Magdalena

არაბთა გაერთიანებული საამიროები შეუერთდა ჩინეთის მთვარის პროექტს „მთვარის კვლევის საერთაშორისო სადგური“, რომელიც მიზნად ისახავს მთვარის სამხრეთ პოლუსზე ბაზის აშენებას. მთვარეზე დაბრუნებისთვის სწრაფვა ჩინეთის მთვარის პროგრამასა და NASA-ს მიერ დაფინანსებულ პროგრამა Artemis-ს შორის ძალებს იკრებს. დაგეგმილი საერთაშორისო მთვარის კვლევის სადგურის რენდერი. წყარო: CNSA არაბეთის გაერთიანებული ემირატების ეროვნული უნივერსიტეტი გახდა ჩინეთის ერთ-ერთი პარტნიორი მთვარის კვლევის საერთაშორისო სადგურის (ILRS) პროექტში. პროექტის მიზანია 2030-იანი წლების შუა პერიოდისთვის მთვარის სამხრეთ პოლუსთან მუდმივად დასახლებული ბაზის აშენება. გასულ კვირას ასტრონომიისა და კოსმოსური მეცნიერებების არაბული კავშირის კონფერენციაზე შარჯას უნივერსიტეტსა და ჩინეთის ღრმა კოსმოსის კვლევის ლაბორატორიას (DSEL) შორის გაფორმდა თანამშრომლობის შესახებ მემორანდუმი. ორივე მხარე გეგმავს თანამშრომლობას და მონაცემთა გაცვლას „მთვარის თეორიებისა და სხვა კოსმოსური საკითხების“ სფეროში. ამავდროულად, ჩინეთი იწვევს ყველა არაბულ ქვეყანას, რათა შეუერთდნენ პროექტს. ჩინეთის ხელმძღვანელობით ILRS-ის მონაწილეთა საერთო რაოდენობა ათზე მეტს მიაღწევს. რუსეთის გარდა ივლისიდან ILRS-ს შეუერთდნენ ვენესუელას, სამხრეთ აფრიკის, აზერბაიჯანის, პაკისტანისა და ბელორუსის ეროვნული კოსმოსური სააგენტოები. შედარებისთვის, NASA-ს მთვარის პროგრამა Artemis Accords-ის პროექტის ფარგლებში უკვე 32 ქვეყანაა გაერთიანებული. ILRS-მა ასევე მოიზიდა არასამთავრობო ორგანიზაციები, მათ შორის აზია-წყნარი ოკეანის კოსმოსური თანამშრომლობის ორგანიზაცია, ტაილანდის ასტრონომიული კვლევის ეროვნული ინსტიტუტი, მთვარის ობსერვატორიების საერთაშორისო ასოციაცია (ILOA) აშშ-დან და სტარტაპი nanoSPACE შვეიცარიიდან. ჩინეთის მთვარის კვლევის პროგრამის მთავარი კონსტრუქტორისა და DSEL-ის აღმასრულებელ დირექტორ Wu Weiren-ის თქმით ILRS-ის პარტნიორთა სიაში შედის არაბთა გაერთიანებული ემირატები, არგენტინა და ბრაზილია, რომლებმაც აპრილში ხელი მოაწერეს თანამშრომლობის შეთანხმებას ან განზრახვის წერილს ჩინეთთან. უამრავ ქვეყნებთან - პროექტის პოტენციურ მონაწილეებთან მოლაპარაკებების დროს ჩინეთი მიესალმება "ყველა სააგენტოს, არასამთავრობო ორგანიზაციას და ინდივიდს, ვისაც შეუძლია შეუერთდეს ILRS-ს ნებისმიერ ეტაპზე და ნებისმიერ დონეზე", - განაცხადა ვუ ვეირენმა მიმდინარე წლის აპრილის ბოლოს ჰეფეიში გამართულ კონფერენციაზე. ასოციაცია ILOA-ს თავმჯდომარე Steve Durst-ის თქმით მიუხედავად იმისა, რომ აშშ ლიდერობს მთვარეზე დაბრუნების რბოლაში, ჩინურ მიდგომას აქვს უპირატესობა. Artemis Accords-ს დიდი წარმატება ჰქონდა ეროვნულ დონეზე, მაგრამ მისი ფარგლები შეიძლება გაფართოვდეს სამოქალაქო კოსმოსური სააგენტოებიდან უფრო ფართო მთვარის საზოგადოებამდე დემოკრატიულ საფუძველზე, ისევე, როგორც ჩინეთი უხსნის გზას თავის ინიციატივაში არასამთავრობო ორგანიზაციებს მონაწილეობისთვის“, - განაცხადა Durst-მა. „თუკი დამოუკიდებელ ორგანიზაციებს ან თუნდაც ინდივიდებს მიეცათ საშუალება შეუერთდნენ Artemis Accords-ს, ჩვენ გვირჩევნია ხელი მოვაწეროთ მას, სანამ ILRS მსგავს ნაბიჯს გადადგამს და ჩვენ ვიმედოვნებთ ამის გაკეთებას, როგორც კი შესაძლებლობა გაჩნდება“. როგორც აშშ-მ, ასევე ჩინეთმა განაცხადეს, რომ მათი პროგრამები ღიაა ყველა ქვეყნისთვის გამონაკლისის გარეშე. მიუხედავად იმისა, რომ Wolf Amendment-ი კრძალავს NASA-ს ჩინეთთან ორმხრივ თანამშრომლობაში შესვლას, მრავალმხრივი თანამშრომლობა დასაშვებია. გასულ თვეში NASA-ს კომუნიკაციების განყოფილების ხელმძღვანელმა ტიფანი ტრევისმა განაცხადამ რომ სააგენტო Artemis Accords-ში ჩინეთის პოტენციური მონაწილეობისთვის "კარს ღიას დატოვებს". ვაშინგტონში არსებულ ანალიტიკურ ცენტრ Secure World Foundation-ის წარმომადგენელ Brian Weeden-ის თქმით ჩინეთი არ იყო გამორიცხული Artemis Accords-ის ხელმოწერისგან. ”პოლიტიკურად რთულია, მაგრამ კანონში არაფერია ნათქვამი, რომ მათ ამის გაკეთება არ შეუძლიათ და ვფიქრობ, NASA თანახმა იქნება, თუ ჩინეთი ამ ნაბიჯს გადადგამს”, - განაცხადა Weeden-მა. https://tinyurl.com/2rwfkf8f

კომპანია NVIDIA-მ ქლაუდ-პროვაიდერ Amazon Web Services-თან (AWS) ერთად წარადგინა ხელოვნურ ინტელექტთან დაკავშირებული რამდენიმე ერთობლივი გადაწყვეტილება. კომპანიამ დააანონსა მძლავრი სისტემები NVIDIA GH200 NVL32 ნეიროქსელების სწავლებისა და გაშვებისთვის, აგრეთვე გამოცხადდა, რომ ამ სისტემების საფუძველზე შეიქმნა მსოფლიოში უმძლავრესი ხელოვნური ინტელექტის მქონე ქლაუდ სუპერკომპიუტერი Project Ceiba. Project Ceiba. ფოტოს წყარო: NVIDIA NVIDIA GH200 NVL32 არის მზა სისტემა, რომელიც წარმოდგენილია სტანდარტული სერვერის თაროების ფორმატში. მასში გაერთიანებულია 32 ჰიბრიდული ამაჩქარებელი NVIDIA GH200 Grace Hopper Superchip, ეს არის ორჩიპიანი სისტემა, რომელიც შედგება ცენტრალური პროცესორისგან 72 Arm Neoverse ბირთვით და NVIDIA H100 გრაფიკული პროცესორით. ასეთ თაროს შეუძლია უზრუნველყოს შთამბეჭდავი წარმადობა - 128 Pflops-მდე FP8 ოპერაციებში (კვადრილონი ოპერაცია წამში). NVIDIA GH200 Grace Hopper Superchip სისტემას აქვს 2304 პროცესორი Arm-ბირთვებით, 20 ტბ ოპერატიული მეხსიერება 4.5 ტბ HBM3e მეხსიერების ჩათვლით და ჯამური 157 ტბ/წმ სიჩქარით. GH200 სუპერჩიპებს შორს კავშირზე პასუხისმგებელია ცხრა კომუტატორი NVSwitch და ინტერფეისი NVLink ჯამური სიჩქარით 57.6 ტბ/წმ. გამოყენებულია თხევადი გაგრილების სისტემა. AWS იქნება პირველი, ვინც წარმოადგენს GH200 NVL32 სისტემებს NVIDIA DGX Cloud პლატფორმის ნაწილად. ასევე, Amazon მომხმარებლებს საშუალებას მისცემს გააერთიანონ NVIDIA-ს ახალი სისტემები EC2 UltraClasters კლასტერში და მათ განკარგულებაში აღმოჩნდება ათასობით ამაჩქარებელი GH200 Superchip. თავად NVIDIA-ს თქმით GH200 NVL32 სისტემები იდეალურია როგორც სწავლების, ისე მსხვილი - თუნდაც 1 ტრილიონი პარამეტრის მქონე ნეიროქსელების გაშვებისთვის. მოწყობილობა NVIDIA GH200 NVL32 კომპანიებმა აგრეთვე დააანონსეს Project Ceiba - მსოფლიოში ყველაზე სწრაფი სუპერკომპიუტერი ხელოვნური ინტელექტისთვის GPU-ის ბაზაზე. სისტემა უზრუნველყოფს 65 Eflops (FP8) წარმადობას. მასში გაერთიანებული იქნება 16384 ამაჩქარებელი GH200, აგრეთვე 9.1 პბ მეხსიერება და უზრუნველყოფს 410 ტბ/წმ ჯამურ სიჩქარეს. სუპერკომპიუტერი გახდება AWS DGX Cloud-ის ნაწილი და მომხმარებლებისთვის ხელმისაწვდომი მომავალი წლიდან იქნება. https://tinyurl.com/47s7jaf4

Binance დანერგავს ტრადიციულ კორპორატიულ სტრუქტურას და დაიწყებს ინფორმაციის გაზიარებას. ბირჟის ახალმა აღმასრულებელმა დირექტორმა რიჩარდ ტენგმა მსგავსი გეგმები Fortune-თან ინტერვიუში გააზიარა. 21 ნოემბერს ტენგმა, რომელიც იმ დროს Binance-ის რეგიონული ბაზრების ხელმძღვანელის იყო, Changpeng Zhao (CZ) ჩაანაცვლა აღმასრულებელი დირექტორის თანამდებობაზე. იმავე დღეს აშშ-ის იუსტიციის სამინისტროსთან გარიგების შედეგად ბირჟამ გადაწყვიტა გადაეხადა 4.3 მლრდ აშშ დოლარი, ხოლო CZ დათანხმდა გადამდგარიყო აღმასრულებელი დირექტორის თანამდებობიდან და დაკისრებოდა ჯარიმა 50 მლნ აშშ დოლარი. გამოცემამ აღნიშნა, რომ ტენგს მოუწევს უზრუნველყოს Binance-ის კონკურენტუნარიანობა ამერიკული ხელისუფლების ზეწოლის პირობებში. ეს უკანასკნელი ასევე გულისხმობს მონიტორინგს, რომელიც გარიგების ფარგლებში მის საქმიანობაში შედის. ახალმა აღმასრულებელმა დირექტორმა ექვსი წლის წინ შექმნილი პლატფორმა შეადარა ბავშვს, რომელიც დაწყებითი სკოლის დაწყებას აპირებს და განაცხადა, რომ Binance-ს მოუწევს „უმართავი“ ტექნიკური სტარტაპიდან ჩვეულებრივ ფინანსურ კომპანიად გარდაქმნა. აღმასრულებელმა ხელისუფლებამ აღიარა, რომ ორგანიზაციამ მრავალი „შეცდომა“ დაუშვა ზრდის ფაზაში, მაგრამ ხაზგასმით აღნიშნა, რომ მათგან გაკვეთილი მიიღო. ანგარიშში არსებული ბრალდებები არ მოიცავს მომხმარებლების თანხების მითვისების ბრალდებებს, განაცხადა მან. ტენგმა აღნიშნა მომხმარებლის აქტივების უსაფრთხოების უზრუნველყოფის მრავალწლიანი გამოცდილება. ბირჟის ახალმა ხელმძღვანელმა აღნიშნა მის მიმართ CZ-ისგან ნდობის არსებობა, რომელთან ერთად იგი 2021 წლიდან მუშაობდა, ასევე - თანამშრომლების მთელი გუნდისგან. ის ცოდნა, რომელიც მან შეიძინა აბუ დაბისა და სინგაპურის მარეგულირებელ ორგანოებში მუშაობის დროს, დაეხმარება კომპანიას მომავალში. ტენგმა დადებითად უპასუხა კითხვაზე, დანერგავს თუ არა Binance ტრადიციულ კორპორატიულ სტრუქტურას მისი ხელმძღვანელობით. ტოპ მენეჯერმა განმარტა, რომ ეს უკანასკნელი გულისხმობს დირექტორთა საბჭოს არსებობას, შტაბ-ბინას და ფინანსურ გამჭვირვალობას. ”ჩვენ ვესწრაფვით გამჭვირვალობას,” - აღნიშნა მან. ტენგმა უარი თქვა ცვლილებების კონკრეტული ვადების გამოცხადებაზე, მაგრამ მათ "მტკიცე" უწოდა. ჟურნალისტებმა აღნიშნეს, რომ აღმასრულებელმა დირექტორმა უნდა შეინარჩუნოს Binance-ის პოზიცია ბაზარზე. აშშ-ის ხელისუფლებასთან გარიგებიდან ერთი დღის განმავლობაში ბირჟაზე დაბლოკილი აქტივების ჯამური ღირებულება 943 მლნ აშშ დოლარით შემცირდა. ზოგადად, მარეგულირებლებთან კონფლიქტის ფონზე პლატფორმის ბაზრის წილი ზედიზედ რვა თვის განმავლობაში მცირდება. ოქტომბრის ბოლოს იგი 0xScope-ის მიხედვით 51.2%-ს შეადგენდა. ტენგის თქმით თანხების გადინება პროგნოზირებადი იყო, რადგან, მისი თქმით, Binance ხდება პირველი ბირჟა აშშ-ის გარეთ, რომელმაც შემოიღო სავალდებულო KYC მოთხოვნები. აღმასრულებელმა დაამატა, რომ კომპანიას აქვს რესურსი, დარჩეს კონკურენტუნარიანი ახალი მარეგულირებელი შეზღუდვების ფონზე და გადაიხადოს ერთ-ერთი უდიდესი კორპორატიული ჯარიმა აშშ-ის ისტორიაში. „ჩვენ ვიწყებთ ძალის პოზიციიდან. ბიზნესის საფუძვლები ძალიან ძლიერია. ჩვენი კაპიტალის სტრუქტურა ვალისგან თავისუფალია, ხარჯები სამაგალითოა, შემოსავლები და მოგება - სტაბილური“, - განაცხადა მან. სპეციალისტმა ივარაუდა, რომ გრძელვადიან პერსპექტივაში Binance-ის პოზიციონირების შეცვლის მცდელობების ანაზღაურება დარეგულირდება. ტენგმა აღნიშნა, რომ ეს საშუალებას მისცემს კომპანიას მოითხოვოს თავისი წილი მზარდ ბაზარზე ინსტიტუციონალების მხრიდან გაზრდილი ინტერესის გამო. https://tinyurl.com/ytcxhthk

