Magdalena

ღონისძიება WWDC 2024-ის ფარგლებში Apple-მა გამოაცხადა, რომ გამოუშვებს შერეული რეალობის ჰედესტ Vision Pro-ს შეერთებული შტატების ფარგლებს გარეთ - მოწყობილობა ამ დრომდე მხოლოდ აშშ-ში იყიდებოდა 3499 აშშ დოლარად. ჰედსეტის საერთაშორისო გაყიდვები 28 ივნისს დაიწყება. პირველი ქვეყნები, რომლებშიც Vision Pro გახდება ხელმისაწვდომი, იქნება ჩინეთი, იაპონია და სინგაპური. 12 ივლისიდან მოწყობილობა გაიყიდება გერმანიაში, საფრანგეთში, ავსტრალიაში, დიდ ბრიტანეთსა და კანადაში. მაისში საინფორმაციო სააგენტო Bloomberg-მა განაცხადა, რომ Apple ატარებდა ტრენინგს თავისი თანამშრომლებისთვის Vision Pro-ის საერთაშორისო გაყიდვების დასაწყებად. მოწყობილობის წინასწარი შეკვეთები ჩინეთში, იაპონიასა და სინგაპურში 13 ივნისს დაიწყება. ჰედსეტი ხელმისაწვდომი იქნება ავსტრალიაში, კანადაში, საფრანგეთში, გერმანიასა და დიდ ბრიტანეთში 28 ივნისიდან. Apple-ს არ გაუზიარებია Vision Pro-ს აშშ-ში გაყიდვების მაჩვენებლები, მაგრამ მთლიანი აჟიოტაჟი მოწყობილობის გარშემო შემცირდა მას შემდეგ, რაც მოწყობილობა გაყიდვაში გამოვიდა მიმდინარე წლის თებერვალში. ზოგიერთი საინფორმაციო წყარო იტყობინება, რომ კომპანიამ დაბალი მოთხოვნის გამო Vision Pro-ს წარმოების მოცულობაც კი შეამცირა. მოწყობილობის მიმართ ინტერესი შესამჩნევად შესუსტდა მეორად სავაჭრო პლატფორმებზეც, წერს The Verge. eBay-ზე შესანიშნავ მდგომარეობაში არსებული ჰედსეტი შეგიძლიათ შეიძინოთ Apple-ის მიერ დადგენილ ღირებულებაზე 1000 აშშ დოლარით ნაკლებ ფასად. https://tinyurl.com/5n7zmddr

2024 წლის ბოლოს პირველი კრიპტოვალუტის ფასი 125000-დან 135000 აშშ დოლარამდე იქნება, ასეთი აზრი კრიპტო კასტოდიან BitGo-ს აღმასრულებელმა დირექტორმა Kitco News-თან ინტერვიუში გამოთქვა. მისი აზრით, Bitcoin-ის ზრდის ერთ-ერთი კატალიზატორი აშშ-ის სახელმწიფო ვალის მაღალი დონე იქნება. „ჩვენი მაკროეკონომიკური კლიმატი კვლავ ამტკიცებს Bitcoin-ის აუცილებლობის თეზისის მხარდაჭერას. ეჭვგარეშეა, რომ აშშ-ის სახელმწიფო ვალი კონტროლის ქვეშ არ არის. […] ეს სიტუაცია ხელს უწყობს იმ აზრს, რომ Bitcoin არის ახალი თაობის ოქრო“, - განაცხადა ბელშემ. მან ასევე აღნიშნა, რომ აშშ დოლარი, როგორც გლობალური სარეზერვო ვალუტა, აშშ-ის საგარეო პოლიტიკის გამო სუსტდება. BitGo-ს აღმასრულებელი დირექტორი თვლის, რომ ქვეყანა დოლარს იარაღად და მანიპულაციის საშუალებად იყენებს. ბელშემ ხაზგასმით აღნიშნა, რომ ის არც უჭერს მხარს და არც ეწინააღმდეგება სანქციებს, მაგრამ რუსეთის ფედერაციის მაგალითი სხვებს უჩვენებს, რომ აშშ-ს შეუძლია იგივე გააკეთოს მათთან მომავალში. „ამგვარად, აშშ-ის სახელმწიფო ვალის კრიზისი ერთია, საგარეო პოლიტიკა და სანქციების კონტროლი - მეორე. BRICS ასევე გთავაზობთ გადახდის ალტერნატიულ სისტემებს. […] ეს არის ისტორია იმის შესახებ, თუ რატომ არსებობს Bitcoin“, - დაასკვნა მან. ადრე Standard Chartered-ის ანალიტიკოსებმა ივარაუდეს, რომ Bitcoin-ის ფასი ნოემბერში 100 000 აშშ დოლარს მიაღწევდა. თუ აშშ-ის საპრეზიდენტო არჩევნებში დონალდ ტრამპი გაიმარჯვებს, ციფრული ოქროს ღირებულება წლის ბოლომდე 150 ათას აშშ დოლარამდე გაიზრდება, აღნიშნეს მათ. შეგახსენებთ, რომ BitMEX-ის ყოფილმა აღმასრულებელმა დირექტორმა არტურ ჰეიესმა აღნიშნა მაკროეკონომიკური ფონის ცვლილება და საზოგადოებას პირველი კრიპტოვალუტის ყიდვისკენ მოუწოდა. Bitfinex-ის ექსპერტების აზრით ამჟამინდელი ხარული ბაზრის დროს Bitcoin 2024 წლის მეოთხე კვარტალში გარკვეულ მომენტში უმაღლეს მწვერვალს მიაღწევს. მათ ასევე აღნიშნეს მუდმივი სამომავლო ზრდის პოტენციალის შენარჩუნება. https://tinyurl.com/ycxz5h46

მიმდინარე წლის ბოლომდე Microsoft გვპირდება, რომ გააფართოვებს გეიმინგ კონსოლების დიაპაზონს შემოთავაზებული Xbox Series X-ის თეთრი ვერსიის დამატებით, რომელსაც აქვს 1 ტბ მყარი დისკი და წარმოდგენილია ოპტიკური დისკის გარეშე. ახალი პროდუქტის ფასია 449.99 აშშ დოლარი და მისი " robot white”ფერი იმეორებს იმას, რაც უკვე ხელმისაწვდომია Xbox Series S-ში. ფოტოს წყარო: Microsoft ამასთან, როგორც The Verge განმარტავს, გამოვა Xbox Series S-ის თეთრი ვერსია 1 ტბ დისკით 349.99 აშშ დოლარად. ზემოთ ნახსენები Xbox Series X-ის თეთრი ვარიანტი არ იქნება ხელმისაწვდომი ოპტიკური დისკით, ამიტომ Microsoft მას უწოდებს "სრულიად ციფრულს". წინასწარი ცნობები მიუთითებს იმაზე, რომ კონსოლს შესაძლოა ჰქონდეს უფრო ეფექტური გაგრილების სისტემა, როგორც განახლების ნაწილი, მაგრამ ოფიციალური მიმოხილვები ჯერ არ გამოსულა, ამიტომ ჯერ მსჯელობა ნაადრევია. კონსოლის ახალი ვერსიის წარმადობის დონე უცვლელი რჩება. შავი კორპუსის მოყვარულებისთვის ხელმისაწვდომია Xbox Series X-ის ახალი ვერსია, რომელიც 599.99 აშშ დოლარად მომხმარებელს შესთავაზებს არა მხოლოდ 2 ტბ მყარ დისკს, არამედ ექნება ოპტიკურ დისკიც. მის ფერს ეწოდება „galaxy black“. Microsoft-ის წარმომადგენლების თქმით ამ კონსოლში შენარჩუნდება წინამორბედის წარმადობის დონე და ფუნქციონალურობა, მაგრამ უზრუნველყოფს მონაცემების შენახვის ორჯერ მეტ მოცულობას და მომხმარებლებს სთავაზობს უნიკალურ დიზაინს. გასულ წელს გაჟონილი დოკუმენტებით საფუძველზე მიიჩნეოდა, რომ Microsoft ემზადებოდა დაეანონსებინა Xbox Series X-ის განახლებული ვერსია ცილინდრული დიზაინით, რომელსაც არ ექნებოდა ოპტიკური დისკი და მიიღებდა განახლებულ უსადენო კონტროლერებს. ნოემბერში იგეგმებოდა ასეთი კონსოლის გამოშვება 499 აშშ დოლარად. სექტემბერში კომპანიის პროფილური განყოფილების ხელმძღვანელმა ფილ სპენსერმა განაცხადა, რომ Microsoft-ის გეგმები Xbox Series X-ის განახლებასთან დაკავშირებით შეიცვალა. კომპანიის წარმომადგენლებმა პირობა დადეს, რომ დეტალებს მოგვიანებით გააზიარებდნენ და ეს მომენტი მხოლოდ ახლა დადგა. https://tinyurl.com/2un5ay4a

საჰაერო კოსმოსური კომპანია SpaceX-ის ბაზა, სახელწოდებით Starbase, მდებარეობს ბოკა ჩიკაში, ტეხასის შტატში. კომპლექსში მალე ფუნქციონირებას დაიწყებს ახალი საწარმოო ქარხანა, სახელწოდებით Starfactory, რომელიც SpaceX-ს უზრუნველყოფს 9000 კვადრატულ მეტრზე დიდი სივრცით, რათა დაეხმაროს ილონ მასკის უაღრესად ამბიციურ მიზანს -ყოველდღიურად აწარმოოს თითო ხომალდი Starship. ფოტოს წყარო: newatlas.com არსებული მონაცემებით, Starfactory-ის მშენებლობა მიმდინარე წლის თებერვალში დაიწყო, ხოლო ქარხნის ექსპლუატაციაში გაშვება ზაფხულში იგეგმება. „როდესაც ამ ქარხანაში შედიხარ, ეს ნამდვილად შთამაგონებელია. გული მკერდიდან მიხტება. ”ეს დაგვეხმარება მნიშვნელოვნად გავზარდოთ ჩვენი წარმოების მაჩვენებელი, რადგან ვცდილობთ მივაღწიოთ გრძელვადიან მიზნებს, რომ გამოვუშვათ ერთი ხომალდი დღეში. ასევე, Starship-ის მეორე ვერსია მალე გამოვა საწარმოო ხაზიდან,” - განაცხადა SpaceX-ის დაპროექტების სისტემების ხარისხის განყოფილების ხელმძღვანელმა ქეით თაისმა (Kate Tice). SpaceX აპირებს Starfactory გამოიყენოს Starship-ის ვერსია 2-ის შესაქმნელად, რომლის წარმოება უფრო ადვილია პირველ მოდელთან შედარებით. კოსმოსურ ხომალდ Starship-ის მეორე ვერსია, გავრცელებული ინფორმაციით, იტევს მეტ საწვავს, უფრო საიმედოა და აქვს დაბალი მშრალი წონა (საწვავის გარეშე). ასევე არის გარკვეული აეროდინამიკური ცვლილებები დიზაინში. ილონ მასკმა ყურადღება გაამახვილა იმ ფაქტზე, რომ Starship Version 2-ს აქვს წინა ფრთების განსხვავებული პოზიცია, რის გამოც ხომალდი უფრო საიმედო უნდა იყოს. https://tinyurl.com/yymfx6xm

