Magdalena

Meta Quest ვირტუალური რეალობის ჰედსეტისთვის განკუთვნილმა YouTube-აპლიკაციამ მნიშვნელოვანი განახლება მიიღო. შესაძლებელია უყუროთ ვიდეოებს არა მხოლოდ მარტომ, არამედ მეგობრებთან ერთად. მომხმარებლებს შეეძლებათ ერთად უყურონ ვიდეოებს ვირტუალურ რეალობაში VR ფილმების ჩვენების ორგანიზებით შვიდკაციან ჯგუფთან ერთად. ფოტოს წყარო: Meta ფუნქცია Co-watch, რომელიც ამ დროისთვის ბეტა რეჟიმში იმუშავებს, მნიშვნელოვნად აფართოებს აპლიკაციის შესაძლებლობებს. ახალი ვარიანტის გამოსაყენებლად უნდა დარწმუნდეთ, რომ დაყენებული გაქვთ YouTube-ის უახლესი ვერსია და მოძებნოთ ნიშნული „Co-watch“ (გამოსახულება სამი ადამიანის სურათით) ეკრანის ზედა ნაწილში. ამის შემდეგ უნდა აირჩიოთ „მოიწვიეთ ხალხი“ და მოიწვიოთ მეგობრები გამომწერების სიიდან ერთად საყურებლად. ამ შემთხვევაში მოწვეული მომხმარებლები ასევე უნდა იყვნენ ურთიერთგამომწერები. ასევე არის გარკვეული შეზღუდვები. მაგალითად, ერთობლივი ყურება შესაძლებელია მხოლოდ 2D კონტენტზე. თუ მომხმარებლებს ფასიანი კონტენტის ყურება სურთ, თითოეულმა მონაწილემ უნდა შეიძინოს იგი ცალკე. ამის მიუხედავად ახალი Co-watch ფუნქცია დაგეხმარებათ მეგობრებთან ერთად კარგად გაატაროთ დრო ვირტუალურ რეალობაში და განსაკუთრებით გამოადგებათ მათ, ვინც Meta Horizon Worlds პლატფორმის ალტერნატივას ანიჭებს უპირატესობას. https://tinyurl.com/yvx9fasy

აშშ-ის საპრეზიდენტო არჩევნებში დონალდ ტრამპის გამარჯვების შემდეგ Bitcoin-ის კურსი სტაბილურად იზრდებოდა და ახალი რეკორდები დაამყარა. სულ რაღაც ერთ კვირაში პირველი კრიპტოვალუტის ფასს დაემატა 20 ათასი აშშ დოლარი და Coin Desk-ის მიხედვით მიაღწია ახალ ისტორიულ 88.448 აშშ დოლარიან მაჩვენებელს იმ დროს, როცა ოქრო და "დიდი შვიდი" ტექნოლოგიური კომპანიის აქციები გაცილებით ნაკლებად შთამბეჭდავ შედეგებს აჩვენებს ამ ფონზე. ფოტოს წყარო: Kanchanara/unsplash.com ჯერ კიდევ 6 ნოემბერს Bitcoin-ის ფასი 66 700 აშშ დოლარი იყო, შემდეგ 77 000 აშშ დოლარს გადააჭარბა, გასულ შაბათ-კვირას გადალახა 80 ათას დოლარიანი დონე, შემდეგ მიაღწია 82 ათას დოლარს და კვლავ ზრდა განაგრძო. სტატიის წერის მომენტისთვის, CoinDesk-ის მიხედვით, Bitcoin-ის საშუალო კურსი იყო 87.740 აშშ დოლარი. CoinDesk 20 ინდექსი (CD20), რომელიც აკონტროლებს ცვლილებებს 20 უმსხვილეს და ლიკვიდურ ციფრულ აქტივში, არჩევნების შემდეგ 29%-ით გაიზარდა. სხვა კრიპტოვალუტების ღირებულებაც აქტიურად იზრდება. „დიდი შვიდეულის“ აქციების ფასი, რომელთა შორისაა ტექნოლოგიური კომპანიები Apple, Amazon, Microsoft, Meta და Nvidia, დღის განმავლობაში შემცირდა, ხოლო Google-ის ოდნავ გაიზარდა. Tesla-მ, რომელიც ფლობს 9.720 Bitcoin-ს, აქციების ფასის 9.6%-იანი ზრდა დააფიქსირა. ოქროს ფასი თითქმის 3%-ით შემცირდა. CoinDesk-ის თანახმად ეს შეიძლება მიუთითებდეს თანხების გადაადგილებაზე ტექნოლოგიური აქციებიდან და ოქროდან კრიპტოვალუტებში, რადგან ბაზარი ელის ტრამპის თანამდებობის ძალაში შესვლას მომავალი წლის დასაწყისში. წინასაარჩევნო კამპანიის დროს აშშ-ის ყოფილმა და ამჟამად უკვე ახალმა პრეზიდენტმა არაერთხელ გამოუცხადა მხარდაჭერა კრიპტო ბაზარს. Bloomberg-ის უფროს ანალიტიკოს ერიკ ბალჩუნასის თქმით ერთ-ერთ წამყვან სპოტ Bitcoin ETF-ის - iShares Bitcoin Trust ETF-ის (IBIT) მოცულობა 1 მლრდ აშშ დოლარით გაიზარდა ვაჭრობის დაწყებიდან 35 წუთში. მან აღნიშნა, რომ არჩევნების მეორე დღეს კიდევ უფრო ნაკლები დრო იყო საჭირო - მხოლოდ 20 წუთი. https://tinyurl.com/3brtu69v

აქამდე სოციალური ქსელი X, რომელიც ილონ მასკს ეკუთვნის, მხოლოდ ფასიანი გამოწერის საშუალებით უზრუნველყოფდა წვდომას ხელოვნურ ინტელექტზე მომუშავე ჩატ-ბოტ Grok-ზე. Grok შექმნა xAI-მ, მასკის კიდევ ერთმა კომპანიამ. როგორც ჩანს, პლატფორმა ემზადება ჩატ-ბოტზე წვდომის გასახსნელად ყველა მომხმარებლისთვის. ფოტოს წყარო: unsplash.com TechCrunch-მა დაადასტურა, რომ სოციალურ ქსელ X-მა დაიწყო ახალი ზელანდიის უფასო მომხმარებლებისთვის Grok-ზე წვდომის ტესტირება. Grok-ის უფასოდ გამოსაყენებლად მომხმარებლის ანგარიში უნდა არსებობდეს მინიმუმ შვიდი დღის განმავლობაში და უნდა ჰქონდეს მასთან დაკავშირებული ტელეფონის ნომერი. ფოტოს წყარო: TechCrunch პლატფორმა X მომხმარებელ Swak-ის თანახმად ტესტირება ამჟამად შემოიფარგლება ათი მოთხოვნით ორი საათის განმავლობაში Grok-2 მოდელისთვის, ოცი მოთხოვნით ორი საათის განმავლობაში Grok-2 mini-სთვის და დღეში სამი სურათის ანალიზის შესაძლებლობით. xAI-მ აგვისტოში გამოუშვა Grok-2, რომელიც უზრუნველყოფს სურათების გენერირების შესაძლებლობებს Black Forest Labs-ის FLUX.1 მოდელის გამოყენებით. ოქტომბრის ბოლოს Grok-2-მა ისწავლა სურათების ანალიზი და „გაგება“. ამჟამად ყველა ეს ფუნქცია ხელმისაწვდომია მხოლოდ Premium და Premium+ სატარიფო გეგმების მომხმარებლებისთვის. Grok-ის უფასო მომხმარებლებისთვის გახსნით xAI შესაძლოა ცდილობს მომხმარებლის ბაზის გაფართოებას და მეტი გამოხმაურების მიღებას მისი პროდუქტების შესახებ. ეს მიდგომა გაზრდის Grok-ის კონკურენტუნარიანობას იმ სფეროში, სადაც დომინირებს მოდელები, როგორიცაა ChatGPT, Claude და Gemini. ოქტომბერში The Wall Street Journal-მა განაცხადა, რომ xAI აწარმოებს მოლაპარაკებებს რამდენიმე მილიარდი დოლარის დამატებითი დაფინანსების მოზიდვაზე. კომპანიის საბაზრო ღირებულება დღეს 40 მლრდ აშშ დოლარს შეადგენს. https://tinyurl.com/yzt99myt

Google-ის AI ჩატ-ბოტ Gemini-ს დებიუტი Android-ზე მიმდინარე წლის დასაწყისში შედგა. Google-მა ახლა დაიწყო iPhone-ისთვის დამოუკიდებელი Gemini აპლიკაციის ტესტირება. მოსალოდნელია, რომ პროგრამული უზრუნველყოფა უზრუნველყოფს დამატებით ფუნქციებს, რომლებიც მიუწვდომელია Google-ის ინტეგრირებულ AI ასისტენტში. ფოტოს წყარო: techspot.com Gemini არის Google-ის AI ჩატ-ბოტი, რომელიც მუშაობს ამავე სახელწოდების ენის მოდელზე, რომელიც დაინერგა 2023 წლის ბოლოს Bard და Duet AI მოდელების შერწყმის შემდეგ OpenAI-ის ChatGPT-სთვის კონკურენციის გაწევის მიზნით. Gemini-ს აპლიკაცია Android-ზე მიმდინარე წლის დასაწყისში დაინერგა, რაც მომხმარებლებს საშუალებას აძლევს დაამუშავონ დოკუმენტები, შეაჯამონ ელ.წერილები და მიიღონ სხვა დახმარება AI ფუნქციებიდან. Reddit-ის მომხმარებელი ფილიპინებიდან აცხადებს, რომ ჩამოტვირთა Gemini-ს აპლიკაცია App Store-იდან. სკრინშოტების მიხედვით ვიმსჯელებთ ის დაახლოებით ერთი კვირაა ხელმისაწვდომია ქვეყნის Apple-ის აპლიკაციების მარკეტში. დაინსტალირების შემდეგ მთავარ ეკრანზე გამოჩნდება ჩანართი, რომელიც მომხმარებლებს საშუალებას აძლევს გამოიძახონ AI ასისტენტი ერთი შეხებით. App Store-ის აღწერილობა აპლიკაციას უწოდებს „Google AI-ის სიძლიერის განბლოკვის საშუალებას თქვენს iPhone-ზე“. Gemini-ს აპლიკაცია iOS-ისთვის ამჟამად მიუწვდომელია უმეტეს რეგიონებში, მათ შორის აშშ-ში. მომხმარებლებს კანადაში, ავსტრალიაში და ინდოეთში ასევე არ აქვთ მასზე წვდომა. როგორც ჩანს, Google ტესტავს მას გარკვეულ რეგიონებში, სანამ ფართო მასშტაბით გამოვა. ახალი აპლიკაციით ხელმისაწვდომი ხდება ფუნქცია სახელწოდებით Gemini Live, რომელიც არ არის ხელმისაწვდომი Gemini-ში Android-ისთვის. AI ასისტენტის მომხმარებლის თანახმად Gemini Live „ფონურად მუშაობს iOS Live Activity-სთან, ხოლო მომხმარებლები ასრულებენ მრავალ ამოცანას, რაც უზრუნველყოფს უფრო დინამიურ და მოსახერხებელ გამოცდილებას“. ამჟამად iOS-ის მომხმარებლებს შეუძლიათ Gemini-ზე წვდომის მიღება მხოლოდ Google-ის საძიებო აპლიკაციის ზედა ნაწილში მდებარე ჩანართ Gemini-ზე გადასვლით, რაც ჰგავს Gemini-ის გამოყენებას ვებ ინტერფეისის საშუალებით. ეს მეთოდი ნაკლებად დინამიური და მოსახერხებელია, ვიდრე Gemini AI ასისტენტი Google Pixel მოწყობილობებზე. Google-ს ჯერ ოფიციალურად არ დაუდასტურებია Gemini-ს ცალკე აპლიკაციის შემუშავება iOS-ისთვის, ამიტომ გლობალური გამოშვების თარიღი უცნობია. თუმცა, როგორც ჩანს, ტესტირება უკვე დაწყებულია, AI-ის ასისტენტი შესაძლოა ფართოდ ხელმისაწვდომი გახდეს iPhone-ის მფლობელებისთვის მომდევნო რამდენიმე თვეში. https://tinyurl.com/348f4pv4

