Magdalena

პარასკევს, 13 დეკემბერს სუამ-ის (საქართველო, უკრაინა, აზერბაიჯანი, მოლდოვა) ქვეყნების ხელისუფალთა სამიტის ფარგლებში მხარეებმა ხელი მოაწერეს რამდენიმე დოკუმენტს, რომელიც მიზნად ისახავს ორგანიზაციის წევრ სახელმწიფოებს შორის ეკონომიკური თანამშრომლობის გაძლიერებასა და ვაჭრობის ბრუნვის მოცულობის გაზრდას. კერძოდ, სუამ-ის წევრი სახელმწიფოების საბაჟო ადმინისტრაციების ხელმძღვანელებმა ხელი მოაწერეს ორ პროტოკოლს, რომლებიც ეხება: ბლოკჩეინ-ტექნოლოგიის გამოყენებას საქონლის წარმოშობის სერტიფიკატების გადამოწმების პროცესში, აგრეთვე უფლებამოსილი ეკონომიკური ოპერატორის ერთობლივ აღიარებას. „უახლოეს დროში ეს პროტოკოლები რეალიზებული იქნება. ორივე დოკუმენტი მეტად მნიშვნელოვანია საბაჟოს ეფექტური მუშაობისა და საქონლის ქვეყნის ფარგლებს გარეთ ოპერატიულად მოხვედრისთვის. დარწმუნებული ვარ, რომ ეს მნიშვნელოვნად გაამარტივებს ვაჭრობას ჩვენს ქვეყნებს შორის“ - განაცხადა უკრანის პრემიერ-მინისტრმა ალექსეი გორნაჩუკმა. ამონარიდი სუამ-ის წევრი ქვეყნების ხელისუფალთა ერთობლივი განცხადებიდან (2019 წ.) - 12 დეკემბერი, 2019 წელი, კიევი, უკრაინა “კმაყოფილებით აღვნიშნავთ იმ წარმატებებს, რომლებიც მიღწეულ იქნა ODED-სუამის თანამშრომლობის ფარგლებში, განსაკუთრებით აღვნიშნავთ გადაზიდვებისა და ტრანზიტების სფეროში მიღწეულ გამარტივებას. ხაზს ვუსვამთ კერძო ინიციატივისა და საწარმოს როლს ეფექტურ და მდგრად განვითარებაში, ასევე საჯარო და კერძო პარტნიორობას პროექტების რელიზაციასა და სუამ-ის ინიციატივებს ვაჭრობისა და ტრანსპორტის სფეროში. აღვნიშნავთ ინოვაციური IT-პლატფორმებისა და თანამედროვე ციფრული ტექნოლოგიების მნიშვნელობას სხვადასხვა სფეროში, კერძოდ ვაჭრობასა და სატრანსპორტო დერეფნების განვითარებაში. უმთავრესი პრიორიტეტი გახლავთ ტვირთის მიწოდების გამარტივება და დაჩქარება. ვთვლით, რომ სუამ-ის სატრანსპორტო დერეფნის წარმატებული და ეფექტური ფუნქციონირება მნიშვნელოვნად შეუწყობს ხელს თანამშრომლობასა და განვითარებას რეგიონს მიღმა. კიდევ ერთხელ აღვნიშნავთ ჩვენს მტკიცე ვალდებულებას - გავაძლიეროთ თანამშრომლობა ტერორიზმთან და ძალადობრივ ექსტრემიზმთან ბრძოლაში; ყველა ფორმით ვებრძოლოთ ტრანსნაციონალურ ორგანიზებულ დანაშაულს, ეკონომიკურ დანაშაულს, ადამიანებითა და ნარკოტიკებით ვაჭრობას, კულტურული და ისტორიული მემკვიდრეობის წინაშე ჩადენილ დანაშაულს, კიბერდანაშაულს, კონტრაბანდას. ჩვენ მხარს ვუჭერთ ვაჭრობისა და ტრანსპორტირების ხელშეწყობის პროექტის მმართველი კომიტეტის ძალისხმევას გამარტივებული პროცედურების შესახებ, ბლოკჩეინ-ტექნოლოგიის გამოყენებით საქონლის საწარმოო, წარმოშობის სერტიფიკატების გადამოწმებას და ფუნქციონირებას. ჩვენ ვალდებულებას ვაკისრებთ შესაბამის ორგანოს - გაადვილდეს და დაჩქარდეს სუამ-ის ციფრული სავაჭრო ცენტრის განვითარება, კომერციულ და მეწარმე სუბიექტებს მიეწოდოთ საჭირო ინფორმაცია საბაჟოზე, ვაჭრობაზე, ტრანსპორტსა და ტურიზმზე. ჩვენ მხარს ვუჭერთ მდგრადი სატრანსპორტო ჯაჭვის, მათ შორის ინფრასტრუქტურის განვითარებას, იურიდიული ბაზის შექმნას, თანამედროვე სასაზღვრო გამტარი პუნქტებისა და სატრანსპორტო პროცესების დიგიტალიზაციას.” https://guam-organization.org/en/joint-statement-by-the-heads-of-government-of-the-guam-member-states-2019/

მიუხედავად იმისა, რომ საყოველთაოდ გავრცელებული აზრის მიხედვით Bitcoin-ინდუსტრიაში მამრობითი სქესი დომინირებს, Grayscale Investments-ის მკვლევარებმა აღმოაჩინეს, რომ მსოფლიოს პირველი კრიპტოვალუტით დაინტერესებული ინვესტორების 43% მდედრობითი სქესის წარმომადგენელია. კომპანიამ გამოკითხვა შემდეგი კრიტერიუმების მიხედვით ჩაატარა: ასაკი 25-დან 64 წლამდე; 10 ათასი აშშ დოლარის ან მეტი ინვესტიციის ფლობა; არანაკლებ 50 ათასი აშშ დოლარი წლიური ოჯახური შემოსავალი. 2019 წლის 28 მარტიდან 3 აპრილამდე ჩატარებულ გამოკითხვაში მონაწილეობა მიიღო 1100-მა პირმა. გამოკითხული ქალების 56,2% და მამაკაცების 56,4% Bitcoin-ს განიხილავს, როგორც პერსპექტიულ ინვესტიციას. ამასთან, ქალების 49,8% და მამაკაცების 49,9% დარწმუნებულია, რომ შეზღუდული ემისია მომავალში ფასის ზრდაზე იქონიებს გავლენას. 47% ქალები და 39% მამაკაცები Bitcoin-ის შესაძენად დროის მომენტს შესაფერისად მიიჩნევენ. გამოკითხულთა ნახევარზე მეტმა ხაზი გაუსვა, რომ მონეტის მხოლოდ ნაწილის შეძენის შესაძლებლობაც კი მათთვის მნიშვნელოვანი ფაქტორი იყო. გამოკითხულმა მდედრობითი სქესის წარმომადგენლებმა განაცხადეს, რომ მათ Bitcoin-ის შესახებ საგანმანათლებლო ინფორმატიული მასალები სჭირდებათ. ქალებსა და მამაკაცებს შორის არსებითი განსხვავება გამოვლინდა ინვესტირების მიზნების მიმართულებით: მდედრობითი სქესის წარმომადგენლებს სურთ ოჯახის ფინანსურად უზრუნველყოფა, მამაკაცები კი ცალსახად გამდიდრებისკენ ისწრაფვიან. კვლევის თანახმად ქალების 44% და მამაკაცების 22% საინვესტიციო საქმიანობას არასაიმედოდ მიიჩნევს. ამასთან, ქალები უფრო პესიმისტურად არიან განწყობილი ამერიკული და გლობალური ეკონომიკის ზრდასთან დაკავშირებით, ვიდრე მამაკაცები. Grayscale Investments დარწმუნებულია, რომ 68 ტრილიონი აშშ დოლარის ნაწილი, რომელიც უფროსი თაობიდან მილენიალების ხელში გადავა, ინვესტირებული იქნება Bitcoin-ში. თუკი კომპანია Charles Schwab-ის კვლევას დავუჯერებთ, Grayscale Bitcoin Trust-ის აქციები შედის აშშ-ის მილენიალების ყველაზე პოპულარული ინვესტიციების ხუთეულში, თუმცა თაობა X-ისა და ბეიბი-ბუმერების თაობისთვის ათეულშიც ვერ შედის. https://forklog.com/issledovanie-obnaruzhilo-chto-43-zainteresovannyh-v-bitkoine-investorov-zhenshhiny/

