ბუნებრივ ადამიანურ ენაზე, იყოს შემოქმედებითი ბრძანებების შესრულებაში და ადამიანებსაც კი მისცეს რჩევები ტანსაცმელსა და გარეგნობაზე. 

გასულ წელს UBTech-მა დაიწყო Walker S-ის მიწოდება სამრეწველო გამოყენების მიზნით და  პარტნიორობა გააფორმა რამდენიმე მანქანათმშენებელ კომპანიასთან, მათ შორის NIO-სთან, რათა „სტრატეგიულად დაგეგმოს ჰუმანოიდური რობოტების ეტაპობრივი დანერგვა საწარმოო სცენარებში“. 

https://tinyurl.com/ywhr4ank 

მარტი რეკორდული აღმოჩნდა Bitcoin ETF-ებით ვაჭრობის მოცულობის თვალსაზრისით. ეს მაჩვენებელი წინა თვესთან შედარებით თითქმის სამჯერ გაიზარდა - 42 მლრდ აშშ დოლარიდან 111 მლრდ აშშ დოლარამდე. 

”მე ვერ წარმომიდგენია, რომ აპრილის მაჩვენებელი უფრო მაღალი იქნება, მაგრამ ვინ იცის,” - განაცხადა Bloomberg-ის ბირჟების ანალიტიკოსმა Eric Balchunas-მა. 

SoSoValue-ის თანახმად სამი ბირჟაზე მოვაჭრე ფონდი Grayscale (GBTC), BlackRock (IBIT) და Fidelity (FBTC) დომინირებს ვაჭრობის მოცულობის მხრივ. 

ამავდროულად, GBTC-ის ამოქმედების დღიდან მთლიანმა გადინებამ 15 მლრდ აშშ დოლარს მიაღწია. 

სპოტ Bitcoin ETF-ების დინამიკა. წყარო: SoSoValue. 

დოლარში გამოხატვის თვალსაზრისით BlackRock-სა და Fidelity-ის მართვის ქვეშ მყოფი აქტივების ღირებულება გასულ თვეში, შესაბამისად, 18 და 10 მლრდ აშშ დოლარამდე გაიზარდა. 

Balchunas-მა ასევე აღნიშნა, რომ IBIT-მა შეძლო GBTC-ისთვის ბაზრის წილის წართმევა. 

„მიუხედავად იმისა, რომ ყველა ETF წარმატებული აღმოჩნდა მომგებიანობის თვალსაზრისით, IBIT-მა მოიგო რბოლა მოცულობის თვალსაზრისით და ოფიციალურად არის GLD Bitcoin-ის კონტექსტში“, აღნიშნა მან. 

2 აპრილის ვაჭრობის შედეგების მიხედვით პირველ კრიპტოვალუტაზე დამყარებულ ბირჟაზე მოვაჭრე ფონდებში წმინდა შემოდინებამ შეადგინა 39.4 მლნ აშშ დოლარი. წინა დღით  დაფიქსირდა 85.8 მლნ აშშ დოლარის გადინება. 

CoinShares-მა დაუშვა, რომ Bitcoin ETF-ები უახლოეს თვეებში მოთხოვნის შოკის წინაშე აღმოჩნდებიან. 

Bitwise-ის საინვესტიციო დირექტორმა მეტ ჰოუგანმა ივარაუდა ციფრული ოქროს წილის 3%-მდე ზრდა ბირჟაზე ვაჭრობის ფონდების წარმატების ფონზე. 

https://tinyurl.com/ycxttr4n 

Steam მარტის სტატისტიკის მონაცემები აჩვენებს, რომ პლატფორმაზე დისკრეტული GeForce RTX 3060 გრაფიკული ბარათების მფლობელების წილი შესამჩნევი 0.75 პროცენტული პუნქტით გაიზარდა - Steam-ის მომხმარებელთა 6.92% იყენებს ამ ვიდეო ბარათს. მიუხედავად იმისა, რომ ვსაუბრობთ ვიდეო ბარათზე, რომელიც უკვე სამი წლისაა, ეს ამაჩქარებელი მაინც ყველაზე პოპულარულია Steam-ის მომხმარებლებს შორის. 

ფოტოს წყარო: Hardware Unboxed 

უახლესი თაობის ყველაზე პოპულარული ვიდეო ბარათია GeForce RTX 4060. მისი მფლობელების რიგები ნელა, მაგრამ დამაჯერებლად იზრდება. მარტში ამ ბარათის მფლობელთა წილი 0.6%-ით გაიზარდა და შეადგინა გამოკითხვაში მონაწილე Steam-ის ყველა მომხმარებლის 2.6%. 

GeForce RTX xx60 ვიდეო ბარათები კვლავ დომინირებს Steam-ის რეიტინგში. სხვადასხვა თაობის ოთხი მოდელი მარტის ჩარტის ზედა ხაზებს იკავებს. GTX 10, GTX 16 და RTX 20 სერიების ვიდეო ბარათების პოპულარობამ, როგორც ჩანს, უკვე პიკს მიაღწია და ახლა თანდათან მცირდება. 

RTX 3060-ის პოპულარობის ზრდა შესაძლოა განპირობებული იყოს ბარათის 8 გბ ვერსიის გამოშვებით და მისი გაზრდილი ხელმისაწვდომობით სხვადასხვა ბაზარზე. მისი დახმარებით Nvidia-მ გააძლიერა თავისი პოზიცია 300 აშშ დოლარზე ნაკლები ღირებულების ამაჩქარებლების სეგმენტში, სადაც წარმოდგენილია გადაწყვეტილებების ფართო სპექტრი და მოიცავს ამაჩქარებლების მინიმუმ ორ თაობას (Ampere და Ada Lovelace). 