კრიპტო ბირჟა Binance-ის ყოფილი ხელმძღვანელი Changpeng Zhao თვლის, რომ ბაზარზე Bitcoin-ის ზრდის ტემპი ახლა იწყება. 8 ნოემბერს, როდესაც BTC-მ პირველად გადალახა 77 ათას აშს დოლარიანი დონე, Zhao-მ დაწერა, რომ „ეს მხოლოდ დასაწყისია“, და როგორც ჩანს, კრიპტოვალუტის ღირებულების შემდგომი ზრდა ივარაუდა. თუმცა მან გააფრთხილა მოვაჭრეები და ინვესტორები მონეტების ყიდვასთან დაკავშირებული რისკების შესახებ. Bitcoin ისტორიულ მწვერვალებს რომ მიაღწევს, რისკის მართვის ეფექტური მოდელი უნდა განხორციელდეს. მომავალში ბევრ Pump-ს და dump-ს ვიხილავთ. მოემზადეთ მათთვის. აკონტროლეთ თქვენი სიხარბე. "ნუ ჩადებ ყველა კვერცხს ერთ კალათში", - წერდა Zhao და, როგორც ჩანს, საზოგადოებას ურჩევდა საინვესტიციო პორტფელის დივერსიფიკაციას. ამჟამად „შიშისა და სიხარბის“ მაჩვენებელი 78-მდე გაიზარდა და „ძლიერი სიხარბის“ ზონაში იყო. ამასთან დაკავშირებით Zhao-ს გაფრთხილება შეიძლება ჩაითვალოს მოწოდებად - თავი შეიკავონ Bitcoin-ების დღევანდელი კურსით ყიდვისგან და დაელოდონ მონეტის ღირებულების კორექტირებას, რომელიც დონალდ ტრამპის საპრეზიდენტო არჩევნებში გამარჯვების შემდეგ 16%-ით გაძვირდა. Zhao-მ სამ წელზე მეტი ხნის წინ გამოაქვეყნა მესიჯი კრიპტოვალუტით მოვაჭრეების შეშფოთების შესახებ, რომელშიც წერდა, რომ „შენ არ შეგიძლია გამდიდრდე [კრიპტოვალუტის] შენახვის გარეშე“. ამრიგად, შეიძლება ვივარაუდოთ, რომ Zhao რეკომენდაციას უწევს Bitcoin-ების შენარჩუნებას ზრდის ტემპის გაგრძელების მოლოდინში, რომლის დროსაც მონეტის კურსი ახალ სიმაღლეებს მიაღწევს. https://tinyurl.com/2fk8n9xu

Amazon, ქლაუდ გამოთვლების ბაზრის ერთ-ერთი უმსხვილესი მოთამაშე, განიხილავს ახალ მრავალმილიარდდოლარიან ინვესტიციას Anthropic-ში, AI სტარტაპში, რომელიც OpenAI-ს კონკურენტია. გასული წლის სექტემბერში Amazon-მა უკვე განახორციელა 4 მლრდ აშშ დოლარის ინვესტიცია Anthropic-ში, რამაც საშუალება მისცა მომხმარებლებისთვის შეეთავაზებინა ადრეული წვდომა სტარტაპის ინოვაციურ განვითარებაზე. პარტნიორობის ფარგლებში Anthropic იყენებს Amazon-ის ქლაუდ სერვერებს და გამოთვლით სიმძლავრეს, რათა მოამზადოს თავისი AI მოდელები. ფოტოს წყარო: anthropic.com გავრცელებული ინფორმაციით Amazon-მა Anthropic-ს შესთავაზა გამოიყენოს მეტი სერვერი მისი საფირმო ჩიპებით, რათა გაიზარდოს სტარტაპის გამოთვლითი ძალა AI მოდელების მოსამზადებლად. ერთი მხრივ, ეს ხელს შეუწყობს Amazon-ის პოზიციის განმტკიცებას ქლაუდ ტექნოლოგიების ბაზარზე და, მეორე მხრივ, ხაზს უსვამს კომპანიის განზრახვას საკუთარი აპარატული გადაწყვეტილებების შესაძლებლობების დემონსტრირებაში. თუმცა, Anthropic-ს ურჩევნია გამოიყენოს Nvidia-ს ჩიპებით აღჭურვილი სერვერები, რაც მიუთითებს სტარტაპის გაზრდილ მოთხოვნილებებზე დიდი მონაცემების დამუშავებისა და კომპლექსური AI მოდელების სწავლებისთვის გამოყენებული აღჭურვილობის სიმძლავრესთან დაკავშირებით. Anthropic დაარსდა OpenAI-ის ყოფილი ხელმძღვანელების, Dario Amodei-ს და Daniela Amodei-ს მიერ და შექმნის დღიდან მიიპყრო დიდი ტექნოლოგიური კორპორაციების ყურადღება. გასულ წელს სტარტაპმა მიიღო 500 მლნ აშშ დოლარის ინვესტიცია Google-ის მშობელი კომპანია Alphabet-ისგან, რომელმაც ასევე პირობა დადო, რომ კიდევ 1.5 მლრდ აშშ დოლარის ინვესტიციას განახორციელებს. Amazon-ისთვის Anthropic-თან პარტნიორობის გაძლიერება მნიშვნელოვანი ნაბიჯია ქლაუდ ტექნოლოგიების ბაზარზე კონკურენციისკენ, სადაც ლიდერები არიან ისეთი კომპანიები, როგორიცაა Microsoft და Google. მზარდ კონკურენტულ გარემოში Amazon-ის AI პორტფელის გაფართოება საშუალებას აძლევს მას მიიზიდოს უფრო მეტი კორპორატიული მომხმარებელი, რომელიც დაინტერესებულია ქლაუდ სერვისებთან ინტეგრირებული უახლესი ტექნოლოგიებით. თავისი მომხმარებლებისთვის Anthropic-ის ტექნოლოგიებზე წვდომის მიწოდებით Amazon გააძლიერებს თავის, როგორც ინოვაციური AI გადაწყვეტილებების მომწოდებლის, პოზიციას. https://tinyurl.com/496c7hph

მიმდინარე წლის აპრილში Google-მა წარმოადგინა ინსტრუმენტი Vids, რომელიც აგებულია ხელოვნური ინტელექტის საფუძველზე, შექმნილია ვიდეოების გენერირების ან რედაქტირებისთვის და ასევე პოზიციონირებს, როგორც ერთობლივი მუშაობის ინსტრუმენტი. იგი მომხმარებლებს საშუალებას მისცემს შექმნან პროფესიონალური ხარისხის ვიდეოები ვიდეოს რედაქტირებისა და დამუშავების პროგრამული უზრუნველყოფის გამოყენების გარეშე. ახლა ეს ინსტრუმენტი ხელმისაწვდომი გახდა პლატფორმა Google Workspace-ის მომხმარებლებისთვის. ფოტოს წყარო: Google დეველოპერების ახალი პოსტი Workspace-ის ბლოგზე ხაზს უსვამს, რომ Vids გამოადგება გუნდებს, რომლებიც ჩართულნი არიან მომხმარებლების სწავლებაში, სხვადასხვა პროექტის შემუშავებაში, მარკეტინგში, თუმცა რეალურად ეს ინსტრუმენტი შეიძლება გამოადგეს ნებისმიერს კრეატიული იდეების განსახორციელებლად. Vids ეფუძნება ნეიროქსელ Gemini-ს, რომელიც საშუალებას იძლევა სწრაფად შექმნათ ვიდეოები, რომლებიც შეიძლება მოითხოვონ კომპანიის ბიზნეს მომხმარებლებმა. მაგალითად, ერთ-ერთი ფუნქცია საშუალებას გაძლევთ შექმნათ სიუჟეტი ტექსტური მოთხოვნისა და Google Drive-ის დოკუმენტის საფუძველზე. სცენარის დაფაზე ასახულია ქვეთემები, რომლებიც მომავალ ვიდეოში იქნება განხილული და მომხმარებელს შეუძლია შეცვალოს რიგითობა, წაშალოს რამდენიმე პუნქტი და დაამატოს ახალი. სტილის არჩევის შემდეგ ალგორითმი აერთიანებს ვიდეოს პროექტს შექმნილ სცენართან, მათ შორის შერჩეულ მედია ფაილებთან, ტექსტთან, სცენარებთან თითოეული სცენისთვის და ფონურ მუსიკასთანაც კი. მომხმარებლებს ასევე ექნებათ წვდომა მზა შაბლონებზე, რომლებიც შეიძლება სწრაფად მოერგოს მათ საჭიროებებს. საჭიროების შემთხვევაში ვიდეოს შეგიძლიათ დაამატოთ AI ალგორითმის მიერ გენერირებული ხმა. აღსანიშნავია, რომ ხელოვნურ ინტელექტზე დამყარებული Vids-ის ფუნქციები, როგორიცაა Help Me Create, Remove Image Background და Create Voiceover, უფასოდ იქნება ხელმისაწვდომი 2025 წლის ბოლომდე. დეველოპერებმა განაცხადეს, რომ Vids-ში ხელოვნური ინტელექტის ფუნქციების გამოყენებაზე შეზღუდვები შეიძლება შემოიღონ 2026 წლიდან. Google-მა მომხმარებელთა შეზღუდული რაოდენობით Vids-ის ტესტირება დაიწყო მიმდინარე წლის ზაფხულში. ახლა ეს ინსტრუმენტი ხელმისაწვდომი გახდა პლატფორმა Workspace-ის ბიზნეს მომხმარებლებისთვის. აღნიშნულია, რომ Vids-ში ოპტიმალური მუშაობისთვის უმჯობესია გამოიყენოთ Chrome, Firefox და Edge ბრაუზერების უახლესი ვერსიები Windows-ისთვის. სხვა ბრაუზერებიც მხარდაჭერილია, მაგრამ ზოგიერთმ ფუნქციამ შეიძლება მათში არაკორექტულად იმუშაოს. https://tinyurl.com/ys3e498r