23 ოქტომბერს Huawei-მ ოფიციალურად წარადგინა სათვალე Huawei VR Glass. იგი მხოლოდ 166 გრამს იწონის და ლინზების სისქე დაახლოებით 26.6 მმ-ია. VR-სათვალეში გამოყენებულია ოპტიკური სისტემა ულტრამოკლე ფოკუსით, აგრეთვე სამსაფეხურიანი პერისკოპული ლინზები და 5-პიქსელიანი მაღალი სიზუსტის კალიბრაცია. სათვალის 0-დან 700 გრადუსამდე რეგულირება და მორგება შესაძლებელია მათთვისაც, ვისაც მიოპია (ახლომხედველობა) აწუხებს. ამასთან, სათვალე აღჭურვილია სასუნთქი ნიღაბით, რაც მას გამოყენებისთვის უფრო მოსახერხებელს ხდის. VR Glass-ის ეკრანის გაფართოება 3200 х 1600 პიქსელია, პიქსელების სიმჭიდროვე კი - 1058 PPI, თვალთახედვის კუთხე - 90 გრადუსი, კადრის განახლების სიხშირე კი - 70/90 ჰც. სათვალეს ასევე აქვს მოცულობითი ხმის მხარდაჭერა, IMAX ეკრანის რეჟიმი და მობილური ტელეფონის VR-ეკრანის რეჟიმი. Huawei-ს VR-სათვალის მომხმარებლებისთვის ხელმისაწვდომი იქნება 30 ათასსაათიანი VR-ვიდეოები, ასზე მეტი Mobile VR თამაში და ათასობით კომპიუტერული VR-თამაში. Huawei VR Glass ბაზარზე გამოვა 19 დეკემბერს და გაიყიდება დაახლოებით 430 აშშ დოლარად. https://overclockers.ru/blog/Pris/show/32433/vr-ochki-huawei-glass-s-vysokim-ppi-1058-i-razresheniem-3200-h-1600-pikselej-postupyat-v-prodazhu-s-19-dekabrya

სამხრეთკორეული კომპანია Samsung-ი, რესურს LetsGoDigital-ის ინფორმაციით, არეგისტრირებს ორ ახალ სავაჭრო მარკას - Samsung Mobile View და Samsung My Album. ამ ახალი სავაჭრო ნიშნების სარეგისტრაციო განაცხადები რამდენიმე დღის წინ გაიგზავნა ევროკავშირის ინტელექტუალური საკუთრების სააგენტოში (European Union Intellectual Property Office, EUIPO). აღნიშნულია, რომ ორივე სავაჭრო მარკა გამოყენებული იქნება დიდ სატელევიზიო ეკრანზე სმარტფონისგან მულტიმედიური კონტენტის გამოსახვის ახალ საშუალებებთან მიმართებაში. კერძოდ, სისტემა Samsung Mobile View გაზრდის ტელევიზორში სხვადასხვა სახის მასალის ყურების კომფორტის დონეს, იქნება ეს ტექსტი, ფოტოები, ვიდეოები თუ სხვადასხვა სახის მონაცემი. სავაჭრო ნიშანი Samsung My Album, დამკვირვებლების აზრით, გულისხმობს ახალი ფოტოალბომის სწრაფ დანერგვას, რომელიც ხელს შეუწყობს გადაღებების ორგანიზებას და მოსახერხებელი სახით აღბეჭდავს მას ტელევიზორის ეკრანზე. ორივე სავაჭრო ნიშნის აღწერაში ნათქვამია, რომ ისინი გამოყენებული იქნება ტელევიზორებში, სმარტფონებში, პლანშეტებში, ლეპტოპებში, სმარტ საათებსა და სმარტ სათვალეებში. https://3dnews.ru/999779

Wasabi Wallet-ის ავტორებმა განაცხადეს, რომ გამოვიდა საფულის 1.1.10 ვერსია და ხაზი გაუსვეს, რომ ეს გახლავთ ამ დროისთვის უმსხვილესი რელიზი. Wasabi Wallet-ის ახალი ვერსია გვთავაზობს ინტეგრაციას Bitcoin Core-ის სრულ ნოუდთან (რომელიც ჯერ კიდევ ექსპერიმენტალურ სტადიაშია), გაუმჯობესებულ სამომხმარებლო გამოცდილებას, აგრეთვე „დახარჯული“ მონეტების პრობლემის გადაჭრის დიდიხნის ნანატრ გადაწყვეტილებას. მთლიანად გადაკეთდა ბლოკების, ტრანზაქციებისა და მონეტების დამუშავების (პროცესინგის) მექანიზმი, რაც მოიცავს ბლოკების იმპლემენტაციის განახლებულ ვერსიას (BIP 158), აგრეთვე გაუმჯობესება შეეხო CoinJoin-ტრანზაქციების გავრცელების პროცესს. გარდა ამისა, მე-9 ვერსიის აფგრეიდში ჩაერთო სამომხმარებლო ინტერფეის Avalonia-ს ძრავი. შედეგად გაიზარდა საფულის გამოყენებისას მუშაობის სიჩქარე და შესაძლებელი გახდა სხვადასხვა მოვლენის შესახებ მართვადი შეტყობინებების შექმნა. აგრეთვე დაემატა ნარატიული მენიუ Mac-მოწყობილობებისთვის. DotNet Core-ის ძრავის v3.1 ვერსიამდე აფგრეიდის წყალობით დამატებითი ინსტრუმენტები მიიღეს ანტრეპრენერებმაც. Wasabi-ის გამოსაშვებმა ვერსიამ გულმოდგინე შემოწმება გაიარა და ახალი რელიზი მეტად სტაბილურად ითვლება. https://forklog.com/sostoyalsya-reliz-v1-1-10-orientirovannogo-na-privatnost-bitkoin-koshelka-wasabi/