კომპანია Tuxedo Computers-მა, რომელიც სპეციალიზებულია Linux-ზე დამყარებული პორტატული კომპიუტერების შექმნაზე, დააანონსა თავისი პირველი გეიმინგ ლეპტოპი. საუბარია მოდელ Sirius 16 Gen 1-ზე, რომლის აპარატურულ საფუძველს წარმოადგენს 8-ბირთვიანი AMD Ryzen 7 7840HS პროცესორი მაქსიმალური სამუშაო სიხშირით 5.1 გჰც და Radeon RX 7600M XT გრაფიკული ამაჩქარებელი 8 გბ GDDR6 ვიდეო მეხსიერებით. ფოტოს წყარო: Tuxedo Sirius 16 Gen 1-ს აქვს 16.1-დუიმიანი დისპლეი 2560 × 1440 პიქსელი გაფართოების მხარდაჭერით და 165 ჰერცამდე კადრის განახლების სიხშირით. გამოყენებულია BOE-ს პანელი, რომელიც უზრუნველყოფს 300 კდ/მ² მაქსიმალურ სიკაშკაშეს და 100%-იან sRGB ფერთა გამას. რაც შეეხება მონაცემთა შენახვას, ლეპტოპზე მხარდაჭერილია ორი M.2 2280 SSD-ის გამოყენება ჯამური 8 ტბ მოცულობით. ხელმისაწდვომია ორი სლოტი 96 გბ-მდე DDR5-5600 სტანდარტის ოპერატიული მეხსიერების მოდულებისთვის. ლეპტოპის ყველაზე მნიშვნელოვანი მახასიათებელია მასში გამოყენებული პროგრამული პლატფორმა. ლეპტოპი წარმოდგენილი იქნება წინასწარ დაინსტალირებული Tuxedo OS-ით Ubuntu-ზე დაყენებული KDE Plasma Desktop-ის ბაზაზე. კომპანია მომხმარებლებს ასევე შესთავაზებს თავის პროგრამულ უზრუნველყოფა WebFAI-ს, რომელიც უზრუნველყოფს წვდომას ყველა მხარდაჭერილ დისტრიბუტივებზე მარტივი კონფიგურატორის საშუალებით. გარდა ამისა მომხმარებლებს შეეძლებათ Windows-ის დრაივერების ჩამოტვირთვა. იმის გამო, რომ Sirius 16 Gen 1 ნიშური ლეპტოპია, მისი საცალო ფასი ოდნავ უფრო მაღალია Windows-ზე დამყარებულ ანალოგებთან შედარებით. მოწყობილობის საბაზისო ვერსია 16 გბ ოპერატიული მეხსიერებით და 500 გბ Samsung 980 PCIe Gen3 დისკით 1699 ევრო ეღირება. ახალი პროდუქტის შეძენა მომდევნო თვის შუა რიცხვებიდან გახდება შესაძლებელი. https://tinyurl.com/b5jv38pz

შეერთებულმა შტატებმა, დიდმა ბრიტანეთმა და ათზე მეტმა სხვა ქვეყანამ გამოაცხადეს, რომ ხელი მოაწერეს საერთაშორისო შეთანხმებას, თუ როგორ უნდა იქნას დაცული ხელოვნური ინტელექტის სისტემები თავდამსხმელებისგან. დოკუმენტი ითხოვს ისეთი ხელოვნური ინტელექტის პლატფორმების შექმნას, რომლებიც უსაფრთხო იქნება შექმნის ეტაპიდანვე. ფოტოს წყარო: geralt / Pixabay 20-გვერდიანი დოკუმენტის თანახმად კომპანიებმა, რომლებიც ქმნიან და ამუშავებენ ხელოვნური ინტელექტის სისტემებს, უნდა დაიცვან პოლიტიკა, რომელიც მიმართულია მომხმარებლებისა და საზოგადოების დასაცავად ბოროტად გამოყენებისგან. დოკუმენტის შინაარსი მოიცავს უამრავ ზოგად რეკომენდაციას, როგორებიცაა ხელოვნური ინტელექტის სისტემების მონიტორინგი ბოროტად გამოყენებასთან ბრძოლის მიზნით, მონაცემთა დაცვა არაავტორიზებული წვდომისგან და პროგრამული უზრუნველყოფის პროვაიდერების საფუძვლიანი შემოწმება. ჯენ ისტერლიმ (Jen Easterly), აშშ-ის კიბერუსაფრთხოების და ინფრასტრუქტურის უსაფრთხოების სააგენტოს (CISA) დირექტორმა ხაზი გაუსვა ამ საკითხზე საერთაშორისო კონსენსუსის მნიშვნელობას. მისი თქმით, ეს პირველი შემთხვევაა, როდესაც ამდენი ქვეყანა შეთანხმდა, რომ ხელოვნური ინტელექტის განვითარების ფოკუსი უნდა იყოს უსაფრთხოება და არა მხოლოდ ინოვაციური მახასიათებლები ან ხარჯების შემცირება. ეს შეთანხმება წარმოადგენს გლობალური ინიციატივების ნაწილს, რომელიც მიზნად ისახავს ხელოვნური ინტელექტის მომავლის ჩამოყალიბებას. ხელოვნური ინტელექტის გავლენა იმდენად დიდია, რომ მისი განვითარების რეგულირება საზოგადოებისთვის საკვანძო საკითხად იქცევა. აშშ-ისა და დიდი ბრიტანეთის გარდა შეთანხმებას შეუერთდნენ გერმანია, იტალია, ჩეხეთი, ესტონეთი, პოლონეთი, ავსტრალია, ჩილე, ისრაელი, ნიგერია და სინგაპური. ეს ნაბიჯი აფიქსირებს გლობალურ ვალდებულებას ხელოვნური ინტელექტის სფეროში სტანდარტების დაწესებისადმი. დოკუმენტი ასევე განიხილავს ზომებს ჰაკერების საფრთხის წინააღმდეგ. რეკომენდაციები მოიცავს ხელოვნური ინტელექტის მოდელების გამოშვებას მხოლოდ უსაფრთხოების ფართო ტესტირების შემდეგ. თუმცა შეთანხმება არ განიხილავს კომპლექსურ საკითხებს ხელოვნური ინტელექტისა და მონაცემთა შეგროვების მეთოდების სათანადო გამოყენებასთან დაკავშირებით. ევროკავშირი უკვე აქტიურად მუშაობს ხელოვნური ინტელექტის რეგულირებაზე. ევროკავშირის კანონმდებლები ამუშავებენ წესებს ამ სფეროში და საფრანგეთმა, გერმანიამ და იტალიამ ახლახანს მიაღწიეს შეთანხმებას ხელოვნური ინტელექტის რეგულირების შესახებ, მათ შორის სავალდებულო თვითრეგულირების ქცევის კოდექსის მქონე ძირითადი ხელოვნური ინტელექტის მოდელებისთვის. ამავე დროს აშშ-ში კონგრესში პოლარიზაციის გამო ხელოვნური ინტელექტის რეგულირების პროცესი შენელდა. ჯო ბაიდენის ადმინისტრაცია ითხოვს ხელოვნური ინტელექტის უფრო აქტიურ რეგულირებას. ოქტომბერში თეთრმა სახლმა გამოსცა პრეზიდენტის ბრძანება, რომელიც მიზნად ისახავს მომხმარებლებისთვის ხელოვნური ინტელექტის რისკების შემცირებას და ასევე ეროვნული უსაფრთხოების გაძლიერებას. https://tinyurl.com/bdzma4f7

Binance-ისა და აშშ-ის ხელისუფლებას შორის შეთანხმებები დადებითია, რადგან ისინი ანეიტრალებენ ინდუსტრიის სისტემურ რისკს პლატფორმის ჰიპოთეტური კოლაფსის გამო. ამ დასკვნამდე მივიდნენ JPMorgan-ის ანალიტიკოსები, წერს The Block. 21 ნოემბერს კომპანია დათანხმდა FinCEN-სა და OFAC-ს მრავალმილიონიანი ჯარიმის გადახდაზე, Changpeng Zhao-მ დატოვა აღმასრულებელი დირექტორის თანამდებობა და 175 მლნ აშშ დოლარის გირაო გადაიხადა თავისუფლებისთვის. „მორიგების პერსპექტივას ჩვენ პოზიტიურად ვუყურებთ, რადგან თავად პლატფორმის ირგვლივ გაურკვევლობა შემცირდება და მისი ბიზნესი სარგებელს ნახავს“ - წერენ სპეციალისტები. შეგახსენებთ, Matrixport-ის ანალიტიკოსები მივიდნენ დასკვნამდე, რომ Binance დარჩება უმსხვილეს კრიპტო ბირჟებს შორის მომდევნო ორი-სამი წლის განმავლობაში, რადგან აშშ-ის სააგენტოებთან შეთანხმებები ხელსაყრელი შედეგია. https://tinyurl.com/yckhdbwp

სანამ ამერიკული კომპანია Tesla გასული ათწლეულის განმავლობაში კომერციულ წარმატებას მიაღწევდა და ილონ მასკს პლანეტის უმდიდრეს ადამიანად აქცევდა, მრავალი წლის განმავლობაში ტესტავდა ელექტრომობილების წარმოებას Roadster-მოდელით. ცოტა ხნის წინ ამ ელექტრომობილის ყველა დოკუმენტაცია უსასყიდლოდ შესთავაზეს ყველა დაინტერესებულ მხარეს. ფოტოს წყარო: Tesla რა თქმა უნდა, შესაძლოა გვახსოვდეს 2014 წლის ინიციატივა Tesla-ს პატენტებზე თავისუფალი წვდომის შესახებ მაგრამ იმ დროს კომპანიამ გადაწყვიტა უბრალოდ არ ეჩივლა მათთვის, ვინც მის ტექნოლოგიებს გამოიყენებდა, ხოლო სანაცვლოდ კი მიიღებდა წვდომას კონტრაგენტის ტექნოლოგიებზე. გამოვიდა ერთგვარი „ტექნოლოგიური ბარტერი“, რომელიც ბოლომდე ვერ ჩაითვლებოდა დოკუმენტაციაზე თავისუფალ წვდომად. როგორც Eelectrek განმარტავს, პირველი თაობის Tesla Roadster-ის უახლესი ინიციატივის შემთხვევაში ასეთი პირობები არ არსებობს. დაინტერესებულ პიირებს შეუძლიათ მიიღონ წვდომა არა მხოლოდ Tesla-ს ტექნიკურ დოკუმენტაციაზე, რომელიც დაკავშირებულია პირველი თაობის Roadster-თან, არამედ კვლევით ნაშრომებზე, რომლებიც ამ მანქანის დეველოპერებმა გამოაქვეყნეს. ბრენდის პირველი ელექტრომობილი პროტოტიპის სახით პირველად წარუდგინეს შეზღუდულ აუდიტორიას 2006 წელს; 2008 წლის თებერვლისთვის Tesla Roadster-ის პირველი საწარმოო ასლი წარუდგინეს ილონ მაკს, რომელიც იმ დროისთვის უკვე ხელმძღვანელობდა კომპანიას. მოგვიანებით კომპანიის ექსცენტრიულმა ლიდერმა ეს მანქანა კოსმოსში SpaceX-ის რაკეტით გაუშვა. 2009 წელის ივნისამდე იწარმოებოდა პირველი „რევიზიის“ დაახლოებით 500 ელექტრომობილი; შემდგომში მოხდა მისი არაერთგზის მოდერნიზება და რიგი ცვლილებებით იგი შეზღუდული რაოდენობით იწარმოებოდა 2012 წლამდე. კომპანია Lotus, რომელიც მოგვიანებით ჩინურ Geely-ს კონტროლის ქვეშ მოექცა, არა მხოლოდ მონაწილეობდა Tesla Roadster-ის სავალი ნაწილების შემუშავებაში, არამედ აწვდიდა მას რამდენიმე კომპონენტს. საერთო ჯამში ამ მოდელის დაახლოებით 2500 მოდელი იქნა წარმოებული, მათ მფლობელები ოცდაათზე მეტ ქვეყანაში ჰყავს. ამერიკული ბაზრისთვის წარმოებული რამდენიმე ათეული მანქანა დაიკარგა არიზონას სპეციალიზებულ სახელოსნოში გაჩენილი ხანძრისას. რატომ გახდა Tesla Roadster-ის დოკუმენტაცია ხელმისაწვდომი სწორედ ახლა - საიდუმლოდ რჩება. არაერთი წელის კომპანია ამაოდ ცდილობს მეორე თაობის მოდელის სერიული წარმოების დაწყებას, რომლის დინამიურ მახასიათებლებს ახლა უკვე კონკურენციას უწევს ჩინური ბრენდების წარმოების მანქანები. შესაძლოა, Tesla Roadster-ის ორიგინალი ვერსიის დოკუმენტაციაზე წვდომამ საშუალება მისცეს მესამე მხარის კომპანიებს - დაიწყონ ამ ელექტრომობილის არაორიგინალი სათადარიგო ნაწილების წარმოება, რაც იშვიათობა გახდა. თუმცა Tesla უარს ამბობს თავისი დოკუმენტაციის გამოყენებით ასეთი ექსპერიმენტების შედეგების ნებისმიერ პასუხისმგებლობაზე. https://tinyurl.com/2hdsxsn6

