Magdalena
-
Posts
5926 -
Joined
-
Last visited
-
Days Won
198
Content Type
Profiles
Forums
Events
Posts posted by Magdalena
-
-
CNBC-ის (Consumer News and Business Channel) თანახმად, Google განაახლებს ონლაინ-რეკლამების მიღებას, რომლებიც დაკავშირებულია კრიპტოვალუტებთან. მიმდინარე წლის დასაწყისში კომპანიამ აკრძალა მსგავსი რამ, აკრძალვის მოხსნის შემდეგ კი შესაძლებელი გახდება რეკლამების განთავსება Google-ის პლატფორმაზე აშშ-სა და იაპონიაში, უკვე მომავალი თვიდან.
აკრძალვა მოხდა მარტში იმ მიზეზით, რომ კრიპტოკოინების შემომთავაზებელი უამრავი განაცხადიდან თაღლითებისა და კანონიერი პლატფომების გამორკვევა შეუძლებელი გახდა. Google კვლავ აპირებს რეკლამის აკრძალვას ICO-სთვის (Initial coin offering), აგრეთვე კრიპტო საფულეებისა და გაყიდვებთან დაკავშირებული რჩევებისთვის, იტყობინება CNBC.
გაურკვეველია, რამ განაპირობა Google-სგან აკრძალვის გაუქმება, თუმცა, როგორც ჩანს, კომპანია თვლის, რომ კრიპტოვალუტების „ციებ-ცხელება“ მინელდა და, შესაბამისად, ნეგატიური გვერდითი ეფექტებიც შემცირდა. Facebook-მა, რომელმაც ასევე აკრძალა კრიპტორეკლამები ჯერ კიდევ იანვარში, ივნისში მოხსნა რამოდენიმე აკრძალვა, Google-ის მსგავსად Facebook-ის მხრიდან აკრძალული რჩება ICO-ს რეკლამირება და მოითხოვს კომპანიისგან განაცხადის შევსებას რეკლამის მოთხოვნისთვის. ასე, რომ Google-ს შეუძლია მიჰყვეს ამ მაგალითს, ისე, რომ თან არ დაკარგოს რეკლამებიდან მიღებული შემოსავალი.
-
1
-
-
Google-ის ჯგუფური დაგეგმვის ფუნქცია Google Map-ისთვის, რომლის შესახებაც კომპანიამ პირველად განაცხადა 2018 წლის მაისის Google I / O-ზე, ახლა უკვე მომხმარებლებზე ვრცელდება. ეს ფუნქცია მომხმარებლებს საშუალებას აძლევს შექმნან რუკაზე მონიშნული რესტორნების ან სხვა დანიშნულების ადგილების ჩამონათვალი, რომელსაც გაუზიარებენ მეგობრებს და მათ შეეძლებათ სასურველის არჩევა. ამის საშუალებით თავიდან იქნება აცილებული ერთმანეთთან გაუთავებელი შეტყობინებების გზავნა გეგმებთან დაკავშირებით, რაც განსაკუთრებით მოუხერხებელია ხალხმრავალი ჯგუფის შემთხვევაში.
ამ ფუნქციის გამოყენება ხდება შემდეგნაირად: ხანგრძლივად აწვებით თითოეულ ლოკაციას ჩამონათვალში ჩასაგდებად, რომელიც შემდეგ იგზავნება მეგობრებთან, რომელთაც იწვევთ. ჯგუფს შეუძლია იხილოს თითოეული ადრესატის მიერ შემოთავაზებული ლოკაცია და მოიწონოს ან არ მოიწონოს კონკრეტული ადგილი. ხმების დაანგარიშებას თავად Google გააკეთებს. ჯგუფის წევრებს თავისუფლად შეუძლიათ თავიანთი შემოთავაზებების დამატება.
ჯგუფური დაგეგმვის ფუნქცია არის ერთ-ერთი იმ ახალ ფუნქციათაგან, რაც Google-ს აქვს დაანონსებული თავისი სანავიგაციო რუკისთვის. ზოგიერთი მათგანი უკვე გაშვებულია, მათ შორის „For You“ თაბი, სადაც განთავსებულია მომხმარებელთან ტერიტორიულად ახლოს არსებული რესტორნები და სხვა დაწესებულებები. კომპანია ასევე მუშაობს Google Map-ზე ქუჩების გაძლიერებული რეჟიმით ნახვის შესაძლებლობაზე, რომელიც ლაივ რეჟიმში მოგვცემს მიმართულებას მომხმარებლის სმარტფონის კამერით.
განახლება დღესდღეობით ხელმისაწვდომია iOS-სა და Android-ზე.
-
1
-
-
Instagram-ის შემქმნელებმა Kevin Systrom-მა და Mike Krieger-მა მიიღეს გადაწყვეტილება დატოვონ კომპანია, რომელიც მსოფლიო ფენომენად იქცა. პირველად ამის შესახებ The New York Times-მა განაცხადა, შემდეგ კი Kevin Systrom-მაა დაადასტურა ინფორმაცია თავის ბლოგზე. „ჩვენ ვაპირებთ ავიღოთ დროებითი შესვენება, რათა შემდგომში ხელახლა დავკავდეთ კვლევებისა და კრეატივის საკითხებით, რომლებიც ჩვენთვის საინტერესოა, - განაცხადა მან. - სიახლეების შექმნისთვის აუცილებელია, რომ დროებით ჩამოვშორდეთ საქმეს და გავერკვეთ რა შთაგვაგონებს და რა სჭირდება მსოფლიოს, - სწორედ ამას ვაპირებთ ჩვენ“.
Facebook-ის მიერ 1 მილიარდ დოლარად შეძენილი კომპანია ახლა უკვე 1 მილიარდზე მეტ მომხარებელს აერთიანებს მსოფლიოს მასშტაბით. ჯამში, Instagram-ი ითვლება Facebook-ის ყველაზე წარმატებულ და მომგებიან შენაძენად. 2012 წლიდან კომპანიის ზრდა და განვითარება კევინ სისტრომისა და მაიკ კრიგერის საქმიანობის დამსახურებაა, კერძოდ, მათ მიერ Facebook-ის რესურსების სტრატეგიულად გამოყენება და Snapchat-თან აგრესიული კონკორენციის მზაობა. „მე და მაიკი მადლობელი ვართ უკანსაკნელი რვა წლისთვის Instagram-ისა და 6 წელი Facebook-ის გუნდთან თანამშრომლობის, - წერს სისტრომი. - კომპანიის 13 თანამშრომლიდან ჩვენ გავიზარდეთ და უკვე ათასობით ოფისი გვაქვს მთელ მსოფლიოში, შევქმენით პროდუქტები, რომელსაც იყენებს 1 მილიარდზე მეტი ადამიანი“.
„კევინი და მაიკი გამოჩენილი ლიდერები არიან და მათი ერთობლივი შემოქმედებითი ნიჭი აისახება Instagram-ის შედეგებზე, - აღნიშნა Facebook-ის აღმასრულებელმა დირექტორმა Mark Zuckerberg-მა თავის განცხადებაში. - მე ბევრი რამ ვისწავლე მათთან ერთად ბოლო ექვსი წლის მუშაობის პერიოდში. წარმატებებსა და ყველაფერს საუკეთესოს ვუსურვებ მათ და მოუთმენლად ველოდები, რას შექმნიან სამომავლოდ“.
კევინისა და მაიკის კომპანიიდან წასვლამ შესაძლოა გავლენა მოახდინოს სოციალური ქსელის პრობლემების გადაჭრის შესაძლებლობებზე. პრობლემებში იგულისხმება კომპანიისადმი არჩევნებში ჩარევის ბრალდება, გაყალბებული სიახლეები და მზარდი სახალხო წარმოდგენა იმაზე, რომ Facebook-ი არც ისე დემოკრატიულია. Instagram-ი პოზიცირებს როგორც სწრაფად მზარდი და Facebook-ის წარმატებული ალტერნატივა განსაკუთრებით მოზარდი ასაკის მომხმარებლებში, რომლესაც იმედი გაუცრუვდათ Facebook-ის კონფიდენციალურობაში. დამფუძნებლების გარეშე პლატფორმის წარმატების ზრდის ტემპი შესაძლოა შენელდეს.
სისტრომისა და კრიგერის მიერ კომპანიის დატოვება არ წარმოედგენს პირველ შემთხვევას Facebook-ისთვის, როდესაც წარმატებული დამფუძნებლები ყიდიან თავიან მსხვილ სოციალურ ქსელს, შემდეგ კი საერთოდ ტოვებენ მას. ამ შემთხვევამდე ერთი წლით ადრე WhatsApp-ის თანადამფუძნებელმა Jan Koum-მა განაცხადა, რომ ტოვებს Facebook-ს კონფიდენციალურობასა და მონაცემთა გაცვლასთან დაკავშირებული უთანხმოების მიზეზით. ასევე, WhatsApp-ის მეორე თანადამფუძნებელმა Brian Acton-მა გააკრიტიკა თავისი ყოფილი დამსაქმებელი და დატოვა Facebook-ი 2017 წლის სექტემბერში.
Instagram-ის დამფუძნებლები თავის მხრივ კრიტიკას არ გამოთქვამენ, თუმცა როგორც ანონიმური წყაროები ამბობენ, მათ კომპანიიდან წასვლის გადაწყვეტილება მიიღეს Facebook-თან მუშაობით იმედგაცრუებისა და Mark Zuckerberg-ის სწრაფვის გამო - გაეძლიერებინა ჩარევა და კონტროლი Instagram-ზე.