საგადახდო სისტემა Mastercard-მა აღადგინა შეთანხმება Binance-თან გადახდებსა და დეპოზიტებთან დაკავშირებით აშშ-ის მარეგულირებელებთან პრობლემების გადაჭრის შემდეგ - წერს CoinDesk. კომპანიაში განმარტავენ, რომ თანხის გატანა და სხვა ფუნქციები მოგვიანებით გახდება ხელმისაწვდომი. „Binance-ის მიერ დაწესებული მკაცრი კონტროლისა და პროცესების ყოვლისმომცველი მიმოხილვის შემდეგ Mastercard-მა მიიღო გადაწყვეტილება დაუშვას პლატფორმასთან დაკავშირებული შესყიდვები თავის ქსელში“, - განაცხად ბირჟის წარმომადგენელმა. პარტნიორობა შეწყდა 2023 წლის სექტემბერში ამერიკის მარეგულირებელი ორგანოების ზეწოლის შედეგად. შემდეგ Mastercard-მა უარი თქვა გადაწყვეტილების შესახებ კომენტარის გაკეთებაზე. ექვსი თვით ადრე CFTC-მ შეიტანა სამოქალაქო სარჩელი Binance-ის წინააღმდეგ. სააგენტოს ცნობით ბირჟამ დაარღვია დერივატივებით ვაჭრობის წესები და მუშაობდა შესაბამისი რეგისტრაციის გარეშე. სამი თვის შემდეგ SEC-მა შეიტანა პრეტენზია კომპანიისა და მის ხელმძღვანელ Changpeng Zhao-ს წინააღმდეგ. კომისიამ ჯამში 13 ბრალდება წამოაყენა. აშშ-ში კომპანიაზე მარეგულირებელი ზეწოლის ფონზე ორგანიზაციას ევროპაში პრობლემები შეექმნა. Binance-მა უკან გაიწვია ლიცენზირების განაცხადები დიდ ბრიტანეთში, ავსტრიაში, კვიპროსში და გამოაცხადა გასვლა ნიდერლანდიდან. ბელგიის ფინანსური მომსახურებისა და ბაზრის ორგანომ ბირჟას ოპერაციების შეწყვეტა უბრძანა. მედია იტყობინება, რომ ხელისუფლებამ გამოძიება დაიწყო საფრანგეთში პლატფორმის ფილიალში. მარტში Signature Bank-ის სანაციის და იმავე თვეში Silvergate Bank-ის ლიკვიდაციის შემდეგ კომპანიის აშშ-ის განყოფილებას საბანკო სირთულეები შეექმნა. კომპანია ამ დაწესებულებებში მომხმარებლების დოლარის დეპოზიტებს ინახავდა. მაისში Binance-მა შეაჩერა ადგილობრივი ვალუტით დაფინანსება ავსტრალიელი მომხმარებლებისთვის სერვისის პროვაიდერის ქმედებების გამო. ორგანიზაციამ ასევე შეაჩერა თანხების დეპონირება და გატანა ბრიტანულ ფუნტ სტერლინგში Paysafe-ის თანამშრომლობაზე უარის თქმის შედეგად. Paysafe-მა გამოაცხადა, რომ სექტემბრიდან მთლიანად შეწყვეტს Binance-ის მომსახურებას. ციფრული გადახდების პლატფორმა Checkout.com-მა ასევე გამოაცხადა ბირჟასთან თანამშრომლობის შეწყვეტის შესახებ. ამ უკანასკნელმა გადაწყვიტა დაეხურა სერვისი Binance Connect (Bifinity), რომელიც ფუნქციონირებდა 2022 წლის მარტიდან. პროდუქტი ტრეიდერებს საშუალებას აძლევდა მიეღოთ კრიპტოვალუტით გადახდები Visa-ს და Mastercard-ის სისტემების მეშვეობით. ინიციატივა Binance Card ბირჟამ აამოქმედა, როგორც ციფრული აქტივების ფართო დანერგვის ნაწილი. იგი მომხმარებლებს საშუალებას აძლევდა გადაეხადათ პროდუქტის და მომსახურების საფასური კრიპტოვალუტაში საგადახდო ბარათების საშუალებით. შეგახსენებთ, რომ 2024 წლის აპრილში სიეტლის ფედერალურმა სასამართლომ Zhao-ს ოთხი თვით თავისუფლების აღკვეთა მიუსაჯა ფულის გათეთრებისა და სხვა უკანონო საქმიანობის ბრალდებით. 2023 წლის ნოემბერში Zhao-მ დამნაშავედ ცნო თავი, რომ ვერ შეინარჩუნა ფულის გათეთრების საწინააღმდეგო ეფექტური პროგრამა Binance-ში, როგორც კომპანიის ხელმძღვანელმა. აშშ-ის იუსტიციის სამინისტროსთან შეთანხმების ფარგლებში იგი დათანხმდა 50 მლნ აშშ დოლარის ოდენობის ჯარიმის გადახდას და აღმასრულებელი დირექტორის თანამდებობიდან გადადგომას. ორგანიზაციისთვის ანგარიშსწორების თანხამ 4.3 მლრდ აშშ დოლარი შეადგინა. https://tinyurl.com/mr28ywyz

კვლევით კომპანია Jon Peddie Research-ის (JPR) თანახმად 2024 წლის პირველ კვარტალში დისკრეტული დესკტოპ გრაფიკული ბარათების გაყიდვები წინა კვარტალთან შედარებით შემცირდა, მაგრამ გაიზარდა 2023 წლის ანალოგიურ პერიოდთან შედარებით. Nvidia-მ შეძლო ბაზრის წილის 88%-მდე გაზრდა, ხოლო AMD-ის წილი 12%-მდე შემცირდა. Intel-ის დისკრეტულ გრაფიკას ჯერ კიდევ ძალიან მცირე ბაზრის წილი გააჩნია. ფოტოს წყარო: ASRock როგორც Tom's Hardware აცხადებს, 2024 წლის პირველ კვარტალში Nvidia-ს, AMD-სა და Intel-ის მიერ 8.7 მილიონი დისკრეტული დესკტოპის GPU გაიყიდა. ეს მაჩვენებელი 9%-ით ნაკლებია წინა კვარტალში გაყიდულ 9.5 მილიონ გრაფიკულ პროცესორთან შედარებით, მაგრამ 39.2%-ით მეტია 2023 წლის ანალოგიურ პერიოდთან შედარებით. Nvidia-მ მიაწოდა 7.66 მილიონი დისკრეტული GPU, რაც ოდნავ აღემატება წინა კვარტლის 7.6 მილიონს. წლიური თვალსაზრისით, ზრდამ 46% შეადგინა - შედარებისთვის, 2023 წლის პირველ კვარტალში კომპანიამ გაყიდა 5.26 მილიონი დისკრეტული დესკტოპ GPU. AMD-ის სიტუაცია განსხვავებულია. კომპანიამ მიაწოდა მხოლოდ 1.04 მილიონი დისკრეტული დესკტოპ GPU, რაც წინა კვარტალში მიწოდებულ 1.81 მილიონთან შედარებით 41%-ით ნაკლებია, თუმცა 39%-ით მეტია წლის წინა წლის ანალოგიურ კვარტალში მიწოდებულ გრაფიკულ პროცესორებთან შედარებით. Intel-ის მიწოდებები, JPR-ის თანახმად, 2024 წლის პირველ კვარტალში კვლავ უმნიშვნელოა. კომპანია გრაფიკული ბარათების ბაზარზე თავისი Arc A770 და A750 მოდელებით 2022 წლის მესამე კვარტალში შევიდა, მაგრამ ლიდერებთან კონკურენცია ჯერ არ შეუძლია. როგორც JPR-ის ბოლო ანგარიში აჩვენებს, GPU-ს ბაზარი მძიმედ დაზარალდა 2008 წლის რეცესიის გამო და ბოლომდე არ გამოჯანმრთელებულა. 2023 წელს ოთხი კვარტლის განმავლობაში ზრდა შეიმჩნეოდა, ამიტომ 2024 წლის პირველ კვარტალში კლება არ არის განგაშის მიზეზი - ეს მხოლოდ ბუნებრივი სეზონური რყევებია. თუმცა მომწოდებლები პროგნოზირებენ გრაფიკული ბარათების გაყიდვების ზრდას 2024 წლის მეორე კვარტალში ძირითადად ხელოვნური ინტელექტის სისტემების გამო. ასევე აღნიშნულია, რომ AI ტექნოლოგიების GPU-ებზე მოთხოვნამ შესაძლოა ნეგატიური გავლენა იქონიოს გეიმინგ სეგმენტზე. ამრიგად, მეორე კვარტალში მოსალოდნელია გეიმინგ ვიდეო ბარათების გაყიდვების სტაგნაცია და შემდგომ ზრდა ხელოვნური ინტელექტისა და ქლაუდ გამოთვლებისთვის. https://tinyurl.com/ewffe87w

