Magdalena

ხელოვნური ინტელექტის ჩატ-ბოტ ChatGPT-ის დეველოპერი კომპანია OpenAI იკვლევს საკუთარი ხელოვნური ინტელექტის ჩიპების შექმნის შესაძლებლობას. ეს შეამცირებს დამოკიდებულებას ამაჩქარებლების მწარმოებლებზე, მათ შორის ბაზარზე დომინანტურ NVIDIA-ზე, ასევე უზრუნველყოფს ჩიპების საჭირო რაოდენობის არსებობას შემდგომი მუშაობისთვის. ფოტოს წყარო: Pixabay Reuters-ის წყაროების თანახმად გასულ წელს OpenAI-მ განიხილა სხვადასხვა ვარიანტი ძალიან ძვირადღირებული AI ჩიპების დეფიციტის პრობლემის გადასაჭრელად. განიხილებოდა საკუთარი AI ჩიპის შექმნის შესაძლებლობა, უფრო მჭიდრო თანამშრომლობა ასეთი ჩიპების სხვა მწარმოებლებთან, მათ შორის NVIDIA-სთან, ასევე გამოთვლითი ამაჩქარებლების მომწოდებლების დივერსიფიკაცია. Open AI-ის გენერალურმა დირექტორმა სემ ალტმანმა მეტი ხელოვნური ინტელექტის ჩიპის შეძენას კომპანიის მთავარი პრიორიტეტი უწოდა. მან მიუთითა ორ მთავარ პრობლემაზე: უახლესი გამოთვლითი ამაჩქარებლების დეფიციტზე, რომლებსაც ეყრდნობა OpenAI-ს პროგრამული უზრუნველყოფა და აპარატული უზრუნველყოფის ექსპლუატაციის „წარმოუდგენელი ხარჯები“, რაც კომპანიის პროდუქტების მუშაობაზეა პასუხისმგებელი. OpenAI გენერაციული ხელოვნური ინტელექტის ტექნოლოგიებს ავითარებს მძლავრ სუპერკომპიუტერზე. იგი შეიქმნა Microsoft-ის მიერ და შეიცავს NVIDIA-ს 10 ათას ერთეულ გრაფიკულ პროცესორს. Bernstein-ის ანალიტიკოს Stacy Rasgon-ის შეფასებით ChatGPT-ზე თითოეული მოთხოვნის შესრულება კომპანიას დაახლოებით 0.04 აშშ დოლარი უჯდება. თუ მოთხოვნების რაოდენობა Google-ის საძიებო მოთხოვნების მეათედამდე გაიზრდება, ასეთ შემთხვევაში ჩატ-ბოტს დასჭირდება დაახლოებით 48.1 მლრდ აშშ დოლარის ღირებულების AI ჩიპები, ხოლო სტაბილურობის შესანარჩუნებლად წელიწადში დაახლოებით 16 მლრდ აშშ დოლარზე მეტი ღირებულების ამაჩქარებელი იქნება საჭირო. ჯერჯერობით უცნობია შექმნის თუ არა OpenAI საკუთარ AI ჩიპს. ამ გეგმაზე დანახარჯმა შეიძლება შეადგინოს ასობით მილიონი დოლარი წელიწადში და ასეთი თანხის გამოყოფითაც კი წარმატება გარანტირებული არ არის. პროცესი შეიძლება დაჩქარდეს ჩიპების მწარმოებელი კომპანიის შეძენით. წყაროს თანახმად OpenAI-მ განიხილა ეს ვარიანტიც და ჩაატარა სათანადო შესწავლა პოტენციური შეძენის სამიზნეზე. თუმცა ამ კომპანიის სახელის გარკვევა ვერ მოხერხდა. უნდა აღინიშნოს, რომ OpenAI-ის გეგმის განხორციელებას - შექმნას საკუთარი ჩიპი, თუნდაც ეს იყოს კომპანიის შეძენის გზით, რამდენიმე წელიწადი დასჭირდება და კომპანია ამ დროის განმავლობაში კვლავ დამოკიდებული იქნება გარე მომწოდებლებზე, როგორებიცაა NVIDIA და AMD. https://tinyurl.com/4xtzsbzh

გასულ თვეში უმუშევრობის დონე აშშ-ის IT სექტორში გაიზარდა 4.3%-მდე, რაც მნიშვნელოვნად აღემატება საერთო ეროვნულ მაჩვენებელ 3.8%-ს. ეს შეიძლება მიუთითებდეს საწყისი დონის პოზიციებზე თანამშრომლების დაქირავების შენელებაზე ხელოვნურ ინტელექტზე დამყარებული ავტომატიზაციის გაფართოების გამო. ფოტოს წყარო: niekverlaan / Pixabay ამერიკელმა დამსაქმებლებმა დაამატეს 336 ათასი ახალი სამუშაო ადგილი სექტემბერში, რაც ყველაზე მაღალია იანვრის შემდეგ, აცხადებს აშშ-ის შრომის დეპარტამენტი (DOL). მიუხედავად იმისა, რომ სამუშაო ადგილების დაკარგვა ამერიკულ IT-ში გრძელდება, საერთო უმუშევრობის დონე შეერთებულ შტატებში რჩება ისტორიულად დაბალ დონეზე. საკონსულტაციო კომპანია Janco Associates DOL-ის მონაცემების საფუძველზე აცხადებს, რომ უმუშევარი IT მუშაკების რიცხვი აგვისტოს 106 ათასიდან სექტემბერში 117 ათასამდე გაიზარდა. IT სექტორში სამუშაო ადგილების შემცირებამ, რომელიც მოიცავს პროგრამული უზრუნველყოფის შემუშავებას, ტელეკომუნიკაციებს, საინფორმაციო მომსახურებას და მონაცემთა დამუშავებას, ბოლო სამი თვის განმავლობაში 14300 შეადგინა. „ინფლაციისა და ენერგომატარებლების ღირებულების გათვალისწინებით კომპანიები ცდილობენ ხარჯები შეამცირონ“, - განაცხადა Janco Associates-ის აღმასრულებელმა დირექტორმა Victor Janulaitis-მა. გასული წლის განმავლობაში IT კომპანიების ხელმძღვანელები იძულებულნი გახდნენ შეემცირებინათ ხარჯები ძვირადღირებულ IT პროექტებზე ქლაუდ სერვისებსა და პროგრამულ უზრუნველყოფაზე დანახარჯების შემცირების გზით. ამავდროულად, მათზე ზეწოლას ახდენენ ბიზნესის ლიდერები, რომ გააფართოვონ გენერაციული ხელოვნური ინტელექტის გამოყენება, ზოგი კი ამისთვის აუცილებელ რესურსებს იღებს. Janulaitis-ის თქმით ხელოვნურმა ინტელექტმა შეიძლება გამოიწვიოს საწყისი დონის სამუშაო ადგილების შემცირება, როგორებიცაა მაგალითად მომხმარებელთა მომსახურება და ტელეკომუნიკაცია. ამჟამად კომპანიები არ ახორციელებენ მასიურ დათხოვნას ხელოვნური ინტელექტის გამოჩენის გამო, მაგრამ შეანელეს საწყისი დონის პოზიციებზე ადამიანების დაქირავება უფრო მაღალი დონის პოზიციებთან შედარებით. თუმცა, მიუხედავად იმისა, რომ ბევრი საოფისე თანამშრომელი შიშობს სამუშაოს დაკარგვის შესახებ ხელოვნური ინტელექტის განვითარების გამო, ტექნოლოგია უკვე ქმნის ახალ სამუშაო ადგილებს, როგორიცაა ხელოვნური ინტელექტის მომზადების მასწავლებლები და ე.წ. მოთხოვნების შექმნის ინჟინრები. სავაჭრო ჯგუფ CompTIA-ს თანახმად განვითარებადი ტექნოლოგიური სამუშაოები შეადგენდა სექტემბერში IT სამუშაოების 26.5%-ს, აგვისტოში არსებულ 22%-თან შედარებით. ამ ვაკანსიების 36% ხელოვნური ინტელექტის სფეროს უკავშირდება. ამჟამად ბევრი კომპანია აფასებს ხელოვნური ინტელექტის შესაძლებლობებს, ან ზრდის საკუთარი პერსონალის კვალიფიკაციას ამ სფეროში - თვლის CompTIA-ს კვლევითი განყოფილების ხელმძღვანელი Tim Herbert, ასე, რომ ხელოვნური ინტელექტის სამუშაო სივრცეში დანერგვა არ გამოიწვევს თანამშრომლების რიცხვის ზრდას. „თანამშრომლები ამ ვითარებას ორი მხრიდან უყურებენ. ზოგ შემთხვევაში ისინი აცნობიერებენ, რომ მათი სამუშაოს ნაწილი შეიძლება იყოს რისკის ქვეშ, მაგრამ ამავდროულად აღიქვამენ მას, როგორც დროის გამოთავისუფლების შესაძლებლობას, რაც საშუალებას მისცემს გახდნენ უფრო კრეატიული“, - აღნიშნა ჰერბერტმა. IT სფეროს უმაღლესი რგოლის ხელმძღვანელების უმეტესობას არ სჯერა, რომ გენერაციული ხელოვნური ინტელექტი ჩაანაცვლებს IT მუშაკებს, რაც ხაზს უსვამს, რომ კადრების მოთხოვნა, განსაკუთრებით კიბერუსაფრთხოებასა და მონაცემთა მენეჯმენტში, კვლავ გადააჭარბებს მიწოდებას. რაც შეეხება სხვა სფეროებს, პროგრამული უზრუნველყოფის შემქმნელები, ასევე IT პროექტების მენეჯმენტის, მონაცემთა ანალიტიკისა და ქლაუდ გამოთვლების სპეციალისტები IT სპეციალისტებს შორის ყველაზე მოთხოვნადად დარჩნენ გასულ თვეში. https://tinyurl.com/ydjn75ya

რეგიონის ეკონომიკა და გენდერი გავლენას ახდენს ციფრული აქტივების გამოყენებით ადამიანების ფინანსურ მიზნებსა და საინვესტიციო ქცევაზე. ამას მოწმობს Bitget-ის ანგარიში. მკვლევარებმა ჩაატარეს გამოკითხვა 1500 ადამიანთან 20 ქვეყნიდან, მათ შორის ევროპიდან, ჩინეთიდან, იაპონიიდან, სამხრეთ კორეიდან და თურქეთიდან. შედეგების მიხედვით კრიპტო ინვესტორებისთვის ყველაზე მნიშვნელოვანი ცხოვრების დონის გაუმჯობესებაა. სამხრეთკორეელი ტრეიდერების 46% ცდილობს გააუმჯობესოს პირადი ცხოვრების ხარისხი, ხოლო მალაიზიის და ტაივანის მაცხოვრებლების 36% პრიორიტეტს ანიჭებს ოჯახის ბიუჯეტს. ინვესტორების მიზნები რეგიონების მიხედვით. წყარო: Bitget. სქესი ასევე გავლენას ახდენს ფინანსურ მიზნებზე. სამხრეთ კორეასა (49%) და იაპონიაში (41%) ქალი ინვესტორები ყურადღებას ამახვილებენ პირად სიმდიდრეზე. იმავე ქვეყნებიდან მამაკაცების თანაფარდობა, რომლებიც ოჯახის ბიუჯეტის გაძლიერებას კრიპტოვალუტებში ინვესტიციების გზით ცდილობენ, არის 12% და 20%, შესაბამისად. მამაკაცებისა და ქალების პროცენტი, რომლებიც ინვესტიციას ახორციელებენ ოჯახური ცხოვრების გასაუმჯობესებლად. წყარო: Bitget. თურქეთსა და შეერთებულ შტატებში ქალების დაახლოებით 27% იყენებს ინვესტიციებს ციფრულ აქტივებში შვილების განათლების საფასურის გადასახდელად. სამხრეთ კორეასა და იაპონიაში ეს მაჩვენებელი გაცილებით დაბალია - 5% და 4%. მამაკაცებისა და ქალების პროცენტი, რომლებიც ინვესტიციას ახდენენ განათლებისთვის. წყარო: Bitget. ყველაზე „მძიმეწონიანი“ ინვესტორები ჩინეთის მაცხოვრებლები აღმოჩნდნენ: 18% - მათგან გამოიყოფა 50 ათასიდან 100 ათასამდე აშშ დოლარით, კიდევ 19% - 100 ათასიდან 500 ათასამდე აშშ დოლარით. რესპონდენტები ევროპიდან (51%), თურქეთიდან (49%) და სამხრეთ კორეიდან (46%) ახდენენ საშუალოდ 1000-დან 10 ათასამდე აშშ დოლარის ინვესტიციას. Coinbase-ის სექტემბრის გამოკითხვის თანახმად ყოველი მეხუთე ამერიკელი ზრდასრული ამერიკელი ფლობს ციფრულ აქტივებს - ამ ჯგუფში დაახლოებით 52 მილიონი ადამიანი შედის. მანამდე ConsenSys-ის კვლევამ აჩვენა, რომ ნიგერიელების 99%-მა იცის ციფრული აქტივების არსებობის შესახებ, რითაც 95%-ით აჯობეს შეერთებულ შტატებს. გლობალური მონაცემებით მთელ მსოფლიოში ადამიანების 92% ერკვევა კრიპტოვალუტაში. https://tinyurl.com/2dt8yjsj