თავის მხრივ, AMD-ის და Intel-ის ვიდეო ბარათები ბოლო ერთი თვის განმავლობაში ვერ დაიკვეხნის პოპულარობის მნიშვნელოვანი ზრდით. მაგალითად, AMD Radeon RX 580 ვიდეო ბარათი, რომელიც გამოვიდა ჯერ კიდევ 2017 წელს, AMD-ის კვლავ ყველაზე პოპულარული ვიდეო ბარათია Steam-ის მომხმარებლების 0.83%-ში, ხოლო Radeon RX 7000 სერიის უახლეს გადაწყვეტილებებს შორის ყველაზე პოპულარულია ფლაგმანური Radeon RX 7900 XTX მომხმარებელთა 0.34% წილით და სიაში მე-60 ადგილს იკავებს. 

პროცესორების სეგმენტში ექვსბირთვიან ჩიპებში გრძელდება პოპულარობის ზრდა. მარტში მათ შეემატა 0.78% და ამჟამად მათი მფლობელების წილი პლატფორმაზე 35.69%-ია. რვაბირთვიანი და ოთხბირთვიანი პროცესორების პოპულარობა, რომლებიც რეიტინგში მეორე და მესამე ადგილებს იკავებენ, მარტში 0.35%-ით და 0.64%-ით შემცირდა, შესაბამისად. 10-ბირთვიანი პროცესორების წილი გასულ თვეში გაიზარდა 0.55 პროცენტული პუნქტით და ახლა მომხმარებელთა 5.60%-ს შეადგენს. 12-ბირთვიანი მოდელების ზრდის დინამიკა უფრო დაბალი აღმოჩნდა - მარტში დაემატა 0.13% და მათი წილი პლატფორმაზე შეადგენს მომხმარებელთა 5.49%-ს. 

მარტში 0.21%-ით გაიზარდა Windows 10-ის მომხმარებლების წილი პლატფორმაზე, ხოლო Windows 11-ის მომხმარებელთა წილი 0.34 %-ით შემცირდა. 

ჩინური ენა ინარჩუნებს ტიტულს, როგორც ყველაზე ხშირად გამოყენებულ ენას პლატფორმაზე. მისი წილი მარტში 0.59%-ით გაიზარდა და მიაღწია 33,43%-ს. ინგლისური კვლავ მეორე ადგილზეა 32.54%-ით. მისი პოპულარობა ასევე გაიზარდა გასულ თვეში 0.42 პროცენტული პუნქტით. მესამე ადგილზეა რუსული, მაგრამ ბოლო ერთი თვის განმავლობაში მისი წილი 0.91 პროცენტული პუნქტით შემცირდა და ახლა 8.36%-ია. 

https://tinyurl.com/3awz3p8s 

ჟურნალისტმა მარკ გურმანმა, რომელიც ცნობილია Apple-ის პროდუქტებისადმი ინტერესით, განაცხადა, რომ კომპანია იკვლევს პერსონალური რობოტების ბაზარზე შესვლის შესაძლებლობას, რაც ახალი მასშტაბური პროექტი უნდა იყოს ელექტრომობილის შემუშავების გაუქმების შემდეგ. გურმანის წყაროებმა მოისურვეს ანონიმურად დარჩენა პროექტის "გაუხმაურებლობის" მოტივით. 

ფოტოს წყარო: unsplash.com 

კომპანიამ ჩაიფიქრა ავტონომიური რობოტის შექმნა, რომელიც შეძლებს საშინაო საქმეების შესრულებას, როგორიცაა ჭურჭლის რეცხვა და მომხმარებლისთვის თვალყურის დევნება. თუმცა, ამას დასჭირდება წლები და რთული საინჟინრო პრობლემების გადაჭრა. წყაროების თანახმად Apple-მა უკვე შეიმუშავა მოწინავე დესკტოპ რობოტიზებული მოწყობილობა ჭკვიანი ეკრანისთვის. ჯერჯერობით უცნობია, შევა თუ არა რომელიმე ეს პროექტი მასობრივ წარმოებაში, მაგრამ აშკარაა, რომ Apple ეძებს შემოსავლის ახალ წყაროებს. 

პერსონალური რობოტების ბაზარზე შესვლა Apple-ს საშუალებას მისცემს დაიკავოს ძლიერი პოზიცია ადამიანების სახლებში მთელ მსოფლიოში და ისარგებლოს ხელოვნური ინტელექტის სფეროში საკუთარი განვითარებით. როგორც მედია აღნიშნავს, აქციონერების ზეწოლის გამო კომპანიას ახლა ძალიან სჭირდება ახალი ბაზრების განვითარება. აქციონერებს აწუხებთ შემოსავლის ახალი წყაროების პოვნის შესაძლებლობის არარსებობა - არსებული პროდუქტები შემოსავლების ზრდას აღარ უზრუნველყოფს. რამდენიმე წლის განმავლობაში Apple გეგმავდა ახალ ბაზარზე შესვლას საკუთარი ელექტრომობილით, მაგრამ მისი შექმნის პროექტი თებერვალში დაიხურა. 

Apple-ის წყაროები ამტკიცებენ, რომ რობოტიზებული ჭკვიანი დისპლეი უკვე რამდენიმე წელია დამუშავების პროცესშია, მაგრამ ხელმძღვანელობა არ არის დარწმუნებული, ღირს თუ არა ამ მიმართულების განვითარება. ასეთი მოწყობილობის გამოყენების ერთ-ერთი ვარიანტი შეიძლება იყოს სხვა ადამიანის თავის მოძრაობების მიბაძვა FaceTime ზარის დროს. თუმცა, კომპანიაში ეჭვი ეპარებათ, რომ ადამიანები მზად იქნებიან გადაიხადონ უზარმაზარი თანხები ასეთი მოწყობილობისთვის. გარდა ამისა, განვითარების პროცესში წარმოიშვა ტექნიკური პრობლემები დისკის დაბალანსებასთან დაკავშირებით. 