გასულ შემოდგომაზე Apple-მა გააოცა თავისი აუდიტორია, როდესაც iPhone 15 Pro-სა და Pro Max სმარტფონებში დაამატა რადიო მოდული Thread, რომელიც განკუთვნილია ჭკვიანი სახლის მოწყობილობებთან პირდაპირი ურთიერთქმედებისთვის. როგორც გაირკვა, იგი ასევე წარმოდგენილია რამდენიმე ახალ Mac-სა და iPad-ში, რომლებიც გამოვიდა 2023 წლის სექტემბრის შემდეგ, აღნიშნა The Verge-მა. ფოტოს წყარო: apple.com Apple-ს არ მიუთითებია Thread-ის არსებობა რომელიმე ამ პროდუქტის მახასიათებლებში, მაგრამ FCC დოკუმენტაციაში ნათქვამია, რომ მოწყობილობები გამოცდილია Threads-ის მხარდასაჭერად, რაც ნიშნავს, რომ იგი მოწყობილობებში მოცემულია. ეს რადიო მოდული აღმოჩნდა უახლეს iPad Air-სა(M2 ჩიპი) და iPad Pro (M4), MacBook Air-ში (M3), MacBook Pro 14-ში (M3/Pro/Max), ასევე iMac-ში (M3). თავად Apple-ს არ გაუკეთებია კომენტარი Thread-ის მხარდაჭერის შესახებ. FCC მწარმოებლებისან ითხოვს ჩამოთვალონ მოწყობილობებში არსებული ყველა რადიოსადგური და ტესტები ყველა შესაძლო სცენარით, რათა უზრუნველყონ სტანდარტებთან შესაბამისობა. მარეგულირებლის დოკუმენტაციაში საუბარია IEEE 802.15.4 გადამცემის ტესტირებაზე - Thread ეფუძნება ამ რადიო სტანდარტს, რომელიც ასევე ნათლად არის მითითებული. Thread არის სმარტ სახლ Matter-ის სტანდარტის ძირითადი პროტოკოლი, რომლის განვითარებასაც Apple დაეხმარა და იგი გახდა Apple Home პლატფორმის ძირითადი არქიტექტურა. Thread პროტოკოლი, რომელიც სპეციალურად შექმნილია Internet of Things მოწყობილობებისთვის, გვთავაზობს ენერგიის დაბალ მოხმარებას და mesh-ტოპოლოგიის მხარდაჭერას, ასევე მუშაობს უფრო სწრაფად Bluetooth-თან შედარებით, შესაბამისად იგი წარმოადგენს ოპტიმალურ გადაწყვეტილებას სმარტ ნათურების, საკეტების, კლიმატის სისტემებისა და სხვადასხვა სენსორების დაკავშირებისთვის. Apple უკვე რამდენიმე წელია იყენებს Thread-ს თავის სმარტ სახლის პლატფორმასთან დასაკავშირებლად - რადიომიმღები შედის HomePod Mini-ში, HomePod 2-სა და Apple TV-ის რამდენიმე მოდელში, მაგრამ კომპანიას არასოდეს უხსენებია მისი არსებობა Mac-სა და iPad-ში. თუმცა ხელმისაწვდომია აპლიკაცია Apple Home Mac-ისა და iPad-ისთვის და Thread რადიოები დაეხმარება მათ პირდაპირ დაუკავშირდნენ ჭკვიანი სახლის მოწყობილობებს ან იმოქმედონ როგორც მარშრუტიზატორებმა. შესაძლოა, პლანშეტებმა და კომპიუტერებმა იმუშაონ, როგორც სმარტ სახლის ჰაბებმა, თუმცა ადრე ასეთი როლი მხოლოდ iPad-ს ენიჭებოდა და Apple-მა შემდგომში ამ იდეაზე უარი თქვა. iPhone 15 Pro-სა და Pro Max-ის ანონსში მოკლედ იყო ნახსენები რადიომოდული Thread, რომელიც „გზას გაუხსნის სამომავლო შესაძლებლობებს აპლიკაცია Home-ის ინტეგრაციისთვის“. დღესდღეობით Apple-ის სმარტფონები აღჭურვილია სამი სტანდარტული რადიო ჩიპით, რომლებიც მხარს უჭერენ Wi-Fi-ს, Bluetooth-ს და Thread-ს - ასეთი გადაწყვეტილებები სულ უფრო პოპულარული ხდება და, ალბათ, უფრო ადვილი იქნება სამომავლოდ Thread-ის გამოყენება, ვიდრე მის გარეშე მოქმედება. https://tinyurl.com/3u5vbjjw

გასული კვირის პარასკევი, 6 ივნისი, ძალიან წარმატებული იყო IBIT-ისთვის - სულ რაღაც ერთ დღეში BlackRock-ის ფონდში Bitcoin-ების რაოდენობა 4920 BTC-ით გაიზარდა და 302534 BTC-ს მიაღწია. ამრიგად, IBIT-ის ინდიკატორმა გადააჭარბა Grayscale-ის ფონდ GBTC-ის მაჩვენებელმა. GBTC 2015 წელს ამოქმედდა, მაგრამ 2024 წლის დასაწყისამდე ის ფუნქციონირებდა, როგორც ბირჟისგარე კერძო ფონდი. აშშ-ში Spot ETF-ების დამტკიცების შემდეგ GBTC გადაკეთდა ბირჟაზე ვაჭრობის ფონდად, მაგრამ მაღალი საკომისიოების გამო მისგან კაპიტალის გადინება დაიწყო. Bitcoin-ების რაოდენობა ამ პროდუქტში 619220 BTC-დან 285651-მდე შემცირდა, თუმცა, კრიპტოვალუტის კურსის ზრდის გამო შემცირდა მხოლოდ 30%-ით. ყველა Spot Bitcoin ETF-ს აშშ-ის ბაზარზე ახლა აქვს დაახლოებით 63 მლრდ აშშ დოლარის კაპიტალიზაცია და ფლობს 883.000 BTC-ს. ეს არის მონეტების მაქსიმალური რაოდენობის დაახლოებით 4.2%. SosoValue-მ ადრე განაცხადა, რომ სპოტ კრიპტოვალუტების ETF-ების ლიკვიდობა შეერთებულ შტატებში ზედიზედ 17 დღეა იზრდება. https://tinyurl.com/4fjn5xx8

AMD-მ თითქმის არაფერი გამოუვლენია უახლესი RDNA 3.5 გრაფიკული არქიტექტურის შესახებ, რომელზეც აგებულია Ryzen AI 300 მობილური პროცესორების ინტეგრირებული გრაფიკა. ცნობილია, რომ განახლებულ iGPU-ს აქვს უფრო მეტი გრაფიკული ბირთვი წინა თაობის გრაფიკასთან შედარებით. RDNA 3.5-ის პირველი შედეგები გამოჩნდა Geekbench-ის მონაცემთა ბაზაში. ფოტოს წყარო: VideoCardz შედგა Ryzen AI 9 HX 170 პროცესორში ინტეგრირებული Radeon 890M-ის ტესტირება. როგორც ადრე გახდა ცნობილი, AMD-მ ბოლო მომენტში შეცვალა მობილური პროცესორების ახალი სერიის სახელი Ryzen AI 300-ად. ეს ფაქტი დადასტურდა Computex 2024-ზე, სადაც გამოჩნდა ლეპტოპები Ryzen AI 9 HX 170 (ამჟამად Ryzen AI 9 HX 370) და Ryzen AI 9 165 (ამჟამად Ryzen AI 9 365) პროცესორებით. Ryzen AI 9 HX 370 არის 12-ბირთვიანი, 24-ნაკადიანი პროცესორი, რომელსაც აქვს მძლავრი Zen 5 ბირთვები და მცირე, ენერგოეფექტური Zen 5c ბირთვები. Zen 5 ბირთვი მუშაობს 5.1 გჰც-მდე სიხშირეზე. AMD-ს ჯერ არ გამოუცხადებია Zen 5c ბირთვების ტაქტის სიხშირე. პროცესორი ასევე მოიცავს ინტეგრირებულ RDNA 3.5 გრაფიკას 16 ბლოკით, რომელიც მუშაობს 2.9 გჰც-მდე სიხშირეზე. Geekbench-ის მონაცემთა ბაზის ჩანაწერში არ არის ნათქვამი, თუ რა TDP-ზე მუშაობდა ჩიპი ტესტირების დროს. თუმცა ცნობილია, რომ პროცესორი გამოიყენებოდა ASUS ProArt A16 ლეპტოპში, რომელსაც არ აქვს დისკრეტული გრაფიკული ბარათი. შეგახსენებთ, რომ Ryzen AI 300 პროცესორების ენერგომოხმარება დინამიურია და შეიძლება მერყეობდეს 15-დან 45 ვატამდე. Ryzen AI 9 HX 170 (Ryzen AI 9 HX 370) ჩიპის Geekbench-ის ტესტის შედეგები აჩვენებს, რომ ის არ მუშაობდა მაქსიმალურ 5.1 გჰც სიხშირეზე - მისი სიჩქარე შეადგენდა მხოლოდ 4.25 გჰც-ს. ეს შეიძლება გამოწვეული იყოს დაბალი TDP-ის დონით ან ტესტი მაჩვენებლებს არ ითვლიდა სწორად. OpenCL ტესტში Radeon 890M-ის ინტეგრირებულმა გრაფიკამ დააგრვა 41.995 ქულა. ეს 39%-ით მეტია, ვიდრე წინა თაობის Radeon 780M ინტეგრირებული გრაფიკის მაჩვენებელი, რომელიც დამყარებულია RDNA 3 არქიტექტურაზე. https://tinyurl.com/4hx889xm

Windows-ის ახალი ხელოვნური ინტელექტის ფუნქციები, მათ შორის Auto SR გაფართოების ტექნოლოგია, არ არის ექსკლუზიური კომპიუტერებისთვის, რომლებიც წარმოდგენილია Qualcomm Snapdragon X Elite პროცესორებით. Intel Lunar Lake და AMD Strix Point ჩიპები ასევე აღჭურვილია მძლავრი NPU-ებით, რომლებიც საჭიროა მათი მუშაობისთვის. ამ პროცესორებზე დამყარებული კომპიუტერები გაყიდვაში გამოვა შემოდგომაზე და მათ ექნებათ დასახელება Copilot Plus PC. თუმცა, Qualcomm ჩიპებზე არსებული სისტემებისგან განსხვავებით, არავინ იძლევა გარანტიას, რომ ისინი მიიღებენ ხელოვნური ინტელექტის ფუნქციების მხარდაჭერას გაყიდვების დაწყებისთანავე. ფოტოს წყარო: Microsoft The Verge-ის თანახმად, რომელიც Intel-ის, AMD-ისა და Nvidia-ს წარმომადგენლებს ესაუბრა, ახალ Core Ultra და Ryzen AI პროცესორებზე დაფუძნებული სისტემები მოითხოვენ Windows-ისთვის პროგრამული განახლებების დაყენებას, რაც მათ Microsoft-ის Copilot Plus AI ფუნქციების მხარდაჭერით უზურნველყოფს. თუმცა, უცნობია, გამოვა თუ არა ეს განახლებები მიმდინარე წლის ბოლომდე. „Intel Lunar Lake-სა და AMD Strix Point-ზე დაფუძნებული სისტემები აკმაყოფილებს Windows 11 AI კომპიუტერის და ჩვენს Copilot Plus PC-ის აპარატული უზრუნველყოფის მოთხოვნებს. ჩვენ მჭიდროდ ვმუშაობთ Intel-თან და AMD-თან, რათა მათი სისტემები წარმოდგენილი იყოს Copilot Plus ფუნქციებით უფასო პროგრამული უზრუნველყოფის განახლებების მეშვეობით, როდესაც ისინი ხელმისაწვდომი გახდება,” - განაცხადა Microsoft-ის მარკეტინგის მენეჯერმა ჯეიმს ჰოუელმა The Verge-სთვის განცხადებაში. „Lunar Lake მიიღებს მხარდაჭერას Copilot Plus PC ფუნქციების განახლებების მეშვეობით, როდესაც ისინი ხელმისაწვდომი გახდება“, - განაცხადა Intel-ის საზოგადოებასთან ურთიერთობის მენეჯერმა თომას ჰანაფორდმა საპასუხოდ. ადრე The Verge-თან საუბრისას Nvidia-ს წარმომადგენლებმა მსგავსი რამ განაცხადეს: „ეს Windows 11 AI კომპიუტერები მიიღებენ უფასო განახლებებს Copilot Plus ფუნქციებით, როდესაც ეს განახლებები მზად იქნება“. AMD-ის წარმომადგენელმა Matthew Hurwitz-მა ჟურნალისტებთან საუბარში ვერ დაადასტურა, რომ მათ პროცესორებზე დაფუძნებული ლეპტოპები გაყიდვების დაწყებისას მიიღებენ Copilot Plus PC ფუნქციებს. „ჩვენ ველით, რომ Copilot Plus ფუნქციები ხელმისაწვდომი გახდება [ჩვენი პროცესორებით მომუშავე ლეპტოპებში] 2024 წლის ბოლოსთვის“, - განაცხადა მან. Intel-მა და Microsoft-მა ასევე ვერ დააზუსტეს, გამოჩნდება თუ არა ხელოვნური ინტელექტის ფუნქციები Intel-ზე დამყარებულ ლეპტოპებში მიმდინარე წლის ბოლომდე. https://tinyurl.com/5e7z6uta