Lenovo-მ სარჩელი შეიტანა ASUSTek Computer-ისა და ASUS Computer International-ის წინააღმდეგ, მოითხოვა ზიანის ანაზღაურება და Zenbook სერიის ლეპტოპების და სხვა პროდუქტების გაყიდვის შეწყვეტა, რომლებიც სავარაუდოდ არღვევს Lenovo-ს საპატენტო უფლებებს. საერთო ჯამში სარჩელში მოხსენიებულია Lenovo-ს ოთხი პატენტი, სადაც აღწერილია ეკრანის სახსრის მოწყობილობა, ენერგიის მართვის სისტემა, უსადენო კავშირის შეყოვნების შემცირების ტექნოლოგია და თაჩპედის გამოყენების ორიგინალური გზა. ფოტოს წყარო: pexels.com სარჩელში, რომელიც შეტანილია 15 ნოემბერს კალიფორნიის ჩრდილოეთ ოლქის საოლქო სასამართლოში, ნათქვამია, რომ Lenovo ითხოვს „ზარალის, მათ შორის მოგების დაკარგვის ანაზღაურებას, რომელიც გამოწვეულია სავარაუდო საპატენტო დარღვევით“. სარჩელი ეფუძნება ოთხ პატენტს: პატენტი „რესურსების ბლოკებში გადაცემის მეთოდები და მოწყობილობები“ გაფორმებულია Lenovo-ს მიერ 2021 წელს. იგი აღწერს ტექნოლოგიას, რომელიც შეამცირებს შეფერხებებს, რომლებიც წარმოიქმნება დროს უსადენო მოწყობილობებისთვის ზემოაღნიშნული პაკეტის გადაცემის დროს მონაცემთა ჩამოტვირთვის ეტაპების რაოდენობის შემცირებით. Lenovo-ს კიდევ ერთი პატენტი აღწერს მოწყობილობის ენერგიის მართვის ხერხს უსადენო ქსელის და მასზე გადაცემული „ჯადოსნური პაკეტის“ გამოყენებით უსადენო წვდომის წერტილის გარეშე. კიდევ ერთი პატენტი, რომელზეც Lenovo ჩივის, გაცემულია 2010 წელს. იგი აღწერს სენსორულ პანელზე დიაგონალურად გადასქროლვის მეთოდს ორი თითის გამოყენებით. Lenovo ასევე ადანაშაულებს ASUS-ს 2014 წელს მიიღებული პატენტის - „ორმაგი სახსარი კუთხოვანი მექანიზმით“ - დარღვევაში. იგი აღწერს ეკრანის სახსარს, რომელიც ლეპტოპს სტანდარტული რეჟიმიდან პლანშეტის რეჟიმში გადართვის საშუალებას აძლევს. Lenovo ASUS-ისგან ითხოვს „შეწყვიტოს მარკეტინგი, რეკლამა, დისტრიბუცია, გასაყიდად შეთავაზება,, გაყიდვა ან სხვაგვარად გადაცემა, ინვენტარის გადატანის ან გადაზიდვის ჩათვლით“, რაც არღვევს სადავო ოთხ პატენტს. თუმცა, Lenovo ამტკიცებს, რომ ეს შეზღუდვები მნიშვნელოვნად არ დააზარალებს მომხმარებლებს ან კონკურენციას აშშ-ში ASUS-ის ბაზრის მცირე წილის გამო. IDC-ის მონაცემებით ASUS-ს 2023 წლის მესამე კვარტალში კომპიუტერების ბაზრის (ლეპტოპების და დესკტოპების ჩათვლით) დაახლოებით 7.1% ეკავა, Lenovo კი ლიდერობს 23.5%-იანი წილით. Lenovo-ს გენერალური მრჩევლის მოადგილე და ინტელექტუალური საკუთრების მთავარი სპეციალისტი John Mulgrew თვლის, რომ Lenovo-მ უფრო აქტიურად უნდა დაიცვას თავისი პატენტის პორტფელი მისი, როგორც ლიცენზიანტისა და ლიცენზიარის როლის გათვალისწინებით. მან ხაზი გაუსვა Lenovo-ს ერთგულებას სამართლიანი, გონივრული და არადისკრიმინაციული ლიცენზირების პირობებისადმი. დღესდღეობით Lenovo-ს პატენტების პორტფოლიო მოიცავს 28 ათასზე მეტ პატენტს, რომელთაგან 14 ათასი ჯერ არ არის განხილული. Mulgrew-მ დაამატა, რომ „საჩივრები ყოველთვის არის უკანასკნელი საშუალება Lenovo-სთვის“, თუმცა კომპანიამ ახლახანს შეიტანა მრავალი სარჩელი, მათ შორისაა დავა კომპანია Framework-თან კვების ღილაკის ფორმასთან დაკავშირებით, საპატენტო დავა InterDigital-თან და მიმდინარე სარჩელი Ericsson-თან 5G ტენოლოგიების გამო. Lenovo-მ ასევე შეიტანა სარჩელი ASUS-ის წინააღმდეგ პატენტის დარღვევის შესახებ აშშ-ის საერთაშორისო სავაჭრო კომისიაში (ITC) 2023 წლის აგვისტოში ASUS-ის მიერ მიუნხენის რეგიონალური სასამართლოს საპატენტო ტრიბუნალში შეტანილი საჩივრების საპასუხოდ. Lenovo ამტკიცებს, რომ ASUS-ის სარჩელი ეხება ფიჭურ ტექნოლოგიებს, რისთვისაც გამოსავლის სახით Lenovo-მ შესთავაზა ASUS-ს „ჯვარედინი ლიცენზირების გარიგება“. https://tinyurl.com/yc4cv5w9

ხელოვნური ინტელექტის პროექტების 11-დან 10-ის ღირებულება გაიზარდა OpenAI-ში არსებული გაურკვევლობის შემდეგ. ამას მოწმობს CoinGecko-ს კვლევა. AI ტოკენების დინამიკა და მოვლენების ქრონოლოგია OpenAI-ში. წყარო: CoinGecko. Akash Network-მა (AKT) დააფიქსირა ყველაზე დიდი მოგება - 61%-ით მეტი ოლტმენის წასვლის შემდეგ: 1.02-დან 1.65 აშშ დოლარამდე. მონეტამ მაქსიმალურ 1.85 აშშ დოლარიან მაჩვენებელს 20 ნოემბერს მიაღწია. მეორე ადგილზეა OriginTrail (TRAC), რომლის ფასი გაიზარდა 45.8%-ით - 0.26-დან 0.38 აშშ დოლარამდე. შემდეგ მოდის Bittensor (TAO), რომლის ფასი გაიზარდა 33%-ით 230.15 აშშ დოლარამდე. ამავე დროს ლოკალურად მონეტამ მიაღწია 294 აშშ დოლარიან დონეს. „AI ტოკენები ძვირდება იმ მოლოდინების ფონზე, რომ Spot Bitcoin ETF-ები დამტკიცდება. OpenAI-ის განცხადებამ სემ ოლტმენის გათავისუფლებისა და უკან დაბრუნების შესახებ მიიპყრო ინვესტორებისა და ტრეიდერების ყურადღება, რამაც კიდევ უფრო გააძლიერა ფასების ზრდა“, - აღნიშნავენ ანალიტიკოსები. CoinGecko-ს დაკვირვებით, 11-დან 8 მონეტა თავდაპირველად 1.4%-დან 8%-მდე შემცირდაAI კომპანიის აღმასრულებელი დირექტორის გადადგომის შემდეგ. თუმცა, მათი უმეტესობა აღდგა კომპანიის თანამშრომლების მცდელობის ფონზე - უკან დაებრუნებინათ ოლტმენი. შეგახსენებთ, Reuters-ის წყაროებმა განაცხადეს, რომ აღმასრულებელი დირექტორის თანამდებობიდან გათავისუფლებამდე OpenAI-ის მკვლევარებმა გააფრთხილეს დირექტორთა საბჭო ხელოვნური ინტელექტის სფეროში მნიშვნელოვანი აღმოჩენის შესახებ, რომელიც „შეიძლება საფრთხეს უქმნიდეს კაცობრიობას“. https://tinyurl.com/3zhk24ab

კომპანია Xiaomi-მ თავის ბრენდ Redmi-ის მომავალი ფლაგმანის დიზაინი გააზიარა. ფლაგმანური Redmi K70 სერიის სმარტფონების პრეზენტაცია 29 ნოემბერს გაიმართება, ხოლო ანონსამდე რამდენიმე დღით ადრე კომპანიამ საზოგადოებას უჩვენა უფროსი მოდელი Redmi K70 Pro შავ და თეთრ ფერებში. ასევე ცნობილი გახდა მოწყობილობის ზოგიერთი მახასიათებელი. ფოტოს წყარო: Redmi Redmi K70 Pro-ს უკანა პანელზე ექნება სამი კამერა შუქდიოდურ განათებასთან ერთად, ხოლო მისი დიზაინი Xiaomi 14 სერიის მოწყობილობას მოგვაგონებს - განსხვავება ის არის, რომ კამერების ე.წ. „კუნძული“ ერთი კიდედან მეორემდე ვრცელდება. კომპანიამ აგრეთვე გააზიარა ახალი ფლაგმანების რამდენიმე დეტალი: მათ ექნება 6.67-დუიმიანი დისპლეი და საკმაოდ თხელი, 7.49 მმ სისქის კორპუსი. კორპუსს რკალისებრი კიდეები არ აქვს - იგი ბრტყელია, თუმცა კამერების ბლოკი საკმაოდ თვალშისაცემად გამოიყურება. Redmi K70 Pro ერთ-ერთმა საცალო სავაჭრო პლატფორმამ გააზიარა Redmi K70 და Redmi K70 Pro ვერსიების სრული ასორტიმენტი კონფიგურაციების და ფერების მიხედვით. სმარტფონებს ექნება 16 ან 24 გბ ოპერატიული მეხსიერება, ინტეგრირებული მეხსიერების მოცულობა კი შეადგენს 256 გბ-დან 1 ტბ-ს. Redmi-ს მიერ წარდგენილ ოფიციალურ ფოტოებზე სმარტფონები მოცემულია შავ და თეთრ ფერებში, თუმცა ხელმისაწვდომი იქნება ასევე ლურჯი და იისფერი ვარიანტები. ოფიციალური ანონსი 29 ნოემბერს შედგება და ეს მნიშვნელოვანი მოვლენა იქნება Redmi-სთვის. მოსალოდნელია არა მხოლოდ ფლაგმანური სმარტფონების, არამედ Redmi Book 16 2024 ლეპტოპის, სმარტ-საათ Redmi Watch-ის და უსადენო ყურსასმენ Redmi Buds 5 Pro-ს პრეზენტაცია. https://tinyurl.com/4t4bbr3a