Apple არ იქნება პირველი კომპანია, რომელიც შეეცდება შევიდეს სახლის რობოტების ბაზარზე. 2021 წელს Amazon-მა წარადგინა სახლის რობოტი Astro, რომლის ფასი 1600 აშშ დოლარია. კომპანია არ ჩქარობს წარმოების გაზრდას და, შესაბამისად, მოწყობილობა რჩება ნიშურ პროდუქტად. გასულ წელს Amazon-მა წარმოადგინა რობოტის ბიზნეს-ვერსია დაცვის თანამშრომლის სახით. 

https://tinyurl.com/msvky55k 

პირველი კრიპტოვალუტის მაინერებმა მარტში 2 მლრდ აშშ დოლარზე მეტი გამოიმუშავეს. ინდიკატორმა ახალ ისტორიულ მაქსიმუმს მიაღწია. 

წყარო: The Block. 

საკომისიოს მოცულობამ შემოსავალმა შეადგინა 85.81 მლნ აშშ დოლარი, დეკემბერში კი ღირებულებამ გადააჭარბა 337 მლნ აშშ დოლარს Ordinals-თან დაკავშირებული აჟიოტაჟის ფონზე. 

ზოგიერთმა ექსპერტმა, მათ შორის Blockstream-ის აღმასრულებელმა დირექტორმა ადამ ბეკმა განაცხადა, რომ ქსელის საფასურის ზრდა იქნება სტიმული მაინერებისთვის აპრილში მომავალი განახევრების ფონზე. 

თუმცა, აპრილში ბლოკის ჯილდოს 6.25 BTC-დან 3.125 BTC-მდე დაგეგმილი შემცირებით, საკომისიოს დღიური მოცულობა დაუბრუნდა დაახლოებით 2 მლნ აშშ დოლარს. თვის პირველ დღეებში ინდიკატორი არ აჩვენებდა შესამჩნევ დინამიკას. 

Galaxy Digital-ის ექსპერტების აზრით Bitcoin-ის ქსელის მთლიანი გამოთვლითი სიმძლავრის დაახლოებით 15-20% განახევრების შემდეგ წამგებიანი იქნება. 

მაინინგ-კომპანიების ტოპ მენეჯერები თვლიან, რომ ბლოკის ჯილდოს განახევრება პრობლემას არ წარმოადგენს ინდუსტრიაში დამკვიდრებული მოთამაშეებისთვის, თუმცა ნაკლებად ეფექტური საწარმოები შესაძლოა „თამაშიდან გავიდნენ“. 

ექსპერტებმა დაუშვეს Bitcoin-ის მოძველებული მაინინგ აღჭურვილობის შემდგომი გადინება შეერთებული შტატებიდან ისეთ რეგიონებში, სადაც დაბალია ენერგიის ტარიფი, მაგალითად აფრიკაში. 

https://tinyurl.com/f4f36ftz 

AMD-მ წარმოადგინა პროცესორები Ryzen Embedded 8000. ეს არის კომპანიის პირველი ინტეგრირებადი გადაწყვეტილებები მძლავრი AI NPU-ით, რომელიც დამყარებულია XDNA არქიტექტურაზე და გააჩნია გამომთვლელი წარმადობა 16 TOPS (ტრილიონი ოპერაცია წამში). ხოლო პროცესორის ყველა ბლოკს ერთად შეუძლია 39 TOPS-მდე წარმადობის უზრუნველყოფა. ახალი პროცესორები განკუთვნილა ხელოვნური ინტელექტის მქონე ინდუსტრიული სისტემებისთვის, მათ შორის მანქანური ხედვისა და რობოტექნიკის სისტემებისთვის. 

ფოტოს წყარო: AMD 

სერია შედგება ოთხი მოდელისგან, რომლებიც ტექნიკური მახასიათებლებით არაფრით განსხვავდებიან ჩვეულებრივი მობილური APU Ryzen 8000-ისგან, რომელიც დამყარებულია Zen 4 არქიტექტურაზე. სერია მოიცავს ექვსბირთვიან Ryzen Embedded 8640U-ს სიხშირით 4.3-5.0 გჰც და Ryzen Embedded 8645HS-ს 3.5-4.9 გჰც სიხშირით, ასევე შედის რვაბირთვიანი Ryzen Embedded 8840U 3.3-5.1 გჰც სიხშირით და ასევე რვაბირთვიანი Ryzen Embedded 8845HS 3.8-5.1 გჰც სიხშირით. ახალ პროცესორებს აქვთ რეგულირებადი ენერგომოხმარება 15-დან 30 ვატამდე და 30-დან 54 ვატამდე, მოდელის მიხედვით. 

ჩიპებს აქვს PCIe 4.0-ის 20 არხის და ორარხიანი DDR5-5600 ოპერატიული მეხსიერების მხარდაჭერა შეცდომების კორექციის ფუნქციით (ECC). 

