ევროკავშირსა და აშშ-ში 179 დარქნეტ-გამყიდველი დააკავეს

[Magdalena]

აშშ-ისა და ევროკავშირის უფლებამცველმა ორგანოებმა განაცხადეს აკრძალული საქონლით მოვაჭრე 179 პირის დაკავების შესახებ. 

ოპერაციაში, სახელწოდებით Operation DisrupTor, მონაწილეობდნენ შესაბამისი პირები ევროპიდან და შეერთებული შტატებიდან. 

 

სპეცოპერაციის შედეგად კონფისკებულ იქნა 6 მლნ 500 ათას აშშ დოლარზე მეტი, 64 ერთეული ცეცხლსასროლი იარაღი და 500 კილოგრამზე მეტი ნარკოტიკული ნივთიერება მთელი მსოფლიოს მასშტაბით. გამოვლინდა ოპოიდების უკანონო მიწოდების სქემაც - ეს გახლავთ ნარკოტიკი, რომელიც იწვევს ძლიერ შეჩვევას და მისგან ბევრი ადამიანია გარდაცვლილი. ოფიციალური პირების განცხადებით ორ მესამედზე მეტი პირი აშშ-ის ფარგლებში დააკავეს. 

Darknet-გამყიდველების ანგარიშები გამოვლინდა და გადაეცა რეალურ პირებს, რომლებიც ყიდიან არალეგალურ საქონელს ისეთ darknet-საიტებზე, როგორიცაა AlphaBay, Dream, WallStreet, Nightmare, Empire, White House, DeepSea, Dark Market და სხვა. 

ოპერაცია DisrupTor-ის შედეგად დაპატიმრდა 121 პირი შეერთებულ შტატებსა და კანადაში, 42 - გერმანიაში, 8 - ნიდერლანდში, 4 - დიდ ბრიტანეთში, 3 - ავსტრიასა და 1 - შვედეთში. ოფიციალური განცხადებით, გამოძიების მსვლელობისას შესაძლოა კიდევ გამოვლინდნენ და დაპატიმრდნენ დანაშაულებრივ საქმიანობაში ჩართული პირები. 

ევროპოლი აცხადებს:  

„დარქნეტის ოქროს საუკუნე დასრულდა“. 

https://bit.ly/3cAgPwt 

[Gogla1990]

16 minutes ago, Magdalena said:

დარქნეტის ოქროს საუკუნე დასრულდა

სანამ მოთხოვნაა მანამ იარსებებს მსგავსი გამყიდველები, ეგრე მარტივად არ ხდება მათი დაჭერა/დაშინება