-
1
-
-
კორპორაცია Microsoft-ი გეგმავს LinkedIn-ის უფრო მეტად ინტეგრირებას Office-ს აპლიკაციებში. მიუხედავად იმისა, რომ გასულ წელს ვიხილეთ მისი ნაწილობრივი ინტეგრაცია Word-ში, მოხდება Outlook-ის განახლება, რათა მოიცავდეს მონაცემებს კონტაქტების შესახებ, რომ ხელსაყრელი გახდეს კალენდრის დაგეგმვა, დოკუმენტის გაზიარება და მასზე მუშაობა. Outlook-ის მომხმარებლები მოკლე დროში უკვე შეძლებენ Word-ის, Excel-ისა და PowerPoint-ის დოკუმენტებზე ერთობლივად მუშაობასა და თანაავტორობას LinkedIn-ის კონტაქტებთან ერთად, რაც ნიშნავს სამუშაო დოკუმენტების გაცვლის და თანასაქმიანობის გამარტივებას მეგობრებთან ან კოლეგებთან.
ინტეგრაცია აგრეთვე გავრცელდება კორპორატიულ ბიზნეს კატალოგებზეც, რომლებიც დაკავშირებულია LinkedIn-თან. ამ ტიპის ინფორმაციის გარკვეული ნაწილი წვდომადი იყო LinkedIn plugin-ში Outlook Social Connector-ისთვის. ახლა კი კონკრეტულად Outlook-ში მოხდება მისი ჩანერგვა.
Microsoft-მა LinkedIn-ი შეიძინა ორ წელზე მეტია 26 მილიარდ დოლარად, და მუდმივად ახდენდა ბიზნესზე ინტეგრირებული პროდუქტის აქტიურად ჩართვას სოციალურ ქსელებში. LinkedIn-ი ძველებურად ფუნქციონირებს როგორც დამოუკიდებელი კომპანია Microsoft-ის შიგნით, ბოლო კვარტალში მისმა შემოსავალმა 1,4 მილიარდი დოლარი შეადგინა, რაც 37 %-ით მეტია წინა წლის შემოსავალთან შედარებით.
-
1
-
-
კომპანიებმა განაცხადეს ერთმენეთთან პარტნიორობის შესახებ, რომელიც გამოიხატება მომხმარებლებისთვის შეძენის პროცესის გამარტივებაში. კერძოდ, Snapchat-ის კამერის საშუალებით მომხმარებლებს შეუძლიათ მიუთითონ კონკრეტულ პროდუქტზე ან მის შტრიხ-კოდზე და იგი გადამისამართდება Amazon-ის pop-up ბარათზე. შემდეგი ნაბიჯი იქნება პროდუქტის მონაცემების ჩატვირთვა Amazon-ის აპლიკაციაზე ან Amazon.com-ზე და შეკვეთის გაფორმება.
მომხმარებელმა უბრალოდ უნდა ჩართოს კამერა და გარკვეული დროით დააჭიროს კამერის ეკრანს, რათა გააქტიურდეს ეს ფუნქცია. ჯერჯერობით ცნობილი არ არის, რა შემოსავალს მიიღებს Snap-ი გაყიდვებიდან, კომპანიის წარმომადგენლის თქმით, მას არ აქვს უფლება ამ ეტაპზე, გაგვიზიაროს დეტალები შემოსავალთან დაკავშირებით. ჯერჯერობით Snap-ისა და Amazon-ის ერთობლივი ფუნქციით სარგებლობა მხოლოდ აშშ-ის მაცხოვრებელთან გარკვეულ ნაწილს შეუძლია.
Snap-ს მუდმივად ჰქონდა მცდელობები - მეტი ფუნქციონალურობა მიენიჭებინა თავისი კამერისთვის. და რაც მნიშვნელოვანია, ეს არის პარტნიორიბის შედეგი შემოსავლის თვალსაზრისით. რა თქმა უნდა, თუკი Snap-ი ყოველ გაყიდულ პროდუქტზე Amazon-ისგან შემოსავალს მიიღებს, ეს დაეხმარება კომპანიას, აუცილებელი კაპიტალის მობილიზებაში. აქვე აღვნიშნავთ, რომ Snap-ის აქციებმა მომდინარე თვის დასაწყისში რეკორდულ მინიმუმს მიაღწია.
-
1
-
-
Microsoft-მა მოახდინა Surface Hub 2-ის დემონსტრირება Microsoft Ignite კონფერენცის დროს და გაამხილა რამოდენიმე პროგრამა, რაც გამოიყენება ამ სიახლესთან დაკავშირებით. Microsoft-ის დემონსტრაცია მოიცავდა 50 დუიმიანი დისპლეის ჩვენებას, რათა ეჩვენებინა, როგორ მოძრაობს კონტენტი დისპლეიზე ბრუნვის დროს.
ეს არის ახალი ოპერაციული სისტემის Windows Core OS (WCOS)-ის ნაწილი, რომელიც Microsoft-ის ძალისხმევით გამოყენებულია უფრო მეტად „ჭკვიან“ მოწყობილობებსა და რეჟიმებში. მრავალი წლის განმავლობაში Microsoft-ი მუშაობს WCOS-სა და მის შემადგენელ (C-Shell)-ზე, და ამ ძალისხმევამ საშუალება მისცა კორპორაციას, შეექმნა ახალი მოწყობილობა. Surface Hub 2 აპარატული უზრუნველყოფის ახალი ტიპის კარგი მაგალითია, იგივე ეხება ჯერჯერობით დაუზუსტებელ ინფორმაციას კიდევ ერთი სიახლის - Microsoft Andromeda-ს შესახებ.
დემონსტირებისას ასევე ნაჩვენები იყო, როგორ შეძლებს Surface Hub 2-ზე ერთდროულად რამოდენიმე მომხმარებელი მუშაობას და დოკუმენტებში ცვლილებების შეტანას თითის ანაბეჭდების წამკითხველი სენსორების საშუალებით. დისპლეიზე შესაძლებელია ერთდროულად რამოდენიმე დოკუმენტის გახსნა და მათზე მუშაობა.
Microsoft-მა განაცხადა, რომ კომპანიამ ცვლილებები შეიტანა Surface Hub 2-ის აპარატულ უზრუნველყოფაში. ახალი Surface Hub 2S 4K კამერითა და edge-to-edge დისპლეით მომავლ წელს გამოჩნდება, თუმცა ახალი პროგრამული უზრუნველყოფა და შთამბეჭდავი ფუნქციების განახლებები 2020 წლამდე არ იქნება. Microsoft-ი გეგმავს 2020 წლისთვის პროგრამული უზრუნველყოფის განახლებას მოწყობილობაში Surface Hub 2X, რომელსაც ექნება სპეციალური პროცესორ კარტრიჯი უკანა მხარეს - როგორც აპარატული, ისე პროგრამული განახლებების უზრუნველყოფისთვის. კორპორაციას ჯერჯერობით არ გაუმხელია, თუ როდიდან გახდება ხელმისაწვდომი Surface Hub 2-ი და რა ფასად.
-
1
-
-
თამაშებით დაინტერესებულთა რიცხვი უფრო და უფრო იზრდება, ამიტომ, ხშირად კომპანიები, რომელთა უპირატესობაც ძირითადად მობილურ ბაზრებზეა ორიენტირებული, პერიოდულად აწარმოებენ ძლიერ პერსონალურ კომპიუტერებს, რომლებსაც აქვთ მაღალი ტაქტის სიხშირე და Full HD (1920 × 1080) ან მეტი გაფართოება. Lenovo-ს ექსპერიმენტი ამგვარ პროდუქტთან დაკავშირებით - Legion T730 - წარმატებულად ჩაითვალა, ასე რომ, სრულიად ლოგიკურია, რომ კომპანიამ გადაწყვიტა მისი განახლებული ვერსია შემოგვთავაზოს.
Cowcotland-ის ინფორმაციის მიხედვით სისტემა Legion T730-ის ოქტომბრის მოდელი მიიღებს ოვერქლოქინგ პროცესორებს - მე-9 თაობის Core-ს (Coffee Lake Refresh) და დისკრეტულ გრაფიკას NVIDIA Turing-ის ხაზიდან. მიუხედავად ძირეული კომპონენტების მნიშვნელოვანი განახლებისა, პლატფორმა რჩება იგივე - LGA1151/Z370.
ყველაზე შთამბეჭდავ ნაკრებს მიიღებს კონფიგურაცია 90JF003CRS. კომპლექტში შევა: რვაბირთვიანი პროცესორი Core i9-9900K თხევადი გაგრილების სისტემით (დიდი ალბათობით Cooler Master), ვიდეო ბარათი GeForce RTX 2080, ორი 16 გბ-იანი ოპერატიული მეხსიერების მოდული DDR4-2666, 256 გბ-იანი SSD და 1ტბ HDD (7200 ბრუნი წუთში). Legion T730 სისტემაში Lenovo-ს ინჟინრები იყენებენ 80 PLUS კვების ბლოკს და Corsair Vengeance-ს სერიის ოპერატიულ მეხსიერებას.