ფოტოს წყარო: André François McKenzie/Unsplash Bitcoin-ის ფასი ბოლო დღეებში სტაბილურად მატულობს მას შემდეგ, რაც ცნობილი გახდა, რომ რესპუბლიკელმა დონალდ ტრამპმა აშშ-ის საპრეზიდენტო არჩევნებში გაიმარჯვა. როგორც წესი, კრიპტოვალუტების ბაზარზე ვაჭრობის მოცულობა შაბათ-კვირას მცირდება, რადგან ბევრი ინსტიტუციური ინვესტორი და პროფესიონალი ტრეიდერი ამცირებს აქტივობას. ლიკვიდობის შემცირებამ შეიძლება გამოიწვიოს არასტაბილურობის ზრდა, რის ფონზე მცირე ტრანზაქციებიც კი გამოიწვევს კრიპტოვალუტის კურსის მნიშვნელოვან რყევებს. თუმცა, შაბათს და კვირას Bitcoin-ის ფასის მნიშვნელოვანი ზრდა მიუთითებს იმაზე, რომ ბაზრის აქტივობა სტიმულირდება მცირე ინვესტორების მიერ. ეს მიუთითებს კრიპტოვალუტის მიმართ ინტერესის მაღალ დონეზე მცირე ინვესტორების მხრიდან და არა მხოლოდ ინსტიტუციური მოთამაშეების მხრიდან. პლატფორმა CoinDesk-ის ანალიზი აჩვენებს, რომ Bitcoin-ის ტრეიდერებს შორის მოგების მიღება უმნიშვნელო რჩება კრიპტოვალუტის აქტიური ზრდის წინა პერიოდებთან შედარებით. ეს იმაზე მეტყველებს, რომ Bitcoin-ის კურსი, სავარაუდოდ, ზრდას გააგრძელებს. პირველი კრიპტოვალუტის ამჟამინდელი ძლიერი ზრდა განპირობებულია არა მხოლოდ ტრამპის გამარჯვებით აშშ-ის საპრეზიდენტო არჩევნებში, არამედ იმითაც, რომ ფედერალურმა სარეზერვო სისტემამ გამოაცხადა საპროცენტო განაკვეთის შემცირება 25 საბაზისო პუნქტით. Bitcoin-ის კურსის ზრდის ფონზე აქტიურად იზრდება სხვა კრიპტოვალუტების ღირებულებაც. https://tinyurl.com/y8yada8c

OpenAI-ის შემდეგი დიდი ენის მოდელი (LLM) არ იქნება ისეთი დიდი ნახტომი, როგორც მისი წინამორბედები, ამბობენ ონლაინ წყაროები. ამ ფონზე OpenAI-მ ჩამოაყალიბა დეველოპერების ჯგუფი, რომლებსაც დაევალათ გამოიკვლიონ შესაძლო გზები ნეიროქსელების შემდგომი განვითარებისა და გაუმჯობესებისთვის. ფოტოს წყარო: OpenAI კომპანიის ახალი LLM-ის კოდური სახელწოდებაა Orion. ამ ალგორითმის ტესტირებით დადგინდა, რომ მისი წარმადობა უკეთესი იყო არსებულ LLM-თან შედარებით, მაგრამ გაუმჯობესებები არ იყო ისეთი შთამბეჭდავი, როგორც GPT-3-დან GPT-4-ზე გადასვლისას. როგორც ჩანს, LLM-ის გაუმჯობესების ტემპი ნელდება, რადგან Orion მხოლოდ ოდნავ აღემატება კომპანიის წინა ენის მოდელებს ზოგიერთ სფეროში, როგორიცაა კოდირება. ამგვარი ვითარების შესაცვლელად OpenAI-მ შექმნა დეველოპერების გუნდი, რომლის ამოცანაა იპოვონ სტრატეგიები, რომლებიც საშუალებას მისცემს კომპანიას განაგრძოს LLM-ის გაუმჯობესება ტრენინგის მონაცემების შემცირების პირობებში. წყაროს ცნობით ახალი სტრატეგიები მოიცავს Orion-ის სწავლებას ნეიროქსელების მიერ წარმოქმნილი სინთეზური მონაცემების საფუძველზე, ასევე LLM-ის უფრო აქტიურად გაუმჯობესებას საწყისი ტრენინგის ეტაპის დასრულების შემდეგ. OpenAI-ის ოფიციალურმა წარმომადგენლებმა უარი თქვეს ამ საკითხთან დაკავშირებით კომენტარის გაკეთებაზე. https://tinyurl.com/5xwuv75n

სამხრეთკორეულმა კომპანია LG Display-მ გამოაცხადა მსოფლიოში პირველი რეალურად მოქნილი დისპლეის გამოშვების შესახებ - მას შეუძლია 50%-ით გაფართოება, რაც ყველაზე მაღალი მაჩვენებელია ინდუსტრიაში. მწარმოებელმა ახალი პანელის დემონსტრირება მოახდინა ინდუსტრიის წარმომადგენლებთან, მეცნიერებსა და მკვლევარებთან ერთად, რომლებიც ჩართულნი არიან წელვადი დისპლეების შექმნის პროექტში. ფოტოს წყარო: LG Display წელვადი დისპლეების შექმნის ტექნოლოგია გარღვევად ითვლება, რადგან ასეთი პანელები თავისუფლად გარდაიქმნება სხვადასხვა ფორმად, მათ შორის გაჭიმვის, დაკეცვისა და გადახვევის გზით. LG-ის მიერ წარმოდგენილი 12-დუიმიანი პანელი შეიძლება გაიზარდოს 18 დუიმამდე გაჭიმვის გზით გადაცემული სურათის ხარისხის გაუარესების გარეშე. ამავდროულად, შენარჩუნებულია პიქსელების სიმჭიდროვე 100 ppi და RGB ფერების სრული დიაპაზონი. წელვადი დისპლეის პირველ პროტოტიპთან შედარებით, რომელიც 2022 წელს გამოვიდა, ახალი პანელის მაქსიმალური გაწელვის კოეფიციენტი გაორმაგდა 20%-დან 50%-მდე. გაჭიმვის კოეფიციენტის გაზრდა საშუალებას მისცემს დისპლეის მრავალფეროვანი დიზაინის შემუშავებას, რაც პოტენციურად გაზრდის ახალი პანელების კონკურენტუნარიანობას კომერციალიზაციის დროს. წელვადი დისპლეის შესაქმნელად გამოიყენეს სპეციალური სილიკონის ფირფიტა, ასევე ახალი გაყვანილობის სტრუქტურა და სინათლის წყარო, რომელიც დაფუძნებულია 40-მიკრომეტრიან მიკრო LED-ებზე. ამ მიდგომამ შესაძლებელი გახადა პანელის შექმნა, რომელსაც შეუძლია მაღალი ხარისხის სურათების დემონსტრირება არახელსაყრელ პირობებშიც კი, ასევე მდგრადია გარე პირობები, მათ შორის დაბალი და მაღალი ტემპერატურის მიმართ. წელვადი დისპლეები არა მხოლოდ თხელი და მსუბუქია, ასევე შესაძლებელია მათი დამაგრება მრუდ ზედაპირებზე. მოსალოდნელია, რომ ასეთი პანელები ფართოდ იქნება გამოყენებული ადამიანის საქმიანობის სხვადასხვა სფეროში. https://tinyurl.com/34t6wja4

დონალდ ტრამპის ადმინისტრაცია, სავარაუდოდ, შექმნის უფრო ხელსაყრელ გარემოს კრიპტოვალუტებისთვის, როგორც კი თანამდებობას დაიკავებს. ერთ-ერთი ყველაზე მეტად მოსალოდნელი მოვლენაა Bitcoin-ის კანონის (Bitcoin Act) მიღება, წერს ჯეიმს ბატერფილი, საინვესტიციო კომპანია CoinShares-ის კვლევის ხელმძღვანელი. მიღების შემთხვევაში დოკუმენტი Bitcoin-ს მიანიჭებს სარეზერვო აქტივის სტატუსს და აშშ-ის ხელისუფლება შეიძენს პირველი კრიპტოვალუტის მთლიანი მიწოდების 5%-ს. წინასაარჩევნო კამპანიის დროს ტრამპმა პირობა დადო, რომ ხელახლა არჩევის შემთხვევაში Bitcoin-ი სეროვნულ მარაგს შექმნის. განცხადება გაკეთდა კონფერენცია Bitcoin 2024-ზე ნეშვილში. 5 ნოემბრის არჩევნებში ტრამპის გამარჯვების შემდეგ Bitcoin-ის ფასმა 75000 აშშ დოლარს გადააჭარბა. მნიშვნელოვანია აღინიშნოს, რომ პრეზიდენტს არ შეუძლია თანამდებობიდან გაათავისუფლოს SEC-ის კომისარი (კომისიაში ხუთი კომისარია), მაგრამ შესაძლებელია საკადრო გადანაწილების ორგანიზება, რის შედეგადაც კომისარი ჰესტერ პირსი, ცნობილი როგორც „კრიპტო დედა“ გახდეს თავმჯდომარე. https://tinyurl.com/49cpyjv8