Intel-მა ნამდვილად გამოუშვა Arc A580 დისკრეტული გრაფიკული ბარათი ანონსიდან ერთი წლის შემდეგ. ზოგიერთმა იაპონელმა საცალო სავაჭრო პლატფორმამ მწარმოებლის ოფიციალური განცხადების მოლოდინის გარეშე უკვე დაიწყო ახალი ამაჩქარებლის გაყიდვა. ფოტოს წყარო: X / @momomo_us ანონსიდან ერთი წლის შემდეგ Arc A580 ვიდეო ბარათის ბაზარზე არარსებობის გამო გაჩნდა ვარაუდი, რომ Intel-მა გადაწყვიტა საერთოდ უარი ეთქვა ამ ვიდეო ბარათის გამოშვებაზე. ამ იდეას ამყარებდა Intel Arc Alchemist დისკრეტული ვიდეო ბარათების მთელი სერიის დაგვიანება, რაც გამოწვეული იყო განვითარების სხვადასხვა პრობლემებით, ასევე Arc A580-ის დაბალი კონკურენტული პოტენციალი AMD-ისა და NVIDIA-ს ვიდეო ბარათების ფონზე. თუმცა, გაურკვეველი მიზეზის გამო Intel-მა, როგორც ჩანს, მაინც მისცა პარტნიორებს ამ მოდელის გამოშვების უფლება. ფოტოს წყარო: X / @momomo_us როგოროც ცნობილი იყო, მხოლოდ ორმა კომპანიამ გამოავლინა ინტერესი Arc A580-ის გამოშვების მიმართ - ASRock-მა და Sparkle-მა. პირველმა დაამზადა Arc A580 Challenger OC მოდელი, მეორემ - Arc A580 ORC OC ვერსია. ASRock-ის მოდელი აღმოაჩინეს ზოგიერთ კომპიუტერულ საცალო ვაჭრობაში იაპონიაში, კანადასა და აშშ-ში. თავად Intel-ს ჯერ არ გაუკეთებია ოფიციალური განცხადება Arc A580-ის გამოშვებასთან დაკავშირებით. ფოტოს წყარო: X / @momomo_us იაპონიაში Arc A580 Challenger OC შემოთავაზებულია საცალო სავაჭრო პლატფორმა Bic Camera-ზე, რომელიც ერთ-ერთი უდიდესია ქვეყანაში. მაღაზია ახალ ბარათს ყიდის 38880 იენად (261$). ამავე მაღაზიაში ხელმისაწვდომია უფროსი მოდელი Arc A750 Challenger OC, მისი ღირებულებაა 55440 იენია (372 აშშ დოლარი), ამრიგად, Arc A580-ის ფასი დაახლოებით 30%-ით იაფია მასთან შედარებით. პორტალ VideoCardz-ის მიხედვით, Intel-ის ოფიციალური განცხადების არარსებობის მიუხედავად, Arc A580-ს უკვე აქვს Arc და Iris გრაფიკის დრაივერების უახლესი ვერსიების მხარდაჭერა. კიდევ ერთი რამ არის ის, რომ ბარათი ჯერ კიდევ არ არის ფართოდ წარმოდგენილი გაყიდვაში. Arc A580 ხელმისაწვდომია წინასწარი შეკვეთისთვის კანადასა და აშშ-ში და მისი ფასი, შესაბამისად, 209.96 ამერიკული და 274 კანადური დოლარია. ASRock-ის ოფიციალურ ონლაინ მაღაზიაში ამერიკულ საცალო სავაჭრო პლატფორმა Newegg-ზე Arc A750 Challenger მოდელი 219 აშშ დოლარად არის შემოთავაზებული. Newegg Canada-ს არ აქვს Arc A750-ის ზუსტად ეს ვერსია, მაგრამ ამ მოდელის ყველაზე ხელმისაწვდომი მოდელი 340 კანადურ დოლარად იყიდება. ფოტოს წყარო: Intel როგოც ცნობილია, სპეციალიზებულმა მედიამ და ტექნიკურმა ბლოგერებმა უკვე მიიღეს Arc A580 განხილვებისთვის. https://tinyurl.com/38f2tw7d

ტექნიკურად, Apple ახლა ემზადება პირველი თაობის შერეული რეალობის ჰედსეტ Vision Pro-ს მიწოდებისთვის, მაგრამ მუშაობა უკვე მიმდინარეობს მომდევნო თაობაზე. ინფორმირებული წყაროების თანახმად ინჟინრების წინაშე დგას ამოცანა - ჰედსეტი გახდეს გამოსაყენებლად უფრო მოსახერხებელი. ფოტოს წყარო: Apple ამის შესახებ Bloomberg-ზე ტრაციდიულ საკვირაო დაიჯესტში ისაუბრა მარკ გურმანმა. საუბრისას მუდმივად ხდებოდა პარალელების გავლება Meta Quest 3-სა და მისი შესაძლო მომდევნო თაობის მოწყობილობებზე. ხოლო რაც შეეხება Apple-ის ჰედსეტს, ცვლილებები იგეგმება წონისა და ზომების შემცირების, აგრეთვე მოსახერხებლობის გაზრდის მხრივ. ახლა, როგორც წყარო განმარტავს, პირველი თაობის Vision Pro-ში ლინზების დიოპტერებთან ინტეგრირების პრობლემა კომპრომისული მეთოდით წყდება. იმისათვის, რომ არ გაეზარდათ ჰედსეტის კორპუსის სიღრმე, Apple-ის სპეციალისტებმა უარი თქვეს მოწყობილობის გაერთიანებაზე ჩვეულებრივ სათვალესთან, რომელიც მომხმარებლის მზერას აკორექტირებს. ამის ნაცვლად მიღწეულ იქნა შეთანხმება ოპტიკური აღჭურვილობის მწარმოებელ Carl Zeiss-თან ლინზების წარმოების შესაძლებლობის შესახებ, რომლებიც მაგნიტურად ფიქსირდება უშუალოდ მოწყობილობის დისპლეის ზედაპირზე. Apple-ს შეეძლო ჰედსეტის მიწოდება კონკრეტული მყიდველისთვის უკვე დამონტაჟებული ლინზებით, მაგრამ ეს გამოიწვევდა სამედიცინო აღჭურვილობის გაყიდვის ლიცენზიის მოპოვების აუცილებლობას. მეორეც, ასეთი ადაპტაცია შეზღუდავს გამოყენებული მოწყობილობის მეორად ბაზარზე გაყიდვის შესაძლებლობას. დაბოლოს, ერთი და იმავე მომხმარებლის მიერ გამოყენების შემთხვევაშიც კი დროთა განმავლობაში ლინზები შეიძლება სხვა ლინზებით შეიცვალოს. დროთა განმავლობაში მოცულობითი დიზაინის პრობლემა შეიძლება უკანა პლანზე გადავიდეს, თუ Apple დაუბრუნდება კომპაქტური შერეული რეალობის ჰედსეტების წარმოების იდეას. თუ ვირტუალური კომპონენტი მთლიანად იქნება გამორიცხული, ასეთი ჰედსეტი შეიძლება უფრო კომპაქტური გახდეს. მისი გამოყენება უფრო ადვილი იქნება მთელი დღის განმავლობაში. Vision Pro-ს ამჟამინდელმა მოდელმა შესაძლოა ზოგიერთი მომხმარებლის შემთხვევაში კისრის ტკივილი გამოიწვიოს, თუმცა Apple ცდილობდა სამაგრის ფორმისა და სტრუქტურული ელემენტის დიზაინის გამო მომხმარებლის კეფის მხარეს მოწყობილობის წონის გადანაწილებას. მსუბუქ AR ჰედსეტებზე მუშაობა, როგორც Bloomberg განმარტავს, Apple-მა ერთი წლის წინ შეაჩერა, რადგან კომპანიას არ გააჩნდა შესაბამისი ტექნოლოგია მათ შესაქმნელად. კომპანიის ხელმძღვანელი ტიმ კუკი ამ ფაქტმა ძალიან გაანაწყენა, რადგან იგი შერეული რეალობის ჰედსეტების შექმნას პრიორიტეტად მიიჩნევდა. შესაძლოა ოდესმე მომავალში ეს სამუშაო განახლდეს. https://tinyurl.com/ykarvtb7

სექტემბერში კრიპტო ბირჟა Binance-ის წილი სპოტ ვაჭრობის მთლიან მოცულობაში 34.3%-მდე შემცირდა. ინდიკატორი უკვე მეშვიდე თვეა ეცემა, აცხადებს Bloomberg CCData-ს ანგარიშზე დაყრდნობით. აგვისტოში ბირჟაზე სპოტ ვაჭრობის მოცულობა 38.5%-ს შეადგენდა, იანვარში - 55.2%-ს. Binance-ის წილი გლობალურ სპოტ ბაზარზე. წყარო: CCData. დერივატივების ბაზარზე Binance-ის დომინირება იანვარში 62.6%-დან დღევანდელ 51.5%-მდე შემცირდა. „ეს კლება გამოიწვია პოპულარულ წყვილებზე ნულოვანი სავაჭრო საკომისიოს აქციის შეწყვეტამ მარეგულირებელი კონტროლით გამოწვეულ შეშფოთებასთან ერთად“, განმარტა CCData-ს ანალიტიკოსმა ჯეიკობ ჯოზეფმა. 2023 წელს ორმა ამერიკულმა სააგენტომ, SEC-მა და CFTC-მა საჩივარი შეიტანა Binance-ის წინააღმდეგ ფასიანი ქაღალდების უკანონო გავრცელებისა და ლიცენზიის გარეშე ვაჭრობის გამო. CCData თვლის, რომ კომპანიის გადაწყვეტილებამ რუსეთის ბაზარი დაეტოვებინა, ასევე ხელი შეუწყო მაჩვენებლის ვარდნას. ექსპერტის თქმით დაკარგული სპოტ მოცულობა HTX-ზე (ყოფილი Huobi), Bybit-სა და DigiFinex-ზე გადავიდა, ხოლო კონკურენტებმა - OKX-მა, Bybit-მა და Bitget-მა გაზარდეს თავიანთი წილი დერივატივების ბაზარზე. მანამდე K33-ის ანალიტიკოსებმა განაცხადეს პლატფორმაზე Bitcoin-ით ვაჭრობის შემცირების შესახებ. 1 სექტემბრიდან 23 სექტემბრის ჩათვლით Binance-ზე პირველი კრიპტოვალუტით შესრულებული გარიგებების მოცულობა 57%-ით შემცირდა. შეგახსენებთ, რომ CoinMarketCap-ის მიხედვით 2023 წლის მეორე კვარტალში სპოტ ვაჭრობის მთლიანი მოცულობა 20 წამყვან Bitcoin-ბირჟაზე 36%-ით შემცირდა - 2.6 ტრილიონიდან 1.66 ტრლნ აშშ დოლარამდე. https://tinyurl.com/24bzmyxs