Motorola აპირებს დაბრუნდეს ფლაგმანური სმარტფონების ბაზარზე და გამოუშვას მოდელი Snapdragon 865 პროცესორითა და 5G ქსელის მხარდაჭერით. მანამდე კი კომპანიას აქვს შემოთავაზება საშუალო ფასის კატეგორიაში. მიმდინარე წელს გამოვიდა Moto G7 სერიის სმარტფონები, Motorola-მ კი უკვე წარადგინა Moto G8 სერია. დაანონსდა მოდელები Moto G8 Plus და Moto G8 Play. აგრეთვე უნდა გამოვიდეს სტანდარტული ვერსიები Moto G8 და Moto G8 Plus, თუკი წინა თაობასთან შედარებით სერიაში შესული სმარტფონების რაოდენობა არ შეიცვლება. ეჭვს არ იწვევს, რომ Moto G8 სულ მალე გამოვა. აშშ-ის კავშირების ფედერალური კომისიის მიერ გავრცელდა ცნობები Moto G8 Power მოდელის შესახებ. მართალია, კომისიის ბაზაში სმარტფონი სახელის გარეშე, T2041 კოდით ფიგურირებს, თუმცა მისი 5000 მა/სთ მოცულობის ბატარეა ეჭვს არ იწვევს, რომ ეს სწორედ ზემოთხსენებული მოდელია. ასეთი მოცულობის ბატარეა აქვს Moto G7 Power-საც. როგორც ჩანს, სმარტფონის სიგრძე 157,9 მილიმეტრია, კორპუსის დიაგონალი კი - 165 მმ. შესაბამისად, ეკრანის დიაგონალი იქნება 6.2 ან 6.3 დუიმი. შედეგად, ეს სმარტფონი წინა თაობის სმარტფონზე მოკლეა და სავარაუდოდ უფრო თხელი ჩარჩოები ექნება. ზედა ნაწილში საკმაოდ დიდი ზომის ჭრილის ნაცვლად მცირე ზომის ჭრილი იქნება წარმოდგენილი. ჯერჯერობით უცნობია, ეკრანის გაფართოება იქნება 720p თუ გაიზრდება Full HD+-მდე Moto G8 Plus-ის მსგავსად. თუკი გაფართოება გაიზდება, ავტონომიურობის დონე შესაძლოა ოდნავ შემცირდეს. დღევანდელი ვითარებით, თუკი Moto G7 Power-ს ხელს არ ვახლებთ, იგი დამუხტვის გარეშე 7-9 დღე იმუშავებს. ვებ-გვერდ Phonearena-ზე Moto G7 Power სმარტფონი აბსოლუტური ლიდერია მუშაობის ხანგრძლივობის მხრივ და, დიდი ალბათობით, ვითარება არც ახალ მოწყობილობაში შეიცვლება. აგრეთვე ცნობილია, რომ ახალი სმარტფონი Android 10-ზე იმუშავებს. ორგანიზაცია Wi-Fi Alliance-ში XT2041 მოდელის სერტიფიცირება რამდენიმე კვირის წინ განხორციელდა და სწორედ აქედან გახდა ცნობილი მისი ოპერაციული სისტემის შესახებ. ასეთ შემთხვევაში G8 Power შეუერთდება Motorola One Hyper-ს და გაასწრებს Motorola-ს სხვა, უფრო ძვირადღირებულ მოდელებს პროგრამული უზრუნველყოფის მხრივ. დიდი ალბათობით, ახალი მოწყობილობის ფასი გაიზრდება წინა თაობის სმარტფონის ფასთან - 250 აშშ დოლართან შედარებით. https://overclockers.ru/blog/Scorpion81/show/32394/na-podhode-novyj-rekordsmen-po-avtonomnosti-moto-g8-power

კომპანია Sapphire-მა წარადგინა ვიდეო ბარათ Radeon RX 5500 XT-ის სამი ვერსია: ორი Pulse Radeon RX 5500 XT – 4 და 8 გბ მეხსიერებით და გაცილებით მაღალი წარმადობის Nitro+ Radeon RX 5500 XT Special Edition – 8 გბ მეხსიერებით. Pulse Radeon RX 5500 XT ვიდეო ბარათების გაგრილების სისტემა მოიცავს ორ ვენტილატორს, ალუმინის რადიატორს, მონიკელებული სპილენძის ორ სითბურ მილსა და უკანა გამაძლიერებელ ფირფიტას. Nitro+ Radeon RX 5500 XT SE ვერსიას გაგრილების უფრო მძლავრი სისტემა აქვს - ორი 95-მილიმეტრიანი ქულერით, ალუმინის რადიატორითა და ოთხი სითბური მილით. ამ ვიდეო ბარათის ვენტილატორები წარმოდგენილია RGB განათებით. სამივე ვიდეო ბარათი აგებულია Sapphire-ის საკუთარი დიზაინის PCB-დაფაზე და თითოეულს აქვს 8-პინიანი დამატებითი კვების კონექტორი. Pulse Radeon RX 5500 XT მოდელს პორტების სტანდარტული ნაკრები აქვს: ერთი HDMI 2.0b და სამი DisplayPort 1.4. Nitro+ Radeon RX 5500 XT SE ბარათი კი აღჭურვილია ორ-ორი HDMI 2.0b პორტითა და DisplayPort 1.4-ით. კომპანია Sapphire-ის ახალ ვიდეო ბარათებს არ აქვთ მნიშვნელოვანი ქარხნული აჩქარება - ეს სიამოვნება კომპანიამ უშუალოდ მომხმარებლებს დაუტოვა. თამაშებში გრაფიკული პროცესორის საშუალო ტაქტის სიხშირე გაზრდილია 1717-დან 1737 მჰც-მდე, მაქსიმალური Boost-სიხშირე კი კვლავ სტანდარტული დონისაა - 1845 მჰც. 4 და 8 გბ ვიდეომეხსიერების მქონე Pulse Radeon RX 5500 XT ვიდეო ბარათები კი მუშაობს ეტალონურ 14 გჰც სიხშირეზე, უფროსი ვერსია Nitro+ Radeon RX 5500 XT Special Edition-ის სიხშირე კი 14.4 გჰც-მდეა გაზრდილი. Sapphire-ის ახალი ვიდეო ბარათები უკვე გაყიდვაშია. მოდელი Pulse Radeon RX 5500 XT 8 გბ მეხსიერებით დაახლოებით 210 აშშ დოლარი ღირს, 4-გიგაბაიტიანი ვერსია კი - 180 აშშ დოლარი. Nitro+ Radeon RX 5500 XT Special Edition ვერსიის ფასი 240 აშშ დოლარია. https://3dnews.ru/999767

სტარტაპმა, სახელად Money on Chain, აამოქმედა DeFi-პლატფორმა Bitcoin-ის Sidechain-ის ბაზაზე. მასში განხორციელდება საკრედიტო სფეროს პროდუქტების შექმნა - აცხადებს CoinDesk. Money on Chain-ის DeFi-ეკოსისტემა დაფუძნებულია სამ ტოკენზე. ესენია: Dollar on Chain (DoC) — დაკავშირებულია ამერიკულ დოლართან და უზრუნველყოფილია Bitcoin-ებით (MakerDAO-ში არსებული DAI-ს ანალოგი); Chain tokens (MoC) — უზრუნველყოფს ხმის უფლებას (MakerDAO-ში არსებული MKR-ის ანალოგი); BitPRO (BPRO) — უზრუნველყოფს პასიურ შემოსავალს BTC-ის საკომოსიოდან, რომელიც გროვდება სისტემის მომხმარებლებისგან. MoC ტოკენსეილი 2020 წელს ჩატარდება. ინვესტორების სახელები, რომლებიც მოცემულ ეტაპზე ხმის უფლებას ფლობენ, ჯერჯერობით უცნობია. “DoC-ის მინთინგი ნიშნავს DoC-ზე Bitcoin-ების ფაქტიურ გაყიდვას, რადგანაც უკან არ დაგიბრუნდებათ Bitcoin-ის პირვანდელი რაოდენობა - ყველაფერი დამოკიდებულია კურსზე. BPRO შესაძლებელია განიხილოს, როგორც სესხი“ - ხაზი გაუსვა პროექტის თანადამფუძნებელმა. Money on Chain-ს MakerDAO-სგან მნიშვნელოვანი განმასხვავებლები აქვს. თუკი MakerDAO-ში მომხმარებლები უზრუნველყოფას პირვანდელი სახით იბრუნებენ, Money on Chain-ის შემთხვევაში უზრუნველყოფის ღირებულება შესაძლებელია იყოს პირვანდელზე მაღალი ან დაბალი. პროტოკოლი ასევე ითვალისწინებს გარკვეულ იურისდიქციაში წვდომის ბლოკირებას იურიდიული ტავსებადობისთვის. მოცემული მომენტისთვის Money on Chain ურუგვაის არაკომერციული ნდობის მიღების პროცესშია, RSK-ის დამფუძნებელი დიეგო გუტიერესი მოლაპარაკებებს აწარმოებს MakerDAO-ს ანტრეპრენერებთან ეკოსისტემების დაახლოების შესახებ. მისი თქმით, RSK-ის ფედერაციაში 15 მონაწილე დარჩა. დაფუძნების პერიოდში მათი რიცხვი 25 იყო. RSK Sidechain-ის მთავარი ქსელი ამოქმედდა 2018 წლის იანვარში. https://forklog.com/v-sajdchejne-bitkoina-zapustili-analog-defi-proekta-makerdao/