2024 წლის სექტემბერში OpenAI-ის ხელმძღვანელმა სემ ოლტმენმა მიმართა ამერიკის ხელისუფლებას ინიციატივით, რომელიც მოიცავდა ქვეყანაში 5-გიგავატიან მონაცემთა ცენტრის მთლიანი ქსელის მშენებლობას. ოლტმენი ამტკიცებდა, რომ ეს დაეხმარება შეერთებულ შტატებს ლიდერობა შეინარჩუნოს ხელოვნური ინტელექტის სფეროში გლობალური მასშტაბით და რომ ეს იყო ეროვნული უსაფრთხოების საკითხი. Datacenter Dynamics-მა შეძლო მოეპოვებინა ტელეკომუნიკაციებისა და ინფორმაციის ეროვნული ადმინისტრაციისთვის (NTIA) განკუთვნილი ანგარიში OpenAI-სგან, რომლითაც გამოვლინდა კომპანიის ამბიციური გეგმის ზოგიერთი დეტალი. OpenAI-ის გამოთვლებით 5 გვტ სიმძლავრის მონაცემთა ცენტრი დაიკავებს დაახლოებით 2.78 კმ2 (278 ჰა) ფართობს და გამოიყენებს 2 მილიონამდე ამაჩქარებელს. პროექტს შეუძლია შეერთებული შტატების აბსოლუტური გლობალური უზენაესობა უზრუნველყოს ხელოვნური ინტელექტის სფეროში. შედარებისთვის, 2023 წელს AWS ამუშავებდა მონაცემთა ცენტრს საერთო ფართობით 3.55 კმ2 (355 ჰექტარი, საოფისე ფართის ჩათვლით), ხოლო Microsoft-ის მონაცემთა ცენტრის სიმძლავრე 2024 წლის დასაწყისში იყო "მხოლოდ" 5 გვტ, თუმცა კომპანია მოელის, რომ წლის ბოლომდე კიდევ 2.5 გვტ-ს აითვისებს. რამდენიმე კომპანია მუშაობს გიგავატიან მონაცემთა ცენტრებზე, მაგრამ აპირებენ მათ ეტაპობრივად აწყობას რამდენიმე წლის განმავლობაში. ფოტოს წყარო: Microsoft OpenAI ირწმუნება, რომ 5-გიგავატიანი მონაცემთა ცენტრის აგება დაჯდება 100 მლრდ აშშ დოლარი (2028 წლისთვის მოსალოდნელი ფასებით), მაგრამ გამოიმუშავებს 40 მილიარდს ყოველწლიურად. ყოველ 100 მეგავატ სიმძლავრეზე საჭირო იქნება 80 თანამშრომელი, ე.ი. სულ გაჩნდება 4 ათასი მუდმივი სამუშაო ადგილი. მონაცემთა ცენტრების მშენებლობას დაახლოებით 14 ათასი ადამიანი დასჭირდება. კომპანიამ ასევე წარმოადგინა მშპ-ის ზრდის გამოთვლები ცალკეულ შტატებში და ადგილებზე, სადაც ახალი მონაცემთა ცენტრების მშენებლობაა მოსალოდნელი - 16-დან 20 მლრდ აშშ დოლარამდე. გათვლებში შედის სამუშაო ადგილები და ახალი ენერგეტიკული ინფრასტრუქტურის შექმნისა და ნახევარგამტარების წარმოების ხარჯები. OpenAI-ის შეფასებით გლობალური ფონდები მზად არიან განახორციელონ დაახლოებით 175 მლრდ აშშ დოლარის ინვესტიცია ინფრასტრუქტურაში. კომპანია შეშფოთებას გამოთქვამს, რომ ეს თანხა შეიძლება დაიხარჯოს არა შეერთებულ შტატებში, არამედ არამეგობრულ ქვეყნებში. ამასთან, OpenAI ხაზს უსვამს, რომ ახალ AI მონაცემთა ცენტრების განვითარებას სტრატეგიული მნიშვნელობა ექნება იმის გათვალისწინებით, რომ AI პლატფორმები პარალელურად ვითარდება, მაგალითად, ჩინეთში. კომპანიამ აღნიშნა, რომ შეფერხება საფრთხეს უქმნის ჩინეთის და სხვა ქვეყნებისგან ჩამორჩენას, რომლებიც არ იზიარებენ შეერთებული შტატებისა და მისი მოკავშირეების ღირებულებებს. კომპანია თავდაპირველად გეგმავდა 5-გვტ პროექტ Stargate-ის განხორციელებას Microsoft-თან -OpenAI-ის AI ინფრასტრუქტურის უდიდეს სპონსორსა და პროვაიდერთან ერთად. თუმცა, ბოლო დროს კომპანიებს შორის ურთიერთობა გარკვეულწილად გაცივდა ხელოვნური ინტელექტის განყოფილებებს შორის კონკურენციისა და Microsoft-ის მონაცემთა ცენტრების მშენებლობის სიჩქარესთან დაკავშირებული უთანხმოების გამო. ამ გზაზე OpenAI ეძებს დაფინანსებას და იურიდიულ მხარდაჭერას აშშ-ის ხელისუფლებისგან და ატარებს შეხვედრებს პოტენციურ ინვესტორებთან. თუმცა, საკმარისი არ არის მონაცემთა ცენტრების აშენება; ზოგიერთ შტატში, სადაც მონაცემთა ცენტრების დიდი კონცენტრაციაა, ელექტრო ქსელების სიმძლავრე გაორმაგდება მომდევნო 10 წლის განმავლობაში. ვარაუდობენ, რომ 2030 წლისთვის ენერგოსისტემაში 50 მლრდ აშშ დოლარის ინვესტიცია იქნება საჭირო. ამ მომენტისთვის ჩრდილოეთ ამერიკის ელექტრო ქსელების სიმძლავრე სავარაუდოდ გაიზრდება დაახლოებით 200 გიგავატით, ხოლო ახალი AI პროექტებისთვის საჭირო იქნება 100 გვტ. თუმცა, შეერთებული შტატების ხელმძღვანელის ცვლილების გამო, შესაძლოა გაუქმდეს მიმდინარე პროექტებიც კი, რომლებიც ენერგეტიკის წარმოებისა და მიწოდების გაზრდის საკითხს ეხება: ილონ მასკმა განაცხადა კიდეც, რომ აპირებს სახელმწიფო ხარჯების შემცირებას 2 ტრლნ აშშ დოლარით. https://tinyurl.com/mwskrwbe

AMD Ryzen 7 9800X3D-ის გლობალური გაყიდვები დაიწყო. ახალმა პროცესორმა მიიღო ჯილდო ინდუსტრიის პრესისგან გამორჩეული გეიმინგ შესაძლებლობებისთვის. ფოტოს წყარო: VideoCardz Ryzen 7 9800X3D-ს აქვს რვა Zen 5 ბირთვი 16 ვირტუალური ნაკადის მხარდაჭერით. პროცესორის საბაზისო სიხშირეა 4.7 გჰც, მაქსიმალური - 5.2 გჰც. ახალ ჩიპს აქვს 64 მბ დამატებითი მეორე თაობის 3D V-Cache ქეში. ის განსხვავდება იმით, რომ განთავსებულია გამოთვლითი ბირთვების მქონე CCD (Core Complex Die) კრისტალის ქვეშ და არა ამ ბლოკის თავზე, როგორც ეს იყო წინა თაობების Ryzen X3D ჩიპების შემთხვევაში. საერთო ჯამში, ახალ პროდუქტს აქვს 104 მბ ქეშ-მეხსიერება (8 მბ L2, 32 მბ L3 + 64 მბ 3D V-Cache). პროცესორის ნომინალური ენერგომოხმარებაა 120 ვატი. მიმოხილვების თანახმად, ახალი ჩიპის წარმადობა თამაშებში საშუალოდ 3.4%-ით მეტია წინამორბედთან შედარებით. Intel-ის ახალ ფლაგმან Core Ultra 9 285K-სთან სხვაობა შეადგენს 13%-ს AMD-ის ახალილ პროცესორის სასარგებლოდ. ასევე, Ryzen 7 9800X3D 7%-ით უფრო სწრაფია, ვიდრე წინა თაობის ფლაგმანი Core i9-14900K. რაც შეეხება წარმადობას აპლიკაციებში, Ryzen 7 9800X3D 18%-ით უფრო ეფექტურია წინამორბედთან შედარებით. ზოგიერთ აპლიკაციაში ზრდა 25-დან 30%-მდე აღწევს. დამკვირვებლების აზრით პროცესორს მხოლოდ ერთი ნაკლი აქვს - მაღალი ფასი. ჩიპი 479 აშშ დოლარად არის შემოთავაზებული, რაც 30 დოლარით უფრო ძვირია, ვიდრე მისი წინამორბედი Ryzen 7 7800X3D ღირდა გამოშვებისას. ფოტოს წყარო: Alternate და Mindfactory როგორც პორტალი VideoCardz აღნიშნავს, მაღაზიებში ახალი Ryzen 7 9800X3D პროცესორის მარაგების დეფიციტი არ არის. მაგალითად, მსხვილმა გერმანულმა საცალო მოვაჭრეებმა Alternate-მა და Mindfactory-მ გამოაქვეყნეს ფოტოები საწყობებში დიდი რაოდენობით ახალი პროცესორებით. https://tinyurl.com/23vrjpst

ბლოკჩეინ BNB Chain-ის გუნდმა გამოუშვა გამოსავალი რეალური სამყაროს აქტივების (RWA) ტოკენიზაციისთვის, როგორიცაა ფასიანი ქაღალდები, სესხები, საქონელი, უძრავი ქონება და ხელოვნება. პლატფორმა გთავაზობთ მარტივ ინტერფეისს აქტივების გაცემის, ვაჭრობისა და გამოსყიდვისთვის, ასევე ინსტრუმენტს მარეგულირებელი წესების შესაბამისობის შესამოწმებლად. დეველოპერები აღნიშნავენ, რომ რეალურ აქტივებზე დაფუძნებული ციფრული ტოკენების გამოშვება საშუალებას მისცემს კომპანიებს გააუმჯობესონ თავიანთი საქმიანობა, დაამყარონ კავშირები ინვესტორებთან მთელ მსოფლიოში და წაახალისონ ბიზნესის ზრდა. "ტოკენიზაცია არის უსაფრთხო და ეფექტური გზა ციფრულ სამყაროში ღირებულების მართვისთვის", - აღნიშნავს BNB Chain. RWA ტოკენიზაცია გულისხმობს ფიზიკური აქტივების საკუთრების გარდაქმნას ბლოკჩეინზე ციფრულ ტოკენებად. ეს ზრდის ფიზიკური აქტივების ლიკვიდურობას ციფრულ ბირჟებზე 24/7 ვაჭრობის დაშვებით და გთავაზობთ უამრავ სხვა სარგებელს, მათ შორის გაზრდილი ხარჯების ეფექტურობას შუამავლების არარსებობის გამო, ასევე გამჭვირვალობასა და უსაფრთხოებას ბლოკჩეინის ტექნოლოგიის გამოყენებით. პლატფორმის გაშვების პარტნიორები იყვნენ Bitbond, Brickken, Matrixdock, InvestaX და TokenFi. ის შექმნილია მცირე ბიზნესის განვითარებაში და ხელი შეუწყოს ბლოკჩეინის ტექნოლოგიის ფართო გამოყენებას, რათა მიიზიდოს მილიარდი ახალი მომხმარებელი Web 3.0 სექტორში. თავად BNB Chain-ს ჰყავს 4 მილიონზე მეტი მომხმარებელი 4000 DApp-ში. მისი native-ტოკენი BNB არის 5 ტოპ კრიპტოვალუტას შორის 84.6 მლრდ აშშ დოლარიანი საბაზრო კაპიტალიზაციით. აქტივი იყიდება 580 აშშ დოლარად, მისი ფასი დღე-ღამეში 2.1%-ით გაიზარდა. თვიურმა ზრდამ 1.74% შეადგინა, წლის დასაწყისიდან კი აქტივის ღირებულება 86%-ით გაიზარდა. https://tinyurl.com/2w6fhx34