Lenovo Legion T730
(осень 2018 г.)Конфигурация
90JF0034RS
90JF0039RS
90JF0035RS
90JF003CRS
Процессор
Core i7-9700K
Core i9-9900K
Охлаждение CPU
воздушное
жидкостное
Видеокарта
GeForce RTX 2070
GeForce RTX 2080
DRAM DIMM DDR4, Гбайт
1 × 8
2 × 8
2 × 16
SSD-накопитель, Гбайт
256 (PCI-E)
Жёсткий диск, Гбайт
нет
1000 (SATA)
Блок питания, Вт
500
625
Оптический привод
есть
90JF0034RS-ის მცირე კონფიგურაცია მწარმოებლებმა მკაცრად შეზღუდეს შესაძლებლობებში. ერთი 8 გბ-იანი ოპერატიული მეხსიერების DDR4 მოდული და, თუმცა სწრაფი, მაგრამ მხოლოდ 256 გიგაბაიტიანი SSD - არც ისე კარგი კომპანიონებია Core i7-9700K-ისა და GeForce RTX 2070-სთვის. დესკტოპის მცირე ვერსის მყიდველტაგან ბევრი დიდი ალბთობით მისი აფგრეიდით დაკავდება ყიდვისთანავე.
-
1
-
-
კორპორაცია Toyota Motor-ი გეგმავს თავის ახალ ავტომობილებში დანერგოს Android Auto პლატფორმის მხარდაჭერა. ამის შესახებ იტყობინება რესურსი Bloomberg-ი და აქვეყნებს ინფორმაციას, რაც მიიღო საკითხში გაცნობიერებული პირებისგან, რომლებიც ჯერჯერობით ანონიმად რჩებიან.
სისტემა Android Auto, Apple-ის CarPlay-ის ანალოგიური გადაწყვეტილება, იძლევა სმარტფონის აპლიკაციებსა და ფუნქციებთან წვდომის საშუალებას ავტომობილის მედიაცენტრის მეშვეობით. მართვა ხორციელდება საჭეზე არსებული ღილაკების, სენსორული ეკრანისა და ხმოვანი დამხმარის საშუალებით.
მიმდინარე წლის დასაწყისში Toyota-ს წარმომადგენლობამ განაცხადა, რომ მის ახალ ავტომობილებში, აგრეთვე Lexus-ის პრემიუმ კლასის მოდელებში, გამოჩნდებოდა Apple CarPlay-ის მხარდაჭერა. ნათქვამი იყო, რომ ეს გადაწყვეტილება ხელმისაწვდომი იქნებოდა Toyota-ს იმ მოდელებისთვის, რომელთა მედიასისტემაც Entune 3.0-ის ბაზაზე იყო, Lexus-ის შემთხვევაში კი - Enform 2.0 მედიასისტემაზე.
ახლა კი, როგორც ჩანს, Toyota სულ მოკლე დროში (მიახლოებით ოქტომბერში) ოფიციალურად განაცხადებს Android Auto-ს მხარდაჭერის შესახებ.
აქვე სტატისტიკისთვის, მიმდინარე წლის პირველ კვარტალში, Canalys-ის შეფასებების მიხედვით, Android Auto-სა ან (და) Apple CarPlay-ის მხარდაჭერა რეალიზებული იყო ახალი ავტომობილების 46%-ში ევროპის მასშტაბით და 52%-ში - ამერიკის ბაზარზე.
-
1
-
1
-
-
(tomshardware-ს რეკომენდაციები)
ოქტომბრამდე, სანამ Nvidia RTV 2070 გაეშვება, საუკეთესო ბალანსი მწარმოებლურობას, ფასსა და სიძლიერეში Nvidia GeForce GTX 1070-ს აქვს. იმ შეთხვევაში, რა თქმა უნდა, თუკი თქვენთვის ფასს გადამწყვეტი მნიშვნელობა არ აქვს და 4K მონიტორს ფლობთ, მაშინ საუკეთესო არჩევანი GeForce RTX 2080 Ti იქნება. Nvidia GeForce GTX 1050 3GB იკავებს AMD Radeon RX 560-ზე წინა ადგილს, მიუხედავად იმისა, რომ მასზე 10 $-ით მეტი ღირს, GeForce შესამჩნევად სწრაფია. იხილეთ ტოპ ხუთი გრაფიკული ბარათების მახასიათებლები:
Nvidia GeForce GTX 1050 3GB
Best Budget
169,99 $
-
GPU
GP107
-
Process
14nm
-
Shader Units
768
-
Texture Units
48
-
ROPs
24
-
Core Clock
1392 MHz
-
Memory Data Rate
7 Gb/s
-
Memory Bus
96-bit
-
Memory Bandwidth
84.1 GB/s
-
Memory Capacity
3GB
-
3D APIs
DirectX 12 (12_1), OpenGL 4.5, Vulkan
-
TDP
75W
-
Power Connections
None
-
Power Supply
300W
AMD Radeon RX 580
Best FHD
279,99 $
-
GPU
Polaris 10 (GCN 4.0)
-
Process
14nm
-
Shader Units
2304
-
Texture Units
144
-
ROPs
32
-
Core Clock
1411 MHz
-
Memory Data Rate
8 GT/s
-
Memory Bus
256-bit
-
Memory Bandwidth
256 GB/s
-
Memory Capacity
4GB or 8GB
-
3D APIs
DirectX 12 (12_1), OpenGL 4.5, Vulkan
-
TDP
185W
-
Power Connections
1x 8-pin, 1x 6-pin
-
Power Supply
500W
Nvidia GeForce GTX 1070
Best QHD
384,99 $
-
GPU
Pascal (GP104)
-
Process
16nm
-
Shader Units
1920
-
Texture Units
160
-
ROPs
64
-
Core Clock
1506 MHz
-
Memory Data Rate
8 Gb/s
-
Memory Bus
256-bit
-
Memory Bandwidth
256 GB/s
-
Memory Capacity
8GB
-
3D APIs
DirectX 12 (12_1), OpenGL 4.5, Vulkan
-
TDP
150W
-
Power Connections
1x 8-pin
-
Power Supply
500W
Nvidia GeForce GTX 1080
Best VR
499,99 $
-
GPU
Pascal (GP104)
-
Process
16nm
-
Shader Units
2560
-
Texture Units
160
-
ROPs
64
-
Core Clock
1607 MHz
-
Memory Data Rate
11 Gb/s
-
Memory Bus
256-bit
-
Memory Bandwidth
256 GB/s
-
Memory Capacity
8GB
-
3D APIs
DirectX 12 (12_1), OpenGL 4.5, Vulkan
-
TDP
180W
-
Power Connections
1x 8-pin
-
Power Supply
500W
Nvidia GeForce RTX 2080 Ti
Best 4K
1,199 $
-
GPU
Turing (TU102)
-
Process
12nm FinFET
-
Shader Units
4352
-
Texture Units
272
-
ROPs
88
-
Core Clock
1350 MHz
-
Memory Data Rate
14 Gb/s
-
Memory Bus
352-bit
-
Memory Bandwidth
616 GB/s
-
Memory Capacity
11GB GDDR5X
-
3D APIs
DirectX 12 (12_1), OpenGL 4.5, Vulkan
-
TDP
260W
-
Power Connections
2x 8-pin
-
Power Supply
600W
-
1
-
-
ეს რა თქმა უნდა არ არის AirPower-ი, რომელსაც ასე ელოდა მომხმარებელი, თუმცა Belkin-ის უსადენო დამტენი Apple-ის ერთდროულად სამი მოწყობილობის დატენვის საშუალებას იძლევა. უსადენო დამტენს აქვს დატენვის ორი პედი iPhone-სა და Apple Watch-ისთვის, აგრეთვე USB Type-A პორტი მესამე მოწყობილობის, მაგალითად, AirPod-ისთვის.
დამტენი უზრუნველყოფს 7,5 ვტ Qi power-ს ყველა მოდელის iPhone-სთვის, რომელთა უსადენოდ დატენვაც შესაძლებელია, მათ შორისაა XS Max მოდელიც. მეორე მხრივ, იგი იძლევა 5 ვტ/1А-ის უზრუნველყოფას Apple Watch-ისა და USB პორტით მიერთებული მოწყობილობისთვის. მთლიანობაში, დამტენი აღჭურვილია 45ვტ-იანი AC ადაპტერით.
Belkin-ის უსადენო დამტენის დაანონსება მოხდა მას შემდეგ, რაც Apple-ის პირველი უსადენო დამტენი AirPower-ის ვერ გაეშვა გაყიდვაში ნაკლოვანებების, კერძოდ, გადახურების პრობლემის გამო. Belkin-ის დამტენი, მართალია, არ არის ისეთივე მოსახერხებელი, როგორც Apple-ის AirPower-ი, მაგრამ იგი ნამდვილად უკეთესი არჩევნია ჩვეულებრივ კაბელიან დამტენებთან შედარებით, განსაკუთრებით იმ შემთხვევებში, თუკი რეგულარულად გიწევთ ერთდროულად რამოდენიმე მოწყობილობის დატენვა.
Belkin-ს აქვს განახლებული PowerHouse ვერსია ტრადიციული Lightning jack-ით. უსადენო დამტენი გაიყიდება დეკემბრიდან 159,99 $-ად.
-
1
-
-
კომპანია Sony წარმოგვიდგენს ახალ სათამაშო კონსოლს PlayStation Classic-ს - მეოთხედი საუკუნის წინ გამოჩენილი ორიგინალი PlayStation კონსოლის შემცირებულ ვერსიას.