SoC Exynos 990-ის გამოშვებით, რომელმაც უნდა უზრუნველყოს ახალი Galaxy S11 სმარტფონის მუშაობა, Samsung-მა საბოლოოდ უარი თქვა საკუთარ მაღალი წარმადობის მქონე პროცესორის ბირთვებზე. Exynos 9820-ის Mongoose ბირთვებმა, რომელთაც უნდა უზრუნველეყოთ უპირატესობა Snapdragon 855-ში წარმოდგენილ ARM Cortex-A76 ბირთვებთან შედარებით, ვერ გაამართლეს კომპანიის იმედი, ამიტომ Samsung-მა გადაწყვიტა დახუროს ბირთვების შემუშავებაზე სპეციალიზებული ცენტრი ოსტინში. თუმცა აღმოჩნდა, რომ კორეული კომპანია უკვე მუშაობს მომდევნო თაობის SoC Exynos 1000-ზე. Ინფორმაცია გავრცელდა ცნობილი ინსაიდერი Ice Universe-ისგან, რომელმაც მცირე ხნის წინ განაცხადა, რომ Samsung-მა შესაძლოა გამოიყენოს ARM Cortex-A78 ბირთვები თავისი მომდევნო თაობის Exynos 1000-ში. Qualcomm დიდი ალბათობით გამოიყენებს იმავე ბირთვებს, რაც გამოიყენება Snapdragon 865-ის შემდეგ. ამიტომ ყველაფერი იმაზეა დამოკიდებული, რამდენად კარგად შეძლებს თითოეული კომპანია თავისი ბირთვების ინტეგრირებას სხვა ისეთ კომპონენტებთან, როგორიცაა მაგალითად გრაფიკული პროცესორი. Ice Universe აცხადებს, რომ Samsung-მა ჯერ კიდევ ვერ განსაზღვრა ზუსტი მოდელი, რომელიც ინტეგრირებული იქნება Exynos 1000-ში. მან შესაძლოა აირჩიოს GPU Mali-G78, თუმცა არის ალბათობა, რომ Samsung-ი სამომავლო SoC-ში ჩართავს RDNA-ს, რომელიც შემუშავებულია AMD-სთან თანამშრომლობით. და ბოლოს, რაც არანაკლებ მნიშვნელოვანია, Ice Universe ახსენებს 5-ნანომეტრიანი ტექნოპროცესის გამოყენებას Exynos 1000-ის წარმოებისას. Samsung-ს საკუთარი ფაბრიკები აქვს, თუმცა კომპანია ოდნავ ჩამორჩება TSMC-ს ხუთნანომეტრიანი ტექნოლოგიის ათვისებაში. ამიტომ, Exynos 1000 დიდი ალბათობით 2020 წლის ბოლომდე არ გამოვა. https://overclockers.ru/blog/goldas/show/32374/samsung-rabotaet-nad-5-nm-soc-exynos-1000

კორპორაცია Microsoft-მა ღონისძიება The Game Awards 2019-ის ფარგლებში დაასახელა მომდევნო თაობის გეიმინგ კონსოლის სახელწოდება, რომლის ანონსი 2020 წელს შედგება. საუბარი ეხება მოწყობილობას, რომელიც ამ დრომდე ფიგურირებდა კოდური სახელით - Xbox Scarlett. კომერციულ ბაზარზე მოწყობილობა გამოვა სახელით - Xbox Series X. კონსოლს წინა თაობის მოწყობილობებისგან განსხვავებული დიზაინი ექნება - მისი კორპუსი სწორკუთხა პარალელეპიპედის ფორმისაა. გარეგნულად Xbox Series X დესკტოპ კომპიუტერის სისტემურ ბლოკს უფრო ჰგავს, ვიდრე კლასიკურ გეიმინგ კონსოლს. ამასთან, დაშვებულია ვერტიკალური და ჰორიზონტალური განთავსება. Xbox Series X კონსოლის კომპლექტში შედის ახალი მანიპულატორი Xbox Wireless Controller. მისი ზომა და ფორმა გადაკეთდა კომფორტის გაუმჯობესების მიზნით. გარდა ამისა, გამოჩნდა დამატებითი ღილაკი Share. Კონტროლერი თავსებადი იქნება Xbox One კონსოლებსა და ოპერაციულ სისტემა Windows 10-ზე მომუშავე კომპიუტერებთან. Microsoft-ში აღნიშნავენ, რომ Xbox Series X კონსოლს საფუძვლად დაედება მძლავრი კასტომიზებული პროცესორი, რომელიც შეიქმნა AMD-სთან პარტნიორობის შედეგად Zen 2-სა და RDNA არქიტექტურის ბაზაზე. საუბარია RayTracing-ის აპარატულ მხარდაჭერაზეც. ტექნოლოგიები Variable Rate Shading (VRS) და Auto Low Latency Mode (ALLM) ხელს შეუწყობს გეიმინგ პროცესის ხარისხის ახალ დონეზე აყვანას. კონსოლის აღჭურვილობაში შევა მომავალი თაობის SSD. Xbox Series X-ის პლატფორმის დაპროექტება ხორციელდება ქლაუდ სერვისებზე ორიენტირებით. ჯამში Microsoft გვპირდება, რომ ახალი კონსოლი უზრუნველყოფს Xbox One X მოდელზე ოთხჯერ მაღალ წარმადობის დონეს თანაც დაუჯერებლად ჩუმი სამუშაო პროცესით. კომპანია იძლევა პირობას, რომ კონსოლი თავსებადი იქნება წინა თაობის კონსოლებისთვის განკუთნილ თამაშებთან. კონსოლს შეუძლია გაუმკლავდეს გამოსახულების დამუშავებას 4K ფორმატში სიხშირით 60 კადრი წამში, ასევე აქვს წამში 120 კადრამდე გაზრდისა და 8K მასალების დამუშავების შესაძლებლობა. Xbox Series X კონსოლი გაყიდვაში გამოვა 2020 წლის საახალწლო სადღესასწაულო სეზონზე. მისი ფასი მოგვიანებით გამოცხადდება. https://3dnews.ru/999653