Ripple-ის გენერალურმა დირექტორმა ბრედ გარლინგჰაუსმა Fox Business-თან ინტერვიუში განაცხადა, რომ XRP-ზე დამყარებული სპოტ საბირჟო ფონდების გამოშვება „გარდაუვალია“. „ვფიქრობ, მათ 2025 წელს ვიხილავთ. ადამიანებს არ სურთ მხოლოდ ერთ პროდუქტთან შეხება, ”- აღნიშნა მან. გარლინგჰაუსის აზრით Ethereum ETF-ის გაშვება გზას გაუხსნის სხვა კრიპტოვალუტებს საფონდო ბაზარზე შესვლისთვის. როგორც ითქვა, "აზრი აქვს" მეტი პროდუქტის დამატებას ინვესტორებისთვის სავაჭრო ვარიანტების გაფართოებისთვის. 23 მაისს აშშ-ის ფასიანი ქაღალდებისა და ბირჟის კომისიამ (SEC) დაამტკიცა 19b-4 ფორმები ემიტენტების განაცხადებში Spot ETH-ETF-ების შესახებ. ამის შემდეგ მარეგულირებელმა დაიწყო დისკუსიები S-1-ზე. Ripple-ის აღმასრულებელი დირექტორი ირწმუნება, რომ მას შემდეგ, რაც კაპიტალიზაციის სიდიდით მეორე კრიპტოვალუტის ფონდები დამტკიცდება, SEC-ს გაუჭირდება უარი თქვას სხვა აქტივების ინსტრუმენტებზე. ETF-ის სხვა კანდიდატებს შორის ტოპ მენეჯერმა დაასახელა Solana (SOL) და Cardano (ADA). Galaxy Digital-ის აღმასრულებელმა დირექტორმა მაიკ ნოვოგრაცმა ხაზგასმით აღნიშნა, რომ გასული წლის განმავლობაში SOL-მა დააფიქსირა ყველაზე შთამბეჭდავი შედეგები. ამ პერიოდში მისი ღირებულება გაიზარდა 700%-ით - 20-დან 170 აშშ დოლარამდე. ამის გათვალისწინებით ნოვოგრაცს სჯერა, რომ Solana არის შემდეგი, რომ აამოქმედოს სპოტ ETF. თუმცა მისმა კომენტარებმა საზოგადოებაში არაერთგვაროვანი რეაქცია გამოიწვია. Digital Asset Investor-ის თანახმად ნოვოგრაცმა „არსებითად აღიარა, რომ SOL-ის ფასის ზრდა (ე.წ. Pump) გამოწვეული იყო FTX-ის დაშლისა და „ხელისუფლებასთან მრავალჯერადი კავშირის“ გამო, რადგან Galaxy-ს „მოუხდა მისი სტიმულირება“. მან ასევე აღნიშნა კომპანიის აღმასრულებელი დირექტორის უუნარობა - "თქვას სიტყვა XRP". „Solana იყო და დარჩება LUNA-ს ტიპის მორიგი თაღლითობად, რამდენჯერ გაქრა ქსელი მთლიანად? ის ჯერ არ არის „Enterprise“-ისთვის მზაობასთან ახლოს“, - აღნიშნა სხვა მომხმარებელმა. Matrixport-ის თანადამფუძნებელმა დენიელ იანგმა გამოთქვა აზრი, რომ Solana შემდეგი პრეტენდენტი გახდება. ჯეფრი კენდრიკმა, Standard Chartered-ის კვლევის ხელმძღვანელმა, ასევე ივარაუდა ETF-ების გამოჩენა XRP-სა და SOL-ზე 2025 წელს.  SoSoValue-ის თანახმად როდესაც Bitcoin-ის ფასმა 4 ივნისს 70 ათას აშშ დოლარიანი დონე გადალახა, შეერთებულ შტატებში პირველ კრიპტოვალუტაზე დამყარებულმა სპოტმა ETF-ებმა წმინდა 886 მლნ აშშ დოლარი შეაგროვეს. სპოტ Bitcoin-ETF-ების დინამიკა. წყარო: SoSoValue.  ეს დღე იყო სიდიდით მეორე დღიური შემოდინება 12 მარტს დაფიქსირებული რეკორდული 1.05 მლრდ აშშ დოლარის შემდეგ. ციფრულ ოქროზე დამყარებულმა სპოტ პროდუქტებმა დადებითი დინამიკა აჩვენა ზედიზედ მე-16 სესიაზე. ყველაზე დიდი შემოდინება დააფიქსირა Fidelity-ს FBTC-მა (+379 მლნ აშშ დოლარი), რასაც მოჰყვებოდა BlackRock-ის IBIT (+274 მლნ აშშ დოლარი). Grayscale-ის GBTC-მაც კი, რომელიც, როგორც წესი, გადინებებს განიცდის, შეიმატა 26 მლნ აშშ დოლარი. Bloomberg-ის საფონდო ანალიტიკოსმა Eric Balchunas-მა ყურადღება დადებით მაჩვენებლებზე გაამახვილა. ”მეორე საუკეთესო დღე მარტის შუა რიცხვებიდან. 3.3 მლრდ აშშ დოლარი გასული ოთხი კვირის განმავლობაში, წმინდა შემოდინებები წლის დასაწყისიდან დღემდე 15 მლრდ აშშ დოლარს აღწევს (12-თვიანი შეფასების ზედა ზღვარი). „[ინვესტიციების] მესამე ტალღა მზარდ პოზიციაშია“ - წერს იგი. Balchunas-მა ასევე აღნიშნა Ethereum-ზე დამყარებული პირველი ფიუჩერსული ფონდების გაშვება x2 ბერკეტით - ETHU „დამოუკიდებელი დეველოპერებისგან“. მისივე თქმით, პირველ დღეს ინსტრუმენტის ვაჭრობის მოცულობამ 5 მლნ აშშ დოლარს გადააჭარბა. ProShares-ის ანალოგიური პროდუქტი ამ კვირაში გამოჩნდება, აღნიშნა ანალიტიკოსმა. ადრე K33 Research ვარაუდობდა, რომ ვაჭრობის დაწყებიდან პირველი ხუთი თვის განმავლობაში წმინდა შემოდინება Ethereum-ზე დაფუძნებულ სპოტ ETF-ებში მიაღწევდა 3.1 მილიარდიდან 4.8 მილიარდ აშშ დოლარს. შეგახსენებთ, რომ 4 ივნისს Monochrome Asset Management-ის Bitcoin ETF-ის ვაჭრობა დაიწყო CBOE Australia-ზე. https://tinyurl.com/yjx2zu96

ახლახანს წარმოდგენილი Lunar Lake მობილური პროცესორების მთავარ უპირატესობებზე საუბრისას Intel-მა ხაზი გაუსვა ენერგოეფექტურობის 40%-ით გაუმჯობესებას და NPU 4 AI თანაპროცესორს, რომლის გამოთვლითი სიმძლავრე სამჯერ გაიზარდა (Meteor Lake შედარებით). NPU იმსახურებს დიდ ყურადღებას, რადგან მისი 48 TOPS-მდე (ტრილიონი ოპერაცია წამში) გაზრდილი წარმადობის წყალობით Lunar Lake პროცესორები შეიძლება გახდეს ლეპტოპების საფუძველი, რომლებიც დააკმაყოფილებენ Microsoft-ის Copilot+ კომპიუტერის მოთხოვნებს. Copilot+ PC-ის განსაზღვრისას Microsoft-მა დააწესა NPU-ის წარმადობის ქვედა ზღვარი 40 TOPS-ზე. მისი მოთხოვნების შესაბამისად ხელოვნური ინტელექტის ბლოკის უფრო მაღალი გამოთვლითი სიმძლავრის მქონე პროცესორებს შეეძლებათ იმუშაონ Windows ოპერაციული სისტემის ინტეგრირებული AI-ფუნქციებით - უპირველეს ყოვლისა, საკამათო Recall ფუნქციით. Lunar Lake-ის NPU ერთეული დაწესებულ ზღვარზე მაღლა დგას წინა Meteor Lake-ისგან განსხვავებით, რომელსაც აქვს 11.5 TOPS NPU-წარმადობა. წარმადობის საჭირო დონის მისაღებად Intel-მა დაამატა დამატებითი სადენები ახალი პროცესორის NPU-ს - ამჟამად წარმოდგენილია ექვსი მათგანი ორის ნაცვლად და ასევე გაზარდა სიხშირეები. ამავდროულად, სტრუქტურულად, NPU-ები კვლავაც ეფუძნება Movidius Myriad X არქიტექტურას, რომელიც 2018 წელს დაინერგა. თუმცა, მიუხედავად მნიშვნელოვანი ნახტომისა, Intel-მა ვერ უზრუნველყო ბაზარზე უმაღლესი წარმადობის NPU-ის წარდგენა. მიუხედავად იმისა, რომ Lunar Lake აღემატება Qualcomm Snapdragon X Elite-ს, რომელიც უზრუნველყოფს 45 TOPS-ს, ჩამორჩება Ryzen AI 300 პროცესორებს, რომლებიც უზრუნველყოფენ 50 TOPS NPU წარმადობას. მაგრამ Intel შედარებას კიდევ ერთ განზომილებას ამატებს და მიუთითებს Xe2 გრაფიკული ბირთვით AI-ამოცანებისთვის XMX ძრავების გამოყენების შესაძლებლობაზე. NPU-სგან დამოუკიდებლად მათ შეუძლიათ უზრუნველყონ 67 TOPS-მდე წარმადობა. მთლიანობაში Intel საუბრობს ხელოვნური ინტელექტის მთლიან წარმადობაზე 120 TOPS დონეზე, სადაც ასევე გათვალისწინებულია პროცესორის ბირთვების სიმძლავრე. Lunar Lake-ის ნეიროქსელის შესაძლებლობების პრაქტიკულად საილუსტრაციოდ Intel-მა გაზომა 20 ოპერაციის გამეორების შესრულების დრო Stable Diffusion-ში - ახალმა პროცესორმა დაასრულა დავალება ოთხჯერ უფრო სწრაფად Meteor Lake-თან შედარებით და ამავე დროს დახარჯა მხოლოდ მეოთხედით მეტი ენერგია. კომპანიამ დაამატა, რომ მიუხედავად იმისა, რომ მისი კონკურენტები ახლა ემზადებიან კომპიუტერების ბაზარზე გასასვლელად ხელოვნური ინტელექტის მხარდაჭერით, იგი უკვე აწვდის ასეთ გადაწყვეტილებებს მასშტაბურად მას შემდეგ, რაც NPU-ების მქონე Meteor Lake პროცესორები გამოვიდა გასული წლის ბოლოს. მათი Lunar Lake სერიის მემკვიდრეების მიწოდებას მესამე კვარტალში დაიწყებენ და Intel ელოდება მათ გამოყენებას 20 მწარმოებლის 80-ზე მეტ სხვადასხვა მობილურ კომპიუტერში. შედეგად, წელს Intel გეგმავს გამოუშვას Core Ultra სერიის 40 მილიონზე მეტი პროცესორი, რომელშიც ასევე შევა Lunar Lake სერიის წარმომადგენლები. https://tinyurl.com/559y5ryt

