anzori88 Posted November 10, 2010 Share Posted November 10, 2010 ASUS Eee PC 1201T მინი ნოუთბუქის მიმოხილვა თუ თქვენ, მთელი დღის განმავლობაში სამუშაოდ გჭირდებათ პორტატული კომპიუტერი, მაშინ ASUS Eee PC 1201T ზუსტად თქვენთვისაა შექმნილი. მისი კომპაქტურობა და პატარა წონა (1,5 კგ), საშუალებას მოგცემთ 6 საათი შეუწყვეტლივ და რაც მთავარია, კომფორტულად იმუშაოთ. მოდით მოკლედ მიმოვიხილოთ ASUS Eee PC 1201T. დიზაინი ASUS–ის ამ მოდელმა განსაკუთრებული პოპულარობა ჰპოვა ნოუთბუქების ბაზარზე და არაერთი თაყვანისმცემელი გაიჩინა. სწორედ მათთვის ASUS Eee PC 1201T გამოიცემა სხვადასხვა ფერებში, კერძოდ კი: ვერცხლისფერში, წითელში და შავში. სამივე ფერი იდეალურია იმისათვის, რომ არ დაეტყოს ნათითურები. განსაკუთრებით ლამაზია, შავი ფერის მოდელი გაშლილ მდგომარეობაში, სადაც იდეალურად ერწყმის ერთმანეთს შავი სამუშაო დაფა და ვერცხლიფერი ღილაკები. მინი ნოუთბუქი დამზადებულია მაღალი ღარისხის პლასტმასისაგან. თხელ კორპუსს განსაკუთრებულ სილამაზეს სძენს, მომრგვალებული კუთხეები. ადვილად შესამჩნევია, რომ ყველაფერი დამზადებულია გემოვნებით და საკმაოდ ხარისხიანად. დისპლეი არც თუ ისე დიდი ზომის, 12,1’’ TFT ეკრანის ოპტიმალური გაფართოებაა 1366×768 პიქსელი. თხევადკრისტალური დისპლეი, საკმაოდ კარგი ხედვის კუთხით, შესაძლებლობას მოგცემთ უყუროთ თქვენს საყვარელ ფილმებს 16:9 შეფარდებით. 0,3 MP კამერა, არც თუ ისე მაღალი ხარისხის ფოტო და ვიდეო გადაღებას უზრუნველყოფს, მაგრამ სრულებით საკმარისია, რომ ცუდი განათების მიუხედავადაც კი, შეძლოთ ვიდეოკონფერენციის გამართვა. აუდიოსისტემა Intel High-Definition, წარმოდგენილია ორი სტერეო დინამიკით, რომელთა ჟღერადობა საკამოდ სუფთაა და ხმის სიმაღლეც დამაკმაყოფილებლი. კლავიატურა და თაჩპედი კლავიატურის ტიპიური განლაგება და დიდი ღილაკები, საშუალებას მოგცემთ ჩვეული სისწრაფით იმუშაოდ ბეჭდურ რედაქტორებში თუ სხვა. რაც შეეხება თაჩპედს, ის არც თუ ისე დიდი ზომისაა, მანიპულატორის ზედაპირი კი ხორკლიანია, სამუშაოდაც საკმაოდ მოსახერხებელია. პროცესორი და კომპლექტაცია ASUS Eee PC 1201T ყიდვისთანავე მზად არის სამუშაოდ, რადგან მასზე დაინსტალირებულია ოპერაციული სისტემა Windows 7 Home Premium. ნოუთბუქში ყველაფერი გათვლილია იმისათვის, რომ მომხამრებელმა შეძლოს კომფორტულად მუშაობა. ფაილების შესანახად ლეპტოპი აღჭურვილია 250 გბ მყარი დისკით, რომელიც მუშაობს 5400 ბრ/წთ სიჩქარით. AMD Athlon Neo 1.6 GHz სიხშირის პროცესორი, საშუალებას იძლევა იმუშაოთ საკმაოდ სწრაფად. ოპერატიული მეხსიერება არის DDR2 ტიპის, 2 გბ მოცულობის, ხოლო ვისთვისაც არც ესაა საკმარისი, მისი გაზრდა შესაძლებელია მაქსიმალურ 3 გბ–მდე. გამოსახულების მაღალ ხარისხზე პასუხისმგებელია, ინტეგრირებული ვიდეოდაფა ATI Mobility Radeon HD 3200, რომელიც ვერ დაიკვეხნის უახლესი თამაშების გაშვებით, მაგრამ მკაფიო ვიდეო გამოსახულებას 100% უზრუნველყოფს. ოპტიკური წამკითხველი, პორტები, ჩიპის წამკითხველი (Card-reader) დეტალური დათვალიერებისას კარგად ჩანს, რომ ASUS Eee PC 1201T არ არის აღჭურვილი ოპტიკური წამკითხველით. ნოუთბუქის მარჯვენა მხარეს ნახავთ 2 USB პორტს, ჩიპის წამკითხველს, ყურსასმენის და მიკროფონის შესაერთებლებს და კენსინგტონის საკეტს. ტრადიციულად, მარცხენა მხარე მხარე ნაკლებად დატვირთულია, არის მხოლოდ 1 USB პორტი, VGA კონექტორი და კვების შესაერთებელი. უსადენო კავშირის დამყარება შესაძლებელია Bluetooth 2.1 და Wi-Fi–ს მეშვეობით. დასკვნა ASUS Eee PC 1201T მინი ნოუთბუქის დახმარებით, თქვენ შეძლებთ ითამაშოთ ზოგიერთი თანამედროვე „თამაში’’, ასევე ისიამოვნოთ მაღალი ხარისხის ვიდეოს ყურებით. ტექსტის აკრეფის დროს, თქვენ იგრძნობთ კომფორტს და სიმსუბუქეს, თითქოს თქვენი თითები „ეფერებოდნენ’’ კლავიატურას. ეს ულტრამსუბუქი, მობილური კომპიუტერი შეუცვლელი იქნება დასვენებისას თუ მუშაობისას, როგორც სტუდენტებისთვის, ასევე საქმიანი ადამიანებისთვის. მადლობა ყურადღებისათვის. ა. ჩხიკვაძე. :rolleyes: Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.