სიახლე იმეორებს კლასიკური PlayStation მოდელის გარეგნულ იერსახეს, ამასთან, იგი 34%-ით უფრო კომპაქტურია. კონსოლის კომპლექტში შედის ორი ჯოისტიკი.
მოწყობილობა ტელევიზორს უკავშირდება HDMI სადენის მეშვეობით, თვითონ კონსოლი და მანიპულატორები გადაწყვეტილია რუხ ფერში. კომპლექტში აგრეთვე შედის USB კაბელი.
Sony PlayStation Classic-ი წარმოდგენილი იქნება უკვე დაყენებული თამაშებით, მათში შედის ისეთი პოპულარული თამაშები, როგორებიცაა Final Fantasy VII, Jumping Flash, Ridge Racer Type 4, Tekken 3, Wild Arms და ა.შ
აღსანიშნავია, რომ მოწყობილობის მეხსიერებაში ჩატვირთული თამაშები გაეშვება ორიგინალ ფორმატში.
Sony PlayStation Classic-ის საორიენტაციო ღირებულება 100 $-ია, გაყიდვა დაიწყება მიმდინარე წლის 3 დეკემბრიდან.
დავამატებთ, რომ PlayStation-ის ორიგინალი კონსოლი გამოვიდა იაპონიაში 1994 წლის 3 დეკემბერს. აშშ-ში კონსოლი 1995 წლის 9 სექტემბერს გამოჩნდა, ეროპაში კი - 1995 წლის 29 სექტემბერს. კონსოლების გაყიდვის მაჩვენებელმა მთელი მსოფლიოს მასშტაბით მიაღწია 100 მილიონ ერთეულს.
-
1
-
2
-
-
ხუთშაბათს, 27 სექტემბერს, Startup Grind Tbilisi Georgia-ს ფარგლებში, გაიმართება შეხვედრა Tamar Salant-თან, რომელსაც დიდი სამუშაო გამოცდილება გააჩნია ისრაელიდან დაწყებული არგენტინითა და ჩინეთით დამთავრებული Neo blockchain-ის ბიზნესის განვითარებასთან დაკავშირებულ სტარტაპებში. თამარი წარმოგვიდგენს blockchain-თან დაკავშირებულ პერსპექტივებს, თუ როგორ მუშაობს იგი მსოფლიოს სხვადასხვა ბაზრებზე.
ამ დროისთვის,როდესაც კრიპტოვალუტებზე ფასებმა დაიწია და ხმაური მინელდა, მოუთმენლად ველოდებით საუბარს თამართან blockchain-ის სამომავლო პერპექტივებთან დაკავშირებით. როგორც სტუდენტებს, აგრეთვე მწარმოებლებსა და ინვესტორებს შეეძლებათ მიიღონ ინფორმაცია ამ ახალი სივრცის გრძელვადიანი ევოლუციის შესახებ.
· მომხსენებელი: Tamar Salant (GLOBAL BUSINESS DEVELOPMENT – NEO)
· დრო: 20:00-23:00
· ლოკაცია: Rooms Hotels, კოსტავას ქ.14 , 0108 თბილისი, საქართველო
· მასპინძლობს Startup Grind Tbilisi Georgia
დასწრების მსურველებს ბილეთების შეძენა შეგიძლიათ მოცემულ ბმულზე:
Startup Grind-ი - ეს არის გლობალური საზოგადოებრივი კავშირი, რომელშიც სტარტაპერები უკავშირდებიან ერთმანეთს, პოულობენ ახალ სტარტაპებს, აფინანსებენ მათ, მუშაობენ მათზე ან უბრალოდ სურთ, გაიგონ მათ შესახებ. ეს არის ქსელი, ურთიერთობა მეგობრებთან, პარტნიორებთან, სადაც შეგვიძლია ერთამენთს დახმარება გავუწიოთ ძლიერი და წარმატებული სტარტაპ ერთობის შექმნაში.
ივენთზე აგრეთვე წარმოდგენილი იქნება Horizen-ი, ერთ-ერთი ყველაზე წარმატებული და პერსპექტიული ბლოკჩეინ პლატფორმა, მეტის გასაგებად ეწვიეთ სტენდს.
https://www.facebook.com/HorizenGE/
-
1
-
-
კომპანია International Data Corporation (IDC)-მა გამოაქვეყნა პროგნოზი შერეული და ვირტუალური რეალობის მსოფლიო ბაზართან დაკავშირებით.
მონაცემები მოიცავს ისეთი გაჯეტებისა და მოწყობილობების მოთხოვნა-მიწოდებას, რომლებსაც მუშაობისთვის სჭირდებათ კომპიუტერთან ან სათამაშო კონსოლთან მიერთება.
ანალიტიკოსები პროგნოზირებენ, რომ მიმდინარე წელს AR/VR ჰედსეტების გლობალური მიწოდება მიაღწევს 4,2 მილიონ ერთეულს. ეს მონაცემი 31 %-ით მეტია წინა წელთან შედარებით.
გაყიდვების მთლიან წილში მთავარი ადგილი ვირტუალური რეალობის მოწყობილობებს უკავია - მათზე მოდის დაახლოებით 4 მილიონი ერთეული. ამასთან, სამომხმარებლო VR ჰედსეტებზე მოდის 2,7 მილიონ ერთეულზე მეტი, კომეციულებზე კი - დაახლოებით 1,3 მილიონი.
სამომავლოდ, სპეციალისტები ელოდებიან მოთხოვნის სწრაფ ზრდას შერეული რეალობის მოწყობილობებზე. 2022 წლისთვის ამგვარი დივაისების მიწოდება დაახლოებით 21,6 მილიონ ერთეულამდე გაიზრდება. ვირტუალური რეალობის ჰედსეტები კი ამ დროისთვის 31,5 მილიონიან მაჩვენებელს მიაღწევს.
ჯამში, AR/VR ბაზრის საერთო მაჩვენებელი 2022 წლისთვის 53,1 მილიონ ერთეულამდე გაიზრდება, CAGR მაჩვენებელი (საშუალოწლიური ზრდის ტემპი რთულ პროცენტში) 2018-2022 წლებში პროგნოზირდება 88%-ით.
-
1
-
-
ზუსტად ათი წლის წინ, 2008 წლის სექტემბერში, დაანონსდა სავსებით არაჩვეულებრივი მობილური ტელეფონი - T-Mobile G1, რომელიც აგრეთვე ცნობილი იყო სახელით HTC Dream. სმარტფონის უნიკალურობა იმაში გამოიხატებოდა, რომ ეს იყო მსოფლიოში პირველი სერიული Android-სმარტფონი. იმ დროისთვის iPhone უკვე ერთი წელი არსებობდა ბაზარზე, თუმცა ამას ხელი არ შეუშლია მისთვის. გაყიდვების დაწყებიდან ნახევარი წლის შემდეგ T-Mobile-მა განაცხადა, რომ აშშ-ში რეალიზებული იყო უკვე მილიონზე მეტი G1 ეგზემპლარი, კომპანია AdMob-ის გამოთვლების მიხედვით კი სმარტფონმა ამერიკული ბაზრის 6% დაიპყრო.
მიუხედავად სენსორული ეკრანის არსებობისა, , T-Mobile G1-ს არ ჰქონდა ვირტუალური კლავიატურა, არამედ აღჭურვილი იყო მისი აპარატული ანალოგით. ამის გამო ტელეფონმა მიიღო სლაიდერის ტიპი, რომლის სისქემაც გიგანტურ ზომას მიაღწია დღევანდელი გადასახედიდან: 17,1 მმ. შედარებისთვის. იმ დროს აქტუალური iPhone 3G-ის სისქე 12,3 მმ-ს შეადგენდა.
ხმის მართვისა და მენიუს ღილაკები ასევე ფიზიკური იყო, ნავიგაციისთვის კი გამოიყენებოდა თრექბოლი. დისპლეის დიაგონალი 3,2 დუიმს შეადგენდა 480 × 320 გაფართოებით. T-Mobile G1-ის აპარატულ პლატფორმას წარმოადგენდა ერთბირთვიანი Qualcomm MSM7201A პროცესორი 528 მჰც ტაქტის სიხშირით. ოპერატიული მეხსიერებისა და ფლეშ-მოდულის მოცულობა ჰქონდა 192 და 256 მეგაბაიტი. ფლეშ-მოდულის მოცულობის გაზრდა შესაძლებელი იყო 16 გბ-იანი microSD-ის დამატებით. სმარტფონი მუშაობდა 1150 ამპერი/საათში სიძლიერის მქონე ელემენტზე.
T-Mobile G1 (HTC Dream)-ს არ ჰქონდა 3,5 მმ-იანი აუდიო კონექტორი: მის ნაცვლად გამოიყენებოდა proprietary კონექტორი, რომელთან ყურსასმენების მიერთებაც შესაძლებელი იყო სპეციალური გადამყვანის საშუალებით. სმარტფონს ჰქონდა მხოლოდ ერთი კამერა, 3,15 მეგაპიქსელით, რომელიც განთავსებული იყო კორპუსის უკანა მხარეს.