Apple-მა გააფრთხილა ინვესტორები, რომ მომავალი პროდუქტები შეიძლება არ იყოს ისეთი მომგებიანი, როგორც iPhone-ის ბიზნესი, რადგან კომპანია იკვლევს ახალ, გადაუმოწმებელ ბაზრებს, როგორებიცაა ხელოვნური ინტელექტი და ვირტუალური რეალობის ჰედსეტები. ფოტოს წყარო: Shyam Mishra/Unsplash კომპანიამ თავის უახლეს ფინანსურ ანგარიშში დაამატა ახალი გაფრთხილება ფაქტორების შესახებ, რომლებმაც შეიძლება გავლენა მოახდინოს გაყიდვების ზრდასა და მომგებიანობაზე: „ახალმა პროდუქტებმა, სერვისებმა და ტექნოლოგიებმა შეიძლება შეცვალოს არსებული შეთავაზებები და გამოიწვიოს შემოსავლებისა და მოგების შემცირება, რამაც შეიძლება მატერიალურად უარყოფითი გავლენა მოახდინოს ბიზნესზე, ოპერაციების შედეგებსა და ფინანსურ მდგომარეობაზე“. თავის წლიურ ანგარიშებში კომპანია ტრადიციულად აფრთხილებს ინვესტორებს ისეთი ფაქტორების შესახებ, როგორებიცაა კონკურენცია, ვალუტის ცვლილებები და მიწოდების ჯაჭვის საკითხები, რამაც შეიძლება გამოიწვიოს ცვალებადობა და შემცირებული მარჟა. წელს Apple-მა ასევე დაამატა გაფრთხილება "გეოპოლიტიკური არასტაბილურობის" შესაძლო გავლენის შესახებ - ელემენტი, რომელიც რამდენიმე წლის განმავლობაში აკლია მის რისკ ფაქტორებს - ასევე გაფრთხილება ხელოვნურ ინტელექტთან დაკავშირებული უსაფრთხოების რისკების შესახებ. განცხადება გამოჩნდა მას შემდეგ, რაც Apple-მა დიდი ინვესტიცია განახორციელა შერეული რეალობის ჰედსეტ Vision Pro-ში, ასევე Apple Intelligence-ში, Siri-სა და ChatGPT-ის ინტეგრაციაში. Deepwater Asset Management-ის წარმომადგენელმა Gene Munster-მა აღნიშნა, რომ Apple არის იმ გაურკვევლობის ეტაპზე, როდესაც კომპანია შედის პროდუქციის ახალ კატეგორიებში. მაგალითად, Vision Pro - Apple-ის პირველი ახალი მოწყობილობა წლების განმავლობაში, ღირს 3.500 აშშ დოლარი და იყიდება შეზღუდული რაოდენობით. Munster-მა ასევე იკითხა, თუ როგორ აპირებს Apple ფულის გამომუშავებას ხელოვნური ინტელექტით მის ფუნქციებზე წვდომის საფასურის გადახდის გარეშე. აღსანიშნავია, რომ Apple ასევე განიცდის მარეგულირებელ ზეწოლას App Store-სა და მისი სერვისების ბიზნესის სხვა სეგმენტებთან დაკავშირებით. კერძოდ, აშშ-ის ბოლოდროინდელი ანტიმონოპოლიური გამარჯვება Google-ზე ემუქრება Apple-ს მილიარდობით დოლარის ლიცენზირების მოსაკრებლის ჩამორთმევით, რომელსაც იგი ამჟამად იღებს საძიებო გიგანტისგან, როგორც პარტნიორისგან. მიუხედავად ამ მონაცემებისა, Apple-ის მთლიანი მარჟა 2021 წლისთვის 40%-მდე გაიზარდა 2007 წელს არსებული 33%-დან, როდესაც iPhone გამოვიდა. ეს იმიტომ მოხდა, რომ უფრო და უფრო მეტი მომხმარებელი ირჩევს iPhone-ის ძვირადღირებულ მოდელებს, მიუხედავად იაფი მოწყობილობების მწარმოებლების ძლიერი კონკურენციისა. ასევე აღსანიშნავია, რომ Apple-მა ცოტა ხნის წინ გამოაცხადა შემოსავლების ზრდა 6%-ით 94.9 მლრდ აშშ დოლარამდე კვარტალში, რეკორდული მთლიანი მარჟით 46.2%. უოლ სტრიტის ანალიტიკოსების უმეტესობა პროგნოზირებს Apple-ის მთლიანი მარჟის ზრდას მომდევნო წლებში - 49%-იანი მაჩვენებლით ათწლეულის ბოლოს. Apple-ის სერვისების ბიზნესის ზრდამ, რომელიც ახლა დაახლოებით 100 მლრდ აშშ დოლარს გამოიმუშავებს წელიწადში, ასევე ხელი შეუწყო მარჟის გაზრდას Google-ის გადახდების წყალობით, რათა იგი ყოფილიყო ნაგულისხმევი (default) საძიებო სისტემა iPhone-ებზე. ამავდროულად, Apple-ის სერვისების ჯამური ზღვარი აჭარბებს 70%-ს, სხვა პროდუქტების 36-37%-თან შედარებით. "ეს არის საინტერესო დრო Apple-ისთვის", - აღნიშნა Futurum Group-ის გენერალურმა დირექტორმა Dan Newman-მა და აღნიშნა, რომ კომპანიის ღირებულება დაახლოებით 3.4 ტრლნ აშშ დოლარია და იგი საშუალო ტემპით იზრდება. https://tinyurl.com/264yt6jr

დაიწყო გეიმინგ კონსოლ PlayStation 5 Pro-ს გაყიდვები. ტესტირების შემდეგ წამყვანმა მედიასაშუალებებმა გაიზიარეს თავიანთი მოსაზრებები ახალი კონსოლის შესახებ, ასევე მოსაზრებები, ღირს თუ არა ახალი პროდუქტის ყიდვა იმ ფასად, რამდენადაც Sony-მ შეაფასა 700 აშშ დოლარად. ფოტოს წყარო: The Verge ახალი კონსოლის ანონსისას მისმა მთავარმა არქიტექტორმა Mark Cerny-მ განაცხადა, რომ PS5 Pro ორიგინალ კონსოლს სამი ძირითადი პარამეტრით აღემატება: უფრო ძლიერი გრაფიკული პროცესორი, გაუმჯობესებული რეითრეისინგი და რეგულირებადი მასშტაბირება ხელოვნური ინტელექტით. მარცხნიდან მარჯვნივ: PS5, PS5 Slim, PS5 Pro. ფოტოს წყარო: Games Radar PS5 Pro ვერსიას აქვს AMD-ის რვაბირთვიანი Ryzen SoC 16 ვირტუალური ნაკადის მხარდაჭერით. ჩიპი დაფუძნებულია იმავე Zen 2-ის არქიტექტურაზე, რომელზეც 2020 წელს გამოშვებულ ორიგინალ PlayStation 5-ში არსებული პროცესორია, ასევე უახლეს PS5 Slim-ში - კონსოლის 30%-ით უფრო მცირე ვერსიაში, რომელიც გასულ წელს გამოვიდა. პროცესორი მუშაობს ანალოგიურ 3.5 გჰც სიხშირეზე, მაგრამ ახალი ალგორითმების მხარდაჭერის წყალობით შეუძლია ავტომატური აჩქარება 3.85 გჰც-მდე, რაც PS5-ის წინა ვერსიებში ხელმისაწვდომი არ იყო. პროცესორის ინტეგრირებული გრაფიკა განახლებულია. ის დაფუძნებულია კვლავ RDNA 2 არქიტექტურაზე, მაგრამ iGPU შეიცავს 67%-ით მეტ გამოთვლით ერთეულს ჩვეულებრივ PlayStation 5-ის გრაფიკასთან შედარებით. შედეგად GPU-ს წარმადობა გაიზარდა 16.7 Tflop-фьву, ორიგინალი მოდელის 10.3 Tflop-თან შედარებით. GDDR6 ოპერატიული მეხსიერება 1 გბ უცვლელია, თუმცა მისი სიჩქარე გაიზარდა 18 გბ/წმ-მდე (რეგულარულ მოდელს აქვს 14 გბ/წმ). ასევე ხელმისაწვდომია 2 გბ DDR5 ოპერატიული მეხსიერება ოპერაციული სისტემის საჭიროებისთვის. SSD-ის მოცულობა გაორმაგდა 2 ტბ-მდე. Sony-მ გაამარტივა CMOS ბატარეაზე წვდომა ახალ მოწყობილობაში, რაც ამარტივებს პარამეტრების გადატვირთვას. ორიგინალი კონსოლი ამისთვის საჭიროებდა სრულად დაშლას. თამაშების დაყენების მუდმივი მეხსიერება შეიძლება გაიზარდოს დამატებითი დისკის გამოყენებით. ახალ პროდუქტს არ აქვს დისკი, რასაც მიმომხილველები უარყოფით მხარედ ასახელებენ, რადგან დისკებზე არსებული თამაშის კოლექციების მფლობელებს დამატებითი დისკის ყიდვა მოუწევთ 79 აშშ დოლარად. ოფციონალური, არჩევითი დისკი PS5 Pro-ზე დაყენებულია ყოველგვარი ხრახნებისა და ხელსაწყოების გარეშე. ფოტოს წყარო: The Verge PS5 Pro-ს ასევე აქვს Sony-ის ახალი, ხელოვნურ ინტელექტზე დაფუძნებული მასშტაბირების ფუნქცია PlayStation Spectral Super Resolution (PSSR), რომელიც Nvidia-ს DLSS-ის და AMD-ის FSR-ის მსგავსია. PSSR აუმჯობესებს კადრების სიხშირეს და გამოსახულების ხარისხს და მიზნად ისახავს ჩაანაცვლოს დროებითი დისკრეტიზაციის რეალიზაცია. კონსოლზე ასევე მხარდაჭერილია რეითრეისინგი. Sony-ის თქმით, ახალი PS5 Pro უზრუნველყოფს 45%-მდე ზრდას რენდერინგის სისწრაფეში და გააუმჯობესებს დეტალიაციას და კადრების სიხშირეს. მარცხნიდან მარჯვნივ: Bloodborne PS5-ზე, Bloodborne PS5 Pro-ზე, ჩართულია PS4 გამოსახულების გაუმჯობესება. ფოტოს წყარო: The Verge The Verge-ის მიმომხილველის თქმით თუ უგულებელვყოფთ რეითრეისინგის საკითხს, PS5 Pro-ს წარმადობა უფრო სუსტია, ვიდრე Ryzen 7 5800X-ზე დაფუძნებული კომპიუტერი GeForce RTX 3060 Ti ვიდეო ბარათით - ეს უკანასკნელი უზრუნველყოფს უკეთეს ტექსტურას და დეტალიზაციას. PS5 Pro-ს შეუძლია სურათების გამოტანა 4K გაფართოებით 60 კადრი წამში. კონსოლის გაგრილების სისტემა შეიცვალა და ახალი კონსოლი უფრო გრილი გახდა. მარცხნიდან მარჯვნივ: PS5 რეჟიმში „წარმადობა“, PS5 რეჟიმში „გრაფიკა“, PS5 Pro რეჟიმში „უნივერსალურობა“. ფოტოს წყარო: The Verge Games Radar-ის თანახმად Sony-ს მიერ გამოცხადებული გრაფიკული რეითრეისინგის, დეტალებისა და მთლიანი ტექსტურების გაუმჯობესება ნამდვილად არსებობს, მაგრამ ისინი ძლივს შესამჩნევია. ახალ სურათს ნამდვილად შეუძლია გაგაოცოთ, მაგრამ მხოლოდ იმ შემთხვევაში, თუ ეკრანთან ძალიან ახლოს იჯდებით და არა ტელევიზორის წინ დივანზე. როდესაც ეკრანს შორდებით, ყველა ეს დეტალი იკარგება საერთო ფონზე. აქედან გამომდინარე, გამოსავალი შეიძლება იყოს ან პატარა გეიმინგ მონიტორის ან უზარმაზარი 80-დუიმიანი ტელევიზორის გამოყენება, რომელიც განთავსებული იქნება მომხმარებლის თვალიდან ორ მეტრში. Verge-ის მიმომხილველი ბოლომდე არ ეთანხმება ამ დასკვნებს და ამტკიცებს, რომ PS5 Pro-ზე გრაფიკის გაუმჯობესება ნამდვილად ჩანს. მარცხნიდან მარჯვნივ: PS5 და PS5 Pro. ფოტოს წყარო: Games Radar Tom's Guide-ის მიმომხილველის თქმით ის გირჩევთ PS5 Pro-ს შეძენას მხოლოდ საკმაოდ მნიშვნელოვანი პირობებით. გაუმჯობესებული პროცესორი, GPU 67%-ით მეტი გამოთვლითი ერთეულით, 28%-ით უფრო სწრაფი მეხსიერება, ახალი PSSR მასშტაბირების ფუნქციები - ეს ყველაფერი, რა თქმა უნდა, მნიშვნელოვანია. თუმცა, ისინი არ ღირს იმ 270 აშშ დოლარად (მათ შორის დისკის დამატებითი შეძენის ჩათვლით), რომელიც მოგიწევთ ზედმეტად გადაიხადოთ PS5 Pro-ს შესაძენად PS5-ის ჩვეულებრივ ვერსიასთან შედარებით. მარცხნიდან მარჯვნივ: PS5 და PS5 Pro. ფოტოს წყარო: Games Radar ყველა მიმომხილველის აზრით PS5 Pro-ს მყიდველების მთავარი აუდიტორია არის კონსოლის ყველაზე თავდადებული მოთამაშეები და Sony-ს თაყვანისმცემლები, რომლებიც მზად იქნებიან გადაიხადონ 700 აშშ დოლარი გარკვეული გრაფიკული გაუმჯობესებისთვის, რომლებიც შეიძლება უფრო უმნიშვნელო ჩანდეს, ვიდრე მნიშვნელოვანი. როგორც უკვე აღვნიშნეთ, ნაკრებში დისკის არარსებობა იმედგამაცრუებელი იყო მიმომხილველებისთვის, რადგან პრემიუმ პროდუქტის შეძენისას მოსალოდნელია, რომ მის ფასში შევიდეს ყველა დამატებითი ოფცია. მარცხნიდან მარჯვნივ: PS5 და PS5 Pro. ფოტოს წყარო: Games Radar PS5 Pro-ს გაყიდვების დაწყებისას Sony-მ პირობა დადო, რომ უზრუნველყოფს 50-ზე მეტ თამაშს PS5 Pro-ზე გაუმჯობესებული გრაფიკის მხარდაჭერით. როგორც Tom's Guide აღნიშნავს, 500 აშშ დოლარად ჩვეულებრივი PS5 გვთავაზობს მნიშვნელოვნად უკეთეს ღირებულებას, ვიდრე კონსოლის განახლებული მოდელი. ჩვეულებრივი ვერსია უპრობლემოდ უშვებს ერთსა და იმავე თამაშებს, უზრუნველყოფს დიდწილად შთამბეჭდავ გამოსახულებას (ზოგიერთ თამაშში 4K-ს ჩათვლით) და შეუძლია ბლოკბასტერების გაშვება სტაბილური 60 კადრი წამში სიჩქარით. https://tinyurl.com/r63s4b48