Microsoft-მა შესაძლოა მალე გამოუშვას საკუთარი ამაჩქარებლები ხელოვნური ინტელექტის სისტემებისთვის, აცხადებს გამომცემლობა The Information. სოფთვეარ გიგანტი ჩაერთო პროექტში, რომლის მიხედვით უნდა შეამციროს ხარჯები და დამოკიდებულება NVIDIA-ზე, რომელიც ამგვარი კომპონენტების უმხვილესი მომწოდებელია. Microsoft-ის ჩიპის პრეზენტაცია შესაძლოა ნოემბერში დეველოპერების კონფერენციაზე შედგეს. როგორც ცნობილია, Microsoft-ის ხელოვნური ინტელექტის პროცესორი ორიენტირებული იქნება სასერვერო სეგმენტში მუშაობაზე - კომპანია მას სამომხმარებლო შეთავაზების პაკეტებში შეიტანს. ჩიპის ტესტირებაზე მუშაობდნენ OpenAI-ს და თავად Microsoft-ის ქვეგანყოფილებები, მეორე მათგანმა პროექტის ფინანსური ტვირთი საკუთარ თავზე აიღო. ადრე ცნობილი გახდა, რომ საკუთარი ამაჩქარებლების გამოშვებას განიხილავს თავად OpenAI-ც, ასევე ერთ-ერთი პროფილური კომპანიის შეძენის შესაძლებლობას. ამჟამად ვერცერთი სხვა მომწოდებელი ვერ შეედრება NVIDIA-ს: მისი წილი ხელოვნური ინტელექტის ამაჩქარებლის ბაზარზე, ზოგიერთი შეფასებით, დაახლოებით 80%-ს შეადგენს და ინდუსტრიის უმსხვილესი მოთამაშეები ამით არ არიან კმაყოფილნი: Amazon და Google საკუთარ პროექტებს ავითარებენ და, როგორც ჩანს, Microsoft მზად არის მათ შეუერთდეს. NVIDIA-სთვის, როგორც ხელოვნური ინტელექტის ამაჩქარებლების უმსხვილესი მომწოდებლის ყველაზე მნიშვნელოვანი პრობლემაა ის, რომ კომპანია ვერ უმკლავდება ამოცანას: ბაზარზე მოთხოვნა აღემატება მიწოდებას მიუხედავად იმისა, რომ NVIDIA-მ მნიშვნელოვნად გაზარდა წარმოება და AMD-მ გამოუშვა საკუთარი მოდელები. OpenAI-ის აღმასრულებელმა დირექტორმა სემ ალტმანმა ღიად გამოთქვა შეშფოთება ამაჩქარებლების დეფიციტის შესახებ. TrendForce-ის შეფასებით მხოლოდ 2020 წელს OpenAI-მ მოითხოვა 20 ათასი NVIDIA A100 ამაჩქარებელი GPT მოდელის სწავლებისთვის, ხოლო ChatGPT-ის კომერციული მუშაობის მხარდასაჭერად აუცილებელია მათი რიცხვის 30 ათასამდე გაზრდა. Microsoft მზად არის შეიძინოს NVIDIA-ს ამაჩქარებლები, მაგრამ პროგრამული გიგანტის მიერ საკუთარი ჩიპის შემუშავებამ შეიძლება ინდუსტრიაში თამაშის წესები შეცვალოს. https://tinyurl.com/57bf53x2

Amazon-მა დაიწყო პროექტ Kuiper-ის რეალიზაცია, რომლის ფარგლებში იგეგმება დედამიწის ორბიტაზე თანამგზავრების დაჯგუფება ინტერნეტთან წვდომის მიზნით. საბოლოო ჯამში კომპანია აპირებს კონკურენციის გაწევას SpaceX Starlink სისტემისთვის. პირველი ორი სატესტო აპარატი KuiperSat-1 და KuiperSat-2 გაიგზავნა კოსმოსში კომპანია United Launch Alliance-ის (ULA) რაკეტა Atlas V-თი. რაკეტა სატესტო თანამგზავრებთან ერთად ფლორიდაში არსებული კეიპ კანავერალის პლატფორმიდან აღმოსავლეთ სანაპიროს დროით 14:06 საათზე გაეშვა. მისიას ეწოდა Protoflight, რაც სიმბოლურია, რადგან ორბიტაზე გაეშვა ინტერნეტ-თანამგზავრების პროტოტიპები, რომლებიც განკუთვნილია ტესტების სერიის ჩატარებისთვის, რომელთა შორისაა კოსმოსური ხომალდის სახმელეთო სადგურებსა და სამომხმარებლო ტერმინალებთან დაკავშირების შესაძლებლობის შემოწმება. Amazon-ის საბოლოო მიზანია დედამიწის ახლო ორბიტაზე შექმნას 3236 თანამგზავრისგან შემდგარი დაჯგუფება, რომელიც უზრუნველყოფს ინტერნეტზე ფართოზოლოვან წვდომას პლანეტის ისეთ ადგილებშიც, რომლებიც ჩვეულებრივი პროვაიდერებისთვის ხელმიუწვდომელია. არსებული მონაცემებით Kuiper-ის ინტერნეტ-თანამგზავრები იწონის 589-დან 680 კგ-მდე. 2022 წელს Amazon-მა კონტრაქტები გააფორმა რამდენიმე კომპანიასთან, რათა განახორციელოს 83 კოსმოსური ფრენა თავისი სატელეკომუნიკაციო მოწყობილობების ორბიტაზე გატანის მიზნით. მრავალმილიარდდოლარიანი კონტრაქტები მოიაზრებს Blue Origin-ის New Glen-ს, Arianespace-ის Ariane 6-ს და ULA-ს Vulcan-ის რაკეტების გამოყენებას ორბიტალური თანავარსკვლავედის ორგანიზებისთვის. ფოტოს წყარო: Amazon Amazon-ს დიდი დრო დასჭირდა ამ ეტაპამდე მისასვლელად. პროექტ Kuiper-ის პირველი თანამგზავრები კოსმოსში რამდენიმე თვის წინ უნდა გაეშვათ. ამ მიზნით იგეგმებოდა ABL Space Systems-ის RS1 რაკეტის გამოყენება, მაგრამ ის საცდელი ფრენის დროს ჩამოვარდა. შემდეგ დაგეგმილი იყო რაკეტა ULA Vulcan Centaur-ის გამოყენება ინტერნეტ თანამგზავრების გაშვებისთვის, მაგრამ საბოლოოდ მისი Atlas V-ით შეცვლა გადაწყდა. Project Kuiper-ის სამომხმარებლო ტერმინალი / წყარო: Amazon მიუხედავად იმისა, რომ Amazon საბოლოოდ გეგმავს გახდეს SpaceX-ის კონკურენტი თანამგზავრული ინტერნეტ სერვისების მიწოდებაში, ამაზე საუბარი ნაადრევია. ილონ მასკის კომპანია აქტიურად ზრდის საკუთარი ორბიტალური თანავარსკვლავედის ზომას, რომელიც ამჟამად 4800-ზე მეტი თანამგზავრისგან შედგება. Amazon-მა დაგეგმილი თანამგზავრების ნახევარი ორბიტაზე უნდა განათავსოს 2026 წლის შუა რიცხვებისთვის, რათა შეესაბამებოდეს FCC-ის ლიცენზიას. https://tinyurl.com/mta4prjb

მესამე კვარტალში Web3 ეკოსისტემაზე ზარალმა ჰაკებისა და თაღლითობის შედეგად მიაღწია 685.5 მლნ აშშ დოლარს - 59.9%-ით მეტს წინა წლის ანალოგიურ პერიოდთან შედარებით, გამოთვალა Immunefi-მ. წლიურად ინციდენტების რაოდენობა 153%-ით - 30-დან 76-მდე გაიზარდა. მთლიანი კვარტალური ზარალიდან 662.85 მლნ აშშ დოლარი 49 ჰაკერულ თავდასხმაზე მოდიოდა, ხოლო 22.7 მლნ აშშ დოლარი - თაღლითობის 27 შემთხვევაზე. წყარო: Immunefi. მთლიანი ზარალის თითქმის ნახევარი გამოიწვია ორმა უდიდესმა ინციდენტმა: Mixin Network-ის (200 მლნ აშშ დოლარი) და Multichain-ის (126 მლნ აშშ დოლარი) ექსპლოიტებმა. ანგარიშის თანახმად ჩრდილოეთკორეელი ჰაკერების ჯგუფი Lazarus Group პასუხისმგებელი იყო მესამე კვარტალში 208.6 მლნ აშშ დოლარის ქურდობაზე - მთლიანი ზარალის 30%-ზე. Immunefi-ის ექსპერტებმა CoinEx-ის, Alphapo-ს, Stake-ისა და Coinspaid-ის გატეხვა მათ საქმიანობას დაუკავშირეს. წყარო: Immunefi. Bounty-პლატფორმის სპეციალისტებმა აღნიშნეს, რომ DeFi პროექტები დარჩა კიბერკრიმინალების თავდასხმების მთავარ მიმართულებად. მათმა წილმა კვარტალში ზარალში 72.9% (499.8 მლნ აშშ დოლარი) შეადგინა, ხოლო ცენტრალიზებული სერვისების ზარალმა - 27.1% (185.7 მლნ აშშ დოლარი). ქსელების მხრივ ყველაზე მეტი ინციდენტი დაფიქსირდა Ethereum-ის (35) და BNB Chain-ის (25) ეკოსისტემებში. აგვისტოს დასაწყისში Base L2 პროტოკოლის საჯარო გაშვების შემდეგ მასზე დაფუძნებული ოთხი პროექტი მოხვდა ექსპლოიტში. ექსპერტების აზრით თავდასხმების მსხვერპლებმა მესამე კვარტალში მოახერხეს მთლიანი ზარალის 8.9%-ის დაბრუნება. ექვსმა შემთხვევამ 61.2 მლნ აშშ დოლარის კომპენსაცია უზრუნველყო. წყარო: Immunefi. Beosin-ის თანახმად ჰაკერებისა და თაღლითების შედეგად ინდუსტრიაზე მიყენებული კვარტალური ზიანი 889.3 მლნ აშშ დოლარად შეაფასა. https://tinyurl.com/yvaycksd

ევროპის მაღალი წარმადობის გამოთვლების განვითარების გაერთიანებულმა ორგანიზაციამ (EuroHPC JU)  НРС-კომპლექს Jupiter-ის შექმნისთვის კონტრაქტი დადო კონსორციუმთან, რომელშიც შედის Eviden (ფრანგულ კორპორაცია Atos-ის IT სერვისების ქვეგანყოფილება) და ParTec - სუპერკომპიუტერული აღჭურვილობის მწარმოებელი გერმანული კომპანია. პროექტი Jupiter 2022 წლის ივნისში დაანონსდა. საუბარი ეხება ევროპაში პირველ, ეგზაფლოპს-დონის სუპერკომპიუტერის შექმნას. სისტემა განთავსდება იულიხის (Jülich) კვლევით ცენტრში (FZJ), გერმანიაში და საფუძვლად დაედება სპეციალიზებული მოდულური არქიტექტურა პლატფორმა Eviden BullSequana XH3000-ის ბაზაზე პირდაპირი თხევადი გაგრილებით. პროექტის ჯამური ღირებულება 273 მილიონი ევროა მიწოდების, მონტაჟისა და მომსახურების ჩათვლით. თანხების ნახევარი უშუალოდ EuroHPC JU-დან შემოვა, დანარჩენი კი - გერმანიის განათლებისა და კვლევის ფედერალური სამინისტროდან და ჩრდილოეთ რაინ-ვესტფალიის კულტურისა და მეცნიერების სამინისტროდან. Eviden თვლის, რომ სუპერკომპიუტერის შექმნა ჯამში 500 მილიონი ევრო დაჯდება სისტემის წარმოებისა და მისი ხუთი წლის განმავლობაში სამუშაო ხარჯების გათვალისწინებით. LDC კომპლექსის აწყობა 2024 წლის დასაწყისში დაიწყება. ფოტოს წყარო: europa.eu Jupiter-ის სრული მახასიათებლები ჯერ არ არის გახმაურებული, მაგრამ ცნობილია, რომ სუპერკომპიუტერი აწყობილი იქნება ამაჩქარებლების უაღრესად მასშტაბირებადი ბლოკისგან (Booster) და მჭიდროდ დაკავშირებული ზოგადი დანიშნულების კლასტერისგან (Cluster). პირველი მოიცავს NVIDIA-ს ჯერჯერობით გაუხმაურებელ ამაჩქარებლებს და Mellanox-ის მოწყობილობებს. საუბარია 260 კმ-ზე მეტი მაღალი ხარისხის სადენების გამოყენებაზე, რაც უზრუნველყოფს ქსელის 2000 ტბიტ/წმ-ზე მეტ სიმძლავრეს. თავის მხრივ, Cluster მოდულში წარმოდგენილი იქნება ენერგოეფექტური, მაღალი წარმადობის Arm პროცესორები SiPearl Rhea, რომლებიც სპეციალურად შექმნილია ევროპული სუპერკომპიუტერებისთვის. მოსალოდნელია, რომ Jupiter-ის წარმადობა 1 Eflops-ს გადააჭარბებს. შედარებისთვის, ამჟამინდელ TOP500 რეიტინგში ყველაზე სწრაფი ევროპული სუპერკომპიუტერია Lumi ფინეთში. ეს კომპლექსი საერთო ჩამონათვალში მესამე ადგილს იკავებს 309.1 Pflops სიჩქარით (მაქსიმალური მაჩვენებელი 428.7 Pflops-ს აღწევს). ამრიგად, Jupiter შეძლებს Lumi-სთან შედარებით სამჯერ მეტი წარმადობის უზრუნველყოფას. EuroHPC JU-ის არჩევანი SiPearl Rhea Arm პროცესორების სასარგებლოდ იმედგაცრუებაა AMD-სა და Intel-ისთვის. კერძოდ, Intel-მა 2022 წელს გამოაცხადა თავისი განზრახვა - ჩადოს 33 მილიარდი ევროს ოდენობის ინვესტიცია კვლევითი ცენტრებისა და წარმოების ობიექტების შესაქმნელად ევროპაში, მათ შორის გერმანიაში, საფრანგეთში, ირლანდიაში, იტალიაში, პოლონეთსა და ესპანეთში. Jupiter-ის მოდულური კონსტრუქცია ითვალისწინებს, რომ სისტემას მომავალში შეიძლება დაემატოს დამატებითი ნოუდები, განსაკუთრებით x86 პროცესორებზე, მაგრამ ამჟამად ამგვარი გეგმები არ გამოცხადებულა. ნებისმიერ შემთხვევაში, ევროპა ისწრაფვის ტექნიკის დამოუკიდებლობისკენ და ამიტომ იუპიტერისთვის Rhea ჩიპების არჩევანი მოულოდნელი არ არის. EuroHPC-ის ყველა სუპერკომპიუტერის მსგავსად Jupiter ხელმისაწვდომი იქნება მომხმარებლების ფართო სპექტრისთვის აკადემიაში, ინდუსტრიაში და საჯარო სექტორში ევროპის მასშტაბით. სისტემის სიმძლავრის გამოყენება იგეგმება ხელოვნური ინტელექტის ამოცანებისთვის, მაღალი სიზუსტის მოდელირებისთვის, სამედიცინო კვლევებისთვის, გლობალური კლიმატის ცვლილების შესწავლისთვის, მოწინავე მასალების შემუშავებისა და სხვა რესურსებზე ინტენსიური მუშაობისთვის. https://tinyurl.com/yc7aamvk