განახლებული კონსოლი Sony PlayStation 5 Slim გაყიდვაში გამოვიდა აშშ-სა და ევროპაში. ახალი პროდუქტი ხელმისაწვდომია როგორც კომპანიის ოფიციალური ონლაინ მაღაზიების, ასევე მსხვილი საცალო ვაჭრობის საშუალებით. დიდ ბრიტანეთში კონსოლის გაყიდვები 29 ნოემბერს დაიწყება. აღსანიშნავია, რომ Sony-მ პირველად ოფიციალურად გამოიყენა სიტყვა „Slim“ კონსოლის ახალი ვერსიის აღსანიშნავად - ადრე მას უბრალოდ PS5-ის ახალ ვერსიას ეძახდნენ. ფოტოს წყარო: Sony დისკწამყვანის მქონე გეიმინგ კონსოლი PlayStation 5 Slim შემოთავაზებულია 499.99 აშშ დოლარად. ამავე ფასად ყიდიდა Sony ჩვეულებრივ PS5-ს, ამჟამად კი მომხმარებლებს სთავაზობს გეიმინგ ნაკრებს, რომელშიც შედის PlayStation 5-ის ორიგინალი დისკიანი ვერსია თამაშით Marvel’s Spider-Man 2. გარდა ამისა, შეზღუდული პერიოდის განმავლობაში შესაძენად ხელმისაწვდომია Sony PlayStation 5 Slim-ის გეიმინგ პაკეტები Call of Duty Modern Warfare III-თან ან Marvel's Spider-Man 2-თან ერთად იმავე 499.99 აშშ დოლარად. PlayStation 5 Slim Digital Edition ჯერჯერობით ხელმისაწვდომი არ არის. ახალი PS5 Slim ვერსიის ზომაა 358 × 216 × 96 მმ, ორიგინალი დისკიანი ვერსიის ანალოგიური პარამეტრები კი 390 × 260 × 104 მმ-ს შეადგენს. PS5 Slim Digital Edition-ის ზომაა 358 × 216 × 80 მმ, ხოლო მისი წინამორბედის - 390 × 260 × 92 მმ. განახლებული კონსოლის წონა ჩვეულებრივ PS5-თან შედარებით 18%-ით, ხოლო დისკწამყვანის არმქონე PS5 Digital Edition-თან შედარებით 24%-ით ნაკლებია. შეგახსენებთ, რომ დისკწამყვანი მოხსნადი ტიპისაა, ასე რომ PS5 Slim Digital Edition-ის მყიდველებს საშუალება ექნებათ მომავალში შეიძინონ დამატებითი დისკწამყვანი და გვერდითი პანელი. PlayStation 5 Slim და PlayStation 5 Slim Digital Edition მოდელებს უფრო დიდი მოცულობის მყარი დისკები აქვს - მისი მოცულობა 825 გბ-დან 1 ტბ-მდე გაიზარდა. კონსოლის ფრონტალურ პანელზე გამოჩნდა მეორე USB-C კონექტორი USB-A-ს ნაცვლად. დანარჩენი ტექნიკური მახასიათებლები წინამორბედების ანალოგიურია. კონსოლებში გამოყენებულია AMD-ის 6-ნანომეტრიანი რვაბირთვიანი პროცესორი 8 Zen 2 ბირთვით (16 ნაკადი, 3.5 გჰც-მდე სიხშირე) და RDNA 2 გრაფიკა 35 ბლოკით და 2.23 გჰც სიხშირით, აგრეთვე GDDR6 სტანდარტის 16 გბ საერთო მეხსიერება CPU-ისა და GPU-ისთვის. PlayStation 5 Slim-ისთვის კომპანია გთავაზობთ ცალკე სადგამის შეძენას კონსოლის ვერტიკალური დაყენებისთვის 29.99 აშშ დოლარად. კონსოლის წინა ვერსიებში სადგამი კომპლექტში შედიოდა. https://tinyurl.com/2bvrhw7s

Spot Bitcoin ETF-ების დამტკიცება გაამარტივებს წვდომას ციფრულ აქტივებზე და შეამცირებს 60/40-ზე დაბალანსებული საინვესტიციო პორტფელის რისკს დივერსიფიკაციის გზით - ნათქვამია Research-ის ანგარიშშია. „ჩვენ ველით, რომ საერთო ცვალებადობის სარგებელი და რისკის მიხედვით მორგებული ეფექტურობა გახდება საკვანძო სტრატეგია ბაზარზე გასასვლელად სხვადასხვა ბირჟაზე ვაჭრობის პროდუქტების პროვაიდერებისთვის“, - ნათქვამია დოკუმენტში. ანალიტიკოსების აზრით 2020 წლიდან ციფრულმა ოქრომ დაამტკიცა თავისი ღირებულება, როგორც დივერსიფიკაციის მძლავრმა ინსტრუმენტმა. მათი გათვლებით, ინვესტორს, რომელსაც აქვს 1%-იანი წილი Bitcoin AUM-ზე ტრადიციულ 60/40 პორტფელში, უპირატესობა ექნება თავის 3.16%-იანი წილის მქონე კოლეგასთან შედარებით, რომელსაც არ აქვს ასეთი ცვლილებება. 2023 წელს ციფრული ოქროს დივერსიფიკაციის სარგებელი კიდევ უფრო აშკარა გახდა რისკის შემცველ აქტივებთან კორელაციის შემცირების და "მყარი" ზრდის ფონზე. წყარო: K33Research. ექსპერტები ბაზრის კონსოლიდაციას პროგნოზირებენ 10 იანვრამდე, როდესაც SEC სავარაუდოდ მიიღებს პოზიტიურ გადაწყვეტილებას ბირჟაზე ვაჭრობის ფონდთან დაკავშირებით, რომელიც პირველ კრიპტოვალუტაზე იქნება დამყარებული. ამას მოწმობს ბაზრის „მოკრძალებული“ რეაქცია Binance-ის გარშემო არსებულ ამბებზე, აღნიშნეს მათ. ანალიტიკოსების დაკვირვებით CME-ზე ფიუჩერსების წლიური პრემიები რჩება 18%-ზე, ხოლო ღია პროცენტი (OI) რეკორდულ მაჩვენებელზეა, რაც ძლიერ ხარულ განწყობაზე მიუთითებს. „ბაზრის მიმდინარე სიგნალები იმაზე მიუთითებს, რომ ტრეიდერებს სურთ შეინარჩუნონ თავიანთი პოზიციები წლის ბოლოს. კონტანგოს კოეფიციენტი დეკემბერში ნოემბერთან შედარებით არის უზარმაზარი - 1.69%. ეს აღემატება 2021 წლის ოქტომბერში არსებულ რეკორდულ დონეს“, - განმარტეს მათ. ღია ინტრესი (OI) გაიზარდა 32.011 BTC-ით (1.17 მლრდ აშშ დოლარი) ბოლო 35 დღის განმავლობაში. ოფშორულ კრიპტოდერივატიულ ბირჟებზე განწყობა რჩება თავშეკავებული, რაც ამცირებს ლიკვიდაციის ალბათობას, აღნიშნეს ექსპერტებმა. OI დაეცა 18 თვის მინიმუმამდე და დაფინანსების განაკვეთები დაუბრუნდა ნეიტრალურ დონეს. CoinShares-ის თანახმად ბოლო რვა კვირის განმავლობაში ინვესტორებმა 1.32 მლრდ აშშ დოლარის ინვესტიცია განახორციელეს კრიპტოპროდუქტებში. Bitcoin0ის ფონდებში თანხების შემოდინებამ ამ პერიოდში მიაღწია AUM-ის 3.4%-ს (30.78 მლრდ აშშ დოლარი). Matrixport-ის შეფასებით ანხების შემოდინება აშშ-ში დალისტულ ETF-ებში შეიძლება მერყეობდეს 24 მილიარდიდან 50 მლრდ აშშ დოლარამდე. https://tinyurl.com/yacs6x3v

NVIDIA-ს ფლაგმანურ გეიმინგ ვიდეო ბარათ GeForce RTX 4090-ის საშუალო ღირებულებამ მიაღწია 2000 დოლარს აშშ-ში და 2000 ევროს ევროპის მსხვილ საცალო ვაჭრობაში, აცხადებს VideoCardz. ფოტოს წყარო: VideoCardz მსხვილ ამერიკულ საცალო ქსელ BestBuy-ზე GeForce RTX 4090 სრულად გაიყიდა. რითეილერ MicroCenter-ს დარჩა ამაჩქარებლის შეზღუდული მარაგი. ამასთან, ვიდეო ბარათის ყიდვა ონლაინ არ შეიძლება - შესაძენად მაღაზიაში მისვლაა საჭირო. ეტალონურ ვერსია GeForce RTX 4090 Founders Edition-ის პოვნა არსადაა შესაძლებელი - აცხადებს VideoCardz. ამასთან, GeForce RTX 4090-ის ყველაზე დაბალფასიანი ვერსია 1999 აშშ დოლარად შემოთავაზებულია GameStop-ის ქსელში, რომელიც სპეციალიზებულია თამაშების და არა კომპიუტერული აღჭურვილობის გაყიდვაზე. ასეთ ფასად ფლაგმანის ყიდვა ასევე შესაძლებელია რითეილერ Newegg-ზე. ყველაზე ხელმისაწვდომი ვარიანტია MSI-ს წარმოების ვიდეო ბარათი თხევადი გაგრილების სისტემით. ვიდეო ბარათის მარაგი ძალიან მცირეა - ზოგ მაღაზიაში მხოლოდ თითო ცალია შემორჩენილი. ზოგიერთი რითეილერი მზადაა მომხმარებელს შესთავაზოს სხვადასხვა მწარმოებლის GeForce RTX 4090-ის მხოლოდ ერთი ან ორი ვარიანტი. ფოტოს წყარო: PCPartPicker პორტალ Hardware.info-ს მონაცემებით ევროპაში GeForce RTX 4090-ის საშუალო ფასი 2068 ევროა, რაც 16/9%-ით მეტია ერთი თვის წინანდელ ფასთან შედარებით. ამრიგად, ამაჩქარებელი შემოთავაზებულია ბოლო სარეკომენდაციო ფას 1829 ევროზე ბევრად ძვირად და თავდაპირველ 1949 ევროზე ძვირადაც კი, რომელიც გაყიდვების დაწყების წინ დაწესდა. მაისში ვიდეო ბარათის სარეკომენდაციო ფასი 1769 ევრომდე შემცირდა, ასევე ბევრმა მაღაზიამ ფასი 1700 ევრომდე და უფრო ქვემოთაც დაწია. ნოემბერში ამაჩქარებლის სარეკომენდაციო ფასი ევროპაში 1829 ევრომდე გაიზარდა, თუმცა მისი რეალური საშუალო ფასი მაღაზიებში 1950 ევროს შეადგენს. ქვემოთ მოცემულია ევროპაში GeForce RTX 4090-ის სარეკომენდაციო ფასის დინამიკა: 2022 წლის ოქტომბერი - 1949 ევრო; 2023 წლის თებერვალი - 1859 ევრო; 2023 წლის მარტი - 1819 ევრო; 2023 წლის მაისი - 1769 ევრო; 2023 წლის ოქტომბერი - 1799 ევრო; 2023 წლის ნოემბერი - 1829 ევრო. GeForce RTX 4090-ზე ფასების მკვეთრი ზრდის სავარაუდო მიზეზი არის ახალი საექსპორტო შეზღუდვები მაღალი წარმადობის გრაფიკული ამაჩქარებლების მიწოდებაზე, რომელიც შემოიღო აშშ-ის ხელისუფლებამ გარკვეულ ქვეყნებთან მიმართებაში, შეზღუდვებს შორის შედიოდა RTX 4090. NVIDIA-მ მნიშვნელოვნად გაზარდა GeForce RTX 4090 ვიდეო ბარათების მიწოდება ჩინეთში, ხოლო დეფიციტი განვითარდა სხვა რეგიონებში. თუმცა, 16 ნოემბრის მდგომარეობით, არც NVIDIA-ს და არც მის პარტნიორებს აღარ აქვთ უფლება მიაწოდონ ეს ვიდეო ბარათები ჩინეთს. ამის საფუძველზე VideoCardz მიიჩნევს, რომ RTX 4090-ის საფასო მდგომარეობა მომავალში უნდა დასტაბილურდეს, თუმცა არა იმ ბაზრებზე, სადაც მისი მიწოდება ოფიციალურად აიკრძალა. https://tinyurl.com/mvna5p5m