19 სექტემბერს Huawei-მ დააანონსა თავისი პირველი სმარტ დისპლეი - ეს გახლავთ 65-დუიმიანი ეკრანის მქონე მოდელი. მას შემდეგ ორი თვე გავიდა და კომპანიას მორიგი ახალი სმარტ დისპლეი აქვს - ამჯერად უკვე 75-დუიმიანი. ახალი დისპლეი ფლაგმანურ ხაზს მიეკუთვნება, მოწყობილობაზე წინასწარი შეკვეთების მიღება უკვე დაწყებულია, გაყიდვების დაწყების თარიღად კი 24 დეკემბერია ჩანიშნული. დისპლეის ფასიც შთამბეჭდავია - Huawei-ს ახალი, 75-დუიმიანი სმარტ ტელევიზორი მუშაობს HarmonyOS-ზე და მისი ფასი 1850 აშშ დოლარია. შედარებისთვის, 65-დუიმიანი დისპლეი 995 აშშ დოლარად იყიდება. ეს ფასი მოქმედებს წინასწარი შეკვეთების ფარგლებში, საცალო ღირებულება კი დიდი ალბათობით გაცილებით მეტი იქნება. ფიზიკურ და ონლაინ მაღაზიებში ტელევიზორის შეძენა 24 დეკემბრიდან იქნება ხელმისაწვდომი. დიაგონალის ზომას თუ არ გავითვალისწინებთ (და ახალ, ოქროსფერ ფერს), 75-დუიმიანი მოდელი 65-იანისგან არაფრით განსხვავდება. ორივე შემთხვევაში მომხმარებლებისთვის ხელმისაწვდომია 4K ეკრანი, 120 ჰც კადრის განახლების სიხშირე, HDR Boost ტექნოლოგიის მხარდაჭერა, რეჟიმები: AI Fitness 2.0, AI Kids და ინტეგრირებული ვებ-კამერა. https://www.ixbt.com/news/2019/12/12/4-120-harmonyos-2000-huawei.html

როგორც წესი, Bitcoin-თან მიმართებაში ხშირად ანალიტიკურ პროგნოზებს აკეთებენ საეჭვო რეპუტაციის მქონე ნაკლებად ცნობილი ინსაიდერები. პერიოდულად თავიანთ აზრს გამოთქვამენ ბიზნესის მსხვილი მონაწილეებიც, თუმცა მათი პროგნოზები უმეტესად ორაზროვანია და ჯამში მათი სიტყვებიდან რთულია გაგება, თუ რა მდგომარეობა ელის კრიპტოვალუტას. თუმცა როდესაც ისეთი ცნობილი ფინანსისტები, როგორიცაა ენტონი პომპლიანო - აკეთებენ პროგნოზებს, ბევრი საჭიროდ თვლის, დაუყოვნებლივ შეიძინოს Bitcoin. ვენჩურული ფონდი Morgan Creek Capital-ის მმართველის სიტყვებით, Bitcoin-ს საქმე შესანიშნავად მისდის. რეალურად, მსოფლიოს პირველი კრიპტოვალუტა შევიდა ზრდის ორწლიან ფაზაში და აგრძელებს ოპტიმიზმის დანერგვას. მისი თქმით ძალიან მალე Bitcoin-ის ფასი დაიწყებს მკვეთრად ზრდას და 2021 წლისთვის 100 ათას დოლარს მიაღწევს. შესაძლოა ბევრს სასაცილოდ არ ეყოს ენტონის სიტყვები, თუმცა მას მეტად დამაჯერებელი ახსნა აქვს. საქმე ის გახლავთ, რომ 2020 წლის მაისში მოხდება ეგრეთ წოდებული „Bitcoin-ის ჰალვინგი“. როდესაც Bitcoin პირველად გამოჩნდა, მოპოვებული ბლოკისთვის ჯილდომ 50 ВТС შეადგინა. რამდენიმე წლის შემდეგ ჯილდო შემცირდა 25 ВТС-მდე, 2016 წელს კი - 12.5 ВТС-მდე. ყოველ ჯერზე მოპოვებული ჯილდოს რაოდენობის ვარდნას თან ახლდა კრიპტოვალუტის ფასის მატება. მომდევნო ჰალვინგის შემდეგ ჯილდო იქნება მხოლოდ 6.25 ВТС ბლოკზე. უცნობია, რამდენით გაძირდება Bitcoin ჰალვინგის შემდეგ, თუმცა იმაში, რომ ეს იქნება მორიგი რყევა ბაზრისთვის - ეჭვი არავის ეპარება. https://overclockers.ru/blog/TEXHAPb/show/32352/v-2021-godu-bitkoin-podorozhaet-do-100-000-dollarov-upravlyajuschij-morgan-creek-capital

კომპანია Intel ამჟამად ამზადებს ახალი თაობის დესკტოპ პროცესორებს, რომლებიც შევა Comet Lake-S სერიაში. ოფიციალური ანონსი მოახლოვდა და ინტერნეტში მათ შესახებ უფრო მეტი სიახლე ჩნდება. ამჯერად 3DMark-ის მონაცემთა ბაზაში ცნობილმა ინსაიდერმა მოიპოვა ცნობები სისტემის ტესტირების შესახებ, რომელიც განხორციელდა Core i5-10600 პროცესორითა და MSI MPG Z490 Gaming Carbon WiFi დედა დაფით. ტესტის მონაცემების თანახმად Core i5-10600 პროცესორს აქვს ექვსი ფიზიკური ბირთვი და თორმეტი გამომთვლელი ნაკადი. შესაბამისად, ეს ცნობა ადასტურებს გავრცელებულ ხმებს, რომ Comet Lake-S თაობის Core i5 პროცესორებს Hyper-Threading-ის მხარდაჭერა ექნებათ. ცხადია, კომპანია Intel-ის ეს ნაბიჯი გამოწვეულია AMD-ს მხრიდან კონკურენციის გაძლიერებით, განსაკუთრებით კი საშუალო ფასის სეგმენტში. ერთ-ერთმა ტესტმა განსაზღვრა, რომ Core i5-10600-ის საბაზისო ტაქტის სიხშირე 3300 მჰც-ს შეადგენს. დაუზუსტებელი ინფორმაციით კი ტურბო სიხშირე 4689 მეგაჰერცია. თუკი ეს რიცხვები საბოლოოა, გამოდის, რომ Core i5-10600 პროცესორის საბაზისო სიხშირე Core i5-9600-თან შედარებით 200 მეგაჰერცით გაიზარდა, ტურბოსიხშირე კი - მხოლოდ 100 მჰც-ით. შესაბამისად, Comet Lake-S თაობისგან სიხშირის მნიშვნელოვანი ზრდა მოსალოდნელი არ არის, რადაგანაც მას იგივე, Skylake მიკროარქიტექტურა აქვს და იწარმოება 14-ნანომეტრიანი ტექნოპროცესით. ასე რომ ახალი Core i5-ების ძირითადი განსხვავება ძველი მოდელებისგან იქნება Hyper-Threading-ის მხარდაჭერა, რაც უზრუნველყოფს წარმადობის მნიშვნელოვან ზრდას. https://3dnews.ru/999556