ამ სმარტფონში მთავარი იყო ოპერაციული სისტემა - სულ ახალი და ყველასთვის უცნობი Android 1.0. ბაზარზე არსებობის ერთი წლის განმავლობაში მოწყობილობამ მიიღო რამოდენიმე განახლება.
T-Mobile HTC Dream მომხმარებლებისთვის ხელმისაწვდომი იყო 179 $-ად. იგი წამოდგენილი იყო უკვე დაყენებული სერვისებით - Amazon MP3, Google Talk, AOL, Yahoo Messenger და Windows Live Messenger და ბრაუზერი. დამატებითი აპლიკაციების ჩამოტვირთვის საშუალება მომხმარებლებს ჰქონდათ Android Market-დან, რომლიდანაც თანდათანობით წარმოიშვა Google Play.
-
1
-
-
ამერიკულმა კომპანიამ Micron Technology-მ გამოაქვეყნა 2018 წლის მეოთხე კვარტლის ფინანსური ანგარიში (მოიცავს პერიოდს ივნისიდან აგვისტომდე). ისევე, როგორც მიმდინარე ფისკალური წლის წინა სამ კვარტალში, კომპანიამ ახალი რეკორდი დაამყარა შემოსავლების თვალსაზრისით. ამაში კომპანიას ხელი შეუწყო DRAM-ისა და NAND-ის მაღალმა ფასებმა, რასაც კომპანია არ უარყოფს.
კვარტალურმა შემოსავალმა ანალიტიკოსების მოლოდინს გადააჭარბა და მიაღწია 8, 44 მილიარდ დოლარს. წელიწადში ეს მაჩვენებელი 38 %-ით გაიზარდა, წინა მაჩვენებელთან შედარებით კი 8%-ით: მესამე კვარტალში შემოსავალი შედაგენდა 7,8 მილიარდ დოლარს. მეოთხე კვარტალში კომპანიის სუფთა მოგება 4,33 მილიარდი დოლარია, მესამე კვარტლისა- 3,82 მლრდ დოლარი. გასულ წელს ეს მაჩვენებლი 2,36 მილიარდი იყო. მთლიანი კვარტალური მოგება ასევე გაიზარდა 60,6%-დან 61 %-მდე.
მთელი ფინანსური 2018 წლის განმავლობაში კომპანია Micron Technology-მ შემოსავალი 30,39 მილიარდით გაზარდა (თითქმის 50%-ით წინა წელთან შედარებით), რამაც კომპანია სიდიდით მეორედ აქცია აშშ-ში წარმოების მიმართულებით (პირველ ადგილას Intel-ი იკავებს). 2018 წლის სუფთა მოგებამ 14,7 მილიარდი შეადგინა, წინა წლის 5 მილიარდ დოლართან შედარებით ეს მნიშვნელოვანი სხვაობაა, რომლის მიღწევაშიც მთავარი როლი მეხსიერებაზე მაღალმა ფასებმა შეასრულა.
-
1
-
1
-
-
სამუშაო მაგიდაზე მიჯაჭვული პერსონალური კომპიუტერები თანდათან კარგავენ პოპულარულობას, რომლებსაც ლეპტოპები უკვე წინ უსწრებს მოთხოვნადობისა და გაყიდვების თვალსაზრისით.
მუდმივი განვითარებისა და ინოვაციების წყალობით, ლეპტოპები თანდათან უფრო თხელი და მსუბუქი გახდა, მათი აპარატული საშუალებები - ბევრად უფრო ძლიერი, ბატარეა კი მეტად გამძლე.
წარმოგიდგენთ რამოდენიმე უძველეს მოდელს და ვნახოთ, საიდან დაიწყო თანამედროვე ლეპტოპების გზა.
1981: Osborne 1, პირველი ნამდვილი მობილური კომპიუტერი მსოფლიოში
ბევრი მიიჩნევს Osborne 1-ს ლეპტოპების წინაპრად. 1981 წელს გამოშვებულ Osborne-ს ჰქონდა 5 დუიმიანი ეკრანი, ორი floppy დისკის გამშვები, მოდემი, ბატარეა და კლავიატურა.
იწონიდა 11 კილოგრამს. სამწუხაროდ, ეს მოდელი არ გამხდარა ჰიტი, თუმცა მან აჩვენა პორტატული კომპიუტერის პოტენციალი - ადამიანებმა პირველად შეძლეს თან ეტარებინათ თავიანთი კომპიუტერი და ემუშავათ მოგზაურობის დროს.
Osborne 1-ს ღირებულება 1795 $ იყო, რაც დაახლოებით 5000 $-ის ტოლია დღევანდელი კურსით.
1983: Grid Compass 1101
პირველი პორტატული კომპიუტერი, რომელიც ნამდვილად გამოიყურებოდა როგორც ლეპტოპი, იყო Grid Compass 1101, რომელიც გამოუშვეს 1983 წელს. იგი გამოირჩეოდა სახურავის დიზაინით, დახურვისას ეკრანი ფარავდა კლავიატურას, ასე რომ შესაძლებელი იყო მისი თავისუფლად გადატანა, რადგან კლავიატურა და ეკრანი კარგად იყო დაცული.
Grid Compass 1101-მა დიდი წარმატება გაყიდვის კუთხით ვერ მოიპოვა მისი მაღალი ფასის გამო - მისი ღირებულება დაახლოებით 10 000 $-ს უდრიდა, რაც დღევანდელი კურსით 25 000 $-ის ტოლია. ამ სიახლის პატენტებმა კი საკმაოდ დიდი შემოსავალი მოუტანა GRID Systems Corp-ს.
1989: Compaq LTE და Compaq LTE 286
ამ მოდელების გამოშვებამდე, მართალია, შესაძლებელი იყო ლეპტოპების თან ტარება, თუმცა ისინი საკმაოდ მძიმე და სატარებლად მოუხერხებელი იყო.
თუმცა, 1989 წელს გამოშვებულ იქნა Compaq LTE და Compaq LTE 286 მოდელები, რომლებიც ჩვეულებრივი რვეულის ზომის იყო. მათი სიმსუბუქის გამო, ამ მოდელებმა განსაკუთრებული პოპულარობა მოიპოვა მომხმარებლებში, რადგან მათი თან ტარება არანაირ სირთულეს აღარ წარმოადგენდა.
Compaq LTE და Compaq LTE 286 მოდელები ასევე იყო პირველი ლეპტოპები ჩაშენებული მყარი დისკითა და floppy disk drive-თ, რაც მათ უნივერსალურს ხდიდა. Compaq LTE-ის მყარ დისკს გააჩნდა 20 მბ სანახი სივრცე, რომლის მოცულობაც გაორმაგდა Compaq LTE 286-ის შემთხვევაში.
1989: Macintosh Portable: Apple-ის პირველი ლეპტოპი
1989 წელს Apple-მა გამოუშვა თავისი პირველი პორტატული კომპიუტერი. მიუხედავად იმისა, რომ იგი არ იყო ისეთი მსუბუქი და ადვილად გადასატანი, როგორც Compaq LTE, მისი უპირატესობა გამოიხატებოდა ავტონომიური მუშაობის უფრო მეტ ხანგრძლივობასა და უფრო დახვეწილი დიზაინის მქონე ეკრანში. ზომებისა და წონის გამო ამ მოდელმა განსაკუთრებული პოპულარობა ვერ მოიპოვა, თუმცა მან მოახდინა მეტად მოსახერხებელი ლეპტოპების წარმოების სტიმულირება.
1991: Apple PowerBook 100-ის სერია: რევოლუციური ადრეული ლეპტოპები
1991 წელს Apple-მა გამოუშვა PowerBook ლეპტოპების სერია: PowerBook 100, PowerBook 140 და PowerBook 170, რომლებიც ბევრად წარმატებული აღმოჩნდა კომპანიის წინა მცდელობებთან შედარებით - შეექმნა პორტატული კომპიუტერი. ამ მოდელებს ჰქონდათ ფუნქციების მთელი რიგი რევოლუციური ცვლილებები და სიახლეები, რაც საფუძვლად დაედო თანამედროვე ლეპტოპების წარმოებას.
Apple-ის PowerBook-ის სერია მეტად წარმატებული აღმოჩნდა. 1994 წელს PowerBook 500-ის სერიის მოდელები გახდა პირველი, რომელთაც ჰქონდათ ნამდვილი სენსორული პანელი და ჩაშენებული Ethernet network ადაპტერი.
1992: IBM ThinkPad 700
1992 წელს IBM-მა გამოუშვა ThinkPad, 700, 700c და 700t, და ეს მოდელები, Apple-ის PowerBook 100-თან ერთად, შეიძლება ჩაითვალოს ერთ-ერთ პირველ თანამედროვე ლეპტოპებად, რომლებმაც განსაზღვრეს ლეპტოპების ლანდშაფტის ფორმირება მომდევნო 25 წლის განმავლობაში.
ThinkPad 700-ს ჰქონდა 10,4 დუიმიანი ფერადი დისპლეი (ყველაზე დიდი, რაც კი მანამდე არსებულა), 120 მეგაბაიტიანი მყარი დისკი და მძლავრი IBM 486 SLC პროცესორი.