პროცესორებს ასევე აქვთ ინტეგრირებული Radeon გრაფიკა, რომელიც დამყარებულია RDNA 3 არქიტექტურაზე. შედეგად მხარდაჭერილია 4K გაფართოების ოთხ დისპლეისთან დაკავშირებას, ასევე AV1, H.264 და H.265 ვიდეო კოდეკების აპარატულ დეკოდირებას და დაშიფვრას. 

https://tinyurl.com/ykucsphe 

გასული წლის მეოთხე კვარტალში მოხდა მოვლენა, რომელიც შეუქცევადი ჩანდა: ჩინურმა კომპანია BYD-მ გაუსწრო Tesla-ს წარმოებული და მიწოდებული ელექტრომობილების რაოდენობით. თუმცა, საბაზრო ვითარებამ Tesla-ს პოზიციის დაბრუნების საშუალება მისცა და ახლა ის კვლავ შეიძლება ჩაითვალოს ელექტრომობილების უმსხვილეს მწარმოებლად. 

ფოტოს წყარო: Tesla 

BYD-მაც გამოაცხადა პირველი კვარტლის შედეგები: მან გაზარდა გაყიდული ელექტრომობილების რაოდენობა 13.4%-ით 300114 ერთეულამდე წლიურად, მაგრამ ის თითქმის 43%-ით შემცირდა თანმიმდევრულად. თუ გავითვალისწინებთ ჰიბრიდებს, მაშინ პირველ კვარტალში BYD-მ აწარმოა 626263 მანქანა. 

Tesla-მ პირველ კვარტალში 433371 ელექტრომობილი გამოუშვა და 386810 ერთეული მიაწოდა. ეს შედეგები საშუალებას აძლევს Tesla-ს გადაუსწროს BYD-ს პირველ კვარტალში და დაიბრუნოს ლიდერის სტატუსი, თუმცა Tesla-ს პროდუქტების მიწოდება წლიური შედარებით 8%-ით შემცირდა. BYD აწვდის თავისი პროდუქციის ძირითად ნაწილს ჩინეთის ბაზარზე და მხოლოდ ახლა იწყებს აქტიური ექსპორტის გაფართოებას. მიმდინარე წელს BYD ელოდება ავტომობილების წარმოების მოცულობის გაზრდას მხოლოდ 20%-ით, რაც იმაზე მეტყველებს, რომ მენეჯმენტის შეფასება არსებული ბაზრის მდგომარეობის შესახებ საკმაოდ ადეკვატურია. 

https://tinyurl.com/3pyakcrw 

წყარო: CoinShares. 

ძირითადი აქტივობა კვლავაც კონცენტრირებული იყო ციფრულ ოქროსთან დაკავშირებულ ინსტრუმენტებში. მიმდინარე შემოსულმა თანხამ (865 მლნ აშშ დოლარი) თითქმის მთლიანად აანაზღაურა წინა საანგარიშო პერიოდში 904 მლნ აშშ დოლარის რეკორდული გადინება. 

სტრუქტურებიდან, რომლებიც პირველ კრიპტოვალუტაში მოკლევადიანი პოზიციების გახსნის საშუალებას იძლევა, მომხმარებლებმა 2 მლნ აშშ დოლარი გაიტანეს, ერთი კვირით ადრე ეს მაჩვენებელი 3.7 მლნ აშშ დოლარს შეადგენდა. 

Ethereum-ის ფონდებში გადინება 34.2 მლნ აშშ დოლარიდან 18.9 მლნ აშშ დოლარამდე შემცირდა. 

ინვესტორებმა 6.1 მლნ აშშ დოლარის, 2.4 მლნ აშშ დოლარის და 1.1 მლნ აშშ დოლარის ინვესტიცია განახორციელეს Solana-ზე, Polkadot-სა და Cardano-ზე დამყარებულ ინსტრუმენტებში. 

წყარო: CoinShares. 

შეგახსენებთ, რომ Morgan Creek-ის აღმასრულებელმა დირექტორმა მარკ იუსკომ ივარაუდა, რომ Bitcoin-ის ფასი წლის ბოლომდე 150 ათას აშშ დოლარამდე გაიზრდება. 

მანამდე Bernstein-ის ანალიტიკოსებმა პირველი კრიპტოვალუტის ფასის პროგნოზი 90 ათას აშშ დოლარამდე გაზარდეს. 

https://tinyurl.com/bdd56t45 

დიდი ხნის განმავლობაში Intel და Samsung Electronics, როგორც ნახევრადგამტარი პროდუქტების უმსხვილესი მომწოდებლები, კონკურენციას უწევდნენ ერთმანეთს შემოსავლის თვალსაზრისით, მაგრამ Nvidia-ს შემოსავლის მკვეთრმა ზრდამ ხელოვნური ინტელექტის სისტემების პოპულარობის ზრდის ფონზე იგი მეორე ადგილზე აიყვანა. ახლა Intel პირველ ადგილზეა, ხოლო Samsung პირველიდან მესამემდე ჩამოვიდა 2022 წელთან შედარებით. 

ფოტოს წყარო: Samsung Electronics 

შესაბამისი სტატისტიკა Business Korea-მ ანალიტიკურ კომპანია Omdia-ს მიმდინარე წლის 28 მარტით დათარიღებულ მონაცემებზე დაყრდნობით გამოაქვეყნა. მიუხედავად იმისა, რომ Intel მეორე ადგილიდან პირველზე ავიდა, მისი შემოსავალი გასული წლის ბოლოს შემცირდა 15.8%-ით 51.2 მლრდ აშშ დოლარამდე. საბოლოოდ, Samsung-ს მოუწია ნახევარგამტარების ბიზნესის შემოსავალი 33.8%-ით შეემცირებინა 44.4 მლრდ აშშ დოლარამდე მეხსიერების ბაზრის არახელსაყრელი პირობების გამო გასულ წელს. ამან დიდწილად განაპირობა კორეული კომპანიის პირველი ადგილიდან მესამეზე ჩამოსვლა ნახევრადგამტარი პროდუქტების მომწოდებლებს შორის შემოსავლის თვალსაზრისით. 