მადლობა George

ციფრული ვალუტები არ არიან ფინანსური სისტემისთვის რისკის მატარებლები, თუკი საუბარი არ ეხება რაიმე გლობალურ Stablecoin-ს. ასეთი აზრი გამოთქვა აშშ-ის სასწრაფო სავაჭრო ბირჟების კომისიის თავმჯდომარე Heath P. Tarbert-მა. კენედის სახელობის ჰარვარდის სკოლაში გამართული ლექციის მსვლელობისას მან ისაუბრა CFTC-ის როლზე კრიპტოვალუტების რეგულირების, ასევე ფასიანი ქაღალდებისა და ბირჟების კომისიის უფლებამოსილების განაწილების შესახებ. ტარბერტი აგრეთვე შეეხო კრიპტოვალუტებთან დაკავშირებულ რისკებს. მისი სიტყვებით, მარეგულირებლებმა უკვე განსაზღვრეს ციფრული აქტივების უმნიშვნელოვანესი პრობლემები. პირველი მათგანი გახლავთ მათი გამოყენების აღკვეთა ფულის გათეთრებისა და ტერორიზმის დაფინანსებისთვის. მეორეა ინვესტორების დაცვა. „ეს ICO-ები, სადაც ადამიანები კრიპტოვალუტებს უშვებენ, შესაძლებელია თაღლითურ სქემებზე არანაკლები იყოს“ - აღნიშნა ტარბერტმა. ტარბერტმა განაცხადა, რომ გაცვლითი საქონელი და მათზე დაყრდნობით წარმოებული პროდუქტები ექვემდებარება CFTC-ის იურისდიქციას. თეორიულად ეს ნიშნავს იმას, რომ მარეგულირებლებს შეუძლიათ თვალ-ყური მიადევნონ კრიპტოვალუტების ბირჟებს თაღლითობის ან მანიპულირების შემთხვევაში მაშინაც კი, თუკი ისინი არ არიან რეგისტრირებული სააგენტოში. CFTC-ის ხელმძღვანელმა აგრეთვე განმარტა, რომ ტექნიკური თვალსაზრისით პროდუქტად ითვლება ფასიანი ქაღალდებიც, თუმცა ისინი ხვდება SEC-ის იურისდიქციაში როგორც კი ამ სტატუსს მიიღებს. გამონაკლისია ისეთი შემთხვევა, როდესაც აქტივი მომავალი ფასიანი ქაღალდია - ასეთ შემთხვევაში მისი რეგულირება ხდება ორივე სააგენტოს მიერ. შეგახსენებთ, რომ მსოფლიო ეკონომიკისთვის რისკის მატარებელი Stablecoin-ების შესახებ გაფრთხილება გასცა აშშ-ის ფინანსური სტაბილურობის სამეთვალყურეო საბჭომაც (FSOC). https://forklog.com/glava-cftc-sistemnye-riski-neset-ne-bitkoin-a-poyavlenie-globalnogo-stejblkoina/

ახალი 16-ბირთვიანი პროცესორი Ryzen 9 3950X იმდენად წარმატებული აღმოჩნდა, რომ პირველი მყიდველები პრაქტიკულად ერთმანეთს ებრძოდნენ, თუ ვინ უფრო მალე მოიპოვებდა ახალ პროცესორს. ამ „მონსტრის“ წარმადობა იმდენად შთამეჭდავია, რომ მასთან შედარებით Intel-ის მაღალი წარმადობის პროცესორებიც კი ნელი აღმოჩნდა. ამ ყველაფერმა გამოიწვია ის, რომ ზემოთხსენებული პროცესორის შეძენა ამჟამად ფაქტობრივად შეუძლებელია, თუმცა არა Silicon Lottery-სთვის. ამ პროცესორების გაყიდვა უკვე დაიწყო, თანაც ისინი აღჭურვილია საკმაოდ მნიშვნელოვანი ბუსტით. აჩქარების მქონე 16-ბირთვიანი პროცესორი დღესდღეობით არც ისე იაფი ღირს. ამჟამად შემოთავაზებაშია რამდენიმე ვარიანტი, ერთ-ერთ მათგანს ექსპერტები „ოქროს“ პროცესორს უწოდებენ და ამით ხაზს უსვამენ მის ელიტარულობასა და სიჩქარეს. პირველი: 4 გჰც-მდე აჩქარებული მოდელი. ამ პროცესორის შეძენა შესაძლებელია 850 აშშ დოლარად; მეორე: გაცილებით უკეთესი ვარიანტი, რომლის ყველა ბირთვი 4.05 გჰც-ზე მუშაობს. მისი ფასი 900 აშშ დოლარია; მესამე: ვერსია 4.1 გჰც-ით, მისი ფასი 1050 აშშ დოლარია; მეოთხე: ელიტარული „ოქროს“ Ryzen 9 3950X, რომლის თექვსმეტივე ბირთვის ტაქტის სიხშირე 4.15 გიგაჰერცია. ეს შესანიშნავი პროცესორი 1500 აშშ დოლარი ღირს. პროცესორების გაყიდვა უკვე დაიწყო. https://overclockers.ru/blog/TEXHAPb/show/32329/zolotoj-ryzen-9-3950x-ot-silicon-lottery-ocenen-v-1500-dollarov

ბრენდმა Redmi-მ, რომელიც ჩინური კომპანია Xiaomi-ს მიერაა შექმნილი, წარადგინა პორტატული კომპიუტერი RedmiBook 13, რომლის შესახებაც ცნობები ამ დრომდეც ვრცელდებოდა. ლეპტოპს 13.3-დუიმიანი Full HD+ დისპლეი აქვს, რომელიც ოთხივე მხრიდან წვრილი ჩარჩოებითაა შემოსაზღვრული. ეკრანი იკავებს წინა პანელის 89%-ს. მოწყობილობა იწონის დაახლოებით 1.23 კილოგრამს, ერთ დამუხტვაზე მისი ავტონომიური მუშაობის დროდ გამოცხადებულია დაახლოებით 11 საათი. სწრაფი დატენვის ფუნქციის წყალობით ენერგიის მარაგის 50%-ის შევსება ხდება დაახლოებით 35 წუთში. მწარმოებელი ბრენდი აცხადებს, რომ კომპიუტერის ფართობი A4 ფორმატის ფურცლის 96%-ს შეადგენს. გაგრილებას უზრუნველყოფს გაგრილების ეფექტური სისტემა ორი ექვსმილიმეტრიანი სითბური მილით. აპარატულ საფუძვლად ლეპტოპს უდევს მეათე თაობის Intel Core პროცესორი. ოპერატიული მეხსიერების მოცულობა 8 გიგაბაიტს შეადგენს, ინტეგრირებული მეხსიერებისა კი - 512 გბ-ს. გრაფიკული ქვესისტემა წარმოდგენილია დისკრეტული ამაჩქარებლით - NVIDIA GeForce MX250, რომელსაც აქვს GDDR5 სტანდარტის 2 გბ მეხსიერება. ლეპტოპში გამოყენებულია ოპერაციული სისტემა Microsoft Windows 10 Home. მოწყობილობის საბაზისო ვერსია Core i5 ჩიპით გაიყიდება დაახლოებით 600 აშშ დოლარად, Core i7 პროცესორის მქონე მოდელის ფასი კი იქნება 740 აშშ დოლარი. https://3dnews.ru/999405

ევროპის კოსმოსურმა სააგენტომ (ESA) ისაუბრა პროექტზე სპეციალიზებული აპარატის კოსმოსში გაშვებასთან დაკავშირებით, რომლის თანახმად აპარატმა უნდა გაანადგუროს კოსმოსური ნაგავი. კოსმოსის დანაგვიანების მხრივ სიტუაცია მუდმივად უარესდება. ახალი თანამგზავრების გაშვებით მათი ერთმანეთთან ან სხვა ობიექტებთან შეჯახების რისკი იზრდება, ნებისმიერი კოსმოსური ავარია კი იწვევს ფრაგმენტებისგან ორბიტაზე უზარმაზარი მოცულობის ახალი ნაგვის წარმოქმნას. ახალი პროექტი, რომლის შესახებაც ESA საუბრობს, განხორციელდება კონსორციუმით, რომლის ხელმძღვანელიც შვეიცარული სტრატაპი ClearSpace გახლავთ. მომავალმა „კოსმოსურმა მენაგვემ“ სახელად ClearSpace-1 მიიღო. დაგეგმილია, რომ ClearSpace-1-ის პირველი სამიზნე იქნება რაკეტა Vega-ს ზედა ნაწილი, რომელიც 600–800 კილომეტრ სიმაღლეზე დარჩა ჯერ კიდევ 2013 წელს გაშვების შემდეგ. ამ ობიექტის მასა დაახლოებით 100 კგ-ს შეადგენს და მისი ფორმა ხელსაყრელია „ნაგვის მჭერის“ შესაძლებლობების გამოცდისთვის. ClearSpace-1-ის კოსმოსში გაშვება დაგეგმილია 2025 წლისთვის. აპარატი შეეცდება დაიჭიროს დასახული ობიექტი და გაიყვანოს ორბიტიდან, რათა იგი ატმოსფეროში დაიწვას. თუკი მისია წარმატებით ჩაივლის, სამომავლოდ უფრო რთული მისიები დაიგეგმება. https://3dnews.ru/999352