კომპანია Samsung-მა გამოუშვა Portable SSD T9 სერიის გარე მყარი დისკები. სერია მოიცავს 1, 2 და 4 ტბ მოცულობის მოდელებს. ახალი პროდუქტები ძირითადად განკუთვნილია ციფრული კონტენტის შემქმნელებისთვის. ფოტოს წყარო: Samsung SSD-ებს USB Type-C 3.2 Gen2x2 ინტერფეისი აქვს. ყველა მოდელის თანმიმდევრული წაკითხვის სიჩქარე 2000 მბ/წამამდეა. 1- და 2-ტერაბაიტიანი მოდელების თამიმდევრული ჩაწერის სიჩქარე 1950 მბ/წმ-ს შეადგენს, 4-ტერაბაიტიანისა - 2000 მბ/წმ-ს. კომპანია აღნიშნავს, რომ მოწყობილობებს შეუძლია 4 გბ ვიდეოფაილის Full HD ფორმატში გადაცემა დაახლოებით 2 წამში. SSD-ებს გამძლე კორპუსი აქვს. Samsung ამბობს, რომ მოწყობილობები გაუძლებს სამ მეტრამდე სიმაღლიდან ვარდნას. ასევე, პორტატულ SSD T9 გარე დისკებს შეუძლია იმუშაონ 0-დან 60 გრადუსამდე ტემპერატურაზე და შეინახონ ინფორმაცია -40-დან +85 გრადუსამდე გარემოს ტემპერატურაზე. პორტატულ SSD-ებს აქვს AES-256-ბიტიანი დაშიფვრის მხარდაჭერა. SSD-ის მდგომარეობის მონიტორინგისა და მართვისთვის კომპანია გვირჩევს გამოვიყენოთ საფირმო პროგრამული უზრუნველყოფა Magician Software 8.0. SSD-ების ზომაა 88 × 60 × 14 მმ, წონა - 122 გრამი. მხარდაჭერილია ოპერაციული სისტემები Windows, macOS და Android. Samsung Portable SSD T9 1, 2 და 4 ტბ მოცულობის დისკების ღირებულება 140, 240 და 440 აშშ დოლარია, შესაბამისად. მათ მოყვება ხუთწლიანი მწარმოებლის გარანტია. ახალი მოწყობილობები გაყიდვაში 3 ოქტომბერს გამოვიდა. https://tinyurl.com/2fpnkrnz

საერთაშორისო ანგარიშსწორების ბანკმა (BIS) წარმოადგინა ციფრული აქტივების მიმოქცევის დინამიური ასახვის სისტემის კონცეფციის მტკიცებულება. 2018 წელს პროექტ Atlas-ზე მუშაობა დაიწყო ნიდერლანდების ცენტრალური ბანკის სპეციალისტების მიერ. პლატფორმა მიზნად ისახავს დაეხმაროს ხელისუფლებას იმის გარკვევაში, თუ როგორ, როდის და სად გამოიყენება კრიპტოვალუტები. ინსტრუმენტთა ნაკრები მოიცავს უამრავ შესაძლებლობას. მაგალითად, ფიატში კონვერტირებადი Bitcoin-ების რაოდენობის განსაზღვრას გარკვეულ დროს მსოფლიოს გარკვეულ ნაწილში. Atlas აგროვებს მონაცემებს როგორც საჯარო ბლოკჩეინებიდან, ასევე გარე წყაროებიდან, როგორიცაა ბირჟები და ინდივიდუალური მონაწილეები. Reuters-მა მიუთითა სიახლის რელევანტურობაზე მარეგულირებელთა მზარდი შეშფოთების ფონზე, რომელიც გამოწვეულია კრიპტოვალუტების „საფრთხისგან“ მათი დეცენტრალიზებული ბუნების გამო, რისი მტკიცებულებაა FTX-ისა და Terra-ს კოლაფსი. პლატფორმის ინფორმაცია იძლევა აქტივობის მიახლოებით სურათს, რადგან იგი სრულად არ მოიცავს შექმნილ საფულეებს. „პირველადი ანალიზი აჩვენებს, რომ ტრანსსასაზღვრო ნაკადები ეკონომიკური თვალსაზრისით მნიშვნელოვანია და არათანაბრად არის განაწილებული გეოგრაფიულ რეგიონებში“, - ნათქვამია BIS-ის შეტყობინებაში. ასეთი მაკროსტატისტიკა სასარგებლოა ცენტრალური ბანკებისთვის ეკონომიკური ანალიზისა და საგადახდო ბალანსის სტატისტიკის კონტექსტში, აღნიშნავენ სპეციალისტები. ზოგიერთ ქვეყანაში კრიპტო ტრანზაქციები შეიძლება წარმოადგენდეს ტრანსსასაზღვრო გადარიცხვების მნიშვნელოვან ნაწილს. ისინი რთულად ექვემდებარება რაოდნეობრივ შეფასებას მონაცემებში არსებული მნიშვნელოვანი სიცარიელის გამო. „ცენტრალურმა ბანკებმა უნდა გააცნობიერონ რისკები და შესაძლებლობები, რომლებსაც კრიპტოვალუტები უქმნიან TradFi-ს“, - აცხადებს BIS. პლატორმაზე წვდომა მიიღო არაერთმა ფინანსურმა მარეგულირებელმა. მათი გამოხმაურებები Atlas-ის გაუმჯობესების საფუძველი გახდება. ადრე ორგანიზაციის ექსპერტებმა გაფრთხილება გამოთქვეს, რომ ციფრული აქტივების ბაზარზე დაუცველობამ შეიძლება შექმნას ფინანსური სტაბილურობისთვის რისკები განვითარებადი ბაზრის მქონე ქვეყნებში. ასევე შეგახსენებთ, რომ BIS-ის ხელმძღვანელმა აგუსტინ კარსტენსმა მოუწოდა ყველა ქვეყნის ხელისუფლებას - შექმნან მარეგულირებელი ბაზა ცენტრალური ბანკების ციფრული ვალუტების დანერგვისთვის. https://tinyurl.com/yhjy9ukb

იმის მიუხედავად, რომ Intel-ს ჯერ კიდევ არ გამოუშვია Arc A580 დისკრეტული ვიდეო ბარათი, რომლის წარდგენა Arc Alchemist სერიაში ერთი წლის წინ შედგა, არსებობს შესაძლებლობა, რომ ეს ამაჩქარებელი მაინც გამოჩნდეს გაყიდვაში. ვიდეო ბარათი აღმოაჩინეს გერმანულ ფასების აგრეგატორ Geizhals-ის ბაზაში და ამ ამაჩქარებლების ფოტოები ინტერნეტშიც გამოჩნდა. ფოტოს წყარო: VideoCardz Arc A580-ის შემადგენლობაში, როგორც ცნობილია, გამოყენებული უნდა იყოს გრაფიკული პროცესორი ACM-G10 – 24 Xe ბირთვით, რომლის შემადგენლობაში შედის 3072 ბლოკი FP32, 192 ტექსტურული ბლოკი, 96 რასტერიზაციის ბლოკი, 24 რეითრეისინგის ბლოკი, აგრეთვე 384 მატრიცული XMX ძრავი. GPU-ის სიხშირე 1700 მჰც-ს შეადგენს. ბარათს ექნება 8 გბ GDDR6 მეხსიერება ეფექტური 16 გჰც სიხშირით, 256-ბიტიანი სალტე და სიჩქარე 512 გბ/წმ. როგორც ჩანს, ASRock-მა და Sparkle-მა დაამზადეს Arc A580-ის საკუთარი ვერსიები. Geizhals-ის მონაცემთა ბაზაში აღმოჩენილია მოდელი ASRock Arc A580 Challenger OC - 2000 მჰც-მდე ქარხნულად აჩქარებული GPU-ით. მას აქვს სამსლოტიანი გაგრილების სისტემა, რომლის შემადგენლობაში შედის ორი 100-მილიმეტრიანი ქულერი. ბარათში გამოყენებულია ამავე ვერსიის Arc A750 მოდელის მსგავსი PCB. უფროსი მოდელის მსგავსად ASRock Arc A580-ს აქვს ორი 8-პინიანი კონექტორი დამატებითი კვებისთვის, თუმცა უმცროსი მოდელის TDP შეადგენს 175 ვატს და არა - 225 ვატს, როგორც Arc A750-ის შემთხვევაში. ახალ ვიდეო ბარათზე წარმოდგენილია ერთი HDMI 2.1 და სამი DisplayPort 2.0. Sparkle-მაც მოამზადა Arc A580 ORC OC-ის ვერსია. მასაც აქვს ორქულერიანი გაგრილების სისტემა და დამატებითი კვების ორი 8-პინიანი კონექტორი. ადრინდელი განცხადებების საპირისპიროდ, რომ Intel-მა ოფიციალური განცხადების გარეშე უარი თქვა Arc A580-ის გამოშვებაზე, ზემოთხსენებული ვიდეო ბარათების გამოჩენა მეტყველებს. Intel Arc A7 (A750 და A770) მოდელებს სერიოზული კონკურენცია შეხვდა AMD-ისა და NVIDIA-ს აქტუალური მოდელების მხრიდან. Arc A750 მოდელის ფასი ამჟამად 200 აშშ დოლარს ქვემოთაა ჩამოსული. თუ Arc A580 გაყიდვაში ნამდვილად გამოვა, იგი აქტუალური თაობის სავარაუდოდ ყველაზე ხელმისაწვდომი 8 გბ ვიდეო ბარათი იქნება ბაზარზე. Intel-ს არ აქვს დაგეგმილი რაიმე ღონისძიება უახლოეს მომავალში, სადაც შეიძლება Arc A580-ის გამოშვება გამოაცხადოს. თუ ბარათი გამოვა - სავარაუდოდ ხმაურიანი ანონსის გარეშე. https://tinyurl.com/2sce2a6r