ფოტოს წყარო: Omdia 

ამერიკული Qualcomm მესამედან მეოთხე ადგილზე ჩამოვიდა, გასულ წელს მისი შემოსავალი 15.8%-ით შემცირდა 30.9 მლრდ აშშ დოლარამდე. Broadcom, მიუხედავად იმისა, რომ მისი შემოსავალი 5.5%-ით 28.4 მლრდ აშშ დოლარამდე გაზარდა, მეხუთე ადგილზე დარჩა, ისევე როგორც 2022 წელს. Samsung-ის კონკურენტმა SK hynix-მა 2023 წელს ჯერ ვერ მოახერხა ძვირადღირებული HBM მეხსიერების მოთხოვნის დადებითი ეფექტის რეალიზება, რადგან ყველა სხვა კატეგორიის პროდუქტი განაგრძობდა გაიაფებას. შედეგად მისი შემოსავალი შემცირდა 30.6%-ით 23.7 მლრდ აშშ დოლარამდე, რის გამოც SK hynix-მა მეოთხე ადგილიდან მეექვსეზე გადაინაცვლა. 

გასული წლის ბოლოს შემოსავალში მხოლოდ 5.8% დაკარგა AMD-მ და მეშვიდე ადგილი შეინარჩუნა. Apple-მა შემოსავალი 7.8%-ით გაზარდა 18.6 მლრდ აშშ დოლარამდე, თუ გავითვალისწინებთ მხოლოდ ნახევრადგამტარი პროდუქტების მიწოდებას (A და M სერიის პროცესორები), ამან საშუალება მისცა ასულიყო მე-11-დან მე-8 ადგილზე. Infineon Technologies-მა შეძლო შემოსავლების 12.2%-ით გაზრდა 17.3 მლრდ აშშ დოლარამდე და მე-9 ადგილი დაიკავა ერთი წლის წინანდელ მე-13-სთან შედარებით. ევროპულმა ჩიპების მწარმოებელმა STMicroelectronics-მა გაზარდა შემოსავალი 7.2%-ით 17.2 მლრდ აშშ დოლარამდე და ორი პოზიციით დაწინაურდა მეათე ადგილზე. როგორც ჩანს, ეს დიდწილად გამოწვეული იყო ელექტრომობილებსა და ზოგადად საავტომობილო ელექტრონიკაზე მაღალი მოთხოვნით. 

Texas Instruments-ის შემოსავალი შემცირდა 13.9%-ით 16.6 მლრდ აშშ დოლარამდე და მან მე-9 ადგილიდან მე-11-ზე გადაინაცვლა. Micron Technology-ისთვის გასულ წელს სიტუაცია დამთრგუნველი აღმოჩნდა მეხსიერების ბაზარზე: კომპანიის შემოსავალი 40.6%-ით 16 მლრდ აშშ დოლარამდე შემცირდა: Omdia-ს რეიტინგში მეექვსე პოზიციიდან იგი მეთორმეტეზე გადავიდა. ტაივანურმა MediaTek-მა, რომელიც ძლიერ არის დამოკიდებული იაფი სმარტფონების ბაზარზე, გასულ წელს შემოსავალი მეოთხედით შეამცირა 13.9 მლრდ აშშ და ამიტომ მეათე ადგილის ნაცვლად მეცამეტე ადგილით კმაყოფილდება. საკონტრაქტო მწარმოებლები, როგორიცაა TSMC, არ მოხვდნენ ამ რეიტინგში, რადგან ისინი არ აწვდიან პროდუქტებს საკუთარი ბრენდის სახელით. Intel და Samsung ასევე მიეკუთვნება ამ კრიტერიუმს, მაგრამ სწორედ ისინი შედიან ბაზრის პირველ სამეულში. 

https://tinyurl.com/5n7w5h2t 

AMD-მ გააფართოვა Ryzen 7035 (Rembrandt-R) მობილური პროცესორების სერია ორი ახალი ჩიპით - Ryzen 5 7235H და Ryzen 7 7435H. ორივე დამყარებულია Zen 3+ არქიტექტურაზე და, ამ სერიის სხვა მოდელებისგან განსხვავებით, არ გააჩნიათ ინტეგრირებული გრაფიკა. 

ფოტოს წყარო: VideoCardz 

Ryzen 5 7235H პროცესორს აქვს ოთხ ბირთვი რვა ვირტუალური ნაკადის მხარდაჭერით. პროცესორის საბაზისო სიხშირეა 3.2 გჰც, Boost რეჟიმში ის ავტომატურად ადის 4.2 გჰც-მდე. ჩიპს აქვს 2 MB L2 ქეში და 8 MB L3 ქეში. 

Ryzen 7 7435H არის რვაბირთვიანი პროცესორი 16 ვირტუალური ნაკადის მხარდაჭერით, საბაზისო სიხშირით 3.1 გჰც და Boost სიხშირით 4.5 გჰც, აქვს 4 მბ L2 ქეში და 16 მბ L3 ქეშ-მეხსიერება. 

ორივე ჩიპში გამოყენებულია FP7r2 BGA სოკეტი და აქვს ნომინალური TDP 45 ვატი. მწარმოებლის ვებ-გვერდზე ნათქვამია, რომ ამ პროცესორების გამოყენება მოითხოვს დისკრეტულ ვიდეო ბარათს. ჩიპები დამზადდება "H" და "HS" ვერსიებში. მათ შორის განსხვავება მდგომარეობს იმ მოწყობილობების სეგმენტში, რისთვისაც ისინი განკუთვნილია. პირველი გათვლილია მაღალი წარმადობის ლეპტოპების სეგმენტში გამოსაყენებლად, მეორე - ულტრა კომპაქტურ და ენერგოეფექტურ ლეპტოპებში. ასევე, "H" ჩიპებს აქვს დამატებითი აჩქარების მხარდაჭერა, ხოლო "HS" მოდელებს - არა. 

https://tinyurl.com/3zexwjjr 

კრიპტო საფულე MetaMask-ის მფლობელმა კომპანია ConsenSys-მა წერილი გაუგზავნა აშშ-ის ფასიანი ქაღალდებისა და ბირჟების კომისიას (SEC), რომელშიც მოუწოდა სპოტ Ethereum ETF-ების დამტკიცებისკენ. 