MSI იზიდავს Computex 2024-ის ვიზიტორებს თავის სტენდზე უჩვეულო AI Generated Edition GeForce RTX 40 სერიის ვიდეო ბარათებით, რომლებიც უჩვეულო დიზაინით გამოირჩევიან. თითოეული დემონსტრირებული ამაჩქარებელი წარმოდგენილია დრაკონის სკულპტურის მქონე მოდიფიცირებული გაგრილების სისტემის გარსაცმით. MSI აცხადებს, რომ თითოეული ბარათის დიზაინი დაგენერირებულია ნეიროქსელის მიერ და შემდეგ იბეჭდება 3D პრინტერზე. დრაკონის ფიგურები მართლაც სანახაობრივი აღმოჩნდა. ეს არ არის უბრალოდ დრაკონი "Lucky" (MSI-ის ოფიციალური თილისმა), არამედ თითქმის სრულფასოვანი ხელოვნების ნიმუშები. სამწუხაროდ, MSI არ აზიარებს დეტალებს ამ ვიდეო ბარათების შექმნის შესახებ. ცნობილია, რომ მათ საფუძვლად GeForce RTX 4060 და RTX 4090 მოდელებია აღებული. გაგრილების სისტემებში შემავალი ქულერები დიდწილად დაფარულია დრაკონის სკულპტურებით, რაც მნიშვნელოვნად ზღუდავს ჰაერის ნაკადს. ამიტომ ეს ვიდეო ბარათები ნაკლებად სავარაუდოა, რომ ოდესმე გაყიდვაში გამოვიდეს. თუმცა, ისინი შეიძლება შთაგონების წყარო გახდეს მომავალი გრაფიკული ამაჩქარებლის მოდელების დიზაინერებისთვის ან მოდიფიკაციის მოყვარულთათვის. ფოტოს წყარო: Wccftech ადრე კომპანიამ წარადგინა GeForce RTX 4090 Suprim Fuzion და RTX 4080 Super Expert Fuzion ვიდეო ბარათები ინტეგრირებული თხევადი გაგრილების სისტემებით, რომლებიც, დრაკონის სკულპტურებიანი ბარათებისგან განსხვავებით, შესაძლოა გაყიდვაში გამოჩნდეს. https://tinyurl.com/3zzc8ejv

პირველმა კრიპტოვალუტამ ზრდა განაახლა. ციფრული ოქროს კოტირებები 71000 აშშ დოლარს უახლოვდება. აღმავალ მოძრაობას თან ახლდა ვაჭრობის მოცულობის ზრდა. BTC/USDT-ის საათობრივი გრაფიკი ბირჟა Binance-ზე. წყარო: TradingView Bitcoin-ის ფასის 70.990 აშშ დოლარამდე მატებამ დადებითი გავლენა მოახდინა უფრო ფართო ბაზარზე - საბაზრო კაპიტალიზაციის რეიტინგების „ლურჯი ჩიპები“ შევიდა „მწვანე ზონაში“. ტოპ-10 კრიპტოაქტივი ბაზრის კაპიტალიზაციით. წყარო: CoinGecko Rekt Capital-ის ანალიტიკოსი ვარაუდობს, რომ „პარაბოლური ზრდის ფაზაში შესასვლელად“ ციფრულმა ოქრომ უნდა გადალახოს წინააღმდეგობის ზონა 72.000 და 73.000 აშშ დოლარიან დონეებზე. წერის დროს მთლიანი საბაზრო კაპიტალიზაცია 2.76 ტრილნ აშშ დოლარია. Bitcoin-ის დომინირების ინდექსი 50.6%- შეადგენს. ადრე CryptoQuant-ის ექსპერტებმა აღნიშნეს, რომ მფლობელებს არ სურდათ „ნაღდ ფულზე გადასვლა“ 70.000 აშშ დოლარიანი ნიშნულის გატესტვის შემდეგ. https://tinyurl.com/3v7hxf66

კომპანია MSI-მ Computex 2024-ზე წარადგინა განახლებული პორტატული გეიმინგ კონსოლი Claw. ახალი მოდელის სახელწოდებაა Claw 8 AI Plus და აგებულია Intel Lunar Lake პროცესორზე. მწარმოებელმა ახალ პროდუქტში დაამატა უფრო დიდი მოცულობის ბატარეაც. Claw 8 AI Plus. ფოტოს წყარო: HotHardware MSI ჯერ არ აცხადებს, Intel Lunar Lake პროცესორის რომელი მოდელი იქნება გამოყენებული Claw 8 AI Plus-ში. ეს ინფორმაცია სავარაუდოდ გამოცხადდება ამ ჩიპების გამოშვებისას მიმდინარე წლის ბოლოს. Claw 8 AI Plus-ს აქვს უფრო დიდი, 8-დუიმიანი დისპლეი 120 ჰერცი კადრის განახლების სიხშირით და VRR. ორიგინალ მოდელს, შეგახსენებთ, აქვს 16-ბირთვიანი და 22-ნაკადიანი Core Ultra 7 155H 4.8 გჰც-მდე სიხშირით, ასევე 7-დუიმიანი დისპლეი 120 ჰერცი კადრის განახლების სიხშირით და VRR-ის მხარდაჭერით. ახალი MSI Claw 8 AI Plus-ის ბატარეის მოცულობა 53-დან 80 ვტ/სთ-მდე გაიზარდა. ასეთივე მოცულობის ბატარეა გამოიყენება განახლებულ Asus ROG Ally X-ის კომპლექტაციაში. The Claw 8 AI Plus-ზე წარმოდგენილია ორი USB4 პორტი Thunderbolt 4-ის (USB-C) მხარდაჭერით. MSI ასევე აღნიშნავს, რომ მან გააუმჯობესა LB/RB ღილაკების რეაგირება Claw 8 AI Plus-ზე. MSI-მ ასევე წარმოადგინა ორიგინალური MSI Claw Meteor Lake-ის ბაზაზე ახალი Claw x Fallout დიზაინით. https://tinyurl.com/3purh7ec

კომპანია Intel-მა წარმოადგინა ახალი თაობის მობილური პროცესორი, კოდური სახელწოდებით Lunar Lake. იგი Meteor Lake-ის მემკვიდრეა და ლეპტოპებში მიმდინარე წელს უნდა გამოჩნდეს. Lunar Lake-მა დაიკავა შუალედური ადგილი Meteor Lake-სა და Arrow Lake-ს შორის Intel-ის დედა დაფებში და, როგორც ჩანს, მასში არ იქნება წარმოდგენილი დესკტოპ ვერსია. ამავდროულად, Arrow Lake-ის გამოშვება, რომელიც, გეგმის თანახმად ხელმისაწვდომი იქნება დესკტოპ კომპიუტერებისთვისაც, ასევე დაგეგმილია მიმდინარე წლის ბოლოსთვის. თუმცა, Intel-მა ჯერჯერობით უარი თქვა Arrow Lake-ის შესახებ რაიმე დეტალის გაზიარებაზე და მთლიანად Lunar Lake-ზე გაამახვილა ყურადღება. როგორც ჩანს, Lunar Lake-ის წარდგენა დაკავშირებულია Intel-ის სურვილთან - სწრაფად გამოუშვას პროდუქტი, რომელიც შესაფერისია Copilot+ PC კლასის ლეპტოპებისთვის და შეუძლია მინიმუმ შეზღუდული კონკურენციის გაწევა AMD Ryzen AI 300-სა და Qualcomm Snapdragon X Elite-სთვის. Intel უწოდებს Lunar Lake-ს თავის მომავალ ფლაგმანურ პროცესორს მობილური კომპიუტერებისთვის, მაგრამ ეს მთლად ასე არ არის. მის დიზაინში გამოყენებულია ახალი P- და E-ბირთვები, ახალი NPU და ახალი GPU მნიშვნელოვნად გაზრდილი წარმადობის მაჩვენებლით, თუმცა მაქსიმალურ კონფიგურაციებს ექნება 4P+4E ბირთვების ფორმულა, რომელიც კარგად არ ჯდება ფლაგმანის სტატუსში. თუმცა Intel აქცენტს აკეთებს სრულიად განსხვავებულ საკითხებზე: მნიშვნელოვნად გაუმჯობესდა ენერგოეფექტურობა, რაც აისახება ენერგომოხმარების 40%-ით შემცირებაზე Meteor Lake-თან შედარებით და NPU-ის წარმადობის ოთხჯერ გაზრდა 48 TOPS-მდე. რაც შეეხება კლასიკურ წარმადობას, ახალი P-cores Lion Cove არქიტექტურით გვპირდება IPC-ის 14%-ით ზრდას, ხოლო ახალი E-ბირთვები Skymont არქიტექტურით - ზრდას 38%-ით. საინტერესოა, რომ შედეგად Skymont-ის E-ბირთვები იდენტურ სიხშირეზე ოდნავ აღემატება Raptor Cove-ის (Raptor Lake დესკტოპის პროცესორებიდან) P-ბირთვებს. ასევე Lunar Lake-ში გამოყენებული იქნება Xe2 არქიტექტურაზე დამყარებული ახალი გრაფიკული ბირთვი Battlemage. შედეგად გრაფიკის წარმადობამ უნდა მიაღწიოს ერთნახევარჯერ ზრდას და გარდა ამისა, ახალი XMM ძრავები შეიძლება გამოყენებულ იქნას ნეიროქსელის ამოცანების შესასრულებლად NPU-სთან ერთად. მათ შეეძლებათ უზრუნველყონ ხელოვნური ინტელექტის წარმადობა 67 TOPS-მდე. როგორც პრეზენტაციაზე განაცხადეს, Lunar Lake-ზე დაფუძნებული ლეპტოპები საშობაო არდადეგებამდე გამოვა ბაზარზე. მწარმოებლები ფართოდ დაუჭერენ ახალ პროდუქტს - მობილური კომპიუტერების სხვადასხვა მოდელების რაოდენობა პირველ ტალღაში რვა ათეულს შეადგენს. https://tinyurl.com/589hedar