დღწ-ღამის განმავლობაში BTC-ის კაპიტალიზაცია გაიზარდა 6.5%-ით და მიაღწია 1.46 ტრლნ აშშ დოლარს. ღირებულების ზრდა განპირობებულია აშშ-ში საპრეზიდენტო არჩევნების შედეგებით, სადაც რესპუბლიკელების კანდიდატმა დონალდ ტრამპმა გაიმარჯვა. ოთხი საათის შემდეგ, რაც Bitcoin-მა მიაღწია რეკორდულ 75.407 აშშ დოლარიან მაჩვენებელს უმსხვილეს კრიპტო ბირჟა Binance-ზე, ლიკვიდირებული მოკლევადიანი პოზიციების მოცულობამ 212 მილიონს გადააჭარბა. აქტივის წინა მაქსიმალური ფასი 73.777 აშშ დოლარი დაფიქსირდა 13 მარტს. 5 ნოემბრიდან 6 ნოემბრის ჩათვლით კრიპტოვალუტის ბაზარზე პოზიციების ლიკვიდაციების მთლიანმა მოცულობამ 499 მლნ აშშ დოლარს მიაღწია, 370 მლნ აშშ დოლარი კი მოკლევადიან პოზიციებზე მოდის. ყველაზე მეტად დაზარალდნენ Bitcoin-ის ტრეიდერები, რომელთა ზარალი 220 მლნ აშშ დოლარად შეფასდა. ტრეიდერები იმედოვნებენ, რომ გაზრდილი ცვალებადობა გაგრძელდება ყოველდღიური 4-5%-იანი რყევებით. Bitcoin-მა ბოლოს გადააჭარბა Meta-ს (NASDAQ:META) საბაზრო კაპიტალიზაციით იანვარში, სპოტ Bitcoin ETF-ებით ვაჭრობის დაწყების შემდეგ. ბლოკჩეინის დამკვირვებელ CloverPool-ის თანახმად Bitcoin-ის მაინინგის სირთულემ ისტორიაში პირველად გადააჭარბა 100 T ნიშნულს 868.896 ბლოკზე. წინა რეკორდი 95.7 T დაფიქსირდა ორი კვირის წინ. https://tinyurl.com/mr4cx3td

Nvidia-მ პირველად Apple-ს კაპიტალიზაციით მიმდინარე წლის ივნისში გაუსწრო, ასევე ოქტომბრის ბოლოს მან მოახერხა ტექნიკურად გაემეორებინა ეს ხრიკი, თუმცა მხოლოდ რამდენიმე საათის განმავლობაში ბირჟაზე ვაჭრობის მიმდინარეობისას. ამჟამად Nvidia-ს უპირატესობა უფრო გრძელვადიანი იყო, რადგან მისი კაპიტალიზაცია Apple-თან შედარებით უფრო მაღალი აღმოჩნდა ვაჭრობის დასრულებისას აშშ-ში. ამავდროულად, ორივე კომპანია ჩამორჩა ოქტომბრის მაქსიმალურ მაჩვენებლებს. ფოტოს წყარო: Nvidia გასული ვაჭრობის შედეგების მიხედვით Nvidia-ს კაპიტალიზაციამ 3.43 ტრლნ აშშ დოლარი შეადგინა, Apple-ის შემთხვევაში კი ეს ღირებულება 3.37 ტრლნ აშშ დოლარამდე დაეცა მას შემდეგ რაც კომპანიის აქციების ფასი 0.7%-ით შემცირდა. ამ შემთხვევაში Nvidia-ს აქციების ღირებულება 2.8%-ით გაიზარდა და 139.91 აშშ დოლარი შეადგინა, ხოლო ძირითადი სესიის დახურვის შემდეგ აქციების ფასმა კვლავ განაგრძო ზრდა და გადალახა 140.17 აშშ დოლარიანი ზღვარი. Nvidia-ს აქციების ფასი გასული წლის განმავლობაში სამჯერ გაიზარდა და უკვე ახლოსაა ამ შედეგის გამეორებასთან წელს. იგივე არ შეიძლება ითქვას Apple-ის აქციებზე, მათი ფასი გაიზარდა წლის დასაწყისიდან დაახლოებით 17%-ით და ზოგადად კომპანია ახლა იწყებს განვითარებას ხელოვნური ინტელექტის ტექნოლოგიების მასობრივი აღქმით. Microsoft რჩება მესამე ადგილზე მსოფლიოში ყველაზე ძვირადღირებული საჯარო კომპანიების სიაში 3.1 ტრლნ აშშ დოლარი კაპიტალიზაციით. ის არის OpenAI-ის უმსხვილესი ინვესტორი და Nvidia-ს მნიშვნელოვანი მომხმარებელი, ამიტომ იგი ასევე მჭიდროდ არის დაკავშირებული ხელოვნური ინტელექტის ტექნოლოგიების ბაზართან. გასულ კვირას Apple-მა გამოაქვეყნა პროგნოზი მიმდინარე კვარტლის შესახებ, რამაც ინვესტორების იმედგაცრუება გამოიწვია, შედეგად კი პირობები შექმნა კაპიტალიზაციის შემცირებისთვის. Nvidia-ს ჯერ არ გამოუქვეყნებია კვარტალური ანგარიში, მაგრამ ამას გააკეთებს მიმდინარე თვეში და შესაბამისი მოლოდინები უკვე ზრდის მოთხოვნას მის აქციებზე. https://tinyurl.com/5wuv6bnc

Microsoft-მა დაამატა ხელოვნური ინტელექტის საფუძველზე ტექსტის რედაქტირების ფუნქცია მარტივ ტექსტურ რედაქტორ Notepad-ს, რომელიც Windows-ში ჯერ კიდევ 1983 წელს გამოჩნდა. ფუნქცია ხელმისაწვდომია Windows 11 ოპერაციული სისტემის წინასწარ ვერსიაში, რომელიც ამჟამად ტესტირებას გადის, როგორც პროგრაა Windows Insider-ის ნაწილი. ფოტოს წყარო: Microsoft Windows Insider-ის ოფიციალურ ბლოგზე ფუნქცია Rewrite-ის აღწერაში ნათქვამია, რომ იგი იყენებს ხელოვნურ ინტელექტს წინადადებების პარაფრაზირებისთვის, ტონის კორექტირებისა და კონტენტის სიგრძის შესაცვლელად. Windows Insiders-ის ახალ ფუნქციებზე ადრეული წვდომის მქონეებს შეუძლიათ ახლავე სცადონ Rewrite. ამისათვის უნდა აირჩიოთ ტექსტის ის მონაკვეთი Notepad-ში, რომლის შეცვლაც გსურთ, შემდეგ დააწკაპუნოთ მარჯვენა ღილაკით არჩეულ ფრაგმენტზე და აირჩიოთ Rewrite. აპლიკაცია აჩვენებს დიალოგურ ფანჯარას, სადაც შეგიძლიათ აირჩიოთ ტექსტის შეცვლა. მაგალითად, გახადოთ ის უფრო მოკლე ან გრძელი. Rewrite შემდეგ შემოგთავაზებთ ტექსტის მითითებული ნაწილის სამ რედაქტირებულ ვერსიას, რომელიც შეიძლება გამოყენებულ იქნას ორიგინალი მონაკვეთის ჩასანაცვლებლად. აღსანიშნავია, რომ საჭიროა შეხვიდეთ Microsoft-ის ანგარიშში Rewrite-ის გამოსაყენებლად, რადგან ფუნქცია ქლაუდზეა დაფუძნებული და საჭიროებს ავთენტიფიკაციას და ავტორიზაციას. ფუნქცია ხელმისაწვდომია Windows 11-ის ახალ წინასწარ ვერსიაში Windows Insiders-ებისთვის აშშ-ში, საფრანგეთში, დიდ ბრიტანეთში, კანადაში, იტალიასა და გერმანიაში. ივლისის დასაწყისში Microsoft-მა განაახლა Notepad და დაამატა მართლწერის შემოწმების და ავტოკორექტირების ფუნქციები. Rewrite-თან ერთად Microsoft-მა დაიწყო ახალი ხელოვნური ინტელექტის მქონე რედაქტირების ხელსაწყოების ტესტირება გრაფიკულ აპლიკაცია Paint-ში, რომლებიც ასევე ხელმისაწვდომია Windows Insider პროგრამის საშუალებით. გენერაციული შევსების ახალი ფუნქცია საშუალებას გაძლევთ შეიყვანოთ დამატებები სურათზე ტექსტური მოთხოვნების საფუძველზე, ხოლო Generative Erase-ს შეუძლია წაშალოს სურათის ნაწილი და შეურიოს იგი დარჩენილ ცარიელ სივრცეს. Generative Fill თავდაპირველად ხელმისაწვდომი იქნება კომპიუტერის ტესტერებისთვის Copilot Plus ეკოსისტემაში. თავის მხრივ, Generative Erase ხელმისაწვდომი იქნება Windows Insider პროგრამის Windows 11-ის მქონე ყველა წევრისთვის. https://tinyurl.com/nfj3pucc

მორიგი გადაანგარიშების შედეგად პირველი კრიპტოვალუტის მაინინგის სირთულე 6.24%-ით გაიზარდა. მაჩვენებელმა რეკორდულ მაჩვენებელს მიაღწია 101.65 T ნიშნულზე. წყარო: CloverPool. საშუალო ჰეშრეითი ოდნავ შემცირდა ორკვირიანი საანგარიშო პერიოდის განმავლობაში (680 EH/s), მაგრამ ამჟამად კვლავ აღემატება 720 EH/s-ს. Glassnode-ის თანახმად ქსელის გამოთვლითი სიმძლავრის 7-დღიანმა მოძრავმა საშუალო მაჩვენებელმა მაქსიმალურ 755.7 EH/s-ს მიაღწია 31 ოქტომბერს, შემდეგ კი დაკორექტირდა 723 EH/s ნიშნულზე. წყარო: Glassnode. Hashrate Index-ის მონაცემების მიხედვით ჰეშის ფასი PH-ზე 43.1 აშშ დოლარამდე შემცირდა. წყარო: Hashrate Index. The Block-ის თანახმად მაინერების შემოსავლის 7-დღიანი მოძრავი საშუალო დღიური შემოსავალი შემცირდა 34.5 მლნ აშშ დოლარამდე. წყარო: The Block. შეგახსენებთ, რომ ოქტომბერში შეერთებულ შტატებში არსებული 14 მაინინგ კომპანიის ჰეშრეითმა მთლიანი ღირებულების რეკორდულ 28.9%-ს მიაღწია. https://tinyurl.com/33yf44s7