კომპანია Google-მა წარადგინა ახალი თაობის ფლაგმანური სმარტფონები - Pixel 8 და Pixel 8 Pro. მათ აქვთ წინამორბედის მსგავსი, უკვე ნაცნობი დიზაინი, ახალი ელექტრონული კომპონენტები და მხარდაჭერის დიდი ვადა - Google-მა განაცხადა, რომ სმარტფონებისთვის Android-ის განახლებას 7 წლის განმავლობაში გამოუშვებს. აგრეთვე წარმოდგენილია ხელოვნური ინტელექტის ბევრი ფუნქცია, რომელიც პირდაპირ სმარტფონში მუშაობს. Pixel 8 და Pixel 8 Pro აგებულია ერთკრისტალიან პლატფორმა Tensor G3-ზე, რომელსაც არატიპური ცენტრალური პროცესორი აქვს - იგი მოიცავს 9 ბირთვს ტრადიციული რვისგან განსხვავებით და მუშაობს 2.91 გჰც-მდე სიხშირეზე. ჩიპი მოიცას ერთ მძლავრ ბირთვ Cortex-X3-ს, ოთხ მაღალი წარმადობის Cortex-A715 ბირთვსა და ოთხ ენერგოეფექტურ Cortex-A510 ბირთვს. გრაფიკის დამუშავებაზე პასუხისმგებელია Mali-G715. Pixel 8-ს აქვს 8 გბ ოპერატიული და 128 ან 256 გბ ფლეშ-მეხსიერება, ხოლო Pixel 8 Pro-ს - 12 გბ ოპერატიული და 128, 256 ან 512 გბ ინტეგრირებული მეხსიერება. მეხსიერების ბარათის სლოტები ხელმისაწვდომი არ არის. Pixel 8 Pro-ს აქვს 6.7-დუიმიანი OLED LTPO დისპლეი QHD+ გაფართოებით, 120 ჰერცი კადრის განახლების სიხშირით და 2400 კდ/მ2-მდე სიკაშკაშით. Pixel 8-ს აქვს 6.2-დუიმიანი OLED LTPO ეკრანი Full HD+ გაფართოებით, 120 ჰერცი კადრის განახლების სიხშირით და 2000 კდ/მ2-მდე სიკაშკაშით. აღსანიშნავია, რომ უმცროსი მოდელი წინამორბედთან შედარებით უფრო კომპაქტურია - Pixel 7-ს 6.2-დუიმიანი დისპლეი აქვს. მარცხნივ - Pixel 8, მარჯვნივ - Pixel 8 Pro Pixel 8 Pro-ს სამი უკანა კამერა აქვს. მთავარი მოდული აგებულია 50-მეგაპიქსელიან სენსორზე გამოსახულების გაუმჯობესების სტაბილიზაციით და გააჩნია f/1.7 ფოტოძალის ოპტიკა. ფართო კუთხის მოდული 48-მეგაპიქსელიანია ისევე, როგორც მესამე კამერა ტელეობიექტივით და ხუთმაგი ზუმით. სამივე კამერაზე მხარდაჭერილია ფაზური ავტოფოკუსი. აგრეთვე Pixel 8 Pro-ს აქვს 30-მაგი ციფრული Super-Res ზუმის მხარდაჭერა. ფრონტალური კამერა 10.5-მეგაპიქსელიანია და აქვს ავტოფოკუსის მხარდაჭერა. Pixel 8 Pro-ს კამერების სიახლოვეს განთავსებულია ახალი სენსორი კანის ტემპერატურის განსაზღვრისთვის - Melexis MLX90632, რომლის ერთადერთი დანიშნულება ტემპერატურის გაზომვაა და არანაირ ფოტოგრაფიულ ფუნქციას არ უზრუნველყოფს. Pixel 8-საც აქვს ახალი ფართო კუთხის კამერა, თუმცა Pixel 8 Pro-სგან განსხვავებით იგი 12-მეგაპიქსელიანია და გააჩნია ავტოფოკუსის და მაკროგადაღების მხარდაჭერა. მის გვერდით განთავსებულია 50-მეგაპიქსელიანი ძირითადი კამერა 8-მაგი ციფრული Super-Res ზუმით. ტელეობიექტივის მოდული ჩვეულებრივ Pixel-ს არ აქვს. Pixel 8-ზე Pro ვერსიის მსგავსად 10.5-მეგაპიქსელიანი სელფი კამერაა წარმოდგენილი. Pixel 8 სერიის სმარტფონებმა მიიღეს ხელოვნურ ინტელექტზე დამყარებული მთელი რიგი ინტეგრირებული ფუნქციები ფოტოებთან მუშაობისთვის. შესაძლებელია ბუნდოვანი ფოტოს სიმკვეთრის გაზრდა Photo Unblur-ის მეშვეობით, ხელმისაწვდომია ინსტრუმენტი ფოტოს მარტივი რედაქტირებისთვის - Magic Editor, ფუნქცია Best Take საშუალებას იძლევა ფოტოზე მოხდეს სახის ჩანაცვლება ამავე ადამიანის სხვა ფოტოებიდან, Macro Focus უზრუნველყოფს საუკეთესო მაკროგადაღებას, ხოლო Zoom Enhance აუმჯობესებს ახლო ხედიდან გადაღებული ფოტოს ხარისხს. Pixel 8 Pro-ში ასევე გამოჩნდა ფუნქცია Pro Controls კამერის ხელით მართვის კიდევ უფრო მეტი შესაძლებლობისთვის - Pixel 8 მოდელს ასეთი რამ არ გააჩნია. Pixel 8 Pro-ში მოცემულია 5050 მა/სთ მოცულობის ბატარეა 30-ვატიანი სადენიანი და 23-ვატიანი უსადენო დამუხტვის მხარდაჭერით. Pixel 8-ს აქვს 4575 მა/სთ მოცულობის ბატარეა 27-ვატიანი სადენიანი და 18-ვატიანი უსადენო დამუხტვით. ორივე სმარტფონზე მხარდაჭერილია Wi-Fi 7. სმარტფონები ქარხნულად წარმოდგენილია უფასო VPN-ით Google One-ისგან და დაპირებით, რომ ოპერაციული და უსაფრთხოების სისტემების განახლება 7 წლის განმავლობაში მოხდება. აღვნიშნავთ, რომ ბოლო iOS 17 ხელმისაწვდომი იყო მხოლოდ 5 წლამდე ასაკის მოწყობილობებისთვის. ხმოვან დამხმარე Google Assistant-საც შეეხოო გარკვეული განახლებები ხელოვნური ინტელექტის სფეროში, თუმცა იგი ჯერ კიდევ შორსაა სრულფასოვანი Google Bard ბოტისგან. Google აცხადებს, რომ ასისტენტი შეძლებს უკეთ გაიგოს მეტყველება და უფრო ეფექტური იყოს პაუზებისა და მაკავშირებლების ამოცნობაში, როგორიცაა „ჰმ“. მას ასევე შეეძლება ვებ-გვერდების თარგმნა და ხმამაღლა წაკითხვა. კლავიატურასაც დაემატება „ცოტა“ ხელოვნური ინტელექტი ბეჭდვითი და გრამატიკული შეცდომების ერთი შეხებით გამოსწორების შესაძლებლობით. Google Pixel 8 128 გბ მოდელის ფასი აშშ-ში 699 აშშ დოლარი იქნება, ევროპაში - 799 ევრო, ხოლო Google Pixel 8 Pro ამავე მოცულობის მეხსიერებით შეფასებულია 999 აშშ დოლარად და 1099 ევროდ, შესაბამისად. Pixel 8-ს მყიდველები საჩუქრად მიიღებენ ყურსასმენ Pixel Buds Pro-ს, Pixel 8 Pro-ს მყიდველები კი - სმარტ საათ Pixel Watch 2-ს. სმარტფონებზე წინასაწარი შეკვეთები უკვე მიიღება, გაყიდვები კი მომავალი კვირიდან დაიწყება. https://tinyurl.com/puhrxaw2

Bitcoin-ის გასულ დღეებში 9%-ით ზრდამ გარკვეულწილად დააბალანსა მესამე კვარტლის ნეგატიური -12%-ით დახურვა. QCP Capital-ის ანალიტიკოსების გაფრთხილებით არ უნდა გამოირიცხოს 25 ათას აშშ დოლარიანი დონის ხელახალი ტესტირების შანსი მიუხედავად დადებითი სეზონურობისა. არსებული მონაცემების მიხედვით ბოლო რვა წლის განმავლობაში Bitcoin-მა მხოლოდ 2018 წლის ოქტომბერი დაასრულა ზარალით. სხვა წლებში ზრდა 5.5%-დან 48.5%-მდე მერყეობდა. ნოემბერ-დეკემბრის გათვალისწინებით ვითარება ნაკლებად იმედისმომცემად გამოიყურება - 2018 წლის მეოთხე კვარტალში ციფრული ოქროს ფასი თითქმის განახევრდა, თუმცა ერთი წლით ადრე 142.2%-ით ზრდა მოახერხა. წყარო: QCP Capital. ექსპერტებმა მოიყვანეს ორთხი არგუმენტი პროგნოზის სასარგებლოდ, რომ ფასი 25 ათას აშშ დოლარზე დაბრუნდება: ჯერჯერობით ეს აგრესიული აღმავლობა გამოწვეულია თითქმის მთლიანად გარე ფაქტორებით, როგორებიცაა Ethereum-ის პირველი ფიუჩერსების ETF-ების SEC-ის მიერ სამომავლო დამტკიცების მოლოდინი, Core PCE-ის შენელება და შათდაუნის ნეიტრალიზაცია სულ მცირე მომდევნო 45 დღის განმავლობაში. ექსპერტები ეჭვობდნენ დამატებითი "საწვავის" არსებობას. Ethereum-ზე ფიუჩერსული ETF-ების უარყოფითი დინამიკის მოლოდინი ორი წლის წინ მსგავსი Bitcoin-ინსტრუმენტების ქცევაზე დაყრდნობით. წყარო: QCP Capital. მიზეზი არის ახალ აქტივზე მოთხოვნის პირდაპირი გავლენის არარსებობა სპოტ მიწოდებაზე. ფაქტობრივად, საბირჟო ფონდი „შთანთქავს“ ფიზიკური კრიპტოვალუტების შესყიდვებს, აღნიშნეს ექსპერტებმა. წყარო: QCP Capital. 3. მიუხედავად იმისა, რომ ხელისუფლების უწყვეტი დაფინანსება დადებითია მოკლევადიან პერსპექტივაში, ეს ზრდის განსაზღვრული 45 დღის შემდეგ შათდაუნის რისკს. „ჩვენ გვჯერა, რომ „ხელისუფლების დახურვა“ იქნება საუკეთესო საშუალოვადიანი გამოსავალი ბაზრებისთვის, რადგან ჩვენ დავამყარეთ მისაღები ფასი ამ თემაზე საუბრის ფონზე“, - აცხადებენ ანალიტიკოსები.   ისტორიულად, 1995 წლიდან მოყოლებული მოხდა ხუთი შათდაუნი, რომლის დროსაც S&P 500 საშუალოდ 3.2%-ით გაიზარდა. ბოლო ერთი პერიოდის განმავლობაში (ბოლო 30 წლის განმავლობაში "დახურვის" ყველაზე გრძელი პერიოდი) აქციების ფასი 10%-ზე მეტით გაიზარდა სიტუაციის დარეგულირებამდე. 4. რეალური ლიდერები არიან ოქრო და რეალური სარგებელი US Treasuries-იდან. თუ რესპუბლიკელებსა და დემოკრატებს შორის გარიგება გამოიწვევს ამ უკანასკნელის ხელახლა ზრდას, მაშინ რისკის მატარებელ ბაზრებს გაცილებით მეტი სირთულე ელით. Nasdaq 100 ინდექსის გარღვევას 14 500 პუნქტის დონეზე ან S&P 500 ინდექსისა - 4250 პუნქტით, Bitcoin რეგიარების გარეშე ვერ დატოვებს. წყარო: QCP Capital. „ჩვენ ვსარგებლობთ ამ აღმასვლით, რათა ვიყიდოთ ჰეჯირება შემცირებისას. ჩვენ ველით, რომ 29000-30000 აშშ დოლარიანი წინააღმდეგობის დონე გახდება ჭერი. ოფციონების ბაზარზე რჩება „იაფი“ შესაძლებლობა - მონაწილეობა მიიღოთ ნებისმიერ მკვეთრ დაღმასვლაში“, - დაასკვნეს სპეციალისტებმა. შათდაუნის თავიდან აცილების შესახებ სიახლეების ფონზე ტრეიდერებმა მოახდინეს 94 მლნ აშშ დოლარის მოკლევადიანი პოზიციების ლიკვიდაცია კრიპტო დერივატივებში, რაც მაქსიმუმია თვის განმავლობაში. ჯამური ლიკვიდაციის გრაფიკი. წყარო: Coinglass მაკროანალიტიკოსმა ნოელ აჩესონმა განაცხადა, რომ ზემოთ მოცემული მონაცემები დამამშვიდებელია, განსაკუთრებით Uptober-ის მოლოდინების გათვალისწინებით, მაგრამ არ ცვლის მის შეხედულებას, რომ ბოლო აღმავალი იმპულსი არამდგრადია. ”ჩვენ ვნახეთ რამდენიმე ასეთი მკვეთრი მწვერვალი ბოლო რამდენიმე თვის განმავლობაში. მათ ჩვეულებრივ მოჰყვება კორექტირება - ზოგჯერ მკვეთრი და ზოგჯერ ეტაპობრივი, მაგრამ თითქმის ყოველთვის ბრუნდებიან იმ პოზიციაზე, სადაც ბაზარი აღმავალ მოძრაობამდე იმყოფებოდა,” - თქვა მან. შეგახსენებთ, რომ BitMEX-ის თანადამფუძნებელმა არტურ ჰეიესმა დაუშვა პირველი კრიპტოვალუტის ფასის შესაძლო მოკლევადიანი ვარდნა 20 ათას აშშ დოლარს ქვემოთ, რასაც ახალი ზრდის იმპულსი მოჰყვებოდა. თუმცა სექტემბერში მან მიუთითა ციფრული ოქროს პოზიტიურ პერსპექტივაზე ფედერალური სარეზერვო სისტემის პოლიტიკიის გავლენის მიუხედავად. https://tinyurl.com/4nsxj5pr

