AMD-ს გრაფიკული პროდუქტი სახელად Radeon HD 6990 (Antilles) უნდა გამოსულიყო ამ წლის დეკემბერში, მაგრამ ახლახანს კომპანიამ საჯაროდ გამოაცხადა თავიანთი "ორბირთვიანი" ვიდეოკარტის გადატანა შემდეგი წლის პირველი კვარტლისთვის. 3DCenter-ის ფორუმზე გამოჩნდა არც ისე კარგი გამოსახულების ფოტო AMD-ს პრეზენტაციიდან, რომლიდანაც შეიძლება გავიგოთ რამოდენიმე მახასიათებლები.
Radeon HD 6990-ის Stream პროცესორების მთლიანი რაოდენობა გახლავთ 3840, ამ თვალსაზრისით ყველა ვიდეოჩიპი შეესაბამება 1920-ს. არაპირდაპირი გზით შეგვიძლია დავადგინოთ გრაფიკული პროცესორის სიხშირე - ის უნდა იყოს 775 MHz. თითოეულ ჩიპს აქვს 2GB მახსოვრობა GDDR5 ტიპის, 256Bit. მახსოვრობის ნომინალური სიხშირე უნდა იყოს 4800 MHz QDR.
ვიდეოკარტა Radeon HD 6990 დაუტვირთავ მდგომარეობაში მოიხმარს 30 ვატს, ხოლო დატვირთულ მდგომარეობაში მოიხმარს 300 ვატს. ამ "გრაფიკული ტენდემით" არც ისე დიდი მაჩვენებელია. უკანა პანელზე ჩვენ ვნახავთ რამოდენიმე DVI პორტს და ასევე სამი გამავალი mini-DisplayPort. სავარაუდოა, რომ Radeon HD 6970 რომელიც გამოვა დეკემბრის შუა რიცხვებში მას ექნება Radeon HD 6990-ის "ნახევარი" მახასიათებლები, მაგრამ მიიღებს უფრო მაღალ ნომინალურ სიხშირეებს, ასევე მახსოვრობის სიხშირე გაზრდილი იქნება 5000 MHz QDR-მდე