Apple შეისწავლის ჭკვიანი სათვალეების ბაზარზე შესვლის პერსპექტივებს. ამ მიზნებისთვის ამოქმედდა პროექტი Atlas, რომელიც გულისხმობს Apple-ის თანამშრომლებისგან უკუკავშირის შეგროვებას ჭკვიანი სათვალეების არსებულ მოდელებზე. ეს დაეხმარება Apple-ს გააანალიზოს კონკურენტების მოწყობილობების ძლიერი და სუსტი მხარეები და გაითვალისწინოს ისინი საკუთარი პროდუქტის შემუშავებისას, რომელიც კონკურენციას გაუწევს Meta-ს და ინდუსტრიის სხვა ლიდერების მოწყობილობებს. ფოტოს წყარო: Apple პროექტს ხელმძღვანელობს Product Systems Quality გუნდი, Apple-ის საინჟინრო განყოფილების ნაწილი. Apple-ის კუპერტინოს სათაო ოფისში შერჩეული თანამშრომლებისთვის გაგზავნილ შეტყობინებაში გუნდმა განაცხადა, რომ კომპანიისთვის მნიშვნელოვანია პროდუქტების ტესტირება და განვითარება, რომლებსაც ყველა შეიყვარებს, სწორედ ამიტომ ისინი ეძებენ მონაწილეებს ბაზარზე არსებული სმარტ სათვალეების კვლევაში. AR-სათვალე Snap Spectacles. ფოტოს წყარო: spectacles.com დახურული ფოკუს ჯგუფების ორგანიზება და შიდა ტესტირება არის Apple-ის ტრადიციული მიდგომა, როდესაც ემზადება ახალი პროდუქტის კატეგორიის შესაქმნელად. როგორც წესი, კომპანია ეყრდნობა თანამშრომლებს და არა მომხმარებლებს, რათა შეინარჩუნოს თავისი გეგმები. მაგალითად, Apple-მა ცოტა ხნის წინ ჩაატარა შიდა ტესტირება სექტემბერში პრედიაბეტის მქონე ადამიანებისთვის განკუთვნილი აპლიკაციისთვის, რომელიც აკონტროლებს მათ სისხლში შაქრის დონეს და მათ დიეტას. Apple-ის ამჟამინდელი ინიციატივა მიუთითებს მის ინტერესზე სმარტ სათვალის კატეგორიაში საკუთარი მოწყობილობის შექმნაზე. ცნობილია, რომ კომპანიამ უკვე განიხილა თან სატარებელი გაჯეტების ბაზარზე შესვლის შესაძლებლობა, რამაც შეიძლება გამოიწვიოს კონკურენცია Meta-სა და მის სმარტ მოწყობილობებთან. თუმცა, Apple-ის ჭკვიანი სათვალის გამოსვლას უახლოეს წლებში არ უნდა ველოდოთ, ვინაიდან ასეთი მოწყობილობების განვითარება მოითხოვს დროს, სერიოზულ ტექნიკურ და საინჟინრო რესურსებს და ასევე ინოვაციურ გადაწყვეტილებებს. სმარტ-სათვალე Ray-Ban Meta-სგან. ფოტოს წყარო: ray-ban.com პროექტი Atlas შექმნილია იმისთვის, რომ დაეხმაროს Apple-ს გამოავლინოს ისეთი ფუნქციები, რომლებიც შეიძლება იყოს მთავარი კომპანიის მომავალი მოწყობილობისთვის, ასევე გამოიკვლიოს მისი გამოყენების შესაძლო შემთხვევები. ასეთი კვლევა დაეხმარება კომპანიას გამოავლინოს ტექნოლოგიები და შესაძლებლობები, რომლებიც საშუალებას მისცემს Apple-ს განასხვავოს თავისი მოწყობილობა კონკურენტებისგან, როგორიცაა Meta და Snap, და მოარგოს იგი სხვადასხვა სამომხმარებლო სცენარს. თებერვალში Apple-მა წარმოადგინა 3499 აშშ დოლარიანი ჰედსეტი Vision Pro, რომელმაც მაღალი შეფასება მიიღო ვიდეოს ნახვისა და სამუშაო ამოცანების შესრულებისთვის. თუმცა, მისი მაღალი ფასი და დიდი ზომა ამ მოწყობილობას მიუწვდომელს ხდის მასობრივი მომხმარებლისთვის. დიდი ხნის განმავლობაში Apple ცდილობდა შეექმნა ჰედსეტის მსუბუქი ვერსია შერეული რეალობის (AR) ელემენტებით, რომელიც შესაფერისი იქნებოდა ყოველდღიური გამოყენებისთვის და შეიძლება გამხდარიყო iPhone-ის ალტერნატივა. Apple განიხილავს ვარიანტს, სადაც გამოთვლების დიდი ნაწილი განხორციელდება iPhone-ზე, რაც შეამცირებს ჰედსეტის წონას და გახდის მას უფრო კომფორტულს, თუმცა მრავალი ტექნიკური სირთულე აფერხებს მის განვითარებას. AR-სათვლე Snap Spectacles. ფოტოს წყარო: spectacles.com Meta კი პირიქით, უფრო ხელმისაწვდომ ვარიანტს დაეყრდნო. Luxottica Group SpA-სთან თანამშრომლობით კომპანიამ შექმნა 299$-იანი სმარტ სათვალე Ray-Ban, რომელიც, მიუხედავად იმისა, რომ არ აქვს სრული შერეული რეალობის (AR) მხარდაჭერა, საშუალებას გაძლევთ გადაიღოთ ვიდეო, მიიღოთ ზარები და გამოიყენოთ AI ასისტენტი. ეს გადაწყვეტილება, მიუხედავად მისი შეზღუდული ფუნქციონალისა, პოპულარული გახდა მისი სიმარტივისა და ხელმისაწვდომობის გამო. Apple განიხილავს AirPods-ის კონცეფციის მსგავსი სმარტ სათვალეის შექმნას, სადაც აქცენტს გააკეთებს ბატარეის მუშაობის ხანგრძლივობაზე, გაუმჯობესებულ სენსორებსა და მოწინავე აუდიო ტექნოლოგიაზე. ეს მიდგომა საშუალებას მისცემს კომპანიას მომხმარებლებს შესთავაზოს მოსახერხებელი მოწყობილობა ხანგრძლივი მუშაობის დროით, რომელიც შეიძლება გახდეს მათი ყოველდღიური ცხოვრების სრულფასოვანი ელემენტი და დაინერგოს მასში ახალი ფუნქციები. სმარტ სათვალე Ray-Ban Meta. ფოტოს წყარო: ray-ban.com თუმცა Apple-ის კონკურენტები აქტიურად მიიწევენ წინ. Meta-მ და Snap-მა ცოტა ხნის წინ წარმოადგინეს თავიანთი შერეული რეალობის სათვალის პროტოტიპები, რომლებსაც შეუძლიათ ციფრული სურათების, ტექსტური შეტყობინებების და აპლიკაციების გადატანა რეალურ სამყაროში. მიუხედავად იმისა, რომ ეს მოწყობილობები ჯერ კიდევ განვითარების ეტაპზეა და არ არის მოსალოდნელი წლების განმავლობაში მათი კომერციული გამოშვება, კომპანიები უკვე ქირაობენ დეველოპერებს, რათა დააჩქარონ აპლიკაციებისა და კონტენტის შექმნა სამომავლო პროდუქტებისთვის. https://tinyurl.com/yh84rbm2

თანამგზავრულმა სისტემა SpaceX Starlink-მა Direct to Cell ტექნოლოგიის გამოყენებით უზრუნველყო კომუნიკაცია 27000-ზე მეტ სმარტფონში აშშ-ში ქარიშხლით დაზარალებულ რაიონებში. ამის შესახებ ნათქვამია განცხადებაში, რომელიც ილონ მასკის კომპანიამ Industry Canada-სთან გააკეთა. გამოქვეყნდა კომენტარები ინდუსტრიის წარმომადგენლების მიერს, მათ შორისაა SpaceX, რომელმაც დაასახელა Direct to Cell ტექნოლოგიის გამოყენება Starlink-ის სატელიტების საშუალებით ფიჭურ კომუნიკაციებამდე, რათა დაეხმაროს აშშ-ის მაცხოვრებლებს ქარიშხლების, “ელენისა” და “მილტონის” შედეგების ლიკვიდაციის პროცესში. „დაზარალებულ მოსახლეობაზე დადებითი გავლენა მყისიერი იყო. მხოლოდ ერთ დღეში 27000-ზე მეტი მობილური მოწყობილობა დაუკავშირდა Direct to Cell თანამგზავრებს“, - ნათქვამია X-ზე SpaceX-ის მიერ გამოქვეყნებულ შეტყობინებაში. Starlink-ის თანამგზავრული დაჯგუფება იყენებს ორბიტალურ აპარატებს ფიჭური სიგნალების გადასაცემად, რაც საშუალებას აძლევს სისტემას გადასცეს მონაცემები სმარტფონებზე მაშინაც კი, როცა სახმელეთო ანძები მიუწვდომელია. გასულ თვეში SpaceX-მა მიიღო ნებართვა კომუნიკაციების ფედერალური კომისიისგან, გამოიყენოს Starlink-ის თანამგზავრები საგანგებო სიგნალებისა და SMS შეტყობინებების გადასაცემად ქარიშხლებით დაზარალებულ შტატებში, როგორებიცაა ფლორიდა და ჩრდილოეთი კაროლინა. SpaceX-მა Industry Canada-სთვის გამოქვეყნებულ განცხადებაში აღნიშნა, რომ „სისტემის მოქმედების პირველ დღეებში 250 000-ზე მეტი ტექსტური შეტყობინება გაიგზავნა Direct to Cell-ის საშუალებით, რომელიც ერთმანეთთან აკავშირებდა ახლობელ ადამიანებს, ოჯახის წევრებს და საგანგებო სამსახურებს კატასტროფების დროს“. ეს შეესაბამება T-Mobile-ის წარმომადგენლის ბოლო განცხადებას, რომელმაც თქვა, რომ Starlink-ის სისტემა გამოიყენება "ასობით ათასი" SMS შეტყობინების გადასაცემად. "Direct to Cell სისტემა აგრძელებს ათასობით შეტყობინების მიწოდებას, სანამ დაზიანებული სახმელეთო სატელეკომუნიკაციო ინფრასტრუქტურა აღდგება", - ნათქვამია SpaceX-ის განცხადებაში. ეს დეტალები ასახავს Starlink-ის ფიჭური თანამგზავრების შესაძლებლობებს, რომელთა რიცხვი ორბიტაზე ამჟამად 250-ზე მეტია. SpaceX მუშაობს ერთ-ერთ კანადურ ოპერატორთან Starlink-ის მეშვეობით ქვეყანაში თანამგზავრული კომუნიკაციების რეალიზაციის შესაძლებლობის მიმართულებით. https://tinyurl.com/3thhkvcr