Intel-ის პირველი ოფიციალური მარკეტინგული მასალების გაჟონვამ განახლებული Raptor Lake-S Refresh პროცესორების შესახებ დაადასტურა სამი მოსალოდნელი ჩიპის მოდელის მახასიათებლები. კერძოდ, საუბარია ფლაგმანურ Core i9-14900K მოდელზე, ასევე საშუალო დონის Core i7-14700K და Core i5-14600K ჩიპებზე. ფოტოს წყარო: Intel Intel-ის იაპონურ ოფისის მარკეტინგული მასალები ადასტურებს, რომ 24-ბირთვიანი Core i9-14900K-ს შემდგენლობაში მოცემულია 8 მაღალი წარმადობის P- და 16 ენერგოეფექტური E-ბირთვი. ეს არის Intel-ის პირველი პროცესორი, რომელსაც შეუძლია 6 გჰც-მდე ავტომატური აჩქარება ერთ-ერთ მაღალი წარმადობის ბირთვზე. Intel Core i7-14700K მოდელს ექნება ოთხი დამატებითი ენერგოეფექტური ბირთვი. ამრიგად, პროცესორში წარმოდგენილი იქნება 20 ბირთვი 8P+12E კონფიგურაციით და 28 ვირტუალური ნაკადის მხარდაჭერით. ეს გახლავთ Raptor Lake Refresh სერიის ერთადერთი მოდელი, რომელშიც ბირთვების რაოდენობა გაიზარდა. შედარებისთვის, აქტუალური Intel Core i7-13700K ჩიპის კონფიგურაციაა 8P + 8E ბირთვი. ახალი პროცესორის მაქსიმალური სიხშირე 5.6 გჰც-ს შეადგენს. Core i5-14600K მოდელს აქვს 14 ბირთვი (6P+8E) 20 ვირტუალური ნაკადის მხარდაჭერით, მაქსიმალური სიხშირე 5.3 გჰც-ია. ამრიგად, ამ ინფორმაციით დასტურდება, რომ განახლებულ ჩიპებს 200 მჰც მაქსიმალური სიხშირე დაემატა. არაოფიციალური ცნობებით მათი საბაზისო სიხშირეც 200 მჰც-ით გაიზარდა. ინფორმაციის გაზიარების ფონზე ზოგიერთმა მომხმარებელმა ამ პროცესორების სასაქონლო შეფუთვების ფოტოები გამოაქვეყნა. მე-14 თაობის Intel Core პროცესორების, კონკრეტულად კი 125-ვატიანი TDP-ის მქონე განბლოკილი მამრავლების მქონე მოდელების (ჩიპები K და KF სუფიქსებით) გაყიდვის დაწყების დროდ 17 ოქტომბერია მოსალოდნელი. ფოტოს წყარო: VideoCardz Raptor Lakes-S Refresh პროცესორების ღირებულება Intel-ს ჯერ არ გამოუცხადებია. https://tinyurl.com/48yk8a6a

კომპანია ASUS-მა თავის ვებ-გვერდზე გამოაქვეყნა ყველაზე სწრაფი გეიმინგ მონიტორის - ROG Swift Pro PG248QP-ს დეტალური ტექნიკური მახასიათებლები. ახალი პროდუქტის წარდგენა შედგა წლის დასაწყისში გამოფენა CES 2023-ზე. ფოტოს წყარო: ASUS ROG Swift Pro PG248QP ორიენტირებულია პროფესიონალ კიბერსპორტსმენებზე. მის საფუძვლად გამოყენებულია ე.წ. E-TN-მატრიცა (E – Esports-ისგან), რომელსაც დამატებითი აჩქარების ხარჯზე შეუძლია უზრუნველყოს 540 ჰერცი კადრის განახლების სიხშირე. 24.1-დუიმიანი ეკრანის ტiპური მაქსიმალური კადრის განახლების სიხშირე 1080p გაფართოებაზე 360 ჰერცს შეადგენს. მატრიცის რეაგირების დროდ მითითებულია 0.2 მილიწამი (GtG),მხარდაჭერილია DisplayHDR 400 სერტიფიკაცია, კონტენტის ასახვის HRD10 შესაძლებლობა, 125%-იანი sRGB ფერთა გამა ფერების გადმოცემის Delta E <2 სიზუსტით, კონტრასტულობა - 1000:1, ხედვის კუთხე 170 და 160 გრადუსი, დისპლეის მაქსიმალური სიკაშკაშე - 400 კდ/მ2. მონიტორზე მხარდაჭერილია გამოსახულების სინქრონიზაციის ტექნოლოგია NVIDIA G-Sync, შეყოვნების შემცირების ფუნქცია Reflex Analyzer, ტექნოლოგია Ultra Low Motion Blur 2 (ULMB 2) სწრაფი მოძრაობის სცენების გაბუნდოვნების შემცირებისთვის. გარდა ამისა, მხარდაჭერილია DisplayHDR 400 სერტიფიკაცია და ინტეგრირებული ციფრულ-ანალოგური გარდამქმნელი ESS, რომელიც უზრუნველყოფს პრაქტიკულად ნულოვან შეყოვნებას მოცულობითი ხმის გადაცემისას. ციფრულ-ანალოგურ გარდამქმნელზე მხარდაჭერილია 384 კჰც/32-ბიტიანი ხარისხის ხმა. მონიტორს აქვს ექვსი წინასწარ დაყენებული გეიმინგ რეჟიმი, ASUS GamePlus-ის გეიმინგ ფუნქციები (ჯვარედინი, წამმზომი, FPS-ის მთვლელი და ა.შ.), აგრეთვე გააჩნია Flicker-free ტექნოლოგია ციმციმის ეფექტის შემცირებისთვის და ტექნოლოგია Low Blue Light - მავნე ლურჯი გამოსხივებისგან თვალების დაცვისთვის. მონიტორზე ხელმისაწვდომია ერთი DisplayPort 1.4 კონექტორი DSC-ით, ორი HDMI 2.0, კომბინირებული 3.5-მილიმეტრიანი აუდიოკონექტორი, აგრეთვე USB-ჰაბი ორი USB 3.2 Gen1 Type-A პორტით. მონიტორს აქვს ერგონომიული სადგამი და RGB განათება. სადგამი საშუალებას იძლევა შეიცვალოს ეკრანის სიმაღლე მაგიდიდან 110 მილიმეტრის ფარგლებში, ასევე მისი ბრუნვის და დახრის კუთხე. მათ, ვისაც ქარხნული სადგამი არ მოსწონს, შეუძლიათ გარე მწარმოებლის კრონშტეინი გამოიყენონ. ამისთვის მოწყობილობას გააჩნია VESA 100x100 სტანდარტის სამაგრი. ASUS-ს ჯერ კიდევ არ დაუსახელებია მონიტორის ფასი, ასევე არ აცხადებს, როდის გამოვა იგი გაყიდვაში. https://tinyurl.com/4krunyxv

საერთაშორისო სავალუტო ფონდმა სამუშაო ანგარიშში წარმოადგინა ციფრული აქტივების სექტორის მოწყვლადობისა და პოტენციური მარეგულირებელი რეაგირების ანალიზი. დოკუმენტში ექსპერტებმა ქვეყნებს შესთავაზეს კრიპტორისკების შეფასების მატრიცა (C-RAM) ქვეყნებისთვის, რათა გამოავლინონ ინდუსტრიაში პოტენციური საფრთხეების ინდიკატორები და გამომწვევები. ინსტრუმენტი ასევე მიზნად ისახავს შეაჯამოს შესაძლო მარეგულირებელი პასუხები გამოვლენილ საკითხებზე. მატრიცა მოიცავს სამსაფეხურიან მიდგომას: პირველი ნაბიჯი მოიცავს გადაწყვეტილების ხის გამოყენებას მაკროეკონომიკაზე პოტენციური ზემოქმედების შესაფასებლად; შემდეგი მოიცავს ინდიკატორების შესწავლას, რომლებიც გამოიყენება TradFi-ის მონიტორინგისთვის; მესამე ნაბიჯი მოიცავს გლობალურ მაკროფინანსურ რისკებს, რომლებიც გავლენას ახდენენ სისტემური საფრთხეების შეფასებაზე. მაგალითის სახით ავტორებმა გამოიყენეს C-RAM სალვადორში. მათ დაასკვნეს, რომ Bitcoin-ის ლეგალიზაციამ შექმნა საბაზრო, ლიკვიდურობის და მარეგულირებელი რისკები. „გავლენა შესაძლებელია შეფასდეს კრიტიკულად, რადგან გადაწყვეტილებამ მოიზიდა არსებული „კრიპტოიზაციის“ საფრთხე ქვეყანაში, რაც ძირს უთხრის ფინანსურ სტაბილურობას და გავლენას მოახდენს დიდ ფულად გზავნილებსა და სხვა კაპიტალის შემოდინებზე“, - ნათქვამია დოკუმენტში. ადრე საერთაშორისო სავალუტო ფონდის სპეციალისტებმა აღიარეს, რომ სალვადორის მიერ Bitcoin-ის ლეგალიზაციის რისკები "არ განხორციელდა" ციფრული აქტივების "შეზღუდული" განაწილების გამო. ორგანიზაციის თანამშრომლებმა ხელისუფლების გადაწყვეტილება არაერთხელ გააკრიტიკეს. შეგახსენებთ, რომ სექტემბერში G20-ის წევრმა ქვეყნებმა დაამტკიცეს ფინანსური სტაბილურობის საბჭოსა და IMF-ის რეკომენდაციები კრიპტოვალუტების რეგულირების, ზედამხედველობისა და კონტროლის შესახებ. https://tinyurl.com/3wbp7aey

თითქმის სამი წლის წინ გამოსულმა დესკტოპ GeForce RTX 3060-მა მიაღწია გეიმინგ პლატფორმა Steam-ის ყველაზე პოპულარული ვიდეო ბარათების მწვერვალს, ნათქვამია Steam Survey-ს ბოლო, სექტემბრის ანგარიშში. ამაჩქარებელმა გასულ თვეში მომხმარებლების ბაზა გააფართოვა 1.4%-ით და ახლა ბარათის მომხმარებლების წილი პლატფორმაზე 6.10%-ს შეადგენს. ფოტოს წყარო: Tom's Hardware მოდელი GeForce GTX 1650, რომელიც ამ დრომდე პლატფორმაზე პოპულარობით პირველ ადგილს იკავებდა, სექტემბერში მეორე ადგილზე გადავიდა. მისი მომხმარებლების წილი შემცირდა 0.33%5-ით და შეადგინა 4.78% გასული თვის შეჯამებით. მესამე ადგილზეა GeForce RTX 2060, რომლის წილი 4.69%-მდე გაიზარდა (+0.75 %). აღსანიშნავია, რომ მომხმარებლების ამდენივე პროცენტი ამ დრომდე ყავს GeForce GTX 1060-ს, გასულ თვეში პლატფორმაზე მისი მომხმარებლების წილი 0.38%-ით გაიზარდა. ფოტოს წყარო: Steam Steam-ზე ყველაზე პოპულარული ვიდეო ბარათების რეიტინგში პირველი თერთმეტი ადგილი NVIDIA-ს ამაჩქარებლებს უკავია. მე-12 ადგილზეა ბუნდოვანი სახელწოდების მქონე AMD Radeon Graphics. Steam-ის უახლესი სტატისტიკის შედეგები კიდევ ერთხელ აჩვენებს, რომ NVIDIA-ს ვიდეო ბარათები ბევრად უფრო პოპულარულია პლატფორმის მომხმარებლებს შორის, ვიდრე AMD Radeon და Intel-ის ვიდეო ბარათები. NVIDIA-ს ვიდეო ბარათებს იყენებს პლატფორმის მომხმარებლების 77%, AMD-ისას - 14.8%, ხოლო Intel-ის - 7.9%. "სხვა" მოწყობილობები, ანუ Intel-ისა და Qualcomm-ის გრაფიკის წილი მომხმარებლების 0.3%-ს შეადგენს. ფოტოს წყარო: Steam ბოლო ხუთი წლის განმავლობაში გამოშვებული დისკრეტული გრაფიკული ბარათების სამი უახლესი თაობა და სამი განსხვავებული გრაფიკული არქიტექტურის გამოყენებით შეადგენს Steam-ზე გეიმინგ გრაფიკული ბარათების მთლიანი ბაზრის 67.5%-ს. იგი მოიცავს Radeon RX 5000 (AMD RDNA), Radeon RX 6000 (RDNA 2) და Radeon RX 7000 (RDNA 3) მოდელებს, ასევე NVIDIA GeForce GTX 16 და GeForce RTX 20 სერიას (Turing), GeForce-RTX 30-ს (Ampere) და GeForce RTX 40 სერიას (Ada Lovelace). NVIDIA-ს უპირატესობა აქ კიდევ უფრო დიდია - პლატფორმის მომხმარებელთა 92.21% AMD-ის 7.79%-ის წინააღმდეგ. https://tinyurl.com/bdhynz6a