ბოლო დროს Google აქტიურად მუშაობს ხელოვნური ინტელექტის ჩატ-ბოტ Bard-ის გაუმჯობესებაზე. მისი უახლესი განახლება მოიცავს YouTube-ვიდეოს ანალიზის ფუნქციას, რომელიც მომხმარებლებს საშუალებას აძლევს მიიღონ კონკრეტული ინფორმაცია, მაგალითად ვიდეო-რეცეპტებიდან ვიდეოს ყურების გარეშე. ამ ინოვაციამ შეიძლება გააადვილოს მომხმარებლების ცხოვრება, მაგრამ ამავე დროს აჩენს შეშფოთებას გენერაციული ხელოვნური ინტელექტის გავლენის შესახებ კონტენტის შემქმნელების კრეატიულობისა და შემოსავლის მხრივ. ფოტოს წყარო: Google ახალი ფუნქციის გამოყენების მაგალითისთვის გამოიცადა ვიდეო „Espresso Martini“ კოქტეილის რეცეპტით America’s Test Kitchen არხიდან. Bard-მა წარმატებით შეკრიბა ვიდეოს მნიშვნელოვანი პუნქტები, მათ შორის კოქტეილის ზუსტი ინგრედიენტები და მომზადების ინსტრუქცია. თუმცა, დაფიქსირდა ზოგიერთი უზუსტობაც, მაგალითად, Bard-ის შემოთავაზება - სასმელის 30 წამის განმავლობაში შენჯღრევის შესახებ თავდაპირველ ვიდეოში არ იყო. Bard-ის ასეთი სახით გამოყენება კითხვებს ბადებს გენერაციული ხელოვნური ინტელექტის გავლენის შესახებ კონტენტ ინდუსტრიაზე. YouTube-ვიდეოები მათი ავტორების შემოსავლის წყაროა რეკლამით და დაკავშირებული ვიდეოების ნახვის მეშვეობით. ხელოვნური ინტელექტის ჩატ-ბოტის მეშვეობით ინფორმაციის მიღება ამ საფეხურს გვერდს უვლის, რაც პოტენციურად ამცირებს კონტენტის შემქმნელთა შემოსავალს. Bard-ს შეუძლია შეაჯამოს ვიდეოს ძირითადი პუნქტები და ზუსტად უპასუხოს კითხვებს ინგრედიენტების შესახებ (ფოტოს წყარო: The Verge) ეს ფუნქცია ამჟამად ხელმისაწვდომია მხოლოდ Google-ის ექსპერიმენტულ პროგრამა Labs-ის მეშვეობით და მოითხოვს გარკვეულ ძალისხმევას სასურველი ინფორმაციის მისაღებად. მაგალითად, „სრული რეცეპტის“ მოთხოვნისას Bard-მა ვერ შეძლო პასუხის გაცემა, მაგრამ „ნაბიჯ-ნაბიჯ ინსტრუქციების“ მოთხოვნამ სასურველი შედეგი გამოიღო. ხელოვნური ინტელექტის გამოყენების ასეთი ფუნქციები ჯერ კიდევ არ წარმოადგენს საფრთხეს YouTube-ზე კონტენტ მარკეტინგული სტრატეგიისთვის, მაგრამ შეიძლება ვივარაუდოთ, რომ მომავალში ასეთი ინსტრუმენტის პირდაპირ YouTube-ში ინტეგრირება ახალ გამოწვევებს შექმნის კონტენტის ავტორებისთვის. მნიშვნელოვანია, რომ გენერაციული ხელოვნური ინტელექტის შემქმნელმა კომპანიებმა, მათ შორის Google-მა, იპოვონ გზები, რათა დააბალანსონ ყველა მონაწილის ინტერესები, დეველოპერებიდან დაწყებული - კონტენტის შემქმნელებით დამთავრებული. https://tinyurl.com/3ss8nxzz

Binance დარჩება უმსხვილეს კრიპტო ბირჟებს შორის მომდევნო ორი-სამი წლის განმავლობაში, აშშ-ის სააგენტოებთან შეთანხმებები ხელსაყრელი შედეგია, მიუხედავად იმისა, რომ SEC არ არის ჩართული. ამ დასკვნამდე მივიდა Matrixport. ანალიტიკოსები აშშ-ის იუსტიციის სამინისტროსა და პლატფორმას შორის გარიგების შესახებ ინფორმაციას გამოეხმაურნენ. ექსპერტები გაოცებული დარჩნენ გადაწყვეტილების მიღების სისწრაფით FTX/SBF-ის საქმის დასრულების შემდეგ. რეგულირების ფარგლებში Binance "სრულად გავა" შეერთებული შტატებიდან და ასევე გადაუხდის 3.4 მლრდ აშშ დოლარს FinCEN-ს და 968 მლნ აშშ დოლარს - OFAC-ს. ამავდროულად, მისმა დამფუძნებელმა Changpeng Zhao-მ პირადად უნდა გადაიხადოს ჯარიმა 50 მლნ აშშ დოლარი. Zhao-მ თავი დამნაშავედ აღიარა საბანკო საიდუმლოების შესახებ კანონის დარღვევაში აშშ-ის იუსტიციის სამინისტროს ბრალდებების საპასუხოდ და დათანხმდა აღმასრულებელი დირექტორის თანამდებობიდან გადადგომას. სასამართლომ იგი 175 მლნ აშშ დოლარის გირაოს სანაცვლოდ გაათავისუფლა. განაჩენის გამოცხადება 2024 წლის 23 თებერვლისთვის არის ჩანიშნული. Zhao დათანხმდა უარი ეთქვა გასაჩივრებაზე, თუ სასჯელი არ აღემატებოდა 18 თვეს. სამომავლოდ იგი სამი წლის განმავლობაში ვერ შეძლებს ბიზნესის მართვას. Binance-ის ახალი ხელმძღვანელი იქნება რეგიონული ბაზრების ხელმძღვანელი რიჩარდ ტენგი. პრეს-კონფერენციაზე აშშ-ის გენერალურმა პროკურორმა მერიკ ჰარლანდმა ორგანიზაცია დაადანაშაულა იმაში, რომ ეწინააღმდეგებოდა ნორმატიულ აქტებს. საბანკო საიდუმლოების შესახებ აქტის დარღვევის გარდა მენეჯმენტმა აღიარა, რომ არ დარეგისტრირდა ფულის გადარიცხვის ოპერატორად და განზრახ დაარღვია საერთაშორისო საგანგებო ეკონომიკური უფლებამოსილების აქტი. ბირჟამ დაუშვა ტრანზაქციები სანქცირებულ სუბიექტებს შორის. კერძოდ, ირანში არსებულ მომხმარებლებთან პლატფორმის ბრუნვამ დაახლოებით 900 მლნ აშშ დოლარი შეადგინა. „ Zhao და სხვა აღმასრულებლები მიზანმიმართულად ცდილობდნენ აშშ-ის ბაზრიდან მოგების მიღებას კანონით მოთხოვნილი კონტროლის გამოყენების გარეშე. კრიმინალები მთელ მსოფლიოში იყენებდნენ Binance-ს“, - განაცხადა ოფიციალურმა წარმომადგენელმა. CFTC-ის ხელმძღვანელმა როსტინ ბენემმა აღნიშნა, რომ Zhao-ს მოუწევს სააგენტოსთვის 150 მლნ აშშ დოლარის ოდენობით ჯარიმის გადახდა. ყოფილი მთავარი სპეციალისტი სემუელ ლიმი დათანხმდა შემოთავაზებულ თანხმობის განკარგულებას მუდმივი აკრძალვის შესახებ, რომლის მიხედვითაც იგი ჯარიმის სახით გადაიხდის 1.5 მლნ აშშ დოლარს. აშშ-ის ფინანსთა მინისტრმა ჯანეტ იელენმა განაცხადა, რომ FinCEN, OFAC და IRS Binance-ის საქმიანობას სამი წლის განმავლობაში იძიებდნენ. „აღსრულებითი ქმედებები, რომლებსაც ხელისუფლება ახორციელებს ბირჟების წინააღმდეგ, არ არის მიმართული კრიპტო საქმიანობის შეჩერებისკენ, მაგრამ ისინი უნდა შეესაბამებოდეს კანონს“, - განმარტა მინისტრმა. Binance-ის ახალმა ხელმძღვანელმა რიჩარდ ტენგმა ხაზი გაუსვა პლატფორმის ბიზნესის ძლიერ საფუძვლებს. „კომპანია აგრძელებს მსოფლიოში უმსხვილესი კრიპტო ბირჟის ოპერირებას, ჩვენი კაპიტალის სტრუქტურა ვალების გარეშეა, ხოლო ჩვენი ხარჯები - მოკრძალებული. დაბალი საკომისიოს მიუხედავად [...] ჩვენ გვაქვს მაღალი შემოსავალი და მოგება“, - განმარტა მან. Matrixport-მა აღნიშნა, რომ აშშ-ის სააგენტოები არ ადანაშაულებენ პლატფორმას მომხმარებლის თანხების მითვისებასა და საბაზრო მანიპულირებაში. არ გამორიცხავენ, რომ მომავალში ორგანიზაციაზე ზეწოლა განხორციელდეს ისე, რომ მისი პერსონალი არ აღემატებოდეს 6 ათას თანამშრომელს. ექსპერტებმა აღნიშნეს კრიპტოვალუტის კრიტიკოსების კმაყოფილება დეპარტამენტების უახლესი ქმედებებით - მარტში ბანკების დახურვის გათვალისწინებით, რამაც ხელი შეუწყო ფიატის ციფრულ აქტივებში გადატანას. „შეიძლება იმის მტკიცება, რომ დარჩენილია რამდენიმე (სავარაუდო) ძირითადი მოთამაშე და როდესაც პირველი კრიპტოვალუტის ფასი ბოლო 24 საათის განმავლობაში მხოლოდ 3.4%-ით დაეცა, ბაზარი განიცდიდა რისკის შემცირების მნიშვნელოვან მოვლენას“, - განაცხადეს ექსპერტებმა. მათ მიაჩნიათ, რომ მომავალში სულ უფრო მეტი ბირჟა გააძლიერებს შესაბამისობის პროგრამებს და გახდებიან ერთობლივი ზედამხედველობის ხელშეკრულების ნაწილი, რომელიც მნიშვნელოვან როლს შეასრულებს შეერთებულ შტატებში Bitcoin ETF-ის დამტკიცებაში. ინდუსტრიის მდგომარეობის ანალიზი CEX-სა და DEX-ებს შორის ვაჭრობის მოცულობების შედარებიდან გადავა რეგულირებადი და არარეგულირებადი პლატფორმების აქტივობაზე. ექსპერტებმა აღნიშნეს, რომ გარიგებამ Bitcoin ETF-ის მოლოდინი 100%-მდე გააძლიერა. მათი შეფასებით თანხების შემოდინება აშშ-ში ლისტინგზე ნებისმიერ პროდუქტში შეიძლება შეადგენდეს 24 მილიარდიდან 50 მლრდ აშშ დოლარს. ინდუსტრიის „გათეთრება“ გააძლიერებს ინსტიტუციური მოთამაშეების მიერ ციფრული ოქროს მიღების საკითხს, მათ შორის, მის უსაფრთხო აქტივად აღქმას, აღნიშნეს ექსპერტებმა. ამ კონტექსტში ანალიტიკოსებმა გაიხსენეს FTX-ის გაყიდვისთვის მზადება, რომლის მომავალი მენეჯმენტი დაიცავს აშშ-ის ფასიანი ქაღალდების კანონებს. „ინსტიტუტები ჩნდება. ამერიკული სააგენტოების ყველა სააღსრულებო ქმედება ამ მიმართულებით გადადგმული ნაბიჯია. რამდენადაც მაკროეკონომიკური გარემო აგრძელებს ინსტიტუციური მოთხოვნილების უპირატესობას, 2024 წელი სავარაუდოდ იქნება კიდევ ერთი განსაცვიფრებელი წელი Bitcoin-ისთვის - Zhao შეიძლება დაბრუნდეს მომდევნო დათვური ბაზრის დროს 2026 წელს“, - დაასკვნა Matrixport-მა. 27 მარტს CFTC-მა სარჩელი შეიტანა Binance-ისა და Zhao-ს წინააღმდეგ არარეგისტრირებული დერივატივებით ვაჭრობის, სანქცირებული პირებისთვის სერვისების მიწოდების და ფულის გათეთრების საწინააღმდეგო რეგულაციების შეუსრულებლობის ბრალდებით. 5 ივნისს SEC-მა შეიტანა სარჩელი Binance-ისა და Zhao-ს წინააღმდეგ და წაუყენა ჯამში 13 ბრალდება, მათ შორის არარეგისტრირებული ფასიანი ქაღალდების გაყიდვა. 6 ივნისს მარეგულირებელმა საქმე აღძრა ბირჟის ამერიკული განყოფილების ციფრული აქტივების გაყინვის შესახებ. 9 ივნისს მომხმარებლებმა დაკარგეს დოლარის დეპონირების შესაძლებლობა, რამაც გამოიწვია გაყიდვები იმ მსურველთაგან, რომელთაც თანხების გატანა სურდათ ფიატში. ამ ფონზე პლატფორმაზე ჩამოყალიბდა დისკონტი Bitcoin-ის დოლართან წყვილებში - მაჩვენებელმა მიაღწია დაახლოებით 2200 აშშ დოლარს (7.3%). 17 ივნისს SEC-მა და Binance-მა გააფორმეს შეთანხმება მომხმარებელთა თანხების შესახებ აშშ-ში. ბირჟამ განაახლა აქტივების გატანის პროცესი, მაგრამ კომპანიამ მომხმარებლები გააფრთხილა, რომ სიტუაცია შეიძლება შეცვლილიყო. https://tinyurl.com/3yes4j43

