საერთოდ 7-ის მერე XP- ის დაყენება პრობლემას არ წარმოადგენს, მაგრამ თვითონ ოპერაციული სისტემიდან საინსტალაციო დისკს ვერ გაუშვებ, ამიტომ ჩვეულებრივ დოსის რეჟიმიდან უნდა ჩაიტვირთო, ოღონდ მანამდე ბიოსიდან უნდა მიუთითო კომპაქტ დისკი, როგორც ჩამტვირთავი მოწყობილობა და ცვლილებები შეინახე F10 ღილაკზე თითის დაჭერით. საერთოდ სისტემის ინსტალაციის წინ რეკომენდირებულია ბიოსი ჩამოყარო Default რეჟიმზე. ერთადერთი პრობლემა 7-მერე XP-ის დაყენებისას შეიძლება წარმოიშვას ვინჩესტერის დანახვის დროს, როცა უნდა გააკეთო სასურველი პარტიციის ფორმატირება რაც ძირითადად სატა ვინჩესტერის შემთხვევაში ხდება. საერთოდ ვინდოუს XP-ის ინსტალერს შეუძლია დაინახოს მარტო ვინჩესტერი IDE-რეჟიმზე, სატა ვინჩესტერს კი აქვს ძირითადად 3 რეჟიმი: AHCI, IDE, RAID. AHCI/RAID რეჟიმს სტანდარტული XP ვერ ხედავს დრაივერის გარეშე, ხოლო IDE-ს დრაივერის გარეშე ჩვეულებრივად ხედავს, ანუ გამოდის რომ შენ თუ გაქვს სატა ვინჩესტერი და მუშაობს AHCI ან raid რეჟიმში მაშინ ინსტალერი ცხადია ვერ დაინახავს. ამ რეჟიმების გადართვა ხდება ძირითადად ბიოსიდან. ამიტომ შედი ბიოსში და ნახე SATA Configuration ან AHCI Mode ან რაიმე ეგეთი და გადართე IDE რეჟიმში, თუ IDE ვერ ნახე მაშინ Enhanced Mode ან Compatibility Mode აირჩიე.