8 მარტს SEC-მა მოითხოვა საჯარო კომენტარები iShares Ethereum Trust აპლიკაციაზე. მარეგულირებელი შეშფოთებული იყო Proof-of-Stake (PoS) კონსენსუსის ალგორითმით, რომელზეც Ethereum 2022 წლის სექტემბერში გადავიდა. 

ConsenSys-მა აღნიშნა, რომ კაპიტალიზაციის სიდიდით მეორე კრიპტოვალუტაში რომ PoS-ის უსაფრთხოება აღემატება Proof-of-Work-ს Bitcoin-ისას. 2024 წლის იანვარში SEC-მა დაამტკიცა ინსტრუმენტები ციფრული ოქროს საფუძველზე. 

კომპანიამ ასევე ხაზი გაუსვა Ethereum-ში განაწილებულ გადამოწმების პროცესს, თაღლითობისა და მანიპულაციის წინააღმდეგ საბრძოლველად ჩაშენებულ მექანიზმებს, თავდასხმის მაღალ ღირებულებას და გარემოსდაცვით სარგებელს. 

„ჩვენ მოვუწოდებთ SEC-ს, აღიაროს Ethereum-ის უსაფრთხოების მოწინავე დონე, რომელიც არა მხოლოდ ემთხვევა, არამედ აღემატება SEC-ის მიერ ადრე დამტკიცებული Bitcoin ETP-ების უსაფრთხოებასა და გამძლეობას“, - ნათქვამია წერილში. 

მარტის დასაწყისში Grayscale-მა და Coinbase-მა SEC-თან განიხილეს ETHE-ის კონვერტაცია Ethereum ETF-ად. ინსტრუმენტის გაშვების საკითხში ასევე მონაწილეობენ Franklin Templeton, VanEck, BlackRock, Fidelity და Invesco with Galaxy. 

Galaxy Digital-მა უწოდა "უკიდურესად ნაკლებად სავარაუდო" მოსაზრებას, რომ ETH-ETF დამტკიცდებოდა მაისში, იმ მოტივით, რომ კომისია არ იყო აქტიურად ჩართული ემიტენტებთან, ასევე სანფორმაციო მედია იუწყებოდა SEC-ის გამოძახებების შესახებ Ethereum-ის კლასიფიკაციასთან დაკავშირებით. 

შეგახსენებთ, რომ Bloomberg-ის ანალიტიკოსმა Eric Balchunas-მა მაისში გაანახევრა Spot Ethereum-ETF-ის დარეგისტრირების ალბათობა - 70%-დან 35%-მდე. GSR-ის მონაცემებით, შანსები 20%-მდე დაეცა. 

მანამდე ამერიკელმა სენატორებმა სთხოვეს SEC-ს, არ დაეშვა ახალი კრიპტოვალუტების ბირჟაზე ვაჭრობის ფონდების დამტკიცებისთვის და მიუთითეს ამ ინსტრუმენტების „უზარმაზარ რისკებზე“. 

https://tinyurl.com/3jukmzkf 

AMD-მ, VideoCardz-ის რესურსის თანახმად, აშშ-ის ფასიანი ქაღალდებისა და ბირჟების კომისიას (SEC) გაუგზავნა დოკუმენტაცია, რომელიც მიუთითებს Instinct სერიის ახალი პროდუქტის - MI388X პროდუქტის მომზადებაზე. არსებული ინფორმაციის საფუძველზე ეს არის მაღალი წარმადობის პროდუქტი და არ არის განკუთვნილი ჩინეთის ბაზარზე მიწოდებისთვის. 

ახალი პროდუქტის ტექნიკური მახასიათებლები არ გაზიარებულა. ცნობილია მხოლოდ ის, რომ Instinct MI388X დამყარებულია CDNA3 არქიტექტურაზე. გათვალისწინებულია TSMC-ის 5ნმ და 6ნმ ტექნოპროცესების გამოყენება. 

ფოტოს წყარო: AMD 

აღწერაში "X" ინდექსის არსებობით ვიმსჯელებთ, ახალი პროდუქტი არის დამოუკიდებელი ხელოვნური ინტელექტის ამაჩქარებელი (როგორც Instinct MI300X), და არა ჰიბრიდული გადაწყვეტილება, როგორც MI300A-ს შემთხვევაში, რომელსაც აქვს x86 Zen4 ბირთვი. მიიჩნევა, რომ ახალი პროდუქტი შეიძლება შეიქმნას კონკრეტული მომხმარებლის მოთხოვნილებების დასაკმაყოფილებლად ან ბაზრის კონკრეტული სეგმენტისთვის. უფრო მეტიც, არსებობს შესაძლებლობა, რომ Instinct MI388X ამაჩქარებელი თავდაპირველად შეიქმნა სპეციალურად ჩინეთისთვის, მაგრამ AMD-მ არ მიიღო ექსპორტის ნებართვა ჩინეთის ბაზარზე მისი მიწოდებისთვის. 