უახლესი მაღალი წარმადობის პროცესორი Ryzen Threadripper PRO 7995WX რეკორდებს ამყარებს სხვადასხვა ბენჩმარკზე. ოვერქლოქერებმა შეძლეს 6-გიგაჰერციანი ბარიერის გადალახვა 96-ვე ბირთვზე, რამაც ჩიპს Cinebench R23-ზე მრავალნაკადიანი წარმადობის ახალი რეკორდის დამყარების საშუალება მისცა. ფოტოს წყარო: VideoCardz AMD-მ მისი მაღალი წარმადობის Ryzen Threadripper 7000 სერიის სამუშაო სადგურის პროცესორების მიმოხილვების გამოქვეყნება ახლახანს დაუშვა, თუმცა მთელი მსოფლიოს ოვერქლოქერები უკვე ერთი თვეა ამ სერიის პროცესორების მეშვეობით რეკორდების დამყარებაში ერთმანეთს კონკურეციას უწევენ. ფოტოს წყარო: HWBOT ენთუზიასტების სასურველი არჩევანია ფლაგმანური 96-ბირთვიანი Ryzen Threadripper PRO 7995WX. ამ პროცესორის აჩქარება უკვე მოხდა ჰაერით, თხევადი გაგრილებით, თხევადი აზოტით და ყოველ ჯერზე იზრდებოდა მისი სიჩქარე. HWBOT-ის მონაცემთა ბაზის მიხედვით, რომელიც სხვადასხვა აჩქარებისა და წარმადობის ჩანაწერებს აქვეყნებს, Ryzen Threadripper PRO 7995WX, რომელიც ოვერქლოქერების სხვადასხვა გუნდის მიერ იქნა აჩქარებული, შემდეგ შედეგებს აფიქსირებს Cinebench R23-ზე მრავალნაკადიან ტესტებში: 118 642 ქულა ჰაერით გაგრილებისას; 148 053 ქულა თხევადი გაგრილების სისტემის გამოყენებისას; 177 050 ქულა თხევადი აზოტის გამოყენებისას. AMD-მ 10 ოქტომბერს თავის მიერ ჩატარებული ექსპერიმენტების შედეგებიც გამოაქვეყნა; აჩქარებულმა Ryzen Threadripper PRO 7995WX-მა 184028 ქულა დააფიქსირა. წარმადობის ახალი რეკორდი ახლახანს მიწეულ იქნა გუნდის მიერ, რომლებშიც შედიოდნენ Elmor, der8auer და Shamino. მათი შედეგია 201501 ქულა Cinebench R23-ის მრავალნაკადიან ტესტში. ეს შედეგი 52%-ით აღემატება Intel-ის 56-ბირთვიან აჩქარებულ Xeon W9-3495X-ს. ამასთან Ryzen Threadripper Pro 7995WX-ის ენერგომოხმარება რეკორდის დამყარების დროს თითქმის 1600 ვატს შეადგენდა. შედარებისთვის, Xeon W9-3495X აჩქარებისას მოიხმარდა 1880 ვატს. თუმცა, Elmor-ის გუნდი მოწინავე ადგილზე დიდხანს არ გაჩერებულა. მათი ტესტიდან რამდენიმე საათის შემდეგ ამერიკელმა ენთუზიასტმა SEBY9123-მა გამოაქვეყნა მონაცემები ჩიპის 6039 მჰც-მდე აჩქარების შესახებ: Cinebench R23-ის მრავალნაკადიან ტესტში მიაღწია 202582 ქულას. შემდეგ კი სამხრეთკორეელმა ოვერქლოქერმა safedisk-მა პროცესორის სიხშირე 6250 მჰც-მდე გაზარდა, რის შედეგად Cinebench R23-ზე მიაღწია 210702 ქულას. https://tinyurl.com/mvcm3kzf

MediaTek-მა დააანონსა ერთკრისტალიანი პლატფორმა Dimensity 8300, რომელიც განკუთვნილია ფლაგმანური სმარტფონებისთვის. მასში წარმოდგენილია მაღალი წარმადობის ცენტრალური პროცესორი და მძლავრი გრაფიკული პროცესორი, ამაჩქარებელი ხელოვნური ინტელექტის ალგორითმებისთვის, აგრეთვე თანამედროვე სწრაფი მეხსიერების და აქტუალური უსადენო პროტოკოლების მხარდაჭერა. ამასთან ახალი პროცესორი გაზრდილი ენერგოეფექტურობით გამოირჩევა. ფოტოს წყარო: mediatek.com MediaTek Dimensity 8300-ს აქვს 8-ბირთვიანი პროცესორი უახლეს არქიტექტურა Arm v9-ზე დამყარებული ოთხი Arm Cortex-A715 და ოთხი Cortex-A510 ბირთვით - წინა თაობის ჩიპთან შედარებით წარმადობა გაიზარდა 20%-ით, ენერგოეფექტურობა - 30%-ით. განახლებულ გრაფიკულ პროცესორ Mali-G615 MC6-ის წარმადობა 60%-ით, ხოლო ენერგოეფექტურობა 55%-ით მეტია წინამორბედთან შედარებით. მხარდაჭერილია LPDDR5x ოპერატიული მეხსიერება 8533 მბ/წამამდე სიჩქარით და UFS4.0 MCQ, რომლებიც შესაბამისად 33% და 100%-ით უფრო სწრაფია გასული თაობის მობილურ პროცესორთან შედარებით - აცხადებს MediaTek. Dimensity 8300-ის უმნიშვნელოვანესი სიახლეა ინტეგრირებული ხელოვნური ინტელექტის ამაჩქარებელი APU 780, რომელსაც აქვს Stable Diffusion ტიპის მოდელების და 10 მილიარდამდე პარამეტრის მქონე დიდი ენობრივი მოდელების მხარდაჭერა. ამაჩქარებლის წარმადობა 3.3-ჯერ მეტია Dimensity 8200-თან შედარებით. ხელმისაწვდომია 14-ბიტიანი გამოსახულების დამუშავების პროცესორი MediaTek HDR-ISP Imagiq 980, რომელიც 4K-ვიდეოს 60 კადრი წამში სიჩქარით გადაღების საშუალებას იძლევა და აქვს HDR-ის მხარდაჭერა. თამაშებში მაღალი წარმადობა არ ნიშნავს იმას, რომ ბატარეა სწრაფად განიმუხტება: ტექნოლოგია MediaTek HyperEngine ახდენს პლატფორმის გამომთვლელი რესურსების ოპტიმიზაციას და გააკონტროლებს ენერგიის ხარჯვას. შედეგად სმარტფონი არ გადახურდება, წარმადობა შენარჩუნდება მაღალ დონეზე, ბატარეა დააფიქსირებს ავტონომიური მუშაობის ხანგრძლივ დროს, ხოლო მომხმარებელი მიიღებს კადრის განახლების მაღალ სიხშირეს, დაბალ შეყოვნებას და ეკრანზე დინამიურ მოძრაობას. ინტეგრირებული 5G-მოდემი აკმაყოფილებს 3GPP Release-16 სტანდარტის მოთხოვნებს, რომელიც მიმართულია ქსელის სტაბილური მუშაობისკენ სუსტი სიგნალის პირობებში - რესურსების ოპტიმიზაცია ხელს უწყობს კავშირის სიჩქარისა და დიაპაზონის გაზრდას 6 გჰც-მდე დიაპაზონში; შემომავალ არხზე მაქსიმალური სიჩქარე აღწევს 5.17 გბ/წმ-ს. MediaTek 5G UltraSave 3.0+ ტექნოლოგია ხელს უწყობს ენერგომოხმარების შემცირებას 20%-ით წინა თაობის ჩიპთან შედარებით. მხარდაჭერილია Wi-Fi 6E სტანდარტი 160 მჰც დიაპაზონით და ჰიბრიდული პარალელური კავშირი Wi-Fi-ს და Bluetooth-ის ფორმატით, რაც უზრუნველყოფს შეუფერხებელ ურთიერთკავშირს ყურსასმენს, უსადენო გეიმპადებს და სხვა პერიფერიულ მოწყობილობებს შორის. https://tinyurl.com/ynnw9pnj

საგადახდო გიგანტი Mastercard შეთანხმდა regtech-პლტფორმა Feedzai-სთან, რათა თავისი ინსტრუმენტები ბანკებზე ორიენტირებულ პროდუქტ CipherTrace Armade-ში გააერთიანოს - წერს CNBC. CipherTrace Armade აკონტროლებს 6 ათასი კრიპტოპლატფორმის ტრანზაქციებს AML-პროცედურების შესრულებისა და სკამთან ბრძოლის მიზნით. Feedzai ხელოვნური ინტელექტის გამოყენებით საშუალებას იძლევა რეალურ დროში გასცეს გაფრთხილება საეჭვო კრიპტოტრანზაქციების შესახებ და დაბლოკოს ისინი „ნანოწამებში“. კომპანია ფლობს ასამდე პატენტს და ტექნოლოგიების დასაცავად მათ რაოდენობას წელიწადში საშუალოდ 10-ით ზრდის. Feedzai-ს აღმასრულებელმა დირექტორმა და თანამფუძნებელმა ნუნო სებასტიომ განაცხადა, რომ ალგორითმები ხელს უწყობს თაღლითური ანგარიშების იდენტიფიცირებას, რომლებიც გამოიყენება უკანონოდ მოპოვებული თანხების გასათეთრებლად. კომპანიის ინფორმაციით ასეთი ტრანზაქციების დაახლოებით 40% პირდაპირ საბანკო ანგარიშიდან ბირჟაზეა გატანილი. გასული წლის განმავლობაში პლატფორმამ შეამოწმა 1.7 ტრლნ აშშ დოლარზე მეტი ღირებულებების ტრანზაქციები. „ბევრი მაგალითი არსებობს, როდესაც ბანკები უკანონო ტრანზაქციების თავიდან ასაცილებლად ბლოკავენ ფართოდ აღიარებულ და რეგულირებულ ორგანიზაციებს და დანარჩენს უშვებენ“ - განმარტა სებასტიომ. სააგენტოს ცნობით Mastercard-ის პარტნიორობა ნიშნავს საგადახდო გიგანტის ბაზარზე შესვლას ციფრული აქტივების ლეგიტიმაციის მიზნით, რომლებიც შეიძლება დაექვემდებაროს იმავე წესებს და ნორმატიულ ჩარჩოებს, რასაც TradFi. „მონაცემები აჩვენებს, რომ თაღლითობა ტრანზაქციებში, სადაც ადამიანები ყიდულობენ კრიპტოვალუტას, ხუთჯერ აღემატება იმ ტრანზაქციებს, სადაც მხოლოდ ფიატი გამოიყენება“ - განაცხადა Mastercard-ის კიბერუსაფრთხოების სფეროს გადაწყვეტილებების პრეზიდენტმა აჯა ბჰალამ. ტოპ-მენეჯერის თქმით Feedzai-სთან პარტნიორობა ფინანსურ ინსტიტუტებს საშუალებას მისცემს განასხვაონ „კარგი ტრანზაქციები ცუდისგან“. შეგახსენებთ, რომ 2022 წლის ოქტომბერში Мastercard-მა დააანონსა ინსტრუმენტი Crypto Secure. იგი ბანკებს საშუალებას აძლევს დაადგინონ და შეაჩერონ ტრანზაქციები კრიპტობირჟებზე, რომლებსაც ჰქონდათ დადასტურებული თაღლითობის პრაქტიკა. 2023 წელს საგადახდო კომპანიის ციფრული ტექნოლოგიების დირექტორმა იორნ ლამბერტმა განაცხადა, რომ აუცილებელია ბლოკჩეინისა და TradFi-ს გაერთიანება. ამას წინ უძღოდა გეგმების გამოვლენა, რომ კომპანია გახდეს შეამავალი ტრადიციული ფინანსური ინსტიტუტებისთვის კრიპტოვალუტებით ვაჭრობის დასაწყებად. https://tinyurl.com/bdecktmw

Microsoft, როგორც OpenAI-ის უმსხვილესი ინვესტორი, დაინტერესებულია ამ სტარტაპის სტაბილური განვითარებით, რომელმაც მსოფლიოს გენერაციული ხელოვნური ინტელექტის პოპულარული სისტემა ChatGPT წარუდგინა. OpenAI-ის დირექტორთა საბჭომ ვერ შეძლო ყოფილ გენერალურ დირექტორ სემ ალტმანთან მოლაპარაკება, რომ იგი დაბრუნებულიყო თავის მიერ დაარსებულ კომპანიაში, ამიტომ ალტმანმა და OpenAI-ის სხვა თანამშრომლებმა სამუშაოდ Microsoft-ს მიმართეს. ფოტოს წყარო: OpenAI Microsoft-ის ხელმძღვანელმა Satya Nadella-მ, რომელიც სემ ალტმანს პირად მხარდაჭერას არაერთგზის უცხადებდა, განაცხადა, რომ Microsoft-ის კოლექტივს შეუერთდება არა მარტო ალტმანი და დირექტორთა საბჭოს ყოფილი თავმჯდომარე Greg Brockman, არამედ ასევე სტარტაპის მთელი რიგი სხვა თანამშრომლები, რომლებმაც კომპანია ყოფილი ლიდერის წასვლის კვალად დატოვეს. „ჩვენ შევეცდებით ისინი უზრუნველვყოთ ყველაფერი აუცილებლით, რაც საჭიროა მათი წარმატებული მუშაობისთვის“ - განაცხადა Microsoft-ის ხელმძღვანელმა. OpenAI-ს ყოფილი თანამშრომლები შევლენ Microsoft-ის ახლად ჩამოყალიბებულ ქვეგაყოფილებაში, რომელიც დაკავდება მოწინავე კვლევით ხელოვნური ინტელექტის სფეროში. შეგახსენებთ, რომ OpenAI-ს დირექტორთა საბჭოს მოლაპარაკებებმა სემ ალტმანსა და გრეგ ბროკმანთან ვერ უზრუნველყო მათი სტარტაპში დაბრუნება მიუხედავად ტექნიკურ დირექტორ Mira Murati-ს სურვილისა - აღედგინა სტატუს კვო. დირექტორთა საბჭომ იგი დროებით ჩამოაშორა უფლებამოსილებას და ამ პოსტზე Twitch-ის ყოფილი ხელმძღვანელი Emmett Shear დანიშნა. ამასთან Microsoft-მა გადაწყვიტა, რომ კვლავ ითანამშრომლებს OpenAI-სთან ხელმძღვანელის ცვლილების და დამფუძნებლების კორპორაციაში გადასვლის მიუხედავად. „მოუთმენლად ველით ემეტ შირთან და OpenAI-ს ახლ ხელმძღვანელობასთან გაცნობის შესაძლებლობას, და მათთან მუშაობის დაწყებას“ - განაცხადა Microsoft-ის ხელმძღვანელმა. OpenAI-სთან ერთობლივ პროექტებში მომხმარებლების და პარტნიორების მხარდაჭერა სრულფასოვნად გაგრძელდება. ჯერჯერობით რთულია თქმა, OpenAI-ს ყოფილი თანამშრომლები მიიღებენ თუ არა აუცილებელ რესურსებს, რათა შექმნან NVIDIA-ს კონკურენტი გამოთვლების ამაჩქარებლები, თუმცა Microsoft ამ დრომდეც ავლენდა მზადყოფნას - შეექმნა საკუთარი პროცესორები ქლაუდ სისტემა Azure-სთვის. შესაძლოა, ალტმანის და მისი თანაგუნდელების მუშაობა ამ მიმართულებით უფრო სწრაფად წავიდეს წინ. https://tinyurl.com/4j88z888