23 მაისიდან 2 ივნისის ჩათვლით Ethereum-ის მთლიანი საბირჟო ბალანსი შემცირდა 797.000 ETH-ით (3 მლრდ აშშ დოლარი). ასეთი მონაცემები მოჰყავს Cryptoquant-ს. სხვა სიტყვებით რომ ვთქვათ, გასაყიდად ხელმისაწვდომი მონეტების რაოდენობა მცირდება, რადგან ინვესტორებს გადააქვთ აქტივები არაკასტოდიალურ საფულეებში. 23 მაისს აშშ-ის ფასიანი ქაღალდებისა და ბირჟის კომისიამ დაიწყო განხილვა Ethereum ETF-ებთან დაკავშირებით ფორმა S-1 რეგისტრაციის განცხადებების შესახებ. მსგავსი ტენდენცია CEX-ზე არსებული მონეტების დინამიკასთან დაკავშირებით შეიმჩნევა Bitcoin-ებთან მიმართებაში. „კაპიტალიზაციის სიდიდით პირველი და მეორე კრიპტოვალუტის საბირჟო ნაშთები მიხედვით მრავალწლიან დაბალ დონეზეა. ციფრული ოქროს წილი [მთლიანი მიწოდებიდან] 11.6%-მდე შემცირდა, ხოლო Ethereum-ს - 10.6%-მდე! კრიპტო-ვეშაპები აგრძელებენ დაგროვებას. მიწოდება იკლებს. მოემზადეთ შემდეგი დიდი ნაბიჯისთვის“, - წერს BtcEcho-ს ანალიტიკოსი ლეონ ვაიდმანი. საბირჟო ვაჭრობის ფონდების შესაძლო დამტკიცების ფონზე QCP Capital-მა დაუშვა, რომ სიდიდით მეორე კრიპტოვალუტის კვოტირება 60%-ით გაიზრდება დაახლოებით 6000 აშშ დოლარამდე. ექსპერტებმა თავიანთი პროგნოზი ბაზრის დინამიკაზე დააფუძნეს BTC-ETF-ის გაშვების შემდეგ. ადრე, ჯერ კიდევ სპოტ ბირჟაზე ვაჭრობის ფონდების გაშვებამდე, DeFiance Capital-ის დამფუძნებელმა და აღმასრულებელმა დირექტორმა არტურ ჩეონგმა დაასახელა 4500 აშშ დოლარი Ethereum-ის ორიენტირად. DeFi Report-ის წარმომადგენელ მაიკლ ნადოს თქმით Ethereum-მა შესაძლოა შესყიდვებიდან მეტი სარგებელი ნახოს, ვიდრე Bitcoin-მა - მაინერების სახით „სტრუქტურული გაყიდვების ზეწოლის“ არარსებობის გამო. „ETH არის ტექნოლოგიური თამაში Web3-ის ზრდაზე იმ დროს, როდესაც პირველი კრიპტოვალუტა ციფრული ოქროა“, - განმარტა სპეციალისტმა. Bloomberg-ის ანალიტიკოსებმა ნაკლები ოპტიმიზმი გამოხატეს. ჯეიმს სეიფფარტმა ივარაუდა, რომ ETH-ETF-ებზე მოთხოვნა spot Bitcoin-ზე დამყარებული ბირჟაზე ვაჭრობის ფონდების 20-25% იქნება, ხოლო მისი კოლეგა Eric Balchunas-ის ვარაუდით - 15-20%-მდე. მათ JPMorgan-ის ექსპერტებიც ეთანხმებიან. ერთ-ერთი მიზეზი, რაც მათ დაასახელეს, იყო Grayscale-ის ETHE-დან თანხების გადინება, როგორც ეს მოხდა GBTC-ის შემთხვევაში Bitcoin ETF-ის გაშვების შემდეგ. CoinDesk-ის წარმომადგენელმა ომკარ გოდბოულმა აღნიშნა ოპტიმიზმის ზრდა Ethereum ოფციონებით მოვაჭრეებს შორის. https://tinyurl.com/bwnfb66m

Intel-ისა და მისი პარტნიორების მიერ პეკინში თებერვალში „მწვანე კომპიუტერის“ კონცეფციის პრეზენტაციის შემდეგ, რომელიც 90%-ით გადამუშავებადი იქნება, მსხვილმა მწარმოებლებმა ერთობლივად გამოუშვეს სტანდარტების ნაკრები „მწვანე კომპიუტერების“ კლასიფიკაციისთვის. სტანდარტი მოიცავს შეფასების ხუთ მთავარ კრიტერიუმს, რომელთაგან თითოეულზე გავლენას ახდენს პირველი დონის 15 და მეორე დონის 27 ინდიკატორი. კლასიფიკაციის ეს სისტემა პირველად ჩინეთში ამოქმედდება და შესაძლოა მოგვიანებით აშშ-შიც დაინერგოს. Green PC-ს აღნიშვნის ხუთი ძირითადი კრიტერიუმი მოიცავს დიზაინის განმარტებას (Design Definition), წარმოების მიწოდებას (Production Delivery), გამოყენებას და მოვლას (Use & Maintenance), განმეორებით გადამუშავებადობას (Recyclability) და გარკვეულ ბონუს-კრიტერიუმს. მოწყობილობები, რომელთა ჯამური ქულა 60 ქულაზე ნაკლებია, ვერ იქნება კლასიფიცირებული, როგორც მწვანე კომპიუტერი, 61-74 ქულა შეესაბამება Green PC Bronze-ს, 75-89 ქულა - Green PC Silver-ს, ხოლო 90+ ქულა - Green PC Gold. კლასიფიკაციის სისტემის დანერგვასთან ერთად Intel-მა დააანონსა რამდენიმე სამომავლო „მწვანე“ კომპიუტერი, რომლებიც წარმოებული იქნება Asus-ის, Dell-ის, HP-ის, Lenovo-ს, H3C-ის, Panlong-ის და Tongfang-ის მიერ: Tongfang Chaoyue A7000 - უნივერსალური კომპიუტერი, რომელიც დამყარებულია Intel Core Ultra მობილურ პროცესორებზე; Panlong Tenglong - კომპაქტური დესკტოპ კომპიუტერი მომავალი მე-15 თაობის Core i5 პროცესორებით; H3C Desk X500s G2 - კომპაქტური კომპიუტერი მე-14 თაობის Intel Core i9 პროცესორით; Asus D700MER - სტანდარტული დესკტოპ კომპიუტერი Intel Core i5-14400 პროცესორით; Dell OptiPlex 7020-სტანდარტული დესკტოპი Intel Core i5-14500 პროცესორით; HP Pro SFF 280 G9 - კომპაქტური კომპიუტერი Intel Core i5-12400 პროცესორით; Lenovo ThinkCentre M70a Gen5 არის AIO კომპიუტერი Intel Core i7-13700 პროცესორით. საერთო ჯამში, ახალი რეიტინგული სისტემა პერსპექტიულად გამოიყურება, თუმცა ჯერ კიდევ გასარკვევია, რამდენად წარმატებული იქნება „მწვანე კომპიუტერების“ ეს ხაზი. ასევე უცნობია, როდის გახდება ასეთი რეიტინგული სისტემა სტანდარტი აშშ-სა და ევროკავშირში. https://tinyurl.com/5xyes8ck

Nvidia-ს არ დაუანონსებია ახალი ვიდეო ბარათები Computex 2024-ზე პრეზენტაციის ფარგლებში, მაგრამ ისაუბრა ახალ ფუნქციებზე პროგრამულ მართვის ცენტრ Nvidia App-ში, რომელიც აერთიანებს აპლიკაცია GeForce Experience-ს და Nvidia-ს პარამეტრების პანელს. კერძოდ, მას დაემატა GeForce ვიდეო ბარათების საფირმო აჩქარების ინსტრუმენტი, ასევე AV1 შეკუმშვის გამოყენებით ნაკადის ვიდეოს ჩაწერის მხარდაჭერა. ფოტოს წყარო: Nvidia მომხმარებლებს ახლა შეუძლიათ ჩაწერონ თავიანთი თამაში SDR და HDR ფორმატებში 120 კადრი წამში სიჩქარით. ახლა Nvidia App-ზე მხარდაჭერლია AV1 კოდეკი, რომელსაც იყენებს მრავალი სხვადასხვა სტრიმინგ-პლატფორმა და მოითხოვს მძლავრ GPU-ებს მაღალი ხარისხით და კადრების მაღალი სიჩქარით ვიდეოს კოდირებისთვის. AV1-ის გასაშვებად, Nvidia App-ის ნაწილის სახით, საჭიროა GeForce RTX 4000 სერიის გრაფიკული ბარათი. Nvidia-მ წარადგინა AV1 კოდეკის შესაძლებლობები თამაშ Horizon Forbidden West-ის მაგალითის გამოყენებით და იგი შეადარა H.264 კოდეკს იდენტური პარამეტრების დონეზე (4K, 120 FPS და 10 მბ/წმ). Nvidia-ს თანახმად AV1-ის გამოყენება ნაკადის კოდირებისთვის ამცირებს ფერების ზოლებს და მნიშვნელოვნად ზრდის გამოსახულების დეტალიზაციას. ფუნქციის გასააქტიურებლად საჭიროა გადახვიდეთ Nvidia App-ის პარამეტრებში და დააყენოთ კადრების სიჩქარე 120 FPS-ზე. Nvidia App-ის ყველაზე საინტერესო ახალი ფუნქციაა ავტომატური აჩქარების პარამეტრები მობილური და დესკტოპ GeForce ვიდეო ბარათებისთვის. აპლიკაცია თავად ასკანირებს გამოყენებულ აღჭურვილობას და დამოუკიდებლად ირჩევს მისთვის ყველაზე ოპტიმალურ პარამეტრებს. გაფართოებული პარამეტრები საშუალებას გაძლევთ ხელით შეცვალოთ ვიდეო ბარათის გაგრილების სისტემების ძაბვა, სიმძლავრე, ტემპერატურა და ქულერების სიჩქარე საჭიროებების მიხედვით. როდესაც ფუნქცია ჩართულია, იგი დროდადრო ავტომატურად დაასკანირებს გრაფიკულ ბარათს GPU-ს ოპტიმალური წარმადობის დასადგენად. სრულ სკანირებას შეიძლება 10-დან 20 წუთამდე დასჭირდეს არჩეული პარამეტრების მიხედვით. ამ დროის განმავლობაში კომპანია გვირჩევს არ გამოიყენოთ კომპიუტერი, რადგან ამან შეიძლება გავლენა მოახდინოს სკანირების საბოლოო შედეგზე. კარგი სიახლე ის არის, რომ ამ ტიპის აჩქარება არ გააუქმებს მფლობელის გარანტიას. Nvidia გარანტიას იძლევა, რომ ამ ფუნქციის გამოყენება არ დააზიანებს გრაფიკულ ბარათს. ნებისმიერი პრობლემის შემთხვევაში შესაძლებელია დაუკავშირდეთ მის ტექნიკურ მხარდაჭერას. https://tinyurl.com/5e2psjm8