Google-მა და მისმა პარტნიორებმა - Acer-მა, HP-მ, Lenovo-მ და ASUS-მა დააანონსეს ქრომბუკების ახალი კატეგორია - Chromebook Plus. ამ მოწყობილობებიდან პირველი რვა ხელმისაწვდომი გახდება 8 ოქტომბერს 399 აშშ დოლარიდან. Chromebook Plus დამზადებულია Google-ის წინასწარ წარმოდგენილი სტანდარტების შესაბამისად. მოწყობილობები უფრო სწრაფად მუშაობენ, აქვთ ხელოვნური ინტელექტის მხარდაჭერის მქონე ვებ-კამერები, გაუმჯობესებული დისპლეები და გაორმაგებული მოცულობის ოპერატიული და ინტეგრირებული მეხსიერება. ფოტოს წყარო: Google Blog ქრომბუკების წინა ვერსიებისგან განსხვავებით, რომლებიც უმეტესად წარმოდგენილი იყო Intel Celeron ან N-სერიის ჩიპებით, Chromebook Plus-ში წარმოდგენილი იქნება მე-12 და უფრო ახალი თაობის Intel Core i3 პროცესორები, აგრეთვე AMD Ryzen 3 7000 და უფრო ახალი ჩიპები. მოწყობილობების საბაზისო კონფიგურაციაში ხელმისაწვდომია 8 გბ ოპერატიული და 128 გბ SSD, რაც ორჯერ მეტია წინამორბედთან შედარებით. Chromebook Plus-ს ექნება IPS დისპლეი Full HD ან უფრო მაღალი გაფართოებით. გარდა ამისა, ზოგიერთი მწარმოებელი თავის მოწყობილობას სენსორული ეკრანით წარმოადგენს. Chromebook Plus-ებს ექნება არანაკლებ 1080p გაფართოების ვებ-კამერები ხმის ჩახშობის ფუნქციით, აგრეთვე ხელოვნური ინტელექტის ბაზაზე დამყარებული ფონის გაბუნდოვნების და განათების გაუმჯობესების შესაძლებლობები. Google-მა საფუძვლიანად განაახლა ChromeOS-ის 117 ვერსია და დაამატა რამდენიმე ექსკლუზიური ფუნქცია, რომელთა სრულ ჩამონათვალს კომპანია მოგვიანებით გააზიარებს. ზოგიერთი არსებული ქრომბუკი, შესაბამისი მახასიათებლებით, ასევე მიიღებს Chromebook Plus პროგრამული უზრუნველყოფის განახლებებს უახლოეს კვირებში. ერთ-ერთი ყველაზე მნიშვნელოვანი დამატებაა ფაილების სინქრონიზაცია Chromebook Plus-ზე. ვინაიდან ახალ ქრომბუკებს უფრო დიდი მეხსიერების მოცულობა აქვთ, შეგიძლიათ შეინახოთ Google Workspace ფაილები თქვენს მოწყობილობაში და ავტომატურად დაასინქრონოთ Google Drive-თან. აპლიკაცია Google Photos-ს დაემატა HDR ეფექტი და „ჯადოსნური საშლელის“ ფუნქცია, რომელიც საშუალებას გაძლევთ არასასურველი ობიექტები ფოტოებიდან ამოშალოთ. Chromebook Plus-მა მიიღო დინამიური ფონი და ეკრანმზოგი, რომელიც დღის დროის მიხედვით იცვლება. Chromebook Plus-ის მომხმარებლებისთვის ასევე ხელმისაწვდომი იქნება Google Photos Movie Maker, ვიდეო რედაქტორი Lumafusion და ახალი Adobe Photoshop ონლაინ სერვისი გენერაციული ხელოვნური ინტელექტის შესაძლებლობებით Adobe Firefly-ის ბაზაზე. აპლიკაცია ChromeOS Explore-ში "პრივილეგიების" განყოფილებაში მომხმარებელს შეუძლია გაააქტიუროს Photoshop-ის ვებ-ვერსიის უფასო სამთვიანი გამოწერა, მიიღოს GeForce NOW-ს სამთვიანი პრიორიტეტის გაზრდა და 25%-მდე ფასდაკლება საბაზისო 30 აშშ დოლარი ღირებულების LumaFusion-ის შეძენისას. მომავალი წლისთვის Google გეგმავს ხელოვნური ინტელექტის ბაზაზე დამატებითი ფუნქციების დანერგვას Chromebook Plus-ის ყველა მოდელში. ტექსტების წერა შესაძლებელია გამარტივდეს ხელოვნური ინტელექტის მქონე ახალი დამხმარის მეშვეობით, რომელიც კონტექსტურ მენიუში იქნება ხელმისაწვდომი. ხელოვნური ინტელექტის დამატებითი ფუნქციები მოიცავს ვიდეო ზარებისთვის მორგებული სივრცისა და ფონის შექმნის შესაძლებლობას მარტივი ტექსტური მოთხოვნის გამოყენებით. რვა ახალი Chromebook Plus მოდელი Acer-ის, HP, Lenovo-სა და ASUS-ისგან ხელმისაწვდომი იქნება 8 ოქტომბრიდან. მოწყობილობების ფასები 399-დან 800 აშშ დოლარამდე მერყეობს. Acer-ის შემოთავაზებაა ტრადიციული ფორმ-ფაქტორის ლეპტოპები Chromebook Plus 515 და Acer Chromebook Plus 514 ფასით 400 აშშ დოლარიდან. ორივე მოდელს ექნება 8 ან 16 გბ ოპერატიული მეხსიერება და 1080p გაფართოების ვებ-კამერა. Acer Chromebook Plus 515 წარმოდგენილი იქნება მე-13 ან მე-12 თაობის Intel Core პროცესორებით და 15.6-დუიმიანი FHD დისპლეით, რომელიც ოფციურად შესაძლოა იყოს სენსორული. SSD-ის მოცულობა 512 გბ-ს შეადგენს. Acer Chromebook Plus 514 აგებულია AMD Ryzen 5 7520 სერიის პროცესორებზე და აქვს 14-დუიმიანი დისპლეი 1920 × 1080 გაფართოების დისპლეი სენსორული ან არასენსორული მართვით. SSD-ის მოცულობა 256 გბ-ია. HP Chromebook Plus 15.6-დუიმიანი ეკრანით და FHD გაფართოებით ტრადიციული ლეპტოპის ფორმატისაა. იგი აგებულია Intel Core i3-N305 პროცესორების ბაზაზე, აქვს 8 გბ ოპერატიული და 256 ან 128 გბ SSD. ვებ-კამერის გაფართოებაა 1080p, მოყობილობის საწყისი ფასი 600 აშშ დოლარია. 14-დუიმიანი HP Chromebook Plus x360 - ეს გახლავთ ტრანსფორმერი სენსორული ეკრანით და 1920 × 1080 პიქსელი გაფართოებით, მასში მოცემულია Intel Core i5-1235U ან Intel Core i3-1215U პროცესორი. კონფიგურაციის ვარიანტებში გათვალისწინებულია 8 ან 16 გბ ოპერატიული მეხსიერება და 128, 256 ან 512 გბ SSD. ვებ-კამერის გაფართოება 5 მეგაპიქსელია. ამ ქრომბუკის საბაზისო მოდელი 750 აშშ დოლარი ღირს. Lenovo IdeaPad Flex 5i Chromebook Plus - ეს არის ტრანსფორმერი და აქვს Intel Core i3-1315U ან Intel Core i5-1334U პროცესორი. ოპერატიული მეხსიერების მოცულობა შეადგენს 8 გბ-ს, ხელმისაწვდომია კონფიგურაცია 128 გბ eMMC ფორმატის მეხსიერებით, ასევე 256 ან 512 გბ SSD-ით. ვებ-კამერის გაფართოებაა 1080p, დისპლეი 14-დუიმიანია გვერდების შეფარდებით 16:10 და აქვს Lenovo USI სტილუსის მხარდაჭერა. მოწყობილობის საწყისი ფასი 550 აშშ დოლარია. Lenovo IdeaPad Slim 3i ტრადიციული 14-დუიმიანი ლეპტოპია, აქვს სენსორული ან არასენსორული FHD ეკრანი, Intel Core i3-N305 პროცესორი, 8 გბ ოპერატიული მეხსიერება და 128 ან 256 გბ eMMC ფორმატის SSD. ASUS Chromebook Plus CX34-ს აქვს Intel Core i7 პროცესორი, 16 გბ-მდე ოპერატიული მეხსიერება, 512 გბ SSD, FHD დისპლეი, 1080p ვებ-კამერა, აგრეთვე ანტიმიკრობული საფარის მქონე დიდი ზომის თაჩპედი. მოწყობილობის საწყისი ფასი 400 აშშ დოლარია. ტრანსფორმერ ASUS Chromebook Plus CM34 Flip-ში წარმოდგენილია AMD Ryzen 3+ პროცესორი და აქვს 14-დუიმიანი FHD დისპლეი. მისი ფასი 500 აშშ დოლარია. ChromeOS-ის პროდუქტების, ინჟინერიისა და მომხმარებლის გამოცდილების ვიცე-პრეზიდენტმა John Maletis-მა Google-ის ბლოგში ახალი მოწყობილობების შესახებ დაწერა: „10 წელზე მეტი ხნის წინ ჩვენ შევქმენით ქრომბუკები, რათა მოგაწოდოთ ადვილად გამოსაყენებელი კომპიუტერები, რომლებიც უზრუნველყოფენ საიმედო წარმადობას და შეუდარებელ უსაფრთხოებას. დღეს ჩვენ წარმოგიდგენთ ქრომბუკების ახალ კატეგორიას, რომელიც ჩვენს დაპირებას კიდევ უფრო აფართოებს: Chromebook Plus“. https://tinyurl.com/yb9u63s2

ციფრული ლარის პროექტი ახალ ეტაპზე გადადის. ეროვნული ბანკი, ცენტრალური ბანკის ციფრული ვალუტის (CBDC) სისტემის ტექნოლოგიური შესაძლებლობების გამოსაცდელად და მიზნობრივი გამოყენების შესაძლო სფეროების გამოსავლენად, შეზღუდული წვდომის რეალური საპილოტე გარემოს შექმნას გეგმავს. გრძელვადიანი კვლევისა და სათანადო განხილვების შემდეგ, ეროვნული ბანკი 9 კომპანიისგან შემდგარ სიას აქვეყნებს. ამ ორგანიზაციებს პლატფორმის რეალურ გარემოში ტესტირებისთვის შესაბამისი გამოცდილება და საკმარისი ტექნოლოგიური პოტენციალი გააჩნიათ: AUGENTIC GmbH Bitt Inc. Broxus Holdings Ltd. Currency Network Ltd. DCM Corp Limited eCurrency Mint Inc. FARI Solutions Ltd. Ripple Labs, Inc. Sovereign Wallet Co., Ltd. ეროვნული ბანკი განიხილავს ციფრული ლარის პროექტის ყველა იმ განსხვავებულ ტექნოლოგიურ გადაწყვეტას, რომელსაც ზემოხსენებული კომპანიები შესთავაზებენ. შესარჩევი ეტაპის დასრულების შემდეგ, ეროვნული ბანკი გამოავლენს ერთ ტექნოლოგიურ პარტნიორ ორგანიზაციას, რომელთან ერთადაც საპილოტე გარემოს შექმნის. შეგახსენებთ, რომ ახალი ფინანსური ტექნოლოგიების გამოყენების ხელშეწყობის, საგადახდო სისტემის ეფექტიანობის ზრდისა და ფინანსური ჩართულობის გაუმჯობესების მიზნით, საქართველოს ეროვნული ბანკი 2020 წლიდან აქტიურად იკვლევს ცენტრალური ბანკის ციფრული ვალუტის (CBDC) მახასიათებლებს, მათ შორის, ციფრული ლარის შესაძლებლობებს, სისტემურ მოწყობასა და ბაზარზე მისი გამოყენების გზებს. https://tinyurl.com/4j5c55se