ინფორმატორ YuuKi-AnS-ის მიერ გაზიარდა დეტალები Intel-ის სამომავლო პროცესორების შესახებ, რომელთა სამუშაო სახელწოდებაა Lunar Lake MX. ამ ჩიპების ენერგომოხმარება 8-დან 30 ვატამდეა და, როგორც მოსალოდნელია, ისინი ჩაანაცვლებენ Meteor Lake-U სერიას, რომელთა ოფიციალური წარდგენა ჯერ არ შემდგარა. ფოტოს წყარო: X / YuuKi_AnS არსებული ცნობების თანახმად Lunar Lake პროცესორების არქიტექტურა შემუშავდა კომპანია Microsoft-თან ერთად პროგრამული და აპარატული უზრუნველყოფის ენერგოეფექტური ინტეგრაციისთვის. ჩიპების შემადგენლობაში გამოყენებული იქნება ახალი თაობის ხელოვნური ინტელექტის პროცესორი NPU (Neural Processing Unit), აგრეთვე ინტეგრირებული გრაფიკა Xe2-LPG არქიტექტურით. მოსალოდნელია, რომ Lunar Lake იქნება პროცესორების პირველი სერია, რომელშიც გამოყენებული იქნება გრაფიკა Arc Battlemage-ის ენერგოეფექტური ვერსია. კერძოდ, მონაცემები მიუთითებს, რომ Core 7 სერიის პროცესორებს ექნება რვამდე Xe2 გრაფიკული ბირთვი. Lunar Lake პროცესორების გრაფიკულ არქიტექტურაში გამოყენებული იქნება 64 ვექტორული ძრავი. ახალი თაობის პროცესორების ინტეგრირებულ გრაფიკაში მხარდაჭერილი იქნება ტექნოლოგია Systolic AI, „სუპერმასშტაბირება“, აგრეთვე რეითრეისინგი რეალურ დროში. აგრეთვე ცნობილია, რომ Lunar Lake MX-ის გრაფიკაზე მხარდაჭერილი იქნება DisplayPort 1.4, HDMI 2.1, eDP 1.4, eDP 1.5 და ვიდეოს კოდირების აპარატული მხარდაჭერა VVC/H.266. Lunar Lake-ის ინტეგრირებული გრაფიკის კიდევ ერთი მნიშვნელოვანი მახასიათებელია 16 ან 32 გბ ვიდეომეხსიერება. Intel გეგმავს გამოუშვას გამომთვლელი და გრაფიკული ბირთვების მქონე კონფიგურაციის მინიმუმ ოთხი ვარიანტი Lunar Lake სერიაში. პროცესორების გამომთვლელი არქიტექტურა შემდგარი იქნება მაღალი წარმადობის P-ბირთვების - Lion Cove-ისა და ენერგოეფექტური E-ბირთვების - Skymont-ის კომბინაციისგან. მნიშვნელოვანია ისიც, რომ გამომთვლელი ბირთვების კრისტალი იწარმოება TSMC-ის 3-ნანომეტრიანი N3B ტექნოპროცესით. მოსალოდნელია, რომ Lunar Lake MX სერიაში შევა შემდეგი კონფიგურაციები: Core 7 32 გბ მეხსიერებით - 4 P-ბირთვი + 4 E-ბირთვი + 8 გრაფიკული ბირთვი Xe2-LPG; Core 7 16 გბ მეხსიერებით - 4 P- + 4 E-ბირთვი + 8 გრაფიკული ბირთვი Xe2-LPG; Core 5 32 გბ მეხსიერებით - 4 P-ბირთვი + 4 E-ბირთვი + 7 გრაფიკული ბირთვი Xe2-LPG; Core 5 16 გბ მეხსიერებით - 4 P-ბირთვი + 4 E-ბირთვი + 7 გრაფიკული ბირთვი Xe2-LPG. ამჟამად არსებული მონაცემებით Lunar Lake MX პროცესორებს ექნება ორარხიანი ჩიპში ინტეგრირებული ოპერატიული მეხსიერების მხარდაჭერა. პროცესორში მეხსიერების ინტეგრირება Intel-ს ხელს შეუწყობს დაზოგოს ენერგომოხმარება ჯამში ყველა პლატფორმაზე, აგრეთვე ეს მიდგომა გამოიწვევს სასიგნალო არხების რაოდენობის შემცირებას დედა დაფებზე. ასევე დაიზოგება ადგილი დაფაზე (დაახლოებით 100-250 მმ2-ით). Lunar Lake MX პროცესორების შეფუთვის ზომაა 27.5 × 27 მმ. პროცესორის შემადგენლობაში გამოყენებული იქნება სამი ჩიპლეტი: CPU, GPU, აგრეთვე ცალკეული SoC. კრისტალზე ჩიპლეტები გაერთიანდება ტექნოლოგია Foveros-ით. Lunar Lake MX პროცესორებზე მხარდაჭერილი იქნება ინტერფეისები PCIe 5.0 x4 და PCIe 4.0 x4, Thunderbolt 4 და სამი USB4. გარდა ამისა, მითითებულია Wi-Fi 7 და Bluetooth 5.4 პროტოკოლების მხარდაჭერა, რომელთა მუშაობას უზრუნველყოფს ქსელის ბარათი BE201 ინტერფეისით CNVio3. გამოქვეყნებულ სლაიდებზე ჩანს, რომ 8 ვატი ენერგომოხმარების მქონე Lunar Lake MX ჩიპების გამოყენება შესაძლებელი იქნება აქტიური გაგრილების გარეშე, ხოლო 17-30 ვატი ენერგომოხმარების პროცესორებთან საჭირო იქნება ლეპტოპის შემდგენლობაში აქტიური გაგრილების სისტემის გამოყენება. ასევე აღინიშნება, რომ ინტეგრირებული გრაფიკა Arc Xe2-LPG 12 ვატი TDP-ის დონით შეძლებს უზრუნველყოს 2.5 Tflops დონის წარმადობა ერთეული სიზუსტის ოპერაციებში, რაც ჩიპ Apple M1-ში არსებული გრაფიკის ეკვივალენტურია. ამავე დროს, სამომავლო პროცესორების წარმადობის მაქსიმალური მაჩვენებელია 3.8 Tflops, რაც ნაკლებია Apple M2 ჩიპის შესაძლებლობასთან შედარებით. დიდი აქცენტი ენერგოეფექტურ ტექნოლოგიებსა და Meteor Lake-თან შედარებით პოტენციურად უფრო მძლავრ ინტეგრირებულ გრაფიკაზე იძლევა ვარაუდის საფუძველს, რომ Lunar Lake MX აგრეთვე შესაძლოა გამოყენებულ იქნას ახალი თაობის პორტატულ გეიმინგ კონსოლებში. Intel Lunar Lake MX პროცესორების ოფიციალური ანონსი და დებიუტი მოსალოდნელია 2024 წელს. https://tinyurl.com/47mc8z8

კრიპტოვალუტების საინვესტიციო პროდუქტებში თანხების შემოდინებამ 11 ნოემბრიდან 17 ნოემბრის ჩათვლით შეადგინა 175.6 მლნ აშშ დოლარი, ბოლო რვა კვირის განმავლობაში ინვესტორებმა ჯამში 1.32 მლრდ აშშ დოლარის ინვესტიცია განახორციელეს CoinShares-ის ანგარიშის მიხედვით. ”ტემპი მნიშვნელოვნად დაბალია 2021 და 2020 წლებთან შედარებით, როდესაც მაჩვენებელი შეადგენდა 10.7 მლრდ და 6.6 მლრდ აშშ დოლარს, შესაბამისად,” - გამოთვალეს სპეციალისტებმა. წყარო: CoinShares. Crypto ETP-ის სავაჭრო მოცულობა გაორმაგდა 3 მლრდ აშშ დოლარამდე. Bitcoin-თან დაკავშირებულ პროდუქტებში 154.7 მლნ აშშ დოლარის ინვესტიცია განხორციელდა, წინა პერიოდში კი ეს თანხა 240 მლნ აშშ დოლარი იყო, ბოლო რვა კვირის განმავლობაში შემოდინებამ მიაღწია AUM-ის 3.4%-ს (30.78 მლრდ აშშ დოლარი). სტრუქტურებიდან, რომლებიც პირველ კრიპტოვალუტაზე მოკლევადიანი პოზიციების გახსნის საშუალებას იძლევა, მმართველი კომპანიების მომხმარებლებმა გაიტანეს 8.5 მლნ აშშ დოლარი. ერთი კვირით ადრე იგივე მაჩვენებელი 7 მლნ აშშ დოლარს შეადგენდა. ანალიტიკოსები ტენდენციების გაგრძელებას უკავშირებენ SEC-ის მხრიდან Spot Bitcoin ETF-ის დამტკიცების მოლოდინებს. Ethereum-ის ფონდებმა მოიზიდა 3.3 მლნ აშშ დოლარი. წინა საანგარიშო პერიოდის მაქსიმუმი 49.1 მლნ აშშ დოლარი იყო. კვლავ გამოირჩეოდა Solana-ზე დამყარებული ინსტრუმენტები 13.6 მლნ აშშ დოლარიანი მაჩვენებლით - ერთი კვირით ადრე ეს მაჩვენებელი 12.4 მლნ აშშ დოლარი იყო. წყარო: CoinShares. მანამდე K33Research ანალიტიკოსებმა დააფიქსირეს Bitcoin-ის პროდუქტებში აქტივების რეკორდული რაოდენობა (204.170 BTC). შეგახსენებთ, რომ Matrixport-მა 2023 წელს პირველი კრიპტოვალუტის ფასის 40 000-45 000 აშშ დოლარამდე ზრდა ივარაუდა. https://tinyurl.com/3eab6ana