ThinkPad-ი გამოირჩეოდა მიმზიდველი დიზაინითა და ფუნქციონალურობით, მან მრავალი დიზაინერული ჯილდო მიიღო. ფუნქციონალურობას რაც შეეხება, IBM ცდილობდა ხაზი გაესვა, რამდენად კარგად იყო მოწყობილი ეს მოდელი, ხდებოდა დემონსტრირება, თუ როგორ გამოიყენებდნენ მას არქეოლოგიური ექსპედიციების დროს, ლეპტოპი აგრეთვე კოსმოსში იქნა წაღებული NASA-ს მიერ, რათა დაემტკიცებინათ, თუ რამდენად კარგად მუშაობდა იგი.
ინოვაციური ფუნქციებისა და შესაძლებლობების განვითარების წყალობით, რომლის საშუალებითაც თანდათან აღმოიფხვრა ტექნიკური პრობლემები, ამ ადრეულმა ლეპტოპებმა საფუძველი დაუდეს თანამედროვე კომპიუტერებს, რომელთაც აქტიურად ვიყენებთ ყოველდღიურად. მათი მწარმოებლების დამსახურებაა, რომ დღეს ასეთი უნივერსალური პროდუქტი გაგვაჩნია, რომელიც აქტიურად გამოიყენება სახლში, სკოლებსა თუ სამუშაო სივრცეებში.
-
1
-
-
ქსელურმა წყაროებმა გამოაქვეყნეს Nokia 7.1 Plus სმარტფონის პირველი ფოტოები, რომლის დამზადებაც უკვე დაასრულა HMD Global-მა და ამზადებს გამოსაშვებად.
როგორც ფოტოებიდან ჩანს, სმარტფონს აქვს წვრილჩარჩოიანი დისპლეი ზედა ნაწილში მცირე ჭრილით. გამოყენებული იქნება Full HD+ ფორმატი 2280 × 1080 გაფართოებით და გვერდების 19:9-ზე შეფარდებით.
სმარტფონის უკანა მხარეს განთავსებულია ორმაგი კამერა Carl Zeiss-ის ოპტიკით. კამერები განლაგებულია ვერტიკალურად, მათ ქვემოთ მოთავსებულია დაქტილოსკოპიური სკანერი. უკანა მხარესვე იკითხება წარწერა - Android One.
გვერდით ნაწილში მოცემულია ხმის რეგულირებისა და ჩართვა-გამორთვის ღილაკები.
წყაროების ინფორმაციით, სმარტფონს აქვს Qualcomm Snapdragon 710 პროცესორი, რომელიც შეიცავს Kryo 360-ის რვა ბირთვს 2,2 გჰც ტაქტის სიხშირით, და გრაფიკულ ამჩქარებელს Adreno 616-ს.
ოპერატიული მეხსიერების მოცულობა 6 გბ-ია, ფლეშ-მოდულის მოცულობა - 128 გბ. ასევე საუბარია 18 ვატიანი სწრაფი დატენვის ელემენტის მხარდაჭერაზე.
სმარტფონი წარმოდგენილი იქნება Android 9.0 Pie ოპერაციული სისტემით.
-
1
-
-
ამერიკელი ენთუზიასტის Vince Lucido-ს მიერ GeForce RTX 2080 Ti ვიდეო ბარათზე განხორციელებული ექსტრემალური ოვერქლოქინგის შედეგები თავდაპირველად გავრცელდა მხოლოდ სოციალურ ქსელებში, თავსებადი დრაივერების გავრცელებისა და თავად ვიდეო ბარათების საბოლოო ანონსის შემდეგ კი უკვე HWBot-ის ოფიციალური მონაცემების ბაზაში დარეგისტრირდა.
ეს ხელს შეუწყობს მომავალი ოვერქლოქინგის შედეგების უკვე მიღწეულთან შედარებას, სამომავლო შედეგები და ახალი რეკორდები კი გამოჩნდება მას შემდეგ, როცა ამ მოდელის ვიდეო ბარათების მფლობელები გაითავისებენ ამ მიმზიდველი პროცესის ყველა ნიუანსს.
Vince Lucido, რომელმაც ექპერიმენტის მსვლელობისას გამოიყენა K|ngp|n Cooling თერმოინტერფეისი, უკვე აღარ არის GeForce RTX 2080 Ti-ს ერთადერთი მფლობელი, ვინც ოვექლოქინგის შედეგები მონაცემთა ბაზაში დარეგისტრირა.
-
1
-
2
-
-
Cheddar-ის მოხსენებული ანგარიშის მიხედვით, Facebook-ი შემდეგ კვირაში გეგმავს განაცხადოს თავისი ახალი პროდუქტის - Facebook Video Echo Show-ს შესახებ. როგორც ცნობილია, დივაისი ისევე მუშაობს, როგორც Echo Show Amazon, თუმცა Facebook-ის მხრიდან განსაკუთრებული ყურადღება დაეთმობა სახის ამომცნობ ტექნოლოგიებს, რომელიც მისცემს მომხმარებლების იდენტიფიკაციის საშუალებას.
Facebook Video Echo Show-ს შესახებ ხმები გავრცელდა გასულ წელს DigiTimes-ის ანგარიშის გამოქვეყნების შემდეგ. 2018 წლის დასაწყისში Cheddar-მა განაცხადა, რომ Facebook-პორტალი წარმოდგენილი იყო კომპანიის F8 კონფერენციაზე, ახლა კი, მისივე ცნობებით, მისი გამოშვების გადადება გადაწყდა მას შემდეგ, რაც Cambridge Analytica-ს სკანდალმა გამოიწვია სერიოზული შეშფოთება კონფიდენციალურობის დარღვევის მხრივ კომპანიის მხრიდან. ჯერ კიდევ ამ შემთხვევამდეც, Facebook-ი ფასდებოდა, როგორც უფრო ნაკლებად სანდო, ვიდრე Amazon და Google.
კონფიდენციალურობასთან დაკავშირებული პრობლემის გადაჭრის მიზნით, როგორც ცნობილია, პორტალს ექნება ფიზიკური ბარიერი, რომლის საშუალებითაც შესაძლებელი იქნება კამერის „გადაფარვა“, რომ ვერ გადაიღოს და აღბეჭდოს მომხმარებლები მათი თანხმობის გარეშე.
ვიდეო ჩატთან ერთად, როგორც მოსალოდნელია, გამოყენებული იქნება Amazon-ის ხმოვანი ასისტენტი Alexa, რომელიც შეასრულებს მოთხოვნებს - დაწყებული მუსიკის ჩართვიდან დამთავრებული კულინარიული რეცეპტების მოწოდებით. ცნობების მიხედვით, ორი ზომის მოწყობილობა გამოიცემა, 300 და 400 $-ის ღირებულებით, სიდიდის შესაბამისად.
-
1
-
-
საგზაო მოძრაობის ეროვნული უსაფრთხოების ადმინისტრაციის (NHTSA) crash ტესტირების გავლის შედეგად Tesla Model 3 ვერსიამ (ეს არის სრულად ელექტრო სედანი უკანა წამყვანი თვლებით) მოიპოვა ხუთვარსკვლავიანი რეიტინგი.
შეფასება იდენტურია NHTSA-ის მიერ ჩატარებული Tesla-ს წინა მოდელების შეფასებებისა, მათ ყველამ უმაღლესი შეფასება მიიღო. X SUV მოდელმა მიიღო ხუთი ვარსკვლავი ყველა კატეგორიასა და ქვეკატეგორიაში 2017 წელს, S მოდელმა კი მოიპოვა 5,4 ვარსკვლავიანი შეფასება ჯერ კიდევ 2013 წელს - იმ დროს, როდესაც უსაფრთხოების სააგენტოს ჯერ კიდევ არ ჰქონდა გაცემული რეკომენდაციები, რომლითაც უნდა ეხელმძღვანელათ ავტომწარმოებლებს.
crash-ტესტის ქვეკატეგორიები მოიცავს წინიდან, გვერდიდან და მაღალ სიჩქარეზე მოძრავი ავტომობილის შეჯახების შეფასებებს. ტესტირებაში არ შედის Tesla’s driver assistance ავტოპილოტის შეფასება. ჯერჯერობით უსაფრთხოების სააგენტოს არ შეუქმნია რაიმე სახის სარეიტინგო სისტემა ამ ფუნქციისთვის. მასთან მიახლოებული პროგრამა, რაც გააჩნია სააგენტოს, ეს არის ნახევრად ავტონომიურ ტექნოლოგიაზე მომუშავე მანქანების შეფასების პროგრამა, რომელში ჩართვაც ნებაყოფლობითია და ჯერჯერობით თავიანთი შეფასებები ამ კუთხით წარმოდგენილი აქვთ მხოლოდ Ford-ს, GM-ს, Waymo-სა და სტარტაპ Nuro-ს.
NHTSA კავშირში იმყოფება პროცესთან, რომელიც ეხება მაისში მომხდარ ავარიას, როდესაც Tesla-ს მობილის მძღოლმა ხელის მტევანი მოიტეხა. სააგენტო იკვლევს, ითამაშა თუ არა როლი ავტოპილოტმა ამ შემთხვევაში. ამ ავარიამდელ პერიოდში უსაფრთხოების სააგენტომ Tesla-სა და ავტოპილოტის დამნაშვეობა უარყო Joshua Brown-ის გარდაცვალებაში, რომელიც ავტოპილოტის ფუნქციას იყენებდა, როდესაც სატვირთოს შეეჯახა. შემთხვევა 2016 წელს მოხდა.