კრიპტოვალუტების პლატფორმა Bakkt-მა აამოქმედა ვაჭრობა საანგარიშსწორებო ფიუჩერსებითა და Option-ებით Bitcoin-ზე. ორივე პროდუქტი დაფუძნებულია იმ Bitcoin-ფიუჩერსებით მომარაგებაზე, რომელიც Bakkt-მა სექტემბერში აამოქმედა. Bakkt-მა საზოგადოებას შეახსენა, რომ მისმა მშობელმა კომპანია ICE-მ 2001 წელს შექმნა ფიუჩერსული კონტრაქტი ნავთობზე - ICE Brent Crude Oil Futures, მომდევნო წლებში კი მის საფუძველზე გამოუშვა ასობით სანავთობე დერივატივი ფიუჩერსების, Option-ებისა და სვოპის ჩათვლით. კრიპტოვალუტების პლატფორმა გეგმავს ანალოგიურად შეიმუშავოს ახალი პროდუქტები თავისი Bitcoin-ფიუჩერსების საფუძველზე. ჯერჯერობით უცნობია, ვისი ხელმძღვანელობით განხორციელდება ეს - აღმასრულებელი დირექტორი კელი ლოფლერი ჯორჯიის შტატიდან აშშ-ის სენატორად დაინიშნა და კომპანიას წლის ბოლოს დატოვებს. Bakkt-ის Bitcoin-ფიუჩერსების ამჟამინდელი, მორიგი გამოშვება ნოემბრის ბოლოს დაანონსდა. პროდუქტი, როგორც დაგეგმილი იყო, იყიდება ICE Futures Singapore ბირჟაზე. პირველ კრიპტოვალუტაზე option-ების გამოშვების ვადა პლატფორმამ ერთი თვით ადრე დაასახელა. ამ მიმართულებით სხვა სიახლეებს რაც შეეხება, ჩიკაგოს სავაჭრო ბირჟამ (CME Group) განაცხადა, რომ Bitcoin-option-ებით ვაჭრობას 2020 წლის 13 იანვარს დაიწყებს. კრიპტოვალუტების ბირჟა OKEx ანალოგიურ პროდუქტს 27 დეკემბერს შესთავაზებს მომხმარებლებს, Bitfinex კი - 2020 წლის პირველ კვარტალში. https://forklog.com/bakkt-zapustila-dva-novyh-bitkoin-derivativa/

სულ რამდენიმე დღეში კომპანია AMD-ის AIB-პარტნიორებმა უნდა წარადგინონ ახალი ვიდეო ბარათები - Radeon RX 5500 XT. რესურს VideoCardz-ის ძალისხმევით ფართო საზოგადოებისთვის ცნობილი გახდა მზადებაში მყოფი ახალი ბარათების ფოტოები და მახასიათებლები. საუბარი ეხება Radeon RX 5500 XT Mech და RX 5500 XT Gaming სერიის ვიდეო ბარათებს. ვიდეო ბარათი Radeon RX 5500 XT Mech წარმოდგენილია გაფართოების ორსლოტიანი გაგრილების სისტემით, რომელიც მოიცავს ორ ქულერსა და ალუმინის რადიატორს სითბური მილებით. დამატებითი კვებისთვის მოცემულია ერთი 8-პინიანი კონექტორი, რაც 110-ვატიანი ეტალონური TDP-ის დონის ვიდეო ბარათისთვის საკმარისზე მეტია. ვიდეო დრაივერების ნაკრები სტანდარტულია - ხელმისაწვდომია სამი DisplayPort და ერთი HDMI. ამაჩქარებელი მეხსიერების მხრივ ხელმისაწვდომი იქნება 4 და 8 გბ ვერსიებად. თავის მხრივ Radeon RX 5500 XT Gaming X წარმოდგენილია გაცილებით მძლავრი გაგრილების სისტემით, რომელიც ასევე მოიცავს ორ ქულერს, თუმცა გაბარიტებით გაცილებით დიდია. ამ ვიდეო ბარათს საგრძნობლად კარგი ქარხნული აჩქარება ექნება: მაქსიმალური Boost-სიხშირე 1845-დან 1905 მეგაჰერცამდე გაიზრდება. GDDR6 სტანდარტის ვიდეო მეხსიერების მოცულობა 4 ან 8 გბ იქნება ვერსიების შესაბამისად და მისი ეტალონური სიხშირეა 1750 მჰც. დამატებითი კვების კონექტორების გარჩევა ფოტოებზე რთულია, თუმცა სავარაუდოდ Radeon RX 5500 XT Gaming X-საც ექნება ერთადერთი 8-პინიანი კონექტორი. ამ ვიდეო ბარათზეც ხელმისაწვდომი იქნება სამი DisplayPort და ერთი HDMI. ახალი ვიდეო ბარათების ფასი ჯერჯერობით არ სახელდება, ამის შესახებ დიდი ალბათობით ცნობილი გახდება დღეს, 12 დეკემბერს ოფიციალური ანონსის ფარგლებში. https://3dnews.ru/999381

შეერთებული შტატების ფასიანი ქაღალდებისა და ბირჟების კომისიამ (SEC) თანხმობა განაცხადა ფონდის საქმიანობაზე, რომელიც მხოლოდ Bitcoin-ფიუჩერსებით მოახდენს ინვესტირებას რეგულირებად ბირჟებზე. საუბარი ეხება New York Digital Investment Group-ის (NYDIG) აქტივებით მართულ Bitcoin Strategy Fund-ს, რომელიც ინვესტორებს შესთავაზებს 2,5 მლნ აქციებს 10 აშშ დოლარად. NYDIG-ში უკვე მიიღეს BitLicense და ტრასტის ლიცენზიები შეზღუდული მიზნობრივი დანიშნულებით ნიუ-იორკის რეგულატორისგან. ამჯამად Bitcoin-ფიუჩერსებით ვაჭრობა ხდება მხოლოდ CME-ში. ასეთივე პროდუქტს მალე გამოუშვებს Bakkt, თუმცა ICE Singapore ბირჟაზე. SEC-მა გარკვეული პერიოდის წინ უარყო Bitwise-ის Bitcoin-ETF-ის ამოქმედება, თუმცა თანხმობა განაცხადა მის ხელმეორედ განხილვაზე. https://forklog.com/sec-odobrila-fond-orientirovannyj-na-investitsii-v-bitkoin-fyuchersy/