მაღალი წარმადობის გამოთვლების განვითარება დღესდღეობით დამოკიდებული გახდა სპეციალიზებული ამაჩქარებლების მწარმოებლების შესაძლებლობაზე - გამოიყენონ ბაზარზე არსებული მეხსიერების უსწრაფესი ტიპები. ზოგიერთი ცნობით, SK hynix და NVIDIA უკვე მუშაობენ HBM4 ჩიპების უშუალოდ გრაფიკულ პროცესორში ინტეგრირებაზე. ფოტოს წყარო: SK hynix რა თქმა უნდა, ასეთ პროცესორს, როგორც წესი, "გრაფიკულს" უწოდებენ მხოლოდ ინერციით, რადგან NVIDIA-მ დიდი ხანია გაყო თავისი პროდუქციის ხაზები გამოთვლების დაჩქარებისა და გრაფიკასთან მუშაობის მიმართულების მხრივ. HBM მეხსიერების გამოყენება გახდა NVIDIA-ს პირველი ტიპის პროდუქტების ატრიბუტი. ბრენდის ამაჩქარებლების ამჟამინდელი ასორტიმენტის შემთხვევაში სამხრეთკორეული SK hynix თავდაპირველად HBM3 მეხსიერების ერთადერთი მომწოდებელი იყო, რადგან მხოლოდ მისი პროდუქტები აკმაყოფილებდა NVIDIA-ს მკაცრ მოთხოვნებს როგორც წარმადობის, ისე წარმოების პროცესში ინტეგრაციის შესაძლებლობის თვალსაზრისით. ახლა HBM3 და HBM3e ჩიპები ერთსა და იმავე ფირფიტაზეა განლაგებული გრაფიკული პროცესორის გვერდით, ამასთან თავად მეხსიერებას შეიძლება ჰქონდეს 12 სტეკი. როგორც Tom's Hardware სამხრეთკორეულ მედიაზე დაყრდნობით აცხადებს, NVIDIA და SK hynix უკვე ავითარებენ ტექნოლოგიას HBM4 მეხსიერების ჩიპების უშუალოდ გრაფიკული პროცესორის კრისტალზე ინტეგრირებისთვის. ამ კომპონენტების ორი ტიპის ასეთი სიახლოვე მნიშვნელოვნად გაზრდის ინფორმაციის გაცვლის სიჩქარეს, მაგრამ დააწესებს განსაკუთრებულ მოთხოვნებს არა მხოლოდ წარმოების პროცესზე, არამედ კომპონენტების გაგრილებაზე. დიდი ალბათობით, SK hynix გადასცემს თავის HBM4 ჩიპებს TSMC-ს, რომელიც პარალელურად აწარმოებს NVIDIA-ს გრაფიკულ პროცესორებს, შემდეგ კი ტაივანელი კონტრაქტორი ამ ჩიპებს შუალედური ფირფიტის გამოყენების გარეშე „გააერთიანებს“. ეს ტექნოლოგია ბუნდოვნად მოგვაგონებს AMD Ryzen პროცესორების წარმოებას 3D V-Cache ტიპის მეხსიერებით, რომელიც ინტეგრირებულია უშუალოდ გამომთვლელი ბირთვების ჩიპზე. თუმცა HBM4 მეხსიერება იქნება ოდნავ ნელი, მაგრამ უფრო იაფი AMD-ის მიერ გამოყენებულ ქეშთან შედარებით და ამავდროულად უზრუნველყოფს გაცილებით დიდი მოცულობის მხარდაჭერას. HBM4 მეხსიერებამ უნდა გაზარდოს მეხსიერების სალტეს სიგანე 1024-დან 2048 ბიტამდე, რაც კიდევ უფრო ზრდის შუალედური ფირფიტის გამოყენებაზე უარის თქმის შესაძლებლობას, რადგან მისი დამზადება ძალიან ძვირი იქნება. მნიშვნელოვანი პრობლემა იქნება ასეთი კონსტრუქციის გაგრილება, რადგან მეხსიერების გარეშე გრაფიკული პროცესორები სულ უფრო ცხელი ხდება და HBM4 ჩიპებიც ინტენსიურად უნდა გაგრილდეს, ამასთან ორივე ტიპის კომპონენტი ერთმანეთზე იქნება განთავსებული. თანაც სერვერის სეგმენტში გაგრილების მოწინავე მეთოდების გამოყენება სითხის გამოყენებით ან მთელი ამაჩქარებლის დიელექტრიკულ სითხეში ჩაფლობა ამართლებს თავს ეკონომიკური მიზანშეწონილობისა და სირთულის თვალსაზრისით. არ არის გამორიცხული აგრეთვე, რომ HBM4 ჩიპები და მასთან დაკავშირებული გრაფიკული პროცესორები დამზადდეს ერთი და იგივე ტექნოპროცესის გამოყენებით თუ არა, მსგავსი ტექნოლოგიური სტანდარტების მიხედვით მაინც. ამ თვალსაზრისით წარმოების პროცესის მოთხოვნები თითქმის იდენტური გახდება როგორც ამაჩქარებლების ლოგიკური ნაწილის, ასევე მეხსიერებისთვის. https://tinyurl.com/2vfyjcs2

მიუხედავად იმისა, რომ Apple შერეული რეალობის ჰედსეტ Apple Vision Pro-ს გაყიდვების დაწყებას 2024 წლის დასაწყისში გეგმავს, Bloomberg-ის მიმომხილველი მარკ გურმანი თვლის, რომ ეს ცოტა მოგვიანებით მოხდება. Power On-ის უახლეს ნომერში მან თქვა, რომ მოწყობილობის დებიუტი "სადღაც მარტში" შედგება. ფოტოს წყარო: Apple გურმანის თქმით კომპანია ჯერ კიდევ ამზადებს მოწყობილობის სადისტრიბუციო გეგმებს და აგრძელებს საბოლოო ტესტირების ჩატარებას. Apple გეგმავს Vision Pro-ს გაყიდვების დაწყებას აშშ-ში, რის შემდეგაც ჰედსეტი ხელმისაწვდომი გახდება მსოფლიოს სხვა ქვეყნებში 2024 წელს. მოსალოდნელია, რომ მოწყობილობა ხელმისაწვდომი იქნება მხოლოდ Apple-ის საცალო მაღაზიებში ან კომპანიის ონლაინ მაღაზიაში შეკვეთით. შეუძლებელი იქნება Vision Pro-ს ყიდვა მესამე მხარის საცალო სავაჭრო პლატფორმიდან იმის გამო, რომ Apple გეგმავს გულდასმით მოახდინოს ახალი მოწყობილობის გამოშვების პროცესის ორგანიზება. საცალო მაღაზიებს ასევე დასჭირდებათ Vision Pro-ს სხვადასხვა კომპონენტის ადეკვატური მარაგი, როგორებიცაა დამჭერი ქამრები და ლინზები. გურმანის თქმით პროგრამული უზრუნველყოფის განვითარების გუნდები მზად არიან Vision Pro-ს იანვარში დებიუტისთვის. VisionOS-ის უახლესი ბეტა-ვერსია მოიცავს ვიდეოებს და პროდუქტის გაცნობის მასალებს, რომლებიც, როგორც წესი, ჩნდება პროგრამული უზრუნველყოფის განვითარების ციკლის ბოლოს. მიმდინარე iOS 17.2 ბეტა მოიცავს Vision Pro-ს სპეციფიკურ ფუნქციებს, როგორიცაა AirPlay Receiver აპლიკაცია და 3D სივრცითი ვიდეოს გადაღების შესაძლებლობა iPhone 15 Pro-ის გამოყენებით. Vision Pro-ს მომავალი წლის მარტში გამოშვებამდე, სავარაუდოდ, კომპანია გამართავს კიდევ ერთ ღონისძიებას, რათა მომხმარებლებს მიაწოდოს ახალი დეტალები ჰედსეტის შესახებ, მათ შორის ცნობები ზოგიერთი აპლიკაციისა და ფუნქციის ჩათვლით, რომლებიც ჯერ კიდევ არ იყო მზად გამოფენა WWDC-ზე ივნისში გამოსაჩენად. https://tinyurl.com/mrs3dhzj

Tether, რომელიც უშვებს ყველაზე პოპულარულ Stablecoin USDT-ს, გეგმავს 500 მლნ აშშ დოლარის ინვესტირებას პირველი კრიპტოვალუტის მოპოვებაში, აცხადებს Bloomberg. მომდევნო ექვსი თვის განმავლობაში თანხები გამოიყოფა მაინინგ საწარმოების შესაქმნელად და სხვა კომპანიებში წილების შესაძენად. „ჩვენ ვცდილობთ ვიყოთ Bitcoin-ის მაინინგ ეკოსისტემის ნაწილი. რაც შეეხება გაფართოებას, ახალი ქვესადგურების და სხვა ობიექტების მშენებლობას, ჩვენ ამას ძალიან სერიოზულად ვუყურებთ“, - განაცხადა Tether-ის გენერალურმა დირექტორმა პაოლო არდოინომ. მისი თქმით ფერმები უკვე იქმნება ურუგვაიში, პარაგვაიში და სალვადორში. თითოეული მათგანის სიმძლავრე 40-დან 70 მეგავატამდე მერყეობს. კომპანიის მიზანია მიაღწიოს პირველი კრიპტოვალუტის გლობალური ქსელის ჰეშრეითის 1%-ს. „1%-იანი საბაზრ წილი, სავარაუდოდ, Tether-ს Bitcoin-ის უმსხვილესი მაინერების ტოპ 20-ში შეიყვანს. კრიპტოვალუტის ეკოსისტემაში Tether-ის მნიშვნელობისა და მისი ფინანსური სიძლიერის გათვალისწინებით დროთა განმავლობაში ბაზრის წილი სავარაუდოდ გაფართოვდება საწყის მიზნის მიღმა,“ - განაცხადა კვლევით კომპანია MinerMetrics-ის ხელმძღვანელმა ჯარან მელერუდმა. მოგვიანებით არდოინომ აღნიშნა, რომ კომპანია აპირებს გაზარდოს საკუთარი წარმოების სიმძლავრე 120 მეგავატამდე მიმდინარე წლის ბოლომდე და 450 მეგავატამდე - 2025 წლის ბოლომდე. ამ მიზნების მისაღწევად უკვე 150 მლნ აშშ დოლარია გამოყოფილი. ტოპ მენეჯერმა განაცხადა, რომ Bitcoin-ის მაინინგის ოპერაციები უკვე მომგებიანია აქტივის გაძვირების გამო. აღჭურვილობა მოთავსებულია დიდ კონტეინერებში, რათა მათი სწრაფად გადატანა შესაძლებელი გახდეს ახალ ადგილას უფრო იაფი ელექტროენერგიის გამო. „როგორც კერძო კომპანიას, რომელიც გამოიმუშავებს უზარმაზარ ფულს თუნდაც დათვურ ბაზარზე, Tether-ს ცალსახად გააჩნია ფართომასშტაბიანი კონტრციკლური ინვესტიციების განხორციელების უნიკალური შესაძლებლობა“, - აღნიშნა მელერუდმა. ივნისში USDT-ის ემიტენტი მონაწილეობდა Volcano Energy-ის 1 მლრდ აშშ დოლარის Bitcoin-ის მაინინგ პროექტის დაფინანსების პირველ რაუნდში სალვადორში. ინიციატივა მიზნად ისახავს პირველი კრიპტოვალუტის მოპოვებას მზისა და ქარისგან განახლებადი ენერგიის გამოყენებით. Northern Data-მა Tether-თან გააფორმა ხელშეკრულება 575 მილიონი ევროს ოდენობის კრედიტის დაფინანსების შესახებ. კომპანია თანხებს გამოიყენებს Bitcoin-ის მაინინგის ოპერაციების მასშტაბირებისთვის თავის ბიზნეს Peak Mining-ის თხევადი გაგრილების ტექნოლოგიების მეშვეობით. https://tinyurl.com/2sz4tj8w

კორპორაცია Meta-მ დააანონსა Emu Video და Emu Edit - გენერაციულ ხელოვნურ ინტელექტზე დამყარებული ინსტრუმენტები კონტენტის რედაქტირებისა და შექმნისთვის. ორივე ნეიროქსელი, რომელიც ენის მოდელ Emu-ს ემყარება, ჯერ კიდევ ტესტირების ეტაპზეა. განცხადების თანახმად პროდუქტები უკვე აფიქსირებს პოტენციურ სარგებელს მხატვრებისთვის, ანიმატორებისთვის და სხვა შემოქმედებითი მიმართულების პროფესიონალებისთვის. Emu Video-ს შეუძლია შექმნას ვიდეო რგოლები შეყვანილი ტექსტისა და თანდართული სურათების საფუძველზე 512x512 ფორმატში 16 კადრი წამში სიხშირით. ნეიროქსელის სწავლება განხორციელდა „ფაქტორიზებული“ მიდგომის გამოყენებით, პროცესი ორ ეტაპად დაყო, რამაც საშუალება მისცა ინსტრუმენტს ეპასუხა სხვადასხვა შეყვანილ მონაცემზე. „პირველ რიგში [Emu Video] ქმნის სურათებს ტექსტური მოთხოვნის საფუძველზე და შემდეგ ქმნის ვიდეოს მისი და ტექსტის საფუძველზე. ეს „ფაქტორიზებული“ ან გენერაციის გაყოფის მიდგომა საშუალებას გვაძლევს ეფექტურად შევქმნათ მოდელები ვიდეოებისთვის“, - განმარტა Meta-მ. Emu Edit საშუალებას იძლევა წაშალოთ ან დაამატოთ ფონი ფოტოზე, შეასრულოთ ფერების გარდაქმნა და გეომეტრიის კონვერტაცია, აგრეთვე მხარდაჭერილია ლოკალური და გლობალური რედაქტირება. ხელოვნური ინტელექტის სწავლება ხორციელდება 10 მილიონი ნიმუშის მონაცემთა ნაკრებზე, რომელთაგან თითოეულს აქვს საწყისი სურათი და ამოცანის აღწერა, ასევე სამიზნე შედეგი. „მიუხედავად იმისა, რომ Emu Video, Emu Edit და მსგავსი ახალი ტექნოლოგიები, რა თქმა უნდა, ვერ ჩაანაცვლებენ პროფესიონალ ხელოვანებს, ისინი დაეხმარებიან ადამიანებს გამოხატონ საკუთარი თავი ახალი გზებით: დაწყებული არტ დირექტორისგან, რომელიც ახალი კონცეფციით ან ვიდეო რედაქტორით აცოცხლებს მათ უახლეს ვიდეოს - დამთავრებული საუკეთესო მეგობარით, რომელიც გააცოცხლებს დაბადების დღის უნიკალურ მილოცვას“, - აღნიშნეს კომპანიაში. ადრე Meta-მ წარადგინა ხელოვნური ინტელექტის ინსტრუმენტების ნაკრები ხმოვანი ასისტენტის, სხვადასხვა პიროვნების ნეიროქსელის, სმარტ სათვალისა და სტიკერების გენერატორის სახით. აგვისტოში კორპორაციამ დააანონსა ნეიროქსელი AudioCraft, რომელიც ტექსტურ აღწერილობებზე დაყრდნობით ქმნის ბგერებს და მუსიკას. https://tinyurl.com/3p5nfxep