Tesla Model 3-ის უსაფრთხოების რეიტინგი გამოქვეყნდა მხოლოდ რამოდენიმე თვის შემდეგ, მას მერე, რაც NHTSA-მა მოახდინა მისი პირდაპირი კონკურენტის - Chevy Bolt-ის შეფასება. იმ დროს, როდესაც Chevy Bolt-მა სრული ხუთვარსკვლავიანი შეფასება მიიღო, Model 3-მა იგივე რეიტინგი მიიღო შედარებით მეტი კატეგორიის გავლის შედეგად.
-
2
-
1
-
-
რობოტების აწყობა მიმდინარეობს სხვადასხვა მიზნით, მათ შორის - ასტრონავტების ჩასანაცვლებლად ან დამხმარედ კოსმოსურ სადგურებზე - ან უბრალო დამხმარედ ადგილობრივ საქმიანობებში, და რადგანაც ბევრ მათგანს უწევს ადამიანების გვერდით მუშაობა, მათ უნდა ესმოდეთ ადამიანების და ფლობდნენ ადამიანის მსგავს თვისებებს.
მაგრამ საჭიროა თუ არა გააჩნდეთ მათ გრძნობები და ემოციები?
რობოტები, რომელთაც შეუძიათ ადამიანური ემოციების აღქმა და თავადვე განცდა, პოპულარული თემაა სამეცნიერო ფანტასტიკაში, უამრავი ფილმი შეგვიძლია დავასახელოთ, რომლებშიც რობოტებს მინიჭებული აქვთ ადამიანური გრძნობები და განცდები, და ზოგჯერ თავად მანიპულირებენ კიდეც ადამიანებზე. კაცობრიობა ჯერ კიდევ შორსაა შექმნას ამგვარი რობოტები, თუმცა მათ შესახებ წარმოდგენის შექმნა არც ისე რთულია.
უფრო და უფრო მეტ ადამიანს უყალიბდება ემოციური კავშირი Alexa-სა და Siri-სთან, რომელთა შესაძლებლობებიც ჯერ კიდევ ძალიან შეზღუდულია და შემოიფარგლება მარტივი ინტერაქციებით, მაგალითად, შეუძლიათ გვაცნობონ როგორი ამინდი გველის, ან გამორთონ ელექტროენერგია სახლში.
აქედან გამომდინარე, ჩნდება კითხვა: რამდენად შორს შეიძლება წავიდეს ემოციური კავშირი ადამიანსა და რობოტს შორის, რომელიც არამარტო ჰგავს ადამიანს, არამედ გრძნობს როგორც ადამიანი?
ადამიანური ემოციების აღმქმელი ხელოვნური ინტელექტისა და რობოტების პროგრამირება კვლევის საკვანძო სფეროს წარმოადგენს რობოტექნიკის სფეროში მომუშავე მწარმოებელთათვის. ისეთმა კომპანიებმა, როგორებიცაა SoftBank Robotics და Hanson Robotics, უკვე შექმნეს რობოტები, რომელთაც გარკვეულ დონემდე შეუძლიათ ადამიანური ემოციების წაკითხვა და შესაბამისი რეაგირება.
SoftBank Robotics-მა შექმნა რამოდენიმე რობოტი, რომლებიც, როგორც კომპანია აღწერს, არიან „ადამიანისმაგვარები“ (human-shaped). ერთ-ერთმა მათგანმა, სახელად Pepper-მა ყველაზე დიდი ყურადღება დაიმსახურა მასობრივი საინფორმაციო საშუალებების მხრიდან. SoftBank-ი ირწმუნება, რომ Pepper-ს შეუძლია ემოციების აღქმა სახის მიმიკების, ხმოვანი სიგნალებისა და სხეულის ჟესტების მიხედვით და პასუხობს მათ შესაბამისად.
მისი შესაძლებლობები თავისთავად ბევრად შორსაა ჩვენი წარმოდგენებისგან, რაც სამეცნიერო ფანტასტიკის ჟანრის ფილმებიდან შეგვექმნა, თუმცა Pepper-ის (და მისი მრავალრიცხოვანი და-ძმის) დანერგვა უკვე მიმდინარეობს იაპონიაში არსებული SoftBank-ის მობილურ მაღაზიებში. Pepper-ი ერთ-ერთი პირველია იმ ტიპის რობოტების სერიიდან, რომლებიც შექმნილია ადამიანებთან ერთად თანასაქმიანობის მიზნით.
დარვინის თეორიის მიხედვით, ადამიანები იბადებიან ემოციური შესაძლებლობებით, ეს ნიშნავს, რომ ემოციები გვაქვს თანდაყოლილი და არა შეძენილი. ამ გადმოსახედიდან თუ შევხედავთ, იმისათვის, რომ რობოტებს ემოციები და გრძნობები შევძინოთ,მოგვიწევს მათთვის სხვადასხვა ბიოლოგიური და ფიზიოლოგიური პროცესების მინიჭება, რომლებიც დამახასიათებელია ადამიანებისთვის.
დარვინის საპიროსპირო თეორიის მომხრენი კი ამტკიცებენ, რომ ემოციები ადამიანებს უვითარდებათ გამოცდილებებიდან გამომდინარე. ეს თეორია უფრო მიმზიდველია რობოტექნოლოგიების მკვლევართათვის, რამდენადაც იგი იძლევა ვარაუდს, რომ შეგვეძლება რობოტებს ემოციები განვუვითაროთ გამოცდილებების საფუძველზე, და არა თავიდანვე ნულიდან შევქმნათ all-singing, all-dancing, all-feeling რობოტები.
2014 წელს ჩატარებულმა კვლევებმა აჩვენა, რომ რობოტებს შეუძლიათ გამოხატონ გრძნობა, რომელიც დაკავშირებულია ფიზიკურ მდგომარეობასთან, მაგალითად, გამოსცენ სიგნალები, თუკი ბატარეის დატენვის დონე კრიტიკულად შემცირდა ან ძრავის ტემპერატურა ნორმას გასცდა. რობოტებმა შეძლეს განესაზღვრათ, რომ რაღაც რიგზე ვერ არის და მოახდინეს რეაგირება შესაბამისად, რაც დაახლოებით მწუხარების გამოხატვად შეიძლება ჩაითვალოს.
რაც უფრო მეტად ემსგავსებიან რობოტები ადამიანებს, მით უფრო მიმზიდველად აღიქმებიან ადამიანებისთვის, და არა უბრალო ლითონის გროვად. თუმცა, მათი არაიდენტურობა ადამიანებთან ხშირად შიშსაც იწვევს. გარკვევით რომ ავხსნათ, დაკვირდით რობოტ Sophia-ს და თქვით, რომ არ გრძნობთ თავს ცოტა შეშფოთებულად.
ემოციური კავშირი და მეგობრობა ადამიანებსა და რობოტებს შორის, ეს ერთდროულად მიმზიდველი და შემაშფოთებელია. არ არის გამორიცხული, რომ ეს ურთიერთობები არასწორი გზით წავიდეს. მცირე ხნის წინ ჩატარებულმა კვლევებმა აჩვენა, რომ ბევრი ადამიანი მიდრეკილია მოექცეს რობოტების მანიპულაციების ქვეშ. ამით კი რობოშემქმნელები უზარმაზარი პასუხისმგებლობის წინაშე აღმოჩნდებიან.
სცენარის განვითარების კიდევ ერთი გზა, რომელიც ბევრ ადამიანს მოუვა თავში ხელოვნური ინტელექტის განვითარების გაგონებისას, ეს არის შემდეგი - რა მოხდება, თუკი ერთ დღესაც რობოტები ჩათვლიან, რომ ადამიანები არც ისე კარგი არსებები არიან და მოინდომებენ დედამიწის მათგან გაწმენდას? მაგრამ მეორე მხრივ, რა მოხდება, თუკი შევძლებთ რობოტებს ჩავუნერგოთ ჩვენდამი მარადიული თანაგრძნობა და გაგება? რას მიაღწევს კაცობრიობა?
-
2
-
-
მომავალ თვეში კომპანია Intel-მა უნდა წარადგინოს ახალი თაობის Coffee Lake Refresh პროცესორები, აგრეთვე ახალი ფლაგმანური ჩიპსეტი Intel Z390. დედა დაფების მწარმოებლები უკვე იწყებენ სიახლის რეკლამირებას, ამასთან ერთად გვიმხელენ სხვადასხვა საინტერესო დეტალს.
კომპანია Gigabyte-მა მოახდინა Intel-ის მიკროსქემაზე არსებული ერთ-ერთი დედა დაფის დემონსტრირება. გარეგნული მახასიათებლების მიხედვით, იგი დედა დაფების მაღალ კატეგორიას მიეკუთვნება. თუკი დავაკვირდებით წარწერას რადიატორზე M.2 სლოტზე, ჩანს, რომ მისი სახელწოდებაა AORUS Z390 Master.
ხსენებული დედა დაფის დემონსტრირებისას ვიდეომატერიალზე გამოყენებული იყო ჰეშთეგი #Oct8, რაც პირდაპირ მიუთითებს გამოსვლის თარიღს - 8 ოქტომბერს. ამ დღეს შედგება ან დედა დაფების ანონსი Intel-ის ახალ ჩიპსეტზე, ან უკვე მათი გაყიდვა დაიწყება ამ დღიდანვე. თუმცა პირველი ვარიანტი უფრო დამაჯერებლად გამოიყურება.