ახალმა ანგარიშმა დააფიქსირა კრიპტოვალუტების პოპულარობის უპრეცედენტო ზრდა. ამჟამად პლანეტის ყოველი მეცამეტე მკვიდრი ფლობს მათ და ექსპერტები საუბრობენ კრიპტოვალუტის ბუმზე გლობალური მასშტაბით. ფოტოს წყარო: Kandinsky Bitcoin.com-ის თანახმად Fintech-კომპანია Triple A-ს მიერ გამოქვეყნებული ახალი ანგარიში აჩვენებს კრიპტოვალუტის მფლობელების რაოდენობის სწრაფ ზრდას მთელს მსოფლიოში. კვლევის თანახმად 2024 წელს 562 მილიონი ადამიანი უკვე ფლობს კრიპტოვალუტას, რაც თითქმის 142 მილიონით მეტია 2023 წელთან შედარებით. ეს ნიშნავს, რომ ამ დროისთვის პლანეტის ყოველი მეცამეტე მცხოვრები ფლობს კრიპტოვალუტას. პროცენტული თვალსაზრისით მთელი გლობალური მოსახლეობის წილი, რომელიც იყენებს ციფრულ ფულს, 5.4%-დან 6.8%-მდე გაიზარდა მხოლოდ ერთ წელიწადში. კრიპტოვალუტების პოპულარობის ზრდა განსაკუთრებით შესამჩნევია აზიაში - რეგიონში, რომელიც ადრე ლიდერობდა კრიპტო-ინვესტორების რაოდენობით. ამრიგად, 2023 წელს აზიაში 268 მილიონი კრიპტო მფლობელი იყო, ხოლო 2024 წელს მათი რიცხვი 327 მილიონამდე გაიზარდა. ზრდამ თითქმის 22% შეადგინა და როგორც აღინიშნა, ასეთი ზრდის ტემპები არც ერთ რეგიონში არ არის. ჩრდილოეთ ამერიკა მეორე ადგილზეა კრიპტო-ინვესტორების რაოდენობით - მათი რიცხვი აქ 52-დან 72 მილიონამდე გაიზარდა. პროცენტული თვალსაზრისით ეს არის 38.6%-იანი ზრდა წელიწადში. შთამბეჭდავია სამხრეთ ამერიკაში არსებული ზრდის ტემპი - +116.5%: კრიპტოვალუტების მფლობელთა რაოდენობა თითქმის გაორმაგდა და 55 მილიონ ადამიანს მიაღწია. ფოტოს წყარო: Triple A ზოგადად, ექსპერტები აღნიშნავენ, რომ ციფრული ფინანსური აქტივების მიმართ ინტერესი იზრდება მთელ მსოფლიოში, რაც იმაზე მეტყველებს, რომ კრიპტოვალუტები მტკიცედ ინერგება ყოველდღიურ ცხოვრებაში და ასრულებენ სულ უფრო მნიშვნელოვან როლს გლობალურ ფინანსურ სისტემაში. ანალიტიკოსების აზრით უახლოეს წლებში კრიპტოვალუტებს პლანეტის ყველა რეგიონში ასობით მილიონი ადამიანი გამოიყენებს. https://tinyurl.com/2jjfu5s5

Samsung-მა გამოაცხადა სტრატეგიული პარტნიორობის გაფართოების შესახებ ამერიკულ კომპანია Advanced Micro Devices-თან (AMD) მოწინავე 3-ნანომეტრიანი ჩიპების წარმოების ტექნოლოგიის განვითარებაში. AMD-სთან უფრო მჭიდრო კავშირების გამოყენებით Samsung მიზნად ისახავს გაუსწროს თავის მთავარ კონკურენტს, საკონტრაქტო ნახევარგამტარების მწარმოებელ TSMC-ს. ფოტოს წყარო: Samsung ეს პარტნიორობა კომპანიებს საშუალებას მისცემს გააერთიანონ ძალები, რათა განავითარონ ინოვაციური გადაწყვეტილებები შემდეგი თაობის ჩიპების წარმოებისთვის, რომლებიც გამოყენებული იქნება მაღალი წარმადობის გამოთვლით სისტემებში, მონაცემთა ცენტრებში, სმარტფონებსა და სხვა ელექტრონულ მოწყობილობებში. კორეულ საინფორმაციო გამოშვება KED Globall-ის თანახმად შეთანხმების ფარგლებში Samsung-ს, მეხსიერების ჩიპების მსოფლიოში უმსხვილეს მწარმოებელს, წვდომა ექნება AMD-ის მოწინავე ჩიპების არქიტექტურის განვითარებაზე, ხოლო AMD, რომელიც თავის მხრივ ავითარებს მიკროპროცესორებსა და გრაფიკულ პროცესორებს, შეძლებს ისარგებლოს Samsung-ის წარმოების შესაძლებლობებიდან უახლესი 3-ნანომეტრიანი Gate-All-Around (GAA) ტრანზისტორების ტექნოლოგიით. ეს ტექნოლოგია შესაძლებელს ხდის შეიქმნას ჩიპები ტრანზისტორების რეკორდული სიმჭიდროვით და გაუმჯობესებული წარმადობით. წინა თაობის 5-ნანომეტრიან ჩიპებთან შედარებით 3-ნმ GAA ჩიპები უზრუნველყოფს წარმადობის 30%-იან ზრდას, ენერგომოხმარების 50%-ით შემცირებას და ჩიპის ფართობის 45%-ით შემცირებას. ამჟამად Samsung არის ერთადერთი მწარმოებელი მსოფლიოში, რომელმაც უკვე გაუშვა 3-ნანომეტრიანი GAA ტექნოპროცესი კომერციულ წარმოებაში და წინ უსწრებს მთავარ კონკურენტს, ტაივანურ კომპანია TSMC-ს. AMD-სთან თანამშრომლობის გაფართოება საშუალებას მისცემს Samsung-ს გაზარდოს თავისი წილი საკონტრაქტო ჩიპების წარმოების ბაზარზე და სხვაობა შეამციროს TSMC-თან. ცნობილია, რომ Samsung ამჟამად აკონტროლებს ამ ბაზრის დაახლოებით 17%-ს, ხოლო TSMC - 50%-ზე მეტს. Samsung გეგმავს 2025 წელს GAA ტექნოლოგიაზე დამყარებული 2-ნანომეტრიანი ჩიპების მასობრივი წარმოების დაწყებას, რაც მას საშუალებას მისცემს გააძლიეროს თავისი ლიდერობა ნახევრადგამტარი კომპონენტების ტექნოლოგიების სფეროში. https://tinyurl.com/36ms49pj

SpaceX გეგმავს Starlink-ის სატელიტური ფიჭური სერვისის გაშვებას მიმდინარე წლის შემოდგომაზე. რესურს PCMag-ის ცნობით კომპანიამ ნებართვის თხოვნით მიმართა აშშ-ის კომუნიკაციების ფედერალურ კომისიას (FCC) ამ ვადაში სერვისის გაშვებისთვის. გარდა ამისა, დოკუმენტში SpaceX სთხოვს FCC-ს, მოხსნას შეზღუდვები რადიოგამოსხივების შეზღუდვაზე, რათა გაუმჯობესდეს სერვისის დაფარვა. ფოტოს წყარო: Starlink.com SpaceX-მა გამოშვების სასურველი თარიღი გამოავლინა დოკუმენტში, რომელიც ეხება აშშ-ის თანამგზავრული კომუნიკაციების უზრუნველყოფის ახალ წესებს, რომელიც ცნობილია, როგორც Supplemental Coverage from Space (SCS) და იგი ძალაში შევიდა 30 მაისს. „SpaceX მხარს უჭერს დაკავშირებულ კომისიის თითქმის ყველა ბოლო, SCS-თან დაკავშირებულ გადაწყვეტილებას და ელის, რომ შემოდგომაზე აამოქმედებს კომერციულ პირდაპირ ფიჭურ (direct-to-cellular) სერვისს შეერთებულ შტატებში“, - ნათქვამია კომპანიის განცხადებაში. შეტყობინებაში ასევე ასახულია SpaceX-ის გრძელვადიანი მიზნები Starlink Direct to Cell სისტემისთვის, რომელიც უზრუნველყოფს ინტერნეტის მონაცემების ჩვეულებრივ სმარტფონებზე გადაცემის შესაძლებლობას, რაც საშუალებას მისცემს ადამიანებს, დაუკავშირდნენ ფიჭური კომუნიკაციებისთვის მიუწვდომელ პლანეტის შორეულ ნაწილებს. SpaceX-მა განაცხადა, რომ ამჟამად გეგმავს ტექსტური შეტყობინების, ხმოვანი კომუნიკაციისა და ვებ-გვერდების ნახვის შესაძლებლობების უზრუნველყოფას დამატებითი დაფარვის ქსელის მეშვეობით. „მიუხედავად იმისა, რომ ეს გაუმჯობესებული სერვისი არ ჩაანაცვლებს სახმელეთო მობილურ ქსელებს, იგი უზრუნველყოფს კომუნიკაციის გაფართოებულ წყაროს იქ, სადაც ეს ქსელები არ არსებობს“, - თქვა SpaceX-მა. SpaceX-მა კომისიას აგრეთვე მიმართა თხოვნით, რომ შემსუბუქდეს ჯამური ლიმიტი რადიოსიხშირეებზე თანამგზავრული ფიჭური კავშირისთვის და სიმძლავრის ჯამური ნაკადის უნივერსალური შეზღუდვის ნაცვლად შემოღებულ იქნას უფრო დეტალური „შეზღუდვა კონკრეტული დიაპაზონისთვის“, რაც კომპანიას ხელს შეუწყობს დაფარვისა და Starlink-ის სამომავლო ფიჭური კავშირის საიმედოობის გაუმჯობესებაში. https://tinyurl.com/29r6jpc9