უნდა აღინიშნოს, რომ AMD ადრე იძულებული გახდა უარი ეთქვა ჩინეთში Instinct MI309 ამაჩქარებლების მიწოდებაზე: ისინი ძალიან მძლავრი აღმოჩნდა და, შესაბამისად, ამერიკული სანქციების ქვეშ მოექცა. MI300X და MI300A გადაწყვეტილებები ასევე აკრძალულია ჩინელი მომხმარებლებისთვის მიწოდებისთვის. ამასთან, თებერვალში წარადგინეს Instinct MI300X ვარიანტი, რომელიც აქვს 12-შრიანი HBM3E მეხსიერება. მოდიფიცირებული ამაჩქარებლის შემთხვევაში ასეთი მეხსიერების ჯამურმა რაოდენობამ შეიძლება მიაღწიოს 288 გბ-ს, MI300X-ის სტანდარტული ვერსიის 192 გბ-ის ნაცვლად. 

https://tinyurl.com/4zbrr9x3 

OpenAI-მ წარმოადგინა ხელოვნური ინტელექტის მოდელ Voice Engine-ის წინასწარი ტესტირების შედეგები, რომელსაც 15-წამიანი ნიმუშის საფუძველზე შეუძლია შეყვანილი ტექსტის რეალისტურად გახმოვანება, ცდილობს ზუსტად გადმოსცეს მოლაპარაკის ხმა და მეტყველების მახასიათებლები. 

ფოტოს წყარო: Unsplash, Igor Omilaev 

Voice Engine-ის პირველი განვითარება გამოჩნდა 2022 წლის ბოლოს და გამოიყენებოდა API-ში ტექსტის მეტყველებად გადაქცევისთვის, ასევე ChatGPT Voice-თან და Read Aloud-თან ერთად. OpenAI-მ იცის სინთეზირებული ხმის ტექნოლოგიის შესაძლო ბოროტად გამოყენების შედეგების შესახებ, ამიტომ იმედოვნებს, რომ მიიღებს გამოხმაურებას საზოგადოებისგან შესაძლო საფრთხეებისა და გამოყენების სფეროების შესახებ. რაც შეეხება ამ უკანასკნელს, გასული წლიდან OpenAI-მ შესთავაზა Voice Engine ტესტირება პარტნიორთა მცირე ჯგუფს და მიიღო გამოყენების მაგალითები: 

• კითხვის პრობლემების მქონე ადამიანებისა და ბავშვების დახმარება ბუნებრივი, ემოციური და მრავალფეროვანი ხმებით. მაგალითად, საგანმანათლებლო ტექნოლოგიების კომპანია Age of Learning იყენებს Voice Engine-ს კონტენტის გასახმოვანებლად და GPT-4-თან ერთად რეალურ დროში აძლევს სტუდენტებს პერსონალიზებულ პასუხებს. 
• ისეთი კონტენტის თარგმნა, როგორიცაა ვიდეოები და პოდკასტი, საშუალებას მისცემს ავტორებსა და კომპანიებს გააფართოვონ თავიანთი აუდიტორია მთელ მსოფლიოში ინფორმაციის გადაცემის გზით საკუთარი და თანამშრომლების ხმით. ერთ-ერთი პირველია HeyGen, ხელოვნური ინტელექტის მეშვეობით ვიზუალური ამბის მოთხრობის პლატფორმა კორპორატიული მომხმარებლებისთვის, რომელიც შექმნილია ჰუმანოიდური ავატარების შესაქმნელად ვრცელი მიზნებისთვის - დაწყებული პროდუქტის მარკეტინგიდან - დამთავრებული გაყიდვებით. Voice Engine ინარჩუნებს მოლაპარაკის მშობლიურ აქცენტს, ასე რომ, როდესაც ფრანგი საუბრობს ინგლისურ ტექსტზე, ისმის ფრანგული აქცენტი. 
• მეტყველების პრობლემების მქონე ადამიანების მხარდაჭერა, თერაპიული აპლიკაციები, საგანმანათლებლო დანამატები. Livox არის AI აპლიკაცია ალტერნატიული და გაძლიერებული საკომუნიკაციო მოწყობილობებისთვის, რომელიც ეხმარება კომუნიკაციის პრობლემების მქონე ადამიანებს. Voice Engine-ის გამოყენებით Livox სთავაზობს უნიკალურ, არარობოტულ ხმებს მეტყველებადაქვეითებულ ადამიანებს. მომხმარებელს შეუძლია აირჩიოს მისთვის ყველაზე შესაფერისი ხმა, რომელიც ილაპარაკებს სხვადასხვა ენაზე. 
• ხელს უწყობს ხმის აღდგენას უეცარი და მეტყველების დეგენერაციული  დარღვევის შემთხვევაში. ნორმან პრინცის ნეირომეცნიერების ინსტიტუტი (NPNI) პილოტირებს პროგრამას ონკოლოგიური დაავადებების ან ნევროლოგიური მეტყველების დარღვევების მქონე ადამიანების დასახმარებლად. Voice Engine-ის უნარის წყალობით, მეტყველება წარმოიქმნას 15-წამიანი ნიმუშებით, ექიმმა ფატიმა მირზამ, როჰაიდ ალიმ და კონსტანტინა სვოკოსმა გამოიყენეს აუდიოჩანაწერი ვიდეოდან სკოლის პროექტისთვის და აღადგინეს ახალგაზრდა პაციენტის ხმა, რომელსაც მეტყველების სირთულეები აქვს ტვინის სისხლძარღვების სიმსივნის გამო. 