კომპანია AMD-მ დააანონსა სპეციალიზებული ამაჩქარებელი Alveo UL3524 – FPGA-ს ბაზაზე, რომელიც ორიენტირებულია Fintech-სფეროზე. როგორც ცნობილია, მოწყობილობა ტრეიდერებს, ჰეჯ-ფონდებს, საბროკერო ორგანიზაციებსა და ბირჟებს საშუალებას მისცემს ოპერაციები ნანოწამების შეყოვნებით განახორციელონ. ამაჩქარებელს საფუძვლად უდევს 16-ნანომეტრიანი ტექნოლოგიით დამზადებული ჩიპი Virtex UltraScale+. კონფიგურაცია მოიცავს 64 ტრანსივერს ულტრადაბალი შეყოვნებით, 780 ათას LUT-სა და 1680 DSP-ს. აღნიშნულია, რომ Alveo UL3524 უზრუნველყოფს შვიდჯერ უფრო დაბალ შეყოვნებას წინა თაობის FPGA-ებთან შედარებით. კერძოდ, გადამცემის ინოვაციური არქიტექტურა ოპტიმიზებული ქსელის ბირთვით 3 ნანოწამზე ნაკლები მაჩვენებლით მუშაობის საშუალებას იძლევა. ფოტოს წყარო: AMD ამაჩქარებელი შესაძლებელია გამოყენებული იყოს პლატფორმა Vivado Design Suite-თან ერთად. AMD ასევე აწვდიის დეველოპერებს FINN სივრცეს ღია კოდით, რაც საშუალებას იძლევა დაინერგოს ხელოვნური ინტელექტის მოდელების მაღალი წარმადობის ტრეიდინგ-სისტემები შეყოვნების დაბალი მაჩვენებლით. ამაჩქარებელი დამზადებულია ერთსლოტიანი გაფართოების ბარათის სახით PCIe 4.0 x16 ინტერფეისით. გამოყენებულია პასიური გაგრილების სისტემა, TDP-ის მაჩვენებელი 125 ვატს შეადგენს. გათვალისწინებულია ქსელის ოთხი პორტი QSFP-DD. ბარათს აქვს 16 გბ DDR4-2666 და 72 მბ QDR II+ მეხსიერება. ამაჩქარებელი 832 გრამს იწონის. https://tinyurl.com/mahmtnm5

Google თავის ხელოვნური ინტელექტის ჩატ-ბოტისთვის ავითარებს ახალ ფუნქციას, სახელწოდებით Memory, რომლის მიზანია მომხმარებლებთან ურთიერთქმედების გაუმჯობესება მათ შესახებ გარკვეული ინფორმაციის მიწოდების მეშვეობით. ფოტოს წყარო: 9to5google.com როგორც რესურსი 9to5Google აღნიშნავს, ამ დრომდე Bard ყოველ სეანსს ნულიდან იწყებდა მომხმარებლის შესახებ რაიმე დეტალების გარეშე გარდა იმ ინფორმაციისა, რომელსაც იღებდა გაფართოებებიდან (Extensions), ახლა კი ეს პასუხები უფრო პირადი ხასიათის მატარებელი იქნება მომხმარებლის ისტორიის გათვალისწინების საფუძველზე. ფუნქცია არჩევითია და მომხმარებლებს შეეძლებათ მისი ჩართვა ან გამორთვა სურვილიდან გამომდინარე. Google ახალ ფუნქციას ასე აღწერს: „Bard-ს ახლა შეუძლია დაიმახსოვროს დეტალები საუბრის დროს და გამოიყენოს ისინი პასუხების გასაუმჯობესებლად“. მისი გაშვებისას მომხმარებელს სთხოვს გადახედოს „მეხსიერებას“, შემდეგ კი შესაძლებელი იქნება კონტენტის შევსება გარკვეული დეტალებით, მაგალითად, „ვცდილობ ხორცი არ ვჭამო“, „ორი შვილი მყავს“ და ა.შ. მომავალში Bard ამ დეტალებს თავის პასუხებში გაითვალისწინებს. მაგალითად, პოტენციურად შესაძლებელი იქნება ხორცის გარეშე კერძების რეცეპტების მიწოდება მომხმარებლისთვის ან მთელი ოჯახისთვის მოგზაურობის გეგმების შედგენა ბავშვების რაოდენობის გათვალისწინებით თხოვნებში ამ დეტალების მითითების გარეშეც კი. მომხმარებელს ასევე შეეძლება დააყენოს საკუთარი „მეხსიერება“, რომელსაც ბოტი გამოიყენებს გაფართოებებიდან მიღებულ ინფორმაციასთან ერთად, როგორებიცაა Maps, YouTube, Documents, Gmail იმ შემთხვევაში, თუ მომხმარებელი ამაზე თანხმობას მისცემს. https://tinyurl.com/2hv9xvpn

საგადახდო გიგანტმა PayPal-მა შეიტანა ოთხი საპატენტო განაცხადი NFT-ებთან, L2-სა და მეტასამყაროსთან დაკავშირებული გადაწყვეტილებების ამოქმედებისთვის. მოსალოდნელია, რომ ტოკენებით ტრანზაქციები განხორციელდება ქსელში და ქსელის გარეთ მესამე მხარის ამჟამად გაუხმაურებელი სერვის-პროვაიდერის მეშვეობით. დოკუმენტში ნახსენებია Ethereum. PayPal იმედოვნებს, რომ გამოიყენებს NFT-ების სრულ პოტენციალს ტოკენიზაციისთვის: „ამ მაგალითში აქტივი შეიძლება იყოს ციფრული მონაცემების ნებისმიერი უნიკალური ნაწილი, რომლის თვალყურის დევნება შესაძლებელია დეცენტრალიზებული ბლოკჩეინ-რეესტრის გამოყენებით. ასეთი აქტივების მაგალითები მოიცავს ციფრულ სურათებს და ვიდეოებს, მუსიკას, კოლექციურ ნივთებს და სხვა ხელოვნებას, ასევე პირადი საკუთრების დოკუმენტებს, ღონისძიების ბილეთებს, კონტრაქტებს და რეალურ სამყაროში არსებულ სხვა ნივთებს. სისტემა კონფიგურირდება სხვადასხვა გზით. კერძოდ, უზრუნველყოფილია ნაწილობრივი შესყიდვების შესაძლებლობა governance ტოკენების განაწილების გზით. შემდგომში შესაძლებელია მათი მეშვეობით ვაჭრობის დაწყება. ვარიანტებს შორის ასევე ნახსენებია „მომსახურების პროვაიდერთან დაკავშირებული DAO-ს გამოყენება NFT-ის ლიკვიდობის გასაძლიერებლად გამოყოფილი პლატფორმის საშუალებით“. ტოკენები შეიძლება შეიცავდეს Royalty-შემოსავლის გენერირების შესაძლებლობას. მომსახურების მიმწოდებლის მიერ განხორციელებული დამუშავების პროცესი შესაძლებელს ხდის შესაბამისობის მოთხოვნების გათვალისწინებას და რისკების მართვას. შესაძლებელია, მაგრამ არა სავალდებულო, რომ მომხმარებლებს ჰქონდეთ საკუთარი ციფრული საფულე. გარე მხარის ბროკერს შეუძლია ალტერნატივის სახით წარმოადგინოს ტოკენების შენახვისა და შეკვეთის სხვადასხვა ვარიანტი. Off-chain ტრანზაქციები მუშავდება „უნივერსალური საფულის“ ფარგლებში, რომელიც დაკავშირებულია სერვისის პროვაიდერთან და შეიცავს როგორც მყიდველის, ასევე გამყიდველის საფულეებს: „ამგვარად, ასეთი ტრანსფერი არ აისახება ბლოკჩეინზე. არ არის საჭირო ტრანზაქციის ონლაინ ტრანსლირება ან გაზის საფასურის გადახდა“. აპლიკაციის მიხედვით სისტემაში ნებისმიერი ვალუტის გამოყენებაა შესაძლებელი. სექტემბერში PayPal-მა გამოუშვა სერვისი ციფრული აქტივების ფიატად კონვერტირებისთვის. მანამდე საგადახდო გიგანტმა დაამატა კრიპტოვალუტების ყიდვის, გაყიდვის და გადაცემის შესაძლებლობა მობილური აპლიკაციის საშუალებით. სერვისში მხარდაჭერილია Bitcoin, Ethereum, Litecoin და Bitcoin Cash. შეგახსენებთ, რომ 7 აგვისტოს კომპანიამ გამოაცხადა Ethereum-ზე დამყარებული აშშ დოლარზე მიბმული PYUSD stablecoin-ის გამოშვების შესახებ. მონეტის ემიტენტი იყო ინფრასტრუქტურული ბლოკჩეინ-კომპანია Paxos. აქტივმა კრიპტო საზოგადოების წევრების საკამათო რეაქცია გამოიწვია. ზოგი თვლიდა, რომ PYUSD ხელს შეუწყობს ციფრული აქტივების მასობრივ მიღებას, სხვები მიუთითებდნენ ცენტრალიზაციის რისკებზე. https://tinyurl.com/m4uxe83y

დღესდღეობით მურის კანონის აქტუალობა სულ უფრო მეტ კითხვას ბადებს, ამიტომ NVIDIA-ს მეცნიერებმა წარმოადგინეს ახალი ხედვა გამოთვლების მომავალზე: ჰუანგის კანონი. NVIDIA-ს დამფუძნებლისა და აღმასრულებელი დირექტორის, ჯენსენ ჰუანგის სახელით წოდებული ეს კანონი გულისხმობს, რომ იმპულსი, რომელიც პროცესორების წარმადობის ზრდაში ვიხილეთ, მომავალშიც გაგრძელდება ძირითადად ადამიანის გამომგონებლობის საფუძველზე. ფოტოს წყარო: NVIDIA ჰუანგის კანონსა და მურის კანონს შორის მთავარი განსხვავებაა აქცენტი არქიტექტურულ და ალგორითმულ ინოვაციებზე, ვიდრე უბრალოდ ჩიპში ტრანზისტორების რაოდენობის გაორმაგებაზე ყოველ ორ წელიწადში ერთხელ ტექნოპროცესის შემცირების გზით. NVIDIA-ს მთავარმა სამეცნიერო თანამშრომელმა Bill Dally-მ კონფერენცია Hot Chips 2023-ზე აღნიშნა, რომ 28-ნმ-დან 5-ნანომეტრიან ტექნოლოგიაზე გადასვლამ ათი წლის განმავლობაში განაპირობა წარმადობის მხოლოდ 2.5-ჯერადი ზრდა, ხოლო ზრდის ძირითადი ნაწილი მიღწეული იქნა არქიტექტურაში ძირითადი ინოვაციებით და რიცხვების დამუშავებით. წარმადობის 1000-მაგ ზრდაში მთავარი წვლილი იყო კომპიუტერების მიერ გამოთვლებისთვის გამოყენებული რიცხვების წარმოდგენის გამარტივება. NVIDIA Hopper არქიტექტურის დანერგვამ Transformer ძრავით შესაძლებელი გახადა მნიშვნელოვანი ნაბიჯის გადადგმა ხელოვნური ინტელექტის მოდელების სასწავლო პროცესის დაჩქარებაში. Hopper-ის ტენსორ-ბირთვები, რომელთაც 8-ბიტიანი და 16-ბიტიანი მცურავი წერტილის ფორმატების შერევა შეუძლიათ, გადამწყვეტი გახდა ხელოვნური ინტელექტის გამოთვლების დაჩქარებაში ტრანსფორმერების (ნეიროქსელების გარკვეული ტიპი) სწავლების პროცესში ისე, რომ საჭირო სიზუსტე არ შემცირებულა. ამ ინოვაციამ უზრუნველყო გამოთვლების უმაღლესი დონის ეფექტურობის მიღწევა, რაც კრიტიკულად მნიშვნელოვანია თანამედროვე ამოცანებისთვის ხელოვნური ინტელექტის სფეროში. უფრო მეტიც, სამჯერ გაიზარდა მცურავი წერტილის ოპერაციების წარმადობა 32-, 64-, 16- და 8-ბიტიანი მთელი რიცხვის ფორმატებში, რამაც ასევე ხელი შეუწყო გამოთვლითი პროცესების საერთო აჩქარებას. Transformer ძრავსა და მეოთხე თაობის NVIDIA NVLink ტექნოლოგიასთან ერთად Hopper-ის ტენსორ-ბირთვები უზრუნველყოფს სამუშაო დატვირთვის აჩქარებას მაღალი წარმადობის გამოთვლით (HPC) და ხელოვნური ინტელექტის ამოცანებში. გარდა ამისა, სამასზე მეტი ადამიანისგან შემდგარმა გუნდმა, რომელსაც Bill Dally ხელმძღვანელობს, შეიმუშავა ინსტრუქციები, რომლებიც GPU-ს საშუალებას აძლევს უფრო ეფექტურად მოახდინოს მუშაობის ორგანიზება, დაზოგოს ენერგია და 12.5-ჯერ გაზარდოს წარმადობა. NVIDIA Ampere არქიტექტურაში არსებული სტრუქტურული ინოვაციები უზრუნველყოფს დამატებით 2-ჯერ გაძლიერებულ წარმადობას ხელოვნური ინტელექტის მოდელების სიზუსტის დარღვევის გარეშე. აქცენტების ეს ცვლილება გზას უხსნის ახალ, უფრო ეფექტურ არქიტექტურებსა და ალგორითმებს, რის შედეგად ახლანდელი დრო უაღრესად საინტერესო ხდება კომპიუტერული ინჟინერიისა და მიკროსქემების პროექტირების სპეციალისტებისთვის. როგორც ჩანს, საინფორმაციო ტექნოლოგიების ინდუსტრია შესაძლებლობების ახალი ეპოქის მოწმეა, სადაც ადამიანური გენია და ინოვაცია პროგრესის მთავარ მამოძრავებელ ფაქტორებს წარმოადგენს. https://tinyurl.com/bdhwx4tz