შვეიცარიულმა კომპანია 21Shares-მა აშშ-ის ფასიანი ქაღალდებისა და ბირჟის კომისიაში (SEC) შეიტანა S-1 განაცხადი კრიპტოვალუტა XRP-ზე დაფუძნებული ბირჟაზე ვაჭრობის ფონდის დასარეგისტრირებლად. პროდუქტის ლისტინგი მოსალოდნელია Cboe BZX პლატფორმაზე, ტიკერი არ არის მითითებული. XRP-ის მეურვეა Coinbase Custody Trust Company. „21Shares რჩება ერთგული - გააფართოვოს ამერიკელი ინვესტორების წვდომა კრიპტო აქტივების კლასზე და ჩვენ მოუთმენლად ველით ინოვაციების გაძლიერებას აშშ-ში“, განუცხადა კომპანიამ The Block-ს. ივნისში VanEck-მა შეიტანა განაცხადი SEC-ში Solana ETF-ის ამოქმედებისთვის. იმავე თვეში 21Shares-მაც გაგზავნა მსგავსი დოკუმენტი, ხოლო ოქტომბერში მათ შეუერთდა Canary Capital. ამ უკანასკნელმა ასევე შეიტანა განაცხადები XRP-ETF-სა და Litecoin-ETF-ზე. შეგახსენებთ, რომ ოქტომბერში Bitwise-მა წარადგინა განცხადება კომისიაში XRP-ზე დაფუძნებული სპოტ ბირჟაზე ვაჭრობის ფონდის ასამოქმედებლად. 2020 წლის დეკემბრიდან SEC-ის სამართლებრივი ბრძოლა Ripple-ის წინააღმდეგ კრიპტოვალუტის სტატუსთან დაკავშირებით გრძელდება. 2023 წლის ივლისში Fintech-კომპანიამ ნაწილობრივ გამარჯვებას მიაღწია. სასამართლომ დაადგინა, რომ პროგრამული გაყიდვები და სხვა სიმბოლური დისტრიბუცია არ წარმოადგენდა საინვესტიციო კონტრაქტების შეთავაზებას და რეალიზაციას. იმ დროს SEC-მა გადაწყვეტილების გასაჩივრება სცადა, მაგრამ სასამართლომ კომისიის შუალედური საჩივარი არ დააკმაყოფილა. დეპარტამენტს ჯერ კიდევ აქვს შესაძლებლობა სცადოს ხელახლა. კომპანიის მთავარმა ადვოკატმა სტიუარტ ალდეროთიმ გამოხატა რწმენა, რომ ეს არაფერს შეცვლის XRP-ის სტატუსში. 2024 წლის 7 აგვისტოს მოსამართლე ანალიზა ტორესმა Ripple დააჯარიმა 125 მლნ აშშ დოლარით SEC-თან დავის ფარგლებში. თავდაპირველად სააგენტო 2 მლრდ აშშ დოლარს მოითხოვდა. https://tinyurl.com/34vd7eah

OpenAI-ის გენერალურმა დირექტორმა სემ ოლტმენმა უარყო GPT-5-ის გამოშვების მოახლოების იმედები და განაცხადა, რომ კომპანია 2024 წლის ბოლომდე ყურადღებას გაამახვილებს GPT-o1 ვერსიის გაუმჯობესებაზე. ეს ვერსია ახლა ორიენტირებულია სიღრმისეულ ანალიზზე და შექმნილია სპეციალიზებული პრობლემების გადასაჭრელად ისეთ სფეროებში, როგორებიცაა მეცნიერება, მათემატიკა და აკადემიური კვლევა. OpenAI ასევე გეგმავს დამოუკიდებელი „AI აგენტების“ შემუშავებას, რომლებსაც შეუძლიათ უფრო დამოუკიდებლად იმუშაონ, ადამიანის ჩარევის გარეშე. ფოტოს წყარო: alanajordan / Pixabay Reddit-ის მომხმარებლებთან საუბრისას ოლტმენმა განმარტა, რომ ChatGPT-ის შემდეგი ვერსიის, GPT-5-ის გამოშვება 2024 წელს არ იგეგმება. ”წლის ბოლომდე გვექნება რამდენიმე საინტერესო გამოშვება, მაგრამ არაფერი, რასაც GPT-5-ს ვუწოდებთ,” - თქვა მან. ამის ნაცვლად, კომპანია ყურადღებას გაამახვილებს ვერსია GPT-o1-ის გამოშვებაზე, რომელიც შექმნილია პრობლემის გადაჭრის უფრო გააზრებული მიდგომისთვის. ასევე ცნობილი კოდური სახელწოდებით Project Strawberry, ChatGPT-ის ეს ვერსია მიმართულია სპეციალიზებული გამოყენების შემთხვევებზე, რომლებიც საჭიროებენ გააზრებულ გადაწყვეტილებებს და ზუსტ პასუხებს, განსაკუთრებით სამეცნიერო და აკადემიურ სფეროებში. ოლტმენმა აღნიშნა, რომ თანამედროვე ხელოვნური ინტელექტის მოდელების გაზრდილი სირთულე ართულებს ძირითადი განახლებების პარალელურად განვითარებას. გარდა ამისა, OpenAI-ის წინაშე დგას სერიოზული შეზღუდვები და რთული არჩევანი, როდესაც საქმე ეხება გამოთვლითი რესურსების გამოყოფას, რაც ზღუდავს კომპანიის შესაძლებლობას - შეძლოს მრავალი ძირითადი AI მოდელის გამოშვება ერთდროულად. ChatGPT-ის შემდეგი მნიშვნელოვანი მიღწევა იქნება „AI აგენტები“ - სისტემები, რომლებსაც შეუძლიათ ამოცანების შესრულება ავტონომიურად, გარე სამყაროსთან ურთიერთქმედებით ადამიანის ჩარევის გარეშე. ოლტმენმა განმარტა, რომ ასეთი ფუნქციები შეძლებს კონკრეტული პრობლემების გადაჭრას, მაგალითად, ავიაბილეთების დაჯავშნას, კონცერტის ბილეთების ყიდვას ან მხარდაჭერის მოთხოვნებზე პასუხის გაცემას. OpenAI გეგმავს, რომ ეს შესაძლებლობები თავისი AI მოდელების მნიშვნელოვან ნაწილად აქციოს, რაც მნიშვნელოვნად გააფართოვებს მათ ფუნქციონირებას. OpenAI-ის განვითარების ვიცე-პრეზიდენტმა Srinivas Narayanan-მა ისაუბრა ChatGPT-ის მომავლის ხედვაზე და აღნიშნა, რომ სამომავლოდ AI-მოდელი შეძლებს უკეთ გაიგოს მომხმარებლის პირადი ინფორმაცია და განახორციელოს მოქმედებები მისი სახელით. ეს, მისი აზრით, მნიშვნელოვნად გააფართოვებს ChatGPT-ის ფუნქციონირებას და აქცევს მას ინსტრუმენტად, რომელიც აქტიურად პასუხობს მომხმარებლის ყოველდღიურ მოთხოვნებს. ოლტმენმა ასევე მიანიშნა, რომ შესაძლოა ერთ დღეს გახსნას წვდომა ზრდასრულებისთვის განკუთვნილ კონტენტზე - Not Safe For Work, რომელიც ამჟამად დაბლოკილია. ”ჩვენ სრულად ვუჭერთ მხარს ზრდასრული მომხმარებლების პატივისცემის იდეას”, - თქვა მან და აღნიშნა, რომ ეს საკითხი სერიოზულ შესწავლას მოითხოვს და რომ OpenAI-ს ახლა უფრო გადაუდებელი ამოცანები აქვს. ოლტმენმა ხაზგასმით აღნიშნა, რომ კომპანია გეგმავს დაუბრუნდეს ამ საკითხს, როდესაც ძირითადი პრობლემები მოგვარდება. OpenAI-ის ხელმძღვანელობის ამბიციური მიზნები გულისხმობს მისი AI მოდელების შესაძლებლობების მნიშვნელოვან გაუმჯობესებას. მაისში კომპანიის მთავარმა საოპერაციო დირექტორმა Brad Lightcap-მა განაცხადა, რომ ერთი წლის განმავლობაში ჩვენ გავიცინებთ იმაზე, თუ რამდენად პრიმიტიული იყო ChatGPT-ის წინა ვერსიები. მიუხედავად იმისა, რომ GPT-5-ის გამოშვება ფერხდება, OpenAI მომხმარებლებს ახალ AI ინსტრუმენტებს სთავაზობს. ახლახანს გამოვიდა ChatGPT Search, რომელიც საშუალებას გაძლევთ მოძებნოთ ინფორმაცია ინტერნეტში პირდაპირ ChatGPT-ის საშუალებით, რაც ადრე მოითხოვდა საძიებო სისტემებზე გადასვლას. https://tinyurl.com/4wrws25b

Apple გამოუშვებს iOS 18.2 ოპერაციული სისტემის განახლებას Apple Intelligence-ის გაუმჯობესებული ფუნქციებით 2 დეკემბერს, დაგეგმილზე ერთი კვირით ადრე. პლატფორმის ახალი გამოშვება მიიღებს Genmoji AI emoji გენერატორს და ინტეგრაციას ChatGPT-სთან, რაც მნიშვნელოვნად გააფართოვებს ხელოვნური ინტელექტის შესაძლებლობებს კომპანიის მობილურ მოწყობილობებზე. ფოტოს წყარო: Apple Apple, როგორც წესი, x.2 განახლებებს დეკემბრის მეორე დეკადაში აქვეყნებს: iOS 17.2 გამოვიდა 11 დეკემბერს, ხოლო iOS 16.2 13 დეკემბერს. როგორც ჩანს, კომპანია iOS 18.1-ზე გადასვლაზე მომხმარებელთა სიჩქარითაა წახალისებული, ამიტომ მიზნად ისახავს დააჩქაროს ინოვაციების გამოშვება, რათა iPhone-ის მფლობელებმა რაც შეიძლება მალე ისარგებლონ ახალი ფუნქციებით. Bloomberg-ის მიმომხილველ მარკ გურმანის თქმით iOS-ის ახალი განახლება იქნება Apple-ის ერთ-ერთი პირველი მცდელობა, შესთავაზოს მომხმარებლებს უფრო პერსონალიზებული მოწყობილობის გამოცდილება ხელოვნური ინტელექტის წყალობით. ეს ნაბიჯი არის კომპანიის სწრაფვის ნაწილი - Apple Intelligence-ის მეორე „ტალღა“ უფრო სწრაფად გამოიტანოს ბაზარზე. კერძოდ, Genmoji ფუნქცია მომხმარებლებს საშუალებას მისცემს შექმნან ავატარები, რომლებიც ზუსტად ასახავს მათ გარეგნობას და სტილს, ხოლო ChatGPT-სთან ინტეგრაცია უზრუნველყოფს წვდომას მძლავრ AI-ინსტრუმენტებზე, რომლებიც დაგეხმარებათ ყოველდღიური ამოცანების შესრულებაში. შემდეგი დიდი განახლება, iOS 18.4, დაგეგმილია მომავალი წლის აპრილში, რაც უფრო გვიან, ვიდრე ტრადიციული მარტის გამოშვება x.4. ითვლება, რომ Apple-მა განზრახ გადადო გაშვება, სავარაუდოდ უფრო საფუძვლიანად შეამოწმა და ახალი ფუნქციების ოპტიმიზაცია მოახდინა. ეს განახლება მოიცავს Siri-ს პერსონალიზებული კონტექსტის მხარდაჭერას, რაც ასისტენტს საშუალებას მისცემს გაითვალისწინოს მომხმარებლის ინდივიდუალური უპირატესობა-სურვილები და მონაცემები. https://tinyurl.com/52vvtzk8