OpenAI-ის პარტნიორები შეთანხმდნენ ტექნოლოგიის გამოყენების წესებზე, რომლებიც კრძალავს მის გამოყენებას სხვა პიროვნების განსახიერებისთვის, რაც არ შეიძლება ითქვას შესაძლო თავდამსხმელებზე, რომლებიც სულ უფრო ხშირად იყენებენ ნეიროქსელის ტექნოლოგიებს კრიმინალური მიზნებისთვის. 

https://tinyurl.com/mypn8kte 

Google-ის საძიებო სერვისმა დაიწყო კრიპტოვალუტების მისამართების ნაშთების ჩვენება Bitcoin-ის, Arbitrum-ის, Avalanche-ის, Optimism-ის, Polygon-ის და Fantom-ის ქსელებში. 

Tron-ის დამფუძნებელ ჯასტინ სანის საფულის ბალანსი. წყარო: Google  

„ბალანსი აჩვენებს მხოლოდ თითოეული ქსელის native ტოკენს. ბოლო განახლების დროის შტამპი აჩვენებს ბალანსს ბოლო გარე ტრანზაქციის დროს. მონაცემების განახლება ხდება შეფერხებით“, - ნათქვამია ძირითადი ინფორმაციის სქოლიოში. 

ამარტში Google-მა ძიების შედეგებში დანერგა Ethereum Name Service დომენების საფულეების ნახვის შესაძლებლობა. მისამართის სტატუსის ინფორმაცია ჩამოიტვირთება Etherscan-დან. 

2022 წლის ოქტომბერში კორპორაციამ უზრუნველყო Ethereum-ის საფულეების მხარდაჭერა. თავდაპირველად მომხმარებლებს შეეძლოთ მოეძებნათ კონკრეტული საჯარო მისამართი და ენახათ ბალანსი პირდაპირ მოთხოვნის ველში.  

შეგახსენებთ, რომ 2024 წლიდან Google-მა განაახლა თავისი სარეკლამო პოლიტიკა და დაუშვა აშშ-ზე ორიენტირებული კრიპტოვალუტის ETF-ების და სხვა საინვესტიციო ბირჟაზე ვაჭრობის პროდუქტების პოპულარიზაცია. 

2023 წლის სექტემბერში კომპანიამ დაუშვა NFT თამაშებისა და მასთან დაკავშირებული პროდუქტების რეკლამა, თუ ისინი არ არიან დაკავშირებული აზარტულ თამაშებთან. 

https://tinyurl.com/37adfnms 

Microsoft და OpenAI ავითარებენ 100 მლრდ აშშ დოლარის ღირებულების მომავალი თაობის მონაცემთა ცენტრის პროექტს ხელოვნური ინტელექტის სუპერკომპიუტერით. ობიექტს ეწოდა კოდური სახელი Stargate და მასზე მუშაობის დაწყება 2028 წლიდან იგეგმება. 

Microsoft-სა და OpenAI-ს შორის ფართომასშტაბიანი ერთობლივი პროექტის შესახებ განაცხადა The Information-მა და "სამმა ადამიანმა, რომლებიც მონაწილეობდნენ პირად საუბრებში ამ წინადადების შესახებ". ერთ-ერთმა წყარომ პირადად განიხილა ეს საკითხი OpenAI-ს აღმასრულებელ დირექტორ სემ ოლტმენთან და გაეცნო Microsoft-ის წინასწარი ხარჯების შეფასებებს: ახალი მონაცემთა ცენტრის და ხელოვნური ინტელექტის სუპერკომპიუტერის აწყობა დაჯდება 100 მლრდ აშშ დოლარი, ანუ ასჯერ მეტი პლანეტის სხვა ყველაზე დიდ და ძვირ, მძლავრ მონაცემთა ცენტრებთან შედარებით.  

Microsoft-ისა და OpenAI-ის მიერ სუპერკომპიუტერების შემუშავებისა და აწყობის გეგმა მოიცავს ხუთ ეტაპს - ახლა კომპანიები მესამე ეტაპის შუაში არიან და მომდევნო ორის ბიუჯეტის მნიშვნელოვანი ნაწილი მიმართული იქნება საჭირო რაოდენობის ხელოვნური ინტელექტის ამაჩქარებლების შეძენაზე. მეოთხე ეტაპი, რომელიც გამოცხადდება 2026 წელს, მოიცავს სუპერკომპიუტერის შექმნას OpenAI-სთვის. მეხუთე გულისხმობს ბაზარზე ყველაზე დიდი სუპერკომპიუტერის, Stargate-ის აგებას, რომელსაც ხელოვნური ინტელექტის მილიონობით ჩიპი ექნება - მისი დასრულება 2030 წლისთვის იგეგმება. რეალურად, ობიექტის ღირებულებამ შეიძლება გადააჭარბოს 115 მლრდ აშშ დოლარს, აცხადებს The Information, და ეს სამჯერ აღემატება Microsoft-ის 2023 წლის ხარჯებს სერვერებზე, შენობებსა და სხვა აღჭურვილობაზე. 

„ჩვენ ყოველთვის ვგეგმავთ ინფრასტრუქტურული ინოვაციების მომდევნო თაობას, რათა გადავლახოთ ხელოვნური ინტელექტის შესაძლებლობების საზღვრები“ - განუცხადა Microsoft-ის წარმომადგენელმა  სააგენტო Reuters-ს პროექტთან დაკავშირებით. გასული წლის ბოლოს Microsoft-მა წარადგინა ორი საფირმო AI ჩიპი, ხოლო Nvidia-მ ახლახანს დააანონსა თავისი ყველაზე ძლიერი ამაჩქარებელი Blackwell B200, რომელიც კომპანიის აღმასრულებელი დირექტორის ჯენსენ ჰუანგის თქმით 30 ათასიდან 40 ათას აშშ დოლარამდე ეღირება. 

https://tinyurl.com/yc8jf4sj