უახლოეს მომავალში მოსალოდნელია AMD Adrenalin 2020 Edition გრაფიკული დრაივერების პაკეტის მორიგი განახლება, რომლის შედეგად, გავრცელებული ცნობების თანახმად, ხელმისაწვდომი გახდება გაზრდილი გეიმინგ წარმადობა არა მარტო Navi თაობის ახალ ვიდეო ბარათებში, არამედ მათ წინამორბედ Polaris-ისა და Vega-ს მოწყობილობებშიც. რესურს VideoCardz-ის თანახმად, წარმადობის ზრდა შესაძლებელი გახდება ახალი ფუნქცია Radeon Boost-ის წყალობით, რომელიც დიდი ალბათობით დაფუძნებულია HiAgo Boost ტექნოლოგიაზე. ამ უკანასკნელის ფუნქციონირება გულისხმობს გეიმინგ წარმადობის ოპტიმიზაციას გრაფიკული ადაპტერისადმი მიმართული მთელი რიგი ბრძანებების ცვლილებით. შედეგად ხდება გაფართოების ცვლილება და უზრუნველყოფილია კადრების საჭირო რაოდენობა. AMD-ის ოფიციალურ ვებ-გვერდზე განთავსებული აღწერის მიხედვით Radeon Boost ხელმისაწვდომი იქნება Radeon RX 400 სერიისა და მის ზემოთ არსებული ვიდეო ბარათებისთვის, აგრეთვე ინტეგრირებულ გრაფიკულ ქვესისტემა APU Ryzen 2000-სა და მასზე ახალ ვერსიებში. სისტემა თავსებადია ოპერაციულ სისტემა Windows 7-სა და Windows 10-თან, თუმცა ფუნქციონირებს მხოლოდ გეიმინგ აპლიკაციებში. ამგვარად, ახალი ტექნოლოგია უზრუნველყოფს წარმადობის დონის ზრდას ყველა სუსტ და მოძველებულ ვიდეო ბარათებშიც კი, გამოსახულების ხარისხის შესახებ კი ჯერჯერობით ცნობილი არაფერია. https://overclockers.ru/blog/id_1/show/32263/videokarty-serii-amd-radeon-rx-400-i-vyshe-mogut-poluchit-pribavku-k-proizvoditelnosti-blagodarya-novoj-tehnologii

Porsche-მ განაცხადა, რომ მუშაობს ოთხძრავიანი სიმძლავრის აგრეგატზე ელექტრო ყველგანმავლებისთვის - ეს იქნება ორჯერ დიდი ძრავი Porsche Taycan-ის ძრავთან შედარებით. კონსტრუქცია ორიენტირებულია უპირველეს ყოვლისა მართვაზე - თითოეულ საბურავზე გათვლილი თითოეული ძრავი ელექტრომობილს საშუალებას აძლევს სწრაფად გადანაწილდეს განსაზღვრული სიმძლავრე იმის მიხედვით, სადაც საჭიროა - იქნება ეს მოყინულ გზაზე უკუქმედებისა თუ მოსახვევში დიდი სიჩქარით შესვლის საჭიროება. კომპანიის გუნდის განცხადებით ახალი გადაწყვეტილების წყალობით მიღწეულ იქნება სპორტული ავტომობილების მსგავსი სიჩქარის რეაქცია დიდი გაბარიტების მანქანებშიც კი. ტექნოლოგიას არ სჭირდება დამატებითი სენსორები, პროგრამული მართვა მილიწამებში გადაანაწილებს სიმძლავრეს. Porsche-მ განაცხადა, რომ სისტემის ტესტირება უკვე დიდი ხანია ხორციელდება. არსებობს ერთი მთავარი კითხვა: პირველ რიგში რომელ მოდელს ექნება ოთხძრავიანი სისტემა? Porsche-მ უკვე დაადასტურა, რომ Macan EV-ზე უკვე მიმდინარეობს მუშაობა, თუმცა ეს გახლავთ ქროსოვერი, რომელიც ორიენტირებულია საწყისი დონის ბაზარზე. რომელმა მოდელმაც არ უნდა მიიღოს ახალი სისტემა, იგი დიდი უპირატესობა იქნება ყველა ამინდში გამოსაყენებელი ელექტრომობილებისთვის. https://3dnews.ru/999287

Bitcoin-ბირჟა Binance-მა წარმოადგინა კრიპტოვალუტების პირდაპირი ყიდვა-გაყიდვის შესაძლებლობა კიდევ რვა ფიატური ვალუტისთვის. ბირჟამ დაამატა შემდეგი ვალუტები: ვიეტნამური დონგი (VND); ინდონეზიური რუპია (IDR); ნიგერიული ნაირი (NGN); კოლუმბიური პესო (COP); ბრიტანული ფუნტი სტერლინგი (GBP); მექსიკური პესო (MXN); კანადური დოლარი (CAD); არგენტინული პესო (ARS). მხარდაჭერილი ფიატური ვალუტების საერთო რიცხვმა უკვე თექვსმეტი შეადგინა, მათ შორისაა ამერიკული დოლარი, ევრო, ჩინური იუანი, უკრაინული გრივნა და ა.შ. ძველად Binance-ის აღმასრულებელმა დირექტორმა Changpeng Zhao-მ განაცხადა, რომ ბირჟის მთავარი ამოცანა უახლოეს თვეებში იქნება მსოფლიოს ყველა ფიატურ ვალუტასთან ინტეგრაცია. ნოემბერში ბირჟას ევროს მხარდაჭერა დაემატა. იმავე თვეში Binance-მა შეიძინა ინდური კრიპტო ბირჟა WazirX, რაც განპირობებული იყო მიზნით - დანერგილიყო კრიპტოვალუტების ყიდვა-გაყიდვა ინდური რუპიით. სულ ახლახანს მედიის საშუალებით აგრეთვე ცნობილი გახდა, რომ Binance-ის გეგმაშია მოახდინოს ლიხტენშტეინში დარეგისტრირებული გაბანკროტებული Union Bank-ის ინვესტირება. Binance-ის ფინანსური დირექტორი ამ ინფორმაციას არასანდოდ მიიჩნევს. https://forklog.com/binance-rasshirila-spisok-podderzhivaemyh-fiatnyh-valyut/

სულ უფრო მეტ პოპულარობას იხვეჭენ ელექტრომობილები, რომლებიც ბენზინის ნაცვლად ელექტროენერგიის მოხმარების წყალობით არ აბინძურებენ გარემოს. ამ დრომდე ელექტრომობილების მწარმოებელ კომპანიებს შორის ყველაზე პოპულარული გახლდათ ჩინური კომპანია BYD, რომელიც ჰიბრიდულ ავტომობილებსაც ყიდის. ამჯერად კი ელექტრომობილების ბაზარზე ახალი ლიდერი გამოჩნდა. ეს გახლავთ ყველასთვის კარგად ნაცნობი კომპანია Tesla - ილონ მასკის ხელმძღვანელობით. მიუხედავად იმისა, რომ ჩინური კომპანიის მიერ გაყიდული ელექტრომობილების რაოდენობა უზარმაზარია, Tesla-მ მაინც შეძლო მისთვის გადაესწრო მხოლოდ სამი მოდელის გამოშვებით, რომლებმაც მოკლე დროში ყველას დაამახსოვრეს თავი. ესენია Model X, Model S და Model 3. ბოლო პერიოდში ამ ორ კომპანიას შორის აქტიური კონკურენცია შეინიშნებოდა და მიუხედავად უორენ ბაფეტის მიერ BYD-ში ჩადებულია დიდი ინვესტიციისა, Tesla წამითაც არ ჩამორჩენია ჩინელებს. ექსპერტების მიერ წარმოდგენილ იქნა ორივე კომპანიის გაყიდვების გრაფიკი 2014-დან 2019 წლამდე. გრაფიკის თანახმად მიმდინარე წლის ოქტომბერში Tesla-მ გამოუშვა 807 954 ელექტრომობილი, BYD კი მცირედით ჩამორჩა: მის მიერ გამოშვებული ელექტრო მანქანების რაოდენობამ 787 150 შეადგინა. შეგახსენებთ, რომ როდესაც ილონ მასკს ჰკითხეს, როგორ აპირებს კონკურენტებთან ბრძოლას, მან საპასუხოდ მხოლოდ გაიცინა. როგორც ჩანს, Tesla-ს კიდევ უფრო სერიოზული სამომავლო გეგმები აქვს, რაც კომპანიას მეტად პოპულარულად აქცევს. https://overclockers.ru/blog/RoadToKnowledge/show/32239/tesla-operedila-kitajskogo-konkurenta-i-vyshla-na-pervoe-mesto