როგორც წყაროდან ჩანს, ახალ დედა დაფას აქვს კვების მსხვილი ქვესისტემა საკმაოდ მასიური რადიატორებით, რომლებსაც გააჩნია RGB განათება. აგრეთვე, მასიური რადიატორია დაყენებული Intel Z390 ჩიპსეტზე. დაფას აქვს DDR4 მეხსიერების მოდულის ოთხი სლოტი, სამი სლოტი PCI Express 3.0 x16, ორი PCI Express 3.0 x1 და სამიც M.2 კონექტორი მყარი დისკებისთვის.
-
1
-
2
-
-
Samsung-ი ოფიციალურად შევიდა სამკამერიანი სმარტფონების წარმოების პროცესში. კომპანიამ დააანონსა Galaxy A7 ევროპისა და აზიისთვის. ეს არის საშუალო რანგის სმარტფონი უკანა მხარეს უნიკალური სამი კამერით. იგი მოიცავს 24 მეგაპიქსელიან სენსორს ავტოფოკუსით, 5 მეგაპიქსელიან ღრმა ლინზას (“depth lens”), რომელიც გამოიყენება bokeh ეფექტისთვის, აგრეთვე მოიცავს 8 მეგაპიქსელიან ფართოკუთხიან ობიექტივს, რომელიც აფიქსირებს სივრცეს 120 გრადუსით. კამერათა სისტემის წყალობით ფაქტიურად ყველანაირი ფოტოს გადაღებაა შესაძლებელი, როგორსაც სმარტფონის მფლობელები ისურვებენ.
Samsung Galaxy A7-ს აქვს 6 დუიმიანი Full HD + Super AMOLED დისპლეი, ბატარეა 3300 ამპერი/საათში, რვაბირთვიანი 2,2 გჰც-იანი ჩიპი (octa-core 2.2GHz chipset). სმარტფონი მუშაობს Android Oreo-ს ბაზაზე. ტელეფონის ფასი ჯერჯერობით უცნობია, ვიცით მხოლოდ გამოსვლის თარიღი - 11 ოქტომბერი.
ამ დრომდე, სამკამერიანი სმარტფონი ნანახი გვქონდა მხოლოდ Huawei P20 Pro-ს სახით. მომხმარებლებს აქვთ მოლოდინი, რომ Samsung-ი დამატებით კამერებს შემოგვთავაზებს თავის ფლაგმანური სმარტფონების სერიაში. მიმდინარე წელს ვრცელდებოდა ხმები, რომ შესაძლოა Galaxy S10-ს ჰქონდეს ხუთი კამერა, თუმცა, Samsung-ის მობილური განყოფილების უფროსმა DJ Koh-მა სექტემბრის დასაწყისში განაცხადა, რომ კომპანია ფოკუსირდება მიზანზე - საშუალო რანგის სმარტფონებს შესძინოს დამატებითი ფუნქციები და შესაძლებლობები, რათა დააკმაყოფილოს იმ სეგმენტის მოთხოვნა, რომელთაც სურთ ახალი სმარტფონი, მაგრამ არ შეუძლიათ ფლაგმანური მობილურების შეძენა.
-
1
-
-
Instagram-ს ნელი ტემპით, თუმცა თავდაჯერებულად მიჰყავს თავისი Direct-პლატფორმა შეტყობინებების გაცვლის სრულყოფილი პროდუქტისკენ, რაც თავისთავად გონივრულ ნაბიჯს წარმოადგენს, ვინაიდან Instagram-ი ძირითადად პოპულარული და მოთხოვნადია ახალგაზრდა აუდიტორიაში, რომლებიც უფრო ნაკლებად ან საერთოდ აღარ იყენებენ Facebook-ს. ახალი ფუნქცია, რომელიც Instagram-მა შეიძინა, ეს არის GIF მხარდაჭერა Giphy-სგან. მომხმარებლებს ახლა უკვე შეუძლიათ ერთმანეთს გაუგზავნონ ანიმირებული GIF-ფაილები - „ერთი ერთზე“ ანდა ჯგუფურ ჩატში.
Instagram Direct-ში უკვე გამოჩნდა „ღილაკი“GIF. მასზე დაჭერისას შეგიძლიათ მოძებნოთ ტრენდული GIF-ები, მოძებნოთ ისინი საკვანძო საძიებო სიტყვის მიხედვით კონკრეტული მომხმარებლისთვის ან გამოიყენოთ „შემთხვევითი“ ვარიანტი სიურპრიზ GIF-ის გასაგზავნად. ეს ფუნქცია უკე გამოჩნდა iOS-სა და Android-ზე. Instagram-ი ხაზს უსვამს იმას, რომ ახალი ფუნქციის მიხედვით გამოყენებულ ნებისმიერ GIF-ს თანდართული ექნება კონტენტის შემქმნელის ატრიბუტები, ასე რომ მომხმარებლებს ექნებათ შესაძლებლობა გაიგონ, თუ ვისი შექმნილია ანიმაცია, რომელსაც ისინი იყენებენ. Instagram-ი აგრეთვე ქმნის საშუალებას „see all by creator”, რათა ხელი შუწყოს შემქმნელებს პლატფორმაზე მათი საქმიანობის განვითარებისთვის.
-
1
-
ASUS ROG Maximus XI დედა დაფები: Intel Z390, გაძლიერებული კვების ქვესისტემა და დიდი მოცულობის მეხსიერების ბარათები
in Intel & დედა დაფები
Posted
Intel Z390-ის ახალ ფლაგმანურ ჩიპსეტზე არსებული დედა დაფების გამოსვლამდე სულ ცოტა დრო რჩება, შესაბამისად, მათ შესახებ უფრო და უფრო მეტი ინფორმაცია ხდება ცნობილი. ამჯერად ინფორმაცია ეხება ASUS-ის ROG Maximus-ის ახალ დედა დაფებს.
ASUS ROG Maximus XI Extreme
ახალი სერია მიიღებს სახელწოდებას ROG Maximus XI, და ამჯერად ცნობილია ოთხი მოდელის შესახებ, ესენია: Formula, Code, Extreme და Gene. ახალ მოდელებს ექნებათ არამარტო ახალი ჩიპსეტები, არამედ გაუმჯობესებული კვების ქვესისტემა, რომლის საშუალებითაც შესაძლებელი იქნება Intel Coffee Lake Refresh-ის პროცესორების უკეთ აჩქარება, პროცესორების - რომლებისთვისაც არის განკუთვნილი ეს სიახლე.
ROG Maximus XI Extreme მოდელი გამოირჩევა E-ATX ფორმ-ფაქტორით, ასევე პატარა OLED-დისპლეით, რომელზეც გამოისახება ინფორმაცია სისტემის მაჩვენებლების შესახებ, მაგალითად პროცესორის აქტუალური სიხშირე. აქვს DIMM.2 საფირმო სლოტი SSD M.2 სპეციალური ადაპტერის მისაერთებლად, აგრეთვე, სამი სლოტი PCI Express 3.0 x16 და ოთხი სტანდარტული DIMM - DDR4 მეხსიერების მოდულებისთვის.
მეტად საინტერესოა ის ფაქტი, რომ ინფორმაციის მომწოდებელმა წყარომ გამოაქვეყნა საკმაოდ უცნაური „ორსართულიანი“ DDR4 მოდულების ფოტოები. ისინი გამოირჩევა ორჯერ მეტი სიმაღლით, აგრეთვე იტევენ ორჯერ მეტ მეხსიერების მიკროსქემას, რის ხარჯზეც მეხსიერების სანახი სივრცე უფრო დიდია. დღესდღეობით ცნობილია მსგავსი მოდულები კომპანიებისგან - Zadak და G.Skill. იქიდან გამომდინარე, რომ ფოტოზე მოდული დაყენებულია DDR4 DIMM სტანდარტულ სლოტში, მისი გამოყენება შესაძლებელი იქნება არამხოლოდ ASUS-ის დაფებთან.
ROG Maximus XI Gene
რაც შეეხება სხვა დაფებს, საკმაოდ საინტერესოდ გამოიყურება მოდელი ROG Maximus XI Gene, Micro-ATX ფორმ-ფაქტორით. Maximus-ის სერიაში კომპანია ASUS-ს საკმაოდ დიდი ხანია არ გამოუშვია სიახლეები ამგვარი ფორმ-ფაქტორით. ამ დაფას ასევე აქვს კვების მძლავრი ქვესისტემა, თუმცა მისთვის განსაზღვრულია DDR4 მეხსიერების მოდულისთვის მხოლოდ ორი სლოტი და თითო სლოტი PCI Express 3.0 x16-სა და PCI Express 3.0 x4-სთვის, რაც აიხსნება კომპაქტური ფორმ-ფაქტორის არსებობით.
ASUS ROG Maximus XI Formula
და ბოლოს, გამოქვეყნდა ASUS ROG Maximus XI Formula-სა და Code-ს დედა დაფების ფოტოები. მათ არ აქვთ DIMM.2 სლოტი, თუმცა მთლიანობაში არც ისე „მოკრძალებულად“ გამოიყურებიან. ეს ორი დაფა ერთმათისგან მხოლოდ კვების ქვესისტემის გაგრილების სისტემით განსხვავდება. Formula მოდელს აქვს წყლის ბლოკი EK Water Blocks, Code მოდელს კი - ჩვეულებრივი რადიატორი.
https://3dnews.ru/975945