კომპანიებმა, Franklin Templeton-მა, VanEck-მა და Invesco Galaxy-მ შეიტანეს განახლებული S-1 ფორმები SEC-ში, რათა დარეგისტრირდეს სპოტ Ethereum ETF-ები მარეგულირებელი მოთხოვნის შემდეგ. Bloomberg-ის საფონდო ანალიტიკოსმა Eric Balchunas-მა აღნიშნა Franklin Templeton-ი მართვის დაბალი საფასური. ემიტენტი აპირებს დააწესოს საკომისიოს სახით 0.19% მისი სპოტ Bitcoin ETF-ის მსგავსად. 30 მაისს Grayscale-მა შეიტანა განახლებული ფორმა S-3. ერთი დღით ადრე BlackRock-მა ცვლილებეი შეიტანა თავის S-1 დოკუმენტში. 31 მაისს 21Shares-ის ფორმა S-1-მა გამოავლინა, რომ ARK Invest აღარ არის მომავალი Ethereum ETF-ის თანაემიტენტი. ინსტრუმენტის სახელი შეიცვალა 21Shares Core Ethereum ETF-ად. 21Shares-მა დაადასტურა ცვლილებები The Block-ში. ამავდროულად, კომპანიები გააგრძელებენ მუშაობას ერთობლივ Bitcoin ETF-ზე, რომელიც იანვარში ამოქმედდა. „ARK-ს სჯერა Ethereum-ის ბლოკჩეინის ტრანსფორმაციული პოტენციალის და გრძელვადიანი ღირებულების, მაგრამ ამ დროისთვის არ იმუშავებს Ethereum ETF-ებთან. ჩვენ გავაგრძელებთ ეფექტური გზების შეფასებას, რათა ჩვენს ინვესტორებს მივაწოდოთ ამ ინოვაციური ტექნოლოგიის ზემოქმედება ისე, რომ გამოავლინოს სრული სარგებელი“, - განაცხადეს ARK-ში. JPMorgan-ის ანალიტიკოსებმა ივარაუდეს მნიშვნელოვნად დაბალი მოთხოვნის არსებობა ETH-ETF-ზე პირველ კრიპტოვალუტაზე დამყარებულ ბირჟაზე ვაჭრობის ფონდებთან შედარებით, წერს The Block. „ბაზრის თავდაპირველი რეაქცია Spot Ethereum ETF-ების გაშვებაზე, სავარაუდოდ, ნეგატიური იქნება“, - განაცხადა გუნდმა Nikolaos Panigirtzoglou-ს ხელმძღვანელობით მოხსენებაში. ანალიტიკოსებმა მიზეზად დაასახელეს Grayscale-ის ETHE ფონდიდან თანხების გადინება, როგორც ეს მოხდა GBTC-სთან Bitcoin ETF-ის გაშვების შემდეგ. JPMorgan-ის ექსპერტებმა გამოავლინეს შემდეგი ძირითადი ფაქტორები ETH-ETF-ებზე დაბალი მოთხოვნისთვის: Bitcoin ETF-ებმა მიიღეს მოწინავის პრივილეგიები და შთანთქეს კრიპტო აქტივებზე მოთხოვნის უმეტესი ნაწილი; აპრილში პირველი კრიპტოვალუტის ქსელში მეოთხე განახევრება მოხდა - Proof-of-Stake კონსენსუსის მექანიზმს, რომელზედაც Ethereum მუშაობს, მსგავსი მოვლენა არ აქვს; ETH-ETF-ის ემიტენტებმა ამოიღეს აპლიკაციებიდან სტეიკინგის ფუნქცია, რაც მათ ნაკლებად მიმზიდველს ხდის. მათი აზრით 2024 წლის ბოლოსთვის წმინდა შემოდინება ETH-ETF-ში იქნება 1 მლრდ აშშ დოლარიდან 3 მლრდ აშშ დოლარამდე, თუმცა, ეს მაჩვენებელი შეიძლება სამჯერ გაიზარდოს, თუ ემიტენტები სტეიკინგს დააბრუნებენ. შეგახსენებთ, 23 მაისს, SEC-მა დაამტკიცა 19b-4 განაცხადი Ethereum-ზე დამყარებული სპოტ ბირჟაზე ვაჭრობის ფონდების ემიტენტებისგან. ვაჭრობა დაიწყება მას შემდეგ, რაც სააგენტო ხელს მოაწერს სარეგისტრაციო განცხადებებს ფორმა S-1-ზე. Standard Chartered-ის კვლევის ხელმძღვანელმა ჯეფრი კენდრიკმა ივარაუდა ახალი ეტაპის დაწყება საბირჟო ვაჭრობის ფონდებისთვის 2025 წელს. მისი აზრით, SOL და XRP შემდეგია. Bernstein-ის ანალიტიკოსებმა ივარაუდეს კრიპტო ETF ბაზრის ზრდა 450 მლრდ აშშ დოლარამდე მომდევნო ორი წლის განმავლობაში. https://tinyurl.com/mrx7c6jj

ASRock-მა წარადგინა Radeon RX 7900 XTX WS და RX 7900 XT WS ვიდეო ბარათები, რომლებსაც აქვთ მთელი რიგი განსაკუთრებული მახასიათებლები. პირველ რიგში, მიუხედავად იმისა, რომ ახალი პროდუქტები არსობრივად დაკავშირებულია გეიმინგ ამაჩქარებლებთან, ისინი განკუთვნილია სამუშაო სადგურებისთვის. მეორეც, ეს არის პირველი Radeon ვიდეო ბარათები, რომელიც დამყარებულია RDNA 3-ზე და აქვთ ტანგენციალური ქულერის მქონე გაგრილების სისტემა. მესამე - ეს არის Radeon-ის პირველი ვიდეო ბარათები, რომლებმაც მიიღეს 12+4-პინიანი 12V-2×6 კვების კონექტორი. ფოტოს წყარო: ASRock AMD ერთ დროს არ ავლენდა ინტერესს 12VHPWR კვების კონექტორების მიმართ (12V-2×6 არის განახლებული ვერსია) და არ იყენებდა მათ Radeon RX 7000 ვიდეო ბარათებში. კომპანიამ ეს კონექტორები არასანდოდ მიიჩნია და ამის ყველანაირი მიზეზი აქვს. ეს კონექტორები შეიძლება ისევ დადნეს დატვირთვის ქვეშ უფროს GeForce RTX 40 სერიის ვიდეო ბარათებთან, რომელთა TDP ხშირად აღწევს 500 ვატს. თუმცა, გრაფიკულ პროცესორ Navi 31-ზე აგებული Radeon გრაფიკული ბარათები, რომლებიც მოიხმარენ მხოლოდ 355 ვატ ენერგიას, ნაკლებად მგრძნობიარე იქნება გადახურების პრობლემების მიმართ. როგორც ჩანს, ამან დაარწმუნა ASRock - გამოეშვა Radeon RX 7900 XTX WS და RX 7900 XT WS ვიდეო ბარათები 12V-2×6 კვების კონექტორებით. „ხელოვნური ინტელექტის ეპოქის დადგომის მოლოდინში ASRock აანონსებს Radeon RX 7900 XTX WS 24GB და Radeon RX 7900 XT WS 20GB გრაფიკული ბარათების გამოშვებას, რომლებზეც მხარდაჭერილია ერთობლივი გამოთვლები რამდენიმე გრაფიკულ პროცესორზე. ASRock Radeon RX 7900 WS ვიდეო ბარათები ემყარება [გეიმინგ] გრაფიკულ ამაჩქარებლებს Radeon RX 7900 XTX-სა და Radeon RX 7900 XT-ს. Radeon RX 7900 WS სერიის ამაჩქარებლები, რომლებიც შექმნილია პარალელური გამოთვლებისა და ხელოვნური ინტელექტის ალგორითმებისთვის რამდენიმე გრაფიკული პროცესორის მქონე კომბინაციებში, წარმოდგენილია ორსლოტიანი გაგრილების სისტემით, რომელიც მოიცავს ამაორთქლებელ კამერას და ქულერს. 12V-2×6 კვების კონექტორის ჰორიზონტალური მდებარეობის წყალობით ASRock Radeon RX 7900 XT WS ვიდეო ბარათების დაყენება მნიშვნელოვნად გამარტივებულია“, - ამრიგად აღწერს მწარმოებელი ახალ პროდუქტებს. ეს ვიდეო ბარათები ნამდვილად არ არის შექმნილი სათამაშოდ და მათი აჩქარების პოტენციალი, სავარაუდოდ, მნიშვნელოვნად შეზღუდულია ან მთლიანად დაბლოკილია. თუმცა, ASRock-ის დაინტერესება 12V-2×6 კვების კონექტორის მიმართ და მისი განთავსება Radeon ვიდეო ბარათებზე შეიძლება მიანიშნებდეს, რომ AMD-მ შესაძლოა გადახედოს თავის დამოკიდებულებას ამგვარი კონექტორების მიმართ და RDNA 4 არქიტექტურაზე დამყარებული ვიდეო ბარათების ზოგიერთ სამომავლო მოდელში წარმოდგენილიც კი იყოს. https://tinyurl.com/y9jbfeky

Apple გეგმავს გააფართოვოს ხელოვნური ინტელექტის გამოყენება თავის პროდუქტებსა და სერვისებში. როგორც ცნობილი გახდა, კომპანია თავის მონაცემთა ცენტრებში განათავსებს M2 Ultra ჩიპების მსგავს მძლავრ პროცესორებს Mac Studio და Mac Pro კომპიუტერებიდან. ეს სასერვერო ჩიპები გამოყენებული იქნება Apple-ის მოწყობილობებიდან სამომავლო ხელოვნური ინტელექტის ამოცანების დასამუშავებლად. ფოტოს წყარო: Keming Tan/Unsplash Bloomberg-ის ცნობით ხელოვნური ინტელექტის საკუთარი მონაცემთა ცენტრების გამოყენების გეგმები Apple-ში დაახლოებით სამი წლის წინ გაჩნდა. თუმცა, ChatGPT-ის და სხვა გენერაციული ხელოვნური ინტელექტის ინსტრუმენტების მიმართ არსებულმა ბოლოდროინდელმა აჟიოტაჟმა აიძულა კომპანია დაეჩქარებინა ამ მიმართულებით მოქმედება. ამ მიზნებისთვის განკუთვნილი პირველი სასერვერო ჩიპი M2 Ultra იქნება, სამომავლოდ კი იგეგმება M4 სერიის ჩიპებზე გადასვლა. საკუთარი მონაცემთა ცენტრებისა და ჩიპების გამოყენება Apple-ს საშუალებას მისცემს დაიცვას მომხმარებლის მონაცემების კონფიდენციალურობა. ადამიანები, რომლებიც მონაწილეობენ Apple-ის სერვერული პროექტის (კოდური სახელწოდებით ACDC ) შექმნაში, ან Apple Chips მონაცემთა ცენტრებში, ამბობენ, რომ პროცესორებში განთავსებული კომპონენტები განკუთვნილია მომხმარებლის კონფიდენციალურობის დასაცავად. კომპანია იყენებს მიდგომას სახელწოდებით Secure Enclave, რომელიც შექმნილია მომხმარებლის მონაცემების უსაფრთხოების დარღვევებისგან იზოლირებისთვის. ამ დროისთვის Apple გეგმავს გამოიყენოს საკუთარი მონაცემთა ცენტრები მომავალი ქლაუდ ფუნქციების სამართავად, მაგრამ საბოლოოდ შეიძლება დაეყრდნოს გარე შესაძლებლობებს, როგორც ამას აკეთებს iCloud-ისა და სხვა სერვისების შემთხვევაში. ამავდროულად, ხელოვნური ინტელექტის მარტივი ამოცანების დამუშავება მოხდება პირდაპირ Apple-ის მოწყობილობებზე - iPhone-ზე, iPad-სა და Mac-ზე. ამის მისაღწევად ახალი A18 და M4 პროცესორები წარმოდგენილია მოწინავე ნეირო მოდულებით, რომლებიც პასუხისმგებელნი არიან ხელოვნური ინტელექტის ფუნქციებზე. ინფორმაციის თანახმად Apple მალე ყურადღებას გაამახვილებს ხელოვნური ინტელექტის დანერგვაზე, რათა მომხმარებლებს გაუადვილოს ყოველდღიური დავალებები, როგორიცაა პერსონალიზებული ინფორმაციის შეთავაზება, შეტყობინებებზე გონივრული პასუხი და ა.შ. ჯერჯერობით არ იგეგმება სრულფასოვანი ჩატ-ბოტის შექმნა, როგორიცაა ChatGPT, თუმცა მიმდინარეობს მოლაპარაკებები Google-სა და OpenAI-თან მათი ბოტების შესაძლო ინტეგრაციის შესახებ. https://tinyurl.com/mtzuwh8x